27.12.2007   

MT

Il-Ġurnal Uffiċjali ta’ l-Unjoni Ewropea

L 343/1

(1)

Fil-perċezzjoni taċ-ċittadini ta' l-UE, il-klieb u l-qtates huma kkunsidrati bħala annimali domestiċi u għalhekk m'huwiex aċċettabbli li jintuża l-pil tagħhom jew prodotti li jkun fihom pil ta' din ix-xorta. Teżisti evidenza tal-preżenza fil-Komunità ta' pil tal-qtates u tal-klieb u ta' prodotti li għandhom pil ta' din ix-xorta mingħajr tikketta. B’ konsegwenza, il-konsumaturi huma kkonċernati dwar il-possibbiltà li jistgħu jkunu qed jixtru pil tal-qtates u tal-klieb u prodotti li jkollhom pil ta' din ix-xorta. Fit-18 ta' Diċembru 2003 (3), il-Parlament Ewropew adotta dikjarazzjoni li fiha jesprimi t-tħassib tiegħu dwar il-kummerċ fil-pil u l-prodotti ta' din ix-xorta u jitlob li dan jintemm sabiex tiġi akkwistata mill-ġdid il-fiduċja tal-konsumaturi u l-bejjiegħa bl-imnut ta' l-UE. Fil-laqgħat tiegħu tas-17 ta' Novembru 2003 u tat-30 ta' Mejju 2005, il-Kunsill għall-Agrikultura u s-Sajd enfasizza wkoll il-ħtieġa li jiġu adottati regoli dwar il-kummerċ fil-pil tal-qtates u tal-klieb u fi prodotti li jkun fihom pil ta' din ix-xorta malajr kemm jista' jkun.

(2)

Huwa xieraq li jiġi ċċarat li pil ta' l-ispeċi ta' klieb u qtates domestiċi biss għandhom jaqgħu fl-ambitu ta' dan ir-Regolament. Madankollu, billi huwa xjentifikament impossibbli li ssir distinzjoni bejn il-pil ta' qattus domestiku u dak ta' subspeċi ta' qtates mhux domestiċi, għandha tiġi adottata f'dan ir-Regolament definizzjoni ta' qtates bħala “felis silvestris” li tinkludi wkoll qtates ta' subspeċi mhux domestika.

(3)

Bi tweġiba għat-tħassib tal-konsumaturi, diversi Stati Membri adottaw leġiżlazzjoni li l-għan tagħha hu li ma tħallix isseħħ il-produzzjoni u t-tqegħid fis-suq tal-pil tal-qtates u tal-klieb.

(4)

Jeżistu differenzi bejn id-dispożizzjonijiet ta' l-Istati Membri li jirregolaw il-kummerċ, l-importazzjoni, il-produzzjoni u l-ittikkettar tal-pil u tal-prodotti tal-pil bl-għan li pil tal-qtates u tal-klieb ma jitħalliex jitqiegħed fis-suq jew inkella jiġi użat għal finijiet kummerċjali. Filwaqt li xi Stati Membri adottaw projbizzjoni totali tal-produzzjoni ta' pil mill-qtates u l-klieb bil-projbizzjoni tat-trobbija jew tal-qtil ta' annimali ta' din ix-xorta għal finijiet ta' produzzjoni ta' pil, oħrajn adottaw restrizzjonijiet għall-produzzjoni u għall-importazzjonijiet tal-pil u tal-prodotti li għandhom pil ta' din ix-xorta. F'xi Stati Membri ġew introdotti rekwiżiti ta' tikkettar. L-għarfien miżjud taċ-ċittadini dwar il-kwistjoni probabbilment li jwassal biex aktar Stati Membri jadottaw miżuri aktar restrittivi fil-livell nazzjonali.

(5)

B'riżultat ta' dan, ċerti negozjanti tal-pil fl-UE, introduċew kodiċi ta' kondotta volontarju biex jitwaqqaf in-negozju fil-pil tal-qtates u tal-klieb u ta' prodotti li għandhom pil ta' din ix-xorta. Madankollu, irriżulta li dan il-kodiċi ma kienx biżżejjed biex jiġu evitati l-importazzjoni u l-bejgħ ta' pil tal-qtates u tal-klieb, b'mod partikulari fejn in-negozjanti tal-pil jinnegozjaw pil li l-ispeċi ta' oriġini tiegħu ma tkunx indikata u ma tkunx tingħaraf faċilment, jew jixtru prodotti li għandhom pil ta' din ix-xorta u jiffaċċaw ir-riskju li l-prodotti in kwistjoni jew ma jistgħux jiġu kkummerċjalizzati legalment f'wieħed jew f'aktar mill-Istati Membri, jew li l-kummerċ f'wieħed jew f'aktar mill-Istati Membri ikun soġġett għal rekwiżiti addizzjonali li l-għan tagħhom hu li jitwaqqaf l-użu tal-pil tal-qtates u tal-klieb.

(6)

Id-differenzi bejn il-miżuri nazzjonali fir-rigward tal-pil tal-qtates u tal-klieb jikkostitwixxu ostakoli għal kummerċ tal-pil in ġenerali. Dawn il-miżuri jimpedixxu l-funzjonament mingħajr xkiel tas-suq intern peress li l-eżistenza ta' diversi rekwiżiti legali jxekklu l-produzzjoni tal-pil b'mod ġenerali u jagħmluha aktar diffiċli għal pil li hu importat jew prodott legalment fil-Komunità biex jiċċirkola b'mod liberu fil-Komunità. Id-diversi rekwiżiti legali fl-Istati Membri jwasslu biex in-negozjanti tal-pil ikollhom piżijiet u spejjeż addizzjonali.

(7)

Barra minn hekk, il-pubbliku huwa konfuż bid-diversità ta' rekwiżiti legali li hemm fl-Istati Membri differenti, li fiha nnifisha toħloq xkiel għall-kummerċ.

(8)

Il-miżuri pprovduti f'dan ir-Regolament għandhom għalhekk jarmonizzaw ir-regoli fl-Istati Membri kollha rigward il-projbizzjoni tal-bejgħ, l-offerta għal bejgħ u d-distribuzzjoni ta' pil tal-qtates u tal-klieb u l-prodotti li għandom pil ta' din ix-xorta, u b'hekk ma jħallux li jseħħ it-tfixkil tas-suq intern għall-prodotti l-oħrajn kollha simili.

(9)

Biex tiġi eliminata l-frammentazzjoni attwali fis-suq intern jeħtieġ li jkun hemm armonizzazzjoni fejn l-istrument l-aktar effettiv u proporzjonat biex jilqa’ għal dawn l-ostakoli għall-kummerċ li jirriżultaw minn rekwiżiti diverġenti nazzjonali jkun il-projbizzjoni tat-tqegħid fis-suq u ta' l-importazzjoni fil-Komunità, jew l-esportazzjoni mill-Komunità, tal-pil tal-qtates u tal-klieb u tal-prodotti li għandom pil ta' din ix-xorta.

(10)

Ir-rekwiżit ta' tikkettar ma jkunx adattat biex jintlaħaq l-istess riżultat peress li dan jitfa’ biss piż sproporzjonat fuq il-kummerċ tal-ħwejjeġ, inkluż fuq negozjanti li jispeċjalizzaw fil-pil artifiċjali u jkun ukoll għali b'mod sproporzjonat f'każijiet fejn il-pil jirrappreżenta biss parti żgħira tal-prodott.

(11)

M'hemm l-ebda tradizzjoni li jitrabbew qtates u klieb għal finijiet tal-produzzjoni tal-pil fil-Komunità, għalkemm ġew innotati każijiet ta' manifattura ta' pil tal-qtates u tal-klieb. Fil-fatt jidher li l-maġġoranza kbira tal-prodotti tal-pil tal-qtates u tal-klieb preżenti fil-Komunità joriġinaw minn pajjiżi terzi. Għalhekk, sabiex tkun aktar effettiva, il-projbizzjoni ta' kummerċ intra-Komunitarju għandha tkun akkumpanjata bi projbizzjoni ta' importazzjonijiet ta' l-istess prodotti fi ħdan il-Komunità. Projbizzjoni ta' importazzjoni ta' din ix-xorta twieġeb ukoll għat-tħassib espress minn konsumaturi għall-introduzzjoni possibbli fil-Komunità ta' pil tal-qtates u l-klieb, speċjalment peress li hemm indikazzjonijiet li dawn l-annimali jistgħu jinżammu u jinqatlu b'mod inuman.

(12)

Il-projbizzjoni ta' esportazzjonijiet tiżgura wkoll li l-pil tal-qtates u l-klieb u l-prodotti li għandhom pil ta' din ix-xorta ma jiġux prodotti fil-Komunità għall-esportazzjoni.

(13)

Madankollu, huwa xieraq li tiġi pprovduta l-possibbiltà ta' derogi limitati minn din il-projbizzjoni ġenerali dwar it-tqegħid fis-suq u dwar l-importazzjoni fil-Komunità jew l- esportazzjoni mill-Komunità tal-pil tal-qtates u tal-klieb u ta' prodotti li għandhom pil ta' din ix-xorta. Dan bħal fil-każ rigward l-importazzjoni ta' pil ta' qtates u klieb li jitqiegħed fis-suq għal raġunijiet edukattivi jew raġunjiet ta' bbalzmar.

(14)

Ir-Regolament (KE) Nru 1774/2002 tal-Parlament Ewropew u tal-Kunsill (4) jistabbilixxi regoli rigward is-saħħa ta' l-annimali u s-saħħa pubblika għat-tqegħid fis-suq u għall-importazzjoni jew esportazzjoni ta' prodotti sekondarji ta' annimali, inkluż il-pil tal-qtates u l-klieb. Ikun xieraq għalhekk li jiġi ċċarat il-kamp ta' applikazzjoni ta' dan ir-Regolament li għandu jkun l-uniku att li japplika għat-tqegħid fis-suq u għall-importazzjoni jew esportazzjoni ta' pil ta' qtates u klieb f'kull fażi tal-produzzjoni, inkluż il-pil mhux proċessat. Madankollu, dan ir-Regolament m'għandux jaffettwa l-obbligi taħt ir-Regolament (KE) Nru 1774/2002 rigward ir-rimi ta' pil tal-qtates u tal-klieb għal raġunijiet ta' saħħa pubblika.

(15)

Il-miżuri biex jiġi pprojbit l-użu tal-pil tal-qtates u tal-klieb għal produzzjoni tal-pil għandhom jiġu infurzati b’ mod uniformi fil-Komunità kollha. Madankollu, it-tekniki użati attwalment biex jiġi identifikat il-pil tal-qtates u tal-klieb, bħalma huma l-analiżi tad-DNA, il-mikroskopija u l-Ispettrometru tal-Massa MALDI-TOF, ivarjaw minn Stat Membru għall-ieħor. Huwa xieraq li l-informazzjoni rigward teknika ta' din ix-xorta tkun disponibbli għall-Kummissjoni sabiex il-korpi ta' infurzar jinżammu aġġornati dwar l-innovazzjonijiet fil-qasam u sabiex jkunu jistgħu jiġu valutati l-possibbiltajiet biex tiġi preskritta teknika uniformi.

(16)

Il-miżuri neċessarji għall-implimentazzjoni ta' dan ir-Regolament għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għall-eżerċizzju tas-setgħat ta' implimentazzjoni konferiti fuq il-Kummissjoni (5).

(17)

B'mod partikulari il-Kummissjoni għandha tingħata s-setgħa biex tistabbilixxi metodi analitiċi biex tidentifika l-ispeċi ta' oriġini tal-pil u eċċezzjonalment biex tadotta miżuri li jidderogaw mill-projbizzjonijiet stabbiliti f'dan ir-Regolament. Ladarba dawk il-miżuri għandhom kamp ta' applikazzjoni ġenerali u huma mfassla biex jemendaw l-elementi mhux essenzjali ta' dan ir-Regolament, inkluż billi jissupplimentawh b'elementi mhux essenzjali ġodda, għandhom ikunu adottati skond il-proċedura regolatorja bi skrutinju msemmija fl-Artikolu 5a tad-Deċiżjoni 1999/468/KE.

(18)

L-Istati Membri għandhom jistabbilixxu regoli dwar il-penali applikabbli għall-ksur tad-dispożizzjonijiet ta' dan ir-Regolament u jiżguraw li dawn jiġu implimentati. Dawk il-penali għandhom ikunu effettivi, proporzjonati u dissważivi. B'mod partikulari, Stati Membri li jissekwestraw kunsinni ta' pil tal-qtates jew tal-klieb, konsegwentement għall-applikazzjoni ta' dan ir-Regolament, għandhom jadottaw liġijiet li jippermettu l-konfiska u l-qerda ta' kunsinni bħal dawn u għas-sospensjoni jew ir-revoka tal-liċenzji għall-importazzjoni jew l-esportazzjoni mogħtija lin-negozjanti kkonċernati. L-Istati Membri għandhom ikunu mħeġġa biex japplikaw sanzjonijiet kriminali fejn dan ikun possibbli taħt il-liġi nazzjonali.

(19)

Ladarba l-għan ta' dan ir-Regolament, jiġifieri l-eliminazzjoni ta' l-ostakoli fil-funzjonament tas-suq intern billi jiġu armonizzati fil-livell Komunitarju l-projbizzjonijiet nazzjonali li jikkonċernaw il-kummerċ tal-pil tal-qtates u tal-klieb u ta' prodotti li għandhom pil ta' din ix-xorta, ma jistax jinkiseb suffiċjentement mill-Istati Membri u għalhekk jista' jinkiseb aħjar fil-livell Komunitarju, il-Komunità tista' tadotta miżuri skond il-prinċipju ta' sussidjarjetà kif stabbilit fl-Artikolu 5 tat-Trattat. Skond il-prinċipju ta' proporzjonalità, kif stabbilit f'dan l-Artikolu, dan ir-Regolament ma jmurx lil hinn minn dak li huwa meħtieġ biex jintlaħaq dak l-għan,

1.

“qattus” tfisser kull annimal ta' l-ispeċi felis silvestris;

2.

“kelb” tfisser kull annimal tas-subspeċi canis lupus familiaris;

3.

“it-tqegħid fis-suq” tfisser iż-żamma ta' pil tal-qtates u/jew tal-klieb jew ta' prodotti oħra li għandhom pil ta' din ix-xorta għall-iskop ta' bejgħ, li jinkludi l-offerta għall-bejgħ, il-bejgħ u d-distribuzzjoni;

4.

“importazzjoni” tfisser ir-rilaxx għal ċirkolazzjoni libera skond it-tifsira ta' l-Artikolu 79 tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali Komunitarju (6), bl-eċċezzjoni ta' importazzjonijiet ta' natura mhux kummerċjali fis-sens ta' l-Artikolu 45(2)(b) tar-Regolament tal-Kunsill (KEE) Nru 918/83 tat-28 ta' Marzu 1983 li jistabbilixxi sistema ta' eżenzjonijiet minn dazji doganali (7);

5.

“esportazzjoni” tfisser proċedura ta' esportazzjoni li tippermetti l-ħruġ ta' prodotti mit-territorju tal-Komunità fis-sens ta' l-Artikolu 161 tar-Regolament (KEE) Nru 2913/92.

27.12.2007   

MT

Il-Ġurnal Uffiċjali ta’ l-Unjoni Ewropea

L 343/5

(1)

L-Artikolu 12 tar-Regolament (KE) Nru 2004/2003 tal-Parlament Ewropew u tal-Kunsill jipprevedi (2) li l-Parlament Ewropew għandu jippubblika rapport dwar l-applikazzjoni ta' dak ir-Regolament, inklużi – fejn ikun il-każ – emendi possibbli li għandhom isiru fis-sistema ta' finanzjament.

(2)

Fir-Riżoluzzjoni tiegħu tat-23 ta' Marzu 2006 dwar il-partiti politiċi Ewropej (3), il-Parlament Ewropew ikkonsidra li, fid-dawl ta' l-esperjenza miksuba mid-dħul tiegħu fis-seħħ fl-2004, ir-Regolament (KE) Nru 2004/2003 għandu jittejjeb fir-rigward ta' numru ta' diversi punti, li kollha għandhom l-għan ewlieni li jtejbu s-sitwazzjoni ta' finanzjament ta' dawn il-partiti politiċi u tal-fondazzjonijiet affiljati magħhom.

(3)

Huwa meħtieġ li jiġu stabbiliti dispożizzjonijiet li jipprovdu għajnuna finanzjarja għall-fondazzjonijiet politiċi f'livell Ewropew, billi fondazzjonijiet politiċi f'livell Ewropew affiljati mal-partiti politiċi f'livell Ewropew jistgħu permezz ta' l-attivitajiet tagħhom jgħinu u jsaħħu l-għanijiet tal-partiti politiċi f'livell Ewropew b'mod speċjali billi jikkontribwixxu għad-dibattitu dwar kwistjonijiet ta' politika pubblika Ewropea u dwar l-integrazzjoni Ewropea, anke billi jaġixxu bħala katalisti għall-ideat, għall-analiżi u għal għażliet politiċi ġodda. Din l-għajnuna finanzjarja għandha tiġi pprovduta fit-taqsima bit-titolu “Parlament” tal-baġit ġenerali ta' l-Unjoni Ewropea, kif inhu l-każ tal-partiti politiċi fil-livell Ewropew.

(4)

Jibqa' bħala għan importanti dak li tiġi żgurata l-parteċipazzjoni l-aktar estensiva possibbli taċ-ċittadini fil-ħajja demokratika ta' l-Unjoni Ewropea. F'dan il-kuntest, l-organizzazzjonijiet politiċi taż-żgħażagħ jista' jkollhom rwol speċjali fit-tkattir ta' interess fis-sistema politika ta' l-Unjoni Ewropea, u ta' konoxxenza konkreta dwarha, fost iż-żgħażagħ, billi b'mod attiv jippromwovu l-parteċipazzjoni tagħhom fl-attivitajiet demokratiċi fil-livell Ewropew.

(5)

Sabiex jittejbu l-kondizzjonijiet għall-finanzjament tal-partiti politiċi f'livell Ewropew, filwaqt li jiġu mħeġġa jiżguraw ippjanar finanzjarju adegwat għall-perijodu fit-tul, ir-rekwiżit minimu ta' kofinanzjament għandu jiġi aġġustat. L-istess livell ta' kofinanzjament għandu jkun meħtieġ għall-fondazzjonijiet politiċi f'livell Ewropew.

(6)

Bl-għan li tkompli tissaħħaħ u tiġi promossa n-natura Ewropea ta' l-elezzjonijiet tal-Parlament Ewropew, għandu jiġi stabbilit b'mod ċar li l-approprjazzjonijiet riċevuti mill-baġit ġenerali ta' l-Unjoni Ewropea jistgħu wkoll jintużaw sabiex jiġu finanzjati kampanji mmexxija mill-partiti politiċi f'livell Ewropew fil-kuntest ta' l-elezzjonijiet tal-Parlament Ewropew, sakemm dan ma jikkostitwixxix finanzjament dirett jew indirett tal-partiti politiċi jew tal-kandidati nazzjonali. Il-partiti politici f'livell Ewropew jaġixxu fil-kuntest ta' l-elezzjonijiet tal-Parlament Ewropew, b'mod partikolari sabiex jenfasizzaw il-karattru Ewropew ta' dawn l-elezzjonijiet. Konformement ma' l-Artikolu 8 ta' l-Att dwar l-elezzjoni tal-membri tal-Parlament Ewropew b'vot universali dirett, anness mad-Deċiżjoni tal-Kunsill 76/787/KEFA, KEE, Euratom (4), il-finanzjament, u l-limitazzjoni, ta' spejjeż elettorali fl-elezzjonijiet tal-Parlament Ewropew huma regolati f'kull Stat Membru minn dispożizzjonijiet nazzjonali. Il-liġi nazzjonali tapplika wkoll għal spejjeż elettorali f'elezzjonijiet nazzjonali u f'referenda,

1.

fl-Artikolu 2, għandhom jiżdiedu il-punti li ġejjin:

(*)  Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (ĠU L 248, 16.9.2002, p. 1). Regolament kif emendat l-aħħar bir-Regolament (KE) Nru 1525/2007 (ĠU L 343, 27.12.2007, p. 9)”;"

2.

fl-Artikolu 3, il-paragrafu waħdieni għandu jsir il-paragrafu 1 u għandhom jiżdiedu il-paragrafi li ġejjin:

“2.   Fondazzjoni politika f'livell Ewropew għandha tissodisfa l-kondizzjonijiet li ġejjin:

3.   Fi ħdan il-qafas ta' dan ir-Regolament, kull partit politiku u fondazzjoni f'livell Ewropew għandhom ir-responsabbiltà li jfissru l-modalitajiet speċifiċi għar-relazzjoni ta' bejniethom, skond il-liġi nazzjonali, inkluż grad adegwat ta' separazzjoni bejn l-amministrazzjoni ta' kuljum u kif ukoll l-istrutturi regolatorji tal-fondazzjoni politika f'livell Ewropew, minn naħa waħda, u l-partit politiku f'livell Ewropew li miegħu dik ta' l-ewwel tkun affiljata, min-naħa l-oħra.”;

3.

l-Artikolu 4 għandu jiġi emendat kif ġej:

4.

fl-Artikolu 5, għandhom jiżdiedu il-paragrafi li ġejjin:

“4.   Il-paragrafu 2 għandu japplika mutatis mutandis għall-fondazzjonijiet politiċi f'livell Ewropew.

5.   Jekk il-partit politiku f'livell Ewropew li miegħu tkun affiljata fondazzjoni politika f'livell Ewropew jitlef l-istatus tiegħu, il-fondazzjoni politika f'livell Ewropew in kwistjoni għandha tiġi eskluża mill-finanzjament taħt dan ir-Regolament.

6.   Jekk il-Parlament Ewropew isib li xi waħda mill-kondizzjonijiet imsemmija fl-Artikolu 3(2)(ċ) m'għadhiex tkun sodisfatta, il-fondazzjoni politika f'livell Ewropew in kwistjoni għandha tiġi eskluża mill-finanzjament taħt dan ir-Regolament.”;

5.

L-Artikoli 6, 7 u 8 għandhom jiġu sostitwiti minn dawn li ġejjin:

“Artikolu 6

Obbligi marbuta mal-finanzjament

1.   Partit politiku f'livell Ewropew kif ukoll fondazzjoni politika f'livell Ewropew għandhom:

2.   Partit politiku f'livell Ewropew kif ukoll fondazzjoni politika f'livell Ewropew m'għandhomx jaċċettaw:

3.   Il-kontribuzzjonijiet mogħtija lil partit politiku f'livell Ewropew minn partiti politiċi nazzjonali li jkunu membri ta' partit politiku f'livell Ewropew jew minn persuna fiżika li tkun membru ta' partit politiku f'livell Ewropew huma ammissibbli. Il-kontribuzzjonijiet mogħtija lil partit politiku f'livell Ewropew minn partiti politiċi nazzjonali jew minn persuna fiżika m'għandhomx jeċċedu 40 % tal-baġit ta' kull sena ta' dak il-partit politiku f'livell Ewropew.

4.   Il-kontribuzzjonijiet mogħtija lil fondazzjoni politika f'livell Ewropew minn fondazzjonijiet politiċi nazzjonali, li jkunu membri ta' fondazzjoni politika f'livell Ewropew, kif ukoll minn partiti politiċi f'livell Ewropew, huma ammissibbli. Dawk il-kontribuzzjonijiet m'għandhomx jeċċedu 40 % tal-baġit ta' kull sena ta' dik il-fondazzjoni politika f'livell Ewropew u ma jistgħux jiġu minn fondi riċevuti minn partit politiku f'livell Ewropew taħt dan ir-Regolament mill-baġit ġenerali ta' l-Unjoni Ewropea.

Il-piż tal-prova għandu jibqa' fuq il-partit politiku f'livell Ewropew konċernat.

Artikolu 7

Projbizzjoni ta' finanzjament

1.   Il-finanzjament ta' partiti politiċi f'livell Ewropew mill-baġit ġenerali ta' l-Unjoni Ewropea jew minn kwalunkwe sors ieħor ma għandux jintuża għall-finanzjament dirett jew indirett ta' partiti politiċi oħra, u b'mod partikolari partiti jew kandidati nazzjonali. Dawk il-partiti politiċi u kandidati nazzjonali għandhom jibqgħu regolati minn regoli nazzjonali.

2.   Il-finanzjament ta' fondazzjonijiet politiċi f'livell Ewropew mill-baġit ġenerali ta' l-Unjoni Ewropea jew minn kwalunkwe sors ieħor ma għandux jintuża għall-finanzjament dirett jew indirett ta' partiti politiċi jew kandidati kemm fil-livell Ewropew kif ukoll fil-livell nazzjonali jew ta' fondazzjonijiet fil-livell nazzjonali.

Artikolu 8

In-natura ta' l-ispiża

Mingħajr preġudizzju għall-finanzjament tal-fondazzjonijiet politiċi, l-approprjazzjonijiet riċevuti mill-baġit ġenerali ta' l-Unjoni Ewropea skond dan ir-Regolament jistgħu jintużaw biss biex jitħallas l-infiq marbut direttament ma' l-għanijiet stabbiliti fil-programm politiku msemmi fl-Artikolu 4(2)(b).

Tali nfiq għandu jinkludi n-nefqa amministrattiva u n-nefqa marbuta ma' għajnuna teknika, laqgħat, riċerka, avvenimenti transkonfinali, studji, informazzjoni u pubblikazzjonijiet.

L-infiq ta' partiti politiċi f'livell Ewropew jista' jinkludi wkoll kampanji ta' finanzjament mwettqa mill-partiti politiċi f'livell Ewropew fil-kuntest ta' l-elezzjonijiet tal-Parlament Ewropew, li fihom jipparteċipaw kif meħtieġ fl-Artikolu 3(1)(d). Konformement ma' l-Artikolu 7. dawn l-approprijazzjonijiet m'għandhomx jintużaw biex jiffinanzjaw, b'mod dirett jew indirett, lil partiti politiċi jew kandidati nazzjonali.

Tali nfiq m'għandux jintuża biex jiffinanzja kampanji referendarji.

Madankollu, konformement ma' l-Artikolu 8 ta' l-Att dwar l-elezzjoni ta' membri tal-Parlament Ewropew b'vot universali dirett, il-finanzjament, u l-limitazzjoni, ta' l-ispejjeż għall-elezzjonijiet għall-partiti u l-kandidati kollha fl-elezzjonijiet tal-Parlament Ewropeew huma regolati f'kull Stat Membru minn dispożizzjonijiet nazzjonali.”;

6.

fl-Artikolu 9, il-paragrafi 1, 2 u 3 għandhom jiġu sostitwiti minn dawn li ġejjin:

“1.   L-approprjazzjonijiet għall-finanzjament ta' partiti politiċi f'livell Ewropew u ta' fondazzjonijiet politiċi f'livell Ewropew għandhom ikunu determinati taħt il-proċedura baġitarja annwali u għandhom jiġu implimentati skond ir-Regolament Finanzjarju u d-dispożizzjonijiet implimentattivi tiegħu.

Il-proċeduri implimentattivi ta' dan ir-Regolament għandhom jiġu stabbiliti mill-uffiċjal ta' l-awtorizzazzjoni.

2.   Il-valutazzjoni u d-deprezzament tal-proprjetà mobbli u immobbli għandhom jitwettqu skond id-dispożizzjonijiet applikabbli għall-istituzzjonijiet kif stabbilit fl-Artikolu 133 tar-Regolament Finanzjarju.

3.   Il-kontroll tal-finanzjament mogħti skond dan ir-Regolament għandu jiġi eżerċitat skond ir-Regolament Finanzjarju u d-dispożizzjonijiet implimentattivi tiegħu.

Il-kontroll għandu jiġi eżerċitat ukoll fuq il-bażi ta' ċertifikazzjoni annwali permezz ta' verifika esterna u indipendenti. Din iċ-ċertifikazzjoni għandha tiġi trasmessa, fi żmien sitt xhur mit-tmiem tas-sena finanzjarja konċernata, lill-Parlament Ewropew.”;

7.

għandu jiddaħħal l-Artikolu li ġej:

“Artikolu 9a

Trasparenza

Il-Parlament Ewropew għandu jippubblika flimkien, fit-taqsima tal-website tiegħu maħluqa għal dan il-għan, id-dokumenti li ġejjin:

8.

fl-Artikolu 10, il-paragrafu 2 għandu jiġi sostitwit minn dan li ġej:

“2.   Il-finanzjament addebitat lill-baġit ġenerali ta' l-Unjoni Ewropea m'għandux jeċċedi 85 % ta' dawk l-ispejjeż ta' partit politiku jew fondazzjoni politika f'livell Ewropew li jkunu eliġibbli għall-finanzjament. Il-piż tal-prova għandu jibqa' fuq il-partit politiku rilevanti f'livell Ewropew.”;

9.

l-Artikolu 12 għandu jiġi sostitwit minn dan li ġej:

“Artikolu 12

Valutazzjoni

Il-Parlament Ewropew għandu jippubblika, sal-15 ta' Frar 2011, rapport dwar l-applikazzjoni ta' dan ir-Regolament u l-attivitajiet finanzjati. Ir-rapport għandu jindika, skond il-każ, l-emendi li jistgħu jsiru fis-sistema ta' finanzjament.”.

27.12.2007   

MT

Il-Ġurnal Uffiċjali ta’ l-Unjoni Ewropea

L 343/9

(1)

Ir-Regolament (KE) Nru 2004/2003 tal-Parlament Ewropew u tal-Kunsill ta' l-4 ta' Novembru 2003 dwar ir-regolamenti li jirregolaw il-partiti politiċi f'livell Ewropew u r-regoli dwar il-finanzjament tagħhom (1) jistabbilixxi, inter alia, regoli li jirregolaw il-finanzjament ta' partiti politiċi f'livell Ewropew mill-baġit ġenerali ta' l-Unjoni Ewropea.

(2)

L-Artikolu 12 tar-Regolament (KE) Nru 2004/2003 jipprevedi li l-Parlament Ewropew għandu jippubblika rapport dwar l-applikazzjoni ta' dak ir-Regolament, inklużi – fejn meħtieġ – emendi eventwali li jridu jsiru fis-sistema ta' finanzjament.

(3)

Fir-Riżoluzzjoni tiegħu tat-23 ta' Marzu 2006 dwar il-partiti politiċi Ewropej (2), il-Parlament Ewropew ikkunsidra li, fid-dawl ta' l-esperjenza miksuba mid-dħul tiegħu fis-seħħ fl-2004, ir-Regolament (KE) Nru 2004/2003 għandu jittejjeb fir-rigward ta' numru ta' punti.

(4)

Ir-regoli li jirregolaw il-finanzjament ta' partiti politiċi f'livell Ewropew għandhom jiġu adattati sabiex jitqiesu aħjar il-kondizzjonijiet speċjali li taħthom joperaw il-partiti politiċi, inkluż it-tibdil fl-isfidi u fl-aġendi politiċi li joħolqu impatti baġitarji li l-partiti politiċi ma jistgħux jipprevedu meta jfasslu l-programmi ta' ħidma annwali u l-baġits tagħhom. Għal dak l-għan għandhom jiġu introdotti possibbiltajiet limitati sabiex il-finanzjament jiġi riportat minn sena għall-ewwel kwart tas-sena sussegwenti.

(5)

Sabiex jiżdiedu l-kapaċitajiet ta' ppjanar finanzjarju fit-tul tal-partiti, sabiex jittieħed kont tal-ħtiġijiet ta' finanzjament li jvarjaw minn sena għall-oħra, u sabiex jissaħħu l-inċentivi għall-partiti sabiex ma jiddipendux biss mill-finanzjament pubbliku, il-partiti politiċi f'livell Ewropew għandhom ikunu permessi jistabbilixxu riżervi finanzjarji limitati bbażati fuq riżorsi proprji ġġenerati minn sorsi apparti mill-baġit ġenerali ta' l-Unjoni Ewropea. Ikun meħtieġ li d-derogi, msemmija hawn fuq, mir-regola li tipprojbixxi l-qliegħ ikunu eċċezzjonali u ma jikkostitwixxux preċedent.

(6)

Ir-Regolament tal-Kunsill (KE, Euratom) Nru 1605/2002 (3) għandu jiġi emendat kif meħtieġ,