28.2.2008

Il-Ġurnal Uffiċjali ta’ l-Unjoni Ewropea

L 54/1

DEĊIŻJONI TA' L-AWTORITÀ TAS-SORVELJANZA TA' L-EFTA

Nru 85/06/COL

tas-6 ta' April 2006

li temenda, għas-sitta u ħamsin darba, ir-regoli proċedurali u sostantivi fil-qasam ta' l-għajnuna mill-Istat billi tintroduċi Kapitolu ġdid 25.B: Għajnuna Reġjonali Nazzjonali 2007-2013

L-AWTORITÀ TAS-SORVELJANZA TA’ L-EFTA (1),

Wara li kkunsidrat il-Ftehim dwar iż-Żona Ewropea Ekonomika (2), u partikolarment l-Artikoli 61 sa 63 u l-Protokoll 26 tiegħu,

Wara li kkunsidrat il-Ftehim ta' l-Istati ta’ l-EFTA dwar il-ħolqien ta’ Awtorità tas-Sorveljanza u Qorti tal-Ġustizzja (3), u partikolarment l-Artikolu 24 u Artikolu 5(2)(b) tiegħu,

Wara li kkunsidrat l-Artikolu 1 tat-Taqsima I tal-Protokoll 3 għall-Ftehim ta' l-Istati ta' l-EFTA dwar il-ħolqien ta' Awtorità tas-Sorveljanza u Qorti tal-Ġustizzja,

Billi taħt l-Artikolu 24 tal-Ftehim dwar is-Sorveljanza u l-Qorti, l-Awtorità għandha ddaħħal fis-seħħ id-dispożizzjonijiet tal-Ftehim taż-ŻEE dwar l-għajnuna mill-Istat,

Billi taħt l-Artikolu 5(2)(b) tal-Ftehim tas-Sorveljanza u l-Qorti, l-Awtorità għandha toħroġ avviżi jew linji gwida dwar kwistjonijiet trattati fil-Ftehim taż-ŻEE, jekk dak il-Ftehim jew il-Ftehim tas-Sorveljanza u l-Qorti jipprovdi hekk espressament jew jekk l-Awtorità tqis li hu meħtieġ,

Filwaqt li tfakkar ir-Regoli Proċedurali u ta’ Sustanza fil-Qasam ta’ l-Għajnuna mill-Istat (4) adottati fid-19 ta’ Jannar 1994 mill-Awtorità (5),

Billi, fl-4 ta' Marzu 2006, il-Kummissjoni tal-Komunitajiet Ewropej (minn issa 'l quddiem il-Kummissjoni KE) adottat Linji Gwida dwar l-Għajnuna Reġjonali Nazzjonali għall-2007-2013 (6),

Billi din il-Komunikazzjoni hija wkoll rilevanti għaż-Żona Ekonomika Ewropea,

Billi applikazzjoni uniformi tar-regoli ta' l-għajnuna mill-Istat taż-ŻEE għandha tkun żgurata fiż-Żona Ekonomika Ewropea kollha,

Billi, skond punt II taħt it-titolu “ĠENERALI” fl-aħħar ta' l-Anness XV tal-Ftehim taż-ŻEE, l-Awtorità għandha tadotta, wara konsultazzjoni mal-Kummissjoni, atti li jikkorrispondu ma' dawk li kienu adottati mill-Kummisssjoni Ewropea,

Wara li kkonsultat mal-Kummissjoni Ewropea,

Filwaqt li tfakkar li l-Awtorità kkonsultat l-Istati ta’ l-EFTA permezz ta’ ittri lill-Iżlanda, in-Norveġja u l-Liechtenstein ta' l-20 ta’ Frar 2006 dwar is-suġġett,

ADOTTAT DIN ID-DEĊIŻJONI:

Artikolu 1

Il-Linji Gwida dwar l-Għajnuna mill-Istat għandhom jiġu emendati bl-introduzzjoni ta' Kapitolu ġdid 25.B, “Għajnuna Reġjonali Nazzjonali għall-perijodu 2007-2013”. Il-Kapitolu l-ġdid jinsab mehmuż ma' din id-Deċiżjoni.

Artikolu 2

Il-Kapitolu 25.A eżistenti, “Reviżjoni tal-Linji Gwida dwar l-għajnuna reġjonali nazzjonali għall-perjodu wara l-1 ta' Jannar 2007”, għandu jiġi mħassar.

Artikolu 3

L-Istati ta’ l-EFTA għandhom ikunu mgħarrfa permezz ta’ ittra, inkluża kopja ta’ din id-Deċiżjoni u inkluż il-Kapitolu 25.B ġdid.

Artikolu 4

Il-Kummissjoni Ewropea għandha tkun mgħarrfa, skond il-punt (d) tal-Protokol 27 tal-Ftehim taż-ŻEE, permezz ta’ kopja ta’ din id-Deċiżjoni, inkluż il-Kapitolu ġdid 25.B.

Artikolu 5

Id-Deċiżjoni, inkluż il-Kapitolu ġdid 25.B mehmuż, għandha tkun ippubblikata fis-Sezzjoni taż-ŻEE tal-Ġurnal Uffiċjali ta’ l-Unjoni Ewropea u fis-Suppliment taż-ŻEE tiegħu.

Artikolu 6

Il-verżjoni bl-Ingliż biss hi awtentika.

Magħmula fi Brussell, 6 ta’ April 2006.

Għall-Awtorità tas-Sorveljanza ta' l-EFTA,

Bjørn T. GRYDELAND

President

Kurt JAEGER

Membru tal-Kulleġġ

(1) Minn hawn 'l quddiem msejħa “l-Awtorità”.

(2) Minn hawn 'il quddiem imsejjaħ “il-Ftehim taż-ŻEE”.

(3) Minn hawn 'il quddiem imsejjaħ “il-Ftehim dwar is-Sorveljanza u l-Qorti”.

(4) Minn hawn 'il quddiem imsejħa “il-Linji Gwida dwar l-Għajnuna mill-Istat”.

(5) Il-Linji Gwida dwar l-applikazzjoni u l-interpretazzjoni ta' l-Artikoli 61 u 62 tal-Ftehim taż-ŻEE u l-Artikolu 1 tal-Protokoll 3 għall-Ftehim dwar is-Sorveljanza u l-Qorti, adottat u maħruġ mill-Awtorità tas-Sorveljanza ta' l-EFTA fid-19 ta' Jannar 1994, ippubblikat fil-GU 1994 L 231, Supplimenti taż-ŻEE 3.9.1994 Nru 32. Il-Linji Gwida ġew emendati l-aħħar fit-22 ta' Marzu 2006. Minn hawn 'il quddiem imsejħa “il-Linji Gwida dwar l-Għajnuna mill-Istat”.

(6) ĠU C 54, 4.3.2006, p. 13.

ANNESS

“25.B GĦAJNUNA REĠJONALI NAZZJONALI 2007-2013 (1)

25.B.1 Introduzzjoni

(1)

Fuq il-bażi ta' l-Artikolu 61 (3)(a) u l-Artikolu 61 (3)(c) tal-Ftehim taż-ŻEE, l-għajnuna mill-Istat mogħtija sabiex tippromwovi l-iżvilupp ekonomiku ta' ċerti żoni żvantaġġjati fi ħdan iż-ŻEE tista' tkun ikkunsidrata kompatibbli ma' l-operazzjoni tal-Ftehim taż-ŻEE. Dan it-tip ta' għajnuna mill-Istat huwa magħruf bħala għajnuna reġjonali nazzjonali. L-għajnuna reġjonali nazzjonali tikkonsisti minn għajnuna għall-investiment mogħtija lill-kumpaniji kbar, jew f'ċerti ċirkostanzi limitati, l-għajnuna ta' l-operazzjoni, li fiż-żewġ każi jkunu mmirati lejn reġjuni speċifiċi sabiex jiġu rimedjati d-disparitajiet reġjonali. Livelli miżjuda ta' għajnuna għall-investiment mogħtija lil intrapriżi żgħar u ta' daqs medju li jinsabu f'reġjuni żvantaġġjati li jkunu ogħla minn dak permess f'żoni oħra huma wkoll ikkunsidrati bħala għajnuna reġjonali.

(2)

Bl-indirizzar tad-defiċjenzi tar-reġjuni żvantaġġjati, l-għajnuna reġjonali nazzjonali tippromwovi l-koeżjoni ekonomika, soċjali u territorjali ta' l-Istati taż-ŻEE u ż-ŻEE fit-totalità tagħha. Din l-ispeċifiċità ġeografika tiddistingwi l-għajnuna reġjonali mill-forom l-oħra ta' għajnuna orizzontali, bħall-għajnuna għar-riċerka, l-iżvilupp u l-innovazzjoni, l-impjiegi, it-taħriġ jew l-ambjent, li jfittxu għanijiet oħra ta' interess komuni skond l-Artikolu 61(3) tal-Ftehim taż-ŻEE, għalkemm kultant b'rati aktar għolja ta' għajnuna fiż-żoni żvantaġġjati b'rikonoxximent tad-diffikultajiet speċifiċi li jiffaċċjaw (2).

(3)

L-għajnuna għall-investiment reġjonali nazzjonali hija intiża sabiex tgħin l-iżvilupp tar-reġjuni l-aktar żvantaġġjati billi jiġi megħjun l-investiment u l-ħolqien tax-xogħol. Hija tippromwovi t-tkabbir u d-diversifikazzjoni ta' l-attivitajiet ekonomiċi ta' l-intrapriżi li jinsabu fir-reġjuni inqas iffavoriti, b'mod partikolari bl-inkoraġġiment tad-ditti sabiex iwaqqfu stabbilimenti ġodda hemmhekk.

(4)

Il-kriterji applikati mill-Awtorità tas-Sorveljanza ta' l-EFTA (minn issa 'l quddiem ‘l-Awtorità)’ meta teżamina l-kompatibbiltà ta' l-għajnuna reġjonali nazzjonali mal-Ftehim taż-ŻEE taħt l-Artikoli 61 (3)(a) u 61 (3)(c) tal-Ftehim taż-ŻEE ġew kodifikati fil-Kapitolu 25 tal-Linji Gwida dwar l-Għajnuna mill-Istat ta' l-Awtorità (3) (minn issa 'l quddiem ‘il-Linji Gwida’) li jkopri l-perjodu 2000-2006 (4). Ir-regoli speċifiċi li jirregolaw l-għajnuna għall-proġetti kbar ta' investiment ġew kodifikati fil-Linji Gwida, il-Kapitolu 26.A Qafas Multisettorali dwar l-Għajnuna Reġjonali għall-Proġetti Kbar ta' Investiment (5). Madankollu, żviluppi politiċi u ekonomiċi importanti sa mill-1998, inkluż it-tkabbir taż-ŻEE fl-1 ta' Mejju 2004 u l-adeżjoni anitiċipata tal-Bulgarija u r-Rumanija, ħolqu l-ħtieġa ta' reviżjoni komprensiva sabiex jiġu ppreparati linji gwida ġodda li se jkunu applikabbli mill-2007 sa l-2013.

(5)

L-għajnuna reġjonali jista' biss ikollha rwol effettiv jekk tintuża bil-qies u b'mod proporzjonali u tkun ikkonċentrata fuq ir-reġjuni l-aktar żvantaġġjati taż-ŻEE. B'mod partikolari l-limiti permissibbli ta' l-għajnuna għandhom jirriflettu s-serjetà relattiva tal-problemi li jaffettwaw l-iżvilupp tar-reġjuni kkonċernati. Barra minn hekk, il-vantaġġi ta' l-għajnuna f'termini ta' żvilupp ta' reġjun inqas iffavorit għandhom jegħlbu d-distorsjonijiet riżultanti tal-kompetizzjoni (6). Il-piż mogħti lill-vantaġġi ta' l-għajnuna x'aktarx li jvarja skond id-deroga applikata, sabiex distorsjoni akbar għall-kompetizzjoni tkun tista' tiġi aċċettata fil-każ tar-reġjuni l-aktar żvantaġġjati koperti mill-Artikolu 61 (3)(a) milli f'dawk koperti mill-Artikolu 61 (3)(ċ) (7).

(6)

F'ċerti każi limitati ħafna u definiti sewwa, id-defiċjenzi strutturali ta' reġjun jistgħu tant ikunu severi li l-għajnuna reġjonali għall-investiment, flimkien ma' reġim komprensiv ta' għajnuna orizzontali ma jkunux biżżejjed sabiex jitħarrek proċess ta' żvilupp reġjonali. Huwa biss f'dawn il-każi li l-għajnuna reġjonali għall-investiment tista' tiġi ssupplimentata minn għajnuna reġjonali ta' l-operazzjoni.

(7)

Korp ta' evidenza li qiegħed dejjem jikber jissuġġerixxi li hemm ostakli sinifikanti għall-formazzjoni ta' intrapriżi ġodda fi ħdan iż-ŻEE li huma aktar akuti fir-reġjuni żvantaġġjati. L-Awtorità għalhekk iddeċidiet tintroduċi strument ġdid ta' l-għajnuna f'dawn il-linji gwida sabiex jiġi inkoraġġit il-ħolqien ta' negozji żgħar f'reġjuni żvantaġġjati b'limiti ta' l-għajnuna differenzjati skond ir-reġjuni kkonċernati.

25.B.2 Ambitu

(8)

L-Awtorità għandha tapplika dawn il-linji gwida għall-għajnuna reġjonali f'kull settur ta' l-ekonomija li jaqa' fi ħdan l-ambitu tal-Ftehim taż-ŻEE u l-kompetenzi ta' l-Awtorità. Barra min hekk, xi wħud mis-setturi koperti huma wkoll soġġetti għal regoli speċifiċi li jqisu s-sitwazzjoni partikolari tas-setturi kkonċernati u li jistgħu jidderogaw b'mod sħiħ jew parzjali minn dawn il-linji gwida (8).

Fir-rigward ta' l-industrija ta' l-azzar, skond il-prattika li ilha żmien twil stabbilita, l-Awtorità tikkunsidra li l-għajnuna reġjonali lill-industrija ta' l-azzar kif definita fl-Anness I m'hijiex kompatibbli ma' l-operazzjoni tal-Ftehim taż-ŻEE. Din l-inkompatibbiltà tapplika wkoll għal għotjiet individwali kbar magħmula f'dan is-settur lil intrapriżi żgħar u ta' daqs medju skond it-tifsira ta' l-Artikolu 6 tar-Regolament (KE) Nru 70/2001 (9) jew kwalunkwe regolament suċċessur, li m'humiex eżentati mill-istess Regolament.

Barra minn hekk, minħabba l-karatteristiċi speċifiċi tagħha, ebda għajnuna reġjonali għall-investiment ma tista' tingħata fis-settur tal-fibri sintetiċi skond kif definit fl-Anness II.

(9)

L-għajuna tista' tingħata biss lil ditti f'diffikultajiet skond it-tifsira tal-Kapitolu 16 tal-Linji Gwida (10) skond il-Kapitolu msemmi (11).

(10)

Bħala regola ġenerali, l-għajnuna reġjonali għandha tingħata taħt skema multisettorjali ta' l-għajnuna li tifforma parti integrali minn strateġija reġjonali ta' l-iżvilupp b'għanijiet definiti b'mod ċar. Din l-iskema tista' wkoll tagħmilha possibbli lill-awtoritajiet kompetenti li jagħtu prijorità lill-proġetti ta' l-investiment skond l-interess tagħhom għar-reġjun ikkonċernat. Fejn, eċċezzjonalment, ikun previst l-għoti individwali ad hoc lil ditta unika, jew għajnuna limitata għal żona waħda ta' attività, hija r-responsabbiltà ta' l-Istat ta' l-EFTA li juri li l-proġett jikkontribwixxi lejn strateġija koerenti ta' żvilupp reġjonali u li, meta jitqiesu n-natura u d-daqs tal-proġett, dan ma jwassalx għal distorsjonijiet inaċċettabbli għall-kompetizzjoni. Jekk l-għajnuna mogħtija taħt skema tidher li tkun indebitament ikkonċentrata fuq settur partikolari ta' l-attività, l-Awtorità tista' tistħarreġ l-iskema skond l-Artikolu 17 f'Parti II tal-Protokoll 3 dwar il-funzjonijiet u l-poteri ta' l-Awtorità fil-qasam ta' l-għajnuna mill-Istat għall-Ftehim tas-Sorveljanza u l-Qorti (minn issa 'l quddiem ‘Protokoll 3 għall-Ftehim tas-Sorveljanza u l-Qorti’), u tista' tipproponi, skond l-Artikolu 18 (3) f'Parti II tal-Protokoll sabiex l-iskema tiġi mħassra.

(11)

L-Istati ta' l-EFTA m'għandhomx għalfejn jinnotifikaw skemi nazzjonali ta' għajnuna reġjonali li jissodisfaw il-kundizzjonjiet kollha stipulati fir-regolamenti għall-eżenzjoni ta' gruppi lil ċerti kategoriji ta' għajnuna orizzontali mill-Istat kif inklużi fil-Ftehim taż-ŻEE permezz ta' l-Anness XV.

25.B.3 Delimitazzjoni tar-reġjuni

25.B.3.1 Kopertura tal-popolazzjoni eliġibbli għall-għajnuna reġjonali, 2007-2013

(12)

Fid-dawl tal-prinċipju tan-natura eċċezzjonali ta' l-għajnuna reġjonali, l-Awtorità tikkunsidra li l-kopertura totali tal-popolazzjoni tar-reġjuni megħjuna fl-Istati ta' l-EFTA għandha tkun sostanzjalment inqas minn dik ta' reġjuni li m'humiex megħjuna.

(13)

Meta jitqies it-tħassib mifrux sewwa dwar l-effetti ta' distorsjoni ta' l-għajnuna ta' l-investiment għal kumpanniji kbar, l-Awtorità tikkunsidra – b'konformità mal-Kummissjoni Ewropea u skond il-prinċipju ta' l-iżgurar ta' l-implimentazzjoni, l-applikazzjoni u l-interpretazzjoni uniformi tar-regoli taż-ŻEE dwar l-għajnuna mill-Istat – li l-kopertura ġenerali tal-popolazzjoni tal-linji gwida dwar l-għajnuna reġjonali għall-2007-2013 għandha tiġi limitata għal dak li huwa meħtieġ sabiex tkun possibbli kopertura tar-reġjuni l-aktar żvantaġġjati, kif ukoll ta' numru limitat ta' reġjuni li huma żvantaġġjati meta mqabbla mal-medja nazzjonali fl-Istat ta' l-EFTA kkonċernat.

25.B.3.2 Id-deroga fl-Artikolu 61 (3)(a)

(14)

L-Artikolu 61(3)(a) jistipula li għajnuna maħsuba biex tippromwovi l-iżvilupp ekonomiku ta’ reġjun fejn il-livell ta' l-għajxien huwa baxx b’mod anormali jew fejn ikun hemm stat serju ta’ nuqqas ta’ impjieg tista’ titqies kompatibbli ma' l-operazzjoni tal-Ftehim taż-ŻEE. Kif żammet il-Qorti tal-Ġustizzja tal-Komunitajiet Ewropej, ‘l-użu tal-kliem “anormali” u “serju” fl-eżenzjoni li tinsab fl-Artikolu 87(3)(a) juri li din tikkonċerna biss reġjuni fejn is-sitwazzjoni ekonomika hija svaforevoli b'mod estrem meta mqabbla mal-Komunità bħala entità sħiħa’ (12).

(15)

Għalhekk l-Awtorità tikkunsidra li l-kundizzjonijiet stipulati jkunu sodisfatti jekk ir-reġjun, li huwa unità ġeografika tan-NUTS (13) livell II, għandu prodott gross domestiku (PGD) per capita, imkejjel bi standards ta' poter tax-xiri (PPS – Purchasing Power Standards), ta' inqas minn 75 % tal-medja taż-ŻEE (14). Madankollu ma hemm ebda reġjun tan-NUTS livell II fl-Istati ta' l-EFTA li fil-preżent jissodisfa din il-kundizzjoni (15). Għalhekk, ebda reġjun fl-Istati ta' l-EFTA ma jikkwalifika għad-deroga ta' l-Artikolu 61 (3)(a).

25.B3.3 Id-deroga fl-Artikolu 61 (3)(ċ)

(16)

Il-Qorti Ewropea tal-Ġustizzja, fil-kawża 248/84 (16) esprimiet il-fehmiet tagħha fuq il-firxa ta' problemi koperti mid-deroga analoga fit-Trattat tal-KE u l-qafas ta' referenza għall-analiżi kif ġej: L-eżenzjoni fl-Artikolu 87 (3)(ċ), min-naħa l-oħra, hija aktar wiesgħa fl-ambitu tagħha peress li din tippermetti l-iżvilupp ta' ċerti reġjuni mingħajr ma tkun ristretta bil-kundizzjonijiet ekonomiċi stipulati fl-Artikolu 87 (3)(a), kemm-il darba din l-għajnuna ‘ma tfixkilx il-kundizzjonijiet tal-kummerċ sa grad li jkun kuntrarju għall-interess komuni’. Dik id-dispożizzjoni tagħti lill-Kummissjoni s-setgħa li tawtorizza għajnuna intiża sabiex tkattar l-iżvilupp ekonomiku ta' reġjuni ta' Stat Membru li huma żvantaġġjati meta mqabbla mal-medja nazzjonali. Fil-fehma ta' l-Awtorità, l-istess japplika taħt l-Artikolu 61 (3)(ċ) tal-Ftehim taż-ŻEE.

(17)

L-għajnuna reġjonali koperta mid-deroga fl-Artikolu 61 (3)(ċ) għandha, madankollu, tifforma parti minn politika reġjonali definita sewwa ta' l-Istat ta' l-EFTA u tikkonforma mal-prinċipju tal-konċentrazzjoni ġeografika. Safejn hija intiża għal reġjuni li huma inqas żvantaġġjati minn dawk li għalihom japplika l-Artikolu 61 (3)(a), kemm l-ambitu ġeografiku ta' l-eċċezzjoni u kif ukoll l-intensità ta' l-għajnuna permessa għandhom ikunu strettament limitati. Jekk dan ikun il-każ, normalment tkun biss parti żgħira mit-territorju nazzjonali ta' l-Istat ta' l-EFTA li tista' tikkwalifika għall-għajnuna in kwistjoni.

(18)

Sabiex l-awtoritajiet nazzjonali ikollhom biżżejjed diskrezzjoni fl-għażla tar-reġjuni eliġibbli mingħajr ħsara għall-effettività tas-sistema ta' kontrolli u bilanċi mħaddma mill-Awtorità fir-rigward ta' dan it-tip ta' għajnuna u t-trattament ugwali ta' l-Istati ta' l-EFTA, l-għażla tar-reġjuni eliġibbli taħt id-deroga in kwistjoni għandha ssir bi proċess ta' żewġ stadji li jikkonsisti, l-ewwel, fid-determinazzjoni mill-Awtorità tal-kopertura massima tal-popolazzjoni ta' kull Stat ta' l-EFTA għal din l-għajnuna, u, it-tieni, fl-għażla tar-reġjuni eliġibbli.

25.B.3.3.1 Id-determinazzjoni tal-kopertura tal-popolazzjoni nazzjonali eliġibbli

(19)

Fil-linji gwida analogi tagħha, il-Kummissjoni Ewropea ddefinit il-metodoloġija li għandha tiġi applikata sabiex tiġi ddeterminata l-kopertura tal-popolazzjoni nazzjonali eliġibbli fi ħdan l-Istati Membri. Dan il-metodu jirrikjedi l-passi li ġejjin:

(a)	L-Istati Membri tal-KE għandhom l-ewwel jirċievu allokazzjoni li tirriżulta mill-applikazzjoni tad-deroga tal-KE li tikkorrispondi għall-Artikolu 61 (3)(a) (17).

(b)

L-Istati Membri tal-KE jirċievu b'mod awtomatiku allokazzjoni ekwivalenti għall-popolazzjoni ta' kwalunkwe reġjuni li kienu eliġibbli għal għajnuna taħt id-deroga tal-KE li tikkorrispondi għall-Artikolu 61 (3)(a) iżda li m'għadhiex aktar tissodisfa l-kundizzjonijiet ta' l-eliġibbiltà taħt dak l-Artikolu minħabba l-iżvilupp ekonomiku tagħhom (dawn ir-reġjuni huma magħrufa bħala reġjuni ta' “l-iżvilupp ekonomiku” (18)).

(ċ)

Sabiex l-appoġġ kontinwu għal reġjuni b'densità baxxa tal-popolazzjoni ikun possibbli, l-Istati Membri tal-KE kkonċernati jirċievu wkoll allokazzjoni bbażata fuq il-popolazzjoni ta' reġjuni b'densità baxxa tal-popolazzjoni definiti bħala reġjuni NUTS III b'inqas minn 12,5 abitanti għal kull kilometru kwadru.

(d)

Allokazzjonijiet taħt il-punti (a) – (ċ) hawn fuq huma imbagħad miżjuda u l-ammont totali huwa mnaqqas mill-kopertura ġenerali tal-popolazzjoni ta' 42 % (19) għall-Istati Membri KE-25. Il-bilanċ huwa imbagħad maqsum bejn l-Istati Membri tal-KE bl-użu ta' mod ta' distribuzzjoni li jqis is-sitwazzjoni ekonomika ta' dawn ir-reġjuni (il-formola dettaljata għall-allokazzjoni ta' ċifri ta' popolazzjoni eliġibbli attribwiti għad-disparità reġjonali osservata hija stipulata fl-Anness IV tal-Linji Gwida tal-Kummissjoni).

(e)	Finalment, tiġi applikata xibka ta' sigurtà sabiex jiġi żgurat li ebda Stat Membru tal-KE ma jitlef aktar minn 50 % tal-kopertura tal-popolazzjoni tiegħu taħt il-linji gwida ta' l-1998.

(20)

L-Istati ta' l-EFTA għandhom ċerti speċifiċitajiet li għandhom jitqiesu fid-determinazzjoni tal-kopertura tal-popolazzjoni eliġibbli:

(a)	minħabba il-PGD per capita relattivament għoli fl-Istati ta' l-EFTA, ebda reġjun ma jikkwalifika għad-deroga taħt l-Artikolu 61 (3)(a) (20);

(b)	ħafna reġjuni fi ħdan l-Istati ta' l-EFTA huma reġjuni b'densità baxxa tal-popolazzjoni;

(ċ)	finalment, ebda reġjun barra mid-densità baxxa tal-popolazzjoni ma jikkwalifika taħt il-metodu ta' disparità reġjonali kif stipulat fl-Anness IV tal-Linji Gwida tal-Kummissjoni.

(21)

Minħabba dawn l-ispeċifiċitajiet, l-Awtorità se tiffissa l-kopertura tal-popolazzjoni nazzjonali fuq il-bażi ta' reġjuni b'densità baxxa ta' popolazzjoni skond l-Artikolu 61 (3)(ċ).

In-Norveġja għandha disa' reġjuni NUTS III b'densità baxxa tal-popolazzjoni li jagħmlu 29,08 % tal-popolazzjoni Norveġiża. Għalhekk, il-limitu nazzjonali tal-popolazzjoni għan-Norveġja huwa 29,08 %.

Skond is-sistema ta' klassifika tan-NUTS, l-Iżlanda hija definita bħala reġjun NUTS III (kif ukoll reġjun NUTS I u NUTS II). Id-densità tal-popolazzjoni ta' l-Iżlanda hija inqas minn 12,5 abitant għal kull kilometru kwadru (21). Kif issemma hawn fuq (paragrafi (16) u (17)), id-deroga fl-Artikolu 61 (3)(c) tagħti lill-Awtorità s-setgħa sabiex tawtorizza għajnuna bl-għan li jitkattar l-iżvilupp ta' reġjuni fi Stat ta' l-EFTA li huma żvantaġġjati b'paragun mal-medja nazzjonali. Aktar minn hekk, normalment hija biss parti żgħira mit-territorju nazzjonali li għandha tikkwalifika għall-għajnuna in kwistjoni. F'dan l-isfond u meta jitqies il-pattern speċjali tal-popolazzjoni fl-Iżlanda, l-Awtorità se tiddetermina l-kopertura tal-popolazzjoni għall-Iżlanda fuq il-bażi tar-reġjuni NUTS IV b'densità baxxa tal-popolazzjoni (22) 31,6 % tal-popolazzjoni ta' l-Iżlanda jgħixu f'dawk ir-reġjuni li għandhom popolazzjoni ta' inqas minn 12.5 abitant għal kull kilometru kwadru. Għalhekk il-kopertura tal-popolazzjoni nazzjonali għall-Iżlanda hija 31,6 %.

Il-Liechtenstein m'għandux reġjuni b'densità baxxa tal-popolazzjoni u għalhekk m'għandu ebda reġjun eliġibbli fuq dik il-bażi.

25.B.3.3.2 L-għażla tar-reġjuni eliġibbli

(22)

Il-kriterji ta' l-eliġibbiltà għall-għażla ta' reġjuni mill-Istati ta' l-EFTA għandhom ikunu biżżejjed flessibbli sabiex tippermetti d-diversità wiesgħa ta' sitwazzjonijiet li fiha l-għoti ta' għajnuna reġjonali nazzjonali tista' potenzjalment tkun ġustifikata iżda fl-istess ħin għandhom ikunu trasparenti u jipprovdu biżżejjed salvagwardji sabiex l-għoti ta' għajnuna reġjonali ma joħloqx distorsjoni għall-kummerċ u għall-kompetizzjoni sa grad li jkun kuntrarju għall-interess komuni. Għalhekk, l-Awtorità tikkunsidra li r-reġjuni li ġejjin jistgħu jkunu eliġibbli għall-għażla mill-Istati ta' l-EFTA kkonċernati għall-għajnuna reġjonali għall-investiment skond id-deroga taħt l-Artikolu 61(3)(ċ) (23):

(a)

ir-reġjuni ta' densità baxxa tal-popolazzjoni: Dawn iż-żoni huma essenzjalment magħmula minn reġjuni ġeografiċi NUTS II b'densità tal-popolazzjoni ta' inqas minn tmien abitanti għal kull km kwadru, jew reġjuni ġeografiċi NUTS III fir-rigward tan-Norveġja u NUTS IV fir-rigward ta' l-Iżlanda (24) b'densità tal-popolazzjoni ta' inqas minn 12,5 abitant għal kull km kwadru (25). Madankollu, huwa permess li jkun hemm ċerta flessibbiltà fl-għażla ta' dawn iż-żoni, iżda dan bil-limitazzjonijiet li ġejjin:

—	il-flessibbiltà fl-għażla taż-żoni m'għandhiex tfisser żieda fil-kopertura tal-popolazzjoni;

—	il-partijiet NUTS III li jikkwalifikaw għall-flessibbiltà għandu jkollhom densità ta' popolazzjoni ta' inqas minn 12,5 abitant għal kull kilometru kwadru;

—	għandhom ikunu kontigwi mar-reġjuni NUTS III li jissodisfaw it-test tad-densità baxxa tal-popolazzjoni;

(b)

reġjuni li jifformaw żoni kontigwi b'popolazzjoni minima li ta' l-inqas tkun 100 000 u li jkunu jinsabu f'reġjuni NUTS II jew NUTS III li jkollhom PGD per capita inqas mill-medja taż-ŻEE jew ikollhom rata ta' qgħad li tkun ogħla minn 115 % tal-medja nazzjonali, (it-tnejn ikkalkulati fuq il-medja ta' l-aktar tliet snin riċenti tad-data tal-Eurostat);

(ċ)	reġjuni NUTS-III b'inqas minn 100 000 bħala popolazzjoni li għandhom PGD per capita inqas mill-medja taż-ŻEE jew li għandhom rata ta' qgħad ogħla minn 115 % tal-medja nazzjonali, (it-tnejn ikkalkulati fuq il-medja ta' l-aktar tliet snin riċenti tad-data tal-Eurostat);

(d)	gżejjer u reġjuni oħra kategorizzati b'iżolazzjoni ġeografika simili (26) li għandhom PGD per capita inqas mill-medja taż-ŻEE jew li għandhom rata ta' qgħad ogħla minn 115 % tal-medja nazzjonali, (it-tnejn ikkalkulati fuq il-medja ta' l-aktar tliet snin riċenti tad-data tal-Eurostat);

(e)	gżejjer b'inqas minn 5 000 abitant u komunitajiet oħra b'inqas minn 5 000 abitant kategorizzati b'iżolazzjoni geografika simili;

(f)	reġjuni NUTS III jew partijiet minnhom li għandhom fruntiera ta' l-art komuni, jew fruntiera fil-baħar ta' inqas minn 30 kilometru ma' pajjiż li m'huwiex Stat Membru taż-Żona Ekonomika Ewropea jew l-EFTA.

(g)

F'każijiet debitament ġustifikati, l-Istati ta' l-EFTA jistgħu wkoll jagħżlu reġjuni oħra li jifformaw żoni kontigwi b'popolazzjoni minima li tkun ta' l-inqas 50 000 li jkunu qed jagħmlu bidla strutturali kbira, jew ikunu relattivament sejrin lura b'mod serju, meta mqabbla ma' reġjuni oħra komparabbli. Ikun xogħol l-Istati ta' l-EFTA, li jixtiequ jużaw din il-possibbiltà, li juru li l-għoti ta' l-għajnuna għall-investiment reġjonali fir-reġjun ikkonċernat ikun ġustifikat, bl-użu ta' indikaturi ekonomiċi rikonoxxuti u paraguni mas-sitwazzjoni fil-livell taż-ŻEE.

(23)

Barra minn hekk, sabiex l-Istati ta' l-EFTA ikollhom flessibbiltà akbar sabiex jindirizzaw disparitajiet reġjonali ferm lokalizzati, taħt il-livell NUTS III, l-Istati ta' l-EFTA jistgħu wkoll jagħżlu żoni iżgħar oħra li ma jissodisfawx il-kundizzjonijiet deskritti hawn fuq iżda li jkollhom popolazzjoni minima ta' 20 000 (27). Tkun ir-responsabbiltà ta' l-Istati ta' l-EFTA li jixtiequ jużaw din il-possibbiltà li juru li ż-żoni proposti huma relattivament aktar fil-bżonn ta' żvilupp ekonomiku minn żoni oħra f'dak ir-reġjun, bl-użu ta' indikaturi ekonomiċi rikonoxxuti bħall-PGD per capita, il-livelli ta' l-impjiegi jew il-qgħad, il-produttività lokali jew l-indikaturi tal-ħiliet. L-għajnuna reġjonali tiġi approvata mill-Awtorità f'dawn iż-żoni għal SMEs, u jkun applikabbli wkoll il-bonus rilevanti ta' l-SMEs. Madankollu, minħabba d-distorsjoni potenzjali tal-kompetizzjoni li tirriżulta mill-effett tal-fatt li jintlaħqu wkoll ir-reġjuni aktar prosperi ta' l-inħawi, l-Awtorità ma tapprovax għajnuna għall-investimenti minn kumpanniji kbar f'dawk iż-żoni, jew għajnuniet għall-investimenti bi spejjeż eliġibbli li jeċċedu l-EUR 25 miljun.

(24)

Il-konformità mal-kopertura totali permessa għal kull Stat ta' l-EFTA tkun determinata mill-popolazzjoni attwali tar-reġjuni kkonċernati, fuq il-bażi ta' l-informazzjoni rikonoxxuta l-aktar riċenti ta' l-istatistika disponibbli.

25.B.4 Għajnuna għall-investiment reġjonali

25.B.4.1 Forma ta' l-għajnuna u limiti ta' l-għajnuna

25.B.4.1.1 Forma ta' l-għajnuna

(25)

L-għajnuna għall-investiment reġjonali hija għajnuna mogħtija għall-proġett ta' investiment inizjali.

(26)

Investiment inizjali jfisser investiment f'beni materjali u beni intanġibbli dwar:

—	it-twaqqif ta' stabbiliment ġdid;

—	l-estensjoni ta' stabbiliment eżistenti;

—	diversifikazzjoni tal-produzzjoni ta' stabbiliment fi prodotti ġodda u addizzjonali;

—	bidla fundamentali fil-proċess ġenerali tal-produzzjoni ta' stabbiliment eżistenti.

“Beni materjali” tfisser beni li jirrigwardaw art, bini u impjanti/makkinarju. Fil-każ ta' akkwist ta' stabbiliment, huma biss l-ispejjeż tax-xiri tal-beni minn terzi persuni li jitqiesu, kemm-il darba it-tranżazzjoni tkun seħħet taħt kundizzjonijiet tas-suq.

“Beni intanġibbli” tfisser beni li jirriżultaw mit-trasferiment ta' teknoloġija bl-akkwist ta' drittijiet ta' privattiva, liċenzji, know-how jew għarfien tekniku mhux kopert bi privattiva.

Investiment għal tibdil li ma jissodisfax kwalunkwe waħda minn dawn il-kundizzjonijiet huwa għalhekk eskluż mill-kunċett (28).

(27)

L-akkwist tal-beni direttament marbuta ma' stabbiliment jista' wkoll jiġi meqjus bħala investiment inizjali kemm-il darba l-istabbiliment ikun għalaq jew kien jagħlaq li kieku ma nxtarax, u jkun inxtara minn investitur indipendenti (29).

(28)

L-għajnuna għall-investiment reġjonali hija kkalkulata b'referenza għall-ispejjeż ta' l-investiment materjali u immaterjali li jirriżultaw mill-proġett ta' investiment inizjali jew għall-ispejjeż tas-salarji (estimi) għal impjiegi maħluqa direttament mill-proġett ta' investiment (30).

(29)

Il-forma ta' l-għajnuna hija varjabbli. Tista', per eżempju, tieħu l-forma ta' għotjiet, selfiet b'imgħax baxx jew tnaqqis ta' imgħax, garanziji mill-istat, ix-xiri ta' ishma jew provvediment alternattiv ta' kapital b'termini favorevoli, eżenzjonijiet jew riduzzjonijiet ta' taxxi, ħlasijet ta' sigurtà soċjali jew ħlasijiet mandatorji oħra, jew il-provvista ta' art, oġġetti jew servizzi bi prezzijiet favorevoli.

(30)

Huwa importanti li jiġi żgurat li l-għajuna reġjonali tipproduċi effett veru ta' inċentiv sabiex isiru investimenti li altrimenti ma kinux isiru fiż-żoni megħjuna. Għalhekk tista' tingħata għajnuna taħt l-iskemi ta' l-għajnuna jekk il-benefiċjarju jkun ssottometta applikazzjoni għall-għajnuna u l-awtorità responsabbli mill-amministrazzjoni ta' l-iskema tkun sussegwentment ikkonfermat bil-miktub (31) li, soġġett għal verifika dettaljata, il-proġett fil-prinċipju jissodisfa l-kundizzjonijiet ta' eliġibbiltà stipulati mill-iskema qabel il-bidu tax-xogħol fuq il-proġett (32). Għandha wkoll issir referenza espressa għaż-żewġ kundizzjonijiet fl-iskemi kollha ta' l-għajnuna (33). Fil-każ ta' għajnuna ad hoc, jeħtieġ li l-awtorità kompetenti tkun ħarġet ittra ta' intenzjoni, li tkun soġġetta għall-approvazzjoni mill-Awtorità tal-miżura, sabiex tingħata għajnuna qabel jibda x-xogħol fuq il-proġett. Jekk ix-xogħol jibda qabel ma jkunu sodisfatti l-kundizzjonijiet stipulati f'dan il-paragrafu, il-proġett kollu ma jkunx eliġibbli għall-għajnuna.

(31)

Fejn l-għajnuna tkun ikkalkulata fuq il-bażi ta' spejjeż ta' investiment materjali jew immaterjali, jew ta' spejjeż ta' akkwist fil-każ imsemmi fil-paragrafu (27) hawn fuq, sabiex jiġi żgurat li l-investiment ikun vijabbli u sod u li jirrispetta l-limiti applikabbli ta' l-għajnuna, il-benefiċjarju għandu jipprovdi kontribuzzjoni finanzjarja li tkun ta' l-inqas 25 % ta' l-ispejjeż eliġibbli, imħallsa minn riżorsi proprji tiegħu jew minn finanzjament estern, f'forma li tkun libera minn kwalunkwe sostenn pubbliku (34).

(32)

Barra minn hekk, sabiex jiġi żgurat li l-investiment jagħmel kontribuzzjoni reali u sostnuta lejn l-iżvilupp reġjonali, l-għajnuna għandha tkun soġġetta, permezz tal-kundizzjonijiet marbuta magħha, jew il-metodu ta' ħlas tagħha, għaż-żamma ta' l-investiment in kwistjoni fir-reġjun ikkonċernat għal perjodu minimu li ma jkunx inqas minn ħames snin mit-tlestija tiegħu (35). Barra minn hekk, fejn l-għajnuna tiġi kkalkulata fuq il-bażi ta' spejjeż ta' salarji, il-postijiet tax-xogħol għandhom jimtlew fi żmien tliet snin mit-tlestija tax-xogħlijiet. Kull wieħed mill-impjiegi maħluqa mill-investiment għandu jinżamm fir-reġjun ikkonċernat għal perjodu ta' ħames snin mid-data li l-post tax-xogħol ikun imtela l-ewwel darba. Fil-każ ta' l-SMEs, l-Istati ta' l-EFTA jistgħu jnaqqsu dawn il-perjodi ta' ħames snin għaż-żamma ta' l-investiment jew l-impjiegi maħluqa għal minimu ta' tliet snin.

(33)

Il-livell ta' l-għajnuna huwa definit f'termini ta' intensità mqabbla ma' l-ispejjeż ta' referenza. L-intensitajiet ta' l-għajnuna kollha għandhom jiġu kkalkulati f'termini ta' ekwivalenti ta' għotjiet gross (GGE - Gross Grant Equivalents) (36). L-intensità ta' l-għajnuna f'ekwivalenti ta' l-għotja gross huwa l-valur skontat ta' l-għajnuna espress bħala perċentwali tal-valur skontat ta' l-ispejjeż eliġibbli. Għall-għajnuna li hija notifikata individwalment lill-Awtorità, l-ekwivalenti ta' l-għotja gross huwa kkalkulat fil-mument tan-notifika. F'każi oħra, l-ispejjeż eliġibbli ta' l-investiment huma skontati għall-valur tagħhom fil-mument li tingħata l-għajnuna. Għajnuna li titħallas f'diversi pagamenti akkont għandha tiġi skontata għall-valur tagħha fil-mument li tiġi notifikata jew mogħtija, skond il-każ. Ir-rata ta' imgħax li għandha tintuża għall-iskop ta' l-iskont u għall-kalkolu ta' l-ammont ta' għajnuna f'self b'rata ta' imgħax baxxa għandha tkun ir-rata ta' referenza applikabbli fil-ħin ta' l-għotja. Fil-każi fejn l-għajnuna tingħata permezz ta' eżenzjonijiet ta' taxxa jew tnaqqis fuq taxxi futuri dovuti, l-iskontar ta' porzjonijiet ta' għajnuna isir fuq il-bażi ta' rati ta' referenza applikabbli fid-diversi ħinijiet li l-vantaġġi tat-taxxa jsiru effettivi.

25.B.4.1.2 Limiti ta' l-għajnuna (intensitajiet massimi ta' l-għajnuna) għall-għajnuna għal kumpanniji kbar

(34)

L-intensità ta' l-għajnuna għandha tiġi adattata sabiex tieħu kont tan-natura u l-intensità tal-problemi reġjonali li qed jiġu indirizzati. Dan ifisser li l-intensitajiet ta' l-għajnuna ammissibbli jkunu sa mill-bidu inqas għolja f'reġjuni li jikkwalifikaw għall-eżenzjoni taħt l-Artikolu 61 (3)(ċ) milli f'dawk li jikkwalifikaw taħt l-Artikolu 61 (3)(a).

(35)

It-tkabbir taż-ŻEE wasslet għal disparitajiet akbar tal-prosperità fiż-ŻEE li wasslu għall-ħtieġa li tiġi introdotta kategorizzazzjoni akbar tar-reġjuni kkonċernati. Bil-ħsieb li jkun hemm konsistenza ma' l-approċċ adottat fil-Komunità Ewropea, l-Awtorità ddeċidiet li tapplika l-istess metodoloġija.

(36)

Fir-reġjuni ta' l-Artikolu 61 (3)(ċ), il-limitu ta' l-għajnuna reġjonali m'għandux jeċċedi il-15 % tal-GGE. Dan huwa mnaqqas għall-10 % tal-GGE fil-każ ta' reġjuni li jkollhom sew aktar minn 100 % tal-PGD per capita medju taż-ŻEE u kif ukoll rata aktar baxxa ta' qgħad mill-medja taż-ŻEE, imkejla fil-livell NUTS III (fuq il-bażi ta' medji għall-aħħar tliet snin, bl-użu ta' data tal-Eurostat) (37).

(37)

Madankollu, ir-reġjuni ta' densità tal-popolazzjoni baxxa (li jikkorrispondu għal-livell NUTS III jew iżgħar) u r-reġjuni NUTS III jew partijiet minnhom li jaqsmu fruntiera ta' l-art ma' pajjiż li m'huwiex Stat Membru taż-Żona Ekonomika Ewropea jew ta' l-EFTA, huma dejjem eliġibbli għal intensità ta' l-għajnuna ta' 15 % tal-GGE.

25.B.4.1.3 Bonuses għal intrapriżi żgħar u ta' daqs medju

(38)

Fil-każ ta' għajnuna mogħtija lil intrapriżi żgħar u ta' daqs medju (38), il-limiti fit-Taqsima 25.B.4.1.2 jistgħu jiġu miżjuda b'20 % GGE għal għajnuna mogħtija lil intrapriżi żgħar u b'10 % GGE għal għajnuna mogħtija lil intrapriżi ta' daqs medju (39).

25.B.4.2 Spejjeż eliġibbli

25.B.4.2.1 Għajnuna kkalkulata fuq il-bażi ta' l-ispejjeż ta' l-investiment

(39)

Spejjeż fuq l-art, bini u impjanti/makkinarju (40) huma eliġibbli għall-għajnuna għall-investiment inizjali.

(40)

Għall-SMEs, l-ispejjeż ta' studji preparatorji u l-ispejjeż ta' konsulenzi marbuta ma' l-investiment jistgħu wkoll jitqiesu sa intensità ta' l-għajnuna ta' 50 % ta' l-ispejjeż attwali mħallsa.

(41)

Fil-każ ta' akkwist tat-tip imsemmi fil-paragrafu (27), huma biss l-ispejjeż tax-xiri tal-beni (41) minn terzi persuni li għandhom jitqiesu (42). It-tranżazzjoni għandha sseħħ taħt kundizzjonijiet tas-suq.

(42)

Spejjeż relatati ma' l-akkwist ta' assi, li ma jkunux artijiet u bini, li jittieħdu b'self jistgħu biss jitqiesu jekk is-self jieħu forma ta' leasing finanzjarju u jinkludi obbligazzjoni għax-xiri ta' l-oġġett fi tmiem it-terminu ta' żmien tal-kirja. Għall-kiri ta' art u bini, il-kera għandha ttul għal ta' l-inqas ħames snin wara d-data antiċipata tat-tlestija tal-proġett ta' investiment għal kumpanniji kbar, u tliet snin għal SMEs.

(43)

Għajr fil-każi ta' l-SMEs u l-amalgamazzjonijiet permezz ta' akkwist, il-beni akkwistati għandhom ikunu ġodda. Fil-każ ta' l-amalgamazzjonijiet permezz ta' akkwist, għandhom jitnaqqsu l-beni li għall-akkwist tagħhom tkun diġà ngħatat għajnuna qabel l-akkwist.

(44)

Għall-SMEs, jistgħu wkoll dejjem jitqiesu l-ispejjeż sħaħ ta' l-investimenti f'beni intanġibbli mit-trasferiment ta' teknoloġija permezz ta' l-akkwist ta' drittijiet ta' privattivi, liċenzji, know-how jew għarfien tekniku mhux kopert bi privattiva. Għal kumpanniji kbar, dawn l-ispejjeż huma eliġibbli biss sa limitu ta' 50 % tan-nefqa totali eliġibbli ta' l-investiment għall-proġett.

(45)

Fil-każi kollha, il-beni intanġibbli eliġibbli jkunu soġġetti għall-kundizzjonijiet meħtieġa sabiex jiżguraw li jibqgħu marbuta mar-reġjun destinatarju eliġibbli għall-għajnuna reġjonali u, konsegwentement, li ma jkunux suġġett ta' trasferiment li jkun ta' benefiċċju għal reġjuni oħra, speċjalment reġjuni oħra li m'humiex eliġibbli għal għajnuna reġjonali. Għal dan l-għan, beni intanġibbli eliġibbli għandhom b'mod partikolari jissodisfaw il-kundizzjonijiet li ġejjin:

—	għandhom jintużaw biss fl-istabbiliment li jirċievi l-għajnuna reġjonali;

—	għandhom ikunu meqjusa beni amortizzabbli;

—	għandhom jinxtraw minn terzi persuni taħt kundizzjonijiet tas-suq;

—	għandhom ikunu inklużi fil-beni tad-ditta u jibqgħu fl-istabbiliment li jirċievi l-għajnuna reġjonali għal ta' l-inqas ħames snin (tliet snin għall-SMEs).

25.B.4.2.2 Għajnuna kkalkulata fuq il-bażi ta' l-ispejjeż tas-salarji

(46)

Kif ġie indikat fit-Taqsima 25.B.4.1.1, l-għajnuna reġjonali tista' wkoll tiġi kkalkulata b'referenza għall-ispejjeż tas-salarji mistennija (43) li jirriżultaw mill-ħolqien tax-xogħol bħala riżultat ta' proġett inizjali ta' l-investiment.

(47)

“Ħolqien tax-xogħol” tfisser żieda netta fin-numru ta' impjegati (44) direttament impjegati fi stabbiliment partikulari mqabbel mal-medja matul it-tnax-il xahar ta' qabel. Kwalunkwe impjiegi mitlufa matul dak il-perjodu ta' tnax-il xahar għandu għalhekk jiġi mnaqqas min-numru apparenti ta' impjiegi maħluqa matul l-istess perjodu (45).

(48)

L-ammont ta' għajnuna m'għandux jeċċedi ċertu perċentwali ta' l-ispiża tas-salarju tal-persuna impjegata, ikkalkulat fuq perjodu ta' sentejn. Il-perċentwali huwa ugwali għall-intensità permessa ta' għajnuna ta' l-investiment fiż-żona in kwistjoni.

25.B.4.3 Għajnuna għall-proġetti kbar ta' investiment

(49)

Għall-finijiet ta' dawn il-linji gwida, “proġett kbir ta' investiment” huwa “investiment inizjali” kif definit minn dawn il-linji gwida bi spiża eliġibbli 'l fuq minn EUR 50 miljun (46). Sabiex jiġi evitat li proġett kbir ta' investiment jinqasam b'mod artifiċjali fi proġetti sekondarji bl-iskop li jiġu evitati d-dispożizzjonijiet ta' dawn il-linji gwida, proġett kbir ta' investiment se jiġi kkunsidrat proġett wieħed ta' investiment meta l-investiment inizjali jsir f'perjodu ta' tliet snin minn kumpannija waħda jew aktar u jkun jikkonsisti f'beni fissi magħquda b'mod ekonomikament indiviżibbli (47).

(50)

Sabiex tikkalkula jekk l-ispiża eliġibbli għall-proġetti kbar ta' investiment tilħaqx id-diversi limiti f'dawn il-linji gwida, in-nefqa eliġibbli li għandha titqies tikkonsisti fl-ispejjeż tradizzjonali ta' l-investiment jew altrimenti fl-ispiża tas-salarji, skond liema minnhom hija l-ogħla.

(51)

F'żewġ oqfsa Multisettorjali suċċessivi dwar l-għajnuna reġjonali għall-proġetti kbar ta' investiment fl-1998 (48) u fl-2004 (49), l-Awtorità naqqset l-intensitajiet massimi ta' l-għajnuna għall-proġetti kbar ta' investiment sabiex tillimita id-distorsjonjiet għall-kompetizzjoni. Għal finijiet ta' simplifikazzjoni u trasparenza, l-Awtorità ddeċidiet tintegra d-dispożizzjonijiet tal-qafas Multisettorjali ta' l-2004 (MSF 2004) fil-linji gwida ta' l-Għajnuna Reġjonali għall-2007-2013.

(52)

Għalhekk l-MSF-2004 mhux se jibqa' applikabbli għal għajnuna mogħtija jew notifikata (50) wara il-31 ta' Diċembru 2006 u se jiġi sostitwit b'dawn il-linji gwida (51).

25.B.4.3.1 Trasparenza miżjuda u monitoraġġ ta' proġetti kbar ta' investiment

(53)

L-Istati ta' l-EFTA huma meħtieġa jinnotifikaw individwalment lill-Awtorità kwalunkwe għajnuna li għandha tingħata lil proġetti ta' investiment taħt skema ta' għajnuna eżistenti jekk l-għajnuna proposta mill-għejun kollha tkun ogħla mill-ammont massimu permess ta' għajnuna li investiment b'nefqa eliġibbli ta' EUR 100 miljun jista' jirċievi taħt l-iskala u r-regoli stipulati fil-paragrafu (56) (52).

Il-limiti tan-notifika għal reġjuni differenti bl-intensitajiet ta' l-għajnuna l-aktar komuni f'dawn il-linji gwida huma mqassra fit-tabella li ġejja.

(EUR)
Intensità ta' l-għajnuna	10 %	15 %	20 %	30 %	40 %	50 %
Limiti tan-notifika	7,5 m	11,25 m	15,0 m	22,5 m	30,0 m	37,5 m

(54)

Kull meta tingħata għajnuna reġjonali fuq il-bażi ta' skemi ta' għajnuna eżistenti għal proġetti kbar ta' investiment li m'humiex notifikabbli, l-Istati ta' l-EFTA għandhom, fi żmien 20 jum tax-xogħol li jiddekorru mill-għoti ta' l-għajnuna mill-Awtorità kompetenti, jipprovdu lill-Awtorità bl-informazzjoni mitluba fil-formola standard stipulata fl-Anness III. L-Awtorità se tagħmel disponibbli għall-pubbliku informazzjoni fil-qosor permezz tal-websajt tagħha (www.eftasurv.int/fieldsofwork/fieldstateaid).

(55)

L-Istati ta' l-EFTA għandhom iżommu reġistri dettaljati dwar l-għoti ta' l-għajnuna għall-proġetti kbar ta' investiment kollha. Dawn ir-reġistri, li għandu jkollhom l-informazzjoni kollha meħtieġa sabiex jiġi stabbilit li l-intensità massima ta' l-għajnuna permessa tkun ġiet osservata, għandhom jinżammu għal għaxar snin mid-data ta' meta l-għajnuna tingħata.

25.B.4.3.2 Regoli għall-evalwazzjoni ta' proġetti kbar ta' investiment

(56)

L-għajnuna reġjonali għall-investiment għal proġetti kbar ta' investiment hija soġġetta għal limitu aġġustat ta' għajnuna reġjonali (53), fuq il-bażi ta' l-iskala li ġejja:

Infiq eliġibbli	Limitu aġġustat ta' l-għajnuna
Sa 50 miljun ewro	100 % tal-limitu reġjonali
Għall-parti bejn il-50 miljun ewro u l-100 miljun ewro	50 % tal-limitu reġjonali
Għall-parti li teċċedi l-100 miljun ewro	34 % tal-limitu reġjonali

Għalhekk, l-ammont ta' għajnuna permess għal proġett kbir ta' investiment se jkun ikkalkulat skond il-formola li ġejja: ammont massimu ta' l-għajnuna = R × (50 + 0,50 × B + 0,34 × C), fejn R huwa l-limitu ta' l-għajuna reġjonali mhux aġġustat, B huwa n-nefqa eliġibbli bejn EUR 50 miljun u EUR 100 miljun, u C huwa n-nefqa eliġibbli 'l fuq minn EUR 100 miljun. Dan huwa kkalkulat fuq il-bażi tar-rati tal-kambju uffiċjali li jkun hemm fid-data ta' l-għoti ta' l-għajnuna, jew fil-każ ta' għajnuna soġġetta għal notifika individwali, fid-data tan-notifika.

(57)

Fejn l-ammont totali ta' għajnuna mill-għejun kollha jeċċedi l-75 % ta' l-ammont massimu ta' l-għajnuna li investiment bi spiża eliġibbli ta' EUR 100 miljun jista' jirċievi, bl-applikazzjoni tal-limitu standard ta' l-għajnuna fis-seħħ għal intrapriżi kbar fil-mappa approvata ta' l-għajnuna reġjonali fid-data li l-għajnuna għandha tingħata, u fejn

(a)	il-benfiċjarju ta' l-għajnuna huwa responsabbli għal aktar minn 25 % tal-bejgħ tal-prodott(i) ikkonċernat(i) fis-suq/swieq ikkonċernat(i) qabel l-investiment jew għandu jkun responsabbli għal aktar minn 25 % wara l-investiment, jew

(b)

il-kapaċità tal-produzzjoni maħluqa mill-proġett hija aktar minn 5 % tas-suq ikkalkulata bl-użu ta' data ta' konsum apparenti (54) għall-prodott ikkonċernat, sakemm ir-rata annwali medja ta' l-iżvilupp tal-konsum apparenti tiegħu fuq l-aħħar ħames snin ma tkunx 'il fuq mir-rata annwali medja tat-tkabbir tal-PGD taż-Żona Ekonomika Ewropea,

l-Awtorità tapprova l-għajnuna għall-investiment reġjonali biss wara verifika dettaljata, wara li tinbeda l-proċedura pprovduta fl-Artikolu 1 (2) fil-Parti I tal-Protokoll 3 għall-Ftehim dwar is-Sorveljanza u l-Qorti, li l-għajnuna hija meħtieġa sabiex tipprovdi effett ta' inċentiv għall-investiment u li l-benefiċċji tal-miżura ta' l-għajnuna tegħleb id-distorsjoni riżultanti għall-kompetizzjoni u l-effett fuq il-kummerċ bejn il-Partijiet Kontraenti (55).

(58)

Il-prodott ikkonċernat huwa normalment il-prodott kopert mill-proġett ta' l-investiment (56). Meta l-proġett jikkonċerna prodott intermedjarju u parti sinifikanti mill-produzzjoni ma tkunx mibjugħa fis-suq, il-prodott ikkonċernat jista' jkun il-prodott downstream. Is-suq rilevanti tal-prodott jinkludi l-prodott ikkonċernat u s-sostituti għalih li huma hekk ikkunsidrati mill-konsumatur (minħabba l-karatteristiċi, il-prezzijiet u l-użu maħsub tal-prodott) jew mill-produttur (permezz tal-flessibbiltà ta' l-installazzjonijet tal-produzzjoni).

(59)

L-oneru tal-prova li s-sitwazzjonijiet li għalihom jirreferu il-paragrafi (57) (a) u (b) ma japplikawx, huwa fuq l-Istati ta' l-EFTA (57). Għal finijiet ta' l-applikazzjoni tal-punti (a) u (b), il-bejgħ u l-konsum apparenti jiġu definiti fil-livell xieraq tal-klassifika Prodcom (58), normalment fiż-ŻEE, jew jekk din l-informazzjoni ma tkunx disponibbli jew rilevanti, fuq il-bażi ta' kwalunkwe segmentazzjoni oħra tas-suq ġeneralment aċċettata li għaliha hemm disponibbli data ta' l-istatistika.

25.B.4.4 Regoli dwar l-akkumulazzjoni ta' l-għajnuna

(60)

Il-limiti ta' l-intensità ta' l-għajnuna stipulati fit-Taqsimiet 25.B.4.1 u 25.B.4.3 hawn fuq japplikaw għall-għajnuna totali:

—	fejn l-għajnuna tingħata fl-istess ħin taħt diversi skemi reġjonali jew flimkien ma' għajnuna ad hoc;

—	indipendentement minn jekk l-għajnuna tiġix minn għejun lokali, reġjonali, nazzjonali jew taż-ŻEE.

(61)

Fejn l-għajnuna kkalkulata fuq il-bażi ta' spejjeż ta' l-investiment materjali jew immaterjali tingħaqad ma' għajnuna kkalkulata fuq il-bażi ta' spejjeż tas-salarji, għandu jiġi rispettat il-limitu ta' l-intensità stipulat għar-reġjun ikkonċernat (59).

(62)

Fejn in-nefqa eliġibbli għall-għajnuna reġjonali tkun eliġibbli fl-intier tagħha jew f'parti minnha għal għajnuna b'għanijet oħra, il-parti komuni tkun soġġetta għal-limitu l-aktar favorevoli taħt ir-regoli applikabbli.

(63)

Fejn l-Istat ta' l-EFTA jistipula li l-għajnuna mill-Istat taħt skema waħda tista' tingħaqad ma' għajnuna taħt skemi oħra, għandu jispeċifika, f'kull skema, il-metodu li permezz tiegħu jiżgura l-konformità mal-kundizzjonijiet hawn fuq elenkati.

(64)

L-għajnuna għall-investiment reġjonali m'għandhiex tingħaqad ma' sostenn de minimis fir-rigward ta' l-istess spejjeż eleġibbli sabiex jiġu evitati l-intensitajiet massimi ta' l-għajnuna stipulati f'dawn il-linji gwida.

25.B.5 Għajnuna għall-operazzjoni (60)

(65)

L-għajnuna reġjonali li hija intiża sabiex tnaqqas l-ispejjeż kurrenti ta' ditta (għajnuna għall-operazzjoni) hija normalment projbita. Eċċezzjonalment, madankollu, l-għajnuna ta' din ix-xorta tista' tingħata f'reġjuni eligibbli taħt id-deroga fl-Artikolu 61(3)(a) sakemm (i) dan huwa ġustifikat fil-kuntest tal-kontribuzzjoni tagħha għall-iżvilupp reġjonali u n-natura tagħha u (ii) il-livell tagħha huwa proporzjonali għad-defiċjenzi li l-għajnuna tfittex li ttaffi (61). Huwa d-dmir ta' l-Istat ta' l-EFTA li juri l-eżistenza u l-importanza ta' kwalunkwe defiċjenzi. Aktar minn hekk, ċerti forom speċifiċi ta' għajnuna ta' l-operazzjoni jistgħu jiġu aċċettata fir-reġjuni ta' densità baxxa ta' popolazzjoni u ż-żoni l-inqas popolati.

(66)

Fil-prinċipju l-għajnuna għall-operazzjoni għandha biss tingħata fir-rigward ta' sett definit minn qabel ta' nfiq jew spejjeż eliġibbli (62) u tkun limitata għal ċertu proporzjon ta' dawk l-ispejjeż.

(67)

Minħabba n-natura speċifika ta' l-attivitajiet finanzjarji u fi ħdan il-grupp, kif definit fit-Taqsima J (kodiċi 65, 66 u 67) u ta' l-attivitajiet intra-grupp li jaqgħu fi ħdan l-ambitu tat-Taqsima K (kodiċi 74) tal-Kodiċi NACE Ewropew, għajnuna ta' l-operazzjoni mogħtija għal dawn l-attivitajiet għandha biss tendenza limitata ħafna li tippromwovi l-iżvilupp reġjonali, filwaqt li għandha riskju għoli ta' distorsjoni għall-kompetizzjoni, kif dikjarat fil-Kapitolu 17.B tal-Linji Gwida (63). Għalhekk l-Awtorità ma tapprovax kwalunkwe għajnuna għall-operazzjoni għas-settur tas-servizzi finanzjarji, jew għal attivitajiet fi ħdan il-grupp taħt dawn il-linji gwida sakemm din l-għajnuna ma tingħatax taħt skemi ġenerali li huma miftuħa għas-setturi kollha u li jkunu intiżi sabiex ipaċu spejjeż addizzjonali tat-trasport jew tax-xogħol. Bl-istess mod, l-għajnuna ta' l-operazzjoni intiża sabiex tippromwovi l-esportazzjoni hija eskluża.

(68)

Minħabba li hija intiża sabiex tegħleb id-dewmien u l-konġestjonijiet fl-iżvilupp reġjonali, barra minn kif provdut fil-paragrafi (69) u (70), l-għajnuna ta' l-operazzjoni għandha dejjem tkun temporanja u mnaqqsa maż-żmien, u għandha titwaqqaf kompletament meta r-reġjuni kkonċernati jakkwistaw konverġenza reali maż-żoni aktar għonja fiż-ŻEE (64).

(69)

B'deroga mill-paragrafu preċedenti, l-għajnuna għall-oparazzjoni li ma tkunx kemm imnaqqsa progressivament kif ukoll limitata fiż-żmien tista' biss tkun awtorizzata fir-reġjuni l-inqas popolati, safejn din tkun intiża sabiex timpedixxi jew tnaqqas id-depopolazzjoni kontinwa ta' dawn ir-reġjuni (65). Ir-reġjuni l-inqas popolati jirrapreżentaw jew jappartjenu għal reġjuni fil-livell NUTS II għan-Norveġja u fil-livell NUTS IV għall-Iżlanda (66) b'densità tal-popolazzjoni ta' tmien abitanti għal kull km kwadru jew inqas u jestendu għal żoni iżgħar adjaċenti u kontigwi li jissodisfaw l-istess kriterju ta' densità tal-popolazzjoni.

(70)

Aktar minn hekk, fir-reġjuni ta' densità baxxa tal-popolazzjoni, għajnuna li ma tkunx kemm imnaqqsa progressivament u kif ukoll limitata fiż-żmien u li tkun intiża sabiex tpaċi parzjalment l-ispejjeż addizzjonali tat-trasport tista' tkun awtorizzata taħt il-kundizzjonijiet li ġejjin:

—	l-għajnuna tista' biss isservi sabiex tikkumpensa għall-ispiża addizzjonali tat-trasport, filwaqt li jitqiesu skemi oħra ta' għajnuna għat-trasport. Filwaqt li l-ammont ta' l-għajnuna jista' jiġi kkalkulat fuq bażi ta' rappreżentazzjoni, għandu jiġi evitat kumpens żejjed sistematiku;

—

l-għajnuna tista' tingħata biss fir-rigward ta' l-ispiża addizzjonali tat-trasport ta' prodotti maħduma fir-reġjuni ta' densità baxxa ta' popolazzjoni fi ħdan il-fruntieri nazzjonali tal-pajjiż ikkonċernat. M'għandhiex titħalla ssir għajnuna għall-esportazzjoni. Ebda għajnuna ma għandha tingħata għat-trasport jew għat-trażmissjoni ta' prodotti ta' negozji mingħajr post alternattiv (prodotti ta' l-industriji estrattivi, impjanti ta' l-enerġija idroelettrika, eċċ.);

—	l-għajnuna għandha tkun oġġettivament kwantifikabbli bil-quddiem, fuq il-bażi proporzjonali ta' għajnuna għal kull tunnellata/kilometru, u għandu jsir rapport annwali li, fost affarijet oħra, juri l-operazzjoni tal-proporzjon jew proporzjonijiet;

—	l-istima ta' l-ispiża addizzjonali għandha tkun ibbażata fuq il-forma l-aktar ekonomika tat-trasport u l-iqsar triq bejn il-post tal-produzzjoni jew il-proċessar u n-negozji kummerċjali li jużaw dik il-forma ta' trasport; għandhom jitqiesu wkoll l-ispejjeż esterni għall-ambjent.

(71)

Fil-każijiet kollha, il-ħtieġa u l-livell ta' għajnuna għall-operazzjoni għandhom jiġu eżaminati mill-ġdid b'mod regolari sabiex tiġi żgurata r-rilevanza tagħha fit-tul għar-reġjun ikkonċernat. Għalhekk l-Awtorità tapprova biss skemi ta' għajnuna ta' l-operazzjoni għat-tul taż-żmien ta' dawn il-linji gwida.

(72)

Sabiex l-effetti ta' l-iskemi ta' l-għajnuna għall-operazzjoni fuq il-kummerċ u l-kompetizzjoni jiġu verifikati, l-Istati ta' l-EFTA se jkunu mitluba jipprovdu kull sena rapport waħdieni fir-rigward ta' kull reġjun NUTS II (67) fejn tingħata spjegazzjoni tan-nefqa totali, jew id-dħul stmat mitluf, għal kull skema ta' l-għajnuna ta' l-operazzjoni approvata fir-reġjun ikkonċernat u jidentifika l-għaxar l-akbar benefiċjarji ta' għajnuna għall-operazzjoni fir-reġjun ikkonċernat (68), filwaqt li jispeċifika s-settur(i) ta' l-attività tal-benefiċjarji u l-ammont ta' għajnuna li kull wieħed minnhom irċieva.

25.B.6 Għajnuna għall-intrapriżi żgħar ġodda

(73)

Filwaqt li intrapriżi żgħar ġodda jiffaċċjaw diffikultajiet madwar iż-ŻEE kollha, jidher li l-iżvilupp ekonomiku tar-reġjuni megħjuna huwa mxekkel mil-livelli relattivament baxxi ta' attività imprenditorjali u b'mod partikolari mir-rati ta' ħolqien ta' negozji ġodda li saħansitra huma inqas mir-rati medji. Għalhekk jidher li hija meħtieġa l-introduzzjoni ta' forma ġdida ta' għajnuna, li tista' tingħata b'żieda ma' l-għajnuna għall-investiment reġjonali, sabiex tipprovdi inċentivi għall-appoġġ tal-ħolqien ta' negozji ġodda u l-iżvilupp fl-istadju bikri ta' intrapriżi żgħar fiż-żoni megħjuna.

(74)

Sabiex jiġi żgurat l-użu effettiv tiegħu, jidher li dan it-tip ta' għajnuna għandu jiġi ggradwat skond id-diffikultajiet li kull kategorija ta' reġjun tiffaċċja. Barra minn hekk, sabiex jiġi evitat riskju inaċċettabbli ta' distorsjonijiet għall-kompetizzjoni inkluż ir-riskju ta' crowding-out ta' l-intrapriżi eżistenti, l-għajnuna għandha, ta' l-inqas għal perjodu inizjali, tkun strettament limitata għall-intrapriżi żgħar, u tkun limitata fl-ammont u digressiva.

(75)

Għalhekk l-Awtorità tapprova skemi ta' l-għajnuna li jipprovdu għajnuna sa total ta' EUR 1 miljun għal kull intrapriża (69) għal intrapriżi żgħar bl-attività ekonomika tagħhom f'reġjuni eliġibbli għad-deroga ta' l-Artikolu 61(3)(ċ). Ammonti annwali ta' għajnuna mogħtija lil intrapriżi żgħar ġodda m'għandhomx jeċċedu t-33 % ta' l-ammonti totali ta' għajnuna għal kull intrapriża hawn fuq msemmija.

(76)

L-ispejjeż eliġibbli huma spejjeż legali, ta' pariri, ta' konsulenza u spejjeż amministrattivi marbuta direttament mal-ħolqien ta' intrapriża, kif ukoll l-ispejjeż li ġejjin, safejn dawn ikunu fil-fatt inkorsi fl-ewwel ħames snin mill-ħolqien ta' l-intrapriża (70):

—	imgħax fuq finanzi esterni u dividend fuq kapital proprju mħaddem li ma jeċċedux ir-rata ta' referenza;

—	drittijiet għall-kiri ta' faċilitajiet/apparat tal-produzzjoni;

—	spejjeż għall-enerġija, l-ilma, it-tisħin, u taxxi (għajr il-VAT u t-taxxi korporattivi fuq id-dħul kummerċjali) u spejjeż amministrattivi;

—

Deprezzament, drittijiet għall-kiri ta' faċilitajiet/apparat tal-produzzjoni kif ukoll spejjeż tas-salarji inklużi imposti soċjali mandatorji jistgħu jkunu inklużi wkoll sakemm l-investimenti sottostanti jew il-ħolqien tax-xogħol u l-miżuri ta' reklutaġġ ma jkunux ibbenefikaw minn forom oħra ta' għajnuna.

(77)

L-intensità ta' l-għajnuna m'għandhiex teċċedi l-25 % ta' l-ispejjeż eliġibbli inkorsi fl-ewwel tliet snin wara l-ħolqien ta' l-intrapriża, u 15 % fis-sentejn ta' wara.

(78)

Dawn l-intensitajiet jiġu miżjuda b'5 % fir-reġjuni b'densità tal-popolazzjoni ta' inqas minn 12.5 abitant għal kull km kwadru u fi gżejjer żgħar b'popolazzjoni ta' inqas minn 5 000, u komunitajiet oħra ta' l-istess daqs li jsofru minn iżolament simili.

(79)

L-Istat ta' l-EFTA għandu jwaqqaf is-sistema meħtieġa sabiex jiżgura li ma jinqabżux il-limiti aktar għolja għall-ammont ta' għajnuna u l-intensità rilevanti ta' l-għajnuna f'rabta ma' l-ispejjeż eliġibbli kkonċernati. B'mod partikolari, l-għajnuna msemmija f'dan il-kapitolu m'għandhiex tiġi akkumulata ma' sostenn pubbliku ieħor (inkluż sostenn de minimis) sabiex jiġu evitati l-intensitajiet ta' l-għajnuna jew l-ammonti massimi stipulati.

(80)

L-għoti ta' għajnuna intiża b'mod esklussiv għal intrapriżi żgħar ġodda jista' jwassal għal inċentivi perversi għal intrapriżi żgħar eżistenti sabiex jagħlqu u jerġgħu jibdew mill-ġdid biex b'hekk jirċievu dan it-tip ta' għajnuna. L-Istati ta' l-EFTA għandhom ikunu konxji minn dan ir-riskju u għandhom ifasslu skemi ta' għajnuna b'mod li jevitaw din il-problema, per eżempju billi jimponu limiti fuq applikazzjonijiet minn sidien ta' ditti li jkunu ngħalqu riċentement.

25.B.7 Mapep ta' l-għajnuna reġjonali u dikjarazzjoni ta' kompatibbiltà

(81)

Ir-reġjuni ta' Stat ta' l-EFTA eliġibbli għal għajnuna għall-investiment reġjonali taħt id-derogi u l-limiti fuq l-intensità ta' l-għajnuna għall-investiment inizjali (71) approvati għal kull reġjun, jifformaw flimkien mappa ta' l-għajnuna reġjonali ta' Stat ta' l-EFTA. Il-mappa ta' l-għajnuna reġjonali tiddefinixxi wkoll ir-reġjuni eliġibbli sabiex tingħata għajnuna għall-intrapriża. Skemi ta' l-għajnuna ta' l-operazzjoni m'humiex koperti mill-mapep ta' l-għajnuna reġjonali, u huma evalwati każ b'każ fuq il-bażi ta' notifika mill-Istat ta' l-EFTA kkonċernat skond l-Artikolu 1(3) fil-Parti I tal-Protokoll 3 għall-Ftehim dwar is-Sorveljanza u l-Qorti.

(82)

Il-Qorti Ewropea tal-Ġustizzja iddeċidiet li “d-deċiżjonijiet” li bihom il-Kummissjoni Ewropea tadotta l-mapep ta' l-għajnuna reġjonali għal kull Stat Membru tal-KE għandhom jiġu meqjusa bħala li jifformaw parti integrali mil-linji gwida dwar l-għajnuna reġjonali u li għandhom saħħa li jorbtu biss bil-kundizzjoni li jkunu ġew aċċettati mill-Istati Membri tal-KE (72). Fl-opinjoni ta' l-Awtorità, l-istess japplika għad-deċiżjonijiet ta' l-Awtorità.

(83)

Barra minn hekk, għandu jiġi mfakkar li l-mapep ta' l-għajnuna reġjonali jagħtu definizzjoni wkoll ta' l-ambitu ta' kwalunkwe eżenzjoni ta' grupp li teżenta l-għajnuna reġjonali mill-obbligu ta' notifika taħt l-Artikolu 1(3) fil-Parti I tal-Protokoll 3 għall-Ftehim dwar is-Sorveljanza u l-Qorti, kemm jekk din l-għajnuna tingħata fuq il-bażi tar-Regolament (KE) Nru 70/2001 (73), kif ukoll jekk tingħata fuq il-bażi ta' eżenzjoni futura possibbli għal forom oħra ta' għajnuna reġjonali.

(84)

Taħt dawn il-linji gwida, il-mappa ta' l-għajnuna reġjonali, kif soġġetta għas-sitwazzjoni soċjo-ekonomika ta' l-Istati ta' l-EFTA, se tinkludi reġjuni li għandhom jitqiesu mill-Istati ta' l-EFTA għall-eliġibbiltà għall-għajnuna reġjonali skond l-Artikolu 61(3)(ċ) sal-limitu tal-kopertura tal-poplazzjoni determinata skond it-Taqsima 25.B.3.3.1.

(85)

Sakemm jirrispettaw il-kundizzjonijiet stipulati f'dawn il-linji gwida, hija r-responsabbiltà ta' l-Istati ta' l-EFTA nfushom li jiddeċiedu dwar jekk għandhomx jagħtu għajnuna għall-investiment reġjonali u sa liema livell. Kemm jista' jkun malajr wara l-adozzjoni ta' dawn il-linji gwida, kull Stat ta' l-EFTA għandu għalhekk jinnotifika lill-Awtorità skond l-Artikolu 1 (3) fil-Parti I tal-Protokoll 3 għall-Ftehim tas-Sorveljanza u l-Qorti, mappa unika ta' għajnuna reġjonali li tkopri t-territorju nazzjonali kollu.

(86)

L-Awtorità teżamina n-notifiki skond il-proċedura stipulata fl-Artikolu 1(3) fil-Parti I tal-Protokoll 3 għall-Ftehim tas-Sorveljanza u l-Qorti. Fi tmiem l-evalwazzjoni tagħha, hija tippubblika l-mapep approvati ta' l-għajnuna reġjonali fit-Taqsima taż-ŻEE tal-Ġurnal Uffiċjali ta' l-Unjoni Ewropea u fis-Suppliment taż-ŻEE għall-istess Ġurnal Uffiċjali. Dawn il-mapep jidħlu fis-seħħ fl-1 ta' Jannar 2007, jew fid-data ta' l-approvazzjoni tagħhom mill-Awtorità jekk dan isir aktar tard, u jkunu kkunsidrati bħala parti integrali minn dawn il-linji gwida.

(87)

In-notifika għandha tindika b'mod ċar ir-reġjuni proposti għall-eliġibbiltà taħt l-Artikolu 61(3)(ċ), u l-intensitajiet ta' l-għajnuna intiżi għal kumpanniji kbar, filwaqt li jitqiesu l-aġġustamenti fil-limitu ta' għajnuna reġjonali għall-proġetti kbar ta' investiment.

(88)

Informazzjoni dettaljata ta' sostenn għandha tingħata sabiex tiġi spjegata l-għażla tar-reġjuni taħt l-Artikolu 61(3)(ċ) barra l-iżvilupp ekonomiku, id-densità baxxa tal-popolazzjoni u r-reġjuni tal-fruntiera, inkluża l-identifikazzjoni dettaljata tar-reġjuni kkonċernati, id-data tal-popolazzjoni, l-informazzjoni dwar il-PGD u l-livelli ta' qgħad fir-reġjuni kkonċernati, u kwalunkwe informazzjoni rilevanti oħra.

(89)

Sabiex tiġi żgurata kontinwità, li hija essenzjali għall-iżvilupp reġjonali fit-tul, il-lista ta' reġjuni notifikata mill-Istati ta' l-EFTA għandha fil-prinċipju tapplika matul il-perjodu kollu 2007-2013. Madankollu, din tista' tkun soġġetta għal reviżjoni ta' nofs it-terminu fl-2010 (74). Kwalunkwe Stat ta' l-EFTA li jkun jixtieq jemenda l-lista ta' reġjuni eliġibbli għall-għajnuna taħt l-Artikolu 61(3)(ċ) jew l-intensitajiet ta' l-għajnuna applikabbli għandu jissottometti notifika lill-Awtorità qabel l-1 ta' April 2010. Kwalunkwe tibdil tar-reġjun f'dan il-kuntest m'għandux jeċċedi l-50 % tal-kopertura totali permess għall-Istat ta' l-EFTA taħt l-Artikolu 61(3)(ċ). Ir-reġjuni li jitilfu l-eliġibbiltà tagħhom għall-kopertura ta' l-għajnuna reġjonali bħala riżultat ta' din ir-reviżjoni f'nofs it-terminu ma jkunux eliġibbli għal sostenn tranżitorju. Barra minn hekk, l-Istati ta' l-EFTA jistgħu fi kwalunkwe żmien jinnotifikaw talba lill-Awtorità sabiex jiġu miżjuda fil-lista aktar reġjuni u dan sa meta tintlaħaq il-kopertura tal-popolazzjoni rilevanti.

25.B.8 Dħul fis-seħħ, Implimentazzjoni, Trasparenza u Reviżjoni

(90)

L-Awtorità għandha l-ħsieb tapplika dawn il-linji gwida għall-għajnuna reġjonali kollha li għandha tingħata wara l-31 ta' Diċembru 2006. L-għajnuna reġjonali mogħtija jew li għandha tingħata qabel l-2007 se tiġi evalwata skond il-linji gwida ta' l-1999 dwar l-għajnuna reġjonali nazzjonali.

(91)

Peress li jeħtieġu li jkunu koerenti mal-mappa ta' l-għajnuna reġjonali, in-notifiki ta' l-iskemi ta' l-għajnuna reġjonali, jew għajnuna ad hoc mogħtija qabel il-31 ta' Diċembru 2006, normalment ma jistgħux ikunu kkunsidrati kompleti sakemm ma tkunx għadha ġiet adottata l-mappa ta' l-għajnuna reġjonali għall-Istat ta' l-EFTA kkonċernat skond l-arranġamenti deskritti fit-Taqsima 25.B.7. Għalhekk, l-Awtorità normalment ma teżaminax notifiki ta' skemi ta' għajnuna reġjonali li għandhom japplikaw wara l-31 ta' Diċembru 2006, jew għajnuna ad hoc li għandha tingħata wara dik id-data, qabel l-adozzjoni tal-mappa ta' l-għajnuna reġjonali ta' l-Istat ta' l-EFTA kkonċernat (75). L-istess japplika għall-iskemi ta' l-għajnuna għal intrapriżi żgħar ġodda koperti mit-Taqsima 25.B.6 ta' dawn il-linji gwida.

(92)

L-Awtorità tikkunsidra li l-implimentazzjoni ta' dawn il-linji gwida se twassal għal bdil sostenzjali fir-regoli applikabbli għall-għajnuna reġjonali madwar l-Istati ta' l-EFTA. Barra minn hekk, jidher meħtieġ li jiġu riveduti sew il-ġustifikazzjoni kontinwa kif ukoll l-effettività ta' l-iskemi kollha ta' l-għajnuna reġjonali, inklużi kemm l-għajnuna għall-investiment kif ukoll l-iskemi ta' l-għajnuna għall-operazzjoni. Għal dawn ir-raġunijiet, l-Awtorità se tipproponi il-miżuri xierqa li ġejjin lill-Istati ta' l-EFTA skond l-Artikolu 1 (1) fil-Parti I tal-Protokoll 3 għall-Ftehim dwar is-Sorveljanza u l-Qorti:

—

mingħajr ħsara għall-Artikolu 10 (2) tar-Regolament (KE) Nru 70/2001 dwar l-applikazzjoni ta' l-Artikoli 87 u 88 tat-Trattat għall-għajnuna mill-Istat għal intrapriżi żgħar u ta' daqs medju, kif emendat bir-Regolament (KE) Nru 364/2004 inkorporat fil-Ftehim taż-ŻEE permezz ta' l-Anness XV punt 1f) bid-deċiżjoni tal-Kumitat Konġunt taż-ŻEE Nru 131/2004 ta’ l-24.9.2004 (ĠU L 64, 10.3.2005, p. 67 u s-Suppliment taż-ŻEE Nru 12, p. 42), u għall-Artikolu 11(2) tar-Regolament (KE) Nru 2204/2002 dwar l-applikazzjoni ta' l-Artikoli 87 u 88 tat-Trattat tal-KE għall-għajnuna mill-Istat għax-xogħol inkorporat fil-Ftehim taż-ŻEE permezz ta' l-Anness XV 1g) bid-deċiżjoni tal-Kumitat Konġunt taż-ŻEE Nru 83/2003 ta' l-20.6.2003 (ĠU L 257, 9.10.2003, p. 39, Suppl. Nru 51, p. 250), l-Istati ta' l-EFTA se jillimitaw l-applikazzjoni fiż-żmien ta' l-iskemi kollha eżistenti ta' għajnuna reġjonali għal għajnuna li għandha tingħata fil-31 ta' Diċembru 2006 jew qabel;

—

fejn skemi ta' l-għajnuna għall-ambjent jippermettu li tingħata għajnuna ta' l-investiment reġjonali għall-investimenti ambjentali skond in-nota tal-qiegħ 31 tal-Kapitolu 15 tal-Linji Gwida (76), l-Istati ta' l-EFTA għandhom jemendaw l-iskemi rilevanti sabiex jiġi żgurat li l-għajnuna tingħata biss wara l-31 ta' Diċembru 2006 jekk din tkun konformi mal-mappa ta' l-għajnuna reġjonali fis-seħħ fid-data ta' meta l-għajnuna tingħata;

—

L-Istati ta' l-EFTA għandhom kif meħtieġ jemendaw l-iskemi l-oħra ta' l-għajnuna eżistenti sabiex jiġi żgurat li kwalunkwe bonusijiet reġjonali, bħal dawk permessi għall-għajnuna għat-taħriġ, l-għajnuna għar-riċerka u l-iżvilupp jew l-għajnuna ambjentali, jingħataw biss wara l-31 ta' Diċembru 2006 f'żoni li huma eliġibbli għall-għajnuna taħt l-Artikolu 61(3)(ċ) skond il-mappa ta' l-għajnuna reġjonali adottata mill-Awtorità li tkun fis-seħħ fid-data ta' meta l-għajnuna tingħata.

L-Awtorità se tistieden l-Istati ta' l-EFTA sabiex jikkonfermaw l-aċċettazzjoni tagħhom ta' dawn il-proposti fi żmien xahar.

(93)

Barra minn hekk, l-Awtorità tikkunsidra li huma meħtieġa aktar miżuri sabiex tittejjeb it-trasparenza ta' l-għajnuna reġjonali. B'mod partikolari, jidher meħtieġ li għandu jiġi żgurat li l-Istati ta' l-EFTA, l-operaturi ekonomiċi, il-partijiet interessati u saħansitra wkoll l-Awtorità nfisha jkollhom aċċess faċli għat-test sħiħ ta' l-iskemi kollha applikabbli ta' l-għajnuna reġjonali fl-Istati ta' l-EFTA. L-Awtorità tikkunsidra li dan jista' faċilment jintlaħaq permezz tat-twaqqif ta' siti ta' l-internet konnessi. Għal din ir-raġuni, fl-evalwazzjoni ta' l-iskemi ta' l-għajnuna reġjonali, l-Awtorità se tfittex sistematikament impenn mill-Istat ta' l-EFTA li t-test sħiħ ta' l-iskema ta' l-għajnuna finali tiġi ppubblikata fuq l-internet u li l-indirizz ta' l-internet tal-pubblikazzjoni jiġi kkomunikat lill-Awtorità. Proġetti li għalihom saru spejjeż qabel id-data tal-pubblikazzjoni ta' l-iskema ma jkunux eliġibbli għall-għajnuna reġjonali.

(94)

L-Awtorità tista' tiddeċiedi tirrevedi jew temenda dawn il-linji gwida fi kwalunkwe ħin jekk dan ikun meħtieġ għal raġunijiet marbuta mal-politika tal-kompetizzjoni jew sabiex jitqiesu linji ta' politika oħra u impenji internazzjonali taż-ŻEE.

ANNESS I

Definizzjoni ta’ l-industrija ta' l-azzar

L-industrija ta' l-azzar, għall-finijiet ta' dawn il-linji gwida tikkonsisti mill-impriżi li jipproduċu prodotti ta' l-azzar hawn taħt elenkati:

Prodott	Kodiċi Nomenklatura Kombinata (*1)
Ħadid mhux maħdum	7201
Liegi tal-ħadid	7202 11 20 , 7202 11 80 , 7202 99 11
Prodotti tal-ħadid maħdum mir-riduzzjoni diretta ta' ħadid mhux maħdum u prodotti oħra ta' ħadid poruż	7203
Ħadid u Azzar li mhux liega	7206
Prodotti nofshom lesti ta' ħadid jew azzar mhux liega	7207 11 11 ; 7207 11 14 ; 7207 11 16 ; 7207 12 10 ; 7207 19 11 ; 7207 19 14 ; 7207 19 16 ; 7207 19 31 ; 7207 20 11 ; 7207 20 15 ; 7207 20 17 ; 7207 20 32 ; 7207 20 51 ; 7207 20 55 ; 7207 20 57 ; 7207 20 71
Prodotti ċatti rrumblati ta' ħadid u azzar mhux liega	7208 10 00 ; 7208 25 00 ; 7208 26 00 ; 7208 27 00 ; 7208 36 00 ; 7208 37 ; 7208 38 ; 7208 39 ; 7208 40 ; 7208 51 ; 7208 52 ; 7208 53 ; 7208 54 ; 7208 90 10 ; 7209 15 00 ; 7209 16 ; 7209 17 ; 7209 18 ; 7209 25 00 ; 7209 26 ; 7209 27 ; 7209 28 ; 7209 90 10 ; 7210 11 10 ; 7210 12 11 ; 7210 12 19 ; 7210 20 10 ; 7210 30 10 ; 7210 41 10 ; 7210 49 10 ; 7210 50 10 ; 7210 61 10 ; 7210 69 10 ; 7210 70 31 ; 7210 70 39 ; 7210 90 31 ; 7210 90 33 ; 7210 90 38 ; 7211 13 00 ; 7211 14 ; 7211 19 ; 7211 23 10 ; 7211 23 51 ; 7211 29 20 ; 7211 90 11 ; 7212 10 10 ; 7212 10 91 ; 7212 20 11 ; 7212 30 11 ; 7212 40 10 ; 7212 40 91 ; 7212 50 31 ; 7212 50 51 ; 7212 60 11 ; 7212 60 91
Staneg u virgi, irrumblati sħan, f'kojlijiet tal-ħadid jew azzar mhux liega mdawra irregolarment	7213 10 00 ; 7213 20 00 ; 7213 91 ; 7213 99
Staneg oħra u virgi jew ħadid u azzar mhux liega	7214 20 00 ; 7214 30 00 ; 7214 91 ; 7214 99 ; 7215 90 10
Angoli, forom u partijiet ta' ħadid jew azzar mhux liega	7216 10 00 ; 7216 21 00 ; 7216 22 00 ; 7216 31 ; 7216 32 ; 7216 33 ; 7216 40 ; 7216 50 ; 7216 99 10
Stainless Steel	7218 10 00 ; 7218 91 11 ; 7218 91 19 ; 7218 99 11 ; 7218 99 20
Prodotti ċatti rrumblati ta' l-istainless steel	7219 11 00 ; 7219 12 ; 7219 13 ; 7219 14 ; 7219 21 ; 7219 22 ; 7219 23 00 ; 7219 24 00 ; 7219 31 00 ; 7219 32 ; 7219 33 ; 7219 34 ; 7219 35 ; 7219 90 10 ; 7220 11 00 ; 7220 12 00 ; 7220 20 10 ; 7220 90 11 ; 7220 90 31
Staneg u virgi ta' l-istainless steel	7221 00 ; 7222 11 ; 7222 19 ; 7222 30 10 ; 7222 40 10 ; 7222 40 30
Prodotti ċatti rrumblati ta' liegi oħra ta' l-azzar	7225 11 00 ; 7225 19 ; 7225 20 20 ; 7225 30 00 ; 7225 40 ; 7225 50 00 ; 7225 91 10 ; 7225 92 10 ; 7225 99 10 ; 7226 11 10 ; 7226 19 10 ; 7226 19 30 ; 7226 20 20 ; 7226 91 ; 7226 92 10 ; 7226 93 20 ; 7226 94 20 ; 7226 99 20
Staneg u virgi ta' liegi oħra ta' l-azzar	7224 10 00 ; 7224 90 01 ; 7224 90 05 ; 7224 90 08 ; 7224 90 15 ; 7224 90 31 ; 7224 90 39 ; 7227 10 00 ; 7227 20 00 ; 7227 90 ; 7228 10 10 ; 7228 10 30 ; 7228 20 11 ; 7228 20 19 ; 7228 20 30 ; 7228 30 20 ; 7228 30 41 ; 7228 30 49 ; 7228 30 61 ; 7228 30 69 ; 7228 30 70 ; 7228 30 89 ; 7228 60 10 ; 7228 70 10 ; 7228 70 31 ; 7228 80
Sheet piling	7301 10 00
Linji ferrovjarji u cross ties	7302 10 31 ; 7302 10 39 ; 7302 10 90 ; 7302 20 00 ; 7302 40 10 ; 7302 10 20
Tubi seamless, pajpijiet u profili vojta minn ġewwa	7303 ; 7304
Tubi u pajpijiet tal-ħadid jew azzar iwweldjat, li għandhom dijametru estern li jeċċedi 406,4 mm	7305

ANNESS II

Definizzjoni ta’ l-industrija tal-fibri sintetiċi

L-industrija tal-fibri sintetiċi hija definita, għall-finijiet ta' dawn il-linji gwida, bħala:

—	l-estrużjoni/testurizzazzjoni tat-tipi kollha ġeneriċi tal-fibra u ħjut ibbażati fuq il-polijester, il-polyamide, l-acrylic jew il-polipropilin, irrispettivament mill-użi finali tagħhom, jew

—	il-polimerizzazzjoni (inkluża l-polikondensazzjoni) fejn tkun integrata ma' l-estrużjoni f'termini tal-makkinarju użat, jew

—

kwalunkwe proċess anċellari marbut ma' l-installazzjoni kontemporanja tal-kapaċità ta' l-estrużjoni/testurizzazzjoni mill-benefiċjarju prospettiv jew minn kumpannija oħra fil-grupp li fih jappartjeni u li, fl-attività kummerċjali speċifika kkonċernata, huwa normalment integrat b'tali kapaċità f'termini tal-makkinarju użat.

ANNESS III

Forma tal-provvista ta' informazzjoni fil-qosor għal għajnuna għal proġetti kbar ta' investiment mitluba fil-paragrafu (54)

Test ta 'immaġni

”

(1) Kapitolu 25.B jikkorrispondi għall-Komunikazzjoni mill-Kummissjoni – Linji Gwida dwar l-għajnuna reġjonali nazzjonali għall-2007-2013 (ĠU C 54, 4.3.2006, p. 13).

(2) Top-ups reġjonali għall-għajnuna mogħtija għal dawn l-għanijiet m'humiex għalhekk ikkunsidrati bħala għajnuna reġjonali.

(3) Il-Linji Gwida ta' l-Awtorità huma aċċessibbli fuq: http://www.eftasurv.int/fieldsofwork/fieldstateaid/guidelines/

(4) Il-paragrafu (7), Taqsima 25.4 tal-verżjoni ta' l-1999 tal-Kapitolu 25 ‘Għajnuna Reġjonali Nazzjonali’, ġie emendat bil-Kapitolu 16 ‘Għajnuna sabiex ditti f'diffikultà jiġu salvati u ristrutturati’ li jikkorrispondi għal-Linji Gwida tal-Komunità dwar l-Għajnuna mill-Istat sabiex ditti f'diffikultà jiġu salvati u ristrutturati (ĠU C 288, 9.10.1999, p. 2).

(5) Li jikkorrispondi għall-Komunikazzjoni mill-Kummissjoni – Qafas multisettorjali dwar l-għajnuna reġjonali għall-proġetti kbar ta' investiment, ĠU C 70, 19.3.2002, p. 8, kif emendata fil-ĠU C 263, 1.11.2003, p. 3.

(6) Ara f'dan ir-rigward is-sentenza tal-Qorti Ewropea tal-Ġustizzja fil-Każ 730/79, Philip Morris [1980], ECR 2671, paragrafu 17 u fil-Każ C-169/95, Spanja vs Il-Kummissjoni [1997], ECR I-135, paragrafu 20.

(7) Ara f'dan ir-rigward is-sentenza tal-Qorti Ewropea tal-Prim'Istanza f'T-380/94, AIUFFASS u AKT [1996], ECR II-2169, paragrafu 54.

(8) Is-setturi koperti minn regoli speċjali 'l fuq minn dawk hawnhekk stipulati huma fil-preżent: it-trasport u l-bini ta' bastimenti.

(9) Ir-Regolament (KE) Nru 70/2001 dwar l-applikazzjoni ta' l-Artikoli 87 u 88 tat-Trattat għall-għajnuna mill-Istat għal intrapriżi żgħar u ta' daqs medju, kif emendat mir-Regolament (KE) Nru 364/2004 inkorporat fil-Ftehim taż-ŻEE permezz ta' l-Anness XV punt 1f) b'deċiżjoni tal-Kumitat Konġunt taż-ŻEE Nru 131/2004 ta’ l-24.9.2004 (ĠU L 64, 10.3.2005, p. 67 u s-Suppliment taż-ŻEE Nru 12, p. 42).

(10) Il-Linji Gwida ta' l-Awtorità huma aċċessibbli fuq: http://www.eftasurv.int/fieldsofwork/fieldstateaid/guidelines/

(11) B'mod partikolari, l-għajnuna mogħtija lil intrapriżi żgħar u ta' daqs medju matul il-perjodu ta' ristrutturar għandha dejjem tiġi nnotifikata individwalment lill-Awtorità, anki jekk mogħtija bħala parti minn skema approvata.

(12) Kawża 248/84, il-Ġermanja v il-Kummissjoni [1987], ECR 4013, paragrafu 19.

(13) Kif definit f'“ Ir-reġjuni ta' l-istatistika fil-pajjiżi ta' l-EFTA u fil-pajjiżi kandidati ”, l-edizzjoni ta' l-2001 mill-Kummissjoni tal-Komunitajiet Ewropej u l-Uffiċċju ta' l-Istatistika tal-Komunitajiet Ewropej.

(14) Is-suppożizzjoni sottostanti hija li l-indikatur PGD kapaċi jirrifletti b'mod sintetiku ż-żewġ fenomeni msemmija. F'din ir-referenza għall-PGD per capita u f'dawk ir-referenzi kollha li jsegwu f'dawn il-linji gwida, il-PGD huwa mkejjel f'termini ta' standards ta' poter tax-xiri. Il-PGD per capita ta' kull reġjun u l-medja taż-ŻEE li għandha tintuża fl-analiżi huma determinati mill-uffiċċju ta' l-Istatistika tal-Komunitajiet Ewropej.

(15) Jekk din is-sitwazzjoni tinbidel, l-Awtorità għandha tadotta linji gwida ġodda sabiex din il-modifikazzjoni tiġi meqjusa.

(16) Nota tal-qiegħ 12 supra.

(17) Fid-determinazzjoni tal-popolazzjoni li tista' tkun eliġibbli għall-għajnuna reġjonali taħt id-deroga analoga fl-Artikolu 61 (3)(a), il-Kummissjoni Ewropeja se tipproċedi f'żewġ stadji: l-ewwel, tiddetermina l-kopertura tal-popolazzjoni bl-applikazzjoni tat-test tal-PGD ta' 75 % per capita deskritt fil-paragrafu (15). It-tieni, tqis ir-reġjuni ta' “l-effett ta' l-istatistika” i.e. r-reġjuni li għalihom il-PGD per capita jeċċedi il-75 % tal-medja tal-KE-25 biss minħabba l-effett ta' l-istatistika tat-tkabbir tal-KE. Dawn huma reġjuni tal-livell NUTS II li għandhom PGD per capita ta' aktar minn 75 % tal-medja tal-KE-25 iżda inqas minn 75 % tal-medja tal-KE-15. Fil-linji gwida analogi tagħha, il-Kummissjoni Ewropea tikkunsidra li dawn ir-reġjuni għandhom jibqgħu eliġibbli għad-deroga tal-KE li tikkorrispondi għall-Artikolu 61 (3)(a) fuq bażi tranżitorja sal-31 ta’ Diċembru 2010.

(18) Dawn ir-reġjuni għandhom jiġu ddiferenzjati mir-reġjuni ta' “l-effett ta' l-istatistika” (ara hawn fuq, nota tal-qiegħ (17)). Dawn huma reġjuni li kellhom PGD per capita ta' inqas minn 75 % fuq bażi ta' KE-15 u li, bħala riżultat ta' “l-iżvilupp ekonomiku” tagħhom, ma jissodisfawx aktar dik il-kundizzjoni fuq bażi ta' KE-15.

(19) Il-Kummissjoni Ewropea ffissat il-limitu għall-kopertura ġenerali tal-popolazzjoni għal 42 % tal-KE-25 preżenti (minħabba mekkaniżmu ta' korrezzjoni sabiex jiġi żgurat li ebda wieħed mill-Istati Membri KE-15 ma jitlef aktar minn 50 % tal-kopertura tal-popolazzjoni tagħhom taħt il-mapep kurrenti ta' l-għajnuna reġjonali, il-limitu huwa ffissat fil-prattika fil-livell ta' 43,1 %).

(20) Dan għandu jiġi mifhum bħala li jfisser li ebda reġjun fi ħdan l-Istati ta' l-EFTA (i) ma jissodisfa it-test tal-PGD ta' 75 % per capita deskritt fil-paragrafu (15) u (ii) ma jikkwalifika kemm bħala reġjun ta' “l-effett ta' l-istatistika” kif ukoll bħala reġjun ta' “l-iżvilupp ekonomiku”.

(21) Iċ-ċifra attwali hija 2,9 abitant għal kull kilometru kwadru.

(22) Skond il-klassifika preżenti tan-NUTS, l-Islanda tifforma, bħala tali, reġjun wieħed tan-NUTS III. Fil-każ li din il-klassifika tiġi emendata bl-introduzzjoni ta' aktar minn reġjun wieħed tan-NUTS III, il-kopertura tal-popolazzjoni nazzjonali għandha tiġi evalwata fuq il-bażi tal-livell NUTS III.

(23) Meta jitqies id-daqs żgħir tagħha, ikun biżżejjed għall-Iżlanda li r-reġjuni magħżula jew ikollhom PGD per capita li jkun inqas mill-medja fl-EFTA, jew rata ta' qgħad li tkun ogħla minn 115 % tal-medja nazzjonali, u jkollhom popolazzjoni minima ta' 10 000 abitant.

(24) Fil-kumplament tat-test ta' dawn il-Linji Gwida, ir-“reġjuni NUTS III” għandhom, fil-każ ta' l-Iżlanda, jinqraw bħala “reġjuni NUTS IV” fejn xieraq. Jekk il-klassifika statistika ta' l-Iżlanda tiġi emendata skond kif deskritt fin-nota tal-qiegħ 22, it-test għandu jaqra “reġjuni NUTS III” kif xieraq.

(25) Sabiex jiġi evitat li jingħadd darbtjen, dan il-kriterju għandu jiġi applikat fuq bażi ta' bilanċ li jifdal, wara li titqies il-prosperità relattiva tar-reġjuni kkonċernati.

(26) Per eżempju peniżoli u reġjuni tal-muntanji.

(27) Dan il-limitu minimu jista' jitnaqqas fil-każ ta' gżejjer u żoni oħra kategorizzati b'iżolazzjoni ġeografika simili.

(28) Madankollu investiment għal tibdil jista' jikkwalifika bħala għajnuna ta' l-operazzjoni taħt ċerti kundizzjonijiet kif stipulat fit-Taqsima 25.B.5.

(29) Għalhekk, l-akkwist waħdu ta' l-ishma ta' l-entità ġuridika ta' intrapriża ma jikkwalifikax bħala investiment inizjali.

(30) Impjieg huwa meqjus maħluq direttament minn proġett ta' investiment jekk jirrigwarda attività li għaliha l-investiment jirrelata u jkun maħluq fi żmien tliet snin mit-tlestija ta' l-investiment, inklużi impjiegi maħluqa wara żieda fir-rata ta' użu tal-kapaċità maħluqa mill-investiment.

(31) Fil-każ ta' għajnuna soġġetta għan-notifika individwali lill-Awtorità u għall-approvazzjoni tagħha mill-istess Awtorità, il-konferma ta' l-eliġibbiltà għandha ssir bħala soġġetta għad-deċiżjoni ta' l-Awtorità li tapprova l-għajnuna.

(32) “Il-bidu tax-xogħol” tfisser il-bidu tax-xogħol ta' kostruzzjoni jew l-ewwel impenn sod fl-ordni ta' apparat, esklużi studji preliminari ta' fattibbiltà.

(33) L-unika eċċezzjoni għal dawn ir-regoli hija fil-każ ta' skemi approvati ta' l-għajnuna tat-taxxa fejn eżenzjoni tat-taxxa jew tnaqqis jingħata b'mod awtomatiku lill-infiq li jikkwalifika mingħajr ebda diskrezzjoni min-naħa ta' l-awtoritajiet.

(34) Per eżempju dan ma jkunx il-każ fil-każ ta' self sussidjat, selfiet pubbliċi ta' ekwità kapitali jew parteċipazzjonijiet pubbliċi li ma jissodisfawx il-prinċipju ta' l-investitur ta' l-ekonomija tas-suq, garanziji mill-Istat li jkollhom elementi ta' għajnuna, kif ukoll sostenn pubbliku mogħti fl-ambitu tar-regola de minimis.

(35) Din ir-regola m'għandhiex iżżomm it-tibdil ta' impjanti jew apparat li jiskadu matul il-perjodu ta' ħames snin minħabba bidla teknoloġika mgħaġġla, kemm-il darba l-attività ekonomika tinżamm fir-reġjun ikkonċernat għall-perjodu minimu.

(36) L-Awtorità qed twaqqaf il-prattika preċedenti tagħha li tikkonverti l-għajnuna reġjonali notifikata mill-Istati ta' l-EFTA f'ekwivalenti ta' għotjiet nett sabiex jittieħed kont tas-sentenza tal-Qorti Ewropea tal-Prim'Istanza tal-15 ta' Ġunju 2000 fil-każ T-298/97, Alzetta. F'dik il-kawża, il-Qorti Ewropea tal-Prim'Istanza żammet: “Il-Kummissjoni m'għandhiex is-setgħa, taħt is-sistema ta' sorveljanza ta' l-għajnuna mill-Istat stabbilita mit-Trattat, li tqis l-effett tat-taxxa fuq l-ammont ta' l-għajnuna finanzjarja allokata meta tevalwa jekk din tkunx kompatibbli mat-Trattat. Dawn l-imposti m'humiex speċifikament magħmula fuq l-għajnuna nfisha iżda huma imposti downstream, u japplikaw għall-għajnuna in kwistjoni bl-istess mod li japplikaw għal kwalunkwe dħul. Għalhekk dawn ma jistgħux ikunu rilevanti meta ssir l-evalwazzjoni ta' l-effett speċjali ta' l-għajnuna fuq il-kummerċ u l-kompetizzjoni u, b'mod partikulari, meta ssir stima tal-benefiċċju li jieħdu d-destinatarji minn din l-għajnuna b'paragun ma' l-impriżi kompetituri li ma jirċevux din l-għajnuna u li d-dħul tagħhom huwa wkoll soġġett għat-taxxa.” Barra minn hekk, l-Awtorità tikkunsidra li l-użu ta' GGEs, li huma użati wkoll sabiex jiġu kkalkulati l-intensitajiet ta' tipi oħra ta' għajnuna mill-Istat, se jikkontribwixxi sabiex tiżdied is-sempliċità u t-trasparenza tas-sistema ta' kontroll ta' l-għajnuna mill-Istat, u tqis ukoll il-proporzjon miżjud ta' l-għajnuna mill-Istat li tingħata fil-forma ta' eżenzjoniet mit-taxxa.

(37) B'eċċezzjoni għal dan, intensità ogħla ta' l-għajnuna tista' tkun permessa fil-każ ta' reġjun NUTS III, jew iżgħar, li jkun adjaċenti għal reġjun ta' l-Artikolu 61 (3)(a) jekk dan ikun meħtieġ sabiex jiġi żgurat li d-differenzjali bejn iż-żewġ reġjuni ma teċċedix 20 punt perċentwali.

(38) L-Anness I tar-Regolament tal-Kummissjoni (KE) Nru 364/2004 tal-25 ta' Frar 2004 li jemenda ir-Regolament (KE) Nru 70/2001, ĠU L 63, 28.2.2004, p. 22 inkorporat fil-Ftehim taż-ŻEE permezz ta' l-Anness XV punt 1f) b'deċiżjoni tal-Kumitat Konġunt taż-ŻEE Nru 131/2004 ta’ l-24.9.2004 (ĠU L 64, 10.3.2005, p. 67 u s-Suppliment taż-ŻEE Nru 12, p. 42), jew kwalunkwe regolament suċċessur.

(39) Dawn il-bonuses ma japplikawx għall-għajnuna mogħtija fis-settur tat-trasport.

(40) Fis-settur tat-trasport, l-ispiża għax-xiri ta' apparat tat-trasport (beni mobbli) m'hijiex eliġibbli għall-għajnuna għall-investiment inizjali.

(41) Fejn l-akkwist ikun akkumpanjat b'investiment inizjali ieħor, l-ispiża marbuta ma' dan ta' l-aħħar għandha tiġi miżjuda ma' l-ispiża ta' l-akkwist.

(42) F'każi eċċezzjonali, l-għajnuna tista' alternattivament tkun ikkalkulata b'referenza għall-ispejjeż tas-salarji (estimi) għall-impjiegi salvagwardjati jew ġodda maħluqa bl-akkwist. Dawn il-każi għandhom jiġu notifikati individwalment lill-Awtorità.

(43) L-ispiża tas-salarju tfisser l-ammont totali mill-għajnuna li fil-fatt ikun pagabbli mill-benefiċjarju fir-rigward ta' l-impjieg ikkonċernat, li tikkonsisti fis-salarju gross, qabel it-taxxa, u l-kontribuzzjonijiet mandatorji tas-sigurtà soċjali.

(44) In-numru ta' impjegati tfisser in-numru ta' l-unitajiet tax-xogħol annwali, jiġifieri n-numru ta' persuni impjegati full time f'sena waħda, xogħol part-time u xogħol staġjonali li jkun frazzjonijiet ta' l-ALU (Annual Labour Units).

(45) Din id-definizzjoni tapplika bl-istess mod kemm fir-rigward ta' stabbiliment eżistenti kif ukoll fir-rigward ta' stabbiliment ġdid.

(46) Il-50 miljun ewro għandhom jiġu kkalkulati bi prezzijiet u b'rati tal-kambju fid-data meta tingħata l-għajnuna, jew fil-każ ta' proġetti kbar ta' investiment fejn in-notifika individwali tkun meħtieġa, bi prezzijiet u rati tal-kambju fid-data tan-notifika.

(47) Sabiex jiġi evalwat jekk investiment inizjali huwiex ekonomikament indiviżibbli, l-Awtorità tqis ir-rabtiet tekniċi, funzjonarji u strateġiċi u l-prossimità ġeografika immedjata. L-indiviżibbiltà ekonomika tiġi evalwata indipendentement mit-titolu ta' proprjetà. Dan jimplika li sabiex jiġi stabbilit jekk proġett kbir ta' investiment jikkostitwix proġett wieħed ta' investiment, l-evalwazzjoni għandha tkun l-istess irrispettivament minn jekk il-proġett isirx minn impriża waħda, minn aktar minn impriża waħda li jaqsmu l-ispejjeż ta' l-investiment jew minn aktar impriżi li jassumu l-ispejjeż ta' investimenti separati fi ħdan l-istess proġett ta' investiment (per eżempju fil-każ ta' joint venture).

(48) Inserit fil-Kapitolu 26.A. Qafas Multisettorjali dwar l-għajnuna reġjonali għal proġetti kbar ta' investiment li jikkorrispondu għall-Komunikazzjoni mill-Kummissjoni – Qafas Multisettorjali dwar l-għajnuna reġjonali għall-proġetti kbar ta' investiment (ĠU C 107, 7.4.1998, p. 7) imħassar bid-Deċiżjoni ta' l-Awtorità Nru 371/04/COL tal-15 ta' Diċembru 2004.

(49) Inserit fil-Kapitolu 26.A.

(50) Proġetti ta' investiment notifikabbli individwalment se jiġu evalwati skond ir-regoli fis-seħħ fiż-żmien tan-notifika.

(51) Minħabba l-ambitu wiesa' ta' dawn il-linji gwida, l-Awtorità ddeċidiet li m'huwiex teknikament prattikabbli li wieħed jipproċedi bl-istabbiliment ta' lista ta' setturi fejn ikun hemm diffikultajiet strutturali.

(52) Għajnuna individwali ad hoc għandha dejjem tiġi notifikata lill-Awtorità. Minħabba l-effett ċar tagħha fuq il-kundizzjonijiet tal-kummerċ u l-kompetizzjoni, il-ħtieġa għal ġustifikazzjoni speċifika għar-rabta ma' l-iżvilupp reġjonali tapplika b'qawwa akbar għall-għajnuna individwali ad hoc għal proġetti kbar ta' investiment individwali.

(53) Il-punt ta' tluq għall-kalkolu tal-limitu aġġustat ta' l-għajnuna huwa dejjem l-intensità massima ta' l-għajnuna permessa għall-għajnuna għal intrapriżi kbar skond it-Taqsima 25.B.4.1.2. Ebda bonuses ta' l-SMEs ma jistgħu jingħataw għal proġetti kbar ta' investiment.

(54) Il-“konsum apparenti” tal-prodott ikkonċernat huwa l-ammont ta' importazzjoni miżjud b'dak tal-produzzjoni u mnaqqas bl-ammont ta' esportazzjoni.

(55) L-Awtorità tista' aktar 'l quddiem tabbozza gwida ulterjuri dwar il-kriterji li tqis matul l-evalwazzjoni.

(56) Fejn proġett ta' investiment jinvolvi l-produzzjoni ta' diversi prodotti differenti, jeħtieġ li jiġi kkunsidrat kull wieħed mill-prodotti.

(57) Jekk l-Istat ta' l-EFTA juri li l-benefiċjarju ta' l-għajnuna joħloq suq tal-prodott ġdid, ma jkunux meħtieġa t-testijiet stipulati fil-paragrafi (57) (a) u (b) t'hawn fuq, u l-għajnuna tiġi awtorizzata taħt l-iskala fil-paragrafu (56).

(58) Ir-Regolament tal-Kunsill (KE) Nru 3924/91 tad-19 ta' Diċembru 1991 dwar it-twaqqif ta' stħarriġ Komunitarju dwar il-produzzjoni industrijali (ĠU L 374, 31.12.1991, p. 1). Ir-Regolament ġie inkorporat fil-Ftehim taż-ŻEE (l-Anness XXI) bid-Deċiżjoni tal-Kumitat Konġunt Nru 7/94.

(59) Din il-kundizzjoni tkun meqjusa sodisfatta jekk is-somma ta' l-għajnuna għall-investiment inizjali, espressa bħala perċentwali ta' l-investiment, u ta' l-għajnuna għall-ħolqien tax-xogħol, espressa bħala perċentwali ta' l-ispejjeż tas-salarji, ma teċċedix l-ammont l-aktar favorevoli li jirriżulta mill-applikazzjoni tal-limitu stipulat għar-reġjun skond il-kriterji indikati fit-Taqsima 25.B.4.1 jew altrimenti mil-limitu stipulat għar-reġjun skond il-kriterji indikati fit-Taqsima 25.B.4.3.

(60) Bħal forom oħra ta' għajnuna reġjonali, l-għoti ta' għajnuna ta' l-operazzjoni huwa dejjem soġġett għar-regoli speċifiċi li jistgħu japplikaw f'setturi partikolari.

(61) B'mod partikolari l-għajnuna għall-operazzjoni tieħu l-forma ta' eżenzjonijiet ta' taxxa jew tnaqqis tal-kontribuzzjonijiet tas-sigurtà soċjali li m'humiex marbuta ma' l-ispejjeż eliġibbli ta' l-investiment.

(62) Per eżempju, investimenti għal tibdil, spejjeż tat-trasport jew spejjeż tax-xogħol.

(63) Il-Linji Gwida ta' l-Awtorità huma aċċessibbli fuq: http://www.eftasurv.int/fieldsofwork/fieldstateaid/guidelines/

(64) Dan il-prinċipju ta' digressività għandu dejjem jiġi rispettat meta skemi ta' l-għajnuna ta' l-operazzjoni ġodda jiġu notifikati sabiex jissostitwixxu lil dawk eżistenti. Mandakollu, tista' tkun permessa flessibbiltà fir-rigward ta' l-applikazzjoni ta' dan il-prinċipju fil-każ ta' skemi ta' l-għajnuna ta' l-operazzjoni mfassla sabiex jindirizzaw id-defiċjenzi ġeografiċi ta' żoni partikolari li jkunu fir-reġjuni ta' l-Artikolu 61(3)(a).

(65) Huwa d-dmir ta' l-Istat ta' l-EFTA li juru li l-għajnuna proposta hija meħtieġa u xierqa sabiex timpedixxi jew tnaqqas id-depopolazzjoni kontinwa.

(66) Fil-każ li jkun hemm emenda tal-klassifika NUTS fl-Iżlanda, ara n-nota tal-qiegħ 22, il-livell NUTS applikabbli għandu jiġi emendat skond din l-emenda.

(67) Għall-Iżlanda, il-livell NUTS kif xieraq.

(68) F'termini ta' ammont ta' għajnuna rċevuta.

(69) Intrapriżi eliġibbli huma intrapriżi żgħar skond it-tifsira ta' l-Artikolu 2 ta' l-Anness 1 tar-Regolament tal-Kummissjoni Ewropea (KE) Nru 364/2004 inkorporat fil-Ftehim taż-ŻEE permezz ta' l-Anness XV punt 1f) bid-deċiżjoni tal-Kumitat Konġunt taż-ŻEE Nru 131/2004 ta’ l-24.9.2004 (ĠU L 64, 10.3.2005, p. 67 u s-Suppliment taż-ŻEE Nru 12, p. 42) jew kwalunkwe regolament suċċessur, li huma awtonomi skond it-tifsira ta' l-Artikolu 3 ta' l-Anness tar-Regolament tal-Kummissjoni Nru 364/2004 u li ġew maħluqa inqas minn ħames snin ilu.

(70) Il-VAT u t-taxxi diretti fuq il-profitt/dħul tan-negozju m'humiex inklużi fl-ispejjeż eliġibbli.

(71) Kif aġġustata skond il-paragrafu (56) fil-każ ta' għajnuna notifikata individwalment għal proġetti kbar ta' investiment.

(72) Sentenza tal-Qorti Ewropea tal-Ġustizzja tat-18 ta' Ġunju 2002 fil-kawża C-242/00 Il-Ġermanja v. Il-Kummissjoni.

(73) Ir-Regolament (KE) Nru 70/2001 dwar l-applikazzjoni ta' l-Artikoli 87 u 88 tat-Trattat għall-għajnuna mill-Istat għall-intrapriżi żgħar u ta' daqs medju, kif emendat mir-Regolament (KE) Nru 364/2004 inkorporat fil-Ftehim taż-ŻEE permezz ta' l-Anness XV punt 1f) b'deċiżjoni tal-Kumitat Konġunt taż-ŻEE Nru 131/2004 ta’ l-24.9.2004 (ĠU L 64, 10.3.2005, p. 67 u s-Suppliment taż-ŻEE Nru 12, p. 42) li jemenda r-Regolament (KE) Nru 70/2001 f'dak li jirrigwarda l-estensjoni ta' l-ambitu tiegħu sabiex jinkludi l-għajnuna għar-riċerka u l-iżvilupp (ĠU L 63, 28.2.2004, p. 22).

(74) Id-dispożizzjonijiet li jirrigwardaw ir-reviżjoni ta' nofs it-terminu m'għandhomx iżommu l-kopertura nazzjonali tal-popolazzjoni ta' l-Iżlanda milli tiġi emendata qabel l-2010 fil-każ li l-klassifika NUTS f'dak il-pajjiż tiġi emendata qabel dik id-data skond kif provdut fin-nota tal-qiegħ 22 t'hawn fuq.

(75) L-Awtorità tinforma l-Istati ta' l-EFTA li sabiex, sa fejn possibbli, jitnaqqas l-oneru ta' l-obbligazzjoni tan-notifika, il-Kummissjoni Ewropea indikat li għandha l-ħsieb tagħmel użu mill-poteri tagħha sabiex teżenta min-notifika taħt l-Artikoli 88(3) tat-Trattat l-iskemi kollha trasparenti ta' l-għajnuna għall-investiment reġjonali li huma konformi mal-mappa ta' l-għajnuna reġjonali nazzjonali għall-Istat Membru kkonċernat. Taħt tali reġim għajnuna individwali ad hoc u skemi ta' għajnuna għall-operazzjoni ma jkunux eżentati min-notifika. Barra minn hekk, l-informazzjoni preżenti u r-rekwiżiti tan-notifika individwali għall-proġetti kbar individwali ta' l-għajnuna għandhom jibqgħu applikabbli, inkluż il-każ ta' l-għajnuna mogħtija taħt skemi eżentati. Madankollu, sakemm il-Kummissjoni Ewropea tadotta formalment tali regolament u sakemm dan ta' l-aħħar jiġi inkorporat fit-Ftehim taż-ŻEE, dawn it-tipi ta' skemi ta' l-għajnuna għall-investiment huma soġġetti għar-rekwiżiti ġenerali ta' notifika kif stipulat fl-Artikolu 1 (3) fil-Parti I u l-Artikolu 2 fil-Parti II tal-Protokoll 3 għall-Ftehim dwar is-Sorveljanza u l-Qorti.

(76) Il-Linji Gwida ta' l-Awtorità huma aċċessibbli fuq: http://www.eftasurv.int/fieldsofwork/fieldstateaid/guidelines/

(*1) ĠU L 279, 23.10.2001, p. 1.

28.2.2008

Il-Ġurnal Uffiċjali ta’ l-Unjoni Ewropea

L 54/21

DEĊIŻJONI TA' L-AWTORITÀ TAS-SORVELJANZA TA' L-EFTA

Nru 226/06/COL

tad-19 ta’ Lulju 2006

dwar il-mappa ta' żoni megħjuna u l-livelli ta' l-għajnuna (In-Norveġja)

L-AWTORITÀ TAS-SORVELJANZA TA’ L-EFTA (1),

Wara li kkunsidrat il-Ftehim dwar iż-Żona Ekonomika Ewropea (2), u partikolarment l-Artikoli 61 sa 63 u l-Protokoll 26 tiegħu,

Wara li kkunsidrat il-Ftehim bejn l-Istati ta' l-EFTA dwar it-twaqqif ta' Awtorità ta' Sorveljanza u ta' Qorti tal-Ġustizzja (3) partikolarment l-Artikolu 24 tiegħu,

Wara li kkunsidrat l-Artikolu 1(3) fil-Parti I u l-Artikolu 4(3) fil-Parti II tal-Protokoll 3 għall-Ftehim dwar is-Sorveljanza u l-Qorti,

Wara li kkunsidrat il-Linji Gwida (4) dwar l-applikazzjoni u l-interpretazzjoni ta' l-Artikoli 61 u 62 tal-Ftehim taż-ŻEE, u partikolarment il-Kapitolu 25.B dwar “Għajnuna Reġjonali Nazzjonali 2007 – 2013” tiegħu,

Billi:

I. IL-FATTI

1. Il-Proċedura

B'ittra tat-12 ta' Ġunju 2006 mill-Ministeru Rjali ta' l-Amministrazzjoni tal-Gvern u r-Riforma, riċevuta u rreġistrata mill-Awtorità fit-12 ta' Ġunju 2006 (Avveniment Nru: 377954), l-awtoritajiet Norveġiżi nnotifikaw, skond l-Artikolu 1(3) fil-Parti I tal-Protokoll 3 tal-Ftehim dwar is-Sorveljanza u l-Qorti, mappa ġdida ta' żoni megħjuna u livelli ta' għajnuna fin-Norveġja li għandhom ikunu applikabbli mill-1 ta' Jannar 2007 sal-31 ta' Diċembru 2013.

2. Sfond

B'ittra tas-6 ta' April 2006 mill-Awtorità lill-Missjoni Norveġiża għall-Unjoni Ewropea (Avveniment Nru: 369211), l-awtoritajiet Norveġiżi ġew informati li l-Awtorità kienet adottat Linji Gwida ġodda dwar l-għajnuna nazzjonali reġjonali għall-2007 – 2013 fil-forma ta' Kapitolu ġdid 25.B tal-Linji Gwida dwar l-Għajnuna mill-Istat.

Barra minn dan, l-Awtorità pproponiet, taħt l-Artikolu 1(1) fil-Parti I tal-Protokoll 3 tal-Ftehim dwar is-Sorveljanza u l-Qorti, li l-awtoritajiet Norveġiżi jaċċettaw il-miżuri xierqa stabbiliti fil-Kapitolu 25.B.8 tal-Linji Gwida dwar l-Għajnuna mill-Istat (5).

B'ittra ta' l-10 ta' Mejju 2006 mill-Missjoni tan-Norveġja għall-Unjoni Ewropea, riċevuta u rreġistrata mill-Awtorità fil-11 ta' Mejju 2006 (Avveniment Nru: 373737), l-awtoritajiet Norveġiżi aċċettaw il-miżuri xierqa proposti.

Il-Kapitolu ġdid 25.B tal-Linji Gwida dwar l-Għajnuna mill-Istat jistabbilixxi li l-għajnuna ta' investiment nazzjonali tista' tingħata għal aktar żvilupp ekonomiku ta' ċerti reġjuni żvantaġġjati. Biex l-Istati ta' l-EFTA jkunu jistgħu jagħtu din l-għajnuna, għandha tiġi nnotifikata u approvata mappa taż-żoni megħjuna mill-Awtorità.

Reġjuni b'densità baxxa tal-popolazzjoni, iddefiniti mill-bidu bħala NUTS livell III (6), ir-reġjuni b'inqas minn 12.5 abitanti għal kull kilometru kwadru, għandhom jikkwalifikaw biex ikunu inklużi fil-mappa. Madankollu, hija prevista ċerta flessibbiltà fid-definizzjoni taż-żoni megħjuna. Partijiet mir-reġjuni NUTS livell III jistgħu jikkwalifikaw ukoll jekk dawn il-partijiet ikollhom densità baxxa ta' popolazzjoni, jekk il-popolazzjoni ġenerali fiż-żoni megħjuna ma tiżdiedx b'riżultat ta' dan, u jekk dawn iż-żoni mhumiex kontigwi mar-reġjuni NUTS livell III li jissodisfaw it-test tad-densità baxxa tal-popolazzjoni.

3. Deskrizzjoni tal-mappa proposta

3.1. Metodoloġija u kopertura: unitajiet ġeografiċi

Fin-Norveġja, ir-reġjuni NUTS livell III jikkorrispondu għal provinċji u NUTS livell V għal muniċipalitajiet. Bħalissa n-Norveġja għandha 19-il provinċja u 431 muniċipalità (7).

In-Norveġja għandha disa' reġjuni NUTS livell III b'inqas minn 12.5 abitanti għal kull kilometru kwadru. Dawn huma l-provinċji li ġejjin: Finnmark, Troms, Nordland, Nord-Trøndelag, Sogn og Fjordane, Hedmark, Oppland, Telemark u Aust-Agder.

L-erba' reġjuni sħaħ NUTS livell III Finnmark, Troms, Nordland u Sogn og Fjordane huma proposti bħala eliġibbli għall-għajnuna reġjonali nazzjonali.

Ċerti partijiet biss mill-ħames provinċji l-oħra b'densità baxxa ta' popolazzjoni (Nord-Trøndelag, Hedmark, Oppland, Telemark u Aust-Agder) huma proposti biex jiġu inklużi fil-mappa.

L-awtoritajiet Norveġiżi jikkunsidraw li mappa ta' għajnuna reġjonali bbażata strettament fuq NUTS livell III ma tkunx tirrifletti s-sitwazzjoni reali fin-Norveġja rigward l-isfidi reġjonali relatati ma' densità baxxa tal-popolazzjoni, il-kondizzjonijiet klimatiċi u l-iżvantaġġi ekonomiċi. L-awtoritajiet Norveġiżi għalhekk ipproponew, fuq il-bażi tar-regoli ta' flessibbiltà, li jeskludu mill-ħames provinċji b'densità baxxa ta' popolazzjoni ċerti żoni li mhumiex ikkunsidrati li għandhom bżonn għajnuna reġjonali u biex jinkludu “żoni NUTS III” li jilħqu t-test tad-densità baxxa tal-popolazzjoni f'reġjuni NUTS III kontigwi b'densità tal-popolazzjoni iktar għolja. Dan jippermetti lill-awtoritajiet Norveġiżi li jeskludu muniċipalitajiet “b'saħħithom” fi provinċji li jissodisfaw id-densità baxxa ta' popolazzjoni u biex jiġu inklużi muniċipalitajiet “dgħajfa” fil-provinċji li ma jissodisfawx dan il-kriterju.

Żoni fi provinċji b'densità baxxa tal-popolazzjoni esklużi mill-mappa ta' għajnuna reġjonali

Tabella 1 hawn taħt turi ż-żoni li l-awtoritajiet Norveġiżi eskludew mir-reġjuni NUTS livell III li jissodisfaw it-test tad-densità baxxa tal-popolazzjoni.

Tabella 1

Provinċja	Muniċipalitajiet
Nord-Trøndelag	Stjørdal, Levanger
Aust-Agder	Iveland, Birkenes, Froland, Lillesand, Arendal, Grimstad
Telemark	Bamble, Siljan, Skien, Porsgrunn
Oppland	Gran, Lunner, Jevnaker, Vestre Toten, Østre Toten, Gjøvik, Lillehammer, Øyer
Hedmark	Elverum, Sør-Odal, Nord-Odal, Stange, Løten, Ringsaker, Hamar

Iż-żoni esklużi għandhom popolazzjoni totali ta' 445 006 abitanti.

Żoni fi provinċji b'densità għolja tal-popolazzjoni inklużi fil-mappa ta' għajnuna reġjonali

Tabella 2 hawn taħt turi ż-żoni fi provinċji b'iktar minn 12.5 abitanti għal kull kilometru kwadru li l-awtoritajiet Norveġiżi inkludew fil-mappa ta' għajnuna reġjonali fuq il-bażi tar-regoli ta' flessibbiltà.

Tabella 2

Provinċja	Muniċipalitajiet
Sør-Trøndelag	Tydal, Selbu, Midtre Gauldal, Holtålen, Røros, Meldal, Rennebu, Oppdal, Osen, Roan, Åfjord, Bjugn, Rissa, Agdenes, Ørland, Frøya, Hitra, Snillfjord, Hemne
Møre og Romsdal	Aure, Smøla, Halsa, Rindal, Surnadal, Sunndal, Tingvoll, Gjemnes, Averøy, Eide, Aukra, Sandøy, Midsund, Nesset, Rauma, Vestnes, Haram, Stordal, Stranda, Norddal, Ørsta, Volda, Herøy, Sande, Vanylven, Kristiansund, Frei
Hordaland	Masfjorden, Fedje, Modalen, Vaksdal, Austevoll, Samnanger, Kvam, Voss, Granvin, Ulvik, Eidfjord, Ullensvang, Odda, Jondal, Kvinnherad, Tysnes, Fitjar, Etne
Rogaland	Vindafjord, Utsira, Kvitsøy, Finnøy, Sauda, Suldal, Hjelmeland, Lund, Sokndal
Vest-Agder	Sirdal, Kvinesdal, Hægebostad, Audnedal, Åseral, Marnardal, Flekkefjord, Farsund
Buskerud	Nore og Uvdal, Rollag, Flesberg, Krødsherad, Sigdal, Hol, Ål, Hemsedal, Gol, Nes, Flå
Østfold	Rømskog, Marker, Aremark

Iż-żoni inklużi għandhom popolazzjoni totali ta' 374 739 abitant u medja ta' densità tal-popolazzjoni ta' 5.8 abitanti għal kull kilometru kwadru.

Tabella 3 tindika l-popolazzjoni u d-densità tal-popolazzjoni fir-reġjuni NUTS livell III kollha / żoni NUTS III proposti eliġibbli għall-għajnuna reġjonali.

Tabella 3

Reġjuni Nuts Livell III/Żoni Nuts Livell III	Popolazzjoni 2005	Densità tal-Popolazzjoni (/km2)
Østfold (*1)	5 331	6,0
Hedmark (1)	71 875	3,2
Oppland (1)	70 611	3,3
Buskerud (*1)	32 291	3,1
Telemark (1)	65 680	4,7
Aust-Agder (1)	25 826	3,8
Vest-Agder (*1)	31 942	6,0
Rogaland (*1)	29 510	6,2
Hordaland (*1)	73 630	5,9
Sogn og Fjordane (2)	107 032	5,7
Møre og Romsdal (*1)	132 586	9,9
Sør-Trøndelag (*1)	68 480	4,1
Nord-Trøndelag (1)	90 881	4,4
Nordland (2)	236 825	6,2
Troms (2)	152 741	5,9
Finnmark (2)	73 074	1,5
Total	1 268 515	4,5

B'kollox, 286 muniċipalità huma proposti eliġibbli għall-għajnuna reġjonali nazzjonali, li jirrappreżentaw 1 268 515-il abitanti fl-1 ta' Jannar 2005 u li jikkorrispondu għal 27.5 % tal-popolazzjoni Norveġiża.

3.2 Limiti ta' l-għajnuna

L-awtoritajiet Norveġiżi qed jipproponu li ż-żoni kollha inklużi fil-mappa għandhom jibbenefikaw mill-intensitajiet massimi ta' l-għajnuna.

Tabella 4 turi l-intensitajiet ta' l-għajnuna nnotifikati.

Tabella 4

Żona ġeografika

Limitu ġenerali ta' l-għajnuna

(GGE) (*2)

Żieda għall-Impriżi ta’ daqs medju (*3)

(GGE)

Żieda għall-impriżi żgħar (GGE) Iż-żoni kollha eliġibbli (*4)

Iż-żoni kollha eliġibbli

15 %

10 %

20 %

II. APPREZZAMENT

1. Formalitajiet ta' notifika

Il-Kapitolu 25.B.7 tal-Linji Gwida dwar l-Għajnuna mill-Istat (8) jiddikkjara li “ r-reġjuni ta' Stat EFTA eliġibbli għal għajnuna ta' investiment reġjonali taħt id-derogi u l-limiti fuq l-intensità ta' l-għajnuna għal investiment inizjali approvat għal kull reġjun flimkien jiffurmaw mappa reġjonali ta' għajnuna ta' Stat EFTA ”.

L-istabbiliment tal-mappa nnifisha ma tinvolvi ebda għajnuna diretta fl-ambitu tat-tifsira ta' l-Artikolu 61(1) tal-Ftehim taż-ŻEE. Madankollu, l-awtorizzazzjoni tal-mappa tistabbilixxi, flimkien mal-linji gwida dwar l-għajnuna reġjonali, il-qafas għall-għoti ta' l-għajnuna taħt l-iskemi ta' għajnuna reġjonali.

Billi aċċetta l-miżuri xierqa, il-Gvern Norveġiż aċċetta li jinnotifika, skond l-Artikolu 1(3) f'Parti I tal-Protokoll 3 għall-Ftehim dwar is-Sorveljanza u l-Qorti, mappa reġjonali ta' għajnuna unika (9). In-notifika ddatata t-12 ta' Ġunju 2006 (Avveniment Nru: 377954) tikkostitwixxi notifika sħiħa. L-awtoritajiet Norveġiżi ssodisfaw l-obbligi tagħhom skond l-aċċettazzjoni tal-miżuri xierqa u l-Artikolu 1(3) f'Parti I tal-Protokoll 3 tal-Ftehim ta’ Sorveljanza u l-Qorti. B'konsegwenza ta' dan, skond il-Kapitolu 25B.7 (86), l-Awtorità għandha tivvaluta n-notifika skond il-proċedura stipulata fl-Artikolu 1(3) f'Parti I tal-Protokoll 3 tal-Ftehim dwar is-Sorveljanza u l-Qorti.

L-eżami tan-notifika ta' l-Awtorità huwa bbażat fuq il-kriterji stipulati fil-Kapitolu 25.B.3-4 tal-Linji Gwida dwar l-Għajnuna mill-Istat.

2. Applikazzjoni tar-Regoli ta' l-Għajnuna mill-Istat rilevanti

2.1. Metodoloġija u kopertura

Skond il-Kapitolu 25.B.3.3.2 tal-Linji Gwida dwar l-Għajnuna mill-Istat, l-awtoritajiet Norveġiżi pproponew metodu bbażat fuq żewġ unitajiet ġeografiċi sabiex jistabbilixxu r-reġjuni li jikkwalifikaw għal eżenzjonijiet taħt l-Artikolu 61(3)(c) tal-Ftehim taż-ŻEE.

Il-provinċji ta' Finnmark, Troms, Nordland u Sogn og Fjordane(provinċji b'densità baxxa tal-popolazzjoni nnotifikati fit-totalità tagħhom)

L-awtoritajiet Norveġiżi nnotifikaw il-provinċji ta' Finnmark, Troms, Nordland u Sogn og Fjordane fuq il-bażi tal-Kapitolu 25.B.3.3.2 (22) tal-Linji Gwida dwar l-Għajnuna mill-Istat li jiddikkjara:

“L-awtorità tikkunsidra li dawn ir-reġjuni jistgħu jkunu eliġibbli għall-għażla mill-Istati ta' l-EFTA kkonċernati għall-għoti ta' għajnuna ta' investiment reġjonali skond id-deroga taħt l-Artikolu 61(3)(c):

(a)

id-densità baxxa tal-popolazzjoni; tali żoni huma magħmula essenzjalment minn reġjuni ġeografiċi NUTS II b'densità tal-popolazzjoni ta' inqas minn 8 abitanti għal kull kilometru kwadru jew reġjuni ġeografiċi NUTS III fir-rigward tan-Norveġja (…) b'densità tal-popolazzjoni ta' inqas minn 12.5 abitanit għal kull kilometru kwadru”.

Finnmark għandha densità tal-popolazzjoni ta' 1.5 abitanti kull km2 (popolazzjoni totali ta' 73 074 abitant). Troms għandha densità tal-popolazzjoni ta' 5.9 abitanti kull km2 (popolazzjoni totali ta' 152 741 abitant). Nordland għandha densità tal-popolazzjoni ta' 6.2 abitanti kull km2 (popolazzjoni totali ta' 236 825 abitant). Sogn og Fjordane għandha densità tal-popolazzjoni ta' 5.7 abitanti kull km2 (popolazzjoni totali ta' 107 032 abitant).

Għalhekk l-Awtorità ssib li din il-parti tal-proposta tilħaq il-kriterji tal-Kapitolu 25.B.3.3.2.

Iż-żoni nnotifikati l-oħra

Il-paragrafu (22)(a) tal-Kapitolu 25.B.3.3.2 tal-Linji Gwida dwar l-Għajnuna mill-Istat ikompli:

“Madankollu, hija mogħtija ċerta flessibbiltà fl-għażla ta' dawn iż-żoni, suġġetti għal-limiti li ġejjin:

—	il-flessibbilità fl-għażla taż-żoni m’għandhiex tfisser żieda fil-popolazzjoni koperta;

—	il-partijiet NUTS III li jikkwalifikaw għall-flessibbiltà għandu jkollhom densità tal-popolazzjoni ta' inqas minn 12.5 abitanti għal kull kilometru kwadru;

—	għandhom ikunu kontigwi mar-reġjuni NUTS III li jissodisfaw it-test ta' densità baxxa tal-popolazzjoni.”.

Il-Linji Gwida dwar l-Għajnuna mill-Istat jipprovdu espressament għall-possibbiltà li tintuża xi flessibbiltà fl-għażla taż-żoni eliġibbli għall-għajnuna reġjonali jekk jintlaħqu t-tliet kondizzjonijiet li ġejjin:

(i)

Flessibbilità fl-għażla taż-żoni m’għandhiex tfisser żieda fil-popolazzjoni koperta

L-Awtorità ssib li din il-kondizzjoni hija ssodisfata minħabba li ż-żoni esklużi mill-mappa fir-reġjuni b’densità baxxa tal-popolazzjoni, li mill-bidu jikkwalifikaw bħala tali, għandhom popolazzjoni ta’ 445 006 abitanti (ara tabella 1 hawn fuq). Iż-żoni inklużi fil-mappa bl-applikazzjoni tar-regoli ta’ flessibbiltà għandhom popolazzjoni ta’ 374 739 abitant kif indikat fit-test taħt it-tabella 2 hawn fuq.

(ii)

Il-partijiet NUTS III li jikkwalifikaw għall-flessibbiltà għandu jkollhom densità tal-popolazzjoni ta' inqas minn 12.5 abitanti għal kull kilometru kwadru

Il-partijiet NUTS livell III li jikkwalifikaw għall-flessibbiltà bid-densità tal-popolazzjoni rispettiva tagħhom huma dawn (10): Østfold (6.0 abitanti/km2), Buskerud (3.1 abitanti/km2), Vest-Agder (6.0 abitanti/km2), Rogaland (6.2 abitanti/km2), Hordaland (5.9 abitanti/km2), Møre og Romsdal (9.9 abitanti/km2) u Sør-Trøndelag (4.1 abitanti/km2).

L-Awtoritajiet isibu li l-kondizzjoni li l-partijiet NUTS III li jikkwalifikaw għall-flessibbiltà għandu jkollhom densità tal-popolazzjoni ta' inqas minn 12.5 abitanti għal kull kilometru kwadru hija ssodisfata.

(iii)

Il-partijiet NUTS III għandhom ikunu kontigwi mar-reġjuni NUTS III li jissodisfaw it-test ta' densità baxxa tal-popolazzjoni

Il-partijiet NUTS III li jikkwalifikaw għall-flessibbiltà (Østfold, Buskerud, Vest-Agder, Rogaland, Hordaland, Møre og Romsdal, Sør-Trøndelag) huma kontigwi mar-reġjuni NUTS III li jissodisfaw it-test tad-densità baxxa tal-popolazzjoni (Hedmark, Oppland, Telemark, Aust-Agder, Sogn og Fjordane, Nord- Trøndelag, Nordland, Troms u Finnmark) kif jidher fil-mappa ġeografika taż-żoni proposti għall-għajnuna reġjonali mehmuża fl-Anness 1 ma’ din id-Deċiżjoni (11).

B’hekk, il-muniċipalità ssib li din il-kondizzjoni hija ssodisfata.

Fl-aħħarnett, il-kopertura totali tal-popolazzjoni ta’ 27,5 % proposta bħala eliġibbli mill-awtoritajiet Norveġiżi ma taqbiżx il-limitu tal-popolazzjoni nazzjonali ta’ 28,08 % stipulat fil-Kapitolu 25.B.3.3.1 (12). L-Anness 2 ma’ din id-deċiżjoni juri l-muniċipalitajiet kollha proposti eliġibbli għall-għajnuna reġjonali mill-awtoritajiet Norveġiżi.

2.2 Limiti ta' l-għajnuna

L-awtoritajiet Norveġiżi pproponew limiti ta’ għajnuna massima ġenerali għaż-żoni kollha koperti mill-mappa ta’ l-għajnuna reġjonali ta’ 15 % GGE għall-impriżi l-kbar b’żieda ta’ 10 % għall-impriżi ta’ daqs medju u ta’ 20 % għall-impriżi z-zgħar.

Dan l-approċċ huwa skond it-termini tal-Kapitolu 25.B.4.1.2 tal-Linji Gwida dwar l-Għajnuna mill-Istat (13) li jipprovdi: “ Ir-reġjuni b’densità baxxa tal-popolazzjoni (li jikkorrispondu ma’ NUTS livell III jew iżgħar) u r-reġjuni jew il-partijiet NUTS-III li jaqsmu fruntiera ta’ l-art ma’ pajjiż li mhux Stat Membru taż-Żona Ekonomika Ewropea jew ta’ l-EFTA, huma dejjem eliġibbli għal intensità ta’ l-għajnuna ta’ 15 % GGE ”.

Il-Linji Gwida dwar l-Għajnuna mill-Istat (14) jipprovdu wkoll li “ fil-każ ta’ għajnuna mogħtija lil impriżi ta’ daqs żgħir u medju, il-limiti fis-Sezzjoni 25.B.4.1.2 (ara paragrafu (37) hawn fuq), jistgħu jiżdiedu b’20 % GGE għall-għajnuna mogħtija lill-impriżi żgħar u b’10 % GGE għall-għajnuna lill-impriżi ta’ daqs medju”.

Għalhekk, l-Awtorità tikkonkludi li l-intensitajiet massimi ta’ l-għajnuna ta’ investiment reġjonali, kif propost mill-awtoritajiet Norveġiżi, huma skond il-Linji Gwida dwar l-Għajnuna mill-Istat.

3. Ambitu tad-deċiżjoni u kumulazzjoni ta’ l-għajnuna

Il-mappa tar-reġjuni megħjuna fil-prinċipju tapplika mill-1 ta’ Jannar 2007 sal-31 ta’ Diċembru 2013. Madankollu, din tista’, kif ipprovdut fil-Kapitolu 25.B.7 tal-Linji Gwida dwar l-Għajnuna mill-Istat (15), tkun suġġett għal eżami f’nofs il-mandat fl-2010.

Id-deċiżjoni ma tillimitax il-poteri ta’ l-Awtorità biex teżamina l-mappa skond l-Artikolu 1(1) f’Parti I tal-Protokoll 3 tal-Ftehim dwar is-Sorveljanza u l-Qorti jekk ikun neċessarju qabel it-tmiem tal-perjodu msemmi hawn fuq.

L-awtoritajiet Norveġiżi huma mfakkra li meta japplikaw l-iskemi ta’ l-għajnuna reġjonali għall-bini tal-vapuri, il-limitu ta’ l-għajnuna ta’ 12,5 % għar-reġjuni ta’ l-“Artikolu 61(3)(c)” ma jistax jinqabeż, skond il-Kapitolu 24.B.3.3.6 tal-Linji Gwida dwar l-Għajnuna mill-Istat (16) b’rabta mal-Kapitolu 24.B tal-Linji Gwida dwar l-Għajnuna mill-Istat.

Il-limiti ta’ l-għajnuna proposti huma kumulattivi, jiġifieri jirreferu għal-limitu superjuri għall-għajnuna ta’ l-investiment reġjonali mis-sorsi pubbliċi kollha mogħtija lil proġett ta’ investiment partikolari.

Barra dan, l-għajnuna għall-investiment reġjonali m’għandhiex tiġi kumulata b’appoġġ de minimis ta’ l-istess spejjeż eliġibbli biex jiġu evitati l-intensitajiet massimi ta’ l-għajnuna stipulati fil-Linji Gwida dwar l-Għajnuna mill-Istat.

Kwalunkwe skema ta’ l-għajnuna reġjonali li mhix is-suġġett ta’ eżenzjoni ta’ kategorija u li tidħol fis-seħħ wara l-31 ta’ Diċembru 2006 għandha tiġi nnotifikata lill-Awtorità skond l-Artikolu 1(3) fil-Parti I ta’ Protokoll 3 tal-Ftehim dwar is-Sorveljanza u l-Qorti.

Barra dan, l-awtoritajiet Norveġiżi għandhom iżommu f’moħħhom li, skond il-Kapitolu 25.B.8 tal-Linji Gwida dwar l-Għajnuna mill-Istat, kwalunkwe skema ta’ l-għajnuna li tinkludi għajnuna għall-investiment li għandha tingħata wara l-31 ta’ Diċembru 2006 għandha, jekk ma tkunx is-suġġett ta’ eżenzjoni ta’ kategorija, tiġi emendata kif meħtieġ u nnotifikata lill-Awtorità skond l-Artikolu 1(3) fil-Parti I tal-Protokoll 3 għall-Ftehim dwar is-Sorveljanza u l-Qorti.

4. Konklużjonijiet

Il-mappa nnotifikata taż-żoni megħjuna tirrifletti r-rekwiżiti stipulati fil-Linji Gwida dwar l-Għajnuna mill-Istat. L-Awtorità tista’ tapprova l-mappa tar-reġjuni eliġibbli għall-għajnuna taħt l-Artikolu 61(3)(c) tal-Ftehim taż-ŻEE,

ADOTTAT DIN ID-DEĊIŻJONI:

Artikolu 1

L-Awtorità ddeċidiet li tapprova l-proposta għal mappa ta’ żoni megħjuna u l-intensitajiet massimi ta’ l-għajnuna fin-Norveġja kif innotifikat lill-Awtorità b’ittra datata t-12 ta’ Ġunju 2006. L-Anness 1 għal din id-deċiżjoni, li turi l-mappa ta’ għajnuna reġjonali tan-Norveġja għall-2007 sa l-2013, jifforma parti sħiħa mill-Kapitolu 25.B tal-Linji Gwida dwar l-Għajnuna mill-Istat. L-Anness 2 għal din id-deċiżjoni jelenka l-muniċipalitajiet kollha eliġibbli għall-għajnuna reġjonali.

Artikolu 2

Bla ħsara għall-Artikolu 1(1) f’Parti I tal-Protokoll 3 tal-Ftehim dwar is-Sorveljanza u l-Qorti, il-mappa taż-żoni eliġibbli għall-għajnuna ta’ investiment reġjonali għandha tkun applikabbli mill-1 ta’ Jannar 2007 sal-31 ta’ Diċembru 2013.

Artikolu 3

Din id-deċiżjoni hija indirizzata lir-Renju tan-Norveġja.

Artikolu 4

Il-verżjoni bl-Ingliż biss hi awtentika.

Magħmul fi Brussell, 19 ta’ Lulju 2006.

Għall-Awtorità tas-Sorveljanza ta' l-EFTA

Bjørn T. GRYDELAND

President

Kristján Andri STEFÁNSSON

Membru tal-Kulleġġ

(1) Minn hawn 'il quddiem l-Awtorità.

(2) Minn hawn 'il quddiem imsejjaħ il-Ftehim taż-ŻEE

(3) Minn hawn 'il quddiem imsejjaħ il-Ftehim dwar il-Sorveljanza u l-Qorti.

(4) Linji Gwida dwar l-applikazzjoni u l-interpretazzjoni ta' l-Artikoli 61 u 62 tal-Ftehim taż-ŻEE u l-Artikolu 1 tal-Protokoll 3 mal-Ftehim tas-Sorveljanza u l-Qorti, adottati u maħruġa mill-Awtorità tas-Sorveljanza ta' l-EFTA fid-19 ta' Jannar 1994, ippubblikati fil-ĠU 1994 L 231, is-Supplimenti taż-ŻEE 3.9.1994 Nru 32. Id-Direttivi ġew emendati l-aħħar fid-9 ta’ April 2006. Minn issa il quddiem imsejħin “Linji Gwida dwar l-Għajnuna mill-Istat” Il-Linji Gwida dwar l-Għajnuna mill-Istat huma disponibbli fuq: http://www.eftasurv.int/fieldsofwork/fieldstateaid/guidelines/

(5) Paragrafu (92).

(6) Kif definiti fi “Reġjuni statistiċi fil-pajjiżi ta' l-EFTA u fil-pajjiżi kandidati”, edizjoni 2001 mill-Kummissjoni tal-Komunitajiet Ewropej u l-Uffiċċju ta' l-Istatistika tal-Komunitajiet Ewropej.

(7) Id-data dwar il-popolazzjoni minn issa 'l quddiem hija dik ta' l-1 ta' Jannar 2005.

(*1) Iż-żoni NUTS livell III proposti eliġibbli bl-applikazzjoni tar-regoli ta' flessibbiltà (ara t-tabella 2 fuq).

(1)

(°)	Il-provinċji b'densità baxxa tal-popolazzjoni mhumiex innotifikati kollha. Iċ-ċifri jirrappreżentaw il-partijiet innotifikati.

(2)

(')	Il-provinċji b'densità baxxa tal-popolazzjoni nnotifikati kollha.

(*2) ekwivalenza grossa ta' l-għajnuna (Gross Grant Equivalent)

(*3) Anness 1 tar-Regolament tal-Kummissjoni (KE) Nru 364/2004 tal-25 ta' Frar 2004 li jemenda r-Regolament (KE) Nru 70/2001, ĠU L 63, 28.2.2004, p. 22 inkorporat fil-Ftehim taż-ŻEE permezz ta' l-Anness XV punt 1f) bid-deċiżjoni tal-Kumitat Konġunt taż-ŻEE Nru 131/2004 tal-24.9.2004 (ĠU L 64, 10.3.2005, p. 67 u s-suppliment taż-ŻEE Nru 12, p. 42), jew kwalunkwe Regolament sussegwenti.

(*4) Ara n-nota f'qiegħ il-paġna 7.

(8) Paragrafu (81).

(9) Paragrafu (85).

(10) Ara tabella 3 fuq.

(11) Il-muniċipalitajiet ta’ Aremark, Rømskog u Marker (li jinsabu fir-reġjun NUTS livell III ta’ Østfold) anke jekk mhux strettament kontigwi mal-bqija tal-mappa taż-żoni assistiti ġew inklużi minħabba li d-distanza bejn dawn il-muniċipalitajiet u r-reġjun NUTS livell III ta’ Hedmark hija inqas minn 10 kilometri u minħabba li d-densità tal-popolazzjoni f’dawn il-muniċipalitajiet hija baxxa ħafna (medja ta’ 6 abitanti /km2). Il-popolazzjoni totali f’dawn il-muniċipalitajiet hija ta’ 5 331. %

(12) Paragrafu (21).

(13) Paragrafu (37).

(14) Paragrafu (38).

(15) Paragrafu (89).

(16) Paragrafu (26(c)).

ANNESS I

Mappa ta’ l-għajnuna reġjonali fin-Norveġja 2007-2013

Kopertura demografika : 27,5 %

ANNESS II

Lista tal-muniċipalitajiet proposti bħala eliġibbli għall-għajnuna nazzjonali reġjonali mill-awtoritajiet Norveġiżi

It-tabella hawn taħt turi l-muniċipalitajiet kollha proposti eliġibbli għall-għajnuna reġjonali mill-awtoritajiet Norveġiżi:

Provinċja	Muniċipalitajiet
Finnmark	Sør-Varanger, Båtsfjord, Unjárga-Nesseby, Deatnu-Tana, Berlevåg, Gamvik, Lebesby, Kárásjohka-Karasjok, Porsanger, Nordkapp, Måsøy, Kvalsund, Hasvik, Loppa, Alta, Guovdageaidnu-Kautokeino, Hammerfest, Vadsø, Vardø
Troms	Kvænangen, Nordreisa, Skjervøy, Gáivuotna-Kåfjord, Storfjord, Lyngen, Karlsøy, Balsfjord, Lenvik, Berg, Torsken, Tranøy, Dyrøy, Sørreisa, Målselv, Salangen, Bardu, Lavangen, Gratangen, Ibestad, Bjarkøy, Skånland, Kvæfjord, Tromsø, Harstad
Nordland	Moskenes, Andøy, Sortland, Øksnes, Bø, Hadsel, Vågan, Vestvågøy, Flakstad, Værøy, Røst, Ballangen, Evenes, Tjeldsund, Lødingen, Tysfjord, Hamarøy, Steigen, Sørfold, Fauske, Saltdal, Beiarn, Gildeskål, Meløy, Rødøy, Træna, Lurøy, Rana, Hemnes, Nesna, Dønna, Hattfjelldal, Grane, Vesfn, Leirfjord, Alstahaug, Herøy, Vevelstad, Vega, Brønnøy, Sømna, Bindal, Narvik, Bodø
Nord-Trøndelag	Leka, Nærøy, Vikna, Flatanger, Fosnes, Overhalla, Høylandet, Grong, Namsskogan, Røyrvik, Lierne, Snåsa, Inderøy, Namdalseid, Verran, Mosvik, Verdal, Leksvik, Frosta, Meråker, Namsos, Steinkjer
Sør-Trøndelag	Tydal, Selbu, Midtre Gauldal, Holtålen, Røros, Meldal, Rennebu, Oppdal, Osen, Roan, Åfjord, Bjugn, Rissa, Agdenes, Ørland, Frøya, Hitra, Snillfjord, Hemne
Møre og Romsdal	Aure, Smøla, Halsa, Rindal, Surnadal, Sunndal, Tingvoll, Gjemnes, Averøy, Eide, Aukra, Sandøy, Midsund, Nesset, Rauma, Vestnes, Haram, Stordal, Stranda, Norddal, Ørsta, Volda, Herøy, Sande, Vanylven, Kristiansund, Frei
Sogn og Fjordane	Flora, Gulen, Solund, Hyllestad, Høyanger, Vik, Balestrand, Leikanger, Sogndal, Aurland, Lærdal, Årdal, Luster, Askvoll, Fjaler, Gaular, Jølster, Førde, Naustdal, Bremanger, Vågsøy, Selje, Eid, Hornindal, Gloppen, Stryn
Hordaland	Masfjorden, Fedje, Modalen, Vaksdal, Austevoll, Samnanger, Kvam, Voss, Granvin, Ulvik, Eidfjord, Ullensvang, Odda, Jondal, Kvinnherad, Tysnes, Fitjar, Etne
Rogaland	Vindafjord, Utsira, Kvitsøy, Finnøy, Sauda, Suldal, Hjemeland, Lund, Sokndal
Vest-Agder	Sirdal, Kvinesdal, Hægebostad, Audnedal, Åseral, Marnadal, Flekkefjord, Farsund
Aust-Agder	Risør, Gjerstad, Vegårshei, Tvedestrand, Åmli, Evje og Hornnes, Bygland, Valle, Bykle
Telemark	Notodden, Kragerø, Drangedal, Nome, Bø, Sauherad, Tinn, Hjartdal, Seljord, Kviteseid, Nissedal, Fyresdal, Tokke, Vinje
Buskerud	Nore og Uvdal, Rollag, Flesberg, Krødsherad, Sigdal, Hol, Ål, Hemsedal, Gol, Nes, Flå
Oppland	Dovre, Lesja, Sjåk, Lom, Vågå, Nord-Fron, Sel, Sør-Fron, Ringebu, Gausdal, Søndre Land, Nordre Land, Sør-Aurdal, Etnedal, Nord-Aurdal, Vestre Slidre, Øystre Slidre, Vang
Hedmark	Kongsvinger, Eidskog, Grue, Åsnes, Våler, Trysil, Åmot, Stor-Elvdal, Rendalen, Engerdal, Tolga, Tynset, Alvdal, Folldal, Os
Østfold	Rømskog, Marker, Aremark

28.2.2008

Il-Ġurnal Uffiċjali ta’ l-Unjoni Ewropea

L 54/28

DEĊIŻJONI TA' L-AWTORITÀ TAS-SORVELJANZA TA' L-EFTA

Nru 378/06/COL

tas-6 ta' Diċembru 2006

dwar il-mapep tar-reġjuni megħjuna u l-livelli ta' l-għajnuna (L-Iżlanda)

L-AWTORITÀ TAS-SORVELJANZA TA’ L-EFTA (1),

Wara li kkunsidrat il-Ftehim dwar iż-Żona Ekonomika Ewropea (2), u partikolarment l-Artikoli 61 sa 63 u l-Protokoll 26 tiegħu,

Wara li kkunsidrat il-Ftehim bejn l-Istati ta' l-EFTA dwar it-Twaqqif ta' Awtorità tas-Sorveljanza u Qorti tal-Ġustizzja (3), u b'mod partikolari l-Artikolu 24 tiegħu,

Wara li kkunsidrat l-Artikolu 1(3) tal-Parti I u l-Artikolu 4(3) tal-Parti II tal-Protokoll 3 tal-Ftehim dwar is-Sorveljanza u l-Qorti,

Wara li kkunsidrat il-Linji ta' Gwida ta' l-Awtorità (4) għall-applikazzjoni u l-interpretazzjoni ta' l-Artikoli 61 u 62 tal-Ftehim ŻEE, u b'mod partikolari l-Kapitolu 25.B dwar l-“Għajnuna Reġjonali Nazzjonali 2007-2013” tiegħu,

Billi:

I. FATTI

1. Proċedura

Permezz ta' ittra mill-Missjoni ta' l-Iżlanda lill-Unjoni Ewropea li ġġib id-data ta' l-10 ta' Lulju 2006 li wasslet ittra mill-Ministeru tal-Finanzi datata s-7 ta' Lulju 2006, li t-tnejn waslu u ġew irreġistrati mill-Awtorità fil-11 ta' Lulju 2006 (Okkorrenza Nru 380966), l-awtoritajiet ta' l-Iżlanda nnotifikaw, skond l-Artikolu 1(3) tal-Parti I tal-Protokoll 3 tal-Ftehim dwar is-Sorveljanza u l-Qorti, mappa ġdida tar-reġjuni megħjuna u l-livelli ta' għajnuna fl-Iżlanda applikabbli mill-1 ta' Jannar 2007 sal-31 ta' Diċembru 2013. In-notifika ssejset fuq klassifikazzjoni ġdida NUTS ta' l-Iżlanda f'żewġ reġjuni NUTS III u ġiet sottomessa bir-riżerva li l-Eurostat jaċċetta l-proposta tal-Gvern ta' l-Iżlanda biex tiġi adottata din il-klassifikazzjoni ġdida.

Permezz ta' ittra li ġġib id-data tat-13 ta' Lulju 2006 (Okkorrenza Nru 381227), l-Awtorità infurmat lill-awtoritajiet ta' l-Iżlanda li mingħajr il-konferma li l-Eurostat kien formalment aċċetta l-proposta biex l-Iżlanda tkun ikklassifikata bħala żewġ reġjuni NUTS III, l-Awtorità ma kinitx tista' tiddefinixxi l-pożizzjoni tagħha dwar il-mappa proposta.

B'ittra mill-Missjoni ta' l-Iżlanda lill-Unjoni Ewropea li ġġib id-data ta' l-20 ta' Ottubru 2006 li wasslet ittra mill-Ministeru tal-Finanzi datata l-20 ta' Ottubru 2006, li t-tnejn waslu u ġew irreġistrati mill-Awtorità fil-25 ta' Ottubru 2006 (Okkorrenza Nru 395420), l-awtoritajiet ta' l-Iżlanda nnotifikaw lill-Awtorità b'emenda għan-notifika ta' mappa ta' l-għajnuna reġjonali għall-Iżlanda għall-perjodu 2007-2013.

Permezz ta' ittra li ġġib id-data tal-25 ta' Ottubru 2006 (Okkorrenza Nru 396970), l-Awtorità talbet lill-awtoritajiet ta' l-Iżlanda biex jipprovdu aktar informazzjoni.

Permezz ta' ittra li ġġib id-data tas-16 ta' Novembru 2006 (Okkorrenza Nru 398727) mill-Ministeru tal-Finanzi, l-Awtorità ngħatat informazzjoni kumplementari.

2. L-isfond

Permezz ta' ittra li ġġib id-data tas-6 ta' April 2006 mill-Awtorità lill-Missjoni ta' l-Iżlanda lill-Unjoni Ewropea (Okkorrenza Nru 369212), l-awtoritajiet ta' l-Iżlanda ġew infurmati li l-Awtorità kienet adottat linji ta' gwida ġodda dwar għajnuna mill-Istat għar-reġjuni għall-perjodu 2007-2013 taħt il-forma ta' Kapitolu ġdid, il-Kapitolu 25.B, tal-Linji ta' Gwida għall-Għajnuna mill-Istat.

Barra minn dan, l-Awtorità pproponiet, skond l-Artikolu 1(1) tal-Parti I tal-Protokoll 3 tal-Ftehim dwar is-Sorveljanza u l-Qorti, li l-awtoritajiet ta' l-Iżlanda jaċċettaw il-miżuri xierqa stabbiliti fil-Kapitolu 25.B.8 tal-Linji ta' Gwida għall-Għajnuna mill-Istat (5).

Permezz ta' ittra mill-Missjoni ta' l-Iżlanda għall-Unjoni Ewropea li ġġib id-data tal-11 ta' April 2006, li l-Awtorità rċeviet u rreġistrat fit-12 ta' April 2006 (Okkorrenza Nru 369986), l-awtoritajiet ta' l-Iżlanda kienu aċċettaw il-miżuri xierqa proposti.

Il-Kapitolu l-ġdid 25.B dwar il-Linji ta' Gwida għall-Għajnuna mill-Istat jistabbilixxi li l-għajnuna mill-Istat għall-investimenti tista' tingħata biex jitkabbar l-iżvilupp ekonomiku ta' ċerti reġjuni żvantaġġjati. Biex l-Istati ta' l-EFTA jkunu jistgħu jagħmlu dawn l-għotjiet ta' għajnuna, l-Awtorità għandha tinnotifika u tapprova mappa tar-reġjuni megħjuna.

Il-Kapitolu l-ġdid 25.B dwar il-Linji ta' Gwida għall-Għajnuna mill-Istat jipprovdi li r-reġjuni b'densità ta' popolazzjoni baxxa, inizjalment definiti bħala reġjuni NUTS livell III (6) b'inqas minn 12-il abitant punt ħamsa għal kull kilometru kwadru, għandhom id-dritt li jiddaħħlu fil-mappa. Madankollu, skond is-sistema attwali tal-klassifika NUTS, l-Iżlanda, bħala tali, hija meqjusa bħala reġjun NUTS III (kif ukoll bħala reġjun NUTS I u NUTS II). Id-densità ta' popolazzjoni ta' l-Iżlanda hija anqas minn 12,5-il abitanti għal kull kilometru kwadru (7). Fid-dawl tal-konfigurazzjoni demografika speċjali ta' l-Iżlanda, l-Awtorità ddeċidiet li tiddetermina l-kopertura demografika għall-Iżlanda fuq il-bażi tar-reġjuni NUTS IV b'densita' ta' popolazzjoni baxxa. 31,6% tal-popolazzjoni ta' l-Iżlanda tgħix f'dawk ir-reġjuni li għandhom inqas minn 12-il abitanti punt ħamsa għal kull kilometru kwadru. Il-kopertura nazzjonali tal-popolazzjoni għall-Iżlanda hija għalhekk 31,6 %.

Madankollu, in vista tar-riforma li jmiss tal-klassifikazzjoni NUTS ta' l-Iżlanda, fil-Kapitolu l-ġdid 25.B tal-Linji ta' Gwida għall-Għajnuna mill-Istat l-Awtorità espressament ipprovdiet (8) li l-mappa tar-reġjuni megħjuna tista' tkun stabbilita b'referenza għar-reġjuni NUTS III, f'każ li fl-Iżlanda jiddaħħal aktar minn reġjun NUTS III wieħed.

Permezz ta' ittra li ġġib id-data tal-25 ta' Ottubru 2006 mill-awtoritajiet ta' l-Iżlanda, l-Awtorità ġiet infurmata li mill-1 ta' Jannar 2008 l-Eurostat approva l-klassifikazzjoni l-ġdida NUTS imsejsa fuq żewġ reġjuni NUTS.

3. Deskrizzjonijiet tal-mapep proposti

L-awtoritajiet ta' l-Iżlanda nnotifikaw żewġ mapep ta' reġjuni megħjuna msejsa fuq żewġ klassifikazzjonijiet NUTS suċċessivi: waħda msejsa fuq il-klassifikazzjoni NUTS attwali għall-perjodu mill-1 ta' Jannar 2007 sal-31 ta' Diċembru 2007, u oħra msejsa fuq il-klassifikazzjoni NUTS il-ġdida għall-perjodu mill-1 ta' Jannar 2008 sal-31 ta' Diċembru 2013.

3.1. Mappa proposta għall-perjodu bejn l-1 ta' Jannar 2007 u l-31 ta' Diċembru 2007

3.1.1. Metodoloġija u kopertura

Fl-Iżlanda, sitt reġjuni NUTS IV għandhom inqas minn 12,5 abitanti għal kull kilometru kwadru: Austurland, Norðurland eystra, Norðurland vestra, Suðurland, Vestfirðir u Vesturland. Dawn ir-reġjuni NUTS IV kollha huma proposti bħala eleiġibbli għall-għajnuna mill-Istat għar-reġjuni.

Iż-żoni inklużi għandhom popolazzjoni totali ta' 96 010 abitanti u densità ta' popolazzjoni medja ta' 0,95 abitant għal kull kilometru kwadru (9). Il-popolazzjoni li tgħix f'dawn iż-żoni tirrappreżenta 31,4 % tal-popolazzjoni totali ta' l-Iżlanda.

Il-mappa proposta tar-reġjuni megħjuna għall-perjodu mill-1 ta' Jannar 2007 sal-31 ta' Diċembru tinkludi s-sitt reġjuni NUTS IV msemmija hawn fuq, kif jidher fil-mappa fl-Anness 1 ta' din id-Deċiżjoni.

Lista tal-muniċipalitajiet koperti mill-mappa ta' l-għajnuna għar-reġjuni għal matul il-perjodu mill-1 ta' Jannar 2007 sal-31 ta' Diċembru 2007 tidher fl-Anness 2 ta' din id-Deċiżjoni.

3.1.2. Limiti massimi ta' l-għajnuna

L-awtoritajiet ta' l-Iżlanda jipproponu li ż-żoni kollha inklużi fil-mappa għandhom jibbenefikaw mill-intensitajiet massimi ta' għajnuna kif stabbilit mil-linji ta' gwida ta' l-Awtorità għall-għajnuna reġjonali.

Fit-Tabella 1 ta' hawn taħt jidhru l-intensitajiet notifikati.

Tabella 1

Żona ġeografika

Livell massimu ġenerali ta' għajnuna

(GGE) (*1)

Suppliment għall-impriżi ta' daqs medju (10)

(GGE)

Suppliment għall-impriżi ta' daqs żgħir (10)

(GGE)

Iż-żoni eliġibbli kollha

15 %

10 %

20 %

3.2. Mappa proposta għall-perjodu bejn l-1 ta' Jannar 2008 u l-31 ta' Diċembru 2013

3.2.1. Metodoloġija u kopertura

Permezz ta' ittra li ġġib id-data tad-9 ta' Ġunju 2006, l-awtoritajiet ta' l-Iżlanda talbu formalment li l-Eurostat jadotta klassifikazzjoni NUTS ġdida għall-Iżlanda bħala żewġ reġjuni NUTS III. Dawn iż-żewġ reġjuni NUTS III huma r-reġjun tal-Kapitali (“ Höfuðborgarsvæði ”) minn naħa waħda, u l-parti ta' l-Iżlanda 'l barra mir-reġjun tal-Kapitali (“ Landsbyggð ”) min-naħa l-oħra. Ir-reġjun NUTS III “L-Iżlanda 'l barra mir-reġjun tal-Kapitali” jikkorrispondi mad-distretti elettorali tal-Majjistral, il-Grigal u n-Nofsinhar.

Permezz ta' ittra li ġġib id-data tas-27 ta' Settembru 2006, id-Direttur Ġenerali ta' l-Eurostat informa lill-awtoritajiet ta' l-Iżlanda li l-qsim il-ġdid ta' l-Iżlanda f'żewġ reġjuni NUTS III ser jidħol fis-seħħ fl-1 ta' Jannar 2008.

Iż-żoni inklużi għandhom popolazzjoni totali ta' 113 485 abitant u densità ta' popolazzjoni medja ta' 1,2 abitant għal kull kilometru kwadru (11) Il-popolazzjoni li tgħix f'dawn iż-żoni tirrappreżenta 37,5 % tal-popolazzjoni totali ta' l-Iżlanda.

Il-mappa proposta tar-reġjuni megħjuna għall-perjodu 2008-2013 tinkludi t-tliet distretti elettorali rurali, kif jidher fil-mappa fl-Anness 3 ta' din id-Deċiżjoni.

Lista tal-muniċipalitajiet koperti mill-mappa ta' l-għajnuna għar-reġjuni għal matul il-perjodu mill-1 ta' Jannar 2008 sal-31 ta' Diċembru 2013 tidher fl-Anness 4 ta' din id-Deċiżjoni.

3.2.2. Limiti massimi ta' l-għajuna

L-awtoritajiet ta' l-Iżlanda jipproponu li ż-żoni kollha inklużi fil-mappa għandhom jibbenefikaw mill-intensitajiet massimi ta' għajnuna.

Fit-Tabella 2 ta' hawn taħt jidhru l-intensitajiet notifikati.

Tabella 2

Żona ġeografika

Livell massimu ġenerali ta' għajnuna

(GGE) (*2)

Suppliment għall-impriżi ta' daqs medju (12)

(GGE)

Suppliment għall-impriżi ta' daqs żgħir (12)

(GGE)

Iż-żoni eliġibbli kollha

15 %

10 %

20 %

II. VALUTAZZJONI

1. Formalitajiet tan-notifika

Il-Kapitolu 25.B.7 tal-Linji ta' Gwida għall-Għajnuna mill-Istat (13) jistabbilixxi li “ir-reġjuni ta' Stat ta' l-EFTA eliġibbli għal għajnuna reġjonali għall-investiment skond id-derogi u l-limiti ta' intensità ta' l-għajnuna għal investiment inizjali approvat għal kull reġjun, kollha flimkien jiffurmaw mappa ta' l-għajnuna reġjonali ta' Stat ta' l-EFTA”.

Id-definizzjoni tal-mappa fiha nnifisha ma tinvolvix għajnuna diretta fl-ambitu tat-tifsira ta' l-Artikolu 61(1) tal-Ftehim dwar iż-ŻEE, Madankollu, l-awtorizzazzjoni tal-mappa tistabbilixxi, flimkien mal-linji ta' gwida għall-għajnuna reġjonali, il-qafas għall-għoti ta' l-għajnuna skond l-iskemi ta' għajnuna reġjonali.

Bl-aċċettazzjoni tal-miżuri xierqa, il-Gvern ta' l-Iżlanda aċċetta li jinnotifika, skond l-Artikolu 1(3) tal-Parti I tal-Protokoll 3 tal-Ftehim dwar is-Sorveljanza u l-Qorti, mappa waħda ta' l-għajnuna reġjonali (14). In-notifika ddatata s-7 ta' Lulju 2006 (Okkorrenza Nru 380966), kif emendata mill-Emenda tal-25 ta' Ottubru 2006 Okkorrenza Nru 395420), u kif kompluta permezz ta' ittra li ġġib id-data tas-16 ta' Novembru 2006 tikkostitwixxi notifika kompleta. Għaldaqstant, l-awtoritajiet ta' l-Iżlanda ssodisfaw l-obbligi tagħhom skond l-aċċettazzjoni tal-miżuri xierqa u l-Artikolu 1(3) tal-Parti I tal-Protokoll 3 tal-Ftehim dwar is-Sorveljanza u l-Qorti. Konsegwentement, f'konformità mal-Kapitolu (86), l-Awtorità ser tivvaluta n-notifika skond il-proċedura stabbilita fl-Artikolu 1(3) tal-Parti I tal-Protokoll 3 tal-Ftehim dwar is-Sorveljanza u l-Qorti.

L-eżaminar mill-Awtorità tan-notifika huwa msejjes fuq il-kriterji stabbiliti fil-Kapitolu 25.B.3-4 tal-Linji ta' Gwida għall-Għajnuna mill-Istat.

2. Applikazzjoni tar-regoli relevanti ta' l-għajnuna mill-Istat

2.1. Mappa reġjonali għall-perjodu mill-1 ta' Jannar 2007 sal-31 ta' Diċembru 2007

2.1.1. Metodoloġija u kopertura

Skond il-Kapitolu 25.B.3.3.2 tal-Linji ta' Gwida għall-Għajnuna mill-Istat, l-awtoritajiet ta' l-Iżlanda pproponew metodu msejjes fuq reġjuni ġeografiċi NUTS IV b'densità ta' popolazzjoni ta' anqas minn 12,5 abitanti għal kull kilometru kwadru.

L-Awtorità tosserva li r-reġjun megħjun propost għandu popolazzjoni totali ta' 96 010 u densità ta' popolazzjoni ta' 0,95 abitant għal kull kilometru kwadru. Il-mappa proposta tar-reġjuni megħjuna tkopri 31,4 % tal-popolazzjoni totali ta' l-Iżlanda. Il-kopertura demografika totali ta' 31,4 % proposta bħala eliġibbli mill-awtoritajiet ta' l-Iżlanda ma' taqbiżx il-limitu massimu tal-popolazzjoni nazzjonali ffissat għal 31,6 % fil-Kapitolu 25.B.3.3.1 (15).

L-Awtorità jidhrilha li din il-parti tal-proposta tissodisfa l-kriterji rilevanti tal-Kapitolu 25.B tal-Linji ta' Gwida għall-Għajnuna mill-Istat.

2.1.2. Limiti massimi ta' l-għajnuna

L-awtoritajiet ta' l-Iżlanda pproponew limitu massimu ġenerali ta' għajnuna għar-reġjuni kollha koperti mill-mappa ta' l-għajnuna reġjonali ta' 15 % GGE għall-impriżi l-kbar b'supplement ta' 10 % għall-impriżi ta' daqs medju u 20 % għall-impriżi ż-żgħar.

Din l-istrateġija hija konformi mal-kundizzjonijiet tal-Kapitolu 25.B.4.1.2 tal-Linji ta' Gwida għall-Għajnuna mill-Istat (16) li tipprovdi li: “Ir-reġjuni b'densità ta' popolazzjoni baxxa (li jikkorrispondu għal-livell NUTS III jew iżgħar) u r-reġjuni NUTS III jew partijiet minnhom li jaqsmu fruntiera fuq l-art ma' pajjiż li mhux Stat Membru taż-Żona Ekonomika Ewropea jew l-EFTA, huma dejjem eliġibbli għal intensità ta' għajnuna ta' 15 % GGE ”. (enfasi miżjuda)

Il-linji ta' gwida għall-Għajnuna mill-Istat jistabbilxxu wkoll (17) li “fil-każ ta' għajnuna mogħtija lil impriżi ta' daqs żgħir u ta' daqs medju, il-limitu massimu fit-Taqsima 25.B.4.1.2 jista' jiżdied b'20 % GGE għal għajnuna mogħtija lil impriżi żgħar u b'10 % għal għajnuna mogħtija lil impriżi ta' daqs medju”.

Għaldaqstant l-Awtorità tikkonkludi li l-intensitajiet massimi ta' għajnuna għall-investimenti fir-reġjuni, kif propost mill-awtoritajiet ta' l-Iżlanda, huma konformi mal-Linji ta' Gwida għall-Għajnuna mill-Istat.

2.2. Mappa reġjonali għall-perjodu mill-1 ta' Jannar 2008 sal-31 ta' Diċembru 2013

2.2.1. Metodoloġija u kopertura

Skond il-Kapitolu 25.B.3.3.2 tal-Linji ta' Gwida għall-Għajnuna mill-Istat, l-awtoritajiet ta' l-Iżlanda pproponew metodu msejjes fuq reġjuni ġeografiċi NUTS III b'densità ta' popolazzjoni ta' anqas minn 12,5 abitanti għal kull kilometru kwadru.

L-Awtorità tosserva li r-reġjun megħjun propost għandu popolazzjoni totali ta' 113 485 u densità ta' popolazzjoni ta' 1,2 abitant għal kull kilometru kwadru. Il-mappa proposta tar-reġjuni megħjuna tkopri 37,5 % tal-popolazzjoni totali ta' l-Iżlanda. Il-kopertura demografika totali ta' 37,5 % proposta bħala eliġibbli mill-awtoritajiet ta' l-Iżlanda ma' taqbiżx il-limitu massimu tal-popolazzjoni nazzjonali msemmi fil-Kapitolu 25.B.3.3.1 (18). Madankollu, l-Awtorità tipprovdi għal possibbiltà biex il-kopertura demografika totali għall-Iżlanda terġa' tkun ivvalutata f'każ li tiġi emendata l-klassifikazzjoni permezz ta' l-introduzzjoni ta' aktar minn reġjun NUTS III wieħed (19). Il-kopertura demografika ogħla hija għaldaqstant aċċettabbli.

L-Awtorità jidhrilha li din il-parti tal-proposta tissodisfa l-kriterji rilevanti tal-Kapitolu 25.B tal-Linji ta' Gwida għall-Għajnuna mill-Istat.

2.2.2. Limiti massimi ta' l-għajuna

Din l-istrateġija hija konformi mal-kundizzjonijiet tal-Kapitolu 25.B.4.1.2 tal-Linji ta' Gwida għall-Għajnuna mill-Istat (20) li tipprovdi li: “Ir-reġjuni b'densità ta' popolazzjoni baxxa (li jikkorrispondu għal-livell NUTS III jew iżgħar) u r-reġjuni NUTS III jew partijiet minnhom li jaqsmu fruntiera fuq l-art ma' pajjiż li mhux Stat Membru taż-Żona Ekonomika Ewropea jew l-EFTA, huma dejjem eliġibbli għal intensità ta' għajnuna ta' 15 % GGE ”. (enfasi miżjuda)

Il-Linji ta' Gwida għall-Għajnuna mill-Istat (21) jistabbilixxu wkoll li “fil-każ ta' għajnuna mogħtija lil impriżi ta' daqs żgħir u ta' daqs medju, il-limitu massimu fit-Taqsima 25.B.4.1.2 jista' jiżdied b'20 % GGE għal għajnuna mogħtija lil impriżi żgħar u b'10 % għal għajnuna mogħtija lil impriżi ta' daqs medju”.

3. Ambitu tad-deċiżjoni u akkumulazzjoni ta' l-għajnuna

Il-mapep tar-reġjuni megħjuna għandhom, bħala prinċipju, japplikaw mill-1 ta' Jannar 2007 sal-31 ta' Diċembru 2013. Jistgħu imma, kif stipulat mill-Kapitolu 25.B.7 tal-Linji ta' Gwida għall-Għajnuna mill-Istat (22), ikunu suġġetti għal reviżjoni intermedja fl-2010.

Id-Deċiżjoni ma tillimitax il-poteri ta' l-Awtorità biex tirrevedi, f'każ ta' ħtieġa, il-mapep skond l-Artikolu 1(1) fil-Parti I tal-Protokoll 3 tal-Ftehim dwar is-Sorveljanza u l-Qorti, qabel l-aħħar tal-perjodu msemmi hawn fuq.

L-awtoritajiet ta' l-Iżlanda huma mfakkra li meta japplikaw l-iskemi reġjonali ta' l-għajnuna għall-bini tal-vapuri, ma jistax jinqabeż il-limitu massimu ta' għajnuna ta' 12,5 % għar-reġjuni ta' “l-Artikolu 61(3)(ċ)”, skond il-Kapitolu 24.B.3.3.6 tal-Linji ta' Gwida għall-Għajnuna mill-Istat (23) moqri flimkien mal-Kapitolu 45.B tal-Linji ta' Gwida għall-Għajnuna mill-Istat.

Il-limiti massimi ta' għajnuna proposti huma kumulattivi, jiġifieri jirreferu għal-limitu massimu ta' l-għajnuna reġjonali għall-investiment li ġejja mis-sorsi pubbliċi kollha u li tkun ingħatat għal proġett partikolari ta' investiment.

Barra minn hekk, l-għajnuna reġjonali għall-investiment m'għandhiex titħalla takkumula b'sostenn de minimis fir-rigward ta' l-istess spejjeż eliġibbli biex jiġu evitati l-intensitajiet massimi ta' għajnuna stabbiliti fil-Linji ta' Gwida għall-Għajnuna mill-Istat.

Kwalunkwe skema reġjonali ta' għajnuna li ma tibbenifikax minn eżenzjoni ta' kategorija u li tidħol fis-seħħ wara l-31 ta' Diċembru 2006 (24) għandha tiġi nnotifikata lill-Awtorità skond l-Artikolu 1(3) tal-Parti I tal-Protokoll 3 tal-Ftehim dwar is-Sorveljanza u l-Qorti.

Barra minn hekk, l-awtoritajiet ta' l-Iżlanda huma mfakkra li, f'konformità mal-Kapitolu 25.B.8 tal-Linji ta' Gwida għal-Għajnuna mill-Istat, kwalunkwe skema ta' għajnuna għar-reġjuni eżistenti li tikkuntempla l-għoti ta' għajnuna għall-investiment wara l-31 ta' Diċembru 2006 għandha, jekk ma tkunx tibbenifika minn eżenzjoni minħabba kategorija, tiġi emendata skond il-ħtieġa u tkun innotifikata lill-Awtorità skond l-Artikolu 1(3) tal-Parti I tal-Protokoll 3 tal-Ftehim dwar is-Sorveljanza u l-Qorti.

4. Konklużjoni

Il-mapep innotifikati tar-reġjuni megħjuna jirriflettu r-rekwiżiti stabbiliti fil-Kapitolu 25.B tal-Linji ta' Gwida għall-Għajnuna mill-Istat u l-Awtorità tista' tapprova l-mapep tar-reġjuni eliġibbli għall-għajnuna skond l-Artikolu 61(3)(ċ) tal-Ftehim dwar iż-ŻEE.

ADOTTAT DIN ID-DEĊIŻJONI:

Artikolu 1

L-Awtorità tas-Sorveljanza EFTA ddeċidiet li tapprova l-proposta għall-mapep tar-reġjuni megħjuna u l-intensitajiet massimi ta' għajnuna fl-Iżlanda skond kif innotifikat lill-Awtorità permezz ta' ittra li ġġib id-data ta' l-10 ta' Lulju 2006 (Okkorrenza Nru 380966), emendata bl-ittra li ġġib id-data tal-25 ta' Ottubru 2006 (Okkorrenza Nru 395420) u kkompletata mill-ittra ddatata s-16 ta' Novembru 2006. L-Annessi 1 u 3 ta' din id-Deċiżjoni, li fihom jidhru l-mapep ta' l-għajnuna reġjonali għall-Iżlanda għal matul il-perjodu bejn l-1 ta' Jannar 2007 u l-31 ta' Diċembru 2007 (l-Anness 1) u l-perjodu bejn l-1 ta' Jannar 2008 u l-31 ta' Diċembru 2013 (l-Anness 3) rispettivament jiffurmaw parti integrali mill-Kapitolu 25.B tal-Linji ta' Gwida għall-Għajnuna mill-Istat. L-Annessi 2 u 4 ta' din id-Deċiżjoni jelenkaw il-muniċipalitajiet kollha li huma eliġibbli għall-għajnuna reġjonali għall-perjodu bejn l-1 ta' Jannar 2007 u l-31 ta' Diċembru 2007 (l-Anness 2) u l-perjodu bejn l-1 ta' Jannar 2008 u l-31 ta' Diċembru 2013 (l-Anness 4).

Artikolu 2

Mingħajr preġudizzju għall-Artikolu 1(1) tal-Parti I tal-Protokoll 3 tal-Ftehim dwar is-Sorveljanza u l-Qorti, il-mapep tar-reġjuni eliġibbli għall-għajuna reġjonali għall-investiment għandhom ikunu applikabbli mill-1 ta' Jannar 2007 sal-31 ta' Diċembru 2013.

Artikolu 3

Din id-Deċiżjoni hija indirizzata lir-Repubblika ta' l-Iżlanda.

Artikolu 4

Il-verżjoni bl-Ingliż biss hija awtentika.

Magħmula fi Brussell fis-6 ta’ Diċembru 2006.

Għall-Awtorità tas-Sorveljanza ta' l-EFTA,

Bjørn T. GRYDELAND

President

Kristján Andri STEFÁNSSON

Membru tal-Kulleġġ

(1) Minn hawn 'il quddiem imsejħa l-Awtorità.

(2) Minn hawn 'il quddciem imsejħa l-Ftehim dwar iż-ŻEE.

(3) Minn hawn 'il quddiem imsejħa l-Ftehim dwar is-Sorveljanza u l-Qorti.

(4) Il-Linji Gwida dwar l-applikazzjoni u l-interpretazzjoni ta' l-Artikoli 61 u 62 tal-Ftehim taż-ŻEE u l-Artikolu 1 tal-Protokoll 3 mal-Ftehim dwar is-Sorveljanza u l-Qorti, adottati u maħruġa mill-Awtorità tas-Sorveljanza ta' l-EFTA fid-19 ta' Jannar 1994, ippubblikati fil-ĠU 1994 L 231, is-Supplimenti taż-ŻEE 3.9.1994 Nru 32. Il-Linji ta' Gwida kienu emendati l-aħħar fil-25 ta' Ottubru 2006. Minn hawn 'il quddiem imsejħa l-Linji Gwida dwar l-Għajnuna mill-Istat. Il-Linji ta' Gwida għall-Għajnuna mill-Istat huma aċċessibbli fuq: http://www.eftasurv.int/fieldsofwork/fieldstateaid/guidelines/

(5) Il-Paragrafu (92)

(6) Skond id-definizzjoni mogħtija fid-dokument “ Statistical regions in the EFTA countries in the candidate countries ” (Ir-reġjuni statistiċi fil-pajjiżi ta' l-EFTA u l-pajjiżi kandidati) ippubblikat fl-2001 mill-Kummissjoni tal-Komunitajiet Ewropej u l-Uffiċċju ta' l-Istatistika tal-Komunitajiet Ewropej.

(7) Iċ-ċifra attwali hija 2.9 abitanti għal kull kilometru kwadru.

(8) Il-paragrafu (21).

(9) Iċ-ċifri tal-popolazzjoni huma msejsa fuq id-data dwar il-popolazzjoni stmata fl-1 ta' Ottubru 2006.

(*1) Ekwivalenti Gross ta' l-Għotja

(10) Kif definit fl-Anness 1 tar-Regolament tal-Kummissjoni (KE) Nru 364/2004 tal-25 ta' Frar 2004 li jemenda r-Regolament (KE) Nru 70/2001. ĠU L 63, 28.2.2004, p. 22 inkorporat fil-Ftehim dwar iż-ŻEE permezz ta' l-Anness XV il-punt 1f) bid-Deċiżjoni tal-Kumitat Konġunt taż-ŻEE Nru 131/2004 ta' l-24.9.2004 (ĠU L 64, 10.3.2005, p. 67 u s-Suppliment taż-ŻEE Nru 12, p. 42), jew kwalunkwe regolament suċċessiv.

(11) Iċ-ċifri tal-popolazzjoni huma msejsa fuq id-data dwar il-popolazzjoni stmata fl-1 ta' April 2006.

(*2) Ekwivalenti Gross ta' l-Għotja

(12) Kif definit fl-Anness 1 tar-Regolament tal-Kummissjoni (KE) Nru 364/2004 tal-25 ta' Frar 2004 li jemenda r-Regolament (KE) Nru 70/2001. ĠU L 63, 28.2.2004, p. 22 inkorporat fil-Ftehim dwar iż-ZEE permezz ta' l-Anness XV il-punt 1f) bid-Deċiżjoni tal-Kumitat Konġunt taż-ŻEE Nru 131/2004 ta' l-24.9.2004 (ĠU L 64, 10.3.2005, p. 67 u s-Suppliment taż-ŻEE Nru 12, p. 42), jew kwalunkwe regolament suċċessiv.

(13) Il-paragrafu (81).

(14) Il-paragrafu (85).

(15) Il-paragrafu (21).

(16) Il-paragrafu (37).

(17) Il-paragrafu (38).

(18) Il-paragrafu (21).

(19) Il-paragrafu (37).

(20) Il-paragrafu (37).

(21) Il-paragrafu (38).

(22) Il-paragrafu (89).

(23) Il-paragrafu (26(ċ)).

(24) Il-paragrafi (11) u (90) tal-Kapitolu 25.B tal-Linji ta' Gwida għall-Għajnuna mill-Istat.

ANNESS 1

MAPPA TA' L-GĦAJNUNA GĦAR-REĠJUNI 2007

ANNESS 2

LISTA TAL-MUNIĊIPALITAJIET INKLUŻI FIL-MAPPA TA' L-GĦAJNUNA GĦAR-REĠJUNI GĦALL-PERJODU TA' BEJN L-1 TA' JANNAR 2007 SAL-31 TA' DIĊEMBRU 2007

Reġjuni NUTS IV	Muniċipalitajiet
Reġjun tal-Punent (Vesturland)	Akraneskaupstaður Hvalfjarðarsveit Skorradalshreppur Borgarbyggð Grundarfjarðarbær Helgafellssveit Stykkishólmsbær Eyja- og Miklaholtshreppur Snæfellsbær Dalabyggð
Reġjun Westfjord (Vestfirðir)	Bolungarvíkurkaupstaður Ísafjarðarbær Reykhólahreppur Tálknafjarðarhreppur Vesturbyggð Súðavíkurhreppur Árneshreppur Kaldrananeshreppur Bæjarhreppur Strandabyggð
Reġjun tal-Majjistral (Norðurland-vestra)	Sveitarfélagið Skagafjörður Húnaþing vestra Blönduóssbær Húnavatnshreppur Höfðahreppur Skagabyggð Akrahreppur
Reġjun tal-Grigal (Norðurland-eystra)	Akureyrarkaupstaður Norðurþing Fjallabyggð Dalvíkurbyggð Grímseyjarhreppur Arnarneshreppur Eyjafjarðarsveit Hörgárbyggð Svalbarðsstrandarhreppur Grýtubakkahreppur Skútustaðahreppur Aðaldælahreppur Tjörneshreppur Þingeyjarsveit Svalbarðshreppur Langanesbyggð
Reġjun tal-Lvant (Austurland)	Seyðisfjarðarkaupstaður Fjarðabyggð Vopnafjarðarhreppur Fljótsdalshreppur Borgarfjarðarhreppur Breiðdalshreppur Djúpavogshreppur Fljótsdalshérað Sveitarfélagið Hornafjörður
Reġjun tan-Nofsinhar (Suðurland)	Vestmannaeyjabær Sveitarfélagið Árborg Mýrdalshreppur Skaftárhreppur Ásahreppur Rangárþing eystra Rangárþing ytra Hrunamannahreppur Hveragerðisbær Sveitarfélagið Ölfus Grímsnes- og Grafningshreppur Skeiða- og Gnúpverjahreppur Bláskógabyggð Flóahreppur

ANNESS 3

MAPPA TA' GĦAJNUNA GĦAR-REĠJUNI GĦALL-PERJODU TA' BEJN L-1 TA' JANNAR 2008 SAL-31 TA' DIĊEMBRU 2013

ANNESS 4

LISTA TAL-MUNIĊIPALITAJIET INKLUŻI FIL-MAPPA TA' L-GĦAJNUNA GĦAR-REĠJUNI GĦALL-PERJODU TA' BEJN L-1 TA' JANNAR 2008 SAL-31 TA' DIĊEMBRU 2013

Reġjun NUTS III – L-Islanda 'l barra mir-reġjun kapitali	Muniċipalitajiet
Distrett elettorali tal-Majjistral	Akraneskaupstaður Hvalfjarðarsveit Skorradalshreppur Borgarbyggð Grundarfjarðarbær Helgafellssveit Stykkishólmsbær Eyja- og Miklaholtshreppur Snæfellsbær Dalabyggð Bolungarvíkurkaupstaður Ísafjarðarbær Reykhólahreppur Tálknafjarðarhreppur Vesturbyggð Súðavíkurhreppur Árneshreppur Kaldrananeshreppur Bæjarhreppur Strandabyggð Sveitarfélagið Skagafjörður Húnaþing vestra Blönduósbær Húnavatnshreppur Höfðahreppur Skagabyggð Akrahreppur
Distrett elettorali tal-Grigal	Akureyrarkaupstaður Norðurþing Fjallabyggð Dalvíkurbyggð Grímseyjarhrepppur Arnarneshreppur Eyjafjarðarsveit Hörgárbyggð Svalbarðsstrandarhreppur Grýtubakkahreppur Skútustaðahreppur Aðaldælahreppur Tjörneshreppur Þingeyjarsveit Svalbarðshreppur Langanesbyggð Seyðisfjarðarkaupstaður Fjarðabyggð Vopnafjarðarhreppur Fljótsdalshreppur Borgarfjarðarhreppur Breiðdalshreppur Djúpavogshreppur Fljótsdalshérað
Distrett elettorali tan-Nofsinhar	Reykjanesbær Grindavíkurbær Sandgerðisbær Sveitarfélagið Garður Sveitarfélagið Vogar Sveitarfélagið Hornafjörður Vestmannaeyjabær Sveitarfélagið Árborg Mýrdalshreppur Skaftárhreppur Ásahreppur Rangárþing eystra Rangárþing ytra Hrunamannahreppur Hveragerðisbær Sveitarfélagið Ölfus Grímsnes- og Grafningshreppur Skeiða- og Gnúpverjahreppur Bláskógabyggð Flóahreppur

		ISSN 1725-5104
Il-Ġurnal Uffiċjali ta’ l-Unjoni Ewropea		L 54

Edizzjoni bil-Malti	Leġiżlazzjoni	Volum 51 28 ta' Frar 2008

Werrej		IV Atti oħrajn	Paġna
		SPAZJU EKONOMIKU EWROPEW
	*	Deċiżjoni ta' l-Awtorità tas-Sorveljanza ta' l-EFTA Nru 85/06/COL tas-6 ta' April 2006 li temenda, għas-sitta u ħamsin darba, ir-regoli proċedurali u sostantivi fil-qasam ta' l-għajnuna mill-Istat billi tintroduċi Kapitolu ġdid 25.B: Għajnuna Reġjonali Nazzjonali 2007-2013	1
	*	Deċiżjoni ta' l-Awtorità tas-Sorveljanza ta' l-EFTA Nru 226/06/COL tad-19 ta’ Lulju 2006 dwar il-mappa ta' żoni megħjuna u l-livelli ta' l-għajnuna (In-Norveġja)	21
	*	Deċiżjoni ta' l-Awtorità tas-Sorveljanza ta' l-EFTA Nru 378/06/COL tas-6 ta' Diċembru 2006 dwar il-mapep tar-reġjuni megħjuna u l-livelli ta' l-għajnuna (L-Iżlanda)	28