3.12.2008   

MT

Il-Ġurnal Uffiċjali ta’ l-Unjoni Ewropea

L 323/1

(1)

Fl-4 ta’ Settembru 2007, il-Kummissjoni ppubblikat avviż (2) li jibda proċediment anti-dumping fuq l-importazzjonijiet fil-Komunità ta’ aċidu ċitriku li joriġina mir-Repubblika Popolari taċ-Ċina (“RPĊ”). Fit-3 ta’ Ġunju 2008, il-Kummissjoni, bir-Regolament (KE) Nru 488/2008 (3) (“ir-Regolament provviżorju”) imponiet dazjuanti-dumping provviżorju fuq l-importazzjonijiet ta’ aċidu ċitriku li joriġina mir-RPĊ.

(2)

Huwa nnotat li l-proċediment inbeda wara li tressaq ilment mill-Kunsill Ewropew tal-Industrija Kimika (CEFIC) (“il-kwerelant”) f’isem produttur li jirrappreżenta proporzjon kbir tal-produzzjoni totali tal-Komunità ta’ aċidu ċitriku, f’dan il-każ aktar minn 25 %.

(3)

Kif stabbilit fil-premessa (14) tar-Regolament provviżorju, l-investigazzjoni ta’ dumping u ħsara kopriet il-perjodu mill-1 ta’ Lulju 2006 sat-30 ta’ Ġunju 2007 (il-“perjodu ta’ investigazzjoni” jew il-“PI”). Fir-rigward tax-xejriet rilevanti għall-evalwazzjoni tal-ħsara, il-Kummissjoni analizzat id-data li tkopri l-perjodu mill-1 ta’ Jannar 2004 sa tmiem il-PI (il-“perjodu kkunsidrat”).

(4)

Wara l-impożizzjoni ta’ dazji anti-dumping provviżorji fuq l-importazzjonijiet ta’ aċidu ċitriku li joriġina mir-RPĊ, bosta partijiet interessati ppreżentaw kummenti bil-miktub. Il-partijiet li għamlu din it-talba ngħataw ukoll l-opportunità li jinstemgħu.

(5)

Il-Kummissjoni kompliet tfittex u tivverifika t-tagħrif kollu li qieset meħtieġ għall-konklużjonijiet definittivi tagħha. B’mod partikolari, il-Kummissjoni intensifikat l-investigazzjoni fir-rigward tal-aspetti ta’ interess Komunitarju. F’dan ir-rigward, twettqet żjara ta’ verifika addizzjonali wara l-impożizzjoni tal-miżuri provviżorji fl-istabbilimenti tal-utent ta’ aċidu ċitriku fl-Unjoni Ewropea li ġej:

Barra minn hekk, kif spjegat fid-dettall fil-premessa (11), twettqu żjarat ta’ verifika fl-istabbilimenti tal-produtturi esportaturi li ġejjin:

(6)

Il-partijiet kollha ġew mgħarrfa bil-fatti u l-kunsiderazzjonijiet essenzjali li fuq il-bażi tagħhom kien maħsub li tkun rakkomandata l-impożizzjoni ta’ dazju anti-dumping definittiv fuq importazzjonijiet ta’ aċidu ċitriku li joriġina mir-RPĊ u l-ġbir definittiv tal-ammonti assigurati permezz tad-dazju provviżorju. Ingħataw ukoll perjodu li fih setgħu jagħmlu rappreżentazzjonijiet sussegwentement għal dan l-iżvelar.

(7)

Il-kummenti bil-fomm u bil-miktub ippreżentati mill-partijiet interessati tqiesu u, fejn xieraq, il-konklużjonijiet ġew modifikati kif meħtieġ.

(8)

Produttur esportatur wieħed tenna d-dikjarazzjoni li l-verżjoni pubblika tal-ilment ma kien fiha l-ebda evidenza prima facie ta’ ħsara materjali lill-industrija Komunitarja, li żżomm lill-partijiet interessati milli jeżerċitaw id-drittijiet tagħhom ta’ difiża. Skont dan il-produttur esportatur, il-każ ma kellux jinbeda minħabba nuqqas ta’ evidenza suffiċjenti inkluża fl-ilment. F’dan ir-rigward, ta’ min jinnota li l-verżjoni pubblika tal-ilment fiha l-evidenza kollha essenzjali u s-sommarji mhux kunfidenzjali ta’ data mogħtija taħt kopertura kunfidenzjali sabiex il-partijiet interessati jkunu jistgħu jeżerċitaw id-dritt tagħhom ta’ difiża tul il-proċediment kollu. Għaldaqstant, dan l-argument għandu jiġi rifjutat.

(9)

Xi partijiet interessati sostnew li l-prodott konċernat, kif stabbilit fil-premessa (16) tar-Regolament provviżorju, u l-prodott simili mhumiex l-istess kif dikjarat fil-premessa (18) tar-Regolament provviżorju billi ma jkunux jaqsmu l-istess karatteristiċi fiżiċi u kimiċi u ma jintużawx għall-istess għanijiet. Skont dawn il-partijiet interessati d-dikjarazzjoni fil-premessa (18) tar-Regolament provviżorju tonqos milli tindirizza l-argumenti mressqa matul l-investigazzjoni u tmur kontra l-aġġustament li sar mill-Kummissjoni fil-kalkoli mnaqqsa sabiex jiġu separati ċerti kwantitajiet tal-prodott konċernat wara li jaslu fl-UE. L-ewwel nett hu nnotat li l-investigazzjoni wriet li l-prodott konċernat u l-prodott simili jintużaw it-tnejn li huma fl-istess applikazzjonijiet bażiċi, jiġifieri prinċipalment għat-tindif tad-dar (prodotti għall-ħasil awtomatiku tal-platti, diterġenti, rattaba tal-ilma) u bħala addittivi fl-ikel u fix-xorb, iżda wkoll fil-qasam tal-kura personali/kożmetiċi. Id-dikjarazzjoni li l-prodott ma jkunx fil-fatt użat minn ċerti utenti fl-industrija tad-diterġenti, l-ikel u x-xorb minħabba r-riħa u/jew il-kulur tiegħu ma ġietx issostanzjata aktar b’evidenza. L-investigazzjoni wriet li f’applikazzjoni speċjalizzata waħda biss, jiġifieri l-qasam farmaċewtiku, l-aċidu ċitriku Ewropew biss kien tassew użat minħabba l-ispiża tat-test speċjali ta’ konformità li huwa meħtieġ. Billi l-qasam farmaċewtiku jirrappreżenta biss porzjon żgħir tan-negozju totali tal-utenti, it-twettiq tat-test ta’ konformità ma tqiesx deċiżjoni tan-negozju ekonomikament ġustifikabbli. It-tieni, mhemm l-ebda kontradizzjoni bejn l-aġġustament li sar fil-kalkolu mnaqqas sabiex jiġu separati partijiet tal-prodott konċernat wara l-importazzjoni kif imsemmi fil-premessa (64) tar-Regolament provviżorju u d-dikjarazzjoni li ż-żewġ prodotti huma l-istess billi huwa biżżejjed li l-prodott konċernat u l-prodott simili jaqsmu l-istess karatteristiċi kimiċi, fiżiċi u tekniċi bażiċi u għandhom l-istess użi bażiċi li huwa l-każ. Huwa nnotat ukoll li t-tagħqid bħala tali ma jseħħx minħabba l-karatteristiċi speċifiċi tal-prodott Ċiniż, iżda jseħħ għax kull aċidu ċitriku, irrispettivament mill-oriġini tiegħu, minħabba l-kompożizzjoni kimika tiegħu juri tendenza li jagħqad meta jiġi espost għall-umdità u l-bdil tat-temperatura. Billi naturalment il-prodott konċernat biss huwa espost tul perjodu itwal ta’ żmien għall-umdità u l-bdil tat-temperatura waqt li jinġarr bil-baħar lejn l-UE, il-problema sseħħ prinċipalment għall-prodott konċernat, iżda mhux esklużivament. Għaldaqstant, l-aġġustament sempliċiment iqis il-fatt li s-separazzjoni toħloq spejjeż addizzjonali prinċipalment għall-prodott konċernat billi l-kwantitajiet li jintlaqtu mit-tagħqid jew jiġu sseparati (billi jkissru u jgħarblu jew idewbu l-prodott magħqud) qabel ma jsir aktar bejgħ jew jinbiegħu bi skont. Għaldaqstant, din id-dikjarazzjoni għandha tiġi rrifjutata.

(10)

Fid-dawl ta’ dan ta’ hawn fuq, ġie konkluż definittivament li l-prodott konċernat u l-aċidu ċitriku prodott u mibjugħ fil-pajjiż analogu, il-Kanada, kif ukoll dak prodott u mibjugħ mill-industrija Komunitarja fis-suq Komunitarju huma l-istess, fis-sens tal-Artikolu 1(4) tar-Regolament bażiku u l-premessi (15) sa (17) tar-Regolament provviżorju huma b’dan definittivament konfermati.

(11)

Fl-istadju provviżorju tal-investigazzjoni ġew investigati d-dikjarazzjonijiet ta’ Trattament ta’ Ekonomija tas-Suq (“MET”)/Trattament Individwali (“IT”) tal-produtturi esportaturi magħrufa kollha. Numru biss ta’ produtturi esportaturi kienu ġew inklużi fil-kampjun u kumpanija waħda ngħatat eżami individwali. Fil-kummenti tagħhom għar-Regolament provviżorju għadd ta’ partijiet iddikjaraw li din l-istrateġija għandha xi nuqqasijiet. Il-kwistjoni ġiet għalhekk kunsidrata mill-ġdid u, anki fid-dawl tal-fatt li sar possibbli, minħabba ċ-ċirkustanzi tal-każ bħal pereżempju r-riżorsi disponibbli, sabiex jiżdied l-għadd ta’ kumpaniji li jistgħu jiġu investigati b’mod raġonevoli, ġie deċiż finalment li ma għandux jiġi applikat teħid ta’ kampjuni. Billi kull kumpanija li kkooperat ingħatat għall-inqas IT fl-istadju provviżorju, għandha tiġi stabbilita rata tad-dazju individwali għal kull waħda minnhom. Bħala konsegwenza, tliet kumpaniji mhux magħżula fil-kampjun jew eżaminati individwalment fl-istadju provviżorju ntalbu jippreżentaw it-tweġibiet għall-kwestjonarju. Madankollu, tnejn biss minn dawn il-kumpaniji ppreżentaw tweġiba għall-kwestjonarju. It-tielet kumpanija ma ppreżentatx tweġiba għall-kwestjonarju u ma ġietx investigata aktar.

(12)

Il-kumpanija msemmija fil-premessa (27) tar-Regolament provviżorju insistiet li s-sussidju msemmi fil-premessa ma kienx għall-għanijiet tal-prodott konċernat u li n-nuqqas ta’ ħlas ta’ kera kien iġġustifikat minn arranġamenti privati bejn il-gruppi għat-tpaċija ta’ profitti mal-kera dovuta. Madankollu, fin-nuqqas ta’ kull element jew tagħrif ġdid dwar il-kwistjoni, u fid-dawl tal-effetti li jxekklu l-kontabilità tal-prattiki msemmija rigward il-kera, il-konklużjonijiet fir-rigward ta’ din il-kumpanija jibqgħu l-istess u huma b’dan definittivament konfermati.

(13)

Wara l-iżvelar provviżorju grupp wieħed ta’ kumpaniji msemmi fil-premessa (25) tar-Regolament provviżorju ddikjara li kien irċieva self fuq il-bażi ta’ analiżi finanzjarja dettaljata ta’ wieħed mill-banek u wara li ngħata klassifikazzjoni għolja tal-kreditu. Madankollu, il-fatt li bank b’mod formali wettaq analiżi u ta klassifikazzjoni għolja ta’ kreditu ma jneħħix il-fatt li l-kumpanija kkonċernata tat garanziji lil kumpaniji oħra minkejja li ipotekat il-biċċa l-kbira tal-assi mhux kurrenti tagħha, u lanqas il-fatt li s-self mogħti lill-kumpanija kkonċernata ngħata minn bank li nstab li hu taħt influwenza tal-Istat. Għaldaqstant, il-konklużjonijiet fir-rigward ta’ din il-kumpanija jibqgħu l-istess u huma b’dan definittivament konfermati.

(14)

Waħda mill-kumpaniji msemmija fil-premessa (26) tar-Regolament provviżorju insistiet li ġiet ippenalizzata għall-fatt li l-azzjonist maġġoritarju tagħha kien kiseb drittijiet tal-użu tal-art għal prezz tajjeb u mbagħad b’mod korrett ivvalutahom mill-ġdid skont l-iżviluppi fil-prezz tas-suq. Madankollu, id-differenza enormi bejn il-prezz tal-akkwist u l-valutazzjonijiet sussegwenti (1 000-2 000 %) ma setgħetx tiġi spjegata. Għaldaqstant, fin-nuqqas ta’ xi elementi jew tagħrif ġdid dwar l-akkwist u r-rivalutazzjoni sussegwenti tad-drittijiet tal-użu tal-art u fid-dawl tal-vantaġġi li l-kumpanija rċeviet billi kisbet l-assi għal prezzijiet ferm inqas mill-valur tas-suq, il-konklużjonijiet fir-rigward ta’ din il-kumpanija jibqgħu l-istess u huma b’dan definittivament konfermati.

(15)

Fin-nuqqas ta’ kull kumment ieħor dwar il-MET, il-premessi (25) sa (30) tar-Regolament provviżorju huma b’dan definittivament konfermati.

(16)

Ħames kumpaniji jew gruppi ta’ kumpaniji li ma ngħatawx il-MET issodisfaw il-kriterji kollha stabbiliti fl-Artikolu 9(5) tar-Regolament bażiku u ngħataw l-IT. Kumpanija waħda li ngħatat l-IT b’mod provviżorju, naqset milli tikkoopera aktar u, għalhekk, finalment ma ngħatat l-ebda IT (ara l-premessi (11) u (34)).

(17)

Kif spjegat fil-premessa (11), wara l-kummenti għar-Regolament provviżorju ġie deċiż li t-teħid ta’ kampjuni ma għandux jiġi applikat u t-tliet kumpaniji mhux magħżula fil-kampjun jew eżaminati individwalment fl-istadju provviżorju ntalbu sabiex jippreżentaw it-tweġibiet għall-kwestjonarju. Il-valur normali ġie stabbilit għal waħda minn dawn il-kumpaniji (Laiwu Taihe), li ngħatat il-MET u li ppreżentat tweġiba għall-kwestjonarju.

(18)

Billi l-unika kumpanija li setgħet tingħata l-MET u li ġiet eżaminata individwalment fl-istadju provviżorju tal-investigazzjoni ma ppreżentat l-ebda kumment dwar il-valur normali, il-konklużjonijiet fil-premessi (35) sa (39) tar-Regolament provviżorju huma b’dan b’dan definittivament konfermati.

(19)

Fir-rigward tal-unika kumpanija oħra li ngħatat il-MET (Laiwu Taihe) u li ġiet investigata aktar għar-raġunijiet spjegati fil-premessa (11), l-ewwel ġie vverifikat jekk il-bejgħ domestiku totali tal-kumpanija tal-prodott simili kienx rappreżentattiv fis-sens tal-Artikolu 2(2) tar-Regolament bażiku. Il-bejgħ domestiku tal-prodott simili kien ftit inqas minn 5 % tal-esportazzjonijiet tal-prodott konċernat lejn il-Komunità. Madankollu, dan il-proporzjon aktar baxx huwa xorta waħda kbir biżżejjed sabiex jipprovdi għal tqabbil xieraq u l-prezzijiet domestiċi tal-prodott simili jitqiesu rappreżentattivi wkoll minħabba l-bejgħ domestiku ġenerali tal-kumpanija kkonċernata. Għaldaqstant, dawn intużaw sabiex jiddeterminaw il-valur normali.

(20)

Għal kull tip ta’ prodott għall-esportazzjoni lejn il-Komunità minn Laiwu Taihe, ġie stabbilit jekk inbiegħx tip ta’ prodott direttament komparabbli fis-suq domestiku. It-tipi ta’ prodott tqiesu li huma direttament komparabbli meta kienu tal-istess tip ta’ prodott (definiti mill-kompożizzjoni kimika), granulazzjoni u ppakkjar komparabbli. Ġie stabbilit li għal tip wieħed biss ta’ prodott għall-esportazzjoni lejn il-Komunità, inbiegħ tip ta’ prodott direttament komparabbli fis-suq domestiku.

(21)

Sussegwentement ġie eżaminat jekk il-bejgħ domestiku ta’ dan it-tip ta’ prodott jistax jitqies bħala bejgħ li sar fl-andament normali tal-kummerċ taħt l-Artikolu 2(4) tar-Regolament bażiku. Ġie stabbilit li kien hemm bejgħ domestiku bi profitt ta’ dan it-tip ta’ prodott lil klijenti indipendenti matul il-PI, u għalhekk fl-andament normali tal-kummerċ.

(22)

Billi l-volum ta’ bejgħ bi profitt ta’ dan it-tip ta’ prodott kien jirrappreżenta 80 % jew anqas tal-volum ta’ bejgħ totali ta’ dak it-tip, il-valur normali kien imsejjes fuq il-prezz domestiku effettiv, kalkolat bħala medja differenzjata tal-bejgħ bi profitt ta’ dak it-tip biss.

(23)

Billi l-prezzijiet domestiċi ta’ Laiwu Taihe ma setgħux jintużaw sabiex jiġi stabbilit il-valur normali għat-tipi l-oħra ta’ prodotti, il-valur normali ġie kostrutt konformement mal-Artikolu 2(3) tar-Regolament bażiku.

(24)

Meta jiġi kostrutt il-valur normali taħt l-Artikolu 2(3) tar-Regolament bażiku, l-ammonti għall-ispejjeż ġenerali, amministrattivi (“SG’A”) u ta’ bejgħ u għall-profitti ġew imsejsa, taħt l-Artikolu 2(6) l-ewwel subparagrafu introduttorju tar-Regolament bażiku, fuq id-data effettiva marbuta mal-produzzjoni u l-bejgħ, fl-andament normali tal-kummerċ, tal-prodott simili, minn Laiwu Taihe.

(25)

Fil-kummenti tagħhom għar-Regolament provviżorju, xi partijiet iddikjaraw li l-Kanada ma tkunx pajjiż analogu xieraq minħabba l-fatt li l-Istati Uniti tal-Amerika (“US”) dan l-aħħar taw bidu għal proċediment anti-dumping kontra l-aċidu ċitriku li joriġina inter alia mill-Kanada. It-Tajlandja għalhekk tressqet għal darb’oħra bħala pajjiż analogu alternattiv. Madankollu, l-analiżi wriet li filwaqt li l-miżuri anti-dumping fuq l-aċidu ċitriku li joriġina mill-Kanada ma kinux fis-seħħ matul il-PI, il-miżuri anti-dumping kienu fis-seħħ matul il-PI fuq l-aċidu ċitriku li joriġina mit-Tajlandja. Dawn il-miżuri tal-aħħar ġew imposti mill-Indja u kkonsistew f’dazji sostanzjali tal-anti-dumping ta’ USD 374,36 għal kull tunnellata, li skadew biss f’Awwissu 2007, jiġifieri xahrejn wara tmiem il-PI. Għaldaqstant, meta jitqiesu wkoll l-argumenti li ssemmew diġà fil-premessi (42) u (43) tar-Regolament provviżorju u l-fatt li l-investigazzjoni tal-Istati Uniti fuq l-aċidu ċitriku li joriġina mill-Kanada kienet għadha għaddejja waqt li kienet qed tiġi ffinalizzata l-investigazzjoni Komunitarja, huwa konkluż li mhemm l-ebda raġuni għaliex it-Tajlandja għandha tkun ippreferuta għall-Kanada bħala pajjiż analogu.

(26)

Taħt l-Artikolu 2(7)(a) tar-Regolament bażiku, il-valur normali għall-produtturi esportaturi msemmija fil-premessa (11) li ma ngħatawx MET kellu jiġi stabbilit fuq il-bażi tal-prezzijiet jew tal-valur mibni f’pajjiż analogu.

(27)

Fil-każ taż-żewġ kumpaniji li ġew investigati aktar għar-raġunijiet spjegati fil-premessa (11) hawn fuq, il-prezz ta’ esportazzjoni ġie stabbilit skont l-istess metodoloġija spjegata fil-premessi (45) sa (47) tar-Regolament provviżorju.

(28)

Billi l-ebda kumpanija ma ressqet xi kummenti dwar il-prezzijiet ta’ esportazzjoni, il-konklużjonijiet li jinsabu fil-premessi (45) sa (47) tar-Regolament provviżorju huma b’dan definittivament konfermati.

(29)

Fil-kummenti tiegħu għar-Regolament provviżorju u għall-iżvelar definittiv, grupp wieħed ta’ kumpaniji kkontesta t-tnaqqis ta’ kummissjoni ipotetika għall-bejgħ permezz ta’ kummerċjant fir-RPĊ, billi l-kummerċjant kien parti integrali tal-grupp. Ġie, madankollu, stabbilit li l-kumpanija kummerċjali tassew wettqet il-funzjoni ta’ kummerċjant indipendenti, u li l-riżultat ekonomiku tar-relazzjoni taż-żewġ kumpaniji huwa dak ta’ prinċipal u aġent. Ġie stabbilit li l-kummerċjant ma kienx qed jinnegozja biss prodotti mmanifatturati minn kumpaniji relatati, iżda wkoll prodotti mmanifatturati minn produtturi indipendenti. Barra minn hekk, il-kumpanija kkonċernata biegħet ukoll direttament lil klijenti mhux relatati. Għaldaqstant, id-dikjarazzjoni ma ġietx milqugħa, u taħt l-Artikolu 2(10)(i) tar-Regolament bażiku, tnaqqset allowance msejsa fuq l-ispejjeż ġenerali, amministrattivi u ta’ bejgħ u fuq il-profitt ta’ importaturi mhux relatati.

(30)

Fil-kummenti tiegħu għar-Regolament provviżorju, produttur esportatur wieħed talab sabiex ma tiġix kunsidrata l-ispiża tal-kambju tal-munita, taħt l-Artikolu 2(10)(j) tar-Regolament bażiku, u l-esportaturi għandhom jingħataw 60 jum sabiex jirriflettu ċaqliq sostnut fir-rati tal-kambju matul il-perjodu ta’ investigazzjoni. Din id-dikjarazzjoni setgħet tiġi aċċettata, u l-marġni ta’ dumping tal-produttur esportatur ġie aġġustat kif meħtieġ.

(31)

Fir-Regolament provviżorju, twettaq tnaqqis fil-prezz tal-esportazzjoni fir-rigward tal-VAT mhux rimborsabbli li trid titħallas fuq il-bejgħ tal-esportazzjoni, taħt l-Artikolu 2(10)(b) tar-Regolament bażiku. Produttur esportatur wieħed iddikjara fil-kummenti tiegħu għar-Regolament provviżorju li ma kellu jsir l-ebda aġġustament bħal dan fil-prezz tal-esportazzjoni, billi l-Artikolu 2(10)(b) tar-Regolament bażiku jkollu x’jaqsam biss mal-valur normali. Huwa rikonoxxut li l-aġġustament stipulat taħt l-Artikolu 2(10)(b) tar-Regolament bażiku jirriferi biss għall-kalkolu tal-valur normali. Fil-fatt it-tnaqqis fil-prezz tal-esportazzjoni, imsemmi hawn fuq, huwa dovut u għandu jsir skont l-Artikolu 2(10)(k) tar-Regolament bażiku. Waqt li kienet qed tiġi eżaminata din d-dikjarazzjoni, instab li kien sar żball klerikali fil-kalkolu tal-aġġustament għall-kumpanija kkonċernata, u li l-istess żball kien sar fir-rigward ta’ kumpaniji oħra. Dawn l-ineżattezzi ġew irrettifikati u wasslu għal tiswijiet kemmxejn ‘l isfel fil-marġnijiet ta’ dumping li ġew kalkolati qabel għal dawn il-kumpaniji.

(32)

Fl-eżami tad-dikjarazzjoni msemmija fil-premessa (31), instab li l-aġġustament meħtieġ ma kienx sar fil-każ ta’ kumpanija waħda li ngħatat trattament individwali. Din ġiet irretifikata u tirriżulta f’żieda żgħira fil-marġni ta’ dumping għal dik il-kumpanija.

(33)

Fin-nuqqas ta’ xi kummenti oħra fir-rigward tat-tqabbil, u apparti t-tibdil indikat fil-premessi (30), (31) u (32) hawn fuq, il-premessi (48) sa (50) tar-Regolament provviżorju huma b’dan definittivament konfermati.

(34)

Fil-każ taż-żewġ kumpaniji li ġew investigati aktar għar-raġunijiet spjegati fil-premessa (11) hawn fuq, il-marġni ta’ dumping ġie stabbilit konformement mal-istess metodoloġija spjegata fil-premessa (51) tar-Regolament provviżorju. Fil-każ tal-kumpanija waħda li ma ppreżentatx tweġiba għall-kwestjonarju u ma ġietx investigata aktar, kif spjegat fil-premessa (11) hawn fuq, din il-kumpanija titqies li ma kkooperatx u l-konklużjonijiet huma msejsa fuq il-fatti disponibbli konformement mal-Artikolu 18(1) tar-Regolament bażiku. F’dan il-każ, meta jitqies il-livell għoli ta’ kooperazzjoni msemmi fil-premessa (19) tar-Regolament provviżorju, il-kumpanija ġiet attribwita l-ogħla marġni ta’ dumping misjub fir-rigward tal-kumpaniji l-oħra kollha.

(35)

Il-marġnijiet ta’ dumping tal-kumpaniji kollha li diġà ġew investigati individwalment fl-istadju provviżorju ġew kalkolati mill-ġdid, sabiex jiġu kkoreġuti l-ineżattezzi msemmija fil-premessi (30), (31) u (32). Dan il-kalkolu mill-ġdid wassal għal tiswijiet żgħar fil-marġnijiet ta’ dumping.

(36)

Fin-nuqqas ta’ xi element ġdid, il-konklużjonijiet fil-premessa (53) tar-Regolament provviżorju, li għandu x’jaqsam mal-livell ta’ kooperazzjoni, huma b’dan definittivament konfermati.

(37)

Fuq din il-bażi, il-marġnijiet ta’ dumping definittiv espressi bћala perċentwali tal-prezz CIF fil-fruntiera tal-Komunità, dazju mhux imħallas, huma:

(38)

Xi partijiet interessati ddikjaraw li SA Citrique Belge NV waqqfet il-produzzjoni wara l-PI u kienet qed tinnegozja biss il-prodott konċernat importat mill-kumpanija relatata tagħha fiċ-Ċina (DSM Citric Acid (Wuxi) Ltd), u argumentaw, għalhekk li SA Citrique Belge NV ma għandhiex tagħmel parti mill-industrija Komunitarja. Din id-dikjarazzjoni madankollu ma ġiet issostanzjata bl-ebda evidenza u mid-data ppreżentata minn SA Citrique Belge NV, jirriżulta li l-kumpanija ssoktat bil-produzzjoni.

(39)

Parti interessata waħda ilmentat ukoll li fil-premessa 56 tar-Regolament provviżorju ngħatat biss firxa ta’ importazzjonijiet ta’ SA Citrique Belge NV mill-produttur Ċiniż relatat tagħha matul il-PI. Din il-parti ddikjarat li x-xejra tal-importazzjonijiet kollha tal-industrija Komunitarja minn kumpaniji relatati u mhux relatati għandha tingħata għall-perjodu kollu kunsidrat billi l-importazzjonijiet jikkostitwixxu fattur importanti għall-evalwazzjoni tal-produzzjoni Komunitarja u konsegwentement għall-konklużjoni tal-eżistenza tal-ħsara. L-investigazzjoni tassew uriet li matul il-perjodu kollu kunsidrat l-importazzjonijiet tal-industrija Komunitarja ma kinux sinifikanti, jiġifieri bejn 1 % u 6 % tal-produzzjoni – din il-firxa tingħata għal raġunijiet ta’ kunfidenzjalità. Għaldaqstant l-argument ma għandux jintlaqa’ u l-premessi (55) sa (58) tar-Regolament provviżorju huma b’dan definittivament konfermati.

(40)

Billi ma wasal l-ebda tagħrif ġdid u ssostanzjat fir-rigward tal-konsum Komunitarju, il-premessi (59) u (60) tar-Regolament provviżorju huma b’dan definittivament konfermati.

(41)

Fir-rigward tal-volumi ta’ importazzjoni, tas-sehem tas-suq u tal-prezzijiet, ma nstab u ma wasal l-ebda tagħrif ġdid u ssostanzjat, għaldaqstant, u fin-nuqqas ta’ xi dikjarazzjoni jew argument minn kull parti interessata b’rabta mal-volum u l-prezzijiet tal-importazzjonijiet konċernati, il-premessi (61) sa (63) tar-Regolament provviżorju huma b’dan definittivament konfermati.

(42)

Matul l-istadju provviżorju tal-investigazzjoni, sabiex jiġu mqabbla l-prodott konċernat u l-aċidu ċitriku prodott mill-industrija Komunitarja fl-istess livell ta’ kummerċ, sar aġġustament għaż-żieda (inklużi l-ispejjeż ġenerali, amministrattivi u ta’ bejgħ) ta’ importaturi mhux relatati fil-kalkoli tat-tnaqqis tal-prezzijiet u, barra minn hekk, sar aġġustament għall-ispejjeż ta’ trattament speċjali mġarrba mill-importaturi fil-Komunità sabiex jisseparaw ċerti volumi tal-prodott konċernat qabel ma jsir aktar bejgħ. Madankollu, minħabba reviżjoni żgħira tad-data li tikkonċerna l-livell ta’ aġġustament kummerċjali, il-medja differenzjata tal-marġni ta’ tnaqqis tal-prezzijiet li ġiet kalkolata u nstabet li hija 17,42 %, ġiet riveduta ‘l isfel għal 16,54 %.

(43)

Wara l-iżvelar finali, produttur Komunitarju wieħed iddikjara li l-livell ta’ aġġustamenti kummerċjali għandhom isiru wkoll b’rabta mal-bejgħ tal-industrija Komunitarja, jiġifieri li għandu jitqies il-bejgħ tagħha li jsir permezz tal-kummerċjanti. F’dan ir-rigward ta’ min jinnota li livell ta’ aġġustament kummerċjali kien sar tabilħaqq għall-prezzijiet tal-bejgħ tal-industrija Komunitarja qabel ma jitqabblu mal-prezzijiet tal-importazzjoni tal-prodott konċernat.

(44)

L-istess produttur Komunitarju talab ukoll li l-aġġustament għal spejjeż ta’ trattament speċjali sabiex jiġu separati ċerti volumi tal-prodott konċernat għandu japplika wkoll għall-prodott simili. Madankollu, din it-talba ma ġietx issostanzjata aktar b’data dwar l-ispejjeż speċifiċi mġarrba minn dan il-produttur Komunitarju u, għalhekk, ma setgħetx tintlaqa’. Fid-dawl ta’ dan ta’ hawn fuq, il-premessa (64) tar-Regolament provviżorju hija b’dan definittivament konfermata.

(45)

Xi partijiet interessati ddikjaraw li l-Kummissjoni ma kinitx analizzat b’mod komplet l-indikaturi kollha ta’ ħsara u għalhekk, ma ġiet stabbilita l-ebda rabta xierqa u kompleta bejn il-qagħda tal-industrija Komunitarja u l-importazzjonijiet Ċiniżi. B’mod partikolari, ġie ddikjarat li ma kienet saret l-ebda evalwazzjoni tal-iżviluppi pożittivi ta’ ċerti indikaturi ta’ ħsara. Ta’ min jinnota li għalkemm xi indikaturi ta’ ħsara juru żvilupp pożittiv li ġie rikonoxxut fil-premessa (79) tar-Regolament provviżorju, l-istampa ġenerali tindika deterjorament tal-qagħda tal-industrija Komunitarja. It-titjib moderat tal-produzzjoni, il-kapaċità ta’ produzzjoni, l-utilizzazzjoni tal-kapaċità, il-volum ta’ bejgħ u l-livelli tal-prezz tal-unità kif ukoll l-effiċjenza akbar tan-nefqa deskritta fil-premessa (76) tar-Regolament provviżorju jirriflettu l-isforzi tal-produtturi Komunitarji sabiex jibqgħu kompetittivi matul il-perjodu kkunsidrat u sabiex jibbenefikaw miż-żieda fil-konsum. Madankollu, kif jista’ jidher fil-premessa (68) tar-Regolament provviżorju, minkejja dawn l-isforzi l-industrija Komunitarja tilfet ħames punti perċentwali (jiġifieri s-sehem tas-suq naqas minn 54 % għal 49 %) tas-sehem tagħha tas-suq li ttieħed prinċipalment mill-importazzjonijiet Ċiniżi bi prezz baxx u li huma l-oġġett ta’ dumping. Bħala fattur aggravanti, jissemma wkoll li l-industrija Komunitarja setgħet tistenna li tikseb xi parti mis-sehem tas-suq miżmum minn dawk it-tliet produtturi Komunitarji tal-aċidu ċitriku li ngħalqu sa mill-2004. Iżda għalll-kuntrarju, l-industrija Komunitarja la setgħet tieħu f’idejha l-klijenti mit-tliet produtturi magħluqa tal-KE, u lanqas tibbenefika miż-żieda fil-konsum. Din it-telfa sinifikanti tas-sehem tas-suq flimkien mal-indikaturi finanzjarji ta’ deterjorament ċar, jiġifieri l-profittabilità, il-qligħ mill-investiment u l-likwidità, juru li l-qagħda ġenerali tal-industrija Komunitarja marret lura tul il-perjodu kkunsidrat u dehret li kienet fl-agħar tagħha matul il-PI. Barra minn hekk, it-tnaqqis tal-istokkijiet ma jistax jitqies bħala żvilupp pożittiv tal-qagħda tal-industrija Komunitarja f’dan il-każ billi ma jistax jitqies bħala indikatur sinifikanti, minħabba n-natura tal-prodott li ma tippermettix ħżin fit-tul.

(46)

Parti interessata waħda argumentat li l-investimenti mhumiex kostanti f’dan il-qasam iżda jsegwu ċerti ċikli tal-investimenti. Filwaqt li anki taħt kundizzjonijiet normali tas-suq wieħed żgur ma jistax jistenna li jsiru investimenti importanti kull sena, il-fatt li tul il-perjodu kollu l-ebda wieħed mill-produtturi Komunitarji li fadal ma wettaq xi investiment importanti jitqies bħala sinjal li l-profittabilità baxxa (li nbidlet f’telf sa mill-2006) ma ppermettiet li jsir l-ebda investiment importanti. Għaldaqstant jitqies li l-investiment huwa indikatur ta’ ħsara partikolarment sinifikanti f’dan il-każ.

(47)

Fl-aħħar nett, għandha titqies il-ħila tal-produtturi Komunitarji li jiġbru l-kapital. F’dan ir-rigward l-investigazzjoni wriet li ż-żewġ produtturi Komunitarji, minħabba d-deterjorament tal-ambjent tan-negozju tal-aċidu ċitriku, kellhom diffikultajiet sabiex jiġbru l-kapital.

(48)

Parti interessata waħda ddikjarat li l-kwerelant kien għall-inqas kapaċi jiġbor il-kapital għal prodotti billi ħabbar fi Frar 2007 il-bini ta’ impjant ġdid tal-glukożju. F’dan ir-rigward huwa nnotat li l-ambitu tal-investigazzjoni hu limitat għall-ħila li jinġabar il-kapital b’rabta mal-prodott konċernat, jiġifieri l-aċidu ċitriku, li deher li ntlaqat b’mod negattiv mill-qagħda finanzjarja tal-industrija Komunitarja.

(49)

Fuq il-bażi ta’ dak li ntqal hawn fuq, il-konklużjoni stabbilita fil-premessa (72) tar-Regolament provviżorju fuq l-investiment tal-industrija Komunitarja hija b’dan definittivament konfermata.

(50)

Parti interessata waħda ddikjarat li l-konklużjonijiet stabbiliti fil-premessa (73) tar-Regolament provviżorju ma setgħux jiġu rikonċiljati mal-kontijiet taż-żewġ produtturi Komunitarji b’mod partikolari l-ebda wieħed mill-kontijiet ma kien juri l-ispiża straordinarja ta’ ristrutturar imsemmija. F’dan ir-rigward, huwa nnotat li, tul il-perjodu kollu kunsidrat, ir-riżultat straordinarju ta’ produttur Komunitarju wieħed intlaqat fil-biċċa l-kbira mill-isforzi ta’ ristrutturar, li ġie ppreżentat fil-kontijiet jew bħala nefqa jew bħala dħul, abbażi ta’ jekk jikkonċernax iż-żieda jew ir-rilaxx ta’ dispożizzjoni u bi drittijiet imħallsa lill-kumpanija prinċipali fl-Iżvizzera. Għaldaqstant, tqies li jkun aktar xieraq li jintuża r-riżultat operattiv bħala bażi għall-analiżi tal-ħsara minflok il-profitt nett.

(51)

L-istess parti ddikjarat li l-multa għal imġiba antikompetittiva li ġiet imposta fl-2005 fuq iż-żewġ kumpaniji prinċipali tal-produtturi Komunitarji setgħet influwenzat il-qagħda tal-profitti tal-industrija Komunitarja. Kull effett li joħroġ mill-multa (kemm iż-żieda kif ukoll ir-rilaxx ta’ dispożizzjonijiet) ġie rreġistrat taħt riżultat straordinarju. Kif imsemmi fil-premessa (50), ir-riżultat operattiv intuża bħala indikatur tal-ħsara f’dan il-proċediment. Għaldaqstant, il-multa li ġiet imposta fuq il-produtturi Komunitarji, ma setgħetx affettwat il-qagħda tal-profitti użata fl-analiżi tal-ħsara. Barra minn hekk, ta’ min jinnota li l-industrija Komunitarja kienet qed tagħmel it-telf sa mill-2006 sa tmiem il-PI. Għalhekk, ix-xejriet kif ippreżentati fir-Regolament provviżorju huma b’dan definittivament konfermati.

(52)

Bosta partijiet interessati indikaw xi inkonsistenza bejn ix-xejra li tikkonċerna l-profittabilità u l-qligħ mill-investiment. Tassew, b’kuntrast mal-profittabilità li ġiet stabbilita bl-espressjoni tal-profitt operattiv fuq il-bejgħ tal-prodott simili għal klijenti mhux relatati bħala perċentwali tal-fatturat ta’ dan il-bejgħ, il-qligħ mill-investiment ġie kkalkolat bħala l-profitt nett f’perċentwali tal-valur nett tal-kontabilità tal-investimenti. sabiex ikun hemm konsistenza fil-kalkolu tal-indikaturi kollha ta’ ħsara, il-kalkolu tal-qligħ mill-investiment ġie rivedut, fuq il-bażi tal-profitt operattiv f’perċentwali tal-valur nett tal-kontabilità tal-investimenti. Il-figuri riveduti huma kif ġej:

(53)

Iċ-ċifri kkoreġuti madankollu jsegwu l-istess xejra u għalhekk ma jbiddlux il-konklużjoni mfassla fil-premessa 74 tar-Regolament provviżorju, li hija b’dan definittivament konfermata.

(54)

Fin-nuqqas ta’ xi tagħrif jew argumenti ġodda u ssostanzjati dwar il-produzzjoni, il-volum ta’ bejgħ, l-ishma tas-suq, il-prezz unitarju tal-bejgħ, l-istokkijiet, il-likwidità, l-impjiegi, il-produttività, il-pagi u l-kobor tal-marġni ta’ dumping, il-konklużjonijiet fil-premessi (66) sa (71), (73) u (75) sa (78) tar-Regolament provviżorju huma b’dan konfermati definittivament. Barra minn hekk, iċ-ċifri kkoreġuti mogħtija għall-qligħ mill-investiment ma jaffettwawx ix-xejriet kif stabbiliti fil-premessi (73) sa (74) tar-Regolament provviżorju. Għaldaqstant, meta jitiqiesu l-indikaturi finanzjarji ta’ deterjorament ċar, bħall-profittabilità, il-qligħ mill-investiment u l-likwidità flimkien ma’ telf sinifikanti tas-sehem tas-suq, il-konklużjoni stabbilita fil-premessa 81 tar-Regolament provviżorju li l-industrija Komunitarja ġarrbet ħsara materjali hija b’dan definittivament konfermata.

(55)

Kif issemma fil-premessa (42) hawn fuq, huwa definittivament konkluż li matul il-PI, il-prezzijiet medji tal-importazzjonijiet mir-RPĊ waqqgħu l-prezzijiet medji tal-industrija Komunitarja medja. Wara li saret reviżjoni żgħira fil-kalkoli, il-marġni medju ta’ tnaqqis instab li kien 16,54 %. Din ir-reviżjoni kemmxejn ‘l isfel ma tistax taffettwa l-konklużjonijiet dwar l-effett tal-importazzjonijiet li huma l-oġġett ta’ dumping stabbiliti fil-premessi (83) sa (85) tar-Regolament provviżorju, li huma b’dan definittivament konfermati.

(56)

Xi importaturi ddikjaraw li l-industrija Komunitarja wettqet hi stess il-ħsara lilha nnfisha billi segwiet strateġija ta’ “prezz fuq il-volum”, jiġifieri sabiex taqdi biss lill-parti superjuri tas-suq, filwaqt li toqgħod lura milli tipproduċi jew tbiegħ il-prodott inferjuri. Skont l-istess importaturi l-konsegwenza kienet li l-industrija Komunitarja ma setgħetx tibbenefika mid-domanda akbar ta’ aċidu ċitriku inferjuri, u b’hekk tilfet is-sehem tas-suq u ddeterjorat ir-rendiment finanzjarju tagħha. L-investigazzjoni madankollu wriet li kemm il-prodott konċernat kif ukoll il-prodott simili jintużaw bażikament fl-istess applikazzjonijiet u jikkompetu prinċipalment fl-istess qasam (ara l-premessa (9)), bl-eċċezzjoni ta’ suq wieħed speċjalizzat li jirrappreżenta porzjon żgħir tas-sehem tas-suq Ewropew tal-aċidu ċitriku, li s’issa ġie fornut biss mill-industrija Komunitarja. L-investigazzjoni stabbiliet tassew li l-industrija Komunitarja kienet preżenti fil-parti inferjuri tas-suq. Għaldaqstant, dan l-argument għandu jiġi rifjutat.

(57)

Barra minn hekk, xi partijiet interessati qiesu n-nuqqas ta’ kull investiment matul il-perjodu kkunsidrat u b’mod partikolari matul is-snin meta l-industrija Komunitarja kisbet riżultati aħjar, jiġifieri l-2004-2005, bħala fattur li kkontribwixxa għat-telf tas-sehem tas-suq u konsegwentement għad-deterjorament tas-sitwazzjoni. L-investigazzjoni wriet li l-industrija Komunitarja ma operatx bil-kapaċità kollha tagħha u li l-użu tal-kapaċità kien stabbli matul il-perjodu kollu kunsidrat. Għaldaqstant, xi żieda fil-produzzjoni setgħet tkun possibbli fil-każ ta’ domanda aktar b’saħħitha mingħajr aktar investimenti. Barra minn hekk, billi l-profittabilità tal-industrija Komunitarja ma kinitx biżżejjed, jiġifieri taħt il-mira ta’ profitt, tul il-perjodu kollu kunsidrat u nbidlet saħansitra f’waħda negattiva, wieħed iqis li tkun deċiżjoni ta’ negozju ekonomikament ġustifikabbli li ma tinvestix ammonti sinifikanti fil-produzzjoni tal-prodott simili. Dan l-argument għaldaqstant mhuwiex konvinċenti u għandu jiġi rifjutat.

(58)

Kważi l-partijiet kollha interessati tennew id-dikjarazzjonijiet tagħhom li kull ħsara misjuba tkun dovuta għar-riforma tas-suq taz-zokkor u l-abolizzjoni konsegwenti tar-rimborsi ta’ produzzjoni fl-2006 u/jew iż-żieda fil-prezzijiet tal-enerġija.

(59)

Parti interessata waħda ddikjarat li fir-rapport annwali ta’ produttur Komunitarju wieħed relatat mal-2007, ġie ddikjarat li d-disponibbiltà tal-materja prima kienet limitata minħabba s-sistema Ewropea taz-zokkor li rriżultat fi spiża ogħla. F’dan ir-rigward, hu nnotat li l-produttur Komunitarju msemmi ma jużax iz-zokkor bħala l-materja prima ewlenija, iżda ġulepp u kif spjegat fil-premessa (89) tar-Regolament provviżorju għaldaqstant qatt ma kien suġġett għal rimborsi ta’ produzzjoni. Iż-żieda fl-ispiża għall-ġulepp madankollu ma kinitx sostanzjali, iżda tikkorrispondi għaż-żieda fil-prezzijiet tas-suq dinji għaz-zokkor. Fir-rigward tal-qagħda tal-produttur Komunitarju l-ieħor li ġiet deskritta fid-dettall fil-premessi (90) sa (94) tar-Regolament provviżorju, ma wasal l-ebda tagħrif jew argument ġdid jew issostanzjat. Il-konklużjoni ġenerali stabbilita fil-premessa (93) li r-riforma tas-suq taz-zokkor ma kellha l-ebda impatt konsiderevoli fuq il-qagħda tal-ispejjeż tal-industrija Komunitarja hija b’dan definittivament konfermata.

(60)

L-istess parti interessata ddikjarat li tassew ikun hemm rabta bejn il-prezzijiet taz-zokkor u l-produzzjoni tal-bijokarburanti billi dan ġie rikonoxxut fi studju tal-Kummissjoni dwar “Il-kawżi tal-Kriżi tal-Prezzijiet tal-Ikel” (4). F’dan ir-rigward huwa nnotat li l-Kummissjoni, kif diġà ġie ddikjarat fil-premessa (98) tar-Regolament provviżorju, kellha aċċess għad-data dwar l-ispiża taż-żewġ produtturi Komunitarji u għalhekk kienet f’pożizzjoni li tanalizza l-ispiża konkreta ta’ materja prima għaż-żewġ produtturi Komunitarji rigward il-produzzjoni ta’ aċidu ċitriku. Kull rabta bejn il-prezzijiet taz-zokkor u l-produzzjoni ta’ bijokarburanti ġiet għalhekk investigata u tqieset fl-istima tal-impatt tar-riforma tas-suq taz-zokkor tal-UE u ż-żieda fil-produzzjoni ta’ bijokarburanti. Fuq din il-bażi, jista’ jiġi konkluż u huwa b’dan konfermat definittivament li dawn il-fatturi ma kellhom l-ebda impatt konsiderevoli fuq il-ħsara misjuba u mġarrba mill-industrija Komunitarja.

(61)

Barra minn hekk, għandu jiġi ddikjarat li kull żieda fl-ispiża li tikkonċerna l-ġulepp, iz-zokkor jew il-glukożju jew l-enerġija li ġiet rikonoxxuta fir-Regolament provviżorju (ara l-premessi (93) u (96) tiegħu) mhijiex is-sors tal-ħsara tal-industrija Komunitarja bħalma tkun f’sitwazzjoni normali tas-suq, u l-industrija Komunitarja setgħet għaddiet dawn l-ispejjeż miżjuda għall-inqas sa ċertu punt lill-klijenti tagħha. Madankollu, l-investigazzjoni wriet il-preżenza akbar ta’ importazzjonijiet li huma l-oġġett ta’ dumping li waqqgħu l-prezzijiet tal-industrija Komunitarja b’mod sinifikattiv. Għaldaqstant, kif ġie ddikjarat fil-premessa (84) tar-Regolament provviżorju kien hemm dipressjoni fil-prezzijiet u l-industrija Komunitarja setgħet tgħaddi biss frazzjoni taż-żidiet fl-ispiża tagħha stess lill-klijenti tagħha, u dan wassal għad-deterjorament tal-qagħda finanzjarja u għal aktar telf fis-sehem tas-suq.

(62)

Fl-aħħar nett, ta’ min isemmi li l-investigazzjoni wriet li l-ispejjeż Ċiniżi tal-produzzjoni ta’ aċidu ċitriku kienu żdiedu wkoll. Dawn l-ispejjeż miżjuda madankollu ma sarrfux fi prezzijiet ogħla ta’ bejgħ, iżda għall-kuntrarju, il-prezzijiet unitarji tal-bejgħ saħansitra naqsu b’sitt punti perċentwali matul il-perjodu kkunsidrat kif muri fil-premessa (63) tar-Regolament provviżorju.

(63)

Fuq il-bażi ta’ dak li ntqal hawn fuq, id-dikjarazzjonijiet għandhom jiġu rifjutati u l-premessi (88) sa (99) tar-Regolament provviżorju huma b’dan definittivament konfermati.

(64)

Xi partijiet interessati tennew id-dikjarazzjonijiet tagħhom li t-telf tas-sehem tas-suq għall-produtturi Ewropej kien ikkawżat mill-istess produtturi minħabba l-kartell tal-prezzijiet ta’ aċidu ċitriku (1991-1995) fejn kemm il-kwerelant kif ukoll il-produttur Ewropew l-ieħor ipparteċipaw u li kien dikjarat li huwa r-raġuni tat-tisħiħ tal-importazzjonijiet Ċiniżi ta’ aċidu ċitriku. Din l-allegazzjoni ma ġietx issostanzjata aktar u, għalhekk, ma biddlitx il-konklużjoni mfassla fil-premessa (100) tar-Regolament provviżorju li l-ispinta kbira lill-importazzjonijiet li huma l-oġġett ta’ dumping seħħet bosta snin wara li l-kartell ma baqax jeżisti.

(65)

Fid-dawl ta’ dan ta’ hawn fuq, qed jiġi konkluż definittivament li l-konsegwenzi tal-prattiki antikompetittivi li fihom ħadet sehem l-industrija Komunitarja ma kkontribwewx għall-ħsara materjali mġarrba mill-industrija Komunitarja.

(66)

Xi partijiet interessati tennew id-dikjarazzjonijiet tagħhom li t-tnaqqis fil-prezzijiet tal-aċidu ċitriku Ċiniż matul il-PI kien fil-biċċa l-kbira dovut għar-rata tal-kambju sfavorevoli mid-dollaru US għall-euro, il-fatt li l-prezzijiet għal aċidu ċitriku ġeneralment huma espressi f’dollari US fis-swieq mondjali u d-diffikultà sabiex il-prezzijiet, li ġeneralment jiġu nnegozjati kull sena, jiġu aġġustati għall-qagħda ġdida tal-munita.

(67)

Qed jitfakkar li fil-premessa (104) tar-Regolament provviżorju, l-impatt ta’ kull ċaqliq fil-kambju ma jitqiesx li huwa sinfikanti għax anki jekk l-iżvalutar tad-dollaru US meta mqabbel mal-ewro bejn l-2004 u l-PI li kien jammonta għal 4,97 %, wara l-irfinar tal-kalkoli provviżorji, kellu jitwarrab għal kollox, xorta kien ikun għad hemm tnaqqis ta’ aktar minn 10 %.

(68)

Għaldaqstant, qed jiġi kkonfermat definittivament li l-apprezzament tal-ewro fir-rigward tad-dollaru US ma kienx tali li jikser ir-rabta kawżali bejn il-ħsara stabbilita lill-industrija Komunitarja u l-importazzjonijiet konċernati. Id-dikjarazzjoni għandha, għalhekk, tiġi miċħuda.

(69)

Fin-nuqqas ta’ xi tagħrif jew argument ġdid u ssostanzjat, il-premessi (82) sa (110) tar-Regolament provviżorju huma b’dan definittivament konfermati.

(70)

Fid-dawl ta’ dan ta’ hawn fuq, il-konklużjoni provviżorja ta’ l-eżistenza ta’ rabta kawżali bejn il-ħsara materjali mġarrba mill-industrija Komunitarja u l-importazzjonijiet Ċiniżi li huma l-oġġett ta’ dumping hija b’dan definittivament konfermata.

(71)

Kummenti dwar il-ħtieġa li jitqiesu ċerti żviluppi importanti li seħħew wara l-PI waslu kemm mingħand ċerti produtturi tal-industrija Komunitarja kif ukoll mingħand produtturi esportaturi u importaturi li kkooperaw. Huwa nnotat li konformement mal-Artikolu 6(1) tar-Regolament bażiku, it-tagħrif dwar id-dumping u l-ħsara relatat ma’ perjodu sussegwenti għall-perjodu ta’ investigazzjoni, normalment, ma għandux jitqies. Madankollu, fid-dawl tal-istqarrija li saret fil-premessi (119) u (129) tar-Regolament provviżorju, tqies b’mod eċċezzjonali li hu meħtieġ li jinġabru data u tagħrif marbuta mal-perjodu wara Ġunju 2007 sa Lulju 2008.

(72)

Xi partijiet interessati ddikjaraw li l-impożizzjoni ta’ miżuri ma tkunx meħtieġa billi l-profittabilità tal-industrija Komunitarja kisbet livelli għolja wara l-PI minħabba ż-żieda sinifikanti fil-prezzijiet u li s-suq kien irregola lilu nnifsu. Matul il-PI, kien hemm evidenza ta’ dumping u ħsara u din il-ħsara kienet ikkawżata b’mod sinfikanti mid-dipressjoni fil-prezzijiet li toħroġ mill-importazzjonijiet li huma l-oġġett ta’ dumping. L-istatistika tal-importazzjoni turi żieda medja fil-prezzijiet tal-bejgħ Ċiniżi ta’ 12 % biss wara l-PI. Meta mqabbla mal-livell ta’ tnaqqis ta’ 16,54 %, misjub matul il-PI, jidher ċar li din iż-żieda mhijiex biżżejjed billi ma tkunx tippermetti lill-industrija Komunitarja żżid il-prezz tal-bejgħ tagħha għal livell sostenibbli mingħajr ma tirriskja li titlef aktar klijenti fin-nuqqas ta’ miżuri anti-dumping. Fir-rigward tal-livell tal-prezzijiet tal-industrija Komunitarja, instab li l-industrija Komunitarja rnexxielha żżid il-prezzijiet tagħha b’mod moderat sa mill-ewwel kwart tal-2008 u dan jidher li tejjeb il-qagħda finanzjarja tal-industrija Komunitarja. Dawn iż-żidiet fil-prezzijiet jinsabu, madankollu, f’korrelazzjoni mill-qrib u f’waqtha mal-bidu ta’ dan il-proċediment u għalhekk jidher li l-qagħda tal-industrija Komunitarja setgħet tjiebet minħabba l-miżuri anti-dumping potenzjali fuq l-importazzjonijiet mir-RPĊ. Għaldaqstant ġie konkluż li ma kien hemm l-ebda awtoregolazzjoni tas-suq, jew l-awtoregolazzjoni ma kinitx biżżejjed sabiex l-impożizzjoni ta’ miżuri ma tkunx meħtieġa. Għaldaqstant, l-argument għandu jitwarrab.

(73)

Fin-nuqqas ta’ xi tagħrif jew argument ġdid u ssostanzjat fir-rigward tal-interess tal-industrija Komunitarja, il-konklużjoni meħuda fil-premessi (112) sa (115) tar-Regolament provviżorju dwar l-interess tal-industrija Komunitarja huma b’dan definittivament konfermata.

(74)

Il-biċċa l-kbira tal-partijiet interessati tennew id-dikjarazzjoni tagħhom li l-impożizzjoni ta’ miżuri tkun tnaqqas b’mod sinfikanti l-kompetizzjoni fis-suq Ewropew u toħloq sitwazzjoni duwopolistika fis-suq. Jitqies, madankollu, li fid-dawl tal-pożizzjoni b’saħħitha fis-suq miksuba mill-produtturi esportaturi Ċiniżi matul dawn l-aħħar snin, l-impożizzjoni ta’ miżuri ma għandhiex tgerrixhom mis-suq Komunitarju, iżda sempliċement toħloq mill-ġdid kundizzjonijiet ekwi li jippermettu lill-industrija Komunitarja u lill-produtturi esportaturi Ċiniżi jikkompetu b’termini ugwali. Barra minn hekk, żieda raġonevoli fil-prezzijiet fis-suq Komunitarju tista’ tassew tattira aktar importazzjonijiet minn pajjiżi terzi oħra bil-produzzjoni tagħhom stess, bħall-Iżrael u l-Amerika t’Isfel li x’aktarx kienu inqas interessati li jesportaw lejn suq bi prezzijiet imnaqqsa.

(75)

Min-naħa l-oħra, jekk ma jiġux imposti l-miżuri anti-dumping, ma jistax jiġi eskluż li l-industrija Komunitarja jkollha twaqqaf l-attivitajiet ta’ manifattura tagħha għal dan in-negozju partikolari, li jwassal għax-xenarju oppost, jiġifieri għal pożizzjoni dominanti tal-importazzjonijiet Ċiniżi.

(76)

Il-biċċa l-kbira tal-partijiet interessati ddikjaraw ukoll li jekk l-importazzjonijiet Ċiniżi jieqfu minħabba l-impożizzjoni tal-miżuri, is-sigurtà tal-provvista tkun fil-periklu għax l-industrija Komunitarja ma tistax tissodisfa d-domanda fis-suq tal-UE anki jekk iż-żewġ produtturi jkunu jipproduċu b’100 % tal-kapaċità tagħhom. Dan ikun aggravat mill-fatt li qed jitbassar li d-domanda ta’ aċidu ċitriku saħansitra se tiżdied bl-effetti tar-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar id-deterġenti (5). F’dan ir-Regolament, il-Kummissjoni tintrabat li twettaq reviżjoni dwar l-użu ta’ fosfati fid-deterġenti u fuq il-bażi tar-riżultati, li tippreżenta proposta għal azzjoni xierqa. B’segwitu għal dan l-obbligu, il-Kummissjoni ppreżentat rapport, iżda għadha ma pproponiet l-ebda azzjoni. Madankollu, anki jekk il-fosfati jiġu pprojbiti għal kollox mill-industrija tad-deterġenti, is-sostituti ewlenin tagħhom huma żeoliti u fi kwantità iżgħar l-aċidu ċitriku biss.

(77)

Barra minn hekk, diversi fatti jikkontradixxu s-suppożizzjoni li l-importazzjonijiet Ċiniżi jistgħu jieqfu tassew.

(78)

Barra minn hekk, l-industrija Komunitarja ħabbret li se tieħu miżuri xierqa sabiex iżżid il-kapaċità ta’ produzzjoni tagħha. Il-kwerelant ħabbar li se jżid il-kapaċità ta’ produzzjoni tiegħu b’mod sinfikanti. Skont l-istqarrija għall-istampa li ħarġet f’Lulju 2008, dawk il-kapaċitajiet addizzjonali għandhom ikunu kompletament disponibbli minn nofs l-2009 bl-ewwel żieda tkun diġà disponibbli f’Jannar 2009. Dan għandu tassew jikkontribwixxi sabiex jissodisfa d-domanda fl-UE. Huwa nnotat ukoll li l-produttur Komunitarju l-ieħor ħabbar f’Awwissu 2008, li se jagħlaq is-sit ta’ produzzjoni tiegħu fiċ-Ċina sal-ewwel kwart tal-2009 u li se jiffoka fuq is-sit ta’ produzzjoni tiegħu fil-Komunità.

(79)

Barra minn hekk, livell ta’ prezzijiet aktar attraenti fis-suq tal-UE x’aktarx li jżid ukoll l-importazzjonijiet minn pajjiżi terzi u b’dawk is-sorsi alternattivi, il-provvista tidher li hija aktar sigura bħallikieku l-utenti jiddependu biss fuq l-aċidu ċitriku Ċiniż. Matul it-12-il xahar wara l-PI, l-importazzjonijiet mill-Iżrael pereżempju żdiedu bi 30 %.

(80)

Għaldaqstant jidher li l-impożizzjoni tal-miżuri ma għandhiex tgerrex lill-produtturi esportaturi Ċiniżi mis-suq, iżda minflok toħloq mill-ġdid kundizzjonijiet ekwi li jiżguraw is-sorsi alternattivi ta’ provvista.

(81)

Xi partijiet interessati ddikjaraw li minħabba t-teħid ta’ kampjuni, il-Kummissjoni rċeviet biss ir-riżultati għall-akbar importaturi fl-Ewropa, u għalhekk ma għandhiex tagħrif dwar l-effetti tad-dazji fuq il-maġġoranza qawwija tal-importaturi żgħar u ta’ daqs medju. Madankollu, l-ebda parti ma qajmet oġġezzjoni kontra l-kampjun magħżul u, għalhekk, il-kampjun jitqies li hu rappreżentattiv għall-importaturi kollha.

(82)

Billi l-aċidu ċitriku, bħala medja, jikkostitwixxi biss 1 % tad-dħul totali tal-importaturi, hu mistenni li l-effetti ta’ dazju tal-anti-dumping se jonqsu fir-riżultati ġenerali tal-kumpaniji.

(83)

Fin-nuqqas ta’ xi kummenti oħra mill-importaturi, il-konklużjonijiet meħuda fil-premessi (116) sa (120) tar-Regolament provviżorju huma b’dan definittivament konfermati.

(84)

Wara l-istadju provviżorju, il-Kummissjoni intensifikat l-investigazzjoni fir-rigward tal-impatt possibbli tal-miżuri fuq l-utenti. Għal dan l-għan, intalab tagħrif addizzjonali mill-utenti u l-assoċjazzjonijiet nazzjonali u saret żjara ta’ verifika addizzjonali fl-istabbiliment ta’ utent Komunitarju wieħed.

(85)

It-tagħrif li wasal jikkonferma l-konklużjoni provviżorja, imsejsa fuq it-tweġibiet mhux kompluti tal-utenti għall-kwestjonarju kif imsemmi fil-premessi (121) u (122) tar-Regolament provviżorju, li l-effett tal-aċidu ċitriku fl-ispiża totali tal-produzzjoni tal-utenti huwa relattivament moderat. Filwaqt li l-parti tal-aċidu ċitriku fl-ispiża tal-produzzjoni tal-utenti tiddependi naturalment fuq il-prodott, instab li ġeneralment tvarja bejn inqas minn 1 % u 20 %. It-tagħrif addizzjonali msemmi hawn fuq ikkonferma wkoll il-konklużjonijiet provviżorji li dazju fil-livell tal-marġni tal-bejgħ taħt il-prezz ikollu effett limitat ħafna fuq l-ispiża tal-produzzjoni tal-utenti li kkooperaw. Wara l-iżvelar definittiv, tnejn mill-utenti industrijali ewlenin tal-aċidu ċitriku argumentaw li l-aċidu ċitriku jirrappreżenta proporzjon għoli f’xi wħud mill-prodotti tagħhom u, għalhekk, l-effett tad-dazji jkun sinfikanti għalihom. L-ewwel nett, ta’ min jinnota li ż-żewġ utenti jipproduċu firxa wiesgħa ta’ prodotti li fihom l-aċidu ċitriku jintuża fi proporzjonijiet differenti. It-tieni, fuq il-bażi tad-data ppreżentata, ma setgħax jiġi pprovat li dawk l-utenti biegħu prinċipalment dawk il-prodotti fejn l-ispiża tal-aċidu ċitriku kienet aktar importanti. Fl-aħħar nett, l-argument ma ġiex issostanzjat aktar b’xi data addizzjonali. Għaldaqstant, dan l-argument ma setgħax jintlaqa’.

(86)

L-analiżi addizzjonali ta’ hawn fuq rigward l-interess tal-importaturi u tal-utenti fil-Komunità ma biddlitx il-konklużjonijiet provviżorji f’dan ir-rigward. Anki jekk f’ċerti każijiet ikun jeħtieġ li l-piż jingħadda kollu fuq l-importatur/utent, kull impatt finanzjarju negattiv fuq dawn tal-aħħar f’kull każ ma jkunx sinifikanti. Fuq il-bażi ta’ dan, jitqies li l-konklużjonijiet rigward l-interess Komunitarju kif stabbilit fir-Regolament provviżorju baqgħu l-istess. Fin-nuqqas ta’ xi kummenti oħra, dawn huma għalhekk b’dan definittivament konfermati.

(87)

Bosta partijiet interessati kkontestaw il-livell tal-marġni ta’ profitt użat provviżorjament u ddikjaraw li l-profitt ta’ 9 % huwa eċċessiv, filwaqt li argumentaw li l-industrija Komunitarja matul il-perjodu kkunsidrat qatt ma kisbet realment dan il-livell ta’ profitt. Huwa rikonoxxut li tabilħaqq produttur Komunitarju wieħed biss kiseb dan il-livell ta’ profitt fin-nuqqas ta’ dumping, jiġifieri fl-2001, filwaqt li l-ieħor ma għamilx hekk. Il-metodoloġija wżata sabiex jiġi determinat il-livell ta’ eliminazzjoni tal-ħsara ġie għalhekk eżaminat mill-ġdid u tqies li jkun aktar xieraq li tintuża bħala marġni ta’ profitt il-medja differenzjata tal-marġni ta’ profitt li nkisbet miż-żewġ produtturi Komunitarji fl-2001, jiġifieri 6 %.

(88)

Fuq il-bażi ta’ dan ta’ hawn fuq, huwa konkluż li l-industrija Komunitarja tista’ b’mod raġonevoli tistenna li tikseb marġni ta’ profitt ta’ qabel it-taxxa ta’ 6 % fin-nuqqas ta’ importazzjonijiet li huma l-oġġett ta’ dumping u dan il-marġni ta’ profitt kien użat fil-konklużjonijiet definittivi.

(89)

Il-prezzijiet ta’ importazzjoni Ċiniżi tqabblu, għall-PI, mal-prezz mingħajr ħsara tal-prodott simili mibjugħ mill-industrija Komunitarja fis-suq Komunitarju. Il-prezz mingħajr ħsara nkiseb billi ġie aġġustat il-prezz tal-bejgħ tal-industrija Komunitarja sabiex jirrifletti l-marġni ta’ profitt, kif ġie rivedut issa. Id-differenza li tirriżulta minn dan il-paragun, meta espressa bħala perċentwal tal-valur totali CIF, kienet tammonta għal firxa bejn 8,3 % u 42,7 % għal kull kumpanija, jiġifieri anqas mill-marġni ta’ dumping misjub, għajr għal kumpanija waħda.

(90)

Fid-dawl tal-konklużjonijiet milħuqa dwar id-dumping, il-ħsara, il-kawżalità u l-interess Komunitarju, u f’konformità mal-Artikolu 9(4) tar-Regolament bażiku, dazju anti-dumping definittiv għandu jiġi impost fil-livell tal-marġnijiet l-aktar baxxi ta’ dumping u ta’ ħsara misjuba, konformement mar-regola ta’ inqas dazju. Fil-każijiet kollha minbarra wieħed, ir-rata tad-dazju għandha tkun stabbilita fil-livell tal-ħsara misjuba.

(91)

Fid-dawl ta’ dak li ntqal hawn fuq, id-dazji definittivi għandhom ikunu kif ġejjin:

(92)

Matul l-investigazzjoni, sitt produtturi esportaturi fir-RPĊ offrew impenji ta’ prezzijiet aċċettabbli konformement mal-Artikolu 8(1) tar-Regolament bażiku.

(93)

Il-Kummissjoni, permezz tad-Deċiżjoni 2008/899/KE (6), aċċettat dawn l-offerti ta’ impenn. Il-Kunsill jagħraf li l-offerti ta’ impenn jeliminaw l-effett ta’ ħsara tad-dumping u jillimitaw għal grad suffiċjenti r-riskju ta’ evażjoni.

(94)

Biex il-Kummissjoni u l-awtoritajiet tad-dwana jkunu jistgħu jissorveljaw b’mod effettiv il-konformità tal-kumpaniji mal-impenji, meta tiġi ppreżentata t-talba lill-awtorità rilevanti tad-dwana għal rilaxx għaċ-ċirkolazzjoni libera, l-eżenzjoni mid-dazju anti-dumping għandha tiddependi (i) mill-preżentazzjoni ta’ fattura ta’ impenn, li tkun fattura kummerċjali li jkollha mill-anqas l-elementi msemmija u d-dikjarazzjoni stipulata fl-Anness; (ii) mill-fatt li l-prodotti importati jiġu manifatturati, mibgħuta u mogħnija b’fattura direttament mill-kumpaniji msemmija lill-ewwel konsumatur indipendenti fil-Komunità; u (iii) mill-fatt li l-prodotti ddikjarati u ppreżentati lid-dwana jaqblu preċiżament mad-deskrizzjoni tal-fattura tal-impenn. Fejn il-kundizzjonijiet ta’ hawn fuq ma jintlaħqux għandu japplika d-dazju anti-dumping xieraq fil-mument tal-aċċettazzjoni tad-dikjarazzjoni għar-rilaxx għaċ-ċirkolazzjoni libera.

(95)

Kull meta l-Kummissjoni, konformement mal-Artikolu 8(9) tar-Regolament bażiku, tirtira l-aċċettazzjoni tagħha ta’ impenn, b’segwitu għal ksur, billi tirriferi għal tranżazzjonijiet partikolari, u tiddikjara l-fatturi rilevanti tal-impenn bħala invalidi, għandu japplika debitu doganali fil-mument tal-aċċettazzjoni tad-dikjarazzjoni għar-rilaxx għaċ-ċirkolazzjoni libera ta’ dawn it-tranżazzjonijiet.

(96)

L-importaturi għandhom ikunu konxji li jista’ japplika debitu doganali, bħala riskju normali tal-kummerċ, fil-mument tal-aċċettazzjoni tad-dikjarazzjoni għar-rilaxx għaċ-ċirkolazzjoni libera kif deskritt fil-premessi (94) u (95) anki jekk impenn offrut mill-manifattur li qed jixtru mingħandu, direttament jew indirettament, kien ġie aċċettat mill-Kummissjoni.

(97)

Konformement mal-Artikolu 14(7) tar-Regolament bażiku, l-awtoritajiet tad-dwana għandhom jinformaw minnufih lill-Kummissjoni kull meta jinstabu indikazzjonijiet ta’ xi vjolazzjoni tal-impenn.

(98)

Minħabba r-raġunijiet imsemmija hawn fuq, l-impenji offruti mill-produtturi esportaturi huma għalhekk kunsidrati aċċettabbli mill-Kummissjoni u l-kumpaniji kkonċernati ġew mgħarrfa bil-fatti, kunsiderazzjonijiet u obbligi essenzjali li fuqhom hija msejsa l-aċċettazzjoni.

(99)

Fil-każ ta’ ksur jew irtirar tal-impenji jew fil-każ ta’ rtirar tal-aċċettazzjoni tal-impenji mill-Kummissjoni, id-dazju anti-dumping li ġie impost mill-Kunsill konformement mal-Artikolu 9(4) tar-Regolament bażiku għandu japplika awtomatikament taħt l-Artikolu 8(9) tiegħu.

(100)

Fid-dawl tal-kobor tal-marġni ta’ dumping misjub u minħabba l-livell tal-ħsara kkaġunata lill-industrija Komunitarja, jitqies meħtieġ li l-ammonti assigurati permezz tad-dazju ta’ anti-dumping provviżorju impost mir-Regolament provviżorju għandhom jinġabru b’mod definittiv sal-limitu tal-ammont ta’ dazji definittivi imposti. Billi r-rati ta’ dazju definittiv huma aktar baxxi mid-dazju provviżorju, l-ammonti assigurati provviżorjament li jaqbżu r-rata definittiva tad-dazju anti-dumping għandhom jiġu rilaxxati,

(a)

dawn jiġu manifatturati, mibgħuta u mogħnija b’fattura direttament mill-kumpaniji msemmija lill-ewwel konsumatur indipendenti fil-Komunità; u

(b)

dawn l-importazzjonijiet huma akkumpanjati minn fattura tal-impenn li hija fattura kummerċjali li fiha tal-anqas l-elementi u d-dikjarazzjoni stipulati fl-Anness ta’ dan ir-Regolament; u

(c)

il-prodotti ddikjarati u ppreżentati lid-dwana jaqblu eżattament mad-deskrizzjoni fuq il-fattura tal-impenn.

(a)

kull darba li huwa stabbilit, fir-rigward ta’ importazzjonijiet deskritti fil-paragrafu 1, li waħda jew aktar mill-kundizzjonijiet elenkati f’dak il-paragrafu mhumiex sodisfatti; jew

(b)

meta l-Kummissjoni tirtira l-aċċettazzjoni tagħha tal-impenn konformement mal-Artikolu 8(9) tar-Regolament bażiku f’Regolament jew Deċiżjoni li tirriferi għal tranżazzjonijiet partikolari u tiddikjara bħala invalidi l-fatturi rilevanti tal-impenn.

3.12.2008   

MT

Il-Ġurnal Uffiċjali ta’ l-Unjoni Ewropea

L 323/16

3.12.2008   

MT

Il-Ġurnal Uffiċjali ta’ l-Unjoni Ewropea

L 323/18

(1)

Skont l-ewwel subparagrafu tal-Artikolu 9(1) u b'applikazzjoni tal-Artikolu 17(2) tar-Regolament (KE) Nru 510/2006, il-Kummissjoni eżaminat it-talba mressqa mir-Renju Unit għall-approvazzjoni ta' emendi fl-ispeċifikazzjonijiet tal-indikazzjoni ġeografika protetta “Scottish Farmed Salmon”, irreġistrata skont ir-Regolament tal-Kummissjoni (KE) 2400/96 (2), kif emendat bir-Regolament (KE) Nru 1437/2004 (3).

(2)

Ġaladarba l-emendi kkonċernati mhumiex minuri fis-sens tal-Artikolu 9 tar-Regolament tal-Kummissjoni (KE) Nru 510/2006, il-Kummissjoni ppubblikat it-talba għall-emendi f’Il-Ġurnal Uffiċjali tal-Unjoni Ewropea  (4), skont l-ewwel subpragarfau tal-Artikolu 6(2) tar-Regolament imsemmi. Ġaladarba l-Kummissjoni ma rċeviet l-ebda dikjarazzjoni ta' oġġezzjoni skont l-Artikolu 7 tar-Regolament (KE) Nru 510/2006, l-emendi għandhom ikunu approvati,

3.12.2008   

MT

Il-Ġurnal Uffiċjali ta’ l-Unjoni Ewropea

L 323/20

(1)

L-Artikolu 4(1) tar-Regolament (KE) Nru 1670/2006 jipprovdi illi l-kwantitajiet taċ-ċereali eliġibbli għar-rifużjoni għandhom ikunu l-kwantitajiet ta' ċereali mqiegħda taħt il-kontroll u ddistillati, b'koeffiċjent li jiġi ffissat kull sena għal kull wieħed mill-Istati Membri kkonċernati. Il-koeffiċjent għandu jesprimi r-relazzjoni bejn il-kwantitajiet totali esportati u l-kwantitajiet imqiegħda fis-suq tal-ispirtu tax-xorb ikkonċernat, abbażi tax-xejra osservata f’dawn il-kwantitajiet matul l-għadd ta’ snin li jikkorrispondi mal-perjodu medju taż-żmien tal-maturazzjoni tal-ispirtu tax-xorb ikkonċernat.

(2)

Abbażi tat-tagħrif li ta r-Renju Unit u li jirrigwarda l-perjodu mill-1 ta' Jannar sal-31 ta' Diċembru 2007, dan il-perjodu medju taż-żmien tal-maturazzjoni fl-2007 kien ta' tmien snin għall-iScotch whisky.

(3)

Għaldaqstant, jeħtieġ li jiġu ffissati l-koeffiċjenti għall-perjodu mill-1 ta' Ottubru 2008 sat-30 ta' Settembru 2009.

(4)

L-Artikolu 10 tal-Protokoll 3 mal-Ftehim dwar iż-Żona Ekonomika Ewropea jipprekludi l-għoti ta' rifużjonijiet fuq l-esportazzjoni lejn il-Liechtenstein, l-Islanda u n-Norveġja. Barra minn hekk, il-Komunità kkonkludiet ftehimiet ma’ ċerti pajjiżi terzi li jabolixxu r-rifużjonijiet fuq l-esportazzjoni. Għalhekk jeħtieġ li, b'applikazzjoni tal-Artikolu 7(2) tar-Regolament (KE) Nru 1670/2006, dan jitqies fil-kalkolu tal-koeffiċjent għall-perjodu 2008/2009,

3.12.2008   

MT

Il-Ġurnal Uffiċjali ta’ l-Unjoni Ewropea

L 323/22

(1)

Ir-Regolament tal-Kunsill (KE) Nru 40/2008 tas-16 ta' Jannar 2008 li jistabbilixxi għall-2008 l-opportunitajiet ta' sajd u l-kondizzjonijiet assoċjati magħhom għal ċerti stokkijiet ta' ħut u gruppi ta' stokkijiet ta' ħut, applikabbli fl-ilmijiet tal-Komunità u, għal bastimenti Komunitarji f'ilmijiet fejn huma meħtieġa limiti ta' qbid (3), jistabbilixxi l-kwoti għall-2008.

(2)

Mill-informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata lilhom għall-2008.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trażbord u l-ħatt tiegħu l-art, jiġu pprojbiti,

3.12.2008   

MT

Il-Ġurnal Uffiċjali ta’ l-Unjoni Ewropea

L 323/24

(1)

Ir-Regolament tal-Kunsill (KE) Nru 40/2008 tas-16 ta' Jannar 2008 li jistabbilixxi għall-2008 l-opportunitajiet ta' sajd u l-kundizzjonijiet assoċjati magħhom għal ċerti stokkijiet ta' ħut u gruppi ta' stokkijiet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2008.

(2)

Mill-informazzjoni li waslet għand il-Kummissjoni, jirriżulta li l-qabdiet li saru tal-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata lilhom għall-2008.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu abbord, it-trażbord u l-ħatt tiegħu l-art, jiġu pprojbiti,

3.12.2008   

MT

Il-Ġurnal Uffiċjali ta’ l-Unjoni Ewropea

L 323/26

(1)

Ir-Regolament tal-Kummissjoni (KE) Nru 341/2007 (3) jiftaħ u jipprovdi għall-amministrazzjoni ta' kwoti tariffarji, u jintroduċi sistema għal liċenzji għall-importazzjoni u ċertifikati ta' oriġini għat-tewm u għal ċerti prodotti agrikoli oħra importati minn pajjiżi terzi.

(2)

Il-kwantitajiet li għalihom tressqu l-applikazzjonijiet għal-liċenzji “A” minn importaturi tradizzjonali u minn importaturi ġodda wara il-ħmistax-il jum ta' Novembru 2008, skond l-Artikolu 10(1) tar-Regolament (KE) Nru 341/2007, jaqbżu l-kwantitajiet disponibbli għall-prodotti li joriġinaw miċ-Ċina, l'Arġentina u l-pajjiżi terzi kollha għajr għaċ-Ċina u l-Arġentina.

(3)

Għaldaqstant, skond l-Artikolu 7(2) tar-Regolament (KE) Nru 1301/2007, jeħtieġ issa li jiġi stabbilit sa liema punt l-applikazzjonijiet għal-liċenzji “A” mibgħuta lill-Kummissjoni sa mhux aktar mill-31 ta' Novembru 2008 jistgħu jkunu sodisfatti skond l-Artikolu 12 tar-Regolament (KE) Nru 341/2007,

3.12.2008   

MT

Il-Ġurnal Uffiċjali ta’ l-Unjoni Ewropea

L 323/28

(1)

Id-dazji ta' l-importazzjoni fis-settur taċ-ċereali li huma applikabbli mill-1 ta’ Diċembru 2008 ġew iffissati bir-Regolament tal-Kummissjoni (KE) Nru 1186/2008 (3).

(2)

Ġaladarba l-medja kkalkulata tad-dazji ta’ l-importazzjoni varjat b’EUR 5/t mid-dazju ffissat, jeħtieġ li jsir aġġustament korrispondenti tad-dazji ta' l-importazzjoni ffissati bir-Regolament (KE) Nru 1186/2008.

(3)

Ir-Regolament (KE) Nru 1186/2008 għandu jiġi emendat skond dan,

3.12.2008   

MT

Il-Ġurnal Uffiċjali ta’ l-Unjoni Ewropea

L 323/31

(1)

Id-Direttiva tal-Kunsill 79/409/KEE (3) tipprevedi li għandhom jiġu adottati ċerti miżuri skond id-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni konferiti lill-Kummissjoni (4).

(2)

Id-Deċiżjoni 1999/468/KE ġiet emendata bid-Deċiżjoni tal-Kunsill 2006/512/KE (5), li introduċiet il-proċedura regolatorja bi skrutinju għall-adozzjoni ta’ miżuri ta’ kamp ta’ applikazzjoni ġenerali u mfassla sabiex jemendaw elementi mhux essenzjali ta’ strument bażiku adottat skond il-proċedura msemmija fl-Artikolu 251 tat-Trattat, inter alia billi jiġu mħassra wħud minn dawk l-elementi jew billi l-istrument jiġi supplimentat b’elementi ġodda mhux essenzjali.

(3)

Skond id-Dikjarazzjoni tal-Parlament Ewropew, tal-Kunsill u tal-Kummissjoni dwar id-Deċiżjoni 2006/512/KE (6), sabiex il-proċedura regolatorja bi skrutinju tkun applikabbli għall-istrumenti adottati skond il-proċedura msemmija fl-Artikolu 251 tat-Trattat u li diġà huma fis-seħħ, dawk l-istrumenti għandhom jiġu emendati skond il-proċeduri applikabbli.

(4)

Il-Kummissjoni għandha tingħata s-setgħa b’mod partikolari sabiex temenda ċerti Annessi għad-Direttiva 79/409/KEE fid-dawl tal-progress tekniku u xjentifiku. Peress li dawk il-miżuri huma ta’ kamp ta’ applikazzjoni ġenerali u huma mfassla sabiex jemendaw elementi mhux essenzjali tad-Direttiva 79/409/KEE, inter alia billi jissuplimentawha b’elementi ġodda mhux essenzjali, dawn għandhom jiġu adottati skond il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(5)

Għaldaqstant, id-Direttiva 79/409/KEE għandha tiġi emendata skond dan.

(6)

Ġaladarba l-emendi għad-Direttiva 79/409/KEE li qed isiru minn din id-Direttiva huma ta’ natura teknika u jikkonċernaw biss il-proċedura tal-kumitat, mhux neċessarju li jiġu trasposti mill-Istati Membri. Għalhekk mhux neċessarju li jiġu stabbiliti dispożizzjonijiet għal dan il-għan,

(1)

L-Artikolu 15 għandu jiġi sostitwit b’dan li ġej:

“Artikolu 15

Għandhom jiġu adottati l-emendi neċessarji sabiex l-Annessi I u V jiġu adattati għall-progress tekniku u xjentifiku, kif ukoll l-emendi msemmija fit-tieni subparagrafu ta’ l-Artikolu 6(4). Dawk il-miżuri, imfassla sabiex jemendaw elementi mhux essenzjali ta’ din id-Direttiva, għandhom jiġu adottati skond il-proċedura regolatorja bi skrutinju msemmija fl-Artikolu 17(2).”;

(2)

L-Artikolu 17 għandu jiġi sostitwit b’dan li ġej:

“Artikolu 17

1.   Il-Kummissjoni għandha tkun assistita mill-Kumitat għall-Addattament għall-Progress Tekniku u Xjentifiku.

2.   Fejn issir referenza għal dan il-paragrafu, għandu japplika l-Artikolu 5a(1) sa (4) u l-Artikolu 7 tad-Deċiżjoni 1999/468/KE, b’kont meħud tad-dispożizzjonijiet ta’ l-Artikolu 8 tagħha.”

3.12.2008   

MT

Il-Ġurnal Uffiċjali ta’ l-Unjoni Ewropea

L 323/33

(1)

Id-Direttiva 2001/25/KE tal-Parlamemt Ewropew u tal-Kunsill ta’ l-4 ta’ April 2001 dwar il-livell minimu ta’ taħriġ tal-baħħara (3) ġiet emendata b’mod sinifikattiv f’diversi okkażjonijiet (4). Issa li qed isiru emendi ġodda għal dik id-Direttiva, ikun tajjeb, għal raġunijiet ta’ ċarezza, li d-dispożizzjonijiet in kwistjoni jiġu mfassla mill-ġdid.

(2)

L-azzjonijiet li għandhom jittieħdu fuq il-livell Komunitarju fil-qasam tas-sikurezza marittima u l-prevenzjoni tat-tniġġis fil-baħar għandhom ikunu f’konformità mar-regoli u l-istandards internazzjonali li sar qbil fuqhom.

(3)

Sabiex jinżamm u jiġi żviluppat il-livell ta’ għarfien u kapaċità fis-settur marittimu fil-Komunità, huwa importanti li tingħata attenzjoni xierqa lit-taħriġ marittimu u l-istatus tal-baħħara fil-Komunità.

(4)

Livell ta’ taħriġ konsistenti għall-għoti ta’ ċertifikati ta’ kompetenza vokazzjonali lill-baħħara fl-interessi tas-sikurezza marittima.

(5)

Id-Direttiva 2005/36/KE tal-Parlament Ewropew u tal-Kunsill tas-7 ta’ Settembru 2005 dwar ir-rikonoxximent ta’ kwalifiki professjonali (5) tapplika għal xogħlijiet marittimi koperti b’din id-Direttiva. Hi għandha tgħin biex tippromwovi l-konformità ma’ l-obbligi stabbiliti fit-Trattat li jneħħu ostakli għall-moviment liberu ta’ persuni u servizzi bejn l-Istati Membri.

(6)

Ir-rikonoxximent reċiproku ta’ diplomi u ċertifikati previst skond id-Direttiva 2005/36/KE mhux dejjem jiżgura livell standardizzat ta’ taħriġ għall-baħħara kollha li jagħtu servizz abbord bastimenti li jtajru l-bandiera ta’ Stat Membru. Dan huwa, madankollu, vitali mill-aspett tas-sikurezza marittima.

(7)

Huwa għalhekk essenzjali li jiġi definit livell minimu ta’ taħriġ għall-baħħara fil-Komunità. Dak il-livell għandu jkun bbażat fuq l-istandards ta’ taħriġ li diġà hemm qbil fuqhom fuq livell internazzjonali, jiġifieri l-Konvenzjoni ta’ l-Organizzazzjoni Internazzjonali Marittima (IMO) dwar Standards ta’ Taħriġ, Ċertifikazzjoni u Għassa għall-Baħħara, 1978 (Konvenzjoni STCW), kif riveduta fl-1995. L-Istati Membri kollha huma Partijiet għal dik il-Konvenzjoni.

(8)

L-Istati Membri jistgħu jistabbilixxu standards ogħla mill-istandards minimi stabbiliti fil-Konvenzjoni STCW u f’din id-Direttiva.

(9)

Ir-Regolamenti tal-Konvenzjoni STCW annessi ma’ din id-Direttiva għandhom ikunu ssupplimentati bid-dispożizzjonijiet mandatorji li jinsabu fil-Parti A tal-Kodiċi STCW. Il-Parti B tal-Kodiċi STCW fiha gwida rakkomandata maħsuba biex tassisti lill-Partijiet għall-Konvenzjoni STCW u lil dawk involuti fl-implimentazzjoni, l-applikazzjoni jew l-infurzar tal-miżuri tagħha biex jagħtu lill-Konvenzjoni effett sħiħ u komplet b’mod uniformi.

(10)

Għat-titjib fis-sikurezza marittima u l-prevenzjoni tat-tniġġis fuq il-baħar, għandhom jiġu stabbiliti dispożizzjonijiet f’din id-Direttiva dwar perjodi minimi ta’ mistrieħ għall-persunal ta’ l-għassa skond il-Konvenzjoni STCW. Dawk id-dispożizzjonijiet għandhom jiġu applikati mingħajr preġudizzju għad-dispożizzjonijiet tad-Direttiva tal-Kunsill 1999/63/KE tal-21 Ġunju 1999 dwar il-Ftehim dwar l-organizzazzjoni ta’ ħin tax-xogħol tal-baħħara konkluż mill-Assoċjazzjoni tal-Komunità Ewropea tas-Sidien tal-Bastimenti (ECSA) u l-Federazzjoni ta’ l-Unjonijiet tal-Ħaddiema tat-Trasport (FST) (6).

(11)

L-Istati Membri għandhom jieħdu u jinfurżaw miżuri speċifiċi sabiex jipprevjenu u jippenalizzaw prattika qarrieqa marbuta ma’ ċertifikati ta’ kompetenza kif ukoll li jsegwu l-isforzi tagħhom fi ħdan l-IMO sabiex jintlaħqu strumenti ta’ ftehim stretti u infurzabbli dwar il-ġlieda globali kontra din il-prattika.

(12)

Sabiex tiġi mtejba s-sikurezza marittima u sabiex ma jkunx hemm telf ta’ ħajjiet umani u tniġġis marittimu, għandha titjieb il-komunikazzjoni fost membri ta’ l-ekwipaġġ abbord vapuri li jbaħħru fl-ilmijiet tal-Komunità.

(13)

Il-persunal abbord vapuri tal-passiġġieri maħtur sabiex jassisti lill-passiġġieri f’sitwazzjonijiet ta’ emerġenza għandu jkun jista’ jikkomunika mal-passiġġieri.

(14)

L-ekwipaġġi fuq tankers li jġorru tagħbija li tagħmel ħsara għas-saħħa jew li tniġġes għandhom ikunu jistgħu jlaħqu b’mod effettiv mal-prevenzjoni ta’ inċidenti u sitwazzjonijiet ta’ emerġenza. Huwa ta’ l-akbar importanza li tiġi stabbilita rabta ta’ komunikazzjoni tajba bejn il-kaptan, l-uffiċjali u l-baħħara, li tkopri r-rekwiżiti previsti f’din id-Direttiva.

(15)

Huwa essenzjali li jiġi żgurat li baħħara li jkollom ċertifikati maħruġa minn pajjiżi terzi u li jservu fuq vapuri fil-Komunità jkollhom livell ta’ kompetenza ekwivalenti għal dak meħtieġ mill-Konvenzjoni STCW. Din id-Direttiva għandha tistabbilixxi proċeduri u kriterji komuni għar-rikonoxximent mill-Istati Membri ta’ ċertifikati maħruġa minn pajjiżi terzi, ibbażat fuq ir-rekwiżiti tat-taħriġ u taċ-ċertifikazzjoni kif sar qbil fuqhom fl-istruttura tal-Konvenzjoni STCW.

(16)

Fl-interessi tas-sikurezza fuq il-baħar, l-Istati Membri għandhom jirrikonoxxu kwalifiki li jagħtu prova tal-livell ta’ taħriġ meħtieġ biss fejn dawn ikunu maħruġa minn jew f’isem il-Partijiet għall-Konvenzjoni STCW li jkunu ġew identifikati mill-Kumitat tas-Sikurezza Marittima (MSC) ta’ l-IMO bħala li jkunu jidhru li taw, u li għadhom jagħtu, effett sħiħ għall-istandards stabbiliti f’dik il-Konvenzjoni. Biex jimtela ż-żmien sakemm l-MSC ikun jista’ jagħmel din l-identifikazzjoni, hemm bżonn ta’ proċedura għar-rikonoxximent preliminari ta’ ċertifikati.

(17)

Fejn ikun xieraq, għandhom jiġu spezzjonati l-istituti marittimi, il-programmi ta’ taħriġ u l-korsijiet marittimi. Għandhom għalhekk jiġu stabbiliti kriterji ta’ spezzjoni.

(18)

Il-Kummissjoni għandha tkun assistita minn kumitat fit-twettiq tad-dmirijiet relatati ma’ l-eżerċizzju tar-rikonoxximent ta’ ċertifikati maħruġa minn istituti ta’ taħriġ jew amministrazzjonijiet ta’ pajjiżi terzi.

(19)

L-Aġenzija Ewropea għas-Sikurezza Marittima stabbilita bir-Regolament (KE) Nru 1406/2002 tal-Parlament Ewropew u tal-Kunsill (7) għandha tassisti lill-Kummissjoni fil-verifika li l-Istati Membri jikkonformaw mar-rekwiżiti stabbiliti f’din id-Direttiva.

(20)

L-Istati Membri, bħala awtoritajiet tal-port, huma meħtieġa li jtejjbu s-sikurezza u l-prevenzjoni tat-tniġġis fl-ilmijiet tal-Komunità permezz ta’ spezzjonijiet ta’ prijorità ta’ bastimenti li jtajjru l-bandiera ta’ pajjiż terz li ma jkunx irratifika il-Konvenzjoni STCW, u b’hekk jiżguraw li ma jkunx hemm aktar trattament favorevoli għal bastimenti li jtajjru l-bandiera ta’ pajjiż terz.

(21)

Huwa xieraq li f’din id-Direttiva jiġu inklużi dispożizzjonijiet dwar il-kontroll ta’ l-Istat fuq il-port, sakemm issir l-emenda tad-Direttiva tal-Kunsill 95/21/KE dwar il-kontroll portwali ta’ l-Istat fuq it-tbaħħir (8) sabiex jiġu trasferiti għal dik id-Direttiva d-dispożizzjonijiet dwar il-kontroll ta’ l-Istat fuq il-port li huma inklużi f’din id-Direttiva.

(22)

Jeħtieġ li jiġu pprovduti proċeduri biex din id-Direttiva tiġi addattata għal bidliet f’konvenzjonijiet u kodiċijiet internazzjonali.

(23)

Il-miżuri meħtieġa għall-implimentazzjoni ta’ din id-Direttiva għandhom jiġu adottati skond id-Deċiżjoni tal-Kunsill 1999/468/KE tat-28 ta’ Ġunju 1999 li tipprovdi l-proċeduri għall-eżerċizzju tas-setgħat ta’ implimentazzjoni konferiti fuq il-Kummissjoni (9).

(24)

B’mod partikolari, il-Kummissjoni għandha tingħata s-setgħa li temenda din id-Direttiva sabiex tapplika, għall-finijiet ta’ din id-Direttiva, emendi sussegwenti għall-ċerti kodiċijiet internazzjonali u kwalunkwe emenda rilevanti għall-leġislazzjoni Komunitarja. Peress li dawn il-miżuri huma ta’ kamp ta’ applikazzjoni ġenerali u huma mfassla biex jemendaw elementi mhux essenzjali ta’ din id-Direttiva, dawn għandhom jiġu adottati skond il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(25)

L-elementi ġodda introdotti f’din id-Direttiva jikkonċernaw biss il-proċeduri tal-kumitati. Għalhekk m’hemmx bżonn li jiġu trasposti mill-Istati Membri.

(26)

Din id-Direttiva għandha tkun mingħajr preġudizzju għall-obbligi ta’ l-Istati Membri rigward il-limiti ta’ żmien għat-traspożizzjoni fil-liġi nazzjonali tad-Direttivi stabbiliti fl-Anness III, Parti B,

(1)

“kaptan” tfisser il-persuna li għandha l-kmand ta’ vapur;

(2)

“uffiċjal” tfisser membru ta’ l-ekwipaġġ, minbarra l-kaptan, nominat hekk bil-liġi jew regolamenti nazzjonali jew, fin-nuqqas ta’ din in-nomina, bi ftehim kollettiv jew drawwa;

(3)

“uffiċjal tal-gverta” tfisser uffiċjal ikkwalifikat skond id-dispożizzjonijiet tal-Kapitolu II ta’ l-Anness I;

(4)

“chief mate” tfisser l-uffiċjal fil-grad ta’ wara l-kaptan li fuqu jaqa’ l-kmand tal-vapur fil-każ ta’ l-inkapaċità tal-kaptan;

(5)

“uffiċjal ta’ l-inġinerija” tfisser uffiċjal ikkwalifikat skond id-dispożizzjonijiet tal-Kapitolu III ta’ l-Anness I;

(6)

“uffiċjal kap ta’ l-inġinerija” tfisser l-uffiċjal superjuri ta’ l-inġinerija responsabbli mill-propulsjoni mekkanika u t-tħaddim u l-manutenzjoni ta’ l-istallazzjonijiet mekkaniċi jew ta’ l-elettriku tal-vapur;

(7)

“it-tieni uffiċjal ta’ l-inġinerija” tfisser l-uffiċjal ta’ l-inġinerija fil-grad ta’ wara l-uffiċjal kap ta’ l-inġinerija li fuqu taqa’ r-responsabbiltà għall-propulsjoni mekkanika u t-tħaddim u l-manutenzjoni ta’ l-installazzjonijiet mekkaniċi jew ta’ l-elettriku tal-vapur fil-każ ta’ l-inkapaċità ta’ l-uffiċjal kap ta’ l-inġinerija;

(8)

“assistent uffiċjal ta’ l-inġinerija” tfisser persuna taħt taħriġ biex tilħaq uffiċjal ta’ l-inġinerija u nominata hekk mil-liġi jew mir-regolamenti nazzjonali;

(9)

“operatur tar-radju” tfisser persuna li għandha ċertifikat xieraq maħruġ jew rikonoxxut mill-awtoritajiet kompetenti taħt id-dispożizzjonijiet tar-Regolamenti tar-Radju;

(10)

“baħħar” tfisser membru ta’ l-ekwipaġġ tal-vapur minbarra l-kaptan jew l-uffiċjali;

(11)

“vapur li jbaħħar” tfisser vapur għajr dawk li jbaħħru b’mod esklussiv f’ilmijiet interni jew f’ilmijiet ġewwa jew viċin ta’ ilmijiet jew żoni milqugħin fejn jgħoddu r-regolamenti tal-port;

(12)

“vapur li jtajjar il-bandiera ta’ Stat Membru” tfisser vapur irreġistrat fi u li jtajjar il-bandiera ta’ Stat Membru skond il-leġislazzjoni tiegħu; vapur li ma jikkorrispondix ma’ din id-definizzjoni għandu jiġi meqjus bħala vapur li jtajjar il-bandiera ta’ pajjiż terz;

(13)

“vjaġġi qrib ix-xatt” tfisser vjaġġi fil-viċinanza ta’ Stat Membru kif definit minn dak l-Istat Membru;

(14)

“qawwa ta’ propulsjoni” tfisser il-qawwa ta’ output b’rata kontinwa massima totali mfissra f’kilowatts tal-magni prinċipali ta’ propulsjoni kollha tal-vapur li jidhru fuq iċ-ċertifikat ta’ reġistrazzjoni tal-vapur jew fuq xi dokument uffiċjali ieħor;

(15)

“tanker taż-żejt” tfisser vapur mibni u użat għat-trasport taż-żejt u prodotti taż-żejt fi kwantitajiet kbar;

(16)

“tanker ta’ sustanzi kimiċi” tfisser vapur mibni jew adattat u użat għat-trasport fi kwantità ta’ kwalunkwe prodott likwidu elenkat fil-Kapitolu 17 tal-Kodiċi Internazzjonali ta’ Kimika fi Kwantità, fil-verżjoni aġġornata tiegħu;

(17)

“tanker ta’ gass likwifikat” tfisser vapur mibni jew adattat u użat għat-trasport fi kwantità ta’ kwalunkwe gass likwifikat jew prodott ieħor elenkat fil-Kapitolu 19 tal-Kodiċi ta’ Trasport Internazzjonali tal-Gass, fil-verżjoni aġġornata tiegħu;

(18)

“Regolamenti tar-Radju” tfisser ir-regolamenti riveduti tar-radju, adottati mill-Konferenza Amministrattiva Dinjija tar-Radju għas-Servizz Mobbli fil-verżjoni aġġornata tagħhom;

(19)

“vapur tal-passiġġieri” għandha tfisser vapur li jbaħħar li jġorr aktar minn 12-il passiġġier;

(20)

“bastiment tas-sajd” tfisser bastiment użat għall-qbid ta’ ħut jew ta’ riżorsi ħajjin oħra tal-baħar;

(21)

“Konvenzjoni STCW” tfisser il-Konvenzjoni tal-1978 dwar Standards ta’ Taħriġ, Ċertifikazzjoni u Għassa għal Baħħara, ta’ l-Organizzazzjoni Marittima Internazjonali (IMO) kif tapplika għal materji kkonċernati filwaqt li jitqiesu d-dispożizzjonijiet transitorji ta’ l-Artikolu VII u r-Regolament 1/15 tal-Konvenzjoni u inklużi, fejn ikun xieraq, id-dispożizzjonijiet applikabbli tal-Kodiċi STCW, kollha applikabbli fil-verżjonijiet aġġornati tagħhom;

(22)

“xogħlijiet tar-radju” tinkludi, skond kif ikun xieraq, l-għassa u l-manutenzjoni teknika u t-tiswijiet imwettqa skond ir-Regolamenti tar-Radju, il-Konvenzjoni Internazzjonali għas-Sikurezza tal-Ħajja fuq il-Baħar ta’ l-1974, (SOLAS 74) u, fid-diskrezzjoni ta’ kull Stat Membru, ir-rakkomandazzjonijiet rilevanti ta’ l-IMO, fil-verżjonijiet aġġornati tagħhom;

(23)

“vapur tal-passiġġieri ro-ro” tfisser vapur tal-passiġġeri bi spazji ro-ro għall-merkanzija jew spazji ta’ kategorija speċjali kif definit fis-SOLAS 74, fil-verżjoni aġġornata tagħha;

(24)

“Kodiċi STCW” tfisser il-Kodiċi ta’ Taħriġ, Ċertifikazzjoni u Għassa tal-Baħħara (STCW) kif adottat bir-Riżoluzzjoni 2 tal-Konferenza tal-Partijiet STCW ta’ l-1995 fil-verżjoni aġġornata tiegħu;

(25)

“funzjoni” tfisser grupp ta’ xogħlijiet, dmirijiet u responsabbiltajiet, kif speċifikat fil-Kodiċi STCW, meħtieġa għat-tħaddim tal-vapuri, is-sikurezza tal-ħajja fuq il-baħar jew il-protezzjoni ta’ l-ambjent marittimu;

(26)

“kumpanija” tfisser is-sid tal-vapur jew kwalunkwe organizzazzjoni jew persuna oħra bħall-amministratur jew il-kerrej tal-bastiment mingħajr ekwipaġġ li jkun ħa r-responsabbiltà għat-tħaddim tal-vapur mingħand is-sid tal-vapur u li, meta jkun ħa din ir-responsabbiltà, ikun qabel li jimxi ma’ l-obbligi u r-responsabbiltajiet imposti fuq il-kumpanija b’din id-Direttiva;

(27)

“ċertifikat xieraq” tfisser ċertifikat maħruġ u approvat skond din id-Direttiva u li jippermetti lid-detentur legali tiegħu li jaħdem fil-kapaċità u jwettaq il-funzjonijiet involuti fil-livell ta’ responsabbiltà speċifikati fih fuq vapur li jkun tat-tip, tat-tunnellaġġ, tal-qawwa u tal-mezzi ta’ propulsjoni konċernati meta jkun fuq il-vjaġġ partikolari konċernat;

(28)

“servizz fuq il-baħar” tfisser servizz abbord il-vapur rilevanti għall-ħruġ ta’ ċertifikat jew kwalifika oħra;

(29)

“approvat” tfisser approvat mill-Istat Membru skond din id-Direttiva;

(30)

“pajjiż terz” tfisser kwalunkwe pajjiż li ma jkunx Stat Membru;

(31)

“xahar” tfisser xahar tal-kalendarju jew 30 ġurnata magħmulin minn perijodi ta’ inqas minn xahar.

(a)

vapuri tal-gwerra, awżiljarji navali jew vapuri oħra li jkunu il-proprjetà jew imħaddma minn Stat Membru u li jkunu involuti biss għal servizzi mhux kummerċjali tal-Gvern;

(b)

dgħajjes tas-sajd;

(ċ)

dgħajjes tal-pjaċir mhux użati fil-kummerċ;

(d)

vapuri ta’ l-injam ta’ struttura primittiva.

(a)

jinkludu l-għarfien żejjed meħtieġ mir-regolamenti rilevanti fl-eżami għall-kwistjoni ta’ ċertifikat konformi mar-Regolamenti tar-Radju; jew

(b)

joħorġu ċertifikat separat li jindika li d-detentur għandu l-għarfien addizzjonali meħtieġ mir-regolamenti rilevanti.

(a)

jistgħu jiġu maħruġa bħala dokumenti separati;

(b)

għandhom jingħataw numru uniku għal kull waħda, għajr l-approvazzjonijiet li jaffermaw il-ħruġ ta’ ċertifikat li jistgħu jingħataw l-istess numru taċ-ċertifikat ikkonċernat, sakemm dak in-numru ikun uniku; u

(ċ)

għandhom kollha jiskadu malli jiskadi jew jiġi irtirat, sospiż jew ikkanċellat iċ-ċertifikat approvat mill-Istat Membru jew pajjiż terz li jkun ħariġhom u, f’kull każ, fi żmien ħames snin mid-data tal-ħruġ tagħhom.

(a)

kumpanija jew kaptan ikunu ingaġġaw persuna li ma jkollhiex ċertifikat kif meħtieġ b’din id-Direttiva;

(b)

kaptan ikun ħalla kwalunkwe funzjoni jew servizz fi kwalunkwe kapaċità li skond din id-Direttiva għandha ssir minn persuna li jkollha ċertifikat xieraq, li titwettaq minn persuna li ma jkollhiex iċ-ċertifikat meħtieġ, dispensa valida jew li ma jkollhiex evidenza bil-miktub meħtieġa bl-Artikolu 19(7); jew

(ċ)

persuna tkun kisbet impjieg bi frodi jew billi ffalsifikat dokumenti biex taqdi kwalunkwe funzjoni jew biex tagħti servizz fi kwalunkwe kapaċità li skond din id-Direttiva għandha ssir jew titwettaq minn persuna li jkollha ċertifikat jew dipensa.

(a)

l-attivitajiet kollha ta’ taħriġ, valutazzjoni ta’ kompetenza, ċertifikazzjoni, approvazzjoni u validazzjoni mill-ġdid imwettqa minn aġenziji mhux governattivi jew entitajiet taħt l-awtorità tiegħu jkunu kontrollati kontinwament minn sistema ta’ standards tal-kwalità li tiżgura li jiġu sodisfatti l-għanijiet definiti, inklużi dawk dwar il-kwalifiki u l-esperjenza ta’ l-għalliema u l-assessuri;

(b)

fejn aġenziji jew entitajiet governattivi iwettqu dawn l-attivitajiet, ikun hemm sistema ta’ standards tal-kwalità;

(ċ)

l-għanijiet ta’ l-edukazzjoni u t-taħriġ u ta’ l-istandards ta’ kompetenza relatati li għandhom jintlaħqu jkunu definiti b’mod ċar u jkunu identifikati l-livelli ta’ għarfien, fehim u abilitajiet xierqa għall-eżamijiet u l-valutazzjonijiet meħtieġa skond il-Konvenzjoni STCW;

(d)

l-oqsma ta’ applikazzjoni ta’ l-istandards ta’ kwalità jkopru l-amministrazzjoni tas-sistema ta’ ċertifikazzjoni, il-korsijiet ta’ taħriġ u l-programmi, l-eżamijiet u l-valutazzjonijiet kollha mwettqa minn jew taħt l-awtorità ta’ kull Stat Membru u l-kwalifiki u l-esperjenza meħtieġa minn għalliema u assessuri, filwaqt li jitqiesu l-politika, is-sistemi, il-kontrolli u r-reviżjonijiet interni ta’ l-assigurazzjoni tal-kwalità stabbiliti biex jiżguraw li jintlaħqu l-għanijiet definiti.

(a)

il-miżuri interni kollha ta’ kontroll u ta’ monitoraġġ ta’ l-amministrazzjoni u l-azzjonijiet ta’ segwitu jkunu f’konformità ma’ l-arranġamenti ppjanati u l-proċeduri ta’ dokumentazzjoni u li jkunu effettivi biex jiżguraw l-ilħuq ta’ l-għanijiet definiti;

(b)

ir-riżultati ta’ kull evalwazzjoni indipendenti jiġu ddokumentati u miġjuba għall-attenzjoni ta’ dawk responsabbli għaż-żona evalwata;

(ċ)

tittieħed azzjoni fil-ħin biex tikkoreġi d-defiċjenzi.

(a)

ta’ l-identità tiegħu;

(b)

li l-età tiegħu ma tkunx inqas minn dik prevista fir-Regolamenti stabbiliti fl-Anness I rilevanti għaċ-ċertifikat li jkun applika għalih;

(ċ)

li huwa jissodisfa l-istandards ta’ saħħa medika, b’mod partikolari dwar il-vista u s-smigħ, stabbiliti mill-Istat Membru u li għandu dokument validu li juri s-saħħa medika tiegħu, maħruġ minn tabib ikkwalifikat rikonoxxut mill-awtorità kompetenti ta’ l-Istat Membru;

(d)

li jkun temm is-servizz tal-baħħara u kull taħriġ obbligatorju relatat previst fir-Regolamenti fl-Anness I għaċ-ċertifikat li jkun applika għalih;

(e)

li huwa jissodisfa l-istandards ta’ kompetenza prevista fir-Regolamenti fl-Anness I għall-kapaċitajiet, il-funzjonijiet u l-livelli li għandhom jiġu identifikati fid-dikjarazzjoni għaċ-ċertifikat.

(a)

li jżomm reġistru jew reġistri taċ-ċertifikati u l-approvazzjonijiet kollha għall-kaptani u l-uffiċjali u, kif ikun xieraq, għall-baħħara, li jinħarġu, li jkunu skadew jew li jkunu ġew validati mill-ġdid, sospiżi, kanċellati jew irrapportati mitlufa jew li jkunu ġew meqruda u ta’ dispensi maħruġa;

(b)

li jagħmel disponibbli informazzjoni dwar l-istat ta’ dawn iċ-ċertifikati, approvazzjonijiet u dispensi lill-Istati Membri l-oħra jew lill-Partijiet oħra tal-Konvenzjoni STCW u lill-kumpanniji li jitolbu verifika ta’ l-awtentiċità u tal-validità ta’ ċertifikati mogħtija lilhom minn baħħara li jkunu qegħdin ifittxu rikonoxximent taċ-ċertifikati tagħhom jew impjieg fuq vapur.

(a)

jissodisfa l-istandards ta’ saħħa medika preskritti bl-Artikolu 11; u

(b)

jistabbilixxi kompetenza professjonali kontinwa skond it-taqsima A-I/11 tal-Kodiċi STCW.

(a)

kull taħriġ mandatorju bbażat fuq simulatur;

(b)

kwalunkwe valutazzjoni tal-kompetenza meħtieġa mill-Parti A tal-Kodiċi STCW li ssir permezz ta’ simulatur;

(ċ)

kwalunkwe wiri, permezz ta’ simulatur, ta’ profiċjenza kontinwa meħtieġa mill-Parti A tal-Kodiċi STCW.

(a)

kull baħħar assenjat għal kwalunkwe wieħed mill-vapuri tagħha jkollu ċertifikat xieraq skond id-dispożizzjonijiet ta’ din id-Direttiva u kif stabbilit mill-Istat Membru;

(b)

il-vapuri tagħha jkunu mgħammra bin-nies skond ir-rekwiżiti applikabbli ta’ tgħammir sikur ta’ l-Istat Membru;

(ċ)

id-dokumentazzjoni u d-data rilevanti għall-baħħara kollha impjegati fuq il-vapuri tagħha jinżammu u dawn ikunu aċċessibbli faċilment, u jkunu jinkludu, mingħajr ma jkunu limitati għal, dokumentazzjoni u data dwar l-esperjenza, it-taħriġ, is-saħħa medika u l-kompetenza fid-doveri mogħtija lilhom;

(d)

meta jiġu assenjati fuq kwalunkwe wieħed mill-vapuri tagħha l-baħħara jiffamiljarizzaw ruħhom mad-doveri tagħhom u ma’ l-arraġamenti, l-installazzjonijiet, it-tagħmir, il-proċeduri, u mal-karatteristiċi kollha tal-vapur li jkunu rilevanti għar-rutina jew għad-dmirijiet ta’ emerġenza tagħhom;

(e)

il-kumplement tal-vapur ikun jista’ jikkoordina b’mod effettiv l-attivitajiet tagħhom f’sitwazzjoni ta’ emerġenza u fit-twettiq ta’ funzjonijiet vitali għas-sikurezza jew għall-prevenzjoni jew mitigazzjoni tat-tniġġis.

(a)

l-allokazzjoni ta’ perijodu ta’ żmien raġonevoli li fih kull baħħar impjegat ġdid ikollu l-opportunità li jsir familjari:

(b)

in-nomina ta’ membru ta’ l-ekwipaġġ espert li jkun responsabbli milli jiżgura li kull baħħar impjegat ġdid ikun mogħti opportunità li jirċievi informazzjoni essenzjali b’lingwa li l-baħħar jifhem.

(a)

jagħtu t-taħriġ imsemmi fl-Artikolu 3;

(b)

jorganizzaw u/jew jissorveljaw l-eżamijiet fejn ikun meħtieġ;

(ċ)

joħorġu ċ-ċertifikati ta’ kompetenza msemmija fl-Artikolu 11;

(d)

jagħtu d-dispensa prevista fl-Artikolu 16.

(a)

it-taħriġ u l-valutazzjoni kollha tal-baħħara jkunu:

(b)

persuni li jagħmlu taħriġ waqt ix-xogħol jew valutazzjoni abbord vapur jagħmlu dan biss meta dan it-taħriġ jew din il-valutazzjoni ma taffetwax ħażin it-tħaddim normali tal-vapur u jistgħu jiddedikaw il-ħin u l-attenzjoni tagħhom għat-taħriġ jew għall-valutazzjoni;

(ċ)

għalliema, kontrolluri u assessuri jkunu kkwalifikati b’mod xieraq għat-tipi u l-livelli partikolari ta’ taħriġ jew ta’ valutazzjoni tal-kompetenza tal-baħħara sew abbord u sew fuq l-art;

(d)

kull persuna li tkun qiegħda tmexxi taħriġ waqt ix-xogħol tal-baħħara, sew abbord u sew fuq l-art, li jkun maħsub sabiex jintuża għall-kwalifikazzjoni għaċ-ċertifikazzjoni skond din id-Direttiva:

(e)

kwalunkwe persuna responsabbli mill-kontroll tat-taħriġ waqt ix-xogħol ta’ baħħar liema taħriġ ikun maħsub li jiġi użat għall-kwalifikazzjoni għaċ-ċertifikazzjoni jkollha fehim sħiħ tal-programm ta’ taħriġ u l-għanijiet speċifiċi għal kull tip ta’ taħriġ li jkun qiegħed isir;

(f)

kwalnukwe persuna li tagħmel il-valutazzjoni waqt ix-xogħol tal-kompetenza ta’ baħħar, sew abbord u sew fuq l-art, liema valutazzjoni tkun maħsuba sabiex tintuża biex tikkwalifika għaċ-ċertifikazzjoni skond din id-Direttiva:

(g)

meta Stat Membru jirrikonoxxi kors ta’ taħriġ, istituzzjoni ta’ taħriġ, jew kwalifika mogħtija minn istituzzjoni ta’ taħriġ, bħala parti mir-rekwiżiti tiegħu għall-ħruġ ta’ ċertifikat, il-kwalifiki u l-esperjenza ta’ l-għalliema u ta’ l-assessuri huma koperti fl-applikazzjoni tad-dispożizzjonijiet ta’ l-istandards tal-kwalità ta’ l-Artikolu 10; dawn il-kwalifiki, l-esperjenza u l-applikazzjoni ta’ l-istandards tal-kwalità għandhom jinkorporaw taħriġ xieraq f’tekniki ta’ istruzzjoni u metodi ta’ taħriġ u valutazzjoni u jikkonformaw mar-rekwiżiti kollha applikabbli tal-punti (d), (e) u (f).

(a)

mingħajr preġudizzju għall-punti (b) u (d), f’kull ħin ikun hemm, abbord il-vapuri kollha li jtajjru l-bandiera ta’ Stat Membru, mezzi f’posthom għal komunikazzjoni orali effettiva relatata mas-sikurezza bejn il-membri kollha ta’ l-ekwipaġġ tal-vapur, b’mod partikolari fir-rigward ta’ reċezzjoni tajba u fil-ħin u l-fehim ta’ messaġġi u istruzzjonijiet;

(b)

abbord il-vapuri kollha tal-passiġġieri li jtajjru l-bandiera ta’ Stat Membru u abbord il-vapuri tal-passiġġieri kollha li jibdew u/jew jispiċċaw il-vjaġġ f’port ta’ Stat Membru, sabiex jiżguraw rendiment effettiv ta’ l-ekwipaġġ fi kwistjonijiet ta’ sikurezza, tiġi stabbilita lingwa tax-xogħol u rreġistrata fir-reġistru (log book) tal-vapur;

il-kumpanija jew il-kaptan, skond kif ikun jixraq, għandhom jistabbilixxu l-lingwa tax-xogħol addattata; kull baħħar għandu jkun meħtieġ li jifhem u, fejn ikun xieraq, jagħti ordnijiet u istruzzjonijiet u jirrapporta lura b’dik il-lingwa;

jekk il-lingwa tax-xogħol ma tkunx lingwa uffiċjali ta’ l-Istat Membru, il-pjani u l-listi kollha li għandhom jitwaħħlu għandhom jinkludu traduzzjonijiet fil-lingwa tax-xogħol;

(ċ)

abbord vapuri tal-passiġġieri, il-persunal imsemmi fil-listi ta’ l-ekwipaġġ biex jassisti passiġġieri f’sitwazzjonijiet ta’ emerġenza ikunu jistgħu jiġu identifikati immedjatament u jkollhom abbiltajiet ta’ komunikazzjoni li jkunu suffiċjenti għal dak il-għan, b’konsiderazzjoni tal-kombinazzjoni xierqa u adekwata ta’ kwalunkwe mill-fatturi li ġejjin:

(d)

abbord tankers taż-żejt, tankers ta’ sustanzi kimiċi u tankers tal-gass likwifikat li jtajjru l-bandiera ta’ Stat Membru, il-kaptan, l-uffiċjali u l-baħrin jistgħu jikkomunikaw ma’ xulxin bil-lingwa(i) tax-xogħol komuni;

(e)

hemm mezzi adegwati għall-komunikazzjoni bejn il-vapur u l-awtoritajiet fuq l-art; dawn il-komunikazzjonijiet għandhom jitmexxew skond il-Kapitolu V, Regolament 14, paragrafu 4, tas-SOLAS 74;

(f)

meta jwettqu l-kontroll ta’ l-Istat tal-port skond id-Direttiva 95/21/KE, l-Istati Membri jikkontrollaw ukoll li l-vapuri li jtajjru l-bandiera ta’ Stat li ma jkunx Stat Membru jikkonformaw ma’ dan l-Artikolu.

(a)

verifika li kull baħħar li jagħti s-servizz tiegħu abbord li għandu jkun iċċertifikat skond il-Konvenzjoni STCW ikollu fil-pussess tiegħu ċertifikat xieraq jew dispensa valida jew jipprovdi evidenza dokumentata li tkun ġiet ippreżentata għand l-awtoritajiet ta’ l-Istat tal-bandiera applikazzjoni għall-approvazzjoni li tiċċertifika r-rikonoxximent;

(b)

verifika li n-numri u ċ-ċertifikati tal-baħħara li jagħtu s-servizz tagħhom abbord huma skond ir-rekwiżiti ta’ tgħammir sikur ta’ l-awtoritajiet ta’ l-Istat tal-bandiera.

(a)

il-vapur kien involut f’ħabta jew inkalja;

(b)

kien hemm ħruġ ta’ sustanzi mill-vapur waqt il-vjaġġ, waqt l-ankraġġ jew fl-irmiġġ li jkun illegali skond konvenzjoni internazzjonali;

(ċ)

il-vapur ikun ġie immanuvrat b’mod erratiku jew perikoluż li bih il-miżuri tar-rotta adottati mill-IMO, jew il-prattiki u l-proċeduri ta’ navigazzjoni sikura ma jkunux ġew osservati;

(d)

il-vapur ikun qiegħed jitħaddem bi kwalunkwe mod ieħor li jkun ta’ periklu għan-nies, għall-proprjetà jew għall-ambjent;

(e)

ċertifikat ikun inkiseb bi frodi jew id-detentur taċ-ċertifikat ma jkunx l-istess persuna li għaliha jkun ġie oriġinarjament maħruġ dak iċ-ċertifikat;

(f)

il-vapur ikun qiegħed itajjar il-bandiera ta’ pajjiż li ma rratifikax il-Konvenzjoni STCW, jew għandu kaptan, uffiċjal jew baħri li jkollu ċertifikat maħruġ minn pajjiż terz li ma jkunx irratifika l-Konvenzjoni STCW.

(a)

il-baħħara ma jkollhomx ċertifikati, ma jkollhomx ċertifikati xierqa, ma jkollhomx dispensi validi jew ma jipprovdux evidenza dokumentata li tkun saret applikazzjoni għal approvazzjoni li turi li r-rikonoxximent għand l-awtoritajiet ta’ l-Istat tal-bandiera;

(b)

in-nuqqas ta’ konformità mar-rekwiżiti applikabbli ta’ tgħammir sikur ta’ l-Istat tal-bandiera;

(ċ)

in-nuqqas ta’ konformità mar-rekwiżiti ta’ l-arranġamenti ta’ l-għassa għan-navigazzjoni jew għall-inġinerija speċifikati għall-vapur mill-Istat tal-bandiera;

(d)

in-nuqqas f’għassa ta’ persuna kkwalifikata sabiex tħaddem tagħmir essenzjali għas-sikurezza tan-navigazzjoni, is-sikurezza tal-komunikazzjonijiet bir-radju jew il-prevenzjoni tat-tniġġis tal-baħar;

(e)

in-nuqqas milli tkun ipprovduta prova ta’ profiċjenza professjonali għax-xogħlijiet mogħtija lill-baħħara għas-sikurezza tal-vapur u l-prevenzjoni tat-tniġġis;

(f)

l-inabilità li jiġu pprovduti persuni għall-ewwel għassa fil-bidu tal-vjaġġ u għal għases sussegwenti li jidħlu minflokhom, li jkunu mistrieħa biżżejjed u għalhekk tajbin għax-xogħol.

(a)

“200 tunnellata gross rreġistrati” tista’ tiġi mibdula bi “500 tunnellaġġ gross”;

(b)

“1 600 tunnellata gross rreġistrati” tista’ tiġi mibdula bi “3 000 tunnellaġġ gross”.

3.12.2008   

MT

Il-Ġurnal Uffiċjali ta’ l-Unjoni Ewropea

L 323/62

(1)

Permezz tar-Regolament (KE) Nru 488/2008 (2), il-Kummissjoni imponiet dazji tal-anti-dumping provviżorji fuq importazzjonijiet fil-Komunità ta' aċidu ċitriku li joriġina fir-Repubblika tal-Poplu taċ-Ċina (RPĊ).

(2)

Wara l-adozzjoni tal-miżuri anti-dumping provviżorji, il-Kummissjoni kompliet l-istħarriġ dwar id-dumping, il-ħsara, u l-interess Komunitarju. Is-sejbiet u l-konklużjonijiet definittivi tal-istħarriġ huma stabbiliti fir-Regolament tal-Kunsill (KE) Nru 1193/2008 (3) li jimponi dazju tal-anti-dumping definittiv u li jiġbor b'mod definittiv id-dazju provviżorju impost fuq l-importazzjonijiet ta' aċidu ċitriku li joriġina fir-RPĊ.

(3)

L-istħarriġ ikkonferma s-sejbiet provviżorji ta' dumping li jagħmel ħsara rigward l-importazzjonijiet ta' aċidu ċitriku li joriġina mir-RPĊ.

(4)

Wara l-adozzjoni ta’ miżuri anti-dumping provviżorji, sitt produtturi esportaturi li kooperaw fir-RPĊ, jiġifieri Anhui BBCA Biochemical, RZBC, TTCA, Yixing Union Biochemical, Laiwu Taihe Biochemistry u Weifang Ensign Industry offrew impenji fir-rigward tal-prezzijiet skont l-Artikolu 8(1) tar-Regolament bażiku. F’dawn l-impenji, il-produtturi esportaturi offrew li jbiegħu l-prodott ikkonċernat fil-livelli ta' prezz li jeliminaw l-effetti ta’ ħsara tad-dumping jew ogħla. Kull produttur esportatur offra prezz wieħed minimu tal-importazzjoni għat-tipi differenti kollha tal-prodott biex jillimita r-riskju ta’ evażjoni.

(5)

Barra minn hekk, l-offerti jipprovdu għall-indiċjar tal-prezzijiet minimi billi l-prezzijiet tal-prodott ikkonċernat kienu jvarjaw b’mod sinifikanti, b’mod partikolari l-prezzijiet żdiedu b’mod konsiderevoli wara l-perjodu ta’ stħarriġ. L-indiċjar isir skont il-kwotazzjonijiet pubbliċi internazzjonali tal-qamħirrum, il-materja prima ewlenija wżata mill-produtturi esportaturi. Madankollu, il-produtturi esportaturi offrew li jiffissaw il-prezzijiet minimi għall-inqas fil-livell tal-prezz mingħajr ħsara anki jekk l-indiċjar ikun iwassal għal livell tal-prezz aktar baxx.

(6)

Laiwu Taihe Biochemistry, li ngħata trattament ta’ ekonomija tas-suq, offra li jikkalkola l-prezz minimu tiegħu msejjes fuq il-valur normali stabbilit matul l-istħarriġ.

(7)

Barra minn hekk, il-produtturi esportaturi, biex inaqqsu r-riskju ta’ vjolazzjoni tal-prezz permezz ta’ kumpens trasversali tal-prezzijiet, l-ewwel nett offrew li jirrapportaw il-bejgħ kollu mhux tal-UE lil dawk il-konsumaturi li l-organizzazzjoni jew l-istruttura tagħhom testendi lil hinn mill-UE, f'każ li l-produttur esportatur ibiegħ lil dan il-konsumatur fl-UE. It-tieni, il-produtturi esportaturi qablu li jirrispettaw sistema partikolari ta' prezzijiet b'rabta ma' dak il-bejgħ mhux tal-UE.

(8)

Il-produtturi esportaturi se jipprovdu wkoll tagħrif regolari u dettaljat lill-Kummissjoni dwar l-esportazzjonijiet tagħhom lejn il-Komunità, li jfisser li l-impenji jistgħu jiġu ssorveljati b'mod effettiv mill-Kummissjoni.

(9)

Hu nnotat ukoll li l-Kamra tal-Kummerċ taċ-Ċina tal-Importaturi u l-Esportaturi ta' Metalli, Minerali u Kimika (“CCCMC”) qed tingħaqad mas-sitt kumpaniji msemmija fil-premessa 3, u li għalhekk is-CCCMC se jkollha rwol attiv fil-monitoraġġ tal-impenji. Għaldaqstant, il-Kummissjoni tqis li r-riskju ta’ evażjoni tal-impenji miftiehma huwa limitat.

(10)

Wara l-iżvelar tal-offerti ta’ impenn, l-industrija Komunitarja oġġezzjonat għal dawn l-offerti ta’ impenn. L-industrija Komunitarja argumentat li indiċjar imsejjes fuq il-qamħirrum mhuwiex xieraq billi hemm elementi oħra ewlenin li jikkostitwixxu komponenti prinċipali varjanti tal-prezzijiet u ssuġġeriet minflok indiċjar imsejjes kemm fuq il-prezz tal-materja prima kif ukoll fuq dak tal-enerġija. Fir-rigward tal-kummenti tal-industrija Komunitarja li jissuġġerixxu indiċjar imsejjes ukoll fuq l-enerġija, huwa nnotat li l-enerġija mhijiex fattur importanti fil-prezz. Barra minn hekk, ma jkun hemm l-ebda sors ċar ta’ indiċjar billi l-enerġija meħtieġa tista’ tiġi prodotta minn sorsi differenti bħal faħam, gass naturali jew elettriku.

(11)

L-industrija Komunitarja argumentat ukoll li, billi l-produtturi esportaturi jbiegħu l-prodott kopert mill-impenn lil kumpaniji multinazzjonali, hemm riskju għoli ta’ kumpens trasversali tal-prezzijiet jiġifieri l-prodott kopert mill-impenn jista’ jinbiegħ lill-istess konsumatur bi prezzijiet artifiċjalment baxxi barra mill-KE biex jikkumpensaw il-prezzijiet minimi fil-KE. F’dan ir-rigward ta’ min jinnota li l-biċċa l-kbira tal-bejgħ ta’ esportazzjoni tal-kumpaniji lill-KE jsir lill-kummerċjanti u mhux lill-kumpaniji multinazzjonali. Minkejja dan, u biex jitnaqqas aktar ir-riskju li jifdal ta' kumpens trasversali minn xi kumpaniji speċifiċi, l-offerti jinkludu klawżoli speċjali ta' kumpens trasversali fir-rigward ta' bejgħ mill-kumpaniji kkonċernati lil dawk il-konsumaturi fil-KE li l-organizzazzjoni jew l-istruttura tagħhom testendi lil hinn mill-UE. Dawn il-klawżoli jnaqqsu b’mod sinfikanti r-riskju ta’ kumpens trasversali.

(12)

Fid-dawl ta’ dan, l-impenji offruti mill-produtturi esportaturi huma aċċettabbli.

(13)

Biex il-Kummissjoni tkun tista' tissorvelja b’mod effettiv il-konformità tal-kumpaniji mal-impenji, meta t-talba għar-rilaxx għaċ-ċirkolazzjoni ħielsa titressaq quddiem l-awtorità tad-dwana rilevanti, l-eżenzjoni mid-dazju tal-anti-dumping se tiddependi fuq (i) il-preżentazzjoni ta’ fattura tal-impenn li jkun fiha għall-inqas l-elementi elenkati fl-Anness għar-Regolament (KE) Nru 1193/2008; (ii) il-fatt li l-prodotti importati jiġu manifatturati, mibgħuta u fatturati direttament mill-kumpaniji msemmija lill-ewwel konsumatur indipendenti fil-Komunità; u (iii) il-fatt li l-prodotti ddikjarati u ppreżentati lid-dwana jaqblu preċiżament mad-deskrizzjoni tal-fattura tal-impenn. Meta ma titressaq l-ebda fattura bħal din, jew meta din ma taqbilx mal-prodott ippreżentat lid-dwana, minflok għandha titħallas ir-rata ta’ dazju tal-anti-dumping xierqa.

(14)

Biex jiġi żgurat iżjed ir-rispett effettiv tal-impenji, l-importaturi ġew mgħarrfa mir-Regolament tal-Kunsill imsemmi hawn fuq, li jekk ma jintlaħqux il-kundizzjonijiet previsti minn dan ir-Regolament jew il-Kummissjoni tirtira l-aċċettazzjoni tal-impenji, dan jista’ jwassal biex jinħoloq dejn doganali għat-tranżazzjonijiet rilevanti.

(15)

Fil-każ ta’ vjolazzjoni jew irtirar tal-impenn jew fil-każ ta’ rtirar tal-aċċettazzjoni tal-impenn mill-Kummissjoni, id-dazju tal-anti-dumping impost skont l-Artikolu 9(4) tar-Regolament bażiku għandu japplika awtomatikament permezz tal-Artikolu 8(9) tar-Regolament bażiku.

3.12.2008   

MT

Il-Ġurnal Uffiċjali ta’ l-Unjoni Ewropea

L 323/65

(1)

Fit-12 ta' Frar 2008, il-Kunsill adotta l-Azzjoni Konġunta 2008/107/PESK (1).

(2)

Il-mandat tar-Rappreżentant Speċjali tal-Unjoni Ewropea għandu jiġi emendat biex jittieħed kont tar-rwol tiegħu fis-segwitu għall-implimentazzjoni tal-Istrateġija tal-Unjoni Ewropea għal sħubija ġdida mal-Asja Ċentrali, adottata mill-Kunsill Ewropew f'Ġunju 2007,

“(i)

jagħti kontribut għall-formulazzjoni ta’ aspetti tal-PESK li jikkonċernaw is-sigurtà tal-enerġija, il-ġlieda kontra d-droga u l-ġestjoni tar-riżorsi tal-ilma fir-rigward tal-Asja Ċentrali.”

3.12.2008   

MT

Il-Ġurnal Uffiċjali ta’ l-Unjoni Ewropea

L 323/66

(1)

Fl-1 ta’ Settembru 2008, il-Kunsill Ewropew iddikjara li l-Unjoni Ewropea hija lesta li timpenja ruħha biex tappoġġa l-isforzi kollha bil-ħsieb ta’ soluzzjoni paċifika u dejjiema għall-konflitti fil-Ġeorġja, u li hija lesta tappoġġa miżuri ta’ bini ta’ fiduċja.

(2)

Fil-15 ta’ Settembru 2008, il-Kunsill appoġġa l-idea ta’ inkjesta internazzjonali indipendenti dwar il-konflitt fil-Ġeorġja.

(3)

Is-Sinjura Heidi TAGLIAVINI għandha tinħatar bħala Kap ta’ din il-Missjoni ta’ Inkjesta,

3.12.2008   

MT

Il-Ġurnal Uffiċjali ta’ l-Unjoni Ewropea

L 323/s3