12.1.2008   

MT

Il-Ġurnal Uffiċjali ta’ l-Unjoni Ewropea

L 9/1

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

12.1.2008   

MT

Il-Ġurnal Uffiċjali ta’ l-Unjoni Ewropea

L 9/3

(1)

Ir-Regolament (KE) Nru 999/2001 jistipula regoli għall-prevenzjoni, il-kontroll u l-eradikazzjoni ta’ l-enċifalopatiji sponġiformi trasmissibbli (TSEs) fl-annimali. Huwa japplika għall-produzzjoni u t-tqegħid fis-suq ta’ annimali ħajjin u prodotti mill-annimali u f’ċerti każijiet speċifiċi għall-esportazzjoni tagħhom.

(2)

L-Anness X, Kapitolu Ċ, tar-Regolament (KE) Nru 999/2001 jistabbilixxi lista ta’ testijiet rapidi approvati għas-sorveljanza tat-TSEs fl-annimali bovini, ovini u kaprini.

(3)

It-tibdiliet fit-testijiet rapidi jew fil-protokolli tat-testijiet jistgħu jsiru biss wara notifika minn qabel lil-Laboratorju Komunitarju ta’ Referenza (LKR) għat-TSEs u sakemm l-LKR isib li t-tibdil ma jalterax is-sensitività, l-ispeċifiċità jew l-affidabilità tat-testijiet. Fit-13 ta’ April 2007, l-LKR approva t-tibdil magħmul fit-test rapidu post-mortem tat-TSE li hu fil-preżent approvat, l-“Enfer TSE Kit verżjoni 2.0”, u għalhekk irrakkomanda li l-verżjoni emendata (“Enfer TSE verżjoni 3.0”) għandha tidħol fil-lista fl-Anness X, Kapitolu Ċ tar-Regolament (KE) Nru 999/2001.

(4)

Ir-Regolament (KE) Nru 999/2001 għandu għalhekk jiġi emendat skond dan.

(5)

Il-miżuri previsti f’dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

12.1.2008   

MT

Il-Ġurnal Uffiċjali ta’ l-Unjoni Ewropea

L 9/6

(1)

Ir-Regolament tal-Kummissjoni (KEE) Nru 461/93 tas-26 ta’ Frar 1993 li jistipula regoli dettaljati għall-iskala Komunitarja għall-klassifikazzjoni ta’ karkassi ta’ annimali ovini (3) ġie emendat b’mod sostanzjali (4). Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Ir-Regolament (KEE) Nru 2137/92 kien jipprevedi standard ta’ klassifikazzjoni ta’ karkassi li japplika fil-Komunità kollha bil-għan li jtejjeb it-trasparenza tas-suq fis-settur tal-laħam tan-nagħaġ. Regoli dettaljati huma meħtieġa sabiex jiġu determinati l-prezzijiet tas-suq li huma stabbiliti a bażi ta’ dan l-istandard ta’ klassifikazzjoni. Għandhu jkun hemm provvediment sabiex jiġu stabbiliti l-prezzijiet tas-suq fl-istadju xieraq tal-proċess tal-kummerċjalizazzjoni. Dan l-istadju għandu jkun fid-dħul fil-biċċerija. Sabiex il-klassifikazzjoni uniformi tal-karkassi ta’ annimali ovini tiġi żgurata fil-Komunità, huwa neċessarju li jkun hemm definizzjonijiet ta’ klassijiet ta’ konformazzjoni, klassijiet ta’ grass u kulur iktar preċiżi.

(3)

Sistema ta’ rapportar ta’ prezzijiet għandha tiġi stabbilita a bażi tal-klassifikazzjoni magħmula fil-biċċeriji immedjatament wara l-qtil. Dan jirrikjedi identifikazzjoni korretta tal-karkassi.

(4)

Il-klassifikazzjoni għandha ssir minn staff li huwa kwalifikat biżżejjed. Għandu jkun hemm kontrolli effettivi sabiex jiġi verifikat kemm wieħed jista’ joqgħod fuq il- klassifikazzjoni u sabiex jiġi żgurat li qiegħda tiġi applikata b’mod omoġenju.

(5)

Ir-Regolament (KEE) Nru 2137/92 jipprevedi li l-ispezzjoni fuq il-post għandha titmexxa minn grupp ta’ spezzjoni Kommunitarju, sabiex tiġi żgurata l-applikazzjoni uniformi ta’ l-iskala ta’ klassifikazzjoni Kommunitarja fil-Komunità.

(6)

Huwa neċessarju li jiġu stipulati regoli dettaljati dwar il-kompożizzjoni tal-grupp u l-implimentazjoni ta’ l-ispezzjonijiet fuq il-post.

(7)

Il-miżuri msemmija f’dan ir-Regolament huma skond l-opinjoni tal-Kumitat ta’Ġestjoni għan-Nagħaġ u l-Mogħoż,

(a)

L: karkassi ta’ nagħaġ taħt l-età ta’ tnax il-xagħar (ħaruf);

(b)

S: karkassi ta’ nagħaġ oħrajn.

(a)

l-applikazzjoni ta’ l-arranġamenti li jirrigwardaw l-iskala ta’ klassifikazzjoni Komunitarja għall-karkassi ovini;

(b)

li jiġu stabiliti prezzijiet tas-suq skond l-iskala ta’ klassifikazzjoni.

(a)

mill-inqas żewġ esperti tal-Kummissjoni, wieħed minnhom għandu jkun il-president tad-delegazzjoni;

(b)

espert ta’ l-Istat Membru konċernat;

(ċ)

l-aktar erba’ esperti minn Stati Membri oħra.

12.1.2008   

MT

Il-Ġurnal Uffiċjali ta’ l-Unjoni Ewropea

L 9/12

(1)

Skond ir-Regolament (KE) Nru 2320/2002, il-Kummissjoni għandha tadotta miżuri għall-implimentazzjoni ta’ l-istandards bażiċi komuni tas-sigurtà fl-avjazzjoni fil-Komunità kollha. Ir-Regolament tal-Kummissjoni (KE) Nru 622/2003 ta’ l-4 ta’ April 2003 li jistabbilixxi l-miżuri sabiex jiġu implimentati l-istandards bażiċi komuni dwar is-sigurtà fl-avjazzjoni (2) kien l-ewwel att li jistabbilixxi miżuri bħal dawn.

(2)

Hemm ħtieġa għal miżuri li jippreċiżaw iktar l-istandards bażiċi komuni. Għandhom jiġu stipulati rekwiżiti ta’ prestazzjoni fir-rigward tat-tagħmir Threat Image Projection (TIP). Madankollu, l-istandards għandhom ikunu rriveduti fuq bażi regolari u ta’ l-inqas kull sentejn biex ikun żgurat li dawn ikomplu jirriflettu l-iżviluppi tekniċi, b’mod partikolari fir-rigward tad-daqs tal-librerija ta’ immaġini virtwali disponibbli.

(3)

It-TIP għandu jintuża biex itejjeb il-prestazzjoni ta’ dawk li jispezzjonaw, meta jkunu qed jispezzjonaw kemm il-bagalji fil-kabina kif ukoll dawk fl-istiva, permezz ta’ proġezzjoni ta’ l-immaġini virtwali ta’ l-oġġetti ta’ theddid f’immaġini x-ray ta’ bagalji. Għandu jkun hemm perċentwali minima u massima ta’ l-immaġini virtwali ta’ oġġetti ta’ theddid li tiġi pproġettata fl-immaġini tal-bagalji. Permezz tar-reazzjoni ta’ dawk li jispezzjonaw il-bagalji, it-TIP għandu jinfurmahom jekk irrispondewx b’mod korrett fl-identifikazzjoni tagħhom ta’ l-immaġini virtwali ta’ l-oġġett ta’ theddid. Barra minn hekk, il-librerija ta’ immaġini virtwali użati għat-TIP għandha titkabbar u tiġġedded b'mod regolari, sabiex jitqiesu oġġetti ġodda ta’ theddid u biex tiġi evitata l-familjarità ma’ l-immaġini virtwali.

(4)

L-informazzjoni dwar ir-rekwiżiti ta' prestazzjoni dwar it-tagħmir tas-sigurtà, inkluż it-TIP fl-ajruporti, m’għandhiex titqiegħed fid-dominju pubbliku għax jista' jsir abbuż minnha biex jiġu evitati l-kontrolli tas-sigurtà. L-informazzjoni għandha tkun disponibbli biss għar-regolaturi u għall-manifatturi tat-tagħmir.

(5)

Ir-Regolament (KE) Nru 622/2003 għandu jiġi emendat skond dan.

(6)

Il-miżuri previsti f'dan ir-Regolament huma skond l-opinjoni tal-Kumitat dwar is-Sigurtà ta’ l-Avjazzjoni Ċivili,

12.1.2008   

MT

Il-Ġurnal Uffiċjali ta’ l-Unjoni Ewropea

L 9/14

(1)

L-Artikolu 3(1)(2), tal-Protokoll Nru 1 tal-ftehim Ewro-Mediterranju li jistabbilixxi l-assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika Tuneżina min-naħa l-oħra (3), jistabbilixxi kwota tariffarja ta' eżenzjoni mid-dazji, għall-importazzjoni taż-żejt taż-żebbuġa mhux raffinat li jaqa' taħt il-kodiċijiet 1509 10 10 u 1509 10 90, prodott kollu kemm hu fit-Tuneżija u trasportat direttament fil-Komunità, fil-limiti previsti għal kull sena.

(2)

L-Artikolu 2(2) tar-Regolament tal-Kummissjoni (KE) Nru 1918/2006 ta' l-20 ta' Diċembru 2006 (4) li jiftaћ u jipprovdi gћall-amministrazzjoni tal-kwota tariffarja taż-żejt taż-żebbuġa li joriġina mit-Tuneżija jistipula l-limiti mensili gћall-ћruġ tal-liċenzji.

(3)

It-talbiet tressqu quddiem l-awtoritajiet kompetenti skond l-Artikolu 3(1) tar-Regolament (KE) Nru 1918/2006, għall-ħruġ ta' liċenzji għall-importazzjoni għall-kwantità totali li teċċedi l-limitu ta' 1 000 tunnellata stipulat għax-xahar ta' Jannar.

(4)

F’dawn iċ-ċirkostanzi, il-Kummissjoni għandha tistipula perċentwali ta' attribuzzjoni li jippermetti l-ħruġ tal-liċenzji pro rata għall-kwantità disponibbli,

12.1.2008   

MT

Il-Ġurnal Uffiċjali ta’ l-Unjoni Ewropea

L 9/15

(1)

Ir-Regolament (KE) Nru 58/2003 jagħti l-poter lill-Kummissjoni li tistabbilixxi aġenziji eżekuttivi skond l-istatut ġenerali stabbilit minn dak ir-Regolament u jafdahom b’ċerti xogħlijiet ta’ ġestjoni konnessi ma’ wieħed jew aktar mill-programmi Komunitarji.

(2)

Il-ħolqien ta’ aġenzija eżekuttiva għandu l-għan li jgħin lill-Kummissjoni tiffoka fuq l-attivitajiet u l-ħidmiet ta’ qofol tagħha li ma jistgħux jiġu assenjati lil entitajiet esterni, mingħajr madankollu ma titlef il-kontroll fuq, jew ir-responsabbiltà aħħarija għal, l-attivitajiet li jitmexxew mill-aġenziji eżekuttivi msemmija.

(3)

Id-Deċiżjoni Nru 1982/2006/KE tal-Parlament Ewropew u tal-Kunsill tat-18 ta’ Diċembru 2006 dwar is-Seba’ Programm Kwadru tal-Komunità Ewropea għall-attivitajiet ta’ riċerka, ta’ żvilupp teknoloġiku u ta’ dimostrazzjoni (2007-2013) (2) jipprovdi għall-istabbiliment tal-Kunsill Ewropew ta’ Riċerka bħala mezz għall-implimentazzjoni tal-Programm Speċifiku Ideat  (3). Il-Kunsill Ewropew tar-Riċerka għandu jikkonsisiti minn Kunsill Xjentifiku appoġġjat bi struttura speċifika ta’ implimentazzjoni.

(4)

Bid-Deċiżjoni 2007/134/KE tat-2 ta’ Frar 2007 li tistabbilixxi il-Kunsill Ewropew tar-Riċerka (4), il-Kummissjoni, minbarra li twaqqaf il-Kunsill Ewropew għar-Riċerka (KER) u l-Kunsill Xjentifiku, ħabbret it-twaqqif ta’ l-istruttura speċifika ta’ implimentazzjoni bħala aġenzija eżekuttiva, li trid tiġi stabbilita minn att separat f’konformità mar-Regolament (KE) Nru 58/2003.

(5)

Il-ġestjoni tal-Programm Speċifiku Ideat tinvolvi l-implimentazzjoni ta’ proġetti ta’ riċerka li ma tinvolvix it-teħid ta’ deċiżjonijiet ta’ natura politika u li titlob livell għoli ta’ kompetenza xjentifika u finanzjarja matul iċ-ċiklu tal-proġett.

(6)

Id-delega, lil aġenzija eżekuttiva ta’ xogħlijiet konnessi ma’ l-implimentazzjoni tal-programm tista’ ssir b’separazzjoni ċara bejn l-istadji tal-programmar, li tiġi stabbilita mill-Kunsill Xjentifiku u adottata mill-Kumissjoni, u l-implimentazzjoni, li tkun fdata lill-aġenzija eżekuttiva, skond il-prinċipji u l-metodoloġija stabbilita mill-Kunsill Xjentifiku.

(7)

Analiżi ta’ l-ispejjeż vis-a-vis il-benefiċċju li twettqet għal dak il-għan uriet li l-użu ta’ aġenzija għall-ġestjoni ta’ l-attivitajiet tal-Kunsill Ewropew tar-Riċerka jkun ta’ vantaġġ kemm f’termini finanzjarji kif ukoll f’termini mhux finanzjarji.

(8)

L-Aġenzija għandha timplimenta l-baġit operattiv skond ir-Regolament tal-Kummissjoni (KE) Nru 1653/2004 tal-21 ta’ Settembru 2004 li jistabbilixxi regolament standard finanzjarju għall-aġenziji eżekuttivi skond ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b’ċerti kompiti fit-tmexxija tal-programmi tal-Komunità (5).

(9)

Il-miżuri previsti f’din id-deċiżjoni huma skond l-opinjoni tal-Kumitat għall-Aġenziji Eżekuttivi,

—

il-ġestjoni ta’ fażijiet tul il-ħajja ta’ proġetti speċifiċi – kif stabbilit fid-deċiżjoni li tiddelega l-poteri lil din l-Aġenzija – fil-kuntest ta’ l-implimentazzjoni tal-Programm Speċifiku Ideat abbażi tad-Deċiżjoni tal-Kunsill 2006/972/KE (6) u l-programm ta’ ħidma li ġew adottati mill-Kummissjoni, kif ukoll il-kontrolli meħtieġa għal dak il-għan, u biex tadotta d-deċiżjonijiet rilevanti kull fejn il-Kummissjoni tagħtiha s-setgħa biex tagħmel dan;

—

l-adozzjoni ta’ l-istrumenti għall-eżekuzzjoni tal-baġit għad-dħul u l-ħruġ u l-implimentazzjoni, fil-każi fejn il-Kummissjoni tagħtiha s-setgħa li tagħmel dan, ta’ kull operazzjoni meħtieġa għat-tmexxija tal-Programm Speċifiku Ideat u, b’mod partikolari, dawk marbuta ma’ l-għoti tal-kuntratti u ta’ għotjiet;

—

il-ġbir, l-analizi, u t-trasferiment lill-Kummissjoni u lill-Kunsill Xjentifiku ta’ kull informazzjoni meħtieġa għall-gwida ta’ l-implimentazzjoni tal-programm Komunitarju.

12.1.2008   

MT

Il-Ġurnal Uffiċjali ta’ l-Unjoni Ewropea

L 9/18

(1)

Fit-12 ta’ Ġunju 2007, il-Kunsill adotta l-Azzjoni Konġunta 2007/405/PESK dwar il-missjoni tal-pulizija ta' l-Unjoni Ewropea fil-qasam tar-riforma tas-settur tas-sigurtà (RSS) u r-relazzjoni tagħha mas-sistema tal-ġustizzja fir-Repubblika Demokratika tal-Kongo (EUPOL RD Congo) (1) għal durata inizjali ta' sena. Il-missjoni tnediet fl-1 ta’ Lulju 2007.

(2)

Fit-18 ta’ Ġunju 2007, il-Kunsill approva Linji Gwida għall-Istruttura ta' Kmand u Kontroll għall-Operazzjonijiet Ċivili ta' l-UE fl-Immaniġġar ta' Kriżijiet. Dawk il-Linji Gwida jipprevedu fost l-oħrajn li Kmandant ta' Operazzjoni Ċivili ser jeżerċita kmand u kontroll f'livell strateġiku għall-ippjanar u t-tmexxija ta' l-operazzjonijiet ċivili kollha ta' l-immaniġġar ta' kriżijiet, taħt il-kontroll politiku u d-direzzjoni strateġika tal-Kumitat Politiku u ta' Sigurtà u l-awtorità ġenerali tas-Segretarju Ġenerali/Rappreżentant Għoli għall-PESK (SĠ/RGħ). Dawk il-Linji Gwida jipprevedu wkoll li d-Direttur tal-Kapaċità Ċivili ta' l-Ippjanar u t-Tmexxija (CPCC) stabbilita fis-Segretarjat tal-Kunsill, ser ikun il-Kmandant ta' l-Operazzjonijiet Ċivili għal kull operazzjoni ċivili ta' maniġġar ta' kriżijiet.

(3)

L-Istruttura ta' Kmand u Kontroll imsemmija hawn fuq hija mingħajr preġudizzju għar-responsabbilta' kuntrattwali tal-Kap tal-Missjoni lejn il-Kummissjoni għall-implimentazzjoni tal-baġit tal-Missjoni.

(4)

Il-Kapaċità ta' l-Għassa stabbilita fis-Segretarjat tal-Kunsill għandha tiġi attivata għal din il-Missjoni.

(5)

L-Azzjoni Konġunta 2007/405/PESK għandha tiġi emendata opportunament,

(1)

Għandu jiddaħħal Artikolu 3a ġdid:

“Artikolu 3a

Kmandant ta' l-Operazzjoni Ċivili

1.   Id-Direttur tal-Kapaċità Ċivili ta' l-Ippjanar u t-Tmexxija (CPCC) għandu jkun il-Kmandant ta' l-Operazzjoni Ċivili għall-EUPOL RD Congo.

2.   Il-Kmandant ta' l-Operazzjoni Ċivili għandu jeżerċita kmand u kontroll ta' l-EUPOL RD Congo fil-livell strateġiku taħt il-kontroll politiku u d-direzzjoni strateġika tal-Kumitat Politiku u ta' Sigurtà (KPS) u l-awtorità ġenerali tas-SĠ/RGħ.

3.   Il-Kmandant ta' l-Operazzjoni Ċivili għandu jiżgura implimentazzjoni adatta u effettiva tad-deċiżjonijiet tal-Kunsill kif ukoll tad-deċiżjonijiet tal-KPS, b' mod partikolari bil-ħruġ ta' struzzjonijiet f'livell strateġiku kif meħtieġ lill-Kap tal-Missjoni.

4.   Il-persunal kollu sekondat għandu jibqa' taħt il-kmand sħiħ ta' l-awtoritajiet nazzjonali ta' l-Istat emittenti jew ta' l-istituzzjoni ta' l-UE. L-awtoritajiet nazzjonali għandhom jittrasferixxu l-Kontroll Operattiv (OPCON) tal-persunal, l-iskwadri u l-unitajiet tagħhom lill-Kmandant ta' l-Operazzjoni Ċivili.

5.   Il-Kmandant ta' l-Operazzjoni Ċivili għandu jkollu r-responsabbiltà ġenerali biex jiżgura li d-dmir ta' diliġenza ta' l-UE jiġi attwat b'mod adatt.

6.   Il-Kmandant ta' l-Operazzjoni Ċivili u r-RSUE għandhom jikkonsultaw lil xulxin kif meħtieġ.”;

(2)

Il-paragrafi 2 sa 8 ta' l-Artikolu 5 għandhom jinbidlu b'dawn li ġejjin:

“2.   Il-Kap tal-Missjoni għandu jieħu r-responsabbiltà u jeżerċita kmand u kontroll tal-missjoni fuq il-post ta' l-operazzjoni.

3.   Il-Kap tal-Missjoni għandu jeżerċita kmand u kontroll fuq il-persunal, l-iskwadri u l-unitajiet minn Stati kontribwenti kif inkarigat mill-Kmandant ta' l-Operazzjoni Ċivili flimkien mar-responsabbiltà amministrattiva u loġistika rigward l-assi, ir-riżorsi u l-informazzjoni li qegħdin għad-dispożizzjoni tal-missjoni.

4.   Il-Kap tal-Missjoni għandu jagħti istruzzjonijiet lill-persunal kollu tal-missjoni, għat-tmexxija effettiva ta' l-EUPOL RD Congo fil-post ta' l-operazzjoni, jassumi l-koordinazzjoni u l-amministrazzjoni ta' kuljum tagħha, billi jsegwi l-istruzzjonijiet f'livell strateġiku tal-Kmandant ta' l-Operazzjoni Ċivili.

5.   Il-Kap tal-Missjoni għandu jkun responsabbli għall-implimentazzjoni tal-baġit tal-Missjoni. Għal dan il-fini, il-Kap tal-Missjoni għandu jiffirma kuntratt mal-Kummissjoni.

6.   Il-Kap tal-Missjoni għandu jkun responsabbli għall-kontroll dixxiplinarju rigward il-persunal. Għall-persunal issekondat, l-azzjoni dixxiplinarja għandha tiġi eżerċitata mill-awtorità nazzjonali jew ta' l-UE konċernata.

7.   Il-Kap tal-Missjoni għandu jirrappreżenta lill-EUPOL RD Congo fiż-żona ta' l-operazzjonijiet u għandu jiżgura l-viżibbiltà adegwata tal-Missjoni.

8.   Il-Kap tal-Missjoni għandu jikkoordina, kif adatt, ma' atturi ta' l-UE oħrajn fuq il-post. Mingħajr preġudizzju għal-linja ta' kmand, il-Kap tal-Missjoni għandu jirċievi gwida politika lokali mir-RSUE.”;

(3)

Il-paragrafu 3 ta' l-Artikolu 6 għandu jinbidel b'dan li ġej:

“3.   Il-persunal kollu għandu jwettaq id-doveri tiegħu u jaġixxi fl-interess tal-Missjoni. Il-persunal kollu għandu jirrispetta l-prinċipji tas-sigurtà u l-istandards minimi stabbiliti mid-Deċiżjoni tal-Kunsill 2001/264/KE tad-19 ta’ Marzu 2001 li tadotta r-regolamenti ta' sigurtà tal-Kunsill (*).

(*)  ĠU L 101, 11.4.2001, p. 1. Id-Deċiżjoni kif emendata bid-Deċiżjoni 2007/438/KE (ĠU L 164, 26.6.2007, p. 24).”;"

(4)

L-Artikolu 7 għandu jinbidel b’dan li ġej:

“Artikolu 7

Linja ta' Kmand

1.   L-EUPOL RD Congo għandu jkollha linja ta' kmand unifikata, bħala operazzjoni ta' maniġġar tal-kriżijiet.

2.   Taħt ir-responsabbiltà tal-Kunsill, il-Kumitat Politiku u ta' Sigurtà ser jeżerċita l-kontroll politiku u d-direzzjoni strateġika ta' l-EUPOL RD Congo.

3.   Il-Kmandant ta' l-Operazzjoni Ċivili, taħt il-kontroll politiku u d-direzzjoni strateġika tal-KPS u l-awtorità ġenerali tas-SĠ/RGħ, għandu jkun il-kmandant ta' l-EUPOL RD Congo f'livell strateġiku u, bħala tali, għandu joħroġ struzzjonijiet lill-Kap tal-Missjoni u jipprovdilu konsulenza u appoġġ tekniku.

4.   Il-Kmandant ta' l-Operazzjoni Ċivili għandu jirrapporta lill-Kunsill permezz tas-SĠ/RGħ.

5.   Il-Kap tal-Missjoni għandu jeżerċita kmand u kontroll fuq l-EUPOL RD Congo fuq il-post ta' l-operazzjoni u għandu jkun direttament responsabbli lejn il-Kmandant ta' l-Operazzjoni Ċivili.”;

(5)

L-Artikolu 8 għandu jinbidel b’dan li ġej:

“Artikolu 8

Kontroll politiku u direzzjoni strateġika

1.   Il-KPS għandu jeżerċita, taħt ir-responsabbiltà tal-Kunsill, il-kontroll politiku u d-direzzjoni strateġika tal-missjoni. Il-Kunsill b'dan jawtorizza lill-KPS sabiex jieħu d-deċiżjonijiet rilevanti għal dak il-fini skond l-Artikolu 25 tat-Trattat dwar l-Unjoni Ewropea. Din l-awtorizzazzjoni għandha tinkludi s-setgħat ta' l-emendament ta' l-OPLAN. Għandha tinkludi wkoll is-setgħat li jittieħdu deċiżjonijiet sussegwenti rigward il-ħatra tal-Kap tal-Missjoni. Is-setgħat ta’ deċiżjoni fir-rigward ta’ l-objettivi u t-tmiem tal-missjoni għandhom jibqgħu f’idejn il-Kunsill.

2.   Il-KPS għandu jirrapporta lill-Kunsill f’intervalli regolari.

3.   Il-KPS għandu jirċievi fuq bażi regolari u kif meħtieġ rapporti mill-Kmandant ta' l-Operazzjoni Ċivili u l-Kap tal-Missjoni dwar kwistjonijiet fl-oqsma tar-responsabbiltà tagħhom.”;

(6)

L-Artikolu 14 għandu jinbidel b’dan li ġej:

“Artikolu 14

Sigurtà

1.   Il-Kmandant ta' l-Operazzjoni Ċivili għandu jidderieġi l-ippjanar tal-miżuri ta' sigurtà tal-Kap tal-Missjoni u jiżgura l-implimentazzjoni adatta u effettiva tagħhom għall-EUPOL RD Congo skond l-Artikoli 3a u 7, f'koordinazzjoni ma' l-Uffiċċju ta' Sigurtà tal-Kunsill.

2.   Il-Kap tal-Missjoni għandu jkun responsabbli għas-sigurtà ta' l-operazzjoni u sabiex jiżgura konformità ma' ħtiġiet minimi ta' sigurtà applikabbli għall-operazzjoni, f'konformità mal-politika ta' l-Unjoni Ewropea dwar is-sigurtà tal-persunal skjerat barra l-UE f'kapaċità operattiva taħt it-Titolu V tat-Trattat dwar l-Unjoni Ewropea u l-istrumenti ta' appoġġ tiegħu.

3.   Il-Kap tal-Missjoni għandu jkun assistit minn Uffiċjal tas-Sigurtà tal-Missjoni (MSO), li jirrapporta lill-Kap tal-Missjoni u jżomm ukoll relazzjoni funzjonali mill-qrib ma' l-Uffiċċju ta' Sigurtà tal-Kunsill.

4.   Il-persunal ta' l-EUPOL RD Congo għandu jgħaddi minn taħriġ obbligatorju ta' sigurtà qabel id-dħul tiegħu fil-funzjoni, f'konformità ma' l-OPLAN. Għandu jingħatalu wkoll taħriġ regolari ta' aġġornament fuq il-post, organizzat mill-MSO.”;

(7)

L-Artikolu ġdid 14a għandu jiddaħħal:

“Artikolu 14a

Għassa

Il-Kapaċità ta' l-Għassa għandha tiġi attivata għall-EUPOL RD Congo.”;

(8)

Għandu jiżdied il-paragrafu li jmiss ma' l-Artikolu 17:

“Id-Deċiżjonijiet tal-KPS skond l-Artikolu 8(1), fir-rigward tal-ħatra tal-Kap tal-Missjoni għandhom ukoll jiġu ppubblikati fil-Ġurnal Uffiċjali ta' l-Unjoni Ewropea.”.

12.1.2008   

MT

Il-Ġurnal Uffiċjali ta’ l-Unjoni Ewropea

L 9/21

(1)

Il-Konvenzjoni mfassla fuq il-bażi ta’ l-Artikolu K.3 tat-Trattat ta’ l-Unjoni Ewropea, dwar l-għajnuna reċiproka u l-koperazzjoni bejn l-amministrazzjonijiet doganali (2) (minn hawn 'il quddiem imsejħa “l-Konvenzjoni”) ġiet iffirmata fi Brussell fit-18 ta’ Diċembru 1997 u tidħol fis-seħħ 90 jum wara n-notifika mill-Istat, Membru ta’ l-Unjoni Ewropea fiż-żmien ta’ l-adozzjoni mill-Kunsill ta’ l-Att li jfassal din il-Konvenzjoni, li jkun l-aħħar wieħed li jwettaq dik il-formalità.

(2)

Konformement ma’ l-Artikolu 32(4) tal-Konvenzjoni, sa meta l-Konvenzjoni tidħol fis-seħħ, kull Stat Membru jista', meta jagħti n-notifika msemmija fl-Artikolu 32(2) tal-Konvenzjoni, jew fi kwalunkwe żmien ieħor wara dan, jiddikjara li f’dak li jirrigwarda lilu, il-Konvenzjoni għandha tapplika għar-relazzjonijiet tiegħu ma’ l-Istati Membri li għamlu l-istess dikjarazzjoni.

(3)

Wara l-adeżjoni tagħhom ma’ l-Unjoni Ewropea, ir-Repubblika Ċeka, l-Estonja, Ċipru, il-Latvja, il-Litwanja, l-Ungerija, il-Polonja, is-Slovenja u s-Slovakkja ddepożitaw l-istrumenti tagħhom ta’ adeżjoni mal-Konvenzjoni.

(4)

L-Artikolu 3(3) ta’ l-Att ta’ l-Adeżjoni ta’ 2005 jistipula li l-Bulgarija u r-Rumanija għandhom jaċċedu mal-konvenzjonijiet u protokolli konklużi bejn l-Istati Membri u elenkati fl-Anness I ma’ l-Att ta’ l-Adeżjoni, li jinkludi, inter alia, il-Konvenzjoni dwar l-għajnuna reċiproka u l-koperazzjoni bejn l-amministrazzjonijiet doganali. Dawk il-konvenzjonijiet u protokolli għandhom jidħlu fis-seħħ għall-Bulgarija u għar-Rumanija fid-data determinata mill-Kunsill.

(5)

Skond l-Artikolu 3 (4) ta’ l-Att ta’ l-Adeżjoni, il-Kunsill għandu jagħmel l-aġġustamenti kollha meħtieġa minħabba l-adeżjoni f’dawk il-konvenzjonijiet u protokolli,

12.1.2008   

MT

Il-Ġurnal Uffiċjali ta’ l-Unjoni Ewropea

L 9/23

(1)

Il-Konvenzjoni, imfassla abbażi ta’ l-Artikolu K.3 tat-Trattat dwar l-Unjoni Ewropea, dwar il-protezzjoni ta’ l-interessi finanzjarji tal-Komunitajiet Ewropej (2) (minn hawn 'il quddiem “il-Konvenzjoni”) saret fi Brussell fis-26 ta’ Lulju 1995 u daħlet fis-seħħ fis-17 ta’ Ottubru 2002.

(2)

Il-Konvenzjoni ġiet supplimentata mill-Protokoll, imfassal abbażi ta’ l-Artikolu K.3 tat-Trattat dwar l-Unjoni Ewropea, għall-Konvenzjoni dwar il-protezzjoni ta’ l-interessi finanzjarji tal-Komunitajiet Ewropej (3) (minn hawn 'il quddiem “il-Protokoll tas-27 ta’ Settembru 1996”) li sar fi Brussell fis-27 ta’ Settembru 1996, u l-Protokoll, imfassal abbażi ta’ l-Artikolu K.3 tat-Trattat dwar l-Unjoni Ewropea, dwar l-interpretazzjoni, permezz ta’ deċiżjonijiet preliminari, mill-Qorti tal-Ġustizzja tal-Komunitajiet Ewropej tal-Konvenzjoni dwar il-protezzjoni ta’ l-interessi finanzjarji tal-Komunitajiet Ewropej (4) (minn hawn 'il quddiem magħruf bħala “il-Protokoll tad-29 ta’ Novembru 1996”) li sar fi Brussell fid-29 ta’ Novembru 1996. Iż-żewġ Protokolli daħlu fis-seħħ fis-17 ta’ Ottubru 2002.

(3)

Il-Konvenzjoni ġiet ulterjorment supplimentata mit-Tieni Protokoll, imfassal abbażi ta’ l-Artikolu K.3 tat-Trattat dwar l-Unjoni Ewropea, għall-Konvenzjoni dwar il-protezzjoni ta’ l-interessi finanzjarji tal-Komunitajiet Ewropej (5) (minn hawn 'il quddiem “it-Tieni Protokoll tad-19 ta’ Ġunju 1997”) li sar fi Brussell fid-19 ta’ Ġunju 1997, iżda li għadu ma daħalx fis-seħħ.

(4)

L-Artikolu 3(3) ta’ l-Att ta’ l-Adeżjoni ta’ l-2005 jipprovdi li l-Bulgarija u r-Rumanija jaderixxu mal-konvenzjonijiet u l-protokolli elenkati fl-Anness I ma’ l-Att ta’ l-Adeżjoni, li jinkludu fost oħrajn il-Konvenzjoni, il-Protokoll tas-27 ta’ Settembru 1996, il-Protokoll tad-29 ta’ Novembru 1996 u t-Tieni Protokoll tad-19 ta’ Ġunju 1997. Il-konvenzjonijiet u l-protokolli elenkati fl-Anness I ma’ l-Att ta’ l-Adeżjoni ta’ l-2005 għandhom jidħlu fis-seħħ fir-rigward tal-Bulgarija u tar-Rumanija fid-data li tiġi determinata mill-Kunsill,