22.8.2008   

MT

Il-Ġurnal Uffiċjali ta’ l-Unjoni Ewropea

L 224/1

22.8.2008   

MT

Il-Ġurnal Uffiċjali ta’ l-Unjoni Ewropea

L 224/3

(1)

L-Artikolu 12 tar-Regolament tal-Kummissjoni (KE) Nru 1973/2004 tad-29 ta’ Ottubru 2004 li jistabbilixxi regoli dettaljati dwar l-applikazzjoni tar-Regolament tal-Kunsill (KE) Nru 1782/2003 fir-rigward tal-iskemi ta’ appoġġ previsti fit-Titoli IV u IVa ta’ dak ir-Regolament u l-użu tal-art imwarrba għall-produzzjoni tal-materja prima (2) jipprevedi li, biex tkun eliġibbli għall-ħlas speċifiku għall-għelejjel għar-ross, il-medda dikjarata trid tkun inżergħet sa mhux aktar tard mill-31 ta’ Mejju li jippreċedi l-ħsad inkwistjoni fir-reġjuni kollha li jipproduċu, għajr fi Spanja, il-Portugal u l-Guyana Franċiża li għandhom permess biex jiżirgħu sat-30 ta’ Ġunju.

(2)

Ix-xita kontinwa u qawwija u l-għargħar li ġabet magħha laqtu r-reġjun Taljan tal-Piemonte minn nofs Mejju 2008. Dawn il-kundizzjonijiet metereoloġiċi avversi ma ppermettewx li l-bdiewa josservaw id-data għaż-żrigħ tar-ross sa mhux aktar tard mill-31 ta’ Mejju 2008.

(3)

Għalhekk huwa xieraq li ssir deroga mill-Artikolu 12(b) tar-Regolament (KE) Nru 1973/2004 u l-bdiewa jiġu awtorizzati jiżirgħu r-ross fil-meded dikjarati li jinsabu fir-reġjun Taljan tal-Piemonte sa mhux aktar tard mit-30 ta’ Ġunju 2008.

(4)

Il-miżuri previsti f'dan ir-Regolament huma konformi mal-opinjoni tal-Kumitat ta’ Ġestjoni għall-Ħlasijiet Diretti,

22.8.2008   

MT

Il-Ġurnal Uffiċjali ta’ l-Unjoni Ewropea

L 224/4

(1)

Ir-Regolament tal-Kunsill (KE) Nru 40/2008 tas-16 ta' Jannar 2008 li jistabbilixxi għall-2008 l-opportunitajiet ta' sajd u l-kundizzjonijiet assoċjati magħhom għal ċerti ħażniet [stokkijiet] ta' ħut u gruppi ta' ħażniet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2008.

(2)

Mill-informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata lilhom għall-2008.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trażbord u l-ħatt tiegħu l-art, jiġu pprojbiti,

22.8.2008   

MT

Il-Ġurnal Uffiċjali ta’ l-Unjoni Ewropea

L 224/6

(1)

Ir-Regolament tal-Kunsill (KE) Nru 40/2008 tas-16 ta’ Jannar 2008 li jistabbilixxi għall-2008 l-opportunitajiet ta' sajd u l-kundizzjonijiet assoċjati magħhom għal ċerti ħażniet [stokkijiet] ta' ħut u gruppi ta' ħażniet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2008.

(2)

Mill-informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata lilhom għall-2008.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trażbord u l-ħatt tiegħu l-art, jiġu pprojbiti,

22.8.2008   

MT

Il-Ġurnal Uffiċjali ta’ l-Unjoni Ewropea

L 224/8

(1)

Skond id-Deċiżjoni tal-Kummissjoni 2006/133/KE tat-13 ta’ Frar 2006 li teħtieġ li l-Istati Membri temporanjament jieħdu miżuri kontra t-tixrid tal-Bursaphelenchus xylophilus (Steiner et Buhrer) Nickle et al. (in-nematodu tal-injam tal-arżnu - PWN) f'dak li jikkonċerna żoni fil-Portugall, għajr dawk li fihom huwa magħruf li ma jeżistix (2), il-Portugall qed jimplimenta pjan ta’ qerda kontra t-tixrid tan-nematodu tal-injam tal-arżnu.

(2)

Il-Portugall adotta ordni ministerjali (Portaria Nru 358/2008 tat-12 ta’ Mejju 2008) li tipprojbixxi l-moviment ta’ injam u pjanti suxxettibbli barra l-Portugall kontinentali sakemm l-injam ma jkunx ġie ttrattat u l-pjanti spezzjonati kif xieraq.

(3)

Il-Portugall ressaq proposta lill-Kummissjoni għal pjan ta’ stħarriġ, kif stipulat fit-tieni paragrafu tal-Artikolu 4(2) tad-Deċiżjoni 2006/133/KE, għat-territorju kollu Portugiż. Il-proposta ġiet diskussa fil-Kumitat Permanenti dwar is-Saħħa tal-Pjanti fis-26-27 ta’ Mejju 2008. Madankollu, il-Kummissjoni, abbażi tal-konklużjonijiet tal-Kumitat, m’approvatx il-pjan minħabba fin-nuqqas ta’ intensità fis-sorveljanza.

(4)

Il-Portugall għarraf lill-Kummissjoni fil-5 ta’ Ġunju 2008 dwar is-sejba ta’ tifqigħat ġodda tal-PWN, wara investigazzjoni straordinarja mill-awtoritajiet Portugiżi flimkien mal-istħarriġ annwali, fil-parti tal-Portugall fejn s'issa kien magħruf li l-PWN ma jinstabx.

(5)

Il-missjoni ta’ spezzjoni mill-Uffiċċju Veterinarju u tal-Ikel mit-2 sas-6 ta’ Ġunju 2008 wriet li d-dejta disponibbli mhix biżżejjed biex tikkonferma li hemm xi żoni fil-Portugall li huma ħielsa mill-PWN u li l-Komunità u miżuri nazzjonali mhumiex implimentati b’mod sħiħ.

(6)

Għalhekk, it-tixrid tal-PWN barra miż-żoni demarkati fil-Portugall minħabba movimenti ta’ injam, ta’ qxur tas-siġar u ta’ pjanti suxxettibbli ma jistgħux jiġi esklużi b’mod sħiħ. Barra minn hekk, attwalment, l-Istati Membri għajr għall-Portugall għandhom mill-aktar fis jitħallew jikkontrollaw il-moviment fit-territorju tagħhom ta’ injam, qxur tas-siġar u ta’ pjanti li joriġinaw mill-partijiet kollha tal-Portugall.

(7)

Biex jissalvagwardjaw it-territorju tal-Istati Membri l-oħra kontra l-PWN u biex jipproteġu l-interessi kummerċjali tal-Komunità f'dak li għandu x'jaqsam mal-pajjiżi terzi, il-movimenti ta’ injam, qxur tas-sigar u ta’ pjanti suxxettibbli miż-żoni demarkati fil-Portugall lejn Stati Membri oħra u lejn pajjiżi terzi għandhom ikunu pprojbiti sakemm dan il-materjal ma jkunx għadda minn trattament xieraq jew, issir spezzjoni adegwata għal pjanti. Għalhekk, ir-rekwiżiti għall-moviment ta’ injam, qxur tas-siġar u pjanti suxxettibbli miż-żoni demarkati fil-Portugall, għajr għaż-żoni demarkati, jew lejn Stati Membri oħra għandhom jiġu estiżi għall-movimenti kollha miż-żoni demarkati fil-Portugall lejn Stati Membri oħra u lejn pajjiżi terzi. It-traċċabilità għandha tkun żgurata billi jiġi mehmuż il-passaport tal-pjanti jew il-marka ta’ kull unità f’kunsinna. L-ambitu tal-attivitajiet ta’ kontroll imwettqa mill-Istati Membri għandu jitwessa’ biex jippermetti l-kontroll ta’ injam, qxur tas-siġar u pjanti suxxettibbli mill-Portugall lejn it-territorju tagħhom.

(8)

Id-Deċiżjoni tal-Kummissjoni 2008/489/KE tas-27 ta’ Ġunju 2008 li tikkonċerna miżuri interim ta’ ħarsien kontra t-tixrid tal-Bursaphelenchus xylophilus (Steiner et Buhrer) Nickle et al. (in-nematodu tal-injam tal-arżnu) fil-Portugall (3) ipprovdiet għal miżuri ta’ din ix-xorta sakemm issir il-laqgħa tal-Kumitat Permanenti dwar is-Saħħa tal-Pjanti. Attwalment hu xieraq li jiġu kkonfermati dawn il-miżuri u li titħassar id-Deċiżjoni 2008/489/KE.

(9)

Id-Deċiżjoni 2006/133/KE għandha għalhekk tiġi emendata skont dan.

(10)

Il-miżuri previsti f’din id-Deċiżjoni huma konformi mal-opinjoni tal-Kumitat Permanenti dwar is-Saħħa tal-Pjanti,

(1)

Fl-ewwel paragrafu tal-Artikolu 2 tiżdied is-sentenza kif ġej:

“Barra minn hekk, il-Portugall għandu jiżgura li jintlaħqu l-kundizzjonijiet fil-punt 1 tal-Anness rigward l-injam, il-qxur tas-siġar u l-pjanti suxxettibbli li għandhom jiġu spostati miż-żoni demarkati f’żoni fil-Portugall, barra dawk iż-żoni demarkati, jew fi Stati Membri oħra jew pajjiżi terzi.”

(2)

Fl-Artikolu 3, il-punt (a) hu ssostitwit b'dan li ġej:

(3)

L-Anness għad-Deċiżjoni 2006/133/KE hu emendat skont l-Anness għal din id-Deċiżjoni.

22.8.2008   

MT

Il-Ġurnal Uffiċjali ta’ l-Unjoni Ewropea

L 224/11

(1)

Id-Deċiżjoni 90/424/KEE tistipula l-proċeduri li jirregolaw il-kontribuzzjoni finanzjarja tal-Komunità lejn il-programmi nazzjonali għall-qerda, il-kontroll u l-monitoraġġ ta’ ċertu mard tal-annimali u żoonosi elenkat fl-Anness ta' din id-Deċiżjoni.

(2)

Id-Deċiżjoni 90/424/KEE, kif emendata bid-Deċiżjoni tal-Kunsill 2006/782/KE (2) tinkludi l-viremija tar-Rebbiegħa tal-karpjun (SVC) fuq il-lista ta' mard tal-annimali li għalihom l-Istati Membri jistgħu jkunu eliġibbli għal kontribuzzjoni finanzjarja mill-Komunità għall-programmi ta' eradikazzjoni nazzjonali.

(3)

Għall-annimali tal-ilma, l-Istati Membri għandhom ikunu eliġibbli għall-kontribuzzjoni finanzjarja mill-Komunità għall-programmi nazzjonali għall-qerda għal dak li huwa biss mard mhux eżotiku li huwa elenkat fil-Parti II tal-Anness IV tad-Direttiva tal-Kunsill 2006/88/KE ta’ l-24 ta’ Ottubru 2006 dwar ir-rekwiżiti ta' saħħa tal-annimali għall-annimali tal-ilma u prodotti minnhom, u dwar il-prevenzjoni u l-kontroll ta' ċertu mard fl-annimali tal-ilma (3). Din id-Direttiva trid tibda tapplika mill-1 ta' Awwissu 2008.

(4)

Id-Direttiva 2006/88/KE, kif emendata bid-Direttiva tal-Kummissjoni 2008/53/KE, ma telenkax iktar il-viraemia tar-Rebbiegħa tal-Karpjun (SVC) fil-Parti II tal-Anness IV tagħha, billi l-ispejjeż marbuta mal-miżuri biex tinqered din il-marda jkunu mingħajr proporzjon imqabbla mat-telf ekonomiku kkawżat minnha.

(5)

Huwa għalhekk xieraq li din il-marda titħassar ukoll mil-lista ta' mard tal-annimali u żoonosi stabbilita fl-Anness tad-Deċiżjoni 90/424/KEE.

(6)

L-Anness tad-Deċiżjoni 90/424/KE għandu għalhekk jiġi emendat skond dan.

(7)

Il-miżuri stipulati f'din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa tal-Annimali,

22.8.2008   

MT

Il-Ġurnal Uffiċjali ta’ l-Unjoni Ewropea

L 224/13

(1)

Id-Deċizjoni tal-Kummissjoni 2005/59/KE (2) approvat pjanijiet imressqa mis-Slovakkja fil-31 ta' Awissu 2004 għall-eradikazzjoni tad-deni klassiku fil-ħnieżer salvaġġi u l-vaċċinazzjoni ta' emerġenza ta' dawn il-ħnieżer fiż-żoni ta' dan l-Istat Membru stabbiliti fl-Anness ta' din id-Deċiżjoni.

(2)

Is-Slovakkja issa għarrfet lill-Kummissjoni dwar l-evoluzzjoni reċenti tad-deni klassiku fil-ħnieżer salvaġġi f'dan l-Istat Membru. Fid-dawl tat-tagħrif epidemjoloġiku disponibbli, il-miżuri stabbiliti fil-pjan għall-eradikazzjoni tad-deni klassiku tal-ħnieżer fil-ħnieżer salvaġġi u l-vaċċinazzjoni ta' emerġenza ta' dawn il-ħnieżer jeħtieġ li jiġu estiżi biex jinkludu d-distretti kollha ta' Rimavská Sobota, Nové Zámky, Levice u Komárno.

(3)

F'isem it-trasparenza tal-leġiżlazzjoni Komunitarja, l-Anness tad-Deċiżjoni 2005/59/KE għandu jiġi sostitwit bit-test fl-Anness ta' din id-Deċiżjoni.

(4)

Id-Deċiżjoni 2005/59/KE għandha għalhekk tiġi emendata skond dan.

(5)

Il-miżuri stipulati f'din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa tal-Annimali,