12.3.2009   

MT

Il-Ġurnal Uffiċjali tal-Unjoni Ewropea

L 67/1

(1)

Wara investigazzjoni (“l-investigazzjoni oriġinali”), il-Kunsill, bir-Regolament (KE) Nru 1174/2005 (2), impona dazju antidumping definittiv fuq importazzjonijiet ta’ pallet trucks tal-idejn u l-partijiet essenzjali tagħhom (“HPT”) li joriġinaw fir-Repubblika tal-Poplu taċ-Ċina (“RPĊ”). Il-perjodu ta' investigazzjoni oriġinali kopra l-perjodu mill-1 ta' April 2003 sal-31 ta' Marzu 2004.

(2)

Permezz tar-Regolament (KE) Nru 684/2008 (3) il-Kunsill ikkjarifika l-firxa tal-prodott tal-investigazzjoni oriġinali.

(3)

Din ir-reviżjoni interim parzjali tnediet abbażi ta’ talba li tressqet, u l-informazzjoni pprovduta, minn Yale (Hangzhou) Industrial Products Co. Ltd. (“Yale”), esportatur mir-RPĊ. L-informazzjoni indikat li ċ-ċirkostanzi li abbażi tagħhom il-miżuri ġew stabbiliti fir-rigward tal-Yale inbidlu u li dawn il-bidliet huma ta’ natura permanenti. B’mod partikolari Yale pprovda evidenza prima facie li wriet li tilħaq il-kriterji għal trattament tal-ekonomija tas-suq u li tqabbil ta' valur normali bbażat fuq l-ispejjeż tagħha stess u l-prezzijiet ta' esportazzjoni lill-Komunità għandu jwassal għal marġini ta’ dumping ħafna inqas mil-livell attwali tal-miżuri. Għalhekk, l-issoktar tal-impożizzjoni ta' miżuri fil-livelli eżistenti, li kienu msejsa fuq il-livell tad-dumping li kien stabbilit qabel, jidher li mhux aktar meħtieġ biex jikkumpensa għad-dumping.

(4)

Wara li ġie stabbilit, wara konsultazzjoni mal-Kumitat Konsultattiv, li hemm biżżejjed provi prima facie li jiġġustifikaw it-tnedija ta’ reviżjoni interim parzjali, il-Kummissjoni, b’avviż ippubblikat f’Il-Ġurnal Uffiċjali tal-Unjoni Ewropea  (4), ħabbret il-bidu ta’ reviżjoni interim parzjali skont l-Artikolu 11(3) tar-Regolament bażiku, limitat għall-eżami ta’ dumping sa fejn jikkonċerna Yale.

(5)

L-investigazzjoni tad-dumping kopriet il-perjodu mill-1 ta’ Ottubru 2006 sat-30 ta’ Settembru 2007 (“il-perjodu tal-investigazzjoni tar-reviżjoni” jew “RIP”).

(6)

Il-Kummissjoni għarrfet uffiċjalment lil Yale, kif ukoll ir-rappreżentanti tar-RPĊ (“pajjiż ikkonċernat”), u l-Industrija Komunitarja, kif iddefinit fl-investigazzjoni oriġinali, tat-tnedija tar-reviżjoni. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta fil-limitu ta’ żmien stabbilit fl-avviż ta’ tnedija. Il-partijiet interessati kollha li gћamlu din it-talba u li wrew li kien hemm raġunijiet partikolari għaliex kellhom jinstemgħu, ingћataw seduta.

(7)

Il-Kummissjoni bagħtet kwestjonarji lil Yale, lill-produtturi tal-Industrija Komunitarja li kienu kkonċernati, lill-produtturi magħrufa tal-HPT fil-Kanada li ġiet magħżula bħala l-pajjiż analogu fl-investigazzjoni oriġinali u lill-produtturi magħrufa tal-HPT fl-Indja u l-Malaysia, li ssemmew waqt l-investigazzjoni oriġinali bħala pajjiżi analogi alternattivi. Il-Kummissjoni bagħtet ukoll formola tat-talba għat-trattament tal-ekonomija tas-suq (“TES”) lil Yale.

(8)

Yale u produttur ieħor mill-Industrija Komunitarja bagħtu xi risposti għall-kwestjonarji, kif ukoll kummenti u informazzjoni.

(9)

Il-Kummissjoni fittxet it-tagħrif kollu li hija kkunsidrat meħtieġ sabiex tistabbilixxi t-TES u d-dumping, analizzat it-tagħrif provdut u għamlet żjarat ta' verifika fis-siti tal-kumpaniji relatati:

(10)

Id-definizzjoni tal-prodott ikkonċernat tikkorrispondi ma' dik li ntużat fl-investigazzjoni oriġinali, kif ġie kkjarifikat bir-Regolament (KE) Nru 684/2008. Il-prodott ikkonċernat, huwa l-pallet trucks tal-idejn, li ma jaħdmux waħedhom, li jintużaw għat-trattar tal-materjali li normalment jitqiegħdu fuq il-pallets, u l-partijiet essenzjali tagħhom, jiġifieri xażi u ħajdroliks, li joriġinaw mir-RPĊ, u normalment iddikjarat fi ħdan il-kodiċi NM ex 8427 90 00 u ex 8431 20 00. Għall-għanijiet tar-Regolament li jimponi d-dazju anti dumping definittiv imsemmi taħt il-premessa (1), il-pallet trucks tal-idejn huma trakkijiet b’roti li jirfdu l-lifting fork arms għat-tqandil tal-pallets, iddisinjati biex jiġu mbuttati, miġbuda u mmexxija bl-idejn, fuq uċuħ lixxi, invelli u iebsa, minn operatur pedonali bl-użu ta’ laċċ artikulat. Il-pallet trucks tal-idejn huma ddisinjati biss biex jgħollu t-tagħbija, billi jippompjaw il-laċċ, sa għoli biżżejjed għall-ġarr u ma għandhom l-ebda funzjoni jew użu addizzjonali ieħor bħal, per eżempju, (i) biex iġorru u jerfgħu t-tagħbija biex ipoġġuha aktar fl-għoli jew jgħinu fil-ħżin tat-tagħbija (“highlifters”),(ii) biex jistivaw pallet wieħed fuq l-ieħor (“stackers”), (iii) biex jerfgħu t-tagħbija għal livell fejn isir ix-xogħol (“scissorlifts”) jew (iv) biex jerfgħu u jiżnu t-tagħbija (“weighing trucks”).

(11)

Ir-reviżjoni attwali wriet li l-HPT prodotti fir-RPĊ minn Yale u mibjugħa fis-suq Ċiniż għandhom l-istess karatteristiċi fiżiċi basiċi u l-istess użi bħal dawk li huma esportati lill-Komunità. Għalhekk, dawn il-prodotti huma meqjusa li huma prodotti simili fis-sens tal-Artikolu 1(4) tar-Regolament bażiku.

(12)

Skont l-Artikolu 2(7)(b) tar-Regolament bażiku, f'investigazzjonijiet anti-dumping li jikkonċernaw importazzjonijiet li joriġinaw mir-RPĊ il-valur normali għandu jiġi ddeterminat skont il-paragrafi 1 sa 6 ta' dak l-Artikolu għal dawk il-produtturi esportaturi li jkunu wrew li jissodisfaw il-kriterji stabbiliti fl-Artikolu 2(7)(c) tar-Regolament bażiku, jiġifieri fejn jintwera minn dawn il-produtturi esportaturi li l-kundizzjonijiet ta' ekonomija tas-suq huma prevalenti fir-rigward tal-manifattura u l-bejgħ tal-prodott simili. Fil-qosor, u biss biex ir-referenza tkun eħfef, dawn il-kriterji huma ppreżentati fil-qosor hawn taħt:

(13)

Yale talab għal TES skont l-Artikolu 2(7)(b) tar-Regolament bażiku u wieġbu għall-formola tat-talba tat-TES gћall-produtturi esportaturi fiż-żmien stabbilit tal-iskadenzi.

(14)

Il-Kummissjoni fittxet l-informazzjoni kollha li qieset li kienet meħtieġa u vverifikat l-informazzjoni li tressqet fit-talba għall-MET fl-istabbilimenti tal-kumpaniji kkonċernati.

(15)

Yale ma wrietx li ssodisfat il-kriterji kollha msemmija fl-Artikolu 2(7)(c) tar-Regolament bażiku. Il-kumpanija ma ssodisfatx il-kriterji 1, u 2.

(16)

Rigward il-kriterju 1 kien stabbilit fuq il-post li l-Artikoli tal-Assoċjazzjoni (“AoA”) tal-kumpanija kellha restrizzjonijiet espliċiti tal-bejgħ domestiku, jiġifieri, il-kumpanja kienet obbligata li tbigħ 100 % tal-prodotti tagħha lis-swieq barranin. Yale argumentat li dawk ir-restrizzjonijiet qatt fil-fatt ma kellhom rwol minħabba fil-fatt li kellha xi ftit bejgħ domestiku minuri waqt l-RIP. Madankollu, il-kumpanija ma kinitx f’pożizzjoni li tippreżenta evidenza konkreta li turi li de facto u de jure ma kinitx suġġetta għar-restrizzjoni msemmija qabel stipulata mill-AoA tagħha. Barra minn hekk, l-evidenza tal-influwenza tal-Istat fuq id-deċiżjonijiet tal-kumpanija fir-rigward tal-bejgħ għall-esportazzjoni ġiet stabbilita fuq il-post. Kien żvelat li sa mill-2002 Yale qiegħda tibbenefika minn tnaqqis mit-taxxa ta’ 50 % fuq ir-rata tat-taxxa fuq id-dħul. Dan it-tnaqqis fit-taxxa ġej minn regoli ta’ implimentazzjoni rilevanti tal-liġi tat-taxxa fuq id-dħul għall-intrapriżi mal-investiment barrani u intrapriżi barranin. Ir-regoli jistipulaw li l-intrapriżi għall-esportazzjoni li jinvestu fihom il-barranin, bħal Yale, b’bejgħ għall-esportazzjoni li jammonta għal 70 % jew iktar mill-bejgħ totali għas-sena huma intitolati għal tnaqqis fit-taxxa ta' 50 % wara li jkun skada l-perjodu ta' tnaqqis tat-taxxa fuq id-dħul. Minn dan jidher li Yale ma tiħux id-deċiżjonijiet dwar in-negozju tagħha fir-rigward tal-bejgħ għall-esportazzjoni biss fid-dawl tas-sinjali tas-suq li jirriflettu l-provvista u d-domanda. Il-kumpanija hija suġġetta għal influwenza sinifikanti min-naħa tal-Istat li tikkonsisti fl-għoti ta' ċerti benefiċċji tat-taxxa fuq il-kundizzjoni espliċita li tieħu ċerti deċiżjonijiet tan-negozju fir-rigward tal-bejgħ tagħha kemm domestiku kif ukoll dak għall-esportazzjoni. Għaldaqstant, wara li tqies dak kollu msemmi hawn fuq, ġie konkluż li l-kumpanija ma wrietx li tissodisfa l-kriterju 1.

(17)

Fir-rigward tal-kriterju 2 kien stabbilit fuq il-post li l-prinċipji fundamentali tal-Istandards Internazzjonali tal-Kontabilità ġew injorati (jiġifieri l-prinċipju tad-dovuti, il-politiki tal-konverżjoni tar-rati ta’ kambju, in-nuqqas ta’ rappreżentazzjoni ġusta tal-pożizzjoni finanzjarja u l-użu tal-kontijiet imħejjija biss għall-għanijiet tal-investigazzjoni) kemm fil-kontijiet kif ukoll fil-verifika tagħhom, li tefa′ dubji fuq l-affidabilità tal-kontijiet tal-kumpanija. Għaldaqstant, ġie konkluż li l-kumpanija ma wrietx li tissodisfa l-kriterju 2.

(18)

Kemm Yale kif ukoll l-industrija Komunitarja ngħataw opportunità biex jikkummentaw dwar is-sejbiet li ssemmew hawn fuq. Ma saru l-ebda kummenti speċifiċi fir-rigward tas-sejbiet ta’ hawn fuq min-naħa ta’ Yale filwaqt li produttur wieħed tal-Industrija Komunitarja ressaq xi kummenti ġenerali.

(19)

Fuq il-bażi ta’ dak imsemmi hawn fuq, ġie konkluż li Yale ma wrietx li tissodisfa l-kriterji kollha stipulati fl-Artikolu 2(7)(c) tar-Regolament bażiku u, għalhekk, ma tistax tingħata MET.

(20)

Skont l-Artikolu 2(7)(a) tar-Regolament bażiku, dazju fuq skala nazzjonali, jekk jeżisti, għandu jkun stabbilit għal pajjiżi li jaqgħu taħt dak l-Artikolu, ħlief f'dawk il-każijiet fejn il-kumpaniji jkunu jistgħu juru li jissodisfaw il-kriterji kollha stipulati fl-Artikolu 9(5) tar-Regolament bażiku u għalhekk jistgħu jingħataw IT.

(21)

Yale talbet IT fil-każ li ma tingħatax MET.

(22)

Fuq il-bażi tal-informazzjoni disponibbli, ġie stabbilit li l-kumpanija ma ssodisfatx ir-rekwiżiti kollha kif ġie stabbilit fl-Artikolu 9(5) tar-Regolament bażiku. B’mod partikolari, kif ġie deskritt fid-dettal taħt il-premessa (16), ġie żvelat fil-verifika fuq il-post li l-kumpanija ma kinitx f’pożizzjoni li tiddetermina b'mod liberu l-kwantitajiet tal-esportazzjoni tagħha u l-kundizzjonijiet u t-termini tal-bejgħ. Tabilħaqq, kif ġie deskritt hawn fuq, id-deċiżjonijiet tal-kumpanija fir-rigward tal-bejgħ domestiku u għall-esportazzjoni kienu marbuta mar-restrizzjonijiet tal-bejgħ imposti min-naħa tal-Istat fl-AoA tal-kumpanija. B'hekk ġie konkluż li l-kumpanija ma setgħetx tingħata IT.

(23)

Kif ġie deskritt taħt il-premessi 18 u (22) hawn fuq, Yale ma ngħatat la MET u lanqas IT. Għalhekk, is-sitwazzjoni ta’ Yale ma nbidlitx fir-rigward tal-investigazzjoni oriġinali. F’dan ir-rigward, huwa mfakkar, kif ġie ddikjarat taħt il-premessa (4), li din ir-reviżjoni hija llimitata fil-firxa safejn jikkonċerna l-kumpanija Yale. Għalhekk, minħabba li la t-TES u lanqas l-IT ma ngħataw, ma jistax jiġi stabbilit marġini ta' dumping ġdid, kemm jekk ogħla kif ukoll jekk inqas minn dak eżistenti, għal Yale permezz ta' din ir-reviżjoni. Fl-aħħarnett, huwa importanti li wieħed jinnota li matul l-investigazzjoni oriġinali Yale kienet produttur magħruf għall-esportazzjoni fir-RPĊ, li l-Kummissjoni tat konsulenza uffiċjali fiż-żmien tat-tnedija tal-investigazzjoni oriġinali, iżda din ma kkoperax. Fl-investigazzjoni oriġinali ħames produtturi għall-esportazzjoni kkoperaw mal-investigazzjoni, li minnhom wieħed ingħata MET u erba’ ingħataw IT. Fir-rigward ta’ Yale, il-marġini ta’ dumping kien il-marġini ta’ dumping madwar il-pajjiż applikabbli għall-esportaturi kollha li ma kkoperawx mal-investigazzjoni oriġinali.

(24)

Fid-dawl tar-riżultati tal-investigazzjoni, ir-reviżjoni għandha tintemm mingħajr emendar għal-livell tad-dazju applikabbli għal Yale, li għandha tinżamm fil-livell tar-rata ta’ dazju antidumping definittiv stabbilit fl-investigazzjoni oriġinali, jiġifieri 46,7 %.

(25)

Il-partijiet interessati ġew mgħarrfa bil-fatti u l-konsiderazzjonijiet meħtieġa li abbażi tagħhom kien maħsub li tintemm ir-reviżjoni attwali u li jinżamm id-dazju antidumping eżistenti fuq importazzjonijiet ta' HPT prodotti minn Yale.

(26)

Il-partijiet kollha ngħataw l-opportunità li jikkummentaw. Il-kummenti li waslu ma kinux ta' natura li jibdlu l-konklużjonijiet.

(27)

Wara l-iżvelar, Yale ddikjarat li għandha tingħata IT. Madankollu, l-argumenti li tressqu ma kinux issostanzjati adegwatament u ma setgħux jargumentaw ir-riżultati tal-investigazzjoni kif deskritt taħt il-premessa (16) u (22). Barra minn hekk, permezz ta’ ittra tat-22 ta’ Jannar 2009 u indirizzata lill-Kummissjoni, Yale rtirat l-applikazzjoni tagħha għal reviżjoni interim parzjali.

(28)

Din ir-reviżjoni għandha għalhekk tintemm mingħajr l-ebda emenda għar-Regolament (KE) Nru 1174/2005,

12.3.2009   

MT

Il-Ġurnal Uffiċjali tal-Unjoni Ewropea

L 67/5

(1)

Bir-Regolament (KE) Nru 1425/2006 il-Kunsill impona dazju definittiv anti-dumping fuq importazzjonijiet lejn il-Komunità ta’ ċerti xkejjer u boroż tal-plastik li jaqgħu fi ħdan il-kodiċijiet NM ex 3923 21 00 (kodiċi TARIC 3923210020), ex 3923 29 10 (kodiċi TARIC 3923291020) u ex 3923 29 90 (kodiċi TARIC 3923299020), li joriġinaw fir-Repubblika tal-Poplu taċ-Ċina (RPĊ) u t-Tajlandja. Billi hemm numru kbir ta’ produtturi li jesportaw li kkooperaw fl-investigazzjoni li wasslet għall-impożizzjoni tad-dazju anti-dumping (“l-investigazzjoni oriġinali”), intgħażel kampjun ta’ produtturi Ċiniżi u Tajlandiżi li jesportaw u rati individwali tad-dazju li jvarjaw minn 4,8 % għal 14,3 % ġew imposti fuq il-kumpaniji inklużi fil-kampjun, waqt li kumpaniji oħra li kkooperaw imma mhux inklużi fil-kampjun ingħataw rata ta’ dazju ta’ 8,4 % għar-RPĊ u 7,9 % għat-Tajlandja. Ġew imposti rati ta’ dazju ta’ 28,8 % għar-RPĊ u 14,3 % għat-Tajlandja fuq kumpaniji li jew ma ddikjarawx ruħhom inkella ma kkooperawx fl-investigazzjoni.

(2)

L-Artikolu 2 tar-Regolament (KE) Nru 1425/2006 jistipula li, fir-RPĊ jew fit-Tajlandja, fejn xi produttur ġdid li jesporta jipprovdi biżżejjed evidenza lill-Kummissjoni li

mela l-Artikolu 1 ta’ dan ir-Regolament jista’ jiġi emendat billi tingħata lill-produttur ġdid li jesporta r-rata ta’ dazju applikabbli lill-kumpaniji li jikkooperaw mhux inklużi fil-kampjun, jiġifieri 8,4 % għall-kumpaniji Ċiniżi u 7,9 % għall-kumpaniji Tajlandiżi.

(3)

Seba’ kumpaniji (ħames Ċiniżi u żewġ Tajlandiżi) applikaw biex jingħataw l-istess trattament bħall-kumpaniji li kkooperaw fl-investigazzjoni oriġinali li ma kinux inklużi fil-kampjun (“trattament ta’ produttur ġdid li jesporta”).

(4)

Sar eżami biex jiġi stabbilit jekk is-seba’ kumpaniji jissodisfawx il-kriterji biex jingħataw trattament ta’ produttur ġdid li jesporta kif stipulat fl-Artikolu 2 tar-Regolament (KE) Nru 1425/2006.

(5)

Intbagħtet formola ta’ applikazzjoni lis-seba’ applikanti kollha kemm huma li ntalbu wkoll jipprovdu xhieda biex juru li jissodisfaw it-tliet kriterji msemmija hawn fuq.

(6)

Żewġ kumpaniji Ċiniżi li talbu trattament ta’ produttur ġdid li jesporta ma pprovdewx l-informazzjoni mitluba. Għalhekk ma kienx possibbli li jiġi vverfikat jekk dawn il-kumpaniji jissodisfawx il-kriterji stipulati fl-Artikolu 2 tar-Regolament (KE) Nru 1425/2006, u t-talba tagħhom kellha tiġi rrifjutata.

(7)

Kumpanija waħda Tajlandiża pprovdiet informazzjoni qarrieqa u għalhekk it-talba tagħha ġiet irrifjutata.

(8)

Kumpanija oħra Tajlandiża esportat il-prodott ikkonċernat lejn il-Komunità matul il-perjodu ta’ investigazzjoni. Għalhekk ma ssodisfatx l-ewwel kriterju u t-talba tagħha ġiet irrifjutata.

(9)

Ix-xhieda pprovduta mit-tliet produtturi Ċiniżi l-oħra li jesportaw hija meqjusa suffiċjenti biex turi li huma jissodisfaw il-kriterji stipulati fl-Artikolu 2 tar-Regolament (KE) Nru 1425/2006 u għalhekk jistgħu jingħataw ir-rata tad-dazju applikabbli għall-kumpaniji li kkooperaw mhux inklużi fil-kampjun (8,4 % għal kumpaniji Ċiniżi) u b’konsegwenza ta’ dan isimhom jiġi miżjud fil-lista tal-produtturi li jesportaw fl-Anness I tar-Regolament (KE) Nru 1425/2006.

(10)

L-applikanti kollha u l-industrija Komunitarja ġew infurmati bis-sejbiet tal-istħarriġ u kellhom l-opportunità li jibagħtu l-kummenti tagħhom.

(11)

L-argumenti u s-sottomissjonijiet kollha magħmula mill-partijiet interessati ġew analizzati u meħuda sewwa inkonsiderazzjoni fejn meħtieġ,

12.3.2009   

MT

Il-Ġurnal Uffiċjali tal-Unjoni Ewropea

L 67/7

12.3.2009   

MT

Il-Ġurnal Uffiċjali tal-Unjoni Ewropea

L 67/9

(1)

Applikazzjonijiet għal liċenzji tal-importazzjoni tressqu lill-awtoritajiet kompetenti fil-perjodu minn tat-2 sa tas-6 ta’ Marzu 2009 f'konformità mar-Regolament (KE) Nru 950/2006 u/jew ir-Regolament (KE) Nru 508/2007 tas-7 ta’ Mejju 2007 li jiftaħ kwoti ta’ tariffi għall-importazzjonijiet fil-Bulgarija u r-Rumanija taz-zokkor tal-kannamieli mhux raffinat għal provvista lil raffineriji fis-snin ta’ kummerċjalizzazzjoni 2006/2007, 2007/2008 u 2008/2009 (3), għal kwantità totali li hija daqs, jew aktar minn, dik disponibbli għan-numru tas-serje 09.4341 (2008-2009).

(2)

F'dawn iċ-ċirkustanzi, il-Kummissjoni għandha tiffissa koeffiċjent ta' allokazzjoni sabiex jinħarġu liċenzji skont il-proporzjon tal-kwantità disponibbli u/jew tinforma lill-Istati Membri li jkun intlaħaq il-limitu li kien iffissat,

12.3.2009   

MT

Il-Ġurnal Uffiċjali tal-Unjoni Ewropea

L 67/14

(1)

Ir-Regolament (KE) Nru 177/2008 jistabbilixxi qafas komuni ġdid għar-reġistri kummerċjali esklussivament għall-finijiet tal-istatistika sabiex jinżamm qafas armonizzat għall-iżvilupp ta' reġistri kummerċjali.

(2)

Skont l-Artikolu 11 tar-Regolament (KE) Nru 177/2008, hemm bżonn li jkunu stabbiliti l-format, il-miżuri ta' sigurtà u kunfidenzjalità, u l-proċedura għat-trażmissjoni tad-dejta dwar unitajiet individwali lill-Kummissjoni (Eurostat) u għat-trażmissjoni tad-dejta dwar gruppi ta' intrapriżi multi-nazzjonali lill-awtoritajiet nazzjonali kompetenti.

(3)

Il-miżuri stipulati f’dan ir-Regolament huma skont l-opinjoni tal-Kumitat tal-Programm Statistiku, stabbilit mid-Deċiżjoni tal-Kunsill 89/382/KEE, Euratom (2),

12.3.2009   

MT

Il-Ġurnal Uffiċjali tal-Unjoni Ewropea

L 67/22

(1)

Fit-13 ta’ Ġunju 2008, il-Kummissjoni ħabbret, permezz ta’ avviż (“avviż ta’ bidu”) li ġie ppubblikat f’Il-Ġurnal Uffiċjali tal-Unjoni Ewropea (2), il-bidu ta’ proċediment anti-dumping (“investigazzjoni AD” jew “l-investigazzjoni”) rigward l-importazzjonijiet fil-Komunità ta’ bijodiżil li joriġina mill-Istati Uniti tal-Amerika (“l-Istati Uniti” jew il-“pajjiż ikkonċernat”).

(2)

Fl-istess ġurnata, il-Kummissjoni ħabbret, permezz ta’ avviż ippubblikat f’Il-Ġurnal Uffiċjali tal-Komunità Ewropea (3), il-bidu ta’ proċediment antisussidji b’rigward għall-importazzjonijiet fil-Komunità ta’ bijodiżil li joriġinaw mill-Istati Uniti u bdiet investigazzjoni separata (“proċediment AS”).

(3)

L-investigazzjoni AD inbdiet wara lment imressaq fid-29 ta’ April 2008 mill-European Biodiesel Board (“l-ilmentatur”) f’isem il-produtturi li jirrappreżentaw proporzjon ewlieni, f’dan il-każ ta’ aktar minn 25 % tal-produzzjoni Komunitarja totali ta’ bijodiżil. L-ilment kien fih evidenza prima facie ta’ dumping tal-prodott imsemmi u ta’ ħsara materjali li tirriżulta minnu, li tqieset biżżejjed biex tiġġustifika l-bidu ta’ investigazzjoni AD.

(4)

Il-Kummissjoni uffiċjalment informat lill-produtturi esportaturi fl-Istati Uniti, lill-importaturi, lill-fornituri, lill-utenti u lill-assoċjazzjonijiet li kien magħruf li huma kkonċernati, lill-awtoritajiet tal-Istati Uniti, lill-produtturi Komunitarji li għamlu l-ilment u lil produtturi Komunitarji oħrajn li kien magħruf li huma kkonċernati bil-bidu tal-proċediment. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta fil-limitu taż-żmien stipulat fl-avviż ta’ bidu. Il-partijiet interessati kollha li talbu dan u li wrew li kien hemm raġunijiet partikolari għaliex għandhom jinstemgħu, ingħataw seduta.

(5)

Fid-dawl tal-għadd kbir apparenti ta’ produtturi esportaturi fl-Istati Uniti, it-teħid ta’ kampjuni kien stipulat fl-avviż ta’ bidu għad-determinazzjoni ta’ dumping, skont l-Artikolu 17(1) tar-Regolament bażiku.

(6)

Sabiex il-Kummissjoni titħalla tiddeċiedi jekk it-teħid ta’ kampjuni jkunx neċessarju u, jekk iva, biex tagħżel kampjun, il-produtturi esportaturi fl-Istati Uniti ntalbu jippreżentaw irwieħhom sa 15-il jum mid-data ta’ bidu tal-investigazzjoni u jipprovdu informazzjoni bażika dwar l-esportazzjoni u l-bejgħ domestiku tagħhom, l-attivitajiet preċiżi tagħhom fir-rigward tal-produzzjoni, it-taħlit u n-negozju ta’ bijodiżil u l-ismijiet u l-attivitajiet tal-kumpaniji relatati tagħhom kollha involuti fil-produzzjoni, it-taħlit u n-negozju tal-prodott ikkonċernat matul il-perjodu ta’ investigazzjoni mill-1 ta’ April 2007 sal-31 ta’ Marzu 2008 (“PI”), kif definit ukoll fil-premessa (15) hawn taħt.

(7)

L-awtoritajiet tal-Istati Uniti u n-National Biodiesel Board (għaqda tal-produtturi tal-Istati Uniti) kienu kkonsultati wkoll fir-rigward tal-għażla tal-kampjun rappreżentattiv.

(8)

B’kollox 54 produttur esportatur jew gruppi ta’ produtturi esportaturi, ippreżentaw irwieħhom u pprovdew l-informazzjoni mitluba sal-iskadenza stabbilita fl-avviż ta’ bidu. Minn dan it-total, 29 kumpanija rrapportaw esportazzjonijiet ta’ bijodiżil lejn il-Komunità matul il-PI u esprimew xewqthom li jieħdu sehem fil-kampjun, filwaqt li 25 kumpanija, li tnejn minnhom talbu li jitneħħew mill-proċediment, irrapportaw li ma kien hemm l-ebda esportazzjonijiet lejn il-Komunità matul il-PI. Għalhekk, 52 produttur esportatur jew gruppi ta’ produtturi esportaturi tqiesu li kkooperaw f’din l-investigazzjoni.

(9)

Produtturi esportaturi li ma ppreżentawx irwieħhom sal-iskadenza msemmija hawn fuq jew li ma pprovdewx l-informazzjoni mitluba fil-ħin, kienu kkunsidrati bħala li ma kkooperawx fl-investigazzjoni. It-tqabbil bejn l-istatistika ta’ esportazzjoni tal-Istati Uniti u l-volum ta’ esportazzjonijiet lejn il-Komunità tal-prodott ikkonċernat irrapportat għall-PI mill-kumpaniji li kkooperaw imsemmija hawn fuq tissuġġerixxi li l-kooperazzjoni tal-produtturi esportaturi tal-Istati Uniti kien għoli kif imsemmi fil-premessa (57) hawn taħt.

(10)

Skont l-Artikolu 17(1) tar-Regolament bażiku, intgħażel kampjun ibbażat fuq l-ikbar volum rappreżentattiv ta’ esportazzjonijiet tal-prodott ikkonċernat fil-Komunità li jista’ jkun investigat b’mod raġonevoli fil-ħin disponibbli. Fuq il-bażi tal-informazzjoni li waslet mill-produtturi esportaturi, il-Kummissjoni għażlet kampjun ta’ tmien kumpaniji jew gruppi ta’ kumpaniji relatati li għandhom l-ikbar volum ta’ esportazzjonijiet lejn il-Komunità. Abbażi tal-informazzjoni mit-teħid ta’ kampjuni, il-kumpaniji jew il-gruppi magħżula ammontaw għal 73 % tal-volum totali tal-esportazzjonijiet lejn il-Komunità tal-prodott ikkonċernat fil-PI rrapportat mill-produtturi esportaturi li kkooperaw imsemmija fil-premessa (8) hawn fuq. Għalhekk tqies li kampjun bħal dan jippermetti limitazzjoni tal-investigazzjoni għal numru raġonevoli ta’ produtturi esportaturi li jistgħu jkunu investigati fil-ħin disponibbli filwaqt li jiġi żgurat livell għoli ta’ rappreżentanza. Il-produtturi esportaturi kkonċernati kollha, kif ukoll l-assoċjazzjoni tal-produtturi tal-Istati Uniti u l-awtoritajiet tal-Istati Uniti, kienu kkonsultati u qablu dwar l-għażla tal-kampjun.

(11)

Rigward il-produtturi Komunitarji, skont l-Artikolu 17(1) tar-Regolament bażiku, intgħażel kampjun wara konsultazzjoni mal-ilmentatur ibbażat fuq l-ikbar volum rappreżentattiv ta’ produzzjoni u bejgħ fi ħdan il-Komunità kif imsemmi fil-premessa (63) hawn taħt. Din l-għażla ppermettiet ukoll ċerta firxa ġeografika ta’ produtturi fil-Komunità. Minħabba f’hekk, intgħażlu ħdax-il produttur Komunitarju fil-kampjun. Il-Kummissjoni bagħtet kwestjonarji lill-ħdax-il kumpanija li ntgħażlu. Madankollu, produttur li kien ġie oriġinalment kkunsidrat għall-kampjun kellu jiġi eskluż peress li naqas milli jipprovdi tweġiba sodisfaċenti għall-kwestjonarju. Għalhekk, waslu għaxar tweġibiet sħaħ mill-kumpaniji l-oħra qabel l-iskadenzi stabbiliti. Dawn l-għaxar produtturi magħżula fil-kampjun tqiesu li huma rappreżentattivi tal-produtturi kumplessivi fil-Komunità.

(12)

Il-Kummissjoni bagħtet kwestjonarji lill-partijiet kollha magħrufa li huma kkonċernati u lill-kumpaniji l-oħra kollha li ddikjaraw ruħhom fiż-żmien stipulat fl-avviż ta’ bidu. Il-kwestjonarji għalhekk intbagħtu lis-sitt produtturi esportaturi fil-kampjun jew lill-gruppi ta’ produtturi fl-Istati Uniti, lill-11-il produttur Komunitarju fil-kampjun, lil 18-il utent kif ukoll 90 fornitur ta’ materja prima.

(13)

It-tweġibiet għall-kwestjonarju waslu mingħand is-sitt produtturi esportaturi jew gruppi ta’ produtturi fl-Istati Uniti fil-kampjun, għaxar produtturi Komunitarji fil-kampjun, utent u sitt fornituri ta’ materja prima.

(14)

Il-Kummissjoni fittxet u vverifikat l-informazzjoni kollha li hija qieset meħtieġa għal determinazzjoni provviżorja ta’ dumping, il-ħsara li tirriżulta u l-interess tal-Komunità. Żjarat ta’ verifika twettqu fl-istabbilimenti tal-kumpaniji li ġejjin:

(15)

L-investigazzjoni tad-dumping u l-ħsara kopriet il-perjodu mill-1 ta’ April 2007 sal-31 ta’ Marzu 2008 (“PI”). L-eżami tax-xejriet rilevanti għall-valutazzjoni tal-ħsara kopriet il-perjodu minn Jannar 2004 sa tmiem il-PI (“il-perjodu kkunsidrat”).

(16)

Fin-nota ta’ bidu l-prodott li allegatament kien l-oġġett ta’ dumping kien definit bħala esteri monoalkilitiċi aċidi xaħmija u/jew nafta paraffinika minn sinteżi u/jew trattament idriku, ta’ oriġini mhux fossili (magħrufa komunement bħala “bijodiżil”), kemm jekk f’forma pura kif ukoll jekk f’taħlita, użat fil-biċċa l-kbira imma mhux esklussivament bħala fjuwil li jista’ jintuża mill-ġdid li joriġina fl-Istati Uniti (“il-prodott ikkonċernat”), normalment iddikjarat fi ħdan il-kodiċi NM 3824 90 91, ex 3824 90 97, ex 2710 19 41, ex 1516 20 98, ex 1518 00 91, ex 1518 00 99.

(17)

Skont il-Kodiċi tad-Dħul Intern tal-Istati Uniti (4) (US. CODE), it-Titlu 26, $40A, il-punt (d), it-terminu bijodiżil huwa definit bħala l-esteri monoalkilitiċi ta’ aċidi xaħmija ta’ katina twila ġejjin minn materja tal-pjanti jew l-annimali li jissodisfaw - (a) ir-rekwiżiti ta’ reġistrazzjoni għall-fjuwils u l-addittivi tal-fjuwil stabbiliti fl-Aġenzija għall-Ħarsien tal-Ambjent taħt it-taqsima 211 tal-Att dwar l-Arja Nadifa (42 U.S.C 7545), u, (b) ir-rekwiżiti tas-Soċjetà Amerikana tal-Ittestjar u l-Materjali (ASTM) D6751.

(18)

Fuq il-bażi ta’ informazzjoni dwar is-suq u disponibbli pubblikament (5), it-tipi kollha ta’ bijodiżil u t-taħlitiet ta’ bijodiżil (taħlita ta’ bijodiżil ma’ diżil minerali kif spjegat fil-premessa (20) hawn taħt), li huma prodotti u mibjugħa fl-Istati Uniti jitqiesu bħala fjuwils bijodiżil u huma parti minn pakkett leġiżlattiv li jikkonċerna l-effiċjenza tal-enerġija u fjuwils alternattivi tal-enerġija li tista’ tintuża mill-ġdid.

(19)

L-investigazzjoni wriet li l-bijodiżil prodott fl-Istati Uniti huwa predominantement “metil esteru aċidu xaħmi” (FAME) li ġej minn firxa wiesgħa ta’ żjut veġetali li jservu bħala l-materja prima agrikola tal-bijodiżil (6). It-terminu “esteru” jirreferi għat-transesterifikazzjoni taż-żjut veġetali, l-iktar, it-taħlit taż-żejt mal-alkoħol. It-terminu “metil” jirreferi għal metanol; l-iżjed alkoħol komunement użat fil-proċess, għalkemm l-etanol jista’ jintuża wkoll fil-proċess ta’ produzzjoni, li jirriżulta f’“etil esteri aċidu xaħmi”. It-transesterifikazzjoni hija proċess kimiku relattivament sempliċi imma jeħtieġ l-ogħla standards industrijali biex tiġi żgurata kwalità għolja ta’ bijodiżil.

(20)

L-investigazzjoni kkonfermat li l-bijodiżil prodott fl-Istati Uniti jkun ġeneralment imħallat mill-produtturi b’diżil minerali biex jipproduċi tipi differenti ta’ taħlitiet (li hawnhekk qed jissejħu taħlitiet ta’ bijodiżil), li mbagħad jinbiegħu fuq is-suq għal tipi differenti ta’ klijenti. Jidher ukoll li l-bijodiżil inbiegħ fil-forma pura tiegħu lil kumpaniji indipendenti, li xtrawh u importawh għat-taħlit ma’ diżil minerali. It-taħlit tal-bijodiżil ma’ diżil minerali hija operazzjoni relattivament sempliċi li tista’ ssir pereżempju b’taħlit f’tankijiet fil-punt ta’ fabbrikazzjoni qabel ma jiġu kkunsinnati lil trakk tat-tankers jew billi jitħallat b’qatriet fit-trakkt tat-tankers billi jiżdiedu l-perċentwali mixtieqa ta’ bijodiżil u diżil minerali jew taħlit f’linja maż-żewġ komponenti li jaslu fit-trakk tat-tankers fl-istess ħin.

(21)

Biex jiġu ċċarati l-bosta tipi ta’ taħlitiet ta’ bijodiżil, hemm sistema rikonoxxuta internazzjonalment magħrufa bħala l-fattur “B”, li tiddikjara l-ammont eżatt ta’ bijodiżil fi kwalunkwe taħlita ta’ bijodiżil. pereżempju, taħlita li fiha “X” % bijodiżil tkun ittikkettjata B“X”, filwaqt li bijodiżil pur jissejjaħ B100, li jfisser 100 % bijodiżil. Fl-Istati Uniti, kien komuni li tara 99 % (7) ta’ bijodiżil u 1 % diżil minerali (B99) jitħallat u jinbiegħ fis-suq. Kuntrarjament għad-diżil minerali, bijodiżil pur għandu jintuża relattivament malajr u ma jistax jinżamm maħżun għal iktar minn tliet xhur erbgħa inkella jossidizza ruħu u ma jibqax tajjeb għall-konsum. It-taħlit ta’ bijodiżil ma’ diżil minerali jippermetti preservazzjoni itwal tal-fjuwil. Id-diżil minerali ta’ 1 % fil-B99 huwa tossiku biżżejjed biex jittardja l-immoffar tal-bijodiżil.

(22)

L-investigazzjoni wriet li filwaqt li l-bijodiżil u t-taħlitiet ta’ bijodiżil ta’ livell għoli (8) jkunu ġeneralment maħsuba biex jinbiegħu fis-suq Amerikan għal iktar taħlit, it-taħlit ta’ bijodiżil ta’ livell baxx (9) ikunu tipikament prodotti biex jinbiegħu għall-konsum fis-suq Amerikan. B’hekk, hemm distinzjoni bejn is-suq għat-taħlitiet ta’ livell għoli u s-suq għal taħlitiet ta’ livell baxx fl-Istati Uniti.

(23)

L-ilment fih evidenza prima facie li l-bijodiżil u ċerti taħlitiet prodotti u mibjugħa fl-Istati Uniti u esportati lejn il-Komunità kienu qed jaffettwaw l-qagħda ekonomika tal-produtturi tal-bijodiżil fil-Komunità li lmentaw. B’konsistenza mal-karatteristiċi tal-produtturi Amerikani rilevanti u s-suq domestiku, id-definizzjoni tal-prodott ikkonċernat maħsuba biex tkopri l-bijodiżil anke meta tiġi inkorporata fit-taħlitiet tal-bijodiżil rilevanti. Id-definizzjoni tal-prodott ikkonċernat kif imsemmi fl-avviż ta’ bidu u fil-premessa (16) hawn fuq, għandha tiġi ċċarata sabiex jiġu identifikati l-prodotti li kienu maħsuba li jkunu koperti mill-investigazzjoni.

(24)

L-investigazzjoni wriet li ħafna mit-taħlitiet ta’ bijodiżil mibjugħa għall-konsum dirett fl-Istati Uniti huma B20, jiġifieri taħlitiet b’20 % bijodiżil kif spjegat fil-premessa (21) hawn fuq, li jistgħu jintużaw għall-konformità mal-Att dwar il-Politika tal-Enerġija tal-1992 (Att PE) (10), B6, B5 u B2. Tagħrif disponibbli pubblikament jgħid li kull magna diżil tista’ topera fuq dawn it-taħlitiet b’bażikament l-ebda modifiki u mingħajr ma titlef il-garanzija mill-fabbrikanti tal-karozza. Meta jintuża f’taħlitiet ta’ livell baxx (bejn 2 % u 20 % ta’ bijodiżil) ir-rendiment tat-taħlita jkun simili għal dak ta’ diżil minerali. Meta f’magna jintuża fjuwil tal-bijodiżil ogħla minn B20, l-utent jista’ jesperjenza ċertu tnaqqis fil-qawwa, fit-torque u l-ekonomija tal-fjuwil u l-garanzija tal-fabbrikanti tal-karozza ġeneralment ma tapplikax f’każ ta’ ħsarat ikkawżati lill-magna.

(25)

L-investigazzjoni wriet li bijodiżil pur u taħlitiet ta’ livell għoli ġeneralment ma jintużawx għal konsum dirett fl-Istati Uniti. Il-bijodiżil pur huwa ġeneralment maħsub biex jitħallat qabel ma jinbiegħ fis-suq. It-taħlitiet fl-aħħar mill-aħħar jintużaw fis-settur tat-trasport bħala fjuwil f’magni diżil ta’ vetturi tat-triq bħal karozzi, trakkijiet, xarabanks kif ukoll ferroviji. Il-bijodiżil jista’ jintuża wkoll bħala fjuwil għat-tisħin f’bojlers domestiċi, kummerċjali jew industrijali u bħala fjuwil biex ġeneraturi jipproduċu l-elettriku. Bħalissa qegħdin isiru testijiet dwar il-possibilità li jintużaw taħlitiet ta’ bijodiżil f’inġenji tal-ajru.

(26)

Għalhekk, il-prodott ikkonċernat mill-investigazzjoni għandu jkun identifikat bħala esteri monoalkilitiċi ta’ aċidi xaħmija u/jew nafta paraffinika miksuba minn sinteżi u/jew idrotrattament, ta’ oriġini mhux fossila, magħruf komunement bħala “bijodiżil”, sew jekk f’forma pura jew f’taħlitiet, li huma ’l fuq minn B20. Fi kliem ieħor, il-prodott ikkonċernat ikopri bijodiżil pur (B100) li joriġina mill-Istati Uniti u t-taħlitiet’l fuq minn B20, b’mod partikolari taħlitiet li fihom aktar minn 20 % bijodiżil li joriġina mill-Istati Uniti (“il-prodott ikkonċernat”). Dan il-limitu jitqies bħala xieraq biex jippermetti distinzjoni ċara bejn it-tipi varji ta’ taħlitiet li huma disponibbli fis-suq Amerikan.

(27)

Instab li t-tipi kollha ta’ bijodiżil u l-bijodiżil fit-taħlitiet koperti minn din l-investigazzjoni, minkejja differenzi possibbli f’termini ta’ materja prima użata għall-produzzjoni, jew varjanti fil-proċess ta’ produzzjoni, għandhom l-istess karatteristiċi fiżiċi, kimiċi u tekniċi bażiċi jew simili ħafna u jintużaw għall-istess finijiet. Il-varjazzjonijiet possibbli fil-prodott ikkonċernat ma jibdlux id-definizzjoni bażika, il-karatterisitiċi tagħha jew il-perċezzjoni li bosta partijiet għandhom tagħha.

(28)

Il-prodott ikkonċernat jaqa’ fi ħdan il-kodiċi NM 3824 90 91, ex 3824 90 97, ex 2710 19 41, ex 1516 20 98, ex 1518 00 91, ex 1518 00 99.

(29)

Instab li l-prodotti prodotti u mibjugħa fis-suq domestiku tal-Istati Uniti, li huma koperti minn din l-investigazzjoni, għandhom karatteristiċi u użi fiżiċi, kimiċi u tekniċi bażiċi simili għal dawk esportati minn dan il-pajjiż lejn is-suq Komunitarju. Bl-istess mod, il-prodotti ffabrikati mill-produtturi Komunitarji u mibjugħa fi-suq Komunitarju għandhom karatteristiċi u użi fiżiċi, kimiċi u tekniċi bażiċi simili meta mqabbla ma’ dawk esportati lejn il-Komunità mill-pajjiż ikkonċernat.

(30)

Kien hemm allegazzjoni li ċerti utenti, b’mod partikolari fil-Ġermanja, qegħdin jużaw direttament bijodiżil pur (B100) bħala alternattiva irħas għall-użu ta’ diżil minerali jew għas-soltu taħlitiet li jintużaw għall-konsum dirett fis-suq Komunitarju. L-eżami ta’ din l-allegazzjoni wriet li l-parti l-kbira ta’ dan il-bejgħ li sar mill-produtturi Komunitarji fis-suq Komunitarju kienu l-iktar maħsuba għal kumpaniji li kienu qed iħalltuh b’diżil minerali. Il-fatt li ċerti sidien ta’ flotot marru lura għal B100 hija pjuttost eċċezzjoni fil-livell Komunitarju. Iktar milli jieħu post id-diżil minerali, il-bijodiżi huwa prodott komplementari fis-suq Komunitarju.

(31)

Dan ma jbiddilx il-fatt li t-tipi varji tal-prodott ikkonċernat prodotti fl-Istati Uniti u esportati lejn il-Komunità huma interkambjabbli ma’ dawk prodotti u mibjugħa fil-Komunità mill-produtturi Komunitarji tal-bijodiżil. M’hemm l-ebda differenza sinifikanti fl-użi u l-perċezzjoni mill-operaturi u l-utenti fis-suq li hija tali li tbiddel id-definizzjoni tal-prodott simili.

(32)

Parti interessata allegat li l-prodott ikkonċernat, b’mod partikolari bijodiżil pur, għandu karatteristiċi fiżiċi u kimiċi differenti mill-bijodiżil simili prodott fil-Komunità. Filwaqt li l-produzzjoni ta’ bijodiżil fil-KE tkun ibbażata fuq żejt taż-żerriegħa tar-rapa, il-produtturi Amerikani jużaw biss żejt tal-fażola tas-sojja. Għalhekk ġie allegat li dawn iż-żewġ tipi ta’ prodotti ma jkunux interkambjabbli u ma jikkompetux direttament ma’ xulxin fis-suq Komunitarju. Il-parti interessata enfasizzat partikolarment il-fatt li l-proprjetajiet ta’ fluss kiesaħ u l-valuri ta’ jodju jkunu differenti.

(33)

Il-Kummissjoni investigat din l-allegazzjoni u sabet dan li ġej:

(34)

Peress li “similarità” ma tirrikjedix li l-prodotti jkunu identiċi f’kull rigward skont l-Artikolu 1(4) tar-Regolament bażiku, kwalunkwe varjazzjoni minuri fit-tipi ta’ prodotti varji mhix biżżejjed biex tibdel is-sejba ġenerali ta’ similarità bejn il-prodott ikkonċernat u l-prodott simili tal-Komunità.

(35)

Għalhekk ma nstabu l-ebda differenzi bejn it-tipi varji tal-prodott ikkonċernat u l-prodotti simili Komunitarji mibjugħa fis-suq Komunitarju li jwasslu għall-konklużjoni li l-prodotti ffabbrikati u mibjugħa mill-produtturi Komunitarji fis-suq Komunitarju mhumiex prodotti simili, li jaqsmu l-istess karatteristiċi fiżiċi, kimiċi u tekniċi bażiċi jew simili ħafna għalihom bħal tat-tipi ta’ prodott ikkonċernat prodott fl-Istati Uniti u esportati lejn il-Komunità. Għalhekk qed jiġi provviżorjament konkluż li t-tipi kollha ta’ bijodiżil jitqiesu simili fl-ambitu tat-tifsira tal-Artikolu 1(4) tar-Regolament bażiku.

(36)

Matul l-investigazzjoni nstab li l-awtoritajiet Amerikani ngħataw kreditu fiskali għal taħlita magħruf bħala blender’s credit ta’ 1 USD kull gallun ta’ bijodiżil pur preżenti f’taħlita ta’ bijodiżil ma’ diżil minerali.

(37)

Il-produtturi esportaturi kollha magħżula fil-kampjun sostnew li għandu jsir aġġustament għall-bejgħ ta’ esportazzjoni u bejgħ domestiku ta’ bijodiżil imħallat għad-determinazzjoni tal-marġni ta’ dumping, jew billi jaġġustaw il-prezz tal-bejgħ tagħhom ’il fuq mal-kreditu korrispondenti li rċevew jew billi jitnaqqas il-kreditu fiskali mill-ispiża tal-produzzjoni tal-bejgħ rilevanti.

(38)

Ta’ min jinnota li, b’konformità mad-dispożizzjonijiet ġuridiċi rilevanti, l-iktar l-Artikolu 14(1) tar-Regolament bażiku u l-Artikolu 24(1) tar-Regolament tal-Kunsill (KE) Nru 2026/97 tas-6 ta’ Ottubru 1997 dwar il-protezzjoni kontra importazzjonijiet sussidjati minn pajjiżi li mhumiex membri tal-Komunità Ewropea (11), l-ebda prodott m’għandu jkun suġġett kemm għal dazji anti-dumping u kemm għal dazji ta’ kontrobilanċ għall-fini tat-trattament tal-istess sitwazzjoni unika li ġejja minn dumping jew minn sussisju ta’ esportazzjoni. Madankollu, il-proċediment AS wera li l-kreditu fiskali għal taħlita huwa sussidju disponibbli kemm għall-bejgħ domestiku u kemm għall-bejgħ mill-esportazzjoni bl-istess mod u għall-istess ammonti u għalhekk mhuwiex sussidju għall-esportazzjoni. Għalhekk, tqies provviżorjament li t-talbiet għal aġġustament ma setgħux jintlaqgħu.

(39)

Għad-determinazzjoni tal-valur normali skont l-Artikolu 2(2) tar-Regolament bażiku, il-Kummissjoni l-ewwel stabbiliet jekk il-bejgħ domestiku tal-prodott ikkonċernat lil konsumaturi indipendenti sarx f’volumi rappreżentattivi, jiġifieri jekk il-volum totali ta’ dan il-bejgħ kienx jirrappreżenta mill-inqas 5 % tal-ammont totali ta’ bejgħ mill-esportazzjoni lejn il-Komunità matul il-PI.

(40)

Fil-każ ta’ produttur esportatur wieħed li ħa sehem fil-kampjun instab li ma kellu l-ebda bejgħ rappreżentattiv tal-prodott ikkonċernat fis-suq domestiku. Għal dan il-produttur esportatur, il-valur normali kellu jinbena fuq il-bażi tal-Artikolu 2(3) tar-Regolament bażiku.

(41)

Għall-produtturi esportaturi li ħadu sehem fil-kampjun li għandhom bejgħ domestiku rappreżentattiv ġenerali, il-Kummissjoni sussegwentement identifikat dawk it-tipi ta’ prodotti fis-suq domestiku mill-produttur esportatur, li kienu identiċi jew direttament kumparabbli mat-tipi mibjugħa għall-esportazzjoni lejn il-Komunità.

(42)

Bejgħ domestiku ta’ tip ta’ prodott partikolari kien ikkunsidrat rappreżentattiv biżżejjed meta l-volum ta’ dak it-tip ta’ prodott mibjugħ fis-suq domestiku lil klijenti indipendenti matul il-PI jkun irrappreżenta 5 % jew iktar tal-volum totali tat-tip ta’ prodott kumparabbli mibjugħ għall-esportazzjoni lejn il-Komunità.

(43)

Il-Kummissjoni sussegwentement eżaminat jekk il-bejgħ domestiku tal-kumpaniji kkonċernati jistax ikun kkunsidrat bħala magħmul fl-andament ordinarju tal-kummerċ skont l-Artikolu 2(4) tar-Regolament bażiku. Dan sar billi gћal kull tip ta’ prodott ġie stabbilit il-proporzjon tal-bejgћ bi qligħ lill-klijenti indipendenti fis-suq domestiku matul il-perjodu tal-investigazzjoni.

(44)

Fejn il-volum tal-bejgħ ta’ tip ta’ prodott, mibjugħ bi prezz tal-bejgħ nett daqs jew iktar mill-ispiża kkalkulata tal-produzzjoni, irrappreżenta aktar minn 80 % tal-volum tal-bejgħ totali ta’ dak it-tip, u fejn il-prezz medju bil-piż differenzjat ta’ dak it-tip kien daqs jew iktar mill-ispiża tal-produzzjoni, il-valur normali kien ibbażat fuq il-prezz domestiku effettiv. Dan il-prezz kien ikkalkulat bħala l-medja bil-piż differenzjat tal-prezzijiet tal-bejgħ domestiku kollu ta’ dak it-tip li sar matul il-PI, irrispettivament minn jekk dan il-bejgħ kienx jagħmel qligħ jew le.

(45)

Fejn il-volum tal-bejgħ li jagħmel qligħ ta’ tip ta’ prodott irrappreżenta 80 % jew inqas tal-volum totali tal-bejgħ ta’ dak it-tip, jew fejn il-prezz medju bil-piż differenzjat ta’ dak it-tip kien inqas mill-ispiża tal-produzzjoni, il-valur normali kien ibbażat fuq il-prezz domestiku effettiv, ikkalkulat bħala l-medja bil-piż differenzjat tal-bejgħ li jagħmel qligħ ta’ dak it-tip biss.

(46)

Għal tipi ta’ prodotti mhux mibjugħa fi kwantitajiet rappreżentattivi fis-suq domestiku jew mhux mibjugħa fl-andament ordinarju tal-kummerċ, il-valur normali kellu jinbena fuq il-bażi tal-Artikolu 2(3) tar-Regolament bażiku. Għal dan l-għan, l-ispejjeż tal-bejgħ, ġenerali u amministrattivi (“SG&A”) u marġni ta’ qligħ raġjonevoli żdiedu mal-ispiża medja tal-esportatur stess għal kull tip ta’ prodott matul il-PI. Skont l-Artikolu 2(6) tar-Regolament bażiku, il-perċentwali għall-SG&A u l-marġni ta’ profitt kienu bbażati fuq il-medja tal-SG&A b’piż diffirenzjat u l-marġni ta’ profitt tal-bejgħ fl-andament ordinarju tal-kummerċ tal-prodott simili tal-produttur esportatur rispettiv.

(47)

Għall-produttur esportatur li kkoopera mingħajr bejgħ domestiku rappreżentattiv il-valur normali nbena skont l-Artikolu 2(3) tar-Regolament bażiku permezz taż-żieda mal-ispejjeż ta’ fabbrikazzjoni tal-kumpanija stess għall-prodott ikkonċernat l-ispejjeż SG&A u marġni ta’ profitt raġjonevoli. Skont l-Artikolu 2(6)(a) tar-Regolament bażiku, il-perċentwali għall-SG&A u l-marġni ta’ profitt kienu bbażati fuq il-medja tal-SG&A b’piż diffirenzjat u l-marġni ta’ profitt determinat għall-produtturi esportaturi suġġetti għall-investigazzjoni fir-rigward tal-produzzjoni u l-bejgħ tagħhom tal-prodott simili fis-suq domestiku.

(48)

Fir-rigward ta’ din il-kumpanija, sar aġġustament biex titqies is-sitwazzjoni tagħha li għadha tibda, kif stipulat fl-Artikolu 2(5) tar-Regolament bażiku. Sar aġġustament rigward l-ispejjeż amministrattivi tagħha sabiex titqies l-utilità ta’ kapaċità baxxa tal-installazzjonijiet tal-produzzjoni matul il-fażi tal-bidu.

(49)

Il-prezzijiet tal-bejgħ għall-esportazzjoni kienu stabbiliti fuq il-bażi tal-prezzijiet effettivament imħallsa jew li għandhom jitħallsu għall-prodott ikkonċernat skont l-Artikolu 2(8) tar-Regolament bażiku.

(50)

Meta sar bejgħ għall-esportazzjoni lejn il-Komunità permezz ta’ kumpaniji ta’ kummerċ relatati li jinsabu fil-Komunità jew ’il barra minnha, ġew stabbiliti prezzijiet ta’ esportazzjoni fuq il-bażi tal-prezzijiet ta’ bejgħ mill-ġdid lill-ewwel klijenti indipendenti fil-Komunità, skont l-Artikolu 2(9) tar-Regolament bażiku, dovutament aġġustat għall-ispejjeż kollha mġarrba bejn l-importazzjoni u l-bejgħ mill-ġdid, u l-profitti.

(51)

It-tqabbil bejn il-valur normali u l-prezz għall-esportazzjoni sar fuq bażi tal-ħruġ mill-fabbrika.

(52)

Sabiex jiġi żgurat tqabbil ġust bejn il-valur normali u l-prezz ta’ esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku.

(53)

Fuq din il-bażi, saru konċessjonijiet għal spejjeż ta’ trasport, spejjeż ta’ ġarr ta’ merkanzija fuq l-oċean u ta’ assikurazzjoni, spejjeż ta’ tqandil, tagħbija u spejjeż anċillari, spejjeż ta’ kreditu u kummissjonijiet fejn applikabbli u ġġustifikat.

(54)

Gћall-kumpaniji fil-kampjun, il-valur normali medju b’piż differenzjat ta’ kull tip tal-prodott ikkonċernat esportat lejn il-Komunità tqabbel mal-prezz tal-esportazzjonijiet medji b’piż differenzjat tat-tip korrispondenti tal-prodott ikkonċernat, kif stipulat fl-Artikolu 2(11) u (12) tar-Regolament bażiku.

(55)

Fuq din il-bażi, il-marġni medju b’piż differenzjat ta’ dumping provviżorju mfisser bħala perċentwali tal-prezz CIF fuq il-fruntiera tal-Komunità, dazju mhux imħallas, huwa kif ġej:

(56)

Il-marġni medju b’piż differenzjat ta’ dumping tal-produtturi esportaturi li kkooperaw mhux inklużi fil-kampjun kien ikkalkulat skont id-dispożizzjonijiet tal-Artikolu 9(6) tar-Regolament bażiku. Dan il-marġni kien ikkalkulat fuq il-bażi tal-marġni stabbilit għall-produtturi esportaturi fil-kampjun. Fuq din il-bażi, il-marġni ta’ dumping ikkalkulat għall-kumpaniji li kkooperaw mhux inkluzi fil-kampjun kien stabbilit provviżorjament għal 33,7 % tal-prezz CIF fil-fruntiera tal-Komunita, dazju mhux imħallas.

(57)

Fir-rigward tal-esportaturi fl-Istati Uniti, il-Kummissjoni l-ewwel stabbiliet il-livell ta’ kooperazzjoni. Sar tqabbil magħmul bejn il-kwantitajiet ta’ esportazzjoni totali indikati fit-tweġibiet tat-teħid tal-kampjuni li waslu mill-produtturi esportaturi kollha li kkooperaw u l-importazzjonijiet totali mill-Istati Uniti kif jirriżulta mill-istatistiċi ta’ importazzjoni Amerikani. Il-perċentwali tal-kooperazzjoni nstab li kienet ta’ 81 %. Fuq din il-bażi, il-livell ta’ kooperazzjoni tqies li hu gћoli. Għalhekk tqies xieraq li jkun stabbilit marġni ta’ dumping għal produtturi esportaturi li ma kkooperawx fuq livell li jikkorrispondi għal dak misjub għall-produttur esportatur li kkoopera fil-kampjun bl-ogħla marġni ta’ dumping u ta’ ħsara sabiex tiġi żgurata l-effettività tal-miżuri.

(58)

Fuq din il-bażi, il-livell ta’ dumping mal-pajjiż kollu ġie stabbilit b’mod provviżorju gћal 57,3 % tal-prezz CIF fuq il-fruntiera tal-Komunità, bid-dazju mhux imħallas.

(59)

L-informazzjoni disponibbli kollha, inkluża informazzjoni pprovduta fl-ilment u d-dejta miġbura mill-produtturi Komunitarji qabel u wara l-bidu tal-investigazzjoni ntużat sabiex jiġu stabbiliti l-produzzjoni Komunitarja totali u l-appoġġ għall-investigazzjoni.

(60)

Fuq il-bażi ta’ din l-informazzjoni nstab li l-produzzjoni Komunitarja kumplessiva kienet ta’ madwar 5 400 elf tunnellata matul il-PI. Tliet kumpaniji li jappartjenu għall-istess grupp instab li kienu relatati ma’ produtturi esportaturi fl-Istati Uniti u l-grupp kien qiegħed jimporta huwa stess kwantitajiet sinifikanti tal-prodott ikkonċernat mill-esportaturi relatati miegħu fl-Istati Uniti. Għalhekk, dawn il-kumpaniji ġew esklużi mill-kunċett ta’ produzzjoni Komunitarja skont it-tifsira tal-Artikolu 4(1) u l-Artikolu 5(4) tar-Regolament bażiku. Minħabba f’hekk, il-volum ta’ produzzjoni li l-pożizzjoni ġiet stabbilita fuq il-bażi tiegħu kien ta’ minn 4 200 sa 4 600 elf tunnellata.

(61)

Kien stabbilit li l-kumpaniji li appoġġjaw l-ilment u kkooperaw fl-investigazzjoni rrappreżentaw iktar minn 60 % tal-produzzjoni Komunitarja tal-bijodiżil matul l-IP indikat fil-premessa (60). Il-kumpanija msemmija fil-premessa (63) hawn taħt li naqset milli tikkoopera mal-investigazzjoni ma tqisitx bħala sostenitura tal-ilment. Ġie konkluż li l-ilment u l-investigazzjoni huma appoġġjati minn proporzjon maġġuri tal-produzzjoni Komunitarja fl-ambitu tat-tifsira tal-Artikolu 4(1) u l-Artikolu 5(4) tar-Regolament bażiku.

(62)

Minħabba l-għadd kbir ta’ produtturi Komunitarji, ġie deċiż li jintuża t-teħid ta’ kampjuni biex tiġi stabbilita l-eżistenza ta’ ħsara materjali. Intbagħtu formoli għat-teħid tal-kampjuni lill-produtturi potenzjali kollha tal-prodott simili fil-Komunità. Għall-bidu iktar minn 40 kumpanija pprovdew tagħrif sodisfaċenti għall-formoli tat-teħid tal-kampjuni u qablu li jikkooperaw mal-proċediment. It-tliet kumpaniji msemmija fil-premessa (60) ma ġewx ikkunsidrati għall-eżerċizzju tat-teħid tal-kampjuni għar-raġiunijiet imsemmija f’dik il-premessa.

(63)

Mill-bqija tal-kumpaniji ntgħażel kampjun ta’ 11-il kumpanija fuq il-bażi tal-ikbar volum rappreżentattiv tal-produzzjoni u l-bejgħ fi ħdan il-Komunità, kif indikat fil-premessa (11) ta’ hawn fuq. Produttur wieħed li kien ġie oriġinalment kkunsidrat għall-kampjun kellu jiġi eskluż peress li naqas milli jikkoopera fl-investigazzjoni. L-għaxar kumpaniji li fadal fil-kampjun tqiesu li huma rappreżentattivi għall-produzzjoni Komunitarja kollha.

(64)

Referenza minn hawn ’il quddiem għall-“industrija Komunitarja” jew għall-“produtturi Komunitarji fil-kampjun” tirreferi għal dawn l-għaxar produtturi li ħadu sehem fil-kampjun.

(65)

Kif imsemmi fil-premessa (15) hawn fuq, l-eżami tax-xejriet li jikkonċernaw l-evalwazzjoni tal-ħsara kopriet il-perjodu minn Jannar 2004 sa tmiem il-PI. Madankollu l-investigazzjoni wriet li l-industrija Komunitarja kienet bażikament qiegħda tibda fl-2004. Għalhekk, tqies li jkun aktar xieraq li ssir analiżi bbażata fuq ix-xejriet għall-perjodu mill-2005 sal-PI (“il-perjodu analizzat”). It-tagħrif li nġabar rigward l-2004 madankollu huwa ppreżentat ukoll fil-valutazzjoni ta’ wara.

(66)

Il-konsum Komunitarju ġie stabbilit fuq il-bażi tal-volum tal-produzzjoni Komunitajra ġenerali fis-suq Komunitarju tal-produtturi Komunitarji kollha, kif mistqarr fil-premessa (60) hawn fuq, naqqas l-esportazzjonijiet tagħhom u żid l-importazzjonijiet mill-pajjiż ikkonċernat minn din l-investigazzjoni u l-importazzjonijiet minn pajjiżi terzi oħra.

(67)

Fir-rigward tal-volumi ta’ importazzjonijiet mill-Istati Uniti, is-sorsi ta’ tagħrif li ġejjin kienu disponibbli:

(68)

Madankollu, analiżi ta’ dan it-tagħrif uriet li d-dejta tal-Eurostat ma tistax tintuża għall-fini ta’ evalwazzjoni tal-konsum peress li sa tmiem l-2007 ma kien hemm l-ebda distinzjoni bejn kodiċi NM disponibbli għall-klassifikazzjoni doganali tat-tipi differenti tal-prodott ikkonċernat. L-importazzjonijiet tal-prodott ikkonċernat ġew ikklassifikati taħt għadd ta’ kodiċijiet li kien fihom ukoll dejta ta’ importazzjoni ta’ prodotti oħra. B’hekk, tqies iktar xieraq li tintuża statistika tal-esportazzjonijiet Amerikani biex jiġu stabbiliti importazzjonijiet affidabbli u ċifri ta’ konsum u xejriet ta’ importazzjoni. Fl-użu ta’ dan is-sors ta’ tagħrif, tqies il-ħin meħtieġ għat-trasport tal-merkanzija biex tasal mill-Istati Uniti għall-Komunità u għalhekk l-istatistika ta’ esportazzjoni ġiet aġġustata b’xahar sabiex jitqies dan il-ħin.

(69)

Fir-rigward tal-importazzjonijiet minn pajjiżi oħra u l-esportazzjonijiet tal-produtturi Komunitarji, fid-dawl tal-limitazzjoni rigward l-użu tad-dejta tal-Eurostat deskritta hawn fuq, l-investigazzjoni qagħdet fuq id-dejta rrapportata fl-ilment.

(70)

Fuq il-bażi ta’ dan ta’ hawn fuq, instab li l-konsum Komunitarju tal-bijodiżil żdied b’107 % bejn l-2005 u l-2007 u mbagħad naqas kemm kemm fil-PI b’punt perċentwali. B’kollox, il-konsum iktar milli rdoppja matul il-perjodu analizzat.

(71)

Iż-żieda fid-domanda hija dovuta l-iktar għall-inċentivi li ħadu l-Istati Membri biex jippromwovu l-użu tal-bijofjuwils wara l-adozzjoni tad-Direttiva 2003/30/KE tal-Parlament Ewropew u tal-Kunsill tat-8 ta’ Mejju 2003 dwar il-promozzjoni tal-użu tal-bijokarburanti jew karburanti oħra rinnovabbli għat-trasport (12) u d-Direttiva tal-Kunsill 2003/96/KE tas-27 ta’ Ottubru 2003 li tirriforma l-istruttura tal-Komunità dwar tassazzjoni fuq prodotti ta’ enerġija u elettriku (13).

(72)

Il-volumi ta’ importazzjoni mill-Istati Uniti żdiedu b’mod sinifikanti minn madwar 11 500 tunnellata fl-2005 għal madwar 1 137 000 tunnellata waqt il-IP.

(73)

Matul il-perjodu analizzat, l-importazzjonijiet li huma l-oġġett ta’ dumping mill-Istati Uniti żiedu kontinwament s-sehem tagħhom mis-suq Komunitarju minn 0,4 % fl-2005 għal 17,2 % fil-PI. Għalhekk, kien hemm żieda sinifikanti f’importazzjonijiet li huma l-oġġett ta’ dumping f’termini assoluti u f’termini relattivi mqabbla mal-konsum Komunitarju matul dak il-perjodu.

(74)

Splash and dash huwa terminu użat mill-operaturi tal-bijodiżil biex jiddeskrivu xejra fejn bijodiżil ta’ oriġini allegatament barranija qabel jintbagħat lejn il-Komunità jgħaddi mill-Istati Uniti fejn jitħallat b’bażikament qatra (0,01 % tat-taħlita finali) ta’ diżil konvenzjonali sabiex min ħalltu jieħu vantaġġ minn sussidju fl-Istati Uniti.

(75)

Partijiet Amerikani sostnew li l-isplash and dash jispjega l-qabża fl-importazzjonijiet Amerikani fis-suq Komunitarju, peress li allegatament tirrappreżenta 40 % tal-importazzjonijiet Amerikani matul il-PI. Dawn il-partijiet sostnew ukoll li minħabba li l-investigazzjoni nbdiet kontra l-importazzjonijiet ta’ bijodiżil li joriġina mill-Istati Uniti, il-kwantitajiet ikkonċernati mill-isplash and dash għandhom ikunu separati mill-analiżi ta’ ħsara u ttrattati bħala importazzjonijiet minn pajjiżi terzi oħrajn.

(76)

Mill-banda l-oħra l-ilmentatur argumenta li l-importazzjonijiet ta’ splash and dash, jekk kien hemm, kienu jirrappreżentaw l-iktar l-iktar 10 % tal-volumi ta’ esportazzjoni Amerikani, u għalhekk ikunu insinifikanti u mhux jalteraw is-sejbiet li kwantitajiet kbar ta’ importazzjonijiet li huma l-oġġett ta’ dumping mill-Istati Uniti daħlu fis-suq Kmunitarju, b’mod partikolari matul il-PI.

(77)

L-investigazzjoni wriet li l-istatistika ta’ esportazzjoni Amerikana ma tippermettix li wieħed jiddistingwi bejn kwalunkwe bijodiżil esportat taħt l-allegat proċess ta’ splash and dash u l-esportaturi Amerikani l-oħrajn irreġistrati fil-kapitoli “Esportazzjonijiet” tagħhom. Fl-istess statistika ma kien hemm kważi l-ebda kwantitajiet li nstab li kienu ddikjarati taħt il-kapitolu “Esportazzjonijiet Mill-Ġdid”. L-awtoritajiet Amerikani stqarrew ukoll li l-kwantitajiet kollha fil-kapitolu “Esportazzjonijiet” tagħhom huma prodotti meqjusa li joriġinaw mill-Istati Uniti.

(78)

Barra minn hekk, ħafna mill-kumpaniji Amerikani investigati ddikjaraw li ma kienx possibbli li tiddistingwi l-kwantitajiet esportati lejn il-Komunità jew mibjugħa fis-suq domestiku bejn il-kwantitajiet prodotti jew li s-sors tagħhom kien fl-Istati Uniti u dawk esportati bil-proċess splash and dash.

(79)

Instab ukoll, fil-każ tal-kumpanijiet investigati fl-Istati Uniti li l-esportazzjonijiet kollha ta’ bijodiżil ġew iddikjarati, kemm mal-esportazzjoni mill-esportaturi Amerikani kif ukoll mal-importazzjoni mill-importaturi relatati fil-Komunità, bħala bijodiżil ta’ orġini mill-Istati Uniti.

(80)

Fuq il-bażi ta’ dan ta’ hawn fuq u wara li tqiesu, b’mod partikolari, li esportazzjonijiet splash and dash, jekk kien hemm, kienu ddikjarati bħala ta’ oriġini Amerikana u tqiesu li joriġinaw mill-Istati Uniti mill-awtoritajiet Amerikani, tqies li ma kien hemm l-ebda bażi biex jiġu ttrattati bħala importazzjonijiet mhux Amerikani.

(81)

L-istatistika ta’ esportazzjoni Amerikana ntużat ukoll intużat ukoll biex jiġu stabbiliti x-xejriet tal-prezz tal-importazzjonijiet li huma l-oġġett ta’ dumping li joriġinaw mill-Istati Uniti, b’mod partikolari għall-2007 u l-PI. Sabiex jiġi rifless il-livell tal-prezz fil-fruntiera Komunitarja, il-prezzijiet ta’ esportazzjoni medji kienu aġġustati bl-ispejjeż rilevanti tat-trasport u l-assikurazzjoni. Ta’ min jinnota li għal perjodi itwal għall-perjodu analizzat, jiġifieri l-2005 u l-2006 u anke għall-2004, l-istatistika ta’ esportazzjoni Amerikana ma kinitx affidabbli għal kollox f’termini ta’ valuri ta’ bejgħ peress li l-prezzijiet ta’ esportazzjoni medja kkalkulata nstabu li kienu sproporzjonament għoljin meta mqabbla mal-prezzijiet irrapportati mill-produtturi esportaturi li kkooperaw. F’dawn iċ-ċirkostanzi, il-prezz medju ta’ esportazzjoni Amerikana għal dawn is-snin kien ibbażat fuq it-tweġibiet tal-kwestjonarju fornuti mill-produtturi esportaturi fil-kampjun fl-Istati Uniti.

(82)

Il-prezzijiet medji għall-importazzjonijiet mill-Istati Uniti varjaw matul il-perjodu meqjus u kumplessivament urew żieda ta’ 7 % bejn l-2005 u l-PI.

(83)

Għall-finijiet tal-analiżi ta’ traħħis tal-prezzijiet, il-medja b’piż differenzjat tal-prezzijiet tal-bejgħ li l-produtturi Komunitarji fil-kampjun żammew lill-klijenti mhux relatati fis-suq Komunitarju, aġġustati fuq livell ta’ prezzijiet tal-fabbrika, tqabblu mal-medja b’piż differenzjat tal-prezzijiet korrispondenti tal-importazzjonijiet mill-Istati Uniti, stabbiliti fuq bażi ta’ CIF għall-produtturi esportaturi fl-Istati Uniti fil-kampjun. Ġie applikat aġġustament kif xieraq għad-dazji doganali, l-ispejjeż ta’ wara l-importazzjoni u għad-differenzi fil-materja prima agrikola (ara l-premessa li jmiss) użata għall-produzzjoni tal-bijodiżil.

(84)

L-investigazzjoni identifikat tipi differenti tal-prodott ikkonċernat b’mod partikolari bbażat fuq il-materja prima agrikola użata fil-proċess ta’ produzzjoni. Filwaqt li l-iktar materja prima agrikola użata fil-Komunità hija ż-żerriegħa tar-rapa, il-produtturi Amerikani jużaw materji primi agrikoli oħrajn bħall-fażola tas-sojja, canola, il-palma, eċċ. Peress li l-materja prima agrikola hija l-materja prima ewlenija sew għall-produzzjoni tal-prodott ikkonċernat tqies li għandu jingħata aġġustament għall-materja prima agrikola. L-aġġustament ġie għalhekk ikkalkulat biex jikkorrispondi għall-valur fis-suq tad-differenza bejn it-tipi rilevanti tal-prodott ikkonċernat meta mqabbel mat-tip ta’ prodotti ffabbrikati miż-żerriegħa tar-rapa. B’dan il-mod kemm il-prezzijiet ta’ bejgħ medji b’piż differenzjat tal-industrija Komunitarja kif ukoll il-prezz medju b’piż differenzjat tal-importazzjonijiet ikkonċernati tqabblu fuq bażi tal-istess materja prima agrikola, jiġifieri ż-żerriegħa tar-rapa.

(85)

Fuq il-bażi tal-metodoloġija ta’ hawn fuq, id-differenza bejn il-prezzijiet Amerikani u dawk Komunitarji, espressi bħala perċentwali tal-prezz tal-fabbrika medju b’piż differenzjat, jiġifieri l-marġni tat-traħħis tal-prezzijiet, instab li tvarja minn 18,9 % sa 33,0 %.

(86)

Skont l-Artikolu 3(5) tar-Regolament bażiku, l-eżami tal-impatt tal-importazzjonijiet li huma l-oġġett ta’ dumping fuq l-industrija Komunitarja inkluda valutazzjoni tal-indikaturi ekonomiċi kollha għall-industrija Komunitarja matul il-perjodu analizzat.

(87)

Skont il-konsum li żdied, il-kapaċità ta’ produzzjoni tal-produtturi tal-Komunità li għamlu parti mill-kampjun issoktat tiżdied tul il-perjodu analizzat. Il-kapaċità żdiedet minn 42 % bejn l-2005 u l-2006 wara żieda oħra ta’ 68 % fl-2007 u żieda oħra ta’ 15 % bejn l-2007 u l-PI. Ġiet immarkata żieda globali ta’ 174 % tul il-perjodu analizzat. Iż-żieda fil-kapaċità tal-produzzjoni rriżultat minn investimenti ġodda li saru minn qabel iż-żieda fid-domanda.

(88)

Tabilħaqq, iż-żieda fil-kapaċità tal-produzzjoni fl-industrija Komunitarja għandha tidher fl-isfond tal-mira tal-konsum tal-bijofjuwils Komunitarji u tal-fjuwils oħra li jistgħu jintużaw mill-ġdid ta’ 5,75 %, stabbilita mid-Deċiżjoni 2003/30/KE, li ġiet ikkalkulata fuq il-bażi tal-kontenut tal-enerġija tal-petrol u d-diżil kollu, għall-finijiet tat-trasport, li tqiegħed fis-suq Komunitarju sal-31 ta’ Diċembru 2010. Barra minn hekk, f’Marzu 2007, il-Kunsill Ewropew approva mira minima li torbot ta’ 10 % li għandha tinkiseb mill-Istati Membri għas-sehem tal-bijofjuwils fit-trasport Komunitarju globali tal-konsum tal-petrol u d-diżil sal-2020 (14). Din il-mira għandha mnejn żżid il-konsum Komunitarju tal-bijofjuwils għal madwar 33 miljun tunnellata ta’ ekwivalenti taż-żejt sa dik is-sena. Il-kapaċità ta’ produzzjoni fil-Komunità kollha fl-2006 ġiet stmata għal 6 miljun tunnellata biss. Fid-dawl ta’ dan ta’ hawn fuq, wieħed jista’ jifhem għaliex il-produtturi Komunitarji investew fil-kapaċitajiet supplimentari minn qabel ma saret iż-żieda fid-domanda.

(89)

Il-produzzjoni ta’ prodott simili mill-industrija Komunitarja żdied kontinwament ukoll biex jilħaq żieda globali ta’ 148 % fil-perjodu analizzat.

(90)

Bħala riżultat tal-pass relattivament inqas mgħaġġel fiż-żieda tal-volumi ta’ produzzjoni meta mqabbel maż-żieda fil-kapaċità ta’ produzzjoni, l-użu tal-kapaċità tal-industrija Komunitarja naqas b’9 % tul il-perjodu analizzat.

(91)

Skont l-iżvilupp tal-konsum, il-volum tal-bejgħ li sar mill-industrija Komunitarja fis-suq Komunitarju żdied b’mod stabbli, b’żieda globali rreġistrata ta’ 143 % tul il-perjodu analizzat. Tul l-istess perjodu, l-industrija Komunitarja żiedet ukoll is-sehem mis-suq tagħha b’4,5 punti perċentwali.

(92)

Il-prezzijiet medji tal-bejgħ tal-industrija Komunitarja fis-suq Komunitarju żdiedu bi 23 % tul il-perjodu analizzat. Iż-żieda fil-prezzijiet kienet ġustifikata fid-dawl taż-żieda fl-ispejjeż tal-materja prima u ta’ dħul ieħor.

(93)

It-tkabbir tal-industrija Komunitarja ġie rifless fl-indikaturi tal-volum tagħha bħall-produzzjoni, il-bejgħ iżda, b’mod partikolari, fis-sehem tagħha mis-suq. Minkejja konsum li qiegħed jiżdied f’daqqa fis-suq Komunitarju tul il-perjodu analizzat, it-tkabbir fis-sehem mis-suq tal-produtturi Komunitarji li ħadu sehem fil-kampjun kien relattivament modest. B’mod partikolari bejn l-2006 u l-PI, il-produtturi Komunitarji li ħadu sehem fil-kampjun ħadu biss 5,8 punti perċentwali tas-sehem mis-suq. Fl-istess żmien, l-importazzjonijiet li kienu l-oġġett ta’ dumping irnexxielhom jiksbu aktar minn 16-il punt perċentwali tas-sehem mis-suq. Il-fatt li l-industrija Komunitarja ma setgħetx tibbenefika bis-sħiħ mit-tkabbir tas-suq kellu impatt globali negattiv fuq il-qagħda ekonomika tiegħu. Bosta fatturi ta’ ħsara bħall-produzzjoni, l-użu tal-kapaċità ta’ produzzjoni, il-produttività, il-bejgħ, il-politika tal-investimenti, ir-redditu fuq l-investimenti, ġew affettwati ħażin ħafna.

(94)

Tul il-perjodu analizzat, il-ħażniet tal-bijodiżil żdiedu b’madwar 200 %. Dan it-tkabbir fl-inventarji sar tul il-perjodu analizzat u segwa b’mod aktar immarkat it-tkabbir fil-volumi tal-produzzjoni tal-industrija Komunitarja tul l-istess perjodu. Madankollu, tqies li minħabba li l-bijodiżil għandu jinħażen għal perjodu ta’ żmien li jaqbeż is-6 xhur (fuq medja, il-perjodu ta’ ħażna hu biss madwar tliet xhur) id-dejta li għandha x’taqsam mal-ħażniet għandha biss valur limitat biex tevalwa l-qagħda ekonomika tal-industrija Komunitarja.

(95)

Il-profittabilità tal-produtturi Komunitarji li ħadu sehem fil-kampjun ġiet stabbilita billi l-qligħ nett tal-bejgħ tal-prodott simili qabel it-taxxa ġie espress bħala perċentwali tal-fatturat ta’ dan il-bejgħ. Tul il-perjodu analizzat il-profittabilità tal-produtturi tal-Komunità li ħadu sehem fil-kampjun kellha tnaqqis fil-qligħ minn 18,3 % fl-2005 għal 5,7 % fil-PI. Dan jirrappreżenta tnaqqis ta’ 12,6 punti perċentwali tul il-perjodu analizzat.

(96)

Il-livell ta’ investimenti fil-produzzjoni tal-bijodiżil li sar mill-produtturi Komunitarji li ħadu sehem fil-kampjun żdied minn 235 % bejn l-2005 u l-2006. Din iż-żieda għandha x’taqsam mat-tkabbir tal-kapaċità ta’ produzzjoni minn qabel ma jkun hemm żieda fid-domanda fil-Komunità. F’dan ir-rigward, ġie osservat li f’bosta każijiet, l-investimenti huma ppjanati għal mill-inqas sentejn qabel impjant tal-bijodiżil jibda jaħdem bis-sħiħ. L-istess produtturi ssoktaw jinvestu fl-2007 u l-PI iżda b’pass ħafna aktar bil-mod. Dan il-perjodu jaħbat maż-żieda tal-importazzjonijiet li huma l-oġġett ta’ dumping fis-suq Komunitarju.

(97)

Ir-redditu fuq l-investiment tal-produtturi Komunitarji li ħadu sehem fil-kampjun, li wera r-riżultat ta’ qabel it-taxxa tagħhom bħala perċentwal tal-valur nett deprezzat medju tal-ftuħ u tal-għeluq tal-assi użati fil-produzzjoni tal-bijodiżil wara tendenza negattiva fil-profittabbiltà. Madankollu, it-tnaqqis attwali kien aktar drammatiku peress li naqas b’91 punt perċentwali tul il-perjodu analizzat. Huwa meqjus li d-deterjorament tar-redditu fuq l-investimenti hi indikazzjoni ċara tad-deterjorament tal-qagħda ekonomika tal-industrija Komunitarja.

(98)

Ix-xejra tal-likwidità, li hija l-abilità tal-industrija ta’ awtofinanzjament tal-attivitajiet tagħha, tirrifletti żieda ta’ 38 % tul il-perjodu analizzat. Minkejja t-tnaqqis fil-profittabbiltà tul l-istess perjodu, dan l-indikatur juri tendenza pożittiva kkaġunata b’mod partikolari miż-żieda fil-prezzijiet ta’ deprezzament li huma inklużi biex jiġi stabbilit il-livell tal-likwidità. Raġuni oħra kienet li t-tnaqqis fil-qligħ f’termini assoluti, tul il-perjodu meqjus ma kienx daqshekk kbir daqs it-tnaqqis fil-fatturat. Madankollu, bejn l-2006 u l-PI, il-likwidità wriet tnaqqis ta’ 15 % li tfisser xejra ’l isfel fl-aħħar parti tal-perjodu analizzat meta kien hemm aktar importazzjonijiet li huma l-oġġett ta’ dumping fis-suq Komunitarju.

(99)

Skont iż-żieda fil-produzzjoni u l-volumi tal-bejgħ, l-impjiegi tal-industrija Komunitarja żdiedu b’178 % tul il-perjodu analizzat. Ġie osservat li l-industrija tal-bijodiżil hi industrija mimlija kapital li ma teħtieġx forza tax-xogħol kbira fil-proċess ta’ produzzjoni.

(100)

Il-pagi medji naqsu b’6 % tul il-perjodu analizzat. Dan hu spjegat bil-fatt li l-forza tax-xogħol supplimentari li ġiet impjegata mill-industrija Komunitarja għat-tkabbir tal-produzzjoni lejn l-aħħar tal-perjodu analizzat ħtieġet inqas kwalifiki.

(101)

Il-produttività naqset bi 11 % bejn l-2005 u l-PI.

(102)

Il-marġnijiet tad-dumping għall-produtturi esportaturi fl-Istati Uniti ġew speċifikati aktar ’il fuq fit-taqsima dwar id-dumping u huma ferm aktar minn de minimis. Barra minn hekk, meta jitqiesu l-volumi u l-prezzijiet tal-importazzjonijiet li huma l-oġġett ta’ dumping, l-impatt tal-marġni effettiv tad-dumping ma jistax jitqies bħala negliġibbli.

(103)

L-analiżi tad-dejta li għandha x’taqsam mas-suq Komunitarju ssuġġeriet li l-produtturi Komunitarji għajr dawk inklużi fil-kampjun u dawk imsemmija fil-premessa (60) tilfu ħafna mis-sehem mis-suq tul il-perjodu analizzat fuq il-bejgħ tal-bijodiżil prodott minnhom fis-suq Komunitarju. It-telf tas-sehem mis-suq minn dawn il-produtturi ġie stmat għal aktar minn 20 punti perċentwali tul il-perjodu analizzat.

(104)

Mit-tagħrif ipprovdut mill-ilmentatur, deher li bosta minn dawn il-kumpaniji jew waqqfu jew naqqsu l-attività tal-bijodiżil tagħhom u ma kinux kapaċi jikkooperaw b’mod xieraq mal-investigazzjoni.

(105)

Barra minn hekk, għadd ta’ kumpaniji li ppreżentaw tagħrif fil-qafas tal-eżerċizzju tal-kampjun indikaw li kellhom inaqqsu l-produzzjoni u l-persunal fid-dawl tal-importazzjonijiet irħas mill-Istati Uniti. Saru kummenti simili minn produtturi oħrajn li kienu lesti li jibdew il-produzzjoni iżda li kellhom idewmu d-dħul tagħhom fis-suq minħabba ż-żieda tal-importazzjonijiet irħas mill-Istati Uniti, b’mod partikolari tul il-PI.

(106)

Id-dejta li tinsab hawn fuq rigward il-produtturi li ma ġewx inklużi fil-kampjun għandha mnejn issaħħaħ il-konklużjonijiet rigward il-ħsara li sofrew il-produtturi Komunitarji li ħadu sehem fil-kampjun.

(107)

Fil-kuntest ta’ domanda dejjem akbar, l-investigazzjoni wriet li l-qagħda tal-produtturi Komunitarji li ħadu sehem fil-kampjun tjiebet rigward indikaturi ta’ volum bħall-produzzjoni (+ 150 %), il-kapaċità ta’ produzzjoni (+ 174 %), u l-volum tal-bejgħ (+ 143 %) tul il-perjodu analizzat. Il-produtturi Komunitarji li ħadu sehem fil-kampjun żiedu wkoll is-sehem mis-suq tagħhom minn 25,3 % fl-2005 għal 29,8 % tul il-PI, jiġifieri żieda modesta ta’ 4,5 punti perċentwali. L-impjiegi u l-investimenti żdiedu wkoll fid-dawl tad-domanda li kienet qiegħda tiżdied għall-bijodiżil fis-suq Komunitarju tul dak il-perjodu. Madankollu, peress li l-volum tal-produzzjoni ma segwiex it-tkabbir tas-suq, l-użu tal-kapaċità ta’ produzzjoni naqas b’9 % u l-produttività naqset bi 11 % tul il-perjodu analizzat.

(108)

L-indikaturi ewlenin li jikkonċernaw il-qagħda finanzjarja tal-produtturi Komunitarji li ħadu sehem fil-kampjun marru għall-agħar tul il-perjodu analizzat. Il-profittabbiltà naqset minn madwar 18 % fl-2005 u l-2006 għal inqas minn 6 % tul il-PI. Minkejja l-ħila tagħhom ta’ awtofinanzjament tal-attivitajiet tagħhom, b’mod partikolari minħabba ż-żieda fil-likwidità, ir-redditu fuq l-investimenti naqas b’mod drammatiku bi 80 % tul il-PI.

(109)

L-investigazzjoni wriet ukoll li l-produtturi Komunitarji li ħadu sehem fil-kampjun ġarrbu tnaqqis f’daqqa fl-ispejjeż tagħhom bejn l-2005 u l-2007 (+ 36 %) u bejn l-2005 u l-PI (+ 42 %), minħabba f’żidiet fil-prezzijiet tal-materja prima agrikola (b’mod partikolari għaż-żejt taż-żerriegħa tar-rapa u tal-fażola tas-sojja), li jirrappreżentaw daqs 80 % tal-ispejjeż sħaħ tal-bijodiżil. Dawn iż-żidiet fl-ispejjeż ma setgħux jingħataw bis-sħiħ lill-klijenti fis-suq Komunitarju.

(110)

Fid-dawl ta’ dak li ntqal aktar ’il fuq, jista’jiġi konkluż li l-industrija Komunitarja bħala entità sħiħa batiet ħsara materjali fl-ambitu tat-tifsira tal-Artikolu 3(5) tar-Regolament bażiku.

(111)

Skont l-Artikolu 3(6) u l-Artikolu 3(7) tar-Regolament bażiku, ġie eżaminat jekk l-importazzjonijiet li huma l-oġġett ta’ dumping fl-Istati Uniti kkawżawx ħsara lill-industrija Komunitarja sa tali punt li tippermettilha li tiġi kklassifikata bħala materjali. Fatturi magħrufa għajr l-importazzjonijiet li huma l-oġġett ta’ dumping, li fl-istess ħin setgħu kienu qed jagħmlu ħsara lill-industrija Komunitarja, kienu eżaminati wkoll biex ikun żgurat li l-ħsara possibbli kkawżata minn dawn il-fatturi l-oħra ma kienx attribwit lill-importazzjonijiet li huma l-oġġett ta’ dumping.

(112)

L-investigazzjoni wriet li l-importazzjonijiet irħas li huma l-oġġett ta’ dumping mill-Istati Uniti żdiedu b’mod sinifikanti f’termini ta’ volum, b’mod partikolari b’100 darba, tul il-perjodu analizzat. Dan irriżulta f’żieda sinifikanti fis-sehem mis-suq tagħhom b’16,8 punti perċentwali minn 0,4 % fl-2005 għal 17,2 % fil-PI. Sabiex jintwera l-impatt sinifikanti li ż-żieda fl-importazzjonijiet li huma l-oġġett ta’ dumping mill-Istati Uniti kellha fuq il-Komunità, ġie osservat li nkisbet żieda fis-sehem mis-suq ta’ 16,8 punti perċentwali fi ħdan perjodu ta’ 15-il xahar.

(113)

Fl-istess żmien, minkejja ż-żieda sinifikanti fil-konsum, l-industrija Komunitarja, fis-suq ewlieni tagħha, kienet biss kapaċi tikseb madwar 4,5 punti perċentwali tas-sehem mis-suq tul il-perjodu analizzat. L-investigazzjoni wriet li dan kien esklussivament b’detriment tal-produtturi Komunitarji oħrajn li waqfu jipproduċu jew naqsu l-produzzjoni tul il-perjodu analizzat.

(114)

Il-prezz medju tal-importazzjonijiet li huma l-oġġett ta’ dumping żdied b’7 % bejn l-2005 u l-PI, iżda madankollu kien konsiderevolment inqas minn dawk tal-industrija Komunitarja matul l-istess perjodu. B’hekk, il-prezzijiet tal-importazzjonijiet li huma l-oġġett ta’ dumping raħħsu b’mod sinifikanti l-prezzijiet tal-industrija Komunitarja b’marġni ta’ tnaqqis medju ta’ 25 % tul il-PI.

(115)

Il-pressjoni eżerċitata miż-żieda tal-importazzjonijiet li huma l-oġġett ta’ dumping bi prezz baxx fis-suq Komunitarju ma kinitx tippermetti lill-industrija Komunitarja biex tistabbilixxi l-prezzijiet ta’ bejgħ tagħha skont il-kondizzjonijiet tas-suq u ż-żieda fl-ispejjeż. Tabilħaqq, fil-PI, il-prezzijiet medji tal-materja prima agrikola użata mill-industrija Komunitarja biex jipproduċu l-bijodiżil, kienu 25 % ogħla milli fl-2006. L-industrija Komunitarja setgħet biss tgħaddi lill-kosumaturi tagħha żieda fil-prezz limitata għal 4 % filwaqt li l-ispejjeż sħaħ tagħha żdiedu b’20 % tul l-istess perjodu. Ta’ min wieħed jinnota li l-prezz tal-materja prima agrikola ewlenija użata mill-produtturi tal-Istati Uniti, b’mod partikolari ż-żejt tal-fażola tas-sojja, żdied ukoll b’mod sinifikanti tul l-istess perjodu. Madankollu, kif jidher fil-premessa (109) hawn fuq, dawn iż-żidiet fl-ispejjeż ma ġewx riflessi fil-prezzijiet tal-importazzjonijiet li huma l-oġġett ta’ dumping.

(116)

Sabiex tintwera aktar ir-rabta kawżali bejn iż-żieda tal-importazzjonijiet li huma l-oġġett ta’ dumping bi prezz baxx mill-Istati Uniti u l-ħsara mġarrba mill-industrija Komunitarja, il-qagħda fis-suq Komunitarju fil-perjodu mill-2005 sal-2006, meta l-importazzjonijiet li huma l-oġġett ta’ dumping ma kinux preżenti, tqabblet mal-qagħda dominanti fis-suq bejn l-2006 sal-PI, meta seħħet iż-żieda tal-importazzjonijiet li huma l-oġġett ta’ dumping bi prezz baxx.

(117)

Fil-perjodu bejn l-2005 u l-2006, meta ma kienx hemm importazzjonijiet li huma l-oġġett ta’ dumping mis-suq Komunitarju, il-konsum żdied b’madwar 1,8 miljun tunnellata. Il-produtturi kollha fil-Komunità jistgħu jħejju l-pjanijiet ta’ negozju tagħhom fid-dawl ta’ suq b’saħħtu u li qiegħed jikber malajr. F’dak il-perjodu, il-prezzijiet żdiedu b’19 % u l-industrija Komunitarja kisbet qligħ ta’ sa 18,3 %. Fl-2007 u tul il-PI, il-qagħda nbidlet b’mod drammatiku. Importazzjonijiet li huma l-oġġett ta’ dumping bi prezz baxx mill-Istati Uniti bdew jidħlu fis-suq. Għalkemm is-suq issokta jikber b’1,6 miljun tunnellata, ħafna minn din iż-żieda tas-suq (’il fuq minn miljun tunnellata) ittieħdet mill-importazzjonijiet li huma l-oġġett ta’ dumping mill-Istati Uniti. L-industrija Komunitarja żiedet biss bi ftit is-sehem tagħha fis-suq. L-ispejjeż ewlenin sabiex tipproduċi l-bijodiżil żdiedu b’mod sinifikanti b’madwar 25 % iżda l-prezz tal-bejgħ medju tagħha żdied biss b’madwar 4 % tul l-istess perjodu. Għaldaqstant, il-qagħda ekonomika u finanzjarja globali tagħha marret għall-agħar tul il-PI peress li l-qligħ naqas b’mod sinifikanti għal inqas minn 6 % tal-fatturat.

(118)

Fuq il-bażi ta’ dak li ntqal aktar ’il fuq, huwa provviżorjament konkluż li l-importazzjonijiet li huma l-oġġett ta’ dumping bi prezz baxx, li raħħsu b’mod sostanzjali l-prezz tal-industrija tal-Komunità matul il-PI u li żdiedu drastikament fil-volum, kellhom rwol determinanti fil-ħsara materjali li sofriet l-industrija Komunitarja, li huwa rifless b’mod partikolari fid-deterjorament tal-qagħda finanzjarja tul il-PI.

(119)

Il-volumi ta’ importazzjoni mill-pajjiżi terzi ma setgħux jiġu vvalutati b’mod preċiż fl-investigazzjoni għar-raġunijiet spjegati fil-premessa (69) hawn fuq. B’hekk, id-data tat-tabella hawn fuq tissejjes fuq l-istimi pprovduti mill-ilmentatur.

(120)

L-importazzjonijiet mill-pajjiżi terzi mhux ikkonċernati minn din l-investigazzjoni żdiedu minn madwar 30 000 tunnellata fl-2005 għal 147 812 tunnellata tul il-PI. Dan irriżulta minn żieda fis-sehem mis-suq moderat ta’ 1,3 punti perċentwali tul l-istess perjodu. Għalhekk ġie konkluż provviżorjament li l-importazzjonijiet minn pajjiżi terzi oħra għamlu ftit li xejn ħsara lill-industrija Komunitarja.

(121)

Fid-dawl tat-tkabbir sinifikanti fid-domanda tul il-perjodu meqjus u l-perjodu analizzat, it-tort tal-ħsara materjali mġarrba mill-industrija Komunitarja tul il-PI ma jistax jingħata lit-tnaqqis minimu fid-domanda (- 0,5 %) osservat fis-suq Komunitarju bejn l-2007 u l-PI.

(122)

Parti kkonċernata allegat li d-dħul mill-ġdid tat-taxxi fuq l-enerġija fil-Ġermanja għall-bijodiżil (15), kellu mnejn influwenza ħażin il-qagħda ekonomika tal-produtturi Komunitarji li fornew lil dak l-Istat Membru partikolari.

(123)

L-investigazzjoni wriet li tassew li l-bijofjuwils puri użati fil-Ġermanja bbenefikaw minn inċentiva tat-taxxa mill-1999 li naqset mill-1 ta’ Awwissu 2006. Madankollu, fl-1 ta’ Jannar 2007, iddaħħal rekwiżit mandatorju għat-taħlit (16) li jiffissa l-kwota tal-bijodiżil għal 4,4 % kkalkulat fuq il-bażi tal-kontenut tal-enerġija tal-petrol u d-diżil kollu mqiegħed fuq is-suq tal-Ġermanja għall-finijiet tat-trasport. L-operaturi li ma jirnexxilhomx jissodisfaw din il-kwota għandhom iħallsu piena ta’ EUR 0,60 għal kull litru ta’ bijodiżil li minħabba fih ma jissodisfawx il-kwota. Fil-biċċa l-kbira, dan ir-rekwiżit mandatorju ta’ taħlit jidher li kkumpensa għat-telf allegat tal-bejgħ u li kkontrobilanċja t-tnaqqis fl-inċentivi. Tabilħaqq, l-investigazzjoni wriet li l-volumi tal-bejgħ tal-produtturi Komunitarji li ħadu sehem fil-kampjun li jfornu lis-suq Ġermaniż żdiedu bi 68 % bejn l-2006 u l-PI.

(124)

Imsejjes fuq dak li ntqal hawn fuq, tqies li deċiżjonijiet meħuda mill-awtoritajiet pubbliċi fil-Komunità ma jistgħux ikisru r-rabta kawżali bejn l-importazzjonijiet li huma l-oġġett ta’ dumping u l-ħsara materjali li sofriet l-industrija Komunitarja.

(125)

Parti kkonċernata allegat li, imħeġġa mill-miżuri politiċi pubbliċi li jippromwovu l-produzzjoni tal-bijodiżil, bosta kumpaniji fil-Komunità ddeċidew li jinvestu fil-kapaċitajiet ta’ produzzjoni li jeżistu li qegħdin jikbru u f’impjanti ġodda. Dik il-parti allegat li l-kapaċità ta’ produzzjoni għall-bijodiżil fil-Komunità kienet għolja daqs 11,5 miljun tunnellata tul il-PI. Il-parti kompliet tallega li, peress li l-iżvilupp tal-konsum ma ssodisfax l-istennijiet, parti sinifikanti tal-kapaċità ta’ produzzjoni baqgħet wieqfa u kellha mnejn tibqa’ wieqfa anke mingħajr l-importazzjonijiet mill-Istati Uniti. Għaldaqstant, l-ispejjeż relattivi fissi kellhom effett negattiv fuq il-profittabbiltà kif ukoll fuq ir-redditu mill-investiment u l-likwidità tal-produtturi Komunitarji.

(126)

F’dan ir-rigward, ġie osservat li l-investigazzjoni ffokat fuq il-qagħda tal-produtturi Komunitarji. Għalkemm huwa fatt li l-kapaċità ta’ produzzjoni tal-industrija Komunitarja żdiedet (+ 189 %) relattivament aktar mid-domanda (+ 106 %), ta’ min wieħed jinnota li l-kawżi ewlenin tal-ispejjeż fil-produzzjoni tal-bijodiżil huma l-ispejjeż varjabbli. Tabilħaqq, kif imsemmi fil-premessa (109) hawn fuq, il-materja prima għall-produzzjoni tal-bijodiżil tirrappreżenta 80 % tal-ispejjeż sħaħ. Aktar eżamijiet ta’ din l-allegazzjoni wrew li s-sehem tal-ispejjeż fissi fil-produzzjoni u l-bejgħ tal-bijodiżil jirrappreżentaw biss 6 % tal-ispejjeż globali. B’hekk, kwalunkwe impatt allegat taż-żieda tal-ispejjeż fissi, bħala riżultat tal-kapaċità li mhix użata, ma jistax jispjega d-deterjorament sinifikanti fil-qagħda finanzjarja tal-industrija Komunitarja tul il-PI.

(127)

Barra minn hekk, ta’ min wieħed jinnota li kif indikat fit-tabella 4 ta’ hawn fuq, ir-rata tal-użu tal-kapaċità tal-produtturi Komunitarji li ħadu sehem fil-kampjun kienet ta’ 80 % tul il-PI. B’hekk, il-kapaċità żejda allegata fil-Komunità ma kinitx mixhuda fil-każ tal-produtturi Komunitarji li ħadu sehem fil-kampjun

(128)

Imsejjes fuq dak li ntqal hawn fuq, tqies li kwalunkwe impatt negattiv li l-kapaċità ta’ produzzjoni wieqfa setgħet kellha fuq l-industrija Komunitarja ma kinitx tali li tkisser ir-rabta kawżali bejn l-importazzjonijiet li huma l-oġġett ta’ dumping u l-ħsara li sofriet l-industrija Komunitarja.

(129)

Parti interessata sostniet li ż-żieda fid-domanda għaż-żerriegħa tar-rapa u ż-żejt taż-żerriegħa tar-rapa wassal għal prezzijiet għoljin tal-materja prima fil-Komunità. Il-fatt li l-produtturi Komunitarji jiddependu fuq iż-żejt taż-żerriegħa tar-rapa bħala materja prima ewlenija jista’ jispjega għaliex huma sofrew aktar minn produtturi oħra li użaw żjut veġetali bħaż-żejt tal-fażola tas-sojja jew iż-żejt tal-palm biex jipproduċu l-bijodiżil.

(130)

L-ewwel nett ġie nnotat li l-investigazzjoni kixfet li l-produtturi Komunitarji li ħadu sehem fil-kampjun ma kinux qegħdin jiddependu biss fuq iż-żejt taż-żerriegħa tar-rapa għall-produzzjoni tagħhom tal-bijodiżil iżda wkoll fuq iż-żjut veġetali (tal-fażola tas-sojja, tal-palm u tal-ġirasol) u ġieli fuq ix-xaħam tal-annimali.

(131)

Barra minn hekk, ġie tabilħaqq rikonoxxut fil-premessa (109) hawn fuq li l-industrija Komunitarja ħabtet wiċċha ma’ żieda sinifikanti fl-ispejjeż tal-materja prima tagħha (materja prima agrikola) tul il-perjodu analizzat. Madankollu, wieħed għandu jara dan l-iżvilupp fid-dawl ta’ żieda ġenerali fil-prezzijiet tal-prodotti agrikoli mad-dinja kollha u ġie nnotat f’dan ir-rigward li ż-żieda fil-prezz taż-żejt tal-fażola tas-sojja (il-materja prima agrikola ewlenija użata mill-produtturi fil-pajjiż ikkonċernat) kienet aktar immarkata tul l-istess perjodu. B’hekk, it-tipi kollha tal-bijodiżil ġew affettwati miż-żieda fil-prezz tal-materja prima agrikola.

(132)

F’suq immexxi mill-kompetizzjoni effettiva, għandu jiġi mistenni li l-produtturi jirnexxilhom jirkupraw lura ż-żieda fl-ispejjeż u jgħadduha lis-suq. Madankollu, l-investigazzjoni wriet li l-pressjoni eżerċitata miż-żieda tal-importazzjonijiet li huma l-oġġett ta’ dumping bi prezz baxx fis-suq Komunitarju ma kinitx tippermetti lill-produtturi Komunitarji biex jistabbilixxu l-prezzijiet ta’ bejgħ tagħhom skont il-kondizzjonijiet tas-suq u ż-żieda fl-ispejjeż. Kif imsemmi, anke l-materja prima agrikola ewlenija użata mill-produtturi tal-Istati Uniti, b’mod partikolari ż-żejt tal-fażola tas-sojja, żdiedet ukoll b’mod sinifikanti tul il-perjodu analizzat. Madankollu, dawn iż-żidiet fl-ispejjeż fl-Istati Uniti ma ġewx riflessi fil-prezzijiet tal-importazzjonijiet li huma l-oġġett ta’ dumping fis-suq Komunitarju.

(133)

F’dan l-isfond iż-żieda fil-prezz tal-materja prima ma tistax tikser ir-rabta kawżali bejn l-importazzjonijiet li huma l-oġġett ta’ dumping u l-ħsara li ġarrbet l-industrija Komunitarja.

(134)

Parti interessata argumentat li minħabba l-korrelazzjoni qawwija bejn il-prezzijiet tad-diżil minerali u l-prezzijiet tal-bijodiżil, iż-żieda fil-prezzijiet tal-bijodiżil, li kienet akbar miż-żieda tal-prezzijiet tad-diżil minerali, b’mod partikolari fil-Ġermanja, kellha mnejn tikkawża tnaqqis fil-bejgħ għall-produtturi li jfornu s-suq ta’ dan l-Istat Membru.

(135)

L-ewwel nett ġie osservat li l-parti kkonċernata ma pprovdiet l-ebda tagħrif biex tissostanzja din l-allegazzjoni. Barra minn hekk, għall-kuntrarju ta’ dak li ġie ssuġġeriet minn din il-parti, l-investigazzjoni kixfet li l-industrija Komunitarja żiedet il-bejgħ u s-sehem mis-suq tagħha tul il-perjodu analizzat. Barra minn hekk, peress li l-prezzijiet taż-żejt mhux raffinat huma kkwotati fuq bażi tad-dinja kollha, il-bejgħ tal-prodott ikkonċernat kellu jkun affettwat bl-istess mod bħall-bejgħ tal-bijodiżil prodott fil-Komunità.

(136)

Fuq il-bażi ta’ dan t’hawn fuq, dan l-argument kellu jiġi rrifjutat.

(137)

Parti interessata sostniet li l-lok ta’ kwalunkwe produttur tal-bijodiżil jkun element importanti f’termini ta’ kompetittività u juża l-Ġermanja bħala eżempju biex juri li l-postijiet imdawrin bl-art tal-produtturi tal-bijodiżil ikollhom iġarrbu spejjeż ta’ trasport għoljin peress li l-klijenti l-kbar kollha, b’mod partikolari r-raffineriji u l-faċilitajiet ta’ taħlit tagħhom jinsabu max-xatt.

(138)

L-investigazzjoni wriet li huwa biss għadd żgħir tal-produtturi tal-industrija Komunitarja li jinsabu f’postijiet imdawrin bl-art. Barra minn hekk, għal ċerti minn dawn il-produtturi nstab li r-raffinaeriji eżistew ukoll f’postijiet imdawrin bil-baħar qrib ta’ dawn il-produtturi. Għall-oħrajn, l-investigazzjoni żvelat li kwalunkwe żvantaġġ għall-produtturi tal-bijodiżil li jinsabu f’postijiet imdawrin bl-art għall-fatt li jinsabu ’l bogħod mill-klijenti tagħhom (min iħallat, raffineriji) kien ikkumpensat mill-fatt li jinsabu qrib imtieħen li jfarrku u/jew fornituri tal-materja prima agrikola.

(139)

Fuq il-bażi ta’ li ntqal hawn fuq, l-allegazzjoni li l-lok tal-impjant f’postijiet imdawrin bil-baħar qiegħed jikkawża ħsara materjali lill-industrija Komunitarja ġiet miċħuda

(140)

Għandu jiġi osservat li l-impatt tal-importazzjonijiet mill-Istati Uniti mit-tliet kumpaniji msemmija fil-premessa (60) kien ikkunsidrat fl-analiżi tal-effett tal-importazzjonijiet li huma l-oġġett ta’ dumping mill-Istati Uniti magħmula fil-premessi (112) sa (118) hawn fuq. Għal dak li għandu x’jaqsam mal-bejgħ tagħhom tal-bijodiżil prodott minnhom, l-investigazzjoni ma ppuntatx lejn il-prezzijiet jew imġiba differenti minn dak tal-produtturi Komunitarji li ħadu sehem fil-kampjun, b’mod partikolari tul il-PI.

(141)

L-analiżi msemmija hawn fuq uriet li kien hemm żieda sostanzjali fil-volum u s-sehem mis-suq tal-importazzjonijiet li huma l-oġġett ta’ dumping bi prezz baxx li joriġinaw mill-Istati Uniti bejn l-2005 u l-PI. Fl-istess ħin, instab li dawn l-importazzjonijiet kienu qegħdin iraħħsu b’mod sinfikanti l-prezz tal-industrija Komunitarja tul il-PI.

(142)

Is-sejbiet varji tal-investigazzjoni u l-analiżi li twettqet, għall-perjodu 2005 u 2006 meta mqabbel mal-perjodu 2007 sal-PI, urew li kien hemm koinċidenza ċara fil-ħin bejn iż-żieda tal-importazzjonijiet bi prezz baxx mill-Istati Uniti u d-deterjorament sinifikanti tal-qagħda ekonomika tal-industrija Komunitarja, b’mod partikolari tul il-PI.

(143)

Skont l-analiżi msemmija hawn fuq, li għamlet distinzjoni xierqa u firdet l-effetti tal-fatturi kollha magħrufin dwar il-qagħda tal-industrija Komunitarja mill-effetti dannużi tal-importazzjonijiet li huma l-oġġett ta’ dumping, huwa konkluż b’mod provviżorju li l-importazzjonijiet li huma l-oġġett ta’ dumping mill-Istati Uniti kkawżaw ħsara materjali lill-industrija Komunitarja skont it-tifsira tal-Artikolu 3(6) tar-Regolament bażiku.

(144)

Skont l-Artikolu 21 tar-Regolament bażiku, il-Komunità eżaminat jekk, minkejja l-konklużjoni dwar id-dumping li huwa ta’ ħsara, kinux jeżistu raġunijiet kompulsivi li mhuwiex fl-interess tal-Komunità li tadotta miżuri f’dan il-każ partikolari. Id-determinazzjoni tal-interess Komunitarju kienet ibbażata fuq apprezzament tad-diversi interessi kollha involuti, inkluż dawk tal-industrija Komunitarja, l-importaturi, il-fornituri tal-materja prima, u l-utenti tal-prodott ikkonċernat.

(145)

Kif issemma aktar ’il fuq, l-industrija Komunitarja batiet minn ħsara materjali kkawżata mill-importazzjonijiet li huma l-oġġett ta’ dumping li joriġinaw mill-Istati Uniti. Jekk ma jitteħdux miżuri, dan wisq probabbli jwassal għall-issoktar tax-xejra negattiva tal-qagħda finanzjarja tal-industrija Komunitarja. Il-qagħda tal-industrija Komunitarja kienet partikolarment immarkata minn tnaqqis fil-profittabilità ta’ 12,6 punti perċentwali bejn l-2005 u l-PI minħabba żidiet mhux biżżejjed fil-prezz. Tabilħaqq, fid-dawl tax-xejra ’l isfel fil-profittabilità, x’aktarx li l-qagħda finanzjarja tal-industrija Komunitarja se tmur aktar għall-agħar fin-nuqqas ta’ miżuri. Dan fl-aħħar mill-aħħar iwassal għal tnaqqis fil-produzzjoni u għeluq tal-postijiet tal-produzzjoni, li għalhekk jheddu l-impjiegi u l-investimenti fil-Komunità.

(146)

Jitqies li l-impożizzjoni tal-miżuri għandha terġa’ ġġib il-kompetizzjoni ġusta fis-suq. Għandu jiġi nnotat li x-xejra ’l isfel fil-profittabilità tal-industrija Komunitarja hija r-riżultat tad-diffikultà li għandha biex tikkompeti mal-importazzjonijiet li kienu l-oġġetti ta’ dumping, bi prezzijiet baxxi li joriġinaw mill-Istati Uniti. L-impożizzjoni ta’ miżuri anti-dumping x’aktarx tqiegħed lill-industrija Komunitarja fil-pożizzjoni li żżomm il-profittabilità tagħha fuq livelli meqjusa meħtieġa għal din l-industrija b’kapital intensiv.

(147)

Fl-aħħar nett, huwa mistenni li l-miżuri jkunu effettivi biex jagħtu lill-industrija Komunitarja l-opportunità li tirkupra mid-dumping dannuż li nstab matul l-investigazzjoni.

(148)

Mal-bidu tal-investigazzjoni ġew ikkuntattjati madwar 25 importatur/negozjant fil-Komunità li ma għandhomx x’jaqsmu. Madankollu, ma waslet ebda kooperazzjoni minn dawn il-partijiet.

(149)

F’dawn iċ-ċirkostanzi, ma kienx provviżorjament possibbli li jiġi evalwat b’mod preċiż l-impatt possibbli tal-miżuri fuq l-impurtaturi.

(150)

Il-kumpaniji utenti magħrufa kollha involuti fil-produzzjoni u t-tqassim tad-diżil minerali, u involuti wkoll fit-taħlit obbligatorju tad-diżil minerali mal-bijodiżil ġew ikkuntattjati u ntbagħtulhom kwestjonarji malli bdiet l-investigazzjoni.

(151)

Kienet kumpanija utenti waħda biss li kkooperat. Dan l-utent ressaq it-tweġiba tal-kwestjonarju tiegħu fejn iddikjara li hu favur li l-flussi ta’ importazzjonijiet bi prezz baxx mill-Istati Uniti jitwaqqfu, peress li joħolqu distorsjonijiet ta’ kompetizzjoni fil-Komunità li jikkawżaw ħsara lill-kumpaniji responsabbli mill-manifattura u l-bejgħ tad-diżil, peress li ċerti kompetituri li ma jrażżnux rwieħhom milli jixtru dan il-prodott bi prezz baxx għandhom vantaġġ ta’ kompetizzjoni inġusta meta mqabbla ma’ dawk li jrażżnu ruħhom milli jagħmlu dan. Il-kumpanija utent sostniet ukoll li l-miżuri għandhom mnejn jippermettu l-bidu mill-ġdid tal-fabbriki tal-produzzjoni tal-esteri (b’mod partikolari l-Ġermanja) u/jew se jippermettu li jissoktaw proġetti li joħolqu fabbriki ta’ esterifikazzjoni ġodda fil-Komunità. Peress li l-ester Ewropew hu magħmul tradizzjonalment miż-żerriegħa tar-rapa (materja prima ta’ kwalità aħjar milli l-palma jew is-sojja użati għall-produzzjoni ta’ B99), iż-żieda fl-għadd ta’ produtturi fl-Ewropa għalhekk tfisser aktar prodotti ta’ kwalità aħjar li jwasslu għal tnaqqis fil-prezzijiet tal-esteri, għall-benefiċċju aħħari tal-konsumatur.

(152)

Assoċjazzjoni tal-utent, li tirrappreżenta l-interess tal-Baħħara fi Stat Membru sostniet li l-impożizzjoni ta’ miżuri jista’ jkollha effett negattiv fuq l-attività tal-membri tagħha. Ġie allegat li d-diżil hu responsabbli għal minn 20 sa 25 % tal-ispejjeż tas-settur tat-trasport u li minħabba l-profittabbiltà baxxa tas-settur (0-5 %), il-prezz tad-diżil hu determinanti għas-sopravivenza ta’ eluf ta’ kumpaniji. Madankollu, dawn l-allegazzjonijiet ma jistgħux jiġu verifikati peress li ma waslu l-ebda tweġibiet għall-kwestjonarji tal-utenti minn membri individwali tal-assoċjazzjoni kkonċernata.

(153)

F’dawn iċ-ċirkostanzi, kien proviżorjament konkluż li, fuq il-bażi tal-informazzjoni pprovduta, l-effett tal-miżuri anti-dumping jidhru li kienu mħallta u b’hekk ma saru l-ebda konklużjonijiet ċari rigward l-eżistenza ta’ raġunijiet b’saħħithom, fl-interess tal-utenti sabiex ma jadottawx miżuri f’dan il-każ partikolari.

(154)

Sitt fornituri wieġbu għall-kwestjonarju. Erbgħa sostnew l-impożizzjoni tal-miżuri anti-dumping billi ressqu li, jekk il-miżuri anti-dumping ma kinux se jiġu imposti, il-preżenza fit-tul tal-industrija Komunitarja kienet se titqiegħed f’riskju. Jekk dan iseħħ, ikun hemm impatt negattiv ċar fuq is-sitwazzjoni tagħhom.

(155)

Tnejn oħra li kienu relatati ma’ produtturi li jesportaw il-bijodiżil fl-Istati Uniti, ressqu li miżuri possibbli ma kinux se jkunu ta’ impatt sinifikanti peress li kienu se jirriżultaw f’bidla fil-flussi tal-kummerċ (bidla lejn l-importazzjonijiet mill-pajjiżi li mhumiex koperti mill-miżuri).

(156)

Fuq il-bażi ta’ dan ta’ hawn fuq, ġie konkluż li l-impożizzjoni ta’ miżuri kien se jkollha effett pożittiv fuq il-qagħda tal-fornituri tal-materja prima.

(157)

Parti interessata allegat inkoerenza ta’ dan il-proċediment mad-deċiżjonijiet tal-politika internazzjonali u Komunitarja biex tippromwovi l-produzzjoni u l-bejgħ tal-bijofjuwils relatati mal-ħarsien tal-ambjent u tnaqqis fid-dipendenza mill-fjuwils minerali.

(158)

F’dan ir-rigward, ġie osservat li l-Artikolu 21 tar-Regolament bażiku jeħtieġ li jingħataw kunsiderazzjonijiet speċjali biex jinqerdu l-effetti li jgħawġu l-kummerċ ta’ dumping dannuż u biex tiġi restawrata l-kompetizzjoni effettiva. F’dan l-isfond, ma jistgħux jitqiesu l-konsiderazzjonijiet ġenerali dwar il-ħarsien ambjentali u l-forniment ta’ diżil minerali fl-analiżi u fl-istess waqt ma jistgħux jiġġustifikaw prassi ta’ kummerċ inġusti.

(159)

Rigward is-suq Komunitarju, wara l-impożizzjoni ta’ miżuri anti-dumping, il-produtturi li jesportaw tal-Istati Uniti kkonċernati, meta jitqiesu l-pożizzjonijiet b’saħħithom li għandhom fis-suq, probabbilment se jkomplu jbigħu l-prodotti tagħhom, għalkemm bi prezzijiet li ma kinux l-oġġett ta’ dumping. Huwa probabbli wkoll li xorta se jkun hemm numru biżżejjed ta’ kompetituri ewlenin fis-suq Komunitarju, b’mod partikolari l-produtturi Komunitarji li waqqfu temporanjament il-produzzjoni u oħrajn li ma kinux kapaċi jniedu l-attivitajiet ta’ produzzjoni tagħhom minħabba l-importazzjonijiet li huma l-oġġett ta’ dumping. Għandu jkun innotat f’dan ir-rigward li, fil-bidu tal-perjodu analizzat, il-bejgħ mill-produtturi Komunitarji li ma kinux rappreżentati f’din l-investigazzjoni ammontaw għal mill-inqas 30 % mis-suq Komunitarju u dan is-sehem naqas sostanzjalment minħabba l-importazzjonijiet li huma l-oġġett ta’ dumping mill-Istati Uniti. Għalhekk, huwa probabbli li l-utenti se jkomplu jkollhom l-għażla ta’ fornituri differenti tal-bijodiżil. Jekk, madankollu, ma tkun imposta l-ebda miżura, il-ġejjieni tal-industrija Komunitarja jkun fil-periklu. L-għibien tagħha jnaqqas bil-kbir il-kompetizzjoni fis-suq Komunitarju.

(160)

L-impożizzjoni ta’ miżuri fuq l-importazzjonijiet tal-bijodiżil li joriġinaw mill-Istati Uniti tkun ovvjament fl-interessi tal-industrija Komunitarja. Din tippermetti lill-industrija Komunitarja sabiex tikber u tirkupra mill-ħsara li ġiet ikkawżata mill-importazzjonijiet li huma l-oġġett ta’ dumping. Madankollu, jekk ma jiġu imposti l-ebda miżuri, hu probabbli li l-qagħda ekonomika tal-industrija Komunitarja tissokta tmur għall-agħar u aktar operaturi għandhom mnejn ifallu. Barra minn hekk, filwaqt li ma jistgħu jsiru l-ebda konklużjonijiet ċari b’rigward għall-utenti u l-importaturi, l-impożizzjoni ta’ miżuri kienet mistennija wkoll li tkun fl-interessi tal-fornituri tal-materja prima.

(161)

Fid-dawl ta’ dak li ngħad aktar ’il fuq, qed jiġi provviżorjament konkluż li f’dan il-każ m’hemm l-ebda raġuni konvinċenti tal-interess Komunitarju kontra l-impożizzjoni ta’ dazji anti-dumping f’dan il-każ.

(162)

Fid-dawl tal-konklużjonijiet milħuqa rigward dumping, ħsara, kawżalità u interess Komunitarju, miżuri ta’ anti-dumping provviżorji għandhom ikunu imposti sabiex tkun evitata iktar ħsara kkawżata lill-industrija Komunitarja mill-importazzjonijiet li huma l-oġġett ta’ dumping.

(163)

Il-livell ta’ kwalunkwe miżura anti-dumping għandu jkun biżżejjed biex tinqered il-ħsara lill-industrija Komunitarja kkawżata mill-importazzjonijiet li huma l-oġġett ta’ dumping, mingħajr ma jinqabżu l-marġni ta’ dumping misjuba. Meta jiġi kkalkulat l-ammont ta’ dazju meħtieġ biex jitneħħew l-effetti dannużi tad-dumping, tqies li kwalunkwe miżura għandha tħalli lill-industrija Komunitarja tagħmel qligħ qabel it-taxxa li jista’ jinkiseb b’mod raġjonevoli f’kundizzjonijiet normali ta’ kompetizzjoni, jiġifieri fin-nuqqas ta’ importazzjonijiet li huma l-oġġetti ta’ dumping.

(164)

Għal dan il-għan, marġni ta’ qligħ ta’ 15 % tal-fatturat jista’ jitqies bħala livell xieraq li l-industrija Komunitarja setgħet kienet qed tistenna li tikseb fin-nuqqas ta’ dumping li huwa ta’ ħsara msejjes fuq ir-rendiment tal-industrija Komunitarja fuq l-ewwel parti tal-perjodu meqjus (2004, 2005 u 2006) u meqjus raġjonevoli biex jiggarantixxi investiment produttiv fit-tul għal din l-industrija stabbilita dan l-aħħar.

(165)

Iż-żieda meħtieġa fil-prezz kienet imbagħad determinata fuq il-bażi ta’ tqabbil bejn il-prezz medju b’piż differenzjat tal-importazzjonijiet, kif kien stabbilit għall-kalkoli tat-traħħis fil-prezz, mal-prezz li ma jagħmilx ħsara lill-prodotti mibjugħa mill-industrija Komunitarja fis-suq Komunitarju. Il-prezz ta’ mingħajr ħsara nkiseb bl-aġġustament tal-prezz tal-bejgħ tal-produtturi Komunitarji li ħadu sehem fil-kampjun mill-qligħ/telf attwali magħmul matul il-PI u biż-żieda tal-marġni ta’ qligħ imsemmi hawn fuq. Kull differenza li tirriżulta minn dan it-tqabbil ġiet imbagħad espressa bħala perċentwali tal-valur CIF totali tal-importazzjoni.

(166)

Fid-dawl ta’ dak li ngħad aktar ’il fuq, qed jitqies li, skont l-Artikolu 7(2) tar-Regolament bażiku, għandhom jiġu imposti dazji anti-dumping provviżorji fir-rigward tal-importazzjonijiet li joriġinaw mill-Istati Uniti fuq il-livell tal-marġni t’isfel tad-dumping u tal-ħsara, skont ir-regola ta’ inqas dazju.

(167)

Madankollu, f’parallel mal-proċediment AS, dazji ta’ kontrobilanċ fuq l-importazzjonijiet tal-bijodiżil li joriġinaw mill-Istati Uniti huma imposti wkoll. Is-sussidji misjuba f’dan il-proċediment parallel mhumiex sussidji għall-esportazzjoni u huma għalhekk ikkunsidrati bħala li m’għandhomx effett fuq il-prezz għall-esportazzjoni u fuq il-marġni korrespondenti ta’ dumping. Għalhekk, fid-dawl tal-fatt li l-importazzjonijiet eżaminati huma komuni għaż-żewġ proċedimenti, id-dazji anti-dumping jistgħu jiġu imposti flimkien mad-dazji ta’ kontrobilanċ sakemm dawk iż-żewġ dazji flimkien ma jaqbżux il-marġni tat-tneħħija tad-dumping.

(168)

Fuq il-bażi ta’ dak li ngħad hawn fuq, ir-rati tad-dazji anti-dumping ġew stabbiliti permezz tat-tqabbil tal-marġni tat-tneħħija tal-ħsara, il-marġni tad-dumping u r-rati ta’ dazju ta’ kontrobilanċ. Għaldaqstant, id-dazji provviżorji ta’ anti-dumping għandhom ikunu kif ġej:

(169)

Fid-dawl tal-fatt li d-dazji anti-dumping se japplikaw għat-taħlitiet li fihom aktar minn 20 % ta’ bijodiżil fil-piz, bħala proporzjon tal-kontenut tal-bijodiżil tagħhom, jitqies xieraq għall-implimentazzjoni effettiva tal-miżuri mill-awtoritajiet doganali tal-Istati Membri li jiġu ddeterminati d-dazji bħala ammonti fissi fuq il-bażi tal-kontenut tal-bijodiżil.

(170)

Il-kumpanija individwali tar-rati tad-dazju anti-dumping f’dan ir-Regolament kienu stabbiliti fuq il-bażi tas-sejbiet ta’ din l-investigazzjoni. Għalhekk, jirriflettu s-sitwazzjoni li nstabet waqt l-investigazzjoni rigward dawn il-kumpaniji. Dawn ir-rati ta’ dazju (għall-kuntrarju tad-dazju madwar il-pajjiż kollu applikabbli għall-“kumpaniji l-oħra kollha”) huma għalhekk applikabbli esklussivament għal importazzjonijiet ta’ prodotti li joriġinaw mill-pajjiż ikkonċernat u prodotti mill-kumpaniji u għalhekk mill-entitajiet ġuridiċi speċifiċi msemmija. Il-prodotti importati prodotti minn kwalunkwe kumpanija oħra mhux imsemmija speċifikament fil-parti operattiva ta’ dan ir-Regolament bl-isem u l-indirizz tagħha, inklużi l-entitajiet relatati ma’ dawk imsemmija speċifikament, ma jistgħux jibbenefikaw minn dawn ir-rati u għandhom ikunu soġġetti għar-rata tad-dazju applikabbli għall-’kumpaniji l-oħra kollha’.

(171)

Il-konklużjonijiet provviżorji msemmija hawn fuq ġew żvelati lill-partijiet interessati li se jkunu mistiedna biex iressqu l-fehmiet tagħhom bil-miktub u jitolbu seduta. Il-kummenti tagħhom se jkunu analizzati u se jitqiesu fejn ikun iġġustifikat qabel ma ssir kwalunkwe determinazzjoni definittiva. Is-sejbiet provviżorji jista’ jkollhom jitqiesu mill-ġdid għall-finijiet ta’ kwalunkwe sejba definittiva.

12.3.2009   

MT

Il-Ġurnal Uffiċjali tal-Unjoni Ewropea

L 67/50

(1)

Fit-13 ta’ Ġunju 2008, il-Kummissjoni ħabbret, permezz ta’ avviż (“avviż ta’ inizjazzjoni”) li ġie ppubblikat f'Il-Ġurnal Uffiċjali tal-Unjoni Ewropea  (2), l-inizjazzjoni ta’ proċediment kontra s-sussidju (“investigazzjoni AS” jew “l-investigazzjoni”) fir-rigward l-importazzjonijiet fil-Komunità ta’ biodiżil li joriġina mill-Istati Uniti tal-Amerika (“Stati Uniti” jew il-“pajjiż ikkonċernat”).

(2)

Fl-istess jum, il-Kummissjoni ddikjarat, permezz ta’ avviż ippubblikat f'Il-Ġurnal Uffiċjali tal-Unjoni Ewropea  (3), il-bidu ta’ proċediment anti-dumping fir-rigward ta’ importazzjonijiet fil-Komunità ta’ biodiesel li joriġina mill-Istati Uniti u nediet investigazzjoni separata (“proċediment AD”).

(3)

L-investigazzjoni AS tnediet wara lment li tressaq fid-29 ta’ April 2008 mill-Bord Ewropew tal-Biodiżil (“il-kwerelant”) f'isem il-produtturi li jirrappreżentaw proporzjon ewlieni, f'dan il-każ ta’ aktar minn 25 % tal-produzzjoni totali tal-Komunità ta’ biodiżil. L-ilment kien jinkludi evidenza prima facie ta’ sussidju tal-imsemmi prodott u tad-dannu materjali li jirriżulta minnu, li kien ikkunsidrat biżżejjed biex tkun ġustifikata l-inizjazzjoni ta’ investigazzjoni AS.

(4)

Qabel l-inizjazzjoni tal-proċedura u bi qbil mal-Artikolu 10(9) tar-Regolament bażiku, il-Kummissjoni għarrfet lill-Gvern tal-Istati Uniti li kienet irċeviet ilment dokumentat kif suppost li jallega li importazzjonijiet sussidjati ta’ biodiżil li joriġinaw fl-Istati Uniti kienu qed jikkawżaw ħsara materjali lill-industrija tal-Komunità. Il-Gvern tal-Istati Uniti ġie mistieden għal konsultazzjonijiet bl-għan li tiġi ċċarata s-sitwazzjoni rigward il-kontenut tal-ilment u li wieħed jasal għal soluzzjoni miftiehma b'mod reċiproku. Il-Gvern tal-Istati Uniti aċċetta l-offerta għall-konsultazzjonijiet u l-konsultazzjonijiet saru sussegwentement fit-2 ta’ Ġunju 2008. Matul il-konsultazzjonijiet, l-ebda parti ma rnexxielha tasal għal konklużjoni miftiehma b'mod reċiproku. Madankollu, ittieħdet nota tal-kummenti li saru mill-awtoritajiet tal-Istati Uniti li enfasizzaw li għal xi wħud mill-programmi statali fl-ilment, ma kienx dejjem ċar mit-tagħrif disponibbli fl-ilment li kien hemm benefiċċji kumpensatorji għall-produtturi/esportaturi tal-biodiżil fl-Istati Uniti. Wara li ġie eżaminat it-tagħrif disponibbli, ġie deċiż li l-iskemi statali jiġu esklużi mill-ambitu tal-investigazzjoni anki jekk dawn huma mniżżla fl-avviż ta’ bidu. Il-programm ta’ Florida dwar l-għoti għat-teknoloġija tal-enerġija li tiġġedded, il-programm ta’ Texas dwar riċerċa u żvilupp għal teknoloġija ġdida, il-programm ta’ Washington dwar libertà fl-enerġija tal-istat (it-tieni parti), il-fond ta’ Alabama għall-iżvilupp tar-riċerka u l-fossili alternattivi, il-kreditu ta’ taxxa ta’ North Dakota għat-tagħmir ta’ bejgħ u s-self għall-infrastruttura tar-refuelling u vetturi bi fjuwil alternattiv.

(5)

Il-Kummissjoni uffiċjalment avżat lill-esportaturi/produtturi fil-Istati Uniti, lill-importaturi, lill-fornituri, lill-utenti u lill-assoċjazzjonijiet li kien magħruf li huma kkonċernati, lill-awtoritajiet tal-Istati Uniti, lill-produtturi Komunitarji li għamlu l-ilment u lil produtturi Komunitarji oħrajn li kien magħruf li huma kkonċernati dwar il-bidu tal-proċediment. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta fil-limitu taż-żmien stipulat fl-avviż ta’ bidu. Il-partijiet interessati kollha li talbu dan u li wrew li kien hemm raġunijiet partikolari għaliex għandhom jinstemgħu, ġew mismugħa.

(6)

Minħabba l-għadd li jidher li huwa kbir ta’ esportaturi/produtturi fl-Istati Uniti, it-teħid ta’ kampjuni kien maħsub fl-avviż ta’ bidu għad-determinazzjoni ta’ sussidju skont l-Artikolu 27 tar-Regolament bażiku.

(7)

Biex il-Kummissjoni tkun tista' tiddeċiedi jekk it-teħid ta’ kampjuni jkunx neċessarju u, jekk iva, biex tagħżel kampjun, l-esportaturi/produtturi fl-Istati Uniti ntalbu jippreżentaw irwieħhom sa 15-il jum mid-data ta’ bidu tal-investigazzjoni u jipprovdu tagħrif bażiku dwar l-esportazzjoni u l-bejgħ domestiku tagħhom, l-attivitajiet preċiżi tagħhom fir-rigward tal-produzzjoni, it-taħlit u l-kummerċ ta’ biodiżil u l-ismijiet u l-attivitajiet tal-kumpaniji relatati tagħhom kollha involuti fil-produzzjoni, it-taħlit u l-kummerċ tal-prodott ikkonċernat matul il-perjodu bejn l-1 ta’ April 2007 u l-31 ta’ Marzu 2008 (“PI”), kif definit ukoll fil-premessa (17) hawn isfel.

(8)

Aktar minn 50 kumpanija identifikaw irwieħhom fil-kuntest tal-eżerċizzju tat-teħid ta’ kampjuni u pprovdew it-tagħrif meħtieġ fi żmien il-perjodu ta’ 15-il jum. Dawn il-kumpaniji kienu responsabbli għal aktar minn 80 % tal-importazzjonijiet totali ta’ biodiżil mill-Istati Uniti tal-Amerika lejn il-Komunità.

(9)

Skont l-Artikolu 27(1)(b) tar-Regolament bażiku, l-għażla tal-kampjun ġiet ibbażata fuq l-akbar volum rappreżentattiv ta’ esportazzjonijiet tal-prodott ikkonċernat lill-Komunità li jista' jiġi investigat b'mod raġunevoli fiż-żmien disponibbli. Skont l-Artikolu 27(2) tar-Regolament bażiku, il-kumpaniji li talbu li jkunu inklużi fil-kampjun, l-assoċjazzjoni professjonali tal-produtturi tal-biodiżil fl-Istati Uniti tal-Amerika (Il-Bord Nazzjonali tal-Biodiżil) kif ukoll il-Gvern tal-Istati Uniti tal-Amerika ġew ikkonsultati dwar il-kampjun propost. Seba' kumpaniji oriġinarjament intgħażlu biex jiffurmaw il-kampun, imsejjes fuq il-kummenti li waslu mill-partijiet interessati. Madankollu, ġie deċiż b'mod provviżorju, li waħda mill-kumpaniji magħżula oriġinarjament fil-kampjun għandha tiġi eskluża minnu biex ikun żgurat paralleliżmu mal-kampjun magħżul fil-proċediment AD li jikkonċerna l-importazzjonijiet ta’ biodiżil mill-Istati Uniti. Huwa nnutat li l-kumpanija msemmija kienet biss negozjant tal-biodiżil b'kuntrast mal-kumpaniji l-oħra fil-kampjun li jipproduċu l-biodiżil. Din il-kumpanija, madankollu, qed tiġi eżaminata individwalment, skont l-Artikolu 27(3) tar-Regolament bażiku, biex jiġi stabbilit għaliha nnifisha dazju kontra s-sussidju. Is-sitt kumpaniji li jikkostitwixxu l-kampjun kienu responsabbli għal 50 % tal-volumi totali tal-esportazzjoni mill-Istati Uniti matul il-PI msejjes fuq statistika tal-esportazzjoni tal-Istati Uniti u għal 73 % tal-importazzjonijiet ta’ biodiżil mill-kumpaniji li ppreżentaw irwieħhom kif spjegat fil-premessa (8).

(10)

Għaxar kumpaniji li ma ntgħażlux fil-kampjun talbu l-kalkolu ta’ marġini individwali bil-ħsieb tal-implimentazzjoni tal-Artikoli 27(3) u 15(3) tar-Regolament bażiku. Intbagħtu kwestjonarji lill-kumpaniji kkonċernati. Kumpanija waħda biss wieġbet għall-kwestjonarju fi ħdan il-limitu ta’ żmien stipulat. Iżda l-applikazzjoni ġiet sussegwentement irtirata.

(11)

Rigward il-produtturi Komunitarji, skont l-Artikolu 27 tar-Regolament bażiku, intgħażel kampjun wara konsultazzjoni mal-kwerelant fuq il-bażi tal-akbar volum rappreżentattiv ta’ produzzjoni u bejgħ fi ħdan il-Komunità kif imsemmi fil-premessa (164) hawn isfel. Din l-għażla ħolqot ukoll ċerta firxa ġeografika ta’ produtturi fil-Komunità. B'riżultat ta’ dan, 11-il-produttur Komunitarju ntgħażlu fil-kampjun. Il-Kummissjoni bagħtet kwestjonarji lill-11-il kumpanija magħżula. Madankollu, produttur wieħed oriġinarjament maħsub għall-kampjun kellu jiġi eskluż billi naqas milli jipprovdi tweġiba sodisfaċenti għall-kwestjonarju. Għalhekk, waslu 10 tweġibiet kompluti mill-kumpaniji l-oħra fiż-żmien stipulat. Dawn l-10 produtturi magħżula fil-kampjun tqiesu bħala rappreżentattivi tal-produtturi inġenerali fil-Komunità.

(12)

Il-Kummissjoni bagħtet kwestjonarji lill-partijiet kollha magħrufa li huma kkonċernati u lill-kumpaniji l-oħra kollha li ddikjaraw irwieħhom fiż-żmien stipulat fl-avviż ta’ bidu. Il-kwestjonarji għalhekk intbagħtu lill-awtoritajiet tal-Istati Uniti, lis-seba' kumpaniji li ntgħażlu oriġinarjament fil-kampjun tal-kumpaniji tal-Istati Uniti, lill-10 kumpaniji msemmija fil-premessa (10), lill-11-il produttur Komunitarju fil-kampjun, lil 18-il utent kif ukoll lil 90 fornitur tal-materja prima.

(13)

It-tweġibiet għall-kwestjonarju waslu mill-awtoritajiet tal-Istati Uniti, mis-seba' kumpaniji oriġinarjament magħżula fil-kampjun tal-kumpaniji mill-Istati Uniti kif ukoll minn kumpanija waħda li talbet eżami individwali, imsemmija fil-premessa (10) hawn fuq, minn 10 produtturi Komunitarji fil-kampjun, minn utent wieħed u minn sitt fornituri tal-materja prima.

(14)

Il-Kummissjoni fittxet u vverifikat it-tagħrif kollu li hija qieset meħtieġ għal determinazzjoni provviżorja tas-sussidju, il-ħsara li tirriżulta u l-interess tal-Komunità.

(15)

Saru żjarat ta’ verifika fil-post ta’ dawn l-awtoritajiet tal-Istati Uniti tal-Amerika li ġejjin:

(16)

Iż-żjajjar ta’ verifika saru wkoll fl-istabbilimenti tal-kumpaniji li ġejjin:

(17)

L-investigazzjoni tas-sussidju u l-ħsara kopriet il-perjodu mill-1 ta’ April 2007 sal-31 ta’ Marzu 2008 (“perjodu ta’ investigazzjoni” jew “PI”). L-eżami tat-tendenzi rilevanti għall-evalwazzjoni tal-ħsara kopra l-perjodu minn Jannar 2004 sa tmiem il-PI (“il-perjodu meqjus”).

(18)

Fl-avviż ta’ bidu, il-prodott li allegatament qed jiġi ssussidjat ġie ddefinit bħala esteri monoalkilitiċi aċidi xaħmija u/jew nafta paraffinika minn sinteżi u/jew trattament idriku, ta’ oriġini mhux fossili (spiss magħruf bħala “biodiżil”), kemm jekk f'forma pura kif ukoll jekk f'taħlita, użat fil-biċċa l-kbira imma mhux esklussivament bħala fjuwil li jista' jiġġedded li joriġina fl-Istati Uniti tal-Amerika (“il-prodott ikkonċernat”) normalment iddikjarat fi ħdan il-kodiċi tan-NM 3824 90 91, ex 3824 90 97, ex 2710 19 41, ex 1516 20 98, ex 1518 00 91, ex 1518 00 99.

(19)

Skont il-Kodiċi tad-Dħul Intern tal-Istati Uniti (4) (Kodiċi US.), Titolu 26, § 40A, il-punt (d), it-terminu biodiżil huwa definit bħala l-esteri monoalkaliċi ta’ aċidi xaħmija ta’ katina twila ġejjin minn materja ta’ pjanti jew ta’ annimali li jissodisfaw - (a) ir-rekwiżiti ta’ reġistrazzjoni għall-fjuwil u għall-additivi tal-fjuwil stabbiliti mill-Aġenżija ta’ Ħarsien għall-Ambjent skont it-taqsima 211 tal-Att dwar l-Arja Nadifa (42 U.S.C 7545), u, (b) ir-rekwiżiti tas-Soċjetà Amerikana tal-Ittestjar u l-Materjali D6751.

(20)

Imsejsa fuq tagħrif tas-suq u tagħrif disponibbli pubblikament (5), it-tipi kollha ta’ biodiżil u t-taħlitiet ta’ biodiżil (taħlita ta’ biodiżil b'diżil minerali kif spjegat fil-premessa (22) isfel), li huma prodotti u mibjugħa fl-Istati Uniti jitqiesu li huma fjuwils tal-biodiżil u huma parti minn pakkett leġiżlattiv li jikkonċerna l-effiċjenza tal-enerġija u l-enerġija li tiġġedded u l-fjuwils alternattivi.

(21)

L-investigazzjoni wriet li l-biodiżil prodott fl-Istati Uniti, huwa prinċipalment “metil esteru tal-aċidi xaħmija” (fatty acid methyl ester(FAME) ġej minn firxa wiesgħa ta’ żjut veġetali li jservu ta’ sustanza użata għall-produzzjoni tal-biodiżil (6). It-terminu “esteru” (ester) jirreferi għat-trans-esterifikazzjoni taż-żjut veġetali, jiġifieri, it-taħlit taż-żejt mal-alkoħol. It-terminu “methyl” jirreferi għall-metanol; l-alkoħol li l-aktar jintuża fil-proċess, għalkemm l-etanol jista' wkoll jintuża fil-proċess ta’ produzzjoni, li jirriżulta f' “etil esteri tal-aċidi xaħmija”. It-trans-esterifikazzjoni hija proċess kimiku relattivament sempliċi iżda dan jeħtieġ l-ogħla standards industrijali biex ikun żgurat biodiżil ta’ kwalità għolja.

(22)

L-investigazzjoni kkonfermat li l-biodiżil prodott fl-Istati Uniti huwa ġeneralment imħallat mill-produtturi b'diżil minerali għall-produzzjoni ta’ tipi varji ta’ taħlitiet (hawnhekk imsejħa taħlitiet tal-biodiżil), li mbagħad jinbiegħu fis-suq lil diversi tipi ta’ klijenti. Jidher ukoll li l-biodiżil inbigħ fil-forma pura tiegħu lil kumpaniji indipendenti, li xtrawh jew importawh għat-taħlit mad-diżil minerali. It-taħlit tal-biodiżil mad-diżil minerali huwa operazzjoni relattivament sempliċi li tista' titwettaq pereżempju permezz ta’ taħlit fit-tankijiet fil-post ta’ manifattura qabel jitwassal fit-trakk tanker, jew billi jitħallat hekk kif jintefa' fit-trakk tanker waqt li jiġu miżjuda miegħu l-perċentwali mixtieq ta’ biodiżil u diżil minerali jew taħlit in-line biż-żewġ komponenti jitwasslu simultanjament fit-trakk tanker.

(23)

Biex wieħed jidentifika l-bosta tipi ta’ taħlitiet ta’ biodiżil, teżisti sistema rikonoxxuta internazzjonalment magħrufa bħala l-fattur “B”, li jagħti l-ammont eżatt ta’ biodiżil fi kwalunkwe taħlita ta’ biodiżil: pereżempju, taħlita li fiha “X”% ta’ biodiżil tiġi ttikkettjata bħala B“X”, filwaqt li biodiżil pur jissejjaħ B100, jiġifieri biodiżil 100 %. Fl-Istati Uniti, kien fatt komuni li 99 % (7) ta’ biodiżil jitħallat ma’ 1 % ta’ diżil minerali (B99) u jinbiegħ fis-suq. Kuntrarju għad-diżil minerali, il-biodiżil pur għandu jintuża relattivament malajr u ma jistax jiġi maħżun għal aktar minn tlieta sa erba' xhur billi jikkawża ossidazzjoni u ma jibqax tajjeb għall-konsum. It-taħlit ta’ biodiżil mad-diżil minerali jippermetti preservazzjoni itwal tal-fjuwil. Il-1 % ta’ biodiżil fil-B99 huwa tossiku biżżejjed biex jittardja l-formazzjoni ta’ moffa fil-biodiżil.

(24)

L-investigazzjoni wriet li filwaqt li l-biodiżil u t-taħlitiet b'livell għoli ta’ biodiżil (8) huma ġeneralment maħsuba biex jinbigħu fis-suq tal-Istati Uniti għal aktar taħlit, it-taħlitiet b'livell baxx ta’ biodiżil (9) huma tipikament prodotti biex jinbigħu għall-konsum fis-suq tal-Istati Uniti. Għalhekk hemm distinzjoni bejn is-suq għal taħlitiet b'livell għoli u s-suq għal taħlitiet b'livell baxx fl-Istati Uniti.

(25)

L-ilment kien fih evidenza prima facie li l-biodiżil u ċerti taħlitiet prodotti u mibjugħa fl-Istati Uniti u esportati lejn il-Komunità kienu qed jaffettwaw il-qagħda ekonomika tal-prodotturi ta’ biodiżil fil-Komunità li ressqu l-ilment. Konsistenti mal-karatteristiċi tal-produtturi rilevanti tal-Istati Uniti u tas-suq domestiku d-definizzjoni tal-prodott ikkonċernat kienet maħsuba li tkopri l-biodiżil anki meta inkorporat fit-taħlitiet rilevanti ta’ biodiżil. Id-definizzjoni tal-prodott ikkonċernat kif imsemmi fl-avviz ta’ bidu u fil-premessa (18) hawn fuq, għandha tiġi ċċarata biex tidentifika l-prodotti li kienu maħsuba li jkunu koperti mill-investigazzjoni.

(26)

L-investigazzjoni wriet li l-parti l-kbira mit-taħlitiet ta’ biodiżil mibjugħa għal konsum dirett fl-Istati Uniti huma l-B20, jigifieri taħlitiet b'20 % biodiżil kif spjegat fil-premessa (22) hawn fuq, li jistgħu jintużaw biex ikunu konformi mal-Att ta’ Politika dwar l-Enerġija tal-1992 (EPAct) (10), il-B6, il-B5 u l-B2. Skont tagħrif disponibbli pubblikament, kwalunkwe magna diżil tista' titħaddem b'dawn it-taħlitiet b'bażikament l-ebda bidla waqt li jżommu l-garanzija mill-manifatturi tal-karozzi. Meta użata f'taħlitiet b'livell baxx (bejn it-2 % u l-20 % ta’ biodiżil) il-prestazzjoni tat-taħlita hija simili għal dik tad-diżil minerali. Meta jintuża fjuwil ‘il fuq minn B20 f'magna, l-utent jista' jesperjenza ċertu nuqqas ta’ qawwa, nuqqas ta’ torque u nuqqas ta’ ekonomija ta’ fjuwil u l-garanzija tal-manifatturi tal-karozzi ġeneralment ma tkunx tapplika f'każ ta’ ħsara kkawżata lill-magna.

(27)

L-investigazzjoni wriet li l-biodiżil pur u t-taħlitiet b'livell għoli ġeneralment ma jintużawx għall-konsum dirett fl-Istati Uniti. Il-biodiżil pur huwa ġeneralment maħsub biex jitħallat qabel ma jinbiegħ fis-suq. Dawn it-taħlitiet huma fl-aħħar mill-aħħar użati fis-settur tat-trasport bħala fjuwil għall-magni ta’ vetturi tat-toroq li jitħaddmu bid-diżil bħall-karozzi, trakkijiet, karozzi tal-linja u wkoll ferroviji. Il-biodiżil jista' wkoll jintuża bħala fjuwil għat-tisħin f'kaldaruni fid-djar, kummerċjali jew industrijali jew bħala fjuwil għall-ġeneraturi biex jipproduċi l-elettriku. bħalissa qegħdin isiru testijiet biex wieħed jistudja l-possibilità tal-użu tat-taħlitiet ta’ biodiżil fl-inġenji tal-ajru.

(28)

Għalhekk, il-prodott ikkonċernat mill-investigazzjoni għandu jkun definit bħala esteri monoalkilitiċi tal-aċidi xaħmija u/jew nafta paraffinika miksuba minn sinteżi u/jew trattament idriku, ta’ oriġini mhux mill-fossili, spiss magħruf bħala “biodiżil”, kemm jekk f'forma pura kif ukoll f'taħlitiet, li huma ‘l fuq minn B20. Fi kliem ieħor, il-prodott ikkonċernat ikopri l-biodiżil pur (B100) li joriġina fl-Istati Uniti u t-taħlitiet kollha ‘l fuq minn B20, jiġifieri taħlitiet li fihom aktar minn 20 % biodiżil li joriġina fl-Istati Uniti (‘il-prodott ikkonċernat). Dan il-limitu qed jitqies li huwa xieraq biex jippermetti distinzjoni ċara bejn it-tipi varji ta’ taħlitiet li huma disponibbli fis-suq tal-Istati Uniti.

(29)

Instab li t-tipi kollha ta’ biodiżil u l-biodiżil fit-taħlitiet koperti minn din l-investigazzjoni, minkejja d-differenza possibbli fir-rigward tal-materja prima użata għall-produzzjoni, jew varjazzjonijiet fil-proċess tal-produzzjoni, għandhom l-istess karatteristiċi fiżiċi, kimiċi u tekniċi bażiċi u jintużaw għall-istess għanijiet. Il-varjazzjonijiet possibbli fil-prodott ikkonċernat ma jbiddlux id-definizzjoni bażika, il-karatteristiċi jew il-perċezzjoni li bosta partijiet għandhom tiegħu.

(30)

Il-prodott ikkonċernat jaqa' fi ħdan il-kodiċi NM 3824 90 91, ex 3824 90 97, ex 2710 19 41, ex 1516 20 98, ex 1518 00 91, ex 1518 00 99.

(31)

Instab li l-oġġetti prodotti u mibjugħa fis-suq domestiku tal-Istati Uniti, li huma koperti b'din l-investigazzjoni, għandhom karatteristiċi u użi fiżiċi, kimiċi u tekniċi bażiċi li huma simili għal ta’ dawk esportati minn dan il-pajjiż lejn is-suq tal-Komunità. Bl-istess mod, il-prodotti manifatturati milll-industrija tal-Komunità u mibjugħa fis-suq tal-Komunità għandhom karatteristiċi u użi fiżiċi, kimiċi u tekniċi bażiċi simili meta mqabbla ma’ dawk esportati lejn il-Komunità mill-pajjiż ikkonċernat.

(32)

Ġie allegat li ċerti utenti, b'mod partikolari fil-Ġermanja, qed jużaw direttament biodiżil pur (B100) bħala alternattiva aktar ekonomika mill-użu ta’ diżil minerali jew mit-taħlitiet tas-soltu użati għall-konsum dirett fis-suq Komunitarju. L-eżami ta’ din l-allegazzjoni wera li l-parti l-kbira ta’ dan il-bejgħ mill-produtturi Komunitarji fis-suq tal-Komunità kienu prinċipalment maħsuba għall-kumpaniji li kienu qed iħalltuh b'diżil minerali. Il-fatt li ċerti sidien ta’ flotot jaqilbu għal B100 huwa pjuttost eċċezzjoni f'livell Komunitarju. Aktar mis-sostituzzjoni ta’ diżil minerali, il-biodiżil huwa prodott komplementari fis-suq Komunitarju.

(33)

Dan ma jbiddilx il-fatt li tipi differenti tal-prodott ikkonċernat prodott fl-Istati Uniti u esportat lejn il-Komunità huma interkambjabbli b'dawk prodotti u mibjugħa fil-Komunità mill-produtturi Komunitarji tal-biodiżil. Ma hemm l-ebda differenza sinifikanti fl-użu u fil-perċezzjoni tal-operaturi u tal-utenti fis-suq li hija tali li għandha tbiddel id-definizzjoni tal-prodott simili.

(34)

Parti waħda interessata allegat li l-prodott ikkonċernat, b'mod partikolari l-biodiżil pur, għandu karatteristiċi fiżiċi u kimiċi differenti mill-biodiżil prodott fil-Komunità. Filwaqt li l-produzzjoni tal-KE ta’ biodiżil hija msejsa fuq iż-żejt tal-kolza, il-produtturi tal-Istati Uniti jużaw biss iż-żejt tas-sojja. Għalhekk dawn iż-żewġ tipi ta’ prodotti ma jistgħux ikunu interkambjabbli u ma jkunux jistgħu jikkompetu direttament ma’ xulxin fis-suq Komunitarju. Il-parti interessata ġibdet l-attenzjoni partikolarment lejn il-fatt li l-proprjetajiet tal-fluss bil-kiesaħ u l-valuri tal-jodju jkunu differenti.

(35)

Il-Kummissjoni investigat dan l-ilment u skopriet dan li ġej:

(36)

Filwaqt li x-“xebħ” ma jkunx jeħtieġ li l-prodotti jkunu identiċi f'kollox skont l-Artrikolu 1(5) tar-Regolament bażiku, kwalunkwe varjazzjoni minima fit-tipi varji ta’ prodotti mhijiex biżżejjed biex tbiddel is-sejbiet ġenerali ta’ xebħ bejn il-prodott ikkonċernat u l-prodott simili għall-prodott Komunitarju.

(37)

Għalhekk l-ebda differenzi ma nstabu bejn il-varji tipi tal-prodott ikkonċernati u l-prodotti Komunitarji simili mibjugħa fis-suq Komunitarju li għandhom mnejn iwasslu għall-konklużjoni li l-prodotti mibjugħa u prodotti fis-suq Komunitarju mhumiex prodott simili, bl-istess karatteristiċi fiżiċi, kimiċi u tekniċi bażiċi bħat-tipi tal-prodott ikkonċerna prodott fl-Istati Uniti u esportat lejn il-Komunità. Għalhekk qed jiġi provviżorjament konkluż li t-tipi kollha ta’ biodiżil għandhom jitqiesu li huma l-istess fi ħdan it-tifsira tal-Artikolu 1(5) tar-Regolament bażiku.

(38)

Fuq il-bażi tat-tagħrif li jinstab fl-ilment u r-risposti lill-kwestjonarju tal-Kummissjoni, l-iskemi federali li ġejjin, li allegatament involvew l-għoti ta’ sussidji, ġew investigati:

Skemi federali

(39)

Fuq il-bażi tat-tagħrif li jinstab fl-ilment u r-risposti lill-kwestjonarju tal-Kummissjoni, l-iskemi statali li ġejjin, li allegatament involvew l-għoti ta’ sussidji, ġew investigati wkoll:

Skemi Statali

(40)

Fir-rigward tal-iskemi tal-istati l-oħra mniżżla fil-punt 3 tal-avviż ta’ bidu, kif spjegat fil-premessa (4) hawn fuq, xi wħud minnhom ġew esklużi mill-investigazzjoni wara konsultazzjonijiet qabel l-istadju ta’ bidu mal-Gvern tal-Istati Uniti tal-Amerika. Fir-rigward tal-bqija tal-iskemi statali, il-kumpaniji fil-kampjun u l-kumpanija msemmija fil-premessa (9) li għaddiet minn eżami individwali stqarru li ma kienu rċevew l-ebda benefiċċju skont dan matul il-PI u li l-ebda evidenza ma nstabet li turi l-kuntrarju. Għalhekk ġie deċiż provviżżorjament li ma kienx hemm raġuni għal aktar investigazzjoni ta’ dawn l-iskemi f'din l-investigazzjoni.

(41)

It-Titolu 26, § 40A tal-Kodiċi tal-Istati Uniti (U.S.C) huwa l-bażi legali għal skema ta’ kreditu ta’ taxxa għal dawk li jħalltu l-biodiżil, għall-bejjiegħa bl-imnut u għall-utenti finali. Dan jagħmel tajjeb għall-kreditu fuq fjuwil ta’ biodiżil li ġejjin:

(42)

Il-kreditu ta’ taxxa fuq id-dħul tal-produttur iż-żgħir tal-agri-biodiżil huwa kreditu ta’ taxxa li japplika biss għall-produtturi ż-żgħar tal-agri-biodiżil. Din l-iskema hija ttrattata fil-premessi (64) sa (72) hawn isfel.

(43)

It-Taqsima 202(a) tal-Att 2008 dwar l-Estensjoni u t-Titjib u l-Enerġija tistipula li l-krediti ta’ taxxa msemmija fil-premessa (41) hawn fuq jistgħu jinkisbu sal-31 ta’ Diċembru 2009.

(44)

Biex tkun eliġibbli għall-kreditu fuq it-taħlit ta’ biodiżil imsemmi f'(i) fil-premessa (41) hawn fuq, kumpanija għandha toħloq taħlita ta’ biodiżil u fjuwil tad-diżil, taħlita li tinbigħ bħala fjuwil jew għall-użu bħala fjuwil. Il-persuna li toħloq l-inċentiv għandha tikseb ċertifikazzjoni mill-produttur jew mill-importatur tal-biodiżil li jidentifika l-prodott u l-perċentwal tal-biodiżil u l-agri-biodiżil fil-prodott. Dan il-kreditu jieħu l-forma ta’ kreditu ta’ taxxa tas-sisa jew, jekk ir-responsabbiltà ta’ taxxa tas-sisa ta’ kumpanija hija inqas mit-total tal-kreditu tat-taxxa tas-sisa, il-kumpanija tista' mbagħad titlob il-kreditu li jkun baqa' bħala kreditu fuq it-taxxa tad-dħul li jitħallas lura. Kreditu fuq it-taxxa tad-dħul li jitħallas lura huwa kreditu fuq it-taxxi tad-dħul tal-persuna li tħallas it-taxxa jew ħlas dirett. Dan jitħallas lura għaliex il-kreditu żejjed jista' jingħata lura lil min iħallas it-taxxa bħala ħlas dirett fi flus kontanti jekk il-kreditu huwa akbar mit-taxxa dovuta mill-individwu.

(45)

Il-kreditu fuq il-biodiżil imsemmi fil-punt (ii) fil-premessa (41) hawn fuq huwa kreditu tat-taxxa fuq id-dħul għall-bejjiegħa bl-imnut jew għall-utenti finali ta’ biodiżil (pur) mhux imħallat. Il-kreditu fuq il-biodiżil pur jista' jinkiseb biss mill-persuna li tpoġġi l-gallun ta’ biodiżil pur fit-tank tal-fjuwil ta’ vettura jew li tużah bħala fjuwil. Għandu jkun notat li anki l-produtturi tal-biodiżil li jipproduċu l-biodiżil tagħhom stess, ikunu jistgħu jirċievu dan il-kreditu. Għalhekk biex jitlob il-kreditu, il-produttur tal-biodiżil għandu jkun qed jaġixxi jew ta’ bejjiegħ bl-imnut (li jpoġġi l-gallun ta’ biodiżil fit-tank tal-gass tal-utent finali) jew ta’ utent finali (eż. wieħed li jpoġġi l-biodiżil fil-vettura tiegħu stess).

(46)

F'dak li għandu x'jaqsam mal-kreditu ta’ biodiżil fir-rigward ta’ biodiżil mhux imħallat (pur), il-bejjiegħ bl-imnut (jew produttur tal-biodiżil li jaġixxi ta’ bejjiegħ bl-imnut) jew l-utent finali tal-biodiżil mhux imħallat jista' jitlob USD 1,00 għal kull gallun ta’ agri-biodiżil mhux imħallat (pur) jew USD 0,50 għal kull gallun ta’ biodiżil ieħor mhux imħallat (pur) bħala kreditu ta’ taxxa fuq id-dħul mill-kummerċ ġenerali li ma jitħallasx lura. Kreditu min-negozju ġenerali li ma jitħallasx lura huwa kreditu kontra t-taxxa fuq id-dħul ta’ negozju. Dan ma jitħallasx lura għax, jekk il-qligħ tan-negozju huwa akbar mit-taxxa dovuta tiegħu, il-kreditu ż-żejjed ma jistax jitħallas lura lin-negozju bħala ħlas dirett fi flus kontanti.

(47)

L-investigazzjoni żvelat li l-ebda waħda mill-kumpaniji fil-kampjun jew il-kumpanija li għaddiet minn eżami individwali kif imsemmi fil-premessa (9) ma użat il-kreditu tal-biodiżil fir-rigward ta’ biodiżil mhux imħallat (pur). Għalhekk, din il-parti tal-iskema (kreditu tal-biodiżil) mhijiex aktar ivvalutata fil-kuntest tal-investigazzjoni attwali.

(48)

Il-kumpaniji kollha investigati rċevew dħul mit-taxxi skont il-kreditu tat-taħlita ta’ biodiżil għat-taħlitiet ta’ biodiżil mibjugħa bħala fjuwil.

(49)

Il-biodiżil imħallat bi fjuwil tad-diżil minerali huwa intitolat għal taxxa tas-sisa fuq it-taħlit ta’ biodiżil jew kreditu ta’ taxxa fuq id-dħul. Il-kreditu prevalenti matul il-perjodu ta’ investigazzjoni kien ta’ USD 1 għal kull gallun ta’ agri-biodiżil mhux imħallat (11), jew ta’ USD 0,50 (12) għal kull gallun ta’ biodiżil ieħor mhux imħallat, użat fit-taħlita tal-fjuwil. Għalhekk il-kreditu finali fuq it-taxxa għall-fjuwil imħallat jiddependi fuq il-proporzjon ta’ biodiżil li jkun fih. Ir-rekwiżit minimu, u dak li jitqies bħala l-prassi l-aktar komuni, huwa ż-żieda ta’ 0,1 % ta’ diżil minerali ma’ 99,9 % biodiżil (dan il-prodott imħallat huwa magħruf bħala l-B99 fl-Istati Uniti), billi dan jiżgura li jinkiseb il-kreditu massimu fuq it-taxxa. Il-proporzjon ta’ biodiżil fil-prodott imħallat jikkwalifika għal-kreditu fuq it-taxxa (eż. 100 gallun ta’ B99 għandu jkun fih 99,9 gallun ta’ biodiżil u jkun eliġibbli għal kreditu ta’ USD 99,90 fuq it-taxxa). Il-konverżjoni ta’ biodiżil minn prodott pur (B100) għal prodott imħallat (B99) hija proċess sempliċi. Din timplika ż-żieda ta’ 0,1 % ta’ diżil minerali mal-biodiżil pur u ma tirrikjedix trasformazzjoni ewlenija tal-prodott ikkonċernat. Hija l-attività tat-taħlit li twassal għall-eliġibbiltà għall-kreditu.

(50)

Il-produtturi tal-biodiżil jistgħu jitolbu għall-inċentiv meta huma stess ikunu qed iwettqu attività ta’ taħlit. Il-produttur għandu jħallat il-biodiżil pur ma’ fjuwil tad-diżil minerali. Fir-rigward tal-intitolament għall-inċentiv, ma hemm l-ebda differenza bejn il-biodiżil imħallat iddestinat għall-bejgħ domestiku u għall-bejgħ għall-esportazzjoni.

(51)

Il-kumpaniji li ma jipproduċux iżda pjuttost jixtru l-biodiżil pur u jħalltuh f'taħlita tal-biodiżil huma wkoll intitolati għall-kreditu fuq it-taxxa. Kumpaniji bħal dawn għandhom jiksbu ċertifikat mill-produttur (u fejn applikabbli kwalunkwe bejjiegħa mill-ġdid li jintervjeni) tal-biodiżil li fih il-produttur jiċċertifika b'mod effettiv li ma kienx talab il-kreditu ta’ taxxa. Dan iċ-ċertifikat huwa trasferibbli waqt li jintitola d-detentur għal USD 1 fi kreditu ta’ taxxa fuq kull gallun pur ta’ biodiżil.

(52)

L-inċentiv jista' jintalab bħala kreditu kontra s-sisa jew it-taxxa fuq id-dħul dovuta jew bħala ħlas dirett fi flus kontanti. L-ammont totali tal-inċentiv jibqa' l-istess (USD 1 għal kull gallun) kemm jekk l-inċentiv huwa ddikjarat bħala kreditu ta’ taxxa tas-sisa, kreditu ta’ taxxa fuq id-dħul, ħlas dirett lill-persuna li qed tħallas it-taxxa, kif ukoll kwalunkwe kontribuzzjoni ta’ dak li ssemma qabel.

(53)

Matul il-perjodu ta’ investigazzjoni, ħafna mill-kumpaniji rċevew ħlasijiet diretti msejsa fuq il-kwantità ta’ biodiżil imħallat filwaqt li oħrajn irċevew kemm tnaqqis ta’ taxxa (fis-sens li l-kreditu tat-taħlita ta’ biodiżil kien parzjalment użat biex jikkumpensa għal taxxa tas-sisa jew taxxa fuq id-dħul dovuta) kif ukoll ħlas dirett. Għall-kumpaniji kkonċernati, it-taxxi dovuti kienu żgħar meta mqabbla mal-ammont ta’ kreditu mitlub għat-taħlit ta’ biodiżil; għalhekk, il-parti l-kbira tal-inċentiv ingħatat bħala ħlas dirett u ammont iżgħar bħala tnaqqis ta’ taxxa.

(54)

L-U.S.C. tistipula li ma għandux jingħata kreditu għat-taħlit ta’ biodiżil sakemm il-kumpanija (min iħallat) li tagħmel it-taħlit tal-biodiżil u d-diżil minerali tikseb ċertifikat (“Ċertifikat għall-Biodiżil”) mill-produttur tal-biodiżil li fih il-produttur jiċċertifika, inter alia, il-kwantità ta’ biodiżil li għalih jirreferi ċ-ċertifikat u jekk il-biodiżil huwiex agri-biodiżil jew tip ieħor ta’ biodiżil. Jekk kumpanija li tipproduċi l-biodiżil sussegwentement tħallat dak il-biodiżil mad-diżil minerali u titlob il-kreditu ta’ taxxa, dik il-kumpanija għandha tipproduċi ċ-Ċertifikat għall-Biodiżil bid-dokumentazzjoni meħtieġa biex tkun tista' tagħmel talba għall-kreditu. Persuna li tirċievi Ċertifikat għall-Biodiżil, u li sussegwentement tbigħ il-biodiżil mingħajr ma tipproduċi taħlita ta’ biodiżil, għandha tipprovdi lix-xerrej b'Ċertifikat għall-Biodiżil flimkien ma’ “stqarrija ta’ bejgħ mill-ġdid ta’ biodiżil”. Fi kliem ieħor, il-kumpanija li tagħmel it-taħlita u li titlob il-kreditu ta’ taxxa tista' tikseb iċ-Ċertifikat għall-Biodiżil jew direttament mill-produttur tal-biodiżil jew indirettament mingħand bejjiegħ mill-ġdid ta’ biodiżil. Għalhekk, dan iċ-ċertifikat huwa trasferibbli waqt li jintitola lid-detentur għal kreditu ta’ taxxa ta’ USD 1 fuq kull gallun għall-għadd ta’ glalen ta’ biodiżil użati mill-pretendent fil-produzzjoni ta’ kwalunkwe taħlit ta’ biodiżil.

(55)

L-investigazzjoni żvelat li kien hemm differenza ċara fil-prezz bejn il-biodiżil pur (B100) u l-biodiżil imħallat (B99). Għalkemm l-unika differenza bejn iż-żewġ tipi ta’ prodotti hija żieda ta’ 0,1 % ta’ fjuwil tad-diżil minerali biex joħloq il-B99, il-bejgħ tal-B100 kien fir-reġjun ta’ USD 1 aktar għal kull gallun milli għal B99. Is-suq tal-biodiżil fl-Istati Uniti kien jidher trasparenti ħafna. L-operaturi ekonomiċi tas-suq tal-biodiżil fl-Istati Uniti tal-Amerika jafu li min iħallat il-biodiżil jirċievi kreditu ta’ taxxa ta’ USD 1 fuq kull gallun. Għal xi wħud mill-kumpaniji fil-kampjun, il-fatturi għall-bejgħ ta’ B100 fis-suq domestiku kien jindika li l-prezz tal-prodott kif ukoll il-kreditu ta’ min iħallat, jiġifieri l-kreditu kien mibjugħ effettivament lix-xerrej tal-B100. Fuq din il-bażi, qed jitqies li l-biodiżil kollu huwa ssussidjat permezz ta’ dan il-kreditu ta’ taxxa.

(56)

Il-kreditu ta’ taħlit ta’ biodiżil għandu jitqies bħala inċentiv fiskali kemm jekk jingħata bħala ħlas fi flus kontanti kif ukoll jekk le jew jekk ikollu jitnaqqas mit-taxxa dovuta.

(57)

Din l-iskema hija meqjusa bħala sussidju fit-tifsira tal-Artikolu 2(1)(a)(i) u l-Artikolu (2)(1)(a)(ii) tar-Regolament bażiku billi l-iskema tipprovdi kontribuzzjoni finanzjarja mill-Gvern tal-Istati Uniti tal-Amerika f'forma ta’ għotjiet diretti (pagamenti fi flus kontanti) u ta’ dħul maħfur li kieku normalment kien ikun mistħoqq (kumpens għat-taxxa). L-għotjiet jagħtu benefiċċju lill-kumpaniji li jirċevuhom.

(58)

L-iskema hija limitata għall-kumpaniji li huma involuti fl-industrija tal-biodiżil u għalhekk titqies bħala waħda speċifika skont l-Artikolu 3(2)(a) tar-Regolament bażiku u għalhekk kompensatorja.

(59)

Il-kreditu ta’ taħlit ta’ biodiżil ingħata b'referenza għall-kwantitajiet ta’ biodiżil użat f'taħlita, jiġifieri USD 1 għal kull gallun billi l-kumpaniji kollha kkonċernati użaw agri-biodiżil. L-ammont ta’ benefiċċju fil-PI ġie kkalkolat fuq il-bażi ta’ USD 1 għal kull gallun ta’ biodiżil pur mibjugħ matul il-PI, kemm jekk mibjugħ bħala biodiżil pur (B100) kif ukoll jekk mibjugħ bħala taħlita. Biex jiġi stabbilit il-benefiċċju, tqieset iż-żieda ta’ diżil minerali fit-taħlita meta ġie kkalkolat l-ammont tas-sussidju.

(60)

Wieħed mill-produtturi tal-biodiżil fil-kampjun irċieva benefiċċji b'mod indirett skont din l-iskema billi uża sistema ta’ factoring biex isarraf il-kreditu ta’ biodiżil li kien intitolat għalih. It-taħlit ingħata lill-kumpanija mhux relatata li ddikjarat il-kreditu u mbagħad ħallset flus kontanti lill-kumpanija kkonċernata wara li tnaqqset miżata ta’ factoring.

(61)

L-ammont ta’ sussidju ġie allokat fuq il-bejgħ totali tal-prodott ikkonċernat matul il-PI.

(62)

Il-prodotti nnegozjati ġew esklużi mill-kalkolu ta’ hawn fuq.

(63)

L-ammont ta’ sussidji kumpensatorji miksuba skont din l-iskema, espress ad valorem, għall-kumpaniji investigati, kien ivarja minn 28,4 % sa 41,1 %.

(64)

It-Titolu 26, U.S.C., §40A jipprovdi wkoll għal kreditu ta’ taxxa fuq id-dħul għall-produttur iż-żgħir tal-agri-biodiżil.

(65)

Din l-iskema hija disponibbli biss għall-produtturi żgħar ta’ agri-biodiżil pur. Kull min iħallat jew jinnogozja u jixtri iżda ma jipproduċix biodiżil mhuwiex eliġibbli għall-kreditu. Produttur żgħir huwa kwalunkwe persuna li l-kapaċità ta’ produzzjoni tagħha ma taqbiżx is-60 miljun gallun ta’ agri-biodiżil fis-sena. Il-produttur iż-żgħir ta’ agri-biodiżil jista' jitlob kreditu ta’ taxxa li ma jitħallasx lura ta’ USD 0,10 fuq id-dħul min-negozju ġenerali għal kull gallun ta’ agri-biodiżil prodott. Il-produzzjoni kkwalifikata ta’ produttur ma tistax taqbeż il-15-il miljun gallun fi kwalunkwe sena taxxabbli. Biex il-produttur ikun jista' jitlob il-kreditu, l-agri-biodiżil ikun irid jintuża bħala fjuwil, mibjugħ għall-użu bħala fjuwil, jew użat biex joħloq taħlita ta’ biodiżil u fjuwil tad-diżil li jintuża bħala fjuwil jew mibjugħ għall-użu bħala fjuwil.

(66)

Talbiet għall-kreditu ta’ taxxa fuq id-dħul min-negozju ġenerali li ma jitħallasx lura jsiru kull sena meta l-pretendent jiddikjara t-taxxa tiegħu fuq id-dħul. Il-kreditu għall-kull gallun ta’ biodiżil prodott mill-pretendent matul is-sena taxxabbli rilevanti, sa massimu ta’ 15-il gallun, jikkumpensa għat-taxxa fuq id-dħul tal-kumpaniji min-naħa tal-pretendent. Jekk it-taxxa dovuta mill-pretendent hija inqas mill-ammont ta’ kreditu mitlub, l-ammont żejjed jista' jiżdied mas-snin sussegwenti ta’ taxxa.

(67)

Matul il-perjodu ta’ investigazzjoni, waħda mill-kumpaniji fil-kampjun għamlet użu mill-iskema. Il-kumpanija użat il-kreditu biex tnaqqas it-taxxa fuq id-dħul dovuta minnha.

(68)

Din l-iskema qed titqies bħala sussidju fis-sens tal-Artikolu 2(1)(a)(ii) tar-Regolament bażiku billi l-iskema tipprovdi kontribuzzjoni finanzjarja lill-Gvern tal-Istati Uniti tal-Amerika f'forma ta’ dħul maħfur li kieku normalment kien ikun mistħoqq. L-inċentivi huwa ta’ benefiċċju għall-kumpaniji li jirċevuhom.

(69)

L-iskema hija limitata għal kumpaniji li jipproduċu l-biodiżil u għalhekk titqies bħala waħda speċifika skont l-Artikolu 3(2)(a) tar-Regolament bażiku u saħansitra kompensatorja.