21.8.2008

MT

Il-Ġurnal Uffiċjali ta’ l-Unjoni Ewropea

L 223/1

---

REGOLAMENT TAL-KUMMISSJONI (KE) Nru 825/2008

ta' l-20 ta’ Awwissu 2008

li jistabbilixxi l-valuri fissi ta' l-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,

Billi:

Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu ta’ l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,

ADOTTAT DAN IR-REGOLAMENT:

Artikolu 1

Il-valuri fissi ta' l-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-21 ta’ Awwissu 2008.

---

(1)  ĠU L 299, 16.11.2007, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 510/2008 (ĠU L 149, 7.6.2008, p. 61).

(2)  ĠU L 350, 31.12.2007, p. 1. Ir-Regolament kif emendat l-aħħar bir-Regolament (KE) Nru 590/2008 (ĠU L 163, 24.6.2008, p. 24).

---

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/3

---

REGOLAMENT TAL-KUMMISSJONI (KE) Nru 826/2008

ta’ l-20 ta’ Awwissu 2008

li jipprovdi regoli komuni għall-għotja ta’ għajnuna għall-ħażna privata ta’ ċerti prodotti agrikoli

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikulari l-Artikolu 43(a), (d) u (j) flimkien ma’ l-Artikolu 4 tiegħu,

Billi:

(1)	L-Artikolu 28 tar-Regolament (KE) Nru 1234/2007 jipprovdi li għandha tkun mogħtija għajnuna għall-ħażna privata ta’ butir u tal-ġobnijiet Grana Padano, Parmigiano Reggiano u Provolone.

(2)

L-Artikolu 31 tar-Regolament (KE) Nru 1234/2007 jipprovdi li għandha tingħata għajnuna għaz-zokkor abjad, żejt taż-żebbuġa, laħam tal-bhejjem ta’ l-ifrat adulti frisk jew imkessaħ, ġobon li jżomm fit-tul u ġobon magħmul mill-ħalib tan-nagħġa u/jew tal-mogħża, laħam tal-majjal, tan-nagħaġ jew tal-mogħoż.

(3)	Biex tkun implimentata l-iskema ta’ għajnuna f’waqtha, għandhom ikunu pprovduti regoli ddettaljati għall-applikazzjoni tar-Regolament (KE) Nru 1234/2007.

(4)	Bħalissa, il-possibilità li tkun mogħtija għajnuna għall-ħażna privata hija pprovduta mir-Regolament tal-Kunsill dwar l-organizzazzjoni komuni tas-swieq ta’ ċerti prodotti. Dawk ir-regolamenti ġew sostitwiti mir-Regolament (KE) Nru 1234/2007.

(5)	Biex ikunu simplifikati u titjieb l-effettività tal-mekkaniżmi ta’ amministrazzjoni u kontroll, għandhom ikunu pprovduti regoli komuni għall-implimentazzjoni ta’ l-iskema ta’ għajnuna għall-ħażna privata.

(6)	L-għajnuna għall-ħażna privata tal-prodotti msemmija fl-Artikolu 28 u 31 tar-Regolament (KE) Nru 1234/2007 għandha tkun jew stabbilita minn qabel jew deċiża permezz ta’ sejħa għall-offerti.

(7)	Skema ta’ għajnuna għall-ħażna privata tal-prodotti msemmija fl-Artikolu 28 tar-Regolament (KE) Nru 1234/2007 għandha tkun implimentata meta jintlaħqu l-kundizzjonijiet imsemmija f’dak ir-Regolament.

(8)	Skema ta’ għajnuna għall-ħażna privata tal-prodotti msemmija fl-Artikolu 31 tar-Regolament (KE) Nru 1234/2007 tista’ tkun implimentata meta jintlaħqu l-kundizzjonijiet imsemmija f’dak ir-Regolament.

(9)

Ir-ristrutturar ta’ l-industrija taz-zokkor fil-Komunità wasslet għal differenzazzjoni reġjonali, b’uħud mir-reġjuni b’zokkor zejjed, jew minħabba l-produzzjoni lokali jew minħabba l-importazzjoni, u oħrajn bin-nieqes. Fir-reġjuni fejn hemm iż-żejjed, il-prezzijiet fil-livell tal-produttur huma mistennija li jkollhom pressjoni l-isfel billi l-provvista lokali hija iktar mill-bżonn. Fir-reġjuni fejn hemm in-nieqes, il-prezzijiet fil-livell tal-produttur huma mistennija li jkunu iktar iebsa billi l-provvista ma tlaħħaqx mal-bżonn. It-tnaqqis fil-prezz f’ċerti Stati Membri mhux se jkun rifless fil-prezz medju Komunitarju u għalhekk għandha ssir dispożizzjoni biex jinfetħu sejħiet għall-offerti biss fl-Istati Membri fejn il-prezz medju nazzjonali huwa inqas mit-80 % tal-prezz ta’ referenza.

(10)	Bħala regola ġenerali, biex ikunu ffaċilitati l-amministrazzjoni u l-kontroll, l-għajnuna għall-ħażna privata għandha tingħata biss lill-operaturi stabbiliti u reġistrati għal-iskopijiet tal-VAT fil-Komunità.

(11)	Biex ikun ipprovdut kontroll effettiv tal-produzzjoni taż-żejt taż-żebbuġa u z-zokkor, l-operaturi eliġibbli għal għajnuna għall-ħażna privata għandhom jilħqu kundizzjonijiet addizzjonali.

(12)	Biex ikun żgurat li l-arranġamenti jistgħu ikunu segwiti sew, l-informazzjoni neċessarja biex ikun konkluż il-kuntratt tal-ħażna għandha tkun speċifikata fir-regolament preżenti kif ukoll l-obbligi tal-partijiet kontraenti.

(13)

Sabiex l-iskema ssir aktar effettiva, il-kuntratti għandhom juru kwantità minima ċerta, skond il-prodott kif xieraq, kif ukoll l-obbligi li għandhom jitwettqu mill-parti kontraenti, partikolarment dawk li jħallu lill-awtoritajiet kompetenti li jiċċekkjaw l-operazzjonijiet tal-ħażna jagħmlu spezzjoni effetiva tal-kundizzjonijiet tal-ħażna.

(14)	Meta l-għajnuna tkun deċiża permezz ta’ sejħa għall-offerti, l-offerti għandu jkollhom l-informazzjoni neċessarja biex ikunu valutati, u għandu jkun provdut għal komunikazzjonijiet bejn l-Istati Membri u l-Kummissjoni.

(15)	Fuq il-bażi ta’ l-offerti rċevuti, jista’ jiġi ffisat ammont massimu ta’ għajnuna. Madanakollu, jista’ jkun hemm sitwazzjonijet fuq is-suq li minħabba fihom l-offerti kolha rċevuti jkollhom ikunu miċħuda.

(16)

Il-ħażna tal-kwantità fil-kuntratt għall-perjodu miftiehem tikkonsisti f’wieħed mill-ħtiġiet primarji għall-għoti ta’l-għajnuna għall-ħażna privata. Sabiex titqies il-prattika kummerċjali u għal raġunijiet prattiċi, għandu jiġi permess marġini ta’ tolleranza rigward il-kwantità suġġetta għall-għajnuna.

(17)

Fil-każ ta’ għajnuna stabbilita minn qabel, minħabba l-karattru ta’ emerġenza ta’ ċerti miżuri ta’ ħażna privata minħabba ċirkustanzi ekonomiċi, jista’ jkun hemm bżonn garanzija biex tiggarantixxi s-serjetà ta’ l-applikazzjoni u biex tiżgura li dawk il-miżuri jkollhom l-effett mixtieq fuq is-suq. Il-garanzija relatata mas-sejħa għall-offerti għandha tiżgura li l-kwantitajiet offerti u possibilment aċċettati huma maħżuna skond il-kundizzjonijiet stabbiliti f’dan ir-Regolament. Għalhekk, għandhom ikunu adottati dispożizzjonijiet għar-rilaxx u s-sekwestru tal-garanzija pprovduta skond ir-Regolament tal-Kummissjoni (KEE) Nru 2220/85 tat-22 ta’ Lulju 1985 li jistabbilixxi regoli komuni dettaljati għall-applikazzjoni tas-sistema ta’ garanziji għall-prodotti agrikoli (2).

(18)

Biex ikun żgurat li l-ħażna tkun amministrata sew, huwa xieraq li jkunu addottati dispożizzjonijiet biex jitnaqqas l-ammont ta’ għajnuna li għandha titħallas meta l-kwantità maħżuna waqt il-perjodu ta’ ħażna miftiehem huwa inqas mill-kwantità fil-kuntratt u meta l-perjodu ta’ ħażna mhux osservat kompletament.

(19)	Fid-dawl tas-sitwazzjoni fis-suq u l-iżviluppi fis-suq jista’ jkun xieraq li l-partijiet kuntraenti jintalbu jallokaw il-ħażniet tagħhom għall-esportazzjoni mill-mument li jitqegħdu fil-ħażna.

(20)

Meta l-ammont ta’ għajnuna għall-ħażna privata huwa stabbilita minn qabel għal ċerti prodotti tal-laħam, ir-regoli attwali jipprovdu għal perjodu ta’ riflessjoni biex tkun tista’ tkun valutata s-sitwazzjoni fis-suq qabel ikunu notifikati d-deċiżjonijiet dwar l-applikazzjonijiet għall-għajnuna. Barra minn hekk, meta xieraq, għandhom isiru disposizzjonijiet għal miżuri speċjali li japplikaw b’mod partikolari għall-applikazzjonijiet pendenti. Dawn il-miżuri speċjali iservu biex ikun evitat l-użu eċċessiv jew spekulattiv ta’ l-iskema tal-ħażna privata. Dawn il-miżuri għandhom bżonn azzjoni rapida u l-Kummissjoni għandha tingħata l-poter li taġixxi mingħajr l-għajnuna tal-kumitat ta’ amministrazzjoni u li tieħu l-miżuri kollha neċessarji mingħajr dewmien. Dawn il-miżuri speċjali għadhom fis-seħħ għall-laħam taċ-ċanga, laħam tal-majjal u laħam tan-nagħaġ u mogħoż. Biex ikun żgurat li l-iskema għall-ħażna privata għal dawn il-prodotti taħdem sew, hemm bżonn li jibqgħu fis-seħħ il-proċeduri attwali li jittieħdu miżuri kif huma diġà stabbiliti mingħajr tibdil sostanzjali.

(21)

Hemm bżonn indikazzjoni tal-kundizzjonijiet fejn jista’ jkun mogħti ħlas minn qabel, l-aġġustament ta’ l-għajnuna fil-każi fejn il-kwantità kuntrattwali mhix rispettati bis-sħiħ, il-kontrolli dwar il-konformità ma’ l-intitolament għall-għajnuna, il-pieni possibbli u l-informazzjoni li għandha tkun innotifikata lill-Kummissjoni mill-Istati Membri.

(22)	Għandhom jinħolqu wkoll regoli dettaljati dwar id-dokumentazzjoni, il-kontijiet, l-frekwenza u n-natura tal-kontrolli.

(23)	Għandhom jittieħdu passi xierqa sabiex jipprevjenu u jippenalizzaw l-irregolaritajiet u l-frodi. Għal din ir-raġuni, il-partijiet kuntraenti li jinstabu li għamlu dikjarazzjonijet foloz għandhom ikunu esklużi mill-iskema ta’ għajnuna għall-ħażna privata għal sena.

(24)

Dan ir-Regolament jinkorpora ċerti dispożizzjonijiet dwar il-ħażna privata li jinsabu fir-Regolament tal-Kummissjoni (KE) Nru 562/2005 tal-5 ta’ April 2005 li jistabbilixxu regoli għall-implimentazzjoni tar-Regolament tal-Kunsill (KE) Nru 1255/1999 rigward il-komunikazzjoni bejn l-Istati Membri u l-Kummissjoni fis-settur tal-ħalib u l-prodotti tal-ħalib (3), (KE) Nru 952/2006 tad-29 ta’ Ġunju 2006 li jistabbilixxu regoli dettaljati għall-applikazzjoni tar-Regolament tal-Kunsill (KE) Nru 318/2006 rigward l-amministrazzjoni tas-suq Komunitarju taz-zokkor u s-sistema tal-kwota (4), u (KE) Nru 105/2008 tal-5 ta’ Frar 2008 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1255/1999 rigward l-intervent fuq is-suq tal-butir (5). Għaldaqstant, dawn id-dispożizzjonijiet għandhom ikunu mħassra u dawn ir-Regolamenti għandhom ikunu emendati.

(25)

Minbarra hekk, dan ir-Regolament jinkorpora d-dispożizzjonijet dwar il-ħażna privata tar-Regolamenti li ġejjin, li għandhom ikunu imħassra jew mibdula b’Regolament ġdid. — Ir-Regolament tal-Kummissjoni (KEE) Nru 3444/90 tas-27 ta’ Novembru 1990 li jistabbilixxi regoli dettaljati għall-għoti ta’ l-għajnuna għall-ħażna privata tal-laħam tal-majjal (6); — Ir-Regolament tal-Kummissjoni (KEE) Nru 2659/94 tal-31 ta’ Ottubru 1994 dwar regoli dettaljati għall-konċessjoni ta’ ħażna privata għall-ġobon Grana Padano, Parmiggiano-Reggiano u Provolone (7); — Ir-Regolament tal-Kummissjoni (KEE) Nru 907/2000 tat-2 ta’ Mejju 2000 li jistabbilixxi regoli dettaljati sabiex jiġi applikat ir-Regolament tal-Kunsill (KE) Nru 1254/1999 rigward l-għajnuna għall-ħażna privata fis-settur tal-laħam taċ-ċanga u tal-vitella (8); — Ir-Regolament tal-Kummissjoni (KE) Nru 2153/2005 tat-23 ta’ Diċembru 2005 dwar l-iskema ta’ għajnuna għall-ħażna privata taż-żejt taż-żebbuġa (9); — Ir-Regolament tal-Kummissjoni (KE) Nru 6/2008 ta’ l-4 ta’ Jannar 2008 li jistabbilixxi regoli dettaljati għall-għoti ta’ l-għajnuna għall-ħażna privata tal-laħam tan-nagħaġ u tal-mogħoż (10); — Ir-Regolament tal-Kummissjoni (KE) Nru 85/2008 tat-30 ta’ Jannar 2008 dwar kundizzjonijiet speċjali għall-għoti ta’ għajnuna għal ħażna privata ta’ laħam tan-nagħaġ u tal-mogħoż (11); — Ir-Regolament tal-Kummissjoni (KE) Nru 414/2008 tat-8 ta’ Mejju 2008 li jistabbilixxi regoli dettaljati għat-tħaddim tar-Regolament tal-Kunsill (KE) Nru 1255/1999 dwar l-għoti ta’ għajnuna finanzjarja għall-ħażniet privati ta’ xi ġobon fiż-żmien tal-ħażniet 2008/2009 (12).

(26)	Il-miżuri pprovduti f’dan ir-Regolament huma skond l-opinjoni tal-kumitat ta’ ġestjoni għall-organizzazzjoni komuni tas-swieq agrikoli,

ADOTTAT DAN IR-REGOLAMENT:

KAPITOLU I

Dispożizzjonijiet Introduttorji

Taqsima 1

Ambitu u regoli ġenerali għall-għotja ta’ għajnuna għall-ħażna privata

Artikolu 1

L-ambitu u d-definizzjoni

1.   Dan ir-Regolament jistabbilixxi regoli komuni għall-għotja ta’ l-għajnuna għall-ħażna privata għall-prodotti msemmija fl-Artikoli 28 u 31 tar-Regolament (KE) Nru 1254/2007.

Dan għandu japplika mingħajr preġudizzju għad-dispożizzjonijiet speċifiċi stabbiliti fir-Regolamenti tal-Kummissjoni li jew issir sejħa għall-offerti jew l-għajnuna għall-ħażna privata tkun stabbilita minn qabel.

2.   Għall-iskopijiet ta’ dan ir-Regolament “l-awtoritajiet kompetenti ta’ l-Istati Membri” għandhom ifissru d-dipartimenti jew il-korpi akkreditati mill-Istati Membri bħala aġenziji ta’ ħlas li jilħqu l-kundizzjonijiet stabbiliti fl-Artikolu 6 tar-Regolament tal-Kunsill (KE) Nru 1290/2005 (13).

Artikolu 2

Eliġibbiltà tal-prodotti

1.   Biex jikkwalifikaw għall-għajnuna għall-ħażna privata, minbarra l-ħtiġijiet stabbiliti fir-Regolament (KE) Nru 1234/2007, il-prodotti għandhom jissodisfaw il-ħtiġijiet msemmija fl-Anness I ta’ dan ir-Regolament.

2.   Il-butir maħżun fi Stat Membru differenti mill-Istat Membru fejn kien prodott, għandu jissodisfa wkoll il-ħtiġijiet addizzjonali stabbiliti fl-Anness II ta’ dan ir-Regolament.

Artikolu 3

Kondizzjonijiet ta’ għotjata’ għajnuna għaz-zokkor abjad

1.   Id-deċiżjoni li tingħata għajnuna għall-ħażna privata ta’ zokkor abjad tista’ tittiehed fejn jintlaħqu l-kundizzjonijiet li ġejjin:

(a)	Il-prezz Komunitarju medju għaz-zokkor abjad reġistrat fis-sistema ta’ reġistru tal-prezzijiet huwa inqas mill-85 % tal-prezz ta’ referenza;

(b)	il-prezzijiet medji reġistrati għaz-zokkor abjad probabilment jibqgħu f’dak il-livell jew jonqsu f’xahrejn fuq il-bazi tas-sitwazzjoni tas-suq, meta jkunu meħuda f’kunsiderazzjoni l-effetti tal-mekkanismi tal-ġestjoni tas-suq mistennija u prinċiparjament l-irtirar.

Suġġett għall-kriterji stabbiliti fl-ewwel subparagrafu, l-għotja ta’ għajnuna għall-ħażna privata tista’ tkun limitata għall-Istati Membri fejn il-prezz medju taz-zokkor abjad reġistrat fis-sistema tar-reġistru tal-prezzijiet huwa inqas mit-80 % tal-prezz ta’ referenza. L-għajnuna għandha tkun mogħtija għaz-zokkor maħżun jew li għandu jkun maħżun mill-produtturi taz-zokkor f’dawn l-Istati Membri.

2.   Il-ħażna privata taz-zokkor abjad tista’ ssir fil-perjodu bejn l-1 ta’ Novembru sat-30 ta’ Ġunju tas-sena tas-suq li fiha tingħata l-għajnuna.

Artikolu 4

Kondizzjonijiet għal għotja ta’ għajnuna għaż-żejt taż-żebbuġa

Għall-iskopijiet ta’ l-applikazzjoni ta’ l-Artikolu 33 tar-Regolament (KE) Nru 1234/2007, il-prezz medju għandu jkun reġistrat fuq is-suq għal perjodu ta’ mill-inqas ġimgħatejn.

Regoli dettaljati dwar ir-rappurtaġġ tad-data mill-Istati Membri lill-Kummissjoni huma stabbiliti fil-Parti A ta’ l-Anness III ta’ dan ir-Regolament.

Artikolu 5

Kondizzjonijiet għal għotja ta’ għajnuna għaċ-ċanga

Għajnuna għall-ħażna privata tista’ tiġi deċiża meta l-prezz medju tas-suq Komunitarju għall-karkassi tal-bhejjem ta’ l-ifrat adulti maskili espressi bħala tal-grad R3, ikkalkolat skond il-Parti B ta’ l-Anness III, jiġi rreġistrat għal dak ta’ EUR 2 291 għal kull tunnellata metrika, jew inqas.

Taqsima 2

Regoli ġenerali biex tkun stabbilita l-għajnuna għall-ħażna privata

Artikolu 6

Proċedura biex tkun stabbilita l-għajnuna

Biex ikun stabbilit l-ammont ta’ għajnuna għall-ħażna privata tal-prodotti msemmija fl-Artikoli 28 u 31 tar-Regolament (KE) Nru 1234/2007, il-Kummissjoni għandha tagħmel sejħa għall-offerti għal perjodu limitat f’konformità ma’ l-Artikolu 9 ta’ dan ir-Regolament jew tistabbilixxi l-għajnuna minn qabel f’konformità ma’ l-Artikolu 16 ta’ dan ir-Regolament.

Artikolu 7

Offerti u applikazzjonijiet għall-għajnuna għall-ħażna privata

1.   Operatur li qiegħed ifittex l-għajnuna jista’ jew jitfa’ offerta skond l-Artikolu (9)(1), jew jagħmel applikazzjoni skond l-Artikolu 16(1) ma’ l-awtoritajiet kompetenti ta’ l-Istati Membri fejn il-prodotti huma maħżuna jew għandhom ikunu maħżuna.

2.   Fis-setturi fejn l-iskema ta’ ħażna hija miftuħa biss għal reġjun wieħed jew numru ta’ reġjuni jew Stati Membri, l-offerti jew l-applikazzjonijiet jistgħu isiru f’dawk ir-reġjuni jew Stati Membri biss.

3.   L-offerti jew l-applikazzjonijiet għall-għajnuna għall-ħażna privata tal-butir mielaħ jew mingħajr melħ, u ġobon, għandhom jirrigwardaw ukoll il-prodotti li diġà ġew maħżuna.

4.   L-offerti jew l-applikazzjonijiet għall-għajnuna għall-ħażna privata tal-laħam frisk jew imkessaħ ta’ l-annimali ta’ l-ifrat, il-ħnieżer, in-nagħaġ, il-mogħoż u ż-żejt taż-żebbuġa, għandhom jirrigwardaw l-kwantitajiet ta’ dawk il-prodotti li għadhom ma n.

5.   L-offerti jew l-applikazzjonijiet għall-għajnuna għall-ħażna privata taz-zokkor għandhom jirrigwardaw iz-zokkor li huwa diġà maħżun jew għad irid ikunu maħżun.

Artikolu 8

Kundizzjonijiet relatati ma’ l-eliġibilltà ta’ l-operaturi

1.   L-operaturi li japplikaw jew li jitfgħu offerta għall-għajnuna għall-ħażna privata għandhom ikunu dawk stabbiliti u reġistrati għal-iskopijiet tal-VAT fil-Komunità.

2.   Fil-każ taż-żejt taż-żebbuġa, l-operaturi li japplikaw jew li jitfgħu offerta għall-għajnuna għall-ħażna privata għandhom jissodisfaw il-kundizzjonijiet stabbiliti fil-paragrafu 1 u kull rekwiżit addizzjonali stabbilit fl-Anness IV.

3.   Fil-każ taż-żokkor, l-operaturi li japplikaw jew li jitfgħu offerta għall-għajnuna għall-ħażna privata għandhom jissodisfaw il-kundizzjonijiet stabbiliti fil-paragrafu 1 u għandhom ikunu produtturi taz-zokkor kif imsemmi fil punt (a) ta’ l-Artikolu 7(1) tar-Regolament (KE) Nru 952/2006.

KAPITOLU II

Għajnuna mogħtija permezz ta’ sejħa għall-offerti

Artikolu 9

Il-ftuħ tal-proċedura ta’ l-offerti

1.   Sejħa għall-offerti għandha tinfetaħ skond il-proċedura msemmija fl-Artikolu 195(2) tar-Regolament (KE) Nru 1234/2007 bħala Regolament, minn hawn ‘il quddiem imsejħa “Regolament tal-ftuħ tas-sejħa għall-offerti”.

2.   Ir-Regolament tal-ftuħ tas-sejħa għall-offerti jista’ jkun fih l-informazzjoni li ġejja:

(a)	il-prodotti koperti bil-kodiċi CN relevanti tagħhom, fejn applikabbli;

(b)	l-unità ta’ miżura tal-kwantitajiet (lottijiet, gruppi, btieti/fosos);

(c)	il-perjodu kopert (“perjodu ta’ l-offerti”) u is-subperjodi differenti ta’ meta tista’ tintefa l-offerta;

(d)	il-ħinijiet tal-ftuħ u tal-għeluq li fihom l-offerti jistgħu ikunu mitfugħa;

(e)	il-perjodu ta’ ħażna minimu u massimu;

(f)	il-kwantità globali koperta mis-sejħa għall-offerti, fejn hi neċessarja;

(g)	il-kwantità minima li kull offerta jeħtieġ li tkun tipprovdi dwarha;

(h)	l-ammont tal-garanzija għal kull unità;

(i)	il-perjodu tat-tqegħid fil-ħażna u ta’ tneħħija mill-ħażna;

(j)	l-ispeċifikazzjonijiet li għandhom jidhru fuq il-pakketti.

3.   Ta’ l-inqas sitt ijiem għandhom jgħaddu bejn li jidħol fis-seħħ ir-Regolament tal-ftuħ tas-sejħa għall-offerti u l-ewwel ġurnata li jistgħu ikunu mitfugħa l-offerti.

Artikolu 10

It-tressiq ta’ l-offerti

1.   L-offerti għadhom ikunu mitfugħa bil-metodu li l-Istat Membru kkonċernat jagħmel għad-dispożizzjoni ta’ l-operaturi.

L-awtoritajiet kompetenti ta’ l-Istati Membri jistgħu jitolbu li l-offerti elettroniċi jkunu akkompanjati minn firma elettronika minn qabel fit-tifsira ta’ l-Artikolu 2, punt (2) tad-Direttiva 1999/93/KE tal-Parlament Ewropew u tal-Kunsill (14) jew b’firma elettronika li toffri assigurazzjonijiet ekwivalenti rigward il-funzjonalitajiet attribwiti lill-firma billi tapplika l-istess regoli u kundizzjonijet bħal dawk imfissra fid-dispożizzjonijiet tal-Kummissjoni dwar id-dokumenti elettroniċi u diġitalizzati, stabbiliti mid-Deċiżjoni tal-Kummissjoni 2004/563/KE, Euratom (15), u r-regoli ta’ l-implimentazzjoni tagħha.

2.   L-offerta għandha tkun valida jekk dawn il-kundizzjonijiet li ġejjin jintleħqu.

(a)	tindika referenza għar-Regolament tal-ftuħ tas-sejħa għall-offerti u d-data ta’ skadenza għas-subperjodu tat-tressiq ta’ offerti;

(b)	tindika id-data ta’ identifikazzjoni ta’ l-offerent: l-isem, l-indirizz u n-numru tar-reġistrazzjoni VAT;

(c)	jindikaw l-prodott bil-kodiċi CN relevanti tiegħu, fejn applikabbli;

(d)	tindika il-perjodu ta’ ħażna, fejn neċessarju;

(e)	tindika l-kwantità tal-prodotti koperti mill-offerta;

(f)	fejn il-prodotti huma diġà maħżuna, tindika l-isem u l-indirizz tal-post tal-ħażna, in-numru tal-lott/grupp/bettija/fossa tal-ħażna u fejn xieraq in-numru ta’ approvazzjoni li jidentifika l-fabbrika;

(g)	tindika l-ammont ta’ għajnuna offerta għal kull unità u kull ġurnata f’Ewros u ċentesimi minbarra l-VAT;

(h)	l-offerent għamel garanzija qabel spiċċa is-subperjodu ta’ tressiq, skond id-dispożizzjonijiet tat-Titlu III tar-Regolament (KEE) Nru 2220/85, u pprovda prova tagħha fl-istess perjodu;

(i)	ma tinkludix kundizzjonijiet addizzjonali magħmula minn l-offerent ħlief dawk stabbiliti f’dan ir-Regolament u fir-Regolament tal-ftuħ tas-sejħa għall-offerti;

(j)	tkun fil-lingwa uffiċjali jew f’waħda mil-lingwi uffiċjali ta’ l-Istat Membru fejn l-offerta tkun mitfugħa.

3.   L-offerti ma jistgħux ikunu irtirati jew emendati wara t-tressiq.

Artikolu 11

Eżaminazzjoni ta’ l-offerti

1.   L-awtoritajiet kompetenti ta’ l-Istati Membri għandhom jiddeċiedu dwar il-validità ta’ l-offerti fuq il-bażi tal-kundizzjonijiet stabbiliti fl-Artiklu 10(2).

2.   Il-persuni awtorizzati li jirċievu u jeżaminaw l-offerti għandhom ikunu obbligati li ma jiżvelaw ebda partikolaritajiet relatati magħhom lil xi persuna mhux awtorizzata.

3.   Fejn l-awtoritajiet kompetenti ta’ l-Istati Membri jiddeċiedu li offerta mhix valida, dawn għandhom jinfurmaw lill-offerent.

Artikolu 12

Notifika ta’ l-offerti lill-Kummissjoni

1.   L-offerti validi kollha għandhom ikunu notifikati lill-Kummissjoni mill-awtoritajiet kompetenti ta’ l-Istati Membri.

2.   In-notifiki għandhom ikollhom id-data msemmija fl-Artikolu 10(2)(b).

3.   In-notifiki għandhom isiru b’mezzi elettroniċi, bil-metodu indikat mill-Kummissjoni lill-Istati Membri, fil-perjodu speċifiku stabbilit mir-Regolament tal-ftuħ tas-sejħa għall-offerti fil-kwestjoni.

4.   Il-forma u l-kontenut tan-notifiki għandhom ikunu definiti fuq il-bażi tal-mudelli li l-Kummissjoni għamlet disponibbli lill-Istati Membri.

5.   L-awtoritajiet kompetenti ta’ l-Istati Membri għandhom jinnotifkaw il-prospetti nulli lill-Kummissjoni fil-perjodu msemmi fil-paragrafu 3.

Artikolu 13

Deċiżjoni fuq il-bażi ta’ l-offerti

1.   Fuq il-bażi ta’ l-offerti notfikati skond l-Artikolu 12(1), il-Kummissjoni għandha tiddeċiedi skond il-proċedura msemmija fl-Artikolu 195(2) tar-Regolament (KE) Nru 1234/2007:

(a)	li ma tiffissax ammont massimu ta’ għajnuna, jew

(b)	li tiffissa ammont massimu ta’ għajnuna.

2.   Fejn japplika l-Artikolu 9(2)(f), il-Kummissjoni għandha, skond il-proċedura msemmija fl-Artikolu 195(2) tar-Regolament (KE) Nru 1234/2007, tistabbilixxi koeffiċjent, applikabbli għall-offerti li saru fil-livell ta’ għajnuna massima, jekk l-għotja tal-kwantitajiet totali li għalihom kien offrut dak l-ammont iwassal li tinqabeż il-kwantità globali.

Bħala deroga mill-Artikolu 10(3), l-offerent, fil-każ li għalih japplika koeffiċjent bħal dan, jista’ jiddeċiedi li jirtira l-offerta tiegħu fi żmien għaxart ijiem mill-pubblikazzjoni tar-Regolament imsemmi hawn fuq li jistabbilixxi l-koeffiċjent.

3.   Deċiżjonijiet dwar l-għajnuna għall-ħażna privata msemmija fil-paragrafi 1 u 2 għandhom ikunu ppubblikati fil-Ġurnal Uffiċjali tal-Unjoni Ewropea.

Artikolu 14

Deċiżjonijiet individwali dwar l-offerti

1.   Fil-każ li ammont massimu ta’ għajnuna kien stabbilit skond l-Artikolu 13(1)(b), l-awtoritajiet kompetenti ta’ l-Istati Membri għandhom jaċċettaw offerti li huma daqs jew inqas mill-ammont massimu mingħajr preġudizzju għall-Artikolu 13(2). L-offerti l-oħra kollha għandhom ikunu rifjutati.

2.   Fil-każ li ma kienx stabbilit ammont massimu ta’ għajnuna, l-offerti kollha ghandhom ikunu rifjutati.

L-awtoritajiet kompetenti ta’ l-Istati Membri m’għandhomx jaċċettaw offerti li ma kienux notifikati skond l-Artikolu 12(1)

3.   L-awtoritajiet kompetenti ta’ l-Istati Membri għandhom jaddottaw id-deċiżjonijiet msemmija fil-paragrafi 1 u 2 ta’ dan l-Artikolu wara l-pubblikazzjoni tad-deċiżjoni tal-Kummissjoni dwar l-għajnuna msemmija fl-Artikolu 13(1) u għandhom jinnotifkaw lill-offerenti bir-riżultat tal-parteċipazzjoni tagħhom fi żmien l-iskadenza ta’ tliet ijiem ta’ xoghol wara l-pubblikazzjoni.

4.   Id-drittijiet u l-obbligi ta’ min jirnexxilu jieħu offerta m’għandhomx ikunu trasferibbli.

Artikolu 15

Rekwiżiti primarji u garanziji

1.   Il-ħtiġiet primarji fit-tifsira ta’ l-Artikolu 20 (2) tar-Regolament (KEE) Nru 2220/85 għandhom ikunu:

(a)	li ma tkunx irtirata offerta,

(b)

li jitqiegħed u jinżamm fil-ħażna mill-anqas 99 %, rispettivament 90 % għall-prodotti tal-laħam, 98 % għaż-żejt taż-żebbuġa u 95 % għall-ġobon, tal-kwantità fil-kuntratt għall-perjodu ta’ ħażna miftiehem, bir-riskju għall-parti kontraenti fit-tifsira ta’ l-Artikolu 19 ta’ dan ir-Regolament u taħt il-kondizzjonijiet li hemm referenza dwarhom fl-Artikolu 22 (1) (a) ta’ dan ir-Regolament.

(c)	meta japplika l-Artikolu 28(3), li jiġu esportati l-prodotti skond waħda mit-tliet għażliet elenkati fih.

2.   Garanziji għandhom ikunu rilaxxati immedjatament fejn:

(a)	l-offerta mhix valida jew hija rifjutata, jew hija rtirata fil-każ ta’ l-applikazzjoni tat-tieni subparagrafu ta’ l-Artikolu 13(2);

(b)	fil-każ ta’ l-applikazzjoni ta’ l-ewwel subparagrafu ta’ l-Artikolu 13(2) l-ammont tal-garanzija rilaxxata għandha tikkorrispondi għall-kwantità mhux aċċettata.

3.   Garanziji għandhom ikunu rilaxxati fir-rigward ta’ kwantitajiet li għalihom intleħqu l-obbligi kuntrattwali.

4.   Meta jinqabeż il-limitu taż-żmien għat-tqegħid fil-ħażna, kif stabbilit fl-Artikolu 25(1) ta’ dan ir-Regolament, il-garanzija għandha tiġi ssekwestrata skond l-Artikolu 23 tar-Regolament (KEE) Nru 2220/85.

KAPITOLU III

Għajnuna stabbilita minn qabel

Artikolu 16

L-iffissar ta’ l-ammont ta’ l-għajnuna minn qabel

1.   L-ammont ta’ għajnuna għall-ħażna privata għandha tkun stabbilita minn qabel skond il-proċedura msemmija fl-Artikolu 195(2) tar-Regolament (KE) Nru 1234/2007 bħala Regolament, minn hawn ‘il quddiem imsejħa “Regolament li jistabbilixxi l-ammont ta’ għajnuna minn qabel”.

2.   Ir-Regolament li jistabbilixxi l-ammont ta’ għajnuna minn qabel jista’ jkun fiħ l-informazzjoni li ġejja:

(a)	il-prodotti koperti bil-kodiċi CN relevanti tagħhom, fejn applikabbli;

(b)	l-ammont ta’ għajnuna għall-ħażna privata għal kull unità ta’ toqol għall-prodotti koperti;

(c)	l-unità ta’ miżura tal-kwantitajiet (lottijiet, gruppi, btieti, fosos);

(d)	il-kwantità minima għal kull applikazzjoni;

(e)	il-perjodu ta’ applikazzjoni għall-għajnuna għall-ħażna privata;

(f)	il-perjodu tat-tqegħid fil-ħażna u ta’ tneħħija mill-ħażna;

(g)	il-perjodu ta’ ħażna minimu u massimu;

(h)	l-ispeċifikazzjonijiet li għandhom jidhru fuq il-pakketti;

(i)	l-ammont tal-garanzija għal kull unità, fejn applikabbli.

Artikolu 17

Applikazzjonijiet għall-għajnuna

1.   L-applikazzjonijiet għadhom ikunu magħmula bil-metodu li l-Istat Membru kkonċernat jagħmel għad-dispożizzjoni ta’ l-operaturi.

L-awtoritajiet kompetenti ta’ l-Istati Membri jistgħu jitolbu li l-applikazzjonijiet elettroniċi jkunu akkompanjata minn firma elettronika minn qabel fit-tifsira ta’ l-Artikolu 2, punt (2) tad-Direttiva 1999/93/KE jew b’firma elettronika li toffri assigurazzjonijiet ekwivalenti rigward il-funzjonalitajiet attribwiti lill-firma billi tapplika l-istess regoli u kundizzjonijet bħal dawk imfissra fid-dispożizzjonijiet tal-Kummissjoni dwar id-dokumenti elettroniċi u diġitalizzati, stabbiliti mid-Deċiżjoni 2004/563/KE, Euratom, u r-regoli ta’ l-implimentazzjoni tagħha.

2.   L-applikazzjonijiet jkunu validi jekk jiġu sodisfatti l-kundizzjonijiet li ġejjin:

(a)	jindikaw referenza għar-Regolament li jistabbilixxi l-ammont ta’ għajnuna minn qabel;

(b)	Jindikaw id-data ta’ identifikazzjoni ta’ l-applikanti, isem indirizz u numru ta’ reġistrazzjoni tal-VAT;

(c)	jindikaw l-prodott bil-kodiċi CN relevanti tiegħu, fejn applikabbli;

(d)	jindikaw il-kwantità tal-prodotti;

(e)	jindikaw il-perjodi ta’ ħazna, fejn applikabbli;

(f)	fejn il-prodotti huma diġà maħżuna, tindika l-isem u l-indirizz tal-post tal-ħażna, in-numru tal-lott/grupp/bettija/fossa tal-ħażna u fejn xieraq in-numru ta’ approvazzjoni li jidentifika l-fabbrika.

(g)	ma jinkludux kundizzjonijiet addizzjonali magħmula mill-offerent ħlief dawk stabbilit f’dan ir-Regolament u fir-Regolament li jistabbilixxi l-ammont ta’ għajnuna minn qabel;

(h)	tkun fil-lingwa uffiċjali jew f’waħda mil-lingwi uffiċjali ta’ l-Istat Membru fejn l-applikazzjoni tkun imressqa.

(i)	l-applikant għamel garanzija skond id-dispożizzjonijiet tat-Titlu III tar-Regolament (KEE) Nru 2220/85, u pprovda prova tagħha, fejn applikabbli.

3.   Il-kontenut ta’ l-applikazzjonijiet m’għandux ikun emendat wara l-preżentazzjoni tagħhom.

Artikolu 18

Rekwiżiti primarji u garanziji

1.   Meta japplika l-Artikolu 17(2)(i), il-ħtiġiet primarji skond it-tifsira ta’ l-Artikolu 20(2) tar-Regolament (KEE) Nru 2220/85 għandhom ikunu dawn li ġejjin:

(a)	li ma tkunx irtirata l-applikazzjoni miftiehma;

(b)

li jinżamm fil-ħażna mill-anqas 99 %, rispettivament 90 % għall-prodotti tal-laħam, 98 % għaż-żejt taż-żebbuġa u 95 % għall-ġobon, tal-kwantità fil-kuntratt għall-perjodu ta’ ħażna miftiehem, bir-riskju għall-parti kontraenti fit-tifsira ta’ l-Artikolu 19 ta’ dan ir-Regolament u taħt il-kondizzjonijiet li hemm referenza dwarhom fl-Artikolu 22(1)(a).

(c)	meta japplika l-Artikolu 28(3), li jiġu esportati l-prodotti skond waħda mit-tliet għażliet elenkati fih.

2.   Il-garanziji għandhom jitneħħew immedjatament meta l-applikazzjonijiet għall-kuntratti ma jiġux aċċettati.

3.   Garanziji għandhom ikunu rilaxxati fir-rigward ta’ kwantitajiet li għalihom intleħqu l-obbligi kuntrattwali.

4.   Meta jinqabeż il-limitu taż-żmien għat-tqegħid fil-ħażna, kif stabbilit fl-Artikolu 25(1) ta’ dan ir-Regolament, il-garanzija għandha tiġi ssekwestrata skond l-Artikolu 23 tar-Regolament (KEE) Nru 2220/85.

KAPITOLU IV

Kuntratti

Artikolu 19

L-iffirmar ta’ kuntratti

Il-kuntratti għandhom ikunu konklużi bejn l-awtoritajiet kompetenti ta’ l-Istat Membru li fit-territorju tiegħu huma jew se jkunu maħżuna l-prodotti u l-offerent jew l-applikant magħżul li jissodisfa l-ħtiġijiet stabbiliti fl-Artikolu 8, minn hawn ‘il quddiem imsejjaħ il-“Parti Kontraenti”.

Artikolu 20

Informazzjoni relatata mal-post tal-ħażna

Wara li n-notifika tkun riċevuta mill-Istat Membru msemmi fl-Artikolu 14(3) jew wara l-konkluzjoni tal-kuntratt imsemmi fl-Artikolu 23(1) jew wara n-notifika jew il-pubblikazzjoni tad-deċiżjonijiet msemmija fl-Artikolu 23(2), l-offerent jew l-applikant magħżul għandu jibgħat lill-awtoritajiet kompetenti ta’ l-Istat Membru:

(a)	l-isem u l-indirizz tal-post jew postijiet tal-ħażna u, għal kull post ta’ ħażna, dettalji dwar il-pożizzjoni eżatta tal-fosos jew lottijiet jew btieti jew gruppi bil-kwantitajiet korrispondenti;

(b)	notifika tad-data tad-dħul fil-ħażna għal kull lot li għadu mhux f’postu u l-qafas taż-żmien neċessarju biex titqiegħed il-kwantità miftiehma fil-ħażna; għal kull lot li jidħol fil-ħażna għandu jkun indikat il-kwantità u l-pożizzjoni preċisa tiegħu.

L-awtorità kompetenti tista’ teħtieġ illi t-tagħrif msemmi hawn fuq jingħata mill-inqas jumejn qabel it-tqegħid fil-ħażna ta’ kull lott individwali;

Artikolu 21

Elementi tal-kuntratt

Il-kuntratt għandu jinkludi elementi stabbiliti mill-Artikolu 22 ta’ dan ir-Regolament, u jew l-elementi stabbiliti fid-dispożizzjonijiet relevanti tar-Regolament tal-ftuħ tas-sejħa għall-offerti u fl-offerta, jew l-elementi stabbiliti fid-dispożizzjonijiet relevanti tar-Regolament li jistabbilixxi l-ammont ta’ għajnuna minn qabel u fl-applikazzjoni.

Artikolu 22

L-Obligazzjonijiet tal-Partijiet Kontraenti

1.   Il-kuntratti għandhom ipoġġu ta’ l-inqas l-obbligi segwenti fuq il-parti kontraenti:

(a)

li jpoġġu u jżommu l-kwantità miftiehma fil-ħażna, fiż-żmien tal-ħażna miftiehem, bir-riskju u l-ispiża tiegħu f’kundizzjonijiet li jiżguraw li jżommu l-karatteristiċi tal-prodotti msemmija fl-Anness I, mingħajr ma jkunu sostitwiti l-prodotti maħżuna jew trasferiti għal xi post ieħor. Madanakollu, għal ġobon fejn il-parti kontraenti tagħmel rikjesta raġunata, l-awtoritajiet kompetenti jistgħu jawtorizzaw lokazzjoni mill-ġdid tal-prodotti maħżuna. Għall-prodotti oħra, fejn il-parti kontraenti tagħmel rikjesta raġunata, l-awtoritajiet kompetenti jistgħu jawtorizzaw lokazzjoni mill-ġdid tal-prodotti maħżuna f’każi eċċezzjonali biss.

(b)	li jżommu d-dokumenti tat-toqol stabbiliti fil-ħin ta’ dħul fil-post tal-ħażna;

(c)	li jibgħatu d-dokumenti relatati mal-ħidmiet għat-tqegħid fil-ħażna lill-awtoritajiet kompetenti mhux aktar tard minn xahar wara d-data tat-tqegħid fil-ħażna msemmija fl-Artikolu 25(1);

(d)	li jippermettu lill-awtorità kompetenti li tivverifikaw f’kull ħin li l-obbligi kollha miftiehma fil-kuntratt ikunu qed jiġu osservati;

(e)	li l-prodotti maħżuna jkunu identifikabbli faċilment u individwalment: kull unità maħżuna individwalment għandha tkun immarkata sabiex in-numru tal-kuntratt, il-prodott u l-piż ikunu jidhru.

2.   Il-parti kontraenti għandha tagħmel possibli li l-awtorità responsabbli twettaq il-kontrolli fuq id-dokumentazzjoni kollha, għal kull kuntratt, li jippermettu partikolarment li l-informazzjoni segwenti dwar il-prodotti mpoġġija fil-ħażna privata tkun verifikata:

(a)	in-numru ta’ approvazzjoni li jidentifika l-fabbrika u l-Istat Membru ta’ produzzjoni, fejn neċessarju;

(b)	l-oriġini u d-data ta’ manifattura tal-prodotti jew għaz-zokkor, is-sena tas-suq tal-manifattura u fejn xieraq il-jum tal-qtil;

(c)	id-data tat-tqegħid fil-ħażna;

(d)	il-piż u n-numru ta’ biċċiet ippakjati;

(e)	il-preżenza fil-maħżen u l-indirizz tal-maħżen;

(f)	id-data mistennija ta’ meta jispiċċa l-perjodu tal-ħażna miftehma u kompletata mid-data attwali ta’ meta jitneħħew.

Fir-rigward ta’ punt (d) ta’ l-ewwel subparagrafu, fil-każ tal-laħam li tpoġġa fil-ħażna wara tqattigħ, iddissussar parzjali jew l-iddissussar, l-użin għandu jitwettaq fuq prodotti li effettivament tqegħdu fil-ħażna u jista’ jsir fil-post ta’ tqattigħ, tad-dissussar parzjali jew tad-dissussar. Id-determinazzjoni tal-piż ta’ prodotti li sejrin jitpoġġew fil-ħażna m’għandiex issir qabel il-konklużjoni tal-kuntratt.

3.   Il-parti kontraenti jew, fejn applikabbli, l-operatur tal-post tal-ħażna, għandu jżomm rendikont tal-ħażna disponibbli fil-maħżen li tkopri, bin-numru tal-kuntratt:

(a)	l-identifikazzjoni tal-prodotti mpoġġija fil-ħażna privata għal kull lott/grupp/bettija/fossa;

(b)	id-dati tad-dħul fil-ħażna jew tal-ħruġ minnha;

(c)	il-kwantità indikata għal kull ħażna għal kull lott/grupp/bettija/fossa;

(d)	il-pożizzjoni tal-prodotti fil-maħżen.

Artikolu 23

Konkluzjonijiet ta’ kuntratti għal għajnuna stabbilita minn qabel

1.   Għall-prodotti diġà fil-post tal-ħażna, il-kuntratti għandhom ikunu konklużi fi żmien 30 ġurnata mid-data ta’ meta waslet l-informazzjoni msemmija fl-Artikolu 17(2)(f) suġġetta, fejn xieraq, għal konferma sussegwenti dwar l-eliġibilltà tal-prodotti msemmija fit-tieni subparagrafu tal-Artikolu 36(2). Fil-każ li ma jkunx hemm konferma ta’ eliġibilltà, il-kuntratt ikkunċernat għandu jkun nulli u bla effett.

2.   Għall-prodotti li għadhom mhumiex maħżuna, id-deċiżjoni dwar l-applikazzjonijiet għandhom ikunu notifikati mill-awtoritajiet kompetenti lil kull applikant fil-ħames jum xogħol mill-jum li fih kienet ippreżentata l-applikazzjoni, sakemm il-Kummissjoni ma taddottax miżuri speċjali f’konformità mal-paragrafu 3 matul dan il-perjodu; il-kuntratt għandu jkun meqjuż bħala konkluż fil-jum li tintbagħat in-notifika tad-deċiżjoni msemmija f’dan il-paragrafu.

3.   Fil-każ ta’ għajnuna stabbilita minn qabel għall-laħam taċ-ċanga, tal-majjal, tal-mogħoż u tan-nagħaġ, meta eżami tas-sitwazzjoni turi li sar użu eċċessiv ta’ l-iskema ta’ l-għajnuna stabbilita minn dan ir-Regolament, jew li hemm riskju ta’ użu eċċessiv, il-Kummissjoni tista’:

(a)	tissospendi l-applikazzjoni ta’ dan ir-Regolament għal mhux aktar minn ħamest ijiem xogħol; l-applikazzjonijiet għall-konklużjoni tal-kuntratti ippreżentati matul dak il-perjodu m’għandhomx jiġu aċċettati,

(b)	tistabbillixxi persentaġġ waħdieni li permezz tiegħu il-kwantitajiet fl-applikazzjonijiet għall-konklużjoni tal-kuntratti huma mnaqqsa, suġġetti għall-osservanza tal-kwantità minima miftiehma fejn xieraq,

(c)	tirrifjuta l-applikazzjonijiet magħmula qabel il-perjodu taż-żmien tas-sospensjoni li l-aċċettazzjoni tagħhom tkun ġiet deċiża matul il-perjodu taż-żmien tas-sospensjoni.

Artikolu 24

Konkluzjoni ta’ kuntratti għall-għajnuna mogħtija permezz ta’ sejħa għall-offerti

Wara t-trasmissjoni sħiħa ta’ l-informazzjoni msemmija fl-Artikolu 20, l-awtorità kompetenti ta’ l-Istat Membru għandha tinnotifika lill-offerent magħżul li l-informazzjoni kollha neċessarja ingħatat u li minn dak il-mument huwa kkunsidrat li ġie konkluż kuntratt.

Id-data tal-konklużjoni tal-kuntratt għandha tkun dik li fiha l-awtorità kompetenti ta’ l-Istati Membri nnotifikaw il-partijiet kontraenti.

Artikolu 25

Tqegħid fil-ħażna ta’ prodotti li għadhom mhumiex maħżuna

1.   Għall-prodotti li t-tqegħid fil-ħażna tagħhom issir wara l-konklużjoni ta’ kuntratt, il-kwantità miftehma għandha tkun imqiegħda fil-ħażna fi żmien 28 jum wara d-data tal-konkluzjoni tal-kuntratt.

2.   Il-prodotti jistgħu jiġu mqiegħda fil-ħażna f’lottijiet/gruppi/btieti/fosos individwali, sakemm kull lott/grupp/bettija/fossa ikun jirrapreżenta l-kwantità mpoġġija fil-ħażna f’dik il-ġurnata skond il-kuntratt u skond il-post tal-ħażna.

3.   It-tqegħid fil-ħażna għandu jintemm fil-jum li fih jitqiegħed fil-ħażna l-aħħar lott/grupp/bettija/fossa individwali tal-kwantità miftiehma.

Artikolu 26

Dispożizzjonijiet addizzjonali dwar it-tqegħid fil-ħażna ta’ prodotti tal-laħam

1.   Fil-każ taċ-ċanga, il-partijiet kontraenti jistgħu, permezz tas-superviżjoni permanenti tal-awtorità kompetenti u matul il-perjodu ta’ tpoġġija fil-ħażna, iqattgħu, parzjalment jiddissussaw jew jiddissussaw il-prodotti kollha jew parti minnhom, sakemm kwantità biżżejjed ta’ karkassi tkun użata biex tassigura li t-tunnaġġ li dwaru l-kuntratt ikun ġie konkjuż jkun maħżun u li l-laħam kollu li jirriżulta minn dik l-operazzjoni jitqiegħed fil-ħażna. Il-partijiet kontraenti li jixtiequ jagħmlu użu minn din il-possibiltà għandhom jinnotifikaw lill-awtorità kompetenti sa mhux aktar tard mill-jum li fih jinbeda it-tqegħid fil-ħażna.

Madanakollu, l-awtorità kompetenti tista’ titlob li n-notifika msemmija fl-ewwel subparagrafu issir għallinqas jumejn xogħol qabel it-tqegħid fil-ħażna ta’ kull lott indiviwali.

L-għeruq il-kbar, il-qrieqeċ, l-għadam, l-biċċiet tax-xaħam u l-bċejjeċ l-oħra mħollija mit-tqattigħ, id-dissussar parzjali jew id-dissussar ma jistgħux jiġu maħżuna.

2.   Għall-prodotti tal-laħam, it-tqegħid fil-ħażna għandu jibda, għal kull lott individwali tal-kwantità miftiehma, fil-jum li fih jiġi taħt il-kontroll ta’ l-awtorità kompetenti. Dak il-jum għandu jkun il-jum li fih l-piż nett tal-prodott frisk u imkessaħ frisk ikun detterminat:

(a)	fil-post tal-ħażna, meta l-prodott huwa ffriżat fil-post;

(b)	fil-post tal-friża, meta l-prodott jiġi ffriżat f’faċilitajiet xierqa ‘il barra mill-post tal-ħażna;

(c)	fuq il-post fejn jitneħħa l-għadam jew isir il-qtugħ, meta l-laħam jitqiegħed fil-ħażna wara t-tneħħija ta’ l-għadam jew wara l-qtugħ.

Artikolu 27

Perjodu ta’ ħazna miftiehem

1.   Fejn il-prodotti jitqegħdu fil-ħażna wara l-konkluzjoni ta’ kuntratt, il-perjodu tal-ħażna miftiehem jibda fil-jum wara dak li fih tqiegħed l-aħħar lott/grupp/bettija/fossa għall-ħażna.

2.   Għall-prodotti diġà fil-ħażna, il-perjodu ta’ ħażna miftiehem għandu jibda fil-jum ta’ wara li l-awtoritajiet kompetenti jkunu rċevew l-informazzjoni msemmija fl-Artikoli 10(2)(f) u 17(2)(f).

3.   Għż-żejt taż-żebbuġa, il-perjodu ta’ ħażna miftiehem m’għandux jibda qabel ikunu ssiġillati l-btieti wara li jkunu ttieħdu l-kampjuni.

4.   L-aħħar ġurnata tal-perjodu tal-ħażna tista’ tkun stabbilita fir-Regolament tal-ftuħ tas-sejħa għall-offerti jew ir-Regolament li jistabbilixxi l-ammont ta’ għajnuna minn qabel, kif imsemmi fl-Artikolu 9(2)(i) u 16(2)(f).

Artikolu 28

Tneħħija mill-ħażna

1.   It-tneħħija mill-ħażna tista’ tibda fil-jum ta’ wara l-aħħar jum tal-perjodu ta’ ħażna miftiehem jew, skond il-każ, mid-data speċifikata fir-Regolament li jistabbilixxi l-ammont ta’ għajnuna minn qabel jew il-ftuħ tas-sejħa għall-offerti.

2.   Tneħħija mill-maħżen għandha tkun f’lottijiet sħaħ ta’ ħażna jew, jekk l-awtorità kompetenti hekk tawtorizza, fi kwantitajiet iżgħar.

Madanakollu, fil-każ imsemmi fl-Artikolu 27(3) u fl-Artikolu 36(5)(a), kwantitajiet issiġillati biss jistgħu ikunu mneħħija mill-ħażna.

3.   Jista’ jkun ipprovdut li ma’ l-iskadenza ta’ xahrejn tal-perjodu ta’ ħażna, il-parti kontraenti tista’ tneħħi mill-ħażna parti mill-kwantità tal-prodotti jew il-kwantità kollha taħt kuntratt, suġġett għall-minimu ta’ 5 tunellati għal kull parti kontraenti u għal kull post tal-ħażna jew, jekk hemm anqas minn 5 tunnellati disponibbli, il-kwantità kollha taħt kuntratt ġol-post tal-ħażna, basta li, fi żmien 60 ġurnata mit-tneħħija tagħhom mill-ħażna, tintleħaq waħda mill-kundizzjonijiet li ġejjin:

(a)	il-prodotti telqu mit-territorju doganali tal-Komunità mingħajr ipproċessar ulterjuri,

(b)	il-prodotti laħqu d-destinazzjoni tagħhom mingħajr aktar proċessar, fil-kazijiet riferiti fl-Artikolu 36(1) tar-Regolament tal-Kummissjoni (KE) Nru 800/1999 (16), jew

(c)	il-prodotti tqiegħdu mingħajr iktar proċessar f’maħżen tal-forniment approvat skond l-Artikolu 40(2) tar-Regolament (KE) Nru 800/1999.

Il-perjodu miftiehem għal kull lott individwali għall-esportazzjoni għandu jispiċċa fil-ġurnata preċedenti:

(a)	id-data tal-ħruġ mill-maħżen; jew

(b)	Il-jum ta’ l-aċċetazzjoni tad-dikjarazzjoni ta’ l-esportazzjoni, meta l-prodott ma jkunx ġie mċaqlaq.

L-ammont ta’ l-għajnuna għandu jiġi mnaqqas fil-proporzjon tat-tnaqqis fil-perjodu taż-żmien tal-ħażna billi jiġu applikati ammonti ta’ kuljum stabbiliti mill-Kummissjoni skond il-proċedura riferita fl-Artikolu 195(2) tar-Regolament (KE) Nru 1234/2007.

Għall-iskopijiet ta’ dan il-paragrafu, għandha tiġi fornita prova ta’ l-esportazzjoni skond l-Artikoli 7 u 8 tar-Regolament (KE) Nru 800/1999 fil-każ ta’ prodotti li jikkwalifikaw għal rifużjoni.

Fil-każ ta’ prodotti li ma jikkwalifikawx għal rifużjoni, prova ta’ esportazzjoni għandha tkun fornita fil-każijiet li jipprovdi għalihom l-Artikolu 8 tar-Regolament (KE) Nru 800/1999 billi tkun ipprovduta l-kopja ta’ kontroll T5 oriġinali, skond l-Artikoli 912a, 912b, 912c, 912e u 912g tar-Regolament tal-Kummissjoni (KEE) Nru 2454/93 (17). Fil-kaxxa 107 tal-kopja tal-kontroll għandu jkun indikat in-numru ta’ dan ir-Regolament.

Artikolu 29

Notifikazzjoni tat-tneħħija

Il-parti kontraenti għandha tinnotifika l-awtorità kompetenti waqt bi ħsiebha tibda tneħħi l-prodotti mill-ħażna, skond id-dispożizzjonijet imsemmija fl-Artikolu 36(6).

Fil-każi fejn il-ħtiġijiet ta’ l-ewwel paragrafu ma ntlaħqux iżda l-awtorità kompetenti hija sodisfatta li biżżejjed evidenza ġiet fornita, sa 30 ġurnata wara t-tneħħija mill-ħażna, tad-data tat-tneħħija mill-ħażna u l-kwantitajiet ikkonċernati, l-għajnuna għandha tkun imnaqqsa bi 15 % u għandha tkun imħallsa biss għal dak il-perjodu li għalih il-parti kontraenti tagħti evidenza sodisfaċenti lill-awtorità kompetenti li l-prodotti kien miżmum fil-ħażna kif miftiehem.

Fil-każi fejn il-ħtiġijiet ta’ l-ewwel paragrafu ma ntlaħqux u l-awtorità kompetenti ma tkunx soddisfatta li biżżejjed evidenza ġiet fornita, sa 30 ġurnata wara t-tneħħija mill-ħażna, tad-data tat-tneħħija mill-ħażna u l-kwantitajiet ikkonċernati, m’għandha tingħata ebda għajnuna fir-rigward ta’ dak il-kuntratt, u meta applikabbli, il-garanzija kollha għandha tkun sekwestrata għal dak il-kuntratt ikkonċernat.

KAPITOLU V

Ħlas ta’ għajnuna

Artikolu 30

Applikazzjoni għal ħlas ta’ għajnuna

1.   L-għajnuna, jew, fil-każ li kien ingħata ħlas minn qabel skond l-Artikolu 31, il-bilanċ ta’ l-għajnuna, għandha tkun imħallsa fuq il-bażi ta’ applikazzjoni għall-ħlas mressaq mill-parti kontraenti fi żmien tliet xhur minn meta jispiċċa il-perjodu ta’ ħażna miftiehem.

2.   Meta l-parti kontraenti ma kienetx kapaċi turi dokumenti ta’ appoġġ fil-limitu ta’ żmien ta’ tliet xhur għalkemm ħadmet immedjatament biex iġġibhom fil-ħin, din tista’ tingħata estenżjoni, li ma tistax tkun iktar minn total ta’ tliet xhur.

3.   Meta jiġi applikat l-ewwel subparagrafu ta’ l-Artikolu 28(3) ta’ dan ir-Regolament, il-prova meħtieġa għandha tiġi prodotta fil-limitu taż-żmien speċifikati fl-Artikolu 49(2), (4) u (6) tar-Regolament (KE) Nru 800/1999.

Artikolu 31

Il-ħlas ta’ l-għajnuna minn qabel

1.   Wara 60 jum ta’ ħażna, jista’ jsir ħlas wieħed bil-quddiem, fuq it-talba tal-parti kontraenti, sakemm jiddepożita garanzija ta’ l-istess ammont tal-ħlas bil-quddiem miżjud b’10 %.

2.   Il-pagament bil-quddiem m’għandux jeċċedi l-ammont ta’ l-għajnuna korrespondenti għall-perjodu ta’ ħażna ta’ 90 jum jew tliet xhur, fejn xieraq. Il-garanzija msemmija fil-paragrafu 1 għandha tkun meħlusa kif il-bilanċ ta’ l-għajnuna jkun mħallas.

Artikolu 32

Ħlas ta’ għajnuna

Il-ħlas ta’ l-għajnuna jew il-bilanċ ta’ l-għajnuna għandu jsir sa 120 jum wara d-data meta ġiet imressqa l-applikazzjoni għall-ħlas ta’ l-għajnuna sakemm intleħqu l-obbligi tal-kuntratt u saru l-kontrolli ta’ l-aħħar. Madanakollu, fil-każ li hemm xi inkejsta amminstrattiva, il-ħlas ma jsirx qabel ikun rikonxxut l-intitolament.

Artikolu 33

Ħlas ta’ għajnuna fil-każ ta’ iddissussar fis-settur tal-laħam taċ-ċanga

1.   Fil-kaz tat-tneħħija ta’ l-għadam, jekk il-kwantità fil-fatt maħżuna ma taqbiżx is-67 kilogramma ta’ laħam mingħajr l-għadam għal kull 100 kilogramma tal-laħam bl-għadam użat, ma għandha titħallas l-ebda għajnuna.

2.   Jekk il-kwantità fil-fatt maħżuna taqbeż is-67 kilogramma imma hija inqas minn 75 kilogramma ta’ laħam mingħajr għadam għal kull 100 kilogramm tal-laħam bl-għadam użat, l-ammont ta’ l-għajnuna jiġi mnaqqas proporzjonalment.

3.   Ma għandhom japplikaw l-ebda tnaqqis jew żieda fl-ammont ta’ l-għajnuna meta l-kwantità fil-fatt maħżuna tkun ta’ 75 kilogramma jew aktar tal-laħam mingħajr l-għadam għal kull 100 kilogramma ta’ laħam bl-għadam użat.

Artikolu 34

Tnaqqis ta’ l-ammont jew esklużjoni mill-ħlas

1.   Minbarra f’każi ta’ force majeure, jekk il-kwantità fil-fatt maħżuna matul il-perjodu taż-żmien tal-ħażna miftiehem tkun inqas mill-kwantità miftiehma u mhux inqas minn 99 % ta’ din il-kwantità, l-għajnuna għandha titħallas għall-kwantità fil-fatt maħżuna. Madanakollu, jekk l-awtorità kompetenti jsibu li l-parti kontraenti aġixxit deliberatament u b’mod negliġenti, din tista’ tiddeċiedi biex tnaqqas l-għajnuna iktar jew ma tħallasx l-għajnuna.

Għall-majjal, ċanga, laħam tan-nagħaġ u laħam tal-mogħoż, l-għajnuna għandha titħallas għall-kwantità maħżuna fil-fatt jekk din tirrapreżenta mhux inqas minn 90 % tal-kwantità miftiehma.

Għaż-żejt taż-żebbuġa, l-għajnuna għandha titħallas għall-kwantità maħżuna fil-fatt jekk din tirrapreżenta mhux inqas minn 98 % tal-kwantità miftiehma.

Għall-ġobon, l-għajnuna għandha titħallas għall-kwantità maħżuna fil-fatt jekk din tirrapreżenta mhux inqas minn 95 % tal-kwantità miftiehma.

2.   Minbarra f’każi ta’ force majeure, jekk il-kwantità fil-fatt maħżuna matul il-perjodu taż-żmien tal-ħażna miftiehem tkun inqas mill-perċentwali indikati fil-paragrafu 1, iżda mhux inqas minn 80 % tal-kwantità miftiehma, l-għajnuna għall-kwantità fil-fatt maħżuna għandha titnaqqas bin-nofs. Madanakollu, jekk l-awtorità kompetenti jsibu li l-parti kontraenti aġixxit deliberatament u b’mod negliġenti, din tista’ tiddeċiedi biex tnaqqas l-għajnuna iktar jew ma tħallasx l-għajnuna.

3.   Minbarra f’każi ta’ force majeure, jekk il-kwantità fil-fatt maħżuna matul il-perjodu ta’ ħażna miftiehma tkun anqas mit-80 % tal-kwantità miftiehma, ebda għajnuna m’għandha tkun imħallsa.

4.   Jekk il-limitu taż-żmien riferit fl-Artikolu 25(1) jinqabeż b’aktar minn għaxart ijiem, ma għandha tiġi konċessa l-ebda għajnuna.

5.   Jekk minn kontrolli matul il-perjodu tal-ħażna jew mat-tneħħija minna, jirriżultaw prodotti difettużi, ebda għajnuna m’għandha titħallas għal dawk il-kwantitajiet. Il-bqija tal-lott tal-ħażna li għadha eliġibbli għall-għajnuna għandha tkun mhux inqas mill-kwantità minima msemmija fir-Regolament tal-ftuħ tas-sejħa għall-offerti jew ir-Regolament li jistabbilixxi l-ammont ta’ għajnuna minn qabel. L-istess regola għandha tapplika meta parti mill-lott tal-ħażna huwa mneħħi għal dik ir-raġuni qabel il-perjodu ta’ ħażna minima jew, qabel l-ewwel data aċċettata għall-operazzjonijet ta’ tneħħija, meta din id-data hija prevista fir-Regolament tal-ftuħ tas-sejħa għall-offerti jew fir-Regolament li jistabbilixxi l-ammont ta’ għajnuna minn qabel.

Prodotti difettużi m’għandhomx ikunu inklużi fil-kalkolu tal-kwantità effettivament maħżuna msemmija fil-paragrafi 1, 2 u 3.

6.   Minbarra f’każi ta’ force majeure, meta l-parti kontraenti ma tirrispettax it-tmiem tal-perjodu tal-ħażna miftiehem, jekk kienet stabbilita din id-data skond l-Artikolu 27(4), jew il-limitu ta’ xagħrejn li hemm referenza dwaru fit-28(3) għat-totalità tal-kwantità maħżuna, kull jum ta’ nuqqas ta’ konformità ikun tfisser tnaqqis ta’ 10 % fl-ammont ta’ l-għajnuna għall-kuntratt f’dak il-każ. Madanakollu, dan it-tnaqqis ma jaqbix il-100 % ta’ l-ammont ta’ l-għajnuna.

KAPITOLU VI

Komunikazzjonijiet

Artikolu 35

Obbligi ta’ komunikazzjonijiet mill-Istati Membri lill-Kummissjoni

1.   L-Istati Membri għandhom jinnotifikaw lill-Kummissjoni:

(a)	ta’ l-inqas darba fil-ġimgħa bil-prodotti u l-kwantitajiet li għalihom ġie konkluż kuntratt matul il-ġimgħa ta’ qabel, mqassma skond il-perjodu ta’ ħażna u meta applikabbli, il-kwantitajiet tal-prodotti li għalihom ġew imressqa applikazzjonijiet biex ikunu konklużi kuntratti;

(b)

mhux iktar tard mill-aħħar tax-xahar, għax-xahar ta’ qabel: (i) il-kwantitajiet tal-prodotti mqiegħda jew mneħħija mill-ħażna matul ix-xahar kkonċernat u meta applikabbli, mqassma skond il-kategorija; (ii) il-kwantitajiet tal-prodotti fil-ħażna matul ix-xahar kkonċernat u meta applikabbli, mqassma skond il-kategorija; (iii) il-kwantitajiet tal-prodotti li għalihom spiċċa l-perjodu tal-ħażna miftiehem; (iv) jekk il-perjodu tal-ħażna jkun ġie mqassar jew estiż, skond l-Artikolu 43 (d) (ii) u (iii) tar-Regolament (KE) Nru 1234/2007, il-prodotti u l-kwantitajiet li għalihom il-perjodu tal-ħażna jkun ġie rrivedut u x-xhur oriġinali u rriveduti għat-tneħħija mill-ħażna.

2.   Il-Kummissjoni għandha tipprovdi lill-Istati Membri bil-mudell għan-notifiki kollha.

3.   Iktar informazzjoni dettaljata dwar in-notifiki għandha tkun stabbilita fir-Regolament tal-ftuħ tas-sejħa għall-offerti jew ir-Regolament li jistabbilixxi l-ammont ta’ għajnuna minn qabel.

KAPITOLU VII

Il-kontrolli u l-penali

Artikolu 36

Kontrolli

1.   L-Istati Membri għandhom jieħdu l-miżuri neċessarji bil-ħsieb li jiżguraw l-konformita’ ma’ dan ir-Regolament. Dawn il-miżuri għandhom jinkludu kontrolli amministrattivi sħaħ ta’ l-applikazzjonijiet għall-għajnuna, li għandhom ikunu ssuplimentati b’kontrolli fuq il-post kif speċifikat fil-paragrafi minn 2 sa 8.

2.   L-awtorità responsabbli għall-kontrolli għandha tagħmel kontrolli fuq il-prodotti li jidħlu fil-ħażna:

(a)	għall-prodotti tal-laħam, fil-mument li jitqiegħdu fil-ħażna;

(b)	għaż-żejt taż-żebbuġa, qabel ma jkun issiġillat fil-btieti;

(c)	għal prodotti oħra, fi żmien 30 ġurnata mid-data ta’ meta tqiegħdu fil-ħażna jew mid-data ta’ l-irċevuta ta’ l-informazzjoni msemmija fl-Artikolu 10(2)(f) jew 17(2)(f) għall-prodotti diġà fil-ħażna.

Mingħajr preġudizzju għall-Artikoli 26, 27(3) u l-punt (a) ta’ l-ewwel subparagrafu tal-paragrafu 5 ta’ dan l-Artikolu, biex ikun żgurat li l-prodotti maħżuna huma eliġibbli għall-għajnuna, kampjun rappreżentattiv ta’ mill-inqas 5 % tal-kwantitajiet mqegħdha fil-ħażna għandhom ikunu kkontrollati fiżikament biex ikun żgurat li, fir-rigward ta’ pereżempju, it-toqol, l-identifikazzjoni, in-natura u l-kompożizzjoni tal-prodotti, il-lottijiet maħżuna jikkonformaw mad-dettalji fl-applikazzjoni għall-konkluzjoni tal-kuntratt.

3.   Meta l-Istat Membur jista’ joffri raġuni valida, il-limitu ta’ 30 jum stabblit fil-paragrafu 2 jista’ jkun estiż bi 15-il jum.

4.   Fil-każi li l-kontrolli juru li l-prodotti maħżuna ma jaqblux mal-ħtiġijiet ta’ kwalità msemmija fl-Anness I, il-garanzija msemmija fl-Artikolu 9(2)(h) u fl-Artikolu 16(2)(i), jekk imressqa, għandha tkun issekwestrata.

5.   L-awtorità responsabbli għall-kontrolli għandha:

(a)	tissiġilla l-prodotti b’kuntratt, lott ta’ ħażna jew kwantità iżgħar fiż-żmien tal-verifika prevista mill-paragrafu 2, jew

(b)	tagħmel kontroll mhux imħabbar biex tiżgura li l-kwantità miftiehma qiegħda fil-post tal-ħażna.

Il-kontroll imsemmi fil-punt (b) ta’ l-ewwel subparagrafu għandu jaqbel ma’ ta’ l-inqas 10 % tal-kwantità totali fil-kuntratt u għandu jkun rappresentattiv. Kontrolli bħal dawn għandhom jinkludu eżami tar-reġistri tal-ħażna kif imsemmija fl-Artikolu 22(3) u dokumenti li jappoġġjawhom bħal ma huma biljetti tat-toqol u vawċers tal-kunsinja u, verifika tat-toqol, tip ta’ prodotti u l-identifkazzjoni tagħhom ta’ mill-inqas 5 % tal-kwantità suġġetta għall-kontroll mhux imħabbar.

6.   Fl-aħħar tal-perjodu ta’ ħażna miftiehem, l-awtorità responsabbli għal kontroll għandha, skond il-kuntratt, permezz ta’ kampjuni, tiċċekkja t-toqol u l-identifikazzjoni tal-prodotti fil-ħażna. Għall-iskopijiet ta’ dan il-kontroll, il-parti kontraenti għandha tinforma lill-korp kompetenti, b’indikazzjoni tal-lottijiet/gruppi/btieti/fosos maħżuna involuti, ta’ l-inqas ħamest ijiem qabel:

(a)	l-egħluq tal-perjodu massimu ta’ ħażna miftiehem; jew

(b)	il-bidu ta’ l-operazzjonijiet tat-tneħħija meta l-prodotti jkunu mneħħija qabel jiskadi l-perjodu massimu ta’ ħażna miftiehem.

L-Istati Membri jista’ jaċċetta limitu ta’ żmien iqsar minn ħamest ijiem tax-xogħol.

7.   Meta tapplika l-għażla tal-paragrafu 5(a), għandha tkun ikkontrollata l-preżenza u l-integrità tas-siġilli applikati fl-aħħar tal-perjodu ta’ ħażna miftiehem. L-ispejjeż tas-siġġillar u tat-tqandil għandhom jinġarru mill-parti kontraenti.

8.   Kull kampjun meħud għall-kontroll ta’ kwalità u l-kompożizzjoni tal-prodotti għandu jittieħed minn uffiċjali tal-awtorità responsabbli għall-kontrolli jew fil-preżenza tagħhom.

Kontroll fiżiku jew kontroll tat-toqol għandu jsir fil-preżenza ta’ dawn l-uffiċjali fil-proċedura ta’ l-użin.

Għall-iskopijiet tar-rekord tat-tranżazzjonijiet, kull reġistru u dokument tal-ħażna u finanzjarju kkontrollat min dawn l-uffiċjali għandu jkun ittimbrat u innizjalat waqt iż-żjara ta’ kontroll. Meta jkunu kontrollata r-rekords tal-kompjuter, kopja għandha tkun stampata u miżmuma fil-fajl ta’ ispezzjoni.

Artikolu 37

Ir-Rappurtar

1.   L-awtorità responsabbli għal kontroll għandha tagħmel rapport ta’ kontroll dwar kull kontroll fuq il-post. Ir-rapport għandu jiddeskrivi l-prodotti differenti kkontrollati preċiżament.

Ir-rapport għandu jistabbilixxi:

(a)	id-data u l-ħin tal-bidu tal-kontroll;

(b)	id-dettalji tan-notifika minn qabel mogħtija;

(c)	kemm dam il-kontroll;

(d)	il-persuni responsabbli preżenti;

(e)	in-natura u l-qies tal-kontrolli magħmula, partikolarment bid-dettalji tad-dokumenti u l-prodotti eżaminati;

(f)	ir-riżultati prinċipali u l-konklużjonijiet;

(g)	jekk hemmx bżonn segwitu.

Ir-rapport għandu jiġi ffirmat mill-uffiċjal responsabbli u kkontroffirmat mill-parti kontrattanti jew, meta japplika, mill-operatur tal-maħżen u għandu jiġi inkluż fid-dokument tal-ħlas.

2.   Fil-każ ta’ irregolaritajiet sinifikanti li jaffetwaw mill-inqas 5 % tal-kwantitajiet tal-prodotti koperti b’kuntratt waħdieni suġġetti għall-kontrolli, il-verifika għandha tiġi estiża għal kampjun akbar li jrid jiġi stabbilit mill-awtorità responsabbli mill-kontrolli.

3.   L-awtorità responsabbli għall-kontroll għandha tirreġistra kull każ ta’ nuqqas ta’ konformità fuq il-bażi tal-kriterji tal-gravità, qies, tul u ripetizjoni li tista’ tirriżulta f’eskluzjoni skond l-Artiklu 38(1), u/jew fil-ħlas lura ta’ għajnuna li tħallset mingħajr ma kien mistħoqq, inkluż l-interessi fejn applikabbli, skond il-paragrafu 4 ta’ dan l-Artikolu.

Artikolu 38

Penali

1.   Meta l-awtorità kompetenti ta’ Stat Membru ssib li dokument ippreżentat minn offerent jew applikant għall-attribuzzjoni tad-drittijiet li joriġinaw minn dan ir-Regolament ikollu informazzjoni skorretta u meta din l-informazzjoni skorretta tkun deċiżiva għall-attribuzzjoni ta’ dawk id-drittijiet, l-awtoritàt kompetenti għandha teskludu lill-offerent jew applikant mill-proċedura ta’ għajnuna għall-ħażna privata għall-istess prodott li fuqu ingħatat informazzjoni skorretta għal perjodu ta’ sena minn meta ssir deċiżjoni amministrativa finali li tistabbilixxi l-irregolarità.

2.   L-esklużjoni prevista miIl-paragrafu 1 ma għandiex tapplika jekk l-offerent jew l-applikant jagħti prova, għas-sodisfazzjon ta’ l-awtoritajiet kompetenti, li s-sitwazzjoni msemmija f’dakil-paragrafu tkun minħabba force majeure jew żball ċar.

3.   Ħlas li ma kienx mistħoqq għandu jkun irkuprat, bl-interessi mingħand l-opertauri kkonċernati. Ir-regoli stabbiliti fl-Artikolu 73 tar-Regolament tal-Kummissjoni (KE) Nru 796/2004 (18) għandhom japplikaw mutatis mutandis.

4.   Implimentazzjoni ta’ penaltajiet amministrattivi u rkupru ta’ ammonti imħallsa meta mhux mistħoqq, kif provdut f’dan l-Artikolu, huma mingħajr preġudizzju għall-kommunikazzjoni ta’ irregolaritajiet lill-Kummissjoni skond ir-Regolament tal-Kummisjoni (KE) Nru 1848/2006 (19).

KAPITOLU VIII

Dispożizzjonijiet li jemendaw, li jirrevokaw u finali

Artikolu 39

Emenda għar-Regolament (KE) Nru 562/2005

Il-Paragrafu 2 ta’ l-Artikolu 1 u l-Artikolu 3 tar-Regolament (KE) Nru 562/2005 huma mħassra.

Artikolu 40

Emenda għar-Regolament (KE) Nru 952/2006

Il-Kapitlu VIa tar-Regolament (KE) Nru 952/2006 jitħassar.

Madanakollu, jibqa’ japplika għall-kuntratti konklużi fl-2008 skond il-Kapitlu mħassar.

Artikolu 41

Emenda għar-Regolament (KE) Nru 105/2008

Il-Kapitlu III tar-Regolament (KE) Nru 105/2008 huwa mħassar.

Madanakollu, jibqa’ japplika għall-kuntratti konklużi fl-2008 skond il-Kapitlu mħassar.

Artikolu 42

Revoki

Ir-Regolament (KEE) Nru 3444/90, (KE) Nru 907/2000, (KE) Nru 2153/2005, (KE) Nru 6/2008 u (KE) Nru 85/2008 huma revokati. Madanakollu, għandhom jibqgħu japplikaw għall-kuntratti konklużi skond ir-Regolamenti revokati qabel id-dħul fis-seħħ ta’ dan ir-Regolaament.

Ir-Regolament (KE) Nru 2659/94 hu mħassar. Madanakollu, jibqa’ japplika għall-kuntratti konklużi skond dak ir-Regolament revokat qabel l-1 ta’ Marzu 2009.

Ir-Regolament (KE) Nru 414/2008 hu mħassar. Madanakollu, jibqa’ japplika għall-kuntratti konklużi skond dak ir-Regolament revokat waqt is-sena tas-suq 2008/2009.

Artikolu 43

Dħul fis-seħħ

Dan ir-Regolament għandu jidħol fis-seħħ fis-seba’ jum mill-pubblikazzjoni tiegħu f’ Il-Ġurnal Uffiċjali ta’ l-Unjoni Ewropea.

---

(1)  ĠU L 299, 16.11.2007, p. 1. Ir-Regolament kif emendat bir-Regolament tal-Kummissjoni (KE) Nru 510/2008 (ĠU L 149, 7.6.2008, p. 61).

(2)  ĠU L 205, 3.8.1985, p. 5. Ir-Regolament kif emendat bir-Regolament (KE) Nru 1913/2006 (ĠU L 365, 21.12.2006, p. 52).

(3)  ĠU L 95, 14.4.2005, p. 11.

(4)  ĠU L 178, 1.7.2006, p. 39. Ir-Regolament kif emendat bir-Regolament (KE) Nru 707/2008 (ĠU L 197, 25.7.2008, p. 4).

(5)  ĠU L 32, 6.2.2008, p. 3.

(6)  ĠU L 333, 30.11.1990, p. 22. Ir-Regolament kif emendat bir-Regolament (KE) 1913/2006 (ĠU L 365, 21.12.2006, p. 52).

(7)  ĠU L 284, 1.11.1994, p. 26. Ir-Regolament kif emendat bir-Regolament (KE) Nru 588/2007 (ĠU L 139, 31.5.2007, p. 16).

(8)  ĠU L 105, 3.5.2000, p. 6. Ir-Regolament kif emendat bir-Regolament (KE) Nru 1913/2006 (ĠU L 365, 21.12.2006, p. 52).

(9)  ĠU L 342, 24.12.2005, p. 39.

(10)  ĠU L 3, 5.1.2008, p. 13.

(11)  ĠU L 27, 31.1.2008, p. 3.

(12)  ĠU L 125, 9.5.2008, p. 17. Regolament kif emendat bir-Regolament (KE) Nru 750/2008 (ĠU L 202, 31.7.2008, p. 44).

(13)  ĠU L 209, 11.8.2005, p. 1.

(14)  ĠU L 13, 19.1.2000, p. 12.

(15)  ĠU L 251, 27.7.2004, p. 9.

(16)  ĠU L 102, 17.4.1999, p. 11.

(17)  ĠU L 253, 11.10.1993, p. 1.

(18)  ĠU L 141, 30.4.2004, p. 18.

(19)  ĠU L 355, 15.12.2006, p. 56.

---

---

---

---

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/23

---

REGOLAMENT TAL-KUMMISSJONI (KE) Nru 827/2008

ta’ l-20 ta’ Awwissu 2008

li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti mir-Regolament (KE) Nru 1109/2007 għas-sena tas-suq 2007/2008

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 318/2006 ta' l-20 ta' Frar 2006 dwar l-organizzazzjoni komuni tas-swieq fis-settur taz-zokkor (1),

Wara li kkunsidrat ir-Regolament tal-Kummissjoni (KE) Nru 951/2006 tat-30 ta' Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam mal-kummerċ mal-pajjiżi terzi fis-settur taz-zokkor (2), u b'mod partikulari l-Artikolu 36 tiegħu,

Billi:

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2007/2008 ġew stabbiliti mir-Regolament tal-Kummissjoni (KE) Nru 1109/2007 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 816/2008 (4).

(2)	L-informazzjoni li l-Kummissjoni għandha fi jdejha llum twassal biex dawn l-ammonti jiġu mmodifikati, skond ir-regoli ddettaljati pprovduti fir-Regolament (KE) Nru 951/2006,

ADOTTAT DAN IR-REGOLAMENT:

Artikolu 1

Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti mir-Regolament (KE) Nru 1109/2007 għas-sena tas-suq 2007/2008, huma mmodifikati, u jinsabu fl-Anness ta' dan ir-Regolament.

Artikolu 2

Dan ir-Regolament jidħol fis-seħħ fil-21 ta’ Awwissu 2008.

---

(1)  ĠU L 58, 28.2.2006, p. 1. Regolament kif emendat l-aħħar mir- Regolament (KE) Nru 1260/2007 (ĠU L 283, 27.10.2007, p. 1). Ir-Regolament (KE) Nru 318/2006 ser jinbidel bir-Regolament (KE) Nru 1234/2007 (ĠU L 299, 16.11.2007, p. 1) mill-1 ta' Ottubru 2008.

(2)  ĠU L 178, 1.7.2006, p. 24. Regolament kif emendat l-aħħar mir- Regolament (KE) Nru 514/2008 (ĠU L 150, 10.6.2008, p. 7).

(3)  ĠU L 253, 28.9.2007, p. 5.

(4)  ĠU L 220, 15.8.2008, p. 14.

---

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/25

---

IL-KUMMISSJONI AMMINISTRATTIVA TAL-KOMUNITAJIET EWROPEJ DWAR IS-SIGURTÀ SOĊJALI GĦALL-ĦADDIEMA MIGRANTI

ID-DEĊIŻJONI Nru 208

tal-11 ta’ Marzu 2008

Rigward it-tqawwif ta' qafas komuni għall-ġabra tad-data dwar il-ħlas tal-klejms tal-pensjoni

(Test b’relevanza għaż-ŻEE)

(2008/683/KE)

IL-KUMMISSJONI AMMINISTRATTIVA TAS-SIGURTÀ SOĊJALI GĦALL-ĦADDIEMA MIGRANTI,

Wara li kkunsidrat l-Artikolu 81(d) tar-Regolament tal-Kunsill (KEE) Nru 1408/71 (1), skond liema l-Kummissjoni Amministrattiva se tkabbar u tiżviluppa l-kooperazzjoni fost l-Istati Membri billi timmodernizza l-proċedura għall-iskambju ta' tagħrif, b'mod partikolari bl-addattament tal-fluss ta' tagħrif bejn l-istituzzjonijiet għall-għan ta' l-iskambju telematiku, b'kunsiderazzjoni għall-iżvilupp ta' l-ipproċessar tad-data f'kull Stat Membru. L-għan ta' tali modernizzazzjoni se tkun li jitħaffef l-għoti tal-benefiċċji,

Wara li kkunsidrat l-Artikolu 117 tar-Regolament tal-Kunsill (KEE) Nru 574/72 (2), skond liema l-Kummissjoni Amministrattiva, fuq riċerka u proposti tal-Kummissjoni Teknika msemmija fl-Artikolu 117c tar-Regolament ta' implimentazzjoni, se taddatta għat-tekniki l-ġodda ta' l-ipproċessar tad-data l-mudelli tad-dokumenti kif ukoll ir-rotot li jintużaw u l-proċeduri tat-trasmissjoni tad-data meħtieġa għall-implimentazzjoni tar-Regolament u tar-Regolament ta' Implimentazzjoni,

Billi:

(1)	Biex tgħin lill-Kummissjoni Amministrattiva tevalwa l-estent sa fejn ix-xogħol tal-Kummissjoni Teknika qiegħed jikkontribwixxi għat-tħaffif ta' l-għoti tal-benefiċċji, jeħtieġ li jingħata xi tagħrif bażiku kwantifikat, kif ukoll kwalitattiv.

(2)	Id-diverġenzi bejn it-tagħrif disponibbli fl-Istati Membri varji jtaqqal ix-xogħol tat-tqabbil u l-ġabra tad-data statistika ma għandhiex tirrappreżenta piż tqil u żejjed fuq l-Istati Membri.

(3)

Għalhekk l-intenzjoni hi li tinġabar data bażika ewlenija dwar l-ipproċessar u l-ħlas tal-klejms tal-pensjoni tax-xjuħija sabiex jitjieb l-għarfien rigward il-qagħda f'kull Stat Membru, b'mod partikolari rigward fejn jinsab il-ħnuq ewlieni fis-sistema u l-proċeduri ta' kull Stat Membru; biex jinqasam it-tagħrif fuq l-aħjar prassi u jiġu ġġenerati ideat dwar kif il-ħinijiet ta' l-ipproċessar jistgħu jitnaqqsu u biex jiġu stabbiliti punti ta' referenza ċari ħalli jkun possibbli għal kull Stat Membru li jkollu punt ta' referenza ma' liema jista' jqabbel ir-rendiment tiegħu.

(4)	Għalhekk huwa xieraq li jiġi stabbilit qafas komuni wiesa’ għall-ġabra tad-data fuq il-ħlas tal-klejms tal-pensjoni u l-awtoritajiet kompetenti għandhom jagħtu linji ta' gwida preċiżi lill-istituzzjonijiet nazzjonali għal dan il-għan,

(5)

L-istituzzjonijiet kompetenti għandhom iżommu f'moħħhom l-iżvilupp u l-introduzzjoni imminenti ta' l-Iskambju Elettroniku tat-Tagħrif tas-Sigurtà Soċjali (EESSI) fit-tfassil u l-implimentazzjoni tas-sistemi nazzjonali interni tagħhom għall-ksib u l-ġabra tad-data dwar l-ipproċessar u l-ħlas tal-klejms tal-pensjoni.

(6)	Id-Deċiżjoni 182 li pprovdiet għat-twaqqif ta' qafas komuni ta' din ix-xorta skadiet fl-1 ta’ Jannar 2006.

IDDEĊIDIET KIF ĠEJ:

(1)   L-istituzzjonijiet kompetenti ta' l-Istati Membri (jew istituzzjonijiet kompetenti maħtura fejn hemm bosta fi ħdan Stat Membru) għandhom jieħdu l-miżuri meħtieġa biex jiżguraw li d-data identifikata taħt il-punt 5 tista' tinġabar u tiġi pprovduta.

(2)   Din id-data għandha tiġi fornuta f'Jannar ta' kull sena, rigward is-sena ta' qabel lill-Kummissjoni Teknika, stipulata fl-Artikolu 117c tar-Regolament (KEE) Nru 574/72.

(3)   Is-Segretarjat tal-Kummissjoni Teknika se jiġi inkarigat bil-koordinazzjoni tal-ġabra ta' din id-data u, bl-approvazzjoni tal-Kummissjoni Teknika, iħejji taqsira annwali għall-Kummissjoni Amministrattiva.

(4)   Id-data miġbura għandha tikkonċerna biss pensjonijiet tax-xjuħija li jinvolvu persuna li tikklejmja li hi residenti fi Stat Membru ieħor u għandha turi dan li ġej:

(a)

Il-ħin ta' reazzjoni ta' l-istituzzjoni li tinvestiga fl-Istat Membru ta' residenza (jiġifieri l-ħin meħud mill-istituzzjoni li tinvestiga biex tgħarraf lill-istituzzjoni kompetenti li saret klejm għal pensjoni lil din l-aħħar istituzzjoni). Għall- għanijiet ta' din id-Deċiżjoni, “istituzzjoni li tinvestiga” se tfisser l-organizzazzjoni fl-Istat Membru ta' residenza tal-persuna li tikklejmja responsabbli mit-tlestija tal-formola E 202 filwaqt li “istituzzjoni kompetenti” tfisser l-organizzazzjoni fl-Istat Membru li tirċievi l-E 202 mimlija u hi responsabbli mill-ipproċessar tal-klejm kif xieraq;

(b)	il-ħin meħud mill-istituzzjoni kompetenti biex tipproċessa l-klejm (jiġifieri l-ħin meħud mill-Istituzzjoni Kompetenti biex toħroġ deċiżjoni finali);

(ċ)	il-ħin ta' l-ipproċessar totali meħud miż-żewġ Stati Membri involuti (jiġifieri l-ħin, li min jagħmel il-klejm ikollu jistenna, sakemm toħroġ id-deċiżjoni finali mid-data meta tressqet għall-ewwel darba l-klejm lill-istituzzjoni li tinvestiga).

Nota: Ir-referenza għall-“Formola E 202” se tapplika mutatis mutandis lid-Dokument Elettroniku Strutturat xieraq (DES) meta l-iskambji elettroniċi skond il-proġett EESSI jibdew.

(5)   Id-data attwali miġbura għandu jkun fiha li ġej:

(a)	l-aqsar ħin, l-itwal ħin u l-ħin mezzan meħud tul it-tnax-il xahar ta' qabel sabiex il-klejms tal-pensjoni tax-xjuħija jintbagħtu mill-istituzzjoni li tinvestiga lill-Istituzzjoni Kompetenti;

(b)	l-iqsar ħin, l-itwal ħin u l-ħin mezzan meħud tul it-tnax-il xahar ta' qabel għall-ħruġ tad-deċiżjoni finali mill-istituzzjoni kompetenti dwar pensjoni għax-xjuħija fejn il-persuna li tikklejmja qiegħda tgħix fi Stat Membru ieħor;

(ċ)	kummentarju qasir mill-istituzzjoni kompetenti biex tqiegħed id-data f'kuntest u tiċċara l-fatturi involuti fil-ħlas ta' l-iqsar u l-itwal klejms;

(d)	spjegazzjoni qasira mill-istituzzjoni kompetenti tal-metodoloġija użata, jekk kienx hemm kampjun jew le, id-daqs tal-kampjun, il-perjodu kopert, l-għadd totali tal-fajls eżaminati, eċċ.

(6)   Fejn possibbli, il-ġabra tad-data tibda f'Jannar 2008 bil-ħsieb ta' l-ewwel preżentazzjoni lill-Kummissjoni Teknika f'Jannar 2009.

(7)   Kull Stat Membru se jippreżenta d-data tiegħu lill-Kummissjoni Teknika sabiex iħeġġeġ l-iskambju ta' l-esperjenza u t-tixrid ta' l-aħjar prassi.

(8)   Is-sistema tal-ġabra u l-użu tad-data tiġi riveduta fl-aħħar ta' kull sena u fejn jeħtieġ isiru r-rakkomandazzjonijiet meħtieġa għat-titjib.

(9)   Din id-Deċiżjoni se tiġi ppubblikata fil-Ġurnal Uffiċjali ta' l-Unjoni Ewropea.

Din għandha tapplika mill-1 ta' Jannar 2008.

---

(1)  ĠU L 149, 5.7.1971, p. 2. Ir-Regolament kif emendat l-aħħar bir-Regolament (KE) Nru 1992/2006 tal-Parlament Ewropew u tal-Kunsill (ĠU L 392, 30.12.2006, p. 1).

(2)  ĠU L 74, 27.3.1972, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 101/2008 (ĠU L 31, 5.2.2008, p. 15).

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/28

---

DEĊIŻJONI TAL-KUMITAT KONĠUNT TAŻ-ŻEE

Nru 40/2008

tal-25 ta’ April 2008

li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim taż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness I tal-Ftehim ġie emendat mid-Deċiżjoni tal-Kumitat Konġunt taż-ŻEE Nru 1/2008 ta’ l-1 ta’ Frar 2008 (1).

(2)

Id-Deċiżjoni tal-Kummissjoni 2007/399/KE tal-11 ta’ Ġunju 2007 li temenda d-Deċiżjoni 93/52/KEE fir-rigward tad-dikjarazzjoni li r-Rumanija hija uffiċjalment ħielsa mill-bruċellożi (B. melitensis) u d-Deċiżjoni 2003/467/KE fir-rigward tad-dikjarazzjoni li s-Slovenja hija ħielsa mill-bruċellożi bovina (2) għandha tiġi inkorporata fil-Ftehim.

(3)	Id-Deċiżjoni tal-Kummissjoni 2007/522/KE tat-18 ta’ Lulju 2007 li temenda d-Deċiżjoni 2006/802/KE fir-rigward ta’ laħam tal-majjal minn ħnieżer li tlaqqmu b’tilqima ħajja attenwata konvenzjonalment fir-Rumanija (3) għandha tiġi inkorporata fil-Ftehim.

(4)	Id-Deċiżjoni tal-Kummissjoni 2007/559/KE tat-2 ta’ Awissu 2007 li temenda d-Deċiżjoni 2003/467/KE fir-rigward tad-dikjarazzjoni li xi reġjuni amministrattivi tal-Polonja huma uffiċjalment ħielsa mil-lewkosi enzotika tal-bovini (4) għandha tiġi inkorporata fil-Ftehim.

(5)

Id-Deċiżjoni tal-Kummissjoni 2007/584/KE tal-21 ta’ Awissu 2007 li temenda d-Deċiżjoni 2004/558/KE li timplimenta d-Direttiva tal-Kunsill 64/432/KEE fir-rigward tal-garanziji addizzjonali tal-kummerċ intra-Komunitarju fl-annimali bovini relatati mar-rhinotracheitis tal-bovini infettiva u l-approvazzjoni tal-programmi ta’ qerda minn ċertu Stati Membri (5) għandha tiġi inkorporata fil-Ftehim.

(6)	Id-Deċizjoni tal-Kummissjoni 2007/590/KE tas-27 ta’ Awissu 2007 dwar l-introduzzjoni ta’ tilqim preventiv kontra l-influwenza tat-tjur b’patoġeniċità għolja u dispożizzjonijiet relatati għall-movimenti fl-Olanda (6) għandha tiġi inkorporata fil-Ftehim.

(7)

Id-Deċizjoni tal-Kummissjoni 2007/598/KE tat-28 ta’ Awissu 2007 dwar il-miżuri biex jiġi evitat it-tixrid ta’ influwenza tat-tjur ta’ patoġeniċità għolja fost għasafar oħra maqbudin li jinżammu fiż-zoos u f’korpi, istituti jew ċentri approvati fl-Istati Membri (7) għandha tiġi inkorporata fil-Ftehim.

(8)

Id-Deċiżjoni tal-Kummissjoni 2007/603/KE tas-7 ta’ Settembru 2007 li temenda d-Deċiżjoni 2001/618/KE li għandha tinkludi lis-Slovakkja fil-lista ta’ reġjuni ħielsa mill-marda ta’ Aujeszky u r-reġjuni ta’ Spanja fil-lista tar-reġjuni fejn programmi għall-kontroll tal-marda ta’ Aujeszky ġew approvati u huma f’posthom (8) għandha tiġi inkorporata fil-Ftehim.

(9)	Din id-Deċiżjoni ma tapplikax għal-Liechtenstein u għall-Iżlanda,

IDDEĊIDIET KIF ĠEJ:

Artikolu 1

Il-Kapitolu I ta’ Anness I għall-Ftehim għandu jiġi emendat kif speċifikat fl-Anness għal din id-Deċiżjoni.

Artikolu 2

It-testi tad-Deċiżjonijiet 2007/399/KE, 2007/522/KE, 2007/559/KE, 2007/584/KE, 2007/590/KE, 2007/598/KE u 2007/603/KE, fil-lingwa Norveġiża, li se jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fis-26 ta’ April 2008, sakemm ikunu saru n-notifiki kollha skond l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni se tkun ippubblikata fit-Taqsima taż-ŻEE, u fis-Suppliment taż-ŻEE, tal-Ġurnal Uffiċjali ta’ l-Unjoni Ewropea.

---

(1)  ĠU L 154, 12.6.2008, p. 1.

(2)  ĠU L 150, 12.6.2007, p. 11.

(3)  ĠU L 193, 25.7.2007, p. 23.

(4)  ĠU L 212, 14.8.2007, p. 20.

(5)  ĠU L 219, 24.8.2007, p. 37.

(6)  ĠU L 222, 28.8.2007, p. 16.

(7)  ĠU L 230, 1.9.2007, p. 20.

(8)  ĠU L 236, 8.9.2007, p. 7.

(*)  L-ebda ħtiġijiet kostituzzjonali m’huma indikati.

---

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/31

---

DEĊIŻJONI TAL-KUMITAT KONĠUNT TAŻ-ŻEE

Nru 41/2008

tal-25 ta’ April 2008

li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness I tal-Ftehim kien emendat bid-Deċiżjoni tal-Kumitat Konġunt taż-ŻEE Nru 1/2008 ta’ l-1 ta’ Frar 2008 (1).

(2)

Ir-Regolament tal-Kummissjoni (KE) Nru 1266/2007 tas-26 ta’ Ottubru 2007 dwar regoli implimentattivi għad-Direttiva tal-Kunsill 2000/75/KE fir-rigward tal-kontroll, ta’ l-immonitorjar, tas-sorveljanza u tar-restrizzjonijiet f’dak li għandu x’jaqsam mal-movimenti ta’ ċerti annimali ta’ speċi suxxettibbli għall-bluetongue (2) għandu jkun inkorporat fil-Ftehim.

(3)	Ir-Regolament (KE) Nru 1266/2007 jħassar id-Direttiva tal-Kummissjoni 2005/393/KE (3), li tinsab inkorporata fil-Ftehim u li konsegwentement għandha titħassar taħt dan il-Ftehim.

(4)	Din id-Deċiżjoni m’għandhiex tapplika għall-Iżlanda u l-Liechtenstein,

IDDEĊIEDA KIF ĠEJ:

Artikolu 1

Il-Kapitolu I ta’ l-Anness I tal-Ftehim għandu jiġi emendat kif ġej:

(1)

Il-punt li ġej għandu jiġi inkluż wara l-punt 39 (id-Deċiżjoni tal-Kummissjoni 2007/598/KE) fil-Parti 3.2: “40. 32007 R 1266: Ir-Regolament tal-Kummissjoni (KE) Nru 1266/2007 tas-26 ta’ Ottubru 2007 dwar regoli implimentattivi għad-Direttiva tal-Kunsill 2000/75/KE fir-rigward tal-kontroll, ta’ l-immonitorjar, tas-sorveljanza u tar-restrizzjonijiet tal-movimenti ta’ ċerti annimali ta’ speċi suxxettibbli għall-bluetongue (ĠU L 283, 27.10.2007, p. 37). Dan l-att m’għandux japplika għall-Iżlanda.”

(2)	It-test tal-punt 33 (id-Deċiżjoni tal-Kummissjoni 2005/393/KE) tal-Parti 3.2 għandu jitħassar.

Artikolu 2

It-test tar-Regolament (KE) Nru 1266/2007 fl-ilsien Norveġiż, li għandu jiġi ippubblikat fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima u fis-Suppliment taż-ŻEE tal-Ġurnal Uffiċjali ta’ l-Unjoni Ewropea.

---

(1)  ĠU L 154, 12.6.2008, p. 1.

(2)  ĠU L 283, 27.10.2007, p. 37.

(3)  ĠU L 130, 24.5.2005, p. 22.

(*)  Ebda rekwiżiti kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/33

---

DEĊIŻJONI TAL-KUMITAT KONĠUNT TAŻ-ŻEE

Nru 42/2008

tal-25 ta’ April 2008

li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness I tal-Ftehim kien emendat bid-Deċiżjoni tal-Kumitat Konġunt taż-ŻEE Nru 1/2008 ta’ l-1 ta’ Frar 2008 (1).

(2)

Ir-Regolament tal-Kummissjoni (KE) Nru 646/2007 tat-12 ta’ Ġunju 2007 li jimplimenta r-Regolament (KE) Nru 2160/2003 tal-Parlament Ewropew u tal-Kunsill dwar mira Komunitarja biex titnaqqas il-prevalenza tas-Salmonella enteritidis u tas-Salmonella typhimurium fil-brojlers u jitneħħa r-Regolament (KE) Nru 1091/2005 (2) għandu jiġi nkorporat fil-Ftehim.

(3)	Id-Deċiżjoni tal-Kummissjoni 2007/407/KE tat-12 ta’ Ġunju 2007 dwar il-monitoraġġ armonizzat tar-reżistenza antimikrobika tas-Salmonella fit-tjur u l-ħnieżer (3) għandha tiġi inkorporata fil-Ftehim.

(4)

Id-Deċiżjoni tal-Kummissjoni 2007/411/KE ta’ l-14 ta’ Ġunju 2007 li tipprojbixxi t-tqegħid fis-suq ta’ prodotti li jiġu minn annimali bovini mwielda jew imrobbija fir-Renju Unit qabel l-1 ta’ Awwissu 1996 għal kwalunkwe skop u li teżenta lil dawn l-annimali minn ċerti miżuri ta’ kontroll u qerda stipulati fir-Regolament (KE) Nru 999/2001 u li tirrevoka d-Deċiżjoni tal-Kummissjoni 2005/598/KE (4) għandha tiġi inkorporata fil-Ftehim.

(5)	Id-Deċiżjoni tal-Kummissjoni 2007/453/KE tad-29 ta’ Ġunju 2007 li tistabbilixxi l-istat tal-BSE fl-Istati Membri jew pajjiżi terzi jew reġjuni tagħhom skond ir-riskju tagħhom tal-BSE (5) għandha tiġi nkorporata fil-Ftehim.

(6)

Id-Deċiżjoni tal-Kummissjoni 2007/570/KE tal-20 ta’ Awwissu 2007 li temenda d-Deċiżjoni 2003/634/KE li tapprova l-programmi bil-għan li jinkiseb status ta’ żoni u rziezet approvati f’ żoni li mhumiex approvati, b’rabta mas-settiċemija emorraġika virali (VHS) u tan-nekrożi ematopojetika infettiva (IHN) fil-ħut (6) għandu jkun inkorporat fil-Ftehim.

(7)	Ir-Regolament (KE) Nru 646/2007 iħassar ir-Regolament tal-Kunsill (KE) Nru 1091/2005 (7), li jinsab inkorporat fil-Ftehim u li konsegwentement għandu jitħassar taħt dan il-Ftehim.

(8)	Id-Deċiżjoni 2007/411/KE tħassar id-Deċiżjoni tal-Kummissjoni 2005/598/KE (8) li hi inkorporata fil-Ftehim u li konsegwentement għandha titħassar skond il-Ftehim.

(9)

Bid-Deċiżjoni tal-Kumitat Konġunt taż-ŻEE Nru 133/2007 tas-26 ta’ Ottubru 2007 l-Iżlanda ħadet l-atti msemmija fil-Kapitolu I ta’ l-Anness I, ħlief għal dawk id-dispożizzjonijiet dwar l-annimali ħajjin, barra mill-ħut u annimali ta’ l-akkwakultura, u prodotti ta’ l-annimali bħal ma huma l-bajd għat-tnissil, l-embrijuni, u ż-żerriegħa tar-raġel.

(10)	L-atti msemmija fil-Kapitolu I ta’ l-Anness I għandhom japplikaw għall-Iżlanda sakemm ma jkunx stabbilit fl-att speċifiku li dan ma jkunx japplika għall-Iżlanda. Għalhekk, għandu jiġi stabbilit li numru ta’ atti inkorporati fil-Ftehim ma japplikawx għall-Iżlanda.

(11)

Din id-Deċiżjoni għandha tapplika għall-Iżlanda b’perjodu tranżitorju speċifikat fil-paragrafu 2 tal-Parti Introduttiva tal-Kapitolu I ta’ l-Anness I għall-oqsma li ma kinux japplikaw għall-Iżlanda qabel ir-reviżjoni ta’ dan il-Kapitolu b’deċiżjoni tal-Kumitat Konġunt taż-Żee Nru 133/2007 tas-26 ta’ Ottubru 2007.

(12)	Din id-Deċiżjoni m’għandhiex tapplika għal-Liechtenstein,

IDDEĊIEDA KIF ĠEJ:

Artikolu 1

Il-Kapitolu I ta’ l-Anness I tal-Ftehim għandu jiġi emendat kif ġej:

(1)

Taħt l-intestatura “L-ATTI LI L-ISTATI TA’ L-EFTA U L-AWTORITÀ TAS-SORVELJANZA TA’ L-EFTA GĦANDHOM IQISU KIF MISTĦOQQ”, l-inċiż li ġej għandu jiżdied mal-punt 55 (Id-Deċiżjoni tal-Kummissjoni 2003/634/KE) fil-Parti 4.2: “— 32007 D 0570: Id-Deċiżjoni tal-Kummissjoni 2007/570/KE tal-20 ta’ Awwissu 2007 (ĠU L 217, 22.8.2007, p. 36).”

(2)

Il-punti li ġejjin għandhom jiddaħħlu wara l-punt 46 (id-Deċiżjoni tal-Kummissjoni 2007/182/KE) fil-Parti 7.2: “47. 32007 R 0646: Ir-Regolament tal-Kummissjoni (KE) Nru 646/2007 tat-12 ta’ Ġunju 2007 li jimplimenta r-Regolament (KE) Nru 2160/2003 tal-Parlament Ewropew u tal-Kunsill li jirrigwarda mira Komunitarja biex titnaqqas il-prevalenza tas-Salmonella enteritidis u tas-Salmonella typhimurium fil-brojlers u jitneħħa r-Regolament (KE) Nru 1091/2005 (ĠU L 151, 13.6.2007, p. 21). 48. 32007 D 0407: Id-Deċiżjoni tal-Kummissjoni 2007/407/KE tat-12 ta’ Ġunju 2007 dwar il-monitoraġġ armonizzat tar-resistenza antimikrobijali tas-Salmonella fit-tjur u l-ħnieżer (ĠU L 153, 14.6.2007, p. 26). 49. 32007 D 0453: Id-Deċiżjoni tal-Kummissjoni 2007/453/KE tad-29 ta’ Ġunju 2007 li tistabbilixxi l-istat tal-BSE ta’ l-Istati Membri jew pajjiżi terzi jew reġjuni tagħhom skond ir-riskju tal-BSE tagħhom (ĠU L 172, 30.6.2007, p. 84).”

(3)	It-test tal-punt 26 (ir-Regolament tal-Kummissjoni (KE) Numru 1091/2005) fil-Parti 7.2 għandu jitħassar.

(4)

Taħt l-intestatura “ATTI LI L-ISTATI TA’ L-EFTA U L-AWTORITÀ TAS-SORVELJANZA TA’ L-EFTA GĦANDHOM IQISU KIF MISTHOQQ”, it-test tal-punt 41 (id-Deċiżjoni tal-Kummissjoni 2005/598/KE) fil-Parti 7.2 għandu jinbidel b’dan li ġej: “32007 D 0411: Id-Deċiżjoni tal-Kummissjoni 2007/411/KE ta’ l-14 ta’ Ġunju 2007 li tipprojbixxi t-tqegħid fis-suq ta’ prodotti li jiġu minn annimali bovini mwielda jew imrobbija fir-Renju Unit qabel l-1 ta’ Awwissu 1996 għal kwalunkwe skop u li teżenta dawn l-annimali minn ċerti kontrolli u miżuri ta’ qerda stipulati fir-Regolament (KE) Nru 999/2001 u li tirrevoka d-Deċiżjoni tal-Kummissjoni 2005/598/KE (ĠU L 155, 15,6,2007, p. 74).”

(5)	Is-sentenza “Dan it-test ma japplikax għall-Iżlanda” għandha tidħol fil-punt 133 (id-Deċiżjoni tal-Kummissjoni 2007/16/KE) fil-Parti 1.2.

(6)

Taħt l-intestatura “L-ATTI LI L-ISTATI TA’ L-EFTA U L-AWTORITÀ TAS-SORVELJANZA TA’ L-EFTA GĦANDHOM IQISU KIF MISTHOQQ” is-sentenza “Dan it-test ma japplikax għall-Iżlanda” għandu jidħol fil-punt 35 (id-Deċiżjoni tal-Kummissjoni 2007/123/KE), 36 (id-Deċiżjoni tal-Kummissjoni 2006/800/KE), 37 (id-Deċiżjoni tal-Kummissjoni 2006/802/KE), 38 (id-Deċiżjoni tal-Kummissjoni 2007/18/KE), 39 (id-Deċiżjoni tal-Kummissjoni 2007/19/KE) u 40 (id-Deċiżjoni tal-Kummissjoni 2007/24/KE) fil-Parti 3.2.

(7)	Taħt l-intestatura “L-ATTI LI L-ISTATI TA’ L-EFTA U L-AWTORITÀ TAS-SORVELJANZA TA’ L-EFTA GĦANDHOM IQISU KIF MISTĦOQQ” is-sentenza “Dan it-test ma japplikax għall-Iżlanda” għandħa tidħol fil-punt 58 (id-Deċiżjoni tal-Kummissjoni 2007/17/KE) fil-Parti 4.2.

Artikolu 2

It-testi tar-Regolament (KE) Nru 646/2007 u d-Deċiżjonijiet 2007/407/KE, 2007/411/KE, 2007/453/KE u 2007/570/KE fil-lingwi Iżlandiżi u Norveġiżi, li se jiġu ppubblikati fis-Suppliment taż-ŻEE għall-Ġurnal Ufficjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fis-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fis-Sezzjoni ŻEE tal-Ġurnal Uffiċjali ta’ l-Unjoni Ewropea u fis-Suppliment ŻEE ta’ miegħu.

---

(1)  ĠU L 154, 12.6.2008, p. 1.

(2)  ĠU L 151, 13.6.2007, p. 21.

(3)  ĠU L 153, 14.6.2007, p. 26.

(4)  ĠU L 155, 15.6.2007, p. 74.

(5)  ĠU L 172, 30.6.2007, p. 84.

(6)  ĠU L 217, 22.8.2007, p. 36.

(7)  ĠU L 182, 13.7.2005, p. 3.

(8)  ĠU L 204, 5.8.2005, p. 22.

(*)  Indikata l-eżistenza ta’ ħtiġijiet kostituzzjonali.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/36

---

DEĊIŻJONI TAL-KUMITAT KONĠUNT TAŻ-ŻEE

Nru 43/2008

tal-25 ta’ April 2008

li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness I tal-Ftehim kien emendat bid-Deċiżjoni tal-Kumitat Konġunt taż-ŻEE Nru 21/2008 ta’ l-14 ta’ Marzu 2008 (1).

(2)	Ir-Regolament tal-Kummissjoni (KE) Nru 1380/2007 tas-26 ta’ Novembru 2007 rigward l-awtorizzazzjoni ta’ l-endo-1,4-beta-xylanase (Natugrain Wheat TS) bħala addittiv fl-għalf (2), kif korrett mill-ĠU L 310, 28.11.2007, p. 22, għandu jiġi inkorporat fil-Ftehim.

(3)	Din id-Deċiżjoni m’għandhiex tapplika għal-Liechtenstein,

IDDEĊIEDA KIF ĠEJ:

Artikolu 1

Il-punt li ġej għandu jiddaħħal wara l-punt 1zzzzd (Regolament tal-Kummissjoni (KE) Nru 1142/2007) tal-Kapitolu II ta’ l-Anness I tal-Ftehim:

“1zzzze.

32007 R 1380: Ir-Regolament tal-Kummissjoni (KE) Nru 1380/2007 tas-26 ta’ Novembru 2007 rigward l-awtorizzazzjoni ta’ l-endo-1,4-beta-xylanase (Natugrain Wheat TS) bħala addittiv fl-għalf, kif korrett mill-ĠU L 310, 28.11.2007, p. 22.”

Artikolu 2

It-testi tar-Regolament (KE) Nru 1380/2007, kif korrett mill-ĠU L 310, 28.11.2007, p. 22, fil-lingwa Iżlandiża u f’dik Norveġiża, li għandhom ikunu ppubblikati fis-Suppliment ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fis-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fis-Sezzjoni u fis-Suppliment taż-ŻEE tal-Ġurnal Uffiċjali ta’ l-Unjoni Ewropea.

---

(1)  ĠU L 182, 10.7.2008, p. 1.

(2)  ĠU L 309, 27.11.2007, p. 21.

(*)  M’huma indikati l-ebda rekwiżiti kostituzzjonali.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/37

---

DEĊIŻJONI TAL-KUMITAT KONĠUNT TAŻ-ŻEE

Nru 44/2008

tal-25 ta’ April 2008

li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness I tal-Ftehim kien emendat bid-Deċiżjoni tal-Kumitat Konġunt taż-ŻEE Nru 2/2008 ta’ l-1 ta’ Frar 2008 (1).

(2)	Direttiva tal-Kummissjoni 2007/72/KE tat-13 ta’ Diċembru 2007 li temenda d-Direttiva tal-Kunsill 66/401/KEE fir-rigward ta’ l-inklużjoni ta’ l-ispeċi Galega orientalis Lam (2) għandha tiġi inkorporata fil-Ftehim.

(3)	Din id-Deċiżjoni m’għandhiex tapplika għal Liechtenstein,

IDDEĊIEDA KIF ĠEJ:

Artikolu 1

L-inċiż li ġej għandu jkun miżjud f’punt 2 (id-Direttiva tal-Kunsill 66/401/KEE) f’Parti 1 tal-Kapitolu III ta’ l-Anness I tal-Ftehim:

“—	32007 L 0072: Id-Direttiva tal-Kummissjoni 2007/72/KE tat-13 ta’ Diċembru 2007 (ĠU L 329, 14.12.2007, p. 37).”

Artikolu 2

It-testi tad-Direttiva 2007/72/KE fil-lingwa Iżlandiża u dik Norveġiża, li għandhom jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fis-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippubblikata fis-Sezzjoni ŻEE ta’, u fis-Suppliment ŻEE tal-Ġurnal Uffiċjali ta’ l-Unjoni Ewropea.

---

(1)  ĠU L 154, 12.6.2008, p. 4.

(2)  ĠU L 329, 14.12.2007, p. 37.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/38

---

DEĊIŻJONI TAL-KUMITAT KONĠUNT TAŻ-ŻEE

Nru 45/2008

tal-25 ta’ April 2008

li temenda l-Anness II (Regolamenti tekniċi, l-istandards, l-ittestjar u ċ-ċertifikazzjoni) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness II tal-Ftehim kien emendat bid-Deċiżjoni tal-Kumitat Konġunt taż-ŻEE Nru 23/2008 ta’ l-14 ta’ Marzu 2008 (1).

(2)

Ir-Regolament tal-Kummissjoni (KE) Nru 807/2007 ta’ l-10 ta’ Lulju 2007 li jemenda l-Anness II tar-Regolament tal-Kunsill (KEE) Nru 2092/91 dwar il-produzzjoni organika ta’ prodotti agrikoli u l-indikazzjonijiet li jirreferu għalihom fil-prodotti agrikoli u fl-oġġetti ta’ l-ikel (2) għandu jiġi inkorporat mal-Ftehim,

(3)	Ir-Regolament tal-Kummissjoni (KE) Nru 1319/2007 tad-9 ta’ Novembru 2007 li jemenda l-Anness I tar-Regolament tal-Kunsill (KEE) Nru 2092/91 fir-rigward ta’ l-għalf minn pakketti fl-ewwel sena tagħhom ta’ konverżjoni għall-biedja organika (3), għandu jiġi inkorporat fil-Ftehim.

(4)	Din id-Deċiżjoni m’għandhiex tapplika għal-Liechtenstein,

IDDEĊIEDA KIF ĠEJ:

Artikolu 1

L-inċiżi li ġejjin għandhom jiżdiedu f’punt 54b (Ir-Regolament tal-Kunsill (KEE) nru 2092/91 tal-Kapitolu XII ta’ l-Anness II tal-Ftehim:

“—	32007 R 0807: Ir-Regolament tal-Kummissjoni (KE) Nru 807/2007 ta’ l-10 ta’ Lulju 2007 (ĠU L 181, 11.7.2007, p. 10),

—	32007 R 1319: Ir-Regolament tal-Kummissjoni (KE) Nru 1319/2007 tad-9 ta’ Novembru 2007 (ĠU L 293, 10.11.2007, p. 3).”

Artikolu 2

Għandhom ikunu awtentiċi t-testi tar-Regolamenti (KE) Nru 807/2007 u (KE) Nru 1319/2007 fl-ilsien Iżlandiz u dak Norveġiż, li jridu jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea.

Artikolu 3

Din id-Deċiżjoni għandha tidħol fis-seħħ fis-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE tal-Ġurnal Uffiċjali ta’ l-Unjoni Ewropea u fis-Suppliment taż-ŻEE tiegħu.

---

(1)  ĠU L 182, 10.7.2008, p. 7.

(2)  ĠU L 181, 11.7.2007, p. 10.

(3)  ĠU L 293, 10.11.2007, p. 3.

(*)  L-ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/40

---

DEĊIŻJONI TAL-KUMITAT KONĠUNT TAŻ-ŻEE

Nru 46/2008

tal-25 ta’ April 2008

li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness II tal-Ftehim ġie emendat permezz tad-Deċiżjoni tal-Kumitat Konġunt taż-ŻEE Nru 23/2008 ta’ l-14 ta’ Marzu 2008 (1).

(2)	Ir-Regolament (KE) Nru 1924/2006 tal-Parlament Ewropew u tal-Kunsill ta’ l-20 ta’ Diċembru 2006 dwar indikazzjonijiet dwar in-nutrizzjoni u s-saħħa mogħtija fuq l-ikel (2), korrett permezz tal-ĠU L 12, 18.1.2007, p.3, għandu jiġi inkluż fil-Ftehim.

(3)	Regolament (KE) Nru 1925/2006 tal-Parlament Ewropew u tal-Kunsill ta’ l-20 ta’ Diċembru 2006 dwar iż-żieda ta’ vitamini u minerali u ta’ ċerti sustanzi oħra ma’ l-ikel (3) għandu jiġi inkluż fil-Ftehim.

(4)	Direttiva tal-Kunsill 2007/61/KE tas-26 ta’ Settembru 2007 li temenda d-Direttiva 2001/114/KE rigward ċertu ħalib ippriżervat disidratat in parti jew kollu għall-konsum tal-bniedem (4) għandu jiġi inkluż fil-Ftehim.

(5)	Din id-Deċiżjoni m’għandhiex tapplika għal-Liechtenstein,

IDDEĊIEDA KIF ĠEJ:

Artikolu 1

Il-Kapitolu XII ta’ l-Anness II għall-Ftehim se jiġi emedat kif ġej:

1.	L-inċiż illi ġej għandu jiżdied fil-punt 54zs (id-Direttiva tal-Kunsill 2001/114/KE): “— 32007 L 0061: Id-Direttiva tal-Kunsill 2007/61/KE tas-26 ta’ Settembru 2007 (ĠU L 258, 4.10.2007, p. 27).”

2.

Il-punti li ġejjin għandhom jidħlu wara l-punt 54zzzs (Id-Direttiva tal-Kummissjoni 2007/42/KE): “54zzzt. 32006 R 1924: Ir-Regolament (KE) Nru 1924/2006 tal-Parlament Ewropew u tal-Kunsill ta’ l-20 ta’ Diċembru 2006 dwar indikazzjonijiet dwar in-nutrizzjoni u s-saħħa mogħtija fuq l-ikel (ĠU L 404, 30.12.2006, p. 9), korrett permezz tal-ĠU L 12, 18.1.2007, p. 3. 54zzzu. 32006 R 1925: Regolament (KE) Nru 1925/2006 tal-Parlament Ewropew u tal-Kunsill ta’ l-20 ta’ Diċembru 2006 dwar iż-żieda ta’ vitamini u minerali u ta’ ċerti sustanzi oħra ma’ l-ikel (ĠU L 404, 30.12.2006, p. 26).”

Artikolu 2

It-testi tar-Regolament (KE) Nru 1924/2006, korretti permezz tal-ĠU L 12, 18.1.2007, p. 3 u 1925/2006, u d-Direttiva 2007/61/KE fil-lingwa Iżlandiża u dik Norveġiża, li għandhom jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, tal-Ġurnal Uffiċjali ta’ l-Unjoni Ewropea.

---

(1)  ĠU L 182, 10.7.2008, p. 7.

(2)  ĠU L 404, 30.12.2006, p. 9.

(3)  ĠU L 404, 30.12.2006, p. 26.

(4)  ĠU L 258, 4.10.2007, p. 27.

(*)  Rekwiżiti kostituzzjonali indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/42

---

DEĊIŻJONI TAL-KUMITAT KONĠUNT TAŻ-ŻEE

Nru 47/2008

tal-25 ta’ April 2008

li temenda l-Anness II (Regolamenti tekniċi, l-standards, l-ittestjar u ċ-ċertifikazzjoni) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b'mod partikolari l-Artikolu 98 tiegħu,

Billi:

(1)	L-Anness II tal-Ftehim ġie emendat permezz tad-Deċiżjoni tal-Kumitat Konġunt taż-ŻEE Nru 155/2007 tas-7 ta' Diċembru 2007 (1).

(2)

Ir-Regolament tal-Kummissjoni (KE) Nru 1064/2007 tas-17 ta' Settembru 2007 li jemenda l-Anness I tar-Regolament tal-Kunsill (KEE) Nru 2377/90 li jistabbilixxi proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti ta’ l-ikel li joriġina mill-annimali, fir-rigward ta’ Avilamycin (2) għandu jkun inkorporat mal-Ftehim,

IDDEĊIEDA KIF ĠEJ:

Artikolu 1

L-inċiż li ġej għandu jinżied f'punt 14 (Ir-Regolament tal-Kunsill (KEE) Nru. 2377/90) tal-Kapitolu XIII ta' l-Anness II tal-Ftehim:

“—	32007 R 1064: Ir-Regolament tal-Kummissjoni (KE) Nru 1064/2007 tas-17 ta’ Settembru 2007 (ĠU L 243, 18.9.2007, p. 3).”

Artikolu 2

It-testi tar-Regolament (KE) Nru 1064/2007 fil-lingwa Iżlandiża u dik Norveġiza, li jiġu ppubblikati fis-Suppliment ŻEE tal-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta' April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, tal-Ġurnal Uffiċjali ta’ l-Unjoni Ewropea.

---

(1)  ĠU L 124, 8.5.2008, p. 17.

(2)  ĠU L 243, 18.9.2007, p. 3.

(*)  Ebda obbligi kostituzzjonali m'huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/43

---

DEĊIŻJONI TAL-KUMITAT KONĠUNT TAŻ-ŻEE

Nru 48/2008

tal-25 ta’ April 2008

li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness II tal-Ftehim ġie emendat bid-Deċiżjoni tal-Kumitat Konġunt taż-ŻEE Nru 25/2008 ta’ l-14 ta’ Marzu 2008 (1).

(2)	Id-Direttiva tal-Kummissjoni 2007/69/KE tad-29 ta’ Novembru 2007 li temenda d-Direttiva 98/8/KE tal-Parlament Ewropew u tal-Kunsill sabiex tinkludi id-dichlofluanid bħala sustanza attiva fl-Anness I tagħha (2) għandha tiġi inkorporata fil-Ftehim,

(3)	Id-Direttiva tal-Kummissjoni 2007/70/KE tad-29 ta’ Novembru 2007 li temenda d-Direttiva 98/8/KE tal-Parlament Ewropew u tal-Kunsill sabiex tinkludi id-dichlofluanid bħala sustanza attiva fl-Anness I tagħha (3) għandha tiġi inkorporata fil-Ftehim,

(4)

Id-Deċiżjoni tal-Kummissjoni 2007/794/KE tad-29 ta’ Novembru 2007 li tistabbilixxi data ta’ skadenza ġdida għall-preżentazzjoni ta’ dossiers għal ċerti sustanzi li għandhom jiġu eżaminati skond il-programm ta’ għaxar snin imsemmi fl-Artikolu 16(2) tad-Direttiva 98/8/KE (4) għandha tiġi inkorporata fil-Ftehim.

IDDEĊIEDA KIF ĠEJ:

Artikolu 1

Kapitolu XV ta’ l-Anness II tal-Ftehim se jiġi emedat kif ġej:

(1)

L-inċiż li ġej għandu jinżdied fil-punt 12n (id-Direttiva 98/8/KE tal-Parlament Ewropew u tal-Kunsill): “— 32007 L 0069: Id-Direttiva tal-Kummissjoni 2007/69/KE tad-29 ta’ Novembru 2007 (ĠU L 312, 30.11.2007, p. 23), — 32007 L 0070: Id-Direttiva 2007/70/KE tad-29 ta’ Novembru 2007 (ĠU L 312, 30.11.2007, p. 26)”

(2)

Il-punt li ġej għandu jiddaħħal wara l-punt 12zc (ir-Regolament (KE) Nru 1907/2006 tal-Parlament Ewropew u tal-Kunsill): “12zd. 32007 D 0794: Id-Deċiżjoni tal-Kummissjoni 2007/794/KE tad-29 ta’ Novembru 2007 li tistabbilixxi data ta’ skadenza ġdida għall-preżentazzjoni ta’ dossiers għal ċerti sustanzi li għandhom jiġu eżaminati skond il-programm ta’ għaxar snin imsemmi fl-Artikolu 16(2) tad-Direttiva 98/8/KE (ĠU L 320, 6.12.2007, p. 35).”

Artikolu 2

It-testi tad-Direttivi 2007/69/KE u 2007/70/KE u d-Deċiżjoni 2007/794/KE, fil-lingwa Iżlandiża u dik Norveġiża, li għandhom ikunu ppubblikati fis-Suppliment taż-ŻEE mal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippublikata fis-Sezzjoni taż-ŻEE tal-Ġurnal Uffiċjali ta’ l-Unjoni Ewropea u fis-Suppliment tiegħu.

---

(1)  ĠU L 182, 10.7.2008, p. 11.

(2)  ĠU L 312, 30.11.2007, p. 23.

(3)  ĠU L 312, 30.11.2007, p. 26.

(4)  ĠU L 320, 6.12.2007, p. 35.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/45

---

DEĊIŻJONI TAL-KUMITAT KONĠUNT TAŻ-ŻEE

Nru 49/2008

tal-25 ta’ April 2008

li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness II tal-Ftehim ġie emendat bid-Deċiżjoni tal-Kumitat Konġunt taż-ŻEE Nru 157/2007 tas-7 ta’ Diċembru 2007 (1).

(2)	Id-Direttiva tal-Kummissjoni 2007/53/KE tad-29 ta’ Awwissu 2007 li temenda id-Direttiva tal-Kunsill 76/68/KEE dwar il-prodotti kożmetiċi għall-iskop li tadatta l-Anness III għall-progress tekniku (2), korretta mill-ĠU L 22, 25.1.2008, p. 21, għandha tiġi nkorporata fil-Ftehim.

(3)	Id-Direttiva tal-Kummissjoni 2007/54/KE tad-29 ta’ Awwissu 2007 li temenda id-Direttiva tal-Kunsill 76/68/KEE dwar il-prodotti kosmetiċi għall-iskop li tadatta l-Annessi II u III għall-progress tekniku (3), korretta mill-ĠU L 258, 4.10.2007, p. 44, għandha tiġi nkorporata fil-Ftehim.

IDDEĊIEDA KIF ĠEJ:

Artikolu 1

L-inċiżi li ġejjin għandhom jiżdiedu mal-punt 1 (id-Direttiva tal-Kunsill 76/768/KEE) tal-Kapitolu XVI ta’ l-Anness II tal-Ftehim.

“—	32007 L 0053: Id-Direttiva tal-Kummissjoni 2007/53/KE tad-29 ta’ Awwissu 2007 (ĠU L 226, tat-30.8.2007, p. 19), korretta bil-ĠU L 22, 25.1.2008, p. 21,

—	32007 L 0054: Id-Direttiva tal-Kummissjoni 2007/54/KE tad-29 ta’ Awwissu 2007 (ĠU L 226, tat-30.8.2007, p. 21), korretta bil-ĠU L 258, 4.10.2007, p. 44,”

Artikolu 2

It-testi tad-Deċiżjonijiet 2007/53/KE u 2007/54/KE fil-lingwa Iżlandiża u dik Norveġiża, li ser ikunu ppublikati fis-Suppliment ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippublikata fis-Sezzjoni taż-ŻEE tal-Ġurnal Uffiċjali ta’ l-Unjoni Ewropea u fis-Suppliment tiegħu.

---

(1)  ĠU L 124, 8.5.2008, p. 19.

(2)  ĠU L 226, 30.8.2007, p. 19.

(3)  ĠU L 226, 30.8.2007, p. 21.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/47

---

DEĊIŻJONI TAL-KUMITAT KONĠUNT TAŻ-ŻEE

Nru 50/2008

tal-25 ta’ April 2008

li temenda l-Anness VII (Rikonoxximent reċiproku ta’ kwalifiki professjonali) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness VII tal-Ftehim kien emendat bid-Deċiżjoni tal-Kumitat Konġunt taż-ŻEE Nru 142/2007 tas-26 ta’ Ottubru 2007 (1).

(2)	Ir-Regolament tal-Kummissjoni (KE) Nru 1430/2007 tal-5 ta’ Diċembru 2007 li jemenda l-Annessi II u III tad-Direttiva 2005/36/KE tal-Parlament Ewropew u tal-Kunsill rigward ir-rikonoxximent tal-kwalifiki professjonali (2) għandu jkun inkorporat mal-Ftehim.

(3)

It-titlu “Master of Science fl-Arkitettura (MScArch)”, li skond il-Komunikazzjoni 2008/C 27/09 ta’ l-Awtorità ta’ Sorveljanza ta’ l-EFTA (3) jissodisfa l-kriterji stabbiliti fid-Direttiva tal-Kunsill 85/384/KEE (4), għandu jiżdied skond l-adozzjonijiet tad-Direttiva 2005/36/KE li tikkonċerna lil-Liechtenstein.

(4)	Awtorità ġdida “Landlæknir” (id-Direttur Mediku għas-Saħħa) hi kompetenti li toħroġ liċenzji lill-persunal tas-saħħa fl-Iżlanda.

(5)	L-Anness VII mal-Ftehim għandu jiġi simplifikat billi jitneħħew l-intestaturi u l-punti vojta u billi jiġu nnumerati mill-ġdid il-punti li baqa’,

IDDEĊIEDA KIF ĠEJ:

Artikolu 1

L-Anness VII tal-Ftehim għandu jiġi emendat kif ġej:

(1)

Il-punt 1 (id-Direttiva 2005/36/KE tal-Parlament Ewropew u tal-Kunsill) għandu jiġi emendat kif ġej: (i) L-inċiż li ġej għandu jiġi miżjud: “— 32007 R 1430: Ir-Regolament tal-Kummissjoni (KE) Nru 1430/2007 tal-5 ta’ Diċembru 2007 (ĠU L 320, 6.12.2007, p. 3).” (ii) L-adozzjoni (D) għandha tkun emendata skond kif ġej: (a) Fir-rigward tal-Liechtenstein l-annotazzjonijiet segwenti għandhom jiżdiedu fit-tabella taħt il-paragrafu (g)(i):   “— Master of Science fl-Arkitettura (MScArch) Hochschule Liechtenstein   2002/2003” (b) Fir-rigward ta’ l-Iżlanda, il-kliem “Heilbrigðis- og tryggingamálaráðuneytinu” fit-tabella taħt il-paragrafu (a)(i) għandhom jiġi sostitwiti bil-kelma “Landlækni”. (c) Fir-rigward ta’ l-Iżlanda, il-kliem “Heilbrigðis- og tryggingamálaráðuneytinu” fit-tabella taħt il-paragrafu (a)(ii) għandhom jiġi sostitwiti bil-kelma “Landlækni”.

(2)	Għandhom jitneħħew l-intestaturi C (l-Attivitajiet mediċi u paramediċi), D (l-Arkitettura) u K (Oħrajn), inklużi s-sotto-intestaturi u l-punti relatati.

(3)	Għandhom jitneħħew il-punti 59 sa 65 u 67 sa 74, inklużi l-intestaturi.

(4)	Għandhom jitneħħew il-punti 1a sa 1c, 20 sa 26, 29 u 31 sa 57.

(5)	Għandhom jiġi nnumerati mill-ġdid bħala punti 1a, 3, 4, 5 u 6 il-punti 1d, 27, 28, 30 u 66.

(6)	L-intestatura E (il-Kummerċ u l-intermedjarji) għandha tkun innumerata mill-ġdida bħala l-intestatura C.

Artikolu 2

It-testi tar-Regolament (KE) Nru 1430/2007 fil-lingwa Iżlandiża u dik Norveġiża, li jiġu ppubblikati fis-Suppliment ŻEE tal-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippubblikata fis-Sezzjoni ŻEE tal-Ġurnal Uffiċjali ta‘ l-Unjoni Ewropea u fis-Suppliment ŻEE tiegħu.

---

(1)  ĠU L 100, 10.4.2008, p. 70

(2)  ĠU L 320, 6.12.2007, p. 3.

(3)  ĠU C 27, 31.1.2008, p. 30.

(4)  ĠU L 223, 21.8.1985, p. 15.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/49

---

DEĊIŻJONI TAL-KUMITAT KONĠUNT TAŻ-ŻEE

Nru 51/2008

tal-25 ta’ April 2008

li temenda l-Anness IX (Servizzi Finanzjarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness IX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 10/2008 ta’ l-1 ta’ Frar 2008 (1).

(2)	Ir-Rakkomandazzjoni tal-Kummissjoni 2007/657/KE tal-11 ta’ Ottubru 2007 dwar in-netwerk elettroniku tal-mekkaniżmi maħtura uffiċjalment għall-ħażna ċentrali ta’ l-informazzjoni regolata msemmija fid-Direttiva 2004/109/KE tal-Parlament Ewropew u tal-Kunsill (2) għandha tkun inkorporata fil-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jiddaħħal wara l-punt 42 (ir-Rakkomandazzjoni tal-Kummissjoni 2004/384/KE) ta’ l-Anness IX tal-Ftehim:

“43.

32007 H 0657: Ir-Rakkomandazzjoni tal-Kummissjoni 2007/657/KE tal-11 ta’ Ottubru 2007 dwar in-netwerk elettroniku tal-mekkaniżmi maħtura uffiċjalment għall-ħażna ċentrali ta’ l-informazzjoni regolata msemmija fid-Direttiva 2004/109/KE tal-Parlament Ewropew u tal-Kunsill (ĠU L 267, 12.10.2007, p. 16).”

Artikolu 2

It-testi tar-Rakkomandazzjoni 2007/657/KE fil-lingwa Iżlandiża u dik Norveġiża, li għandhom jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippublikata fis-Sezzjoni ŻEE tal-Ġurnal Uffiċjali ta’ l-Unjoni Ewropea u fis-Suppliment ŻEE tiegħu.

---

(1)  ĠU L 154, 12.6.2008, p. 20.

(2)  ĠU L 267, 12.10.2007, p. 16.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/50

---

DEĊIŻJONI TAL-KUMITAT KONĠUNT TAŻ-ŻEE

Nru 52/2008

tal-25 ta’ April 2008

li temenda l-Anness XIII (It-Trasport) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XIII tal-Ftehim ġie emendat bid-Deċiżjoni tal-Kumitat Konġunt taż-ŻEE Nru 31/2008 ta’ l-14 ta’ Marzu 2008 (1).

(2)	Id-Deċiżjoni tal-Kummissjoni 2006/920/KE tal-11 ta’ Awwissu 2006 dwar l-ispeċifikazzjoni teknika għal interoperabbiltà relatata mas-subsistema “l-Operazzjoni u l-Ġestjoni tat-Traffiku” tas-sistema ferrovjarja konvenzjonali transewropea (2) għandha tiġi inkorporata mal-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jiddaħħal wara l-punt 37j (id-Deċiżjoni tal-Kummissjoni 2006/860/KE) ta’ l-Anness XIII mal-Ftehim:

“37k.

32006 D 0920: Id-Deċiżjoni tal-Kummissjoni 2006/920/KE tal-11 ta’ Awissu 2006 dwar l-ispeċifikazzjoni teknika għal interoperabbiltà relatata mas-subsistema ‘l-Operazzjoni u l-Ġestjoni tat-Traffiku’ tas-sistema ferrovjarja konvenzjonali transewropea (ĠU L 359, 18.12.2006, p. 1).”

Artikolu 2

It-testi tad-Deċiżjoni 2006/920/KE fil-lingwa Iżlandiża u dik Norveġiża, li għandhom jiġu ppublikati fis-Suppliment ŻEE tal-Ġurnnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippubblikata fis-Sezzjoni ŻEE tal-Ġurnal Uffiċjali ta’ l-Unjoni Ewropea u fis-Suppliment ŻEE tiegħu.

---

(1)  ĠU L 182, 10.7.2008, p. 26.

(2)  GU L 359, 18.12.2006, p. 1.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/51

---

DEĊIŻJONI TAL-KUMITAT KONĠUNT TAŻ-ŻEE

Nru 53/2008

tal-25 ta’ April 2008

li temenda l-Anness XVI (l-Akkwist) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XVI tal-Ftehim kien emendat bid-Deċiżjoni tal-Kumitat Konġunt taż-ŻEE Nru 32/2008 ta’ l-14 ta’ Marzu 2008 (1).

(2)

Id-Direttiva 2007/24/KE tal-Parlament Ewropew u tal-Kunsill tat-23 ta’ Mejju 2007 li tħassar id-Direttiva tal-Kunsill 71/304/KEE dwar it-tneħħija ta’ restrizzjonijiet fuq il-libertà tal-provvista tas-servizzi dwar kuntratti tax-xogħlijiet pubbliċi lill-kuntratturi li jaġixxu permezz ta’ aġenziji jew fergħat (2) tħassar id-Direttiva tal-Kunsill 71/304/KEE (3) li hi inkorporata mal-Ftehim u konsegwentement għandha titħassar skond il-Ftehim,

IDDEĊIEDA KIF ĠEJ:

Artikolu 1

It-test fil-punt 1 (id-Direttiva tal-Kunsill 71/304/KEE) fl-Anness XVI għall-Ftehim għandu jiġi mħassar.

Artikolu 2

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 3

Din id-Deċiżjoni għandha tkun ippubblikata fis-Sezzjoni ŻEE tal-Ġurnal Uffiċjali ta’ l-Unjoni Ewropea u fis-Suppliment ŻEE tiegħu.

---

(1)  ĠU L 182, 10.7.2008, p. 28.

(2)  ĠU L 154, 14.6.2007, p. 22.

(3)  ĠU L 185, 16.8.1971, p. 1.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/52

---

DEĊIŻJONI TAL-KUMITAT KONĠUNT TAŻ-ŻEE

Nru 54/2008

tal-25 ta’ April 2008

li temenda l-Anness XX (l-Ambjent) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 35/2008 ta’ l-14 ta’ Marzu 2008 (1).

(2)

Id-Deċiżjoni tal-Kummissjoni 2007/531/KE tas-26 ta’ Lulju 2007 rigward kwestjonarju għar-rapporti ta’ l-Istati Membri dwar l-implimentazzjoni tad-Direttiva 1999/13/KE dwar il-limitazzjoni ta’ emissjoni ta’ likwidi organiċi volatili dovuta għall-użu ta’ solventi organiċi f’diversi attivitajiet u installazzjonijiet bejn l-2008 u l-2010 (2), għandha tiġi inkorporata fil-Ftehim,

IDDEĊIEDA KIF ĠEJ:

Artikolu 1

Dan il-punt li ġej għandu jiżdied wara l-punt 21abc (id-Deċiżjoni tal-Kummissjoni 2006/534/KE) ta’ l-Anness XX tal-Ftehim:

“21abd.

32007 D 0531: Id-Deċiżjoni tal-Kummissjoni 2007/531/KE tas-26 ta’ Lulju 2007 dwar il-kwestjonarju għar-rapporti ta’ l-Istati Membri dwar l-implimentazzjoni tad-Direttiva 1999/13/KE dwar il-limitazzjoni ta’ emissjoni ta’ likwidi organiċi volatili dovuta għall-użu ta’ solventi organiċi f’diversi attivitajiet u installazzjonijiet bejn l-2008 u l-2010 (ĠU L 195, 27.7.2007, p. 47).”

Artikolu 2

It-testi tad-Deċiżjoni 2006/531/KE fil-lingwa Iżlandiża u dik Norveġiża, li għandhom jiġu ppublikati fis-Suppliment ŻEE tal-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippubblikata fis-Sezzjoni ŻEE tal-Ġurnal Uffiċjali ta’ l-Unjoni Ewropea u fis-Suppliment ŻEE tiegħu.

---

(1)  ĠU L 182, 10.7.2008, p. 34.

(2)  ĠU L 195, 27.7.2007, p. 47.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/53

---

DEĊIŻJONI TAL-KUMITAT KONĠUNT TAŻ-ŻEE

Nru 55/2008

tal-25 ta’ April 2008

li temenda l-Anness XX (l-Ambjent) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 35/2008 ta’ l-14 ta’ Marzu 2008 (1).

(2)	Id-Deċiżjoni tal-Kummissjoni 2007/589/KE tat-18 ta’ Lulju 2007 li tistabbilixxi linji gwida dwar il-monitoraġġ u r-rapportaġġ ta’ l-emissjonijiet tal-gassijiet serra skond id-Direttiva 2003/87/KE tal-Parlament Ewropew u tal-Kunsill (2) għandha tkun inkorporata mal-Ftehim,

IDDEĊIEDA KIF ĠEJ:

Artikolu 1

It-test tal-punt 21am (id-Deċiżjoni tal-Kummissjoni 2004/156/KE) fl-Anness XX għall-Ftehim għandu jinbidel b’li ġej:

Artikolu 2

It-testi tad-Deċiżjoni 2007/589/KE fil-lingwa Iżlandiża u dik Norveġiża, li għandhom jiġu ppublikati fis-Suppliment ŻEE tal-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE tal-Ġurnal Uffiċjali ta’ l-Unjoni Ewropea u fis-Suppliment taż-ŻEE tiegħu.

---

(1)  ĠU L 182, 10.7.2008, p. 34.

(2)  ĠU L 229, 31.8.2007, p. 1.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/54

---

DEĊIŻJONI TAL-KUMITAT KONĠUNT TAŻ-ŻEE

Nru 56/2008

tal-25 ta’ April 2008

li temenda l-Anness XX (l-Ambjent) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 35/2008 ta’ l-14 ta’ Marzu 2008 (1).

(2)

Ir-Regolament tal-Kummissjoni (KE) Nru 916/2007 tal-31 ta’ Lulju 2007 li temenda r-Regolament (KE) Nru 2216/2004 għal sistema standardizzata u sikura tar-registri skond id-Direttiva 2003/87/KE tal-Parlament Ewropew u tal-Kunsill u d-Deċiżjoni Nru 280/2004/KE tal-Parlament Ewropew u tal-Kunsill (2) għandha tkun inkorporata mal-ftehim.

(3)

Id-Deċiżjoni Nru 280/2004/KE tal-Parlament Ewropew u tal-Kunsill tal-11 ta’ Frar 2004 dwar il-mekkaniżmu għal monitoraġġ ta’ l-emissjonijiet tal-gassijiet serra tal-Komunità u għall-implimentazzjoni tal-Protokoll ta’ Kyoto (3) ma kenitx inkorporata mal-Ftehim u għalhekk ir-rekwiżiti speċifiċi ta’ rapportaġġ previsti f’dik id-Deċiżjoni, ma tapplikax għall-Istati ta’ l-EFTA,

IDDEĊIEDA KIF ĠEJ:

Artikolu 1

Li ġej għandu jiġi miżjud fil-punt 21an (ir-Regolament tal-Kummissjoni (KE) Nru 2216/2004) fl-Anness XX għall-Ftehim:

“, kif emendat b’li ġej:

—	32007 R 0916: Ir-Regolament tal-Kummissjoni (KE) Nru 916/2007 tal-31 ta’ Lulju 2007 (ĠU L 200, 1.8.2007, p. 5).”

Artikolu 2

It-testi tar-Regolament (KE) Nru 916/2007 fil-lingwa Iżlandiża u u dik Norveġiża, li jiġu ppubblikati fis-Suppliment ŻEE tal-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fid-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fis-Sezzjoni u fis-Suppliment taż-ŻEE tal-Ġurnal Uffiċjali ta’ l-Unjoni Ewropea.

---

(1)  ĠU L 182, 10.7.2008, p. 34.

(2)  ĠU L 200, 1.8.2007, p. 5.

(3)  ĠU L 49, 19.2.2004, p. 1.

(*)  Ebda rekwiżiti kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/56

---

DEĊIŻJONI TAL-KUMITAT KONĠUNT TAŻ-ŻEE

Nru 57/2008

tal-25 ta’ April 2008

li temenda l-Anness XXI (l-Istatistika) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XXI tal-Ftehim kien emendat bid-Deċiżjoni tal-Kumitat Konġunt taż-ŻEE Nru 38/2008 ta’ l-14 ta’ Marzu 2008 (1).

(2)	Ir-Regolament (KE) Nru 1445/2007 tal-Parlament Ewropew u tal-Kunsill tal-11 ta’ Diċembru 2007 li jistabbilixxi regoli komuni għall-provvista ta’ informazzjoni bażika dwar il-Paritajiet tas-Setgħa ta’ l-Infiq u għall-kalkolu u d-disseminazzjoni tagħhom (2) għandu jkun inkorporat mal-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jkun inkluż wara l-punt 19x (ir-Regolament (KE) Nru 716/2007 tal-Parlament Ewropew u tal-Kunsill) tal-Anness XXI għall-Ftehim:

“19y.

32007 R 1445: Ir-Regolament (KE) Nru 1445/2007 tal-Parlament Ewropew u tal-Kunsill tal-11 ta’ Diċembru 2007 li jistabbilixxi regoli komuni għall-provvista ta’ informazzjoni bażika dwar il-Paritajiet tas-Setgħa ta’ l-Infiq u għall-kalkolu u d-disseminazzjoni tagħhom (ĠU L 336, 20.12.2007, p. 1). Id-dispożizzjonijiet tar-Regolament għandhom, għall-finijiet ta’ dan il-Ftehim, jinqraw bl-adattamenti li ġejjin: Dan ir-Regolament m’għandux ikun applikabbli għal-Liechtenstein.”

Artikolu 2

It-testi tar-Regolament (KE) Nru 1445/2007 fil-lingwa Iżlandiża u dik Norveġiża, li jiġu ppubblikati fis-Suppliment ŻEE tal-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fis-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima u fis-Suppliment taż-ŻEE tal-Ġurnal Uffiċjali ta’ l-Unjoni Ewropea.

---

(1)  ĠU L 182, 10.7.2008, p. 40.

(2)  ĠU L 336, 20.12.2007, p. 1.

(*)  Ebda obbligi kostituzzjonali m’huma indikati.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/58

---

DEĊIŻJONI TAL-KUMITAT KONĠUNT TAŻ-ŻEE

Nru 58/2008

tal-25 ta’ April 2008

li temenda l-Anness XXII (il-liġi tal-Kumpaniji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XXII tal-Ftehim kien emendat bid-Deċiżjoni tal-Kumitat Konġunt taż-ŻEE Nru 171/2007 tas-7 ta’ Diċembru 2007 (1).

(2)

Id-Direttiva 2007/63/KE tal-Parlament Ewropew u tal-Kunsill tat-13 ta’ Novembru 2007 li temenda d-Direttivi tal-Kunsill 78/855/KEE u 82/891/KEE fir-rigward tar-rekwiżit ta’ rapport ta’ espert indipendenti fl-okkażjoni ta’ amalgamazzjoni jew diviżjoni ta’ kumpaniji pubbliċi b’responsabbiltà limitata (2) għandha tkun inkorporata fil-Ftehim,

IDDEĊIEDA KIF ĠEJ:

Artikolu 1

L-Anness XXII tal-Ftehim għandu jiġi emendat kif ġej:

(1)	L-inċiż li ġej għandu jiżdied fil-punt 3 (it-Tielet Direttiva tal-Kunsill 78/855/KEE): “— 32007 L 0063: Id-Direttiva 2007/63/KE tal-Parlament Ewropew u tal-Kunsill tat-13 ta’ Novembru 2007 (ĠU L 300, 17.11.2007, p. 47).”

(2)	L-inċiż li ġej għandu jiżdied fil-punt 5 (is-Sitt Direttiva tal-Kunsill 82/891/KEE): “, kif emendat b’li ġej: — 32007 L 0063: Id-Direttiva 2007/63/KE tal-Parlament Ewropew u tal-Kunsill tat-13 ta’ Novembru 2007 (ĠU L 300, 17.11.2007, p. 47).”

Artikolu 2

It-testi tad-Direttiva 2007/63/KE fil-lingwa Iżlandiża u dik Norveġiża, li għandhom jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippubblikata fis-Sezzjoni ŻEE tal-Ġurnal Uffiċjali ta’ l-Unjoni Ewropea u fis-Suppliment ŻEE tiegħu.

---

(1)  ĠU L 124, 8.5.2008, p. 39.

(2)  ĠU L 300, 17.11.2007, p. 47.

(*)  L-ebda obbligu kostituzzjonali ma huwa indikat.

---

21.8.2008

MT

Il-Ġurnal Uffiċjali ta’ l-Unjoni Ewropea

L 223/60

---

DEĊIŻJONI TAL-KUMITAT KONĠUNT TAŻ-ŻEE

Nru 59/2008

tal-25 ta’ April 2008

li temenda l-Anness XXII (il-liġi tal-Kumpaniji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness XXII tal-Ftehim kien emendat bid-Deċiżjoni tal-Kumitat Konġunt taż-ŻEE Nru 171/2007 tas-7 ta’ Diċembru 2007 (1).

(2)	Id-Direttiva 2007/36/KE tal-Parlament Ewropew u tal-Kunsill tal-11 ta’ Lulju 2007 dwar l-eżerċizzju ta’ ċerti drittijiet ta’ l-azzjonisti ta’ kumpaniji kkwotati (2) għandha tiġi inkorporata fil-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jiddaħħal wara l-punt 10f (id-Direttiva 2006/43/KE tal-Parlament Ewropew u tal-Kunsill) ta’ l-Anness XXII għall-Ftehim:

“10g.

32007 L 0036: Id-Direttiva 2007/36/KE tal-Parlament Ewropew u tal-Kunsill tal-11 ta’ Lulju 2007 dwar l-eżerċizzju ta’ ċerti drittijiet ta’ l-azzjonisti ta’ kumpaniji kkwotati (ĠU L 184, 14.7.2007, p. 17).”

Artikolu 2

It-testi tad-Direttiva 2007/36/KE fil-lingwa Iżlandiża u dik Norveġiża, li għandhom jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar is-26 ta’ April 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippubblikata fis-Sezzjoni ŻEE tal-Ġurnal Uffiċjali ta’ l-Unjoni Ewropea u fis-Suppliment ŻEE tiegħu.

---

(1)  ĠU L 124, 8.5.2008, p. 39.

(2)  ĠU L 184, 14.7.2007, p. 17.

(*)  L-ebda ħtieġa kostituzzjonali ma hija indikata.

---