(1)

Fl-20 ta’ Diċembru 1996 il-Kunsill adotta r-Regolament (KE) Nru 2505/96 (1). Id-domanda Komunitarja għall-prodotti li r-Regolament japplika għalihom għandha tintlaħaq fl-aqwa kondizzjonijiet possibbli. Għal dak il-għan, b’effett mill-1 ta’ Lulju 2008 kwoti ta’ tariffi tal-Komunità ġodda għandhom għalhekk jinfetħu bir-rata żero ta’ dazju għal ammonti xierqa u kwalunkwe tfixkil fis-swieq għal dawn il-prodotti għandu jiġi evitat.

(2)

L-ammonti tal-kwoti għal ħames kwoti ta’ tariffi awtonomi tal-Komunità m’humiex biżżejjed biex jilħqu l-ħtiġijiet ta’ l-industrija Komunitarja. Għaldaqstant, dawn l-ammonti tal-kwoti għandhom jiżdiedu.

(3)

Ir-Regolament (KE) Nru 2505/96 għandu għalhekk jiġi emendat kif meħtieġ.

(4)

B’kont meħud ta’ l-importanza ekonomika ta’ dan ir-Regolament, jeħtieġ li jiġu invokati r-raġunijiet ta’ urġenza previsti fil-punt 1.3 tal-Protokoll dwar ir-rwol tal-parlamenti nazzjonali fl-Unjoni Ewropea anness mat-Trattat dwar l-Unjoni Ewropea u mat-Trattati li jistabbilixxu l-Komunitajiet Ewropej.

(5)

Peress li l-kwoti ta’ tariffi għandhom jieħdu effett mill-1 ta’ Lulju 2008, dan ir-Regolament għandu japplika mill-istess data u jidħol fis-seħħ immedjatament,

(1)

Il-kwoti ta’ tariffi għall-prodotti elenkati fl-Anness I ta’ dan ir-Regolament għandhom jiddaħħlu;

(2)

Ir-ringieli għall-kwoti ta’ tariffi bin-numri ta’ l-ordni 09.2975, 09.2603, 09.2935, 09.2814 u 09.2620 għandhom jiġu sostitwiti bir-ringieli fl-Anness II ta’ dan ir-Regolament.

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

(1)

L-applikazzjonijiet għal-liċenzji ta' l-importazzjoni ġew sottomessi lill-awtorità kompetenti fil-perjodu ta' bejn tad-9 u tat-13 ta’ Ġunju 2008 f'konformità mar-Regolament (KE) Nru 950/2006 jew ir-Regolament (KE) Nru 1832/2006 tat-13 ta' Diċembru 2006 li jistabbilixxi miżuri tranżizzjonali fis-settur taz-zokkor b'riżultat ta' l-adeżjoni tal-Bulgarija u r-Rumanija (3) għall-kwantità totali bħall-kwantità disponibbli għan-numru tas-serje 09.4366 (2007-2008).

(2)

F'dawn iċ-ċirkustanzi, il-Kummissjoni għandha tiffissa koeffiċjent ta' allokazzjoni sabiex jinħarġu liċenzji skond il-proporzjon tal-kwantità disponibbli u tinforma lill-Istati Membri li l-limitu li kien ġie ffissat intlaħaq,

(1)

Ir-Regolament (KE) Nru 533/2007 fetaħ kwoti tariffarji għall-importazzjoni tal-prodotti tas-settur tal-laħam tat-tjur.

(2)

L-applikazzjonijiet għal-liċenzji ta’ l-importazzjoni introdotti matul l-ewwel sebat ijiem tax-xahar ta’ Ġunju 2008 għas-subperjodu mill-1 ta’ Lulju 2008 sal-30 ta’ Settembru 2008 li jiġi determinat sa liema punt jistgħu jinħarġu l-liċenzji għall-importazzjoni, billi jiġi stabbilit il-koeffiċjent ta’ allokazzjoni li għandu jkun applikat għall-kwantitajiet mitluba,

(1)

Ir-Regolament (KE) Nru 539/2007 fetaħ kwoti tariffarji għall-importazzjoni tal-prodotti tas-settur tal-bajd u ta’ l-albumini.

(2)

L-applikazzjonijiet għal-liċenzji ta’ l-importazzjoni introdotti matul l-ewwel sebat ijiem tax-xahar ta’ Ġunju 2008 għas-subperjodu mill-1 ta’ Lulju 2008 sat-30 ta’ Settembru 2008 huma, għal ċerti kwoti, ogħla mill-kwantitajiet disponibbli. Jeħtieġ għalhekk li jiġi determinat sa liema punt jistgħu jinħarġu l-liċenzji għall-importazzjoni, billi jiġi stabbilit il-koeffiċjent ta’ allokazzjoni li għandu jkun applikat għall-kwantitajiet mitluba.

(3)

L-applikazzjonijiet għal-liċenzji ta’ l-importazzjoni introdotti matul l-ewwel sebat ijiem tax-xahar ta’ Ġunju 2008 għas-subperjodu mill-1 ta’ Lulju 2008 sat-30 ta’ Settembru 2008 huma, għal ċerti kwoti, anqas mill-kwantitajiet disponibbli. Jeħtieġ għalhekk li jiġu ddeterminati l-kwantitajiet li għalihom ma tressqux l-applikazzjonijiet, dawn ta’ l-aħħar għandhom jiżdiedu mal-kwantità fissa għas-subperjodu tal-kwota sussegwenti,

(1)

L-applikazzjonijiet għal-liċenzji ta’ l-importazzjoni mressqa matul l-ewwel sebat ijiem tax-xahar ta' Ġunju 2008 għas-subperjodu mill-1 ta’ Lulju sat-30 ta’ Settembru 2008 huma, għal ċerti kwoti, ogħla mill-kwantitajiet disponibbli. Għaldaqstant, jeħtieġ li jiġi ddeterminat sa liema punt jistgħu jinħarġu l-liċenzji ta’ l-importazzjoni, billi jiġi stabbilit il-koeffiċjent ta' allokazzjoni li għandu jkun applikat għall-kwantitajiet mitluba.

(2)

L-applikazzjonijiet għal-liċenzji ta’ l-importazzjoni mressqa matul l-ewwel sebat ijiem tax-xahar ta' Ġunju 2008 għas-subperjodu mill-1 ta’ Lulju sat-30 ta’ Settembru 2008 huma, għal ċerti kwoti, inqas mill-kwantitajiet disponibbli. Għaldaqstant, jeħtieġ li jiġu ddeterminati l-kwantitajiet li għalihom ma tressqux applikazzjonijiet, biex dawn jiżdiedu mal-kwantità stipulata għas-subperjodu tal-kwota li jmiss,

(1)

Ir-Regolament (KE) Nru 536/2007 stabbilixxa kwoti tariffarji għall-importazzjoni tal-prodotti fis-settur tal-laħam tat-tjur.

(2)

L-applikazzjonijiet għal-liċenzji ta’ l-importazzjoni mressqa matul l-ewwel sebat ijiem tax-xahar ta’ Ġunju 2008 għas-subperjodu mill-1 ta’ Lulju sal-30 ta’ Settembru 2008 huma inferjuri għall-kwantitajiet disponibbli. Jeħtieġ għalhekk li jiġu ddeterminati l-kwantitajiet li għalihom ma tressqux l-applikazzjonijiet, b’dawn ta’ l-aħħar jiżdiedu mal-kwantità fissa għas-subperjodu tal-kwota sussegwenti,

(1)

L-applikazzjonijiet għal-liċenzji ta’ l-importazzjoni mressqa matul l-ewwel sebat ijiem tax-xahar ta' Ġunju 2008 għas-subperjodu mill-1 ta’ Lulju sat-30 ta’ Settembru 2008, (fil-każ tal-liċenzji għall-kwota bin-numru tas-serje 09.4092), huma ogħla mill-kwantitajiet disponibbli. Għaldaqstant, jeħtieġ li jiġi ddeterminat sa liema punt jistgħu jinħarġu l-liċenzji ta’ l-importazzjoni, billi jiġi stabbilit il-koeffiċjent ta' allokazzjoni li għandu jkun applikat għall-kwantitajiet mitluba.

(2)

L-applikazzjonijiet għal-liċenzji ta’ l-importazzjoni mressqa matul l-ewwel sebat ijiem tax-xahar ta' Ġunju 2008 għas-subperjodu mill-1 ta’ Lulju sat-30 ta’ Settembru 2008, (fil-każ tal-liċenzji għall-kwota bin-numru tas-serje 09.4091), huma inqas mill-kwantitajiet disponibbli. Għaldaqstant, jeħtieġ li jiġu ddeterminati l-kwantitajiet li għalihom ma tressqux applikazzjonijiet, biex dawn jiżdiedu mal-kwantità stipulata għas-subperjodu tal-kwota li jmiss,

(1)

Ir-Regolament (KE) Nru 1383/2007 stabbilixxa kwoti tariffarji għall-importazzjoni ta’ prodotti tas-settur tal-laħam tat-tjur.

(2)

L-applikazzjonijiet għal-liċenzji ta’ l-importazzjoni mressqa matul l-ewwel sebat ijiem tax-xahar ta' Ġunju 2008 għas-subperjodu mill-1 ta’ Lulju sal-30 ta’ Settembru 2008 huma inqas mill-kwantitajiet disponibbli. Għaldaqstant, jeħtieġ li jiġu ddeterminati l-kwantitajiet li għalihom ma tressqux applikazzjonijiet, biex dawn jiżdiedu mal-kwantità stipulata għas-subperjodu tal-kwota li jmiss,

(1)

Ir-Regolament tal-Kummissjoni (KE) Nru 1881/2006 (2) jistabbilixxi livelli massimi għal ċerti kontaminanti fl-oġġetti ta’ l-ikel.

(2)

Il-livelli massimi għandhom jiġu stabbiliti f'livell strett li jkun jista’ jintlaħaq permezz ta’ prassi tajba u billi jitqies ir-riskju relatat mal-konsum ta’ l-ikel.

(3)

Instabu livelli għoljin ħafna ta’ dijossini u PCBs simili għad-disjossin fi fwied tal-ħut fil-laned, li ilhom jiġu rrapurtati permezz tas-Sistema Rapida ta’ Twissija għall-Għalf u l-Ikel (RASFF) sa mill-2006. Ma ġie stabbilit l-ebda livell massimu għall-fwied tal-ħut u prodotti pproċessati minnu. Sabiex titħares is-saħħa pubblika, l-awtoritajiet kompetenti pprojbixxew it-tqegħid fis-suq ta’ dawn il-prodotti minħabba li kienu meqjusa bħala ta’ riskju.

(4)

Huwa xieraq li jiġi stabbilit livell massimu Komunitarju għas-somma ta’ dijossini u PCBs simili għad-dijossin fil-fwied tal-ħut u prodotti pproċessati minnu sabiex titħares is-saħħa pubblika u tkun żgurata strateġija uniformi fis-suq intern.

(5)

Meta wieħed iqis il-proċess speċifiku ta’ tqegħid fil-laned tal-fwied tal-ħut, il-livell massimu stabbilit għal fwied tal-ħut frisk għandu japplika wkoll għal fwied tal-ħut ipproċessat.

(6)

Il-miżuri stipulati f'dan ir-Regolament huma skond l-opinjoni tal-Kumitat Permanenti għall-Katina Alimentari u s-Saħħa ta' l-Annimali,

(1)

L-Artikolu 113b tar-Regolament (KE) Nru 1234/2007 jipprevedi li, mill-1 ta’ Lulju 2008, il-laħam ta’ l-annimali bovini li għandhom 12-il xahar jew anqas għandhom jiġu kummerċjalizzati skond ċerti kundizzjonijiet stabbiliti f'dak ir-Regolament, b'mod partikulari fir-rigward tal-klassifikazzjoni ta’ l-annimali bovini f'kategoriji u d-deskrizzjonijiet tal-bejgħ li għandhom jintużaw. Il-punt II ta’ l-Anness XIa għar-Regolament (KE) Nru 1234/2007 jeżiġi li, waqt il-qatla, l-annimali bovini kollha li għandhom 12-il xahar jew anqas għandhom jiġu kklassifikati f'waħda miż-żewġ kategoriji elenkati fl-Anness XIa għal dak ir-Regolament. Sabiex jiżguraw l-implimentazzjoni korretta u uniformi tar-Regolament (KE) Nru 1234/2007, għandhom jiġu stabbiliti regoli dettaljati li għandhom japplikaw mill-1 ta’ Lulju 2008.

(2)

L-età ta’ l-annimal waqt il-qatla u d-deskrizzjoni tal-bejgħ għandha, f'kull stadju tal-produzzjoni u l-bejgħ, tkun indikata fuq it-tikketta, skond il-punt IV ta’ l-Anness XIa għar-Regolament (KE) Nru 1234/2007. Peress li d-daqs tal-prodotti li għandhom ikunu ttikkettati jvarja skond l-istadju tal-produzzjoni u l-kummerċjalizzazzjoni, huwa neċessarju li jkun rekwiżit li l-indikazzjonijiet ta’ l-età u d-deskrizzjoni tal-bejgħ ikunu perfettament leġġibbli fuq it-tikketta. Barraminhekk, biex tkun żgurata t-trasparenza lejn il-konsumatur finali, l-indikazzjoni ta’ l-età ta’ l-annimal waqt il-qatla u d-deskrizzjoni tal-bejgħ għandhom ikunu ppreżentati fl-istess żona viżiva u fuq l-istess tikketta fil-mument li l-laħam jgħaddi għand il-konsumatur finali.

(3)

Skond l-Artikolu 121(j) tar-Regolament (KE) Nru 1234/2007, għandu jkun stabbilit il-metodu prattiku ta’ kif tkun indikata l-ittra ta’ l-identifikazzjoni tal-kategorija msemmija fl-Anness XIa għar-Regolament (KE) Nru 1234/2007. Għal finijiet ta’ kontroll, huwa neċessarju li jkun rekwiżit li l-ittra ta’ l-identifikazzjoni tal-kategorija tkun indikata fuq il-karkassa mill-iktar fis possibbli wara li jinqatel l-annimal bovin.

(4)

Sabiex tkun żgurata l-implimentazzjoni korretta ta’ l-Artikolu 113b tar-Regolament (KE) Nru 1234/2007, l-operaturi f'kull stadju tal-produzzjoni u l-bejgħ għandhom jirreġistraw l-indikazzjonijiet ta’ kwalunkwe persuna li mingħandha jkunu ġew fornuti b'laħam ta’ l-annimali bovini. Filwaqt li din it-traċċabbiltà ta’ l-ikel hija żgurata fi ħdan il-Komunità bir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà ta’ l-ikel (2), hija meħtieġa dispożizzjoni speċjali biex tiggarantixxi t-traċċabbiltà ta’ l-imsemmi laħam minn pajjiżi terzi.

(5)

Sabiex jivverifikaw l-applikazzjoni ta’ l-Artikolu 113b tar-Regolament (KE) Nru 1234/2007 u jinformaw lill-Kummissjoni dwarha, għandhom jitwettqu verifiki uffiċjali, li għandhom jinkludu wkoll is-superviżjoni tal-klassifikazzjoni ta’ l-annimali bovini fil-biċċeriji skond il-punt II ta’ l-Anness XIa għal dak ir-Regolament. Barraminhekk, l-awtoritajiet kompetenti, maħtura mill-Istati Membri għal dawn il-verifiki, għandhom ikunu jistgħu jiddelegaw xi ħidmiet tagħhom ta’ verifika lil korpi terzi indipendenti skond ċerti kundizzjonijiet li għandhom jiġu stabbiliti.

(6)

L-operaturi kkonċernati għandhom jagħtu aċċess għall-postijiet tagħhom u għar-reġistri kollha biex l-esperti tal-Kummissjoni, l-awtoritajiet kompetenti, jew fin-nuqqas tagħhom korpi terzi indipendenti jkunu jistgħu jivverifikaw l-applikazzjoni ta’ l-Artikolu 113b tar-Regolament (KE) Nru 1234/2007.

(7)

Il-punt VIII ta’ l-Anness XIa għar-Regolamnet (KE) Nru 1234/2007 jeżiġi li l-laħam ta’ l-annimali bovini li għandhom 12-il xahar jew inqas u importati minn pajjiżi terzi jkun biss ikkummerċjalizzat fil-Komunità skond dak ir-Regolament. Dan jirrikjedi li l-awtorità kompetenti maħtura mill-pajjiż terz ikkonċernat, jew fin-nuqqas ta’ dan, korp terz indipendenti, għandu japprova u jikkontrolla sistema ta’ identifikazzjoni u reġistrazzjoni ta’ l-annimali bovini, li tiggarantixxi r-rispett tad-dispożizzjonijiet ta’ dak ir-Regolament.

(8)

Korpi terzi indipendenti biss li huma akkreditati għal ċerti standards għandhom jitħallew jivverifikaw l-attivitajiet ta’ l-operaturi minn pajjiżi terzi li jixtiequ jikkummerċjalizzaw laħam ta’ l-annimali bovini li għandhom 12-il xahar jew inqas fis-suq tal-Komunità.

(9)

Għandu jkun possibbli għall-Kummissjoni li titlob mingħand l-awtorità kompetenti jew il-korp terz indipendenti f'pajjiż terz l-informazzjoni kollha neċessarja biex tivverifika l-applikazzjoni ta’ l-Artikolu 113b tar-Regolament (KE) Nru 1234/2007. Regoli dettaljati dwar l-informazzjoni li għandha tkun innotifikata lill-Kummissjoni u l-komunikazzjoni tagħha mill-Kummissjoni lill-Istati Membri għandhom jiġu stabbiliti. Barraminhekk, fejn jitqies neċessarju, il-Kummissjoni għandha titħalla tagħmel verifiki fuq il-post fil-pajjiżi terzi skond ċerti kundizzjonijiet.

(10)

Fejn jinstabu każijiet repetuti ta’ nuqqas ta’ konformità fir-rigward ta’ laħam importat, il-Kummissjoni għandha tistabbilixxi, skond ċerti kundizzjonijiet, regoli speċifiki għall-importazzjoni ta’ dak il-laħam biex tiggarantixxi r-rispett ta’ l-Artikolu 113b tar-Regolament (KE) Nru 1234/2007 u ta’ dan ir-Regolament u b'hekk tiżgura kundizzjonijiet tas-suq ugwali għal laħam prodott fil-Komunità jew importat minn pajjiżi terzi.

(11)

L-Istati Membri għandhom jinħtieġu jieħdu certi miżuri f'każ li jsibu każijiet ta’ nuqqas ta’ konformità fir-rigward ta’ l-applikazzjoni ta’ l-Artikolu 113b tar-Regolament (KE) Nru 1234/2007 u jew ta’ dan ir-Regolament.

(12)

Il-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(a)

Kategorija V: bovini mill-ġurnata tat-twelid sal-ġurnata li jagħlqu 8 xhur;

(b)

Kategorija Z: bovini mill-ġurnata wara li jagħlqu 8 xhur sal-ġurnata li jagħlqu 12-il xahar.

Il-Kummissjoni Ewropea

Direttorat Ġenerali għall-Agrikultura u l-Iżvilupp Rurali

Feks: +32-2-295 33 10

Indirizz elettroniku: agri-bovins@ec.europa.eu

(1)

Ir-Regolament tal-Kunsill (KE) Nru 40/2008 tas-16 ta' Jannar 2008 li jistabbilixxi għall-2008 l-opportunitajiet ta' sajd u l-kundizzjonijiet assoċjati magħhom għal ċerti ħażniet [stokkijiet] ta' ħut u gruppi ta' ħażniet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2008.

(2)

Mill-informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness għal dan ir-Regolament minn bastimenti li jtajru l-bandiera ta' l-Istat Membru msemmi hemmhekk jew irreġistrati fih, eżawrew il-kwota allokata lilhom għall-2008.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trażbord u l-ħatt tiegħu l-art, jiġu pprojbiti,

(1)

Ir-rifużjonijiet ta' l-esportazzjoni tal-prodotti msemmija fl-Artikolu 1(1)(b) tar-Regolament (KE) Nru 318/2006 huma stabbiliti, mit-13 ta' Ġunju 2008, mir-Regolament tal-Kummissjoni (KE) Nru 527/2008 (2).

(2)

Fid-dawl ta' l-informazzjoni addizzjonali li l-Kummissjoni għandha f'idejha, partikularment f'dak li għandu x'jaqsam mat-tibdil li sar fir-relazzjoni bejn il-prezzijiet tas-suq intern u dawk tas-suq dinji, huwa f'loku li r-rifużjonijiet ta' l-esportazzjoni li bħalissa qegħdin fis-seħħ jiġu addattati kif xieraq.

(3)

Għaldaqstant, jeħtieġ illi r-Regolament (KE) Nru 527/2008 jiġi emendat,

(1)

Fl-24 ta' Jannar 2006 l-Kunsill adotta d-Deċiżjoni 2006/116/KE (1) li taħtar il-membri u l-membri supplenti tal-Kumitat tar-Reġjuni għall-perjodu mis-26 ta' Jannar 2006 sal-25 ta' Jannar 2010.

(2)

Wara r-riżenja tas-Sur Conor MURPHY sar vakanti post ta' membru wieħed fil-Kumitat tar-Reġjuni,

(1)

Fl-24 ta’ Jannar 2006, il-Kunsill adotta d-Deċiżjoni 2006/116/KE li taħtar il-membri u l-membri supplenti għall-Kumitat tar-Reġjuni għall-perijodu mis-26 ta’ Jannar 2006 sal-25 ta’ Jannar 2010 (1).

(2)

Post ta’ membru supplenti fil-Kumitat tar-Reġjuni sar vakanti wara l-iskadenza tal-mandat tas-Sinjura Maria CORRIGAN,

(1)

Fl-24 ta’ Jannar 2006, il-Kunsill adotta d-Deċiżjoni 2006/116/KE li taħtar il-membri u l-membri supplenti fil-Kumitat tar-Reġjuni għall-perijodu mis-26 ta’ Jannar 2006 sal-25 ta’ Jannar 2010 (1).

(2)

Post ta’ membru supplenti sar battal wara r-riżenja tas-Sur Pedro MOYA MILANÉS.

(1)

Skond id-Direttiva 66/401/KEE l-Kummissjoni tista’, suġġett għal ċerti kundizzjonijiet, teħles Stat Membru mill-obbligi għat-tqegħid fis-suq ta’ żerriegħa ta’ pjanti ta’ l-għalf stabbiliti f’dik id-Direttiva.

(2)

Il-Bulgarija, is-Slovakkja u r-Renju Unit applikaw għal ħelsien mill-obbligi tagħhom fir-rigward ta’ Galega orientalis Lam.

(3)

Iż-żerriegħa ta’ din l-ispeċi mhix normalment prodotta mill-ġdid jew imqiegħda fis-suq fil-Bulgarija, fis-Slovakkja u fir-Renju Unit. Barra minn hekk, it-tkabbir ta’ Galega orientalis Lam huwa ta’ importanza ekonomika minima fil-pajjiżi msemmija hawn fuq.

(4)

Sakemm jibqgħu dawn il-kundizzjonijiet, l-Istati Membri rilevanti għandhom jinħelsu mill-obbligu li japplikaw id-dispożizzjoni tad-Direttiva 66/401/KEE għall-materjal ikkonċernat.

(5)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti għaż-Żrieragħ u l-Materjal ta’ Propagazzjoni għall-Agrikoltura, l-Ortikultura u l-Foresterija,

(1)

Id-Deċiżjoni tal-Kummissjoni 2002/994/KE ta’ l-20 ta’ Diċembru 2002 dwar xi miżuri ta’ protezzjoni fir-rigward tal-prodotti li joriġinaw mill-annimali impurtati miċ-Ċina (2) tapplika għall-prodotti kollha li joriġinaw mill-annimali impurtati miċ-Ċina u li huma intenzjonati għall-konsum mill-bniedem jew għall-għalf ta’ l-annimali.

(2)

Skond l-Artikolu 3 tad-Deċiżjoni l-Istati Membri għandhom jawtorizzaw l-importazzjonijiet tal-prodotti elenkati fil-parti II ta’ l-Anness ta’ dik id-Deċiżjoni li huma akkompanjati b’dikjarazzjoni ta’ l-awtorità kompetenti Ċiniża li tistqarr li kull konsenja kienet soġġetta, qabel ma ntbagħtet, għal test kimiku biex ikun żgurat li l-prodotti ikkonċernati ma jippreżentawx xi periklu għal saħħet il-bniedem. Dan it-test għandu jitwettaq, b’mod partikolari, bil-ħsieb li tiġi osservata l-preżenza ta’ chloramphenicol u nitrofuran u l-metaboliti tiegħu.

(3)

Minkejja dan, fil-prodotti tas-sajd ta’ l-akkwakultura impurtati miċ-Ċina issa ġew żvelati residwi ta’ malachite green u crystal violet. Għalhekk l-Artikolu 3 tad-Deċiżjoni 2002/994/KE għandu jiġi emendat sabiex jinkludi l-ittestjar tal-prodotti tas-sajd ta’ l-akkwakultura għal dawk is-sustanzi.

(4)

Huwa xieraq li jingħata perjodu tranżizzjonali għall-awtorizzazzjoni ta’ l-importazzjoni ta’ kunsinni ta’ prodotti tas-sajd ta’ l-akkwakultura li mhumiex akkumpanjati mir-riżultati tat-test għar-residwi ta’ malachite green u crystal violet, bil-kondizzjoni li l-Istati Membri jiżguraw li dawk il-kunsinni jsirulhom testijiet mal-wasla tagħhom fil-Komunità.

(5)

Id-Deċiżjoni 2002/994/KE għandha għalhekk tiġi emendata skond dan.

(6)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

(1)

Fil-qafas tar-Regolament (KEE) Nru 793/93 is-sustanzi li ġejjin kienu identifikati bħala sustanzi ta’ prijorità għall-valutazzjoni skond ir-Regolament tal-Kummissjoni (KE) Nru 2268/95 tas-27 ta’ Settembru 1995 li jikkonċerna t-tieni lista ta’ sustanzi ta’ prijorità kif previst fir-Regolament tal-Kunsill (KEE) Nru 793/93 (2):

(2)

L-Istat Membru rapporteur maħtur skond dan ir-Regolament tal-Kummissjoni temm l-attivitajiet tal-valutazzjoni tar-riskju għall-bniedem u għall-ambjent għal dawk is-sustanzi skond ir-Regolament tal-Kummissjoni (KE) Nru 1488/94 tat-28 ta’ Ġunju 1994 li jistipula l-prinċipji għal studju dwar ir-riskji lill-bniedem u l-ambjent ta’ materjali eżistenti (3) u ssuġġerixxa strateġija biex ikunu limitati r-riskji skond ir-Regolament tal-Kunsill (KEE) Nru 793/93.

(3)

Il-Kumitat Xjentifiku dwar it-Tossiċità, l-Ekotossiċità u l-Ambjent (SCTEE) u l-Kumitat Xjentifiku dwar ir-Riskji għas-Saħħa u l-Ambjent (SCHER) kienu kkonsultati u ħarġu opinjonijiet dwar il-valutazzjonijiet tar-riskju li saru mir-rapporteur. L-opinjonijiet ġew ippubblikati fuq il-websajt ta’ dawk il-Kumitati Xjentifiċi.

(4)

Ir-riżultati tal-valutazzjoni tar-riskju u aktar riżultati ta’ l-istrateġiji biex ikunu limitati r-riskji huma stipulati fil-Komunikazzjoni tal-Kummissjoni korrispondenti (4).

(5)

Huwa xieraq, abbażi tal-valutazzjoni, li jiġu rakkomandati miżuri għat-tnaqqis tar-riskju għas-sustanzi koperti b’din ir-Rakkomandazzjoni u l-Komunikazzjoni.

(6)

Il-miżuri għat-tnaqqis tar-riskju li għalihom tipprovdi din ir-rakkomandazzjoni huma skond l-opinjoni tal-Kumitat li twaqqaf skond l-Artikolu 15(1) tar-Regolament (KEE) Nru 793/93,