19.7.2008   

MT

Il-Ġurnal Uffiċjali ta’ l-Unjoni Ewropea

L 192/1

(1)

Permezz tar-Regolament (KE) Nru 1174/2005 (2) (“ir-Regolament oriġinali”) il-Kunsill impona dazju antidumping definittiv fuq importazzjonijiet ta’ pallet trucks ta’ l-idejn u l-partijiet essenzjali tagħhom (“HPT”) li joriġinaw mir-Repubblika Popolari taċ-Ċina (“RPĊ”). L-investigazzjoni li wasslet għar-Regolament imsemmi qabel, użat bħala perjodu ta’ investigazzjoni l-perjodu mill-1 ta’ April 2003 sal-31 ta’ Marzu 2004 (l-“investigazzjoni oriġinali”).

(2)

Din ir-reviżjoni interim parzjali ngħatat bidu fuq l-inizjattiva tal-Kummissjoni stess. It-tagħrif disponibbli lill-Kummissjoni indika li ċerti prodotti, l-hekk imsejħa highlifters, stackers, scissorslifts u weighing trucks (“HSSWT”), li jistgħu allegatament jaqgħu taħt l-ambitu tal-prodott, jidhru li huma distinti minn pallet trucks ta’ l-idejn u l-partijiet essenzjali tagħhom, jiġifieri xażi u ħajdroliks, inter alia minħabba l-funzjonijiet speċifiċi tagħhom (irfigħ, stivar jew użin tat-tagħbija) u l-użu aħħari tagħhom. Sabiex jitwettqu dawn il-funzjonijiet, jidher li hemm differenzi fis-saħħa u l-bini tal-ħajdroliks u x-xażi. Il-fatturi msemmija qabel enfasizzaw id-differenzi fl-użu – u jidher li ma kien hemm l-ebda interskambju bejn dawn il-prodotti u l-pallet trucks ta’ l-idejn. Għalhekk, tqies xieraq li ssir reviżjoni tal-każ safejn għandha x’taqsam il-kjarifika ta’ l-ambitu tal-prodott ikkonċernat, bil-konklużjoni dwarha possibbilment b’effett retroattiv sa mid-data ta’ l-impożizzjoni tal-miżuri antidumping rilevanti.

(3)

Wara li ġie stabbilit, wara konsultazzjoni mal-Kumitat Konsultattiv, li hemm biżżejjed provi li jiġġustifikaw il-bidu ta’ reviżjoni interim parzjali, il-Kummissjoni, b’avviż ippubblikat fil-Ġurnal Uffiċjali ta’ l-Unjoni Ewropea  (3), ħabbret il-bidu ta’ reviżjoni interim parzjali skond l-Artikolu 11(3) tar-Regolament bażiku, limitat għall-eżami ta’ l-ambitu tal-prodott.

(4)

Il-Kummissjoni avżat uffiċjalment lill-awtoritajiet tar-RPĊ (“il-pajjiż ikkonċernat”), u l-partijiet l-oħra kollha magħrufa li huma kkonċernati, jiġifieri produtturi esportaturi fil-pajjiż ikkonċernat, utenti u importaturi fil-Komunità u produtturi fil-Komunità, dwar il-bidu ta’ l-investigazzjoni tar-reviżjoni parzjali. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta fil-limitu ta’ żmien stabbilit fl-avviż ta’ inizjazzjoni. Il-partijiet interessati kollha li gћamlu din it-talba u li wrew li kien hemm raġunijiet partikolari għaliex kellhom jinstemgħu, ingћataw seduta.

(5)

Il-Kummissjoni bagħtet kwestjonarji lill-partijiet kollha magħrufa li huma kkonċernati, u lill-partijiet l-oħra kollha li introduċew ruħhom fiż-żmien stipulat fl-avviż ta’ inizjazzjoni.

(6)

Fid-dawl ta’ l-ambitu tar-reviżjoni parzjali, ma ġie stabbilit l-ebda perjodu ta’ investigazzjoni għall-għan ta’ din ir-reviżjoni parzjali. It-tagħrif li nkiseb permezz tat-tweġibiet tal-kwestjonarju kopra l-perjodu mill-2003 sa l-2006 (“il-perjodu meqjus”), jiġifieri dan kopra wkoll il-perjodu ta’ investigazzjoni ta’ l-investigazzjoni oriġinali. Għall-perjodu meqjus, intalab tagħrif dwar volum u valur ta’ bejgħ/xiri, volum u kapaċità ta’ produzzjoni għal HPT u HSSWT. Barra minn hekk, il-partijiet ikkonċernati ntalbu jikkumentaw dwar xi differenzi jew similaritajiet bejn il-HPT u l-HSSWT fir-rigward tal-proċess ta’ produzzjoni tagħhom, il-karatteristiċi tekniċi, l-użu aħħari, il-kapaċità ta’ interskambju, eċċ.

(7)

Waslu tweġibiet tal-kwestjonarju kompluti biżżejjed minn żewġ produtturi esportaturi Ċiniżi tal-HPT/HSSWT, erba’ produtturi Komunitarji tal-HPT jew il-HSSWT, utent wieħed u 14-il importatur ta’ HPT/HSSWT fil-Komunità.

(8)

Il-Kummissjoni fittxet u vverifikat it-tagħrif kollu meqjus neċessarju għall-għan ta’ evalwazzjoni dwar jekk hemmx ħtieġa għal kjarifika/emenda ta’ l-ambitu tal-miżuri antidumping eżistenti u wettqet investigazzjonijiet fl-istabbilimenti tal-kumpaniji li ġejjin:

(9)

Il-prodott ikkonċernat, kif hu definit b’mod uniformi fir-Regolament oriġinali, huwa l-pallet trucks ta’ l-idejn, li ma jaħdmux waħidhom, użati għat-tqandil ta’ materjali li normalment jitpoġġew fuq il-pallets, u l-partijiet essenzjali tagħhom, jiġifieri xażi u ħajdroliks, li joriġinaw mir-RPĊ, u normalment iddikjarat fi ħdan il-kodiċi NM ex 8427 90 00 u ex 8431 20 00. Hemm tipi differenti ta’ pallet trucks ta’ l-idejn u l-partijiet essenzjali tagħhom li jiddependu prinċipalment fuq il-kapaċità ta’ rfigħ, it-tul tal-frieket, it-tip ta’ azzar użat għax-xażi, it-tip ta’ ħajdroliks, it-tip ta’ roti u l-eżistenza ta’ brejk.

(10)

Ta’ min ifakkar li l-investigazzjoni oriġinali kopriet pallet trucks ta’ l-idejn u l-partijiet essenzjali tagħhom, jiġifieri xażi u ħajdroliks li jintużaw biex it-tagħbija li normalment titpoġġa fuq il-pallets, tkun tista’ tiġi mqandla u mmexxija bl-idejn. B’definizzjoni, il-HPT jridu jiġu mbuttati u miġbuda bl-idejn. Għaldaqstant, il-HPT jipprovdu mekkaniżmu li jippermetti lill-utent li jerfa’ t-tagħbija b’idejh kemm hu biżżejjed biex iġorrha minn post għal ieħor.

(11)

Il-HSSWT, li allegatament ġew ikklassifikati bħala prodott ikkonċernat li hu suġġett għall-miżuri antidumping minn xi awtoritajiet nazzjonali tad-dwana, jistgħu jaħdmu waħidhom jew jinġarru bl-idejn. Huma jintużaw biex iġorru u jerfgħu t-tagħbija sabiex ippoġġuha aktar fl-għoli, biex jgħinu fil-ħżin tat-tagħbija (highlifters), biex jistivaw pallet wieħed fuq ieħor (stackers), biex jerfgħu t-tagħbija għal livell fejn isir ix-xogħol (scissorlifts) jew biex jerfgħu u jiżnu t-tagħbija (weighing trucks).

(12)

Il-HPT kif definiti skond il-premessa (10) hawn fuq biss tqiesu bħala l-prodott ikkonċernat, investigat skond ir-Regolament oriġinali. Tajjeb li wieħed jinnota li għall-għanijiet ta’ l-investigazzjoni oriġinali l-Kummissjoni qatt ma talbet lill-partijiet li kkooperaw biex jipprovdu tagħrif dwar il-HSSWT u ma vverifikat l-ebda tagħrif dwar il-HSSWT. Għaldaqstant, id-data u t-tagħrif kollha ppreżentati skond ir-Regolament oriġinali u r-riżultati ta’ l-investigazzjoni oriġinali, inkluża l-impożizzjoni tal-miżuri antidumping definittivi, kienu bbażati biss fuq il-HPT.

(13)

Wara li tqieset il-qagħda deskritta skond il-premessa (2) u biex jiġi stabbilit jekk il-HSSWT humiex distinti mill-HPT, kemm il-HSSWT kif ukoll il-HPT ġew eżaminati fir-rigward tal-karatteristiċi fiżiċi u tekniċi, il-proċess ta’ produzzjoni tagħhom, l-użu finali tipiku tagħhom u l-interskambju tagħhom.

(14)

Hemm tipi differenti ta’ HPT u l-partijiet essenzjali tagħhom, jiġifieri ħajdroliks u xażi li jiddependu prinċipalment fuq il-kapaċità ta’ rfigħ, it-tul tal-frieket, it-tip ta’ azzar użat għax-xażi, it-tip ta’ ħajdroliks, it-tip ta’ roti u l-eżistenza ta’ brejk. Dawn it-tipi differenti għandhom, madankollu, l-istess karatteristiċi fiżiċi bażiċi u l-istess użu, u għalhekk tqiesu kollha bħala l-prodott ikkonċernat fl-investigazzjoni oriġinali.

(15)

L-investigazzjoni tar-reviżjoni wriet li l-HSSWT għandhom ftit mill-karatteristiċi tal-HPT, eż. għandhom ix-xażi bil-frieket u sistema idrawlika. Madankollu, dawn għandhom funzjonijiet addizzjonali biex jerfgħu it-tagħbija aktar fl-għoli, jistivaw, joperaw bħala pjattaforma/livell fejn isir ix-xogħol jew jiżnu t-tagħbija, li jeħtieġu biċ-ċar komponenti tekniċi addizzjonali jew aktar avvanzati. Sabiex jiġu sodisfatti l-funzjonijiet speċifiċi tal-HSSWT imsemmija qabel, ir-rekwiżiti fis-saħħa u l-bini ta’ frieket, xażi u ħajdroliks huma differenti minn dawk għall-HPT. Barra minn hekk, biex jiġu sodisfatti dawn il-funzjonijiet addizzjonali, il-HSSWT jiswew ħafna iżjed flus mill-HPT (sa għaxar darbiet aktar).

(16)

Ġie stabbilit mill-investigazzjoni tar-reviżjoni li hemm differenzi sinifikanti fil-proċess ta’ produzzjoni tal-HPT u l-HSSWT billi dawn ta’ l-aħħar jeħtieġu komponenti addizzjonali u għalhekk stadji ta’ produzzjoni differenti meta mqabbla mal-HPT. Tabilħaqq, l-investigazzjoni tar-reviżjoni żvelat li fil-highlifters u fl-istackers il-frejm tax-xażi jrid ikun ferm ogħla u s-sistema idrawlika differenti biex it-tagħbija tkun tista’ tintrefa’ aktar fl-għoli, filwaqt li fil-weighing trucks, jiġi inkorporat miżien fix-xażi b’dan ta’ l-aħħar ikollu struttura ta’ frieket differenti għal kollox meta mqabbel mal-HPT.

(17)

Il-HPT jintużaw ħafna f’attivitajiet ta’ tqandil ta’ tagħbija, fit-tqassim u l-ħżin ta’ merkanzija. Huma jintużaw kemm fl-industriji tal-manifattura kif ukoll fil-ħwienet bl-imnut. Il-HPT huma ddisinjati biex jiġu mbuttati, miġbuda jew immexxija bl-idejn, fuq wiċċ lixx, invell u iebes, minn operatur pedonali bl-użu ta’ laċċ artikulat. Il-pallet trucks ta’ l-idejn huma ddisinjati biss biex jgħollu t-tagħbija, billi jippompjaw il-laċċ, u sa għoli biżżejjed biex tinġarr it-tagħbija, per eżempju f’vetturi tat-tqassim, imħażen, siti tal-manifattura, jew anki fil-ħwienet li jbigħu bl-imnut. Il-kapaċità massima ta’ rfigħ tal-HPT normalment hi madwar 210 millimetri. Barra minn hekk, il-HPT ġeneralment jitqiesu bħala komplement neċessarju għal tagħmir ieħor ta’ tqandil, bħal forklifts. Ma jinħtieġ l-ebda taħriġ speċifiku biex jintużaw il-HPT.

(18)

L-investigazzjoni tar-reviżjoni wriet li l-HSSWT jintużaw prinċipalment mill-istess utenti bħall-HPT, madankollu, l-użu tagħhom huwa differenti, eż. jerfgħu t-tagħbija aktar fl-għoli, jistivaw it-tagħbija, jiffunzjonaw bħala livell fejn isir ix-xogħol jew jiżnu t-tagħbija. Minħabba l-karatteristiċi u l-użi speċifiċi tagħhom, il-HSSWT mhumiex użati ħafna daqs il-HPT. Huwa għalhekk li l-volum ta’ bejgħ tagħhom huwa madwar wieħed minn għaxra tal-bejgħ tal-HPT fis-suq tal-KE. Barra minn hekk, għall-kuntrarju tal-HPT, l-użu tal-HSSWT jeħtieġ taħriġ speċifiku.

(19)

L-investigazzjoni tar-reviżjoni wriet li l-HSSWT għandhom ferm aktar użi speċifiċi mill-HPT. Tabilħaqq, il-highlifters/l-istackers jintużaw biex jerfgħu t-tagħbija aktar fl-għoli, biex jgħinu fil-ħżin tat-tagħbija, biex jistivaw pallet wieħed fuq l-ieħor, is-scissorlifts jintużaw biex jerfgħu it-tagħbija għal livell fejn isir ix-xogħol u l-weighing trucks biex jiżnu t-tagħbija.

(20)

Xi tipi ta’ HSSWT (eż. weighing trucks) jistgħu, b’mod limitat ħafna biss, jerfgħu jew iġorru t-tagħbija bħall-HPT. Madankollu, il-bdil tal-HPT mal-HSSWT ma jagħmel l-ebda sens prattiku jew ekonomiku għax il-HPT huma aktar faċli biex jintużaw fejn għandhom x’jaqsmu biss l-irfigħ u l-ġarr tat-tagħbija, u l-HSSWT jiswew ferm iżjed flus mill-HPT u jeħtieġu taħriġ speċifiku biex jintużaw. Barra minn hekk, f’xi każijiet, l-użu permanenti tal-HSSWT minflok il-HPT jista’ jeqred il-funzjonijiet ewlenin tal-HSSWT, eż. fil-każ tal-weighing trucks fejn it-tagħmir ta’ l-użin huwa tant delikat li jista’ jitħassar mill-mument meta l-weighing truck jintuża biex jerfa’ u jġorr it-tagħbija.

(21)

Min-naħa l-oħra ġie stabbilit li matul l-investigazzjoni tar-reviżjoni l-HPT ma jistgħux jintużaw biex jissostitwixxu l-HSSWT. Il-funzjonijiet ta’ dawn ta’ l-aħħar jirreferu għal suq speċifiku u distint b’rekwiżiti differenti, u perċezzjonijiet u ħtiġijiet ta’ użi aħħarija differenti.

(22)

Il-Kummissjoni eżaminat ukoll jekk il-partijiet essenzjali, jiġifieri x-xażi u l-ħajdroliks, tal-HPT u l-HSSWT jistgħux jinbidlu bejniethom. F’dan ir-rigward, l-investigazzjoni tar-reviżjoni wriet li kemm ix-xażi kif ukoll il-ħajdroliks ma jistgħux jitbiddlu bejn il-HPT u l-HSSWT minħabba l-kostruzzjoni u l-karatteristiċi differenti tagħhom.

(23)

L-investigazzjoni tar-reviżjoni stabbiliet li minħabba l-karatteristiċi tekniċi differenti u addizzjonali, l-użi aħħarija differenti u l-proċessi ta’ produzzjoni differenti, il-HSSWT ma jaqgħux fi ħdan l-ambitu tal-prodott tal-HPT u tal-partijiet essenzjali tagħhom li huma suġġetti għall-miżuri antidumping fis-seħħ. Din hija r-raġuni għaliex il-Kummissjoni ma kkunsidratx il-HSSWT bħala parti mill-ambitu tal-prodott ta’ l-investigazzjoni oriġinali.

(24)

Għaldaqstant jitqies xieraq li jkun iċċarat li l-HSSWT huma differenti mill-HPT u mill-partijiet essenzjali tagħhom u ma jaqgħux fi ħdan l-ambitu tal-prodott suġġett għal miżuri antidumping.

(25)

Il-partijiet interessati ġew mgħarrfa dwar il-konklużjonijiet ta’ hawn fuq.

(26)

Waħda mill-partijiet iddikjarat li l-HSSWT u l-HPT għandha titqies bħala entità teknika waħda iżda t-tagħrif fil-fajl ma jiggarantix din il-konklużjoni. Il-partijiet l-oħra kollha li ressqu rappreżentazzjonijiet aċċettaw il-konklużjonijiet tal-Kummissjoni.

(27)

Fid-dawl ta’ dak li ssemma hawn fuq, jitqies xieraq li jiġi emendat ir-Regolament oriġinali biex tiġi ċċarata d-definizzjoni tal-prodott.

(28)

Billi din l-investigazzjoni tar-reviżjoni hija limitata għall-kjarifika ta’ l-ambitu tal-prodott, u billi l-HSSWT ma kinux koperti mill-investigazzjoni oriġinali u mill-miżura antidumping konsegwenti, jitqies xieraq li l-konklużjonijiet jibdew japplikaw mid-data tad-dħul fis-seħħ tar-Regolament oriġinali, inkluża kull importazzjoni suġġetta għal dazji proviżorji bejn id-29 ta’ Jannar 2005 u 1-21 ta’ Lulju 2005. Il-Kummissjoni ma sabet l-ebda raġuni importanti għaliex ma għandhiex tiġi applikata dispożizzjoni retroattiva bħal din.

(29)

Konsegwentement, għal oġġetti li mhumiex koperti mill-Artikolu 1(1) tar-Regolament (KE) Nru 1174/2005 kif emendat b’dan ir-Regolament, id-dazju antidumping definittiv imħallas jew imdaħħal fil-kontijiet skond l-Artikolu 1(1) tar-Regolament (KE) Nru 1174/2005 u d-dazji antidumping proviżorji miġbura b’mod definittiv skond l-Artikolu 2 ta’ l-istess Regolament għandhom jitħallsu lura jew jitnaqqsu.

(30)

Il-ħlas lura jew ir-remissjoni għandha tintalab mill-awtoritajiet nazzjonali tad-dwana skond il-leġiżlazzjoni doganali applikabbli.

(31)

Din ir-reviżjoni ma taffettwax id-data li fiha jiskadi r-Regolament (KE) Nru 1174/2005 skond l-Artikolu 11(2) tar-Regolment bażiku,

19.7.2008   

MT

Il-Ġurnal Uffiċjali ta’ l-Unjoni Ewropea

L 192/5

(1)

Il-Kunsill, wara investigazzjoni anti-dumping (l-“investigazzjoni oriġinali”), bir-Regolament (KE) Nru 85/2006 (2) impona dazju anti-dumping definittiv fuq l-importazzjonijiet tas-salamun ta’ trobbija li joriġinaw fin-Norveġja. Id-dazju definittiv kien impost f’forma ta’ prezz minimu ta’ importazzjoni (“MIP”).

(2)

Fl-20 ta’ Frar 2007, il-Kummissjoni rċeviet talba għal reviżjoni interim parzjali mressqa mill-Istati Membri li ġejjin: l-Italja, il-Litwanja, il-Polonja, il-Portugall u Spanja (“l-applikanti”) skond l-Artikolu 11(3) tar-Regolament bażiku.

(3)

L-applikanti pprovdew evidenza prima facie li l-bażi li fuqha kienu stabbiliti l-miżuri nbidlet u li dawn il-bidliet huma ta’ natura permanenti. L-applikanti allegaw u pprovdew evidenza prima facie li turi li paragun bejn valur normali kostrutt u l-prezzijiet ta’ l-esportazzjoni jwasslu għal tnaqqis tad-dumping b’mod sinifikanti taħt il-livell tal-miżuri attwali. Għalhekk, l-impożizzjoni kontinwa ta’ miżuri fil-livelli preżenti ma għadhiex meħtieġa sabiex jiġi bbilanċjat id-dumping. Din l-evidenza tqieset suffiċjenti biex jiġi ġġustifikat bidu ta’ proċediment.

(4)

Għalhekk, skond dan, wara li kien ikkonsultat il-Kumitat Konsultattiv, il-Kummissjoni fil-21 ta’ April 2007 bdiet, permezz tal-pubblikazzjoni ta’ avviż fil-Ġurnal Uffiċjali ta’ l-Unjoni Ewropea  (3), reviżjoni interim parzjali ta’ miżuri anti-dumping fis-seħħ fuq importazzjonijiet ta’ salamun ta’ trobbija li joriġina fin-Norveġja skond l-Artikolu 11(3) tar-Regolament bażiku (l-“avviż ta’ bidu”).

(5)

Din ir-reviżjoni kienet limitata fl-ambitu għall-aspetti ta’ dumping bl-għan li tivvaluta l-ħtieġa għat-tkomplija, it-tneħħija jew l-emenda tal-miżuri attwali.

(6)

Il-Kummissjoni uffiċjalment tat il-parir lill-esportaturi/produtturi magħrufin kollha fin-Norveġja, lin-negozjanti, l-importaturi u l-assoċjazzjonijiet magħrufin li huma kkonċernati, u lir-rappreżentanti tar-Renju tan-Norveġja, dwar il-bidu tal-proċediment. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta fil-limitu taż-żmien stipulat fl-avviż ta’ bidu.

(7)

It-Taqsima 5(a) ta’ l-avviż ta’ bidu indikat li l-Kummissjoni tista’ tiddeċiedi li tapplika t-teħid ta’ kampjuni skond l-Artikolu 17 tar-Regolament bażiku. B’rispons għat-talba skond it-Taqsima 5(a)(i) ta’ l-avviż ta’ bidu, 267 kumpanija pprovdew l-informazzjoni mitluba fil-limitu taż-żmien speċifikat. Minn dawn, 169 kienu produtturi esportaturi ta’ salamun ta’ trobbija. Saru esportazzjonijiet jew b’mod dirett inkella b’mod indirett permezz ta’ negozjanti relatati u indipendenti.

(8)

Minħabba n-numru kbir ta’ kumpaniji involuti, kien deċiż li jsir użu mid-dispożizzjonijiet għal teħid ta’ kampjuni u, għal dan l-għan, intgħażel kampjun ta’ kumpaniji produtturi, bl-akbar volumi ta’ esportazzjoni lejn il-Komunità (produtturi esportaturi), b’konsultazzjoni mar-rappreżentanti ta’ l-industrija Norveġiża. Ir-rappreżentanti ta’ l-industrija Norveġiża pproponew li jiġu inklużi fil-kampjun (i) kumpanija produttriċi li ma kinitx tesporta waħedha iżda biss permezz ta’ negozjati mhux relatati fin-Norveġja u (ii) żewġ esportaturi iżda mhux produtturi tal-prodott ikkonċernat. Dan ma setax ikun aċċettat minħabba li safejn il-kumpanija produttriċi hi kkonċernata ma kienx hemm garanziji suffiċjenti li bejgħ esportat lejn il-Komunità permezz ta’ negozjanti mhux relatati seta’ tassew jiġi identifikat. Fil-każ ta’ l-esportaturi li ma jipproduċux il-prodott tagħhom ta’ salamun, ebda valur normali ma seta’ jiġi stabbilit u għalhekk ebda dazju ma seta jiġi ddeterminat għal dawn il-kumpaniji.

(9)

Skond l-Artikolu 17 tar-Regolament bażiku, il-kampjun magħżul kopra l-volum ta’ esportazzjonijiet l-aktar rappreżentattivi possibbli li b’mod raġononevoli seta’ jiġi investigat fiż-żmien disponibbli. Il-produtturi esportaturi magħżulin fl-aħħar kampjun irrappreżentaw kważi 60 % tal-volum irrapportat tal-prodott ikkonċernat esportat lejn il-Komunità.

(10)

Fejn għandhom x’jaqsmu l-importaturi, u sabiex il-Kummissjoni tkun tista’ tiddeċiedi jekk it-teħid tal-kampjuni hux neċessarju, it-Taqsima 5(a)(ii) ta’ l-avviż ta’ bidu talbet lill-importaturi fil-Komunità biex jissottomettu l-informazzjoni speċifikata f’din it-taqsima. Fil-Komunità erba’ importaturi biss wieġbu għall-formola tat-teħid ta’ kampjuni. Minħabba l-għadd baxx ta’ importaturi li kkooperaw, ebda teħid ta’ kampjuni ma kien neċessarju f’dan il-każ.

(11)

Il-Kummissjoni fittxet u vverifikat l-informazzjoni kollha li qieset meħtieġa għad-determinazzjoni tad-dumping. Għal dan l-għan, il-Kummissjoni stiednet il-partijiet kollha magħrufin li huma kkonċernati u l-partijiet l-oħrajn kollha li għarrfu lilhom infushom fil-limitu taż-żmien stabbilit fl-avviż ta’ bidu biex jikkooperaw f’dan il-proċediment u biex jimlew il-kwestjonarji rilevanti. F’dan ir-rigward, 267 produttur u esportatur fin-Norveġja, ir-rappreżentanti tal-produtturi tas-salamun tal-Komunità u l-Gvernijiet ta’ l-Irlanda u l-Iskozja kkooperaw mal-Kummissjoni u tgħarrfu l-opinjonijiet tagħhom. Barra minn hekk, erba’ importaturi u sitt produtturi esportaturi kampjuni Norveġiżi ssottomettew it-tweġibiet sħaħ tal-kwestjonarju fil-limitu ta’ żmien stipulat.

(12)

Il-Kummissjoni wettqet verifiki fil-bini tal-kumpaniji li ġejjin:

(13)

L-akbar żewġ produtturi esportaturi Norveġiżi, jiġifieri Marine Harvest AS u Hallvard Leroy AS irrappreżentaw aktar minn 44 % tal-produzzjoni totali rrapportata mill-produtturi Norveġiżi li kkooperaw u 45 % ta’ l-esportazzjonijiet Norveġiżi lill-Komunità.

(14)

L-informazzjoni mogħtija mill-erba’ kumpaniji l-oħra magħżula għall-kampjun kienet soġġetta għal analiżi teoretika profonda u nstab li l-ispejjeż ta’ produzzjoni tagħhom u l-prezzijiet ta’ l-esportazzjoni ġeneralment kienu konformi ma’ dawk tal-kumpaniji li saritilhom żjara.

(15)

Il-partijiet interessati kollha li talbu hekk u li wrew li kien hemm raġunijiet partikolari għaliex għandhom jinstemgħu, ingћataw seduta ta’ smigħ.

(16)

L-investigazzjoni tad-dumping kopriet il-perjodu mill-1 ta’ Jannar 2006 sal-31 ta’ Diċembru 2006 (“il-perjodu ta’ l-investigazzjoni tar-reviżjoni” jew “PIR”).

(17)

Il-prodott eżaminat hu l-istess bħal dak ta’ l-investigazzjoni oriġinali, jiġifieri salamun ta’ trobbija (aktar milli dak li jgħix fl-ambjent naturali), kemm bix-xewk jew mingħajru, frisk, imkessaħ jew iffriżat li joriġina fin-Norveġja (“il-prodott ikkonċernat”). Id-definizzjoni tinkludi prodotti oħra ta’ ħut ta’ trobbija bħat-trota (salamun) kbira, il-bijomassa (salamun ħaj) kif ukoll is-salamun li jgħix fi stat naturali u tipi oħra pproċessati bħas-salamun affumikat.

(18)

Il-prodott attwalment hu kklassifikat fil-kodiċijiet tan-NM ex 0302 12 00, ex 0303 11 00, ex 0303 19 00, ex 0303 22 00, ex 0304 19 13 u ex 0304 29 13 li jikkorrispondu mal-preżentazzjonijiet differenti tal-prodott (ħut frisk jew imkessaħ, frisk jew bla xewk imkessaħ, ħut iffriżat u ħut bla xewk iffriżat).

(19)

Kif stabbilit fl-investigazzjoni oriġinali u kkonfermat b’din l-investigazzjoni, il-prodott ikkonċernat u l-prodott ipproduċut u mibjugħ fis-suq domestiku fin-Norveġja nstabu li kellhom l-istess karatteristiċi fiżiċi u kellhom l-istess użu. Għalhekk tqiesu bħala prodotti simili fi ħdan it-tifsira ta’ l-Artikolu 1(4) tar-Regolament bażiku. Billi din ir-reviżjoni kienet limitata għad-dumping, ma ntlaħqet ebda konklużjoni rigward il-prodott ipproduċut u mibjugħ mill-industrija Komunitarja fis-suq tal-Komunità.

(20)

Il-produtturi Norveġiżi tas-salamun ta’ trobbija kienu qed jagħmlu bejgħ tal-prodott ikkonċernat lill-Komunità jew b’mod dirett, jew inkella permezz ta’ negozjanti relatati jew mhux relatati. Bejgħ identifikat iddestinat biss għas-suq tal-Komunità magħmul b’mod dirett jew permezz ta’ kumpaniji relatti bbażati fin-Norveġja ntuża biex jiġi kkalkulat il-prezz ta’ l-esportazzjoni fil-livell tal-produttur.

(21)

Għad-determinazzjoni tal-valur normali l-Kummissjoni l-ewwel stabbiliet, għal kull wieħed mill-produtturi esportaturi inklużi fil-kampjun, jekk il-bejgħ domestiku totali tas-salamun ta’ trobbija kienx rappreżentattiv b’paragun mal-bejgħ totali ta’ esportazzjoni għall-Komunità. Skond l-Artikolu 2(2) tar-Regolament bażiku, il-bejgħ domestiku jiġi kkunsidrat rappreżentattiv meta l-volum tal-bejgħ domestiku totali ta’ kull produttur esportatur kien mill-anqas 5 % tal-volum totali tiegħu tal-bejgħ ta’ esportazzjoni lejn il-Komunità.

(22)

Sabiex jiġi ddeterminat jekk il-bejgħ domestiku kienx rappreżentattiv, il-bejgħ lil negożjanti mhux relatati lokalizzati fin-Norveġja u li kellhom liċenzja għall-esportazzjoni matul il-PIR ma tqisx billi d-destinazzjoni finali ta’ dan il-bejgħ ma setax jiġi stabbilit b’ċertezza. Fil-fatt, l-investigazzjoni ndikat li dan il-bejgħ kien fil-parti l-kbira tiegħu ddestinat għall-esportazzjoni lejn swieq ta’ pajjiżi terzi u għalhekk ma sarx għal konsum domestiku.

(23)

Il-Kummissjoni sussegwentement identifikat dawk it-tipi ta’ prodotti mibjugħa b’mod domestiku mill-kumpaniji li għandhom bejgħ domestiku rappreżentattiv globali, li kienu identiċi jew direttament komparabbli mat-tipi mibjugħa għall-esportazzjoni lill-Komunità.

(24)

Il-bejgħ domestiku ta’ tip ta’ prodott partikolari kien meqjus rappreżentattiv biżżejjed meta l-volum ta’ dak it-tip ta’ prodott mibjugħ fis-suq domestiku lill-konsumaturi indipendenti matul il-perjodu ta’ investigazzjoni kien jirrappreżenta 5 % jew aktar tal-volum totali tat-tip ta’ prodott komparabbli mibjugħ għall-esportazzjoni lill-Komunità.

(25)

Kien eżaminat ukoll jekk il-bejgħ domestiku ta’ kull tip ta’ prodott ikkonċernat, mibjugћ lokalment fi kwantitajiet rappreżentattivi, setax jitqies bћala li kien qed jinbiegћ fl-andament ordinarju tal-kummerċ skond l-Artikolu 2(4) tar-Regolament bażiku, billi jiġi stabbilit il-proporzjon ta’ bejgћ bi qligħ lill-klijenti indipendenti tat-tip ikkonċernat. Dan sar billi ġie stabbilit il-proporzjon tal-bejgħ domestiku bi qligħ lill-klijenti indipendenti ta’ kull tip ta’ prodott esportat, fis-suq domestiku matul il-perjodu ta’ l-investigazzjoni, kif ġej:

(26)

Fejn il-volum tal-bejgħ ta’ tip ta’ prodott, mibjugħ bi prezz nett ta’ bejgħ daqs jew iktar mill-ispiża kkalkulata tal-produzzjoni, irrappreżenta aktar minn 80 % tal-volum tal-bejgħ totali ta’ dan it-tip, u fejn il-prezz medju differenzjat ta’ dak it-tip kien daqs jew iktar mill-ispiża tal-produzzjoni, il-valur normali kien ibbażat fuq il-prezzijiet domestiċi reali. Dan il-prezz kien ikkalkulat bħala l-medja differenzjata tal-prezzijiet tal-bejgħ domestiku kollu ta’ dak it-tip li sar matul il-PIR, irrispettivament minn jekk dan il-bejgħ kienx bi qligħ jew le.

(27)

Fejn il-volum tal-bejgħ bi qligħ ta’ tip ta’ prodott irrappreżenta 80 % jew inqas tal-volum totali tal-bejgħ ta’ dak it-tip, jew fejn il-prezz medju bil-piż divrenzjali ta’ dak it-tip kien inqas mill-ispiża tal-produzzjoni, il-valur normali kien ibbażat fuq il-prezz domestiku reali, ikkalkulat bħala l-medja bil-piż divrenzjali tal-bejgħ profitabbli ta’ dak it-tip biss, sakemm dan il-bejgħ kien jirrappreżenta 10 % jew aktar tal-volum tal-bejgħ totali ta’ dak it-tip.

(28)

Fejn il-volum tal-bejgħ bi qligħ ta’ kwalunkwe tip ta’ prodott kien jirrappreżenta inqas minn 10 % tal-volum tal-bejgħ totali ta’ dak it-tip, tqies li dan it-tip partikolari nbiegħ fi kwantitajiet żgħar wisq biex il-prezz domestiku jkun jipprovdi bażi xierqa għall-istabbiliment tal-valur normali.

(29)

Kull fejn il-prezzijiet domestiċi ta’ tip ta’ prodott partikolari mibjugħ minn produttur esportatur ma setgħux jintużaw sabiex jiġi stabbilit il-valur normali, kellu jiġi applikat metodu ieħor.

(30)

L-ewwel, ġie eżaminat jekk il-valur normali setax jiġi stabbilit abbażi ta’ prezzijiet domestiċi ta’ produtturi oħra fin-Norveġja skond l-Artikolu 2(1) tar-Regolament bażiku. Billi f’dan il-każ, ebda prezzijiet li wieħed jista’ joqgħod fuqhom ta’ produtturi oħra ma kienu disponibbli, il-valur normali kostrutt intuża skond l-Artikolu 2(3) tar-Regolament bażiku.

(31)

Għalhekk, skond l-Artikolu 2(3) tar-Regolament bażiku, il-Kummissjoni, minflok, ikkalkulat valur normali kostrutt kif ġej. Il-valur normali kien kostrutt billi ġie miżjud ma’ l-ispejjeż tal-manifattura tat-tipi esportati ta’ kull produttur esportatur, aġġustat fejn meħtieġ, ammont raġonevoli għall-bejgħ, għal infiq ġenerali u amministrattiv (“SG&A”) u għal marġni raġonevoli ta’ qligħ.

(32)

Fil-każijiet kollha l-infiq għall-bejgħ u dak ġenerali u amministrattiv u l-qligħ kienu stabbiliti skond il-metodi ddefiniti fl-Artikolu 2(6) tar-Regolament bażiku. Għal dan l-għan, il-Kummissjoni eżaminat jekk l-infiq għall-bejgħ, għall-infiq ġenerali u amministrattiv li sar u l-qligħ magħmul minn kull wieħed mill-produtturi esportaturi kkonċernati fis-suq domestiku kinux jikkostitwixxu data ta’ min joqgħod fuqha.

(33)

L-ebda wieħed mis-sitt produtturi esportaturi kkonċernati li għalih il-valur normali kellu jiġi kostrutt ma kellu bejgħ domestiku rappreżentattiv. Għalhekk, il-metodu kif deskritt fl-introduzzjoni ta’ Artikolu 2(6) ma setax jintuża. L-Artikolu 2(6)(a) ma setax jiġi applikat billi ebda wieħed mill-produtturi esportaturi kkonċernati ma kellu bejgħ domestiku rappreżentattiv. Lanqas l-Artikolu 2(6)(b) ma kien applikabbli, minħabba li l-bejgħ tal-kategorija ġenerali tal-prodotti fis-swieq domestiċi nstab li ma sarx bl-andament ordinarju ta’ kummerċ. Gћalhekk, l-infiq għall-bejgħ, u l-ispejjeż ġenerali u amministrattivi ġew stabbiliti skond l-Artikolu 2(6)(c) tar-Regolament bażiku, jiġifieri abbażi ta’ kull metodu ieħor raġonevoli. F’dan ir-rigward, u fl-assenza ta’ kull informazzjoni oħra disponibbli, kien ikkunsidrat li marġni ta’ qligħ ta’ 30 % u l-infiq għall-bejgħ, u l-ispejjeż ġenerali u amministrattivi ta’ 3 % għandhom ikunu raġonevoli meta jitqiesu ċ-ċifri rrapportati mis-sitt produtturi esportaturi matul il-PIR rigward il-bejgħ domestiku tagħhom.

(34)

Il-produtturi esportaturi Norveġiżi esprimew dubji dwar l-użu ta’ marġni ta’ qligħ ta’ 30 % filwaqt li stqarrew li dan ma kienx jikkorrispondi ma’ ċifri reali li jirriflettu marġnijiet normali fit-taqsima tal-ħut ta’ trobbija. Madankollu, ma kienx hemm indikazzjoni fil-fajl li l-ammonti għal profitti stabbiliti, kif deskritti hawn fuq, qabżu l-qligħ li normalment isir minn produtturi esportaturi oħra fuq bejgħ ta’ prodotti ta’ l-istess kategorija ġenerali fis-suq domestiku tal-pajjiż ta’ oriġini fl-PIR. Fil-fatt, kif jingħad hawn fuq, il-marġni ta’ qligħ użat kien ibbażat fuq ċifri reali vverifikati. Dan l-argument kellu għalhekk jiġi miċħud.

(35)

Fil-każijiet kollha fejn il-prodott ikkonċernat ġie esportat lil klijenti indipendenti fil-Komunità, il-prezz ta’ esportazzjoni ġie stabbilit skond l-Artikolu 2(8) tar-Regolament bażiku, jiġifieri abbażi tal-prezzijiet ta’ esportazzjoni effettivament imħallsa jew dovuti.

(36)

Fejn il-bejgħ mill-esportazzjoni sar permezz ta’ negozjanti relatati, il-prezz ta’ l-esportazzjoni kien kostrutt, skond l-Artikolu 2(9) tar-Regolament bażiku, abbażi tal-prezz li bih il-prodotti importati nbigħu mill-ġdid għall-ewwel darba lil xerrej indipendenti, aġġustati kif jixraq għall-ispejjeż kollha li nqalgħu bejn l-importazzjoni u l-bejgħ mill-ġdid, kif ukoll marġni raġonevoli għall-infiq għall-bejgħ, u l-ispejjeż ġenerali u amministrattivi u għall-qligħ. F’dan ir-rigward, intużaw l-infiq għall-bejgħ u l-ispejjeż ġenerali u amministrattivi tan-negozjanti relatati matul il-PIR. Fejn jidħol il-profitt, dan kien iddeterminat abbażi ta’ informazzjoni disponibbli, u fl-assenza ta’ kull informazzjoni oħra li wieħed jista’ joqgħod fuqha, li profitt ta’ 2 % kien raġonevoli għal negozjant f’dan is-settur kummerċjali.

(37)

Kif ingħad hawn fuq fil-premessa (21), f’każijiet fejn il-bejgħ sar permezz ta’ negozjanti mhux relatati, ma kienx possibbli li tiġi ddeterminata b’ċertezza d-destinazzjoni finali tal-prodott esportat. Għalhekk, ma setax jiġi stabbilit jekk ċertu bejgħ sarx lil klijent fil-Komunità jew f’pajjiż terz ieħor, u għalhekk kien deċiż biex ma jitqiesx il-bejgħ lil negozjanti mhux relatati. L-industrija Komunitarja oġġezzjonat għal dan l-approċċ billi qalet li bejgħ ta’ din ix-xorta kellu jiġi investigat, filwaqt li allegat li s-salamun inbiegħ permezz ta’ negozjanti indipendenti li daħlu fil-Komunità bi prezzijiet taħt l-MIP.

(38)

Qed jiġi mfakkar illi, meta jiġi stabbilit il-prezz għall-esportazzjoni, għandu jitqies il-bejgħ lill-ewwel klijent indipendenti skond l-Artikolu 2(8) tar-Regolament bażiku u li għalhekk, fil-kuntest tad-determinazzjoni ta’ dumping, il-prezzijiet ta’ bejgħ mill-ġdid mill-ewwel klijenti indipendenti huma rrilevanti. Dan l-argument kellu għalhekk jiġi miċħud.

(39)

Il-paragun bejn il-valur normali u l-prezz għall-esportazzjoni sar abbażi ta’ kif dawn joħorġu mill-fabbrika.

(40)

Sabiex jiġi żgurat paragun ġust bejn il-valur normali u l-prezz ta’ esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabbiltà tal-prezzijiet skond l-Artikolu 2(10) tar-Regolament bażiku. Fil-każijiet kollha, fejn instab li kienu raġonevoli, preċiżi u appoġġati b’evidenza vverifikata, kienu awtorizzati aġġustamenti xierqa. Abbażi ta’ dan, saru konċessjonijiet għal differenzi fl-iskonti, it-tnaqqis, it-trasport, l-assigurazzjoni, l-ipproċessar ta’ l-ordni, it-tagħbija u l-ispejjeż anċillari, l-ippakkjar u d-dazji ta’ kreditu u ta’ importazzjoni.

(41)

Għall-produtturi esportaturi li kienu inklużi fil-kampjun, ġie kkalkulat marġni individwali ta’ dumping. Għal dawn il-kumpaniji, il-koeffiċjent medju tal-valur normali ta’ kull tip tal-prodott ikkonċernat li ġie esportat lejn il-Komunità tqabbel mal-koeffiċjent medju tal-prezz ta’ l-esportazzjonijiet tat-tip korrispondenti tal-prodott ikkonċernat, kif stipulat fl-Artikolu 2(11) tar-Regolament bażiku.

(42)

Rigward dawk il-produtturi esportaturi li kkooperaw iżda li ma kinux inklużi fil-kampjun, instab li, għall-biċċa l-kbira tal-bejgħ tagħhom, il-prezzijiet ta’ esportazzjoni tagħhom kienu ġeneralment konformi ma’ dawk ta’ l-esportaturi tal-kampjun. Fin-nuqqas ta’ kull informazzjoni li tindika l-kuntrarju ta’ dan, kien ikkunsidrat li r-riżultati tat-teħid tal-kampjuni huma rappreżentattivi għall-esportaturi l-oħra kollha.

(43)

Meta jitqies il-livell għoli ta’ kooperazzjoni, jiġifieri kważi 100 %, kien konkluż li l-marġnijiet ta’ dumping misjuba għall-produtturi esportaturi tal-kampjun li kkooperaw kienu rappreżentattivi għan-Norveġja.

(44)

Abbażi ta’ li ntqal hawn fuq, il-marġnijiet ta’ dumping espressi bħala perċentwali tal-prezz nett tas-CIF ħieles fil-fruntiera Komunitarja, id-dazju mhux imħallas hu:

(45)

Il-marġni tal-medja tal-koeffiċjent tad-dumping għas-sitt kumpaniji kollha hu ta’ - 16,1 %.

(46)

Billi d-dumping misjub matul il-PIR kien de minimis, kien aktar eżaminat jekk kienx hemm il-probabbiltà ta’ rikorrenza ta’ dumping li kieku kellhom jitneħħew il-miżuri, skond l-Artikolu 11(3) tar-Regolament bażiku, jiġifieri jekk iċ-ċirkostanzi matul il-PIR kienu ta’ natura permanenti. F’dan ir-rigward, l-erba’ aspetti li ġejjin kienu eżaminati b’mod partikolari, i) l-iżvilupp tal-valur normali, ii) l-iżvilupp tal-volumi ta’ esportazzjoni u l-prezzijiet lill-Komunità u lil pajjiżi terzi, iii) il-volumi ta’ produzzjoni u l-kapaċitajiet fin-Norveġja u iv) is-sitwazzjoni ta’ l-industrija Norveġiża.

(47)

Għall-maġġoranza l-kbira tal-bejgħ ta’ esportazzjoni, (jiġifieri għal 99 %), il-valur normali kien kostrutt skond l-Artikolu 2(3) ta’ Regolament bażiku abbażi ta’ l-ispiża ta’ l-immanifatturar tal-produtturi esportaturi kkonċernati billi żdied ammont għall-infiq għall-bejgħ, u l-ispejjeż ġenerali u amministrattivi u l-qligħ. Għalhekk, kien ikkunsidrat adatt li jiġi eżaminat li l-iżvilupp probabbli ta’ l-ispiża tal-produzzjoni fin-Norveġja bħala sostitut għal prezzijiet domestiċi, biex jiġi ddeterminat l-iżvilupp probabbli tal-valur normali.

(48)

L-investigazzjoni wriet li l-istruttura ta’ l-ispiża tal-produtturi esportaturi Norveġiżi baqgħet stabbli matul il-PIR. Fil-fatt, matul il-PIR, l-ispejjeż tal-produzzjoni għal kull unità tal-kumpaniji investigati kellhom medja ta’ 20 għal 25 % taħt l-MIP.

(49)

Rigward l-iżvilupp probabbli tagħhom, kienu eżaminati diversi fatturi li influwenzaw il-livell ta’ l-ispejjeż ta’ unità, bħall-ispejjeż għall-għalf, l-ispejjeż tat-tferrigħ, l-impatt tal-proċess ta’ konsolidazzjoni ta’ l-industrija tas-salamun Norveġiż u l-użu mkabbar li aktar ma’ jgħaddi żmien aktar qed jiżdied ta’ teknoloġiji ġodda effiċjenti mil-lat ta’ spejjeż.

(50)

Kien ikkunsidrat li l-ispiża għall-għalf li tirrappreżenta 50 sa 60 % ta’ l-ispiża totali hi indikatur li wieħed jista’ joqgħod fuqu rigward l-iżvilupp ta’ l-ispiża totali. Dan kien ikkonfermat ukoll minn analisti ta’ l-industrija speċjalizzati f’dan is-settur. Ċerti partijiet interessati qalu li l-ispejjeż totali kien se jkollhom jiżdiedu wara l-PIR u probabbilment se jiżdiedu aktar, jiġifieri ta’ l-anqas 30 % sa l-aħħar ta’ l-2008 b’paragun mal-bidu tal-PIR prinċipalment minħabba ż-żidiet allegati fil-prezzijiet ta’ l-għalf. Komplew isostnu li għaqda bejn il-valur normali li qed jiżdied ma’ prezzijiet ta’ esportazzjoni li qed jaqgħu se tirriżulta f’rikorrenza ta’ dumping.

(51)

Il-partijiet interessati kkonċernati ma ssottomettewx evidenza partikolari li tissostanzja ż-żieda antiċipata allegata għall-ispiża ta’ l-għalf bi 30 %. Analiżi ta’ kif tista’ tiżviluppa l-ispiża tista’, barra minn hekk, ma tikkonfermax dawn l-allegazzjonijiet. B’hekk, b’kuntrast għal dak li ntqal minn dawn il-partijiet interessati, l-investigazzjoni wriet li l-ispejjeż ivverifikati ta’ l-għalf tal-produtturi esportaturi Norveġiżi baqgħu xi ftit jew wisq stabbli matul il-PIR u l-ewwel disa’ xhur ta’ l-2007. B’hekk, it-Tabella (1) fil-premessa (54) turi biss żieda ħafifa għall-ispejjeż ta’ l-għalf bejn l-2006 u l-2007. L-investigazzjoni wriet ukoll li ż-żieda fil-prezz ta’ l-għalf hi prinċipalment marbuta maż-żieda fil-prezzijiet ta’ ċerti komponenti ta’ l-għalf (materja prima) bħalma hu ż-żejt tal-ħut u l-ħut mitħun. Għandu jiġi nnotat li ż-żejt tal-ħut u l-ħut mitħun huma sa ċertu punt sostitwibbli b’materja prima fil-kompożizzjoni ta’ l-għalf għall-ħut bi spiża aktar baxxa bħaż-żjut veġetali u ħxejjex mitħuna. Bħala konsegwenza, il-produtturi ta’ l-għalf normalment jaqilbu l-kompożizzjoni ta’ l-għalf għall-ħut sabiex iżommu l-ispiża ġenerali għall-għalf baxxa kemm jista’ jkun possibbli. Għalhekk hu mistenni li anki jekk in-nefqa ta’ ċerti komponenti ta’ l-għalf ma tiżdiedx, din se tħalli impatt lineari dirett fuq l-ispiża ġenerali għall-għalf, jiġifieri jekk ikun hemm żieda, tali żieda se tkun b’mod sinifikanti b’pass baxx. Għandu wkoll jiġi nnotat li fatturi oħra ta’ spejjeż kif deskritti hawn taħt fil-premessi (52) u (55) sa (63) probabbilment se jkollhom tnaqqis u għalhekk se jkollhom effett kompensatorju fuq iż-żieda potenzjali ta’ l-ispiża għall-għalf.

(52)

Rigward il-prezzijiet tat-tferrigħ, li jirrappreżentaw madwar 15 % tat-total ta’ l-ispiża tat-trobbija, l-investigazzjoni wriet li l-prezzijiet naqsu kif muri fit-Tabella (1) hawn taħt. Għalkemm hu diffiċli li jkun previst b’mod preċiż l-iżvilupp ta’ l-ispejjeż tat-tferrigħ, it-tendenza ta’ tnaqqis persistenti murija fit-tabella (1) hawn taħt tqieset bħala indikatur li wieħed jista’ joqgħod fuqu li jippermetti b’mod raġonevoli li jiġi konkluż li l-istess tendenzi se jkomplu fil-ġejjieni. Kien x’kien il-każ, l-investigazzjoni ma wrietx, u ħadd mill-partijiet interessati ma qalu li kien hemm, bidla sinifikanti fl-iżviluppi ta’ l-ispejjeż tat-tferrigħ fil-ġejjieni.

(53)

Billi kemm l-ispejjeż għat-tferrigħ u għall-għalf jammontaw għal ta’ l-anqas 65 % ta’ l-ispejjeż totali u li ż-żejt tal-ħut u l-ħut mitħun sa ċertu punt huma sostitwibbli b’materja prima bi spiża aktar baxxa fil-kompożizzjoni ta’ l-għalf għall-ħut (ara l-premessa (50)), kien konkluż li l-ispiża totali probabbilment mhix se tiżdied b’mod sinifikanti fil-ġejjieni previst.

(54)

It-Tabella (1): L-iżvilupp ta’ l-ispejjeż għall-għalf u t-tferrigħ fi Kroner Norveġiż (għal kull kilo ta’ salamun imnaddaf bir-ras (HOG) (sors:- Kontali Analyse AS (4) (2008)).

(55)

Sussegwentement għar-rivelazzjoni, l-industrija Komunitarja oġġezzjonat għas-sejbiet ta’ hawn fuq billi allegat li l-ispejjeż għall-għalf kellhom ikunu allokati skond il-ġenerazzjoni billi l-ispejjeż għall-għalf matul sena partikolari ma kinux jaffettwaw l-ispiża ta’ ħsad f’dik is-sena speċifika iżda l-ispejjeż ta’ ħsad ġejjieni. Inkella, is-sejbiet li jirrigwardaw l-iżvilupp ta’ l-ispejjeż ma kinux se jirriflettu b’mod adatt is-sitwazzjoni attwali. Dan ma kellux jiġi aċċettat minħabba li fl-analiżi kienu wżati l-ispejjeż attwali vverifikati għall-għalf aggregati skond il-ġenerazzjoni.

(56)

L-industrija Komunitarja oġġezzjonat ukoll għall-konklużjonijiet li prezzijiet ogħla f’ċerti komponenti ta’ l-għalf jistgħu jiġu kkumpensati b’sostituzzjoni. F’dan ir-rigward intqal li minħabba żieda fil-prezzijiet ta’ komponenti oħra ta’ l-għalf fuq naħa u minħabba impatt negattiv fuq il-kwalità tal-laħam tas-salamun fuq in-naħa l-oħra tali sostituzzjoni kienet limitata. Rigward iż-żieda fl-ispejjeż ta’ komponenti oħra ta’ l-għalf, din ma kinitx appoġġata b’evidenza suffiċjenti u għalhekk ma ġietx meqjusa. Hu magħruf li s-sostituzzjoni ta’ ċerti komponenti ta’ l-għalf hi limitata. Madankollu, kif jingħad fil-premessa (50), instab li s-sostituzzjoni sa ċertu punt hi tassew possibbli. Abbażi ta’ dan kien konkluż li għalkemm l-ispiża għall-għalf tista’ tiżdied fil-ġejjieni, din probabbilment ma kinitx se tiżdied bl-istess proporzjon bħaż-żieda fil-ispejjeż taż-żejt tal-ħut u l-ħut mitħun. L-industrija tal-Komunità ma ssottomettietx evidenza li setgħet tbiddel dawn il-konklużjonijiet.

(57)

Il-proċess ta’ konsolidazzjoni hu fattur ieħor li jikkontribwixxi għall-istabbilizzazzjoni ta’ l-ispejjeż ta’ produzzjoni. Għandu jiġi nnotat li mis-sena 2000 l-għadd ta’ kumpaniji li pproduċew 80 % tas-salamun mill-Atlantiku fin-Norveġja naqas minn 55 għal 31 fl-2006. Għalkemm is-settur tat-trobbija tal-ħut Norveġiż għad jista’ jitqies bħala fframmentat, il-proċess ta’ konsolidazzjoni għandu effetti pożittivi fuq l-ispejjeż ta’ produzzjoni mhux biss tal-produtturi l-aktar importanti fin-Norveġja, li ntgħażlu fit-teħid tal-kampjun, iżda wkoll għas-settur ġenerali kollu, kif ikkonfermat minn analisti speċjalizzati ta’ l-industrija. Tassew, sinerġiji ġodda, l-integrazzjoni ta’ attivitajiet ta’ produzzjoni u ekonomiji ta’ skala taw il-kapaċità lill-produtturi biex jikkontrollaw iż-żieda fl-ispiża abbażi ta’ kull unità, minkejja ż-żieda importanti tal-volumi ta’ produzzjoni.

(58)

It-tendenza ta’ konsolidazzjoni mistennija tkompli fil-ġejjieni, probabbilment ħafna se jkollha impatt ieħor pożittiv fuq l-ispejjeż, minħabba l-ekonomiji ta’ skala.

(59)

Finalment, l-introduzzjoni ta’ teknoloġiji ġodda u ta’ tagħmir għall-attivitajiet tat-trobbija tal-ħut ikkontribwixxa għal kontroll fiż-żieda ta’ l-ispejjeż għal kull unità ta’ bażi, minkejja l-fatt li l-volumi tal-produzzjoni żdiedu (ara l-premessa (64) u ta’ warajha).

(60)

Sussegwentement għar-rivelazzjoni, l-industrija tal-Komunità kkontestat li l-ispiża tal-produzzjoni kellha tonqos billi sostniet li l-konsolidazzjoni fiha nfisha mhix neċessarjament fattur li jnaqqas l-ispiża. Għalhekk, intqal li, skond l-istatistika Norveġiża, il-kumpaniji żgħar u medji fin-Norveġja se jkunu aktar effiċjenti mill-gruppi l-kbar. Intqal ukoll li l-konklużjoni ta’ tnaqqis fl-ispiża tikkontradixxi s-sejbiet fil-premessa (92) dwar il-konsegwenzi possibbli ta’ tifqigħa ta’ epidemija u ta’ ġabra aktar baxxa milli mistenni għal kull tferrigħ fil-ġejjieni li jkollhom it-tnejn li huma effett ta’ żieda fuq l-ispiża.

(61)

Qed jiġi nnotat l-ewwel li l-premessa (92) ma tirriferix għall-konsegwenzi ta’ tifqigħa ta’ epidemija iżda għar-rata normali ta’ mortalità inerenti għall-produzzjoni tas-salamun li ma għandhiex impatt fiha nfisha fuq l-ispiża. It-tieni, il-ġabra baxxa aktar milli mistenni għal kull tferrigħ imsemmija f’din il-premessa mhix minħabba sitwazzjoni eċċezzjonali u mhux ikkunsidrata li hi sinifikanti u għalhekk mingħajr impatt sostanzjali fuq l-ispiża ġenerali. Il-premessa (92) tipprova biss turi li ż-żieda fil-volum tal-produzzjoni ma tistax tiġi tradotta fuq bażi individwali biż-żieda tal-produzzjoni tat-tferrigħ billi fatturi oħra għandhom influwenza wkoll fuq il-volum maħsud, li ma kienx ikkontestat mill-industrija tal-Komunità.

(62)

Fejn għandu x’jaqsam l-effett tat-tnaqqis ta’ l-ispiża tal-proċess ta’ konsolidazzjoni, l-industrija tal-Komunità ma ssottomettietx evidenza biex tappoġġa l-oġġezzjoni tagħha. Għalhekk l-argumenti tal-Komunità f’dan ir-rigward kellhom jiġu miċħuda.

(63)

Bħala konklużjoni, meta jitqies dak li ntqal hawn fuq, hu kkunsidrat li probabbilment il-valur normali mhux se jiżdied b’mod sinifikanti fil-ġejjieni previst. Anzi, b’mod partikolari minħabba l-proċess li għaddej ta’ konsolidazzjoni, jista’ jitwettaq aktar tnaqqis fl-ispiża minkejja li l-prezzijiet ta’ l-għalf għandhom it-tendenza li jiżdiedu (ara l-premessa (50)). Għalhekk, il-valur normali kostrutt, li hu bbażat fuq l-ispiża ta’ l-immanifatturar hu meqjus li hu ta’ natura permanenti.

(64)

Kif qed jintwera fit-Tabella (2) fil-premessa (65), il-produzzjoni Norveġiża tas-salamun żdiedet b’mod stabbli fl-aħħar tliet snin u fl-2007 b’mod partikolari, prinċipalment minħabba kundizzjonijiet bijoloġiċi favorevoli u meta titqabbel ma’ produzzjoni dgħajfa fis-sena 2006. Madankollu, kif qed jintwera fit-Tabella (3) fil-premessa (66) dwar it-total ikkalkulat ta’ konsum fil-Komunità, is-suq tal-Komunità għall-prodott ikkonċernat żdied ukoll b’mod sinifikanti, jiġifieri + 9,40 % mill-2006 sa l-2007 u, bbażat fuq it-tendenzi tal-passat, dan għandu jiżdied aktar. L-iżvilupp fil-konsum li qed jidher fit-Tabella (3) hawn taħt jinkludi kemm l-importazzjonijiet tal-pajjiżi terzi kollha kif ukoll il-bejgħ ta’ l-industrija tal-Komunità fis-suq Komunitarju.

(65)

It-Tabella (2): It-Total tal-produzzjoni tas-salamun f’tunnellati ekwivalenti ta’ ħut sħiħ (WFE) bejn l-2003 u l-2007 (sors: Kontali Analysis: Monthly Salmon Report January No 01/2008).

(66)

It-Tabella (3) dwar l-Iżvilupp fil-konsum (forniment mis-sorsi kollha inklużi l-industrija tal-Komunità) ta’ salamun mill-Atlantiku fil-Komunità mill-2004 sa l-2007 (sors: Kontali Analysis: Monthly Salmon Report January No 01/2008).

(67)

Fl-2007, skond l-istatistiċi pubbliċi (Kontali Analysis), is-sehem stmat mis-suq fil-Komunità ta’ salamun Norveġiż laħaq il-71 % imqabbel ma’ 69 % fl-2006. Madankollu, dan seħħ minħabba t-tnaqqis fl-importazzjonijiet miċ-Ċili fejn il-livelli tal-produzzjoni waqgħu bejn 3 % u 5 % (dan jiddependi mis-sorsi) bejn l-2006 u l-2007, minħabba tifqigħa ta’ epidemija li hu antiċipat li se jkollha effetti fit-tul fuq il-livelli tal-produzzjonijiet ta’ l-anqas fl-2008 u fis-snin li ġejjin.

(68)

Abbażi ta’ dak li ntqal hawn fuq, ġie konkluż li t-tkabbir tas-suq tal-Komunità se jkun jista’ jassorbixxi parti kbira mill-volumi tal-produzzjoni fin-Norveġja mingħajr ma’ neċessarjament il-produzzjoni Norveġiża tieħu f’idejha ishma sinifikanti fis-suq mingħand l-industrija tal-Komunità. Barra minn hekk, kif enfasizzat hawn taħt fil-premessa 78 u ta’ warajha, partijiet mill-volumi ta’ produzzjoni Norveġiżi probabbilment se tiżdidilhom l-importazzjoni lejn swieq f’pajjiżi terzi fejn kien osservat żvilupp konsiderevoli. Finalment, il-preżenza mnaqsa taċ-Ċili fil-Komunità probabbilment se tikkontribwixxi wkoll biex tkompli tnaqqas ir-riskji ta’ forniment aktar milli meħtieġ ta’ esportazzjonijiet lill-Komunità.

(69)

Sussegwentement għar-rivelazzjoni, l-industrija tal-Komunità qalet li s-sitwazzjoni fiċ-Ċili ma għandhiex impatt sinifikanti għas-suq tal-Komunità, billi s-salamun Ċilen kien prinċipalment esportat lis-swieq fl-Istati Uniti u għalhekk is-sitwazzjoni tal-forniment fis-suq tal-Komunità essenzjalment hi ddeterminata mill-esportazzjonijiet Norveġiżi. L-industrija tal-Komunità kompliet tgħid li l-ishma tas-suq min-Norveġja fil-Komunità żdiedu b’ 2 % punti perċentwali addizzjonali, filwaqt li l-importazzjonijiet miċ-Ċili fil-Komunità żdiedu b’ 5 % fil-bidu ta’ l-2008.

(70)

Għandu l-ewwel ikun innotat li d-data ppreżentata mill-industrija tal-Komunità tirreferi biss għal xahrejn sa tliet xhur mill-2008 u għalhekk ebda konklużjoni li tagħmel sens ma tista’ tinġibed minnha. Fil-fatt, dawn it-tipi ta’ żviluppi tas-suq għandhom jiġu studjati matul perjodu li jkollu firxa ta’ żmien itwal. It-tieni, is-sitwazzjoni ta’ epidemija fiċ-Ċili għandu jkollha impatt fuq il-forniment mad-dinja kollha, li fil-fatt se jonqos, u fejn kapaċi jingħataw direzzjoni ġdida l-volumi addizzjonali tal-produzzjoni Norveġiża

(71)

Fejn jidħlu l-prezzijiet ta’ l-esportazzjoni lejn il-Komunità, ċerti partijiet interessati qalu li dawn naqsu b’mod sinifikanti mill-PIR ‘l hawn u se jilħqu livell ta’ 2,85 EUR/kg fl-2008 li, flimkien ma’ l-allegat żieda fl-ispiża u għalhekk il-volum normali, jirriżultaw f’dumping. Dan il-prezz kien stmat abbażi tal-prezz trasversali medju rrapportat fis-Suq ta’ Oslo fl-2007, jiġifieri EUR 3,13/kg billi jitnaqqas it-tnaqqis stmat tal-prezz medju bejn EUR 0,06/kg u EUR 0,28/kg

(72)

Fejn għandu x’jaqsam l-iżvilupp tal-valur normali u kif spjegat fil-premessa (47) u f’dawk li jsegwuha, l-argumenti mressqin mill-partijiet interessati inkwistjoni kellhom jiġi miċħuda.

(73)

Fejn jidħlu l-prezzijiet ta’ l-esportazzjoni lejn il-Komunità, statistika pubblikament disponibbli turi li l-allegazzjonijiet tal-partijiet interessati msemmija hawn fuq mhumiex ikkonformati bl-iżvilupp reċenti fil-prezzijiet ta’ esportazzjoni kif qed jintwera fiċ-Ċart (1) hawn taħt:

(74)

Ċart (1): L-iżvilupp fil-prezzijiet (FCA Oslo EUR/Kg tas-Salamun Frisk ta’ Kwalità Superjuri – sors Fish Pool) fl-2006, 2007 u l-bidu ta’ l-2008.

(75)

Jirriżulta minn dak li jinsab hawn fuq li l-prezzijiet lill-Komunità fl-2007 kienu fil-fatt sinifikantement aktar baxxi milli matul il-parti l-kbira tal-PIR, jiġifieri fl-2007 kienu bejn 2,88 EUR/kg u 3,51 EUR/kg. Madankollu, l-investigazzjoni stabbilixxiet li dawn il-prezzijiet kienu bil-wisq aktar mill-prezz stabbilit tal-produzzjoni u għalhekk ukoll aktar mill-valur normali u għalhekk kienu kkunsidrati li kienu magħmulin f’livelli ddampjati. Aktar minn hekk, abbażi ta’ l-informazzjoni disponibbli għall-ewwel tliet xhur ta’ l-2008, il-prezzijiet matul dak il-perjodu nstabu bejn 2,96 EUR/kg u 3,35 EUR/kg, jiġifieri bl-istess mod, kienu għadhom aktar mill-ispejjeż stabbiliti. Għalhekk, huma probabbilment ma kinux f’livelli ddampjati meta wieħed jikkunsidra li l-valur normali baqa’ stabbli kif konkluż fil-premessa (47) u f’dawk li jsegwuha. L-investigazzjoni wriet li l-prezzijiet komplew jiġu influwenzati mit-talba tas-suq iżda mhumiex stabbiliti f’livell ogħla. Innotat ukoll li dawn il-varjazzjonijiet tal-prezzijiet huma normali f’dan is-settur.

(76)

L-industrija tal-Komunità qalet li l-prezzijiet ta’ esportazzjoni wara l-PIR kienu influwenzati bl-eżistenza ta’ l-MIP u għalhekk miżmuma f’livell relattivament għoli. Hi kompliet tgħid li, għalhekk, jekk il-miżuri jitħallew jiskadu, il-livell tal-prezz lill-Komunità se jonqos b’mod sinifikanti. Din il-konklużjoni mhix ikkonfermata mis-sejbiet ta’ l-investigazzjoni korrenti, li wrew li l-valur normali għandu jibqa’ relattivament stabbli, filwaqt li kienet żgħira l-probabbiltà ta’ livelli tal-prezz ta’ l-esportazzjoni mnaqqsa b’mod sinifikanti lill-Komunità. Sejbiet li saru aktar tard kienu bbażati fuq analiżi sħiħa ta’ diversi aspetti elenkati fil-premessa (46), bħall-iżvilupp probabbli tal-volumi tal-produzzjoni u ta’ l-esportazzjoni min-Norveġja lill-Komunità u lil swieq oħra ta’ pajjiżi terzi. L-industrija tal-Komunità ma ssottomettietx informazzjoni jew evidenza li setgħet tellfet mill-valur tas-sejbiet li saru f’dan ir-rigward.

(77)

Wara li ġie kkunsidrat dak li ntqal hawn fuq, kien konkluż li l-importazzjonijiet miżjuda tas-salamun lill-Komunità min-Norveġja ma kellhomx ikunu tali li joħolqu riskju għal forniment aktar milli meħtieġ fis-suq tal-Komunità. Barra minn hekk, minħabba s-sitwazzjoni ta’ l-ispiża tal-produzzjoni u l-prezzijiet ta’ l-esportazzjoni lill-Komunità, ir-riskju ta’ dumping jidher li hu remot.

(78)

L-investigazzjoni wriet li l-Komunità hi, u probabbli se tibqa’, is-suq ewlieni tas-salamun Norveġiż, segwita mir-Russja u mill-Ġappun. Barra dan, qed jitfaċċaw ukoll swieq għas-salamun fejn l-esportazzjonijiet Norveġiżi żdiedu f’dawn l-aħħar ftit snin, tendenza li mistennija tkompli fil-ġejjieni (kompli ara l-premessa (82) u ta’ warajha). Fil-fatt, l-investigazzjoni wriet li l-produtturi Norveġiżi huma ppreparati li jfornu dawn is-swieq fil-ġejjieni, billi kienu kapaċi jistabbilixxu relazzjonijiet mal-klijenti lokali u operazzjonijiet ta’ distribuzzjoni/bejgħ li jindikaw l-interess qawwi tal-produtturi esportaturi Norveġiżi f’dawn is-swieq.

(79)

Ċerti partijiet interessati qalu li s-suq Russu storikament kien volatili u li għalhekk ma setax jitbassar jekk it-talba f’dan is-suq hix sejra fil-fatt tiżdied u jekk il-produtturi esportaturi Norveġiżi humiex għalhekk se jkunu kapaċi jesportaw kwantitajiet akbar lejn dan is-suq fil-ġejjieni. L-istess partijiet qalu wkoll li l-bejgħ ta’ esportazzjoni min-Norveġja lejn il-Ġappun wera tendenza li qed jonqos matul dawn l-aħħar ħames snin u li għalhekk, b’mod simili, mhux ċert jekk il-volumi miżjuda tal-produzzjoni fin-Norveġja jistgħux tassew jiġu esportati lejn is-suq Ġappuniż.

(80)

Madankollu, fir-rigward tar-Russja, l-investigazzjoni wriet li s-suq ta’ madwar 61 000 tunnellata kompla jiżdied u li ma hemmx raġunijet għalxiex wieħed jista’ jassumi li dan ma għandux ikompli jagħmel dan fil-ġejjieni previst.

(81)

It-total ta’ l-esportazzjonijiet ta’ salamun minn pajjiżi produtturi differenti lejn il-Ġappun wera tnaqqis ta’ 15 % fl-2007 mqabbla ma’ l-2006. Għaldaqstant, filwaqt li xi wħud mill-pajjiżi li jfornuh naqqsu l-esportazzjonijiet tagħhom lejn il-Ġappun, in-Norveġja kienet kapaċi żżid is-sehem tagħha fis-suq tiegħu minn 52 % fl-2006 għal 66 % fl-2007 (Sors: Kontali Analysis). Kif jingħad hawn fuq fil-premessa (67), il-kwantità tal-produzzjoni taċ-Ċili kienet affettwata b’mod wiesa’ mis-sitwazzjoni epidemika u għalhekk il-volumi ta’ l-esportazzjoni inġenerali, u għalhekk anki lejn il-Ġappun, tnaqqsu b’mod sinifikanti. Għalhekk, in-Norveġja tista’ tieħu f’idejha l-ishma tas-suq mingħand iċ-Ċili, sitwazzjoni li hi mistennija li ddum ta’ l-anqas sa l-2009 kif diġà ssemma fil-premessa (67).

(82)

Kif qed jintwera fit-Tabella (4) fil-premessa (85), l-esportazzjonijiet Norveġiżi lejn swieq oħra tad-dinja li qed jitfaċċaw, bħall-Ewropa tal-Lvant (l-Ukraina, il-Belarus) u l-Lvant Imbiegħed (iċ-Ċina, il-Korea ta’ Isfel, Ħong Kong, it-Tajlandja) żdiedu b’mod sinifikanti u kuntrarjament għal dak li ntqal mill-partijiet interessati, dawn is-swieq fil-probabbiltà kollha se jassorbixxu parti dejjem akbar tal-produzzjoni Norveġiża fis-snin li ġejjin.

(83)

Il-prezzijiet ta’ l-esportazzjoni lejn il-Komunità u lejn pajjiżi terzi fuq bażi ta’ FCA Oslo instab li kellhom livelli simili u għalhekk kien konkluż li s-swieq kollha huma attraenti fl-istess livell li kieku kellu jkun hemm domanda suffiċjenti. Meta jinbiegħ frisk jew bħala prodott imkessaħ, il-prodott ikkonċernat normalment jinġarr lejn l-UE fi trakk. Meta jinbiegħ f’destinazzjonijiet aktar ‘il bogħod li mhumiex aċċessibbli bit-trakk f’ċertu limitu ta’ żmien, il-prodott ikkonċernat jinġarr bl-ajru.

(84)

Abbażi ta’ dak ta’ hawn fuq, qed jiġi konkluż li, sakemm il-fatturi jibqgħu l-istess, il-produzzjoni li qed tiddeterjora tas-salamun minn 3 sa 5 % fl-2007 fiċ-Ċili marbuta mas-sitwazzjoni epidemika se tikkontribwixxi għall-kontroll tat-tkabbir tal-forniment dinji fl-2008 u se tagħti l-opportunitajiet ta’ swieq lill-produtturi Norveġiżi fi swieq bħall-Ġappun, l-Istati Uniti u swieq oħra li qed jitfaċċaw fejn il-produtturi Ċileni għandhom ishma sinifikanti fis-suq.

(85)

It-Tabella (4): L-iżvilupp tas-suq (esportazzjonijiet) għal Salamun mill-Atlantiku min-Norveġja – l-2006 versus l-2007 (volum f’tunnellati f’piż sa l-eqreb numru sħiħ) – (Sors: Norwegian Seafood Export Council).

(86)

L-industrija tal-Komunità oġġezzjonat għas-sejbiet ta’ hawn fuq billi qalet li l-iżvilupp ta’ volumi ta’ l-esportazzjonijiet min-Norveġja lejn pajjiżi terzi oħrajn kieku kienu juru tendenza differenti fil-bidu ta’ l-2008, jiġifieri esportazzjonijiet lejn dawn il-pajjiżi f’termini assoluti kienu jonqsu u t-tkabbir totali ta’ l-esportazzjonijiet kien ikun aktar baxx mill-2007 u aktar baxx mit-tkabbir ta’ l-esportazzjoni lejn il-Komunità matul l-istess perjodu.

(87)

L-investigazzjoni wriet li d-data dwar l-importazzjoni għall-bidu ta’ l-2008 li tiddependi fuq is-sors użat kienet tvarja b’mod sinifikanti. Għalhekk, Kontali Analysis uriet tendenzi li qed jiżdiedu f’livell ogħla għall-istess perjodu. Barra minn hekk, kif jingħad hawn fuq fil-premessa (70), l-iżviluppi tas-suq għandhom jiġu studjati matul perjodu ta’ żmien itwal biex juru stampa konklużiva. Għalhekk, l-argumenti ta’ l-industrija tal-Komunità ma setgħux inaqqsu l-valur tas-sejbiet fir-rigward ta’ l-iżvilupp tal-volumi ta’ l-esportazzjoni lejn pajjiżi terzi oħrajn.

(88)

Il-livell ta’ produzzjoni fin-Norveġja, jiġifieri l-bijomassa massima awtorizzata, hi prinċipalment iddeterminata min-numru tal-liċenzji għal produzzjoni li ngħataw mill-awtoritajiet Norveġiżi, u mill-abbiltà tas-sajjieda li jrabbu l-ħut li jwettqu l-ogħla produzzjoni possibbli fil-limiti tal-liċenzja tagħhom. Fatturi oħrajn suxxettibbli li jkabbru l-produzzjoni tas-salamun huma, pereżempju, fatturi bijoloġiċi u meteoroloġiċi favorevoli u t-titjib tal-proċessi tat-trobbija tal-ħut b’tagħmir ta’ teknoloġija għolja. Bil-maqlub, it-tifqigħa ta’ epidemija tal-ħut tista’ tagħmel ħsara lill-produzzjoni b’mod sinifikanti u twassal għal tnaqqis fil-ġbir ta’ ħut kif kien il-każ fiċ-Ċili matul l-2007.

(89)

Ċerti partijiet interessati qalu li żieda fil-produzzjoni ta’ ħut b’età żgħira fin-Norveġja mill-2006 (allegatament żieda ta’ 20 % bejn l-2006 u l-2008) kella tagħti indikazzjoni qawwija li l-volum tal-produzzjoni tas-salamun Norveġiż kien se jiżdied b’mod sinifikanti fiż-żmien is-sentejn li jmiss u għalhekk iwassal għal sitwazzjoni ta’ forniment aktar milli meħtieġ. Abbażi ta’ dan, u meta jitqies il-livell partikolarment għoli tal-ġbir miksub fl-2007, dawn il-partijiet qalu li fl-2008 (u lil hinn) il-volumi tal-produzzjoni fin-Norveġja se jkunu b’mod sinifikanti u jeċċedi bil-kbir it-tkabbir tas-swieq ta’ l-esportazzjoni tagħha, u b’mod partikolari fis-suq tal-Komunità. Huma allegaw li jekk it-titjib tal-ġbir li kellha l-industrija Norveġiża tas-salamun fl-2007 kellu jirripeti ruħu fl-2008, il-volumi żejda jew mhux mibjugħin setgħu jammontaw għal bejn 20 000 u 91 000 tunnellata li jirriżultaw minn livell stmat ta’ produzzjoni ta’ 870 000 tunnellata WFE, jiġifieri 150 000 tunnellata aktar mill-2007.

(90)

L-investigazzjoni ma kkonfermatx l-allegazzjonijiet t’hawn fuq. Filwaqt li hu minnu li kien hemm żieda fil-produzzjoni ta’ ħut b’età żgħira fl-2006, din iż-żieda kienet konformi maż-żidiet ta’ snin preċedenti u ma setax jitqies bħala eċċezzjonali, kif qed jintwera fiċ-Ċart (2) hawn taħt:

(91)

Iċ-Ċart (2) L-għadd ta’ salamun b’età żgħira prodott (f’eluf) - (Sors: SSB Norway)

(92)

Barra minn hekk, ibbażati fuq taħlita ta’ diversi fatturi bħall-fatturi tal-mortalità, ir-regolamenti tal-gvern li jrieġu l-bijomassa massima awtorizzata u ġbir aktar baxx għal kull tferrigħ fl-2008, skond Kontali Analysis, il-produzzjoni stmata tas-salamun fl-2008 għandha tiżdied b’sempliċi 6 %, jiġifieri minn 723 000 tunnellta WFE fl-2007 għal 770 000 tunnellata fl-2008, jiġifieri 47 000 tunnellata WFE. Iċ-ċifri dwar l-iżvilupp iżgħar fil-bijomassa fl-2008 huma appoġġati mid-data tal-bejgħ ta’ l-għalf li turi waqgħa sinifikanti fl-2008 meta mqabbla ma’ l-2007 (sors Havbruksdata and FHL).

(93)

Sussegwentement għar-rivelazzjoni, l-industrija tal-Komunità tenniet dak li qalet li l-volum tal-produzzjoni fin-Norveġja probabbilment se jiżdied b’mod sinifikanti u pprovdiet ftit aktar data dwar il-kwantitajiet ta’ ħsad, l-istokks u l-ħut b’età żgħira relatata mal-bidu ta’ l-2008. Kif intqal hawn fuq, kien ikkunsidrat li d-data li għandha x’taqsam biss ma’ xahrejn mis-sena mhix eżattament konklużiva u għalhekk ma tistax tneħħi l-valur tas-sejbiet dwar l-iżvilupp tal-volum tal-produzzjoni fin-Norveġja kif enfasizzat hawn fuq.

(94)

Għalhekk, u abbażi ta’ l-informazzjoni disponibbli, għalkemm il-volumi ta’ produzzjoni fin-Norveġja għandhom it-tendenza li jiżdiedu, żieda drammatika fil-produzzjoni fil-ġejjien qarib, kif qed jingħad mill-partijiet interessati msemmija hawn fuq, mhix probabbli li sseħħ. Barra minn hekk, kif iddefinit hawn fuq fil-premessa (82) u ta’ warajha, kull volum imkabbar tal-produzzjoni probabbli mhux se jkun esportat fit-totalità tiegħu fil-Komunità iżda hemm probabbiltà kbira li fil-parti l-kbira se jkun dirett lejn swieq f’pajjiżi terzi fejn id-domanda qed tiżdied b’mod sinifikanti. Finalment, għar-raġunijiet enfasizzati fil-premessa (71) u ta’ warajha, l-esportazzjonijiet lejn il-Komunità mhumiex mistennija li jsiru bi prezzijiet iddampjati.

(95)

Fl-aħħarnett, is-sitwazzjoni ta’ l-industrija Norveġiża b’mod ġenerali, u matul il-PIR b’mod partikolari, ngħatat kunsiderazzjoni speċjali. L-investigazzjoni għalhekk uriet li, b’kuntrast għal dak li nstab matul l-investigazzjoni oriġinali, is-settur ta’ l-akkwakultura fin-Norveġja hu magħmul minn kumpaniji bi qligħ kbir. Dan parzjalment hu minħabba l-proċess kbir ta’ konsolidazzjoni li għadu sejjer, proċess li għamel is-settur effiċjenti u b’saħħtu ħafna. Dan hu wkoll rifless fl-istruttura tal-pussess tal-kumpaniji kkonċernati, jiġifieri diversi investimenti Norveġiżi u dinjija u fondi ta’ pensjonijiet huma rrappreżentati ferm tajjeb fil-gruppi tal-produtturi esportaturi. Dan ma kienx ukoll il-każ matul l-investigazzjoni oriġinali.

(96)

Barra minn hekk, l-investigazzjoni wriet li l-produtturi Norveġiżi fl-istess ħin huma wkoll stabbiliti ferm tajjeb fis-suq tal-Komunità, fejn jirrappreżentaw bejn wieħed u ieħor 80 % u 90 % tal-volum totali tal-produzzjoni fil-Komunità. Dawn il-kumpaniji relatati man-Norveġja fil-Komunità nstabu li jipproduċu u jbigħu s-salamun fil-parti l-kbir fis-suq tal-Komunità, u għalih.

(97)

Għandu wkoll jiġi nnotat li l-kumpaniji matriċi Norveġiżi kienu qed jesportaw kwantitajiet konsiderevoli lejn il-Komunità.

(98)

Abbażi ta’ dan, kien ikkunsidrat li l-kumpaniji matriċi Norveġiżi tal-kumpaniji produtturi lokalizzati fil-Komunità kienu ta’ l-anqas se jiġu bl-istess mod effettwati b’mod negattiv b’kull tnaqqis sinifikanti fil-prezz fis-suq tal-Komunità minħabba importazzjonijiet iddampjati min-Norveġja. Fil-fatt, abbażi ta’ dan, ma kienx mingħajr raġuni li wieħed jassumi li ma jagħmilx sens, ta’ l-anqas ekonomikament, għall-produtturi esportaturi Norveġiżi li jikkontibwixxu permezz ta’ prattiċi ta’ dumping biex iwaqqgħu l-prezzijiet tas-salamun ta’ trobbija fil-Komunità. Dan kieku jagħmel ħsara b’mod dirett lill-qligħ tas-settur u jaffettwa b’mod negattiv l-ishma tal-kumpaniji li huma nnegozjati fil-borża u li għandhom bħala azzjonisti, kif jingħad fil-premessa 95, fondi maġġuri ta’ investiment u -pensjonijiet.

(99)

Abbażi ta’ dak ta’ hawn fuq, kien għalhekk raġonevoli li jiġi konkluż li l-produtturi esportaturi Norveġiżi kellhom interess personali li jevitaw sitwazzjonijiet ta’ kollass ta’ prezzijiet tas-suq u li jibqgħu orjentati li jagħmlu qligħ. Konsegwentement, kien ikkunsidrat limitat ir-riskju li l-prattiċi ta’ dumping mill-produtturi esportaturi Norveġiżi kellu jitkompla fil-ġejjieni previst.

(100)

L-industrija tal-Komunità oġġezzjonat għas-sejbiet ta’ hawn fuq billi qalet li s-sitwazzjoni b’saħħitha tal-produtturi Norveġiżi misjuba matul il-PIR ma kinitx ta’ natura permanenti u li wara l-PIR, dawn il-produtturi se jiffaċċjaw problemi finanzjarji u xi wħud minnhom se jirreġistraw telf fil-bidu ta’ l-2008. L-industrija tal-Komunità qalet ukoll li l-maġġoranza l-kbira tal-produtturi Norveġiżi ma kellhomx sussidji fis-suq tal-Komunità u li abbażi ta’ dan ma setax jiġi konkluż li kellu jitkompla d-dumping. Fl-aħħarnett, kien allegat li l-produtturi Norveġiżi b’sussidji fil-Komunità kellhom inaqqsu l-produzzjoni tagħhom fis-suq tal-Komunità u jżidu l-produzzjoni fin-Norveġja li kieku l-miżuri kellhom jitħallew jiskadu.

(101)

Fejn tidħol is-sitwazzjoni finanzjarja tal-produtturi Norveġiżi, hu nnotat li t-telf ta’ xi wħud mill-kumpaniji kien marbut ma’ l-investimenti tagħhom fiċ-Ċili u mat-tifqigħa ta’ l-epidemija f’dan il-pajjiż. Dawn iċ-ċirkostanzi partikolari kienu jikkonċernaw biss għadd żgħir mill-produtturi kollha fin-Norveġja. Barra minn hekk, l-informazzjoni kella x’taqsam biss mal-bidu tas-sena 2008 u ma tippermettix konklużjonijiet ġenerali dwar il-prestazzjoni ta’ dawn il-kumpaniji fis-sena kollha. Fejn tidħol il-produzzjoni Norveġiża fil-Komunità, u kif ammettiet l-industrija tal-Komunità, għalkemm l-għadd ta’ kumpaniji li għandhom sussidju fil-Komunità hu limitat, dawn jirrappreżentaw il-parti l-kbira tal-produzzjoni sħiħa Norveġiża u tqiesu għalhekk bħala sinifikanti. L-argument li l-kapaċitajiet tal-produzzjoni li huma fil-pussess Norveġiż jonqsu fil-Komunità li kieku l-miżuri kellhom jitneħħew, ma kienx sostnut b’evidenza. Għalhekk dawn l-argumenti kellhom jiġu rrifjutati.

(102)

L-investigazzjoni wriet li d-dumping matul il-PIR kien f’livelli de minimis. L-investigazzjoni kompliet turi li ma hemm ebda raġuni biex jiġi emmnut li l-volum tal-produzzjoni fin-Norveġja se jiżdied aktar mir-rata tradizzjonali ta’ tkabbir u għalhekk iwassal għal żieda sinifikanti fil-volumi ta’ esportazzjoni min-Norveġja lejn il-Komunità. L-investigazzjoni stabbiliet ukoll li r-riskju ta’ tnaqqis sinifikanti fil-prezzijiet ta’ esportazzjoni Norveġiżi għal-livelli ddampjati huwa limitat fil-ġejjieni previst, prinċipalment minħabba għall-fatt li mhix mistennija produzzjoni sinifikanti aktar milli meħtieġa fin-Norveġja, li tista’ tkun ir-raġuni prinċipali li toħloq tali tnaqqis fil-prezzijiet. B’mod partikolari, il-valur normali, li nstab li hemm probabbiltà kbira li se jibqa’ stabbli, kien b’mod sinifikanti aktar baxx mill-prezz ta’ l-esportazzjoni matul il-PIR, jiġifieri l-varjazzjonijiet normali minħabba l-karattru instabbli tas-suq u għalhekk t-tnaqqis temporanju fl-prezz ta’ l-esportazzjoni probabbilment mhumiex se jirriżultaw awtomatikament f’dumping. Fl-aħħarnett, kien ikkunsidrat li s-sitwazzjoni mibdula fis-settur Norveġiż ta’ l-akkwakultura li sar għandha qligħ għoli ħafna u li l-ishma tagħha huma nnegozjati fil-borża, kif ukoll il-preżenza importanti tal-produzzjoni b’pussess Norveġiż fil-Komunità, jagħmel improbabbli r-rikorrenza ta’ prattiċi ta’ dumping fil-ġejjieni previst. Għar-raġunijiet kollha ta’ hawn fuq, kien konkluż li l-probabbiltà ta’ rikorrenza ta’ dumping hi baxxa u għalhekk ma kinitx meħtieġa t-tkomplija ta’ l-impożizzjoni tal-miżuri anti-dumping li hemm fis-seħħ.

(103)

Konsegwentement, ir-reviżjoni interim attwali għandha tintemm u l-miżuri fis-seħħ fuq l-importazzjonijiet tas-salamun tat-trobbija li joriġina fin-Norveġja għandhom jiġu mħassra.

(104)

Kif spejgat hawn fuq, huwa mistenni li l-kundizzjonijiet tas-suq, jiġifieri d-domanda u l-provvista, jibqgħu stabbli fil-ġejjieni previst u li għalhekk mhemm ebda probabbiltà ta’ rikorrenza ta’ dumping. Fil-fatt, kull indikatur eżaminat wera li raġonevolment seta’ jkun mistenni li l-volumi ta’ l-esportazzjoni lejn il-Komunità ma kinux se jiżdiedu b’mod sinifikanti u li l-prezzijiet ta’ l-esportazzjoni jibqgħu f’livelli mhux iddampjati.

(105)

Għaldaqstant, minħabba ċertu nuqqas ta’ tbassir tal-kundizzjonijiet tas-suq prinċipalment minħabba n-natura tal-prodott (merkanzija li tmur malajr), hu xieraq li jiġi mmonitorjat mill-viċin is-suq u li tiġi riveduta s-sitwazzjoni jekk ikun hemm evidenza prima facie biżżejjed li l-kundizzjonijiet inbidlu b’mod sinifikanti. F’każ bħal dan, tingħata kunsiderazzjoni għall-bidu ta’ investigazzjoni b’bażi ex officio, jekk dan ikun jinħass meħtieġ.

(106)

Il-monitoraġġ għandu jkun limitat fiż-żmien sa l-iskadenza prevista oriġinali tal-miżuri definittivi imposti mir-Regolament (KE) Nru 85/2006, jekk ikunu għadhom fis-seħħ, jiġifieri sal-21 ta’ Jannar 2011.

(107)

Il-partijiet interessati ġew informati bil-fatti u l-kunsiderazzjonijiet essenzjali li abbażi tagħhom kien maħsub li tintemm ir-reviżjoni interim attwali u li jiġi rivokat id-dazju attwali ta’ l-anti-dumping fuq l-importazzjonijiet tal-prodott ikkonċernat. Il-partijiet kollha ngħataw l-opportunità li jikkummentaw. Il-kummenti tagħhom ittieħdu f’kunsiderazzjoni fejn iġġustifikati u sostanzjati b’evidenza,

19.7.2008   

MT

Il-Ġurnal Uffiċjali ta’ l-Unjoni Ewropea

L 192/18

19.7.2008   

MT

Il-Ġurnal Uffiċjali ta’ l-Unjoni Ewropea

L 192/20

(1)

Ir-Regolament tal-Kummissjoni (KE) Nru 824/2000 tad-19 ta’ April 2000 li jistabbilixxi l-proċeduri għall-pussess ta’ ċereali mill-aġenziji ta’ l-intervent u li jippreskrivi l-metodi ta’ l-analiżi sabiex jistabbilixxu l-kwalità fiċ-ċereali (2) ġie emendat kemm-il darba (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Il-prezz ta’ l-intervent fuq il-qamħ komuni, il-qamħ duru, ix-xgħir, il-qamħirrum u s-sorgu huwa fissat għall-kwalitajiet korrispondenti kemm jista’ jkun possibbli mal-kwalità medja taċ-ċereali maħsuda fil-Komunità.

(3)

Sabiex jiġi simplifikat il-maniġġjar ta’ l-operati ta’ intervent u, partikolarment, sabiex jiġi permess li jiġu stabbiliti lottijijiet omoġenji għal kull tip ta’ ċereali offruti għall-intervent, għandha tiġi fissata kwantità minima, li taħtha l-aġenzija li tħallas jew l-aġenzija ta’ l-intervent ma tkunx obbligata li taċċetta l-offerta. Madankollu, jista’ jkun meħtieġ li jiġi provvdut minimu ikbar ta’ tunnellati metriċi f’ċerti Stati Membri, sabiex l-aġenziji jkunu jistgħu jqisu l-kondizzjonijiet li kienu jeżistu qabel u l-prattiċi tan-negozju bl-imnut f’dawn il-pajjiżi.

(4)

Iridu jiġu definiti l-metodi li jistabbilixxu l-kwalità tal-qamħ komuni, tal-qamħ duru, tal-qamħirrum u tas-sorgu.

(5)

It-tieni paragrafu ta’ l-Artikolu 11(1) tar-Regolament (KE) Nru 1234/2007 illimita l-kwantitajiet ta’ qamħirrum li jistgħu jittieħdu mill-aġenziji li jħallsu jew mill-aġenziji ta’ l-intervent mal-Komunità kollha għat-total ta’ 700 000 tunnellata għas-sena tas-suq 2008/2009, u ta’ 0 tunnellati mis-sena tas-suq 2009/2010 ’l quddiem.

(6)

Biex tkun żgurata t-tmexxija tajba tas-sistema tax-xiri ta’ intervent tal-qamħirrum, u biex l-operaturi ekonomiċi ta’ l-Istati Membri kollha jkollhom aċċess għas-sistema ta’ l-intervent bl-istess kundizzjonijiet, jeħtieġ li jkunu stipulati regoli dettaljati għall-allokazzjoni tal-kwantitajiet tal-qamħirrum eliġibbli għall-intervent. Għal dan il-għan, jeħtieġ li jiġi introdott mekkaniżmu għall-allokazzjoni tal-kwantitajiet imsemmija li jkopri l-perjodi tas-sena tas-suq li matulhom l-operaturi ekonomiċi kollha jistgħu jressqu offerti, li jagħtihom biżżejjed żmien biex iressqu l-offerti tagħhom, u li jippermetti li jiġi stabbilit koeffiċjent uniku għall-allokazzjoni għal kull min iressaq offerta meta l-kwantitajiet offruti jaqbżu dawk disponibbli. F’dan ir-rigward, jaqbel li jiġi stabbilit li l-offerti jkunu eżaminati f’żewġ stadji, u li jiġu stipulati skedi ta’ żmien għat-tressiq ta’ l-offerti għall-qamħirrum, kif ukoll għall-kunsinni u għat-teħid relatati.

(7)

Filwaqt li jitqiesu l-perjodi għax-xiri ta’ intervent stipulati fl-ewwel paragrafu ta’ l-Artikolu 11(1) tar-Regolament (KE) Nru 1234/2007, u biex jiġi żgurat l-istess trattament lill-operaturi, jeħtieġ li tkun provduta fażi inizjali għat-tressiq ta’ offerti għall-qamħirrum, li tibda mill-1 ta’ Awissu fil-Greċja, fi Spanja, fl-Italja u fil-Portugall, mill-1 ta’ Diċembru fl-Iżvezja u mill-1 ta’ Novembru fl-Istati Membri l-oħra, sal-31 ta’ Diċembru, l-aħħar jum għat-tressiq ta’ offerti fl-Istati Membri kollha. Fi tmiem din l-ewwel fażi, il-Kummissjoni għandha tistabbilixxi, fejn meħtieġ, koeffiċjent ta’ allokazzjoni applikabbli għall-offerti validi li jkunu tressqu matul din l-ewwel fażi, u għandha tagħlaq l-intervent għall-kumplament tas-sena tas-suq fejn il-kwantitajiet offruti jaqbżu l-kwantità stipulata fit-tieni paragrafu ta’ l-Artikolu 11(1) tar-Regolament (KE) Nru 1234/2007. Biex jiġi evitat piż amministrattiv u finanzjarju fuq l-aġenziji li jħallsu jew l-aġenziji ta’ intervent u l-operaturi, partikularment minħabba d-depożitar ta’ garanziji li jistgħu jisfaw inutli fin-nuqqas tal-kwantitajiet li għandhom jiġu allokati, jeħtieġ li tkun provduta waqfa fit-tressiq ta’ offerti bejn l-1 ta’ Jannar u d-data tal-pubblikazzjoni fil-Ġurnal Uffiċjali ta’ l-Unjoni Ewropea tal-kwantità li tibqa’ disponibbli għall-intervent fit-tieni fażi.

(8)

Fid-dawl taż-żmien meħtieġ biex jiġi ddeterminat, jekk meħtieġ, il-koeffiċjent ta’ allokazzjoni għall-ewwel fażi, jeħtieġ li t-tieni fażi għat-tressiq ta’ offerti tibda l-għada tal-pubblikazzjoni fil-Ġurnal Uffiċjali ta’ l-Unjoni Ewropea tal-kwantità li tibqa’ disponibbli għall-intervent, l-ewwel jum għat-tressiq ta’ offerti fl-Istati Membri kollha. Matul din it-tieni fażi, l-approvazzjoni ta’ l-offerti għandha ssir kull ġimgħa, b’bidu mill-ewwel nhar ta’ Ġimgħa wara l-pubblikazzjoni ta’ dik il-kwantità, abbażi ta’ l-offerti mressqa mill-operaturi sa mhux aktar tard mill-Ġimgħa f’12:00 (ħin ta’ Brussell). Kull ġimgħa, sa mhux aktar tard mill-Erbgħa, il-Kummissjoni għandha ttella’ fil-websajt tagħha, għad-dispożizzjoni ta’ l-operaturi, il-kwantità li tibqa’ disponibbli għall-intervent. Fejn il-kwantità stipulata fit-tieni paragrafu ta’ l-Artikolu 11(1) tar-Regolament (KE) Nru 1234/2007 tinqabeż, il-Kummissjoni għandha tistabbilixxi u tippubblika koeffiċjent ta’ allokazzjoni u tagħlaq l-intervent għas-sena tas-suq konċernata. Fid-dawl tal-perjodi għax-xiri ta’ intervent ipprovduti fl-ewwel paragrafu ta’ l-Artikolu 11(1) tar-Regolament (KE) Nru 1234/2007, it-tieni fażi għat-tressiq ta’ offerti għandha tintemm, f’kull każ, sa mhux aktar tard mit-30 ta’ April fil-Greċja, fi Spanja, fl-Italija u fil-Portugall, it-30 ta’ Ġunju fl-Iżvezja, u l-31 ta’ Mejju fl-Istati Membri l-oħra.

(9)

Biex tkun żgurata t-tmexxija effiċjenti tal-mekkaniżmu ta’ allokazzjoni, għandu jkun provdut li l-offerti għall-qamħirrum ma jistgħux ikunu emendati jew irtirati. Barra minn hekk, biex tiġi żgurata l-awtentiċità ta’ l-offerti, għandhom ikunu soġġetti għad-depożitu ta’ garanzija, u għandhom jiġu stipulati r-regoli għall-kontroll ta’ l-awtentiċità u għar-rilaxx tal-garanzija msemmija. Għal dan il-għan, dan il-kontroll għandu jsegwi l-istess regoli u kundizzjonijiet bħal dawk applikabbli għall-kontroll tal-ħażniet pubbliċi skond ir-Regolament tal-Kummissjoni (KE) Nru 884/2006 tal-21 Ġunju 2006 li tistabbilixxi dispożizzjonijiet għall-applikazzjoni tar-Regolament (KE) Nru 1290/2005, f’dak li jirrigwarda l-iffinanzjar mill-Fond Agrikolu Ewropew ta’ Garanzija (FAEG) tal-miżuri ta’ intervent fil-forma ta’ operazzjonijiet ta’ ħżin pubbliku u l-kontabilita' ta’ operazzjonijiet ta’ ħżin pubbliku mill- l-aġenziji li jħallsu ta’ l-Istati Membri (4). Barra minn hekk, bejn il-bidu ta’ l-ewwel fażi għat-tressiq ta’ l-offerti u l-31 ta’ Diċembru, jista’ jkun hemm perjodu ta’ diversi xhur. Biex jiġi evitat piż finanzjarju żejjed fuq l-operaturi li jressqu offerti f’din l-ewwel fażi, jaqbel li jkun permess li l-garanzija, li għandha tiġi ddepożitata mat-tressiq ta’ l-offerta, meta tiġi ddepożitata fil-forma ta’ garanzija bankarja, ma titħallasx sal-jum ta’ wara l-aħħar jum għat-tressiq ta’ offerti.

(10)

Il-qamħ komuni u l-qamħ duru huma koperti minn kriterji minimi ta’ kwalita' għall-konsum uman u għandhom jissodisfaw in-normi minimi ta’ kwalita' għall-konsum uman kif stabbiliti fir-Regolament tal-Kunsill (KEE) Nru 315/93 tat-8 ta’ Frar 1993 li jistabblixxi proċeduri tal-Komunità għall-kontaminanti fl-ikel (5). Iċ-ċereali l-oħra huma ntiżi prinċipalment bħala għalf għall-annimali u għandhom jikkonformaw mad-Direttiva 2002/32/KE tal-Parlament Ewropew u tal-Kunsill tas-7 ta’ Mejju 2002 dwar sustanzi mhux mixtieqa fl-għalf ta’ l-annimali (6). Għandu jiġi previst li dawk in-normi ikunu applikabbli meta l-prodotti konċernati jidħlu taħt l-iskema preżenti ta’ interventi.

(11)

Ċereali ta’ kwalita' mhux xierqa għall-użu jew il-ħżin m'għandhomx jiġu aċċettati għall-itervent. Għalhekk, għandha tiġi meqjusa s-sitwazzjoni ta’ l-intervent, partikolarment il-ħżin fit-tul ta’ ċerti ċereali u l-effetti tiegħu fuq il-kwalita' tal-prodott.

(12)

Għalhekk, sabiex prodotti ta’ intervent jiġu protetti milli jitħassru u sabiex jinżammew xierqa għal użu sussegwenti, għandu jiġi rinforzat il-kriterju tal-kwalita' tal-qamħirrum. Għaldaqstant, għandu jitnaqqas il-livell massimu ta’ umdita' kif ukoll il-persentaġġ massimu tal-qamħiet miksura u dawk imsaħħna żżejjed waqt l-ixxuttar. Peress li hemm xebh bejn is-sorgu u l-qamħirrum, għall-koerenza għandu jkun hemm maħsuba miżuri analogi għalih.

(13)

Biex tittejjeb il-kwalità tal-kundizzjonijiet tal-ħżin, u biex din il-kwalità tiġi żgurata sa mit-tressiq ta’ l-offerti, jeħtieġ li l-imħażen fejn jinsabu ċ-ċereali fil-mument ta’ l-offerta jiggarantixxu l-konservazzjoni ottima tagħhom, partikularment fuq perjodu twil fir-rigward tal-qamħirrum. Għaldaqstant, jeħtieġ li tkun limitata l-possibbiltà li jittieħdu ċ-ċereali fil-maħżen ta’ l-applikant, u li dan it-tip ta’ teħid jiġi awtorizzat biss fejn iċ-ċereali jkunu miżmuma mill-imħażen skond it-tifsira ta’ l-Artikolu 2(2)(a) tar-Regolament (KE) Nru 884/2006. F’dan il-każ, l-applikant għandu jintrabat li japplika mutatis mutandis, fir-relazzjonijiet tiegħu mal-maħżen, sa mit-tressiq ta’ l-offerta tiegħu, l-istess regoli u kundizzjonijiet ta’ ħżin u ta’ kontroll bħal dawk applikabbli skond ir-Regolament (KE) Nru 884/2006.

(14)

Ġie ppruvat li l-potenzjal għall-formazzjoni tal-mikotossina hu marbut ma’ kundizzjonijiet speċifiċi, identifikabbli partikolarment abbażi ta’ kundizzjonijiet klimatiċi rreġistrati waqt it-tkabbir u partikolarment waqt il-ħruġ taż-żgħar taċ-ċereali.

(15)

Ir-riskji preżenti meta jinqabeż il-limitu massimu għall-kontaminanti ammissibbli jista' jiġi identifikat mill-aġenziji li jħallsu jew l-aġenziji ta’ intervent abbażi ta’ l-informazzjoni mill-applikanti u l-kriterji ta’ analiżi tagħhom stess. Għalhekk, sabiex jiġu limitati l-ispejjeż finanzjarji, hemm biss ġustifikazzjoni għat-talba ta’ analiżi, taħt ir-responsabbilta' ta’ l-organiżmi qabel ma jittieħdu l-prodotti, meta din tkun abbażi ta’ analiżi tar-riskju li tippermetti li tiġi garantita l-kwalita' tal-prodotti meta jidħlu taħt l-iskema ta’ l-intervent.

(16)

Il-kundizzjonijiet ta’ l-offerta taċ-ċereali lill-aġenziji li jħallsu jew l-aġenziji ta’ intervent, u l-kundizzjonijiet sabiex dawn jittieħdu minnhom, għandhom ikunu uniformi kemm jista' jkun madwar il-Komunita' sabiex jiġi evitat kwalunkwe diskriminazzjoni bejn il-produtturi.

(17)

Il-prezzijiet ta’ l-intervent jiġu miżjuda jew imnaqqsa sabiex jirriflettu d-differenzi fil-prezz osservati fis-suq għal kwalitajiet differenti.

(18)

Apparti mill-ħtieġa ta’ dikjarazzjoni annwali tal-ħażniet kif jitlob ir-Regolament tal-Kummissjoni (KE) Nru 884/2006, l-Istati Membri għandhom jeżaminaw l-istat tal-preservazzjoni tal-ħażniet miżmuma ta’ intervent.

(19)

L-Artikolu 2, l-Artikolu 6(2)(d), l-Artikolu 7(2)(b) u l-Anness XII (1) tar-Regolament tal-Kunsill (KE) Nru 884/2006, jistipulaw ir-regoli dwar ir-responsabbiltà. Dawk l-Artikoli u l-Anness b'mod partikolari jispeċifikaw li l-Istati Membri għandhom jieħdu l-miżuri kollha meħtieġa biex jiżguraw il-konservazzjoni xierqa tal-prodotti li jkunu s-suġġett ta’ intervent tal-Komunità, u li kwantitajiet li jkunu marru għall-agħar minħabba l-kundizzjonijiet fiżiċi normali tal-ħżin jew minħabba l-konservazzjoni fit-tul wisq għandhom ikunu rreġistrati fil-kontijiet bħala li ħarġu mill-istokk ta’ intervent fid-data meta kien stabbilit it-telf jew id-deterjorament tagħhom. Għandhom jispeċifikaw koll li prodott jitqies li jkun iddeterjora jekk ma jkunx għadu jissodisfa r-rekwiżiti ta’ kwalità applikabbli meta ddaħħal. B'konsegwenza ta’ dan, huwa biss id-deterjorament stabbilit f'dawk id-dispożizzjonijiet li jista' jkun kopert mill-baġit tal-Komunità. Fejn deċiżjoni meħuda minn Stat Membru fil-waqt tax-xiri tal-prodott tkun inadegwata fid-dawl ta’ l-analiżi tar-riskju rikjesta b'dawn ir-regoli, dak l-Istat Membru għandu għaldaqstant ikun responsabbli jekk jirriżulta wara li l-prodott ma kienx konformi ma’ l-istandards minimi. Deċiżjoni tali ma tagħmilhiex possibbli li l-kwalità tal-prodott tkun garantita, u għalhekk, li tkun żgurata l-konservazzjoni xierqa tiegħu. Għaldaqstant, għandhom ikunu speċifikati ċ-ċirkostanzi li fihom Stat Membru għandu jinżamm responsabbli.

(20)

Għandhom jingħataw dettalji ta’ l-informazzjoni li l-Istati Membri jeħtiġilhom jikkomunikaw lill-Kummissjoni b'tali mod li jkun jista' jsir rapport statistiku kull ġimagħtejn dwar l-istat ta’ l-istokkijiet ta’ intervent.

(21)

Għall-finijiet tal-ġestjoni tajba tas-sistema, l-informazzjoni rikjesta mill-Kummissjoni għandha tintbagħat b'mezzi elettroniċi.

(22)

Għal dan il-għan, informazzjoni speċifika għandha tinkiseb u tkun elenkata fuq bażi reġjonali standard Il-livelli reġjonali stipulati fir-Regolament tal-Kunsill (KEE) Nru 837/90 tas-26 ta’ Marzu 1990 dwar informazzjoni ta’ l-istatistika li għandha tiġi pprovduta mill-Istati Membri dwar produzzjoni ta’ ċereali (7) għandhom jintużaw, u l-Istati Membri għandhom jintalbu jikkomunikaw din l-informazzjoni lill-Kummissjoni.

(23)

It-tagħrif mitlub mill-Kummissjoni għandu xorta jintbagħatilha skond mudelli ta’ formoli li jinkludu l-informazzjoni meħtieġa għat-tmexxija ta’ l-intervent, u li l-Kummissjoni għandha tqiegħed għad-dispożizzjoni ta’ l-Istati Membri. Dawn il-mudelli għandhom japplikaw ladarba jkun ġie nnotifikat il-Kumitat ta’ Ġestjoni għaċ-Ċereali, u mbagħad, fejn meħtieġ, għandhom ikunu addattati u aġġornati mill-Kummissjoni bl-istess kundizzjonijiet.

(24)

Il-miżuri pprovduti f'dan ir-Regolament huma skond l-opinjoni tal-Kumitat għall-Ġestjoni taċ-Ċereali,

(a)

l-isem ta’ l-applikant;

(b)

iċ-ċereali offrut;

(c)

il-post tal-ħażna taċ-ċereali offrut;

(d)

il-kwantità, il-karatteristiċi ewliena u s-sena tal-ħsad taċ-ċereali offrut;

(e)

iċ-ċentru ta’ intervent li għalih issir l-offerta u, fejn tapplika t-tieni subparagrafu ta’ l-Artikolu 6(1) ta’ dan ir-Regolament, l-impenn ta’ l-applikant li jiggarantixxi, fir-relazzjonijiet tiegħu mal-maħżen, l-applikazzjoni mutatis mutandis, għall-maħżen imsemmi fil-punt (c) ta’ dan il-paragrafu, tar-regoli u kundizzjonijiet ta’ ħżin u ta’ kontroll applikabbli skond l-Artikolu 2(2) (a) tar-Regolament (KE) Nru 884/2006.

(a)

fejn il-kwantitajiet preżenti fil-maħżen, bejn it-tressiq ta’ l-offerta u t-teħid tal-qamħirrum, ikunu inqas mill-kwantitajiet iddikjarati mill-applikant, skond l-Artikolu 2(1), mingħajr ħsara għal marġni ta’ tolleranza ta’ 5 %;

(b)

fejn il-kwantitajiet allokati ma jkunux ġew ipprovduti mill-applikant għat-teħid tagħhom mill-aġenziji ta’ intervent, skond l-Artikoli 4 u 6.

(a)

għall-kwantitajiet offerti li ma jiġux allokati;

(b)

għall-kwantitajiet offerti allokati, mill-mument meta 95 % mill-kwantità allokata effettivament tittieħed mill-aġenzija ta’ intervent.

(a)

għall-qamħ komuni u l-qamħ durum, dawk permessi skond ir-Regolament (KEE) Nru 315/93, inklużi r-rekwiżiti rigward il-livell tat-tossina Fusarium għall-qamħ komuni u l-qamħ durum stipulati fil-punti 2.4 sa 2.7 ta’ l-Anness I għar-Regolament tal-Kummissjoni (KE) Nru 466/2001 (8);

(b)

għax-xgħir, il-qamħirrum u s-sorgu, dawk stabbiliti bid-Direttiva 2002/32/KE.

(a)

il-metodu tal-livell stabbilit sabiex jistabbilixxi materjali oħra għajr iċ-ċereali tal-kwalità bla mittiefsa għandu jkun dak dikjarat fl-Anness III;

(b)

il-metodu tal-livell stabbilit sabiex jistabbilixxxi l-kontenut ta’ l-umdità għandu jkun dak dikjarat fl-Anness IV. Madankollu, l-Istati Membri jistgħu wkoll jużaw metodi oħra bażati fuq il-prinċipju dikjarat fl-Anness IV, il-metodu ISO 712:1998 jew metodu bażat fuq teknoloġija infra-red. Fil-każ ta’ kwistjoni, għandhom jiġu aċċettati biss ir-riżultati li joħorġu mill-użu tal-metodu dikjarat fl-Anness IV;

(c)

il-metodu tal-livell stabbilit biex jistabbilixxi l-kontenut tat-tannin fis-sorgu għandu jkun il-metodu ISO 9648:1988;

(d)

il-metodu tal-livell stabbilit biex jistabbilixxi n-nuqqas ta’ twaħħil u kemm tinħadem bil-magna l-għaġina miksuba mill-qamħ komuni għandu jkun dak dikjarat fl-Anness V;

(e)

il-metodu tal-livell stabbilit biex jistabbilixxi l-kontenut ta’ proteina fil-qamħ komuni mitħun għandu jkun dak konoxxut mill-Għaqda Internazzjonali tal-Kimika taċ-Ċereali (IKĊ), li l-livelli stabbiliti tagħha huma preskritti taħt l-Intestatura Nru 105/2: “il-metodu sabiex jistabbilixxi l-kontenut tal-proteina fiċ-ċereali u l-prodotti miċ-ċereali”.

Madankollu, l-Istati Membri jistgħu jużaw kull metodu ieħor. F’dan il-każ, iridu jfornu lill-Kummissjoni b’xhieda ta’ għarfien mill-IKĊ illi l-metodu involut jagħti riżultati ekwivalenti;

(f)

il-metodu biex jistabbilixxi l-indiċi Zeleny tal-qamħ komuni għandu jikkonforma ma’ l-ISO 5529:1992;

(g)

il-metodu għad-determinazzjoni tal-Hagberg falling number (test ta’ l-attivita ta’ l-amilażi) għandu jkun skond ISO 3093:2004;

(h)

il-metodu tal-livell stabbilit biex jistabbilixxi r-rata tat-telf ta’ l-aspett vitriju tal-qamħ duru għandu jkun dak dikjarat fl-Anness VI;

(i)

il-metodu standard għad-determinazzjoni tal-piż speċifiku għandu jkun l-ISO 7971/2:1995;

(j)

il-metodi għat-teħid tal-kampjuni u l-metodi ta’ analiżi ta’ referenza għad-determinazzjoni tar-rati tal-mikotossina għandhom ikunu dawk imsemmija fl-Anness tar-Regolament (KE) Nru 1881/2006 u stabbiliti fl-Anness Anness I u II tar-għar-Regolament tal-Kummissjoni (KE) Nru 46601/20061 (9).

(a)

fi żmien 45 jum mill-pussess, l-aġenzija ta’ l-intervent għandha twettaq spezzjon li jinvolvi mill-inqas kontroll/eżami volumetriku; kull differenza bejn il-kwantità stabbilita bl-użin u l-kwantità stmata b’mod konformi mal-metodu volumetrika ma tistax taqbeż il-5 %;

(b)

fejn it-tolleranza ma tinqabiżx, dak li jżomm il-kotba tal-maħżen għandu jġorr l-ispejjeż kollha dwar kull tolleranza osservata, b’kontroll/eżami iktar tard ta’ l-użin, mill-użin imdaħħal fil-kontijiet jew meta jittieħdu fil-pussess iċ-ċereali;

(c)

fejn tinqabeż it-tolleranza, iċ-ċereali għandhom jiġu miżuna fil-pront. L-ispejjeż ta’ l-użin għandhom jinġarru minn min iżomm il-kotba tal-maħżen, fejn l-użin stabbilit ikun inqas minn dak reġistrat, jew mill-Istat Membru, meta jkun iktar.

(a)

ir-reġistri tal-ħażniet juru t-toqol reġistrat ma’ l-użin, il-karateristiċi fiżiċi tal-kwalità fil-waqt ta’ l-użin, u, partikolarment, il-kontenut ta’ l-umdità, it-trasferimenti minn silo għall-ieħor jekk ikun hemm minnhom, u t-trattamenti mwettqa; l-użin ma għandux isir iktar minn 10 xhur qabel;

(b)

dak li jżomm il-kotba tal-maħżen jiddikjara li l-lott offrut jikkorrispondi għal kollox mad-dettalji mniżżla fir-reġistri tal-ħażniet;

(c)

il-karatteristiċi tal-kwalità stabbiliti mal-waqt ta’ l-użin ikunu l-istess bħal dawk tal-kampjun rappreżentattiv magħmul mill-kampjuni meħuda mill-aġenzija ta’ l-intervent jew mir-rappreżentant tagħha bir-rata ta’ wieħed għal kull 60 tunnellata metrika.

(a)

l-użin li jrid jiġi reġistrat huwa dak imdaħħal fir-reġistru tal-ħażniet, aġġustat, fejn xieraq, sabiex titqies kull differenza bejn il-kontenut ta’ l-umdità u/jew il-persentaġġ ta’ l-impuritajiet varji (Schwarzbesatz) reġistrati fil-waqt ta’ l-użin u dawk stabbiliti fuq il-bażi tal-kampjun rappreżentattiv. Differenza bejn il-persentaġġ ta’ l-impuritajiet varji tista’ titqies biss sabiex tnaqqas l-użin imdaħħal fir-reġistru tal-ħażniet;

(b)

fi żmien 45 jum mit-teħid f’pussess l-aġenzija ta’ l-intervent għandha tagħmel kontroll/eżami volumetriku ieħor; id-differenza bejn il-kwantità stabbilita bl-użin u l-kwantità stmata b’mod konformi mal-metodu volumetriku ma tistax taqbeż il-5 %;

(c)

fejn ma tinqabiżx it-tolleranza, min iżomm ir-reġistri tal-maħżen għandu jġorr l-ispejjeż kollha li jkollhom x’jaqsmu ma’ kull differenza osservata, u f’kontroll/eżami iktar tard, mill-użin imdaħħal fil-kontijiet mat-teħid fil-pussess;

(d)

meta t-tolleranza hi maqbuża, iċ-ċereali għandhom jintiżnu minnufih. L-ispejjeż ta’ l-użin għandhom jinġarru mill-persuna li tieħu ħsieb il-maħżen, meta l-piż determinat hu anqas minn dak reġistrat, jew mill-Fond Ewropew għall-Garanzija u l-Gwidi Agrikola, meta hu aktar, waqt li tiġi kkonsidrata t-toleranza msemmija fl-ewwel inċiż ta’ l’Anness XI(1) tar-Regolamenti (KE) Nru 884/2006.

(a)

id-determinazzjoni tal-kontenut ta’ tannin fis-sorgu,

(b)

it-test ta’ l-attività ta’ l-amilżi (Hagberg),

(c)

id-determinazzjoni tal-kontenut ta’ proteina fil-qamħ durum u l-qamħ komuni,

(d)

it-test Zeleny,

(e)

it-test tal-ħdim mekkaniku,

(f)

analiżijiet ta’ kontaminanti.

(a)

id-data li fiha jkunu ġew kontrollati/eżaminati l-kwantità u l-karatteristiċi minimi,

(b)

l-użin kunsinjat,

(c)

in-numru ta’ kampjuni meħuda sabiex jgħaqqdu l-kampjun rappreżentattiv,

(d)

il-karattesristċi fiżiċi stabbiliti,

(e)

l-aġenzija responsabbli mill-analiżi tal-kriterji tekonoloġiċi u r-riżultati li joħorġu minn dan.

(a)

fejn il-kontenut ta’ ndewwa taċ-ċereali offruti għall-intervent ikun anqas minn13 % għall-qamħirrum u s-sorgu u 14 % għal ċereali oħra, iż-żjidiet fil-prezzijiet li għandhom jiġu applikati għandhom ikunu dawk elenkati fit-Tabella I ta’ l-Anness VII. Fejn il-kontenut ta’ ndewwa ta’ dawn iċ-ċereali offruti għall-intervent ikun aktar minn13 % u 14 % rispettivament, it-tnaqqisiet fil-prezzijiet li għandhom jiġu applikati għandhom ikunu dawk elenkati fit-Tabella II ta’ l-Anness VII.

(b)

fejn il-piż speċifiku taċ-ċereali offruti għall-intervent ikun differenti mill-proporzjon ta’ piż/volum ta’ 76 kg/hl għall-qamħ komuni, 73 kg/hl għall-qamħirrum u 64 kg/hl għax-xgħir, it-tnaqqisiet fil-prezzijiet li għandhom jiġu applikati għandhom ikunu dawk elenkati fit-Tabella III ta’ l-Anness VII.

(c)

fejn il-perċentwal ta’ ħbub miksura jaqbeż 3 % għall-qamħ durum, il-qamħ komuni u x-xgħir, u 4 % għall-qamħirrum u s-sorgu, għal kull 0,1 punt perċentwali addizzjonali għandu jkun applikat tnaqqis ta’ EUR 0,05.

(d)

fejn il-perċentwal ta’ impuritajiet tal-ħbub jaqbeż 2 % għall-qamħ durum, 4 % għall-qamħirrum u s-sorgu, u 5 % għall-qamħ komuni u x-xgħir, għal kull 0.1 punt perċentwali addizzjonali għandu jkun applikat tnaqqis ta’ EUR 0,05.

(e)

fejn il-persentaġġ tal-qamħ bin-nebbieta jaqbeż it-2,5 %, għandu jiġi applikat tnaqqis ta’ 0,5 ta’ Euro għal kull punt perċentwali addizzjonali ta’ 0,1;

(f)

fejn il-perċentwal ta’ impuritajiet mixxellanji (Schwarzbesatz) jaqbeż 0.5 % għall-qamħ durum u 1 % għall-qamħ komuni, ix-xgħir, il-qamħirrum u s-sorgu, għal kull 0.1 punt perċentwali addizzjonali għandu jkun applikat tnaqqis ta’ EUR 0.1.

(g)

fejn il-persentaġġ ta’ qamħ imżewwaq (b’iktar minn kulur wieħed) fil-qamħ duru jaqbeż il-20 %, għandu jiġi applikat tnaqqis ta’ EUR 0,2 għal kull punt perċentwali addizzjonali wieħed jew parti minnu;

(h)

fejn il-kontenut tal-proteina fil-qamħ komuni huwa inqas minn 11,5 %, it-tnaqqis li jrid jiġi applikat huwa dak kif imniżżel fil-lista fit-Tabella IV ta’ l-Anness VII;

(i)

fejn il-kontenut tat-tannin fis-sorgu offrut għall-intervent huwa ogħla minn 0,4 % tal-materjal niexef, it-tnaqqis li jrid jiġi applikat għandu jiġi kalkolat b’mod koformi mal-metodu preskritt fl-Anness VIII.

(a)

sa mhux aktar tard mill-Erbgħa f’12:00 (ħin ta’ Brussell):

(b)

l-Erbgħa wara l-pubblikazzjoni tas-sejħa għal offerti, il-kwantitajiet ta’ ċereali mqiegħda għall-allokazzjoni, skond l-Artikolu 2(2) tar-Regolament tal-Kummissjoni (KEE) Nru 2131/93 (10);

(c)

l-Erbgħa wara d-data li fiha l-Istat Membru jkun iddefinixxa l-lottijiet konċernati, il-kwantitajiet ta’ ċereali maħsubin biex jiġu ddistribwiti b’xejn lill-persuni l-aktar fil-bżonn fil-Komunità, skond ir-Regolament (KE) Nru 1234/2007;

(d)

mhux aktar tard minn tmiem ix-xahar wara l-iskadenza għat-teħid imsemmija fl-Artikolu 6(6) ta’ dan ir-Regolament, skond ir-reġjun kif stabbilit fl-Anness III tar-Regolament (KEE) Nru 837/90, ir-riżultati medji tal-piż speċifiku, tal-kontenut ta’ umdità, tal-perċentwal ta’ qamħ miksur u tal-konentut ta’ proteini reġistrati għal-lottijiet ta’ ċereali li jkunu ttieħdu.

19.7.2008   

MT

Il-Ġurnal Uffiċjali ta’ l-Unjoni Ewropea

L 192/49

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2007/2008 ġew stabbiliti mir-Regolament tal-Kummissjoni (KE) Nru 1109/2007 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 644/2008 (4).

(2)

L-informazzjoni li l-Kummissjoni għandha fi jdejha llum twassal biex dawn l-ammonti jiġu mmodifikati, skond ir-regoli ddettaljati pprovduti fir-Regolament (KE) Nru 951/2006,

19.7.2008   

MT

Il-Ġurnal Uffiċjali ta’ l-Unjoni Ewropea

L 192/51

(1)

Wara l-bidla fl-ambitu tad-Direttiva 2005/55/KE introdotta mir-Regolament (KE) Nru 715/2007 tal-Parlament Ewropew u tal-Kunsill ta’ l-20 ta’ Ġunju 2007 dwar l-approvazzjoni tat-tip ta’ vetturi bil-mutur fir-rigward ta’ l-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi (2), jeħtieġ li din id-Direttiva tiġi ulterjorment emendata billi r-rekwiżiti tekniċi rilevanti jiġu trasferiti. Konsegwentement, jeħtieġ ukoll li tiġi emendata d-Direttiva tal-Kummissjoni 2005/78/KE (3), li timplimenta dik id-Direttiva.

(2)

B’konsegwenza tal-bidla fl-ambitu, hemm bżonn li jiġu introdotti rekwiżiti ġodda fil-leġiżlazzjoni dwar l-emissjonijiet heavy-duty stabbilita mid-Direttiva 2005/55/KE. Dawn ir-rekwiżiti jinkludu proċeduri ta' ttestjar li jippermettu approvazzjoni tat-tip ta' magni heavy-duty u vetturi b'magni tal-petrol.

(3)

Barra minn hekk, hemm bżonn li jiġu introdotti rekwiżiti eżistenti għall-kejl ta' l-opaċità tad-duħħan ta' magni diżil fid-Direttiva 2005/78/KE. Dan minħabba t-tħassir tad-Direttiva tal-Kunsill 72/306/KEE tat-2 ta' Awwissu 1972 dwar l-approssimazzjoni tal-liġijiet ta’ l-Istati Membri li jirrelataw mal-miżuri li għandhom jittieħdu kontra l-emissjonijiet ta’ sustanzi li jniġġsu minn magni diesel għall-użu fil-vetturi (4), kif stipulat mir-Regolament (KE) Nru 715/2007.

(4)

Il-miżuri stipulati f’dan ir-Regolament huma skond l-opinjoni tal-Kumitat Tekniku – Vetturi bil-Mutur,

(1)

L-Artikolu 1 huwa mibdul b'dan li ġej:

“Artikolu 1

Għall-finijiet ta’ din id-Direttiva għandhom japplikaw id-definizzjonijiet li ġejjin:

(2)

L-Annessi I, II, III u VI tad-Direttiva 2005/55/KE għandhom jiġu emendati skond l-Anness I ta' din id-Direttiva.

(1)

L-Artikolu 2 huwa mibdul b'dan li ġej:

“Artikolu 2

Il-miżuri għall-implimentazzjoni ta' l-Artikoli 3 u 4 tad-Direttiva 2005/55/KE huma stipulati fl-Annessi II sa VII ta' din id-Direttiva.

L-Anness VI għandu japplika għall-finijiet ta’ l-approvazzjoni tat-tip ta’ vetturi b’magni compression-ignition u ta’ tali magni.

L-Anness VII għandu japplika għall-finijiet ta’ l-approvazzjoni tat-tip ta’ vetturi b’magni spark-ignition u ta’ tali magni.”

(2)

Fil-punt 1 ta’ l-Anness V, it-Taqsima 2 għandha tiġi sostitwita b’dan li ġej:

(3)

Għandhom jiġu miżjuda l-Annessi VI u VII kif ġew stabbiliti fl-Anness II ta' din id- Direttiva.

19.7.2008   

MT

Il-Ġurnal Uffiċjali ta’ l-Unjoni Ewropea

L 192/60

(1)

Ir-Regolament tal-Kummissjoni (KE) Nru 831/2002 tas-17 ta’ Mejju 2002 li jimplimenta r-Regolament tal-Kunsill (KE) Nru 322/97 dwar l-Istatistika Komunitarja, li jikkonċerna l-aċċess għal data kunfidenzjali għal għanijiet xjentifiċi (2) jistabbilixxi, għall-finijiet ta’ konklużjonijiet statistiċi magħmula għal skopijiet xjentifiċi, il-kundizzjonijiet li bihom jista’ jingħata l-aċċess għal data kunfidenzjali mgħoddija lill-awtorità tal-Komunità u r-regoli ta’ kooperazzjoni bejn il-Komunità u l-awtoritajiet nazzjonali sabiex ikun iffaċilitat dan l-aċċess.

(2)

Id-Deċiżjoni tal-Kummissjoni 2004/452/KE (3) stipulat lista ta’ entitajiet li r-riċerkaturi tagħhom jista’ jkollhom aċċess għal data kunfidenzjali għal għanijiet xjentifiċi.

(3)

Id-Direttorat għar-Riċerka, l-Istudji, l-Evalwazzjoni u l-Istatistika (Direction de la recherche, des études, de l’évaluation et des statistiques – DREES) taħt l-awtorità konġunta tal-Ministeru tax-Xogħol, ir-Relazzjonijiet Industrijali u s-Solidarjetà, il-Ministeru tas-Saħħa, iż-Żgħażagħ u l-Isports u l-Ministeru tal-Baġit, il-Kontijiet Pubbliċi u s-Servizz Ċivili, Pariġi, Franza għandu jitqies bħala entità li tissodisfa l-kundizzjonijiet rekwiżiti u għandu għalhekk jiżdied mal-lista ta’ aġenziji, organizzazzjonijiet u istituzzjonijiet imsemmija fl-Artikolu 3(1)(e) tar-Regolament (KE) Nru 831/2002.

(4)

Il-miżuri previsti f’din id-Deċiżjoni huma skond l-opinjoni tal-Kumitat dwar il-Kunfidenzjalità ta’ l-Istatistika,

19.7.2008   

MT EN EN FR FR DE DE EN EN

Il-Ġurnal Uffiċjali ta’ l-Unjoni Ewropea

L 192/63

(1)

Skond l-Artikolu 30.1 ta’ l-Istatut tas-SEBĊ, il-Bank Ċentrali Ewropew (BĊE) jingħata mill-banek ċentrali nazzjonali (BĊNi) ta’ l-Istati Membri li adottaw l-ewro b’assi barranin ta’ riżerva u għandu d-dritt sħiħ biex iżomm u jimmaniġġja r-riżervi barranin li huma ttrasferiti lilu.

(2)

Skond l-Artikoli 9.2 u 12.1 ta’ l-Istatut tas-SEBĊ, il-BĊE jista’ jimmaniġġja ċerti attivitajiet tiegħu permezz tal-BĊNi taż-żona ta’ l-ewro, u jista’ jirrikorri għall-BĊNi taż-żona ta’ l-ewro biex iwettaq ċerti attivitajiet tiegħu. Għaldaqstant, il-BĊE jikkunsidra li l-BĊNi taż-żona ta’ l-ewro għandhom jimmaniġġjaw ir-riżervi barranin ittrasferiti lilu bħala l-aġenti tiegħu.

(3)

L-involviment tal-BĊNi taż-żona ta’ l-ewro fl-immaniġġjar ta’ l-assi barranin ta’ riżerva ttrasferiti lill-BĊE u t-tranżazzjonijiet relatati ma’ dan l-immaniġġjar jeħtieġu dokumentazzjoni speċifika għal operazzjonijiet li jinvolvu r-riżervi barranin tal-BĊE.

(4)

Il-Linja Gwida BĊE/2006/28 tal-21 ta’ Diċembru 2006 dwar l-immaniġġjar ta’ l-assi barranin ta’ riżerva tal-Bank Ċentrali Ewropew mill-banek ċentrali nazzjonali u d-dokumentazzjoni legali għall-operazzjonijiet li jinvolvu dawn l-assi (1) diġa’ ġiet emendata darba sa mill-adozzjoni tagħha. Ġew issuġġeriti numru ta’ titjib fl-abbozzar u huwa propost biex il-Linja Gwida BĊE/2006/28 tiġi abbozzata mill-ġdid fl-interessi taċ-ċarezza u t-trasparenza,

—

“BĊN taż-żona ta’ l-ewro” tfisser il-BĊN ta’ Stat Membru li adotta l-ewro; u

—

“ġurisdizzjonijiet Ewropej” tfisser il-ġurisdizzjonijiet ta’ l-Istati Membri kollha li adottaw l-ewro skond it-Trattat, kif ukoll id-Danimarka, l-Isvezja, l-Isvizzera u r-Renju Unit (l-Ingilterra u Wales biss).

(a)

Il-Ftehim Master tal-FBE għal Tranżazzjonijiet Finanzjarji (Edizzjoni 2004) għandu jintuża għal operazzjonijiet ma’ kontropartijiet organizzati jew inkorporati taħt il-liġijiet ta’ xi waħda mill-ġurisdizzjonijiet Ewropej u taħt il-liġijiet ta’ l-Irlanda ta’ Fuq u l-Iskozja;

(b)

Il-Ftehim Master ta’ Xiri mill-Ġdid ta’ l-Assoċjazzjoni tas-Suq tal-Bonds, (verżjoni ta’ Settembru 1996) għandu jintuża għal operazzjonijiet ma’ kontropartijiet organizzati jew inkorporati taħt il-liġijiet federali ta’ l-Istati Uniti jew ta’ l-istati; u

(c)

Il-Ftehim Master Globali ta’ Xiri mill-Ġdid tat-TBMA/ISMA (verżjoni tas-2000) għandu jintuża għal operazzjonijiet ma’ kontropartijiet organizzati jew inkorporati taħt il-liġijiet ta’ kull ġurisdizzjoni minbarra ta’ dawk imniżżla fis-subparagrafi (a) jew (b).

(a)

Il-Ftehim Master tal-FBE għal Tranżazzjonijiet Finanzjarji (Edizzjoni 2004) għandu jintuża għal operazzjonijiet ma’ kontropartijiet organizzati jew inkorporati taħt il-liġijiet ta’ xi waħda mill-ġurisdizzjonijiet Ewropej;

(b)

Il-Ftehim Master ta’ l-1992 ta’ l-Assoċjazzjoni ta’ l-Iswaps Internazzjonali u d-Derivattivi (Aktar minn valuta waħda – intra fruntieri, verżjoni tal-liġi ta’ New York) għandu jintuża għal operazzjonijiet ma’ kontropartijiet organizzati jew inkorporati taħt il-liġijiet federali ta’ l-Istati Uniti jew ta’ l-istati; u

(c)

Il-Ftehim Master ta’ l-1992 ta’ l-Assoċjazzjoni ta’ l-Iswaps Internazzjonali u d-Derivattivi (Aktar minn valuta waħda – intra fruntieri, verżjoni tal-liġi Ingliża) għandu jintuża għal operazzjonijiet ma’ kontropartijiet organizzati jew inkorporati taħt il-liġijiet ta’ kull ġurisdizzjoni minbarra ta’ dawk imniżżla fis-subparagrafi (a) jew (b).

(a)

għandu jiġi konkluż ftehim master dwar in-netting irregolat bil-liġi Ingliża u abbozzat bl-Ingliż fil-forma stabbilita fl-Anness IIa, mal-kontropartijiet kollha bl-eċċezzjoni tal-kontropartijiet speċifikati fil-punt (b), (c) u (d);

(b)

għandu jiġi konkluż ftehim master dwar in-netting irregolat bil-liġi Franċiża u abbozzat bil-Franċiż fil-forma stabbilita fl-Anness IIb, mal-kontropartijiet inkorporati fi Franza;

(c)

għandu jiġi konkluż ftehim master dwar in-netting irregolat bil-liġi Ġermaniża u abbozzat bil-Ġermaniż fil-forma stabbilita fl-Anness IIc, mal-kontropartijiet inkorporati fil-Ġermanja; u

(d)

għandu jiġi konkluż ftehim master dwar in-netting irregolat bil-liġi ta’ New York u abbozzat bl-Ingliż fil-forma stabbilita fl-Anness IId, mal-kontropartijiet inkorporati fl-Istati Uniti.