7.3.2008   

MT

Il-Ġurnal Uffiċjali ta’ l-Unjoni Ewropea

L 63/1

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

7.3.2008   

MT

Il-Ġurnal Uffiċjali ta’ l-Unjoni Ewropea

L 63/3

(1)

Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fin-nutriment ta’ l-annimali u l-bażi u l-proċeduri biex tingħata din l-awtorizzazzjoni.

(2)

Skond l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-preparazzjoni kif stipulat fl-Anness. Din l-applikazzjoni kienet akkumpanjata mid-dettalji u d-dokumenti meħtieġa mill-Artikolu 7(3) ta’ dan ir-Regolament.

(3)

L-applikazzjoni tikkonċerna l-awtorizzazzjoni ta’ użu ġdid tal-preparazzjoni Saccharomyces cerevisiae (NCYC Sc 47) (Biosaf SC 47) bħala addittiv fl-għalf għall-ħnieżer għat-tismin, biex jiġu kklassifikati fil-kategorija ta’ addittivi “addittivi żootekniċi”.

(4)

L-użu tal-preparazzjoni ta’ Saccharomyces cerevisiae NCYC Sc 47 kien awtorizzat għall-baqar tal-ħalib bir-Regolament tal-Kummissjoni (KE) Nru 1811/2005 (2), għall-ifrat għat-tismin bir-Regolament tal-Kummissjoni (KE) Nru 316/2003 (3), għall-ħnejjes (miftuma) bir-Regolament tal-Kummissjoni (KE) Nru 2148/2004 (4), għall-ħnieżer nisa bir-Regolament tal-Kummissjoni (KE) Nru 1288/2004 (5), għall-fniek għat-tismin bir-Regolament tal-Kummissjoni (KE) Nru 600/2005 (6), għaż-żwiemel bir-Regolament tal-Kummissjoni (KE) Nru 186/2007 (7) u għall-mogħoż tal-ħalib u nagħaġ tal-ħalib bir-Regolament tal-Kummissjoni (KE) Nru 188/2007 (8), għall-ħrief għat-tismin bir-Regolament tal-Kummissjoni (KE) Nru 1447/2006 (9).

(5)

Ġiet sottomessa data ġdida bħala appoġġ għall-applikazzjoni għall-awtorizzazzjoni għall-ħnieżer għat-tismin. L-Awtorità Ewropea għas-Sikurezza fl-Ikel (l-Awtorità) tikkonkludi fl-opinjoni tagħha tat-22 ta’ Novembru 2007 li s-sikurezza ta’ Saccharomyces cerevisiae (Biosaf Sc 47) għall-konsumatur, l-utent u l-ambjent diġà kienet stabbilita bl-opinjonijiet preċedenti tagħha (10). Tikkonkludi ulterjorment li l-użu tal-preparazzjoni ma jippreżentax riskju għal din il-kategorija ta’ annimali addizzjonali u li l-użu ta’ din il-preparazzzjoni jista’ jtejjeb il-parametri ta’ rendiment fil-ħnieżer għat-tismin. L-Awtorità ma tqisx li hemm il-ħtieġa għal rekwiżiti speċifiċi għas-sorveljanza wara t-tqegħid fis-suq. Hija vverifikat ukoll ir-rapport dwar il-metodu ta’ analiżi ta’ l-addittiv ta’ l-għalf fl-għalf imressaq mil-Laboratorju ta’ Referenza Komunitarju stabbilit mir-Regolament (KE) Nru 1831/2003.

(6)

L-evalwazzjoni ta’ din il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma sodisfatti. Għalhekk, l-użu ta’ din il-preparazzjoni għandu jiġi awtorizzat, kif speċifikat fl-Anness ta’ dan ir-Regolament.

(7)

Il-miżuri stipulati f’dan ir-Regolament huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

7.3.2008   

MT

Il-Ġurnal Uffiċjali ta’ l-Unjoni Ewropea

L 63/6

(1)

Id-Direttiva tal-Kummissjoni 2002/72/KE (2) hija Direttiva speċifika skond it-tifsira tar-Regolament ta’ qafas (KE) Nru 1935/2004 u tarmonizza r-regoli dwar l-awtorizzazzjoni tal-materjali u l-oġġetti tal-plastik maħsuba biex jiġu f’kuntatt ma’ l-ikel.

(2)

Id-Direttiva 2002/72/KE tistabbilixxi lista ta’ sustanzi awtorizzati għall-manifattura ta’ dawn il-materjali u l-oġġetti, b’mod partikolari addittivi u monomeri, ir-restrizzjonijiet fuq l-użu tagħhom, kif ukoll regoli dwar l-ittikkettjar u l-informazzjoni li għandha tingħata lill-konsumaturi jew lill-industrija ta’ l-ikel dwar l-użu korrett ta’ dawn il-materjali u l-oġġetti.

(3)

Il-lista kurrenti ta’ addittivi li tinsab fid-Direttiva 2002/72/KE mhijiex waħda kompluta minħabba li ma fihiex is-sustanzi kollha li bħalissa huma aċċettati fi Stat Membru wieħed jew aktar.

(4)

Skond l-Artikolu 4(1) tad-Direttiva 2002/72/KE kif inhi bħalissa, il-lista ta’ addittivi titqies li mhijiex waħda kompluta sakemm il-Kummissjoni tiddeċiedi, skond l-Artikolu 4a, li saret lista Komunitarja pożittiva ta’ addittivi awtorizzati.

(5)

Għal dawk l-addittivi li bħalissa huma permessi fl-Istati Membri, il-limitu ta’ żmien għat-tressiq ta’ informazzjoni għall-evalwazzjoni tas-sikurezza tagħhom mill-Awtorità Ewropea tas-Sikurezza Alimentari (minn hawn 'il quddiem “l-Awtorità”) bil-ħsieb li jiġu inklużi fil-lista Komunitarja, skada fil-31 ta’ Diċembru 2006. Għalhekk, id-data ta’ meta l-lista Komunitarja ta’ addittivi ssir lista pożittiva issa tista’ tiġi stabbilita. Jekk jitqies iż-żmien li l-Awtorità se teħtieġ biex tevalwa l-applikazzjonijiet validi kollha mressqa fil-ħin, din id-data għandha tkun Jannar 2010.

(6)

Jixraq ukoll li jiġi ċċarat ir-rwol tal-lista proviżorja msemmija fl-Artikolu 4a (4) u (5) tad-Direttiva 2002/72/KE kif inhi bħalissa u kif se tiġi aġġornata. Il-lista proviżorja fiha dawk l-addittivi li għalihom ngħatat l-informazzjoni meħtieġa fil-ħin u skond ir-rekwiżiti ta’ l-Awtorità, iżda fejn għadha ma ttieħdet ebda deċiżjoni dwar l-inklużjoni tagħhom fil-lista pożittiva.

(7)

Din il-lista proviżorja tagħti tagħrif lill-pubbliku dwar l-addittivi li qed jiġu evalwati fid-dawl ta’ l-inklużjoni possibbli tagħhom fil-lista Komunitarja ta’ addittivi. Billi mhuwiex possibbli jkun magħruf jekk l-evalwazzjonijiet għall-addittivi kollha inklużi fil-lista proviżorja humiex se jitlestew sad-data meta l-lista ta’ l-addittivi ssir lista pożittiva, għandu jkun possibbli li dawk l-addittivi jkomplu jiġu użati, skond il-liġi nazzjonali, sakemm titlesta l-evalwazzjoni tagħhom u tittieħed deċiżjoni dwar l-inklużjoni tagħhom fil-lista pożittiva ta’ additivi.

(8)

Meta addittiv inkluż fil-lista proviżorja jiddaħħal fil-lista Komunitarja ta’ addittivi jew meta jiġi deċiż li mhux se jiġi inkluż fil-lista Komunitarja, dak l-addittiv għandu jitneħħa mil-lista proviżorja ta’ addittivi.

(9)

Jekk matul l-eżami ta’ l-informazzjoni dwar addittiv inkluż fil-lista proviżorja, l-Awtorità titlob għal aktar informazzjoni, dak l-addittiv għandu jinżamm fil-lista proviżorja sakemm tittieħed deċiżjoni dwaru, kemm-il darba l-informazzjoni tintbagħat fil-limiti ta’ żmien speċifikati mill-Awtorità.

(10)

Fuq il-bażi ta’ informazzjoni ġdida marbuta ma’ l-evalwazzjonijiet tar-riskji ta’ monomeri u addittivi evalwati mill-Awtorità (3), ċerti addittivi aċċettati fil-livell nazzjonali kif ukoll monomeri u addittivi ġodda għandhom jiġu inklużi fil-listi Komunitarji rispettivi ta’ sustanzi awtorizzati. Għal sustanzi oħrajn, ir-restrizzjonijiet u/jew l-ispeċifikazzjonijiet diġà stabbiliti fil-livell Komunitarju għandhom jiġu emendati fuq il-bażi ta’ din l-informazzjoni ġdida. Għalhekk, l-Annessi II, III, IVa, V u VI tad-Direttiva 2002/72/KE għandhom jiġu emendati skond dan.

(11)

Id-Direttiva tal-Kummissjoni 2005/79/KE (4) introduċiet fil-lista ta’ l-addittivi l-addittiv bin-Numru ta’ Referenza 30340 u bl-isem 12-(Acetoxy)stearic acid, 2,3-bis(acetoxy)propyl ester u bin-numru CAS 330198-91-9. L-isem u n-numru CAS introdotti f’dik id-Direttiva jirriflettu biss il-komponent ewlieni ta’ l-applikazzjoni. Madankollu, l-opinjoni mogħtija mill-Awtorità tkopri t-taħlita ta’ sustanzi msemmija fl-applikazzjoni u mhux biss il-komponent ewlieni tiegħu. It-taħlita ta’ sustanzi issa hija rreġistrata fir-reġistru CAS bin-numru CAS 736150-63-3 u bl-isem Glycerides, castor-oil mono-, hydrogenated, acetates. Għal din ir-raġuni, issa jixraq li jinbidlu l-isem u n-numru CAS sabiex tiġi aġġornata l-awtorizzazzjoni lis-sustanzi kollha fit-taħlita. Billi jinbidel l-isem, se jingħata n-Numru ġdid ta’ Referenza 55910. Billi s-sustanza issa hija koperta bin-Numru ta’ Referenza 55910, in-Numru ta’ Referenza 30340 għandu jitħassar.

(12)

Bħala konsegwenza, id-Direttiva 2002/72/KE għandha tiġi aġġornata biex titqies l-informazzjoni l-ġdida marbuta ma’ l-evalwazzjoni tar-riskju ta’ sustanzi evalwati mill-Awtorità, biex tiġi stabbilita d-data meta l-lista ta’ addittivi ssir lista pożittiva u biex jiġi ċċarat ir-rwol tal-lista proviżorja ta’ additttivi.

(13)

Il-miżuri previsti f'din id-Direttiva huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

(1)

Fl-Artikolu 4, il-paragrafu 1 jinbidel b'dan li ġej:

“1.   Lista Komunitarja ta’ addittivi li jistgħu jintużaw fil-manifattura ta’ materjali u oġġetti tal-plastik, flimkien mar-restrizzjonijiet u/jew speċifikazzjonijiet dwar l-użu tagħhom, hija stipulata fl-Anness III.

Sa l-31 ta’ Diċembru 2009, addittivi li mhux inklużi fil-lista Komunitarja ta’ addittivi jistgħu jkomplu jintużaw soġġetti għal-liġi nazzjonali.

Mill-1 ta’ Jannar 2010, dawk l-addittivi biss li jkunu inklużi fil-lista ta’ l-addittivi jistgħu jintużaw fil-manifattura tal-materjali u ta’ l-oġġetti tal-plastik (lista pożittiva).”

(2)

L-Artikolu 4a huwa emendat kif ġej:

(3)

L-Annessi II, III, IVa, V u VI jiġu emendati skond l-Annessi I, II, III, IV u V ta’ din id-Direttiva.

(a)

jippermettu l-kummerċ u l-użu tal-materjali u l-oġġetti tal-plastik maħsuba biex jiġu f’kuntatt ma’ l-ikel u li jikkonformaw mad-Direttiva 2002/72/KE, kif emendata permezz ta’ din id-Direttiva, mis-7 ta’ Marzu 2009;

(b)

jipprojbixxu l-manifattura u l-importazzjoni fil-Komunità ta’ materjali u oġġetti tal-plastik maħsuba biex jiġu f’kuntatt ma’ l-ikel u li ma jikkonformawx mad-Direttiva 2002/72/KE, kif emendata permezz ta’ din id-Direttiva, mis-7 ta’ Marzu 2010.

7.3.2008   

MT

Il-Ġurnal Uffiċjali ta’ l-Unjoni Ewropea

L 63/14

(1)

Waqt li jinżammu preżenti l-objettivi tal-fundament ta’ l-Aġenzija Ewropea għad-Drittijiet Fundamentali (minn hawn ’il quddiem “l-Aġenzija”) u sabiex l-Aġenzija twettaq id-dmirijiet tagħha tajjeb, l-oqsma tematiċi preċiżi ta’ l-attività tagħha għandhom jiġu determinati minn Qafas Pluriennali li jkopri ħames snin kif stipulat fl-Artikolu 5 (2) tar-Regolament (KE) Nru 168/2007.

(2)

Il-Qafas għandu jinkludi l-ġlieda kontra r-razziżmu, il-ksenofobija u l-intolleranza relatata fost l-oqsma tematiċi ta’ l-attività ta’ l-Aġenzija.

(3)

Il-Qafas għandu jkun konsistenti mal-prijoritajiet ta’ l-Unjoni, filwaqt li jittieħed kont dovut ta’ l-orjentamenti li jirriżultaw mir-riżoluzzjonijiet tal-Parlament Ewropew u l-konklużjonijiet tal-Kunsill fil-qasam tad-drittijiet fundamentali.

(4)

Il-Qafas għandu jagħti l-importanza dovuta lir-riżorsi finanzjarji u umani ta’ l-Aġenzija u għandu jiġi implimentat biss fl-ambitu tal-liġi Komunitarja.

(5)

Il-Qafas għandu jinkludi dispożizzjonijiet maħsuba sabiex ikun hemm komplementarjetà mar-responsabbiltajiet ta’ korpi, uffiċċji u aġenziji oħra tal-Komunità u ta’ l-Unjoni, u kif ukoll mal-Kunsill ta’ l-Ewropa u organizzazzjonijiet internazzjonali oħra attivi fil-qasam tad-drittijiet fundamentali. L-aktar aġenziji u korpi relevanti tal-Komunità fir-rigward ta’ dan il-Qafas Pluriennali huma l-Istitut Ewropew għall-Ugwaljanza bejn is-Sessi stabbilit bir-Regolament (KE) Nru 1922/2006 tal-Parlament Ewropew u tal-Kunsill ta’ l-20 ta’ Diċembru 2006 li jistabbilixxi Istitut Ewropew għall-Ugwaljanza bejn is-Sessi (2) u l-Kontrollur Ewropew tal-Protezzjoni tad-Data stabbilit bir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ l-individwi fir-rigward ta’ l-ipproċessar ta’ data personali mill-istituzzjonijiet u l-organi tal-Komunità u dwar il-moviment liberu ta’ dik id-data, (3) u l-Ombudsman Ewropew, li l-għanijiet tagħhom għandhom għalhekk jittieħdu in konsiderazzjoni.

(6)

Il-Kummissjoni, filwaqt li kienet qed tħejji l-proposta tagħha, ikkonsultat mal-Bord ta’ Tmexxija ta’ l-Aġenzija waqt il-laqgħa tiegħu tat-12-13 ta’ Lulju 2007 u rċeviet kummenti miktuba permezz ta’ ittra tal-25 ta’ Lulju 2007.

(7)

Dan il-Qafas jiddefinixxi l-oqsma tematiċi preċiżi tal-ħidma ta’ l-Aġenzija, fejn diversi kompiti permanenti ta’ l-Aġenzija huma determinati fl-Artikolu 4 tar-Regolament (KE) Nru 168/2007, inter alia, il-kompitu li titqajjem il-kuxjenza tal-pubbliku ġenerali dwar id-drittijiet fundamentali tagħhom u dwar it-tixrid attiv ta’ l-informazzjoni dwar il-ħidma ta’ l-Aġenzija.

(8)

L-Aġenzija, fuq talba tal-Parlament Ewropew, tal-Kunsill jew tal-Kummissjoni, sakemm ir-riżorsi finanzjarji u umani tagħha jkunu jippermettu hekk, tista’ taħdem barra mill-oqsma tematiċi determinati mill-Qafas Pluriennali, skond l-Artikolu 5(3) tar-Regolament (KE) Nru 168/2007,

(a)

ir-razziżmu, il-ksenofobija u l-intolleranza relatata;

(b)

id-diskriminazzjoni bbażata fuq is-sess, ir-razza jew l-oriġini etnika, ir-reliġjon jew it-twemmin, id-diżabbiltà, l-età jew l-orjentazzjoni sesswali jew immirata lejn persuni li jappartjenu għal minoranzi u kwalunkwe kombinazzjoni ta’ dawn ir-raġunijiet (diskriminazzjoni multipla);

(c)

il-kumpens lill-vittmi;

(d)

id-drittijiet tat-tfal inkluża l-protezzjoni tat-tfal;

(e)

l-asil, l-immigrazzjoni u l-integrazzjoni ta’ l-immigranti;

(f)

il-viżi u l-kontroll tal-fruntieri;

(g)

il-parteċipazzjoni taċ-ċittadini ta’ l-Unjoni fil-funzjonament demokratiku ta’ l-Unjoni;

(h)

is-soċjetà ta’ l-informazzjoni u, b’mod partikolari r-rispett għall-ħajja privata u l-protezzjoni tad-data personali;

(i)

l-aċċess għal ġustizzja effiċjenti u indipendenti.

7.3.2008   

MT

Il-Ġurnal Uffiċjali ta’ l-Unjoni Ewropea

L 63/16

(1)

Fil-21 ta’ Diċembru 2005, Franza ppreżentat lill-Kummissjoni ħarsa ġenerali ta’ l-abbozz għal riforma tal-metodu ta’ finanzjament għall-pensjonijiet ta’ l-uffiċjali tas-servizz pubbliku impjegati ma’ La Poste.

(2)

Fit-2 ta’ Marzu 2006, Franza bagħtet abbozz ta’ notifika tar-riforma permezz ta’ email. Laqgħa ta’ prenotifikazzjoni saret fid-29 ta’ Marzu 2006, li matulha l-Kummissjoni enfasizzat li l-abbozz tan-notifika kien pjuttost inkomplet u indikat l-elementi li kienu neqsin. Fis-7 ta’ Aril 2006, Franza pprovdiet lill-Kummissjoni parti mill-informazzjoni nieqsa.

(3)

Fit-23 ta’ Ġunju 2006, Franza nnotifikat lill-Kummissjoni bir-riforma tal-metodu ta’ finanzjament għall-irtirar ta’ uffiċjali tas-servizz pubbliku impjegati ma’ La Poste (“ir-Riforma”) skond il-paragrafu 3 ta’ l-Artikolu 88, tat-Trattat, fejn indikat li hi tikkunsidra li r-riforma deskritta permezz tan-notifika ma tinkludi l-ebda element ta’ għajnuna mill-Istat fis-sens tal-paragrafu 1 ta’ l-Artikolu 87 tat-Trattat.

(4)

Fl-20 ta’ Lulju 2006, il-Kummissjoni bagħtet talba ta’ informazzjoni komplementari lill-Franza, bbażata kemm fuq ir-riforma notifikata u kemm fuq miżuri eventwali ta’ kumpens li minnhom La Poste setgħet tibbenefika fil-passat. Franza bagħtet ir-risposta tagħha fis-17 ta’ Awwissu 2006.

(5)

Permezz ta’ ittra tat-12 ta’ Ottubru 2006, il-Kummissjoni infurmat lil Franza bid-deċiżjoni tagħha li tibda l-proċedura stipulata fil-paragrafu 2 ta’ l-Artikolu 88 tat-Trattat fir-rigward tal-miżuri marbuta mar-riforma tal-metodu ta’ finanzjament għall-irtirar ta’ uffiċjali tas-servizz pubbliku impjegati ma’ La Poste.

(6)

Franza ppreżentat l-osservazzjonijiet tagħha permezz ta’ ittra ta’ l-14 ta’ Diċembru 2006.

(7)

Id-deċiżjoni ta-Kummissjoni li tibda l-proċedura ġiet ippubblikata fil-Ġurnal Uffiċjali ta’ l-Unjoni Ewropea  (2). Il-Kummissjoni stiednet lill-partijiet interessati sabiex jippreżentaw l-osservazzjonijiet tagħhom dwar il-miżuri in kwistjoni.

(8)

Il-Kummissjoni rċeviet osservazzjonijiet minn […] (*), li kienu ntbagħtu lil Franza. Il-kummenti ta’ Franza dwar dan is-suġġett waslu fis-27 ta’ Frar 2007.

(9)

Il-Kummissjoni bagħtet mistoqsijiet komplementari lil Franza fit-12 ta’ Marzu 2007 u fit-30 ta’ Mejju 2007. Ir-risposti ta’ Franza waslu fis-27 ta’ April 2007 u fit-8 ta’ Ġunju 2007 rispettivament.

(10)

L-għan tal-politika Komunitarja fis-settur tal-posta huwa li jinkiseb is-suq intern tas-servizzi postali u li jiġi garantit, permezz ta’ qafas regolamentari adattat, li ċ-ċittadini kollha tal-Komunità jkunu jistgħu jibbenefikaw minn servizzi postali effikaċi, affidabbli u ta’ kwalità tajba, u dan bi prezzijiet xierqa, fit-territorju kollu tagħha. Minħabba l-importanza li għandhom is-servizzi postali kemm għall-prosperità ekonomika u kemm għall-koeżjoni u għal benesseri soċjali tal-Komunità, dan huwa qasam ta’ azzjoni prijoritarju tal-Komunità.

(11)

Dawn l-għanijiet Komunitarji fil-qasam tas-servizzi postali ġew inklużi fid-liġi Komunitarja permezz ta’ direttiva qafas dwar is-servizzi postali, id-Direttiva 97/67/KE tal-Parlament Ewropew u tal-Kunsill tal-15 ta’ Diċembru 1997 rigward ir-regoli komuni għall-iżvilupp tas-suq intern tas-servizzi postali tal-Komunità u t-titjib tal-kwalità tas-servizz (3), li stabbiliet qafas regolamentari komplet tas-servizzi postali Komunitarji.

(12)

Id-Direttiva 97/67/KE, kif emendata mid-Direttiva 2002/39/KE (4), tiddefinixxi l-istadji li ġejjin tal-proċess tal-bidu progressiv u kkontrollat tas-suq u tillimita s-setturi tas-servizzi li jistgħu jiġu riservati. Skond id-Direttiva 97/67/KE, l-Istati Membri jistgħu jeskludu l-konsenji ta’ korrispondenza mill-applikazzjoni tar-regoli ta’ kompetizzjoni:

(13)

F’Ottubru 2006, il-Kummissjoni fformolat proposta (5) biex tiftaħ kompletament is-swieq postali tal-Komunità għall-kompetizzjoni sa l-2009, skond l-iskadenza indikata fid-Direttiva 97/67/KE.

(14)

Fi Franza, is-servizz postali universali huwa definit bħala grupp li jiġbor lis-settur riservat (konsenji ta’ korrispondenza nazzjonali u internazzjonali, inkluż posta diretta, bil-limiti ta’ piż/prezz stipulati mid-Direttiva 97/67/KE) u, fuq il-pjanijiet nazzjonali u internazzjonali, offerta ta’ servizz nazzjonali u internazzjonali ta’ konsenja ta’ pakketti b’piż inferjuri għal jew ugwali għal 20 kg, it-total tal-ġurnali u s-servizzi ta’ posta rreġistrata, ta’ valur iddikjarat u ta’ konsenja mill-ġdid.

(15)

Karatteristika tas-suq Franċiż hija l-importanza tal-kompetizzjoni fil-bidu (bħal “worksharing”). F’attivitajiet li qed jibdew, il-kompetizzjoni tiżviluppa, partikolarment minħabba azzjonijiet immexxija minn operaturi tas-settur tal-gazzetti, kemm fuq attivitajiet ta’ ittri mhux indirizzati u kemm ta’ ittri indirizzati. Fil-konsenji kbar, l-operaturi lokali huma attivi fil-bliet kbar għal ittri ta’ aktar minn 50 g. Fl-aħħarnett, il-posta express u l-pakketti (“parcels”) huma swieq liberalizzati, li fuqhom jikkompetu operaturi internazzjonali u nazzjonali (6).

(16)

Il-liġi Franċiża Nru 90-568 tat-2 ta’ Lulju 1990 rigward l-organizzazzjoni tas-servizz pubbliku tal-posta u tat-telekomunikazzjoni (minn issa 'l quddiem “il-liġi ta’ l-1990”) biddlet id-direzzjoni ġenerali antika tat-telekomunikazzjoni bejn żewġ persuni ġuridiċi ta’ dritt pubbliku: La Poste u France Telecom.

(17)

Sa minn l-1 ta’ Jannar 1991, il-posta hija operatur awtonomu tad-dritt pubbliku. Fil-qafas ta’ pjan strateġiku ma’ l-Istat, La Poste teżerċita l-attivitajiet tagħha fil-qasam ta’ l-ittri, tal-pakketti express, ta’ servizzi finanzjarji u l-pubbliku ġenerali.

(18)

La Poste u l-fergħat tagħha jikkostitwixxu grupp pubbliku li jissodisfa, fil-kundizzjonijiet definiti mit-testi li jsostnu kull wieħed mil-oqsma ta’ attività, missjonijiet ta’ interess ekonomiku ġenerali u jeżerċita attivitajiet ta’ kompetizzjoni.

(19)

Fl-applikazzjoni tad-Direttiva 97/67/KE, La Poste nħatret mil-liġi Nru 99-533 tal-25 ta’ Ġunju 1999 ta’ orjentament għat-tmexxija u l-iżvilupp sostenibbli tat-territorju bħala l-fornitur tas-servizz postali universali fi Franza. Din tassigura, fir-relazzjonijiet interni u internazzjonali, is-servizz pubbliku ta’ konsenji ta’ posta, li jinkludi s-servizz postali universali, u partikolarment is-servizz pubbliku ta’ trasport u tad-distribuzzjoni tal-ġurnali li jibbenefika minn sistema speċifika stipulata mill-kodiċi tal-posta u tal-komunikazzjoni elettronika. Din tassigura wkoll kull servizz ieħor ta’ ġbir, ta’ għażla, ta’ trasport u ta’ distribuzzjoni ta’ konsenji tal-posta, ta’ kull forma ta’ ittri, oġġetti u merkanzija. Din teżerċita l-attivitajiet finanzjarji tagħha skond il-kundizzjonijiet stipulati fl-Artikolu L. 518-25 tal-kodiċi monetarju u finanzjarju.

(20)

Id-dħul ta’ La Poste jinqasam kif ġej (sors: rapport ta’ l-attività tal-grupp La Poste, 2005):

(21)

Il-klijentela ta’ La Poste tinqasam bejn intrapriżi, li magħhom twettaq 90 % ta’ l-attivitajiet tagħha ta’ posta u pakketti/express, u l-klijienti individwali, li jirrappreżentaw l-10 % li baqa' tad-dħul minn dan ix-xogħol. Fir-rigward tas-servizzi finanzjarji, is-sitwazzjoni hija bil-kontra, fejn il-klijenti individwali jirrappreżentaw 95 % tad-dħul nett bankarju.

(22)

Il-persunal ta’ La Poste għandhom żewġ stati differenti ta’ impjieg:

(23)

Il-ħaddiema ta’ La Poste tinqasam kif ġej (sors: rapport finanzjarju tal-grupp ta’ La Poste, 2005):

(24)

Mill-1990, La Poste progressivament waqfet milli timpjega uffiċjali tas-servizz pubbliku u bdiet timpjega biss impjegati tas-settur privat. Fil-fatt, La Poste bdiet proċess gradwali ta’ bidla fl-istat tal-persunal, fil-limiti imposti mir-rispett ta’ l-istat ta’ l-uffiċjali tas-servizz pubbliku u l-obbligi legali, billi bdiet timpjega impjegati tas-settur privat minflok l-uffiċjali tas-servizz pubbliku li kienu qed jirtiraw. Matul is-snin ta’ wara, li ser ikunu karatterizzati min-numru kbir ta’ uffiċjali li jirtiraw, La Poste tipprevedi li tkun tista’ tkompli timpjega impjegati tas-servizz privat minflok dawn l-uffiċjali.

(25)

L-iskema ta’ pensjoni applikabbli għall-uffiċjali tas-servizz pubbliku hija organizzata mill-kodiċi tal-pensjonijiet ċivili u militari ta’ l-irtirar.

(26)

Skond il-Qorti ta’ l-Awdituri (7), din l-iskema tinkludi rata mis-salarju mnaqqsa għall-pensjoni (7,85 %) kif ukoll rata ta’ kontribuzzjoni ta’ min iħaddem imħallsa mill-istabbilimenti pubbliċi li jimpjegaw uffiċjali tas-servizz pubbliku impjegati magħhom (33 %). Min-naħa l-oħra, ġuridikament ma teżistix rata ta’ kontribuzzjoni “ta’ min iħaddem” għall-uffiċjali tas-servizz pubbliku. L-Istat huwa responsabbli għall-ispejjeż tal-pensjoni (wara li jiddaħħlu l-irċevuti li jiġu mit-tnaqqis tas-salarji); tqabbil ta’ dawn l-ispejjez mis-somma tal-pagi mogħtija lill-impjegati madankollu tippermetti li tiġi kkalkulata r-rata ta’ kontribuzzjoni “ta’ min iħaddem” kwalifikata ta’ spiss b’mod impliċitu (8). Għall-2003, skond il-valutazzjoni tal-Ministru għall-Ekonomija, il-Finanzi u l-Industrija, ir-rata ta’ kontribuzzjoni impliċita li minnha huwa responsabbli l-Istat li jimpjega kienet titla' għal 51,9 %, li minnhom 44,7 % għal persunal ċivili u 91,8 % għal persunal tal-militar, jiġifieri, meta wieħed jitkellem dwar uffiċjali ċivili, rata ta’ aktar minn tliet darbiet aktar minn dik li tirriżulta mir-regolamentazzjoni u mill-ftehim kollettiv applikabbli għas-salarji tas-settur privat (9).

(27)

L-uffiċjali tas-servizz pubbliku fis-servizz ma’ La Poste huma parti mis-servizz pubbliku. Għalhekk, u skond l-Artikolu 20 tal-liġi Nru 83-634 tat-13 ta’ Lulju 1983 li tagħti d-drittijiet u l-obbligi ta’ l-uffiċjali tas-servizz pubbliku, dawn jaqgħu taħt l-iskema ta’ l-irtirar ta’ l-impjegati taċ-ċivil u militari ta’ l-Istat, li hija organizzata mill-kodiċi tal-pensjonijiet ta’ l-irtirar għaċ-ċivil u l-militar. L-uffiċjali tas-servizz pubbliku impjegati ma’ La Poste ma jibbenefikaw minn ebda vantaġġ speċifiku fil-qasam ta’ l-irtirar meta mqabbla ma’ uffiċjali oħra mas-servizz pubbliku. Barra minn dan, La Poste ma tipparteċipa fl-eda skema speċjali ta’ intrapriża jew ta’ fergħa, b’differenza ta’ l-operaturi pubbliċi l-oħra.

(28)

Skond l-Artikolu 30 tal-liġi ta’ l-1990 (10), l-Istat ġuridikament jiggarantixxi l-istat ta’ uffiċjali tas-servizz pubbliku lil dawk impjegati ma’ La Poste u jibqa' responsabbli li jħallas għall-pensjonijiet tagħhom. Il-ħlasijiet ta’ rtirar mogħtija lill-uffiċjali tas-servizz pubbliku, inkluż dawk impjegati ma’ La Poste (11), jiġu vvutati kull sena fil-liġi tal-finanzi.

(29)

La Poste mhix responsabbli għad-deċiżjonijiet relattivi għall-iskema tal-pensjonijiet ta’ l-uffiċjali tas-servizz pubbliku impjegati magħha. Din m’għandha l-ebda influwenza la fuq l-ammont ta’ kontribuzzjonijiet imnaqqsa, u l-anqas fuq il-livell ta’ ħlasijiet mogħtija.

(30)

L-Artikolu 30 tal-liġi ta’ 1990 jistipula li La Poste għandha tassigura l-ekwilibriju finanzjarju ta’ l-iskema ta’ sigurtà soċjali għall-parti ta’ l-uffiċjali tas-servizz pubbliku impjegati magħha. Skond l-Artikolu msemmi, La Poste għalhekk għandha tkun responsabbli għall-finanzjament kollu tal-pensjonijiet mogħtija mill-Istat lill-uffiċjali tas-servizz pubbliku tagħha permezz tal-ħlas lura ta’ l-ammonti mħallsa mill-Istat (wara tnaqqis tal-kontribuzzjonijiet mogħtija mill-uffiċjali attivi):

“Min-naħa l-oħra, [La Poste (…) hija kostretta] li tħallas lit-Teżor:

(31)

Dan il-metodu ta’ finanzjament huwa deroga mid-dritt komuni. Fil-fatt, il-kontribuzzjoni “ta’ min iħaddem” ta’ La Poste hija inkluża fi skema bi “ħlasijiet definiti” minħabba li din timmira li tkopri l-ammont tal-pensjonijiet imħallsa kull sena mill-Istat, mingħajr ma tkun korrelata mal-bażi ta’ l-uffiċjali attivi li jħallsu kontribuzzjoni fi ħdan La Poste. B’differenza għal min joffri impjieg ta’ dritt komuni f’sistema permezz ta’ tqassim, La Poste ma tagħtix kontribuzzjoni ordinarja, imma ngħatat ir-responsabbiltà mil-liġi ta’ l-1990 li tibbilanċja l-iskema ta’ pensjonijiet għall-uffiċjali tagħha.

(32)

Il-“kuntratt ta’ għan u ta’ progress” li wassal għal pjan ta’ kuntratt bejn l-Istat u La Poste għall-perjodu 1998-2001, imtawwal għas-snin finanzjarji 2002 u 2003, u wara l-“kuntratt ta’ rendiment u ta’ konverġenza” għall-perjodu 2003-2007 stabbilixxew dan il-ħlas lura f’euro kostanti għal-livell ta’ l-1997 (minn issa 'l quddiem “il-limitu ta’ l-1998”). Il-parti tal-pensjonijiet imħallsa mill-Istat li mhix koperta la mill-kontribuzzjoni “ta’ min iħaddem” ta’ La Poste u l-anqas mill-ammont miżmum għal kull pensjoni ta’ l-uffiċjali tibqa' responsabbiltà ta’ l-Istat.

(33)

It-tabella t'hawn taħt tippreċiża, f’miljuni ta’ euro, il-ħlasijiet imħallsa minn La Poste lill-Istat sa mill-1998 (stabbiliti f’euro kostanti) u l-ħlasijiet ta’ l-Istat għall-pensjonijiet ta’ l-uffiċjali impjegati ma’ La Poste.

(34)

L-ammont totali tal-ħlas ta’ l-irtirar li tħallas mill-Istat bejn l-1998 u l-2005 għalhekk skond Franza jitla' għal madwar […] fit-30 ta’ Ġunju 2006.

(35)

L-obbligu ta’ bilanċ finanzjarju ta’ l-iskema li huwa responsabbiltà ta’ La Poste jinbidel, mingħajr ir-riforma, permezz ta’ l-inklużjoni ta’ impenn fir-rigward ta’ l-Istat li mhuwiex inkluż fil-karta tal-bilanċ ta’ La Poste, li jiddaħħal bħala proviżjoni fil-kontijiet meta wieħed jgħaddi għall-istandards IFRS (International Financial Reporting Standard, Standards Internazzjonali tar-Rapportar Finanzjarju), li jrid jintervjeni sa l-2007 l-aktar tard. Minħabba li La Poste kienet kumpanija pubblika imma ma kinitx ikkwotata, ġie deċiż li din tgħaddi għall-istandards IFRS wara l-pubblikazzjoni tal-kontijiet semestrali ta’ l-2007.

(36)

L-ammont ta’ impenji tad-drittijiet miksuba mill-uffiċjali fil-31 ta’ Diċembru 2005 inklużi fil-karta tal-bilanċ ta’ La Poste huwa ta’ 76 biljun euro (li minnhom 34 biljun jikkonċernaw id-drittijiet miksuba mill-uffiċjali attivi). Franza tqis li […] biljun euro jikkorrispondu għal drittijiet miksuba qabel ma nħolqot La Poste, jiġifieri fi żmien fejn l-attivitajiet prinċipali ta’ La Poste ma kinux għadhom infetħu għall-kompetizzjoni.

(37)

It-tnaqqis progressiv fl-impjegar ta’ uffiċjali mill-1990 (13) u ż-żieda fl-għomor tal-ħajja awtomatikament wasslu lil La Poste li mill-1990 jkollha tagħti ammont ta’ pensjonijiet (14) dejjem aktar importanti meta mqabbel mal-paga ta’ l-uffiċjali li jibqgħu jaħdmu ma’ La Poste.

(38)

L-Artikolu 76 tal-liġi Nru 2003-775 tal-21 ta’ Awwissu 2003 li ġab ir-riforma ta’ l-irtirar waqqaf RAFP (Retraite Additionnelle de la Fonction Publique – Pensjoni Addizzjonali tas-Servizz Pubbliku), skema pubblika ta’ rtirar addizzjonali obbligatorja sa mill-1 ta’ Jannar 2005. Din hija skema ta’ rtirar permezz ta’ tqassim maħsub u permezz ta’ punti, maħsuba li tippermetti l-kisba ta’ drittijiet għall-irtirar. L-iskema hija mmexxija minn stabbiliment pubbliku b’karattru amministrattiv taħt ir-responsabbiltà ta’ l-Istat u msejjħa “stabbiliment ta’ rtirar addizzjonali tas-servizz pubbliku”.

(39)

La Poste tikkontribwixxi fl-RAFP għall-uffiċjali ta’ l-Istat li huma impjegati magħha u kull xahar tħallas il-kontribuzzjonijiet għall-ħolqien ta’ l-iskema ta’ rtirar addizzjonali mis-servizz pubbliku li din għandha tagħti billi tħaddem in-nies magħha u l-kontribuzzjonijiet ta’ l-uffiċjali li din tieħu direttament mir-remunerazzjoni tagħhom. Il-kontribuzzjonijiet ta’ “min iħaddem” ta’ La Poste imħallsa skond l-RAFP mhumiex obbligatorji.

(40)

Bħall-uffiċjali tas-servizz pubbliku l-oħra kollha ta’ l-Istat, l-uffiċjali impjegati ma’ La Poste jistgħu jibbenefikaw minn arranġamenti ta’ rtirar kmieni stabbiliti għall-uffiċjali: il-waqfien progressiv ta’ l-attività u tmiem il-karriera.

(41)

In-nefqa għal dawn l-arranġamenti ta’ rtirar kmieni hija sostnuta totalment milLa Poste għall-uffiċjali impjegati magħha. Għalhekk ġie mdaħħal ammont proviżorju fil-kontijiet għall-uffiċjali li għażlu li jżommu wieħed mill-arranġamenti ta’ rtirar kmieni.

(42)

Il-bażijiet ġuridiċi fid-dritt intern tar-riforma tal-mudell ta’ finanzjament attwali tal-pensjonijiet ta’ l-uffiċjali mas-servizz pubbliku impjegati ma’ La Poste ser jiġu kostitwiti mill-modifika ta’ l-Artikolu 30 tal-liġi ta’ l-1990 u ta’ l-ispeċifikazzjonijiet ta’ La Poste approvati mid-digriet Nru 90-1214 tad-29 ta’ Diċembru 1990. L-Artikolu 46 ta’ dawn l-ispeċifikazzjonijiet jipprevedi partikolarment it-termini ta’ kif La Poste ser tħallas lura lill-Istat l-ispejjeż tal-pensjoni li huma responsabbiltà tagħha skond il-liġi ta’ l-1990.

(43)

Il-bidla tar-riforma fi dritt intern tinkludi, minbarra l-modifika ta’ dawn iż-żewġ testi, l-preċiżjoni tat-termini ta’ għażla tal-ħlas tal-kontribuzzjoni “ta’ min iħaddem” b’mod liberatorju li ser tkun responsabbli għalih La Poste minflok il-ħlas lura ta’ l-ispejjeż ta’ pensjoni lill-Istat.

(44)

Id-dispożizzjonijiet leġiżlattivi, li kienu ġew trażmessi bħala abbozz lill-Kummissjoni bħala anness għall-osservazzjonijiet ta’ Franza relattivi għad-deċiżjoni tal-bidu tal-proċedura, ġew adottati mingħajr modifika mill-Parlament u llum jikkostitwixxu l-Artikolu 150 tal-liġi tal-finanzi bħala ratifika għall-2006 (15).

(45)

Dawn id-dispożizzjonijiet f’dan l-istadju għandhom l-effet prinċipali li jagħtu karattru liberatorju lill-kontribuzzjoni “ta’ min iħaddem” imħallsa milLa Poste.

(46)

L-Artikolu 150 tal-liġi ta’ rettifika tal-finanzi għall-2006 jipprevedi wkoll il-prinċipju ta’ rata ta’ ekwità tal-kompetizzjoni (“TEC”) u jawtorizza li jinħareġ digriet li jiffissa t-termini ta’ kalkolazzjoni u ta’ ħlas tal-kontribuzzjoni “ta’ min iħaddem”. Dan id-digriet ġie ppubblikat fit-2 ta’ Jannar 2007 (16). L-Artikolu 150 imsemmi jemenda wkoll il-fluss finanzjarju, il-kontribuzzjoni li issa ġejja mill-istabbiliment pubbliku nazzjonali ta’ finanzjament ta’ l-irtirar ta’ La Poste (17) u dan ma jitħallasx aktar direttament lill-Istat.

(47)

Il-filosofija tar-riforma notifikata tikkonsisti fil-parti l-kbira, skond Franza, fis-sostituzzjoni tal-kontribuzzjoni attwali ta’ La Poste għal kontribuzzjoni analoga għal kontribuzzjoni li tallinja l-ispejjeż ta’ l-irtirar imħallsa minn La Poste ma’ dawk tal-kompetituri tagħha u li jkollha karattru liberatorju.

(48)

Ir-riforma tipprevedi li La Poste mill-2006 ser twaqqaf kontribuzzjoni “ta’ min iħaddem” b’karattru liberatorju bbażata fuq TEC. Din hija kkalkulata b’mod li jqabbel il-livelli ta’ l-ispejjeż soċjali u fiskali obbligatorji, stabbiliti fuq is-salarji, bejn La Poste u l-intrapriżi l-oħra tas-settur tat-trasport u tas-settur bankarju li jiġu mid-dritt komuni tas-servizzi soċjali. Inizjalment, Franza kienet qed tippjana li tapplika l-kalkolu biss għar-riskji li huma komuni għall-impjegati b’salarju ta’ l-intrapriżi privati u għall-uffiċjali tas-servizz pubbliku (18).

(49)

Minħabba li l-bażi ta’ assessjar u r-rati ta’ kontribuzzjoni huma differenti għall-uffiċjali mas-servizz pubbliku u għall-impjegati tas-settur privat, u minħabba li l-kontribuzzjonijiet jistgħu jvarjaw xi ftit minn settur ekonomiku għall-ieħor, il-metodu ta’ ekwità huwa bbażat fuq rikostruzzjoni.

(50)

Hekk kif kien spjegat fid-deċiżjoni tal-bidu tal-proċedura, il-kalkolazzjoni tibda minn rikostruzzjoni ta’ dak li ser tkun in-nefqa għas-salarji ta’ kompetitur li jimpjega persuni b’salarju sottoposti għad-dritt komuni tal-kontribuzzjonijiet soċjali (inkluż il-pensjoni), fil-waqt li jassiguralhom salarju nett ugwali għal dak ta’ l-uffiċjali ta’ La Poste, u li għandu struttura ta’ impjieg u portafoll ta’ attivitajiet identiċi.

(51)

Il-kontribuzzjoni mhux obbligatorja li ser titħallas minn La Poste lill-Istat wara r-riforma hija ugwali għad-differenza bejn in-nefqa għas-salarji rikostitwita b’dan il-mod u n-nefqa għas-salarji reali ta’ l-uffiċjali (minbarra l-irtirar). Il-kontribuzzjoni kkalkolata b’dan il-mod ser tissostitwixxi l-kontribuzzjoni ta’ La Poste prevista fl-Artikolu 30 tal-liġi ta’ l-1990. Din ser titħallas minn La Poste lil stabbiliment pubbliku ta’ amministrazzjoni.

(52)

Meta mqabbla mas-salarji grossi ta’ indiċi (19) ta’ l-uffiċjali fis-servizz ta’ La Poste, din il-kontribuzzjoni tiddetermina r-rata ta’ kontribuzzjoni ta’ La Poste, imsejħa rata ta’ ekwità tal-kompetizzjoni (“TEC”). Din il-kontribuzzjoni ser tiġi kkalkolata kull sena sabiex jinżamm rendikont ta’ l-evoluzzjoni reali tar-remunerazzjoni ta’ l-uffiċjali impjegati ma’ La Poste u ta’ l-evoluzzjonijiet li ser jintervjenu fil-livelli ta’ l-ispejjeż soċjali u fiskali obbligatorji tad-dritt komuni.

(53)

Il-metodu għall-kalkolazzjoni tal-kontribuzzjoni liberatorja ta’ La Poste għalhekk hija bbażata fuq ekwità fil-livell tal-kontribuzzjonijiet soċjali u fiskali obbligatorji bbażati fuq is-salarji bejn La Poste u l-intrapriżi l-oħra tas-setturi tat-trasport u tal-bank skond id-dritt komuni. Dan il-metodu għalhekk ma jiżgurax l-ugwaljanza ta’ l-ispejjeż globali tas-salarji (salarji u kontribuzzjonijiet).

(54)

It-terminu l-ġdid tal-kalkolazzjoni tal-kontribuzzjoni ta’ La Poste m’għandhux effett fuq is-sitwazzjoni individwali ta’ l-uffiċjali impjegati ma’ La Poste, kemm jekk wieħed jitkellem dwar id-drittijiet tagħhom għall-pensjoni, tal-kontribuzzjonijiet tagħhom jew ta’ l-istat tagħhom.

(55)

Minħabba li La Poste hija attiva fiż-żewġ setturi, is-settur tal-posta u tal-bank, li fihom il-kontribuzzjonijiet “ta’ min iħaddem” ta’ dritt komuni huma differenti, fil-prattika ser jiġu kkalkolati żewġ TEC:

(56)

Jista’ jiġi kkalkolat TEC globali kull sena bħala medja meqjusa taż-żewġ rati, fejn il-kalkolazzjoni ssir fuq il-bażi tat-total tas-salarji grossi ta’ indiċi li jikkorrispondu għal kull wieħed miż-żewġ gruppi. Fuq il-bażi ta’ l-informazzjoni ta’ l-2005, it-TEC globali huwa inizjalment stmat għal 37,2 % tat-total tas-salarji grossi ta’ indiċi ta’ La Poste.

(57)

L-applikazzjoni tat-TEC hekk kif definit hawn fuq ser iseħħ bil-mod, fit-tmiem ta’ perjodu ta’ tranżizzjoni ta’ erba’ snin. Fl-2006, il-kontribuzzjoni liberatorju ta’ La Poste ser tiġi ffissata b’mod li jinkiseb livell ta’ kontribuzzjoni f’eur ekwivalenti għal dak li jiġi mill-arranġament attwali (attwalment stmat għal madwar […]% tat-total tas-salarji grossi ta’ indiċi). Għas-snin bejn l-2007 u l-2009, ir-rata ta’ kontribuzzjoni ser tiġi ffissata biż-żieda ta’ kontribuzzjoni żejda temporanja mat-TEC iffissata għal […]% tat-total tas-salarji grossi ta’ indiċi fl-2007, […]% fl-2008, u […]% fl-2009. Din il-kontribuzzjoni komplementarja ser titwaqqaf mill-2010.

(58)

Meta jitqies dan l-arranġament, l-evoluzzjoni tat-TEC inizjali globali (21) applikabbli matul il-perjodu ta’ tranżizzjoni għandha tkun kif ġej (stima skond l-informazzjoni ta’ l-2005):

(59)

Fid-29 ta’ Diċembru 2006, La Poste ħallset kontribuzzjoni fissa eċċezzjonali ta’ 2 biljun euro (22) lill-istabbiliment pubbliku nazzjonali ta’ finanzjament għall-irtirar ta’ La Poste. Din il-kontribuzzjoni tħallset darba fl-2006.

(60)

Il-prinċipju u l-ammont ta’ din il-kontribuzzjoni ġew iffissati fil-qafas ta’ negozjati bejn l-Istat u La Poste. L-ammont jirriżulta minn arbitraġġ bejn il-bżonnijiet tal-baġit immedjati ta’ l-Istat u l-kapaċità ta’ kontribuzzjoni ta’ La Poste. […]

(61)

L-entitajiet differenti tal-grupp La Poste jikkontribwixxu għall-ħlas tal-kontribuzzjoni fissa eċċezzjonali skond it-total tas-salarji ta’ l-uffiċjali impjegati direttament magħhom, skond it-tabella li ġejja:

(62)

Skond Franza, responsabbiltà ta’ l-iskema ta’ pensjonijiet ta’ l-uffiċjali impjegati ma’ La Poste fl-iskemi ta’ dritt komuni jikkostitwixxi għażla għall-Istat. F’dan l-istadju, ma saru l-ebda negozjati ma’ l-iskemi ġenerali ta’ rtirar, anke jekk Franza għandha l-intenzjoni li tibda tali negozjati malajr kemm jista’ jkun.

(63)

Fit-tmiem ta’ l-eżami preliminari tagħha, il-Kummissjoni l-ewwelnett immutat li r-riforma nnotifikata tillibera lil La Poste mill-ispejjeż li kellha tassumi skond il-liġi ta’ l-1990. Il-Kummissjoni għalhekk staqsiet jekk l-ispejjeż ta’ La Poste li huma s-suġġett għal tnaqqis jikkorrispondux fit-total għal spiża “anomala” fis-sens tal-ġurisprudenza Komunitarja. Partikolarment, fid-deċiżjoni Combus  (24), il-Qorti tal-Prim’Istanza tal-Komunitajiet Ewropej jidher li jqis bħala spejjeż “anomali” l-ispejjeż li jirriżultaw minn stat ta’ deroga tal-persunal ta’ intrapriża li, wara riforma, issib ruħha f’sitwazzjoni ta’ dritt komuni, għalhekk identika għall-kompetituri tagħha, jiġifieri mill-ġestjoni tal-persunal tagħha (25). Madankollu, b’mod ġenerali, Franza ma adottat l-ebda arranġament leġiżlattiv li jistipula t-tneħħija jew il-modifika ta’ l-iskema speċjali ta’ impjieg ta’ l-uffiċjali impjegati ma’ La Poste u l-metodu tal-kisba tad-drittijiet għall-irtirar tagħhom.

(64)

Wara, Franza ppretendiet li r-riforma kienet maħsuba biex tallinja progressivament l-ispejjeż imħallsa minn La Poste minħabba l-pensjonijiet ta’ l-irtirar imħallsa lill-uffiċjali impjegati ma’ La Poste ma’ dawk tal-kompetituri tagħha. Il-Kummissjoni esprimiet dubji fir-rigward tal-karattru effettiv ta’ l-ekwità tal-kompetizzjoni wara l-implimentazzjoni tar-riforma.

(65)

Fl-aħħarnett, skond Franza, La Poste fil-passat qatt ma bbenefikat minn miżuri oħra ta’ kumpens li, fil-mument li jingħataw, kienu jkunu maħsuba biex jinnewtralizzaw l-effetti ta’ l-ispejjeż addizzjonali imposti mill-iskema ad hoc ta’ La Poste għall-finanzjament ta’ l-irtirar ta’ l-uffiċjali. Madankollu, sa mill-1998, La Poste ma tħallasx lura lill-Istat għan-nefqa totali ta’ l-irtirar imħallsa lill-uffiċjali, kuntrarju għall-obbligu li jiġi mill-Artikolu 30 tal-liġi ta’ l-1990.

(66)

B’kunsiderazzjoni għall-punti preċedenti, il-Kummissjoni ma setgħetx teskludi f’dan l-istadju li l-miżuri ma kienu jagħtu l-ebda vantaġġ ekonomiku lil La Poste u ma kienu jinkludu l-ebda element ta’ għajnuna mill-Istat.

(67)

Il-Kummissjoni staqsiet lilha nnifisha dwar il-punt li tkun taf li, fl-ipoteżi fejn il-miżuri msemmija kienu jikkostitwixxu għajnuna mill-Istat, dawn il-miżuri setgħu jiġu ddikjarati bħala kompatibbli skond id-derogi previsti mill-punt c) tal-paragrafu 3 ta’ l-Artikolu 87 tat-Trattat.

(68)

Fil-passat, il-Kummissjoni awtorizzat miżuri ta’ għajnuna mill-Istat li jnaqqsu mill-obbligi ta’ pensjonijiet speċifiċi fuq intrapriżi għal settur li kien jeċċedi dawk li jirriżultaw mill-iskema ġenerali ta’ l-irtirar u li kienu ġew definiti matul perjodu ta’ monopolju (26). Il-miżuri li huma suġġett ta’ din id-deċiżjoni għandhom l-għan li jallinjaw pregressivament l-ispejjeż imħallsa minn La Poste minħabba l-pensjonijiet ta’ l-irtirar għall-uffiċjali impjegati ma’ La Poste fuq l-ispejjeż ta’ l-irtirar tal-kompetituri tagħha. Madankollu, il-Kummissjoni f’dan l-istadju ma kinitx f’pożizzjoni li tikkonkludi li La Poste kienet tinsab fil-fatt f’sitwazzjoni li tista’ titqabbel ma’ dik tal-kompetituri tagħha, li kien jippermetti li juri li l-għajnuna kienet neċessarja sabiex tgawdi bis-sħiħ il-benefiċċji tal-liberalizzazzjoni tas-suq tas-servizzi tal-posta.

(69)

Franza ma invokatx il-paragrafu 2 ta’ l-Artikolu 86 tat-Trattat matul il-proċedura.

(70)

Żewġ partijiet interessati ppreżentaw osservazzjonijiet komuni fil-qafas tal-proċedura: […].

(71)

[…].

(72)

Il-miżuri stipulati mid-deċiżjoni tal-bidu tal-proċedura jqajjmu l-mistoqsija bażika li wieħed għandu jkun jaf jekk l-impjieg ta’ uffiċjali jikkostitwix spiża “anomala” li l-eżenzjoni tagħha ma tikkostitwix għajnuna mill-Istat.

(73)

L-ewwelnett, […] jikkonfermaw li d-deċiżjoni Combus ma tapplikax f’dan il-każ. Kien hemm diversi elementi li jiddifferenzjaw il-każ ta’ La Poste minn dak ta’ Combus. Għalhekk, ir-riforma maħsuba ma kinitx toħnoq il-possibbiltà għal La Poste li timpjega uffiċjali; in-nuqqas ta’ għajnuna fil-każ Combus kien jiddependi l-aktar mill-fatt li l-ispiża ma kinitx ser titħallas mill-persunal ta’ Combus; fl-aħħarnett, il-kuntest tal-kompetizzjoni kien totalment differenti, minħabba li La Poste tgawdi drittijiet esklussivi.

(74)

It-tieninett, l-apprezzament tal-karattru “anomalu” ta’ l-ispiża relattiva għall-impjieg ta’ l-uffiċjali jitlob li jiġu kkalkulati l-vantaġġi (27) u l-iżvantaġġi kollha marbuta ma’ l-impjieg ta’ l-impjegati msemmija.

(75)

It-tieletnett, il-miżuri in kwistjoni ma jkunux kompatibbli mal-punt c) tal-paragrafu 3 ta’ l-Artikolu 87 tat-Trattat minħabba li dawn ma jiffavorixxux il-kompetizzjoni.

(76)

B’mod partikolari, il-kundizzjonijiet stretti tar-riforma ta’ l-iskema ta’ rtirar ta’ EDF/GDF, hekk kif deskritti fid-deċiżjoni 2005/145/KE, ma jiġux irrispettati minħabba li, min-naħa r-riforma ser tillimita l-kapaċità tal-kompetituri biex jiżviluppaw fuq is-swieq fejn topera La Poste minflok ma twaqqa' l-barrieri għad-dħul, u, min-naħa l-oħra, ma jkunx hemm proporzjonalità fir-riforma, Franza ma wrietx li l-miżuri in kwistjoni se jkunu ta’ anqas ħsara għall-kompetizzjoni.

(77)

Barra minn dan, ir-riforma ma kinitx ser tkun ekwitabbli għax din ma kinitx tinkludi r-riskju ta’ qagħad fil-lista ta’ riskji komuni, ma kinitx ser tinkludi fil-kontabilità l-vantaġġi tal-kompetizzjoni mogħtija lil intrapriża li kienet ibbenefikat minn drittijiet esklussivi, kienet tistabbilixxi kriterju ta’ allokazzjoni suġġettiv favur La Posta, u ma kinitx tikkunsidra l-miżuri ta’ kumpens li kienet ibbenefikat minnhom La Poste fil-passat (28).

(78)

L-ebda osservazzjoni oħra ma waslet fiż-żmien iffissat mid-deċiżjoni tal-bidu ta-proċedura. Il-Kummissjoni ma tawlitx dan iż-żmien minħabba li din stmat li l-ebda każ iġġustifikat fis-sens tal-paragrafu 1 ta’ l-Artikolu 6 tar-Regolament (KE) Nru 659/1999 tal-Kunsill tat-22 ta’ Marzu 1999 rigward it-termin ita’ l-applikazzjoni ta’ l-Artikolu 93 tat-Trattat KE (29) ma setax iwassal biex jittawwal dan iż-żmien.

(79)

Franza ppreżentat l-osservazzjonijiet tagħha fl-14 ta’ Diċembru 2006. Elementi komplementari ġew ippreżentati fis-27 ta’ April 2007 u t-8 ta’ Ġunju 2007 b’risposta għall-mistoqsijiet magħmula mill-Kummissjoni.

(80)

Franza tqis li turi li r-riforma maħsuba ma tinkludi l-ebda element ta’ għajnuna mill-Istat. Fil-fatt, il-metodu ta’ finanzjament attwali tal-pensjonijiet għall-uffiċjali impjegati ma’ La Poste, bħal dik organizzata mil-liġi tat-2 ta’ Lulju 1990, titfa' fuq La Poste spiża finanzjarja eżorbitanti ta’ dritt komuni, li tpoġġi lill-intrapriża f’sitwazzjoni ta’ żvantaġġ ta’ kompetizzjoni tassew importanti. Ir-riforma maħsuba tistipula biss biex tnaqqas l-iżvantaġġ tal-kompetizzjoni li jirriżulta minn din l-iskema billi tallinja l-kundizzjonijiet ta’ finanzjament minn La Poste ta’ l-ispejjeż ta’ rtirar ta’ l-uffiċjali ma’ dawk applikabbli għall-intrapriżi privati għall-impjegati tagħhom tas-setturi li fihom La Poste teżerċita l-attivitajiet tagħha. It-tnaqqis ta’ spiża finanzjarja anomala bħal din imposta mill-Istat fuq La Poste ma tagħti l-ebda vantaġġ lil La Poste meta mqabbla mal-kompetituri tagħha.

(81)

L-ispejjeż ta’ l-irtirar li kellha toħroġ La Poste skond il-liġi ta’ l-1990 ma kienux parti mill-ispejjeż normali tagħha. Il-fatt biss li liġi ffissat skema partikolari għal intrapriża minnu nnifsu ma jistax jagħti karattru normali lil din l-iskema. Fil-fatt, l-apprezzamment tal-karattru “normali” ta’ spiża fis-sens tar-regoli Komunitarji dwar l-għajnuna mill-Istat huwa totalment mhux konness man-natura ta’ l-appoġġ ġuridiku tiegħu. Franza tfakkar l-argumenti esposti fin-notifika u tikkunsidra li l-obbligi ta’ deroga tad-dritt komuni maħluqa mil-liġi ta’ l-1990 ma jaqgħux fil-kategorija ta’ obbligi li jkunu parti mill-“ispejjeż normali” ta’ intrapriża, skond il-punt 63 tal-linji gwida Komunitarji dwar l-għajnuna mill-Istat għas-savataġġ u r-ristrutturazzjoni ta’ intrapriżi f’diffikultà (30) (“l-obbligi li intrapriża għandha tassumi minħabba l-leġiżlazzjoni tax-xogħol fejn il-ftehim kollettiv konklużi mat-trejdjunjins fil-qasam ta’ il-kumpens ta’ temma ta’ impjieg u/jew ta’ rtirar kmieni”).

(82)

Franza tikkuntesta l-interpretazzjoni tassew restrittiva tal-portata tas-sentenza Combus li ħadet il-Kummissjoni. Fil-fatt, skond ġurisprudenza kostanti tal-Qorti tal-Ġustizzja tal-Komunitajiet Ewropej u tal-Qorti tal-Prim’Istanza, l-idea ta’ għajnuna mill-Istat tapplika biss għal interventi mill-Istat li, taħt forom differenti, tnaqqas l-ispejjeż li normalment jtaqqlu l-baġit ta’ intrapriża, u li għalhekk ikunu suxxettibbli li tgħawweġ il-kompetizzjoni billi tagħti vantaġġ lill-intrapriża konċernata. Minn dan il-prinċipju toħroġ il-prattika ta’ teħid ta’ deċiżjoni tal-Kummissjoni u l-ġurisprudenza Komunitarja skond liema t-tneħħija ta’ żvantaġġ strutturali impost mill-Istat ma jikkostitwix vantaġġ suxxettibbli li jiġi kwalifikat bħala għajnuna, minħabba li dan jimmira biex jeħles lill-intrapriża minn spiża anomala u għalhekk jippermetti li tiġi stabbilita mill-ġdid l-ugwaljanza bejn il-kondizzjonijiet tal-kompetizzjoni. Dan il-prinċipju jiġi direttament mill-idea ta’ għajnuna mill-Istat hekk kif ippreċiżata mill-Qorti. Dan ġie magħruf u applikat mhux biss fis-sentenza Combus, imma wkoll f’diversi kwistjonijiet oħra msemmija fin-notifika, bħal Sabena/Swissair u Enirisorse  (31).

(83)

L-oġġezzjonijiet tal-Kummissjoni dwar iċ-ċirkostanzi differenti tas-sentenza Combus kellhom jitwarrbu. Min-naħa, fil-kwistjoni Combus, iċ-ċirkostanza li l-miżura in kwistjoni ħadet il-forma ta’ kumpens imħallas mill-Istat lill-uffiċjali minflok ma saret bidla fl-istat tagħhom kienet tfisser biss it-tneħħija ta’ spiża imħallsa b’mod anomalu minn La Poste minħabba li l-finanzjament ta’ l-irtirar ta’ l-uffiċjali neċessarjament irid ikollu miegħu bidla fl-istat ta’ dawn l-impjegati u mhux ta’ kumpens għal dawn ta’ l-aħħar. Skond il-metodu addottat mill-Qorti, il-mistoqsija hija li wieħed ikun jaf (i) jekk Combus kinitx fi żvantaġġ strutturali meta mqabbla mal-kompetituri tagħha (riżultat ta’ l-“istat privileġġjat u għolja ta’ l-uffiċjali”), u (ii) jekk l-intervent ta’ l-Istat jippermetti li jeħles lil Combus minn dan l-iżvantaġġ ta’ kompetizzjoni (speċjalment peremzz tal-bidla fl-istat tal-persunal flimkien mal-ħlas ta’ kumpens mill-Istat). Min-naħa l-oħra, Franza tikkunsidra li sostituzzjoni progressiva ta’ l-uffiċjali b’impjegati tas-settur privat fil-fatt ilu jseħħ fLa Poste sa mill-1990 fil-limiti imposti mil-liġi ta’ l-1990, bis-sostituzzjoni ta’ impjegati tas-settur privat minflok l-uffiċjali li jirtiraw u bil-waqfien progressiv milli timpjega l-uffiċjali. Din iċ-ċirkostanza għalhekk hija wkoll preżenti b’mod ġenerali. Barra minn dan, il-liġi ta’ l-1990 ġiet emendata f’Mejju 2005 sabiex twaqqaf ir-restrizzjonijiet biex timpjega impjegati tas-settur privat. Din tipprevedi prinċipju ġenerali ta’ impjieg għall-impjegati tas-settur privat billi tiddisponi li “La Poste tista’ timpjega, taħt l-iskema ta’ ftehim kollettiv, aġenti b’kuntratt, fil-qafas ta’ l-għażliet iffissati mill-kuntratt ta’ pjan.”

(84)

Franza tfakkar li La Poste fil-passat ma bbenefikat, partikolarment fil-mument tal-ħolqien ta’ La Poste fl-1990-1991, mill-ebda miżura ta’ kumpens li, fil-mument ta’ l-għotja tagħha, kienet maħsuba biex tinnewtralizza l-effetti ta’ l-ispiża strutturali anomala mħallsa minn La Poste u marbuta mal-finanzjament ta’ l-irtirar ta’ l-uffiċjali impjegati ma’ La Poste.

(85)

L-arranġament ta’ stabbilizzazzjoni fl-1998 jikkostitwixxi biss tnaqqis parzjali ta’ l-ispejjeż imħallsa b’mod anomalu minn La Poste. Dan il-mekkaniżmu għandu l-effett li jistabbilixxi l-ammonti grossi mħallsa minn La Poste lill-Istat għall-uffiċjali, imma dan m’għandu l-ebda inċidenza fuq it-tnaqqis tal-bażi ta’ l-uffiċjali attivi li jħallsu kontribuzzjoni.

(86)

L-arranġament stabbilit l-anqas ma reġa' poġġa f’dubju l-karattru eżorbitanti ta’ l-ispiża mħallsa minn La Poste skond il-liġi ta’ l-1990 minħabba li l-kontribuzzjoni ta’ La Poste tkompli tiġi minn skema ta’ “servizzi definiti” u ma tikkostitwix kontribuzzjoni liberatorja. L-arranġament ta’ stabbilizzazzjoni għalhekk la mmodifika l-prinċipju tar-reġistrazzjoni li mhix fil-karta tal-bilanċ ta’ La Poste ta’ l-impenji għall-pensjonijiet, la t-termini tal-kalkolazzjoni tagħha, u l-anqas l-obbligu li ssr proviżjoni għal dan l-impenn matul il-passaġġ għan-normi IFRS jekk l-arranġament kien inżamm.

(87)

Fl-aħħarnett, Franza tindka li, minbarra s-servizz postali universali, La Poste taffaċċja aktar spejjeż netti marbuta mas-servizzi ta’ interess ekonomiku ġenerali (SIEG) ta’ trasport u ta’ tqassim ta’ ġurnali, u ta’ l-amministrazzjoni tat-territorju. Il-kumpens anqas għal dawn iż-żewġ missjonijiet tilħaq madwar […] għal kull sena matul il-perjodu 2000-2005.

(88)

F’dak li jikkonċerna il-kwantifikazzjoni ta’ l-ispejjeż addizzjonali imposti mill-iskema ta’ deroga applikabbli għal La Poste għall-perjodu 1998-2005, La Poste wettqet kalkolazzjoni aktar preċiża ta’ data b’lura tat-TEC matul il-perjodu (32):

(89)

Għalhekk, l-istabbilizzazzjoni f’euro kostanti ta’ ħlas lura lill-Istat ta’ l-ispejjeż għall-irtirar ta’ l-uffiċjali kienet biss tikkumpensa parzjalment għal żvantaġġ strutturali u a fortiori ma tat l-ebda vantaġġ lil La Poste fir-rigward tal-kompetituri tagħha. Għalhekk din ma kinitx tikkonsisti f’għajnuna.

(90)

F’dak li jikkonċerna l-karattru effettiv ta’ l-ekwità tal-kompetizzjoni, Franza tikkuntesta it-tliet dubji mqajjma mid-deċiżjoni tal-bidu.

(91)

L-esklużjoni tar-riskju ta’ qagħad mill-kalkolazzjoni tat-TEC tkun ġustifikata l-ewwelnett mill-fatt li dan huwa riskju li l-uffiċjali mhumiex sottoposti għalih minħabba l-istat tagħhom. Min-naħa l-oħra, ikun paradossali li wieħed jimponi fuq La Poste l-pagament ta’ kontribuzzjonijiet ta’ qagħad meta din ma tibbenefikax mill-flessibbiltà tal-ġestjoni tal-personal li ikkostitwixxi l-kontroparti normali ta’ din il-kontribuzzjoni. B’risposta għall-mistoqsija tal-Kummissjoni, Franza tindika b’mod partikolari li għall-uffiċjali impjegati ma’ La Poste ma teżisti l-ebda possibbiltà ta’ “ritorn” tad-dritt sħiħ fl-amministrazzjoni: trasferiment bħal dan jinkludi l-għaqda ta’ tliet kundizzjonijiet: talba ta’ l-impjegat konċernat (il-prinċipju ta’ volontarjat), l-eżistenza ta’ impjieg disponibbli fl-amministrazzjoni fejn jixtieq jaħdem u l-eżistenza ta’ postijiet bi kwalifiki ekwivalenti. Meta jitqiesu dawn l-elementi, Franza tikkunsidra li l-effett potenzjali ta’ l-arranġament ta’ mobilità mhuwiex sinifikanti ħafna fir-rigward ta’ regoli riġidi marbuta ma’ l-impjieg ta’ l-uffiċjali.

(92)

Barra minn dan, Franza tenfasizza li l-impjieg ta’ l-uffiċjali jirrappreżenta żieda għal La Poste meta mqabbla ma’ l-impjieg ta’ impjegati tas-settur privat (33), u dan ikun xi jkun il-livell ikkunsidrat u inkluż wara l-korrezzjoni tad-differenzi minħabba x-xjuħija. Minkejja l-esklużjoni tar-riskju ta’ qagħad u mingħajr ma titqies żieda importanti inerenti għar-riġidità ta’ l-istat ta’ l-uffiċjali, La Poste wara r-riforma għalhekk ser tkompli, minkejja l-kontribuzzjoni ta’ ekwità fil-kompetizzjoni, tħallas spiża ta’ salarji globali superjuri għal dik tal-kompetituri tagħha sakemm l-uffiċjali ser ikunu impjegati ma’ La Poste.

(93)

Fir-rigward tat-TEC, Franza tikkunsidra li hi tat prova tal-prudenza fid-definizzjoni tagħha. Din tenfasizza fil-fatt li l-awto-assigurazzjoni mwettqa minn La Poste għall-benefiċċji minħabba waqfien fix-xogħol minħabba mard, maternità, paternità u adozzjoni tiswa aktar mill-kontribuzzjonijiet fl-iskema ġenerali mħallsa mill-intrapriżi ta’ dritt komuni. Għalhekk din iż-żieda ma ġietx ikkunsidrata fil-kalkolazzjoni tat-TEC.

(94)

Madankollu, b’risposta għal talba tal-Kummissjoni, Franza kkalkulat TEC fejn ikkunsidrat ir-riskji kollha, inkluż ir-riskji mhux komuni u r-riskji li huma suġġett ta’ skema distinta ta’ auto assigurazzoni minn La Poste (34). Fl-2006, l-impatt fuq it-TEC jekk ipotetikament jitqiesu l-kontribuzzjonijiet ta’ qagħad u AGS u dawk eċċezzjonali ta’ solidarjetà, kif ukoll benefiċċji fir-rigward ta’ waqfien mix-xogħol minħabba mard, maternità, paternità u adozzjoni ser ikun kif ġej: it-TEC globali modifikat jistabbilixxi ruħu għal […]%, minflok it-TEC ta’ 37,2 % notifikat. Għal kull settur, it-TEC modifikat ser ikun ta’ […]% fis-settur tal-posta (minflok 36,9 % kif notifikat) u ta’ […]% fis-settur bankarju (minflok ta’ 39,9 % kif notifikat).

(95)

Franza kkalkulat ukoll il-valuri attwalizzati netti (VAN) tal-kontribuzzjonijiet “ta’ min iħaddem” ta’ La Poste fix-xenarji li ġejjin:

(96)

Skond Franza, il-modifika tat-TEC twassal għal żieda fil-VAN ta’ 2 biljun euro li La Poste trid tħallas. Franza tqis li dan l-ammont jikkorrispondi għal-kontribuzzjoni fissa eċċezzjonali mħallsa minn La Poste fid-29 ta’ Diċembru 2006.

(97)

Franza tikkonkludi li r-riforma notifikata ma tinkludix għajnuna mill-Istat minħabba li La Poste mhi ser tibbenefika mill-ebda vantaġġ meta mqabbla mal-kompetituri tagħha.

(98)

Madankollu, b’risposta għal-osservazzjonijiet u mistoqsijiet tal-Kummissjoni, Franza ddikjarat ruħha lesta, f’qafas ta’ ftehim globali dwar din ir-riforma, li timpenja ruħha fuq il-punti li ġejjin:

(99)

Fir-rigward tad-delimitazzjoni ta’ l-ammont totali tas-salarji ta’ l-uffiċjali bejn is-settur “servizzi finanzjarji” u s-settur “posta-pakketti”, Franza tindika li qed tistrieħ fuq żewġ kriterji:

(100)

Minkejja n-nuqqas ta’ ftehim dwar il-prinċipji, imma dejjem fil-perspettiva ta’ ftehim globali dwar din-ir-riforma, Franza ddikjarat ruħha lesta li timpenja ruħha li twettaq, fil-kalkolazzjoni tat-TEC imwettqa kull sena, il-parti tal-persunal li jagħmel xogħol differenti li reġa' ġie impjegat mal-Bank Postali fil-qasam bankarju fuq il-bażi ta’ l-informazzjoni maħruġa mill-kontabbilità analitika ta’ La Poste.

(101)

Biex tirrispondi għall-mistoqsijiet tal-Kummissjoni, Franza esplorat ukoll strateġija msejħa “intrinsika”, iffukata fuq l-analiżi tal-kopertura mill-intrapriża ta’ l-impenji relattivi għall-irtirar ta’ l-uffiċjali. Franza tinsisti l-ewwelnett fuq il-fatt li din l-istrateġija tidrilha partikolarment mhux adatta għas-sitwazzjoni ta’ La Poste, li (i) kellha impjegati magħha uffiċjali li l-istat tagħhom jibqa' sostnut u jibqa' determinat mill-Istat, u li l-iskema ta’ rtirar tagħhom hija dilz applikabbli għall-persunal kollu ċivili u militari ta’ l-Istat, u (ii) waqfet milli timpjega lill-uffiċjali.

(102)

Wara Franza eżaminat jekk il-kontribuzzjoni tagħha mħallsa minn La Poste lill-Istat bħala finanzjament għall-irtirar ta’ l-uffiċjali impjegati magħha kinitx tikkorrispondi għall-kundizzjonijiet li kien jaċċetta operatur fis-settur privat. Biex tagħmel dan, ir-remunerazzjoni li jirċievi l-Istat trid tkun ta’ l-anqas ugwali għall-valur imwettaq nett ta’ l-impenji li għalihom hi responsabbli La Poste u b’hekk tassigura l-finanzjament permezz tal-kapitalizzazzjoni integrali ta’ dawn l-impenji. Fl-applikazzjoni ta’ dawn il-prinċipji, Franza vverifikat li l-ħlasijiet imwettqa minn La Poste fil-passat koprew l-ispiża attwali normali (37) u li l-valur imwettaq nett tal-ħlasijiet futuri ta’ La Poste lill-Istat huwa ugwali għall-valur imwettaq nett ta’ l-ispejjeż attwali annwali normali. Minn din l-analiżi Franza tikkonkludi li r-rata ta’ kontribuzzjoni “ta’ min iħaddem” tkun ta’ […]%, jiġifieri ammont inferjuri ħafna għat-TEC notifikat. L-applikazzjoni ta’ din ir-rata twassal lil La Poste biex tkun ħallset ammont żejjed ta’ […] meta mqabbel ma’ l-impenn li hu dovut minnha, jiġifieri dak li jikkorrispondi għas-snin ta’ attività li l-uffiċjali għaddew ma’ l-intrapriża sa minn meta din inħolqot fl-1990.

(103)

Fil-każ fejn il-Kummissjoni tasal biex tikkonkludi l-preżenza ta’ għajnuna fir-riforma, Franza tenfasizza l-prinċipju ta’ raġunar żviluppat mill-Kummissjoni fid-deċiżjoni tal-bidu tal-proċedura fir-rigward tal-kompatibilità tagħha, minħabba li r-riforma notifikata tistipula ġustament li tpoġġi lil La Poste f’sitwazzjoni li tista’ titqabbel ma’ dik tal-kompetituri tagħha. Franza tenfasizza fil-fatt li d-deċiżjoni tal-bidu tal-proċedura tfakkar li għajnuna hija partikolarment kompatibbli meta din tippermetti lil intrapriża li teħles lilha nnifisha minn spiża anterjuri għall-fażi ta’ liberalizzazzjoni li taffetwa b’mod importanti il-kompetittività tagħha f’ambjent fejn qed isseħħ liberalizzazzjoni.

(104)

F’dak li jikkonċerna r-responsabbiltà minħabba l-finanzjament ta’ l-irtirar fl-iskema ta’ dritt komuni, Franza tenfasizza li din il-kwistjoni m’għandhiex inċidenza fuq l-analiżi tar-riforma notifikata fir-rigward ta’ l-għajnuna mill-Istat. Fir-rigward tar-relazzjonijiet bejn La Poste u l-Istat, it-twaqqif ta’ kontribuzzjoni liberatorja mħallsa minn La Poste mwaqqfa fuq TEC huwa fil-fatt biżżejjed biex jiggarantixxi n-nuqqas ta’ kull għajnuna mill-Istat, mingħajr ma jkun neċessarju li wieħed jeżamina t-termini tal-finanzjament ta’ pensjonijiet ta’ l-uffiċjali li ser jinżammu fit-tmiem tar-riforma. F’dan il-qafas, ir-responsabbiltà tinvolvi biss żewġ partijiet, l-Istat u l-fond nazzjonali ta’ assigurazzjoni għax-xjuħija, minħabba li wara r-riforma notifikata, La Poste tinħeles minn kull responsabbiltà f’dan ir-rigward. Minħabba li ż-żewġ partijiet li jipparteċipaw fir-responsabbiltà ma jistgħux jiġu kwalifikati bħala intrapriżi fis-sens tat-Trattat, dan ma jistax jgħodd bħala għajnuna mill-Istat.

(105)

Franza għamlet il-kummenti tagħha dwar l-osservazzjonijiet tal-partijiet interessati fis-27 ta’ Frar 2007. Din tikkunsidra li l-osservazzjonijiet in kwistjoni mhumiex ser jerġgħu jitfgħu dubji fuq l-analiżi skond liema l-miżura maħsuba ma tinkludi l-ebda element ta’ għajnuna mill-Istat, hekk kif ġiet esposta fin-notifika u fid-diversi skambji li saru wara mal-Kummissjoni. Franza b’hekk tqis li l-partijiet terzi ma kienux f’pożizzjoni li jipproduċu argumenti pertinenti, ħlief li reġgħu esprimew id-dubji li ngħataw fid-deċiżjoni tal-bidu tal-proċedura u li Franza tqis li wriet li kienu bla bażi.

(106)

Il-miżuri eżaminati mill-Kummissjoni fil-qafas ta’ din id-deċiżjoni huma l-limitu ta’ l-1998 u r-riforma notifikata ta’ l-iskema tal-pensjonijiet għall-uffiċjali ma’ La Poste skond l-Artikolu 150 tal-liġi ta’ rettifika tal-finanzi għall-2006.

(107)

Skond il-paragrafu 1 ta’ l-Artikolu 87 tat-Trattat, miżura tikkostitwixxi għajnuna mill-Istat jekk l-erba' kundizzjonijiet flimkien li ġejjin huma sodisfatti:

(108)

Il-paragrafu 1 ta’ l-Artikolu 87 tat-Trattat jistipula l-għajnuna mogħtija mill-Istati jew permezz ta’ riżorsi ta’ l-Istat. Fi kliem ieħor, jaqbel li l-miżuri in kwistjoni jidhru bħala riżultat ta’ aġir ta’ l-Istat u li dawn jingħataw permezz ta’ riżorsi ta’ l-Istat.

(109)

Min-naħa, il-kwota tal-kontribuzzjoni ta’ La Poste, introdott fl-1998, jirriżulta minn kuntratt konkluż bejn l-Istat Franċiż u La Poste, li huwa kkwalifikat minn Franza minn “terminu partikolari ta’ applikazzjoni tad-dispożizzjonijiet tal-liġi ta’ l-1990”. Ir-riforma ta’ l-2006 hija bbażata fuq liġi. Il-miżuri in kwistjoni għalhekk huma attribwibbli għal Franza.

(110)

Min-naħa l-oħra, il-miżuri eżaminati huma suxxettibbli li jwasslu għal rinunċja min-naħa ta’ l-Istat għal riżorsi finanzjarji minħabba li La Poste m’għadhiex tassigura l-ekwilibriju finanzjarju ta’ l-iskema ta’ l-uffiċjali impjegati magħha. Madankollu, hija ġurisprudenza kostanti li r-rinunċja ta’ poteri pubbliċi għal ċerti dħul fiskali jew dħul ieħor (38) tikkostitwixxi riżors ta’ l-Istat.

(111)

Il-Kummissjoni tikkunsidra li s-swieq li fihom huwa attiv il-grupp La Poste huma fil-parti l-kbira miftuħa għall-iskambji intrakomunitarji, partikolarment id-Direttiva 88/361/KEE tal-Kunsill ta’ l-24 ta’ Ġunju 1988 għall-implimentazzjoni ta’ l-Artikolu 67 tat-Trattat (39) (ċirkolazzjoni ħielsa tal-kapital), tat-tieni Direttiva 89/646/KEE tal-Kunsill tal-15 ta’ Diċembru 1989 li tistipula l-koordinazzjoni tad-dispożizzjonijiet leġiżlattivi, regolamentari u amministrattivi rigward l-aċċess għall-attività ta’ stabbilimenti ta’ kreditu u l-eżerċizzju tiegħu, u li temenda d-Direttiva 77/780/KEE (40) (libertà tat-twaqqif) u tad-Direttiva 97/67/KE (direttiva postali). Ir-rapport finanzjarju 2005 tal-grupp La Poste jirraporta għalhekk li:

(112)

Barra minn dan, ir-rapport finanzjarju msemmi jenfasizza l-kapaċità tal-grupp li jiżviluppa fuq swieq miftuħa fi Franza u fl-Ewropa.

(113)

Bl-istess mod, fir-risposta tiegħu għar-rapport tal-Qorti ta’ l-Awdituri dwar La Poste fl-2003 (41), il-President ta’ La Poste jispjega li “il-Grupp ser ikompli l-internazzjonalizzazzjoni tiegħu, biex jikkunsidra l-ftuħ tas-swieq u ta’ l-internalizzazzjoni ta’ l-akbar klijenti tiegħu. L-intrapriżi, fl-oqsma tal-posta, tal-pakketti u ta’ l-express, fil-fatt dejjem aktar irrikorrew għal sejħiet ta’ offerti Ewropej. Il-Grupp irid ikun f’pożizzjoni li jirrispondi għal dan.”

(114)

F’dan il-kuntest, huwa biżżejjed li wieħed iqis li s-swieq li La Poste hija attiva fihom għandhom dimensjoni transkonfinali u li La Poste hija f’kompetizzjoni ma’ l-intrapriżi li jinstabu fi Stati Membri oħra u ma’ l-intrapriżi Franċiżi attivi fuq dawn is-swieq internazzjonalment.

(115)

Il-miżuri in kwistjoni jagħmlu aktar diffiċli l-attivitajiet kummerċjali ta’ l-operaturi Komunitarji li jixtiequ jiżviluppaw fi Franza.

(116)

Il-miżuri in kwistjoni li jsaħħu l-pożizzjoni ta’ La Poste meta mqabbla ma’ operaturi oħra kompetituri fl-iskambji intrakomunitarji, il-Kummissjoni tikkunsidra li dawn jaffetwaw l-iskambji bejn l-Istati Membri u huma suxxettibbli li jgħawġu l-kompetizzjoni bejn l-operaturi.

(117)

L-eżistenza ta’ monopolju legali fuq ċerti attivitajiet ta’ La Poste ma timmodifikax din l-konklużjoni. Fil-kuntest ta’ liberalizzazzjoni progressiva li ilha għaddejja mill-1998 u fil-bidu ta’ liberalizzazzjoni totali tas-servizzi postali, ir-riskju ta’ allokazzjoni ta’ l-iskambji jeżisti b’mod prevedibbli (42), anke għall-attivitajiet li llum għandhom monopolju, minħabba li l-attivitajiet ta’ monopolju u l-attivitajiet ta’ kompetizzjoni (bħal l-express) jużaw proċessi industrijali komuni fis-sistema tal-produzzjoni ta’ La Poste. Min-naħa l-oħra, l-attivitajiet ta’ monopolju jistgħu wkoll ikunu f’kompetizzjoni, indiretta, ma’ l-attivitajiet ta’ kompetizzjoni mhux postali, bħall-użu ta’ messaġġi elettroniċi (“e-substitution”) (43) jew tal-faks.

(118)

Sabiex wieħed japprezza jekk il-miżuri in kwistjoni jinkludux elementi ta’ għajnuna mill-Istat, jaqbel li wieħed jiddetermina jekk dawn il-miżuri jagħtux vantaġġ ekonomiku lil La Poste minħabba li dawn jippermettulha li tevita li tħallas l-ispejjeż li normalment kienu jtaqqlu r-riżorsi finanzjarja proprji ta’ l-intrapriża u għalhekk tellfu lill-forzi preżenti fuq is-suq milli jipproduċu l-konsegwenzi normali tagħhom (44).

(119)

Għajnuna tikkonsisti minn tħaffif ta’ l-ispejjeż li normalment itaqqlu lill-baġit ta’ l-intrapriżi meta titqies in-natura jew l-ekonomija tas-sistema ta’ spejjeż in kwistjoni. Min-naħa l-oħra, jista’ jkun possibbli li wieħed jagħti definizzjoni lill-idea ta’ “spiża speċjali”, li tikkonsisti fi spiża supplementari meta mqabbla ma’ dawn l-ispejjeż normali (45). It-tneħħija ta’ tali spiża speċjali permezz ta’ dispożizzjoni leġiżlattiva ma tagħti l-ebda vantaġġ lill-benefiċjarju u għalhekk ma tikkostitwix għajnuna mill-Istat.

(120)

Fid-dawl tal-ġurisprudenza tal-Qorti dwar l-analiżi ta’ selettività (46), li timplika tqabbil ma’ qafas ta’ referenza biex wieħed jiddetermina jekk hemmx konformità man-“natura u l-ekonomija tas-sistema” ta’ trattament differenzjat ta’ ċerti intrapriżi u ċerti produzzjonijiet, f’sitwazzjoni normali tas-suq minn punt strutturali, il-kwalifika ta’ spiża “normali” jew “speċjali” timplika d-defnizzjoni ta’ qafas ta’ referenza, jew ta’ tqabbil, bil-għan li wieħed jidentifika l-intrapriżi li jkunu f’sitwazzjoni ġuridika u fattwali li tista’ titqabbel fir-rigward ta’ l-għan mixtieq mill-miżuri konċernati (47).

(121)

L-ewwelnett, jaqbel li wieħed ifakkar li r-riforma ma tipprevedix l-ugwaljanza bejn id-drittijiet għall-irtirar ta’ l-uffiċjali kkonċernati ma’ dawk ta’ l-impjegati tal-kompetituri prinċipali ta’ La Poste. Bl-istess mod, il-persunal konċernat huwa definit bħala uffiċjali, li jżommu l-istat partikolari tagħhom, filwaqt li l-impjegati tal-kompetituri prinċipali ta’ La Poste għandhom kuntratt mas-settur privat. Għalhekk, l-għan ta’ dawn il-miżuri ma jikkonċernax strettament is-sistema ta’ spejjeż magħmul mill-iskemi differenti ta’ rtirar, kemm jekk dawn jikkonċernaw lill-impjegati mas-settur privat jew lill-uffiċjali. Dan pjuttost għandu għan aktar wiesa', dak li jassigura ekwità tal-kompetizzjoni bejn La Poste u l-kompetituri tagħha, b’kunsiderazzjoni partikolari għall-fatt li uħud mill-impjegati ta’ La Poste huma uffiċjali li ġew impjegati magħha.

(122)

Fit-teorija, jistgħu jeżistu diversi oqfsa ta’ referenza: is-sitwazzjoni tal-kompetituri ta’ La Poste, stabbilimenti oħra pubbliċi, l-iskema ta’ pensjoni applikabbli għall-uffiċjali, kif ukoll France Télécom (sezzjoni 6.1.3.1). Jekk m’hu pertinenti l-ebda element ta’ referenza anċillari ta’ dan it-tip, il-qafas ta’ referenza għall-eżistenza tal-vantaġġ allura tkun il-pożizzjoni ta’ La Poste stess, qabel l-għotja tal-miżuri (sezzjoni 6.1.3.2).

(123)

Fl-aħħarnett, b’risposta għad-dubji mqajjma fid-deċiżjoni tal-bidu ta’ din il-proċedura, il-Kummissjoni ser teżamina wkoll jekk l-ispejjeż ta’ La Poste kienux is-suġġett ta’ tnaqqis li jikkorrispondi jew anqas fit-totalità tagħhom għal spiża “anomala” jew għal “żvantaġġ strutturali” fis-sens tal-ġurisprudenza tal-Qorti (sezzjoni 6.1.3.3)

(124)

L-identifikazzjoni mill-Kummissjoni ta’ operaturi li jkunu f’sitwazzjoni ġuridika u fattwali li tista’ titqabbel ma’ La Poste, fir-rigward tat-twaqqif ta’ level playing field partikolarment f’dak li jikkonċerna l-iskema ta’ rtirar, ikun tassew diffiċli.

(125)

L-ewwelnett fir-rigward tal-kompetituri ta’ La Poste, dawn huma soċjetajiet tas-settur privat attivi fuq swieq miftuħa għall-kompetizzjoni, fil-waqt li La Poste għandha stat simili għal dak ta’ stabbiliment pubbliku b’karattru industrijali u kummerċjali (EPIC) (48), u għandha monopolju legali (49). Barra minn dan, il-fatt li l-kompetituri ta’ La Poste għandhom impjegati b’kuntratt tas-settur privat, filwaqt li t-tqabbil qed jibbaża speċifikament fuq l-uffiċjali impjegati ma’ La Poste, jimplika li dawn ma jistgħux jitqiesu bħala li huma f’sitwazzjoni ġuridika u fattwali li tista’ titqabbel fir-rigward ta’ l-għan tal-miżuri, fil-kuntest ta’ l-analiżi ta’ l-eżistenza ta’ vantaġġ fis-sens tal-paragrafu 1 ta’ l-Artikolu 87 tat-Trattat. Fil-fatt huwa xieraq li jintwera li s-sistema ta’ rtirar ta’ l-uffiċjali ġejja, kif muri fil-punti (25) u ta’ wara, minn skema ġuridikament distinta u separata b’mod ċar mill-iskema applikabbli għall-impjegati tas-settur privat. Fi kwalunkwe każ, dan jimplika li, fir-rigward ta’ l-għan aktar wiesa' li tiġi assigurata ekwità tal-kompetizzjoni bejn La Poste u l-kompetituri tagħha, huwa ċar li La Poste u l-kompetituri tagħha jridu jitqiesu bħala li jinstabu f’sitwazzjonijiet fattwali u ġuridiċi differenti.

(126)

Għalhekk, il-kompetituri ta’ La Poste ma jistgħux iservu bħala element ta’ referenza fl-analiżi li l-Kummissjoni kellha twettaq sabiex tiddeċiedi l-eżistenza ta’ vantaġġ fis-sens tal-paragrafu 1 ta’ l-Artikolu 87 tat-Trattat.

(127)

Madankollu, il-Kummissjoni tirrimarka li element ta’ referenza bħal dan ser ikun tassew adattat għall-eżami tal-kompatibilità ta’ l-għajnuna eventwali in kwistjoni fir-rigward tal-punt c) tal-paragrafu 3 ta’ l-Artikolu 87 tat-Trattat minħabba li wieħed ser ikun jista’ jistima b’mod aktar preċiż id-distorsjoni tal-kompetizzjoni fuq is-swieq affetwati mill-għajnuna.

(128)

Il-Kummissjoni fittxet jekk setgħux jiġu identifikati elementi ta’ referenza oħra.

(129)

Element ta’ referenza teoretiku għalhekk seta’ kien l-iskema ta’ pensjoni applikabbli għall-uffiċjali, organizzat mill-kodiċi tal-pensjonijiet ċivili u militari għall-irtirar. Madankollu, din l-iskema fiha nnifisha ma setatx tiġi applikata għal ċirkostanzi fattwali simili għal dawk li ltaqgħat magħhom La Poste. Pereżempju, l-uffiċjali ġeneralment ma jaħdmux fis-setturi ta’ merkanzija bħal dawk li hija attiva fihom La Poste.

(130)

Fost l-EPIC bi statut simili għal dak ta’ La Poste, il-Kummissjoni ma setatx tidentifika grupp ta’ operaturi ekonomiċi li jiffurmaw grupp omoġenu, li jista’ jservi bħala element ta’ referenza. Huma biss xi ftit EPIC, partikolarment l-Uffiċċju Nazzjonali tal-Foresti jew it-Teżor ta’ Pariġi, li jippreżentaw elementi simili mas-sitwazzjoni ta’ La Poste. Madankollu, dawn l-elementi ta’ disparità, ma jkunux biżżejjed biex jistabbilixxu element ta’ referenza koerenti.

(131)

Għalhekk il-Kummissjoni tikkunsidra li la l-istabbilimenti pubbliċi u l-anqas l-iskema ta’ pensjoni applikabbli għall-uffiċjali ma jikkostitwixxu element ta’ referenza pertinenti f’din il-kwistjoni.

(132)

Barra minn hekk, il-Kummissjoni eżaminat il-possibbiltà li tqabbel lil La Poste ma’ France Télécom. Il-liġi ta’ l-1990 biddlet id-direzzjoni ġenerali antika tat-telekomunikazzjoni f’żewġ persuni ġuridiċi tas-settur pubbliku: La Poste u France Telecom. Jekk din timpjega kemm impjegati b’kuntratt tas-settur privat u uffiċjali, fl-1996 France Télécom saret soċjetà anonima, ikkwotata fil-Borża. Din m’għadhiex f’sitwazzjoni ġuridika u fattwali li tista’ titqabbel fir-rigward ta’ l-iskop tal-miżuri in kwistjoni. Barra minn dan, […], il-kompatibilità tar-regoli applikabbli għal France Télécom fil-qasam tal-kontribuzzjonijiet soċjali u fiskali obbligatorji hija suġġett ta’ lment quddiem il-Kummissjoni, u l-Kummissjoni ma tistax tippreġudika l-konklużjoni tagħha f’din il-kwistjoni permezz ta’ din id-deċiżjoni.

(133)

Biex nikkonkludu, il-Kummissjoni tqis li ma jeżisti l-ebda element ta’ referenza anċillari li jippermetti d-definizzjoni ta’ kontribuzzjoni “normali” sostnuta minn intrapriżi li jinstabu f’sitwazzjoni ġuridika u fattwali li tista’ titqabbel ma’ dik ta’ La Poste fir-rigward ta’ l-għan imfittex mill-miżuri konċernati.

(134)

Jekk il-Kummissjoni setgħet iżżomm element ta’ referenza anċillari pertinenti, li permezz ta’ referenza għalih setgħet tiġi definita l-eżistenza ta’ spejjeż “anomali”, il-miżuri in kwistjoni kienu jkunu jistgħu ma jikkostitwux għajnuna mill-Istat taħt ċerti kundizzjonijiet, partikolarment fuq il-bażi tal-kalkolazzjoni tat-TEC.

(135)

La d-deċiżjoni tal-Kummissjoni fil-kwistjoni Sabena/Swissair  (50) u l-anqas is-sentenza Enirisorse, imsemmija minn Franza ma jimmodifikaw il-konklużjonijiet tal-Kummissjoni fir-rigward ta’ l-eżistenza ta’ vantaġġ favur La Poste. Fil-fatt, id-deċiżjoni Sabena/Swissair li tistabbilixxi miżura rigward settur (it-trasport bl-ajru) u mhux intrapriża speċifika, hija miżura ġenerali ta’ politika ekonomika. Il-karattru settorjali, u mhux individwali (illimitat għal intrapriża waħda) tal-miżura jikkostitwixxi differenza importanti meta mqabbel mal-każ ta’ La Poste, partikolarment għax ippermetta lill-Kummissjoni li tistabbilixxi element ta’ referenza anċillari, l-iskema ta’ kontribuzzjonijiet soċjali applikata għas-setturi industrijali l-oħra Belġjani. Bl-istess mod, fis-sentenza Enirisorse, il-Qorti tibbaża l-konklużjoni tagħha fuq tqabbil tal-miżura kontenzjuża meta mqabbla ma’ “sitwazzjoni normali” (51), li l-Qorti setat tiddefinixxi imma li ma teżistix b’mod simili f’din il-kwistjoni.

(136)

Għall-analiżi ta’ l-eżistenza ta’ vantaġġ fis-sens tal-paragrafu 1 ta’ l-Artikolu 87 tat-Trattat, il-Kummissjoni għalhekk trid teżamina s-sitwazzjoni ta’ La Poste billi tqabbel il-kontribuzzjonijiet soċjali u fiskali obbligatorji qabel u wara l-miżuri in kwistjoni.

(137)

Il-kontribuzzjonijiet soċjali u fiskali obbligatorji qabel il-miżuri in kwistjoni huma dawk definiti mil-liġi ta’ l-1990. Fin-nuqqas ta’ element ta’ referenza anċillari, dawn jikkostitwixxu l-qafas ta’ referenza li jippermetti li jiġi stabbilit l-eżistenza ta’ vantaġġ.

(138)

Il-limitu introdott fl-1998 ippermetta li jitnaqqas l-ammont tal-kontribuzzjoni “ta’ min iħaddem” għall-pensjonijiet ta’ l-uffiċjali impjegati ma’ La Poste għal ammont li Franza stess stmat għal madwar […] għall-perjodu 1998-2006.

(139)

B'mod partikolari, il-liġi ta’ l-2006 għandha l-effett li tissostitwixxi l-kontribuzzjoni ta’ La Poste b’kontribuzzjoni li tallinja l-ispejjeż ta’ l-irtirar sostnuti minn La Poste għal ma’ dawk tal-kompetituri tagħha u mhix waħda obbligatorja. Mingħajr din il-liġi, ir-rata ta’ kontribuzzjoni “ta’ min iħaddem” fis-snin futuri tkompli tiżdied sostanzjalment, partikolarment minħabba d-deterjorament tar-rapport bejn l-impjegati attivi (min iħallas il-kontribuzzjonijiet)/l-impjegati inattivi (benefiċċjarji tas-servizzi) bħala konsegwenza tal-fatt li La Poste ma baqgħetx timpjega uffiċjali, minkejja l-efetti pożittivi ta’ dan il-limitu.

(140)

Għalhekk il-Kummissjoni tqis li l-miżuri in kwistjoni jeħilsu lil La Poste mill-ispejjeż li kien ikollha tħalas skond il-liġi ta’ l-1990.

(141)

Fil-kuntest ta’ analiżi tan-natura normali jew le ta’ l-ispejjeż ta’ l-irtirar għal La Poste stess, il-Kummissjoni tikkunsidra li l-obbligi li trid tassumi l-intrapriża skond il-leġiżlazzjoni tax-xogħol jew ta’ ftehim kollettiv konkluż mat-trejdjunjins fil-qasam ta’ ħlas għat-temma ta’ impjieg u/jew ta’ irtirar kmieni huma parti mill-ispejjeż normali li intrapriża trid tiffinanzja mir-riżorsi tagħha stess (52).

(142)

Konsegwentement, il-Kummissjoni tikkonkludi li l-ispejjeż ta’ l-irtirar li trid tħallas La Poste skond il-liġi ta’ l-1990 huma spejjeż normali (53). Għalhekk, il-miżuri in kwistjoni jippermettu li wieħed jevita li jħallas spejjeż li normalment kienu jtaqqlu r-riservi propji ta’ La Poste, dawn il-miżuri jagħtu vantaġġ lill-operatur fis-sens tal-paragrafu 1 ta’ l-Artikolu 87 tat-Trattat.

(143)

Il-vantaġġ imsemmi huwa selettiv minħabba li jikkonċerna biss lil La Poste. Fin-nuqqas ta’ qafas ta’ referenza anċillari, din il-limitazzjoni mhix ġustifikata min-natura u l-ekonomija tas-sistema in kwistjoni.

(144)

Id-deċiżjoni tal-bidu tal-proċedura tirreferi b’mod dettaljat għas-sentenza Combus, fejn il-Qorti tal-Prim’Istanza tidher li kkunsidrat bħala spejjeż “anomali” l-ispejjeż li jirriżultaw mill-istat derogatorju tal-persunal ta’ intrapriża li, wara riforma, jinstab f’sitwazzjoni ta’ dritt komuni, u għalhekk identika għal dik tal-kompetituri tagħha, fir-rigward tal-ġestjoni tal-persunal tagħha. Għalhekk il-Qorti ddikjarat (54): “il-miżura in kwistjoni kellha l-għan li tissostitwixxi l-istat privileġġjat u għoli ta’ l-uffiċjali impjegati ma’ Combus bi stat ta’ aġent b’kuntratt li jista’ jitqabbel ma’ dak ta’ l-impjegati ta’ intrapriżi oħra ta’ trasport bil-karrozza tal-linja li huma l-kompetituri ta’ Combus. Għalhekk kien jitratta li Combus tiġi meħlusa minn żvantaġġ strutturali meta mqabbla mal-kompetituri privati tagħha. Madankollu, il-paragrafu 1 ta’ l-Artikolu 87 KE għandu biss l-għan li jiġu projbiti vantaġġi li jjiffavorixxu ċerti intrapriżi, fejn l-idea ta’ għajnuna tkopri biss interventi li jħaffu l-ispejjeż li normalment itaqqlu l-baġit ta’ intrapriża u li jridu jitqiesu bħala vantaġġ ekonomiku li l-intrapriża li tibbenefika minnu ma knitx tikseb f’kundissjonijiet normali tas-suq. […]. Barra minn dan, l-Istat Daniż seta’, minflok iħallas is-somma ta’ 100 miljun DKK direttament lill-uffiċjali impjegati ma’ Combus, jikseb l-istess riżultat billi jerġa' jimpjega lil dawn l-uffiċjali fl-amministrazzjoni pubblika, mingħajr ma jħallas sussidju speċifiku, li kien jippermetti li Combus timpjega immedjatament lil aġenti b’kuntratt li jaqgħu taħt l-istat ta’ dritt privat.”

(145)

B’mod ġenerali, jaqbel li wieħed ifakkar l-ewwelnett li l-ġurisprudenza Combus ma ġietx ikkonfermata mill-Qorti tal-Ġustizzja. Ċerti elementi tal-ġurisprudenza tal-Qorti tal-Ġustizzja jikkontradixxu l-ipoteżi skond liema l-kumpens ta’ żvantaġġ strutturali jeskludi l-kwalifikazzjoni ta’ għajnuna. Għalhekk, il-Qorti tal-Ġustizzja dejjem indikat li l-eżistenza ta’ għajnuna kellha tkun apprezzata fir-rigward ta’ l-effetti u mhux skond il-kawżi jew l-għanijiet ta’ l-interventi mill-Istat (55). Il-Qorti tal-Ġustizzja sostniet ukoll li l-idea ta’ għajnuna tkopri l-vantaġġi mogħtija mill-awtoritajiet pubbliċi li, taħt forom differenti, iħaffu l-ispejjeż li normalment itaqqlu lill-baġit ta’ intrapriża (56). Il-Qorti tal-Ġustizzja indikat ukoll b’mod ċar li l-ispejjeż marbuta mar-remunerazzjoni ta’ l-impjegati tagħhom huma ta’ piż, min-natura tagħhom, fuq il-baġit ta’ l-intrapriżi, indipendentement mill-kwistjoni li wieħed ikun jaf jekk l-ispejjeż humiex ġejjin jew le minn obbligi legali jew minn ftehim kollettiv (57). F’dan il-qafas, il-Qorti tal-Ġustizzja qieset li l-fatt li l-miżuri ta’ l-Istat kellhom l-għan li jikkumpensaw spejjeż żejda ma jeżentahomx milli jiġu kkwalifikati bħala għajnuna (58).

(146)

Madankollu, Franza ssostni fuq l-applikazzjoni tal-prinċipju enunċjat mill-Qorti tal-Prim’Istanza fis-sentenza Combus, waqt li affermat li r-riforma notifikata teħles lil La Poste minn spiża “anomala”. Il-Kummissjoni trid tenfasizza li elementi materjali jiddifferenzjaw il-kwistjoni Combus minn din il-kwistjoni, kif muri mill-elementi li ġejjin:

(147)

Il-Kummissjoni tqis li d-differenzi fattwali bejn il-kwistjoni Combus u dan il-każ huma suffiċjenti biex jiġġustifikaw raġunament differenti għaż-żewġ kwistjonijiet.

(148)

Fl-aħħarnett, l-istrateġija msejħa “intrinsika” minn Franza mhix meqjusa bħala adattata mill-Kummissjoni, partikolarment minħabba partikolaritajiet tal-popolazzjoni (magħluqa) ta’ l-uffiċjali kkonċernati u tal-ħolqien reċenti ta’ l-intrapriża. Franza taqsam ukoll din ml-opinjoni. Barra minn dan, il-kalkoli ta’ Franza jqabblu l-ispejjeż fil-fatt imħallsa minn La Poste (u għalhekk inklużi fil-limitu ta’ l-1998) ma’ dawk li kienu jitħallsu minn La Poste li kieku, meta ġiet stabbilita fl-1 ta’ Jannar 1991, din kienet stabbiliet skema ta’ rtirar ġdida, fejn toffri wkoll benefiċċji, imma amministrata permezz ta’ kapitalizzazzjoni. Dan it-tqabbil iseħħ, skond il-Kummissjoni, b’mod ipotetiku wisq biex jippermetti li jsiru konklużjonijiet pertinenti dwar in-natura ta’ l-għajnuna tal-miżuri in kwistjoni.

(149)

Il-miżuri msemmija jagħtu vantaġġ ekonomiku selettiv minħabba li dan jikkonċerna biss intrapriża waħda, La Poste (62). Miżuri bħal dawn jheddu li jgħawġu, fil-prinċipju, il-kundizzjonijiet ta’ kompetizzjoni (63).

(150)

Mill-kunsiderazzjonijiet preċedenti, fid-dawl tal-ġurisprudenza pertinenti, bl-inklużjoni tas-sentenza Combus, jidher li l-miżuri in kwistjoni jikkostitwixxu għajnuna mill-Istat fis-sens tal-paragrafu 1 ta’ l-Artikolu 87 tat-Trattat.

(151)

Il-limitu ta’ l-1998 twettaq mingħajr ma kien notifikat preċedentement lill-Kummissjoni. Għalhekk dan huwa illegali.

(152)

Il-Kummissjoni tirrimarka dwar dan li l-limitu pproduċa effetti kemm fuq is-swieq liberalizzati u kemm fuq attivitajiet li jiddependu minn monopolju legali. La Poste għalhekk ma kinitx teżerċita biss attivitajiet ta’ monopolju (64). Il-limitu għalhekk ma jistax jitqies bħala għajnuna eżistenti.

(153)

Ir-riforma ta’ l-2006 ġiet innotifikata lill-Kummissjoni. It-twettiq tagħha huwa sospiż fil-miżura fejn La Poste tkompli tħallas il-kontribuzzjoni “ta’ min iħaddem” li tirriżulta mil-limitu ta’ l-1998. Ir-riforma ta’ l-2006 għalhekk għadha ma twettqitx.

(154)

Id-derogi stipulati fil-paragrafu 2 ta’ l-Artikolu 87 tat-Trattat, rigward l-għajnuna ta’ karattru soċjali mogħtija lill-konsumaturi individwali, l-għajnuna bil-għan li tirrimedja d-diżastri naturali u avvenimenti straordinarji oħra, kif ukoll għajnuna mogħtija f’ċerti reġjuni tar-Repubblika Federali tal-Ġermanja, m’għandhom l-ebda pertinenza f’dan il-każ.

(155)

Fir-rigward tad-derogi previsti fil-paragrafu 3 ta’ l-Artikolu 87 tat-Trattat, il-Kummissjoni tinnota li l-għajnuna in kwistjoni mhix maħsuba biex tiffavorixxi l-iżvilupp ekonomiku tar-reġjuni li fihom il-livell ta’ ħajja huwa baxx ħafna jew li fihom jeżisti numru għoli ta’ nies qiegħda, li dawn ma jikkostitwux proġett ta’ interess Ewropew u li m’għandhomx l-għan li jirmedjaw għal taqlib gravi ta’ l-ekonomija Franċiża. Dawn m’għandhomx l-għan li jippromwovu l-kultura u l-ħarsien tal-patrimonju.

(156)

Jaqbel li wieħed jeżamina jekk il-miżuri jistgħux jiġu ddikjarati bħala kompatibbli mill-Kummissjoni skond il-punt c) tal-paragrafu 3 ta’ l-Artikolu 87 tat-Trattat, skond liema għajnuna maħsuba biex tiffaċilita l-iżvilupp ta’ ċerti sttivitajiet jew ta’ ċerti reġjuni ekonomiċi tista’ tiħi ddikjarata kompatibbli mas-suq komuni meta din ma tbiddilx il-kundizzjonijiet ta’ l-iskambji kummerċjali f’miżura li tmur kontra l-interess komuni.

(157)

Il-Kummissjoni tfakkar ukoll li Franza ma invokatx il-paragrafu 2 ta’ l-Artikolu 86 tat-Trattat bħala bażi tal-kompatibilità ta’ l-għajnuna mogħtija lil La Poste.

(158)

Meta jitqiesu n-natura u l-effetti tar-riforma, li tallinja l-kontribuzzjonijiet ta’ La Poste skond dawk tal-kompetituri tagħha, il-Kummissjoni tqis li l-valutazzjoni tal-kompatibilità ta’ l-għajnuna trid titwettaq skond it-twaqqif ta’ kundizzjonijiet ugwali (“level playing field”) fil-qasam tal-kontribuzzjonijiet soċjali u fiskali obbligatorji bejn La Poste u l-kompetituri tagħha, fl-oqsma tal-posta/pakketti u tas-servizzi finanzjarji, li jikkostitwixxu l-attivitajiet essenzjali ta’ La Poste (65).

(159)

Biex wieħed janalizza l-effetti ta’ l-għajnuna u jevalwa l-intensità tad-distorsjoni tal-kompetizzjoni, il-Kummissjoni trid l-ewwelnett teżamina l-livell tal-kontribuzzjonijiet imħallsa minn La Poste meta mqabbla mal-kompetituri tagħha, fid-dawl ta’ l-impenji ta’ Franza. Wara, il-Kummissjoni ser tidentifika dak li kien jiġi prodott li kieku La Poste ma bbenefikatx mill-għajnuna in kwistjoni. L-effetti pożittivi ta’ l-għajnuna imbagħad ser jiġu analizzati, kif ukoll l-effetti negattivi tagħhom. Għalhekk ser ikun possibbli li jsir bilanċ tal-kompatibilità globali.

(160)

Il-Kummissjoni studjat tassew fil-fond il-mekkaniżmu għall-kalkolazzjoni tat-TEC.

(161)

Minn qabel, tajjeb li wieħed ifakkar żewġ elementi li jiddiffernzjaw l-iskema tal-kontribuzzjonijiet ta’ La Poste mid-dritt komuni:

(162)

Rigward l-ewwel punt, min iħaddem fis-settur komuni jħallas kontribuzzjonijiet liberatorji f’sistema ta’ tqassim. La Poste ma tħallasx kontribuzzjoni liberatorja imma bil-liġi ta’ l-1990 kellha r-responsabbiltà li tibbilanċja l-iskema ta’ rtirar għall-uffiċjali tagħha. Il-limitu ta’ l-1998, li jiffissa ammont massimu għall-kontribuzzjoni “ta’ min iħaddem” mingħajr kunsiderazzjoni marbuta ma’ rata ta’ kontribuzzjoni, wara, b’mod aktar fondamentali, il-liġi ta’ l-2006, għandhom l-effett li jistabblixxu kontribuzzjoni liberatorja.

(163)

L-għajnuna in kwistjoni twassal għalhekk għal soluzzjoni għall-ewwel element ta’ differenza bejn l-iskema ta’ La Poste u d-dritt komuni.

(164)

Rigward it-tieni punt, il-Kummissjoni vverifikat li l-VAN tad-dħul finanzjarju futur skond il-liġi ta’ l-1990 hija superjuri għall-VAN tad-dħul finanzjarju futur li jirriżulta mill-applikazzjoni tat-TEC emendat (66). Fin-nuqqas ta’ l-għajnuna, La Poste ser ikollha għalhekk tħalli l-kontribuzzjonijiet superjuri għad-dritt komuni.

(165)

Aktar mnn hekk, il-Kummissjoni tinnota li l-istabbiliment ta’ kundizzjonijiet tassew ugwali mal-kompetituri ta’ La Poste jimplika li jridu jsiru żewġ modifiki għat-TEC:

(166)

Il-modifiki magħmula minn Franza fil-kalkolazzjoni tat-TEC jippermettu lill-mekkaniżmu msemmi li jekwivali l-livelli ta’ l-ispejjeż soċjali u fiskali obbligatorji, ibbażati fuq is-salarji, bejn La Posta u l-intrapriżi l-oħra tas-settur “posta/pakketti” u tas-settur bankarju li jaqa' taħt is-settur pubbliku tas-servizzi soċjali. Il-perjodu ta’ tranżizzjoni previst minn Franza fin-notifika għall-perjodu 2006-2010 madankollu m’għandux jippermetti lil La Poste li tħallas livell ta’ kontribuzzjoni inferjuri għat-TEC emendat.

(167)

Fin-nuqqas tar-riforma, La Poste kellha tagħmel proviżjoni, għall-kontijiet tagħha ta’ wara s-sena finanzjarja 2006, l-impenji ta’ l-irtirar ta’ l-uffiċjali tagħha. Din il-finanzjament kien jirriżulta direttament minn dak li l-kontribuzzjonijiet “ta’ min iħaddem” għall-pensjonijiet ta’ l-impjegati ta’ La Poste ma kienu obbligatorji.

(168)

Fin-nuqqas ta’ l-għajnuna, il-kontribuzzjonijiet ta’ La Poste ma jkunux konformi mal-livell imħallas mill-kompetituri tagħha. Għalhekk, La Poste tbati żvantaġġ u ma tkunx tista’ tikkompeti b’mod ġust fis-swieq liberalizzati (bħas-servizzi finanzjarji jew l-express).

(169)

Fin-nuqqas tar-riforma, La Poste kellha tassigura l-finanzjament annwali adattat tal-kontribuzzjonijiet tagħha, li kien iwassal għal spiża annwali supplementari ta’ diversi mijiet ta’ miljuni ta’ euro fir-rigward ta’ l-iskema riformata (70). Madankollu, il-Kummissjoni tikkunsidra li dawn l-ispejjeż żejda (mhux sostnuti mill-kompetituri) mhumiex ta’ ammont li kien iġiegħel lil La Poste biex tnaqqas l-attivitajiet tagħha fis-setturi mifutħa għall-kompetizzjoni, 'il ġewwa jew 'il barra mill-qasam ta’ applikazzjoni ta’ SIEG.

(170)

Fil-fatt, parti sinifikanti mill-ispejjeż in kwistjoni hija marbuta ma’ SIEG, li fil-prinċipju jkun jista’ jippermetti lil La Poste li tirċievi kumpens għall-ispejjeż żejda relattivi (71). Barra minn dan, il-kontribuzzjonijiet relatati ma’ attivitajiet li m’għandhomx x’jaqsmu ma’ SIEG ma jkollhomx impatt materjali fuq l-attivitajiet programmati minn La Poste. Il-kontribuzzjonijiet in kwistjoni jikkostitwixxu spejjeż fissi. In-natura fissa ta’ l-sipejjeż tfisser ġustament li dawn mhumiex suxxettibbli li jaffetwaw id-deċiżjonijiet kummerċjali ta’ La Poste, aprtikolarment id-deċiżjonijiet futuri ta’ investiment. L-ispejjeż fissi huma sostnuti minn La Poste, kemm jekk din tiddeċiedi favur ċertu proġett ta’ investiment jew ieħor.

(171)

Iċ-ċirkostanzi li fihom il-livell tal-kontribuzzjonijiet jista’ jaffetwa b’mod sinifikanti l-attivitajiet ta’ La Poste huma kemm l-ammont eċċezzjonalment għoli tal-kontribuzzjonjiet, li jista’ jwassal lil La Poste li toħroġ mis-suq, u kemm żieda importanti ħafna tan-nefqa tal-kapital.

(172)

Ir-riskju ta’ falliment ta’ La Poste ma jidhirx li jikkostitwixxi riskju materjali meta wieħed jikkunsidra s-sitwazzjoni ta’ La Poste (72).

(173)

Ma jistax ikun kompletament eskluż mill-pjan teoretiku li l-kontribuzzjonijiet supplementari annwali li trid tħallas La Poste kienu jkomplu jnaqqsu l-bilanċ tagħha, li seta’ jbiddel it-termini ta’ finanzjament ta’ l-operatur skond spiża tal-kapital aktar għolja. Madankollu, din il-possibbiltà tidher tassew improbabbli fid-dawl ta’ l-argumenti murija preċedentement u l-bidliet tal-kundizzjonijiet tas-suq ikunu (jekk jeżistu) a priori mhux sinifikanti.

(174)

Il-liberalizzazzjoni tas-settur postali kien proċess kontinwu mill-1998 (73). Il-limitu u r-riforma ta’ l-iskema ta’ rtirar applikabbli ma’ La Poste huma stadji importanti fl-adattament ta’ l-intrapriża għal-liberalizzazzjoni progressiva, u bi preparazzjoni għal-liberalizzazzjoni kompleta tas-suq postali Franċiż (74). Huwa wkoll magħruf li l-liberalizzazzjoni tas-swieq postali fil-livell tal-Komunità għandha rwol importanti fil-qafas ta’ l-istrateġija ta’ Liżbona għat-tkabbir u l-impjieg (75). Minn pożizzjoni politika, imma dejjem f’relazzjoni ma’ l-interess Komunitarju, il-Kummissjoni tqis li l-liberalizzazzjoni tas-settur postali tista’ ssir aktar diffiċli jekk l-abbozzi ta’ riforma għall-irtirar, bħal dak li huwa s-suġġett ta’ din id-deċiżjoni, ma jiġux approvati.

(175)

F’dan il-kuntest, jaqbel li wieħed ifakkar li l-iskema ta’ rtirar applikabbli għal La Poste skond il-liġi ta’ l-1990 tippreżenta karatteristiċi speċifiċi (bħall-karattru mhux liberatorju tal-kontribuzzjoni “ta’ min iħaddem” ta’ La Poste fejn il-livell ta’ din il-kontribuzzjoni huwa aktar għoli minn dak imħallas mill-kompetituri tagħha) li, jekk jittieħdu waħedhom, joħolqu distorsjoni tal-kompetizzjoni b’detriment għal La Poste. L-effett essenzjali ta’ l-għajnuna in kwistjoni huwa li tallinja l-kontribuzzjonijiet ta’ La Poste ma’ dawk imħallsa mill-kompetituri tagħha, biex b’hekk telimina d-distorsjoni tal-kompetizzjoni speċifika li taffetwa lil La Poste.

(176)

Barra minn dan, il-Kummissjoni hija ta’ l-opinjoni li l-miżuri in kwistjoni huma adattati għall-objettiv ta’ interess Komunitarju li huma jistipulaw. L-ebda strument ieħor jitratta l-kwistjoni b’mod aktar effikaċi. Fis-setturi fejn jeżisti SIEG seta’ ċertmanet jingħata kumpens ta’ servizz pubbliku, imma strateġija bħal din ma kinitx tkun sostenibbli fit-tul minħabba n-natura strutturali tal-problema.

(177)

Barra minn dan, il-limitu u r-riforma għenu lil La Poste biex taġixxi progressivament bħala investitur privat, affaċċjat b’limitazzjonijiet kummerċjali normali. Miżuri diġà adottati, bħall l-impjieg ta’ imjegati b’kuntratt tas-settur privat (minflok l-uffiċjali), diġà ġew implimentati f’din il-perspettiva.

(178)

F’dak li jikkonċerna l-proporzjonalità tal-miżuri, l-għajnuna mogħtija hija limitata għall-minimu strett, minħabba li t-TEC emendat huwa kkalkulat bl-integrazzjoni tal-kontribuzzjonijiet kollha relevanti.

(179)

Fl-aħħarnett, il-miżuri in kwistjoni, anke jekk ma jikkonċernawx reġim speċjali f’dak li jikkonċerna s-servizzi mogħtija lil min qed jirtira, jippermettu li dan il-mekkaniżmu ta’ finanzjament, li l-evoluzzjonijiet storiċi kienu għamluh inutli, isir permanenti. Il-Kummissjoni tqis li dawn il-miżuri jidħlu għalhekk fil-qafas aktar ġenerali tar-riforma tas-sistemi ta’ rtirar ta’ l-Istati Membri, riforma mixtieqa kemm mill-Kunsill u kemm mill-Kummissjoni.

(180)

Il-prodotti u s-swieq konċernati jistgħu jiġu klassifikati skond jekk dawn humiex parti minn:

(181)

F’analiżi statika, il-Kummissjoni tqis li:

(182)

F’analiżi dinamika, partikolarment għas-swieq li jiddependu attwalment mis-settur riservat imma li normalment ikunu miftuħa għall-kompetizzjoni matul is-snin li ġejjin, il-Kummissjoni hija ta’ l-opinjoni li:

(183)

Minn dak li jippreċedi jirriżulta li l-effetti negattivi ta’ l-għajnuna mogħtija lil La Poste huma moderati.

(184)

Dan għaliex, fid-dawl ta’ l-impenji ta’ Franza, il-miżuri jillimitaw ruħhom għal dak li huwa strettament neċessarju biex jiġu stabbiliti kondizzjonijiet ugwali f’dak li jikkonċerna l-kontribuzzjonijiet soċjali u fiskali obbligatorji, u jġibu fi tmiem id-distorsjoni tal-kompetizzjoni li tillimita lil La Poste, dawn ma jbiddlux il-kundizzjonijiet ta’ l-iskambji kummerċjali f’miżura kuntrarja għall-interess komuni. B’konsegwenza ta’ dan, il-Kummissjoni tqis li l-għajnuna in kwistjoni hija kompatibbli mas-suq komuni, mingħajr ma tkun neċesarja l-ebda miżura ta’ kumpens komplementari.

(185)

Fid-deċiżjoni tagħha 2005/145/KE fil-kwistjoni EDF, il-Kummissjoni awtorizzat l-għajnuna ta’ l-Istat li teħles lill-intrapriżi minn settur ta’ obbligi ta’ pensjonijiet speċifiċi, li jeċċedu dawk li jirriżultaw mill-iskema ġenerali ta’ l-irtirar u li keinu pew definiti matul il-perjodu ta’ monopolju. F’din l-okkażjoni, il-Kummissjoni kkunsidrat li t-tħaffif parzjali ta’ l-ispiża li tirriżulta mill-mekkaniżmu ta’ finanzjament tad-drittijiet speċifiċi ta’ rtirar miksuba qabel id-data tar-riforma kien jikkostitwixxi għajnuna mill-Istat fis-sens tal-paragrafu 1 ta’ l-Artikolu 87 tat-Trattat li seta’ jiġi ddikjarat kompatibbli mas-suq komuni. Il-Kummissjoni stmat fl-analiżi ta’ kompatibilità tagħha li s-sitwazzjoni ta’ EDF ma kinitx daqshekk differenti fin-natura tagħha minn dik ta’ “l-ispejjeż li mhumiex irkuprabbli” fil-qasam ta’ l-enerġija. Fil-fatt sin kienet għajnuna maħsuba biex tiffaċilita t-tranżizzjoni lejn settur ta’ l-enerġija kompetittiv. Il-Kummissjoni stmat xieraq li tassimila l-għajnuna lill-EDF ma’ kumpens ta’ l-ispejjeż li ma jistgħux jiġu rkuprati, u ħabbret li din kienet qed issegwi din l-istrateġija fl-analiżi tagħha ta’ każijiet simili.

(186)

Fid-deċiżjoni EDF, l-għajnuna tikkonċerna biss attivitajiet imwettqa tradizzjonalment f’monopolju. Dan mhuwiex il-każ f’din il-kwistjoni, li titratta fl-istess ħin is-settur riservat u s-settur liberalizzat. EDF u La Poste għalhekk ma jistgħux jitqabblu kompletament. Madankollu, f’analiżi simili għall-metodoloġija ta’ l-sipejjeż li mhumiex irkuprabbli, id-deċiżjoni tal-bidu ta’ din il-proċedura tispjega: “f’dan l-istadju l-Kummissjoni mhix ser tikkonkludi li l-miżuri huma neċessarji biex tintegra bis-sħiħ il-benefiċċji tal-liberalizzazzjoni tas-suq tas-servizzi tal-posta. Fil-fatt, raġunament bħal dan jista’ jsir jekk il-Kummissjoni tkun assigurata li La Poste tinsab effettivament f’sitwazzjoni li tista’ titqabbel ma’ dik tal-kompetituri tagħha”.

(187)

Il-Kummissjoni issa stabbiliet li:

(188)

Għalhekk, il-Kummissjoni tikkunsidra li l-għajnuna in kwistjoni teħles lil La Poste mill-obbligi ta’ pensjonijiet speċifiċi, li jeċċedu dawk li jirriżultaw mill-iskema ġenerali ta’ l-irtirar u li kienu ġew definiti matul il-perjodu tal-monopolju.

(189)

Il-Kummissjoni tinnota li La Poste kienet tħalli jidhru l-impenji ta’ l-irtirar tal-persunal bħala uffiċjali li ma ġewx imdaħħla fil-karta tal-bilanċ tal-kontijiet annwali sa l-2006. Jekk il-kontribuzzjoni ma kinitx magħmula liberatorja, La Poste kellha tiffinanzja l-impenji korrispondenti fil-bilanċ mis-sena 2007. Dan jirriżulta minn applikazzjoni normali, mhux derogatorja, tan-normi ta’ kontabilità inetrnazzjonali, skond ir-Regolament (KE) Nru 1606/2002 tal-Parlament Ewropew u tal-Kunsill tad-19 ta’ Lulju 2002 dwar l-applikazzjoni tan-normi ta’ kontabilità internazzjonali (79). In-nuqqas ta’ finanzjament għalhekk ma jikkostitwix għajnuna mill-Istat. Din ma timplikax fiha nnifisha riżorsi ta’ l-Istat, u tikkomplimenta dawk implimentati mill-miżuri in kwistjoni.

(190)

Il-kwota ta’ l-1998 u r-riforma ta’ l-iskema tal-pensjonijiet ta’ l-uffiċjali impjegati ma’ La Poste skond l-Artikolku 150 tal-liġi ta’ rettifika tal-finanzi għall-2006 jikkostitwixxu għajnuna mill-Istat kompatibbli mas-suq komuni, sakemm:

7.3.2008   

MT

Il-Ġurnal Uffiċjali ta’ l-Unjoni Ewropea

L 63/43

(1)

Għal ċerti atti li jibqgħu validi wara l-1 ta’ Jannar 2007 u jeħtieġu li jiġu adattati minħabba adeżjoni, ma sarx provvediment għall-adattamenti meħtieġa fl-Atti ta’ Adeżjoni.

(2)

Skond l-Artikolu 57 ta’ l-Att ta’ Adeżjoni ta’ l-2003 u l-Artikolu 56 ta’ l-Att ta’ Adeżjoni ta’ l-2005, dawn l-adattamenti għandhom jiġu adottati mill-Kunsill fil-każijiet kollha fejn il-Kunsill adotta l-att oriġinali.

(3)

Ir-Rakkommandazzjoni tal-Kunsill 98/376/KE ta’ l-4 ta’ Ġunju 1998 dwar kard għall-parkeġġ għal persuni b’diżabbiltà (1), għandha għalhekk tiġi emendata kif meħtieġ,

7.3.2008   

MT

Il-Ġurnal Uffiċjali ta’ l-Unjoni Ewropea

L 63/45

(1)

Tfassal rapport dwar l-Evalwazzjoni ta’ Riskju fuq 1-benzylpiperazine (BZP) fuq il-bażi tad-Deċiżjoni 2005/387/JHA minn sessjoni speċjali tal-Kumitat Xjentifiku estiż taċ-Ċentru Ewropew ta’ Sorveljanza dwar id-Drogi u l-Vizzju tad-Drogi u sussegwentement tressaq lill-Kunsill u l-Kummissjoni fil-31 ta’ Mejju 2007.

(2)

Il-BZP hi sustanza sintetika. Ġiet rappurtata għall-ewwel darba fl-Unjoni Ewropea fl-1999. Bħall-amfetamina u l-metamfetamia, il-BZP hija stimulant tas-sistema nervuża ċentrali, imma b’ħafna inqas saħħa (madwar 10 % tad-d-amfetamina). Il-metaboliżmu tal-BZP jista jkun affettwat minn polimorfiżmi ġenetiċi f’sistemi ta’ enżimi li jwasslu għal suxxettibilità inter-individwali wiesgħa għall-effetti tal-BZP. Hemm ukoll potenzjal għal interazzjoni ma’ drogi oħra, imma globalment hemm nuqqas ta’ data farmakokinetika umana.

(3)

F’xi Stati Membri l-BZP hija aċċessibbli legalment minn fornituri ta’ kimika; għal għanijiet ta’ rikreazzjoni, tinbiegħ bħala pilloli u kapsuli permezz ta’ siti Internet jew f’xi Stati Membri fi “ħwienet smart/ta’ ħxejjex”. Fis-suq illegali ta’ drogi, il-BZP tinbiegħ/tinxtara wkoll bħala d-droga popolari ecstasy.

(4)

Tlettax-il Stat Membru, u Stat terz wieħed (in-Norveġja) irrapportaw qabdiet ta’ BZP f’forma ta’ trab, kapsuli jew pilloli, li jvarjaw minn kapsola/pillola għal sa 64,900 pillola. Ftit teżisti informazzjoni li tista’ tissuġġerixxi sinteżi, ipproċessar jew distribuzzjoni ta’ BZP fuq skala kbira, u l-involviment ta’ kriminalità organizzata.

(5)

Il-BZP ma għandha l-ebda valur mediku stabbilit jew rikonoxxut; fl-Unjoni Ewropea ma hemm l-ebda prodott mediċinali magħruf u liċenzjat li fih il-BZP.

(6)

Il-BZP bħalissa ma tinsabx, u lanqas ma kienet, taħt evalwazzjoni mis-sistema tan-NU. F’ħames Stati Membri, il-BZP hi suġġetta għal miżuri ta’ kontroll u penalitajiet kriminali kif previst fil-leġiżlazzjoni tagħhom permezz ta’ l-obbligi tagħhom taħt il-Konvenzjonijiet tan-NU ta’ l-1961 jew l-1971. Żewġ Stati Membri japplikaw miżuri ta’ kontroll għall-BZP fil-leġiżlazzjoni tagħhom dwar il-mediċini.

(7)

Il-BZP instabet f’kampjuni post mortem. Madanakollu, il-punt sa fejn il-BZP kienet implikata fl-imwiet mhuwiex magħruf, minħabba li fil-każijiet kollha kienu involuti sustanzi jew ċirkostanzi oħra.

(8)

Ir-Rapport ta’ Stima tar-Riskju dwar il-BZP juri nuqqas ta’ evidenza xjentifika konklusiva dwar ir-riskji globali tal-BZP. Madanakollu, minħabba l-attributi stimulanti tagħha, ir-riskju għas-saħħa, in-nuqqas ta’ benefiċċji mediċi, kif ukoll meta jitqies il-prinċipju ta’ prekawzjoni, hemm ħtieġa li l-BZP tiġi kontrollata, madankollu l-miżuri ta’ kontroll għandhom ikunu xierqa għal-livelli relattivament baxxi ta’ riskju tas-sustanza.

(9)

It-tqegħid tal-1-benzylpiperazine taħt kontroll jista’ jgħin sabiex ikunu evitati problemi fl-infurzar internazzjonali tal-liġi u l-koperazzjoni ġudizzjarja,