4.1.2008   

MT

Il-Ġurnal Uffiċjali ta’ l-Unjoni Ewropea

L 1/1

(1)

Ir-Regolament (KE) Nru 1784/2003 tal-Kunsill tad-29 ta’ Settembru 2003 rigward l-organizzazzjoni komuni tas-swieq fis-settur taċ-ċereali (1) jistipula skema ta’ protezzjoni fir-rigward ta’ l-effetti negattivi eventwali ta’ l-importazzjoni, li l-għan tagħhom huwa partikolarment li jistabblizza s-suq Komunitarju.

(2)

B’mod ġenerali, ir-rati tad-dazji tad-dwana applikabbli għall-prodotti agrikoli skond il-ftehim ta’ l-Organizzazzjoni Dinjija tal-Kummerċ (WTO) huma ffissati fit-tariffa tad-dwana komuni. Madankollu, għal ċerti ċereali, l-importazzjonijiet imwettqa fil-qafas tal-kwoti tariffarji li ġejjin mill-ftehim internazzjonali konklużi skond it-Trattat, jew li jirriżultaw minn atti oħrajn tal-Kunsill huma sottoposti għal dazji speċifiċi.

(3)

It-talba dinjija tinsab f’sitwazzjoni ta’ żieda strutturali marbuta mat-titjib fil-livell tal-ħajja fil-pajjiżi emerġenti, kif ukoll ma’ l-iżvilupp tal-produzzjoni ta’ bijokarburanti, il-ħażniet dinjin taċ-ċereali fit-tmiem tas-sena finanzjarja 2007/2008 qed jonqsu għat-tielet sena konsekuttiva u ser ikollhom jistabbilixxu ruħhom għall-aktar livell dgħajjef sa mis-sena finanzjarja 1979/1980. F’tali kuntest, il-prezzijiet fis-suq taċ-ċereali dinjin iġġeneraw żieda qawwija sa mill-bidu tas-sena finanzjarja 2007/2008, b’żjidiet ta’ 50 % f’dak li jikkonċerna l-qamħ, ta’ 30 % f’dak li jikkonċerna x-xgħir u ta’ 20 għal 30 % f’dak li jikkonċerna l-qamħirrum.

(4)

Minħabba l-kundizzjonijiet klimatiċi mhux favorevoli fil-parti l-kbira ta’ l-Istati Membri, il-produzzjoni taċ-ċereali tas-sena finanzjarja 2007/2008 hija stmata għal 258 miljun tunnellata, jiġifieri tnaqqis ta’ 8 miljun tunnellata (3 %) meta mqabbla mal-ħsad tas-sena finanzjarja 2006/2007 li diġà kienet limitata. Dan it-tnaqqis fil-produzzjoni Komunitarja jikkonċerna b’mod aktar partikolari l-qamħ u l-qamħirrum, imma għandu effetti fuq is-settur taċ-ċereali kollu, li jġib diffikultajiet għal tqassim ta’ provvista ekwilibrata tas-suq Komunitarju. Dan in-nuqqas ta’ ekwilibriju jikkonċerna partikolarment iċ-ċereali ta’ l-għalf minħabba differenzi nnutati bejn ir-reġjuni differenti tal-Komunità, f’termini ta’ kwalità u ta’ kwantitajiet ta’ ċereali prodotti u ta’ modifiki fl-aġir ta’ l-operaturi fl-użu ta’ ċereali differenti disponibbli, li jiġu minnhom. Dan it-tnaqqis globali fi-produzzjoni ma jistax min-naħa l-oħra jiġi kumpensat miż-żieda tassew lokalizzata tal-produzzjoni tax-xgħir, ta’ segala u ta’ ħafur innutata.

(5)

Is-swieq taċ-ċereali Komunitarji rreġistraw titjib spettakolari tal-prezzijiet fis-suq sa mil-bidu tas-sena finanzjarja 2007/2008. Iż-żieda hija sostanzjali kemm b’mod nominali, u kemm meta titqies il-varjazzjoni eċċezzjonalment għolja li teżisti bejn il-prezzijiet fis-suq u l-prezz ta’ l-intervent. Is-sitwazzjoni tapplika kemm għaċ-ċereali tat-tiben u kemm għall-qamħirrum. Mill-bidu tas-sena finanzjarja 2007/2008, il-prezz tal-qamħ għat-tħin f’Rouen tela’ minn 179 EUR/t għal kważi 300 EUR/t fil-bidu tax-xahar ta’ Settembru 2007 fil-waqt li l-prezz tax-xgħir għal-għalf f’Rouen żdied b’aktar mid-doppju meta mqabbel mas-sajf 2006, u tela’ sa 270 EUR/t fit-tmiem tax-xahar ta’ Settembru 2007. Ix-xgħir għall-immaltjar (malting) irreġistra wkoll żieda qawwija billi tela’ għal kważi 310 EUR/t fit-tmiem tax-xahar ta’ Settembru 2007. Il-qamħirrum Franċiż minn Bayonne segwa l-istess tendenza u tela’ minn 183 EUR/t fil-bidu tas-sena finanzjarja biex laħaq, fl-aqwa tiegħu, prezz ta’ 255 EUR/t f’nofs Settembru 2007. Sitwazzjoni bħal din hija l-konsegwenza tad-disponibbiltajiet Komunitarji mnaqqsa tal-qamħ u tal-qamħirrum, tar-riżultati kwalitattivi medji u ta’ żieda fil-ħażniet Komunitarji ta’ intervent li fil-fatt huma inferjuri għal 500 000 tunnellata.

(6)

Bħala reazzjoni għal din is-sitwazzjoni ta’ tensjoni qawwija fuq is-swieq, jaqbel li tiġi favorita l-għotja ta’ provvisti lis-suq Komunitarju taċ-ċereali u li tiġi stipulata għalhekk sospensjoni tad-dazji tad-dwana għall-importazzjoni għal ċerti ċereali kemm bħala kwoti tariffarji b’ dazju mnaqqas u kemm fil-qafas ta’ l-importazzjonjiet ta’ dazju komuni. Madankollu jaqbel li l-applikazzjoni ta’ tali miżura tiġi limitata għas-sena finanzjarja ta’ bejgħ 2007/2008.

(7)

Din il-miżura trid, min-naħa l-oħra, tkun tista’ titneħħa mingħajr dewmien f’każ ta’ tfixkil jew ta’ theddid ta’ tfixkil fuq is-suq tal-Komunità. Għalhekk, tista’ tkun prevista l-possibbiltà, għall-Kummissjoni, li tieħu miżuri xierqa mingħajr dewmien sabiex tistabbilixxi mill-ġdid id-dazji tad-dwana, sakemm dan ikun ġustifikat mis-sitwazzjoni tas-suq, u li tiddetermina l-kriterji li skondhom din is-sitwazzjoni trid tiġi meqjusa bħala tali.

(8)

Dawn il-miżuri jridu jitwaqqfu skond id-deċiżjoni 1999/468/KE tal-Kunsill tat-28 ta’ Ġunju 1999 li tistabbilixxi t-termini ta’ l-eżerċizzju ta’ twettiq mogħtija lill-Kummissjoni (2),

4.1.2008   

MT

Il-Ġurnal Uffiċjali ta’ l-Unjoni Ewropea

L 1/3

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 3223/94 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

4.1.2008   

MT

Il-Ġurnal Uffiċjali ta’ l-Unjoni Ewropea

L 1/5

(1)

Id-Direttiva 91/414/KEE tipprovdi għall-iżvilupp ta’ lista Komunitarja ta’ sustanzi attivi awtorizzati għall-inkorporazzjoni fil-prodotti għall-ħarsien tal-pjanti.

(2)

Dokument għas-sustanza attiva Ipconazole kien ippreżentat minn Kureha GmbH li tar-Renju Unit fit-30 ta’ Marzu 2007 b’applikazzjoni għall-kisba ta’ l-inklużjoni tagħha fl-Anness I għad-Direttiva 91/414/KEE. Dwar il-maltodextrin il-Biological Crop Protection Ltd. kienet ressqet dokument lill-awtoritajiet tar-Renju Unit fit-2 ta’ Lulju 2007, flimkien ma’ applikazzjoni biex din is-sustanza tiddaħħal fl-Anness I għad-Direttiva 91/414/KEE.

(3)

L-awtoritajiet tar-Renju Unit indikaw lill-Kummissjoni li, fuq eżami preliminari, id-dokumenti għas-sustanzi attivi kkonċernati jidhru li jissodisfaw il-ħtiġiet tad-dettalji u l-informazzjoni stabbiliti fl-Anness II għad-Direttiva 91/414/KEE. Id-dokumenti li tressqu jidhru wkoll li jissodisfaw ir-rekwiżiti tad-data u l-informazzjoni stipulati fl-Anness III tad-Direttiva 91/414/KEE fir-rigward ta’ prodott wieħed għall-protezzjoni tal-pjanti li fih is-sustanza attiva kkonċernata. Skond l-Artikolu 6(2) għad-Direttiva 91/414/KEE, id-dokumenti sussegwentement intbagħtu mill-applikant lill-Kummissjoni u Stati Membri oħra, u ġew riferuti lill-Kumitat Permanenti dwar il-Katina Alimentari u s-Saħħa ta’ l-Annimali.

(4)

B’din id-Deċiżjoni għandu jiġi kkonfermat b’mod formali fil-livell Komunitarju li d-dokumenti jitqiesu li jissodisfaw fil-prinċipju r-rekwiżiti tad-data u l-informazzjoni stipulati fl-Anness II u, għall-inqas għal prodott wieħed għall-protezzjoni tal-pjanti li fih is-sustanza attiva kkonċernata, ir-rekwiżiti stabbiliti fl-Anness III għad-Direttiva 91/414/KEE.

(5)

Din id-Deċiżjoni m’ għandhiex tippreġudika d-dritt tal-Kummissjoni li titlob lill-applikant jippreżenta data jew tagħrif ulterjuri sabiex jiċċara ċerti punti fid-dokument.

(6)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

4.1.2008   

MT

Il-Ġurnal Uffiċjali ta’ l-Unjoni Ewropea

L 1/7

(1)

Bis-saħħa ta’ l-Artikolu 1 tad-Deċiżjoni tal-Kunsill 2007/503/KE ta’ l-10 ta’ Lulju 2007 skond l-Artikolu 122(2) tat-Trattat dwar l-adozzjoni minn Ċipru tal-munita waħda ta’ l-1 ta’ Jannar 2008 (1) u l-Artikolu 1 tad-Deċiżjoni tal-Kunsill 2007/504/KE ta’ l-10 ta’ Lulju 2007 skond l-Artikolu 122(2) tat-Trattat dwar l-adozzjoni minn Malta tal-munita waħda fl-1 Jannar 2008 (2), Ċipru u Malta jissodisfaw il-kundizzjonijiet meħtieġa għall-adozzjoni ta’ l-ewro u d-derogi mogħtija lil dawn l-Istati Membri skond l-Artikolu 4 ta’ l-Att ta’ l-Adeżjoni (3) ser jiġu rrevokati b’effett mill-1 ta’ Jannar 2008.

(2)

L-Artikolu 1(d) tad-Deċiżjoni BĊE/2001/15 dwar il-ħruġ ta’ karti tal-flus ewro (4) jiddefinixxi l-“iskema ta’ allokazzjoni ta’ karti tal-flus” u jirreferi għall-Anness ma’ dik id-Deċiżjoni, li jispeċifika l-iskema ta’ allokazzjoni ta’ karti tal-flus applikabbli mill-1 ta’ Jannar 2007. Billi Ċipru u Malta ser jadottaw l-ewro fl-1 ta’ Jannar 2008, id-Deċiżjoni BĊE/2001/15 għandha tiġi emendata sabiex tiġi ddeterminata l-iskema ta’ allokazzjoni ta’ karti tal-flus li tapplika mill-1 ta’ Jannar 2008,

(1)

L-aħħar sentenza ta’ l-Artikolu 1(d) hija sostitwita b’li ġej:

“L-Anness ma’ din id-Deċiżjoni jispeċifika l-iskema ta’ allokazzjoni ta’ karti tal-flus li tapplika mill-1 ta’ Jannar 2008.”;

(2)

L-Anness mad-Deċiżjoni BĊE/2001/15 huwa sostitwit bit-test stabbilit fl-Anness ma’ din id-Deċiżjoni.