7.5.2008   

MT

Il-Ġurnal Uffiċjali ta’ l-Unjoni Ewropea

L 120/1

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

7.5.2008   

MT

Il-Ġurnal Uffiċjali ta’ l-Unjoni Ewropea

L 120/3

(1)

Ir-Regolament tal-Kummissjoni (KEE) Nru 2622/71 tad-9 ta’ Diċembru 1971 dwar il proċeduri għall-importazzjoni ta’ segala mit-Turkija (2) ġie emendat kemm-il darba (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Bir-Regolament (KE) Nru 2008/97, il-Kunsill adotta regoli għall- applikazzjoni ta' arranġament speċjali għall-importazzjoni ta’ segala mit-Turkija previst fil-Protokoll Addiżjonali għall-Ftehim li jistabbilixxi Assoċjazzjoni bejn il-Komunità Ewropea u t-Turkija.

(3)

Dak l-arranġament speċjali jipprovdi, taħt ċerti kondizzjonijiet, għat-tnaqqis fid-dazji applikabbli għall- importazzjonijiet ta’ segala mit-Turkija. Għal dak il-għan, għandha tingħata prova li taxxa speċjali fuq l-esportazzjoni li għandha titħallas mill-esportatur tkun fil-fatt tħallset.

(4)

Għandha tiġi ffissata, skond l-Artikolu 5 tar-Regolament (KE) Nru 2008/97, il-proċedura għall-prova tal-ħlas tat-taxxa speċjali fuq l-esportazzjoni.

(5)

Il-miżuri li għalihom jipprovdi dan ir-Regolament huma skond l-opinjoni tal-Kumitat ta’ Ġestjoni għaċ-ċereali,

7.5.2008   

MT

Il-Ġurnal Uffiċjali ta’ l-Unjoni Ewropea

L 120/6

(1)

L-Artikolu 12 tar-Regolament tal-Kummissjoni (KE) Nru 950/2006 tat-28 ta' Ġunju 2006 li jistabbilixxi regoli dettaljati għall-applikazzjoni matul is-snin tas-suq 2006/2007, 2007/2008, 2008/2009 għall-importazzjoni u r-raffinament tal-prodotti taz-zokkor skond ċerti kwoti tariffarji u ftehimiet preferenzjali (2), jipprevedi regoli dettaljati li jiffissaw obbligi ta' konsenja mingħajr dazju għall-prodotti li jaqgħu fi ħdan il-kodiċi NM 1701, espressi f'ammont ekwivalenti ta' zokkor abjad, għall-importazzjonijiet fil-pajjiżi li huma firmatarji tal-Protokoll ACP u l-Ftehim ma' l-Indja.

(2)

L-applikazzjoni ta' l-Artikoli 3 u 7 tal-Protokoll ACP, l-Artikoli 3 u 7 tal-Ftehim ma' l-Indja u l-Artikolu 12(3) u l-Artikoli 14 u 15 tar-Regolament (KE) Nru 950/2006 wassal biex il-Kummissjoni tikkalkula l-obbligi ta' konsenja għal kull pajjiż esportatur għall-perjodu ta' konsenja 2008/2009, fuq bażi ta' l-informazzjoni li hija disponibbli attwalment.

(3)

Għalhekk huwa meħtieġ li jiġu ddeterminati proviżorjament l-obbligi ta' konsenja għall-perjodu 2008/2009 skond il-punt (a) ta' l-Artikolu 12(2) tar-Regolament (KE) Nru 950/2006.

(4)

Il-miżuri stipulati f’dan ir-Regolament huma f’konformità ma’ l-opinjoni tal-Kumitat ta' Ġestjoni għaz-Zokkor,

7.5.2008   

MT

Il-Ġurnal Uffiċjali ta’ l-Unjoni Ewropea

L 120/8

(1)

Skond il-proċedura mniżżla fl-Artikolu 7(4) tar-Regolament (KEE) Nru 2092/91, ċerti Stati Membri kienu taw tagħrif lill-Istati Membri l-oħra u lill-Kummissjoni bil-ħsieb ta’ l-inklużjoni ta’ ċerti prodotti fl-Anness II għal dak ir-Regolament.

(2)

Il-Kumissjoni kienet stiednet grupp espert ad-hoc biex jipprovdi rakkomandazzjonijiet dwar l-awtorizzazzjoni għall-użu ta’ l-ispinosad, il-bikarbonat tal-potassju u l-oktanoat tar-ram fil-biedja organika u għall-estenzjoni ta’ l-użu ta’ l-etilena għat-tneħħija tal-ħdurija fiċ-ċitru u għat-twaqqif tat-tinbit fil-patata u l-basal, skond il-prinċipji li jkopru l-biedja organika.

(3)

Il-grupp espert ta rapport lis-Servizzi tal-Kummissjoni datat it-22 u t-23 ta’ Jannar 2008 (2) li rrakkomanda l-awtorizzazzjoni ta’ l-ispinosad, il-bikarbonat tal-potassju u l-oktanoat tar-ram f’ċerti kundizzjonijiet u ta’ l-estenzjoni ta’ l-użu ta’ l-etilena fit-tneħħija tal-ħdurija fiċ-ċitru u t-twaqqif tat-tinbit fil-patata u l-basal f'ċerti kundizzjonijiet. Fid-dawl tar-rapport ta’ dan il-grupp espert, u l-fatturi stipulati hawn taħt, il-Kummissjoni tikkunsidra li ċerti prodotti għandhom ikunu permessi fil-biedja organika, u l-użu ta’ l-etilena għandu jkun estiż.

(4)

L-ispinosad huwa insettiċid ġdid li ġej mill-mikrobi u li huwa essenzjali għall-kontroll ta’ ċerti insetti ewlenin u li jikkontribwixxi għas-sostenibbiltà tas-sistema ta’ produzzjoni għal sitwazzjonijiet fejn għandhom x’jaqsmu l-għelejjel u l-insetti. Madankollu, meta jintuża, għandu jitnaqqas ir-riskju għall-organiżmi mhux fil-mira.

(5)

Rigward l-inklużjoni ta’ l-ispinosad, għandu jiġi kjarifikat li l-mikroorganiżmi huma ġeneralment permessi fil-biedja organika għall-kontroll ta’ l-insetti u l-mard, filwaqt li l-prodotti li huma prodotti mill-mikroorganiżmi għandhom jitniżżlu fuq bażi individwali.

(6)

Il-bikarbonat tal-potassju huwa essenzjali biex jikkombatti d-diversi mard tal-fungu f’varjetà ta’ għelejjel u jista’ jikkontribwixxi għat-tnaqqis ta’ l-użu tar-ram u l-kubrit f’ċerti kombinazzjonijiet ta’ għelejjel u insetti.

(7)

L-oktanoat tar-ram huwa formulazzjoni ġdida tar-ram li jista’ jintuża għall-istess finijiet ta’ sustanzi tar-ram diġà inklużi fil-Parti B ta’ l-Anness II għar-Regolament (KEE) Nru 2092/91. L-ammont totali tar-ram li għandu jkun applikat kull staġun huwa inqas meta jintuża l-oktanoat tar-ram.

(8)

L-etilena hija diġà inkluża fil-Parti B ta’ l-Anness II għar-Regolament (KEE) Nru 2092/91 bħala sustanza ta’ użu tradizzjonali fil-biedja organika. Jidher xieraq li l-kundizzjonijiet ikunu kompluti għall-użu ta’ dik is-sustanza b'żewġ użi addizzjonali li jitqiesu bħala essenzjali: it-tneħħija tal-ħdurija fil-frott taċ-ċitru, meta trattament bħal dan jagħmel parti minn strateġija għall-prevenzjoni tal-ħsara tad-dubbien tal-frott, u t-twaqqif tat-tinbit tal-patata u l-basal maħżuna.

(9)

L-Anness II għar-Regolament (KEE) Nru 2092/91 għandu għalhekk jiġi emendat kif jixraq.

(10)

Il-miżuri li huma stabbiliti f'dan ir-Regolament jaqblu mal-fehma tal-Kumitat maħtur bi qbil ma’ l-Artikolu 14 tar-Regolament (KEE) Nru 2092/91,

7.5.2008   

MT

Il-Ġurnal Uffiċjali ta’ l-Unjoni Ewropea

L 120/11

(1)

Id-Direttiva 2001/95/KE tistipula l-obbligu għall-produtturi li jqiegħdu biss prodotti mingħajr periklu fuq is-suq.

(2)

Skond id-Direttiva 2001/95/KE, prodott jitqies mingħajr periklu, sa fejn għandhom x’jaqsmu r-riskji u l-kategoriji ta’ riskji koperti mill-istandards nazzjonali rilevanti, meta jkun konformi ma’ l-istandards nazzjonali volontarji li jittrasponu l-istandards Ewropej.

(3)

Id-Direttiva 2001/95/KE tistipula li l-istandards Ewropej għandhom jiġu stabbiliti mill-istituzzjonijiet ta’ standardizzazzjoni Ewropej. Standards bħal dawn għandhom jiżguraw li l-prodotti jissodisfaw ir-rekwiżit ta’ sikurezza ġenerali tad-Direttiva.

(4)

Il-lajters huma prodotti minnhom infushom perikolużi peress li jipproduċu fjamma jew sħana u minħabba li fihom likwidu jew gass li jista’ jaqbad, li bosta drabi jkun taħt pressa. L-aktar riskji evidenti potenzjali assoċjati ma’ l-użu ħażin tal-lajters huma nirien, ħruq u faqqaturi li jistgħu jwasslu għal splużjoni fil-preżenza ta’ għajn ta’ sħana.

(5)

Il-lajters mhumiex għat-tfal. Madankollu, l-użu ħażin tal-lajters, speċjalment minn tfal żgħar, mhux rari u għandu jitqies meta nevalwaw is-sikurezza ta’ dawn il-prodotti. Dan huwa partikolarment rilevanti għal-lajters li jintremew wara l-użu, li jinbiegħu ħafna, ta’ spiss f’pakketti ta’ aktar minn lajter waħda u wżati mill-konsumaturi bħala prodotti ta’ valur baxx, li jintremew, kif ukoll għal lajters li b’mod partikolari jappellaw għat-tfal iż-żgħar minħabba l-forma jew il-karatteristiċi ta’ mgħodija ta’ żmien meqjusa attraenti għat-tfal.

(6)

L-użu ħażin tal-lajters mit-tfal iż-żgħar jista’ jwassal għal nirien li jikkawżaw ħsarat personali u ekonomiċi konsiderevoli, inklużi mwiet. Għalhekk, il-lajters jippreżentaw riskju serju fir-rigward ta’ l-użu ħażin mit-tfal.

(7)

Fl-1998 il-Kummissjoni ħarġet il-mandat ta’ standardizzazzjoni nru. M/266 lis-CEN dwar is-sikurezza ta’ konsumaturi u tfal fir-rigward ta’ lajters, li minnu rriżulta l-Istandard Ewropew EN 13869:2002: Lajters - Resistenza għat-tfal għal-lajters - Rekwiżiti ta’ sikurezza u metodi ta’ ttestjar.

(8)

Minħabba l-fatt li s-saħħa u s-sikurezza tal-konsumaturi jitqiegħdu f’periklu, b’mod partikolari, bl-abilità tat-tfal iż-żgħar u l-probablità li joperaw jew jużaw ħażin lajters, u li dan ir-riskju jista’ jiġi eliminat b’mod effettiv b’miżuri xierqa biss applikabbli fuq livell Komunitarju, il-Kummissjoni adottat fil-11 ta’ Mejju 2006 id-Deċiżjoni 2006/502/KE (2) skond id-dispożizzjonijiet ta’ l-Artikolu 13 tad-Direttiva 2001/95/KE li teħtieġ mill-Istati Membri li jieħdu miżuri biex jiżguraw li dawk il-lajters biss li huma reżistenti għat-tfal jitqiegħdu fis-suq u biex jipprojbixxu t-tqegħid fis-suq ta’ lajters novità.

(9)

Minħabba l-fatt li d-Deċiżjonijiet adottati skond l-Artikolu 13 tad-Direttiva 2001/95/KE huma miżuri temporanji b’validità ta’ mhux aktar minn sena, u jistgħu jiġu estiżi b’perjodi ta’ mhux iktar minn sena kull waħda, il-Kummissjoni adottat fit-12 ta’ April 2007 id-Deċiżjoni 2007/231/KE (3) li testendi l-validità tad-Deċiżjoni 2006/502/KE b’sena.

(10)

Minkejja li EN 13869 m’għandix referenza fil-Ġurnal Uffiċjali skond id-dispożizzjonijiet tad-Direttiva 2001/95/KE, id-Deċiżjoni tal-Kummissjoni 2006/502/KE xorta tagħti suppożizzjoni ta’ konformità lil-lajters li huma konformi ma’ l-istandards nazzjonali li jittrasponu EN 13869.

(11)

Fid-dawl tal-ħtieġa li jsir użu minn soluzzjonijiet tekniċi xierqa għall-valutazzjoni tar-rekwiżiti ta’ sikurezza tat-tfal fil-lajters, l-Istati Membri u l-Kummissjoni, f’kooperazzjoni ma’ l-għaqdiet ta’ standardizzazzjoni Ewropej u wara konsultazzjoni mal-partijiet interessati, identifikaw il-ħtieġa ta’ reviżjoni ta’ EN 13869.

(12)

Il-problema ewlenija identifikata fl-istandard preżenti hija li wieħed jafda fuq l-ittestjar fuq kampjun (panel testing) fir-rigward tat-tfal biex isib jekk lajter hijiex tassew reżistenti għat-tfal. Filwaqt li l-ittestjar fuq kampjun wera li huwa metodu ta’ min jafda fuqu, ikun xieraq li jiġu identifikati metodi alternattivi biex tiġi ddeterminata r-reżistenza għat-tfal tal-lajters, sakemm kull alternattiva tkun ta’ l-inqas daqstant effettiva u affidabbli. Flimkien ma’ dan, id-definizzjoni preżenti ta’ lajters li jappellaw b’mod partikolari għat-tfal (l-hekk imsejjħa “lajters novità”) hija miftuħa għal kull interpretazzjoni, u dan jista’ jwassal għal applikazzjoni mhux uniformi tal-projbizzjoni fuq dawn il-lajters. Fl-aħħar nett, jeħtieġ li jiġu indirizzati għadd ta’ kwistjonijiet oħra sabiex l-istandard ikun jista’ jissodisfa r-rwol tiegħu b’mod sħiħ billi jiġu pprovduti s-soluzzjonijiet tekniċi xierqa.

(13)

Ir-rekwiżiti speċifiċi ta’ sikurezza tat-tfal għal-lajters għandhom jitfasslu skond id-dispożizzjonijiet ta’ l-Artikolu 4 tad-Direttiva 2001/95/KE, bl-għan li l-istituzzjonijiet ta’ standardizzazzjoni jintalbu li jirrevedu EN 13869, skond il-proċedura stabbilita fid-Direttiva 98/34/KE (4) għall-provvista ta’ tagħrif fil-qasam ta’ l-istandards u r-regolamenti tekniċi, u sabiex tkun tista’ ssir il-pubblikazzjoni fil-Ġurnal Uffiċjali ta’ l-istandard rivedut.

(14)

Malli r-referenza għall-istandard rivedut tkun ippubblikata fil-Ġurnal Uffiċjali, il-lajters immanifatturati skond l-istandard se jkun preżumibbli li huma konformi mar-rekwiżit ta’ sikurezza ġenerali tad-Direttiva 2001/95/KE dwar is-sikurezza ġenerali tal-prodott, sa fejn għandhom x’jaqsmu r-rekwiżiti speċifiċi dwar is-sikurezza tat-tfal koperti mill-istandard.

(15)

Il-miżuri previsti f’din id-Deċiżjoni huma fi qbil ma’ l-opinjoni tal-Kumitat imwaqqaf skond id-Direttiva 2001/95/KE,

“lajter” tfisser tagħmir li jitħaddem manwalment li jipproduċi fjamma permezz tal-fjuwil, li normalment jintuża għat-tqabbid tan-nar b’mod deliberat, partikolarment għas-sigaretti, is-sigarri u l-pipi, u li prevedibilment jista’ jintuża għat-tqabbid ta’ materjal bħal karti, ftejjel, xemgħat u fanali, immanifatturat bi provvista integrali ta’ fjuwil, kemm jekk maħsuba biex timtela’mill-ġdid bil-fjuwil kemm jekk le.

“lajter reżistenti għat-tfal” tfisser lajter ddisinjata u mmanifatturata b’tali mod li ma tkunx tista’, f’kundizzjonijijiet ta’ użu normali jew raġonevolment prevedibbli, titħaddem minn tfal iżgħar minn 51 xahar minħabba, pereżempju, is-saħħa meħtieġa biex titħaddem jew minħabba l-mod kif tkun iddisinjata jew il-protezzjoni tal-mekkaniżmu tat-tqabbid tagħha, jew l-komplessità jew is-sekwenza ta’ tħaddim meħtieġa għat-tqabbid

“lajter li tappella għat-tfal” tfisser lajter li d-disinn tagħha jixbaħ b’xi mod oġġett ieħor li huwa magħruf bħala li jappella għat-tfal iż-żgħar jew li jkun maħsub biex jintuża minn tfal taħt 51 xahar ta’ età.

(a)

Il-lajters għandhom ikunu reżistenti għat-tfal sabiex tonqos għall-aħħar l-abilità u l-probabilità tat-tfal iżgħar minn 51 xahar ta’ età li jħaddmuhom;

(b)

Il-lajters m’għandomx jappellaw għat-tfal iżgħar minn 51 xahar ta’ età.

(a)

garanzija bil-miktub ta’ mill-inqas sentejn mill-produttur għal kull lajter, skond id-Direttiva 1999/44/KE tal-Parlament Ewropew u tal-Kunsill (5);

(b)

il-possibilità fil-prattika li tissewwa u timtela’ mill-ġdid mingħajr periklu tul il-perjodu ta’ ħajja tagħha, inkluż b’mod partikolari mekkaniżmu ta’ tqabbid li jissewwa;

(ċ)

partijiet li mhumiex konsumibbli, iżda li x’aktarx jittieklu jew isiru difettużi bl-użu kontinwu wara l-perjodu ta’ garanzija, ikunu aċċessibbli għal tibdil jew tiswija minn servizz ta’ wara l-bejgħ awtorizzat jew speċjalizzat ibbażat fl-Unjoni Ewropea.

7.5.2008   

MT

Il-Ġurnal Uffiċjali ta’ l-Unjoni Ewropea

L 120/14

(1)

Id-Deċiżjoni 2005/380/KE ħolqot grupp ta’ esperti mhux governattivi dwar it-tmexxija tal-kumpaniji u l-liġi dwar il-kumpaniji bħala korp ta’ riflessjoni, dibattitu u pariri lill-Kummissjoni fil-qasam tat-tmexxija tal-kumpaniji u l-liġi dwar il-kumpaniji. Id-Deċiżjoni 2005/380/KE tapplika sas-27 ta’ April 2008.

(2)

Il-parir espert tal-grupp kien ta’ siwi kbir, partikolarment rigward l-inizjattivi li l-Kummissjoni tinsab għaddejja bihom fil-qasam tal-liġi dwar il-kumpaniji u t-tmexxija tal-kumpaniji, partikolarment Statut Ewropew tal-Kumpaniji Privati u s-simplifikazzjoni tal-liġi dwar il-kumpaniji prevista fil-Programm ta’ Leġiżlazzjoni u Ħidma tal-Kummissjoni għall-2008 (1), kif ukoll l-evalwazzjoni ta’ l-applikazzjoni tal-liġijiet eżistenti fil-qasam tat-tmexxija tal-kumpaniji u l-liġi dwar il-kumpaniji. Biex tkun żgurata l-kontinwità u b'għajnuna għat-twettiq b'suċċess ta’ dawk il-proġetti, il-mandat tal-grupp għandu jkun estiż sa Ġunju 2009.

(3)

Huwa importanti li jkun żgurat li l-membri tal-grupp jipprovdu pariri esperti oġġettivi.

(4)

Id-dejta personali kollha relatata mal-membri tal-grupp għandha tkun ipproċessata f’konformità mar-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwi fir-rigward ta’ l-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ din id-dejta (2).

(5)

Id-Deċiżjoni 2005/380/KE għandha għalhekk tiġi emendata skond dan,

(1)

Fl-Artikolu 3, għandu jiżdied il-paragrafu li ġej:

“Il-membri għandhom jiffirmaw kull sena dikjarazzjoni ta’ impenn li huma se jaġixxu fl-interess pubbliku kif ukoll dikjarazzjoni li tindika l-assenza jew l-eżistenza ta’ interess li jista' jhedded l-indipendenza tagħhom.”

(2)

fl-Artikolu 5, għandu jiżdied il-paragrafu li ġej:

“L-ismijiet tal-membri għandhom jinġabru, jiġu pproċessati u ppubblikati skond ir-Regolament (KE) Nru 45/2001 tal-Parlament Ewropew u tal-Kunsill (*).

(*)  ĠU L 8, 12.1.2001, p. 1.”"

(3)

L-Artikolu 9 għandu jinbidel b'dan li ġej:

“Din id-Deċiżjoni għandha tapplika sat-30 ta’ Ġunju 2009.”

7.5.2008   

MT

Il-Ġurnal Uffiċjali ta’ l-Unjoni Ewropea

L 120/15

(1)

L-Artikolu 157 (1) tat-Trattat jinkariga lill-Komunità u l-Istati Membri biex jiżguraw li jkun hemm il-kundizzjonijiet meħtieġa għall-kompetittività ta’ l-industrija tal-Komunità. L-Artikolu 157 (2) b'mod partikolari jsejjaħ lill-Istati Membri biex jikkonsultaw lil xulxin b’ kuntatt mal-Kummissjoni u, fejn hemm bżonn, jikkoordinaw l-azzjonijiet tagħhom. Il-Kummissjoni tista' tieħu kwalunkwe inizjattiva utli biex tippromwovi din il-koordinazzjoni.

(2)

Fil-Komunikazzjoni tagħha “Reviżjoni ta’ Nofs it-Terminu tal-Politika Industrijali Kontribut lill-Istrateġija ta’ l-UE għat-Tkabbir Ekonomiku u l-Impjiegi” (1), l-Kummissjoni ħabbret l-intenzjoni li tniedi inizzjattiva dwar l-ikel li għandha x'taqsam mal-kompetittività ta’ l-industrija ta’ l-agri-ikel tal-Komunità.

(3)

Għalhekk jeħtieġ li jitwaqqaf Grupp ta’ Livell Għoli magħmul prinċipalment minn esperti fil-qasam tal-kompetittività ta’ l-industrija agri-ikel tal-Komunità, u sfidi relatati bħas-sikurezza alimentari, s-saħħa, l-ambjent u li jiġu ddefiniti l-inkarigi u l-istruttura tiegħu.

(4)

Il-grupp għandu jindirizza kwistjonijiet li jiddeterminaw u li se jiddeterminaw fil-futur il-kompetittività ta’ l-industrija agri-ikel tal-Komunità. Ibbażat fuq ir-riżultat tad-diskussjonijiet tiegħu l-grupp għandu jifformula sett ta’ rakkomandazzjonijiet ta’ politika speċifika għas-settur bil-għan li jtejjeb il-kompetittività ta’ l-industrija agri-ikel skond il-politika tal-Komunità, b'mod partikolari l-għanijiet tas-sikurezza alimentari u s-saħħa, politika agrikola u żvilupp sostenibbli.

(5)

Il-grupp għandu jkun magħmul minn rappreżentanti tal-Kummissjoni, l-Istati Membri u partijiet interessati relevanti, b'mod partikolari utenti downstream u produtturi upstream ta’ l-industrija ta’ l-agri-ikel, konsumaturi kif ukoll is-soċjetà ċivili.

(6)

Ir-regoli dwar l-iżvelar ta’ l-informazzjoni mill-membri tal-grupp għandhom jiġu pprovduti, bla ħsara għar-regoli tal-Kummissjoni dwar is-sigurtà kif stabbilit fl-Anness għad-Deċiżjoni tal-Kummissjoni 2001/844/KE, KEFA, Euratom (2).

(7)

Id-data personali kollha relatata mal-membri tal-grupp għandha tkun ipproċessata b’konformità mar-Regolament tal-Parlament Ewropew u tal-Kunsill (KE) Nru 45/2001 tat-18 ta’ Diċembru 2000 dwar il-protezzjoni ta’ l-individwi fir-rigward ta’ l-ipproċessar ta’ data personali mill-istituzzjonijiet u l-korpi tal-Komunità u dwar il-moviment liberu ta’ din id-data  (3).

(1)

li jindirizza kwistjonijiet li jiddeterminaw u li se jiddeterminaw fil-futur il-kompetittività ta’ l-industrija agri-ikel tal-Komunità u sfidi relatati;

(2)

li jidentifika l-fatturi li jinfluwenzaw il-pożizzjoni kompetittiva u s-sostenibbiltà ta’ l-industrija agri-ikel tal-Komunità, inklużi sfidi futuri u xejriet b'impatt fuq il-kompetittività;

(3)

li jifformula sett ta’ rakkomandazzjonijiet speċifiċi għas-settur indirizzati lil dawk li jfasslu l-politika fil-livell Komunitarju.

(a)

8 rappreżentanti ta’ l-Istati Membri,

(b)

13-il rappreżentant ta’ l-industrija agri-ikel,

(c)

6 rappreżentanti tas-soċjetà ċivili u assoċjazzjonijiet professjonali.

(a)

meta l-membru jirreżenja;

(b)

meta l-membru mhux kapaċi aktar li jikkontribwixxi b'mod effettiv fid-deliberazzjonijiet tal-grupp;

(c)

meta l-membru ma josservax l-Artikolu 287 tat-Trattat.

7.5.2008   

MT

Il-Ġurnal Uffiċjali ta’ l-Unjoni Ewropea

L 120/17

(1)

Seħħew tifqigħat ta’ l-influwenza tat-tjur fl-Olanda fl-2003. It-tifqigħa ta’ din il-marda ppreżentat periklu serju għall-popolazzjoni tal-bhejjem tal-Komunità.

(2)

Għall-prevenzjoni tat-tixrid tal-marda u biex tingħata għajnuna għall-eradikazzjoni tagħha kemm jista’ jkun malajr, il-Komunità għandha tikkontribwixxi fin-nefqa eliġibbli mġarrba mill-Istat Membru skond il-miżuri ta’ emerġenza li ttieħdu fil-ġlieda kontra l-marda, kif inhu previst fid-Deċiżjoni 90/424/KEE.

(3)

Id-Deċiżjoni tal-Kummissjoni 2003/678/KE ta’ l-24 ta’ Settembru 2003 dwar kontribuzzjoni finanzjarja mill-Komunità għall-ispejjeż eliġibbli tal-qerda ta’ l-influwenza tat-tjur fl-Olanda fl-2003 (2) kkonċediet kontribuzzjoni finanzjarja mill-Komunità lill-Olanda għall-infiq imġarrab skond il-miżuri ta’ emerġenza biex tkun miġġielda l-influwenza tat-tjur implimentati fl-2003.

(4)

Din id-Deċiżjoni pprovdiet għall-ħlas ta’ l-ewwel pagament ta’ EUR 40 000 000.

(5)

Skond din id-deċiżjoni, il-bilanċ tal-kontribuzzjoni finanzjarja tal-Komunità għandu jitħallas fuq il-bażi ta’ l-applikazzjonijiet mibgħuta mill-Olanda fl-14 ta’ Marzu 2004, is-26 ta’ Lulju 2005 u t-2 ta’ Novembru 2006.

(6)

Fid-dawl ta’ dawn il-konsiderazzjonijiet, l-ammont totali tal-kontribuzzjoni finanzjarja tal-Komunità għan-nefqa eliġibbli mġarrba marbuta mal-qerda ta’ l-influwenza tat-tjur fl-Olanda fl-2003 għandu issa jiġi stabbilit.

(7)

Ir-riżultati ta’ l-ispezzjonijiet imwettqa mill-Kummissjoni b'konformità mar-regoli veterinarji tal-Komunità u l-kundizzjonijiet għall-għoti tal-kontribuzzjonijiet finanzjarji tal-Komunità wrew li l-ammont kollu ta’ l-infiq mibgħut ma jistax jiġi rikonoxxut bħala eliġibbli.

(8)

L-osservazzjonijiet tal-Kummissjoni, il-metodu ta’ kalkolu ta’ l-infiq eliġibbli u l-konklużjonijiet aħħarija ġew ikkomunikati lill-Olanda permezz ta’ ittri bid-dati tat-12 ta’ Lulju 2007, is-26 ta’ Ottubru 2007 u l-5 ta’ Diċembru 2007.

(9)

Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

7.5.2008   

MT

Il-Ġurnal Uffiċjali ta’ l-Unjoni Ewropea

L 120/18

(1)

Id-Deċiżjoni 90/424/KEE tfassal il-proċeduri li jirregolaw il-kontribut finanzjarju Komunitarju lejn miżuri veterinarji speċifiċi, b'mod partikolari fir-rigward tal-politika ta’ tagħrif għal saħħet l-annimali, il-benessri ta’ l-annimali u s-sigurtà fl-ikel, miżuri tekniċi u xjentifiċi u kontroll.

(2)

L-Artikolu 37a(1)(b) tad-Deċiżjoni 90/424/KEE tistipula li kontribut finanzjarju Komunitarju jista' jingħata għall-kompjuterizzazzjoni tal-proċeduri veterinarji relatati ma’ l-akkomodazzjoni, il-ġestjoni u l-manutenzjoni ta’ sistemi veterinarji kompjuterizzati integrati, inklużi interfaces mad-databases nazzjonali, fejn xieraq. Għalhekk għandu jingħata kontribut finanzjarju Komunitarju għall-akkomodazzjoni, ġestjoni u manutenzjoni tas-sistema veterinarja kompjuterizzata integrata TRACES (Trade Control and Expert System), introdotta mid-Deċiżjoni tal-Kummissjoni 2003/24/KE tat-30 ta’ Diċembru 2002 li tirrigwarda l-iżvilupp ta’ sistema veterinarja integrata u kompjuterizzata (2), biex ikun żgurat li s-sistema hija disponibbli, sikura u aġġornata.

(3)

L-Artikolu 37(1) tad-Deċiżjoni 90/424/KEE tistipula li l-introduzzjoni ta’ sistemi sabiex jiġu identifikati annimali u jiġi nnotifikat mard skond il-leġiżlazzjoni li tikkonċerna kontrolli veterinarji fil-kummerċ intra-Komunitarju ta’ annimali ħajjin, bil-ħsieb li jitlesta s-suq intern, tista’ tirċevi għajnuna finanzjarja mill-Komunità. Għalhekk għandu jingħata kontribut finanzjarju Komunitarju biex tiġi aġġornata s-sistema ta’ notifika tal-mard ta’ l-annimali (ADNS), ibbażat fuq id-Deċiżjoni tal-Kummissjoni 2005/176/KE ta’ l-1 ta’ Marzu 2005 li twaqqaf l-għamla kkodifikata u l-kodiċi għan-notifika tal-mard ta’ l-annimali skond id-Direttiva tal-Kunsill 82/894/KEE (3), bit-titjib tekniku neċessarju.

(4)

Il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali u lill-Kumitat tar-Reġjuni dwar Strateġija ġdida tas-Saħħa ta’ l-Annimali għall-Unjoni Ewropea (2007-2013) fejn “Il-prevenzjoni hija aqwa mill-kura” (4) (”il-Komunikazzjoni dwar strateġija ta’ saħħa ġdida għall-annimali”) tistipula li l-Kummissjoni hija impenjata biex ittejjeb il-komunikazzjoni lejn il-konsumaturi u l-partijiet interessati.

(5)

L-Artikolu 16 tad-Deċiżjoni 90/424/KEE jistipula li l-Komunità għandha tagħti kontribut finanzjarju għat-twaqqif ta’ politika informattiva fil-qasam tas-saħħa ta’ l-annimali, tal-benessri ta’ l-annimali u tas-sigurtà fl-ikel fil-prodotti li joriġinaw mill-annimali. Għalhekk għandu jingħata kontribut finanzjarju Komunitarju għall-implimentazzjoni tal-miżuri mmirati lejn it-titjib tal-komunikazzjoni lejn il-konsumaturi u l-partijiet interessati fil-qasam tas-saħħa ta’ l-annimali u l-benessri ta’ l-annimali fil-qafas tal-Komunikazzjoni dwar strateġija ġdida għas-saħħa ta’ l-annimali.

(6)

Skond l-Artikolu 19 tad-Deċiżjoni 90/424/KEE, il-Komunità għandha twettaq, jew tgħin lill-Istati Membri jew lill-organizzazzjonijiet internazzjonali biex iwettqu, il-miżuri tekniċi u xjentifiċi meħtieġa għall-iżvilupp ta’ leġiżlazzjoni veterinarja tal-Komunità u għall-iżvilupp ta’ edukazzjoni jew taħriġ veterinarju.

(7)

L-introduzzjoni gradwali ta’ identifikazzjoni elettronika għal ruminanti hija waħda mir-riżultati mistennija ta’ l-istrateġija. Minħabba f'hekk, studju li jqabbel kwistjonijiet bħall-ispejjeż mal-benefiċċju u l-effikaċja fl-ispiża li għandhom x'jaqsmu ma’ l-identifikazzjoni elettronika tal-baqar huwa neċessarju qabel l-introduzzjoni ta’ leġiżlazzjoni ġdida f'dan il-qasam. Sabiex jitjieb ir-rwol tal-laboratorji ta’ referenza tal-Komunità, valutazzjoni tal-funzjonament u r-rendiment tagħhom huwa meqjus neċessarju. Ir-riżultat ta’ dawn l-istudji u valutazzjonijiet se jkun il-bażi għal reviżjoni leġiżlattiva f'dawn l-oqsma jekk ikun hemm bżonn. Għalhekk għandu jingħata kontribut finanzjarju Komunitarju biex jiġu ffinanzjati studji u valutazzjonijiet fl-oqsma tas-sigurtà fl-ikel, is-saħħa u l-benessri ta’ l-annimali u ż-żooteknika. L-ammont massimu li għandu jiġi allokat għal dawn l-azzjonijiet għandu jkun speċifikat. Se jitnedew sejħiet għall-offerti fl-2008 għat-twettiq, taħt kuntratti, studji u valutazzjonijiet speċifiċi fl-oqsma tas-sigurtà fl-ikel, is-saħħa u l-benessri ta’ l-annimali u ż-żooteknika. Skond ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Agrikola Komuni (5), il-miżuri veterinarji jridu jiġu ffinanzjati mill-Fond Agrikolu Ewropew ta’ Garanzija. Għal finijiet ta’ kontroll finanzjarju, għandhom japplikaw l-Artikoli 9, 36 u 37 ta’ dak ir-Regolament.

(8)

Il-ħlas tal-kontribut finanzjarju mill-Komunità għandu jkun suġġett għall-kundizzjoni li l-azzjonijiet effettivament twettqu u li l-kuntratturi jipprovdu t-tagħrif meħtieġ kollu.

(9)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti għall-Katina Almentari u s-Saħħa ta’ l-Annimali,

(a)

EUR 1 000 000 għall-akkomodazzjoni;

(b)

EUR 500 000 għall-akkwist ta’ l-appoġġ loġistiku neċessarju fi ħdan il-qafas ta’ l-għajnuna għall-utenti;

(ċ)

EUR 300 000 għax-xiri ta’ sostenn ta’ manutenzjoni neċessarju sabiex is-sistema tiġi konformi ma’ l-iżviluppi legali u tekniċi.

(d)

EUR 200 000 għall-iżviluppi neċessarji ta’ l-ipproċessar tad-data;

(e)

EUR 250 000 għall-iżvilupp ta’ l-interface bejn id-databases nazzjonali ta’ identifikazzjoni tal-bovini

(a)

EUR 2 500 000 fil-qasam tas-saħħa ta’ l-annimali;

(b)

EUR 150 000 fil-qasam tal-benessri ta’ l-annimali.

(a)

studju tal-benfiċċju għall-ispejjeż dwar l-identifikazzjoni elettronika tal-baqar;

(b)

valutazzjoni tal-laboratorji ta’ referenza Komunitarja fil-qasam tas-saħħa ta’ l-annimali u ż-żooteknika.

7.5.2008   

MT

Il-Ġurnal Uffiċjali ta’ l-Unjoni Ewropea

L 120/20

(1)

L-assigurazzjoni esterna tal-kwalità għall-verifiki statutorji hija kruċjali biex il-verifiki jkunu ta’ kwalità għolja. Iżżid il-kredibbiltà ta’ l-informazzjoni finanzjarja li tiġi ppubblikata u tagħti protezzjoni aqwa lill-azzjonisti, lill-investituri, lill-kredituri u lil partijiet interessati oħra. Għaldaqstant, kwalunkwe sistema ta’ assigurazzjoni esterna tal-kwalità għandha tkun oġġettiva u indipendenti mill-professjoni tal-verifika.

(2)

L-Artikoli 29 u 43 tad-Direttiva 2006/43/KE tal-Parlament Ewropew u tal-Kunsill tas-17 ta' Mejju 2006 dwar il-verifiki statutorji tal-kontijiet annwali u tal-kontijiet konsolidati, li temenda d-Direttivi tal-Kunsill 78/660/KEE u 83/349/KEE u li tħassar id-Direttiva tal-Kunsill 84/253/KEE (1), tistabbilixxi kriterji ta’ livell għoli għal sistemi ta’ assigurazzjoni tal-kwalità għall-awdituri u l-kumpaniji tal-verifika statutorji kollha. Tinkorpora xi wħud mill-ideat inklużi fir-Rakkomandazzjoni tal-Kummissjoni 2001/256/KE tal-15 ta' Novembru 2000 dwar l-assigurazzjoni tal-kwalità għall-verifiki statutorji fl-Unjoni Ewropea: rekwiżiti minimi (2) [traduzzjoni mhux uffiċjali].

(3)

Madankollu, partijiet minn din ir-Rakkomandazzjoni, li għandhom x’jaqsmu mal-verifika statutorja ta’ entitajiet ta’ interess pubbliku, tilfu l-validità tagħhom minħabba żviluppi u tendenzi reċenti fejn, għall-verifiki ta’ dan it-tip, qed jiddaħħlu sistemi ta’ assigurazzjoni esterna tal-kwalità, li l-kontroll tagħhom isir indipendentement mill-professjoni tal-verifika u fejn l-analiżi ta’ l-assigurazzjoni tal-kwalità ssir minn persuni li ma humiex awdituri prattikanti.

(4)

Il-kriterji stipulati fid-Direttiva 2006/43/KE xorta jippermettu diskrepanzi konsiderevoli fil-mod ta’ kif qed jiġu organizzati bħalissa s-sistemi ta’ assigurazzjoni esterna tal-kwalità għall-awdituri u kumpaniji tal-verifika statutorji fl-Istati Membri. Għandha tiġi evitata l-possibbiltà li l-partijiet interessati jinterpretaw il-kwalità tal-verifiki ta’ awdituri u kumpaniji tal-verifika statutorji fl-Istati Membri b’mod differenti, speċjalment fir-rigward ta’ l-Artikolu 34 tad-Direttiva 2006/43/KE. Id-Direttiva 2006/43/KE tinkoraġġixxi wkoll lis-sistemi ta’ sorveljanza pubbliċi ta’ l-Istati Membri biex jaslu għal approċċ ikkoordinat fit-twettiq ta’ l-analiżi tagħhom ta' l-assigurazzjoni tal-kwalità.

(5)

Il-kooperazzjoni bejn l-Istati Membri hija importanti ħafna għall-verifiki ta’ l-entitiajiet ta’ interess pubbliku. Għandha tingħata aktar informazzjoni dwar is-sistemi ta’ assigurazzjoni tal-kwalità għall-awdituri u l-kumpaniji tal-verifika statutorji li jwettqu verifiki f’entitajiet ta’ dan it-tip. Għaldaqstant, jixraq li ssir Rakkomandazzjoni ġdida li tkun aktar konsistenti mal-qagħda attwali milli hi r-Rakkomandazzjoni 2001/256/KE, u li tqis ix-xejriet internazzjonali ġodda flimkien mal-ħtiġijiet speċifiċi ta' l-Istati Membri. Madankollu, fil-każ ta’ sistemi ta’ assigurazzjoni tal-kwalità għall-awdituri u l-kumpaniji tal-verifika statutorji li jwettqu verifiki fuq entitajiet li mhumiex ta’ interess pubbliku, l-informazzjoni li tingħata m'għandiex għalfejn tkun dettaljata.

(6)

Għandhom isiru spezzjonijiet preventivi b’mod regolari, peress li dawn itejbu l-kwalità tal-verifiki ta’ l-awditur jew tal-kumpanija tal-verifika statutorji. L-għan tagħhom għandu jkun li joħolqu u jsostnu l-fiduċja fil-verifiki statutorji, u b’hekk ukoll, fis-swieq finanzjari. Għalhekk, din ir-Rakkomandazzjoni ma għandhiex taffettwa l-investigazzjonijiet ad hoc li jsiru minħabba l-ksur ta’ xi liġijiet jew regolamenti.

(7)

Sabiex tittejjeb il-kwalità tal-verifiki fil-komunitajiet, l-entitajiet ta’ sorveljanza indipendenti għandhom jieħdu sehem aktar attiv fl-ispezzjonijiet tal-kumpaniji tal-verifika. Għandha tingħata l-informazzjoni meħtieġa biex tinżamm l-indipendenza tas-sistema ta' l-ispezzjoni. Fir-rigward tat-twettiq ta’ l-ispezzjonijiet, jeħtieġ li jiġi ċċarat ir-rwol ta’ l-awtoritajiet ta’ sorveljanza pubblika, l-assoċjazzjonijiet professjonali u entitajiet adatti oħra. Il-finanzjament tas-sistema ta’ assigurazzjoni tal-kwalità wkoll jeħtieġ kjarifikazzjoni.

(8)

L-Artikolu 43 tad-Direttiva 2006/43/KE jirrikjedi li l-analiżi ta’ l-assigurazzjoni tal-kwalità għall-awdituri u l-kumpanija tal-verifika statutorji ssir kull tlett xhur jew aktar spiss. Is-sistema ta’ sorveljanza pubblika għandha mnejn ma jirnexxilhiex issib biżżejjed spetturi biex twettaq analiżi fuq il-post għal kull spezzjoni li tagħmel. Għalhekk, b’ċerti kundizzjonijiet, għandha tiġi permessa l-parteċipazzjoni ta’ esperti, li ma jkunux spetturi, fl-analiżi li ssir fuq il-post.

(9)

Sabiex jiġi żgurat li r-rapport finali dwar l-ispezzjoni jiġi segwit mill-awditur jew mill-kumpanija tal-verifika statutorji kkonċernati, u li dan ir-rapport jagħtihom biżżejjed informazzjoni ħalli ċerti problemi rrappurtati ma jerġgħux iseħħu, għandu jkun hemm komunikazzjoni effikaċi bejn l-ispetturi u dak l-awditur jew kumpanija tal-verifika statutorji kemm qabel ma jiġi adottat ir-rapport finali kif ukoll fl-istadji ta’ wara.

(10)

Sabiex jittejbu l-kontabilità tas-sistema ta’ assigurazzjoni tal-kwalità u l-komparabilità tagħhom fil-Komunità, ir-rapport annwali dwar ir-riżultati kumplessivi ta’ l-ispezzjonijet għandu jinkludi informazzjoni importanti dwar ir-rendiment li tippermetti li ssir valutazzjoni tar-riżorsi wżati kif ukoll ta’ l-effiċjenza u l-effikaċja tas-sistema ta’ assigurazzjoni tal-kwalità.

(11)

Fid-dawl ta’ żviluppi ġodda internazzjonali, b’mod partikolari l-involviment ta’ entitajiet u esperti adatti fit-twettiq ta’ l-ispezzjonijiet, il-Kummissjoni għandha l-ħsieb li fl-2011 tanalizza s-sitwazzjoni,

1.

Din ir-Rakkomandazzjoni tipprevedi informazzjoni għall-implimentazzjoni ta’ sistemi indipendenti ta’ assigurazzjoni tal-kwalità għall-awdituri u kumpaniji ta’ verifika statutorji li jivverifikaw entitajiet ta’ interess pubbliku b’konformità ma’ l-Artikoli 29 u 43 tad-Direttiva 2006/43/KE.

2.

F’każ fejn Stat Membru jiddeċiedi li jeżenta ċerti entitajiet ta’ interess pubbliku b’konformità ma’ l-Artikolu 39 tad-Direttiva 2006/43/KE, dak l-Istat Membru għandu jeżenta wkoll lill-istess entitajiet ta’ interess pubbliku mill-ambitu ta’ miżuri li jiġu adottati fid-dawl ta’ din ir-Rakkomandazzjoni.

3.

Id-definizzjonijiet stipulati fl-Artikolu 2 tad-Direttiva 2006/43/KE japplikaw għal din ir-Rakkomandazzjoni. Għall-għanijiet ta’ din ir-Rakkomandazzjoni, dawn l-applikazzjonijiet li ġejjin għandhom japplikaw ukoll:

4.

L-awtorità ta’ sorveljanza pubblika għandha tassumi r-responsabbiltà finali għas-sistema ta’ assigurazzjoni esterna tal-kwalità għall-awdituri u l-kumpaniji tal-verifika statutorji li jivverifikaw entitajiet ta’ interess pubbliku. L-Istati Membri ma għandhom jaħtru l-ebda assoċjazzjoni jew entità li tkun affiljata mal-professjoni tal-kontabilità jew verifika bħala awtorità ta’ sorveljanza pubblika.

5.

L-awdituri u kumpaniji tal-verifika statutorji li jivverifikaw entitajiet ta’ interess pubbliku għandhom joqogħdu għal spezzjonijiet li jew isirulhom minn awtorità ta’ sorveljanza pubblika esklussivament, inkella flimkien ma’ entità adatta oħra b’konformità mal-punt 6.

6.

L-eventwalità li ħidma relatata mat-twettiq ta' l-ispezzjonijiet tiġi ddelegata lil xi entità adatta oħra għandha titħalla possibbli, dejjem jekk tiġi żgurata r-responsabbiltà ta’ din l-entità lejn l-awtorità ta’ sorveljanza pubblika u li din l-awtorità tibqa’ tassumi mill-anqas dawn il-kompiti:

7.

L-awtorità ta’ sorveljanza pubblika għandu jkollha d-dritt li tipparteċipa fl-ispezzjonijiet u li tingħata aċċess għall-fajls ta’ l-ispezzjoni, dokumenti ta’ ħidma tal-verifika u dokumenti rilevanti oħra.

8.

L-arranġamenti ta’ finanzjament għas-sistema ta’ assigurazzjoni tal-kwalità, inkluż dawk li għandhom x’jaqsmu mal-livell ta’ finanzjament u kontroll finanzjarju, ma għandhomx ikunu suġġetti għall-approvazzjoni jew veto minn persuni jew organizzazzjonijiet li jirrappreżentaw, jew huma affiljati b’xi mod ieħor, mal-professjoni tal-kontabilità jew tal-verifika jew ma' xi kumpanija tal-verifika. Dan il-livell ta’ finanzjament għandu jgħin biex l-awtorità ta’ sorveljanza pubblika jkollha biżżejjed persunal li jappoġġaha fl-implimentazzjoni tal-punti 6 u 7.

9.

Jekk il-fondi għas-sistema ta’ assigurazzjoni tal-kwalità jingħataw mill-awdituri jew kumpaniji tal-verifika statutorji suġġetti għall-ispezzjonijiet, kwalunkwe miżata jew kontribuzzjoni oħra dovuta minnhom għandha tkun obbligatorja u titħallas kollha fl-iskadenzi stabbiliti.

10.

L-awtorità ta’ sorveljanza pubblika għandha tiżgura l-implimentazzjoni ta’ politiki u proċeduri adatti fir-rigward ta’ l-indipendenza u l-oġġettività tal-persunal, inklużi l-ispetturi, u l-ġestjoni tas-sistema ta’ l-ispezzjoni.

11.

Persuna li tkun awditur statutorju prattikanti jew li tkun impjegata jew b’xi mod ieħor assoċjata ma’ awditur jew kumpanija tal-verifika statutorji ma għandhiex titħalla taġixxi bħala spettur.

12.

L-ebda persuna ma għandha titħalla taġixxi bħala spettur fi spezzjoni ta’ l-awditur jew tal-kumpanija tal-verifika statutorji qabel ma jkunu għaddew mill-anqas sentejn minn meta dik il-persuna temmet ir-rwol tagħha bħala msieħba jew impjegata ta’ dak l-awditur jew kumpanija tal-verifika jew b’xi mod ieħor assoċjata magħhom.

13.

L-ispetturi għandhom jiddikjaraw li ma għandhom l-ebda konflitt ta’ interessi ma’ l-awditur jew mal- kumpanija tal-verifika suġġetti għall-ispezzjoni. L-ispetturi li jagħmlu dikjarazzjonijiet mhux kompluti jew foloz għandhom jiġu esklużi milli jwettqu l-ispezzjonijiet u jiffaċċaw penali effettivi, proporzjonati u dissważivi.

14.

Il-ħlas lill-ispetturi għall-ispezzjonijiet li jagħmlu għandu jsir biss mill-awtorità ta’ sorveljanza pubblika jew mill-entità li lilha jkun ġie delegat it-twettiq ta’ l-ispezzjonijiet. L-ispetturi ma jistgħu jirċievu l-ebda ħlas mingħand l-awditur jew il-kumpanija tal-verifika statutorji li tkun saritilhom l-ispezzjoni, jew mingħand in-netwerks tagħhom.

15.

Jekk l-awtorità ta’ sorveljanza pubblika tħoss li huwa meħtieġ għarfien espert speċifiku, biex l-ispezzjoni ssir kif xieraq, l-ispetturi għandhom jingħataw l-għajnuna ta’ esperti. Dawn l-esperti għandhom jaħdmu taħt il-kontroll dirett ta’ l-ispettur u għandhom ikunu suġġetti għar-rekwiżiti msemmija fil-punti 10, 12 sa 14.

16.

Meta, għal perjodu ta’ żmien temporanju, ma jkunx hemm biżżejjed spetturi disponibbli f’xi Stat Membru biex iwettqu l-ispezzjonijiet fuq il-post, l-awtorità ta’ sorveljanza pubblika għandha tingħata d-dritt li tiddeċiedi li l-ispezzjonijiet fuq il-post isiru minn esperti, dejjem jekk dawn l-esperti jissodisfaw ir-rekwiżiti stipulati fil-punt (d) ta’ l-ewwel subparagrafu ta’ l-Artikolu 29(1) tad-Direttiva 2006/43/KE, li jagħtu rendikont sħiħ ta’ għemilhom lill-awtorità ta’ sorveljanza pubblika u li l-ispetturi jwettqu spezzjonijiet fuq il-post lill-istess awditur jew kumpanija tal-verifika mill-anqas kull sitt snin.

17.

L-ambitu ta’ l-ispezzjonijiet għandu jkopri:

18.

Millanqas, għandhom jiġu analizzati dawn il-politiki u proċeduri ta’ kontroll intern ta’ l-awditur jew kumpanija tal-verifika statutorji:

19.

Għal skopijiet ta’ konformità ta’ l-ittestjar, għandhom jintgħażlu mill-anqas għadd sinifikanti ta’ fajls ta’ verifika abbażi ta’ analiżi tar-riskju li jista’ jwassal għal twettiq insuffiċjenti tal-verifika statutorja.

20.

Is-sejbiet u konklużjonijiet ta’ l-ispezzjoni li fuqhom ikunu bbażati r-rakkomandazzjonijiet, inklużi s-sejbiet u l-konklużjonijiet relatati mar-rapport ta’ trasparenza, għandhom jiġu kkomunikati u diskussi kif xieraq ma’ l-awditur jew kumpanija tal-verifika statutorji li ssirilhom l-ispezzjoni qabel ma jiġi ffinalizzat ir-rapport ta’ l-ispezzjoni. L-awditur jew kumpanija tal-verifika statutorji li ssirilhom l-ispezzjoni għandhom jingħataw perjodu ta' mhux aktar minn 12-il xahar mill-ħruġ tar-rapport ta' l-ispezzjoni biex jieħdu miżuri fir-rigward tar-rakkomandazzjonijiet dwar is-sistema interna ta’ kontroll tal-kwalità tal-kumpanija tal-verifika. Jekk l-awditur jew il-kumpanija tal-verifika statutorji li ssirilhom l-ispezzjoni ma jkunux segwew ir-rakkomandazzjonijiet kif xieraq, l-awtorità ta' sorveljanza pubblika għandha tikxef kwalunkwe nuqqas kbir li ssib fis-sistema interna tal-kontroll tal-kwalità.

21.

Is-sistema ta’ sorveljanza pubblika għandha jkollha d-dritt, b’konformità mal-proċess legali rilevanti kif previst fl-Istat Membru kkonċernat, li tieħu miżuri ta’ dixxiplina jew timponi penali fir-rigward ta’ awdituri u kumpaniji tal-verifika statutorji.

22.

Millanqas, l-awtorità ta’ sorveljanza pubblika għandha tinforma lill-pubbliku b’mod xieraq u f’waqtu dwar miżuri finali dixxiplinari li tieħu, jew dwar penali li timponi, fir-rigward ta’ awdituri u kumpaniji tal-verifika statutorji minħabba t-twettiq tal-verifika statutorja. Għandha tidentifika l-awditur jew kumpanija tal-verifika statutorji kkonċernati u tiddeskrivi n-nuqqasijiet li wasslu għal dawn il-miżuri jew penali.

23.

Fil-każijiet fejn waqt l-ispezzjoni jinstab li r-rapport ta' trasparenza ppubblikat minn awditur jew kumpanija tal-verifika statutorji skond l-Artikolu 40 tad-Direttiva 2006/43/KE jkun fih informazzjoni, inkluża dik dwar l-effikaċja tas-sistema interna ta' kontroll tal-kwalità tal-kumpanija tal-verifika, li l-awtorità ta' sorveljanza pubblika tqis bħala qarrieqa, din l-awtorità għandha tiżgura li r-rapport tat-trasparenza jiġi emendat kif xieraq u bla dewmien.

24.

Kull sena, l-awtoritajiet ta’ sorveljanza pubblika għandhom jirrappurtaw dwar ir-riżultati kumplessivi tas-sistema ta’ assigurazzjoni tal-kwalità. Ir-rapport għandu jinkludi informazzjoni dwar ir-rakkomandazzjonijiet li jsiru, is-segwitu tagħhom, l-azzjonijiet dixxiplinari li jittieħdu u l-penali imposti. Ir-rapport għandu jinkludi wkoll informazzjoni kwantitattiva flimkien ma’ informazzjoni importanti oħra dwar ir-rendiment ta’ riżorsi u persunal, u l-effiċjenza u l-effikaċja tas-sistema ta’ assigurazzjoni tal-kwalità.

25.

L-Istati Membri huma mistiedna jgħarrfu lill-Kummissjoni dwar il-miżuri li jittieħdu fid-dawl ta’ din ir-Rakkomandazzjoni sas-6 ta’ Mejju 2009.

26.

Din ir-Rakkomandazzjoni hija indirizzata lill-Istati Membri.