30.4.2008   

MT

Il-Ġurnal Uffiċjali ta’ l-Unjoni Ewropea

L 116/1

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

30.4.2008   

MT

Il-Ġurnal Uffiċjali ta’ l-Unjoni Ewropea

L 116/3

(1)

Ir-Regolament tal-Kummissjoni (KE) Nru 1266/2007 (2) jistipula regoli għall-kontroll, monitoraġġ, sorveljanza u għar-restrizzjonijiet fuq il-movimenti ta’ l-annimali, fir-rigward tal-bluetongue, fi u minn żoni ristretti. Jistabbilixxi wkoll il-kundizzjonijiet għall-eżenzjonijiet mill-projbizzjoni ta' ħruġ applikabbli għall-movimenti ta’ annimali suxxettibbli, l-isperma, l-bajd u l-embrijuni tagħhom kif stipulat fid-Direttiva 2000/75/KE.

(2)

Fid-dawl ta’ tagħrif xjentifiku ġdid miġbur dan l-aħħar dwar il-patoġenesi tal-vajrus tal-bluetongue relatata mat-trażmissjoni possibbli tal-bluetongue mill-plaċenta ta’ l-omm, għandhom jittieħdu xi miżuri ta’ ħarsien biex jiskansaw it-tixrid possibbli tal-marda minn annimali tqal jew minn ċerti annimali tat-twelid.

(3)

L-annimali li kienu immuni qabel l-inseminazzjoni artifiċjali jew qabel it-tgħammir, minħabba f’tilqim b’vaċċin mhux attivat jew minħabba f’immunità naturali, jew li kienu mħarsa kontra attakki vektorjali għal ċertu perjodu u soġġetti għal ċerti testijiet tal-laboratorju b'riżultati negattivi huma meqjusa li ma joħolqu l-ebda riskju sinifikanti fir-rigward tal-bluetongue. Għandu għalhekk ikun possibbli li l-annimali tqal siguri bħal dawn biss ikunu eżenti mill-projbizzjoni tal-ħruġ.

(4)

Ir-Regolament (KE) Nru 1266/2007 għandu għalhekk jiġi emendat skond dan. Id-dispożizzjonijiet ta’ dan ir-Regolament għandhom, għalhekk, ikunu riveduti fil-futur qarib fid-dawl ta' l-għarfien addizzjonali li jsir disponibbli.

(5)

Fejn eżenzjonijiet mill-projbizzjoni ta’ ħruġ applikabbli għall-movimenti ta’ annimali ta’ speċi suxxettibbli miż-żoni ristretti huma applikati lil annimali bħal dawn maħsuba għall-kummerċ intra-Komunitarju jew għall-esportazzjoni lejn pajjiż terz, iċ-ċertifikati tas-saħħa stipulati fid-Direttiva tal-Kunsill 64/432/KEE (3), fid-Direttiva tal-Kunsill 91/68/KEE (4), fid-Direttiva tal-Kunsill 92/65/KEE (5) u msemmija fid-Deċiżjoni tal-Kummissjoni 93/444/KEE (6) għandhom jinkludu referenza għar-Regolament (KE) Nru 1266/2007. Huwa xieraq li jkun ipprovdut test addizzjonali li għandu jiżdied ma' dawk iċ-ċertifikati tas-saħħa kollha biex jiċċara aktar il-kundizzjonijiet ta' saħħa li taħthom l-annimali tqal huma eżentati mill-projbizzjoni ta' ħruġ.

(6)

Il-miżuri stipulati f’dan ir-Regolament huma skond l-opinjoni tal-Kumitat Permanenti għall-Katina Alimentari u s-Saħħa ta’ l-Annimali,

(1)

Fil-punt 1, l-ewwel paragrafu huwa sostitwit b'dan li ġej:

“L-annimali jkunu nżammu sad-dispaċċ matul il-perjodu ħieles mill-organiżmi li jġorru l-mikrobu skond l-istaġun iddefinit f’konformità ma’ l-Anness V, f’żona ħielsa mill-bluetongue skond l-istaġun mill-inqas għal 60 jum qabel id-data tal-moviment u jkunu ġew suġġetti għal test għall-identifikazzjoni ta’ l-aġent skond il-Manwal ta’ Testijiet Dijanjostiċi u ta’ Vaċċini għall-Annimali li jgħixu fuq l-Art ta’ l-Organizzazzjoni Dinjija għas-Saħħa ta’ l-Annimali (OIE) (*) (‘Manwal għall-Annimali li jgħixu fuq l-Art ta’ l-OIE’), b’riżultati negattivi, li jkun sar mhux iktar kmieni minn sebat ijiem qabel id-data tal-moviment.

(*)  http://www.oie.int/eng/normes/en_mcode.htm?e1d10”"

(2)

Għandhom jiġu miżjuda l-paragrafi li ġejjin:

“Għall-annimali tqal, mill-inqas waħda mill-kundizzjonijiet stipulati fil-punti 5(b), 5(c), 5(d), 6 u 7 għandha titħares qabel l-inseminazzjoni jew it-tgħammir, jew titħares il-kundizzjoni stipulata fil-punt 3, filwaqt li t-test jitwettaq mhux aktar kmieni minn sebat ijiem qabel id-data tal-moviment.

Meta l-annimali jkunu maħsuba għall-kummerċ fil-Komunità jew għall-esportazzjoni lejn pajjiż terz, il-kliem addizzjonali li ġej għandu jiżdied maċ-ċertifikati korrispondenti tas-saħħa stabbiliti fid-Direttivi 64/432/KEE, 91/68/KEE u 92/65/KEE, jew irreferiti fid-Deċiżjoni 93/444/KEE jekk applikabbli:

‘L-annimal(i) mhijiex (mhumiex) tqila (tqal)’, jew

‘L-annimal(i) għandha/hom mnejn hija/huma tqila/tqal u tikkonforma/jikkonformaw mal-kundizzjoni(jiet) … (stipulata/stipulati fil-punti 5(b), 5(c), 5(d), 6 u 7 qabel l-inseminazzjoni jew it-tgħammir, jew stipulata/stipulati fil-punt 3; indika kif xieraq)’:”

30.4.2008   

MT

Il-Ġurnal Uffiċjali ta’ l-Unjoni Ewropea

L 116/5

(1)

L-Anness VI tar-Regolament (KE) Nru 194/2008 jelenka l-persuni, il-gruppi u l-entitajiet koperti mis-sekwestrar ta' fondi u riżorsi ekonomiċi skond dak ir-Regolament.

(2)

L-Anness VII tar-Regolment (KE) Nru 194/2004 jelenka impriżi li huma proprjetà tal-Gvern ta’ Burma/il-Mjanmar jew minn membri jew persuni assoċjati magħhom, kif ukoll jekk huma kkontrollati minnhom, suġġetti għal restrizzjonijiet fuq l-investiment taħt dak ir-Regolament.

(3)

Il-Pożizzjoni Komuni 2008/349/PESK tad-29 ta’ April 2008 (2) temenda l-Anness II u l-Anness III tal-Pożizzjoni Komuni 2006/318/PESK tas-27 ta’ April 2006. Għalhekk, l-Anness VI u VII tar-Regolament (KE) Nru 817/2006 għandu jiġi emendat b’konformità ma’ dan.

(4)

Biex jiġi żgurat li l-miżuri previsti f'dan ir-Regolament ikunu effettivi, dan ir-Regolament għandu jidħol fis-seħħ minnufih,

30.4.2008   

MT

Il-Ġurnal Uffiċjali ta’ l-Unjoni Ewropea

L 116/17

(1)

L-Artikolu 31(1) ta' Regolament (KE) Nru 1255/1999 jipprovdi li d-differenza bejn il-prezzijiet fis-suq dinji għall-prodotti elenkati fl-Artikolu 1 ta' dak ir-Regolament u l-prezzijiet għal dawk il-prodotti fi ħdan is-suq Komunitarju jistgħu jkunu koperti minn rifużjoni ta' l-esportazzjoni.

(2)

Għaldaqstant, fid-dawl tal-qagħda preżenti tas-suq tal-ħalib u tal-prodotti tal-ħalib, l-ebda rifużjoni ta' l-esportazzjoni ma għandha tkun iffissata.

(3)

Il-Ftehim għall-Kummerċ, Żvilupp u Kooperazzjoni bejn il-Komunità Ewropea u l-Istati Membri tagħha, minn naħa waħda, u r-Repubblika ta' l-Afrika t'Isfel, min-naħa l-oħra, approvat bid-Deċiżjoni tal-Kunsill 2004/441/KE (2), daħal fis-seħħ fl-1 ta’ Mejju 2004. Fil-kuntest tan-negozjati dwar il-liberalizzazzjoni aċċellerata tal-kummerċ fil-ġobon bejn il-Komunità Ewropea u l-Afrika t'Isfel, inqabel li l-ġobon li ż-żewġ partijiet iqiegħdu fil-kummerċ ma għandu jibbenefika minn l-ebda rifużjoni ta' l-esportazzjoni.

(4)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni tal-ħalib u l-prodotti tal-ħalib,

30.4.2008   

MT

Il-Ġurnal Uffiċjali ta’ l-Unjoni Ewropea

L 116/21

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2007/2008 ġew stabbiliti mir-Regolament tal-Kummissjoni (KE) Nru 1109/2007 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 350/2008 (4).

(2)

L-informazzjoni li l-Kummissjoni għandha fi jdejha llum twassal biex dawn l-ammonti jiġu mmodifikati, skond ir-regoli ddettaljati pprovduti fir-Regolament (KE) Nru 951/2006,

30.4.2008   

MT

Il-Ġurnal Uffiċjali ta’ l-Unjoni Ewropea

L 116/23

(1)

Fl-20 ta’ Diċembru 2007, il-Kunsill adotta d-Deċiżjoni 2007/868/KE li timplimenta l-Artikolu 2(3) tar-Regolament (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu, u li tistabbilixxi lista aġġornata ta’ persuni u entitajiet li għalihom japplika dak ir-Regolament.

(2)

Il-Kunsill iddetermina li m'hemmx aktar raġunijiet biex ċerti persuni jinżammu fuq il-lista ta’ persuni, gruppi u entitajiet li għalihom japplika r-Regolament (KE) Nru 2580/2001 u il-lista għandha tiġi addattata kif meħtieġ.

30.4.2008   

MT

Il-Ġurnal Uffiċjali ta’ l-Unjoni Ewropea

L 116/25

(1)

Fis-27 ta’ Diċembru 2001, il-Kunsill adotta d-Deċiżjoni 2007/868/KE li timplimenta l-Artikolu 2(3) tar-Regolament (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu, u li tħassar id-Deċiżjoni 2007/445/KE (2).

(2)

Fil-25 ta’ Frar 2008, il-Kunsill ipprovda lis-Sur Jose Maria SISON b’dikjarazzjoni aġġornata bir-raġunijiet għaliex qed jinżamm fuq il-lista ta’ persuni, gruppi u entitajiet li huma soġġetti għall-miżuri restrittivi speċifiċi previsti fir-Regolment (KE) Nru 2580/2001 u stieden lis-Sur SISON biex jippreżenta l-osservazzjonijiet tiegħu dwar dan fi żmien xahar. Is-Sur SISON ippreżenta osservazzjonijiet lill-Kunsill b’ittra datata l-24 ta’ Marzu 2008, li ġiet ikkunsidrata mill-Kunsill.

(3)

Il-Kunsill ikkonkluda li s-Sur SISON kien involut f’atti terroristiċi skond it-tifsira ta’ l-Artikolu 1(2) u (3) tal-Pożizzjoni Komuni 2001/931/PESK tas-27 ta’ Diċembru 2001 dwar l-applikazzjoni ta’ miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu (3) u li ttieħdu deċiżjonijiet fir-rigward tas-Sur SISON minn awtorità kompetenti nazzjonali skond it-tifsira ta’ l-Artikolu 1(4) ta’ dik il-Pożizzjoni Komuni. Il-Kunsill ikkonkluda wkoll li l-iskrizzjonijiet għas-Sur SISON u għall-Partit Komunista tal-Filippini fuq il-lista tal-persuni, gruppi u entitajiet li għalihom japplika r-Regolament (KE) 2580/2001 għandhom jiġu emendati sabiex jirriflettu d-dikjarazzjoni tar-raġunijiet aġġornata.

(4)

Il-Kunsill għalhekk iqis li s-Sur SISON għandu jkompli jkun soġġett għall-miżuri restrittivi speċifiċi previsti fir-Regolament (KE) Nru 2580/2001.

30.4.2008   

MT

Il-Ġurnal Uffiċjali ta’ l-Unjoni Ewropea

L 116/26

(1)

F’Marzu 2002, Huta Buczek (minn issa ’l quddiem “TB-HB”) ippreżentat programm ta’ ristrutturazzjoni lill-awtoritajiet Pollakki. Fis-7 ta’ Mejju 2003, TB-HB bidlet isimha għal Technologie Buczek S.A. (minn issa ’l quddiem “TB”).

(2)

Fil-5 ta’ Novembru 2002, il-Kunsill tal-Ministri Pollakk approva l-Programm għall-Iżvilupp u r-Ristrutturazzjoni ta’ l-Industrija Pollakka tal-Ħadid u l-Azzar sa l-2006 (minn issa ’l quddiem imsemmi l-Programm Nazzjonali ta’ Ristrutturazzjoni jew “PNR”). Dan il-pjan jippermetti l-Istat sabiex jgħaddi l-ghajnuna lill-industrija Pollakka ta’ l-azzar għall-perjodu ta’ ristrutturazzjoni mill-1997 sa l-2006 sa PLN 3.387 biljun (€ 846 miljun) (3).

(3)

Il-PNR kien sottomess lill-UE. Fil-25 ta’ Marzu 2003, ġie evalwat mill-Kummissjoni. Fuq dan ir-rapport il-Kummissjoni għamlet proposta għal Deċiżjoni tal-Kunsill sabiex jiġi estiż il-perjodu ta’ żmien għall-għoti ta’ l-għajnuna mill-Istat fis-settur ta’ l-azzar Pollakk skond il-Ftehim Ewropew (li inizjalment dam biss sa l-1997) sa l-adeżjoni tal-Polonja ma’ l-UE bil-kundizzjoni li l-vijabilità tal-benefiċjarji tinkiseb sa l-2006, li kienet approvata mill-Kunsill f’Lulju 2003 (4).

(4)

L-UE għaldaqstant ħalliet lill-Polonja, b’deroga mir-regoli tagħha stess (5), tagħti l-għajnuna għar-ristrutturazzjoni ta’ l-industrija ta’ l-azzar. Dan kien iffirmat fil-Protokoll tat-Trattat ta’ l-Adeżjoni, il-Protokoll Nru 8 fuq ir-ristrutturazzjoni ta’ l-industrija ta’ l-azzar Pollakka (6). Il-protokoll jikkonferma l-aċċettazzjoni ta’ l-għoti ta’ l-għajnuna mill-Istat lil tmien kumpaniji li huma indikati fl-Anness 1 tal-Protokoll Nru 8, fosthom it-TB-HB, ta’ mhux iżjed minn PLN 3.387 biljun qabel l-aħħar ta’ l-2003.

(5)

Sabiex ikun żgurat li l-kundizzjonijiet imsemmija fil-Protokoll jiġu segwiti, il-Protokoll Nru 8 jikkonferixxi dispożizzjonijiet dettaljati fuq l-implimentazzjoni u l-monitoraġġ. Inter alia l-Polonja trid tipprovdi rapporti ta’ monitoraġġ biannwali u evalwazzjoni indipendenti minn konsulent indipendenti fl-2003, fl-2004, fl-2005 u fl-2006 (7). Ir-rapporti tal-kumpanija għat-TB kienu ppreżentati fi Frar 2004 u f’April 2005. Dawn ġew diskussi ma’ l-awtoritajiet Pollakki u l-benefiċjarji u ġew approvati mis-servizzi tal-Kummissjoni u l-awtoritajiet Pollakki.

(6)

F’Settembru 2005, it-TB immodifikat l-IBP tagħha (minn issa ’l quddiem imsemmi “2005 IBP”) u iżjed tard għaddietu lill-Kummissjoni b’talba għall-approvazzjoni skond punt 10 tal-Protokoll Nru 8. Madankollu, minħabba l-fatt li l-kumpanija mmodifikat dan il-pjan ħafna drabi wara, u ilha mill-2006 fil-proċess ta’ likwidazzjoni, din it-talba tqieset bħala nulla.

(7)

Wara li l-evalwazzjoni indipendenti fl-2005 wriet li t-TB kellha dejn li kien qiegħed jiżdied mal-kredituri pubbliċi u fl-istess ħin ma kinitx qiegħda tkun vijabbli, is-servizzi tal-Kummissjoni talbu iżjed informazzjoni lill-Polonja bl-ittri tad-29 ta’ Marzu 2005, l-1 ta’ Awissu 2005 u tat-2 ta’ Diċembru 2005. Il-Polonja wieġbet bl-ittri tat-23 ta’ Ġunju 2005, tat-28 ta’ Settembru 2005 u ta’ l-14 ta’ Frar 2006.

(8)

B’ittra li ġġib id-data tas-7 ta’ Ġunju 2006 il-Kummissjoni infurmat lill-Polonja li kienet iddeċidiet li tibda l-proċedura msemmija fl-Artikolu 88(2) tat-Trattat tal-KE għal dak li jirrigwarda l-għajnuna.

(9)

Id-Deċiżjoni tal-Kummissjoni sabiex tinbeda l-proċedura kienet ippubblikata fil-Ġurnal Uffiċjali ta’ l-Unjoni Ewropea  (8). Il-Kummissjoni stiednet lill-partijiet interessati jissottomettu l-kummenti tagħhom dwar l-għajnuna/il-miżura.

(10)

Il-Kummissjoni ma rċevietx kummenti minn terzi partijiet.

(11)

L-awtoritajiet Pollakki wieġbu bl-ittri tat-18 ta’ Settembru 2006, tat-2 ta’ Ottubru 2006 u ta’ l-20 ta’ Ottubru 2006. Is-servizzi tal-Kummissjoni talbu lill-Polonja għal iktar informazzjoni fl-ittri tas-6 ta’ Novembru 2006, tat-18 ta’ Diċembru 2006 u tal-15 ta’ Marzu 2007. Il-Polonja wieġbet bl-ittri ta’ l-24 ta’ Novembru 2006, tat-23 ta’ Jannar 2007 u tat-23 ta’ Mejju 2007. Fit-13 ta’ Diċembru 2006 saret laqgħa bejn l-awtoritajiet Pollakki u s-servizzi tal-Kummissjoni.

(12)

It-TB hija produttur Pollakk tat-tubi fil-belt ta’ Sosnowiec fir-reġjun ta’ Silesia, li sa l-2006 pproduċa prodotti fl-imħażen tat-tubi wweldjati u l-imħażen tat-tubi llegati ta’ l-azzar, li huma kkunsidrati bħala prodotti ta’ l-azzar skond ir-regoli tal-KE dwar l-Għajnuna mill-Istat (9). Il-kumpanija għandha kapaċità ta’ madwar 60 elf tunnellata (10). Il-bini fejn isiru t-tubi wweldjati jinkorpora erba’ linji tal-welding (W 1.5, W2, li kienet żviluppata fl-1993 u fl-2001, W3, ikkummissjonata fl-1999, u W 4, ikkummissjonata fl-2003) u żewġ linji tal-qtigħ (waħda kkummissjonata fl-2004). Barraminhekk, it-TB sa l-2005 operat ukoll impjant għall-irrumblar.

(13)

It-TB hija kumpanija b’kapital azzjonarju li fl-2004 kellha kapital ta’ madwar PLN 20 miljun (€ 5 miljun). L-azzjonist maġġuri tat-TB huwa l-Górnośląski Fundusz Restrukturyzacyjny (Il-Fond għar-Ristrutturazzjoni tas-Silesja ta’ Fuq SA., minn issa ’l quddiem “GFR”) b’madwar 78.1 %, li l-azzjonist ewlieni sat-30 ta’ Diċembru 2005 kien l-Eurofaktor SA b’51.3 % (minn issa ’l quddiem “EF”, bl-azzjonisti kollha jkunu investituri privati, bħall-Bonum Sp. z o.o. 37.25 %, l-ING TFI 13.40 %, il-Polmetal Sp. z o.o. 11.31 %, il-Grupp Stabilo Sp. z o.o. 10.93 % u investituri privati oħra), li biegħu l-ishma tagħhom lill-Grupp Stabilo Sp. z o.o. It-teżor kien azzjonist minoritarju fil-GFR.

(14)

It-TB għandha erba’ sussidjarji b’attività sussidjarja:

(15)

Fl-2002, it-TB-HB ippreparat pjan tan-negozju individwali (minn issa ’l quddiem imsemmi “2002 IBP”) ħalli jkunu jistgħu jingħelbu d-diffikultajiet. Kif ġie indikat fid-deċiżjoni tal-ftuħ, ir-ristrutturazzjoni ffukat fuq il-manifattura tat-tubi wweldjati u kkalibrati għal applikazzjonijiet speċjali magħmulin minn azzar miksi bl-ALU jew iggalvanizzat. Għaldaqstant kien hemm bżonn li jinkiseb iżjed makkinarju għall-produzzjoni (11).

(16)

Il-pjan tan-negozju sħiħ kopra l-ispejjeż għall-investiment potenzjali ta’ PLN 25 miljun, li minbarra l-investimenti ewlenin għall-produzzjoni u l-ipproċessar ta’ pajpijiet għal applikazzjonijiet fil-karozzi u l-manifattura ta’ tubi wweldjati kienu jinkludu wkoll proġetti bħall-kompjuterizzazzjoni, l-immodernizzar ta’ proġetti żgħar oħra u x-xiri ta’ assi fissi. Kien hemm ukoll ix-xewqa li jsiru investimenti fid-dipartiment ta’ l-irkiekel iżda dawn ġew iġġudikati mhux realistiċi u għaldaqstant ġew posposti.

(17)

Il-pjan kien jinkludi wkoll programm ta’ tnaqqis fl-ispejjeż bil-ħsieb li n-numru ta’ impjegati jonqos minn 532 għal 407. Għalhekk, mill-2002 sa l-2006 kienu previsti spejjeż totali ta’ PLN 2 910 000. B’mod partikolari, sabiex jitnaqqsu l-161 persuna, kienet mistennija għajnuna pubblika esterna ta’ PLN 823 000 b’ekwivalenza netta ta’ 597 000. Barraminhekk, PLN 2.754 miljun ta’ għajnuna ntefqu fuq ir-riċerka u l-iżvilupp (minn issa ’l quddiem imsemmija “R&Ż”) b’PLN 1 250 000 iġibu l-ekwivalenza netta ta’ l-għotja għal PLN 900 000 fl-2002, u PLN 2 540 000 bl-ekwivalenza netta ta’ l-għotja għal PLN 1 854 000 fl-2003 (12).

(18)

Fl-aħħarnett, kienet ippjanata ristrutturazzjoni finanzjarja ta’ PLN 8.411 miljun bl-ekwivalenza netta ta’ l-għotja sabiex tpatti għad-dejn ta’ madwar PLN 3.392 miljun. Din kienet immirata l-iktar għad-dejn tat-taxxa mill-aġenziji tal-proprjetà lill-muniċipalità kif ukoll ammonti żgħar lill-Uffiċċju tat-Taxxa u l-istituzzjoni soċjali assikurattiva (Zakład Ubezpieczeń Społecznych, minn issa ’l quddiem imsemmija “ZUS”) u t-tqassim mill-ġdid ta’ PLN 6.014 miljun liz-ZUS u l-Fond Statali għar-Riabilitazzjoni tan-Nies b’Diżabilità (Państwowy Fundusz Rehabilitacji Osób Niepełnosprawnych, minn issa ’l quddiem “PFRON”), li ngħatat għotja netta ekwivalenti għal PLN 5.019 miljun (PLN 5.001 miljun (ZUS) + 18 000 (PFRON). Ir-ristrutturazzjoni finanzjarja kellha l-għan li tixtri l-materjali u żżomm il-kontinwità tal-produttività (13).

(19)

Il-programm ta’ ristrutturazzjoni kien jipprevedi bażikament l-għajnuna li ġejja:

Tabella 1:

L-għajnuna mogħtija mill-Istat għat-TB għall-2002 -2003

(20)

Barraminhekk, il-pjan ta’ ristrutturazzjoni semma li fis-snin 1997-2001 l-HB-TB rċeviet għajnuna mill-Istat li tammonta għal għotja netta ekwivalenti ta’ PLN 4 422 411. Il-maġġoranza ta’ din l-għajnuna kienet għar-R&Ż (PLN 3 243 626). Għall-protezzjoni ta’ l-ambjent ingħatat għajnuna ekwivalenti għal PLN 196 800, għat-taħriġ PLN 132 240 u PLN 849 746 ta’ l-għajnuna ngħataw għall-iskop tal-“proċess ta’ ristrutturazzjoni” jew “għajnuna ad hoc” (15).

(21)

Għaldaqstant b’kollox kienet skedata għajnuna ta’ PLN 16 184 411 għat-TB u eventwalment ġiet approvata skond il-PNR u l-Protokoll Nru 8.

(22)

Skond il-konsulent indipendenti, fis-snin 2002-2003 l-kumpanija rċeviet PLN 2.235 miljun biss (għotja netta ekwivalenti) ta’ għajnuna mill-Istat (16). PLN 2.045 miljun minn din l-għajnuna kienu relatati mar-R&Ż u PLN 190 400 mar-ristrutturazzjoni fix-xogħol (17).

(23)

Barraminhekk, l-2005 IBP indika li t-TB kisbet għotja mill-baġit għar-ristrutturazzjoni fix-xogħol għall-perjodu mill-2004 sa l-2006 ta’ PLN 877 000 (18). L-awtoritajiet Pollakki spjegaw kif il-gvern ipprovda l-fondi sabiex jgħin lill-ħaddiema ta’ l-azzar li tilfu l-impjieg sabiex jerġgħu jidħlu fis-suq tax-xogħol permezz ta’ taħriġ ħalli jtejbu l-kwalifiki jew jibbenefikaw mill-irtirar kmieni permezz ta’ l-għoti ta’ parti mill-kumpens li tpatti għad-dħul baxx li ser jirċievu qabel jirtiraw. Din is-sistema hija bbażata fuq l-emenda ta’ l-Industrija tal-Ħadid u l-Azzar (Ristrutturazzjoni) ta’ l-24 ta’ Awissu 2001 u ċċarat li l-uniku benefiċjarju huwa l-impjegat filwaqt li min iħaddem huwa biss intermedjarju sabiex jittrasferixxi l-fondi tal-baġit lill-ħaddiema mingħajr impjieg.

(24)

Ir-ristrutturazzjoni tat-TB ma żviluppatx kif kien mistenni fil-pjan ta’ ristrutturazzjoni iżda rriżultat f’falliment fl-2006 għal diversi raġunijiet:

(25)

It-TB ma kinitx kapaċi tikseb il-maħfra fuq id-djun li kellha kif kien mistenni fl-IBP.

(26)

Il-maħfra tad-dejn lejn iz-ZUS, il-Muniċipalità ta’ Sosnowiec u l-Uffiċċju tat-Taxxa ammontat għal PLN 3 392 000 u ngħatat abbażi tal-liġi tat-30 ta’ Awissu 2002 fuq ir-ristrutturazzjoni ta’ ċerti responsabbiltajiet pubbliċi ta’ l-intrapriżi (minn issa ’l quddiem imsemmi “Att tat-30/08/2002”) (19). Dan l-att introduċa l-possibbiltà għall-kumpaniji li jsibu ruħhom f’diffikultajiet finanzjarji sabiex jirristrutturaw ir-responsabbiltajiet relatati mal-liġi pubblika fil-forma ta’ maħfra tad-djun. Il-kumpanija kkonċernata tkun trid titfa’ applikazzjoni flimkien ma’ pjan ta’ ristrutturazzjoni lil kull awtorità pubblika li jkollha d-dejn magħha (minn issa ’l quddiem l-“awtorità tar-ristrutturazzjoni”).

(27)

L-awtorità tar-ristrutturazzjoni, wara li kkonkludiet li l-pjan ta’ ristrutturazzjoni propost kien ser itejjeb is-sitwazzjoni finanzjarja tal-kumpanija, ħarġet dik li sejħet “deċiżjoni fuq il-kundizzjonijiet tar-ristrutturazzjoni” u elenkat ir-responsabbiltajiet koperti mir-ristrutturazzjoni. Jekk il-kumpanija twettaq il-kundizzjonijiet imposti mid-deċiżjoni, i.e. tħallas miżata ta’ ristrutturazzjoni, tippreżenta pjan ta’ ristrutturazzjoni u ma jkollhiex responsabbiltajiet oħra li qegħdin tard, l-awtorità tar-ristrutturazzjoni tkun obbligata toħroġ deċiżjoni “finali” sabiex taħfer ir-responsabbiltajiet legali elenkati fid-deċiżjoni tal- kundizzjonijiet tar-ristrutturazzjoni (hekk imsejħa “deċiżjoni fuq it-tlestija tar-ristrutturazzjoni”).

(28)

Din id-deċiżjoni finali tista’ madankollu toħroġ mhux qabel sena wara l-adozzjoni tad-deċiżjoni fuq il-kundizzjonijiet tar-ristrutturazzjoni u tikseb fehma pożittiva mill-president ta’ l-Uffiċċju għall-Kompetizzjoni u l-Protezzjoni tal-Konsumatur (l-awtorità kompetenti Pollakka, minn issa ’l quddiem “OCCP”) għal dak li jirrigwarda r-rinunzja tar-regoli ta’ l-għajnuna mill-Istat. Fil-perjodu ta’ wara l-adozzjoni tad-deċiżjoni fuq il-kundizzjonijiet tar-ristrutturazzjoni u qabel id-deċiżjoni fuq it-tlestija tar-ristrutturazzjoni, il-kumpaniji kellhom jirreġistraw ir-responsabbiltajiet legali li kienu ser jitħassru bħala responsabbiltajiet legali li qegħdin tard. Barraminhekk, żdiedu l-interessi tal-penali. Il-Kummissjoni tifhem li l-ħsieb ta’ dan kien li d-dejn jiġi rrinunzjat wara li l-kumpanija tkun verament qiegħda twettaq programm ta’ ristrutturazzjoni.

(29)

Il-Kummissjoni kienet infurmata li tali rinunzji miz-ZUS, mill-Muniċipalità ta’ Sosnowiec u mill-Uffiċċju tat-Taxxa ma ngħatawx.

(30)

Id-dejn tat-TB mal-Muniċipalità ta’ Sosnowiec (responsabbiltà legali ta’ taxxa fuq il-proprjetà ta’ 2 964 000), ġie rrifjutat mill-OCCP, minħabba li ġie mitlub wara l-31 ta’ Diċembru 2003, fejn il-Protokoll Nru 8 ma jippermettix l-għoti ta’ għajnuna mill-Istat lil kumpaniji ta’ l-azzar wara din id-data. Għaldaqstant, fit-28 ta’ April 2004 l-OCCP stqarret li l-maħfra tad-djun ippjanata ma setgħetx issir minħabba li kienet qed tikser id-dispożizzjonijiet tal-Protokoll Nru 8. Għall-istess raġunijiet, fis-6 ta’ Frar 2004, l-OCCP ħarġet fehma negattiva dwar il-preżunta rinunzja tad-djun tat-TB fir-rigward tal-PFRON.

(31)

L-applikazzjoni tat-TB għall-maħfra tad-dejn ma’ l-Uffiċċju tat-Taxxa (PLN 163 000), ġiet irrifjutata mill-Uffiċċju tat-Taxxa. Skond l-Att tat-30/08/2002, dan seta’ jsir biss kieku l-kumpanija ma ħallsitx “il-miżata tar-ristrutturazzjoni” (li tammonta għal 15 % tad-djun li riedu jinħafru) jew kieku l-kumpanija kellha xi responsabbiltajiet legali oħra li kienu tard fir-rigward ta’ l-Uffiċċju tat-Taxxa.

(32)

Fl-aħħarnett, ir-ristrutturazzjoni tar-responsabbiltajiet legali lejn iz-ZUS (PLN 265 000) fallew skond il-pjan tan-negozju ta’ l-2005 minħabba raġunijiet finanzjarji. Kif spjegat iżjed ’il fuq (punt 26) sabiex jinħafer id-dejn skond l-Att tat-30/08/2002, il-kumpanija kellha twieġeb jew tadatta l-pagamenti tal-ħlas tar-responsabbiltajiet legali pubbliċi kollha l-oħra suġġetti għar-ristrutturazzjoni skond l-Att tat-30/08/2002. Huwa għalhekk li l-2002 IBP assuma l-arranġamenti tad-dejn li jammontaw għal PLN 6 420 000 f’pagamenti bin-nifs. Għaldaqstant, il-Kummissjoni kkonkludiet li t-TB jew ma laħqet l-ebda ftehim maz-ZUS fuq il-pagamenti bin-nifs jew inkella z-ZUS ħadet tali deċiżjoni li madankollu t-TB ma rrispetatx.

(33)

It-TB għandha djun pubbliċi dovuti lejn iz-ZUS, il-Muniċipalità ta’ Sosnowiec, l-Uffiċċju tat-Taxxa u l-PFRON għall-perjodu mill-2001 sa l-2006. Id-dejn beda fl-2001 u kompla jiżdied kostantement sa Diċembru 2002. Wara waqfa qasira, id-dejn kompla jiżdied bejn Frar 2002 u Novembru 2003. Bejn Novembru 2003 u Ottubru 2004 biss il-kumpanija raddet id-dejn tagħha, aktarx sabiex tkun konformi mad-dispożizzjonijiet ta’ l-Att tat-30/08/2002. Madankollu, minn Novembru 2004 d-dejn tal-kumpanija reġa’ tela’.

(34)

Wara li t-TB ma rnexxilhiex tħassar id-dejn li kellha, fir-Rebbiegħa 2004 kellha djun pendenti ta’ madwar PLN 20 miljun. Dan kien ikkonfermat fir-4 rapport Pollakk ta’ monitoraġġ għall-2004 tat-8 ta’ Marzu 2005 li ttratta fid-dettall ir-responsabbiltajiet legali pendenti kif ġej:

Tabella 2

Dejn tat-TB kif indikat fir-rapport Pollakk ta’ monitoraġġ ta’ Marzu 2005

(35)

Għaldaqstant, ir-responsabbiltajiet legali tat-TB vis-à-vis l-kredituri pubbliċi laħqu PLN 20 miljun fl-aħħar ta’ l-2004. L-awtoritajiet Pollakki indikaw li fl-2004, it-TB irnexxielha tħallas madwar PLN 5 miljun (PLN 1.2 miljun liz-ZUS u 3.8 miljun lill-uffiċċju tal-muniċipalità) mill-bejgħ ta’ l-assi weqfin. Mingħajr preġudizzju għal dan, ir-rapport indika li d-dejn kien qiegħed jogħla wara l-2004 u fix-xahar ta’ Jannar 2005 tela’ għal PLN 21.1 miljun.

(36)

L-awtoritajiet Pollakki rrettifikaw l-ammont għal PLN 20.761 miljun fl-aħħar ta’ l-2004. Id-dejn fil-31.3.2005 żdied għal PLN 22.43 miljun u fit-30.6.2005 għal PLN 22.91 miljun. Wara l-kumpanija apparentement irnexxielha tbigħ uħud mill-assi u sa l-aħħar ta’ l-2005 naqqset id-dejn għal PLN 20.87 miljun. Madankollu f’nofs l-2006 id-dejn reġa’ tela’ għal PLN 22.11 miljun u f’Awissu laħaq PLN 22.67 meta ġie ddikjarat il-falliment.

(37)

Safejn il-Kummissjoni kienet infurmata, fl-2004 it-TB ma ppreżentat l-ebda pjan ġdid ta’ ristrutturazzjoni sabiex trodd id-dejn.

(38)

Peress li l-awtoritajiet pubbliċi huma l-kredituri wkoll, dawn ħadu azzjonijiet sabiex jinfurzaw it-talbiet tagħhom, kif mitlub bil-liġi. Per eżempju, il-muniċipalità ta’ Sosnowiec u z-ZUS iffriżaw il-kontijiet bankarji tal-kumpanija sabiex jinfurzaw it-talbiet tagħhom. Madankollu, dan ma kienx effettiv minħabba li t-transazzjonijiet li jgħaddu minn dawn il-kontijiet kienu intiżi sabiex iħallsu lill-ħaddiema.

(39)

Għaldaqstant, id-dejn pendenti qiegħed jiġi infurzat l-aktar permezz tal-ġbir minn spejjeż ta’ proprjetà, u l-kisba ta’ l-użufrutt permanenti. B’żieda ma’ dan, milli jidher il-muniċipalità kisbet ħafna assi skond l-Artikolu 66 fuq it-trasferiment tat-taxxa.

(40)

B’mod partikolari, il-ħlas tad-dejn liz-ZUS kien infurzat bil-kisba ta’ l-ipoteki fuq PLN 25 miljun. Barraminhekk iz-ZUS għandha pleġġ fuq l-assi tal-produzzjoni ta’ madwar PLN 12 miljun li għalihom hemm madwar PLN 9.5 miljun (u fost dawn hemm pleġġ fuq il-linja tal-welding W-3, li tiswa ’l fuq minn PLN 7 miljun).

(41)

F’Mejju 2007 r-riċevitur tal-fallimenti ppubblika l-lista tad-djun magħrufa tat-TB għall-valur totali ta’ PLN 63 miljun. Dan l-ammont jinkludi d-djun pubbliċi, il-kreditur ewlieni huwa l-EF, bir-responsabbiltà legali tiegħu tammonta għal PLN 35.9 miljun.

(42)

It-TB ma implimentatx bis-sħiħ il-programm ta’ investiment li kellha ta’ PLN 25 miljun kif mistenni iżda nefqet madwar PLN 10 miljun f’investimenti u xi fondi addizzjonali oħra fir-R&Ż.

(43)

It-TB implimentat xi investimenti skond l-IBP tagħha. Sa mill-2003 u l-2004 l-investimenti ffokaw fuq l-iżvilupp tal-produzzjoni tat-tubi għall-applikazzjonijiet tal-karozzi. Għaldaqstant fl-2003 kkummissjonat għall-ewwel darba linja għall-produzzjoni ta’ tubi wweldjati miksija bl-ALU (għal PLN 3 207 000) u fl-2004 linja temporanja li ppermettiet il-manifattura ta’ pajpijiet qosra (għal PLN 733 000). B’żieda ma’ dan, il-linja tal-welding eżistenti (PLN 1 063 000) kif ukoll xi bini (għal PLN 1 379 000, inkluża s-sistema tas-sħana) li kienu meħtieġa għan-negozju tal-karozzi, ġew immodernizzati. Għalhekk, bejn l-2002 u l-2005 fin-negozju tal-karozzi ġew investiti PLN 6.383 miljun. L-awtoritajiet Pollakki kkonfermaw li l-investimenti kollha jikkonċernaw l-assi li sadanittant kienu mikrija lill-BA (20).

(44)

Barraminhekk, madwar PLN 3.5 miljun marru f’investimenti oħra fuq is-sistemi ta’ l-IT, ix-xiri ta’ merkanzija oħra kapitali u proġetti oħra (21).

(45)

B’żieda ma’ dan, minn PLN 12 sa 13-il miljun oħra twarrbu għall-2005 u l-2006 minħabba li l-linja l-ġdida għall-produzzjoni tal-pajpijiet magħmula mill-kromju kellha tiġi mtejba u tkun tista’ tinxtara linja ġdida oħra (madwar PLN 6 000 000), li fil-fehma tal-Kummissjoni, dan qatt ma sar.

(46)

It-TB ma għelbitx id-diffikultajiet finanzjarji li kellha u ma kisbitx krediti bankarji.

(47)

It-TB matul il-perjodu ta’ ristrutturazzjoni ma kisbitx l-għajnuna finanzjarja meħtieġa mill-kredituri u l-istituzzjonijiet finanzjarji lokali (22). Infatti, fl-2003 l-bank tat-TB kien naqqas il-faċilitajiet għall-kreditu. Din is-sitwazzjoni ngħelbet biss bis-saħħa ta’ l-investitur finanzjarju, il-GFR, li ħa taħtu numru ta’ bonds li ġew konvertiti f’self fit-tul. Mingħajr preġudizzju għal dan, it-TB fl-2004 ma setgħet taffordja tissellef minn ebda bank (23).

(48)

Dan minħabba l-fatt li t-TB fl-ebda punt matul il-perjodu ta’ ristrutturazzjoni ma kienet kapaċi tagħmel il-qligħ. Dan seħħ minkejja l-iżviluppi pożittivi ħafna fis-suq.

(49)

Infatti, fl-2003, skond ir-rapporti indipendenti ta’ monitoraġġ, it-TB baqgħet lura fil-miri tal-bejgħ li kellha ta’ 48 elf tunnellata ta’ tubi u biegħet biss 30 elf tunnellata ta’ tubi (24). Barraminhekk, il-fatt li ma kinitx qiegħda tlaħħaq mat-tariffi imposti fuq ir-rombli wiesgħa, u l-istrateġija ta’ promozzjoni ħażina mingħajr suċċess, irriżultaw f’inqas dħul. Għaldaqstant spiċċat b’marġni operattiv negattiv ta’ PLN 5 miljun fl-2004 (it-ternover kien ta’ PLN 92 miljun). Konsegwentement, ma għaddietx mit-test tal-vijabilità tal-Kummissjoni. Fir-rapport fil-qosor tiegħu ta’ Jannar 2004, il-konsulent indipendenti tal-Kummissjoni kkonkluda li t-TB “qiegħda tagħmel il-kummerċ meta hija falluta (25)”.

(50)

Fl-2004, fit-3et rapport Pollakk ta’ monitoraġġ ta’ Settembru 2004, kien hemm indikazzjoni li t-TB kellha valur baxx ta’ likwidità finanzjarja u li l-eċċess finanzjarju ma setax ikopri għall-pagamenti tal-ħlasijiet tal-kreditu bl-interessi li jżidu r-riskju tal-ħlas fil-ħin (26). Ir-4 rapport Pollakk għall-2004 rrapporta fid-dettall dwar ir-responsabbiltajiet legali pendenti (ara punt 34) u li l-kumpanija la kienet irċeviet l-għajnuna mill-istituzzjonijiet finanzjarji, la naqqset il-ħaddiema u lanqas laħqet il-livelli ta’ produttività ppjanati. Barraminhekk għal dak li jirrigwarda l-pożizzjoni finanzjarja ġie konkluż li “mill-kumpaniji kollha tal-grupp analizzat, Technologie Buczek Sp. z o.o. għandha l-ogħla riskju ta’ likwidità finanzjarja. Dan ir-riskju mhux ser jitnaqqas billi jsir qligħ nett fuq l-attività tan-negozju, għax dan ma jirriżultax f’żieda ta’ flus kontanti. […] Ir-riskju huwa ppruvat mil-livell għoli ta’ l-assi finanzjarji fir-responsabbiltajiet legali, inkluż sehem konsiderevoli ta’ responsabbiltajiet legali li qegħdin tard vis-à-vis l-istituzzjonijiet legali u pubbliċi. Din is-sitwazzjoni toħloq avversjoni kapitali tas-sid sabiex jinvesti fil-kumpanija, murija bid-diffikultajiet sabiex jinkiseb kreditu bankarju.”

(51)

Il-perspettiva Pollakka kienet ikkonfermata fir-rapport indipendenti ta’ monitoraġġ ta’ Mejju 2005 (27). Dan irrapporta kif it-TB anki fl-2004 minkejja l-hausse fis-suq ta’ l-azzar u ż-żieda fil-prezzijiet ta’ l-azzar (il-prezzijiet kienu 30 % ogħla mill-prezz imbassar) irrekordjat marġni operattiv negattiv u 20 % inqas bejgħ milli mbassar. Għalhekk, il-konsulent ikkonkluda li “abbażi tal-prestazzjoni tagħha fl-2003 u l-2004, hemm riskju kbir li l-kumpanija mhix ser tikseb il-vijabilità sa l-aħħar ta’ l-2006” (28).

(52)

F’Settembru 2005, il-ħames rapport Pollakk ikkonferma li t-“TB tilfet il-likwidità finanzjarja”. Issemma wkoll li t-telf kien riżultat tan-negozju ħażin fl-irkiekel (29).

(53)

It-TB bidlet il-maniġment u l-istrateġija ta’ ġestjoni diversi drabi.

(54)

It-TB għaddiet minn diversi bidliet strutturali fil-kumpanija. Il-bord kien xolt diversi drabi, fl-2003, fl-2005 (fi Frar u f’Ottubru) u fl-2006.

(55)

Fl-aħħar ta’ l-2003, f’Settembru 2005 u fil-bidu ta’ l-2006 t-TB bidlet l-istrateġija tar-ristrutturazzjoni. L-2005 IBP biddel b’mod ċar l-istrateġija billi naqqas l-attività tat-TB fit-tubi ta’ l-azzar miksija bl-ALU u fit-tubi magħmula mill-kromju ta’ l-azzar. Minħabba f’hekk il-ħaddiema naqsu għal 267 ruħ. L-IBP aġġornat apparentement jimponi lit-TB sabiex twaqqaf il-produzzjoni ta’ tubi wweldjati u llegati li ma jħallux profitt. Waqqfet ukoll il-produzzjoni tat-tubi wweldjati mil-linja tal-HR.

(56)

Barraminhekk, kif indikat mill-Polonja fl-ittra ta’ l-14 ta’ Frar 2006 t-TB mill-2006 mmirat sabiex fl-2007 ttemm il-proċess tagħha tal-produzzjoni u xtaqet tibqa’ biss bħala kumpanija ta’ ġestjoni. Minflok, it-TB ser twaqqaf kumpanija ġdida bl-intenzjoni li toħloq kumpanija Pollakka soda li tispeċjalizza fil-produzzjoni ta’ l-aluminju u l-pajpijiet tal-kromju għall-industrija tal-karozzi. Għal dan il-għan kellha tagħmel “ristrutturazzjoni kontinwa ta’ l-assi u l-finanzi tat-TB […] li tipprekludi l-istabbilizzazzjoni finanzjarja, il-ħlas ta’ l-arretrati tal-baġit u l-kisba ta’ krediti li jagħtu aċċess għal sorsi irħas ta’ ffinanzjar (30)”. Kellha tuża l-linji tal-welding W-4 u W-2, permezz ta’ kiri filwaqt li l-ħaddiema kollha ġew ittrasferiti lejha (bl-eċċezzjoni ta’ ftit ħaddiema li baqgħu jħaddmu t-TB). L-infrastruttura neċessarja apparentement inbiegħet mill-assi tat-TB. Il-magni tal-welding li kien fadal kellhom jinbiegħu għal raġunijiet ta’ ristrutturazzjoni ta’ l-assi. Minħabba li l-produzzjoni kienet ser tieqaf sa l-aħħar ta’ l-2006 l-Kummissjoni kkonkludiet li l-istrateġija l-ġdida ta’ ristrutturazzjoni implikat l-għeluq de facto tat-TB.

(57)

Sadanittant, it-TB iddikjarat ruħha falluta fil-15 ta’ Settembru 2006. Il-Grupp TB fallut għandu l-permess ikompli l-attività ekonomika. L-attività l-ġdida tat-TB issa hija l-kiri ta’ l-assi lis-sussidjarji tagħha. L-amministratur tal-falliment qiegħed jippjana li jbigħ partijiet organizzati mill-kumpanija u jkompli jikri l-assi sakemm jinbiegħu.

(58)

It-TB irristrutturat il-grupp u neħħiet iż-żewġ negozji bi qligħ li kellha, il-produzzjoni ta’ l-irkiekel fl-HB u n-negozju tal-pajpijiet tal-kromju u l-aluminju fil-BA (ara punt 14).

(59)

In-negozju ta’ l-irkiekel tat-TB ma tqiesx bħala parti min-negozji ewlenin tat-TB. Fl-2002, l-IBP indikat li ma għandhomx isiru iżjed investimenti fl-HB iżda għandha titneħħa.

(60)

F’Diċembru 2004 l-HB instab li kellha kapital inizjali ta’ PLN 100 000. Il-valur kien ipproċessat u miżjud għal PLN 14 911 600 b’injezzjoni ta’ l-assi fis-17 ta’ Jannar 2005 b’valur ta’ PLN 3 330 900, ta’ kapital fi Frar/Marzu 2005 b’valur ta’ 3 850 000, injezzjoni ta’ kapital oħra f’Novembru 2005 b’valur ta’ PLN 1 830 700 u b’assi intanġibbli fit-13 ta’ Lulju 2006 b’valur ta’ PLN 5 800 000.

(61)

Il-valur sħiħ ta’ l-HB kien stmat għal PLN 38 miljun skond l-hekk imsejjaħ mudell Żvizzeru. Għalhekk il-valur tas-suq huwa ferm ogħla mill-valur ta’ l-ishma ta’ PLN 14.9 miljun. Infatti l-HB qiegħda tagħmel il-qligħ. Ma għandhiex dejn li għadda ż-żmien minn fuqu ma’ istituzzjonijiet pubbliċi. F’Ġunju/Lulju 2005 l-HB xtrat xi artijiet u makkinarju mingħand it-TB għal PLN 9 450 013, li kien stmat li kellhom valur ta’ PLN 10 430 194. Il-pleġġijiet fuq l-assi baqgħu u l-HB abbażi tal-liġi Pollakka (Artikolu 112 ta’ l-att dwar it-taxxa) ġiet debitur b’mod konġunt mat-TB għal xi klejms tat-TB vis-à-vis z-ZUS.

(62)

Fl-2005 l-BA ġiet megħjuna sabiex tirċievi n-negozju tal-pajpijiet tal-kromu u l-aluminju. B’riżultat ta’ hekk, il-ħaddiema tat-TB kienu trasferiti lejn il-BA u f’Lulju 2006 saret injezzjoni kapitali ta’ PLN 1 550 000. Barraminhekk, il-BA tikri l-assi produttivi għan-negozju tal-pajpijiet ta’ l-egżost tal-karozzi mit-TB (inklużi l-linji tal-welding W2, W4 u linja oħra). It-tul tal-kirja huwa indeterminat u l-BA tħallas PLN 258 000 għal kull xahar + il-VAT. Għalhekk, skond dawn il-fatti l-BA qiegħda tibbenefika mill-investimenti li saru f’dawn l-assi. Infatti s-seba’ rapport Pollakk jikkonferma li t-TB ittrasferiet 20 elf tunnellata tal-kapaċità lill-BA (31).

(63)

Fi Frar 2004, l-EF iffirmat kuntratt ta’ servizz mat-TB. Il-pleġis fuq l-ishma ta’ l-HB u l-BA kienu rreġistrati sabiex jiżguraw il-konformità mal-kuntratt. Għalhekk, l-EF saret l-ikbar kreditur tat-TB. Minħabba li l-EF kienet biss azzjonista tal-GFR, il-klejms tagħha ma kinux ikkunsidrati bħala investiment ta’ kapital fit-TB.

(64)

Preżentement it-TB hija s-sid ta’ 51.2 % ta’ l-ishma tal-BA. L-ishma l-oħra ttieħdu mill-EF waqt l-infurzar tat-talba ta’ l-20 ta’ Lulju 2006 bħala tpattija għad-dejn. It-tpattija għad-dejn saret b’valur nominali ta’ l-ishma ta’ PLN 7.2 miljun.

(65)

Bħala kreditur l-EF talbet ukoll lill-amministratur sabiex jeskludi mill-falliment 48.8 % ta’ l-ishma tal-HB. Din l-applikazzjoni madankollu ġiet irrifjutata mill-imħallef f’Settembru 2006.

(66)

Fid-deċiżjoni tal-ftuħ il-Kummissjoni kkonkludiet li r-ristrutturazzjoni tat-TB ma kinitx konformi mal-Protokoll Nru 8 u qajmet tliet punti:

(67)

Il-Kummissjoni indikat li ser tikkunsidra lill-grupp kollu bħala benefiċjarju.

(68)

L-awtoritajiet Pollakki l-ewwel ma lmentaw kien fuq l-użu ħażin ta’ l-għajnuna għar-ristrutturazzjoni. Il-Polonja saħqet li l-għajnuna ma kinitx kollha kemm hi għajnuna għar-ristrutturazzjoni.

(69)

It-tieni, l-awtoritajiet Pollakki taw spjegazzjoni mill-kredituri istituzzjonali rilevanti, iz-ZUS, il-muniċipalità ta’ Sosnowiec u l-PFRON dwar l-azzjonijiet ta’ infurzar tagħhom, sabiex juru li huma ġabu ruħhom bħala kredituri privati.

(70)

It-tielet, il-Polonja wieġbet għad-dubji tal-Kummissjoni Ewropea dwar ir-ristrutturazzjoni fl-impjiegi wara l-2003. Il-Polonja spjegat li l-Att dwar l-Industrija tal-Ħadid u l-Azzar (Ristrutturazzjoni) ta’ l-24 ta’ Awissu 2001 inbidel f’Diċembru 2003 u għalissa l-għajnuna kienet intiza biss biex tgħin lill-ħaddiema mingħajr impjieg, bil-ħaddiema ta’ l-azzar jintużaw biss bħala intermedjarji sabiex jittrasferixxu l-fondi (ara punt 20).

(71)

Fl-aħħarnett, l-awtoritajiet Pollakki huma tal-fehma li s-sussidjarji tat-TB jistgħu jinżammu responsabbli jekk ibbenefikaw mill-għajnuna. L-awtoritajiet jisħqu wkoll li l-injezzjoni tal-kapital u l-assi saru kif suppost. B’żieda ma’ dan, l-awtoritajiet Pollakki infurmaw li l-HB mhix produttur ta’ l-azzar u għaldaqstant mhix suġġetta għall-Protokoll Nru 8.

(72)

Punt 1 tal-Protokoll Nru 8 jipprovdi li “mingħajr preġudizzju għall-Artikoli 87 u 88 tat-Trattat tal-KE, l-għajnuna mill-Istat mogħtija mill-Polonja għal skopijiet ta’ ristrutturazzjoni ta’ partijiet speċifiċi ta’ l-industrija ta’ l-azzar Pollakka għandha titqies kompatibbli mas-suq komuni” jekk, inter alia, jintlaħqu l-kundizzjonijiet stipulati fil-Protokoll.

(73)

Il-perjodu żejjed mogħti għar-ristrutturazzjoni ta’ l-għajnuna lill-industrija ta’ l-azzar Pollakka skond il-Ftehim Ewropew kien estiż mill-Kunsill sa l-adeżjoni tal-Polonja fl-UE. Dan l-arranġament kien imsemmi fil-Protokoll Nru 8 bħala parti mill-adeżjoni tal-Polonja fl-Unjoni Ewropea. Sabiex jintlaħaq dan l-għan, huwa jkopri żmien li jestendi minn qabel sa wara l-adeżjoni. B’mod aktar preċiż, jawtorizza ammont limitat ta’ għajnuna għar-ristrutturazzjoni għas-snin mill-1997 sa l-2003 u ma jippermettix iżjed għajnuna mill-Istat għal skopijiet ta’ ristrutturazzjoni lill-industrija ta’ l-azzar Pollakka bejn l-1997 u l-2006. Għal din ir-raġuni, dan huwa differenti ferm minn dispożizzjonijiet oħra tat-Tratatt ta’ l-Adeżjoni bħalma huma l-mekkaniżmi interim ta’ Anness IV (il-“proċedura ta’ l-għajnuna eżistenti”), li jikkonċernaw biss l-għajnuna mill-Istat mogħtija qabel l-adeżjoni u jibqgħu “xorta waħda applikabbli wara” d-data ta’ l-adeżjoni. Protokoll Nru 8 jista’ għaldaqstant jitqies bħala lex specialis li, għall-materji li jkopri, jieħu post kull dispożizzjoni oħra fl-Att ta’ l-Adeżjoni (32).

(74)

Il-Kummissjoni tinnota wkoll li l-iskop tal-PNR Pollakk u tal-Protokoll Nru 8 mhuwiex limitat għall-Anness 1 tat-Tratatt tal-KEFA. Minflok, il-Protokoll Nru 8 jkopri wkoll ċerti setturi ta’ l-azzar mhux koperti mit-Tratatt tal-KEFA (33), b’mod partikolari t-tubi wesgħin u wweldjati. Dan huwa konformi mad-definizzjoni ta’ l-azzar skond ir-regoli dwar l-għajnuna mill-Istat tal-KE (34), li kienu fis-seħħ meta daħal fis-seħħ il-Protokoll Nru 8. Fuq kollox, din timxi fuq l-iskop tal-PNR, li l-Protokoll Nru 8 jimplimenta. Infatti, nofs il-benefiċjarji skond il-PNR finali huma produtturi tat-tubi, fosthom Huta Andrzej S.A. falluta, Huta Batory S.A. falluta, Huta Pokój, sussidjarja ta’ Mittal Steel Poland (dik li qabel kienet PHS) u t-TB. Għaldaqstant, il-Protokoll Nru 8 japplika wkoll għall-produtturi tat-tubi, b’mod partikolari għat-TB.

(75)

Konsegwentement, filwaqt li l-Artikoli 87 u 88 KE normalment ma japplikawx għall-għajnuna mogħtija qabel l-adeżjoni u ma japplikawx wara l-adeżjoni, id-dispożizzjonijiet tal-Protokoll Nru 8 estendew il-monitoraġġ ta’ l-għajnuna mill-Istat skond it-Trattat tal-KE għal kwalunkwe għajnuna mogħtija għar-ristrutturazzjoni ta’ l-industrija ta’ l-azzar Pollakka bejn l-1997 u l-2006.

(76)

Id-deċiżjoni tista’ tittieħed wara l-adeżjoni tal-Polonja skond l-Artikolu 88 (2) KE għaliex, fl-assenza ta’ dispożizzjonijiet speċifiċi fil-Protokoll Nru 8, ir-regoli u l-prinċipji normali għandhom japplikaw. Konsegwentement ir-Regolament tal-Kunisll (KE) Nru 659/1999 tat-22 ta’ Marzu 1999 li jfassal regoli dettaljati għall-applikazzjoni ta’ l-Artikolu 93 (minn issa ’l quddiem “ir-regolament proċedurali”) (35) għandu japplika.

(77)

Skond l-Artikolu 87(1) KE, l-għajnuna mill-Istat hija kwalunkwe għajnuna mogħtija minn Stat Membru permezz tar-riżorsi ta’ l-istat f’kull forma li tista’ tgħawweġ, jew thedded li tgħawweġ il-kompetizzjoni billi tiffavorixxi ċerti impriżi, b’tali mod li taffettwa l-kummerċ bejn l-Istati Membri, u għaldaqstant mhix kompatibbli mas-suq komuni.

(78)

Il-Polonja kienet awtorizzata mill-Protokoll Nru 8 sabiex tagħti l-għajnuna għar-ristrutturazzjoni tat-TB sabiex timplimenta l-pjan ta’ ristrutturazzjoni.

(79)

Madankollu, l-għoti ta’ l-għajnuna kien limitat għal perjodu ta’ żmien li skada fl-aħħar ta’ l-2003. Wara din id-data, il-Polonja ma kinitx iżjed awtorizzata tagħti l-għajnuna għar-ristrutturazzjoni skond il-Protokoll Nru 8. Kwalunkwe għajnuna mbagħad tmur kontra l-Punt 18(ċ) tal-Protokoll Nru 8 li jipprojbixxi kwalunkwe għoti ta’ għajnuna addizzjonali mill-Istat lill-industrija ta’ l-azzar u b’mod partikolari lill-kumpaniji benefiċjarji.

(80)

Mingħajr preġudizzju għal dan, l-awtoritajiet Pollakki komplew jagħtu jew itawlu l-krediti pendenti lit-TB wara l-2003 li għandha titqies bħala għajnuna mill-Istat skond l-Artikolu 87(1) KE.

(81)

Il-Kummissjoni tfakkar li l-Artikolu 87(1) KE jkopri interventi li, fil-forom varji tagħhom, itaffu l-ispejjeż li huma normalment inklużi fil-baġit ta’ impriża u li, mingħajr ma jkunu sussidji fis-sens tal-kelma, huma simili fil-karattru u għandhom l-istess effett. Dan ġie kkonfermat f’każijiet fejn korp pubbliku fl-irwol ta’ kreditu pubbliku responsabbli mill-ġbir tal-kontribuzzjonijiet tas-sigurtà soċjali jittollera pagamenti tard jew mhux imħallsa ta’ tali kontribuzzjonijiet, minħabba li l-pożizzjoni tagħha tagħti lill-impriża vantaġġ kummerċjali sinfikanti billi ttaffi l-piż normalment assoċjat mas-sistema tas-sigurtà soċjali (36) Minflok il-permess ta’ pagamenti tard il-kreditur pubbliku seta’ talab ħlas immedjat ta’ l-ammont totali tad-djun, jekk meħtieġ billi jdawwar l-ipoteka favurih (37).

(82)

Sabiex tistabbilixxi li hemm vantaġġ li jista’ jiġi kklassifikat bħala għajnuna mill-Istat skond l-Artikolu 87(1) KE, il-Kummissjoni jeħtieġ li turi li l-awtoritajiet pubbliċi mxew b’mod differenti fl-istess sitwazzjoni vis-à-vis d-debitur tiegħu (38).

(83)

Bħala riċerka preliminari, il-Kummissjoni tinnota li l-eżistenza nnifisha ta’ l-għajnuna preliminari lill-kumpanija sserraħ fuq il-bażi tal-każistika tal-Qrati Ewropej sabiex tħares lejn il-każ mill-perspettiva tal-kreditur privat ipotetiku, minħabba li tali kreditur ipotetiku ma jkunx ittollera l-maħfra tad-dejn, inkella din ma kinitx ser tkun għajnuna (39). Dan huwa partikolarment reali fix-xenarju tar-ristrutturazzjoni, fejn iż-żewġ miżuri jaqgħu fil-perjodu tar-ristrutturazzjoni.

(84)

Barraminhekk, in-nuqqas ta’ pjan aġġornat ta’ ristrutturazzjoni jipprevjeni l-assessment ta’ kreditur privat ipotetiku. Għal darba oħra nsibu każistika li meta kkunsidrat il-posponiment ta’ ftehim mill-perspettiva ta’ l-investitur fl-ekonomija tas-suq, tali investitur ħtieġ pjan sħiħ ta’ ristrutturazzjoni oriġinali. L-ebda kreditur privat jew investitur ma hu ser jaċċetta ristrutturazzjoni mingħajr pjan (40), bħalma kien il-każ preżenti.

(85)

Barraminhekk, anki skond pjan ta’ ristrutturazzjoni ipotetiku, l-ebda kreditur privat ipotetiku ma seta’ daħal fi ftehim ta’ ristrutturazzjoni addizzjonali.

(86)

Il-Kummissjoni ma tiddubitax li n-nuqqas ta’ infurzar ta’ partijiet mid-djun pubbliċi pendenti, li kienu eliġibbli sabiex jinħafru skond l-IBP/PNR, kienu ġġustifikati għal ċertu perjodu ta’ żmien skond il-mekkaniżmu msemmi fl-Att tat-30/08/2002. Fil-fatt l-infurzar tar-responsabbiltajiet legali suġġetti għar-ristrutturazzjoni skond l-Att tat-30/08/2002 kien ipprojbit sakemm jitlestew il-proċeduri ta’ ristrutturazzjoni jew jitwaqqfu l-proċeduri għal raġunijiet imsemmija fl-Att. Barraminhekk, il-Kummissjoni tinnota wkoll li anki fir-rigward tad-djun addizzjonali, li ma kinux suġġetti għal skeda mill-ġdid, il-kredituri setgħu komplew fuq it-titjib tas-sitwazzjoni finanzjarja tat-TB billi jsegwu l-kanċellazzjonijiet tad-dejn ippjanati, u setgħu kellhom raġunijiet għas-sospensjoni ta’ l-infurzar tad-dejn sakemm l-għajnuna skond l-Att tat-30/08/2002 tingħata.

(87)

Madankollu, huwa evidenti li r-ristrutturazzjoni skond l-Att tat-30/08/2002 falliet, minn banda minħabba li ma segwewx il-Protokoll Nru 8 kif mixtieq fil-fehma negattiva ta’ l-OCCP (l-ewwel wieħed tas-6 ta’ Frar 2004), u mill-banda l-oħra minħabba l-problemi finanzjarji tal-kumpanija li żammet lit-TB milli żżomm mal-kundizzjonijiet skond il-liġi nazzjonali. Il-Kummissjoni tikkunsidra li tali falliment bilfors li wasal għand il-kredituri pubbliċi ewlenin bħalma huma z-ZUS, il-muniċipalità u l-uffiċċju tat-taxxa, għaliex dawn kolha kienu involuti fir-ristrutturazzjoni tad-dejn oriġinali. Il-PFRON kellhom jiġu infurmati wkoll bil-fehma ta’ l-OCCP dwar id-dejn tat-TB mal-PFRON.

(88)

Minn mindu falla l-ftehim preċedenti dwar ir-ristrutturazzjoni, wieħed jistenna attenzjoni speċjali minn kwalunkwe kreditur privat, li josserva bir-reqqa kollha s-sitwazzjoni ekonomika tad-debitur tiegħu (41). Għalhekk, konsiderazzjoni kompetenti tal-vantaġġ għall-posponiment tad-dejn tkun uriet li l-potenzjal ta’ rkupru ma jkunx qabeż id-dħul assikurat f’każ ta’ likwidazzjoni ta’ l-azjenda (42). Infatti, ftehim ta’ ħlas mill-ġdid ikun jeħtieġ li r-ristrutturazzjoni twassal lill-kumpanija sabiex tkun vijabbli, bis-somom pendenti ma jiżdidux ħalli l-kreditur jista’ jserraħ fuq l-irkupru tal-kreditu fi żmien adattat.

(89)

Fil-każ tat-TB, ir-ritorn lejn il-vijabilità fl-aħħar ta’ l-2004 kien dubjuż, minħabba li l-kumpanija matul l-2003 u l-2004 kellha marġni operattiv negattiv kif indikat f’punti minn 49 sa 51. It-ternover qatt ma rnexxielu jkopri l-ispejjeż. Barraminhekk, it-TB lanqas approfittat ruħha mill-hausse fis-settur ta’ l-azzar fl-2004. Għalhekk, l-indikazzjonijiet kollha għal dak li jirrigwarda l-prospetti ta’ vijabilità tat-TB kienu negattivi.

(90)

Barraminhekk, minħabba li t-TB tilfet il-creditworthiness tagħha, id-djun kienu telgħin b’mod kostanti. Minn Novembru 2004, it-TB minkejja li kienet qiegħda tiġi ristrutturata ma kinitx kapaċi tħallas iktar id-djun kurrenti. Għalhekk, id-dejn tal-passat ma setax ikun irkuprat skond kull ipotesi tar-ristrutturazzjoni tad-dejn.

(91)

Minħabba li l-kredituri pubbliċi, i.e. il-muniċipalità, iz-ZUS, il-PFRON u l-uffiċċju tat-taxxa kollha kellhom fil-pussess tagħhom sigurtajiet tajba, kellhom ċans tajjeb li jittrasformawhom fi flus kontanti u proċeduri kollettivi ta’ insolvenza skond il-liġi Pollakka ta’ l-insolvenza. Il-Kummissjoni ma tistax taċċetta l-argument taz-ZUS li ma kellhiex sigurtajiet tajbin, minħabba li l-informazzjoni pprovduta mill-awtoritajiet Pollakki tindika li, anki jekk mhux kollha, parti sostanzjali tal-pleġis kienu ta’ kwalità għolja (ara punt 40). B’riżultat tad-deterjorament ta’ l-assi tal-kumpanija, l-użu ta’ dawn is-sigurtajiet deher iżjed ekonomikament sensibbli mir-ristrutturazzjoni (43).

(92)

Barraminhekk, anki kieku ristrutturazzjoni ipotetika pproponiet xi ristrutturazzjoni ipotetika ta’ l-assi, tali proposta ma kellhiex tnaqqas mill-interess tal-kreditur pubbliku sabiex jaċċetta r-ristrutturazzjoni. Dan minħabba li l-assi kollha ta’ azjenda midjuna bħat-TB huma normalment ippleġġjati u rarament jipprovdu kwalunkwe ritorn jekk qatt xi darba jinbiegħu. Fil-fatt, minkejja li l-kumpanija ħabbret ristrutturazzjoni ta’ l-assi f’divesi okkażjonijiet fl-2005, ma kinitx kapaċi tikseb iżjed minn PLN 5 miljun fi flus kontanti mill-bejgħ ta’ l-assi.

(93)

Il-Kummissjoni tifhem li t-TB fl-2004 u wara ppruvat tħallas lura parti mid-dejn iżda nnotat li dan bilkemm kien ilaħħaq l-ammont ta’ l-interessi (ara l-effett tal-PLN 5 miljuni mħallsa fl-2004 fit-tabella f’punt 34).

(94)

Fl-aħħarnett, għal raġunijiet ta’ kompletezza, għandu jiġi nnutat li l-pjan ta’ Settembru 2005 ma kienx pjan siewi għal kwalunkwe skedar mill-ġdid ieħor. Minħabba li l-kumpanija kienet ser tfalli, huwa ċar li ma kinux ser jiġu iżjed profitti mill-operazzjoni tal-kumpanija u l-likwidazzjoni biss ser tkun is-soluzzjoni. Infatti, il-pjan jindika li z-ZUS issa bilkemm jista’ jrodd parti mill-pagament. Il-pagament ta’ dan ried jiġi mir-ristrutturazzjoni ta’ l-assi b’valur ta’ PLN 20 miljun sa l-aħħar ta’ l-2005, li ma dehritx reali fid-dawl tar-raġunijiet imsemmija fil-paragrafu preċedenti. Il-pagamenti ta’ kull xahar proposti wara l-2005 ta’ PLN 100 000 suġġetti għall-kapaċità tat-TB biex tħallas, ma kinux fejjieda minħabba li t-TB ma kinitx qiegħda topera iżjed.

(95)

Minflok, fl-2005 IBP t-TB saħansitra ammettiet li fil-bejgħ ta’ l-assi lill-BA hija rat l-unika possibilità li tassigura vijabilità. Dan kien ser jaffettwa mhux biss il-bejgħ ta’ l-uniku negozju bi qligħ (BA) iżda wkoll id-destin tat-TB, i.e. il-likwidazzjoni tagħha.

(96)

Fil-qosor, il-Kummissjoni hija ta’ l-idea li kwalunkwe kreditur privat ipotetiku kien jippreferi l-infurzar tal-klejms sa l-aħħar ta’ l-2004. F’dan iż-żmien deher ċar li t-TB ma kinitx kapaċi tonora l-ftehim miftiehem qabel, u ma kinitx ser tħallas ir-responsabbiltajiet legali iktar, u lanqas pjan aġġornat ma kien hemm biex il-kumpanija tqum fuq saqajha.

(97)

Għalhekk, il-Polonja tħalliet barra milli tinforza PLN 20.761 miljun (20.267 miljun kienu indikati fir-raba’ rapport Pollakk dwar ir-ristrutturazzjoni, aktar tard irrettifikat mill-Polonja). Dan jikkostitwixxi għajnuna operattiva għall-azjenda sabiex tkompi n-negozju mhux effiċjenti tagħha u għalhekk huwa vantaġġ mogħti mir-riżorsi ta’ l-istat li jhedded il-kompetizzjoni ħielsa bejn l-Istati Membri, u għalhekk huwa inkompatibbli mas-suq komuni fis-sens ta’ l-Artikolu 87 KE.

(98)

Sabiex jiġi kkwantifikat l-ammont ta’ għajnuna, l-effett ipotetiku tan-nuqqas ta’ infurzar tad-dejn irid jiġi simulat. Sabiex kreditur privat ikun jista’ jinforza t-talba fiż-żmien mixtieq, il-vantaġġ li l-azjenda tikseb min-nuqqas ta’ infurzar huwa l-ammont totali tat-talba, li ma tridx tħallas lura. Fi kliem ieħor, l-azjenda għandha għad-dispożizzjoni tagħha ammont li, minħabba s-sitwazzjoni finanzjarja, mhix ser tkun tista’ tikseb fis-suq. B’mod partikolari, kieku l-Istat inforza t-talba tieghu, l-azjenda ma kinitx ser tkun kapaċi tħallas l-ammont dovut u aktarx kienet tfalli. In-nuqqas ta’ azzjoni għandu l-istess effett bħall-għoti ta’ l-ammont sħiħ mhux infurzat lill-benefiċjarju (44). Għalhekk il-vantaġġ miksub huwa dwar PLN 20.761 miljun miksuba fl-1 ta’ Jannar 2005. Madankollu, minħabba li l-operatur tas-suq ekonomiku kien inforza d-dejn oriġinali, id-dejn ipotetikament ma għandux jeżisti iżjed u għalhekk ma jingħaddx darbtejn.

(99)

Għal dak li jirrigwarda l-fondi baġitarji indikati għar-ristrutturazzjoni ta’ l-impjiegi u mogħtija wara l-2004, id-dubji tal-Kummissjoni naqsu. Tabilħaqq ma jistgħux jiġu kkunsidrati bħala għajnuna mill-Istat, għax l-awtoritajiet Pollakki ċċaraw li huma responsabbli biss mill-ġid tal-ħaddiem mingħajr xogħol, li la jista’ jiġi kkunsidrat bħala impriża u lanqas jistgħu l-pagamenti jingħataw lil min iħaddem għax dawn ingħataw wara li l-ħaddiema tilfu l-impjieg mingħajr mitigazzjoni ta’ kwalunkwe kastigi li l-kumpanija inkella kien ikollha ġġorr.

(100)

Punt 18(a) tal-Protokoll Nru 8 jagħti lill-Kummissjoni l-poteri li “tieħu l-passi xierqa biex titlob lil kwalunkwe kumpanija kkonċernata tirrimborża kull għajnuna mogħtija bi ksur tal-kundizzjonijiet imsemmija f’dan il-Protokoll […] jekk il-monitoraġġ tar-ristrutturazzjoni juri li l-obbligi għall-arranġamenti tranżizzjonali f’dan il-Protokoll ma twettqux”.

(101)

Il-Kummissjoni tosserva li t-TB għadha ma implimentatx b’mod sħiħ il-pjan ta’ ristrutturazzjoni kif stipulat f’punt 9 tal-Protokoll Nru 8 u kkontribwiet permezz ta’ l-imġiba tagħha ma’ miżuri varji, indikati hawn fuq f’punt 56. Il-Polonja ma kkontestax dan.

(102)

Barraminhekk, it-TB ma laħqitx diversi punti msemmija f’punt 9 tal-Protokoll Nru 8:

(103)

Għalhekk, it-TB ma segwietx il-kundizzjonijiet imsemmija fil-Protokoll Nru 8 u ma implimentatx sew l-IBP tagħha, l-għajnuna għar-ristrutturazzjoni ma ntużatx tajjeb u trid tingħata lura.

(104)

Fid-deċiżjoni tal-ftuħ, il-Kummissjoni indikat li raġunijiet oħra ta’ kompatibilità jistgħu jegħlbu l-fatt li l-għajnuna għar-ristrutturazzjoni ma ntużatx kif suppost skond il-pjan ta’ ristrutturazzjoni. Għalhekk il-Kummissjoni osservat li skond il-PNR ma ngħatatx biss għajnuna għar-ristrutturazzjoni iżda ngħataw ukoll tipi oħra ta’ għajnuna mill-Istat. Il-falliment tar-ristrutturazzjoni għalhekk mhux bilfors ifisser li dawn l-għajnuniet kollha ma ntużawx sew (47), jekk tista’ tkun ippruvata kompatibbli skond regoli oħra ta’ l-għajnuna mill-Istat (48).

(105)

Il-Kummissjoni tgħarraf li sat-23 ta’ Lulju 2002 ir-regoli ta’ l-għajnuna mill-Istat għas-settur ta’ l-azzar kienu miġbura fid-Deċiżjoni tal-Kummissjoni Nru 2496/96/KEFA tat-18 ta’ Diċembru 1996 li tistabbilixxi r-regoli Komunitarji għall-għajnuna mill-Istat lill-industrija ta’ l-azzar (49) (minn issa ’l quddiem “il-kodiċi ta’ l-għajnuna ta’ l-azzar”) (50). Skond il-prattika tal-Kummissjoni taħt il-Protokoll Nru 8, fil-prinċipju, miżuri ta’ għajnuna mogħtija skond qafas ieħor bħall-qafas tar-R&Ż, jistgħu jkunu kompatibbli jekk il-Kummissjoni ma jkollhiex dubji serji fuq il-kompatibilità tal-miżuri skond l-Anness IV(3)(2) tat-Tratatt ta’ l-Adeżjoni (51).

(106)

L-ewwelnett, l-Artikolu 2 tal-Kodiċi għall-Għajnuna ta’ l-Azzar jawtorizza għajnuna mill-Istat li tkun kompatibbli mal-qafas tal-KE fuq ir-R&Ż. Is-sussidji tar-R&Ż fil-kuntest tal-PNR ingħataw mill-KBN u kienu koperti mill-Programm tal-President tal-KBN fuq il-kriterji ta’ l-għoti ta’ appoġġ finanzjarju lix-xjenza datat 30 ta’ Novembru 2001, li kien aċċettat mill-Kummissjoni bħala għajnuna eżistenti skond il-Miżura PL 6 ta’ l-Anness IV tat-Tratatt ta’ l-Adeżjoni. Il-PNR identifika r-“riżorsi tal-KBN” bħala “strumenti ta’ għajnuna awtorizzata mill-Istat fil-forma ta’ sussidji għar-R&Ż”, li tiddistingwi b’mod ċar mill-“istrumenti ta’ ristrutturazzjoni” (52). Dan il-PNR kien evalwat mill-Kummissjoni u approvat b’deċiżjoni tal-Kunsill f’Lulju 2003. Il-Kummissjoni għalhekk tesprimi l-fehma biex ma tqajjimx oġġezzjonijiet għall-għajnuna tal-KBN bejn l-1997 u l-2003 skond l-Anness IV tat-Tratatt ta’ l-Adeżjoni u għalhekk tikkonsidra din l-għajnuna bħala kompatibbli ma’ l-għajnuna għar-R&Ż (53).

(107)

L-għajnuna ddedikata għar-R&Ż fl-IBP mogħtija mill-KBN tista’ tiġi kkunsidrata bħala għajnuna kompatibbli. Barra minn hekk, il-Kummissjoni tinnota li l-Polonja kienet kapaċi turi li l-għajnuna kienet marbuta mal-prestazzjoni tar-R&Ż. Dan huwa minnu għall-għajnuna mogħtija fl-2002 u fl-2003 kif ukoll l-għajnuna attribwita għar-R&Ż bejn l-1997 u l-2000.

(108)

Madankollu, fil-każ tat-taħriġ, ir-ristrutturazzjoni ta’ l-impjiegi u għajnuniet għal ristrutturazzjonijiet oħra, il-Kummissjoni ma tikkunsdirax skond liema dispożizzjonijiet tal-Kodiċi għall-Għajnuna ta’ l-Azzar u r-regoli ta’ l-għajnuna mill-Istat din l-għajnuna tista’ tkun kompatibbli.

(109)

L-ewwelnett l-ebda għajnuna ma hija mmirata għall-protezzjoni ta’ l-ambjent anki jekk mhux konformi mal-linji gwida Komunitarji (54). Il-Polonja saħqet li l-għajnuna mwarrba għall-ambjent fl-1997 ngħatat bl-iskop ta’ protezzjoni ta’ l-ambjent, madankollu mingħajr skop ambjentali speċifiku. Il-fatt li l-għajnuna ngħatat mill-Fondi Provinċjali għall-Protezzjoni ta’ l-Ambjent u l-Ġestjoni ta’ l-Ilma ma jfissirx li ma writex ħila, minħabba li dan il-fond huwa espliċitament imsemmi fil-PNR bħala eżempju ta’ “strument ta’ ristrutturazzjoni” u kontra r-R&Ż ma jissemmiex minbarra fl-istrumenti ta’ ristrutturazzjoni (ara punt 106). It-tieninett, l-għajnuniet ma ntużawx għall-għeluq (Artikolu 4 tal-Kodiċi għall-Għajnuna ta’ l-Azzar), għax it-TB ma għalqet l-ebda faċilità. Fi kwalunkwe ċirkostanza, dak li għamlu l-awtoritajiet Pollakki, minbarra l-għajnuna tal-fondi ta’ l-ambjent, ma applikaw ebda deroga skond il-Kodiċi għall-għajnuna ta’ l-Azzar jew ir-regolamenti tal-KE, skond liema għajnuna setgħet ingħatat.

(110)

Fl-aħħarnett, il-Kummissjoni tixtieq tiċċara li anki jekk ċerti miżuri ġew ikkunsidrati bħala kompatibbli, l-għajnuna għar-ristrutturazzjoni fil-kuntest ta’ proġett ta’ ristrutturazzjoni sħiħa li tiżgura l-vijabilità, in-nuqqas ta’ implimentazzjoni tal-pjan sħiħ ta’ ristrutturazzjoni jimplika fil-prinċipju li kwalunkwe parti tal-proġett ta’ ristrutturazzjoni falliet u kull miżura li saret għal dan il-għan intilfet. Konsegwentement anki l-għajnuna li ngħatat qabel skond il-pjan tilfet il-ġustifikazzjoni tagħha u trid tiġi kkunsidrata ex post.

(111)

Infatti, il-Polonja saħqet li l-għajnuna għall-impjiegi kienet kompatibbli minħabba li l-approvazzjoni tagħha kienet marbuta ma’ fatturi oħra fin-negozjati ta’ l-adeżjoni. Dwar dan ma hemmx differenzi mill-Kummissjoni. Madankollu, il-Kummissjoni tinnota li dan l-argument tal-kompatibilità ma jfissirx li l-għajnuna ser tkun kompatibbli fl-assenza tal-proġett ta’ ristrutturazzjoni. Għalhekk jekk ir-ristrutturazzjoni ma tilħaqx lanqas il-miżura individwali bħar-ristrutturazzjoni ta’ l-impjiegi, f’dan il-każ tkun tista’ titqies bħala użu ħażin. Fin-nuqqas ta’ kwalunkwe tagħrif li tali għajnuna kienet kompatibbli skond kriterji oħra, il-Kummissjoni trid tiddeċiedi kinux kompatibbli jew le.

(112)

Fil-qosor, minħabba li t-taħriġ pendenti, ir-ristrutturazzjoni ta’ l-impjiegi u għajnuniet għal ristrutturazzjoni oħra ma huma koperti minn ebda eċċezzjoni oħra skond il-Kodiċi għall-Għajnuna ta’ l-Azzar jew ir-regoli tal-KE għall-għajnuna mill-Istat, il-Kummissjoni tqis li dawn jikkostitwixxu għajnuna mhux awtorizzata għar-ristrutturazzjoni li skond il-Protokoll Nru 8 hija inkompatibbli mas-suq komuni. Għaldaqstant il-Kummissjoni ser tqis bħala użu ħażin l-għajnuna ddedikata għar-ristrutturazzjoni bl-ammont ta’ PLN 849 746, l-għajnuna għat-taħriġ bl-ammont ta’ PLN 132 240, l-għajnuna għall-ambjent bl-ammont ta’ PLN 196 800 u l-għajnuna għat-taħriġ bl-ammont ta’ PLN 190 400, b’total ta’ PLN 1 369 186.

(113)

In-nuqqas ta’ infurzar tad-djun fl-aħħar ta’ l-2004 jikkostitwixxi l-għajnuna operattiva u hija għajnuna inkompatibbli. La hija aċċettata bħala għajnuna għar-ristrutturazzjoni skond il-Protokoll Nru 8 li kategorikament jipprojbixxi kwalunkwe għajnuna wara l-2003 u lanqas skond ebda dispożizzjoni oħra ta’ l-Artikolu 87(3) KE. Il-Kummissjoni tfakkar kif l-awtoritajiet Pollakki għadhom lanqas ikklejmjaw dawn. Għalhekk, l-għoti ta’ kwalunkwe għajnuna lit-TB, lill-BA u lill-HB wara l-adeżjoni hija inkompatibbli irrispettivament jekk il-benefiċjarji (hawnhekk huma l-HB) humiex produtturi ta’ l-azzar jew le.

(114)

Il-Kummissjoni esprimiet li l-benefiċjarju ta’ l-għajnuna huwa l-grupp TB, bis-sussidjarji kollha tiegħu, bl-eċċezzjoni tat-TB-ZPR. Dan minħabba li l-HB u l-BA huma parti mill-entità ekonomika tal-grupp TB.

(115)

Għal dak li jirrigwarda n-nuqqas ta’ infruzar tad-dejn li laħaq PLN 20 761 643 miljun, l-investigazzjoni preżenti tikkonferma li partijiet mill-grupp ibbenefikaw minnha. Il-Kummissjoni tista’ madankollu ma tagħmilx tali benefiċċji disponibbli għaz-ZPR u s-SAMKOL.

(116)

Mill-banda l-oħra, il-BA u l-HB approfittaw mill-għajnuna. Fil-fatt, l-għajnuna operattiva ma baqgħetx fit-TB minħabba li n-nuqqas ta’ infurzar ma ppermettiex lit-TB li tkompli bl-attività ekonomika tagħha u torganizza r-ristrutturazzjoni interna tagħha.

(117)

Infatti, ir-ristrutturazzjoni u l-għajnuna operattiva jippermettu lit-TB tlesti l-investimenti fil-produzzjoni ta’ l-egżost tal-karozzi ta’ madwar PLN 6,383 miljun (ara punt 43), (55) li sar bejn l-2003 u l-2005 u li kieku ma kienx possibbli kieku t-TB kien ikollha sservi d-dejn tagħha kif suppost jew tapplika għall-falliment iktar qabel. Dawn l-assi għall-produzzjoni tal-karozzi huma llum operati mill-BA. Minkejja li l-BA tikri dawn l-assi mingħand it-TB biss, fil-każ ta’ nuqqas ta’ investiment, ikun meħtieġ li tieħu investiment simili hija stess. Barraminhekk, ladarba qiegħda tikri dawn l-assi l-BA qiegħda tevita li tkun esposta għall-pleġis assoċjati ma’ l-assi filwaqt li żżomm id-drittijiet simili għal dawk ta’ sid, basta l-perjodu tal-kirja jkun indeterminat. Barraminhekk, il-BA tkompli fuq l-attività ewlenija tat-TB żviluppata skond il-pjan ta’ ristrutturazzjoni bl-assi produttivi u l-impjegati tat-TB bħala parti mill-grupp TB.