31.10.2008

MT

Il-Ġurnal Uffiċjali ta’ l-Unjoni Ewropea

L 290/1

---

REGOLAMENT TAL-KUMMISSJONI (KE) Nru 1066/2008

tat-30 ta’ Ottubru 2008

li jistabbilixxi l-valuri fissi ta' l-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,

Billi:

Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu ta’ l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,

ADOTTAT DAN IR-REGOLAMENT:

Artikolu 1

Il-valuri fissi ta' l-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-31 ta’ Ottubru 2008.

---

(1)  ĠU L 299, 16.11.2007, p. 1.

(2)  ĠU L 350, 31.12.2007, p. 1.

---

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/3

---

REGOLAMENT TAL-KUMMISSJONI (KE) Nru 1067/2008

tat-30 ta' Ottubru 2008

li jiftaħ u jipprovdi għall-amministrazzjoni ta’ kwoti tariffari Komunitarji għal qamħ komuni ta’ kwalità differenti minn dik superjuri oriġinanti minn pajjiżi terzi u li tidderoga mir-Regolament tal-Kunsill (KE) Nru 1234/2007

(Verżjoni kodifikata)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi il-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 t’Ottubru 2007 dwar l-organizzazzjoni komuni tas-suq agrikolu u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 144(1) tiegħu, flimkien mal-Artikolu 4 tiegħu,

Wara li kkunsidrat id-Deċizjoni tal-Kunsill 2006/333/KE tal-20 ta’ Marzu 2006 dwar il-konklużjoni ta’ ftehim fil-forma ta’ Skambju ta’ Ittri bejn il-Komunità Ewropea u l-Istati Uniti ta’ l-Amerika skond l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet għas-skedi tar-Repubblika Ċeka, tar-Repubblika tal-Estonja, tar-Repubblika ta’ Ċipru, tar-Repubblika tal-Latvja, tar-Repubblika Litwana, tar-Repubblika Ungeriża, tar-Repubblika ta’ Malta, tar-Repubblika tal-Polonja, tar-Repubblika tas-Slovenja u tar-Repubblika Slovakka waqt id-dħul tagħhom fl-Unjoni Ewropea (2), u b’mod partikolari l-Artikolu 2 tiegħu,

Wara li kkunsidrat id-Deċiżjoni tal-Kunsill 2007/444/KE tat-22 ta’ Frar 2007 dwar il-konklużjoni ta’ Ftehim bejn il-Komunità Ewropea u l-Gvern tal-Kanada dwar il-konklużjoni tan-negozjati rigward l-Artikolu XXIV:6 tal-GATT (3), u b’mod partikolari l-Artikolu 2 tiegħu,

Billi:

(1)

Ir-Regolament tal-Kummissjoni (KE) Nru 2375/2002 tas-27 ta’ Diċembru 2002 dwar li jiftah u jipprovdi għall-amministrazzjoni ta’ kwoti tariffari Komunitarji għal qamħ komuni ta’ kwalità differenti minn dik superjuri oriġinanti minn pajjiżi terzi u li tidderoga mir-Regolament tal-Kunsill (KEE) Nru 1766/92 (4) ġie emendat kemm-il darba (5) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Wara negozjati dwar il-kummerċ, il-Komunità biddlet il-kondizzjonijiet għall-importazzjoni ta’ qamħ komuni ta’ kwalità baxxa u medja, jiġifieri qamħ komuni illi huwa differenti minn qamħ ta’ kwalità għolja, hekk kif definit fl-Anness I tar-Regolament tal-Kummissjoni (KE) Nru 1249/96 tat-28 ta’ Ġunju 1996 (6) dwar regoli ta’ applikazzjoni (dazji fuq importazzjoni fis-settur taċ-ċereali) tar-Regolament (KEE) Nru 1766/92, bil-ħolqien ta’ kwota fuq l-importazzjoni.

(3)	Din il-kwota fuq l-importazzjoni tirreferi ghal kwantità massima annwali ta’ 2 989 240 tunnellata metrika, li tinkludi 572 000 tunnellata metrika ta’ importazzjoni mill-Istati Uniti ta’ l-Amerika u 38 853 tunnellata metrika ta’ importazzjoni li joriġina mill-Kanada.

(4)

Ir-Regolament tal-Kummissjoni (KE) Nru 1301/2006 tal-31 ta’ Awwissu 2006 li jistabbilixxi regoli komuni dwar l-amministrazzjoni ta’ kwoti tariffari għall-importazzjoni għal prodotti agrikoli amministrati b’sistema ta’ liċenzji ta’ importazzjoni (7) tapplika għal-liċenzji ta’ importazzjoni għall-perjodi ta’ kwoti tariffari li jibdew mill-1 ta’ Jannar 2007.

(5)	Ir-Regolament (KE) Nru 1301/2006 japplika bla ħsara għall-kundizzjonijiet jew derogi addizzjonali li jistgħu jkunu stabbiliti minn dan ir-Regolament.

(6)	Sabiex jiġi żgurat illi l-importazzjoni tal-qamħ komuni li taqa’ taħt dawn il-kwoti tariffali hija regolari u mhux spekulattiva, din għandha tkun soġġetta għall-ħruġ ta’ liċenzja għall-importazzjoni.

(7)	Sabiex tiġi żgurata amministrazzjoni korretta ta’ dawn il-kwoti, għandu jiġi stabbilit terminu perentorju li fih għandhom jiġu mitfugha l-applikazzjonijiet għal-liċenzji u għandha tiġi speċifikata l-informazzjoni li għandha tiġi inkluża fl-applikazzjoni u fil-liċenzja.

(8)	Sabiex jiġu kkonsidrati kondizzjonijiet ta’ fornitura, għandha ssir deroga dwar il-perjodu ta’ validità tal-liċenzji.

(9)

Sabiex tiġi żgurata amministrazzjoni effikaċi tal-kwoti, is-sigurtà fuq il-liċenzji ta’ importazzjoni għandha tkun iffissata f’livell relattivament għoli, minkejja l-Artikolu 12 tar-Regolament tal-Kummissjoni (KE) Nru 1342/2003 tat-28 ta’ Lulju 2003 illi jniżżel regoli dettaljati speċjali għall-implimentazzjoni tas-sistema ta’ liċenzji għall-importazzjoni u l-esportazzjoni ta’ ċereali u ross (8).

(10)	Għandha tiġi stabbilita sistema rapida ta’ komunikazzjoni reċiproka bejn il-Kummissjoni u l-Istati Membri dwar il-kwantitajiet li għalihom issir l-applikazzjoni u li jiġu importati.

(11)	Il-miżuri previsti f’dan ir-Regolament huma skond l-opinjoni tal-Kumitat ta’ Ġestjoni ta’ l-organizzazzjoni komuni tas-suq agrikolu,

ADDOTTAT DAN IR-REGOLAMENT:

Artikolu 1

Minkejja l-Artikolu 135 u fl-Artikolu 136(1) tar-Regolament (KE) Nru 1234/2007, id-dazju fuq l-importazzjoni tal-qamħ komuni li jaqa’ taħt il-kodiċi CN 1001 90 99, ta’ kwalità differenti mill-kwalità għolja hekk kif definit fl-Anness I tar-Regolament (KE) Nru 1249/96 għandu jiġi ffissat għall-qafas tal-kwota miftuħa b’dan ir-Regolament.

L-Artikolu 135 tar-Regolament (KE) Nru 1234/2007 għandu japplika ghall-importazzjoni tal-prodotti msemmijin f’dan ir-Regolament fi kwantitajiet illi jeċċedu l-kwantitajiet hekk kif previst fl-Artikolu 3.

Artikolu 2

1.   Permezz tal-preżenti qiegħda tiġi stabbilita kwota tariffarja ta’ 2 989 240 tunnellata ta’ qamħ komuni li jaqa’ taħt il-kodiċi NM 1001 90 99 ta’ kwalità differenti minn dik superjuri se tibda tinfetah fl-1 ta’ Jannar ta’ kull sena.

2.   Id-dazju fuq importazzjoni li jaqa’ taħt il-kwota tariffali għandu jkun impost bir-rata ta’ EUR 12 kull tunnellata.

3.   Ir-Regolamenti (KE) Nru 376/2008 (9) tal-Kummissjoni u tar-Regolamenti (KE) Nru 1342/2003 u (KE) Nru 1301/2006, 1342/2003 u 1301/2006 għandhom japplikaw, ħlief fejn provdut mod ieħor f’dan ir-Regolament.

Artikolu 3

1.   Il-kwota tarrifali komplessiva għandha tkun maqsuma fi tlett subkwoti:

—	subkwota I (numru tas-serje 09.4123): 572 000 tunellata għall-Istati Uniti ta’ l-Amerika;

—	subkwota II (numru tas-serje 09.4124): 38 853 tunnellata għall-Kanada;

—	subkwota III (numru tas-serje 09.4125): 2 378 387 tunnelata għall-pajjiżi terżi l-oħra.

2.   Fejn, matul xi sena, jidher illi jkun hemm tnaqqis serju tat-teħid ta’ subkwota I jew II, il-Kummissjoni tista’, bi ftehim mal-pajjiżi terzi kkonċernati, taddotta arranġamenti sabiex tittrasferixxi l-kwantitajiet mhux meħuda għas-subkwoti l-oħrajn, skond il-proċedura msemmija fl-Artikolu 195(2) tar-Regolament (KE) Nru 1234/2007.

3.   Subkwota III għandha tkun maqsuma f’erba subperjodi ta’ tliet xhur, li jkopru d-dati u l-kwantitajiet li ġejjin:

(a)	subperjodu 1: l-1 ta’ Jannar sal-31 ta’ Marzu — 594 597 tunnellata;

(b)	subperjodu 2: l-1 ta’ April sat-30 ta’ Ġunju — 594 597 tunnellata;

(ċ)	subperjodu 3: l-1 ta’ Lulju sat-30 ta’ Settembru — 594 597 tunnelata;

(d)	subperjodu 4: l-1 ta’ Ottubru sal-31 ta’ Diċembru — 594 596 tunnellata.

4.   Fejn il-kwantitajiet għal wieħed mis-subperjodi 1, 2 jew 3 ikunu eżawriti, il-Kummissjoni tista’ tressaq ‘il quddiem il-ftuħ tas-subperjodu li ġej skond il-proċedura stabbilita fl-Artikolu 195(2) tar-Regolament (KE) Nru 1234/2007.

Article 4

1.   Minkejja l-Artikolu 6(1) tar-Regolament (KE) Nru 1301/2006, l-applikanti ma jistgħux jissottomettu aktar minn applikazzjoni waħda għal-liċenzja għal kull numru tas-serje u għal kull ġimgħa. Fejn l-applikanti jissottomettu aktar minn applikazzjoni waħda, l-ebda minn dawn l-applikazzjonijiet m’għandhom ikunu ammissibbli u l-garanziji depożitati meta l-applikazjonijiet kienu sottomessi jintilfu lill-Istat Membru kkonċernat.

L-applikazzjonijiet tal-liċenzji ta’ l-importazzjoni għandhom ikunu sottomessi mal-awtoritajiet kompetenti ta’ l-Istati Membri kull ġimgħa mhux aktar tard mill-Ġimgħa ⌫ 13:00 (ħin ta’ Brussell).

2.   Kull applikazzjoni għal-liċenzja għandha tindika kwantità f’kilogrammi (numri sħaħ) li ma jistgħux jeċċedu:

—	għas-subkwoti I u II, għall-kwantità totali miftuħa għas-sena tas-subkwota konċernata,

—	għas-subkwota III, il-kwantità totali miftuħa għas-subperjodu konċernat.

L-applikkazjoni tal-liċenżja tal-importazzjoni u l-liċenżja tal-importazzjoni għandhom isemmu pajjiż wieħed ta’ l-oriġini.

3.   Sa mhux aktar tard mit-Tnejn ta’ wara l-ġimgħa tat-tressiq ta’ l-applikazzjonijiet għal-liċenzji, l-awtoritajiet kompetenti għandhom jibagħtu elettronikament lill-Kummissjoni, sa mhux aktar tard mis-18:00 ħin ta’ Brussell, komunikazzjoni li tinnotifika, skond in-numru tas-serje, kull applikazzjoni bl-oriġini tal-prodott u l-kwantità mitluba, inklużi l-komunikazzjonijiet “nulli”.

4.   Il-liċenzji għandhom jinħarġu fir-raba’ ġurnata tax-xogħol wara d-data ta’ skadenza għall-komunikazzjoni msemmija fil-paragrafu 3.

Dakinhar tal-ħruġ tal-liċenzji tal-importazzjoni, l-Istati Membri għandhom jikkomunikaw elettronikament lill-Kummissjoni l-informazzjoni rigward il-liċenzji li jkunu nħarġu, imsemmija fl-Artikolu 11(1)(b) tar-Regolament (KE) Nru 1301/2006, bil-kwantitajiet totali li għalihom ikunu nħarġu l-liċenzji tal-importazzjoni.

Article 5

Il-perjodu ta’ validità tal-liċenzja għandu jkun ikkalkulat mid-data tal-ħruġ, skond l-Artikolu 22(2) tar-Regolament (KE) Nru 376/2008.

Article 6

It-taqsima 8 tal-applikazzjoni tal-liċenzja tal-importazzjoni u l-liċenzja tal-importazzjoni għandhom ikollhom isem tal-pajjiż tal-oriġini u “Iva” għandha tkun immarka b’salib. Il-liċenzji għandhom ikunu validi biss għall-prodotti li joriġinaw fil-pajjiż indikat fit-taqsima 8.

Artikolu 7

Minkejja l-Artikolu 12 (a) u (b) tar-Regolament (KE) Nru 1342/2003, il-miżura għal-liċenzja għall-importazzjoni prevista f’dan ir-Regolament għandha tkun ta’ EUR 30 kull tunnellata metrika.

Artikolu 8

Fil-qafas tal-kwota ta’ tariffa, ir-rilaxx fiċ-ċirkolazzjoni ħielsa fil-Komunità ta’ qamħ ordinarju ta’ kwalità minbarra dik ta’ kwalità għolja li joriġina minn pajjiżi terzi għandu jsir bil-kondizzjoni li jiġi muri ċertifikat tal-oriġini maħruġ mill-awtoritajiet nazzjonali kompetenti ta’ dak il-pajjiż, skond l-Artikolu 47 tar-Regolament tal-Kummissjoni (KEE) Nru 2454/93 (10).

Artikolu 9

Ir-Regolament (KE) Nru 2375/2002 hu mħassar.

Referenzi għar-Regolament li ġie mħassar għandhom jinftehmu bħala referenzi għal dan ir-Regolament u għandhom jinqraw skond it-tabella ta’ korrelazzjoni fl-Anness II.

Artikolu 10

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali ta’ l-Unjoni Ewropea.

---

(1)  ĠU L 299, 16.11.2007, p. 1.

(2)  OJ L 124, 11.5.2006, p. 13.

(3)  ĠU L 169, 29.6.2007, p. 53.

(4)  ĠU L 358, 31.12.2002, p. 88.

(5)  Ara l-Anness I.

(6)  ĠU L 161, 29.6.1996, p. 125.

(7)  OJ L 238, 1.9.2006, p. 13.

(8)  ĠU L 189, 29.7.2003, p. 12.

(9)  ĠU L 114, 26.4.2008, p. 3.

(10)  ĠU L 253, 11.10.1993, p. 1.

---

---

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/8

---

REGOLAMENT TAL-KUMMISSJONI (KE) Nru 1068/2008

tat-30 ta' Ottubru 2008

li japprova emendi minuri lill-ispeċifikazzjonijiet ta’ denominazzjoni elenkata fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti (Taureau de Camargue (DPO))

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u tad-denominazzjonijiet tal-oriġini tal-prodotti agrikoli u l-prodotti tal-ikel [traduzzjoni mhux uffiċjali] (1), u b’mod partikolari t-tieni frażi tal-Artikolu 9(2) tiegħu,

Billi:

(1)

Skond l-ewwel subparagrafu tal-Artikolu 9(1) tar-Regolament (KE) Nru 510/2006 u fid-dawl tal-Artikolu 17(2) tal-istess Regolament, il-Kummissjoni eżaminat it-talba ta’ Franza biex jiġu approvati emendi lill-ispeċifikazzjonijiet tad-denominazzjoni protetta tal-oriġini “Taureau de Camargue”, irreġistrata bir-Regolament tal-Kummissjoni (KE) Nru 2036/2001 (2).

(2)

It-talba għandha l-għan li tiġi emendata l-ispeċifikazzjoni tal-prodott f’dak li jirrigwarda l-prova tal-oriġini u l-metodu ta’ produzzjoni. Bil-għan li tittejjeb it-traċċabilità u għall-finijiet ta’ kontroll u ta’ titjib tad-denominazzjoni, l-istabbilimenti tat-trobbija għandhom jimlew dikjarazzjoni ta’ kompetenza biex jipproduċu d-denominazzjoni. F’dak li jirrigwarda l-metodu tal-produzzjoni, jirriżulta li għoġġiela tar-razza marbuta mad-denominazzjoni, mrobbija f’konformità mal-ispeċifikazzjoni tal-prodott tad-denominazzjoni, ma jilħqux il-piż ta’ 100 kg, u għalhekk anke jekk il-karkassi jkunu konformi mal-ispeċifikazzjoni tal-prodott u għaldaqstant mogħtija d-denominazzjoni. Deher xieraq li jiġi rikonoxxut li l-piż tal-karakassa tal-għoġġiela ta’ età bejn 18 u 30 xahar jkun ta’ mhux inqas minn 85 kg.

(3)	Il-Kummissjoni eżaminat l-emenda kkonċernata u kkonkludiet li hija ġustifikata. Billi din hija emenda minuri skont l-Artikolu 9 tar-Regolament (KE) Nru 510/2006, il-Kummissjoni tista’ tapprovaha mingħajr rikors għall-proċedura stipulata fl-Artikoli 5, 6 u 7 tal-istess Regolament,

(4)	F’konformità mal-Artikolu 18(2) tar-Regolament tal-Kummissjoni (KE) Nru 1898/2006 (3) u skond l-Artikolu 17(2) tar-Regolament (KE) Nru 510/2006, huwa xieraq li tiġi ppubblikata sinteżi tal-ispeċifikazzjoni tal-prodott.

ADOTTAT DAN IR-REGOLAMENT:

Artikolu 1

L-ispeċifikazzjonijiet tal-indikazzjoni ġeografika protetta “Taureau de Camargue” huma b’dan emendati skond l-Anness I ta’ dan ir-Regolament.

Artikolu 2

Is-sinteżi tal-elementi ewlenin tal-ispeċifikazzjonijiet tinsab fl-Anness II ta’ dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 93, 31.3.2006, p. 12.

(2)  ĠU L 275, 18.10.2001, p. 9.

(3)  ĠU L 369, 23.12.2006, p. 1.

---

---

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/12

---

REGOLAMENT TAL-KUMMISSJONI (KE) Nru 1069/2008

tat-30 ta’ Ottubru 2008

li japprova emendi minuri lill-ispeċifikazzjonijiet ta’ denominazzjoni elenkata fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti (Veau d’Aveyron et du Ségala (IĠP))

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini tal-prodotti agrikoli u l-prodotti tal-ikel (1), u b’mod partikolari l-Artikolu 9(2) tiegħu,

Billi:

(1)

Skont l-ewwel subparagrafu tal-Artikolu 9(1) tar-Regolament (KE) Nru 510/2006 u fid-dawl tal-Artikolu 17(2) tal-istess Regolament, il-Kummissjoni eżaminat it-talba ta’ Franza biex jiġu approvati emendi lill-ispeċifikazzjonijiet tad-denominazzjoni protetta tal-oriġini “Veau d’Aveyron et du Ségala”, irreġistrata bir-Regolament tal-Kummissjoni (KE) Nru 1107/96 (2).

(2)

L-applikazzjoni għandha l-għan li tibdel l-ispeċifikazzjoni tal-prodott billi tibdel il-piż massimu tal-karkassi tal-għoġġiela minn 250 għal 270 kg u dak tal-karkassi tal-erieħ minn 220 għal 250 kg. Din l-emenda tikkoreġi l-iżball fil-valutazzjoni tal-piż massimu tal-karkassa li rriżulta mat-talba inizjali minħabba estimi żbaljati tar-rendiment tal-qtil f’dak iż-żmien.

(3)	Il-Kummissjoni eżaminat l-emenda kkonċernata u kkonkludiet li hija ġustifikata. Billi din hija emenda minuri skont l-Artikolu 9 tar-Regolament (KE) Nru 510/2006, il-Kummissjoni tista’ tapprovaha mingħajr rikors għall-proċedura stipulata fl-Artikoli 5, 6 u 7 tal-istess Regolament.

(4)	F’konformità mal-Artikolu 18(2) tar-Regolament tal-Kummissjoni (KE) Nru 1898/2006 (3) u skont l-Artikolu 17(2) tar-Regolament (KE) Nru 510/2006, huwa xieraq li tiġi ppubblikata sinteżi tal-ispeċifikazzjoni tal-prodott.

(5)	Il-Kummissjoni tinnota wkoll il-fatt li d-denominazzjoni hija “Veau d’Aveyron et du Ségala” u mhux “Veau de l’Aveyron et du Ségala”, kif ġiet irreġistrata oriġinarjament. Għalhekk huwa xieraq li d-denominazzjoni rreġistrata tiġi emendata,

ADOTTAT DAN IR-REGOLAMENT:

Artikolu 1

L-ispeċifikazzjonijiet tal-indikazzjoni ġeografika protetta “Veau d’Aveyron et du Ségala” huma b’dan emendati skont l-Anness I ta’ dan ir-Regolament.

Artikolu 2

Is-sinteżi tal-elementi ewlenin tal-ispeċifikazzjonijiet tinsab fl-Anness II għal dan ir-Regolament.

Artikolu 3

Fl-Anness għar-Regolament tal-Kummissjoni (KE) Nru 1107/96, parti A, fil-paġna 4:

minflok	:	“Veau de l’Aveyron et du Ségala”,
għandu jinqara	:	“Veau d’Aveyron et du Ségala”.

Artikolu 4

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 93, 31.3.2006, p. 12.

(2)  ĠU L 148, 21.6.1996, p. 1.

(3)  ĠU L 369, 23.12.2006, p. 1.

---

---

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/16

---

REGOLAMENT TAL-KUMMISJONI (KE) Nru 1070/2008

tat-30 ta' Ottubru 2008

li jdaħħal denominazzjoni fir-Reġistru tad-denominazzjonijiet protetti tal-oriġini u l-indikazzjonijiet ġeografiċi protetti (Rogal świętomarciński (IĠP))

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u tad-denominazzjonijiet tal-oriġini tal-prodotti agrikoli u l-oġġetti tal-ikel (1) [traduzzjoni mhux uffiċjali], u b’mod partikolari l-ewwel subparagrafu tal-Artikolu 7(4) tiegħu,

Billi:

(1)	F’konformità mal-ewwel subparagrafu tal-Artikolu 6(2) tar-Regolament (KE) Nru 510/2006 u skond l-Artikolu 17(2) tar-Regolament imsemmi, l-applikazzjoni tal-Polonja biex id-denominazzjoni “Rogal świętomarciński” tiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea  (2).

(2)	Ġaladarba l-Kummisjsoni ma ġiet innotifikata bl-ebda dikjarazzjoni ta’ oppożizzjoni skond l-Artikolu 7 tar-Regolament (KE) Nru 510/2006, din id-denominazzjoni għaldaqstant għandha tiġi rreġistrata.

ADOTTAT DAN IR-REGOLAMENT:

Artikolu 1

Id-denominazzjoni msemmija fl-Anness għal dan ir-Regolament għandha tiġi rreġistrata.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 93, 31.3.2006, p. 12.

(2)  ĠU C 62, 7.3.2008, p. 6.

---

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/18

---

REGOLAMENT TAL-KUMMISSJONI (KE) Nru 1071/2008

tat-30 ta’ Ottubru 2008

li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti bir-Regolament (KE) Nru 945/2008 għas-sena tas-suq 2008/2009

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam ma' l-iskambji mal-pajjiżi terzi fis-settur taz-zokkor (2), u b'mod partikolari l-Artikolu 36(2), it-tieni subparagrafu, it-tieni sentenza tiegħu,

Billi:

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2008/2009 ġew stabbiliti bir-Regolament tal-Kummissjoni (KE) Nru 945/2008 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 996/2008 (4).

(2)	L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skond ir-regoli ddettaljati pprovduti fir-Regolament (KE) Nru 951/2006,

ADOTTAT DAN IR-REGOLAMENT:

Artikolu 1

Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti bir-Regolament (KE) Nru 945/2008 għas-sena tas-suq 2008/2009, huma b'dan mmodifikati skond l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fil-31 ta’ Ottubru 2008.

---

(1)  ĠU L 299, 16.11.2007, p. 1.

(2)  ĠU L 178, 1.7.2006, p. 24.

(3)  ĠU L 258, 26.9.2008, p. 56.

(4)  ĠU L 272, 14.10.2008, p. 3.

---

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/20

---

REGOLAMENT TAL-KUMMISSJONI (KE) Nru 1072/2008

tat-30 ta’ Ottubru 2008

li jemenda r-Regolament (KE) Nru 1003/2008 li jiffissa d-dazji ta’ l-importazzjoni fis-settur taċ-ċereali mis-16 ta’ Ottubru 2008

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1249/96 tat-28 ta' Ġunju 1996 dwar regoli ta' applikazzjoni (dazju ta' importazzjoni fis-settur taċ-ċereali) għar-Regolament tal-Kunsill (KEE) Nru 1766/92 (2), u b'mod partikolari l-Artikolu 2(1) tiegħu,

Billi:

(1)	Id-dazji ta' l-importazzjoni fis-settur taċ-ċereali li huma applikabbli mis-16 ta’ Ottubru 2008 ġew iffissati bir-Regolament tal-Kummissjoni (KE) Nru 1003/2008 (3).

(2)	Ġaladarba l-medja kkalkulata tad-dazji ta’ l-importazzjoni varjat b’EUR 5/t mid-dazju ffissat, jeħtieġ li jsir aġġustament korrispondenti tad-dazji ta' l-importazzjoni ffissati bir-Regolament (KE) Nru 1003/2008.

(3)	Ir-Regolament (KE) Nru 1003/2008 għandu jiġi emendat skond dan,

ADOTTAT DAN IR-REGOLAMENT:

Artikolu 1

L-Annessi I u II għar-Regolament (KE) Nru 1003/2008 huma mibdula bit-test li jidher fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ dakinhar tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Għandu japplika fil-31 ta’ Ottubru 2008.

---

(1)  ĠU L 299, 16.11.2007, p. 1.

(2)  ĠU L 161, 29.6.1996, p. 125.

(3)  ĠU L 275, 16.10.2008, p. 34.

---

---

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/23

---

DEĊIŻJONI TAL-KUMMISSJONI

tat-23 ta’ Ottubru 2008

li temenda d-Deċiżjoni 2006/241/KE dwar l-importazzjoni ta’ ċerti speċijiet ta’ bebbux għall-konsum mill-bniedem mill-Madagaskar

(notifikata taħt id-dokument numru C(2008) 6083)

(Test b’relevanza għaż-ŻEE)

(2008/825/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistipula l-prinċipji li jirregolaw l-organizzazzjoni ta’ kontrolli veterinarji fuq prodotti li jidħlu fil-Komunità minn pajjiżi terzi (1), u b’mod partikolari l-Artikolu 22(6) tagħha,

Billi:

(1)

Id-Deċiżjoni tal-Kummissjoni 2006/241/KE tal-24 ta’ Marzu 2006 dwar ċerti miżuri protettivi fir-rigward ta’ ċerti prodotti li ġejjin mill-annimali, bl-eċċezzjoni tal-prodotti tas-sajd, li joriġinaw fil-Madagaskar (2) tipprojbixxi importazzjonijiet ta’ prodotti annimali, għajr għall-prodotti tas-sajd, li joriġinaw mill-Madagaskar.

(2)

Twettqet spezzjoni tal-Komunità fil-Madagaskar f’Marzu 2007 sabiex jiġu vvalutati l-kontrolli tas-saħħa pubblika u l-kondizzjonijiet għall-produzzjoni tal-prodotti tas-sajd f’dan il-pajjiż terz. Ir-riżultati ta’ din l-ispezzjoni u t-tagħrif sussegwenti li ntbagħat mill-Madagaskar juru li l-garanziji xierqa huma pprovduti minn dan il-pajjiż biex jitħallew ukoll importazzjonijiet minnu lejn il-Komunità ta’ ċerti speċijiet ta’ bebbux għall-konsum mill-bniedem.

(3)	Id-Deċiżjoni 2006/241/KE għandha għalhekk tiġi emendata skond dan.

(4)	Il-miżuri previsti f’din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

Id-Deċiżjoni 2006/241/KE hija emendata kif ġej:

(1)	L-Artikolu 1 jinbidel b’dan li ġej: “Artikolu 1 Din id-Deċiżjoni għandha tapplika għall-prodotti li ġejjin mill-annimali, bl-eċċezzjoni tal-prodotti tas-sajd u l-bebbux, li joriġinaw fil-Madagaskar.”

(2)	Jiddaħħal l-Artikolu 1a li jmiss: “Artikolu 1a Għall-finijiet ta’ din id-Deċiżjoni ‘bebbux’ tfisser gastropodi tal-art imkessħin, iffriżati, imsajrin, ippreparati jew ippreżervati tal-ispeċijiet Helix pomatia Linné, Helix aspersa Muller, Helix lucorum u tal-ispeċijiet tal-familja Achatinidae.”

Artikolu 2

Din id-Deċiżjoni hija indirizzata lill-Istati Membri.

---

(1)  ĠU L 24, 30.1.1998, p. 9.

(2)  ĠU L 88, 25.3.2006, p. 63.

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/25

---

DEĊIŻJONI TAL-KUMMISSJONI

tat-30 ta’ Ottubru 2008

li testendi l-perjodu ta’ validità tad-Deċiżjoni 2002/887/KE rigward pjanti li huma mċekkna naturalment jew artifiċjalment ta’ Chamaecyparis Spach, Juniperus L. u Pinus L., li joriġinaw fil-Ġappun

(notifikata taħt id-dokument numru C(2008) 6269)

(2008/826/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar miżuri ta’ ħarsien kontra l-introduzzjoni fil-Komunità ta’ organiżmi ta’ ħsara għall-pjanti jew il-prodotti tal-pjanti u kontra t-tixrid tagħhom fil-Komunità (1), u b’mod partikolari l-Artikolu 15(1) tagħha,

Billi:

(1)

Id-Deċiżjoni tal-Kummissjoni 2002/887/KE tat-8 ta’ Novembru 2002 li tawtorizza derogi minn ċerti dispożizzjonijiet tad-Direttiva tal-Kunsill 2000/29/KE rigward pjanti li huma mċekkna naturalment jew artifiċjalment ta’ Chamaecyparis Spach, Juniperus L. u Pinus L., li joriġinaw fil-Ġappun (2) tawtorizza lill-Istati Membri sabiex jipprevedu derogi minn ċerti dispożizzjonijiet tad-Direttiva 2000/29/KE fir-rigward tal-pjanti ta’ Chamaecyparis Spach, Juniperus L. u Pinus L., li joriġinaw fil-Ġappun, għal perjodi limitati u soġġetti għal kondizzjonijiet speċifiċi.

(2)	Minħabba li ċ-ċirkostanzi li jiġġustifikaw l-awtorizzazzjoni għadhom japplikaw u m’hemm ebda tagħrif ġdid li jagħti lok għal reviżjoni tal-kondizzjonijet speċifiċi, l-awtorizzazzjoni għandha tiġi estiża.

(3)	Ir-Renju Unit talab estensjoni ta’ din id-deroga.

(4)	Id-Deċiżjoni 2002/887/KE għandha għalhekk tiġi emendata skond dan.

(5)	Il-miżuri previsti f’din id-Deċiżjoni huma konformi mal-opinjoni tal-Kumitat Permanenti dwar is-Saħħa tal-Pjanti,

ADOTTAT DIN ID-DEĊIŻJONI:

Artikolu 1

Id-Deċiżjoni 2002/887/KE hija emendata kif ġej:

(1)	Fl-ewwel paragrafu u fit-tieni paragrafu tal-Artikolu 2, “l-1 ta’ Awwissu 2007 u l-1 ta’ Awwissu 2008” jsiru “l-1 ta’ Awwissu 2009 u l-1 ta’ Awwissu 2010”;

(2)	It-tabella fl-Artikolu 4 tinbidel bit-tabella li ġejja: Pjanti Perjodu Chamaecyparis: 1.11.2008 sal-31.12.2010 Juniperus: 1.11.2008 sal-31.3.2009, u 1.11.2009 sal-31.3.2010 Pinus: 1.11.2008 sal-31.12.2010

Artikolu 2

Din id-Deċiżjoni għandha tibda tapplika mill-1 ta’ Novembru 2008.

Artikolu 3

Din id-Deċiżjoni hi indirizzata lill-Istati Membri.

---

(1)  ĠU L 169, 10.7.2000, p. 1.

(2)  ĠU L 309, 12.11.2002, p. 8.

---

31.10.2008

MT

Il-Ġurnal Uffiċjali ta’ l-Unjoni Ewropea

L 290/s3

---

NOTA LILL-QARREJ

L-istituzzjonijiet iddeċidew li ma jikkwotawx aktar fit-testi tagħhom l-aħħar emenda ta' l-atti kkwotati.

Sakemm mhux indikat mod ieħor, l-atti mmsemija fit-testi ppubblikati hawn jirreferu għall-atti li bħalissa huma fis-seħħ.

---