13.2.2008   

MT

Il-Ġurnal Uffiċjali ta’ l-Unjoni Ewropea

L 38/1

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

13.2.2008   

MT

Il-Ġurnal Uffiċjali ta’ l-Unjoni Ewropea

L 38/3

(1)

Skond l-Artikolu 5(8) tar-Regolament (KEE) Nru 2092/91, il-listi limitattivi tas-sustanzi u prodotti referuti fil-paragrafu 3(c) u (d) ta’ dan l-Artikolu għandhom ikunu stabbiliti fit-Taqsimiet A u B ta’ l-Anness VI ta’ dan ir-Regolament. Il-kondizzjonijiet għall-użu ta’ dawn l-ingredjenti u sustanzi jistagħu jiġu speċifikati.

(2)

Minbarra l-inklużjoni fil-lista ta’ sustanzi użati fl-ipproċessar ta’ prodotti maħsuba għall-konsum mill-bniedem li jkollhom ingredjenti li joriġinaw mill-annimali permezz tar-Regolament tal-Kummissjoni (KE) Nru 780/2006 ta’ l-24 ta’ Mejju 2006 li jemenda l-Anness VI tar-Regolament tal-Kunsill (KEE) Nru 2092/91 dwar il-produzzjoni organika ta’ prodotti agrikoli u l-indikazzjonijiet li jirreferu għalihom fil-prodotti agrikoli u fl-oġġetti ta’ l-ikel (2), in-nitrit tas-sodju u n-nitrat tal-potassju bħala addittivi kellhom jerġgħu jiġu eżaminati sal-31 ta’ Diċembru 2007, bl-għan li l-użu tagħhom jiġi limitat jew eliminat. Fil-konklużjonijiet tiegħu tal-5 ta’ Lulju 2007 (3), bord ta’ esperti indipendenti (minn hawn ‘il quddiem, “il-bord”) irrakkomanda li fi żmien raġonevoli, in-nitrit tas-sodju u n-nitrat tal-potassju jiġu eliminati mill-prodotti tal-laħam organiċi. Il-bord irrakkomanda wkoll li biex jitneħħew dawn is-sustanzi, ikun meħtieġ it-teħid ta’ ċerti prekawzjonijiet. Għaldaqstant, l-użu tan-nitrit tas-sodju u tan-nitrat tal-potassju għandu jibqa’ permess sal-31 ta’ Diċembru 2010, biex ikun hemm żmien biżżejjed għall-evalwazzjoni ta’ l-implikazzjonijiet tat-tneħħija tagħhom. Din l-evalwazzjoni għandha tikkunsidra kemm l-Istati Membri jkun irnexxielhom isibu alternattivi sikuri għan-nitriti/nitrati, u l-progress li jkunu kisbu fit-twaqqif ta’ programmi edukattivi dwar l-ipproċessar alternattiv.

(3)

Mill-1 ta’ Diċembru 2007, skond id-dispożizzjonijiet tar-Regolament (KE) Nru 780/2006, id-dijossidu tal-kubrit (sulphur dioxide) u l-metabisulfit tal-potassju (potassium metabisulphite) ser ikunu jistgħu jintużaw fl-ipproċessar ta’ l-inbejjed tal-frott, li jsiru minn frott ieħor li mhux għeneb, kif ukoll fl-ipproċessar tas-sidru, perry u mead. Skond il-bord imsemmi hawn fuq, sakemm jinstabu sustanzi jew teknoloġiji alternattivi, l-użu tagħhom għandu jibqa' permess. Il-Kummissjoni tipproponi li dan il-parir jiġi segwit. Peress li huwa mistenni li tiġi ppubblikata dejta ġdida li tinkiseb mir-riċerka, sal-31 ta’ Diċembru 2010 għandu jerġa’ jiġi eżaminat l-użu tad-dijossidu tal-kubrit u l-metabisulfit tal-potassju fi prodotti organiċi.

(4)

Sabiex jiġi żgurat li ċerti sustanzi li jgħinu l-ipproċessar ta’ l-ikel (talc, bentonite, u kaolin) elenkati ma jkunx fihom sustanzi li mhux awtorizzati, il-bord issuġġerixxa li dawn għandhom jintużaw biss meta jissodisfaw l-istandards ta’ purità speċifikati għal dawn l-addittivi ta’ l-ikel fil-leġiżlazzjoni Komunitarja.

(5)

Waqt il-proċess ta’ manifattura tal-ġobon tal-ħalib qares, il-karbonat tas-sodju E 500 jiġi miżjud mal-ħalib pasturizzat biex jillimita l-aċidità kkawżata mill-aċidu lattiku għal valur pH xieraq, u b’hekk jinħolqu l-kondizzjonijiet ta’ tkabbir meħtieġa għall-maturazzjoni. Skond il-bord, l-użu tal-karbonat tas-sodju għall-ipproċessar tal-ġobon tal-ħalib qares organiku għandu, għalhekk, jiġi permess. Il-Kummissjoni tipproponi li dan il-parir jiġi segwit.

(6)

Skond il-bord, biex wieħed ikun jista’ jissostitwixxi, wara perjodu ta’ żmien definit, il-ġelatina mmanifatturata mill-ġilda jew għadam ta’ annimali mhux organiċi b'ġelatina mmanifatturata mill-ġilda tal-majjal organika bħala ingredjent fi prodotti organiċi, għandhom jiġu miżjuda mal-lista għadd ta’ sustanzi li jgħinu l-ipproċessar ta’ l-ikel. Il-Kummissjoni tipproponi li dan il-parir jiġi segwit.

(7)

Jidher li għandu jintuża l-aċidu idrokloriku bħala sustanza li tgħin fil-proċess biex waqt il-produzzjoni ta’ ċertu ġobon tal-qoxra iebsa partikolari (ġobon Gouda, Edam u Maasadammer, Boerenkaas, Friese, u Leidse Nagelkaas) jirregola l-pH tal-banju tas-salmura mingħajr ma jikkawża rwejjaħ ħżiena. Madankollu, sal-31 ta’ Diċembru 2010, l-użu ta’ l-aċidu idrokloriku fil-produzzjoni ta’ dan il-ġobon tal-qoxra iebsa partikolari għandu jerġa’ jiġi evalwat.

(8)

L-Anness VI tar-Regolament (KEE) 2092/91, kif emendat mir-Regolament (KE) 780/2006, jippermetti l-użu ta’ l-addittiv ta’ l-ikel E 160b (Annatto, Bixin, u Norbixin) fiċ-“Cheddar Skoċċiż.” Peress li dan ma huwiex terminu ġeneriku għaċ-Cheddar ikkulurit, ir-reġistrazzjoni fl-Anness VI għandha tiġi mmodifikata biex tkopri l-ġobon Cheddar kollu. Għalhekk, l-użu ta’ Annatto, Bixin, Norbixin, E 160b, għandu jkun permess għall-ġobon Cheddar kollu.

(9)

Ir-reġistrazzjoni tal-“Preparazzjonijiet ta’ mikro organiżmi u enżimi” fl-Anness VI, it-Taqsima B tar-Regolament (KEE) 2092/91, kif emendat mir-Regolament (KE) Nru 780/2006, tniżżlet bi żball fin-nota tal-qiegħ. Din ir-reġistrazzjoni għandha tiġi mitbugħa f’tipa normali u miżjuda bħala reġistrazzjoni separata. Għalhekk, l-Anness VI għandu jiġi kkoreġut f'dan is-sens, b'effett mid-data ta’ applikazzjoni tar-Regolament (KE) Nru 780/2006.

(10)

Ir-Regolament (KEE) Nru 2092/91 għandu għaldaqstant jiġi emendat skond dan.

(11)

Il-miżuri previsti f'dan ir-Regolament huma skond l-opinjoni tal-Kumitat imwaqqaf skond l-Artikolu 14 tar-Regolament (KEE) Nru 2092/91,

13.2.2008   

MT

Il-Ġurnal Uffiċjali ta’ l-Unjoni Ewropea

L 38/8

(1)

Is-sistema stabbilita bir-Regolament (KE) Nru 2201/96 tħassret bir-Regolament tal-Kunsill (KE) Nru 1182/2007 (2) li jistabbilixxi regoli speċifiċi rigward is-settur tal-frott u l-ħxejjex, mill-1 ta' Jannar 2008. Madankollu, din is-sistema ta' għajnuna għadha applikabbli għas-sena tas-suq 2007/2008 għal kull prodott ikkonċernat skond l-Artikolu 55(1) tar-Regolament (KE) Nru 1182/2007.

(2)

L-Artikolu 3(2)(c) tar-Regolament tal-Kummissjoni (KE) Nru 1535/2003 tad-29 ta' Awissu 2003 li jistabbilixxi r-regoli dettaljati sabiex jiġi applikat ir-Regolament tal-Kunsill (KE) Nru 2201/96 rigward l-iskema ta' l-għajnuna għall-prodotti pproċessati mill-frott u l-ħxejjex (3) jipprovdi li l-għajnuna għal-lanġas għandha tingħata biss għal lanġas ikkunsinjat lill-industrija ta' l-ipproċessar bejn il-15 ta' Lulju u l-15 ta' Diċembru.

(3)

Matul Diċembru 2007, kien hemm ċirkostanzi eċċezzjonali li affettwaw ir-reġjuni tal-produzzjoni fl-Italja, b'riżultat ta' l-istrajk tat-trasport li fixkel il-kunsinji lill-industrija ta' l-ipproċessar matul perjodu intens ħafna ta' konsenji. B'konsegwenza ta' dan, il-kunsinja kompluta min-naħa tal-produtturi irrikjediet aktar ħin tax-xogħol, li wassal għal dewmien fl-iskeda tal-kunsinji.

(4)

Bil-għan li l-produtturi ma jisfgħux penalizzati minħabba dawn iċ-ċirkostanzi, jeħtieġ li, b'eċċezzjoni u biss għas-sena tas-suq 2007/2008, jiġi dderogat mid-dati stipulati fl-Artikolu 3(2)(c) tar-Regolament (KE) Nru 1535/2003.

(5)

Il-miżuri pprovduti b'dan ir-Regolament huma konformi ma' l-opinjoni tal-Kumitat ta' Ġestjoni ta' l-organizzazzjoni komuni tas-swieq agrikoli,

13.2.2008   

MT

Il-Ġurnal Uffiċjali ta’ l-Unjoni Ewropea

L 38/9

(1)

Id-Direttiva 96/23/KE tistabbilixxi miżuri għall-monitoraġġ ta’ sustanzi u gruppi ta’ residwi mniżżla fl-Anness I tagħha. Skond id-Direttiva 96/23/KE, l-inklużjoni u ż-żamma fuq il-lista tal-pajjiżi terzi li minnhom l-Istati Membri huma awtorizzati jimpurtaw annimali u prodotti primarji li joriġinaw mill-annimali koperti minn dik id-Direttiva, għandhom ikunu soġġetti għal sottomissjoni mill-pajjiżi terzi kkonċernati ta’ pjan li jistipula l-garanziji li huma joffru fejn jidħol il-monitoraġġ tal-gruppi ta’ residwi u sustanzi msemmija f’dik id-Direttiva.

(2)

Id-Deċiżjoni tal-Kummissjoni 2004/432/KE tad-29 ta’ April 2004 dwar l-approvazzjoni tal-pjanijiet tal-monitoraġġ tar-residwi sottomessi minn pajjiżi terzi skond id-Direttiva tal-Kunsill 96/23/KE (2) telenka dawk il-pajjiżi terzi li ssottomettew pjan tal-monitoraġġ tar-residwi, li jistipula l-garanziji offruti minnhom skond ir-rekwiżiti ta’ dik id-Direttiva.

(3)

Il-Belarus, il-Kanada, il-Gżejjer Falkland, il-Mauritius u l-Iżvizzera ssottomettew pjanijiet għall-monitorġġ tar-residwi lill-Kummissjoni għall-annimali u prodotti li joriġinaw mill-annimali li bħalissa m'humiex elenkati fl-Anness għad-Deċiżjoni 2004/432/KE. L-evalwazzjoni ta’ dawk il-pjanijiet u l-informazzjoni addizzjonali miksuba mill-Kummissjoni jipprovdu biżżejjed garanziji fuq il-monitoraġġ tar-residwi f’dawk il-pajjiżi terzi għall-annimali u l-prodotti kkonċernati. L-annimali u l-prodotti li joriġinaw mill-annimali rilevanti għandhom għalhekk jiġu inklużi fil-lista għal dawk il-pajjiżi terzi fl-Anness għal dik id-Deċiżjoni.

(4)

Barra minn hekk, l-Iżvizzera, ssottomettiet lill-Kummissjoni pjan għall-monitorġġ tar-residwi rigward l-għasel, li bħalissa għalih tapplika limitazzjoni “pajjiżi terzi li jużaw biss materja prima minn pajjiżi terzi oħra approvati għall-produzzjoni ta’ l-ikel”. L-evalwazzjoni ta’ dak il-pjan u l-informazzjoni addizzjonali miksuba mill-Kummissjoni jipprovdu biżżejjed garanziji biex titneħħa dik il-limitazzjoni. In-nota ta’ qiegħ il-paġna tistabbilixxi li l-limitazzjoni għandha titħassar mill-Anness għad-Deċiżjoni 2004/432/KE.

(5)

L-Etijopja, ir-Repubblika Islamika ta’ l-Iran u s-Suriname ssottomettew pjanijiet għall-monitoraġġ tar-residwi lill-Kummissjoni għal ċerti annimali u prodotti li joriġinaw mill-annimali. L-evalwazzjoni ta’ dawk il-pjanijiet u l-informazzjoni addizzjonali miksuba mill-Kummissjoni jipprovdu biżżejjed garanziji fuq il-monitoraġġ tar-residwi f’dawk il-pajjiżi terzi għall-annimali u l-prodotti kkonċernati. L-annimali u l-prodotti li joriġinaw mill-annimali rilevanti għandhom għalhekk jiġu inklużi fil-lista għall-Etijopja, ir-Repubblika Islamika ta’ l-Iran u s-Suriname fl-Anness għad-Deċiżjoni 2004/432/KE.

(6)

Il-Beliże, il-Kolombja, il-Kenja, l-Oman u ż-Żimbabwe li bħalissa huma elenkati għal ċerti annimali u prodotti li joriġinaw mill-annimali fl-Anness għad-Deċiżjoni 2004/432/KE, ma ssottomettewx lill-Kummissjoni l-pjanijiet għall-monitorġġ tar-residwi mitluba għal xi wħud minn dawn l-annimali u l-prodotti li joriġinaw mill-annimali. Ir-reġistrazzjoni għall-annimali u l-prodotti li joriġinaw mill-annimali rilevanti għandhom għalhekk jiġu mħassra mil-lista għal dawk il-pajjiżi terzi fl-Anness għal dik id-Deċiżjoni. Il-pajjiżi terzi kkonċernati kienu infurmati dwar dan.

(7)

L-Eritrea, Iżrael u t-Tuneżija li bħalissa huma elenkati għal ċerti annimali u prodotti li joriġinaw mill-Annimali fl-Anness għad-Deċiżjoni 2004/432/KE ma ssottomettewx lill-Kummissjoni l-pjanijiet għall-monitorġġ tar-residwi mitluba għal xi wħud minn dawn l-annimali u l-prodotti li joriġinaw mill-annimali, minħabba li bħalissa m'hemmx esportazzjoni ta’ annimali jew prodotti ta’ l-annimali simili minn dawn il-pajjiżi terzi lejn il-Komunità. Ir-reġistrazzjonijiet għall-annimali u l-prodotti li joriġinaw mill-annimali rilevanti għandhom għalhekk jiġu mħassra mil-lista għal dawk il-pajjiżi terzi fl-Anness għad-Deċiżjoni 2004/432/KE. Il-pajjiżi terzi kkonċernati kienu infurmati dwar dan.

(8)

L-Ukraina li bħalissa hija elenkata għall-ekwini bil-limitazzjoni “esportazzjoni ta’ ekwini ħajjin għat-tbiċċir (annimali għall-produzzjoni ta’ l-ikel biss)” fl-Anness għad-Deċiżjoni 2004/432/KE ma ssottomettietx lill-Kummissjoni l-pjanijiet għall-monitorġġ tar-residwi mitluba. Barra minn hekk, spezzjoni mill-Uffiċċju Veterinarju u ta’ l-Ikel uriet defiċjenzi serji rigward ittestjar fuq ekwini ħajjin f'dak il-pajjiż. Ir-reġistrazzjoni relevanti għall-Ukraina għandha għalhekk titħassar mil-lista fl-Anness għal dik id-Deċiżjoni. L-awtoritajiet ta’ dak il-pajjiż terz ġew infurmati dwar dan.

(9)

L-Afrika t'Isfel li bħalissa hija elenkata għal ċerti annimali u prodotti li joriġinaw mill-annimali fl-Anness għad-Deċiżjoni 2004/432/KE, issottomettiet lill-Kummissjoni l-pjanijiet għall-monitorġġ tar-residwi mitluba għal dawk l-annimali u l-prodotti li joriġinaw mill-annimali. Madankollu, spezzjoni mill-Uffiċċju Veterinarju u ta’ l-Ikel uriet nuqqasijiet serji f'dak li għandu x'jaqsam ma’ l-implimentazzjoni tal-pjan ta’ monitoraġġ għal ċerti annimali u prodotti li joriġinaw mill-annimali minn dawk imsemmija fil-pjanijiet. Fuq il-bażi ta’ dan, l-Afrika t'Isfel talbet li jitħassru r-reġistrazzjonijiet kollha għall-annimali u l-prodotti li joriġinaw mill-annimali mil-lista għal dik id-Deċiżjoni, bl-eċċezzjoni ta’ annimali tal-kaċċa mrobbija jew slavaġ, inkluż in-nagħma. Għal dawn l-annimali jew prodotti li joriġinaw mill-annimali, waslu garanziji sostanzjali.

(10)

Għandu jiġi stipulat perjodu tranżitorju biex ikopri l-kunsinni ta’ l-annimali u l-prodotti tagħhom li joriġinaw mill-Beliże, il-Kolombja, l-Eritrea, Iżrael, il-Kenja, l-Oman, it-Tuneżija, l-Ukraina, l-Afrika t'Isfel u ż-Żimbabwe li ntbagħtu minn dawn il-pajjiżi terzi għall-Komunità, qabel id-data ta’ l-applikazzjoni ta’ din id-Deċiżjoni, biex ikopri ż-żmien meħtieġ għall-wasla tagħhom fil-Komunità u jiġi evitat kull tfixkil fil-kummerċ.

(11)

Għalhekk id-Deċiżjoni 2004/432/KE għandha tiġi emendata skond dan.

(12)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

13.2.2008   

MT

Il-Ġurnal Uffiċjali ta’ l-Unjoni Ewropea

L 38/15

(1)

Fil-15 ta’ Frar 2007, il-Kunsill adotta l-Azzjoni Konġunta 2007/107/PESK (1) li taħtar lis-Sur Kálmán MIZSEI bħala r-Rappreżentant Speċjali ta’ l-Unjoni Ewropea (RSUE) għar-Repubblika tal-Moldova.

(2)

Abbażi ta’ reviżjoni ta’ l-Azzjoni Konġunta 2007/107/PESK, il-mandat tar-RSUE għandu jiġi estiż b'perijodu ta’ 12-il xahar.

(3)

Ir-RSUE ser jimplementa l-mandat tiegħu fil-kuntest ta’ sitwazzjoni li tista' tiddeterjora u li tista' tagħmel ħsara lill-objettivi tal-Politika Estera u ta’ Sigurtà Komuni kif stabbiliti fl-Artikolu 11 tat-Trattat,

(a)

il-kontribut għal soluzzjoni paċifika tal-kunflitt tat-Transnistrija u għall-implimentazzjoni ta’ tali riżoluzzjoni abbażi ta’ soluzzjoni vijabbli, b'rispett għas-sovranità u l-integrità territorjali tar-Repubblika tal-Moldova fi ħdan il-fruntieri internazzjonalment rikonoxxuti tagħha;

(b)

il-kontribut għat-tisħiħ tad-demokrazija, l-istat ta’ dritt u r-rispett għad-drittijiet tal-bniedem u l-libertajiet fundamentali għaċ-ċittadini kollha tar-Repubblika tal-Moldova;

(ċ)

il-promozzjoni ta’ relazzjonijiet tajba u mill-qrib bejn ir-Repubblika tal-Moldova u l-Unjoni Ewropea abbażi ta’ valuri u interessi komuni u kif stabbiliti fil-Pjan ta’ Azzjoni tal-Politika Ewropea tal-Viċinat (PEV);

(d)

l-għajnuna fil-ġlieda kontra t-traffikar tal-bnedmin u ta’ armi u ta’ merkanzija oħra, mir-Repubblika tal-Moldova u li jgħaddu minnha;

(e)

il-kontribut għat-tisħiħ ta’ l-istabbiltà u l-koperazzjoni fir-reġjun;

(f)

it-tisħiħ ta’ ta’ l-effikaċja u l-viżibbiltà ta’ l-Unjoni Ewropea fir-Repubblika tal-Moldova u fir-reġjun;

(ġ)

it-tisħiħ ta’ l-effikaċja tal-kontrolli tal-fruntiera u dawk doganali u s-sorveljanza ta’ l-attivitajiet fil-fruntiera fir-Repubblika tal-Moldova u fl-Ukrajna tul il-fruntiera komuni tagħhom, b'attenzjoni partikolari għat-taqsima Transnistrijana, notevolment permezz ta’ Missjoni tal-Fruntiera ta’ l-UE.

(a)

isaħħaħ il-kontribut ta’ l-Unjoni Ewropea għar-riżoluzzjoni tal-kunflitt tat-Transnistrija skond l-objettivi miftiehma tal-politika ta’ l-Unjoni Ewropea u f’koordinazzjoni mill-qrib ma’ l-OSCE, billi filwaqt li jirrappreżenta lill-Unjoni Ewropea permezz tal-mezzi adatti u f’fora miftiehma u billi jiżviluppa u jżomm kuntatti mill-qrib ma’ l-atturi rilevanti kollha;

(b)

jgħin fit-tħejjija, skond il-każ, tal-kontributi ta’ l-Unjoni Ewropea għall-implimentazzjoni ta’ riżoluzzjoni eventwali tal-kunflitt;

(ċ)

isegwi mill-qrib l-iżviluppi politiċi fir-Repubblika tal-Moldova, anke fir-reġjun Transnistrijan, billi jiżviluppa u jżomm kuntatti mill-qrib mal-Gvern tar-Repubblika tal-Moldova u atturi domestiċi oħra, u joffri skond il-każ il-konsulenza u l-faċilitazzjoni ta’ l-Unjoni Ewropea;

(d)

jassisti fl-iżvilupp ulterjuri tal-politika ta’ l-Unjoni Ewropea lejn ir-Repubblika tal-Moldova u r-reġjun, b’mod partikolari fir-rigward tal-prevenzjoni ta’ kunflitti u r-riżoluzzjoni ta’ kunflitti;

(e)

permezz ta’ grupp ta’ appoġġ immexxi mill-Konsulent Politiku Anzjan għar-RSUE:

(f)

jingħata kontribut fl-implimentazzjoni tal-politika ta’ l-Unjoni Ewropea dwar id-drittijiet tal-bniedem u tal-Linji Gwida ta’ l-Unjoni Ewropea dwar id-Drittijiet tal-Bniedem, b'mod partikolari fir-rigward tat-tfal u n-nisa f'żoni milquta mill-konflitt, speċjalment billi jiġu monitorjati u indirizzati l-iżviluppi f'dan ir-rigward.

(a)

jistabbilixxi pjan ta’ sigurtà speċifiku għall-missjoni bbażat fuq il-gwida tas-Segretarjat Ġenerali tal-Kunsill, li jinkludi miżuri ta’ sigurtà fiżiċi, organizzattivi u proċedurali speċifiċi għall-missjoni, li jirregola l-ġestjoni tal-moviment mingħajr periklu tal-persunal lejn, u ġewwa, iż-żona tal-missjoni, kif ukoll il-ġestjoni ta’ inċidenti ta’ sigurtà u li jinkludi pjan ta’ kontinġenza u ta’ evakwazzjoni tal-missjoni;

(b)

jiżgura li l-persunal kollu skjerat barra l-UE jkun kopert b'assigurazzjoni għal riskju għoli kif rikjest mill-kundizzjonijiet fiż-żona tal-missjoni;

(ċ)

jiżgura li l-membri kollha tal-grupp tiegħu li jkunu ser jiġu skjerati barra l-UE, inkluż persunal kuntrattat lokalment, ikunu rċevew taħriġ adatt fir-rigward tas-sigurtà qabel jaslu fiż-żona tal-missjoni jew kif jaslu, abbażi tal-klassifikazzjonijiet tar-riskju assenjati liż-żona tal-missjoni mis-Segretarjat Ġenerali tal-Kunsill;

(d)

jiżgura li r-rakkomandazzjonijiet kollha miftiehma, magħmula wara valutazzjonijiet ta’ sigurtà regolari jiġu implimentati, u jipprovdi lis-SĠ/RGħ, lill-Kunsill u lill-Kummissjoni b'rapporti bil-miktub dwar l-implimentazzjoni tagħhom u dwar kwistjonijiet oħra ta’ sigurtà fil-qafas tar-rapporti ta’ nofs it-term u ta’ implimentazzjoni tal-mandat.

13.2.2008   

MT

Il-Ġurnal Uffiċjali ta’ l-Unjoni Ewropea

L 38/19

(1)

Fil-15 ta’ Frar 2007, il-Kunsill adotta l-Azzjoni Konġunta 2007/113/PESK (1) li temenda u testendi l-mandat tar-Rappreżentant Speċjali ta’ l-Unjoni Ewropea (RSUE) għall-Asja Ċentrali.

(2)

Abbażi ta’ reviżjoni ta’ l-Azzjoni Konġunta 2007/113/PESK, il-mandat tar-RSUE għandu jiġi estiż b'perijodu ta’ 12-il xahar.

(3)

Ir-RSUE ser jimplimenta l-mandat tiegħu fil-kuntest ta’ sitwazzjoni li tista’ tiddeterjora u li tista’ tagħmel ħsara lill-objettivi tal-Politika Estera u ta’ Sigurtà Komuni stabbiliti fl-Artikolu 11 tat-Trattat,

(a)

il-promozzjoni ta’ relazzjonijiet tajba u mill-qrib bejn il-pajjiżi ta’ l-Asja Ċentrali u l-Unjoni Ewropea abbażi ta’ valuri u interessi komuni kif imniżżla fi ftehim rilevanti;

(b)

il-kontribut għat-tisħiħ ta’ l-istabbiltà u l-kooperazzjoni bejn il-pajjiżi fir-reġjun;

(c)

il-kontribut għat-tisħiħ tad-demokrazija, l-istat ta’ dritt, il-governanza tajba u r-rispett għad-drittijiet tal-bniedem u l-libertajiet fundamentali fl-Asja Ċentrali;

(d)

l-indirizzar ta’ riskji ewlenin, speċjalment ta’ problemi speċifiċi b'implikazzjonijiet diretti għall-Ewropa;

(e)

it-titjib ta’ l-effikaċja u l-viżibbiltà ta’ l-Unjoni Ewropea fir-reġjun, inkluż permezz ta’ koordinazzjoni iżjed mill-qrib ma’ sħab u organizzazzjonijiet internazzjonali oħra rilevanti, bħall-OSCE.

(a)

jippromwovi l-koordinazzjoni politika ġenerali ta’ l-Unjoni Ewropea fl-Asja Ċentrali u jiżgura l-konsistenza ta’ l-azzjonijiet esterni ta’ l-Unjoni Ewropea fir-reġjun mingħajr preġudizzju għall-kompetenza Komunitarja;

(b)

jagħmel monitoraġġ, f'isem ir-Rappreżentant Għoli u skond il-mandat tiegħu, flimkien mal-Kummissjoni u mal-Presidenza, u mingħajr preġudizzju għall-kompetenza Komunitarja, tal-proċess ta’ implimentazzjoni ta’ l-Istrateġija ta’ l-UE għal Sħubija Ġdida ma’ l-Asja Ċentrali, jagħmel rakkomandazzjonijiet u jirrapporta lill-korpi rilevanti tal-Kunsill fuq bażi regolari;

(c)

jassisti lill-Kunsill fl-iżvilupp ulterjuri ta’ politika komprensiva fir-rigward ta’ l-Asja Ċentrali;

(d)

isegwi mill-qrib l-iżviluppi politiċi fl-Asja Ċentrali billi jiżviluppa u jżomm kuntatti mill-qrib mal-gvernijiet, il-parlamenti, il-ġudikatura, is-soċjetà ċivili u l-midja tal-massa;

(e)

jinkoraġġixxi lill-Kazakastan, ir-Repubblika tal-Kirgiztan, it-Taġikistan, it-Turkmenistan u l-Uzbekistan biex jikkooperaw fir-rigward ta’ kwistjonijiet reġjonali ta’ interess komuni;

(f)

jiżviluppa kuntatti u kooperazzjoni adatti ma’ l-atturi interessati ewlenin fir-reġjun, inkluż l-organizzazzjonijiet reġjonali u internazzjonali rilevanti kollha, inklużi l-Organizzazzjoni ta’ Kooperazzjoni ta’ Shanghai (SCO), il-Komunità Ekonomika EwrAsjana (EURASEC), il-Konferenza dwar l-Interazzjoni u Miżuri li jibnu l-Kunfidenza fl-Asja (CICA), l-Organizzazzjoni tat-Trattat dwar is-Sigurtà Kollettiva (CSTO), il-Programm ta’ Kooperazzjoni Ekonomika Reġjonali ta’ l-Asja Ċentrali (CAREC) u ċ-Ċentru ta’ Informazzjoni u Koordinazzjoni Reġjonali ta’ l-Asja Ċentrali (CARICC);

(g)

jikkontribwixxi għall-implimentazzjoni tal-politika ta’ l-Unjoni Ewropea fir-rigward tad-drittijiet tal-bniedem u l-Linji Gwida ta’ l-Unjoni Ewropea dwar id-Drittijiet tal-Bniedem, b'mod partikolari fir-rigward tan-nisa u t-tfal u f'żoni affetwati minn kunflitt, speċjalment permezz tal-monitoraġġ u l-indirizzar ta’ l-iżviluppi f'dan ir-rigward;

(h)

jikkontribwixxi, f'kooperazzjoni mill-qrib ma’ l-OSCE, għall-prevenzjoni u r-riżoluzzjoni ta’ konflitti billi jiżviluppa kuntatti ma’ l-awtoritajiet u ma’ atturi lokali oħra (NGOs, partiti politiċi, minoritajiet, gruppi reliġjużi u l-mexxejja tagħhom);

(i)

jagħti kontribut għall-formulazzjoni ta’ aspetti ta’ sigurtà ta’ l-enerġija kif ukoll ta’ aspetti relatati anti-narkotiċi tal-PESK fir-rigward ta’ l-Asja Ċentrali.

(a)

jistabbilixxi pjan ta’ sigurtà speċifiku għall-missjoni bbażat fuq il-gwida mis-Segretarjat Ġenerali tal-Kunsill, li jinkludi miżuri ta’ sigurtà fiżiċi, organizzattivi u proċedurali speċifiċi għall-missjoni, li jirregolaw il-ġestjoni tal-moviment mingħajr periklu tal-persunal lejn, u ġewwa, iż-żona tal-missjoni, kif ukoll il-ġestjoni ta’ inċidenti ta’ sigurtà u li jinkludi pjan ta’ kontinġenza u ta’ evakwazzjoni tal-missjoni;

(b)

jiżgura li l-persunal kollu skjerat barra mill-UE jkun kopert b'assigurazzjoni ta’ riskju għoli kif meħtieġ mill-kondizzjonijiet fiż-żona tal-missjoni;

(c)

jiżgura li l-membri kollha tal-grupp tiegħu li jkunu ser jiġu skjerati barra mill-UE, inkluż persunal ikkuntrattat lokalment, jkunu rċevew taħriġ ta’ sigurtà adatt qabel ma jaslu fiż-żona tal-missjoni jew kif jaslu, abbażi tal-klassifikazzjonijiet tar-riskju assenjati liż-żona tal-missjoni mis-Segretarjat Ġenerali tal-Kunsill;

(d)

jiżgura li r-rakkomandazzjonijiet kollha magħmula wara valutazzjonijiet tas-sigurtà regolari jkunu implimentati u jipprovdi lis-SĠ/RGħ, lill-Kunsill u lill-Kummissjoni rapporti bil-miktub dwar l-implimentazzjoni tagħhom u dwar kwistjonijiet oħra ta’ sigurtà fil-qafas tar-rapporti ta’ nofs it-term u ta’ implimentazzjoni tal-mandat.

13.2.2008   

MT

Il-Ġurnal Uffiċjali ta’ l-Unjoni Ewropea

L 38/22

(1)

Fil-15 ta’ Frar 2007, il-Kunsill adotta l-Azzjoni Konġunta 2007/112/PESK (1) sabiex jaħtar lis-Sur Roeland VAN DE GEER bħala r-Rappreżentant Speċjali ta’ l-Unjoni Ewropea (RSUE) għar-Reġjun tal-Lagi l-Kbar Afrikani għall-perijodu mill-1 ta’ Marzu 2007 sad-29 ta’ Frar 2008.

(2)

Fit-12 ta’ Ġunju 2007, il-Kunsill adotta l-Azzjoni Konġunta 2007/405/PESK dwar il-missjoni tal-Pulizija ta’ l-Unjoni Ewropea fil-qasam tar-riforma tas-settur tas-sigurtà (RSS) u r-relazzjoni tagħha mal-ġustizzja fir-Repubblika Demokratika tal-Kongo (EUPOL RD Congo) (2), u l-Azzjoni Konġunta 2007/406/PESK dwar il-missjoni ta’ konsulenza u assistenza ta’ l-Unjoni Ewropea għar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) (3).

(3)

Fl-20 ta’ Diċembru 2007, il-Kunsill adotta l-Azzjoni Konġunta 2007/38/PESK (4) li temenda l-Azzjoni Konġunta 2007/405/PESK (EUPOL RD Congo) biex tirrifletti l-istruttura l-ġdida ta’ kmand u kontroll għal operazzjonijiet ta’ l-UE ta’ maniġġar ta’ kriżijiet ċivili kif approvat mill-Kunsill fit-18 ta’ Ġunju 2007.

(4)

Il-mandat tar-RSUE għandu jiġi aġġustat għar-rwol li ġie assenjat fir-rigward ta’ dawn iż-żewġ missjonijiet RSS ta’ l-Unjoni Ewropea fir-Repubblika Demokratika tal-Kongo u, abbażi ta’ reviżjoni ta’ l-Azzjoni Konġunta 2007/112/PESK, għandu jiġi estiż b’perijodu ta’ 12-il xahar.

(5)

Ir-RSUE ser jimplimenta l-mandat tiegħu fil-kuntest ta’ sitwazzjoni li tista’ tiddeterjora u li tista’ tagħmel ħsara lill-objettivi tal-Politika Estera u ta’ Sigurtà Komuni stabbiliti fl-Artikolu 11 tat-Trattat,

(a)

il-kontribut attiv u effettiv għal politika konsistenti, sostenibbli u responsabbli ta’ l-Unjoni Ewropea fir-Reġjun tal-Lagi l-Kbar Afrikani, bil-promozzjoni ta’ approċċ ġenerali koerenti ta’ l-Unjoni Ewropea fir-reġjun. Ir-RSUE għandu jappoġġa l-ħidma tas-Segretarju Ġenerali/Rappreżentant Għoli (SĠ/RGħ) fir-reġjun;

(b)

l-iżgurar ta’ impenn kontinwu ta’ l-Unjoni Ewropea għall-proċessi ta’ stabbilizzazzjoni u ta’ rikostruzzjoni fir-reġjun, permezz ta’ preżenza attiva fuq il-post u f’fora internazzjonali rilevanti, filwaqt li jinżamm kuntatt ma’ atturi prinċipali u b’kontribuzzjoni għall-maniġġar ta’ kriżijiet;

(ċ)

il-kontribut għall-fażi ta’ wara t-transizzjoni fir-Repubblika Demokratika tal-Kongo (RDK), b’mod partikolari fir-rigward tal-proċess politiku tal-konsolidazzjoni ta’ l-istituzzjonijiet il-ġodda u d-definizzjoni tal-qafas internazzjonali usa’ għall-konsultazzjoni u l-koordinazzjoni politiċi mal-gvern il-ġdid;

(d)

il-kontribut, f’kooperazzjoni mill-qrib man-Nazzjonijiet Uniti/MONUC, għall-isforzi internazzjonali ta’ appoġġ biex tinkiseb Riforma komprensiva tas-Settur tas-Sigurtà fir-RDK, b’mod partikolari minħabba r-rwol ta’ koordinazzjoni li l-Unjoni Ewropea hija lesta li tassumi f’dan il-kuntest;

(e)

il-kontribut għall-miżuri adatti ta’ segwitu għall-Konferenza Internazzjonali tar-Reġjun tal-Lagi l-Kbar, b’mod partikolari permezz ta’ l-istabbiliment ta’ kuntatti mill-qrib mas-Segretarjat tal-Lagi l-Kbar u s-Segretarju Eżekuttiv tiegħu kif ukoll mat-Trojka tal-mekkaniżmu ta’ segwitu u permezz tal-promozzjoni ta’ relazzjonijiet tajba bejn il-ġirien fir-reġjun;

(f)

l-indirizzar tal-problema li għadha konsiderevoli ta’ gruppi armati li qed joperaw fuq il-fruntieri bir-riskju li jiddistabbilizzaw il-pajjiżi fir-reġjun u jaggravaw il-problemi interni tagħhom;

(ġ)

il-kontribut għall-istabbilizzazzjoni ta’ wara l-kunflitt f’Buruni, ir-Rwanda u l-Uganda, b’mod partikolari billi n-negozjati għall-paċi jiġu akkumpanjati minn gruppi armati bħall-FNL u l-LRA.

(a)

jistabbilixxi u jżomm kuntatt mill-qrib mal-pajjiżi tar-Reġjun tal-Lagi l-Kbar, in-Nazzjonijiet Uniti, l-Unjoni Afrikana, pajjiżi Afrikani prinċipali u msieħba prinċipali tar-RDK u l-Unjoni Ewropea, kif ukoll ma’ organizzazzjonijiet Afrikani reġjonali u sub-reġjonali, pajjiżi terzi rilevanti oħra u mexxejja reġjonali prinċipali oħra;

(b)

jipprovdi pariri u jirrapporta dwar il-possibbiltajiet biex l-Unjoni Ewropea tappoġġa l-proċess ta’ stabbilizzazzjoni u konsolidazzjoni u dwar kif l-inizjattivi ta’ l-Unjoni Ewropea jistgħu jiġu mwettqa l-aħjar;

(ċ)

jipprovdi parir u assistenza għal riforma fis-settur tas-sigurtà (RSS) fir-RDK;

(d)

jikkontribwixxi għas-segwitu għall-Konferenza Internazzjonali tar-Reġjun tal-Lagi l-Kbar, b’mod partikolari billi jappoġġa l-linji politiċi definiti fir-reġjun li jippruvaw jilħqu l-objettivi ta’ non-vjolenza u ta’ difiża reċiproka fir-riżoluzzjoni ta’ kunflitti kif ukoll, fir-rigward tal-kooperazzjoni reġjonali, bil-promozzjoni tad-drittijiet tal-bniedem u d-demokratizzazzjoni, it-tmexxija tajba, il-ġlieda kontra l-impunità, il-kooperazzjoni ġudizzjarja, u l-ġlieda kontra l-isfruttament illegali ta’ riżorsi naturali;

(e)

jikkontribwixxi għal fehim aħjar tar-rwol ta’ l-Unjoni Ewropea fost dawk il-mexxejja li għandhom influwenza kbira fuq l-opinjoni tan-nies fir-reġjun;

(f)

jikkontribwixxi, meta jkun mitlub, għan-negozjati u l-implimentazzjoni ta’ ftehim ta’ paċi u ta’ waqfien mill-ġlied bejn il-partijiet u jimpenja ruħu magħhom diplomatikament fil-każ ta’ nuqqas ta’ konformità mat-termini ta’ dawn il-ftehim; fil-kuntest tan-negozjati ta’ l-LRA attwali, tali attivitajiet għandhom jiġu segwiti f’koordinazzjoni mill-qrib mar-RSUE għas-Sudan;

(ġ)

jikkontribwixxi għall-implimentazzjoni tal-politika tad-drittijiet tal-bniedem ta’ l-Unjoni Ewropea u l-Linji Gwida ta’ l-Unjoni Ewropea dwar id-drittijiet tal-bniedem, b’mod partikolari l-Linji Gwida ta’ l-Unjoni Ewropea dwar it-Tfal u l-Kunflitt Armat, u l-politika ta’ l-Unjoni Ewropea dwar ir-Riżoluzzjoni tal-Kunsill tas-Sigurtà 1325 dwar in-Nisa, il-Paċi u s-Sigurtà, inkluż permezz tal-monitoraġġ u r-rappurtar dwar l-iżviluppi f’dan ir-rigward.

(a)

jistabbilixxi pjan ta’ sigurtà speċifiku għall-missjoni bbażat fuq il-gwida tas-Segretarjat Ġenerali tal-Kunsill, li jinkludi miżuri ta’ sigurtà fiżiċi, organizzattivi u proċedurali speċifiċi għall-missjoni, il-ġestjoni tal-moviment sigur ta’ persunal lejn, u ġewwa, iż-żona tal-missjoni, kif ukoll il-ġestjoni ta’ inċidenti ta’ sigurtà u li jinkludi pjan ta’ kontinġenza u evakwazzjoni tal-missjoni;

(b)

jiżgura li l-persunal kollu skjerat barra mill-UE jkun kopert b’assigurazzjoni ta’ riskju għoli kif meħtieġ mill-kondizzjonijiet fiż-żona tal-missjoni;

(ċ)

jiżgura li l-membri kollha tal-grupp tiegħu li jridu jiġu skjerati barra l-UE, inkluż persunal kkuntrattat lokalment, ikunu ħadu taħriġ ta’ sigurtà xieraq qabel u mal-wasla fiż-żona tal-missjoni, ibbażat fuq il-klassifikazzjoni ta’ riskju mogħtija liż-żona ta’ missjoni mis-Segretarjat Ġenerali tal-Kunsill;

(d)

jiżgura li r-rakkomandazzjonijiet kollha miftiehma, magħmula wara valutazzjonijiet ta’ sigurtà regolari jiġu implimentati, u jipprovdi lis-SĠ/RGħ, lill-Kunsill u lill-Kummissjoni b’rapporti bil-miktub dwar l-implimentazzjoni tagħhom u dwar kwistjonijiet oħra ta’ sigurtà fil-qafas tar-rapporti ta’ nofs it-term u ta’ implimentazzjoni tal-mandat.

13.2.2008   

MT

Il-Ġurnal Uffiċjali ta’ l-Unjoni Ewropea

L 38/26

(1)

Fl-2003 l-Kunsill tas-Sigurtà tan-Nazzjonijiet Uniti adotta r-Riżoluzzjoni (UNSCR) 1521 (2003) li timponi miżuri restrittivi kontra l-Liberja. Dawn il-miżuri ġew implimentati mill-Pożizzjoni Komuni 2004/137/PESK ta’ l-10 ta’ Frar 2004 dwar miżuri restrittivi imposti kontra l-Liberja (1).

(2)

B’segwitu għall-adozzjoni ta’ l-UNSCR 1683 (2006) u l-UNSCR 1731 (2006), il-Kunsill adotta l-Pożizzjoni Komuni 2006/518/PESK ta’ l-24 ta’ Lulju 2006 li temenda u ġġedded ċerti miżuri restrittivi imposti kontra l-Liberja (2), u l-Pożizzjoni Komuni 2007/93/PESK tat-12 ta’ Frar 2007 li temenda u ġġedded il-Pożizzjoni Komuni 2004/137/PESK dwar miżuri restrittivi imposti kontra l-Liberja (3) rispettivament.

(3)

Fid-dawl ta’ l-iżviluppi fil-Liberja, il-Kunsill tas-Sigurtà tan-NU fid-19 ta’ Diċembru 2007 adotta l-UNSCR 1792 (2007) li ġeddedt il-miżuri restrittivi fuq l-armi u l-ivvjaġġar għal perijodu ulterjuri ta’ 12-il xahar. L-UNSCR 1792 (2007) introduċiet ukoll obbligu li l-Kumitat stabbilit mill-paragrafu 21 ta’ l-UNSCR 1521 (2003) jiġi nnotifikat mal-kunsinna ta’ l-armi kollha u materjal relatat fornuti skond il-paragrafu 2(e) jew 2(f) ta’ l-UNSCR 1521 (2003), il-paragrafu 2 ta’ l-UNSCR 1683 (2006), jew il-paragrafu 1(b) ta’ l-UNSCR 1731 (2006).

(4)

Għall-fini ta’ kjarezza, il-miżuri msemmijin hawn fuq għandhom jiġu kkonsolidati f’att legali uniku.

(5)

Azzjoni mill-Komunità hi meħtieġa sabiex jiġu implimentati xi wħud minn dawn il-miżuri,

(a)

li jiġu mogħtija, mibjugħa, fornuti, jew trasferiti assistenza teknika, servizzi ta’ sensarija u servizzi oħra relatati ma’ attivitajiet militari u għall-provvista, il-manifattura, il-manutenzjoni u l-użu ta’ oġġetti fil-paragrafu 1, direttament jew indirettament lil kwalunkwe persuna, entità jew korp fil-, jew għall-użu fil-Liberja,

(b)

li jiġu pprovduti assistenza ta’ finanzjament jew finanzjarja relatata ma’ attivitajiet militari, inkluż b’mod partikolari għotjiet, self u assigurazzjoni ta’ kreditu għall-esportazzjoni, għal kwalunkwe bejgħ, provvista, trasferiment jew esportazzjoni ta’ oġġetti fil-paragrafu 1, direttament jew indirettament lil kwalunkwe persuna, entità jew korp fil-, jew għall-użu fil-Liberja.

(a)

armi u materjal relatat u taħriġ u assistenza teknika maħsubin biss għall-appoġġ jew għall-użu mill-Missjoni tan-Nazzjonijiet Uniti fil-Liberja;

(b)

armi u materjal relatat u taħriġ u assistenza teknika maħsubin biss għall-appoġġ jew għall-użu fi programm internazzjonali ta’ riforma u taħriġ għall-forzi armati u għall-pulizija tal-Liberja, kif approvat minn qabel mill-Kumitat stabbilit fil-paragrafu 21 ta’ l-UNSCR 1521 (2003) (“il-Kumitat tas-Sanzjonijiet”);

(ċ)

tagħmir militari mhux letali maħsub biss għal użu umanitarju jew protettiv, u assistenza jew taħriġ tekniku relatat, kif approvat minn qabel mill-Kumitat tas-Sanzjonijiet;

(d)

ilbies protettiv, inkluż ġkieket antiprojettili u elmi militari, esportati temporanjament lejn il-Liberja minn persunal tan-Nazzjonijiet Uniti, rappreżentanti tal-midja u ħaddiema umanitarji u fil-qasam ta’ l-iżvilupp u persunal assoċjat, għall-użu personali tagħhom biss.

(e)

armamenti u ammunizzjon li diġà ġew ipprovduti lill-membri tas-Servizz tas-Sigurtà Speċjali (SSS) għal finijiet ta’ taħriġ u li jibqgħu fil-kustodja tas-SSS għal użu operattiv mingħajr xkiel, dment li t-trasferiment tagħhom lis-SSS kien ġie approvat minn qabel mill-Kumitat tas-Sanzjonijiet u assistenza teknika u finanzjarja relatata ma’ tali armamenti u ammunizzjon;

(f)

armamenti u ammunizzjon maħsuba biss għall-użu minn membri tal-forzi tas-sigurtà u tal-pulizija tal-Gvern tal-Liberja li ġew mistħarrġa u mħarrġa mill-bidu tal-Missjoni tan-Nazzjonijiet Uniti fil-Liberja, dment li tali provvisti ġew approvati minn qabel mill-Kumitat tas-Sanzjonijiet, fuq talba konġunta mill-Gvern tal-Liberja u l-Istat ta’ l-esportazzjoni, u assistenza teknika u finanzjarja relatata ma’ tali armamenti u ammunizzjon;

(g)

tagħmir militari mhux letali għajr armamenti u ammunizzjon mhux letali, kif innotifikat minn qabel lill-Kumitat tas-Sanzjonijiet, maħsuba biss għall-użu minn membri tal-pulizija u tal-forzi tas-sigurtà tal-Gvern tal-Liberja li ġew mistħarrġa u mħarrġa mill-bidu tal-Missjoni tan-Nazzjonijiet Uniti fil-Liberja f’Ottubru 2003.

(a)

jikkostitwixxu theddida għall-proċess ta’ paċi fil-Liberja, jew li huma impenjati f’attivitajiet bil-għan li jikkompromettu l-paċi u l-istabbilità fil-Liberja u s-subreġjun inklużi dawk il-membri anzjani tal-Gvern ta’ dak li qabel kien il-President Charles Taylor u l-konjuġi tagħhom u membri ta’ dawk li qabel kienu l-forzi armati tal-Liberja li għandhom rabta ma’ dak li qabel kien il-President Charles Taylor;

(b)

qed jiksru l-projbizzjoni ta’ bejgħ, provvista, trasferiment jew esportazzjoni ta’ armi u materjal relatat ta’ kull tip, inklużi armamenti u ammunizjon, vetturi u tagħmir militari, tagħmir paramilitari u partijiet ta’ rikambju għal dawk imsemmija qabel, jew qed jiksru l-projbizzjoni ta’ l-għoti ta’ taħriġ jew assistenza teknika relatata mal-provvista, manifattura, manutenzjoni jew użu ta’ tali oġġetti;

(ċ)

jipprovdu appoġġ finanzjarju jew militari lil gruppi ta’ ribelli armati fil-Liberja jew f’pajjiżi fir-reġjun jew li huma assoċjati ma’ entitajiet li jagħmlu dan.

13.2.2008   

MT

Il-Ġurnal Uffiċjali ta’ l-Unjoni Ewropea

L 38/28

(1)

Fil-15 ta’ Frar 2007, il-Kunsill adotta l-Azzjoni Konġunta 2007/108/PESK (1) li testendi l-mandat tar-Rappreżentant Speċjali ta’ l-Unjoni Ewropea (RSUE) għas-Sudan.

(2)

Fid-19 ta’ April 2007, il-Kunsill adotta d-Deċiżjoni 2007/238/PESK (2), li taħtar lis-Sur Torben Brylle bħala r-Rappreżentant Speċjali ta’ l-Unjoni Ewropea (RSUE) għas-Sudan mill-1 ta’ Mejju 2007 sad-29 ta’ Frar 2008.

(3)

Fl-20 ta’ Diċembru 2007, il-Kunsill adotta l-Azzjoni Konġunta 2007/887/PESK (3) li ħassret l-Azzjoni Konġunta 2005/557/PESK dwar l-azzjoni ta’ sostenn ċivili-militari ta’ l-Unjoni Ewropea għall-missjoni ta’ l-Unjoni Afrikana (UA) fir-reġjun tad-Darfur fis-Sudan u fis-Somalja (AMIS/AMISOM) u pprovdiet għall-għeluq ta’ dik l-azzjoni ta’ sostenn.

(4)

Il-mandat tar-RSUE għandu jiġi emendat biex jirrifletti l-għeluq ta’ l-AMIS/AMISOM u, abbażi ta’ reviżjoni ta’ l-Azzjoni Konġunta 2007/108/PESK, għandu jiġi estiż b’perijodu ta’ 12-il xahar.

(5)

Ir-RSUE se jimplimenta l-mandat tiegħu fil-kuntest ta’ sitwazzjoni li tista’ tiddeterjora u li tista’ tagħmel ħsara lill-objettivi tal-Politika Estera u ta’ Sigurtà Komuni stabbiliti fl-Artikolu 11 tat-Trattat,

(a)

jaħdem ma’ l-UA, il-Gvern tas-Sudan, il-Gvern tas-Sudan tan-Nofsinhar, il-movimenti armati tad-Darfur u partiti Sudaniżi oħra kif ukoll mas-soċjetà ċivili u organizzazzjonijiet non-governattivi tad-Darfur u jżomm kollaborazzjoni mill-qrib man-NU u ma’ atturi internazzjonali rilevanti oħra, bil-għan li jitwettqu l-objettivi tal-politika ta’ l-Unjoni;

(b)

jirrappreżenta lill-Unjoni Ewropea fid-djalogu Darfur-Darfur, fil-laqgħat ta’ livell għoli tal-Kummissjoni Konġunta, kif ukoll laqgħat oħra rilevanti kif mitlub;

(ċ)

jirrappreżenta lill-Unjoni Ewropea, kull meta jkun possibbli, fil-Kummissjonijiet ta’ Valutazzjoni u Evalwazzjoni tal-FKP u l-FPD;

(d)

isegwi l-iżviluppi fir-rigward ta’ l-implimentazzjoni ta’ l-FPLS;

(e)

jiżgura koerenza bejn il-kontribut ta’ l-Unjoni Ewropea għall-immaniġġar tal-kriżi fid-Darfur u r-relazzjoni politika ġenerali ta’ l-Unjoni Ewropea mas-Sudan;

(f)

fir-rigward tad-drittijiet tal-bniedem, inklużi d-drittijiet tat-tfal u tan-nisa, u l-ġlieda kontra l-impunità fis-Sudan, isegwi s-sitwazzjoni u jżomm kuntatti regolari ma’ l-awtoritajiet Sudaniżi, l-UA u n-NU, b’mod partikolari ma’ l-Uffiċċju tal-Kummissarju Għoli għad-Drittijiet tal-Bniedem, l-osservaturi għad-drittijiet tal-bniedem attivi fir-reġjun, u l-Uffiċċju tal-Prosekutur tal-Qorti Kriminali Internazzjonali;

(g)

jaħdem mal-Presidenza, mas-Segretarju Ġenerali/Rappreżentant Għoli (SĠ/RGħ), mal-Kmandant ta’ l-Operazzjoni ta’ l-UE u mal-Kmandant tal-Forza ta’ l-UE ta’ l-Operazzjoni EUFOR Tchad/RCA sabiex jiżgura koordinazzjoni mill-qrib ta’ l-attivitajiet rispettivi tagħhom fir-rigward ta’ l-implimentazzjoni ta’ l-Azzjoni Konġunta 2007/677/PESK; għandha tkun żgurata wkoll koordinazzjoni mill-qrib mad-Delegazzjonijiet lokali tal-Kummissjoni;

(h)

fir-rigward ta’ l-implimentazzjoni ta’ l-Azzjoni Konġunta 2007/677/PESK, jassisti lis-SĠ/RGħ fir-rigward tal-kuntatti tiegħu man-Nazzjonijiet Uniti, l-awtoritajiet taċ-Ċad, l-awtoritajiet tar-Repubblika Afrikana Ċentrali u l-pajjiżi ġirien kif ukoll ma’ atturi rilevanti oħrajn;

(i)

mingħajr preġudizzju għall-katina ta’ kmand militari, jipprovdi lill-Kmandant tal-Forza ta’ l-UE ta’ l-Operazzjoni EUFOR Tchad/RCA bi gwida politika b’mod partikolari dwar kwistjonijiet b’dimensjoni politika reġjonali;

(j)

fir-rigward tal-kompiti tiegħu relatati ma’ l-Operazzjoni EUFOR Tchad/RCA, jikkonsulta mal-Kmandant tal-Forza ta’ l-UE dwar kwistjonijiet politiċi b’dimensjoni ta’ sigurtà.

(a)

ikollu idea ġenerali ta’ l-attivitajiet kollha ta’ l-Unjoni Ewropea;

(b)

jiżgura koordinazzjoni mill-qrib u koerenza ta’ l-attivitajiet ta’ l-Unjoni Ewropea fir-rigward ta’ l-Operazzjoni EUFOR Tchad/RCA;

(ċ)

jappoġġja l-proċess politiku u l-attivitajiet relatati ma’ l-implimentazzjoni tal-FPK, l-FPD u l-FPLS; u

(d)

isegwi u jirrapporta dwar il-konformità tal-partijiet Sudaniżi mar-Riżoluzzjonijiet rilevanti tal-Kunsill tas-Sigurtà tan-NU, notevolment il-1556(2004), 1564(2004), 1591(2005), 1593(2005), 1672(2006), 1679(2006), 1706 (2006), 1769 (2007) u 1778 (2007).

(a)

jistabbilixxi pjan ta’ sigurtà speċifiku għall-missjoni ibbażat fuq il-gwida tas-Segretarjat Ġenerali tal-Kunsill, li jinkludi miżuri ta’ sigurtà fiżiċi, organizzattivi u proċedurali speċifiċi għall-missjoni, dwar il-ġestjoni tal-moviment sigur ta’ persunal lejn, u fiż-żona tal-missjoni, kif ukoll il-ġestjoni ta’ inċidenti ta’ sigurtà u li jinkludi pjan ta’ kontinġenza u evakwazzjoni tal-missjoni;

(b)

jiżgura li l-persunal kollu skjerat barra mill-UE jkun kopert b’assigurazzjoni ta’ riskju għoli kif meħtieġ mill-kondizzjonijiet fiż-żona tal-missjoni;

(ċ)

jiżgura li l-membri kollha tal-grupp tiegħu li jridu jiġu skjerati barra l-UE, inkluż persunal kkuntrattat lokalment, ikunu ħadu taħriġ ta’ sigurtà xieraq qabel u mal-wasla fiż-żona tal-missjoni, ibbażat fuq il-klassifikazzjoni ta’ riskju mogħtija liż-żona ta’ missjoni mis-Segretarjat Ġenerali tal-Kunsill;

(d)

jiżgura li r-rakkomandazzjonijiet kollha miftiehma, magħmula wara valutazzjonijiet ta’ sigurtà regolari jiġu implimentati, u jipprovdi lis-SĠ/RGħ, lill-Kunsill u lill-Kummissjoni b’rapporti bil-miktub dwar l-implimentazzjoni tagħhom u dwar kwistjonijiet oħra ta’ sigurtà fil-qafas tar-rapporti ta’ nofs it-term u ta’ implimentazzjoni tal-mandat.