ISSN 1725-5104 |
||
Il-Ġurnal Uffiċjali ta’ l-Unjoni Ewropea |
L 321 |
|
Edizzjoni bil-Malti |
Leġiżlazzjoni |
Volum 50 |
Werrej |
|
II Atti adottati skond it-Trattati tal-KE/Euratom li l-pubblikazzjoni tagħhom mhijiex obbligatorja |
Paġna |
|
|
ATTI ADOTTATI MINN KORPI STABBILITI PERMEZZ TA' FTEHIM INTERNAZZJONALI |
|
|
* |
||
|
* |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti adottati skond it-Trattati tal-KE/Euratom li l-pubblikazzjoni tagħhom mhijiex obbligatorja
ATTI ADOTTATI MINN KORPI STABBILITI PERMEZZ TA' FTEHIM INTERNAZZJONALI
6.12.2007 |
MT |
Il-Ġurnal Uffiċjali ta’ l-Unjoni Ewropea |
L 321/1 |
It-testi oriġinali tan-NU/ECE biss għandhom effett legali skond il-liġi pubblika internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu kkontrollati fil-verżjoni l-aktar reċenti tad-dokument ta’ status tan-NU/ECE TRANS/WP.29/343/Rev.X, li huwa disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html.
Ir-Regolament Nru 14 tal-Kummissjoni Ekonomika għall-Ewropa tan-Nazzjonijiet Uniti (NU/ECE) — Dispożizzjonijiet uniformi li jikkonċernaw l-approvazzjoni ta’ vetturi rigward l-ankraġġi taċ-ċinturin tas-sikurezza, is-sistemi ta’ ankraġġ isofix u l-ankraġġi ta’ l-irbit ta’ fuq isofix
Addendum 13: Regolament Nru 14
Reviżjoni 4
Is-Suppliment 2 għas-serje 06 ta’ emendi — Id-data tad-dħul fis-seħħ: it-18 ta’ Jannar 2006
WERREJ
REGOLAMENT
1. |
L-ambitu |
2. |
Id-definizzjonijiet |
3. |
L-applikazzjoni għall-approvazzjoni |
4. |
L-approvazzjoni |
5. |
L-ispeċifikazzjonijiet |
6. |
It-testijiet |
7. |
L-ispezzjoni matul u wara testijiet statiċi għall-ankraġġi taċ-ċinturin tas-sikurezza |
8. |
Il-modifiki għal u l-estensjoni ta’ l-approvazzjoni tat-tip ta’ vettura |
9. |
Il-konformità tal-produzzjoni |
10. |
Il-pieni għan-nuqqas ta’ konformità tal-produzzjoni |
11. |
L-istruzzjonijiet operattivi |
12. |
Produzzjoni mwaqqfa għal kollox |
13. |
L-ismijiet u l-indirizzi tas-servizzi tekniċi li jwettqu t-testijiet ta’ approvazzjoni, u tad-dipartimenti amministrattivi |
14. |
Id-dispożizzjonjiet tranżitorji |
L-ANNESSI
Anness 1 — |
Komunikazzjoni li tikkonċerna l-approvazzjoni (jew l-estensjoni, jew ir-rifjut, jew l-irtirar, jew produzzjoni mwaqqfa għal kollox) ta’ tip ta’ vettura rigward l-ankraġġi taċ-ċinturin tas-sikurezza u s-sistemi ta’ ankraġġi ISOFIX u l-ankraġġ ta’ l-irbit ta’ fuq ISOFIX, jekk ikun hemm, skond ir-Regolament Nru. 14. |
Anness 2 — |
L-arranġamenti tal-marka ta’ approvazzjoni |
Anness 3 — |
Il-post fejn jinsabu l-ankraġġi effettivi taċ-ċinturin |
Anness 4 — |
Il-proċedura biex ikun iddeterminat il-punt “H” u l-angolu effettiv tat-torso għall-pożizzjonijiet bilqiegħda fil-vetturi bil-mutur |
Appendiċi 1 — |
Deskrizzjoni tal-magna tridimensjonali tal-punt “H” |
Appendiċi 2 — |
Is-sistema tridimensjonali ta’ referenza |
Appendiċi 3 — |
Id-data ta’ referenza li tikkonċernra l-pożizzjonijiet bilqiegħda |
Anness 5 — |
L-apparat ta’ trazzjoni |
Anness 6 — |
In-numru minimu ta’ punti ta’ ankraġġ u l-post fejn jinsabu l-ankraġġi ta’ isfel |
Appendiċi 1 — |
Il-post fejn jinsabu l-ankraġġi ta’ isfel — ir-rekwiżiti angolari biss |
Anness 7 — |
It-test dinamiku bħala alternattiva għat-test statiku tas-saħħa ta’ l-ankraġġi taċ-ċinturin tas-sikurezza |
Anness 8 — |
L-ispeċifikazzjonijiet tal-manikin |
Anness 9 — |
Is-sistemi ta’ ankraġġ ISOFIX u l-ankraġġi ta’ l-irbit ta’ fuq ISOFIX |
1. L-AMBITU
Dan ir-Regolament japplika għall-ankraġġi għaċ-ċinturini tas-sikurezza maħsuba għall-okkupanti adulti ta’ sits li jħarsu ’l quddiem jew lura f’vetturi tal-kategoriji M u N (1).
Japplika wkoll għas-sistemi ta’ ankraġġi ISOFIX u għall-ankraġġi ta’ l-irbit ta’ fuq ISOFIX maħsuba għas-sistemi tat-trażżin għat-tfal ISOFIX li ġew installati fil-vetturi tal-kategorija M1. Il-vetturi tal-kategorija N1 mgħammra b’ankraġġi ISOFIX għandhom ukoll jikkonformaw mad-dispożizzjonijiet ta’ dan ir-Regolament.
2. ID-DEFINIZZJONIJIET
Għall-finijiet ta’ dan ir-Regolament,
2.1. “Approvazzjoni ta’ vettura” tfisser l-approvazzjoni ta’ tip ta’ vettura mgħammra b’ankraġġi għal tipi partikolari ta’ ċinturini tas-sikurezza;
2.2. “Tip ta’ vettura” tfisser kategorija ta’ vetturi b'magna, li mhumiex differenti f’tali aspetti essenzjali bħalma huma d-dimensjonijiet, il-linji u l-materjali tal-komponenti ta’ l-istruttura tal-vettura jew ta’ l-istruttura tas-sit li magħhom huma marbuta l-ankraġġi taċ-ċinturini tas-sikurezza u s-sistemi ta’ ankraġġi ISOFIX u l-ankraġġi ta’ l-irbit ta’ fuq ISOFIX, jekk ikun hemm, u, jekk is-saħħa ta’ l-ankraġġi tiġi ttestjata skond it-test dinamiku, il-karatteristiċi ta’ kwalunkwe komponent tas-sistema tat-trażżin, speċjalment il-funzjoni tat-tagħmir li jillimita t-tagħbija (load limiter function), li jkollha influwenza fuq il-forzi li japplikaw fuq l-ankraġġi taċ-ċinturin tas-sikurezza.
2.3. “Ankraġġi taċ-ċinturin” tfisser il-partijiet ta’ l-istruttura tal-vettura jew ta’ l-istruttura tas-sit jew ta’ kwalunkwe parti oħra tal-vettura li magħhom għandhom jitwaħħlu sew l-assemblaġġi taċ-ċinturin tas-sikurezza;
“Ankraġġ effettiv ta’ ċinturin” tfisser il-punt li ntuża sabiex ikun iddeterminat, b’mod konvenzjonali, kif ġie speċifikat fil-paragrafu 5.4., l-angolu ta’ kull parti taċ-ċinturin tas-sikurezza f’relazzjoni għal min jilbsu, jiġifieri l-punt li miegħu jeħtieġ li titwaħħal ċinga sabiex tkun ipprovduta l-istess konfigurazzjoni bħall-konfigurazzjoni intenzjonata taċ-ċinturin meta milbus, u li jista’ jew ma jistax ikun l-ankraġġ effettiv taċ-ċinturin jiddependi mill-konfigurazzjoni tal-bċejjeċ tat-twaħħil taċ-ċinturin tas-sikurezza fejn jitwaħħal ma’ l-ankraġġ taċ-ċinturin.
2.4.1. Pereżempju, fil-każ
2.4.1.1. fejn fuq l-istruttura tal-vettura jew fuq l-istruttura tas-sit tintuża gwida taċ-ċinga, il-punt nofsani tal-gwida fil-post fejn iċ-ċinga tħalli l-gwida fuq in-naħa ta’ min jilbes iċ-ċinturin, għandu jitqies bħala l-ankraġġ effettiv taċ-ċinturin; u,
2.4.1.2. fejn iċ-ċinturin jgħaddi direttament minn min jilbsu għal apparat li jiġbed lura mwaħħal ma’ l-istruttura tal-vettura jew ma’ l-istruttura tas-sit mingħajr gwida taċ-ċinga li tintervjeni, l-ankraġġ effettiv taċ-ċinturin għandu jitqies bħala li huwa l-intersezzjoni ta’ l-assi tar-rukkell fejn tintrefa’ ċ-ċinga bil-pjan jgħaddi mil-linja ċentrali taċ-ċinga fuq ir-rukkell;
2.5. “Qiegħ” tfisser il-parti ta’ isfel tal-qafas tal-vettura li tgħaqqad il-ħitan tal-ġenb tal-vettura. F’dan il-kuntest, jinkludi l-pjanċi tal-qafas, il-ħadidiet b’toqob u skanalaturi (swages) u possibbilment rinforzi oħra, anki jekk ikunu taħt il-qiegħ, bħal elementi lonġitudinali u trażversali;
“Sit” tfisser struttura li tista’ tkun integrali jew le ma’ l-istruttura tal-vettura, kompluta bit-tapizzerija, maħsuba biex fuqha toqgħod bilqiegħda persuna adulta waħda. It-terminu jkopri kemm sit individwali kif ukoll parti minn sit f’forma ta’ bank maħsub biex fuqu toqgħod bilqiegħda persuna waħda;
2.6.1. “Sit tal-passiġġier ta’ quddiem” tfisser kwalunkwe sit fejn il-“punt H ta’ quddiemnett” tas-sit ikkonċernat jinsab fi jew quddiem il-pjan vertikali trażversali mill-punt R tas-sewwieq;
2.7. “Grupp ta’ sits” tfisser jew tip ta’ sit f’forma ta’ bank jew sits li huma separati imma ħdejn xulxin (jiġifieri bl-ankraġġi ta’ quddiemnett ta’ sit wieħed allinjat ma’ jew ’il quddiem mill-ankraġġi ta’ waranett u allinjat ma’ jew wara l-ankraġġi ta’ quddiemnett ta’ sit ieħor) u jakkomoda persuna adulta bilqiegħda waħda jew aktar;
2.8. “Sit f’forma ta’ bank” tfisser struttura kompluta bit-tapizzerija, maħsuba biex fuqha toqgħod aktar minn persuna adulta waħda;
2.9. “Sit li jingħalaq” tfisser sit awżiljarju maħsub biex jintuża kultant li normalment ikun magħluq;
“Tip ta’ sit” tfisser kategorija ta’ sits li ma jvarjawx f’tali aspetti essenzjali bħal:
2.10.1. il-forma, id-dimensjonijiet u l-materjali ta’ l-istruttura tas-sit,
2.10.2. it-tipi u d-dimensjonijiet tas-sistemi ta’ aġġustament u tas-sistemi li jsakkru kollha,
2.10.3. it-tip u d-dimensjonijiet ta’ l-ankraġġi taċ-ċinturin fuq is-sit, ta’ l-ankraġġ tas-sit, u tal-partijiet affettwati ta’ l-istruttura tal-vettura;
2.11. “Ankraġġ tas-sit” tfisser is-sistema, inklużi l-partijiet affettwati ta’ l-istruttura tal-vettura, li permezz tagħha l-assemblaġġ tas-sit jitwaħħal ma’ l-istruttura tal-vettura;
“Sistema ta’ aġġustament” tfisser l-apparat li bih is-sit jew il-partijiet tiegħu jistgħu jiġu aġġustati għal pożizzjoni addattata għall-morfoloġija ta’ l-okkupant li jkun bilqiegħda; b’mod partikolari, dan l-apparat jista’ jippermetti:
2.12.1. spostament lonġitudinali;
2.12.2. spostament vertikali;
2.12.3. spostament angolari;
2.13. “Sistema ta’ spostament” tfisser apparat li jippermetti li s-sit jew waħda mill-partijiet tiegħu jiġi spostat jew imdawwar mingħajr pożizzjoni intermedja fissa, sabiex ikun hemm aċċess faċli għall-ispazju wara s-sit ikkonċernat;
2.14. “Sistema li tissakkar” tfisser kwalunkwe apparat li jiżgura li s-sit u l-partijiet tiegħu jinżammu fi kwalunkwe pożizzjoni ta’ użu u jinkludi apparati li jsakkru kemm id-dahar tas-sit b’mod relattiv għas-sit kif ukoll is-sit b’mod relattiv għall-vettura.
2.15. “Żona ta’ referenza” tfisser l-ispazju bejn żewġ pjani vertikali lonġitudinali, 400 mm ’il bogħod minn xulxin u simetriċi fejn għandu x’jaqsam il-punt H, u definiti bir-rotazzjoni mill-veritikali għall-orizzontali ta’ l-apparat tal-forma tar-ras, kif ġie deskritt fl-Anness 1 għar-Regolament Nru 21. L-apparat għandu jiġi ppożizzjonat kif ġie deskritt f’dak l-Anness għar-Regolament Nru. 21 u ssettjat għat-tul massimu ta’ 840 mm.
2.16. “Il-funzjoni tat-tagħmir li jillimita t-tagħbija fuq it-toraċi” tfisser kwalunkwe parti taċ-ċinturin tas-sikurezza u/jew tas-sit u/jew tal-vettura maħsuba biex tillimita l-livell tal-forzi ta’ trażżin li japplikaw fuq it-toraċi ta’ l-okkupant f’każ ta’ kolliżjoni.
2.17. “ISOFIX” hija sistema għall-kollegament ta’ sistemi tat-trażżin għat-tfal ma’ vetturi li jkollha żewġ ankraġġi tal-vetturi riġidi, żewġ żjidiet riġidi li jikkorrispondu fuq is-sistema tat-trażżin għat-tfal u mezz li jillimita r-rotazzjoni tal-pitch tas-sistema tat-trażżin għat-tfal.
2.18. “Pożizzjoni ISOFIX” tfisser sistema li tippermetti li jiġu installati:
(a) |
jew sistema universali tat-trażżin għat-tfal ISOFIX li tħares ’il quddiem kif ġiet iddefinita fir-Regolament Nru 44, |
(b) |
jew sistema semi-universali tat-trażżin għat-tfal ISOFIX li tħares ’il quddiem kif ġiet iddefinita fir-Regolament Nru 44, |
(c) |
jew sistema semi-universali tat-trażżin għat-tfal ISOFIX li tħares lura kif ġiet iddefinita fir-Regolament Nru 44, |
(d) |
jew sistema semi-universali tat-trażżin għat-tfal ISOFIX li tħares lejn il-ġenb kif ġiet iddefinita fir-Regolament Nru 44, |
(e) |
jew sistema tat-trażżin għat-tfal ISOFIX għal vettura speċifika kif ġiet iddefinita fir-Regolament Nru 44. |
2.19. “Ankraġġ baxx ISOFIX” tfisser żbarra orizzontali riġida u tonda b’dijametru ta’ 6 mm, li testendi mill-istruttura tal-vettura jew tas-sit sabiex taċċetta u trażżan sistema tat-trażżin għat-tfal ISOFIX b’żjidiet ISOFIX.
2.20. “Sistema ta’ ankraġġi ISOFIX” tfisser sistema magħmula minn żewġ ankraġġi baxxi ISOFIX li hija mfassla sabiex tqabbad sistema tat-trażżin għat-tfal ISOFIX ma’ apparat ta’ kontra r-rotazzjoni.
2.21. “Żjieda ISOFIX” tfisser waħda miż-żewġ kollegamenti, li tissodisfa r-rekwiżiti tar-Regolament Nru 44, li testendi mill-istruttura tas-sistema tat-trażżin għat-tfal ISOFIX, u li tkun kompatibbli ma’ l-ankraġġ baxx ISOFIX.
2.22. “Sistema tat-trażżin għat-tfal ISOFIX” tfisser sistema tat-trażżin għat-tfal, li tissodisfa r-rekwiżiti tar-Regolament Nru. 44, li trid titqabbad ma’ sistema ta’ ankraġġi ISOFIX.
2.23. “Apparat għall-applikazzjoni ta’ forza statika (SFAD — static force application device)” tfisser tagħmir fiss tat-test li jingaġġja s-sistemi ta’ ankraġġi ISOFIX tal-vettura u li jintuża biex ikunu vverifikati s-saħħa tagħhom u l-ħila ta’ l-istruttura tas-sit jew tal-vettura biex, f’test statiku, tkun limitata r-rotazzjoni. It-tagħmir fiss tat-test jiġi deskritt fil-Figuri 1 u 2 ta’ l-Anness 9.
2.24. “Apparat ta’ kontra r-rotazzjoni”
(a) |
Apparat ta’ kontra r-rotazzjoni għal sistema universali tat-trażżin għat-tfal ISOFIX jikkonsisti mill-irbit ta’ fuq ISOFIX. |
(b) |
Apparat ta’ kontra r-rotazzjoni għal sistema semi-universali tat-trażżin għat-tfal ISOFIX jikkonsisti jew minn irbit ta’ fuq, mid-daxxbord tal-vettura jew minn riġel ta’ appoġġ maħsub biex jillimita r-rotazzjoni tat-trażżin matul impatt frontali. |
(c) |
Għas-sistemi universali u semi-universali tat-trażżin għat-tfal ISOFIX is-sit tal-vettura nnifsu mhuwiex apparat ta’ kontra r-rotazzjoni. |
2.25. “Ankraġġ ta’ l-irbit ta’ fuq ISOFIX” tfisser karatteristika, pereżempju żbarra, li tinsab f’żona definita, maħsuba biex taċċetta kollegatur taċ-ċinga ta’ l-irbit ta’ fuq ISOFIX u biex tittrasferixxi l-forza tat-trażżin tagħha lill-istruttura tal-vettura.
2.26. “Kollegatur ta’ l-irbit ta’ fuq ISOFIX” tfisser apparat maħsub biex jitwaħħal ma’ ankraġġ ta’ l-irbit ta’ fuq ISOFIX.
2.27. “Ganċ ta’ l-irbit ta’ fuq ISOFIX” tfisser kollegatur ta’ l-irbit ta’ fuq ISOFIX li tipikament jintuża sabiex ċinga ta’ l-irbit ta’ fuq ISOFIX titwaħħal ma’ ankraġġ ta’ l-irbit ta’ fuq ISOFIX kif ġie definit fil-Figura 3 ta’ l-Anness 9 għal dan ir-Regolament.
2.28. “Ċinga ta’ l-irbit ta’ fuq ISOFIX” tfisser ċinga bl-istrixxi (jew ekwivalenti) li testendi mill-quċċata ta’ sistema tat-trażżin għat-tfal ISOFIX sa l-ankraġġ ta’ l-irbit ta’ fuq ISOFIX, u li tkun mgħammra b’apparat ta’ aġġustament, b’apparat li jnaqqas it-tensjoni, u b’kollegatur ta’ l-irbit ta’ fuq ISOFIX.
2.29. “Apparat ta’ gwida” huwa maħsub biex jgħin lill-persuna li tinstalla s-sistema tat-trażżin għat-tfal ISOFIX billi jiggwida fiżikament iż-żjidiet ISOFIX fuq it-trażżin għat-tfal ISOFIX f’allinjament korrett ma’ l-ankraġġi baxxi ISOFIX sabiex jitħaffef l-ingaġġ.
2.30. “Tagħmir fiss ta’ l-immarkar ISOFIX” tfisser xi ħaġa li tinforma lil min jixtieq jinstalla sistema tat-trażżin għat-tfal ISOFIX bil-pożizzjonijiet ISOFIX fil-vettura u bil-pożizzjoni ta’ kull ISOFIX li tikkorrispondi għas-sistemi ta’ ankraġġi ISOFIX.
2.31. “Tagħmir fiss għat-trażżin tat-tfal” tfisser tagħmir fiss skond waħda mis-seba’ klassijiet tad-daqs ISOFIX li ġew iddefiniti fil-paragrafu 4. ta’ l-Appendiċi 2 ta’ l-Anness 17 għar-Regolament Nru 16 u partikolarment li d-dimensjonijiet tiegħu jingħataw fil-Figura 1 sal-Figura 7 fil-paragrafu 4. li ssemma hawn fuq. Dak it-tagħmir fiss tat-trażżin għat-tfal (CRF) fir-Regolament Nru 16 jintuża sabiex ikun ikkontrollat liema huma l-klassijiet tad-daqs tas-sistemi tat-trażżin għat-tfal ISOFIX li jistgħu jiġu akkomodati fil-pożizzjonijiet ISOFIX tal-vettura. Barra minn hekk, wieħed mis-CRF, dak li jissejjaħ ISO/F2 (B) li jiġi deskritt fil-Figura 2 tal-paragrafu 4. li ssemma hawn fuq, f’dan ir-Regolament jintuża sabiex ikunu kkontrollati l-post u l-possibbiltà ta’ aċċess għal kwalunkwe sistema ta’ ankraġġi ISOFIX.
3. L-APPLIKAZZJONI GĦALL-APPROVAZZJONI
3.1. L-applikazzjoni għall-approvazzjoni ta’ tip ta’ vettura rigward l-ankraġġi taċ-ċinturin, is-sistemi ta’ ankraġġi ISOFIX u l-ankraġġi ta’ l-irbit ta’ fuq ISOFIX, jekk ikun hemm, għandha titressaq mill-manifattur tal-vettura jew mir-rappreżentant tiegħu li ġie akkreditat b’mod xieraq.
Għandha tkun akkumpanjata mid-dokumenti li jissemmew hawn taħt, fi tliet kopji, u mill-partikolaritajiet li ġejjin:
3.2.1. tpinġijiet ta’ l-istruttura ġenerali tal-vettura fuq skala xierqa, li juru l-pożizzjonijiet ta’ l-ankraġġi taċ-ċinturin, ta’ l-ankraġġi effettivi taċ-ċinturin (fejn ikun xieraq), tas-sistemi ta’ ankraġġi ISOFIX u ta’ l-ankraġġi ta’ l-irbit ta’ fuq ISOFIX, jekk ikun hemm, u tpinġijiet dettaljati ta’ l-ankraġġi taċ-ċinturin, tas-sistemi ta’ ankraġġi ISOFIX, jekk ikun hemm, ta’ l-ankraġġ ta’ l-irbit ta’ fuq ISOFIX, jekk ikun hemm, u tal-punti li huma marbuta magħhom;
3.2.2. speċifikazzjoni tal-materjali li ntużaw li jistgħu jaffettwaw is-saħħa ta’ l-ankraġġi taċ-ċinturin, tas-sistemi ta’ ankraġġi ISOFIX u ta’ l-ankraġġi ta’ l-irbit ta’ fuq ISOFIX, jekk ikun hemm;
3.2.3. deskrizzjoni teknika ta’ l-ankraġġi taċ-ċinturin, tas-sistemi ta’ ankraġġi ISOFIX u ta’ l-ankraġġi ta’ l-irbit ta’ fuq ISOFIX, jekk ikun hemm;
fil-każ ta’ l-ankraġġi taċ-ċinturin, tas-sistemi ta’ ankraġġi ISOFIX u ta’ l-ankraġġi ta’ l-irbit ta’ fuq ISOFIX, jekk ikun hemm, imwaħħla ma’ l-istruttura tas-sit:
3.2.4.1. deskrizzjoni dettaljata tat-tip ta’ vettura rigward id-disinn tas-sits, ta’ l-ankraġġi tas-sit u tas-sistemi ta’ aġġustament u li jsakkru tagħhom;
3.2.4.2. tpinġijiet, fuq skala xierqa, u b’biżżejjed dettall, tas-sits, ta’ l-ankraġġ tagħhom fuq il-vettura, u tas-sistemi ta’ aġġustament u li jsakkru tagħhom.
3.2.5. evidenza li ċ-ċinturin tas-sikurezza jew is-sistema tat-trażżin li ntuża fit-test ta’ approvazzjoni ta’ l-ankraġġi jikkonforma mar-Regolament Nru 16, fil-każ fejn il-manifattur tal-karozza jagħżel it-test dinamiku tas-saħħa alternattiv.
3.3. Jekk jagħżel hekk il-manifattur, quddiem is-servizz tekniku li jwettaq it-testijiet ta’ approvazzjoni għandha titressaq vettura li tirrappreżenta t-tip ta’ vettura li għandu jkun approvat jew għandhom jitressqu l-partijiet tal-vettura meqjusa essenzjali għat-test ta’ l-ankraġġi taċ-ċinturin, għat-test tas-sistemi ta’ ankraġġi ISOFIX u għat-test ta’ l-ankraġġi ta’ l-irbit ta’ fuq ISOFIX, jekk ikun hemm, mis-servizz tekniku li jwettaq it-testijiet ta’ approvazzjoni.
4. L-APPROVAZZJONI
4.1. Jekk il-vettura mressqa għall-approvazzjoni skond dan ir-Regolament tissodisfa r-rekwiżiti rilevanti ta’ dan ir-Regolament, għandha tingħata l-approvazzjoni għal dak it-tip ta’ vettura.
4.2. Għandu jkun assenjat numru ta’ approvazzjoni għal kull tip approvat. L-ewwel żewġ numri tiegħu (bħalissa 06, li jikkorrispondu għas-serje 06 ta’ emendi) għandhom jindikaw is-serje ta’ emendi li jinkorporaw l-emendi tekniċi ewlenija l-aktar reċenti li saru għar-Regolament fi żmien il-ħruġ ta’ l-approvazzjoni. L-istess Parti Kontraenti ma tistax tassenja l-istess numru lil tip ieħor ta’ vettura kif ġie definit fil-paragrafu 2.2. ta’ aktar ’il fuq.
4.3. L-avviż ta’ l-approvazzjoni jew ta’ l-estensjoni jew tar-rifjut jew ta’ l-irtirar ta’ l-approvazzjoni jew ta’ produzzjoni mwaqqfa għal kollox ta’ tip ta’ vettura skond dan ir-Regolament għandu jiġi kkomunikat lill-Partijiet għall-Ftehim ta’ l-1958 li japplikaw dan ir-Regolament permezz ta’ formola li tikkonforma mal-mudell fl-Anness 1 għal dan ir-Regolament.
Ma’ kull vettura li tikkonforma ma’ tip ta’ vettura approvat skond dan ir-Regolament, għandha titwaħħal, b’mod li tidher mill-ewwel u f’post faċilment aċċessibbli li ġie speċifikat fil-formola ta’ approvazzjoni, marka ta’ approvazzjoni internazzjonali li tikkonsisti minn:
4.4.1. ċirku madwar l-ittra “E” segwit minn numru li jiddistingwi l-pajjiż li ta l-approvazzjoni (2);
4.4.2. in-numru ta’ dan ir-Regolament, fuq il-lemin taċ-ċirku preskritt fil-paragrafu 4.4.1.
4.4.3. l-ittra “e”, fuq il-lemin tan-numru ta’ dan ir-Regolament fil-każ ta’ approvazzjoni ta-tip skond it-test dinamiku ta’ l-Anness 7.
4.5. Jekk il-vettura tikkonforma ma’ tip ta’ vettura approvat skond wieħed jew aktar mir-Regolamenti l-oħra annessi ma' dan il-Ftehim, fil-pajjiż li ta l-approvazzjoni skond dan ir-Regolament, is-simbolu preskritt fil-paragrafu 4.4.1. m'hemmx għalfejn jiġi ripetut; f’każ bħal dan, in-numri u s-simboli addizzjonali tar-Regolamenti kollha li skond tagħhom ingħatat l-approvazzjoni fil-pajjiż li ta l-approvazzjoni skond dan ir-Regolament għandhom jitqiegħdu f’kolonni vertikali fuq il-lemin tas-simbolu preskritt fil-paragrafu 4.4.1.
4.6. Il-marka ta’ approvazzjoni għandha tkun tista’ tinqara mingħajr problemi u m’għandiex tkun tista’ titħassar.
4.7. Il-marka ta’ approvazzjoni għandha titqiegħed qrib ta’ jew fuq il-pjanċa tad-data tal-vettura mwaħħla mill-manifattur.
4.8. L-Anness 2 ta' dan ir-Regolament jagħti eżempji ta’ l-arranġamenti tal-marka ta’ approvazzjoni.
5. L-ISPEĊIFIKAZZJONIJIET
5.1. Id-definizzjonijiet (ara l-Anness 3)
Il-punt H huwa punt ta’ referenza kif inhu definit fil-paragrafu 2.3. ta’ l-Anness 4 għal dan ir-Regolament, li jrid jiġi determinat skond il-proċedura stabbilita f’dak l-anness.
5.1.1.1. Il-punt H' huwa punt ta’ referenza li jikkorrispondi għall-punt H kif inhu definit fil-paragrafu 5.1.1. li għandu jiġi determinat għal kull pożizzjoni normali li fiha jintuża s-sit.
5.1.1.2. Il-punt R huwa l-punt ta’ referenza meta bilqiegħda kif inhu definit fil-paragrafu 2.4. ta’ l-Anness 4 għal dan ir-Regolament.
5.1.2. Is-sistema ta’ referenza tridimensjonali ġiet iddefiniti fl-Appendiċi 2 ta’ l-Anness 4 għal dan ir-Regolament.
5.1.3. Il-punti L1 u L2 huma l-ankraġġi effettivi ta’ isfel taċ-ċinturin.
5.1.4. Il-punt C huwa punt li jinsab 450 mm vertikalment ’il fuq mill-punt R. Madankollu, jekk id-distanza S kif inhi definita fil-paragrafu 5.1.6. mhix inqas minn 280 mm u jekk il-manifattur jagħżel il-formula alternattiva BR = 260 mm + 0,8 S li ġiet speċifikata fil-paragrafu 5.4.3.3., id-distanza vertikali bejn C u R għandha tkun ta’ 500 mm.
5.1.5. L-angoli α1 u α2 huma rispettivament l-angoli bejn pjan orizzontali u pjani perpendikulari għall-pjan medjan lonġitudinali tal-vettura u li jgħaddu mill-punt H1 u mill-punti L1 u L2.
S hija d-distanza f’millimetri ta’ l-ankraġġi effettivi ta’ fuq taċ-ċinturin minn pjan ta’ referenza P parallel għall-pjan lonġitudinali medjan tal-vettura, iddefinit kif ġej:
5.1.6.1. jekk il-pożizzjoni bilqiegħda hija definita sew mill-forma tas-sit, il-pjan P għandu jkun il-pjan medjan ta’ dan is-sit.
fin-nuqqas ta’ pożizzjoni definita sew:
5.1.6.2.1. il-pjan P għas-sit tas-sewwieq huwa pjan vertikali parallel għall-pjan medjan lonġitudinali tal-vettura li jgħaddi miċ-ċentru ta’ l-istering fil-pjan tat-tarf ta’ l-istering meta l-istering, jekk ikun aġġustabbli, ikun fil-pożizzjoni ċentrali tiegħu.
5.1.6.2.2. il-pjan P għall-passiġġier ta’ quddiem fuq in-naħa ta’ barra għandu jkun simetriku ma’ dak tas-sewwieq.
5.1.6.2.3. Il-pjan P għall-pożizzjoni bilqiegħda ta’ wara fuq in-naħa ta’ barra għandha tkun dik speċifikata mill-manifattur sakemm jiġu rrispettati l-limiti li ġejjin għad-distanza A bejn il-pjan lonġitudinali medjan tal-vettura u l-pjan P:
A hija daqs jew akbar minn 200 mm jekk is-sit f’forma ta’ bank ġie ddisinjat biex jakkomoda żewġ passiġġieri biss,
A hija daqs jew akbar minn 300 mm jekk is-sit f’forma ta’ bank ġie ddisinjat biex jakkomoda aktar minn żewġ passiġġieri.
5.2. L-ispeċifikazzjonijiet ġenerali
L-ankraġġi għaċ-ċinturini tas-sikurezza għandhom ikunu ddisinjati, magħmula u mqiegħda b’tali mod li:
5.2.1.1. jkun jista’ jiġi installat ċinturin tas-sikurezza addattat. L-ankraġġi taċ-ċinturin tal-pożizzjonijiet ta’ quddiem fuq in-naħa ta’ barra għandhom ikunu addattati għal ċinturini tas-sikurezza li jinkorporaw apparat li jiġbed lura u taljola, fejn b’mod partikolari jitqiesu l-karatteristiċi tas-saħħa ta’ l-ankraġġi taċ-ċinturin, ħlief jekk il-manifattur iforni l-vettura mgħammra b’tipi oħra ta’ ċinturini tas-sikurezza b’apparati li jiġbdu lura inkorporati. Jekk l-ankraġġi jkunu addattati biss għal tipi partikolari ta’ ċinturini tas-sikurezza, dawn it-tipi għandhom ikunu ddikjarati fuq il-formola li tissemma fil-paragrafu 4.3. ta’ aktar ’il fuq;
5.2.1.2. jitnaqqas għal minimu r-riskju li ċ-ċinturin jiżloq meta jintlibes b’mod korrett;
5.2.1.3. jitnaqqas għal minimu r-riskju li ssir ħsara liċ-ċinga minħabba kuntatt ma’ partijiet riġidi bil-ponta ta’ l-istrutturi tal-vettura jew tas-sit;
5.2.1.4. il-vettura, f’użu normali, tkun tista’ tikkonforma mad-dispożizzjonijiet ta’ dan ir-Regolament;
5.2.1.5. għal ankraġġi li jassumu pożizzjonijiet differenti sabiex il-persuni jkunu jistgħu jidħlu fil-vettura u li jrażżnu lill-okkupanti, għandhom japplikaw l-ispeċifikazzjonijiet ta’ dan ir-Regolament għall-ankraġġi fil-pożizzjoni effettiva ta’ trażżin.
Kwalunkwe sistema ta’ ankraġġi ISOFIX u kwalunkwe ankraġġ ta’ l-irbit ta’ fuq ISOFIX, li ġew installati jew li hemm il-ħsieb li jiġu installat, għas-sistemi ta’ trażżin għat-tfal ISOFIX għandhom ikunu ddisinjati, magħmula u mqiegħda b’tali mod li:
5.2.2.1. Kwalunkwe sistema ta’ ankraġġi ISOFIX u kwalunkwe ankraġġ ta’ l-irbit ta’ fuq ISOFIX għandha tippermetti li l-vettura, f’użu normali, tikkonforma mad-dispożizzjonijiet ta’ dan ir-Regolament.
Kwalunkwe sistema ta’ ankraġġi ISOFIX u kwalunkwe ankraġġ ta’ l-irbit ta’ fuq ISOFIX li jistgħu jiġu miżjuda ma’ kwalunkwe vettura għandhom ukoll jikkonformaw mad-dispożizzjonijiet ta’ dan ir-Regolament. Għaldaqstant, ankraġġi bħal dawn għandhom jiġu deskritti fid-dokument ta’ applikazzjoni għall-approvazzjoni tat-tip.
5.2.2.2. Ir-reżistenza ta’ sistema ta’ ankraġġi ISOFIX u dik ta’ ankraġġ ta’ l-irbit ta’ fuq ISOFIX huma ddisinjati għal kwalunkwe sistema tat-trażżin għat-tfal ISOFIX tal-grupp ta’ massa 0; 0+; 1 kif ġew iddefiniti fir-Regolament Nru 44.
5.2.3. Id-disinn u l-ippożizzjonar tas-sistemi ta’ ankraġġ ISOFIX:
5.2.3.1. Kwalunkwe sistema ta’ ankraġġi ISOFIX għandha tkun żbarra(i) riġida(i) orizzontali trażversali b’dijametru ta’ 6 mm ± 0,1 mm li tkopri(jkopru) żewġ żoni b’tul minimu effettiv ta’ 25 mm li jinsabu fuq l-istess assi kif ġie definit fil-Figura ta’ l-Anness 9.
5.2.3.2. Kwalunkwe sistema ta’ ankraġġi ISOFIX li ġiet installata fuq pożizzjoni bilqiegħda ta’ vettura għandha tinsab mhux inqas minn 120 mm wara l-punt tad-disinn H kif ġie determinat fl-Anness 4 għal dan ir-Regolament, imkejjel orizzontalment u saċ-ċentru ta’ l-iżbarra.
5.2.3.3. Għal kwalunkwe sistema ta’ ankraġġi ISOFIX li ġiet installata fil-vettura, għandha tiġi vverifikata l-possibbiltà li jitwaħħal it-tagħmir fiss tat-trażżin għat-tfal ISOFIX “ISO/F2” (B) li ġie deskritt fir-Regolament Nru 16 (fil-Figura 2 ta’ l-Appendiċi 2 ta’ l-Anness 17).
5.2.3.4. Is-superfiċje tal-qiegħ tat-tagħmir fiss “ISO/F2” (B) kif ġie definit fir-Regolament Nru 16 (fil-Figura 2 ta’ l-Appendiċi 2 ta’ l-Anness 17), għandha jkollha angoli ta’ attitudni (jiġifieri l-orjentament tal-vettura b’relazzjoni għal direzzjonijiet speċifikati) fil-limiti li ġejjin, bl-angoli mkejla b’mod relattiv għall-pjani ta’ referenza tal-vettura kif ġie definit fl-Appendiċi 2 ta’ l-Anness 4 għal dan ir-Regolament:
(a) |
Pitch: 15° ± 10°, |
(b) |
Roll: 0° ± 5°, |
(c) |
Yaw: 0° ± 10° |
5.2.3.5. Is-sistemi ta’ ankraġġi ISOFIX għandhom ikunu fil-pożizzjoni tagħhom b’mod permanenti jew għandhom ikunu jistgħu jintrefgħu. F’każ ta’ ankraġġi li jistgħu jintrefgħu, ir-rekwiżiti relatati mas-sistema ta’ ankraġġi ISOFIX għandhom jiġu sodisfatti fil-pożizzjoni li tintuża.
Kull żbarra ta’ ankraġġ baxx ISOFIX (meta tintuża) jew kull apparat ta’ gwida li jiġi installat b’mod permanenti għandu jkun viżibbli, mingħajr il-kompressjoni tal-kuxxin tas-sit jew tad-dahar tas-sit, meta l-iżbarra jew l-apparat ta’ gwida jitqies, fi pjan vertikali lonġitudinali li jgħaddi miċ-ċentru ta’ l-iżbarra jew ta’ l-apparat ta’ gwida, tul linja li tifforma angolu ’l fuq ta’ 30 grad ma’ pjan orizzontali.
Bħala alternattiva għar-rekwiżit ta’ hawn fuq, il-vettura għandha tkun immarkata b’mod permanenti biswit kull żbarra jew apparat ta’ gwida. Dan l-immarkar għandu jikkonsisti f’wieħed minn dawn li ġejjin, skond kif jagħżel il-manifattur.
5.2.3.6.1. Bħala minimu, is-simbolu tal-Figura 12 ta’ l-Anness 9 li jikkonsisti minn ċirku b’dijametru mill-inqas ta’ 13 mm u li fih piktogramma, li jissodisfa l-kundizzjonijiet li ġejjin:
(a) |
il-piktogramma għandha tikkuntrasta ma’ l-isfond taċ-ċirku; |
(b) |
il-piktogramma għandha titqiegħed qrib ta’ kull żbarra tas-sistema; |
5.2.3.6.2. Il-kelma “ISOFIX” b’ittri kbar għolja mill-inqas 6 mm.
5.2.4. Id-disinn u l-ippożizzjonar ta’ l-ankraġġi ta’ l-irbit ta’ fuq ISOFIX:
Fuq it-talba tal-manifattur tal-karozza, alternattivament jistgħu jintużaw il-metodi li ġew deskritti fil-paragrafi 5.2.4.1. u 5.2.4.2.
Il-metodu li ġie deskritt fil-paragrafu 5.2.4.1. jista’ jintuża biss jekk il-pożizzjoni ISOFIX tinsab fuq sit tal-vettura.
Bla ħsara għall-paragrafi 5.2.4.3. u 5.2.4.4., il-parti ta’ kull ankraġġ ta’ l-irbit ta’ fuq ISOFIX li hija ddisinjata biex tintrabat ma’ kollegatur ta’ l-irbit ta’ fuq ISOFIX għandha tinsab mhux aktar ’il bogħod minn 2 000 mm mill-punt ta’ referenza ta’ l-ispalla u fi ħdan iż-żona mmarkata bil-griż, kif jintwera fil-Figuri 6 sa 10 ta’ l-Anness 9, tal-pożizzjoni bilqiegħda maħsuba li għaliha ġiet installata, bir-referenza ta’ mudell li ġie deskritt fis-SAE J 826 (Lulju 1995) u muri fil-Figura 5 ta’ l-Anness 9, skond il-kundizzjonijiet li ġejjin:
5.2.4.1.1. Il-punt “H” tal-mudell jinsab fil-punt “H” uniku tad-disinn tal-pożizzjoni għal kollox ’l isfel u għalkollox lura tas-sit, ħlief li l-mudell jinsab laterlament fin-nofs bejn iż-żewġ ankraġġi ta’ isfel ISOFIX;
5.2.4.1.2. Il-linja tat-torso tal-mudell tinsab fl-istess angolu għall-pjan trażversali vertikali bħad-dahar tas-sit fil-pożizzjoni l-aktar wieqfa tiegħu, u
5.2.4.1.3. Il-mudell jiġi ppożizzjonat fil-pjan vertikali lonġitudinali li fih il-punt H tal-mudell.
5.2.4.2. Iż-żona ta’ l-ankraġġ ta’ l-irbit ta’ fuq ISOFIX tista’ tinstab alternattivament bl-għajnuna tat-Tagħmir Fiss “ISO/F2” (B), kif ġie definit fir-Regolament Nru 16 (fil-Figura 2 ta’ l-Appendiċi 2 ta’ l-Anness 17), f’ pożizzjoni ISOFIX mgħammra b’ ankraġġi baxxi ISOFIX kif jintwera fil-Figura 11 ta’ l-Anness 9.
Il-pożizzjoni bilqiegħda għandha tkun il-pożizzjoni l-aktar fuq lura u l-aktar ’l isfel bid-dahar tas-sit fil-pożizzjoni nominali tiegħu, jew kif jiġi rrakkomandat mill-manifattur tal-vettura.
Mill-ġenb, l-ankraġġ ta’ l-irbit ta’ fuq ISOFIX għandu jkun wara l-wiċċ ta’ wara tat-tagħmir fiss “ISO/F2” (B).
L-intersezzjoni bejn il-wiċċ ta’ wara tat-tagħmir fiss “ISO/F2” (B) u l-linja orizzontali (ir-referenza 3 fil-Figura 11 ta’ l-Anness 9) li fiha l-aħħar punt riġidu ta’ ebusija akbar minn 50 Shore A fil-quċċata tad-dahar tas-sit tiddefinixxi l-punt ta’ referenza 4 (il-Figura 11 ta’ l-Anness 9) fil-linja ċentrali tat-tagħmir fiss “ISO/F2” (B). F’dan il-punt ta’ referenza, angolu massimu 45° ’il fuq mil-linja orizzontali jiddefinixxi l-limitu massimu taż-żona ta’ l-ankraġġ ta’ l-irbit ta’ fuq.
Minn fuq, fil-punt ta’ referenza 4 (il-Figura 11 ta’ l-Anness 9), angolu massimu ta’ 90° li jestendi lura u lejn il-ġenb, u minn wara, angolu massimu ta’ 40° jiddefinixxi 2 volumi li jillimitaw iż-żona ta’ ankraġġ għall-irbit ta’ fuq ISOFIX.
L-oriġini taċ-ċinga ta’ l-irbit ta’ fuq ISOFIX (5) tinsab fl-intersezzjoni tat-tagħmir fiss “ISO/F2” (B) ma’ pjan li jinsab 550 mm ’il bogħod fuq il-wiċċ orizzontali tat-tagħmir fiss “ISO/F2” (B) (1) fuq il-linja ċentrali tat-tagħmir fiss “ISO/F2” (B) (6).
Barra minn hekk, l-ankraġġ ta’ l-irbit ta’ fuq ISOFIX għandu jkun ta' aktar minn 200 mm imma mhux aktar minn 2 000 mm mill-oriġini taċ-ċinga ta’ l-irbit ta’ fuq ISOFIX fuq il-wiċċ ta’ wara tat-tagħmir fiss “ISO/F2” (B), imkejla tul iċ-ċinga meta tinġibed tul id-dahar tas-sit sa l-ankraġġ ta’ l-irbit ta’ fuq ISOFIX.
Il-parti ta’ l-ankraġġ ta’ l-irbit ta’ fuq ISOFIX f’vettura li hija ddisinjata biex tintrabat mal-kollegatur ta’ l-irbit ta’ fuq ISOFIX tista’ tinstab barra miż-żoni mmarkati bil-griż li jissemmew fil-paragrafi 5.2.4.1. jew 5.2.4.2. jekk post f’żona ma jkunx xieraq u jekk il-vettura tkun mgħammra b’apparat tar-rotot li,
5.2.4.3.1. jiżgura li l-funzjonijiet taċ-ċinga ta’ l-irbit ta’ fuq ISOFIX bħallikieku l-parti ta’ l-ankraġġ ddisinjata biex tintrabat ma’ l-ankraġġ ta’ l-irbit ta’ fuq ISOFIX kienu jinsabu fiż-żona mmarkata bil-griż; u,
5.2.4.3.2. huwa mill-inqas 65 mm wara l-linja tat-torso, f’każ ta’ apparat tar-rotot mhux riġidu tat-tip bl-istrixxi jew apparat tar-rotot li jista’ jintuża, jew mill-inqas 100 mm wara l-linja tat-torso, f’każ ta’ apparat tar-rotot riġidu u ffissat; u,
5.2.4.3.3. meta ttestjat wara li ġie installat bħal ma hu maħsub li jintuża, l-apparat ikun b’saħħtu biżżejjed biex, bl-ankraġġ ta’ l-irbit ta’ fuq ISOFIX, jiflaħ għat-tagħbija li tissemma fil-paragrafu 6.6. ta’ dan ir-Regolament.
5.2.4.4. Ankraġġ ta’ l-irbit jista’ jiddaħħal fid-dahar tas-sit, sakemm ma jkunx fiż-żona tat-trembil taċ-ċinga fil-quċċata tad-daħar tas-sit tal-vettura.
5.2.4.5. L-ankraġġ ta’ l-irbit ta’ fuq ISOFIX għandu jkollu dimensjonijiet li jippermettu li jitwaħħal ganċ ta’ l-irbit ta’ fuq ISOFIX kif ġie speċifikat fil-Figura 3.
Għandu jkun pprovdut spazju madwar kull ankraġġ ta’ l-irbit ta’ fuq ISOFIX sabiex wieħed ikun jista’ jaqfel miegħu u jħoll minnu. Għal kull ankraġġ ta’ l-irbit ta’ fuq ISOFIX mgħotti, l-għata għandha tkun identifikata pereżempju b’wieħed mis-simboli jew b’kopja bil-ġnub maqlubin ta’ wieħed mis-simboli stabbiliti fil-Figura 13 ta’ l-Anness 9; l-għata għandha tkun tista’ titneħħa mingħajr ma jintużaw għodod.
5.3. In-numru minimu ta’ ankraġġi taċ-ċinturin li għandu jkun ipprovdut
Kwalunkwe vettura fil-kategoriji M u N (ħlief dawk il-vetturi tal-kategoriji M2 u M3 li jappartjenu lill-Klassijiet I jew II skond ir-Regolament Nru 36, lill-Klassi A, skond ir-Regolament Nru 52 u lill-Klassijiet I jew II u A, skond ir-Regolament Nru 107) trid tkun mgħammra b’ankraġġi taċ-ċinturin tas-sikurezza li jissodisfaw ir-rekwiżiti ta’ dan ir-Regolament.
5.3.1.1. L-ankraġġi ta’ sistema ta’ ċinturin biex jikkontrolla ċ-ċaqliq approvat bħala ċinturin tat-tip S (b’apparat(i) li jiġbed(jiġbdu) lura jew mingħajru(hom)), skond ir-Regolament Nru 16 għandhom jikkonformaw mar-rekwiżiti tar-Regolament Nru. 14, imma l-ankraġġ jew l-ankraġġi addizzjonali pprovduti biex titwaħħal ċinga ta’ bejn il-koxox (assemblaġġ) jiġi eżentat mir-rekwiżiti tas-saħħa u tal-post ta’ dan ir-Regolament.
5.3.2. In-numru minimu ta’ ankraġġi taċ-ċinturin tas-sikurezza għal kull pożizzjoni bilqiegħda diretta ’l quddiem jew lura għandu jkun dak speċifikat fl-Anness 6.
5.3.3. Madankollu, għall-pożizzjonijiet bilqiegħda fuq in-naħa ta’ barra, ħlief ta’ quddiem, ta’ vetturi tal-kategorija N1, murija fl-Anness 6 u mmarkati bis-simbolu Ø, huma permessi żewġ ankraġġi ta’ isfel, fejn ikun hemm passaġġ bejn sit u l-eqreb ħajt tal-ġenb tal-vettura maħsub biex jippermetti l-aċċess tal-passiġġieri lejn partijiet oħra tal-vettura.
Spazju bejn sit u l-ħajt tal-ġenb jitqies bħala passaġġ jekk id-distanza bejn dak il-ħajt tal-ġenb, bil-bibien kollha magħluqa, u bi pjan vertikali lonġitudinali li jgħaddi mil-linja ċentrali tas-sit ikkonċernat, imkejjel fil-pożizzjoni tal-punt R u b’mod perpendikulari għall-pjan medjan lonġitudinali tal-vettura, ikun akbar minn 500 mm.
5.3.4. Għall-pożizzjonijiet bilqiegħda ċentrali ta’ quddiem murija fl-Anness 6 u mmarkati bis-simbolu *, żewġ ankraġġi ta’ isfel għandhom jitqiesu bħala adegwati fejn il-windskrin jinsab barra miż-żona ta’ referenza li ġiet iddefinita fl-Anness 1 għar-Regolament Nru 21; jekk jinsab fiż-żona ta’ referenza, ikunu meħtieġa tliet ankraġġi.
Rigward l-ankraġġi taċ-ċinturin, il-windskrin jitqies bħala parti miż-żona ta’ referenza meta jkun jista’ jidħol f’kuntatt statiku ma’ l-apparat tat-test skond il-metodu li ġie deskritt fl-Anness 1 għar-Regolament Nru 21.
F’kull pożizzjoni bilqiegħda mmarkata fl-Anness 6 bis-simbolu , għandhom ikunu pprovduti tliet ankraġġi. Jistgħu jkunu pprovduti żewġ ankraġġi jekk tkun sodisfatta waħda mill-kundizzjonijiet li ġejjin:
5.3.5.1. hemm sit jew partijiet oħra tal-vettura li jikkonformaw mal-paragrafu 3.5. ta’ l-Appendiċi 1 għar-Regolament Nru 80 direttament quddiem, jew
5.3.5.2. l-ebda parti mill-vettura ma tinsab fiż-żona ta’ referenza, jew ma tista’ tkun fiż-żona ta’ referenza meta l-vettura tkun qed tiċċaqlaq, jew
5.3.5.3. partijiet mill-vettura fiż-żona ta’ referenza msemmija jikkonformaw mar-rekwiżiti ta’ assorbiment ta’ l-enerġija stabbiliti fl-Appendiċi 6 għar-Regolament Nru 80.
5.3.6. M’hu meħtieġ l-ebda ankraġġ taċ-ċinturin għas-sits li jingħalqu kollha, jew għas-sits maħsuba biss biex jintużaw meta l-vettura tkun wieqfa kif ukoll għas-sits kollha ta’ kwalunkwe vettura li ma jkunux koperti mill-paragrafi 5.3.1. sa 5.3.4.. Madankollu, jekk il-vettura tkun mgħammra b’ankraġġi għal sits bħal dawn, dawn l-ankraġġi jridu jikkonformaw mad-dispożizzjonijiet ta’ dan ir-Regolament. F’dan il-każ żewġ ankraġġi ta’ isfel għandhom ikunu biżżejjed.
5.3.7. Fil-każ tal-pjan ta’ fuq ta’ vettura b’żewġ pjanijiet, ir-rekwiżiti għall-pożizzjoni bilqiegħda ċentrali ta’ quddiem għandha tapplika wkoll fil-pożizzjonijiet bilqiegħda ta’ quddiem fuq in-naħa ta’ barra.
5.3.8. In-numru minimu tal-pożizzjonijiet ISOFIX li għandhom ikunu pprovduti.
5.3.8.1. Kwalunkwe vettura tal-kategorija M1 trid tkun mgħammra b’mill-inqas żewġ pożizzjonijiet ISOFIX.
Mill-inqas tnejn mill-pożizzjonijiet ISOFIX għandhom ikunu mgħammra kemm b’sistema ta’ ankraġġi ISOFIX kif ukoll b’ankraġġ ta’ l-irbit ta’ fuq ISOFIX.
It-tip u n-numru ta’ tagħmir fiss ISOFIX, li ġie ddefinit fir-Regolament Nru 16, li jista’ jiġi installat f’kull pożizzjoni ISOFIX jiġu definiti fir-Regolament Nru 16.
5.3.8.2. Minkejja l-paragrafu 5.3.8.1., jekk vettura tkun mgħammra biss b’ringiela waħda ta’ sits, m’hi meħtieġa l-ebda pożizzjoni ISOFIX.
5.3.8.3. Minkejja l-paragrafu 5.3.8.1., mill-inqas waħda miż-żewġ sistemi tal-pożizzjonjiet ISOFIX għandha tiġi installata fit-tieni ringiela tas-sits.
5.3.8.4. Jekk sistema ta’ ankraġġi ISOFIX tiġi installata f’pożizzjoni bilqiegħda ta’ quddiem imħarsa minn airbag frontali, għandu jitwaħħal apparat ta’ deattivazzjoni għal dan l-airbag.
5.3.8.5. Minkejja l-paragrafu 5.3.8.1., f’każ ta’ sistema(i) tat-trażżin għat-tfal “inkorporat(i)”, in-numru ta’ pożizzjonijiet ISOFIX li għandhom ikunu pprovduti għandu jkun mill-inqas tnejn mingħajr in-numru tas-sistema(i) tat-trażżin għat-tfal “inkorporat(i)” integrati tal-gruppi ta’ massa 0, jew 0+, jew 1.
5.3.8.6. Minkejja d-dispożizzjoni tal-paragrafu 5.3.8.1., vetturi konvertibbli kif iddefiniti fil-paragrafu 8.1. ta’ l-Anness 7 għar-Riżoluzzjoni Konsolidata dwar il-Kostruzzjoni tal-Vetturi (R.E.3) (3) b’aktar minn ringiela waħda ta’ sits għandhom jiġu mgħammra b’mill-inqas żewġ ankraġġi baxxi ISOFIX. F’każ fejn fuq vetturi bħal dawn jiġi pprovdut ankraġġ ta’ l-irbit ta’ fuq ISOFIX, dan għandu jikkonforma mad-dispożizzjonjiet addattati ta’ dan ir-Regolament.
5.3.9. Fil-każ ta’ sits li jistgħu jiddawru jew jitqiegħdu f’orjentazzjonijiet oħra, biex jintużaw meta l-vettura tkun wieqfa, ir-rekwiżiti tal-paragrafu 5.3.1. għandhom japplikaw biss għal dawk l-orjentazzjonijiet maħsuba għall-użu normali meta l-vettura tkun qed tivvjaġġa fi triq, skond dan ir-Regolament. Fid-dokument ta’ informazzjoni għandha tkun inkluża nota li tgħid dan.
5.4. Il-post fejn jinsabu l-ankraġġi taċ-ċinturin (ara l-Figura 1 ta’ l-Anness 3.)
5.4.1. Ġenerali
5.4.1.1. L-ankraġġi taċ-ċinturin għal kwalunkwe ċinturin jistgħu jinsabu jew għal kollox fl-istruttura tal-vettura jew fl-istruttura tas-sit jew fi kwalunkwe parti oħra tal-vettura jew mifruxa bejn dawn il-postijiet.
5.4.1.2. Kwalunkwe ankraġġ taċ-ċinturin jista’ jintuża biex jitwaħħlu t-truf ta’ żewġ ċinturini tas-sikurezza biswit xulxin, sakemm jiġu ssodisfatti r-rekwiżiti tat-test.
5.4.2. Il-post fejn jinsab l-ankraġġ effettiv ta’ isfel taċ-ċinturin
5.4.2.1. Is-sits ta’ quddiem, il-kategorija tal-vetturi M1
F’vetturi bil-mutur tal-kategorija M1, l-angolu α1 (mhux fuq in-naħa tal-bokkla) għandu jkun fil-medda ta’ bejn it-30 u t-80 grad u l-angolu α2 (in-naħa tal-bokkla) għandu jkun fil-medda ta’ bejn il-45 u t-80 grad. Iż-żewġ rekwiżiti angolari għandhom ikunu validi għall-pożizzjonijiet normali kollha ta’ l-ivvjaġġar tas-sits ta’ quddiem. Fejn mill-inqas wieħed mill-angoli α1 u α2 ikun kostanti (eż. ankraġġ imwaħħal mas-sit) fil-pożizzjonijiet normali kollha ta’ l-użu, il-valur tiegħu għandu jkun ta’ 60 ± 10°. Fil-każ ta’ sits aġġustabbli b’apparat li jaġġusta kif ġie deskritt fil-paragrafu 2.12. b’angolu tad-daħar tas-sit ta’ inqas minn 20° (ara l-Figura 1 ta’ l-Anness 3), l-angolu α1 jista’ jkun taħt il-valur minimu (30°) li ġie stipulat hawn fuq, sakemm ma jkunx inqas minn 20° fi kwalunkwe pożizzjoni normali ta’ l-użu.
5.4.2.2. Is-sits ta’ wara, il-kategorija tal-vetturi M1
F’vetturi bil-mutur tal-kategorija M1, għas-sits ta’ wara kollha, l-angoli α1 u α2 għandhom ikunu fil-medda ta’ bejn it-30 u t-80 grad. Jekk is-sits ta’ wara jkunu aġġustabbli, l-angoli ta’ hawn fuq għandhom ikunu validi għall-pożizzjonijiet normali kollha ta’ l-ivvjaġġar.
5.4.2.3. Is-sits ta’ quddiem, il-kategoriji tal-vetturi li mhumiex l-M1
F’vetturi bil-muturi tal-kategoriji li mhumiex l-M1, għall-pożizzjonijiet normali kollha ta’ l-ivvjaġġar tas-sits ta’ quddiem, l-angoli α1 u α2 iridu jkunu bejn it-30 u t-80 grad. Fejn fil-każ tas-sits ta’ quddiem ta’ vetturi li jkollhom massa massima tal-vettura li ma taqbiżx it-3,5 tunnellati metriċi, mill-inqas wieħed mill-angoli α1 u α2 irid ikun kostanti fil-pożizzjonijiet normali kollha ta’ l-użu, bil-valur tiegħu għandu jkun ta’ 60 ± 10° (eż. ankraġġ imwaħħal mas-sit).
5.4.2.4. Is-sits ta’ wara u s-sits speċjali ta’ quddiem jew ta’ wara, il-kategoriji tal-vetturi li mhumiex l-M1
F’vetturi ta’ kategoriji li mhumiex l-M1, fil-każ ta’:
(a) |
sits f’forma ta’ bank, |
(b) |
sits aġġustabbli (quddiem u wara) b’apparat li jaġġusta kif ġie deskritt fil-paragrafu 2.12. b’angolu tad-dahar tas-sit iċken minn 20° (ara l-Figura 1 ta’ l-Anness 3), u |
(c) |
sits oħra ta’ wara |
l-angoli α1 u α2 jistgħu jkunu bejn 20° u 80° fi kwalunkwe pożizzjoni normali ta’ l-użu. Fejn fil-każ tas-sits ta’ quddiem ta’ vetturi li jkollhom massa massima tal-vettura li ma taqbiżx it-3.5 tunnellati metriċi, mill-inqas wieħed mill-angoli α1 u α2 irid ikun kostanti fil-pożizzjonijiet normali kollha ta’ l-użu, bil-valur tiegħu għandu jkun ta’ 60 ± 10° (eż. ankraġġ imwaħħal mas-sit).
Fil-każ tas-sits, għajr għas-sits ta’ quddiem, ta’ vetturi fil-kategoriji M2 u M3, l-angoli α1 u α2 għandhom ikunu bejn il-45 u d-90 grad għall-pożizzjonijiet normali kollha ta’ l-użu.
5.4.2.5. Id-distanza bejn iż-żewġ pjani vertikali paralleli għall-pjan medjan lonġitudinali tal-vettura u b’kull wieħed minnhom jgħaddi minn ankraġġ differenti miż-żewġ ankraġġi effettivi ta’ isfel taċ-ċinturin L1 u L2 ta’ l-istess ċinturin tas-sikurezza m’għandiex tkun inqas minn 350 mm. Fil-każ ta’ kwalunkwe pożizzjoni bilqiegħda ċentrali fir-ringieli ta’ wara tas-sits tal-vetturi tal-kategoriji M1 u N1, id-distanza li tissemma hawn fuq m’għandiex tkun inqas minn 240 mm, sakemm ma jkunx possibbli li s-sit ċentrali ta’ wara jinbidel ma’ kwalunkwe wieħed mis-sits l-oħra tal-vettura. Il-pjan medjan lonġitudinali tas-sit għandu jgħaddi bejn il-punti L1 u L2 u għandu jkun mill-inqas 120 mm minn dawn il-punti.
5.4.3. Il-post fejn jinsabu l-ankraġġi effettivi ta’ fuq taċ-ċinturin (ara l-Anness 3)
5.4.3.1. Jekk tintuża gwida taċ-ċinga jew apparat simili li taffettwa l-post fejn jinsab l-ankraġġ effettiv ta’ fuq taċ-ċinturin, dan il-post għandu jkun iddeterminat b’mod konvenzjonali billi titqies il-pożizzjoni ta’ l-ankraġġ meta l-linja lonġitudinali ċentrali taċ-ċinga tgħaddi minn punt J1 li ġie ddefinit suċċessivament mill-punt R mit-tliet segmenti li ġejjin:
RZ |
: |
segment tal-linja tat-torso imkejjel f’direzzjoni ’l fuq minn R u twil 530 mm; |
ZX |
: |
segment perpendikulari għall-pjan medjan lonġitudinali tal-vettura, imkejjel mill-punt Z fid-direzzjoni ta’ l-ankraġġ u twil 120 mm; |
XJ1 |
: |
segment perpendikulari għall-pjan iddefinit mis-segmenti RZ u ZX, imkejjel f’direzzjoni ’l quddiem mill-punt X u twil 60 mm. |
Il-punt J2 jiġi determinat permezz ta’ simmetrija mal-punt J1 madwar il-pjan lonġitudinali vertikali li jgħaddi mil-linja tat-torso tal-manikin, deskritta fil-paragrafu 5.1.2., ippożizzjonat fis-sit ikkonċernat.
Fejn tintuża konfigurazzjoni b’żewġ bibien sabiex ikun ipprovdut aċċess kemm għas-sits ta’ quddiem kif ukoll għal dawk ta’ wara u l-ankraġġ ta’ fuq jitwaħħal mal-pilastru “B”, is-sistema trid tkun iddisinjata sabiex ma ttellifx l-aċċess għal jew il-ħruġ mill-vettura.
5.4.3.2. L-ankraġġ effettiv ta’ fuq għandu jkun taħt il-pjan FN, li jgħaddi b’mod perpendikulari għall-pjan lonġitudinali medjan tas-sit u li jagħmel angolu ta’ 65° mal-linja tat-torso. L-angolu jista’ jitnaqqas għal 60° fil-każ tas-sits ta’ wara. Il-pjan FN għandu jitqiegħed b’tali mod li jaqsam il-linja tat-torso f’punt D, b’tali mod li DR = 315 mm + 1,8 S. Madankollu, meta S ≤ 200 mm, mela DR = 675 mm.
5.4.3.3. L-ankraġġ effettiv ta’ fuq taċ-ċinturin għandu jkun wara pjan FK li jgħaddi b’mod perpendikulari għall-pjan lonġitudinali medjan tas-sit u li jaqsam il-linja tat-torso f’angolu ta’ 120° f’punt B b’tali mod li BR = 260 mm + S. Fejn S ≥ 280 mm, il-manifattur jista’ juża BR = 260 mm + 0,8 S għad-diskrezzjoni tiegħu.
5.4.3.4. Il-valur ta’ S m’għandux ikun inqas minn 140 mm.
5.4.3.5. L-ankraġġ effettiv ta’ fuq taċ-ċinturin għandu jkun jinsab fuq wara ta’ pjan vertikali perpendikulari għall-pjan medjan lonġitudinali tal-vettura u li jgħaddi mill-punt R kif jintwera fl-Anness 3.
5.4.3.6. L-ankraġġ effettiv ta’ fuq taċ-ċinturin għandu jinsab ’il fuq minn pjan orizzontali li jgħaddi mill-punt C iddefinit fil-paragrafu 5.1.4.
Minbarra l-ankraġġ ta’ fuq li ġie speċifikat fil-paragrafu 5.4.3.1. jistgħu jkunu pprovduti ankraġġi effettivi ta’ fuq oħra jekk waħda mill-kundizzjonijiet li ġejjin tiġi ssodisfatta:
5.4.3.7.1. L-ankraġġi addizzjonali jikkonformaw mar-rekwiżiti tal-paragrafi 5.4.3.1. sa 5.4.3.6.
5.4.3.7.2. L-ankraġġi addizzjonali jistgħu jintużaw mingħajr l-għajnuna ta’ għodod, jikkonformaw mar-rekwiżiti tal-paragrafi 5.4.3.5. u 5.4.3.6. u jinsabu f’waħda miż-żoni li ġew iddeterminati biċ-ċaqliq 80 mm ’il fuq jew ’l isfel f’direzzjoni vertikali taż-żona murija fil-Figura 1 ta’ l-Anness 3 għal dan ir-Regolament.
L-ankraġġ(i) huwa/huma maħsub/a għal ċinturin biex jikkontrolla ċ-ċaqliq, jikkonforma/w mar-rekwiżiti stabbiliti fil-paragrafu 5.4.3.6. jekk jinsab/u wara l-linja trażversali li tgħaddi mil-linja ta’ referenza u jinsab/u:
5.4.3.7.3.1. Fil-każ ta’ ankraġġ wieħed, fiż-żona komuni għal żewġ diħedrali definiti mil-linji vertikali li jgħaddu mill-punti J1 u J2 kif ġew iddefiniti fil-paragrafu 5.4.3.1. u li s-sezzjonijiet orizzontali tagħhom jintwrew fil-Figura 2 ta’ l-Anness 3 għal dan ir-Regolament;
5.4.3.7.3.2. Fil-każ ta’ żewġ ankraġġi, fi ħdan liema wieħed mid-diħedrali li ġew iddefiniti aktar ’il fuq ikun xieraq, sakemm kull ankraġġ ma jkunx iktar minn 50 mm ’il bogħod mill-pożizzjoni riflessa, imqiegħda simetrikament ta’ l-ankraġġ l-ieħor madwar il-pjan P, kif ġie ddefinit fil-paragrafu 5.1.6., tas-sit ikkonċernat.
5.5. Id-dimensjonijiet tat-toqob ta’ l-ankraġġ bil-wiċċ imfellel
5.5.1. Ankraġġ għandu jkollu toqba bil-wiċċ imfellel ta’ 7/16 pulzier (20 UNF 2B).
5.5.2. Jekk il-vettura tkun mgħammra mill-manifattur b’ċinturini tas-sikurezza li jkunu mwaħħla ma’ l-ankraġġi kollha preskritti għas-sit ikkonċernat, dawn l-ankraġġi m’hemmx għalfejn jissodisfaw ir-rekwiżiti stabbiliti fil-paragrafu 5.5.1., sakemm jikkonformaw mad-dispożizzjonijiet l-oħra ta’ dan ir-Regolament. Barra minn hekk, ir-rekwiżit stabbiliti fil-paragrafu 5.5.1. m’għandux japplika għal ankraġġi addizzjonali li jissodisfaw r-rekwiżit stabbilit fil-paragrafu 5.4.3.7.3.
5.5.3. Għandu jkun possibbli li ċ-ċinturin tas-sikurezza jitneħħa mingħajr ma ssir ħsara lill-ankraġġ.
6. IT-TESTIJIET
6.1. It-testijiet ġenerali għall-ankraġġi taċ-ċinturin tas-sit
Bla ħsara għall-applikazzjoni tad-dispożizzjonijiet tal-paragrafu 6.2., u fuq it-talba tal-manifattur;
6.1.1.1. it-testijiet jistgħu jitwettqu jew fuq struttura ta’ vettura jew fuq vettura kompluta minn kollox;
6.1.1.2. It-testijiet jistgħu jkunu limitati għall-ankraġġi li huma relatati ma’ sit wieħed biss jew ma’ grupp ta’ sits, sakemm:
(a) |
l-ankraġġi kkonċernati jkollhom l-istess karatteristiċi strutturali bħall-ankraġġi li huma relatati mas-sits jew mal-gruppi ta’ sits l-oħra; u |
(b) |
fejn ankraġġi bħal dawn jitwaħħlu totalment jew parzjalment fuq is-sit jew fuq il-grupp ta’ sits, il-karatteristiċi strutturali tas-sit jew tal-grupp ta’ sits jkunu l-istess bħal dawk għas-sits jew għall-grupp ta’ sits l-oħra. |
6.1.1.3. it-twieqi u l-bibien jistgħu jitwaħħlu jew le u jkunu magħluqa jew le;
6.1.1.4. jista’ jitwaħħal kwalunkwe tagħmir ipprovdut normalment u li huwa probabbli li jikkontribwixxi għar-riġidità ta’ l-istruttura tal-vettura.
6.1.2. Is-sits għandhom jitwaħħlu u jitqiegħdu fil-pożizzjoni għas-sewqan jew għall-użu magħżula mis-servizz tekniku responsabbli mit-twettiq tat-testijiet ta’ approvazzjoni sabiex jingħataw l-aktar kundizzjonijiet avversi rigward is-saħħa tas-sistema. Il-pożizzjoni tas-sits għandha tkun iddikjarata fir-rapport. Id-dahar tas-sit, jekk l-inklinazzjoni tiegħu tkun aġġustabbli, jista’ jissakkar kif ġie speċifikat mill-manifattur jew, fin-nuqqas ta’ kwalunkwe speċifikazzjoni bħal din, f’pożizzjoni li tikkorrispondi għal angolu effettiv tad-dahar tas-sit mill-aktar qrib possibbli għal 25° għall-vetturi tal-kategoriji M1 u N1 u għal 15° għall-vetturi tal-kategoriji l-oħra kollha.
6.2. L-irfid tal-vettura għat-testijiet ta’ l-ankraġġi taċ-ċinturin tas-sit u għat-testijiet ta’ l-ankraġġi ISOFIX
6.2.1. Il-metodu li jintuża biex il-vettura tintrifed matul it-test m’għandux ikun tali li jsaħħaħ l-ankraġġi taċ-ċinturin tas-sit jew l-ankraġġi ISOFIX u ż-żona ta’ ankraġġ tagħhom jew li jnaqqas id-deformazzjoni normali ta’ l-istruttura.
6.2.2. Apparat ta’ rfid għandu jitqies bħala sodisfaċenti jekk ma jipproduċi l-ebda effett fuq żona li testendi tul il-wisa’ kollha ta’ l-istruttura u jekk il-vettura jew l-istruttura tkun imblukkata jew iffissata fuq quddiem f’distanza ta’ mhux inqas minn 500 mm mill-ankraġġ li għandu jiġi ttestjat u tinżamm jew tkun iffissata fuq wara mhux inqas minn 300 mm minn dak l-ankraġġ.
6.2.3. Huwa rrakkomandat li l-istruttura għandha tistrieħ fuq appoġġi rranġati bejn wieħed u ieħor f’linja ma’ l-assi tar-roti jew, jekk dak ma jkunx possibbli, f’linja mal-punti ta’ twaħħil tas-suspenxin.
6.2.4. Jekk jintuża metodu ta’ rfid li mhux dak preskritt fil-paragrafi 6.2.1. sa 6.2.3. ta’ dan ir-Regolament, trid tingħata evidenza li huwa ekwivalenti.
6.3. Ir-rekwiżiti ġenerali tat-test għall-ankraġġi taċ-ċinturin tas-sit
6.3.1. L-ankraġġi kollha taċ-ċinturin ta’ l-istess grupp ta’ sits għandhom jiġu ttestjati fl-istess ħin. Madankollu, jekk ikun hemm riskju li tagħbija mhux simetrika tas-sits u/jew ta’ l-ankraġġi tista’ twassal għal ħsarat, jista’ jitwettaq test addizzjonali b’tagħbija mhux simetrika.
6.3.2. Il-forza tal-ġbid għandha tiġi applikata f’direzzjoni li tikkorrispondi għall-pożizzjoni bilqiegħda f’angolu ta’ 10° ± 5° ’il fuq mill-orizzontali fi pjan parallel għall-pjan medjan lonġitudinali tal-vettura.
Għandha tiġi applikata tagħbija minn qabel ta’ 10 fil-mija b’tolleranza ta’ ± 30 fil-mija tat-tagħbija fil-mira; it-tagħbija għandha tiġi miżjuda għal 100 fil-mija tat-tagħbija rilevanti fil-mira.
6.3.3. L-applikazzjoni sħiħa tat-tagħbija għandha tintlaħaq kemm jista’ jkun malajr, u f’ħin massimu ta’ applikazzjoni ta’ tagħbija ta’ 60 sekonda.
Madankollu, il-manifattur jista’ jitlob li l-applikazzjoni tat-tagħbija tintlaħaq f’4 sekondi.
L-ankraġġi taċ-ċinturin iridu jifilħu t-tagħbija speċifikata għal mhux inqas minn 0.2 sekonda.
6.3.4. L-apparati ta’ ġbid li għandhom jintużaw fit-testijiet li ġew deskritti fil-paragrafu 6.4. ta’ aktar ’l isfel jintwerew fl-Anness 5. L-apparati murija fil-Figura 1 ta’ l-Anness 5 jitqiegħdu fuq il-kuxxin tas-sit umbagħad, meta jkun possibbli, jiġu mbuttati lura fid-dahar tas-sit filwaqt li ċ-ċinga taċ-ċinturin tiġi ssikkata madwaru. L-apparat muri fil-Figura 2 ta’ l-Anness 5 jitqiegħed fil-pożizzjoni tiegħu, biċ-ċinga taċ-ċinturin tkun imwaħħla fuq l-apparat u ssikkata. Waqt din l-operazzjoni m’għandha tiġi introdotta l-ebda tagħbija minn qabel fl-ankraġġi taċ-ċinturin tas-sikurezza lilhinn mill-minimu meħtieġ għall-ippożizzjonar korrett ta’ l-apparat tat-test.
L-apparat ta’ ġbid ta’ jew 254 mm jew 406 mm li jintuża f’kull pożizzjoni bilqiegħda għandu jkun tali li l-wisa’ tiegħu jkun kemm jista’ jkun qrib tad-distanza bejn l-ankraġġi ta’ isfel.
Il-pożizzjoni ta’ l-apparat ta’ ġbid għandu jevita kwalunkwe influwenza reċiproka matul it-test tal-ġbid li taffettwa b’mod avvers it-tagħbija u d-distribuzzjoni tat-tagħbiji.
L-ankraġġi taċ-ċinturin għas-sits li għalhom jiġu pprovduti ankraġġi ta’ fuq taċ-ċinturin għandhom jiġu ttestjati fil-kundizzjonijiet li ġejjin:
Is-sits ta’ quddiem fuq in-naħa ta’ barra:
L-ankraġġi taċ-ċinturin għandhom jitressqu għat-test preskritt fil-paragrafu 6.4.1. fejn it-tagħbiji jiġu trażmessi lilhom permezz ta’ apparat li jirriproduċi l-ġeometrija ta’ ċinturin bi tliet ankraġġi mgħammar b’apparat li jiġbed lura li jkollu taljola jew gwida taċ-ċinga fl-ankraġġ ta’ fuq taċ-ċinturin. Barra minn hekk, jekk in-numru ta’ ankraġġi jkun akbar minn dak preskritt fil-paragrafu 5.3., dawn l-ankraġġi għandhom jiġu soġġetti għat-test li ġie speċifikat fil-paragrafu 6.4.5., fejn it-tagħbiji għandhom jiġu trażmessi lill-ankraġġi permezz ta’ apparat li jirriproduċi l-ġeometrija tat-tip ta’ ċinturin tas-sikurezza maħsub biex ikun marbut magħhom.
6.3.5.1.1. Fil-każ fejn l-apparat li jiġbed lura ma jkunx imwaħħal ma’ l-ankraġġ ta’ isfel taċ-ċinturin fuq in-naħa ta’ barra meħtieġ jew fil-każ fejn l-apparat li jiġbed lura jkun imwaħħal ma’ l-ankraġġ ta’ fuq taċ-ċinturin, l-ankraġġi ta’ isfel taċ-ċinturin ukoll għandhom jitressqu għat-test preskritt fil-paragrafu 6.4.3.
6.3.5.1.2. Jekk il-manifattur jitlob dan, fil-każ li ssemma hawn fuq, it-testijiet preskritti fil-paragrafi 6.4.1. u 6.4.3. jistgħu jitwettqu fuq żewġ strutturi differenti.
6.3.5.2. Is-sits ta’ wara fuq in-naħa ta’ barra u s-sits ċentrali kollha:
L-ankraġġi taċ-ċinturin għandhom ikunu soġġetti għat-test preskritt fil-paragrafu 6.4.2. fejn it-tagħbiji jiġu trażmessi lilhom permezz ta’ apparat li jirriproduċi l-ġeometrija ta’ ċinturin tas-sikurezza bi tliet ankraġġi mingħajr apparat li jiġbed lura, u għat-test preskritt fil-paragrafu 6.4.3., fejn it-tagħbiji jiġu trażmessi liż-żewġ ankraġġi ta’ isfel taċ-ċinturin permezz ta’ apparat li jirriproduċi l-ġeometrija ta’ ċinturin ta’ fuq il-ħoġor. Jekk il-manifattur jitlob dan, iż-żewġ testijiet jistgħu jitwettqu fuq żewġ strutturi differenti.
6.3.5.3. Meta manifattur iforni l-vettura tiegħu b’ċinturini tas-sikurezza, l-ankraġġi korrispondenti taċ-ċinturin, fuq it-talba tal-manifattur, jistgħu jitressqu biss għal test fejn it-tagħbiji jiġu trażmessi lilhom permezz ta’ apparat li jirriproduċi l-ġeometrija tat-tip ta’ ċinturini li għandhom jitwaħħlu ma’ dawn l-ankraġġi.
6.3.6. Jekk għas-sits fuq in-naħa ta’ barra u għas-sits ċentrali ma jkun ipprovdut l-ebda ankraġġ ta’ fuq taċ-ċinturin, l-ankraġġi ta’ isfel taċ-ċinturin għandhom jitressqu għat-test preskritt fil-paragrafu 6.4.3., fejn it-tagħbiji jiġu trażmessi lil dawn l-ankraġġi permezz ta’ apparat li jirriproduċi l-ġeometrija ta’ ċinturin ta’ fuq il-ħoġor.
6.3.7. Jekk il-vettura hija ddisinjata biex taċċetta apparati oħra li ma jħallux li ċ-ċineg jitwaħħlu direttament ma’ l-ankraġġi taċ-ċinturin mingħajr dawwara li jintervjenu eċċ., jew li teħtieġ ankraġġi taċ-ċinturin supplimentari għal dawk li jissemmew fil-paragrafu 5.3., iċ-ċinturin tas-sikurezza jew arranġament ta’ wajers, ta’ dwawar, eċċ, li jirrappreżenta l-apparat taċ-ċinturin tas-sikurezza, għandu jitwaħħal b’apparat bħal dan ma’ l-ankraġġi taċ-ċinturin fil-vettura u l-ankraġġi taċ-ċinturin għandhom ikunu soġġetti għat-testijiet li ġew preskritti fil-paragrafu 6.4., kif inhu xieraq.
6.3.8. Jista’ jintuża metodu tat-test li mhux dak preskritt fil-paragrafu 6.3., imma trid tingħata evidenza li huwa ekwivalenti.
6.4. Ir-rekwiżiti partikolari tat-test għall-ankraġġi taċ-ċinturin tas-sit
6.4.1. It-test f’konfigurazzjoni ta’ ċinturin bi tliet ankraġġi li jinkorpora apparat li jiġbed lura li jkollu taljola jew gwida taċ-ċinga fl-ankraġġ ta’ fuq taċ-ċinturin
6.4.1.1. Taljola jew gwida speċjali għall-wajer jew ċinga addattata biex tkun trażmessa t-tagħbija mill-apparat ta’ trazzjoni, jew it-taljola jew il-gwida taċ-ċinga fornuta mill-manifattur għandha titwaħħal ma’ l-ankraġġ ta’ fuq taċ-ċinturin.
6.4.1.2. Għandha tiġi applikata tagħbija tat-test ta’ 1 350 daN ± 20 daN ma’ apparat ta’ ġbid (ara l-Figura 2 ta’ l-Anness 5) imwaħħal ma’ l-ankraġġi taċ-ċinturin ta’ l-istess ċinturin, permezz ta’ apparat li jirriproduċi l-ġeometrija taċ-ċinga ta’ fuq tat-torso ta’ ċinturin tas-sikurezza bħal dan. Fil-każ ta’ vetturi ta’ kategoriji għajr l-M1 u n-N1, it-tagħbija tat-test għandha tkun ta’ 675 ± 20 daN, ħlief għall-vetturi tal-kategoriji M3 u N3 fejn it-tagħbija tat-test għandha tkun ta’ 450 ± 20 daN.
6.4.1.3. Fl-istess ħin, għandha tiġi applikata forza ta’ trazzjoni ta’ 1 350 daN ± 20 daN fuq apparat ta’ ġbid (ara l-Figura 1 ta’ l-Anness 5) imwaħħal maż-żewġ ankraġġi ta’ isfel taċ-ċinturin. Fil-każ ta’vetturi ta’ kategoriji li mhumiex l-M1 u n-N1, it-tagħbija tat-test għandha tkun ta’ 675 ± 20 daN, ħlief għall-vetturi tal-kategoriji M3 u N3 fejn it-tagħbija tat-test għandha tkun ta’ 450 ± 20 daN.
6.4.2. It-test f’konfigurazzjoni ta’ ċinturin bi tliet ankraġġi mingħajr apparat li jiġbed lura jew b’apparat li jiġbed lura fl-ankraġġ ta’ fuq taċ-ċinturin
6.4.2.1. Għandha tiġi applikata tagħbija tat-test ta’ 1 350 daN ± 20 daN fuq apparat ta’ ġbid (ara l-Figura 2 ta’ l-Anness 5) imwaħħal ma’ l-ankraġġ ta’ fuq taċ-ċinturin u ma’ l-ankraġġ ta’ isfel oppost taċ-ċinturin ta’ l-istess ċinturin billi jintuża, jekk ikun fornut mill-manifattur, apparat li jiġbed lura imwaħħal fuq l-ankraġġ ta’ fuq taċ-ċinturin. Fil-każ ta’ vetturi ta’ kategoriji li mhumiex l-M1 u n-N1, it-tagħbija tat-test għandha tkun ta’ 675 ± 20 daN, ħlief għall-vetturi tal-kategoriji M3 u N3 fejn it-tagħbija tat-test għandha tkun ta’ 450 ± 20 daN.
6.4.2.2. Fl-istess ħin, għandha tiġi applikata forza ta’ ġbid ta’ 1 350 daN ± 20 daN fuq apparat ta’ ġbid (ara l-Figura 1 ta’ l-Anness 5) imwaħħal ma’ l-ankraġġi ta’ isfel taċ-ċinturin. Fil-każ ta’ vetturi ta’ kategoriji li mhumiex l-M1 u n-N1, it-tagħbija tat-test għandha tkun ta’ 675 ± 20 daN, ħlief li għall-vetturi tal-kategoriji M3 u N3 it-tagħbija tat-test għandha tkun ta’ 450 ± 20 daN.
6.4.3. It-test f’konfigurazzjoni ta’ ċinturin ta’ fuq il-ħoġor
Għandha tiġi applikata tagħbija tat-test ta’ 2 225 daN ± 20 daN fuq apparat ta’ ġbid (ara l-Figura 1 ta’ l-Anness 5) imwaħħal maż-żewġ ankraġġi ta’ isfel taċ-ċinturin. Fil-każ ta’ vetturi ta’ kategoriji li mhumiex l-M1 u n-N1, it-tagħbija tat-test għandha tkun ta’ 1 110 ± 20 daN, ħlief għall-vetturi tal-kategoriji M3 u N3 fejn it-tagħbija tat-test għandha tkun ta’ 740 ± 20 daN.
6.4.4. It-test għall-ankraġġi taċ-ċinturin li jinsabu għal kollox fl-istruttura tas-sit jew mifruxa bejn l-istruttura tal-vettura u l-istruttura tas-sit
6.4.4.1. Għandu jitwettaq, kif inhu xieraq, it-test li ġie speċifikat fil-paragrafi 6.4.1., 6.4.2. u 6.4.3. ta’ aktar ’il fuq, fejn fl-istess ħin għal kull sit jew għal kull grupp ta’ sits tiġi applikata forza kif ġie ddikjarat aktar ’l isfel.
6.4.4.2. It-tagħbiji li ġew indikati fil-paragrafi 6.4.1., 6.4.2. u 6.4.3 ta’ aktar ’il fuq għandhom jiġu kkomplimentati minn forza daqs 20 darba l-massa tas-sit komplut. It-tagħbija ta’ l-inerzja għandha tiġi applikata fuq is-sit jew fuq il-partijiet rilevanti tas-sit li tikkorrispondi għall-effett fiżiku tal-massa tas-sit ikkonċernat għall-ankraġġi tas-sit. Id-determinazzjoni tat-tagħbija applikata jew tat-tagħbiji applikati addizzjonali u d-distribuzzjoni tat-tagħbiji għandhom isiru mill-manifattur u jkunu approvati mis-Servizz Tekniku.
Fil-każ ta’ vetturi fil-kategoriji M2 u N2, din il-forza trid tkun daqs 10 darbiet il-massa tas-sit komplut; għall-kategoriji M3 u N3 għandha tkun daqs 6.6 darbiet il-massa tas-sit komplut.
6.4.5. It-test f’konfigurazzjoni ta’ ċinturin ta’ tip speċjali
6.4.5.1. Għandha tiġi applikata tagħbija tat-test ta’ 1 350 ± 20 daN fuq apparat ta’ ġbid (ara l-Figura 2 ta’ l-Anness 5) imwaħħal ma’ l-ankraġġi ta’ ċinturin ta’ ċinturin tas-sikurezza bħal dan permezz ta’apparat li jirriproduċi l-ġeometrija taċ-ċinga jew taċ-ċineg ta’ fuq tat-torso.
6.4.5.2. Fl-istess ħin, għandha tiġi applikata forza ta’ ġbid ta’ 1 350 ± 20 daN fuq apparat ta’ ġbid (ara l-Figura 2 ta’ l-Anness 5) imwaħħal maż-żewġ ankraġġi ta’ isfel taċ-ċinturin.
6.4.5.3. Fil-każ ta’ vetturi ta’ kategoriji li mhumiex l-M1 u n-N1, din it-tagħbija tat-test għandha tkun ta’ 675 ± 20 daN, ħlief għall-vetturi tal-kategoriji M3 u N3 fejn it-tagħbija tat-test għandha tkun ta’ 450 ± 20 daN.
6.4.6. It-test fil-każ tas-sits li jħarsu lura
6.4.6.1. Il-punti ta’ ankraġġi għandhom jiġu ttestjati skond il-forzi preskritti fil-paragrafi 6.4.1., 6.4.2. jew 6.4.3., kif inhu xieraq. F’kull każ, it-tagħbija tat-test għandha tikkorrispondi għat-tagħbija preskritta għall-vetturi tal-kategoriji M3 jew N3.
6.4.6.2. It-tagħbija tat-test għandha tkun diretta ’l quddiem b’relazzjoni għall-pożizzjoni bilqiegħda kkonċernata, li tikkorrispondi għall-proċedura preskritta fil-paragrafu 6.3.
6.5. Fil-każ ta’ grupp ta’ sits kif ġie deskritt fil-paragrafu 1. ta’ l-Anness 7, jista’ jitwettaq it-test dinamiku ta’ l-Anness 7, skond kif jagħżel il-manifattur tal-karozza, bħala alternattiva għat-test statiku preskritt fil-paragrafi 6.3. u 6.4.
6.6. Ir-rekwiżiti tat-test statiku.
6.6.1. Is-saħħa tas-sistemi ta’ ankraġġ ISOFIX għandhom jiġu ttestjati billi jiġu applikati l-forzi, kif ġie preskritt fil-paragrafu 6.6.4.3., fuq l-apparat għall-applikazzjoni ta’ forza statika (SFAD) biż-żjidiet ISOFIX ingaġġjati sew.
F’każ ta’ ankraġġ ta’ l-irbit ta’ fuq ISOFIX għandu jitwettaq test addizzjonali kif ġie preskritt fil-paragrafu 6.6.4.4.
Il-pożizzjonijiet ISOFIX kollha ta’ l-istess ringiela ta’ sits, li jistgħu jintużaw fl-istess ħin, għandhom jiġu ttestjati fl-istess ħin.
6.6.2. It-test jista’ jitwettaq jew fuq vettura kompluta minn kollox jew fuq partijiet biżżejjed tal-vettura sabiex ikunu rappreżentattivi tas-saħħa u tar-riġidità ta’ l-istruttura tal-vettura.
It-twieqi u l-bibien jistgħu jkunu mwaħħla jew le u magħluqa jew le.
Jista’ jitwaħħal kwalunkwe tagħmir normalment ipprovdut u li huwa probbabli li jikkontribwixxi għall-istruttura tal-vettura.
It-test jista’ jkun ristrett għall-pożizzjoni ISOFIX li tkun relatata ma’ sit wieħed biss jew ma’ grupp ta’ sits wieħed biss sakemm:
(a) |
Il-pożizzjoni ISOFIX ikkonċernata jkollha l-istess karatteristiċi strutturali bħal-pożizzjoni ISOFIX li tkun relatata mas-sits jew mal-gruppi ta’ sits l-oħra u, |
(b) |
Fejn pożizzjonijiet ISOFIX bħal dawn ikunu mgħammra totalment jew parzjalment fuq is-sit jew fuq il-grupp ta’ sits, il-karatteristiċi strutturali tas-sit jew tal-grupp ta’ sits ikunu l-istess bħal dawk għas-sits jew għall-gruppi ta’ sits l-oħra. |
6.6.3. Jekk is-sits u t-trażżin għar-ras ikunu aġġustabbli, għandhom ikunu ttestjati fil-pożizzjoni li ġiet iddefinita mis-servizz tekniku fil-medda limitata preskritta mill-manifattur tal-karozza kif inhu pprovdut fl-Appendiċi 3 ta’ l-Anness 17 għar-Regolament Nru 16.
6.6.4. Il-forzi, id-direzzjonijiet u l-limiti ta’ eskursjoni.
6.6.4.1. Għandha tiġi applikata forza ta’ 135 N ± 15 N fuq iċ-ċentru tat-traversa ta’ isfel ta’ quddiem l-SFAD sabiex tkun aġġustata l-pożizzjoni quddiem-wara ta’ l-estensjoni lura ta’ l-SFAD sabiex titneħħa kwalunkwe parti laxka jew tensjoni bejn l-SFAD u l-appoġġ tiegħu.
6.6.4.2. Il-forzi għandhom jiġu applikati fuq l-apparat għall-applikazzjoni ta’ forza statika (SFAD) f’direzzjoni quddiem u oblikwa skond it-Tabella 1.
Tabella 1
Id-direzzjonijiet tal-forzi tat-test
’Il quddiem |
0° ± 5° |
8 kN ± 0,25 kN |
Oblikwa |
75° ± 5° (fuq iż-żewġ naħat tal-linja dritta ’il quddiem, jew jekk hemm naħa ta’ l-agħar każ, jew jekk iż-żewġ naħat huma simetriċi, naħa waħda biss) |
5 kN ± 0,25 kN |
Jekk il-manifattur jitlob dan, kull wieħed minn dawn it-testijiet jista’ jitwettaq fuq strutturi differenti.
Il-forzi fid-direzzjoni ’l quddiem għandhom jiġu applikati b’angolu ta’ applikazzjoni tal-forza inizjali ta’ 10 ± 5° ’il fuq mil-linja orizzontali. Il-forzi oblikwi għandhom jiġu applikati orizzontalment 0° ± 5°. Għandha tiġi applikata forza ta’ qabel it-tagħbija ta’ 500 N ± 25 N fil-punt X preskritt tat-tagħbija li ġie indikat fil-Figura 2 ta’ l-Anness 9. L-applikazzjoni sħiħa tal-forza għandha tintlaħaq f’perjodu ta’ 2 s jew f’inqas. Il-forza għandha tinżamm għal perjodu minimu ta’ 0,2 s.
Il-kejl kollu għandu jsir skond l-ISO 6487 b’CFC ta’ 60 Hz jew bi kwalunkwe metodu ekwivalenti.
It-testijiet tas-sistema ta’ ankraġġi ISOFIX biss:
6.6.4.3.1. It-test tal-forza f’direzzjoni ’l quddiem:
L-eskurzjoni orizzontali lonġitudinali (wara tagħbija li tqiegħdet qabel) tal-punt X tas-SFAD matul l-applikazzjoni tal-forza ta’ 8 kN ± 0,25 kN għandha tkun limitata għal 125 mm u deformazzjoni permanenti, inkluż ftuq jew ksur parzjali ta’ kwalunkwe ankraġġ baxx ISOFIX jew taż-żona tal-madwar m’għandiex tikkostitwixxi falliment jekk il-forza meħtieġa tkun sostnuta għall-ħin speċifikat.
6.6.4.3.2. It-test tal-forza f’direzzjoni oblikwa:
L-eskursjoni fid-direzzjoni tal-forza (wara tagħbija li tqiegħdet minn qabel) tal-punt X tas-SFAD matul l-applikazzjoni tal-forza ta’ 5kN ± 0,25 kN għandha tkun limitata għal 125 mm u deformazzjoni permanenti inkluż ftuq jew ksur parzjali ta’ kwalunkwe ankraġġ baxx ISOFIX jew taż-żona tal-madwar m’għandiex tikkostitwixxi falliment jekk il-forza meħtieġa tkun sostnuta għall-ħin speċifikat.
6.6.4.4. It-test tas-sistemi ta’ ankraġġi ISOFIX u ta’ l-ankraġġ ta’ l-irbit ta’ fuq ISOFIX:
Trid tiġi applikata tagħbija minn qabel tat-tensjoni ta’ 50 N ± 5 N bejn is-SFAD u l-ankraġġ ta’ l-irbit ta’ fuq. L-eskursjoni orizzontali (wara tagħbija li tiqegħdet minn qabel) tal-punt X matul l-applikazzjoni tal-forza ta’ 8 kN ± 0,25 kN għandha tkun limitata għal 125 mm u deformazzjoni permanenti, inkluż ftuq jew ksur parzjali ta’ kwalunkwe ankraġġ baxx ISOFIX u ta’ l-ankraġġ ta’ l-irbit ta’ fuq ISOFIX, jew taż-żona tal-madwar m’għandiex tikkostitwixxi falliment jekk il-forza meħtieġa tkun sostnuta għall-ħin speċifikat.
Tabella 2
Il-limiti ta’ l-eskursjonijiet
Id-direzzjoni tal-forza |
L-eskursjoni massima tal-punt X tas-SFAD |
’Il quddiem |
125 mm lonġitudinali |
Oblikwa |
125 mm fid-direzzjoni tal-forza |
6.6.5. Forzi addizzjonali.
6.6.5.1. Il-forzi ta’ l-inerzja tas-sit.
Għall-pożizzjoni ta’ installazzjoni fejn it-tagħbija tiġi trasferita fl-assemblaġġ tas-sit tal-vettura, u mhux direttament fl-istruttura tas-sit, għandu jitwettaq test sabiex ikun żgurat li s-saħħa ta’ l-ankraġġi tas-sit tal-vettura ma’ l-istruttura tal-vettura tkun biżżejjed. F’dan it-test, forza daqs 20 darba l-massa tal-partijiet rilevanti ta’ l-assemblaġġ tas-sit għandha tkun applikata orizzontalment u lonġitudinalment f’direzzjoni ’l quddiem lis-sit jew lill-parti rilevanti ta’ l-assemblaġġ tas-sit li tikkorrispondi għall-effett fiżiku tal-massa tas-sit ikkonċernat għall-ankraġġi tas-sit. Id-determinazzjoni tat-tagħbija applikata jew tat-tagħbiji applikati addizzjonali u d-distribuzzjoni tat-tagħbiji għandhom isiru mill-manifattur u jkunu approvati mis-Servizz Tekniku.
Fuq it-talba tal-manifattur, it-tagħbija addizzjonali tista’ tiġi applikata fil-punt X tas-SFAD matul it-testijiet statitiċi li ġew deskritti aktar ’il fuq.
Jekk l-ankraġġ ta’ l-irbit ta’ fuq jkun integrat mas-sit tal-vettura, dan it-test għandu jitwettaq biċ-ċinga ta’ l-irbit ta’ fuq ISOFIX.
M’għandu jkun hemm l-ebda ksur u jridu jiġu ssodisfatti r-rekwiżiti ta’ eskursjoni mogħtija fit-tabella 2.
Nota: Dan it-test m’għandux għalfejn jitwettaq f’każ li kwalunkwe ankraġġ tas-sistema taċ-ċinturin tas-sikurezza tal-vettura jkun integrat ma’ l-istruttura tas-sit tal-vettura, u s-sit tal-vettura jkun diġà ġie ttestjat u approvat bħala li jissodisfa t-testijiet tat-tagħbija ta’ l-ankraġġ meħtieġa minn dan ir-Regolament għal trażżin għal passiġġier adult.
7. L-ISPEZZJOIN MATUL U WARA T-TESTIJIET STATIĊI GĦALL-ANKRAĠĠI TAĊ-ĊINTURIN TAS-SIKUREZZA
L-ankraġġi kollha għandhom ikunu kapaċi jifilħu t-test preskritt fil-paragrafi 6.3. u 6.4. Id-deformazzjoni permanenti, inkluż ftuq jew ksur parzjali ta’ kwalunkwe ankraġġ jew taż-żona tal-madwar, m’għandiex tikkostitwixxi falliment jekk il-forza meħtieġa tkun sostnuta għall-ħin speċifikat. Matul it-test, għandhom jiġu rrispettati l-ispazji minimi għall-ankraġġi effettivi ta’ isfel taċ-ċinturin li ġew speċifikati fil-paragrafu 5.4.2.5. u r-rekwiżiti tal-paragrafu 5.4.3.6. għall-ankraġġi effettivi ta’ fuq taċ-ċinturin.
7.1.1. Għall-vetturi tal-kategorija M1 ta’ massa totali permissibbli li ma taqbiżx it-2,5 tunnellati metriċi, jekk l-ankraġġ ta’ fuq taċ-ċinturin tas-sikurezza jkun imwaħħal ma’ l-istruttura tas-sit, matul it-test l-ankraġġ effettiv ta’ fuq taċ-ċinturin tas-sikurezza m’għandux jiġi spostat ’il quddiem ta’ pjan trażversali li jgħaddi mill-punti R u C tas-sit ikkonċernat (ara l-Figura 1 ta’ l-Anness 3 għal dan ir-Regolament).
Għall-vetturi li mhumiex dawk li ssemmew aktar ’il fuq, matul it-test l-ankraġġ effettiv ta’ fuq taċ-ċinturin tas-sikurezza m’għandux jiġi spostat ’il quddiem ta’ pjan trażversali inklinat 10° f’direzzjoni ’l quddiem u li jgħaddi mill-punt R tas-sit.
L-ispostament massimu tal-punt ta’ l-ankraġġ effettiv ta’ fuq għandu jitkejjel matul it-test.
Jekk l-ispostament tal-punt ta’ l-ankraġġ effettiv ta’ fuq jaqbeż il-limitu li ssemma aktar ’il fuq, il-manifattur għandu juri, għas-sodisfazzjon tas-servizz tekniku, li m’hemm l-ebda periklu għall-okkupant. Pereżempju, il-proċedura tat-test tista’ titwettaq skond ir-Regolament Nru 94 jew jista’ jitwettaq test fuq slitta b’polz korrispondenti sabiex jintwera li hemm spazju biżżejjed għas-sopravivenza.
7.2. F’vetturi fejn jintużaw apparati bħal dawn, l-apparati ta’ spostament u li jsakkru li jippermettu li l-okkupanti tas-sits kollha jħallu l-vettura xorta jridu jkunu jistgħu jitħaddmu bl-id wara li tkun tneħħiet il-forza ta’ ġbid.
7.3. Wara l-ittestjar, kwalunkwe ħsara lill-ankraġġi u lill-istrutturi li jappoġġjaw it-tagħbija matul it-testijiet għandha tkun innotata.
7.4. B’deroga, l-ankraġġi ta’ fuq imwaħħla ma’ sit wieħed jew aktar tal-vetturi tal-kategorija M3 u dawk tal-kategorija M2 b’massa massima li taqbeż it-3,5 tunnellati metriċi, li jissodisfaw ir-rekwiżiti tar-Regolament Nru 80, m’hemmx għalfejn jikkonformaw mar-rekwiżiti tal-paragrafu 7.1. li jikkonċernaw il-konformità mal-paragrafu 5.4.3.6.
8. IL-MODIFIKI GĦAL U L-ESTENSJONI TA’ L-APPROVAZZJONI TAT-TIP TA’ VETTURA
Kull modifika għat-tip ta’ vettura għandha tkun innotifikata lid-dipartiment amministrattiv li approva t-tip ta’ vettura. Id-dipartiment imbagħad jista’ jew:
8.1.1. iqis li l-modifiki li saru mhux probabbli li se jkollhom effettiv negattiv sew u li jkun xi jkun il-każ il-vettura xorta tikkonforma mar-rekwiżiti; jew
8.1.2. jeħtieġ rapport ieħor tat-test mis-servizz tekniku responsabbli mit-twettiq tat-testijiet.
8.2. Il-konferma jew ir-rifjut ta’ approvazzjoni, fejn jiġu speċifikati l-alterazzjonijiet, għandha tiġi kkomunikata permezz tal-proċedura li ġiet speċifikata fil-paragrafu 4.3. ta’ aktar ’il fuq lill-Partijiet għall-Ftehim li japplikaw dan ir-Regolament.
8.3. L-awtorità kompetenti li toħroġ l-estensjoni ta’ approvazzjoni għandha tassenja numru ta’ serje għal estensjoni bħal din u għandha tinforma b’dan lill-Partijiet l-oħra għall-Ftehim ta’ l-1958 li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.
9. IL-KONFORMITÀ TAL-PRODUZZJONI
Il-proċeduri tal-konformità tal-produzzjoni għandhom ikunu konformi ma’ dawk li ġew stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:
9.1. Kull vettura li jkollha fuqha marka ta’ approvazzjoni kif ġie preskritt skond dan ir-Regolament għandha tikkonforma mat-tip ta’ vettura approvat rigward id-dettalji li jaffettwaw il-karatteristiċi ta’ l-ankraġġi taċ-ċinturin tas-sikurezza u tas-sistema ta’ ankraġġi ISOFIX u ta’ l-ankraġġ ta’ l-irbit ta’ fuq ISOFIX.
9.2. Sabiex tkun ivverifikata l-konformità kif ġie preskritt fil-paragrafu 9.1. ta’ aktar ’il fuq, numru biżżejjed ta’ vetturi prodotti f’serje, li jkollhom fuqhom il-marka ta’ approvazzjoni meħtieġa minn dan ir-Regolament, għandhom ikunu soġġetti għal kontrolli każwali.
9.3. Bħala regola ġenerali, kif intqal aktar ’il fuq, il-kontrolli għandhom ikunu limitati għat-teħid tal-qisien. Madankollu, jekk ikun meħtieġ, il-vetturi għandhom ikunu soġġetti għal uħud mit-testijiet li ġew deskritti fil-paragrafu 6. ta’ aktar ’il fuq, li ntgħażlu mis-servizz tekniku li jwettaq it-testijiet ta’ approvazzjoni.
10. IL-PIENI GĦAN-NUQQAS TA’ KONFORMITÀ FIL-PRODUZZJONI
10.1. L-approvazzjoni mogħtija rigward tip ta’ vettura skond dan ir-Regolament tista’ tiġi rtirata jekk ma jkunx hemm konformità mar-rekwiżit stabbilit fil-paragrafu 9.1. ta’ aktar ’il fuq jew jekk l-ankraġġi taċ-ċinturin tas-sikurezza tagħha jew is-sistema ta’ ankraġġi ISOFIX u l-ankraġġ ta’ l-irbit ta’ fuq ISOFIX ma jirnexxielhomx jgħaddu mill-kontrolli preskritti fil-paragrafu 9. ta’ aktar ’il fuq.
10.2. Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, għandha minnufih tinnotifika b’dan lill-Partijiet Kontraenti l-oħra li japplikaw dan ir-Regolament, permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.
11. L-ISTRUZZJONIJIET OPERATTIVI
L-awtoritajiet nazzjonali jistgħu jeħtieġu li l-manifatturi tal-vetturi reġistrati minnhom jiddikjaraw b’mod ċar fl-istruzzjonijiet għat-tħaddim tal-vettura
11.1. fejn jinsabu l-ankraġġi; u
11.2. għal liema tipi ta’ ċinturini huma maħsuba l-ankraġġi (ara l-punt 5 ta’ l-Anness 1).
12. PRODUZZJONI MWAQQFA GĦAL KOLLOX
Jekk id-detentur ta’ l-approvazzjoni jieqaf għalkollox milli jimmanifattura tip ta’ ankraġġi taġ-ċinturin tas-sikurezza jew tip ta’ sistema ta’ ankraġġi ISOFIX u ta’ ankraġġ ta’ l-irbit ta’ fuq ISOFIX li ġie approvat skond dan ir-Regolament, għandu jinforma b’dan lill-awtorità li tat l-approvazzjoni. Malli tirċievi l-komunikazzjoni rilevanti, dik l-awtorità għandha tinforma b’dan lill-Partijiet l-oħra għall-Ftehim ta’ l-1958, li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.
13. L-ISMIJIET U L-INDIRIZZI TAS-SERVIZZI TEKNIĊI RESPONSABBLI MIT-TWETTIQ TAT-TESTIJIET TA’ APPROVAZZJONI, U TAD-DIPARTIMENTI AMMINISTRATTIVI
Il-Partijiet għall-Ftehim ta’ l-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli mit-twettiq tat-testijiet ta’ approvazzjoni u tad-dipartimenti amministrattivi li jagħtu l-approvazzjoni u lilhom għandhom jintbagħtu l-formoli li jiċċertifikaw approvazzjoni jew estensjoni jew rifjut jew estensjoni jew irtirar ta’ approvazzjoni, maħruġa f’pajjiżi oħra.
14. ID-DISPOŻIZZJONJIET TRANŻITORJI
14.1. Mid-data uffiċjali tad-dħul fis-seħħ tas-serje 06 ta’ emendi, l-ebda Parti Kontraenti li tapplika dan ir-Regolament m’għandha tirrifjuta li tagħti l-approvazzjonijiet KEE skond dan ir-Regolament kif ġie emendat mis-sejre 06 ta’ emendi.
14.2. Minn sentejn wara d-dħul fis-seħħ tas-serje 06 ta’ emendi għal dan ir-Regolament, il-Partijiet Kontraenti li japplikaw dan ir-Regolament għandhom jagħtu approvazzjonijiet tat-tip KEE biss jekk ir-rekwiżiti ta’ dan ir-Regolament, kif emendat mis-serje 06 ta’ emendi, jiġu ssodisfatti.
14.3. Minn 7 snin wara d-dħul fis-seħħ tas-serje 06 ta’ emendi għal dan ir-Regolament, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu l-approvazzjonijiet li ma ngħatawx skond is-serje 06 ta’ emendi għal dan ir-Regolament.
14.4. Għal vetturi li mhumiex affettwati mill-paragrafu 7.1.1. ta’ aktar ’il fuq, l-approvazzjonijiet mogħtija skond is-serje 04 ta’ emendi għal dan ir-Regolament għandhom jibqgħu validi.
14.5. Għal vetturi li mhumiex affettwati mis-Suppliment 4 għas-serje 05 ta’ emendi għal dan ir-Regolament, għandhom jibqgħu validi l-approvazzjonijiet eżistenti, jekk ingħataw skond is-serje 05 ta’ emendi, sas-Suppliment 3 għaliha.
14.6. Mid-data uffiċjali tas-dħul fis-seħħ tas-Suppliment 5 għas-serje 05 ta’ emendi, l-ebda Parti Kontraenti li tapplika dan ir-Regolament m’għandha tirrifjuta li tagħti approvazzjonijiet ECE skond dan ir-Regolament kif ġie modifikat mis-Suppliment 5 għas-serje 05 ta’ emendi.
14.7. Għal vetturi li mhumiex affettwati mis-Suppliment 5 għas-serje 05 ta’ emendi għal dan ir-Regolament għandhom jibqgħu validi l-approvazzjonijiet eżistenti, jekk ingħataw skond is-serje 05 ta’ emendi, sas-Suppliment 3 għaliha.
14.8. Sa mill-20 ta’ Frar 2005 għall-vetturi tal-kategorija M1, il-Partijiet Kontraenti li japplikaw dan ir-Regolament għandhom jagħtu approvazzjonijiet ECE biss jekk ir-rekwiżiti ta’ dan ir-Regolament, kif emendat mis-Suppliment 5 għas-serje 05 ta’ emendi, jiġu ssodisfatti.
14.9. Sa mill-20 ta’ Frar 2007 għall-vetturi tal-kategorija M1, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu approvazzjonijiet li ma ngħatawx skond is-Suppliment 5 għas-serje 05 ta’ emendi għal dan ir-Regolament.
14.10. Sa mis-16 ta’ Lulju 2006 għall-vetturi tal-kategorija N, il-Partijiet Kontraenti li japplikaw dan ir-Regolament għandhom jagħtu approvazzjoni biss jekk it-tip ta’ vettura jissodisfa r-rekwiżiti ta’ dan ir-Regolament, kif emendat mis-Suppliment 5 għas-serje 05 ta’ emendi.
14.11. Sa mis-16 ta’ Lulju 2008 għall-vetturi tal-kategorija N, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu approvazzjonijiet li ma ngħatawx skond is-Suppliment 5 għas-serje 05 ta’ emendi għal dan ir-Regolament.
(1) Kif iddefiniti fir-Riżoluzzjoni Konsolidata (R.E.3, l-Anness 7, id-dokument TRANS/WP29/78/Rev.1/Emend.2, kif emendat l-aħħar bl-Emenda 4).
(2) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja u l-Montenegro, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (battal), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (battal), 31 għall-Bosnija u Ħerzegovina, 32 għal-Latvja, 33 (battal), 34 għall-Bulgarija, 35 (battal), 36 għal-Litwanja, 37 għat-Turkija, 38 (battal), 39 għall-Azerbajġan, 40 għall-ex-Repubblika Jugoslava tal-Maċedonja, 41 (battal), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu KEE rispettiv tagħhom), 43 għall-Ġappun, 44 (battal), 45 għall-Awstralja, 46 għall-Ukrajna, 47 għall-Afrika ta’ Isfel, 48 għan-New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja u 53 għat-Tajlandja. In-numri sussegwenti għandhom jiġu assenjati lil pajjiżi oħra fl-ordni kronoloġiku li fih jirratifikaw jew jaderixxu għall-Ftehim li Jikkonċerna l-Adozzjoni tal-Preskrizzjonijiet Tekniċi Uniformi għall-Vetturi bir-Roti, għat-Tagħmir u għall-Partijiet li jistgħu Jitwaħħlu u/jew Jintużaw fuq il-Vetturi bir-Roti u l-Kundizzjonijiet għall-Għarfien Reċiproku ta’ l-Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri assenjati b’dan il-mod għandhom jiġu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.
(3) Id-dokument TRANS/WP29/78/Rev.1/Emend.2, kif emendat l-aħħar bl-Emenda 4.
ANNESS 2
L-ARRANĠAMENTI TAL-MARKA TA’ APPROVAZZJONI
MUDELL A
(ara l-paragrafu 4.4. ta’ dan ir-Regolament)
Il-marka ta’ approvazzjoni ta’ hawn fuq imwaħħla ma’ vettura turi li t-tip ta’ vettura kkonċernat, rigward l-ankraġġi taċ-ċinturin tas-sikurezza, kien approvat fl-Olanda (E4), skond ir-Regolament Nru 14, bin-numru 062439. L-ewwel żewġ ċifri tan-numru ta’ approvazzjoni jindikaw li r-Regolament Nru 14 kien diġà jinkludi s-serje 06 ta’ emendi meta ngħatat l-approvazzjoni.
MUDELL B
(ara l-paragrafu 4.5. ta’ dan ir-Regolament)
Il-marka ta’ approvazzjoni ta’ hawn fuq imwaħħla ma’ vettura turi li t-tip ta’ vettura konċernat kien approvat fl-Olanda (E4) skond ir-Regolament Nri 14 u 24 (*). (Fil-każ tar-Regolament ta’ l-aħħar, il-ko-effiċjent ta’ assorbiment li ġie korrett huwa 1,30 m–1.) In-numri ta’ approvazzjoni jindikaw li fid-dati meta ngħataw dawn l-approvazzjonijiet, ir-Regolament Nru 14 kien jinkludi s-serje 06 ta’ emendi u r-Regolament Nru 24 kien fis-sejre 03 ta’ emendi għalih.
(*) It-tieni numru qed jingħata sempliċement bħala eżempju.
ANNESS 3
IL-POST FEJN JINSABU L-ANKRAĠĠI EFFETTIVI TAĊ-ĊINTURIN
Figura 1
Iż-żoni fejn jinsabu l-ankraġġi effettivi taċ-ċinturin
(It-tpinġija turi eżempju wieħed, fejn l-ankraġġ ta’ fuq huwa mwaħħal mal-panil tal-ġenb tal-qafas tal-vettura)
Figura 2
L-ankraġġi effettivi ta’ fuq li jikkonformaw mal-paragrafu 5.4.3.7.3. tar-Regolament
ANNESS 4
IL-PROĊEDURA BIEX IKUN IDDETERMINAT IL-PUNT “H” U L-ANGOLU EFFETTIV TAT-TORSO GĦALL-POŻIZZJONIJIET BILQGIEGĦDA FIL-VETTURI BIL-MUTUR
1. L-ISKOP
Il-proċedura li ġiet deskritta f’dan l-anness tintuża sabiex ikun stabbilit fejn jinsab il-punt “H” u l-angolu effettiv tat-torso għal pożizzjoni bilqiegħda waħda jew għal diversi pożizzjonijiet bilqiegħda f’vettura bil-mutur u sabiex tkun ivverifikata r-relazzjoni tad-data mkejla ma’ l-ispeċifikazzjonijiet tad-disinn mogħtija mill-manifattur tal-vettura (1).
2. ID-DEFINIZZJONIJIET
Għall-finijiet ta’ dan l-anness:
“Data ta’ referenza” tfisser karatteristika waħda jew iktar mill-karatteristiċi li ġejjin marbuta ma’ pożizzjoni bilqiegħda:
2.1.1. il-punt “H” u l-punt “R” u r-relazzjoni tagħhom,
2.1.2. l-angolu effettiv tat-torso u l-angolu tad-disinn tat-torso u r-relazzjoni tagħhom.
2.2. “Magna tridimensjonali tal-punt ‘H’” (magna 3-D H) tfisser l-apparat li ntuża għad-determinazzjoni tal-punti “H” u ta’ l-angoli effettivi tat-torso. Dan l-apparat huwa deskritt fl-Appendiċi 1 ta’ dan l-anness;
2.3. “Il-punt ‘H’” tfisser iċ-ċentru tal-pern tat-torso u tal-koxxa tal-magna 3-D H installata fis-sit tal-vettura skond il-paragrafu 4 ta’ aktar ’l isfel. Il-punt “H” jinsab fiċ-ċentru tal-linja ċentrali ta’ l-apparat li tinsab bejn il-buttuni tal-viżta tal-punt “H” fuq kull naħa tal-magna 3-D H. Il-punt “H” jikkorrispondi teoretikament għall-punt “R” (għat-tolleranzi ara l-paragrafu 3.2.2. ta’ aktar ’l isfel). Ladarba jkun iddeterminat skond il-proċedura deskritta fil-paragrafu 4, il-punt “H” jitqies bħala fiss f’relazzjoni għall-istruttura tal-kuxxin tas-sit u li jiċċaqlaq magħha meta s-sit ikun aġġustat;
2.4. “Il-punt ‘R’” jew “il-punt ta’ referenza bilqiegħda” ifisser punt ta’ disinn li ġie ddefinit mill-manifattur tal-vettura għal kull pożizzjoni bilqiegħda u stabbilit fir-rigward tas-sistema tridimensjonali ta’ referenza;
2.5. “Il-linja tat-torso” tfisser il-linja ċentrali tas-sonda tal-magna 3-D H bis-sonda tkun fil-pożizzjoni għalkollox lura;
2.6. “Angolu effettiv tat-torso” tfisser l-angolu mkejjel bejn linja vertikali minn ġol-punt “H” u l-linja tat-torso billi jintuża l-angolu tad-dahar tal-kwadrant fuq il-magna 3-D H. L-angolu effettiv tat-torso jikkorrispondi teoretikament għal-angolu tad-disinn tat-torso (għat-tolleranzi ara l-paragrafu 3.2.2 ta’ aktar ’l isfel);
2.7. “L-angolu tad-disinn tat-torso” tfisser il-qies ta’ angolu bejn linja vertikali minn ġol-punt “R” u l-linja tat-torso f’pożizzjoni li tikkorrispondi għall-pożizzjoni tad-disinn tad-dahar tas-sit li ġiet stabbilita mill-manifattur tal-vettura;
2.8. “Il-pjan ċentrali ta’ l-okkupant” (C/LO) tfisser il-pjan medjan tal-magna 3-D H ippożizzjonat f’kull waħda mill-pożizzjonijiet maħsuba bilqiegħda; hija rappreżentata bil-koordinat tal-punt “H” fuq l-assi “Y”. Għal sits individwali, il-pjan ċentrali tas-sit jikkoinċidi mal-pjan ċentrali ta’ l-okkupant. Għal sits oħra, il-pjan ċentrali ta’ l-okkupant jkun speċifikat mill-manifattur;
2.9. “Is-sistema tridimensjonali ta’ referenza” tfisser sistema skond kif ġiet deskritta fl-Appendiċi 2 ta’ dan l-anness;
2.10. “Il-marki ta’ riferiment” huma punti fiżiċi (toqob, superfiċji, marki jew marki li juru qtugħ) fil-qafas tal-vettura skond kif iddefinit mill-manifattur;
2.11. “Il-pożizzjoni ta’ kejl tal-vettura” tfisser il-pożizzjoni tal-vettura skond kif iddefinita mill-koordinati tal-marki ta’ riferiment fis-sistema tridimensjonali ta’ referenza.
3. IR-REKWIŻITI
3.1. Il-preżentazzjoni tad-data
Għal kull pożizzjoni bilqiegħda fejn tkun meħtieġa data ta’ referenza sabiex tintwera konformità mad-dispożizzjonijiet tar-Regolament preżenti, għandha tkun ippreżentata id-data li ġejja kollha jew għażla xierqa minnha fil-forma indikata fl-Appendiċi 3 għal dan l-Anness:
3.1.1. il-koordinati tal-punt “R” relattivament għas-sistema tridimensjonali ta’ referenza;
3.1.2. l-angolu tad-disinn tat-torso;
3.1.3. l-indikazzjonijiet kollha meħtieġa sabiex ikun aġġustat is-sit (jekk ikun aġġustabbli) għall-pożizzjoni tal-kejl li ġiet stabbilita fil-paragrafu 4.3 ta’ aktar ’l isfel.
3.2. Ir-relazzjoni bejn id-data mkejla u l-ispeċifikazzjonijiet tad-disinn
3.2.1. Il-koordinati tal-punt “H” u l-valur ta’ l-angolu effettiv tat-torso miksuba permezz tal-proċedura stabbilita fil-paragrafu 4 ta’ aktar ’l isfel għandhom jitqabblu, rispettivament, mal-koordinati tal-punt “R” u mal-valur ta’ l-angolu tad-disinn tat-torso li ġew indikati mill-manifattur tal-vettura.
3.2.2. Il-pożizzjonijiet relattivi tal-punt “R” u tal-punt “H” u r-relazzjoni bejn l-angolu tad-disinn tat-torso u l-angolu effettiv tat-torso għandhom jitqiesu sodisfaċenti għall-pożizzjoni bilqiegħda konċernata jekk il-punt “H”, kif ġie definit skond il-koordinati tiegħu, ikun fi kwadru b’ġenb għoli 50 mm bi ġnub orizzontali u vertikali li d-dijagonali tiegħu jaqtgħu lil xulxin fil-punt “R”, u jekk l-angolu effettiv tat-torso jkun f’5° mill-angolu tad-disinn tat-torso.
3.2.3. Jekk dawn il-kondizzjonijiet ikunu ssodisfatti, il-punt “R” u l-angolu tad-disinn tat-torso, għandhom jintużaw biex juru konformità mad-dispożizzjonijiet ta’ dan ir-Regolament.
3.2.4. Jekk il-punt “H” jew l-angolu effettiv tat-torso ma jissodisfax ir-rekwiżiti tal-paragrafu 3.2.2 ta’ aktar ’il fuq, il-punt “H” u l-angolu effettiv tat-torso għandhom jiġu ddeterminati darbtejn oħra (tliet darbiet b’kollox). Jekk ir-riżultati ta’ tnejn minn dawn it-tliet operazzjonijiet jissodisfaw ir-rekwiżiti, għandhom japplikaw il-kundizzjonijiet tal-paragrafu 3.2.3 ta’ aktar ’il fuq.
3.2.5. Jekk ir-riżultat ta’ mill-inqas tnejn mit-tliet operazzjonijiet li ġew deskritti fil-paragrafu 3.2.4 ta’ hawn fuq ma jissodisfawx ir-rekwiżiti tal-paragrafu 3.2.2 ta’ aktar ’il fuq, jew jekk il-verifika ma tkunx tista’ ssir minħabba li l-manifattur tal-vettura jkun naqas milli jipprovdi l-informazzjoni rigward il-pożizzjoni tal-punt “R” jew dik rigward l-angolu tad-disinn tat-torso, għandu jintuża ċ-ċentru tat-tliet punti mkejla jew il-medja tat-tliet angoli mkejla u dan għandu jitqies bħala applikabbli fil-każi kollha fejn f’dan ir-Regolament jissemma l-punt “R” jew l-angolu tad-disinn tat-torso.
4. IL-PROĊEDURA GĦAD-DETERMINAZZJONI TAL-PUNT “H” U TA’ L-ANGOLU EFFETTIV TAT-TORSO
4.1. Il-vettura għandha tkun ikkundizzjonata minn qabel għad-diskrezzjoni tal-manifattur, f’temperatura ta’ 20 ±10o C sabiex ikun żgurat li l-materjal tas-sit jilħaq it-temperatura tal-kamra. Jekk is-sit li jkun se jiġi kkontrollat qatt ma jkun poġġa xiħadd fuqu, persuna jew apparat ta’ bejn is-70 u t-80 kg għandu jpoġġi fuqu għal darbtejn għal minuta sabiex jintlewew il-kuxin u d-dahar. Fuq it-talba tal-manifattur, l-assemblaġġi kollha tas-sit għandhom jibqgħu mhux mgħobbija għal perjodu minimu ta’ 30 minuta qabel l-installazzjoni tal-magna 3-D H.
4.2. Il-vettura għandha tkun fil-pożizzjoni ta’ kejl li ġiet iddefinita fil-paragrafu 2.11 ta’ aktar ’il fuq.
4.3. Is-sit, jekk ikun aġġustabbli, l-ewwel għandu jkun aġġustat għall-pożizzjoni normali tas-sewqan jew ta’ l-irkib l-iktar lura, kif ġie indikat mill-manifattur tal-vettura, waqt li jitqies biss l-aġġustament lonġitudinali tas-sit, fejn tiġi eskluża r-rata ta’ moviment tas-sit li ntuża għal finijiet oħra li ma jkunux ta’ pożizzjonijiet normali ta’ sewqan jew ta’ rkib. Meta jkunu jeżistu modi oħra ta’ aġġustament tas-sit (vertikali, angolari, tad-dahar tas-sit, eċċ) dawn se jkunu aġġustati għall-pożizzjoni li ġiet speċifikata mill-manifattur tal-vettura. Għal sits bis-sospensjoni, il-pożizzjoni vertikali għandha tkun iffissata b’mod riġidu b’mod li tikkorrispondi għal pożizzjoni normali ta’ sewqan kif ġie speċifikat mill-manifattur.
4.4. Iż-żona tal-pożizzjoni bilqiegħda li tkun f’kuntatt mal-magna 3-D H għandha tkun miksija bi drapp tal-qoton tal-musulina, ta’ daqs biżżejjed u b’tessut addattat, deskritt bħala drapp tat-tajjar sempliċi li jkollu 18.9 ħajt għal kull ċm2 u li jkun jiżen 0,228 kg/m2 jew li jkun drapp innitjat jew mhux minsuġ b’karatteristiċi ekwivalenti. Jekk it-test isir fuq sit barra mill-vettura, l-art li fuqha jitqiegħed is-sit għandu jkollha l-istess karatteristiċi essenzjali (2) bħall-qiegħ tal-vettura li fiha jkun hemm il-ħsieb li jintuża s-sit.
4.5. Qiegħed is-sit u l-assemblaġġ ta’ dahar il-magna 3-D H b’tali mod li l-pjan ċentrali ta’ l-okkupant (C/LO) jaħbat mal-pjan ċentrali tal-magna 3-D H. Fuq it-talba tal-manifattur, il-magna 3-D H tista’ tiġi mċaqilqa ’il ġewwa rigward is-C/LO jekk il-magna 3-D H tkun tinsab tant ’il barra li t-tarf tas-sit mhux se jippermetti l-illivellar tal-magna 3-D H.
4.6. Waħħal l-assemblaġġi tas-sieq u tan-naħa ta’ isfel tar-riġel ma’ l-assemblaġġ tal-pjanċa tas-sit, jew individwalment jew billi tuża l-assemblaġġ tat-T-bar u tan-naħa ta’ isfel tar-riġel. Il-linja li tgħaddi mill-buttuni tal-viżta tal-punt “H” għandha tkun parallela għall-art u perpendikulari għall-pjan ċentrali lonġitudinali tas-sit.
Aġġusta l-pożizzjonijiet tas-sieq u tar-riġel tal-magna 3-D H kif ġej:
Pożizzjoni bilqiegħda maħsuba: is-sewwieq u passiġġier ta’ quddiem fuq in-naħa ta’ barra
4.7.1.1. Kemm l-assemblaġġ tas-sieq kif ukoll dak tar-riġel għandhom ikunu mċaqilqa ’l quddiem b’tali mod li s-saqajn jieħdu pożizzjonijiet naturali ma’ l-art, bejn il-pedali operattivi, jekk ikun meħtieġ. Fejn ikun possibbli s-sieq xellugija għandha tkun bejn wieħed u ieħor l-istess distanza fuq ix-xellug tal-pjan ċentrali tal-magna 3-D H bħalma s-sieq leminija tkun fuq il-lemin. L-invell li jivverifika l-orjentazzjoni trażversali tal-magna 3-D H jinġieb fil-pożizzjoni orizzontali permezz ta’ aġġustament mill-ġdid tal-pjanċa tas-sit jekk ikun meħtieġ, jew billi l-assemblaġġi tas-sieq u tar-riġel jiġu aġġustati lura. Il-linja li tgħaddi mill-buttuni tal-viżta tal-punt “H” għandha tinżamm perpendikulari għall-pjan ċentrali lonġitudinali tas-sit.
4.7.1.2. Jekk ir-riġel xellugi ma jkunx jista’ jinżamm parallel għar-riġel lemini u s-sieq xellugija ma tkunx tista’ tiġi appoġġjata mill-istruttura, ċaqlaq is-sieq xellugija sakemm tkun appoġġjata. L-allinjament tal-buttuni tal-viżta għandu jinżamm.
4.7.2. Pożizzjoni bilqiegħda maħsuba: ta’ wara fuq in-naħa ta’ barra
Għas-sits ta’ wara jew għas-sits awżiljarji, is-saqajn jinsabu kif ġie speċifikat mill-manifattur. Jekk is-saqajn imbagħad iserrħu fuq partijiet mill-qiegħ, li jkunu f’livelli differenti, l-ewwel sieq li tiġi f’kuntatt mas-sit ta’ quddiem għandha sservi bħala referenza u s-sieq l-oħra għandha tkun irranġata b’tali mod li l-invell li jipprovdi l-orjentazzjoni trażversali tas-sit ta’ l-apparat jindika l-orizzontali.
4.7.3. Pożizzjonijiet bilqiegħda maħsuba oħra:
Għandha tkun segwita l-proċedura ġenerali li kienet indikata fil-paragrafu 4.7.1 ta’ aktar ’il fuq, għajr li s-saqajn għandhom jitqiegħdu skond kif ġie speċifikat mill-manifattur tal-vettura.
4.8. Applika l-piżijiet tan-naħa ta’ isfel tar-riġel u tal-koxxa u llivella l-magna 3-D H.
Mejjel il-pjanċa ta’ wara ’il quddiem mal-waqfa ta’ quddiem u iġbed il-magna 3-D H ’il bogħod mid-dahar tas-sit billi tuża t-T-bar. Ippożizzjona mill-ġdid il-magna 3-D H fuq is-sit permezz ta’ wieħed mill-metodi li ġejjin:
4.9.1. Jekk il-magna 3-D H jkollha t-tendenza li tiżżerżaq lura, uża l-proċedura li ġejja. Ħalli l-magna 3-D H tiżżerżaq lura sakemm ma jkunx hemm aktar meħtieġ piż orizzontali ’l quddiem ta’ trażżin fuq it-T-bar, jiġifieri sakemm il-pjanċa tas-sit tiġi f’kuntatt mad-dahar tas-sit. Jekk kemm bżonn, ippożizzjona mill-ġdid in-naħa ta’ isfel tar-riġel.
4.9.2. Jekk il-magna 3-D H ma jkollhiex it-tendenza li tiżżerżaq lura, uża l-proċedura li ġejja. Żerżaq il-magna 3-D H lura billi tapplika piż orizzontali lura fuq it-T-bar sakemm il-pjanċa tas-sit tiġi f’kuntatt mad-dahar tas-sit. (ara figura 2 ta’ l-Appendiċi 1 ta’ dan l-anness).
4.10. Applika piż ta’ 100 ± 10 N fuq l-assemblaġġ tad-dahar u tal-pjanċa tal-magna 3-D H fl-intersezzjoni tal-kwadrant ta’ l-angolu tal-ġenbejn u tal-kisi tat-T-bar. Id-direzzjoni ta’ l-applikazzjoni tal-piż għandha tinżamm tul linja li tgħaddi qrib l-intersezzjoni ta’ hawn fuq sa punt li jkun eżattament fuq il-kisi ta’ l-iżbarra tal-koxxa (ara l-Figura 2 ta’ l-Appendiċi 1 ta’ dan l-anness). Imbagħad b’attenzjoni qiegħed mill-ġdid il-pjanċa ta’ wara fuq id-dahar tas-sit. Matul il-bqija tal-proċedura oqgħod attent ħalli l-magna 3-D H ma tiżżerżaqx ’il quddiem.
4.11. Installa l-piżijiet tan-natka leminija u dik xellugija u mbagħad, b’mod alternattiv, it-tmien piżijiet tat-torso. Żomm il-livell tal-magna 3-D H.
4.12. Mejjel il-pjanċa ta’ wara ’il quddiem biex tnaqqas it-tensjoni minn fuq id-dahar tas-sit. Bandal il-magna 3-D H minn naħa għall-oħra f’ark ta’ 10° (5° fuq kull naħa tal-pjan ċentrali vertikali) għal tliet ċikli sħaħ biex tnaqqas kwalunkwe frizzjoni li tkun inġemgħet bejn il-magna 3-D H u s-sit.
Waqt l-azzjoni tat-tbandil, it-T-bar tal-magna 3-D H jista’ jkollha t-tendenza li tiddevja mill-allinjament orizzontali u vertikali speċifikat. It-T-bar għalhekk għandha tkun imrażżna billi tiġi applikata tagħbija laterali addattata waqt il-movimenti tat-tbandil. Wieħed għandu joqgħod attent waqt li tinżamm it-T-bar u waqt li tkun qed tiġi mbandla l-magna 3-D H sabiex ikun żgurat li l-ebda tagħbija esterna ma tiġi applikata b’mod involontarju f’direzzjoni vertikali jew ’il quddiem u lura.
Is-saqajn tal-magna 3-D H m’għandhomx ikunu mrażżna jew miżmuma waqt dan il-pass. Jekk is-saqajn jibdlu l-pożizzjoni, għandhom temporanjament jitħallew f’dik il-pożizzjoni.
B’attenzjoni qiegħed lura l-pjanċa ta’ wara fuq id-dahar tas-sit u kkontrolla li ż-żewġ invelli jkunu fil-pożizzjoni żero. Jekk ikun sar kwalunkwe ċaqliq tas-saqajn waqt l-operazzjoni tat-tbandil tal-magna 3-D H, dawn għandhom ikunu pożizzjonati mill-ġdid kif ġej:
B’mod alternattiv, għolli kull sieq mill-qiegħ tal-vettura bl-ammont minimu meħtieġ sakemm ma jkunx hemm iktar moviment tas-saqajn. Waqt li tkun qed tgħolli, is-saqajn għandhom ikunu ħielsa li jduru; u m’għandha tiġi applikata l-ebda tagħbija ’l quddiem jew fil-ġenb. Meta kull sieq titqiegħed lura fil-pożizzjoni ta’ isfel, l-għarqub għandu jkun f’kuntatt ma’ l-istruttura maħsuba għal dan.
Ikkontrolla li l-invell laterali jkun fil-pożizzjoni żero; jekk ikun meħtieġ, applika tagħbija laterali fil-quċċata tal-pjanċa ta’ wara li tkun biżżejjed biex il-pjanċa tas-sit tal-magna 3-D H fuq is-sit tiġi llivellata.
4.13. Waqt li żżomm it-T-bar biex tevita li l-magna 3-D H tiżżerżaq ’il quddiem fuq il-kuxxin tas-sit, ipproċedi kif ġej:
(a) |
qiegħed lura l-pjanċa ta’ wara fuq id-dahar tas-sit; |
(b) |
b’mod alternattiv applika u erħi tagħbija orizzontali lura, li ma taqbiżx il-25 N, lejn l-iżbarra ta’ l-angolu ta’ wara f’għoli li bejn wieħed u ieħor ikun fiċ-ċentru tal-piżijiet tat-torso sakemm il-kwadrant ta’ l-angolu tal-ġenbejn jindika li ntlaħqet pożizzjoni stabbli wara r-rilaxx tat-tagħbija. Oqgħod attent sabiex tkun żgur li fuq il-magna 3-D H ma ġiet applikata l-ebda tagħbija esterna ’l isfel jew lejn il-ġenb. Jekk ikun hemm il-ħtieġa ta’ aġġustament għal livell ieħor tal-magna 3-D H, dawwar il-pjanċa ta’ wara ’l quddiem, illivella mill-ġdid, u rrepeti l-proċedura mill-paragrafu 4.12. |
Kejjel dawn li ġejjin kollha:
4.14.1. Il-koordinati tal-punt “H” jitkejlu fir-rigward tas-sistema tridimensjonali ta’ referenza.
4.14.2. L-angolu effettiv tat-torso jinkiseb mill-kwadrant ta’ l-angolu tad-dahar tal-magna 3-D H meta s-sonda tkun f’pożizzjoni għalkollox lura.
4.15. Jekk tkun mixtieqa ripetizzjoni ta’ l-installazzjoni tal-magna 3-D H, l-assemblaġġ tas-sit għandu jitħalla mhux mgħobbi għal perjodu minimu ta’ 30 minuta qabel ir-ripetizzjoni. Il-magna 3-D H m’għandhiex titħalla mgħobbija fuq l-assemblaġġ tas-sit iktar mill-ħin meħtieġ biex jitwettaq it-test.
Jekk is-sits fl-istess ringiela jistgħu jitqiesu bħala simili (sit f’forma ta’ bank, sits identiċi, eċċ) għandu jkun iddeterminat biss punt “H” wieħed u “angolu effettiv tat-torso” wieħed għal kull ringiela ta’ sits, bil-magna 3-D H deskritta fl-Appendiċi 1 ta’ dan l-anness titqiegħed f’post meqjus bħala rappreżentattiv għar-ringiela. Dan il-post għandu jkun:
4.16.1. fil-każ tar-ringiela ta’ quddiem, is-sit tas-sewwieq;
4.16.2. fil-każ tar-ringiela jew tar-ringieli ta’ wara, sit fuq in-naħa ta’ barra.
(1) Für jeden Sitzplatz außer den Vordersitzen, für den der H-Punkt nicht mit der dreidimensionalen H-Punkt-Einrichtung oder anderen Verfahren bestimmt werden kann, darf nach Ermessen der zuständigen Behörde der vom Hersteller angegebene R-Punkt als Bezugspunkt genommen werden.
(2) L-angolu ta’ inklinazzjoni, id-differenza fl-għoli ma’ mmontar ta’ sit, it-tessut tas-superfiċje, eċċ.
Appendiċi 1
DESKRIZZJONI TAL-MAGNA TRIDIMENSJONALI TAL-PUNT “H” (*)
(il-magna 3-D H)
1. IL-PJANĊI TAD-DAHAR U TAS-SIT
Il-pjanċi tad-dahar u tas-sit huma magħmulin minn plastik u minn metall imsaħħaħ; huma jissimulaw it-torso u l-koxxa umana u huma mekkanikament impernjati fil-punt “H”. Kwadrant ikun marbut sew mas-sonda impernjata fil-punt “H” sabiex ikun imkejjel l-angolu effettiv tat-torso. Żbarra aġġustabbli tal-koxxa, marbuta mal-pjanċa tas-sit, tistabbilixxi l-linja ċentrali tal-koxxa u sservi bħala linja bażi għall-kwadrant ta’ l-angolu tal-ġenbejn.
2. L-ELEMENTI TAL-ĠISEM U TAR-RIĠEL
Is-segmenti tal-parti ta’ isfel tar-riġel huma kollegati ma’ l-assemblaġġ tal-pjanċa tas-sit fit-T-bar li tgħaqqad l-irkopptejn, li hija estensjoni laterali ta’ l-iżbarra aġġustabbli tal-koxxa. Il-kwadranti huma inkorporati fis-segmenti tal-parti ta’ isfel tar-riġel sabiex jitkejlu l-angoli ta’ l-irkopptejn. L-assemblaġġi taż-żarbun u tas-sieq huma kalibrati sabiex jitkejjel l-angolu tas-sieq. Żewġ invelli jorjentaw l-apparat fl-ispazju disponibbli. Il-piżijiet ta’ l-element tal-ġisem jitqiegħdu fiċ-ċentri ta’ gravità korrispondenti sabiex jipprovdu penetrazzjoni fis-sit ekwivalenti għal raġel ta’ 76 kg. Għandu jkun ikkontrollat li l-ġogi kollha tal-magna 3-D H għandhom jiċċaqilqu b’mod ħieles mingħajr ma jiltaqgħu ma’ frizzjoni apprezzabbli.
Figura 1
It-tismija ta’ l-elementi tal-magna 3-D H
Figura 2
Id-dimensjonijiet ta’ l-elementi tal-magna 3-D H u d-distribuzzjoni tat-tagħbiji
(*) Għal dettalji dwar il-bini ta’ magna 3-D H irreferi għas-Soċjetà ta’ l-Inġiniera tal-Karozzi (SAE — Society of Automobile Engineers), 400 Commonwealth Drive, Warrendale, Pennsylvania 15096, l-Istati Uniti ta’ l-Amerka.
Il-magna tikkorrispondi għal dik deskritta fl-Istandard ISO 6549:1980.
Appendiċi 2
IS-SISTEMA TRIDIMENSJONALI TA’ REFERENZA
1. |
Is-sistema tridimensjonali ta’ referenza hija definita minn tliet pjani ortogonali stabbiliti mill-manifattur tal-vettura (ara l-figura) (*). |
2. |
Il-pożizzjoni tal-kejl tal-vettura tiġi stabbilita billi l-vettura tkun ippożizzjonata fuq is-superfiċje ta’ appoġġ b’tali mod li l-koordinati tal-marki ta’ riferiment jikkorrispondu għall-valuri indikati mill-manifattur. |
3. |
Il-koordinati tal-punt “R” u tal-punt “H” jiġu stabbiliti f’relazzjoni għall-marki ta’ riferiment li ġew iddefiniti mill-manifattur tal-vettura. |
Figura
Is-sistema tridimensjonali ta’ referenza
(*) Is-sistema ta’ referenza tikkorrispondi għall-Istandard ISO 4130:1978.
Appendiċi 3
ID-DATA TA’ REFERENZA LI TIKKONĊERNA L-POŻIZZJONIJIET BILQIEGĦDA
1. L-ikkodifikar tad-data ta’ referenza
Id-data ta’ referenza hija elenkata b’mod konsekuttiv għal kull pożizzjoni bilqiegħda. Il-pożizzjonijiet bilqiegħda huma identifikati b’kodiċi ta’ żewġ ċifri. L-ewwel ċifra hija numru Għarbi u tindika r-ringiela tas-sits, li tingħadd minn quddiem għal wara tal-vettura. It-tieni ċifra hija ittra kapitali li tindika fejn tinsab il-pożizzjoni bilqiegħda f’ringiela, kif tidher fid-direzzjoni ta’ moviment ’il quddiem tal-vettura; għandhom jintużaw l-ittri li ġejjin:
L |
= |
xellug |
C |
= |
ċentru |
R |
= |
lemin |
2. Deskrizzjoni tal-pożizzjoni ta’ kejl tal-vettura
2.1. Il-koordinati tal-marki ta’ riferiment
|
X … |
|
Y … |
|
Z … |
3. Il-lista tad-data ta’ referenza
Il-pożizzjoni bilqiegħda: …
3.1.1. Il-koordinati tal-punt “R”
|
X … |
|
Y … |
|
Z … |
3.1.2. L-angolu tad-disinn tat-torso: …
3.1.3. L-ispeċifikazzjonijiet għall-aġġustament tas-sit (*)
|
orizzontali: … |
|
vertikali: … |
|
angolari: … |
|
l-angolu tat-torso: … |
Nota: Elenka d-data ta’ referenza għal aktar pożizzjonjiet bilqiegħda taħt 3.2, 3.3, eċċ.
(*) Aqta’ barra dak li ma japplikax.
ANNESS 5
L-APPARAT TA’ ĠBID
Figura 1
Figura 1a
Figura 2
Biex titwaħħal iċ-ċinga, l-apparat ta’ ġbid taċ-ċinturin ta’ fuq l-ispalla jista’ jkun modifikat billi jiżu miżjuda żewġ itruf u/jew xi boltijiet sabiex ikun evitat li waqt it-test tal-ġbid taqa’ ċ-ċinga.
Figura 3
ANNESS 6
IN-NUMRU MINIMU TA’ PUNTI TA’ ANKRAĠĠ U FEJN JINSABU L-ANKRAĠĠI TA’ ISFEL
Vettura Kategorija |
Pożizzjonijiet bilqiegħda li jħarsu ’l quddiem |
Li jħarsu Lura |
|||
Fuq barra |
Ċentru |
||||
Quddiem |
Oħra |
Quddiem |
Oħra |
||
M1 |
3 |
3 |
3 |
3 |
2 |
M2 ≤ 3,5 tunnellati metriċi |
3 |
3 |
3 |
3 |
2 |
M3 u M2 > 3,5 tunnellati meriċi |
3
|
3 jew 2
|
3 jew 2
|
3 jew 2
|
2 |
N1 |
3 |
3 jew 2
|
3 jew 2 * |
2 |
2 |
N2 u N3 |
3 |
2 |
3 jew 2 * |
2 |
2 |
It-tifsira tas-simboli:
2 |
: |
żewġ ankraġġi ta’ isfel, li jippermettu l-installazzjoni ta’ ċinturin tas-sikurezza tat-tip B, jew ta’ ċinturini tas-sikurezza tat-tipi Br, Br3, Br4m jew Br4Nm, fejn meħtieġ mill-Appendiċi 1 ta’ l-Anness 13 għar-Riżoluzzjoni Konsolidata dwar il-Kostruzzjoni tal-Vetturi (R.E.3). |
3 |
: |
żewġ ankraġġi ta’ isfel u ankraġġ wieħed ta’ fuq li jipperemttu l-installazzjoni ta’ ċinturin tas-sikurezza bi tliet ankraġġi tat-tip A, jew ta’ ċinturini tas-sikurezza tat-tipi Ar, Ar4Nm, fejn ikun meħtieġ mill-Appendiċi 1 ta’ l-Anness 13 għar-Riżoluzzjoni Konsolidata dwar il-Kostruzzjoni tal-Vetturi (R.E.3). |
|
: |
tirreferi għall-paragrafu 5.3.3. (Ikunu permessi żewġ ankraġġi jekk sit ikun fuq in-naħa ta’ ġewwa ta’ passaġġ). |
* |
: |
tirreferi għall-paragrafu 5.3.4. (Ikunu permessi żewġ ankraġġi jekk il-windskrin ikun barra miż-żona ta’ referenza). |
|
: |
tirreferi għall-paragrafu 5.3.5. (Ikunu permessi żewġ ankraġġi jekk ma jkun hemm xejn fiż-żona ta’ referenza). |
|
: |
tirreferi għall-paragrafu 5.3.7. (Id-dispożizzjonijiet speċjali għall-pjan ta’ fuq ta’ vettura). |
Appendiċi 1
Il-post fejn jinsabu l-ankraġġi ta’ isfel — ir-rekwiżiti angolari biss
Sit |
M1 |
Għajr l-M1 |
|
Quddiem (*) |
Fuq in-naħa tal-bokkla (α2) |
45° — 80° |
30° — 80° |
Għajr għan-naħa tal-bokkla (α1) |
30° — 80° |
30° — 80° |
|
Angolu kostanti |
50° — 70° |
50° — 70° |
|
Il-bank — in-naħa tal-bokkla (α2) |
45° — 80° |
20° — 80° |
|
Il-bank — għajr għan-naħa tal-bokkla (α1) |
30° — 80° |
20° — 80° |
|
Sit aġġustabbli bl-angolu tad-dahar tas-sit < 20° |
45° — 80° (α2) (*) 20° — 80° (α1) (*) |
20° — 80° |
|
Wara ≠ |
|
30° — 80° |
20° — 80° Ψ |
Li jingħalaq |
M’hu meħtieġ l-ebda ankraġġ taċ-ċinturin. Jekk jitwaħħal ankraġġ: ara r-rekwiżiti angolari għal Quddiem u għal Wara. |
Noti:
≠ |
: |
fuq barra u fiċ-ċentru. |
(*) |
: |
jekk l-angolu ma jkunx kostanti ara l-paragrafu 5.4.2.1. |
Ψ |
: |
45° — 90° fil-każ tas-sits fil-vetturi tal-kategoriji M2 u M3. |
ANNESS 7
IT-TEST DINAMIKU BĦALA ALTERNATTIVA GĦAT-TEST STATIKU TAS-SAĦĦA TA’ L-ANKRAĠĠI TAĊ-ĊINTURIN TAS-SIKUREZZA
1. L-AMBITU
Dan l-Anness jiddeskrivi test dinamiku fuq slitta li jista’ jitwettaq bħala alternattiva għat-test statiku tas-saħħa ta’ l-ankraġġi taċ-ċinturin tas-sikurezza li ġie preskritt fil-paragrafi 6.3. u 6.4. ta’ dan ir-Regolament.
Din l-alternattiva tista’ tapplika fuq it-talba tal-manifattur tal-karozza fil-każ ta’ grupp ta’ sits fejn il-pożizzjonijiet bilqiegħda kollha jkunu mgħammra b’ċinturini tas-sikurezza bi 3 ankraġġi li magħhom ikunu assoċjati l-funzjonijiet ta’ tagħmir li jillimita t-tagħbija fuq it-toraċi u meta, barra minn hekk, il-grupp ta’ sits jinkludi pożizzjoni bilqiegħda fejn l-ankraġġ ta’ fuq taċ-ċinturin tas-sikurezza jkun jinsab fuq l-istruttura tas-sit.
2. IL-PRESKRIZZJONIJIET
Fit-test dinamiku preskritt fil-paragrafu 3. ta’ dan l-Anness, m’għandu jkun hemm l-ebda ftuq ta’ l-ebda ankraġġ jew fiż-żona tal-madwar. Madankollu, jiġi permess ftuq ipprogrammat meħtieġ għall-funzjonament ta’ l-apparat li jillimita t-tagħbija.
Għandhom ikunu rrispettati l-ispazji minimi għall-ankraġġi effettivi ta’ isfel li ġew speċifikati fil-paragrafu 5.4.2.5. ta’ dan ir-Regolament, u r-rekwiżiti għall-ankraġġi effettivi ta’ fuq li ġew speċifikati fil-paragrafu 5.4.3.6. ta’ dan ir-Regolament u, fejn ikun applikabbli, kompluti mill-paragrafu 2.1.1. li ġej.
2.1.1. Għall-vetturi tal-kategorija M1 ta’ massa totali permissibbli li ma taqbiżx it-2,5 tunnellati metriċi, l-ankraġġ ta’ fuq taċ-ċinturin tas-sikurezza, jekk ikun imwaħħal ma’ l-istruttura tas-sit, m’għandux jiġi spostat ’il quddiem minn pjan trażversali li jgħaddi mill-punti R u C tas-sit ikkonċernat (ara l-Figura 1 ta’ l-Anness 3 għal dan ir-Regolament).
Għal vetturi li mhumiex dawk li ssemmew aktar ’il fuq, l-ankraġġ ta’ fuq taċ-ċinturin tas-sikurezza m’għandux jiġi spostat ’il quddiem minn pjan trażversali inklinat 10° f’direzzjoni ’l quddiem u li jgħaddi mill-punt R tas-sit.
2.2. F’vetturi fejn jintużaw apparati bħal dawn, l-apparati ta’ spostament u li jsakkru li jippermettu li l-okkupanti tas-sits kollha jħallu l-vettura wara t-test xorta jridu jkunu jistgħu jitħaddmu bl-id.
2.3. Il-manwal ta’ sid il-vettura għandu jinkludi indikazzjonijiet li kull ċinturin tas-sikurezza għandu jiġi ssostitwit biss minn ċinturin tas-sikurezza approvat għall-pożizzjonijiet bilqiegħda meqjusa fil-vettura, u b’mod partikolari għandu jidentifika dawk il-pożizzjonijiet bilqiegħda li jistgħu jiġu mgħammra b’ċinturin tas-sikurezza xieraq mgħammar b’apparat li jillimita t-tagħbija.
3. IL-KUNDIZZJONIJIET TAT-TEST DINAMIKU
3.1. Il-kundizzjonijiet ġenerali
Għat-test li ġie deskritt f’dan l-Anness japplikaw il-kundizzjonijiet ġenerali li ġew deskritti fil-paragrafu 6.1. ta’ dan ir-Regolament.
3.2. L-installazzjoni u l-preparazzjoni
3.2.1. L-islitta
L-islitta trid tkun mibnija b’tali mod li wara t-test ma tidher l-ebda deformazzjoni apparenti. Trid tkun iggwidata b’tali mod li, waqt il-fażi ta’ l-impatt, id-devjazzjoni ma taqbiżx il-5° fil-pjan vertikali u ż-2° fil-pjan orizzontali.
3.2.2. L-irfid ta’ l-istruttura tal-vettura
Il-parti ta’ l-istruttura tal-vettura meqjusa bħala essenzjali għar-riġidità tal-vettura rigward l-ankraġġi tas-sit u l-ankraġġi taċ-ċinturin tas-sikurezza għandha tkun mirfuda fuq l-islitta, skond id-dispożizzjonijiet li ġew deskritti fil-paragrafu 6.2. ta’ dan ir-Regolament.
3.2.3. Is-sistemi ta’ trażżin
3.2.3.1. Is-sistemi ta’ trażżin (is-sits kompluti, l-assemblaġġi taċ-ċinturin tas-sikurezza u l-apparat li jillimitaw it-tagħbija) għandhom ikunu mmontati fuq l-istruttura tal-vettura skond l-ispeċifikazzjonijiet tal-produzzjoni f’serje tal-vetturi.
L-ambjent tal-vettura li jħares lejn is-sit ittestjat (id-daxxbord, is-sit, eċċ., jiddependi mis-sit ittestjat) jista’ jkun immontat fuq l-islitta tat-test. Jekk kien hemm airbag frontali, irid jiġi deattivat.
3.2.3.2. Fuq it-talba tal-manifattur tal-karozza u bi ftehim mas-servizz tekniku inkarigat mit-testijiet, uħud mill-komponenti tas-sistemi ta’ trażżin għajr għas-sits kompluti, għall-assemblaġġi taċ-ċinturin tas-sikurezza u għall-apparati li jillimitaw it-tagħbija, ma jistgħux jiġu mmontati fuq l-islitta tat-test jew jistgħu jiġu ssostitwiti minn komponenti li jkollhom ebusija ekwivalenti jew iċken u li d-dimensjonijiet tagħhom jkunu inklużi fid-dimensjonijiet tat-tagħmir intern tal-vettura, sakemm il-konfigurazzjoni ttesjtata tkun mill-inqas sfavorevoli bħall-konfigurazzjoni ta’ serje rigward il-forzi li japplikaw fuq l-ankraġġi tas-sit u taċ-ċinturin tas-sikurezza.
3.2.3.3. Is-sits għandhom jiġu aġġustati kif inhu meħtieġ fil-paragrafu 6.1.2. ta’ dan ir-Regolament, fil-pożizzjoni għall-użu magħżula mis-servizz tekniku inkarigat mit-testijiet bħala dik li tagħti l-kundizzjonjiet l-aktar avversi rigward is-saħħa ta’ l-ankraġġi u li tkun kompatibbli ma’ l-installazzjoni tal-manikini fil-vettura.
3.2.4. Il-manikini
Fuq kull sit għandu jiġi ppożizzjonat manikin li d-dimensjonijiet u l-massa tiegħu ġew iddefiniti fl-Anness 8 u li jkun miżmum miċ-ċinturin tas-sikurezza pprovdut fil-vettura.
M’hi meħtieġa l-ebda strumentazzjoni tal-manikin.
3.3. It-test
3.3.1. L-islitta għandha tkun imbuttata b’tali mod li, matul it-test, il-varjazzjoni fil-veloċità tagħha tkun ta’ 50 km/siegħa. Id-deċelerazzjoni ta’ l-islitta għandha tkun fil-kuritur speċifikat fl-Anness 8 għar-Regolament Nru 16.
3.3.2. Jekk ikun applikabbli, l-attivazzjoni ta’ apparati addizzjonali ta’ trażżin (apparati ta’ tagħbija applikata minn qabel, eċċ., ħlief l-airbags) tiġi kkawżata skond l-indikazzjonijiet tal-manifattur tal-karozza.
3.3.3. Għandu jiġi kkontrollat li l-ispostament ta’ l-ankraġġi taċ-ċinturin tas-sikurezza ma jeċċedix il-limiti li ġew speċifikati fil-paragrafi 2.1. u 2.1.1. ta’ dan l-Anness.
ANNESS 8
L-ISPEĊIFIKAZZJONIJIET TAL-MANIKIN (*)
Il-massa |
97,5 ± 5 kg |
L-għoli meta bilqiegħda wieqaf |
965 mm |
Il-wisa’ tal-ġenbejn (bilqiegħda) |
415 mm |
Iċ-ċirkonferenza tal-ġenbejn (bilqiegħda) |
1 200 mm |
Iċ-ċirkonferenza tal-qadd (bilqiegħda) |
1 080 mm |
Il-fond tas-sider |
265 mm |
Iċ-ċirkonferenza tas-sider |
1 130 mm |
L-għoli ta’ l-ispalla |
680 mm |
It-tolleranza fuq id-dimensjonijiet kollha tat-tul |
± 5 fil-mija |
Rimarka: Skeċċ li jispjega d-dimensjonijiet jintwera fil-figura ta’ hawn taħt.
(*) L-apparati li ġew deskritti fir-Regola tad-Disinn Awstraljana (ADR — Australian Design Rule) 4/03 u fl-Istandard Federali tas-Sigurtà tal-Vetturi bil-Mutur (FMVSS — Federal Motor Vehicle Safety Standard) Nru. 208 jitqiesu bħala ekwivalenti.
ANNESS 9
IS-SISTEMI TA’ ANKRAĠĠI ISOFIX U L-ANKRAĠĠI TA’ L-IRBIT TA’ FUQ ISOFIX
Figura 1
L-apparat għall-applikazzjoni ta’ forza statika (SFAD), veduti isometriċi
Figura 2
L-apparat għall-applikazzjoni ta’ forza statika (SFAD), id-dimensjonijiet
Figura 3
Id-dimensjonijiet tal-kollegatur (tip ta’ ganċ) ta’ l-irbit ta’ fuq ISOFIX
Figura 4
Id-distanza bejn iż-żewġ żoni ta’ ankraġġ baxx
Figura 5
l-mudell f’żewġ dimensjonijiet
Figura 6
Fejn jinsab l-ankraġġ ta’ l-irbit ta’ fuq ISOFIX — Mill-ġenb
Figura 7
Fejn jinsab l-ankraġġ ta’ l-irbit ta’ fuq ISOFIX, iż-żona ISOFIX — Iż-żona tat-trembil mill-ġenb u mkabbra
Figura 8
Fejn jinsab l-ankraġġ ta’ l-irbit ta’ fuq ISOFIX, iż-żona ISOFIX — Mill-pjani (qatgħa trażversali tal-pjan R)
Figura 9
Fejn jinsab l-ankraġġ ta’ l-irbit ta’ fuq ISOFIX, iż-żona ISOFIX — Minn quddiem
Figura 10
Fejn jinsab l-ankraġġ ta’ l-irbit ta’ fuq ISOFIX, iż-żona ISOFIX — Veduta skematika u tridimensjonali
Figura 11
Metodu alternattiv biex issib l-ankraġġ ta’ l-irbit ta’ fuq billi tuża t-tagħmir fiss “ISO/F2” (B), iż-żona isofix — mill-ġenb, minn fuq u minn wara
Figura 12
Is-simbolu ta’ankraġġ baxx ISOFIX
Figura 13
Is-simbolu li jintuża biex ikun identifikat fejn jinsab ankraġġ ta’ l-irbit ta’ fuq li jkun taħt għata
6.12.2007 |
MT |
Il-Ġurnal Uffiċjali ta’ l-Unjoni Ewropea |
L 321/55 |
It-testi oriġinali UN/ECE biss għandhom effett legali skond id-dritt pubbliku internazzjonali. L-istat u d-data ta’ dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument ta’ l-istat UN/ECE TRANS/WP.29/343/, disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html.
Ir-Regolament Nru 66 tal-Kummissjoni Ekonomika għall-Ewropa tan-Nazzjonijiet Uniti (UN/ECE) — Preskrizzjonijiet tekniċi uniformi rigward l-approvazzjoni ta’ vetturi kbar tal-passiġġieri fir-rigward tal-qawwa tas-superstruttura tagħhom
Addendum 65: Regolament Nru. 66
Reviżjoni 1
Suppliment 1 għall-verżjoni oriġinali tar-Regolament — Data tad-dħul fis-seħħ: it-3 ta’ Settembru 1997
Serje ta’ emendi 01 — Data tad-dħul fis-seħħ: id-9 ta’ Novembru 2005
WERREJ
REGOLAMENT
1. |
Ambitu |
2. |
Termini u definizzjonijiet |
3. |
Applikazzjoni għall-approvazzjoni |
4. |
Approvazzjoni |
5. |
Speċifikazzjonijiet u rekwiżiti ġenerali |
6. |
Modifika u estensjoni ta’ approvazzjoni ta’ tip ta’ vettura |
7. |
Konformità tal-produzzjoni |
8. |
Penali għal nuqqas ta’ konformità tal-produzzjoni |
9. |
Produzzjoni li twaqqfet għal kollox |
10. |
Dispożizzjonijiet tranżitorji |
11. |
Ismijiet u indirizzi ta’ servizzi tekniċi responsabbli mit-tmexxija ta’ testijiet ta’ approvazzjoni u tad-dipartimenti amministrattivi |
ANNESSI
Anness 1 — |
Komunikazzjoni li tikkonċerna tip ta’ vettura fir-rigward tal-qawwa tas-superstruttura tagħha, skond ir-Regolament Nru 66 |
Anness 2 — |
L-Arranġament tal-marka ta’ l-approvazzjoni |
Anness 3 — |
Id-Determinazzjoni taċ-ċentru tal-gravità tal-vettura |
Anness 4 — |
Fehmiet dwar id-deskrizzjoni strutturali tas-superstruttura |
Anness 5 — |
Test għall-qlib bħala l-metodu bażiku ta’ approvazzjoni |
Anness 6 — |
Test għall-qlib bl-użu ta’ partijiet tal-karrozzerija bħala metodu ta’ approvazzjoni ekwivalenti |
Anness 7 — |
Test tat-tagħbija kważi-statika ta’ partijiet tal-karrozzerija bħala metodu ta’ approvazzjoni ekwivalenti |
Appendiċi 1 — |
Determinazzjoni tal-moviment vertikali taċ-ċentru tal-gravità waqt qlib |
Anness 8 — |
Kalkolu kważi-statiku bbażat fuq l-ittestjar tal-komponenti bħala metodu ta’ approvazzjoni ekwivalenti |
Appendiċi 1 — |
Karatteristiċi ta’ ċappetti tal-plastik |
Anness 9 — |
Simulazzjoni bil-kompjuter ta’ test ta’ qlib fuq vettura sħiħa bħala metodu ta’ approvazzjoni ekwivalenti |
1. AMBITU
Dan ir-Regolament japplika għal vetturi riġidi jew artikolati b’livell wieħed maħsuba u mibnija għall-ġarr ta’ iktar minn 22 passiġġier, kemm bil-qiegħda u kemm bil-wieqfa, minabarra x-xufier u l-ekwipaġġ.
2. TERMINI U DEFINIZZJONIJIET
Għall-finijiet ta’ dan ir-Regolament, jintużaw it-termini u d-definizzjonijiet li ġejjin:
2.1. L-unitajiet tal-kejl
L-unitajiet tal-kejl għandhom ikunu:
Dimensjonijiet u distanzi lineari |
metri (m) jew millimetri (mm) |
Massa jew tagħbija |
kilogrammi (kg) |
Forza (u piż) |
Newtons (N) |
Mument |
Metri-Newton (Nm) |
Enerġija |
Joules (J) |
Kostanti gravitazzjonali |
9,81 (m/s2) |
2.2. “Vettura” tfisser xarabank jew coach iddisinjata u mgħammra għat-trasport tal-passiġġieri. Il-vettura hija rappreżentant individwali ta’ tip ta’ vettura.
2.3. “Tip ta’ vettura” tfisser kategorija ta’ vetturi prodotti bl-istess speċifikazzjoni teknika tad-disinn, dimensjonijiet prinċipali u arranġament tal-binja. It-tip ta’ vettura għandha tkun definita mill-manifattur tal-vettura.
2.4. “Familja ta’ tipi ta’ vetturi” tfisser dawk it-tipi ta’ vetturi, proposti fil-ġejjieni kif ukoll dawk li jeżistu bħalissa, li huma komperti mill-approvazzjoni ta’ l-agħar każ, fir-rigward ta’ dan ir-Regolament.
2.5. “L-agħar każ” ifisser it-tip ta’ vettura, fost grupp ta’ tipi ta’ vetturi, inqas probabbli li jgħaddu mir-rekwiżiti ta’ dan ir-Regolament fir-rigward tal-qawwa tas-superstruttura. It-tliet parametri li jiddefinixxu l-agħar każ huma: il-qawwa strutturali, l-enerġija ta’ referenza u l-ispazju residwu.
2.6. “L-approvazzjoni tat-tip ta’ vettura” tfisser il-proċess uffiċjali kollu li matulu tiġi kkontrollata u ttestjata t-tip ta’ vettura biex tipprova li tissodisfa r-rekwiżiti kollha speċifikati f’dan ir-Regolament.
2.7. “Estensjoni ta’ l-approvazzjoni” tfisser il-proċess uffiċjali li matulu tip immodifikat ta’ vettura ikun approvat fuq il-bażi ta’ tip ta’ vettura approvata qabel, bi tqabbil ta’ l-istruttura, l-enerġija potenzjali u l-kriterju ta’ l-ispazju residwu.
2.8. “Vettura artikulata” tfisser vettura li tikkonsisti minn żewġ sezzjonijiet riġidi jew iktar li jartikulaw ma’ xulxin, il-kompartimenti tal-passiġġieri ta’ kull sezzjoni jinterkomunikaw biex il-passiġġieri jkunu jistgħu liberament jiċċaqalqu minn wieħed għall-ieħor; is-sezzjonijiet riġidi huma konnessi b’mod permanenti biex ikunu jistgħu jinfirdu biss b’operazzjoni li tinvolvi faċilitajiet li normalment jinstabu biss f’ħanut tax-xogħol.
2.9. “Kompartiment tal-passiġġieri” ifisser l-ispazju maħsub għall-użu mill-passiġġieri li jeskludi kwalunkwe spazju okkupat minn tagħmir fiss bħalma huma barijiet, kċejjen żgħar jew toilets.
2.10. “Kompartiment tas-sewwieq” ifisser l-ispazju maħsub għall-użu esklussiv tas-sewwieq u li fih is-sedil tas-sewwieq, ir-rota ta’ l-isteering, il-kontrolli, l-istrumenti u aġġeġġi oħra meħtieġa għas-sewqan tal-vettura.
2.11. “Irbit għall-okkupant” ifisser kwalunkwe oġġett li jorbot passiġġier, sewwieq jew membru ta’ l-ekwipaġġ mas-sedil tiegħu waqt qlib.
2.12. “Pjan ċentrali lonġitudinali vertikali” (PĊLV) ifisser il-pjan vertikali li jgħaddi mill-punti tan-nofs tat-track tal-fus ta’ quddiem u tat-track tal-fus ta’ wara.
2.13. “Spazju residwu” ifisser spazju li jrid jiġi priservat fil-kompartiment(i) tal-passiġġieri, ta’ l-ekwipaġġ u tas-sewwieq biex jipprovdu possibilità aħjar ta’ salvataġġ għall-passiġġieri, is-sewwieq u l-ekwipaġġ ta’ inċident bi qlib.
2.14. “Massa inokkupata u mhux mgħobbija” (Mk) tfisser il-massa tal-vettura f’kundizzjoni tajba għas-sewqam, mhux okkupata u mhux mgħobbija imma biż-żieda ta’ 75 kg għall-massa tas-sewwieq, il-massa tal-fjuwil korrispondenti għal 90 fil-mija tal-kapaċità tat-tank tal-fjuwil speċifikati mill-manifattur, u l-mases ta’ likwidu għat-tkessiħ, lubrikanti, għodod u rota żejda, jekk hemm.
2.15. “Massa totali ta’ l-okkupanti” (Mm) tfisser il-massa magħduda ta’ kull passiġġier, membru ta’ l-ekwipaġġ li jokkupaw sedili mgħammra b’irbit għall-okkupant.
2.16. “Il-massa totali effettiva tal-vettura” (Mt) tfisser il-massa inokkupata mhux mgħobbija tal-vettura (Mk) magħduda mal-porzjon (k = 0,5), tal-massa totali ta’ l-okkupanti (Mm), meqjusa li tkun magħquda riġidament mal-vettura.
2.17. “Massa ta’ l-okkupant individwali” (Mmi) tfisser il-massa ta’ okkupant individwali. Il-valur tal-massa huwa ta’ 68 kg.
2.18. “Enerġija ta’ referenza” (ER) tfisser l-enerġija potenzjali tat-tip ta’ vettura li jrid jiġi approvat, mkejjel b’rabta mal-livell orizzontali iktar baxx tal-ħandaq, fil-qagħda instabbli tal-bidu tal-proċess tal-qlib.
2.19. “Test tal-qlib fuq vettura sħiħa” ifisser test fuq vettura sħiħa, tad-daqs kollu biex tiġi ppruvata l-qawwa meħtieġa tas-superstruttura.
2.20. “Bank għat-timjil” ifisser tagħmir tekniku, arranġament ta’ pjattaforma li tmejjel, ħandaq u wiċċ ta’ l-art tal-konkos, użat fit-test tal-qlib ta’ vettura sħiħa jew sezzjonijiet tal-karrozzerija.
2.21. “Pjattaforma li tmejjel” tfisser pjan riġidu li jista’ jiddawwar madwar assi orrizzontali sabiex imejjel vettura sħiħa jew sezzjoni tal-karrozzerija.
2.22. “Karrozzerija” tfisser l-istruttura sħiħa tal-vettura tajba għas-sewqan, inklużi l-elementi strutturali kollha li jifformaw il-kompartiment tal-passiġġier, il-kompartiment tas-sewwieq, il-kompartimenti tal-bagalji u l-ispazji għall-komponenti u l-unitajiet mekkaniċi.
2.23. “Superstruttura” tfisser il-komponenti li jerfgħu l-piż tal-karrozzerija kif definit mill-manifattur, li fihom dawk il-partijiet u elementi koerenti għall-qawwa u l-kapaċità ta’ assorbiment ta’ l-enerġija tal-karrozzerija, u jippreservaw l-ispazju residwu fit-test tal-qlib.
2.24. “Segment” ifisser sezzjoni strutturali tas-superstruttura li tifforma ċirku magħluq bejn żewġ pjani li jkunu perpendikolari mal-pjan ċentrali lonġitudinali vertikali tal-vettura. Segment fih pilastru tat-tieqa (jew tal-bieba) fuq kull naħa tal-vettura kif ukoll elementi tal-ħitan laterali, parti mill-istruttura tas-saqaf u parti mill-istruttura ta’ l-art u ta’ taħt l-art.
2.25. “Sezzjoni tal-karrozzerija” tfisser unità strutturali, li tirrappreżenta parti mis-superstruttura għall-finijiet tat-test ta’ l-approvazzjoni. Sezzjoni tal-karrozzerija fiha mill-inqas żewġ segmenti magħquda minn elementi ta’ konnessjoni rappreżentattivi (il-ġenb, is-saqaf, u l-istrutturi ta’ taħt l-art).
2.26. “Sezzjoni oriġinali tal-karrozzerija” tfisser sezzjoni tal-karrozzerija magħmula minn żewġ segmenti jew iktar ta’ eżattament l-istess forma u pożizzjoni relattiva, kif jidhru fil-vettura proprja. L-elementi ta’ konnessjoni kollha bejn is-segmenti huma wkoll irranġati eżattament kif jidhru fil-vettura proprja.
2.27. “Sezzjoni artifiċjali tal-karrozzerija” tfisser sezzjoni tal-karrozzerija mibnija minn żewġ segmenti jew iktar imma mhux fl-istess qagħda, u lanqas bl-istess bogħod minn xulxin bħal fil-vettura proprja. L-elementi ta’ konnessjoni bejn dawn iż-żewġ segmenti ma hemmx għalfejn ikunu identiċi ma’ l-istruttura tal-karrozzerija reali imma għandhom ikunu strutturalement l-istess.
2.28. “Parti riġida” tfisser parti jew element strutturali li ma jkollux deformità sinifikanti u assorbiment ta’ l-enerġija matul it-test tal-qlib.
2.29. “Żona plastika” (ŻP) tfisser parti limitata ġeometrikament speċjali tas-superstruttura li fiha, minħabba forzi ta’ impatt dinamiċi:
— |
tinstab konċentrazzjoni ta’ deformazzjonijiet tal-plastik fuq skala kbira |
— |
isseħħ distorsjoni essenzjali tal-forma oriġinali (sezzjoni trażversali, tul, jew ġeometrija oħra) |
— |
iseħħ telf ta’ stabilità, minħabba deformazzjoni lokali, |
— |
tiġi assorbita enerġija kinetika minħabba deformazzjoni. |
2.30. “Ċappetta tal-plastik” (ĊP) tfisser sempliċi żona plastika fuq element forma ta’ virga (tubu wieħed, kolonna tat-tieqa, eċċ).
2.31. “Cantrail” tfisser il-parti strutturali lonġitudinali tal-karrozzerija fuq it-twieqi tal-ġenb inkluża t-tranżizzjoni ttundjata għall-istrutturi tas-saqaf. Fit-test tal-qlib il-cantrail ikun l-ewwel li jaħbat ma’ l-art.
2.32. “Waistrail” tfisser il-parti strutturali lonġitudinali tal-karrozzerija taħt it-twieqi tal-ġenb. Fit-test tal-qlib il-waistrail tista’ tkun it-tieni parti li tmiss ma’ l-art wara deformazzjoni inizjali tas-sezzjoni trażversali tal-vettura.
3. APPLIKAZZJONI GĦALL-APPROVAZZJONI
3.1. L-applikazzjoni għall-approvazzjoni ta’ tip ta’ vettura fir-rigward tal-qawwa tas-superstruttura għandha tintbagħat mill-manifattur tal-vettura jew mir-rappreżentant debitament akkreditat mad-Dipartiment Amministrattiv.
Din għandha tkun akkumpanjata minn tliet kopji ta’ kull wieħed mid-dokumenti msemmija hawn taħt u mill-partikolaritajiet li ġejjin:
Id-data u l-parametri ta’ identifikazzjoni ewlenin tat-tip tal-vettura, jew grupp ta’ tipi tal-vettura;
3.2.1.1. Tpinġijiet tat-tqassim ġenerali tat-tip tal-vettura, il-karrozzerija tagħha u l-arranġament interjuri tagħha bid-dimensjonijiet ewlenin. Sedili li għandhom irbit għall-passiġġier għandhom ikunu mmarkati b’mod ċar u l-pożizzjonijiet tagħhom għandhom ikunu dimensjonati b’mod preċiż;
3.2.1.2. Il-massa inokkupata mhux mgħobbija tal-vettura, u t-tagħbijiet tal-fus assoċjati;
3.2.1.3. Il-post eżatt taċ-ċentru tal-gravità tal-vettura mhux mgħobbija flimkien mar-rapport tal-kejl. Biex jiġi ddeterminat post iċ-ċentru tal-gravità, għandhom jintużaw il-metodi tal-kejl u tal-kalkolu deskritti fl-Anness 3;
3.2.1.4. Il-massa effettiva totali tal-vettura, u t-tagħbijiet tal-fus assoċjati.
3.2.1.5. Il-post eżatt taċ-ċentru tal-gravità tal-massa effettiva totali tal-vettura, flimkien mar-rapport tal-kejl. Biex jiġi ddeterminat post iċ-ċentru tal-gravità, għandhom jintużaw il-metodi tal-kejl u tal-kalkolu deskritti fl-Anness 3.
Id-data u t-tagħrif li jinħtieġu għall-valutazzjoni tal-kriterji ta’ l-agħar każ fi grupp ta’ tipi ta’ vetturi:
3.2.2.1. Il-valur ta’ l-enerġija ta’ referenza (ER) li huwa r-riżultat tal-massa tal-vettura (M), il-kostanti tal-gravità (g) u l-għoli (h1) taċ-ċentru tal-gravità bil-vettura f’qagħda b’ekwilibriju instabbli fil-bidu tat-test tal-qlib (ara l-figura 3)
meta:
M |
= |
Mk, il-massa inokkupata mhux mgħobbija tat-tip tal-vettura jekk ma hemm l-ebda rbit għall-okkupanti, jew, Mt, il-massa effettiva totali tal-vettura meta jkun twaħħal l-irbit għall-okkupanti, u |
Mt |
= |
Mk + k. Mm, meta k = 0,5 |
h0 |
= |
l-għoli (f’metri) taċ-ċentru tal-gravità tal-vettura għall-valur tal-massa (M) magħżula |
t |
= |
id-distanza perpendikulari (f’metri) taċ-ċentru tal-gravità tal-vettura mill-pjan ċentrali vertikali lonġitudinali. |
B |
= |
id-distanza perpendikulari (f’metri) mill-pjan ċentrali vertikali lonġitudinali tal-vettura sa l-assi ta’ rotazzjoni tat-test tal-qlib |
g |
= |
kostanti gravitazzjonali |
h1 |
= |
l-għoli (f’metri) taċ-ċentru tal-gravità tal-vettura fil-qagħda instabbli tal-bidu tagħha relatat mal-pjan orizzontali iktar baxx tal-ħandaq |
3.2.2.2. Tpinġijiet u deskrizzjoni dettaljata tat-tip tal-vettura, jew grupp ta’ tipi tal-vettura skond l-Anness 4.
3.2.2.3. Tpinġijiet dettaljati ta’ l-ispazju residwu skond il-paragrafu 5.2. għal kull tip ta’ vettura li jrid jiġi approvat.
3.2.3. Iktar dokumentazzjoni dettaljata, parametri, data li tiddependi mill-metodu tat-test ta’ approvazzjoni magħżul mill-manifattur, kif dettaljat fl-Anness 5, Anness 6, Anness 7, Anness 8 u Anness 9.
3.2.4. F’każ ta’ vettura artikulata, dan it-tagħrif kollu għandu jingħata separatament għal kull sezzjoni tat-tip tal-vettura, ħlief għall-paragrafu 3.2.1.1. li huwa relatat mal-vettura sħiħa.
3.3. Fuq talba tas-servizz tekniku vettura sħiħa (jew vettura waħda minn kull tip ta’ vettura, jekk tintalab l-approvazzjoni għal grupp ta’ tipi ta’ vetturi) għandha tiġi ppreżentata għall-kontroll tal-massa inokkupata mhux mgħobbija, t-tagħbijiet tal-fus, post iċ-ċentru tal-gravità u d-data u t-tagħrif kollu l-ieħor li huwa rilevanti għall-qawwa tas-superstruttura.
3.4. Skond il-metodu tat-test ta’ l-approvazzjoni magħżul mill-manifattur, għandhom jintbagħtu kampjuni xierqa lis-servizz tekniku fuq talba tagħhom. L-arranġament u n-numru ta’ dawn il-kampjuni għandhom isiru bi qbil mas-servizz tekniku. Fil-każ ta’ kampjuni li ġew ittestjati qabel, għandhom jintbagħtu r-rapporti tat-testijiet.
4. APPROVAZZJONI
4.1. Jekk it-tip tal-vettura jew grupp ta’ tipi ta’ vetturi mibgħuta għall-approvazzjoni minn dan ir-Regolament jissodisfaw ir-rekwiżiti tal-paragrafu 5. hawn taħt, l-approvazzjoni ta’ dan it-tip ta’ vettura għandha tingħata.
4.2. Għandu jingħata numru ta’ approvazzjoni għal kull tip ta’ vettura approvat. L-ewwel żewġ ċifri tiegħu (fil-mument 01 li jikkorrispondi mas-serje ta’ emendi 01) għandhom jindikaw is-serje ta’ l-emendi li jinkorporaw l-emendi tekniċi ewlenin l-iktar reċenti li saru lir-Regolament fi żmien il-ħruġ ta’ l-approvazzjoni. L-istess Parti Kontraenti ma għandhiex tagħti l-istess numru lil tip ieħor ta’ vettura.
4.3. Avviż ta’ approvazzjoni jew ta’ ċaħda jew estensjoni ta’ approvazzjoni ta’ tip ta’ vettura skond dan ir-Regolament għandu jkun kkomunikat lill-Partijiet għall-Ftehim li japplikaw dan ir-Regolament, permezz ta’ formola ta’ komunikazzjoni (ara l-Anness 1) u ta’ tpinġijiet u dijagrammi fornuti mill-applikant għall-approvazzjoni, f’format approvat mill-manifattur u s-servizz tekniku. Dokumenti fuq karta għandhom ikunu jintwew f’format A4 (210 mm x 297 mm).
Għandu jitwaħħal, b’mod li jagħti fl-għajn u f’post aċċessibbli faċilment speċifikat fil-formola ta’ l-approvazzjoni, ma’ kull vettura li tikkonforma ma’ tip ta’ vettura approvata skond dan ir-Regolament marka ta’ approvazzjoni internazzjonali magħmula minn:
4.4.1. ċirku madwar l-ittra “E” segwit min-numru li jiddistingwi l-pajjiż li ta l-approvazzjoni (1);
4.4.2. in-numru ta’ dan ir-Regolament, segwit mill-ittra “R”, sing u n-numru ta’ l-approvazzjoni, fuq il-lemin taċ-ċirku kif preskritt fil-paragrafu 4.4.1.
4.5. Il-marka ta’ l-approvazzjoni għandha tkun tinqara b’mod ċar u ma titħassarx.
4.6. Il-marka ta’ l-approvazzjoni għandha titqiegħed qrib jew fuq il-pjanċa tad-data tal-vettura mwaħħla mill-manifattur.
4.7. L-Anness 2 ta’ dan ir-Regolament jagħti eżempju ta’ kif tidher il-marka ta’ l-approvazzjoni.
5. SPEĊIFIKAZZJONIJIET U REKWIŻITI ĠENERALI
5.1. Rekwiżiti
Is-superstruttura tal-vettura għandu jkollha s-saħħa suffiċjenti biex ikun żgurat li l-ispazju residwu matul u wara t-test tal-qlib fuq il-vettura sħiħa jibqa’ mhux mittiefes. Dan ifisser li:
5.1.1. L-ebda parti tal-vettura li tinsab barra mill-ispazju residwu fil-bidu tat-test (eż. pilastri, ċrieket tas-sikurezza, xkafef għall-bagalji) ma jidħlu fl-ispazju residwu waqt it-test. Kull parti strutturali, li tkun oriġinalment fl-ispazju residwu (eż. puġġamani vertikali, diviżuri, kċejjen żgħar, toilets) għandhom jiġu injorati fil-valutazzjoni ta’ l-intrużjoni fl-ispazju residwu.
L-ebda parti mill-ispazju residwu ma għandha toħroġ ’il barra mill-perimetru ta’ l-istruttura deformata. Il-perimetru ta’ l-istruttura deformata għandhom ikunu determinati sekwenzjalment, minn kull pilastru ta’ tieqa u/jew bieba maġenb xulxin. Bejn żewġ pilastri deformati l-perimetru għandu jkun wiċċ teoretiku, determinat minn linji dritti, li jgħaqqdu l-punti tal-perimetru ta’ ġewwa tal-pilastri li kienu l-istess tul mil-livell ta’ l-art qabel it-test tal-qlib (Ara l-Figura 1).
Figura 1
Speċifikazzjoni tal-perimetru ta’ l-istruttura deformata
5.2. Spazju residwu
L-envelop ta’ l-ispazju residwu tal-vettura huwa definit bil-ħolqien ta’ pjan trażversali vertikali fi ħdan il-vettura li għandu l-periferija deskritta fil-Figuri 2(a) u 2(c), u dan il-pjan jiċċaqlaq ma’ tul il-vettura (ara l-Figura 2(b)) kif ġej:
5.2.1. Il-punt SR jinsab fuq id-dahar tas-sedil ta’ kull sedil estern li jħares ’il quddiem jew lura (jew qagħda preżunta tas-sedil), 500 mm ’il fuq mill-art taħt is-sedil, 150 mm mill-wiċċ ta’ ġewwa tal-ħajt tal-ġenb. Arki tar-roti jew varjazzjonijiet oħra fl-għoli ta’ l-art ma għandhomx jitqiesu. Dawn id-dimesjonijiet għandhom japplikaw ukoll fil-każ ta’ sedili li jħarsu ’l ġewwa fil-pjani ċentrali tagħhom.
5.2.2. Jekk iż-żewġ naħat tal-vettura ma jkunux simetriċi fir-rigward ta’ arranġament ta’ l-art u, għalhekk, l-għoli tal-punti SR ikunu differenti, it-tarġa bejn iż-żewġ linji ta’ l-art ta’ l-ispazju residwu għandha tittieħed bħala l-pjan ċentrali vertikali lonġitudinali tal-vettura (ara l-Figura 2(c));
5.2.3. Il-qagħda l-iktar lura ta’ l-ispazju residwu hija pjan vertikali 200 mm wara l-punt SR tas-sedil ta’ barra l-iktar lura, jew il-wiċċ ta’ ġewwa tal-ħajt ta’ wara tal-vettura jekk dan ikun inqas minn 200 mm wara dak il-punt SR.
Il-qagħda l-iktar ’il quddiem ta’ l-ispazju residwu huwa pjan vertikali 600 mm quddiem il-punt SR tas-sedil l-iktar ’il quddiem (kemm jekk tal-passiġġieri, ta’ l-ekwipaġġ, jew tas-sewwieq) fil-vettura mqiegħed fl-aġġustament l-iktar ’il quddiem tiegħu.
Jekk is-sedili l-iktar lura u l-iktar ’il quddiem fuq iż-żewġ naħat tal-vettura ma jkunux fl-istess pjani trażversali, it-tul ta’ l-ispazju residwu fuq kull naħa se jkun differenti;
5.2.4. L-ispazju residwu huwa kontinwu fil-kompartiment(i) tal-passiġġier, ta’ l-ekwipaġġ u tas-sewwieq bejn il-pjan l-iktar lura u l-iktar ’il quddiem tiegħu u huwa definit billi jitmexxa l-pjan trażversali vertikali definit ma’ tul il-vettura tul il-linji dritti mill-punti SR fuq iż-żewġ naħat tal-vettura. Wara l-punt Sr tas-sedil l-iktar lura u quddiem il-punt Sr tas-sedil l-iktar ’il quddiem il-linji dritti huma mimdudin.
5.2.5. Il-manifattur jista’ jiddefinixxi spazju residwu ikbar minn dak meħtieġ għal arranġament tas-sedili partikolari, għal simulazzjoni ta’ l-agħar każ fi grupp ta’ tipi ta’ vetturi biex iħalli spazju għall-iżviluppi tad-desinn fil-ġejjieni.
Figura 2
Speċifikazzjoni ta' l-ispazju residwu
5.3. Speċifikazzjoni ta’ test ta’ qlib fuq vettura sħiħa bħala metodu ta’ approvazzjoni bażiku
It-test tal-qlib huwa test ta’ timjil laterali (ara l-Figura 3), speċifikat kif ġej:
5.3.1. Il-vettura sħiħa hija wieqfa fuq il-pjattaforma li tmejjel, bis-sospensjonijiet imblukkati u tinqaleb bil-mod sakemm tiġi f’qagħda ta’ ekwilibriju instabbli. Jekk it-tip tal-vettura ma jkunx fiha rbit għall-okkupant hija tiġi ttestjata fil-massa mhux mgħobbija meta wieqfa. Jekk it-tip tal-vettura jkun fiha rbit għall-okkupant hija tiġi ttestjata fil-massa effettiva totali tal-vettura;
5.3.2. It-test tal-qlib jibda f’din il-qagħda instabbli tal-vettura b’veloċità angulari żero u l-assi tar-rotazzjoni jgħaddu mill-punti ta’ kuntatt tar-roti ma’ l-art. F’dan il-waqt il-vettura hija kkaratterizzata bl-enerġija ta’ referenza ER (ara l-paragrafu 3.2.2.1. u l-Figura 3);
5.3.3. It-tipi tal-vettura tinqaleb ġo ħandaq, b’wiċċ ta’ l-art tal-konkos niexef u lixx, orizzontali b’fond nominali ta’ 800 mm;
5.3.4. L-ispeċifikazzjoni teknika dettaljata tat-test tal-qlib fuq vettura sħiħa bħala t-test bażiku ta’ approvazzjoni qiegħed jingħata fl-Anness 5.
Figura 3
Speċifikazzjoni ta’ test ta’ qlib fuq vettura sħiħa li juri t-triq għaċ-ċentru tal-gravità mill-qagħda f’ekwilibriju instabbli tal-bidu
5.4. Speċifikazzjonijiet ta’ testijiet ekwivalenti ta’ approvazzjoni
Minflok it-test tal-qlib fuq vettura sħiħa, fid-diskrezzjoni tal-manifattur, jista’ jintgħażel wieħed mill-metodi ta’ test ta’ approvazzjoni ekwivalenti li ġejjin:
5.4.1. Test tal-qlib fuq biċċiet mill-karrozzerija li huma rappreżentattivi tal-vettura sħiħa, b’konformità ma’ l-ispeċifikazzjonijiet ta’ l-Anness 6.
5.4.2. Testijiet tat-tagħbija kważi-statiċi ta’ biċċiet mill-karrozzerija b’konformità ma’ l-ispeċifikazzjonijiet ta’ l-Anness 7
5.4.3. Kalkoli kważi-statiċi bbażati fuq riżultati ta’ testijiet tal-komponenti b’konformità ma’ l-ispeċifikazzjonijiet ta’ l-Anness 8.
5.4.4. Similazzjoni bil-kompjuter — permezz ta’ kalkoli dinamiċi — tat-test tal-qlib bażiku fuq il-vettura sħiħa, b’konformità ma’ l-ispeċifikazzjonijiet ta’ l-Anness 9.
5.4.5. Il-prinċipju bażiku huwa li l-metodu tat-test ta’ approvazzjoni ekwivalenti jrid isir b’tali mod li jirrappreżenta t-test tal-qlib bażiku speċifikat fl-Anness 5. Jekk il-metodu ta’ approvazzjoni ekwivalenti magħżul mill-manifattur ma jistax iqis xi fattur jew kostruzzjoni speċjali tal-vettura (eż. installazzjoni ta’ arja kondizzjonata fuq is-saqaf, bdil ta’ l-għoli tal-waistrail, bdil ta’ l-għoli tas-saqaf) is-servizz tekniku jista’ jeħtieġ li l-vettura sħiħa jkollha tagħmel it-test tal-qlib speċifikat fl-Anness 5.
5.5. Testijiet ta’ xarabanks artikulati
Fil-każ ta’ vettura artikulata, kull parti riġida tal-vettura għandha tkun konformi mar-rekwiżit ġenerali speċifikat fil-paragrafu 5.1. Kull parti riġida ta’ vettura artikulata tista’ tiġi ttestjata separatament jew flimkien kif deskritt fl-Anness 5, paragrafu 2.3, jew fl-Anness 3, paragrafu 2.6.7.
5.6. Id-direzzjoni tat-test tal-qlib
It-test tal-qlib għandu jitwettaq fuq dik in-naħa tal-vettura li hija l-iktar perikoluża fir-rigward ta’ l-ispazju residwu. Id-deċiżjoni ssir mis-servizz tekniku abbażi tal-proposta tal-manifattur, meta jitqies mill-inqas dan li ġej:
5.6.1. l-eċċentriċità laterali taċ-ċentru tal-gravità u l-effett tagħha fuq l-enerġija ta’ referenza fil-qagħda instabbli tal-bidu tal-vettura, ara l-paragrafu 3.2.2.1;
5.6.2. l-asimetrija ta’ l-ispazju residwu, ara l-paragrafu 5.2.2
5.6.3. il-fatturi tal-kostruzzjoni differenti u asimetriċi taż-żewġ naħat tal-vettura, u l-appoġġ mogħti mid-diviżuri jew l-kaxxi interni (eż. gwardarobbi, toilet, kċina żgħira). In-naħa bl-inqas appoġġ għandha tintgħażel bħala d-direzzjoni tat-test tal-qlib.
6. MODIFIKA U ESTENSJONI TA’ APPROVAZZJONI TA’ TIP TA’ VETTURA
Kull modifika ta’ tip ta’ vettura approvat għandu jkun notifikat lid-Dipartiment Amministrattiv li ta l-approvazzjoni tat-tip. Id-Dipartiment Amministrattiv jista’ mbagħad jew,
6.1.1. jaqbel li l-modifiki li saru huma improbabbli li jħallu effett apprezzabbli u li fi kwalunkwe każ it-tip tal-vettura modifikat xorta jikkonforma mar-rekwiżiti ta’ dan ir-Regolament u jikkostitwixxi parti minn familja ta’ tipi ta’ vetturi flimkien mat-tip ta’ vettura approvata; jew
6.1.2. jitlob rapport ta’ test ieħor mis-servizz tekniku responsabbli mill-organizzazzjoni tat-testijiet bħala prova li t-tip tal-vettura l-ġdid jikkonforma mar-rekwiżiti ta’ dan ir-Regolament u jikkostitwixxi parti minn grupp ta’ tipi ta’ vetturi flimkien mat-tip ta’ vettura approvat; jew
6.1.3. jiċħad l-estensjoni ta’ l-approvazzjoni u jitlob li ssir proċedura ta’ approvazzjoni ġdida.
Id-deċiżjonijiet tad-Dipartiment Amministrattiv u s-servizz tekniku għandu jkun ibbażat fuq it-tliet kriterji ta’ l-agħar każ:
6.2.1. il-kriterju strutturali jfisser jekk is-superstruttura nbidlitx jew le (ara l-Anness 4). Jekk ma hemm l-ebda bidla, jew is-superstruttura hija aqwa, dan ikun favorevoli.
6.2.2. il-kriterju ta’ l-enerġija jfisser jekk l-enerġija ta’ referenza nbidlitx jew le. Jekk it-tip tal-vettura il-ġdid għandu l-istess enerġija ta’ referenza jew inqas minn dak approvat, dan ikun favorevoli.
6.2.3. il-kriterju ta’ l-ispazju residwu fuq wiċċ l-envelop ta’ l-ispazju residwu. Jekk l-ispazju residwu tat-tip tal-vettura l-ġdid qiegħed minn kullimkien fi ħdan l-ispazju residwu tal-każ approvat, dan ikun favorevoli.
6.3. Jekk it-tliet kriterji deskritti fil-paragrafu 6.2. inbidlu favorevolment, l-estensjoni ta’ l-approvazzjoni għandha tingħata mingħajr investigazzjoni ulterjuri.
Jekk it-tliet tweġibiet huma kollha sfavorevoli, tinħtieġ proċedura ta’ approvazzjoni ġdida.
Jekk it-tweġibiet ikunu mħalltin, jinħtieġu iktar investigazzjonijiet. Dawn l-investigazzjonijiet għandhom ikunu determinati mis-servizz tekniku li jikkoopera mal-manifattur.
6.4. Konferma u ċaħda ta’ approvazzjoni, li tispeċifika l-bidliet, għandhom ikunu notifikati mill-proċedura speċifikata fil-paragrafu 4.3. hawn fuq lill-Partijiet għall-Ftehim li japplikaw dan ir-Regolament.
6.5. Id-Dipartiment Amministrattiv li joħroġ l-estensjoni ta’ approvazzjoni għandu jassenja numru tas-serje lil kull formola ta’ komunikazzjoni mfassla għal estensjoni bħal din.
7. KONFORMITÀ TAL- PRODUZZJONI
7.1. Il-konformità tal-proċedura tal-produzzjoni għandha tkun konformi ma’ dawk stabbiliti fil-Ftehim, fl-Appendiċi 2 (E/ECE/324-E/ECE/TRANS/505/Rev.2).
7.2. Kull vettura approvata skond dan ir-Regolament għandha tkun manifatturata b’tali mod li tkun konformi mat-tip approvat billi jintlaħqu r-rekwiżiti stabbiliti fil-paragrafu 5. hawn fuq. Għandhom jiġu kkontrollati biss dawk l-elementi nominati mill-manifattur bħala parti mis-superstruttura.
7.3. Il-frekwenza normali ta’ l-ispezzjonijiet awtorizzati mid-Dipartiment Amministrattiv għandha tkun ta’ darba kull sentejn. Jekk jinstab nuqqas ta’ konformità matul waħda minn dawn iż-żjarat, id-Dipartiment Amministrattiv jista’ jżid il-frekwenza taż-żjarat biex jerġa’ jistabbilixxi l-konformità tal-produzzjoni malajr kemm jista’ jkun.
8. PENALI GĦAL NUQQAS TA’ KONFORMITÀ TAL-PRODUZZJONI
8.1. L-approvazzjoni mogħtija fir-rigward tat-tip tal-vettura skond dan ir-Regolament tista’ tiġi rtirata jekk ir-rekwiżiti stipulati fil-paragrafu 7. hawn fuq ma jkunux rispettati.
8.2. Jekk parti għall-Ftehim li japplika dan ir-Regolament tirtira approvazzjoni li tkun tat qabel, għandha minnufih tavża b’dan lill-Partijiet Kontraenti l-oħra li qegħdin japplikaw dan ir-Regolament, permezz ta’ kopja tal-formola ta’ l-approvazzjoni li fl-aħħar ikollha, f’ittri kbar, l-annotazzjoni ffirmata u datata “APPROVAZZJONI RTIRATA”.
9. PRODUZZJONI LI TWAQQFET GĦAL KOLLOX
Jekk id-detentur ta’ l-approvazzjoni jieqaf għal kollox mill-manifattura ta’ tip ta’ vettura approvat b’konformità ma’ dan ir-Regolament, huwa għanu jgħarraf lid-Dipartiment Amministrattiv li ta l-approvazzjoni b'dan. Mal-wasla tal-komunikazzjoni rilevanti, dak id-Dipartiment Amministrattiv għandu jgħarraf lill-Partijiet l-oħra għall-Ftehim li japplikaw dan ir-Regolament permezz ta’ kopja tal-formola ta’ l-approvazzjoni li fl-aħħar ikollha, f’ittri kbar, l-annotazzjoni ffirmata u datata “PRODUZZJONI MWAQQFA”.
10. DISPOŻIZZJONIJIET TRANŻITORJI
10.1. Sa mid-data uffiċjali tad-dħul fis-seħħ tas-serje ta’ emendi 01, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjoni ECE skond dan ir-Regolament kif emendat mis-serje ta’ emendi 01.
10.2. Sa minn 60 xahar wara dak in-nhar tad-dħul fis-seħħ, il-Partijiet Kontraenti li japplikaw dan ir-Regolament għandhom jagħtu approvazzjonijiet ECE għal tipi ta’ vetturi ġodda kif definit f’dan ir-Regolament biss jekk it-tip tal-vettura li jrid jiġi approvat jissodisfa r-rekwiżiti ta’ dan ir-Regolament kif emendat mis-serje ta’ emendi 01.
10.3. Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estensjonijiet ta’ approvazzjoni għas-serje ta’ emendi preċedenti għal dan ir-Regolament.
10.4. L-approvazzjonijiet ECE mogħtija skond dan ir-Regolament, fil-forma orġinali tiegħu, qabel 60 xahar minn dak in-nhar tad-dħul fis-seħħ u l-estensjonijiet kollha ta’ approvazzjonijiet bħal dawn, għandhom jibqgħu validi b’mod indefinit bil-kundizzjoni tal-paragrafu 10.6. hawn taħt. Meta t-tip tal-vettura approvat għas-serje ta’ emendi preċedenti jissodisfa r-rekwiżiti ta’ dan ir-Regolament kif emendat mis-serje ta’ emendi 01, il-Parti Kontraenti li tat l-approvazzjoni għandha tavża lill-Partijiet Kontraenti li japplikaw dan ir-Regolament b’dan.
10.5. L-ebda Parti Kontraenti li tapplika dan ir-Regolament ma għandha tiċħad l-approvazzjoni tat-tip nazzjonali għas-serje ta’ emendi 01 għal dan ir-Regolament.
10.6. Minn 144 xahar mid-dħul fis-seħħ tas-serje ta’ emendi 01 għal dan ir-Regolament, il-Partijiet Kontraenti li japplikaw dan ir-Regolament jistgħu jiċħdu l-ewwel reġistrazzjoni nazzjonali (l-ewwel dħul fis-servizz) ta’ vettura li ma tissodisfax ir-rekwiżiti tas-serje ta’ emendi 01 għal dan ir-Regolament.
11. ISMIJIET U INDIRIZZI TA’ SERVIZZI TEKNIĊI RESPONSABBLI MIT-TMEXXIJA TA’ TESTIJIET TA’ APPROVAZZJONI
Il-Partijiet għall-Ftehim li japplikaw dan ir-Regolament għandhom jikkomunikaw lis-segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli għall-organizzazzjoni tat-testijiet ta’ approvazzjoni u tad-Dipartimenti Amministrattivi li jagħtu l-approvazzjoni. Il-formoli maħruġa f’pajjiżi oħra biex jiċċertifikaw l-approvazzjoni jew l-estensjoni jew ċaħda jew irtirar ta’ l-approvazzjoni, għandhom jintbagħtu lid-Dipartimenti Amministrattivi tal-Partijiet għall-Ftehim kollha.
(1) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja u l-Montenegro, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vakanti), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vakanti), 31 għall-Bożnja u Ħerzegovina, 32 għal-Latvja, 33 (vakanti), 34 għall-Bulgarija, 35 (vakanti), 36 għal-Litwanja, 37 għat-Turkija, 38 (vakanti), 39 għall-Ażerbajġan, 40 għar-Repubblika eks-Jugożlava tal-Maċedonja, 41 (vakanti), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu ECE rispettiv tagħhom), 43 għall-Ġappun, 44 (vakanti), 45 għall-Awstralja, 46 għall-Ukrajna, 47 għall-Afrika t’Isfel, 48 għal New Zealand, 49 għal Ċipru, 50 għal Malta u 51 għar-Repubblika tal-Korea. Numri sussegwenti għandhom jiġu assenjati lil pajjiżi oħra fl-ordni kronoloġiku li bih jirratifikaw jew jaderixxu mal-Ftehim li Jikkonċerna l-Adozzjoni ta’ Preskrizzjonijiet Tekniċi Uniformi għall-Vetturi bir-Roti, Tagħmir u Partijiet li jistgħu Jitwaħħlu ma’ u/jew Jintużaw f’Vetturi bir-Roti u l-Kundizzjonijiet għar-Rikonoxximent Reċiproku ta’ l-Approvazzjonijiet Mogħtija Abbażi ta’ dawn il-Preskrizzjonijiet, u n-numri b’hekk assenjati għandhom jiġu kkomunikati mis-Segretarju Ġenerali tan-Nazzjonaijiet Uniti lill-Partijiet Kontraenti għall-Ftehim.
ANNESS 2
L-ARRANĠAMENT TAL-MARKA TA’ L-APPROVAZZJONI
(Ara l-paragrafu 4.4. ta’ dan ir-Regolament)
Il-marka ta’ l-approvazzjoni ta’ hawn fuq imwaħħla ma’ vettura turi li t-tip ta’ vettura kkonċernata kienet, fir-rigward tal-qawwa tas-superstruttura, ġiet approvata fir-Renju Unit (E11) skond ir-Regolament Nru. 66 bin-numru ta’ approvazzjoni 012431. L-ewwel żewġ ċifri tan-numru ta’ l-approvazzjoni jindikaw li l-approvazzjoni ngħatat skond ir-rekwiżiti tas-serje ta’ emendi 01 għar-Regolament Nru. 66.
ANNESS 3
ID-DETERMINAZZJONI TAĊ-ĊENTRU TAL-GRAVITÀ TAL-VETTURA
1. PRINĊIPJI ĠENERALI
1.1. Ir-referenza u l-enerġija totali li trid tiġi assorbita fit-test tal-qlib tiddependi direttament mill-pożizzjoni taċ-ċentru tal-gravità tal-vettura. Madankollu, id-determinazzjoni tagħha għandha tkun preċiża daqs kemm prattika. Il-metodu ta’ kejl tad-dimensjonijiet, l-angoli u l-valuri tat-tagħbija, u l-preċiżjoni tal-kejl għandu jkun irreġistrat għall-valutazzjoni mis-servizz tekniku. Hija meħtieġa l-preċiżjoni ta’ l-apparat tal-kejl kif ġej:
|
preċiżjoni ta’ ± 1 mm |
||
|
preċiżjoni ta’ ± 0,05 fil-mija |
||
|
preċiżjoni ta’ ± 1 fil-mija |
||
|
preċiżjoni ta’ ± 0,2 fil-mija |
Il-bażi(jiet) tar-rota u d-distanza bejn iċ-ċentri tar-rifsa tar-rota/i f’kull fus (il-korsa ta’ kull fus) għandu jkun determinat mit-tpinġijiet tal-manifattur.
1.2. Sospensjoni imblukkata hija speċifikata bħala kondizzjoni għad-determinazzjoni taċ-ċentru tal-gravità u għat-twettiq tat-test effettiv tal-qlib. Is-sospensjoni għandha tkun imblukkata fil-qagħda operattiva normali kif definit mill-manifattur
Il-pożizzjoni taċ-ċentru tal-gravità huwa definit minn tliet parametri:
1.3.1. id-distanza lonġitudinali (l1) mil-linja ċentrali tal-fus ta’ quddiem
1.3.2. id-distanza trażversali (t) mill-pjan ċentrali lonġitudinali vertikali tal-vettura.
1.3.3. l-għoli vertikali (h0) ’il fuq mil-livell orizzontali ċatt ta’ l-art meta r-roti jkunu minfuħa kif speċifikat għall-vettura
1.4. Metodu għad-determinazzjoni l1, t, h0, bl-użu ta’ ċelluli ta’ tagħbija huwa deskritt hawnhekk. Metodi alternattivi li jużaw tagħmir għall-irfigħ u/jew imwejjed għat-timjil pereżempju jista’ jiġi propost mill-manifattur lis-servizz tekniku li jiddeċiedi jekk il-metodu hux aċċettabbli abbażi tal-grad ta’ preċiżjoni tiegħu.
1.5. Il-pożizzjoni taċ-ċentru tal-gravità tal-vettura mhux mgħobbija (il-massa mhux mgħobbija meta wieqfa Mk) għandha tkun determinata bil-kejl.
Il-pożizzjoni taċ-ċentru tal-gravità tal-vettura bil-massa effettiva totali (Mt) tista’ tiġi determinata:
1.6.1. billi titkejjel il-vettura fil-kondizzjoni tal-massa effettiva totali, jew
1.6.2. billi tintuża l-pożizzjoni taċ-ċentru tal-gravità mkejla fil-kondizzjoni tal-massa mhux mgħobbija meta wieqfa u jitqies l-effett tal-massa totali ta’ l-okkupanti.
2. KEJL
2.1. Il-pożizzjoni taċ-ċentru tal-gravità tal-vettura għandu jkun determinat fil-kondizzjoni tal-massa mhux mgħobbija meta wieqfa jew tal-massa effettiva totali tal-vettura kif definiti fil-paragrafi 1.5 u 1.6. Għad-determinazzjoni tal-pożizzjoni taċ-ċentru tal-gravità fil-kondizzjoni tal-massa effettiva totali tal-vettura, il-massa ta’ l-okkupanti individwali (multiplikata bil-kostanti, k = 0.5) għandha tkun pożizzjonata u miżmuma riġidament 200 mm ’il fuq u 100 mm ’il quddiem tal-punt R (li huwa definit fir-Regolament Nru. 21, anness 5) tas-sedil.
2.2. Il-koordinati lonġitudinali(l1) u trażversali (t) taċ-ċentru tal-gravità għandu jkun determinat fuq bażi orizzontali komuni (ara l-Figura A3.1) fejn kull rota jew koppja ta’ roti tal-vettura qiegħda wieqfa fuq dinamometru individwali. Kull rota sterzata għandha titqiegħed f’pożizzjoni dritta.
2.3. Il-valuri tad-dinamometru individwali għandhom jitniżżlu simultanjament u għandhom jintużaw għall-kalkolu tal-massa totali tal-vettura u l-pożizzjoni taċ-ċentru tal-gravità.
Il-pożizzjoni lonġitudinali taċ-ċentru tal-gravità relattiva għaċ-ċentru tal-punt ta’ kuntatt tar-roti ta’ quddiem (ara l-Figura A3.1) tingħata bi:
fejn:
P1 |
= |
il-forza eżerċitata fuq id-dinamometru taħt ir-rota tax-xellug ta’ l-ewwel fus |
P2 |
= |
il-forza eżerċitata fuq id-dinamometru taħt ir-rota tal-lemin ta’ l-ewwel fus |
P3 |
= |
il-forza eżerċitata fuq id-dinamometru taħt ir-rota/i tax-xellug tat-tieni fus |
P4 |
= |
il-forza eżerċitata fuq id-dinamometru taħt ir-rota/i tal-lemin tat-tieni fus |
P5 |
= |
il-forza eżerċitata fuq id-dinamometru taħt ir-rota/i tax-xellug tat-tielet fus |
P6 |
= |
il-forza eżerċitata fuq id-dinamometru taħt ir-rota/i tal-lemin tat-tielet fus |
Ptotal = (P1 + P2 + P3 + P4 + P5 + P6) |
= Mk massa inokkupata u mhux mgħobbija; jew, |
= Mt massa effettiva totali tal-vettura, kif xieraq |
L1 |
= |
id-distanza miċ-ċentru tar-rota fuq l-ewwel fus saċ-ċentru tar-rota fuq it-tieni fus |
L2 |
= |
id-distanza miċ-ċentru tar-rota fuq l-ewwel fus saċ-ċentru tar-rota fuq it-tielet fus, jekk mgħammra |
Figura A3.1
Pożizzjoni lonġitudinali taċ-ċentru tal-gravità
Il-pożizzjoni trażversali (t) taċ-ċentru tal-gravità tal-vettura relattiva mal-pjan ċentrali vertikali lonġitudinali (ara l-figura A3.2) tingħata bi:
fejn:
T1 |
= |
id-distanza bejn iċ-ċentri tar-rifsa tar-rota/i f’kull tarf ta’ l-ewwel fus |
T2 |
= |
id-distanza bejn iċ-ċentri tar-rifsa tar-rota/i f’kull tarf tat-tieni fus |
T3 |
= |
id-distanza bejn iċ-ċentri tar-rifsa tar-rota/i f’kull tarf tat-tielet fus |
Din il-formula tassumi li tista’ titpinġa linja dritta mill-punti ċentrali ta’ T1, T2, T3. Jekk dan ma jkunx il-każ, tinħtieġ formula speċjalizzata.
Jekk il-valur ta’ (t) ikun negattiv, iċ-ċentru tal-gravità tal-vettura jinsab fil-lemin tal-linja ċentrali tal-vettura.
Figura A3.2
Pożizzjoni trażversali taċ-ċentru tal-gravità
L-għoli taċ-ċentru tal-gravità (h0) għandu jkun determinat billi l-vettura titmejjel lonġitudinalment u bl-użu ta’ dinamometri individwali mar-roti taż-żewġ fusijiet.
2.6.1. Żewġ dinamometri għandhom jitqiegħdu f’pjan orizzontali komuni, biex jilqgħu r-roti ta’ quddiem. Il-pjan orizzontali għandu jkun f’għoli suffiċjenti fuq is-superfiċi tal-madwar li l-vettura tista’ tiġi mmejla ’l quddiem sa l-angolu meħtieġ (ara l-paragrafu 2.6.2 hawn taħt) mingħajr ma l-parti ta’ quddiem tagħha tmiss il-wiċċ.
2.6.2. Tieni par ta’ dinamometri għandu jitqiegħed fuq pjan orizzontali komuni fuq strutturi ta’ appoġġ, lesti li jilqgħu r-roti tat-tieni fuq tal-vettura. L-istrutturi ta’ l-appoġġ għandhom ikunu għoljin biżżejjed biex jiġi ġġenerat angolu ta’ inklinazzjoni sinifikanti α (> 20°) għall-vettura. Iktar ma l-angolu jkun kbir, iktar ikun preċiż il-kalkolu — ara l-figura A3.3. Il-vettura hija ripożizzjonata fuq l-erba’ dinamometri, bl-erba’ roti ta’ quddiem imblukkati biex il-vettura ma titħalliex tiċċaqlaq ’il quddiem. Kull rota sterzata għandha titqiegħed f’pożizzjoni dritta.
2.6.3. Il-valuri tad-dinamometru individwali għandhom jitniżżlu simultanjament u għandhom jintużaw għall-kontroll tal-massa totali tal-vettura u l-pożizzjoni taċ-ċentru tal-gravità.
2.6.4. L-inklinazzjoni tat-test tat-timjil għandu jkun determinat bil-formula (ara l-figura A3.3):
fejn:
H |
= |
id-differenza fl-għoli bejn l-irfis tar-roti ta’ l-ewwel u tat-tieni fusijiet. |
L1 |
= |
id-distanza miċ-ċentru ta’ l-ewwel u t-tieni fusijiet tar-roti |
2.6.5. Il-massa inokkupata mhux mgħobbija tal-vettura għandha tiġi kkontrollata kif ġej:
fejn:
F1 |
= |
il-forza eżerċitata fuq id-dinamometru taħt ir-rota tax-xellug ta’ l-ewwel fus |
F2 |
= |
il-forza eżerċitata fuq id-dinamometru taħt ir-rota tal-lemin ta’ l-ewwel fus |
F3 |
= |
il-forza eżerċitata fuq id-dinamometru taħt ir-rota tax-xellug tat-tieni fus |
F4 |
= |
il-forza eżerċitata fuq id-dinamometru taħt ir-rota tal-lemin tat-tieni fus |
Jekk din il-formula ma tkunx sodisfatta l-kejl ikollu jsir mill-ġdid u/jew il-manifattur jintalab jimmodifika l-valur tal-massa mhux mgħobbija meta wieqfa fid-deskrizzjoni teknika tal-vettura.
2.6.6. L-għoli (h0) taċ-ċentru tal-gravità tal-vettura jingħata bi:
fejn:
r |
= |
l-għoli taċ-ċentru tar-rota (fuq l-ewwel fus) fuq wiċċ id-dinamometru |
2.6.7. Jekk il-vettura artikulata hija ttestjata f’sezzjonijiet separati, il-pożizzjoni taċ-ċentru tal-gravità għandu jkun stabbilit separatament għal kull sezzjoni.
Figura A3.3
Determinazzjoni ta’ l-għoli taċ-ċentru tal-gravità
ANNESS 4
FEHMIET DWAR ID-DESKRIZZJONI STRUTTURALI TAS-SUPERSTRUTTURA
1. PRINĊIPJI ĠENERALI
Il-manifattur għandu jiddefinixxi mingħajr ambigwità s-superstruttura tal-karrozzerija (ara l-figura A4.1 pereżempju) u għandu jistqarr:
1.1.1. liema segmenti jikkontribwixxu għall-assorbiment tas-saħħa u l-enerġija tas-superstruttura;
1.1.2. liema elementi ta’ konnessjoni bejn is-segmenti jikkontribwixxu għall-ebusija għat-torsjoni tas-superstruttura;
1.1.3. id-distribuzzjoni tal-massa fost is-segmenti nominati;
1.1.4. liema elementi tas-superstruttura huma preżunti partijiet riġidi.
Figura A4. 1
Id-Derivazzjoni tas-superstruttura mill-karrozzerija
Il-manifattur għandu jforni t-tagħrif li ġej dwar l-elementi tas-superstruttura:
1.2.1. tpinġijiet, bil-kejl ġeometriku sinifikanti kollu neċessarju għall-produzzjoni ta’ l-elementi u għall-valutazzjoni ta’ kwalunkwe bidla jew modifika ta’ l-element;
1.2.2. il-materjal ta’ l-elementi b’riferiment għall-istandards nazzjonali jew internazzjonali;
1.2.3. it-teknoloġija konġunta bejn l-elementi strutturali (imwaħħla b’imsiemer irbattuti, imbarrati, inkollati, issaldati, tip ta’ saldatura, eċċ.).
1.3. Kull superstruttura għandu jkollha ta’ l-inqas żewġ segmenti: wieħed quddiem iċ-ċentru tal-gravità u wieħed wara.
1.4. Ma hu meħtieġ l-ebda tagħrif dwar l-ebda elementi tal-karrozzerija, li mhumiex parti mis-superstruttura.
2. SEGMENTI
2.1. Segment huwa definit bħala sezzjoni strutturali tas-superstruttura li tifforma ċirku magħluq bejn żewġ pjani li jkunu perpendikolari mal-pjan ċentrali lonġitudinali vertikali (PĊLV) tal-vettura. Segment fih pilastru tat-tieqa (jew tal-bieba) fuq kull naħa tal-vettura kif ukoll elementi tal-ħitan laterali, parti mill-istruttura tas-saqaf u parti mill-istruttura ta’ l-art u ta’ taħt l-art. Kull segment fih pjan ċentrali trażversali (CP) perpendikolari mal-PĊLV tal-vettura u li jgħaddu minn punti ċentrali (Cp) tal-pilastri tat-twieqi (ara l-figura A4.2)
2.2. Is-Cp hija definita bħala punt f’nofs l-għoli tat-tieqa u f’nofs il-wisa’ tal-pilastru. Jekk is-Cp tal-pilastri ta’ segment tax-xellug u tal-lemin mhumiex fl-istess pjan trażversali, is-CP tas-segmenti jitqiegħed fin-nofs bejn il-pjani trażversali taż-żewġ Cp.
2.3. It-tul ta’ segment jitkejjel fid-direzzjoni ta’ l-assi lonġitudinali tal-vettura, u huwa ddeterminat mid-distanza bejn żewġ pjani perpendikolari mal-PĊLV tal-vettura. Hemm żewġ limiti li jiddefinixxu tul is-segment: l-arranġament tat-tieqa (bieba), u l-forma u l-kostruzzjoni tal-pilastri tat-tieqa (bieba).
Figura A4. 2
Definizzjoni ta’ tul is-segmenti
It-tul massimu ta’ segment huwa definit mit-tul taż-żewġ pilastri tat-tieqa (bieba) ta’ maġenb xulxin
fejn:
a |
= |
tul il-frejm tat-tieqa (bieba) wara l-pilastru j, u |
b |
= |
tul il-frejm tat-tieqa (bieba) quddiem il-pilastru j, u |
Jekk il-pilastri fuq naħat opposti tas-segment mhumiex fi pjan trażversali wieħed, jew il-frejms tat-tieqa fuq kull naħa tal-vettura għandhom tul differenti minn xulxin (ara l-figura A4.3), it-tul kollu, Wj tas-segment huwa definit bi:
fejn:
amin |
= |
il-valur iżgħar ta’ al-lemin jew ax-xellug |
bmin |
= |
il-valur iżgħar ta’ bil-lemin jew bix-xellug |
L |
= |
il-bilanċ lonġitudinali bejn il-linji ċentrali tal-pilastri fuq ix-xellug u fuq il-lemin tal-vettura |
Figura A4. 3
Definizzjoni ta’ tul is-segment meta l-pilastri fuq kull naħa tas-segment ma jkunux fi pjan trażversali wieħed
2.3.2. It-tul minimu ta’ segment għandu jinkludi l-pilastru kollu tat-tieqa (inkluż l-inklinazzjoni tiegħu, ir-rotondità ta’ l-irkejjen, eċċ.). Jekk l-inklinazzjoni u r-rotondità ta’ l-irkejjen jaqbżu nofs it-tul tat-tieqa ta’ maġenbhom, il-pilastru li jmiss għandu jkun inkluż fis-segment.
2.4. Id-distanza bejn iż-żewġ segmenti għandhom ikunu definiti bħala d-distanza bejn s-CP’s tagħhom.
2.5. Id-distanza tas-segment miċ-ċentru ta’ gravità tal-vettura għandha tkun definita bħala d-distanza perpendikolari mis-CP tagħha saċ-ċentru tal-gravità tal-vettura.
3. STRUTTURI TA’ KONNESSJONI BEJN IS-SEGMENTI
L-istrutturi ta’ konnessjoni bejn is-segmenti għandhom ikunu definit b’mod ċar fis-superstruttura. Dawn l-elementi strutturali jinqasmu f’żewġ kategoriji distinti:
L-istrutturi ta’ konnessjoni li jifformaw parti mis-superstruttura. Dawn l-elementi għandhom ikunu identifikati mill-manifattur, f’dan id-disinn fornut: dawn jinkludu:
3.1.1.1. l-istruttura tal-ħajt tal-ġenb, l-istruttura tas-saqaf, l-istruttura ta’ l-art, li jgħaqqdu bosta segmenti,
3.1.1.2. elementi strutturali li jsaħħu iktar minn segment wieħed; pereżempju, kaxxi taħt is-sedili, l-arki tar-rota, l-istrutturi tas-sedil li jgħaqqad il-ħajt tal-ġenb ma’ l-art, il-kċina, il-gwardarobba u t-toilet.
3.1.2. L-elementi addizzjonali li ma jikkontribwixxux għas-saħħa strutturali tal-vettura imma li jistgħu jidħlu fl-ispazju residwu, pereżempju: ventilaturi, kaxxi għall-bagalji żgħar, kondotti tat-tisħin.
4. DISTRIBUZZJONI TAL-MASSA
Il-manifattur għandu jiddefinixxi b’mod ċar il-porzjoni tal-massa tal-vettura attribwita lil kull waħda mis-segmenti tas-superstruttura. Id-distribuzzjoni tal-massa għandha tesprimi il-kapaċità ta’ assorbiment ta’ l-enerġija u l-kapaċità ta’ rfigħ tal-piż tat-tagħbija ta’ kull segment. Ir-rekwiżiti li ġejjin għandhom jiġu sodisfatti fid-definizzjoni tad-distribuzzjoni tal-massa:
4.1.1. is-somma tal- mases attribwiti lil kull segment għandha tkun relatata mal-massa M tal-vettura sħiħa:
fejn:
mj |
= |
il-massa attribwita lis-segment j |
n |
= |
in-numru ta’ segmenti fis-superstruttura |
M |
= |
Mk massa inokkupata u mhux mgħobbija; jew, Mt, massa effettiva totali tal-vettura, kif xieraq |
4.1.2. iċ-ċentru tal-gravità tal-mases distribwiti għandu jkun fl-istess pożizzjoni taċ-ċentru tal-gravità tal-vettura:
fejn:
lj |
= |
id-distanza tas-segment j miċ-ċentru tal-gravità tal-vettura (ara l-paragrafu 2.3.). lj huwa pożittiv, jekk is-segment ikun quddiem iċ-ċentru tal-gravità u negattiv jekk ikun warajh |
Il-massa “mj” ta’ kull segment tas-superstruttura għandu jkun definit mill-manifattur, kif ġej:
4.2.1. il-mases tal-komponenti tas-segment “j” għandhom ikunu relatati mal-massa “mj” tagħha bi:
fejn:
mjk |
= |
il-massa ta’ kull komponent tas-segment |
s |
= |
in-numru tal-mases individwali tas-segment |
4.2.2. iċ-ċentru tal-gravità tal-mases tal-komponenti ta’ segment għandu jkollhom l-istess pożizzjoni trażversali ġos-segment bħaċ-ċentru tal-gravità tas-segment (ara l-figura A4.4):
fejn:
yk |
= |
id-distanza tal-komponent tal-massa k tas-segment mill-assi “Z” (ara l-figura A4.4), yk ikollu valur pożittiv fuq naħa ta’ l-assi u valur negattiv fuq in-naħa l-oħra. |
zk |
= |
id-distanza tal-komponent tal-massa k tas-segment mill-assi “Y”, zk ikollu valur pożittiv fuq naħa ta’ l-assi u valur negattiv fuq in-naħa l-oħra. |
4.3. Fil-każ li l-irbit għall-okkupant ikunu parti mill-ispeċifikazzjonijiet tal-vettura, il-massa ta’ l-okkupanti attribwita lil segment għandha tkun mehmuża ma’ dik il-parti tas-superstruttura li hija ddisinjata biex tassorbi l-piżijiet tas-sedil u l-okkupant.
Figura A4.4
Distribuzzjoni tal-massa fis-sezzjoni trażversali ta’ segment
ANNESS 5
TEST GĦALL-QLIB BĦALA L-METODU BAŻIKU TA’ APPROVAZZJONI
1. BANK GĦAT-TIMJIL
1.1. Il-pjattaforma li tmejjel għandha tkun riġida biżżejjed u r-rotazzjoni tkun ikkontrollata biżżejjed biex jiġi żgurat l-irfigħ simultanju tal-fusijiet tal-vettura b’differenza ta’ inqas minn 1o fl-angoli tat-timjil imkejla taħt il-fusijiet.
1.2. Id-differenza fl-għoli bejn il-pjan orizzontali iktar baxx tal-ħandaq (ara l-figura A5.1) u l-pjan tal-pjattaforma li tmejjel li x-xarabank hija wieqfa fuqu, għandha tkun ta’ 800 ± 20mm.
Il-pjattaforma li tmejjel, relatata mal-ħandaq, għandha titqiegħed kif ġej (ara l-figura A5.1):
1.3.1. l-assi tar-rotazzjoni tagħha huwa massimu ta’ 100 mm mill-ħajt vertikali tal-ħandaq;
1.3.2. l-assi tar-rotazzjoni tagħha huwa massimu ta’ 100 mm taħt il-pjan tal-pjattaforma orizzontali li tmejjel;
Figure A5.1
Il-ġeometrija tal-bank għat-timjil
Sostenituri tar-roti għandhom jiġu applikati mar-roti li jkunu qrib l-assi tar-rotazzjoni kontra ż-żliq laterali tal-vettura meta tqun qed tiġi mmejla. Il-karatteristiċi ewlenin tas-sostenituri tar-roti (ara l-figura A5.1) għandhom ikunu:
1.4.1. id-dimensjonijiet tas-sostenituri tar-roti:
Għoli |
m’għandux ikun ikbar minn żewġ terzi tad-distanza bejn il-wiċċ li l-vettura hija wieqfa fuqu qabel tiġi mmejla u parti mir-rim tar-rota li huwa l-eqreb għall-wiċċ |
Wisa’ |
20 mm |
Raġġ tar-rotondità tat-tarf |
10 mm |
Tul |
minimu ta’ 500 mm; |
1.4.2. is-sostenituri tar-roti fl-usa’ fus għandhom jitqiegħdu fuq il-pjattaforma li tmejjel sabiex in-naħa tar-rota tkun f’massimu ta’ 100 mm mill-assi tar-rotazzjoni;
1.4.3. is-sostenituri tar-rota fil-fusijiet l-oħra għandhom ikunu aġġustati b’mod li l-pjan ċentrali lonġitudinali vertikali (PĊLV) tal-vettura ikun parallel ma’ l-assi tar-rotazzjoni.
1.5. Il-pjattaforma li tmejjel għandha tinbena b’tali mod li tipprevjeni ċ-ċaqliq tal-vettura tul l-assi lonġitudinali tagħha.
1.6. Iż-żona ta’ l-impatt tal-ħandaq għandu jkollu wiċċ orizzontali, uniformi, niexef u lixx tal-konkos.
2. TĦEJJIJA TAL-VETTURA GĦAT-TEST
Il-vettura li trid tiġi ttestjata m’għandhiex għalfejn tkun f’kundizzjoni mitmuma għal kollox u “lesta għall-użu”. Ġeneralment, kull bidla mill-kundizzjoni mitmuma għal kollox hija aċċettabbli jekk il-fatturi bażiċi u l-imġiba tas-superstruttura ma jkunu influwenzati minnha. Il-vettura għat-test għandha tkun l-istess bħall-verżjoni mitmuma għal kollox fir-rigward ta’ dan li ġej:
2.1.1. il-pożizzjoni taċ-ċentru tal-gravità, il-valur totali tal-massa tal-vettura (il-massa inokkupata u mhux mgħobbija, jew il-massa effettiva totali tal-vettura meta mgħammra bl-irbit) u t-tqassim u l-lok tal-masses, kif dikjarat mill-manifattur.
2.1.2. dawn l-elementi kollha li — skond il-manifattur — jikkontribwixxu għall-qawwa tas-superstruttura għandhom jiġu installati fil-pożizzjoni oriġinali tagħhom (ara l-Anness 4 ta’ dan ir-Regolament).
2.1.3. elementi, li ma jikkontribwixxux għall-qawwa tas-superstruttura u li huma prezzjużi wisq biex tiġi rriskjata l-ħsara (eż. il-katina tas-sewqan, l-istrumentazzjoni tad-daxxbord, is-sedil tas-sewwieq, tagħmir tal-kċina, tagħmir tat-toilet, eċċ.) jistgħu jinbidlu b’elementi addizzjonali ekwivalenti fil-massa u l-metodu ta’ l-installazzjoni. Dawn l-elementi addizzjonali ma għandux ikollhom effett ta’ tisħiħ fuq il-qawwa tas-superstruttura.
2.1.4. fjuwil, aċtu tal-batterija u kombustibbli oħrajn, materjali splussivi jew korrużivi jistgħu jinbidlu b’materjali oħrajn sakemm il-kundizzjonijiet tal-paragrafu 2.1.1. ikunu sodisfatti.
F’każ li mezzi ta’ rbit ta’ l-okkupant ikunu parti mit-tip tal-vettura, għandha titwaħħal massa ma’ kull sedil mgħammar b’irbit għall-okkupant b’wieħed miż-żewġ metodi li ġejjin, bl-għażla tkun f’idejn il-manifattur:
L-ewwel metodu: Dik il-massa għandha tkun:
2.1.5.1.1. 50 fil-mija tal-massa ta’ l-okkupant individwali (Mmi) ta’ 68kg,
2.1.5.1.2. imqiegħda b’tali mod li jkollha ċ-ċentru tal-gravità 100 mm fuq u 100 mm ’il quddiem mill-punt R tas-sedil kif definit fir-Regolament Nru. 21, Anness 5.
2.1.5.1.3. imwaħħla b’mod riġidu u sikur ħalli ma tinqalgħax waqt it-test.
It-tieni metodu: Dik il-massa għandha tkun:
2.1.5.2.1. manikin antropomorfiku b’massa ta’ 68 kg u għandu jintrabat b’ċinturin tas-sigurtà b’żewġ punti. Il-manikin irid jippermetti l-passaġġ u l-pożizzjonament taċ-ċintorini tas-sigurtà.
2.1.5.2.2. imqiegħda b’tali mod li jkollu ċ-ċentru tal-gravità u d-dimensjonijiet skond il-figura A5.2.
2.1.5.2.3. imwaħħla b’mod riġidu u sikur ħalli ma jinqalax waqt it-test.
Figure A5.2.
Dimensjonijiet għall-manikin antropomorfiku
Il-vettura għat-test għandha titħejja kif ġej:
2.2.1. ir-roti għandhom jintefħu sal-pressjoni preskritta mill-manifattur.
2.2.2. is-sistema tas-sospensjonijiet tal-vettura għandha tkun imblukkata, jiġifieri l-fusijiet, il-molol u l-elementi tas-sospensjoni tal-vettura għandhom jitwaħħlu b’relazzjoni mal-karrozzerija.
L-għoli ta’ l-art ’il fuq mill-pjattaforma orizzontali li tmejjel għandu jkun skond l-ispeċifkazzjoni għall-vettura mill-manifattur, skond jekk ikunx tgħabba sal-massa inokkupata mhux mgħobbija jew il-massa totali tal-vettura.
2.2.3. kull bieb u tieqa li tinfetaħ tal-vettura għandhom ikunu magħluqa imma mhux imsakkra.
Is-sezzjonijiet riġidi ta’ vettura artikulata tista’ tkun ittestjata separatament jew flimkien.
Għall-ittestjar tas-sezzjonijiet artikolati, is-sezzjonijiet tal-vettura għandhom jitwaħħlu ma’ xulxin b’tali mod li,
2.3.1.1. ma jkun hemm l-ebda ċaqliq relattiv bejniethom waqt il-proċess tal-qlib.
2.3.1.2. ma jkun hemm l-ebda bidla sinifikanti fid-distribuzzjoni tal-massa u l-pożizzjonijiet taċ-ċentri tal-gravità.
2.3.1.3. ma jkun hemm l-ebda bidla sinifikanti fil-qawwa u l-kapaċità ta’ deformazzjoni tas-superstruttura.
Għall-ittestjar separat tas-sezzjonijiet artikulati, is-sezzjonijiet b’fus wieħed għandhom jitwaħħlu ma’ appoġġ artifiċjali li jżommhom f’relazzjoni fissa mal-pjattaforma li tmejjel waqt li tkun qed tiċċaqlaq mill-punt orizzontali għal dak tal-qlib. L-appoġġ għandu jissodisfa r-rekwiżiti li ġejjin:
2.3.2.1. għandu jkun imwaħħal ma’ l-istruttura b’tali mod li ma tkun la ta’ tisħiħ u lanqas ta’ piż addizzjonali ieħor għas-superstruttura.
2.3.2.2. għandu jinbena b’tali mod li ma jsofri l-ebda deformità li tkun tista’ tibdel id-direzzjoni tal-qlib tal-vettura.
2.3.2.3. il-massa tiegħu għandu jkun daqs il-massa ta’ dawk l-elementi, partijiet mill-ġonta artikulata, li nominalment jagħmlu parti mis-sezzjoni li tkun qed tiġi ttestjata, imma li ma jitqegħdux fuqha (eż turntable u l-art tagħha, puġġamani, purtieri tal-gomma għall-issiġġillar, eċċ.).
2.3.2.4. iċ-ċentru tal-gravità tiegħu għandu jkollu l-istess għoli taċ-ċentru tal-gravità komuni ta’ dawk il-partijiet li qegħdin imniżżlin fil-paragrafu 2.3.2.3.
2.3.2.5. għandu jkollha assi ta’ rotazzjoni parallela għall-assi lonġitudinali tas-sezzjoni b’iktar minn fus wieħed tal-vettura u jgħaddi mill-punti ta’ kuntatt tar-roti ta’ dik is-sezzjoni.
3. IL-PROĊEDURA TAT-TEST, IL-PROĊESS TAT-TEST
3.1. It-test tal-qlib huwa proċess dinamiku, rapidu ħafna bi stadji distingwibbli, u dan għandu jitqies ikun qed jiġi ppjanat test tal-qlib, l-istrumentazzjoni u l-kejl tiegħu.
3.2. Il-vettura għandha tiġi mmejla mingħajr tbandil u mingħajr effetti dinamiċi sakemm tiġi f’ekwilibriju instabbli u tibda tinqaleb. Il-veloċità angulari tal-pjattaforma li tmejjel ma għandhiex taqbeż il-5 gradi/sekonda (0,087radians/sekonda).
3.3. Għall-osservazzjoni minn ġewwa għandhom jintużaw fotografija b’veloċità qawwija, vidjo, sagomi deformabbli, sensuri tal-kuntatt elettriċi jew mezzi xierqa oħrajn biex jiġi determinat li r-rekwiżiti tal-paragrafu 5.1 ta’ dan ir-Regolament kienu sodisfatti. Dan għandu jkun ivverifikat f’kull post tal-kompartimenti tal-passiġġier, tas-sewwieq u ta’ l-ekwipaġġ fejn l-ispazju residwu jidher li huwa pperikolat, bil-pożizzjonijiet eżatti jkunu fid-diskrezzjoni tas-servizz tekniku. Għandhom jintużaw ta’ l-inqas żewġ pożizzjonijiet, li jkunu fuq quddiem u fuq wara tal-kompartiment tal-passiġġieri.
Hija rakkomandata osservazzjoni minn barra u reġistrazzjoni tal-proċess tal-qlib u tad-deformazzjoni, li jfisser dan li ġej:
3.4.1. żewġ kameras b’veloċità qawwija — waħda quddiem u oħra wara. Huma għandhom ikunu ’l bogħod biżżejjed mill-ħajt ta’ wara u ta’ quddiem tal-vettura biex tkun prodotta stampa li tkun tista’ titkejjel, li tevita d-distorsjoni ta’ l-angolu mkabbar fiż-żona fid-dell, kif jidher fil-figura A5.3a.
3.4.2. il-pożizzjoni taċ-ċentru tal-gravità u l-perimetri tas-supertruttura (ara l-figura A5.3b), huma mmarkati bi strixxi u faxex biex jiġi żgurat il-kejl korrett ta’ l-istampi.
Figura A5.3a
Kamp viżiv rakkomandat tal-kamera ta’ barra
Figura A5.3b
Markament rakkomandat tal-pożizzjoni taċ-ċentru tal-gravità u l-perimetri tal-vettura
4. DOKUMENTAZZJONI TAT-TEST TAL-QLIB
Deskrizzjoni dettaljata tal-vettura ttestjata għandha tingħata mill-manifattur fejn:
4.1.1. id-devjazzjonijiet bejn it-tip tal-vettura mitmuma għal kollox lesta tajba għas-sewqan u l-vettura ttestjata huma elenkati.
4.1.2. is-sostituzzjoni ekwivalenti (fir-rigward tal-massa, id-distribuzzjoni tal-massa u l-installazzjoni) għandha tkun ippruvata f’kull każ, meta l-partijiet strutturali, l-unitajiet huma sostitwiti minn unitajiet jew mases oħrajn.
4.1.3. hemm stqarrija ċara tal-pożizzjoni taċ-ċentru tal-gravità fil-vettura ttestjata li jista’ jkun ibbażat fuq kejl imwettaq fuq il-vettura għat-test meta tkun lesta għat-test, jew flimkien ta’ kejl (imwettaq fuq it-tip tal-vettura mitmuma għal kollox) u kalkolu bbażat fuq is-sostituzzjonijiet tal-massa.
Ir-rapport tat-test għandu jkun fih id-data kollha (stampi, rekords, tpinġijiet, valuri mkejla, eċċ.) li juru:
4.2.1. li dak it-test sar skond dan l-anness;
4.2.2. li r-rekwiżiti mogħtija fil-paragrafi 5.1.1. u 5.1.2. ta’ dan ir-Regolament ikunu sodisfatti (jew le);
4.2.3. il-valutazzjoni individwali ta’ osservazzjonijiet minn ġewwa;
4.2.4. id-data u tagħrif kollu meħtieġ għall-identifikazzjoni tat-tip tal-vettura, il-vettura għat-test, it-test stess, u l-personal responsabbli għal-test u l-valutazzjoni tiegħu.
4.3. Huwa rakkomandat li fir-rapport tat-test tkun dokumentata l-ogħla pożizzjoni u l-pożizzjoni l-iktar baxxa taċ-ċentru tal-gravità relatata mil-livell ta’ l-art tal-ħandaq.
ANNESS 6
TEST GĦALL-QLIB BL-UŻU TA’ PARTIJIET TAL-KARROZZERIJA BĦALA METODU TA’ APPROVAZZJONI EKWIVALENTI
1. DATA U TAGĦRIF ADDIZZJONALI
Jekk il-manifattur jagħżel dan il-metodu ta’ ttestjar, it-tagħrif li ġej għandu jingħata lis-servizz tekniku flimkien mad-data, tagħrif u tpinġijiet elenkati fil-paragrafu 3 ta’ dan ir-Regolament:
1.1. it-tpinġijiet tal-partijiet tal-karrozzerija li jridu jiġu ttestjati;
1.2. verifika tal-validità tad-distribuzzjoni tal-mases mogħtija fl-Anness 4, paragrafu 4, mat-tmiem b’suċċess tat-testijiet tal-qlib tal-parti tal-karrozzerija;
1.3. il-mases imkejla tal-partijiet tal-karrozzerija li jirdu jiġu ttestjati, u verifika li l-pożizzjonijiet taċ-ċentri tal-gravità tagħhom huma l-istess bħal dik tal-vettura b’massa inokkupata u mhux mgħobbija jekk mhix mgħammra b’irbit għall-okkupanti, jew b’massa effettiva totali tal-vettura jekk mgħammra b’irbit għall-okkupanti. (Preżentazzjoni ta’ rapporti tal-kejl)
2. BANK GĦAT-TIMJIL
Il-bank għat-timjil għandu jissodisfa r-rekwiżiti mogħtija fl-Anness 5, paragrafu 1.
3. TĦEJJIJA TAL-PARTIJIET TAL-KARROZZERIJA
In-numru tal-partijiet tal-karrozzerija li jrid jiġi ttestjat għandu jkun determinat mir-regoli li ġejjin:
3.1.1. il-konfigurazzjonijiet differenti tas-segment li huma parti mis-superstruttura għandhom ikunu ttestjati f’ta’ l-inqas parti waħda tal-karrozzerija;
3.1.2. kull parti tal-karrozzerija għandu jkollha ta’ l-inqas żewġ segmenti;
3.1.3. f’sezzjoni artifiċjali tal-karrozzerija (ara l-paragrafu 2.27 tar-Regolament) il-proporzjon tal-massa ta’ kwalunkwe segment għal kwalunkwe segment ieħor ma għandux jaqbeż it-2;
3.1.4. l-ispazju residwu tal-vettura kollha għandu jkun rappreżentat sew fil-partijiet tal-karrozzerija, inklużi kwalunkwe kumbinazzjonijiet partikolari li ġejjin mill-konfigurazzjoni tal-karrozzerija tal-vetturi;
3.1.5. l-istruttura kollha tas-saqaf għanda tkun rappreżentata sew fil-partijiet tal-karrozzerija jekk hemm speċjalitajiet lokali, bħal għoli li jinbidel, installazzjoni ta’ l-arja kondizzjonata, tankijiet tal-gass, xkaffa għall-bagalji, eċċ.
3.2. Is-segmenti tal-parti tal-karrozzerija għandhom ikunu strutturalment eżatt l-istess kif inhuma rappreżentati fis-superstruttura, fir-rigward tal-forma, il-ġeometrija, il-materjal, il-ġonot.
L-istrutturi ta’ konnessjoni bejn is-segmenti għandhom jirrappreżentaw id-deskrizzjoni tal-manifattur tas-superstruttura (ara l-Anness 4, paragrafu 3) u għandhom jitqiesu r-regoli li ġejjin:
3.3.1. fil-każ ta’ parti mill-karrozzerija oriġinali meħuda direttament mit-tqassim proprju tal-vettura, l-istrutturi ta’ konnessjoni addizzjonali u bażiċi (ara l-Anness 4 paragrafu 3.1) għandhom ikunu l-istess bħas-superstruttura tal-vettura;
3.3.2. fil-każ ta’ parti mill-karrozzerija artifiċjali, l-istrutturi ta’ konnessjoni għandhom ikunu ekwivalenti f’termini ta’ qawwa, ebusija u mġiba bħal dawk tas-superstruttura tal-vettura;
3.3.3. dawk l-elementi riġidi li mhumiex parti mis-superstruttura imma li jistgħu jidħlu fl-ispazju residwu matul id-deformazzjoni, għandhom jiġu installati fil-partijiet tal-karrozzerija;
3.3.4. il-massa ta’ l-istrutturi konnessi għandhom ikunu inklużi fid-distribuzzjoni tal-massa, f’termini ta’ attribuzzjoni għal segment partikolari u distribuzzjoni fi ħdan dak is-segment.
Il-partijiet tal-karrozzerija għandhom ikunu mgħammra b’appoġġi artifiċjali, biex jipprovdu pożizzjonijiet ta’ ċentru tal-gravità u assi ta’ rotazzjoni għalihom fuq il-pjattaforma li tmejjel bħal dawk tal-vettura sħiħa. L-appoġġi għandhom jissodisfaw ir-rekwiżiti li ġejjin:
3.4.1. għandhom ikunu mwaħħla mas-sezzjoni tal-karrozzerija b’tali mod li ma jipprovdu la tisħiħ u lanqas piż addizzjonali fuq is-sezzjoni tal-karrozzerija;
3.4.2. għandhom ikunu qawwijin u riġidi biżżejjed biex jirreżistu kwalunkwe deformazzjoni li tista’ tibdel id-direzzjoni taċ-ċaqliq tas-sezzjoni tal-karrozzerija matul il-proċess tat-timjil u l-qlib;
3.4.3. il-massa tagħhom għandha tkun inkluża fid-distribuzzjoni tal-massa u l-pożizzjoni taċ-ċentru tal-gravità tas-sezzjoni tal-karrozzerija.
Id-distribuzzjoni tal-massa fis-sezzjoni tal-karrozzerija għandu jitranġa bil-kunsiderazzjonijiet li ġejjin:
3.5.1. is-sezzjoni kollha tal-karrozzerija (segmenti, strutturi ta’ konnessjoni, elementi strutturali addizzjonali, appoġġi) għandhom jitqiesu fl-ikkontrollar tal-validità tal-formuli 5 u 6, fl-Anness 4, paragrafu 4.2;
3.5.2. kawlunkwe mases imwaħħla mas-segmenti (ara l-paragrafu 4.2.2 u l-figura 4 ta’ l-Anness 4) għandhom jitqiegħdu u jitwaħħlu b’tali mod li ma jikkawżawx tisħiħ jew piż addizzjonali jew limitazzjoni tad-deformazzjoni.
3.5.3. Fil-każ li rbit ta’ l-okkupant ikunu parti mit-tip tal-vettura, il-mases ta’ l-okkupanti għandhom jitqiesu kif deskritt fl-Anness 4 u l-Anness 5.
4. PROĊEDURA TAT-TEST
Il-proċedura tat-test għandha tkun l-istess kif deskritta fil-paragrafu 3. ta’ l-Anness 5 għal vettura sħiħa.
5. IL-VALUTAZZJONI TAT-TESTIJIET
5.1. It-tip tal-vettura għandu jkun approvat jekk is-sezzjonijiet kollha jgħaddu mit-test tal-qlib u l-formuli 2 u 3 tal-paragrafu 4 ta’ l-Anness 4 jkunu sodisfatti.
5.2. Jekk wieħed mis-sezzjonijiet tal-karrozzerija jeħel mit-test, it-tip tal-vettura ma għandux jiġi approvat.
5.3. Jekk sezzjoni tal-karrozzerija tgħaddi mit-test tal-qlib, kull waħda mis-segmenti li tagħmel parti mis-sezzjoni tal-karrozzerija jitqiesu li għaddew mit-test tal-qlib, u r-riżultat ikun jista’ jintuża kkwotat f’applikazzjonijiet futuri għall-approvazzjoni, sakemm il-proporzjon tal-mases tagħhom jibqa’ l-istess fis-superstruttura sussegwenti.
5.4. Jekk sezzjoni tal-karrozzerija teħel mit-test tal-qlib, is-segmenti kollha ġo dik is-sezzjoni tal-karrozzerija għandhom jitqiesu li weħlu mit-test jekk l-ispazju residwu jiġi invadut f’waħda mis-segmenti biss.
6. DOKUMENTAZZJONI TAT-TESTIJIET TAL-QLIB TA’ SEZZJONI TAL-KARROZZERIJA
Ir-rapport tat-test għandu jkun fih id-data kollha neċessarja biex turi:
6.1. Il-kostruzzjoni tas-sezzjonijiet tal-karrozzerija ttestjati (id-dimensjonijiet materjali, il-mases, il-pożizzjoni taċ-ċentru tal-gravità, il-metodi ta’ kostruzzjoni).
6.2. li t-testijiet saru skond dan l-anness
6.3. jekk ir-rekwiżiti msemmija fil-paragrafu 5.1 ta’ dan ir-Regolament ġewx sodisfatti jew le
6.4. il-valutazzjoni individwali tas-sezzjonijiet tal-karrozzerija u s-segmenti tagħhom.
6.5. l-identità tat-tip tal-vettura, is-superstruttura tagħha, is-sezzjonijiet tal-karrozzerija ttestjata, it-testijiet stess u l-personal responsabbli mit-testijiet u l-valutazzjoni tagħhom.
ANNESS 7
TEST TAT-TAGĦBIJA KWAŻI-STATIKA TA’ PARTIJIET TAL-KARROZZERIJA BĦALA METODU TA’ APPROVAZZJONI EKWIVALENTI METODU TA’ APPROVAZZJONI
1. DATA U TAGĦRIF ADDIZZJONALI
Dan il-metodu ta’ ttestjar juża sezzjonijiet tal-karrozzerija bħala unitajiet ta’ ttestjar, b’kull waħda minnhom mibnija minn ta’ l-inqas żewġ segmenti tal-vettura li qegħdin jiġu vvalutati, magħquda flimkien b’elementi strutturali rappreżentattivi. Jekk il-manifattur jagħżel dan il-metodu ta’ ttestjar, it-tagħrif addizzjonali li ġej għandu jingħata lis-servizz tekniku flimkien mad-data, u t-tpinġijiet elenkati fil-paragrafu 3.2. ta’ dan ir-Regolament:
1.1. it-tpinġijiet tal-partijiet tal-karrozzerija li jridu jiġu ttestjati.
1.2. il-valuri ta’ l-enerġija li jridu jiġu assorbiti mis-segmenti individwali tas-superstruttura, kif ukoll il-valuri ta’ l-enerġija tas-sezzjonijiet tal-karrozzerija li jridu jiġu ttestjati.
1.3. verifika tar-rekwiżit ta’ l-enerġija, ara l-paragrafu 4.2. hawn taħt, mat-tlestija tat-testijiet tat-tagħbija kważi-statika tas-sezzjonijiet tal-karrozzerija.
2. TĦEJJIJA TAL-PARTIJIET TAL-KARROZZERIJA
2.1. Il-manifattur għandu jqis ir-rekwiżiti msemmija fl-anness 6, paregrafi 3.1., 3.2., u 3.3., fit-tfassil u l-produzzjoni tas-sezzjonijiet tal-karrozzerija għat-test.
2.2. Is-sezzjonijiet tal-karrozzerija għandhom ikunu mgħammra bil-profil ta’ l-ispazju residwu, f’pożizzjonijiet fejn huwa meqjus li l-pilastri jew strumenti strutturali oħrajn x’aktarx li jidħlu minħabba d-deformazzjoni mistennija.
3. PROĊEDURA TAT-TEST
Kull sezzjoni tal-karrozzerija li trid tiġi ttestjata għandha titwaħħal b’mod sod u sikur mal-bank tat-test permezz ta’ struttura riġida ta’ taħt il-qafas b’tali mod li,
3.1.1. deformazzjoni plastika lokali ma għandhiex tiġri madwar il-punti tat-twaħħil;
3.1.2. il-lok u l-metodu tat-twaħħil ma għandux itellef il-formazzjoni u x-xogħol ta’ żoni u ċappetti tal-plastik previsti.
Għall-applikazzjoni tat-tagħbija tas-sezzjoni tal-karrozzerija, għandhom jitqiesu r-regoli li ġejjin:
3.2.1. it-tagħbija għandha titqassam b’mod ekwu fuq il-cantrail, permezz ta’ travu riġidu, li mhuwiex itwal mill-cantrail biex jissimula l-art fit-test tal-qlib, u li jsegwi l-ġeometrija tal-cantrail.
id-direzzjoni tat-tagħbija applikata (ara l-figura A7.1) għandha tkun relatata mal-pjan ċentrali vertikali lonġitudinali tal-vettura u l-inklinazzjoni tagħha (α) għandhom ikunu determinati kif ġej:
fejn:
Hc |
= |
l-għoli tal-cantrail (f’mm) tal-vettura mkejla mill-pjan orizzontali li tinsab wieqfa fuqu. |
Figura A7.1
Applikazzjoni tat-tagħbija fuq is-sezzjoni tal-karrozzerija
3.2.3. it-tagħbija għandha tiġi applikata mat-travu fiċ-ċentru tal-gravità tas-sezzjoni tal-karrozzerija li ġejja mill-mases tas-segmenti tagħha u l-elementi strutturali li jgħaqqduhom. Bl-użu tas-simboli tal-Figura A.7.1, il-pożizzjoni tas-sezzjoni tal-karrozzerija tista’ tiġi determinata mill-formula li ġejja:
fejn:
s |
= |
in-numru tas-segmenti fis-sezzjoni tal-karrozzerija |
mi |
= |
il-massa tas-segment i |
li |
= |
id-distanza taċ-ċentru tal-gravità tas-segment i minn punt tal-pern magħżul (il-pjan ċentrali tas-Segment(1) fil-figura A7.1) |
lCG |
= |
id-distanza taċ-ċentru tal-gravità tas-sezzjoni tal-karrozzerija mill-istess punt tal-pern magħżul. |
3.2.4. it-tagħbija għandha tiżdied gradwalment, it-teħid ta’ miżuri tad-deformazzjoni assoċjata f’intervalli diskreti sa l-aħħar deformazzjoni (du) meta fl-ispazju residwu jidħol wieħed mill-elementi tas-sezzjoni tal-karrozzerija.
Fit-tfassil tal-kurva tagħbija-devjazzjoni:
3.3.1. il-frekwenza tal-kejl irid ikun tali li jipproduċi kurva kontinwa (ara l-figura A.7.2).
3.3.2. il-valuri tat-tagħbija u d-deformazzjoni għandhom jitkejlu simultanjament.
3.3.3. id-deformazzjoni tal-cantrail mgħobbi għandu jitkejjel fil-pjan u d-direzzjoni tat-tagħbija applikata.
3.3.4. kemm it-tagħbija u kemm id-deformazzjoni għandhom jitkejlu bi preċiżjoni ta’ ± 1 fil-mija.
4. VALUTAZZJONI TAR-RIŻULTATI TAT-TEST
Mill-kurva tagħbija-deformazzjoni l-enerġija effettivament assorbita mis-sezzjoni tal-karrozzerija (EBS) għandha tkun espressa bħala ż-żona ta’ taħt il-kurva (ara l-Figura A.7.2).
Figura A7. 2
Enerġija assorbita għas-sezzjoni tal-karrozzerija, li tiġi mill-kurva tagħbija-deformazzjoni mkejla
L-enerġija minima meħtieġa li tiġi assorbita mis-sezzjoni tal-karrozzerija (Emin) għandhom jiġu determinati kif ġej:
4.2.1. l-enerġija totali (ET) li trid tiġi assorbita mis-superstruttura hija:
fejn:
M |
= |
Mk, il-massa inokkupata mhux mgħobbija tal-vettura jekk ma hemm l-ebda rbit għall-okkupanti; jew, Mt, il-massa effettiva totali tal-vettura meta jkun twaħħal l-irbit għall-okkupanti, |
g |
= |
kostanti gravitazzjonali, |
Δh |
= |
id-distanza vertikali (f’metri) taċ-ċentru tal-gravità tal-vettura waqt test tal-qlib, kif determinat fl-appendiċi 1 ta’ dan l-anness. |
4.2.2. l-enerġija totali “ET” għandha titqassam mas-segmenti tas-superstruttura fil-proporzjonijiet tal-mases tagħhom:
fejn:
Ei |
= |
l-enerġija assorbita mis-segment “i” |
mI |
= |
il-massa tas-segment “i”. kif determinata fl-anness 4, paragrafu 4.1 |
4.2.3. l-enerġija minima meħtieġa li tiġi assorbita mis-sezzjoni tal-karrozzerija (Emin ) hija s-somma ta’ l-enerġija tas-segmenti li jagħmlu parti mis-sezzjoni tal-karrozzerija:
4.3. Is-sezzjoni tal-karrozzerija tgħaddi mit-test tat-tagħbija, jekk:
F’dan il-każ, is-segmenti kollha li jifformaw dik is-sezzjoni tal-karrozzerija jitqiesu li għaddew mit-test tat-tagħbija kważi-statika u dawn ir-riżultati jistgħu jiġu kkwotati f’talbiet futuri għall-approvazzjoni sakemm is-segmenti tal-komponenti mhumiex mistennija jġorru massa ikbar fis-superstruttura sussegwenti.
4.4. Is-sezzjoni tal-karrozzerija teħel mit-test tat-tagħbija, jekk:
F’dan il-każ is-segmenti kollha li jagħmlu parti minn dik is-sezzjoni tal-karrozzerija jitqiesu li weħlu mit-test anke jekk l-ispazju residwu jiġi invadut f’waħda mis-segmenti biss.
4.5. It-tip tal-vettura għandu jkun appruvat jekk is-sezzjonijiet tal-karrozzerija meħtieġa jgħaddu mit-test tat-tagħbija.
5. DOKUMENTAZZJONI TAT-TESTIJIET TAT-TAGĦBIJA KWAŻI-STATIKA FUQ SEZZJONI TAL-KARROZZERIJA
Ir-rapport tat-test għandu jsegwi l-forma u l-kontenut ta’ l-Anness 6, paragrafu 6.
Appendiċi 1
DETERMINAZZJONI TAL-MOVIMENT VERTIKALI TAĊ-ĊENTRU TAL-GRAVITÀ WAQT QLIB
Il-moviment vertikali (Δh) taċ-ċentru tal-gravità relatat mat-test tal-qlib jista’ jiġi determinat mill-metodu grafiku muri hawn taħt.
1. |
Bl-użu ta’ tpinġijiet bi skala tas-sezzjoni trażversali tal-vettura, l-għoli inizjali (h1) taċ-ċentru tal-gravità (pożizzjoni 1) ’il fuq mill-pjan iktar baxx tal-ħandaq jiġi determinat għall-vettura wieqfa fil-ta’ ekwilibriju instabbli tagħha fuq il-pjattaforma li tmejjel (ara l-Figura A7.A1.1). |
2. |
Bl-użu tas-suppożizzjoni li s-sezzjoni trażversali tal-vettura ddur madwar it-tarf ta’ l-appoġġi tar-rota, (punt A fil-Figura A7.A1.1) is-sezzjoni trażversali tal-vettura titpinġa bil-cantrail tagħha tmiss kemm kemm il-pjan iktar baxx tal-ħandaq (ara l-Figura A7.A1.2). F’din il-pożizzjoni jiġi determinat l-għoli (h2) taċ-ċentru tal-gravità (pożizzjoni 2) relattiva għall-pjan iktar baxx tal-ħandaq. Figura A7.A1.1 Figura A7.A1.2 Determinazzjoni tal-moviment vertikali taċ-ċentru tal-gravità |
3. |
Il-moviment vertikali taċ-ċentru tal-gravità (Δh) huwa, |
4. |
Jekk tiġi ttestjata iktar minn sezzjoni waħda tal-karrozzerija u kull sezzjoni tal-karrozzerija jkollha għamla deformata finali differenti, il-moviment vertikali taċ-ċentru tal-gravità (Δhi) għandu jkun determinat għal kull sezzjoni tal-karrozzerija u l-valur medju magħdud ikun, fejn:
|
ANNESS 8
KALKOLU KWAŻI-STATIKU BBAŻAT FUQ L-ITTESTJAR TAL-KOMPONENTI BĦALA METODU TA’ APPROVAZZJONI EKWIVALENTI
1. DATA U TAGĦRIF ADDIZZJONALI
Jekk il-manifattur jagħżel dan il-metodu ta’ test, it-tagħrif li ġej għandu jingħata lis-servizz tekniku flimkien mad-data, u t-tpinġijiet elenkati fil-paragrafu 3.2. ta’ dan ir-Regolament:
Il-lok taż-żoni plastiċi (ŻP) u ċ-ċappetti tal-plastik (ĊP) fis-superstruttura;
1.1.1. iż-ŻP u ċ-ĊP individwali kollha għandhom ikunu unikament identifikati fuq it-tpinġa tas-superstruttura fil-postijiet definiti ġeometrikament (ara l-figura A.8.1.)
1.1.2. l-elementi strutturali bejn iż-ŻP u ċ-ĊP jistgħu jiġu ttrattati bħala partijiet riġidi u elastiċi fil-kalkolu u t-tul tagħhom għandu jkun determinat mid-dimensjonijiet effettivi tagħhom fil-vettura.
Il-parametru tekniċi taż-ŻP u ċ-ĊP;
1.2.1. il-ġeometrija trażversali ta’ l-elementi strutturali fejn jinsabu ż-ŻP u ċ-ĊP.
1.2.2. it-tip u d-direzzjoni tat-tagħbija applikata għal kull ŻP u ĊP.
1.2.3. il-kurva tagħbija-deformazzjoni ta’ kull ŻP u ĊP huma deskritti fl-appendiċi 1 ta’ dan l-anness. Il-manifattur jista' juża jew il-karatteristiċi statiċi, jew dinamiċi taż-ŻP u ċ-ĊP għall-kalkolu imma ma għandux iħallat karatteristiċi statiċi u dinamiċi f’kalkolu wieħed.
Figura A8. 1
Parametri ġeometriċi ta’ ċappetti tal-plastik fuq segment
1.3. Stqarrija ta’ l-enerġija totali (ET) li trid tiġi assorbita mis-superstruttura, bl-użu tal-formula msemmija fil-paragrafu 3.1. hawn taħt.
1.4. Deskrizzjoni teknika fil-qosor tal-programm algoritmiku u l-programm tal-kompjuter li jintużaw għall-kalkolu.
2. REKWIŻITI GĦAL KALKOLU KWAŻI-STATIKU
Għall-kalkolu, is-superstruttura sħiħa għandha tkun matematikament modellata bħala struttura deformabbli u li tiflaħ it-tagħbija, u jitqies dan li ġej:
2.1.1. is-superstruttura għandha tkun mudellata bħala unità unika tat-tagħbija li fiha ŻP u ĊP deformabbli, magħquda b’elementi strutturali xierqa.
2.1.2. is-superstruttura għandu jkollha d-dimensjonijiet proprji tal-karrozzerija. Għall-kontroll ta’ l-ispazju residwu għandu jintuża l-kontorn intern tal-pilastri tal-ġenb u l-istruttura tas-saqaf.
2.1.3. iċ-ĊP għandhom jużaw id-dimensjonijiet proprji tal-pilastri u l-elementi strutturali fejn jinsabu (ara l-Appendiċi 1 ta’ dan l-anness).
It-tagħbijiet applikati fil-kalkolu għandhom jissodisfaw ir-rekwiżiti li ġejjin:
2.2.1. it-tagħbija attiva għandha tiġi applikata fil-pjan trażversali li fih iċ-ċentru tal-gravità tas-superstruttura (vettura) li hija perpendikolari mal-pjan ċentrali lonġitudinali vertikali (PĊLV) tal-vettura. It-tagħbija attiva għandha tiġi applikata fuq il-cantrail tas-superstruttura permezz ta’ pjan ta’ applikazzjoni riġida u assoluta tat-tagħbija, li testendi fiż-żewġ direzzjonijiet lil hinn mill-cantrail u kwalunkwe struttura ta’ maġenbha.
2.2.2. Fil-bidu tas-simulazzjoni l-pjan ta’ applikazzjoni tat-tagħbija għandu jmiss il-cantrail fil-parti l-iktar imbiegħda tiegħu mill-pjan ċentrali lonġitudinali vertikali. Il-punti ta’ kuntatt bejn il-pjan ta’ applikazzjoni tat-tagħbija u s-superstruttura għandhom ikunu definiti biex jiżguraw trasferiment bl-eżatt tat-tagħbija.
2.2.3. it-tagħbija attiva għandu jkollha inklinazzjoni α relatata mal-pjan ċentrali lonġitudinali vertikali tal-vettura (ara l-figura A.8.2).
fejn:
Hc |
= |
l-għoli tal-cantrail (f’mm) tal-vettura mkejla mill-pjan orizzontali li tinsab wieqfa fuqu. |
Id-direzzjoni ta’ l-azzjoni tat-tagħbija attiva ma tistax tinbidel waqt il-kalkolu.
2.2.4. it-tagħbija attiva għandha tiżdied bi ftit passi inkrimentali u d-deformazzjoni strutturali sħiħa għandha tiġi kkalkulata ma’ kull żieda. L-għadd ta’ żidiet tat-tagħbija għandu jaqbeż il-100 u ż-żidiet għandhom ikunu bejn wieħed u ieħor indaqs.
2.2.5. waqt il-proċess ta’ deformazzjoni il-pjan ta’ applikazzjoni tat-tagħbija jista’, minbarra ċaqliq parallel, jitħalla jdur madwar l-assi ta’ l-intersezzjoni tal-pjan ta’ applikazzjoni tat-tagħbija bil-pjan trażversali li fih iċ-ċentru tal-gravità, sabiex isegwi d-deformazzjoni asimmetrika tas-superstruttura.
2.2.6. il-forzi (ta’ l-appoġġ) passivi għandhom jiġu applikati fuq l-istruttura riġida ta’ taħt l-art b’mod li ma jinfluwenzawx id-deformazzjoni strutturali.
Figura A8. 2
Applikazzjoni tat-tagħbija għas-superstruttura
L-algoritmu tal-kalkolu u l-programm tal-kompjuter għandhom jissodisfaw ir-rekwiżiti li ġejjin:
2.3.1. il-programm għandu jqis li l-karatteristiċi taċ-ĊP u deformazzjoni struttura ta’ skala kbira mhumiex lineari.
2.3.2. il-programm għandu jakkomoda l-firxa tal-ħidma taċ-ĊP u ż-ŻP u għandu jwaqqaf il-kalkolu jekk id-deformazzjoni taċ-ĊP taqbeż il-firxa tal-ħidma validata (ara l-Appendiċi 1 ta’ dan l-anness).
2.3.3. il-programm għandu jkun kapaċi jikkalkula l-enerġija totali assorbita mis-superstruttura ma’ kull żieda tat-tagħbija.
2.3.4. ma’ kull żieda tat-tagħbija, il-programm għandu jkun kapaċi juri l-għamla deformata tas-segmenti li jifformaw is-superstruttura, u l-pożizzjoni ta’ kull parti riġida li tista’ tidħol fl-ispazju residwu. Il-programm għandu jidentifika l-punt meta żieda tat-tagħbija wasslet għall-ewwel invażjoni ta’ kwalunkwe parti mill-partijiet strutturali riġidi.
2.3.5. il-programm għandu jkun kapaċi jsib u jidentifika liema żieda tat-tagħbija bdiet il-kollass globali tas-superstruttura; meta s-superstruttura ssir instabbli u d-deformazzjoni tkompli mingħajr ma tiżdied it-tagħbija.
3. L-VALUTAZZJONI TAL-KALKOLU
3.1. L-enerġija totali (ET) li trid tiġi assorbita mis-superstruttura għandha tiġi determinata kif ġej:
fejn:
M |
= |
Mk il-massa inokkupata mhux mgħobbija tal-vettura, jekk ma hemm l-ebda rbit għall-okkupanti, jew Mt il-massa effettiva totali tal-vettura meta jkun twaħħal l-irbit għall-okkupanti |
G |
= |
il-kostanti gravitazzjonali |
Δh |
= |
il-moviment vertikali (f’metri) taċ-ċentru tal-gravità tal-vettura waqt test tal-qlib, kif determinat fl-Appendiċi 1 ta’ l-Anness 7 |
3.2. L-enerġija assorbita (Ea) tas-superstruttura hija kkalkulata fil-punt meta żieda tat-tagħbija wasslet biex jintmess għall-ewwel darba l-ispazju residwu minn kwalunkwe parti mill-partijiet strutturali riġidi.
3.3. It-tip ta’ vettura għandu jkun approvat jekk Ea ≥ ET
4. DOKUMENTAZZJONI GĦAL KALKOLU KWAŻI-STATIKU
Ir-rapport tal-kalkolu għandu jkun fih ir-rekwiżiti li ġejjin:
4.1. deskrizzjoni mekkanika dettaljata tas-superstruttura fejn jinsabu iż-ŻP u ċ-ĊP u li tiddefinixxi l-partijiet riġidi u dawk elastiċi,
4.2. data miksuba mit-testijiet u l-graffs riżultanti,
4.3. stqarrija dwar jekk ir-rekwiżiti msemmija fil-paragrafu 5.1. ta’ dan ir-Regolament ġewx sodisfatti jew le,
4.4. identifikazzjoni tat-tip tal-vettura u l-personal responsabbli għat-testijiet, il-kalkoli, u l-valutazzjoni.
Appendiċi 1
KARATTERISTIĊI TAĊ-ĊAPPETTI TAL-PLASTIK
1. KURVI KARATTERISTIĊI
Il-forma ġenerali ta’ kurva karatteristika ta’ Żona Plastika (ŻP) hija relazzjoni mhux lineari ta’ deformazzjoni tat-tagħbija mkejla fuq il-partijiet strutturali tal-vettura f’testijiet fil-laboratorji. Kurvi karatteristiċi taċ-Ċappetti tal-Plastik huma relazzjoni bejn il-mument tal-liwi (M) u l-angolu tar-rotazzjoni. Il-forma ġenerali ta’ kurva karatteristika taż-ŻP tinsab fil-Figura A.8.A.1.1.
Figure A.8.A.1.1
Kurva karatteristika għal ċappetta tal-plastik
2. ASPETTI TA’ FIRXIET TA’ DEFORMAZZJONI
2.1. Il-“firxa mkejla” tal-kurva karatteristika taċ-ĊP hija l-firxa tad-deformazzjoni li l-kejl sar fuqha. Il-firxa mkejla jista’ jkun fiha l-ksur, u/jew il-firxa tat-twebbis rapidu. Il-valuri tal-karatteristiċi taċ-ĊP li jidhru fil-firxa mkejla biss għandhom jintużaw fil-kalkolu.
2.2. Il-“firxa tal-ħidma” tal-kurva karatteristika taċ-ĊP hija l-firxa koperta mill-kalkolu.
Il-firxa tal-ħidma ma għandhiex taqbeż il-firxa mkejla, u jista’ jkun fiha l-ksur, imma mhux il-firxa tat-twebbis rapidu.
2.3. Il-karatteristiċi taċ-ĊP li jridu jintużaw fil-kalkolu għandu jkun fihom il-kurva M-φ fil-firxa mkejla.
3. KARATTERISTIĊI DINAMIĊI
Hemm żewġ tipi ta’ karatteristiċi taċ-ĊP u ż-ŻP kważi-statiċi u dinamiċi. Il-karatteristiċi dinamiċi ta’ ĊP jistgħu jkunu determinati f’żewġ modi:
3.1. b’ittestjar dinamiku ta’ l-impatt tal-komponent.
3.2. bl-użu ta’ fattur dinamiku Kd biex jittrasforma l-karatteristiċi kważi-statiċi ĊP. It-trasformazzjoni tfisser li l-valuri tal-mument tal-liwi kważi-statiku jista’ jiżdied b’Kd. Għall-elementi strutturali ta’ l-azzar Kd = 1.2 jista’ jintuża mingħajr test laboratorju.
Figure A.8.A.1.2
Id-derivazzjoni ta’ karatteristiċi dinamiċi taċ-ċappetti tal-plastik mill-kurva statika
ANNESS 9
SIMULAZZJONI BIL-KOMPJUTER TA’ TEST TA’ QLIB FUQ VETTURA SĦIĦA BĦALA METODU TA’ APPROVAZZJONI EKWIVALENTI
1. DATA U TAGĦRIF ADDIZZJONALI
Is-superstruttura tista’ tidher li ssodisfat ir-rekwiżiti speċifikati fil-paragrafi 5.1.1 u 5.1.2 ta’ dan ir-Regolament minn metodu ta’ simulazzjoni bil-kompjuter approvat mis-servizz tekniku.
Jekk il-manifattur jagħżel dan il-metodu ta’ test, it-tagħrif li ġej għandu jingħata lis-servizz tekniku flimkien mad-data, u t-tpinġijiet elenkati fil-paragrafu 3.2 ta’ dan ir-Regolament:
1.1. Deskrizzjoni tas-simulazzjoni applikata u metodu ta’ kalkolu użat, u identifikazzjoni ċara u preċiża tas-softwer ta’ l-analiżi, inkluż ta’ l-inqas, il-produttur tiegħu, l-isem kummerċjali tiegħu, il-verżjoni użata u d-dettalji tal-kuntatt ta’ l-iżviluppatur.
1.2. Il-mudelli tal-materjali u d-data użata.
1.3. Il-valuri għall-mases ddefinit, iċ-ċentru tal-gravità u l-mumenti ta’ inerzja użati fil-mudell matematiku.
2. IL-MUDELL MATEMATIKU
Il-mudell għandu jkun kapaċi jiddeskrivi l-imġiba fiżika reali tal-proċess tal-qlib, b’konformità ma’ l-Anness 5. Il-mudell matematiku għandu jinbena, u s-suppożizzjonijiet għandhom ikunu preskritti, b’tali mod li l-kalkolu jagħti riżultati konservattivi. Il-mudell għandu jinbena bil-kunsiderazzjonijiet li ġejjin:
2.1. is-servizz tekniku jista’ jeħtieġ li jsiru testijiet fuq l-istruttura proprja tal-vettura biex tipprova l-validità tal-mudell matematiku u biex jiġu vverifikati s-suppożizzjonijiet li saru fil-mudell.
2.2. il-massa totali u l-pożizzjoni taċ-ċentru tal-gravità użati fil-mudell matematiku għandhom ikunu identiċi għal dawk tal-vettura li trid tiġi applikata.
2.3. id-distribuzzjoni tal-massa fil-mudell matematiku għandu jikkorrispondi għall-vettura approvata. Mumenti ta’ inerzja użati fil-mudell matematiku għandhom jiġu kkalkulati abbażi ta’ din id-distribuzzjoni tal-massa.
3. REKWIŻITI GĦALL-ALGORITMU U L-PROGRAMM SIMULATORJU, U GĦAT-TAGĦMIR TAL-KOMPJUTER
3.1. Il-pożizzjoni tal-vettura f’ekwilibriju instabbli fil-punt tal-qlib, u l-pożizzjoni ma’ l-ewwel kuntatt ma’ l-art għandu jkun speċifikat. Il-programm ta’ simulazzjoni jista’ jibda fil-pożizzjoni ta’ ekwilibriju instabbli, imma għandu jibda, mhux iktar tard mill-punt ta’ l-ewwel kuntatt ma’ l-art.
3.2. Il-kondizzjonijiet inizjali fil-punt ta’ l-ewwel kuntatt ma’ l-art għandu jkun definit bl-użu tal-bidla ta’ l-enerġija potenzjali mill-pożizzjoni ta’ ekwilibriju instabbli.
3.3. Il-programm ta’ simulazzjoni għandu jibqa’ għaddej, ta’ l-inqas, sakemm tintlaħaq id-deformazzjoni massima.
3.4. Il-programm ta’ simulazzjoni għandu jipproduċi soluzzjoni stabbli, fejn ir-riżultat ikun indipendenti mill-mument taż-żieda.
3.5. Il-programm ta’ simulazzjoni għandu jkun kapaċi jikkalkula l-komponenti ta’ l-enerġija għall-bilanċ ta’ l-enerġija f’kull mument ta’ żieda.
3.6. Komponenti ta’ enerġija mhux fiżika introdotti mill-proċess ta’ mudellar matematiku (pereżempju, “klessidra” u ammortizzament intern) ma għandhomx jaqbżu l-5 fil-mija ta’ l-enerġija totali fi kwalunkwe ħin.
3.7. Il-koeffiċjenti tal-frizzjoni użata fil-kuntatt ma’ l-art għandha tkun validata b’riżultati fiżiċi tat-test, jew il-kalkolu għandu jipprova li l-koeffiċjenti tal-frizzjoni magħżula tipproduċi riżultati konservattivi.
3.8. Il-kuntatti fiżiċi possibbli kollha bejn partijiet tal-vettura għandhom jitqiesu fil-mudell matematiku.
4. VALUTAZZJONI TAS-SIMULAZZJONI
4.1. Meta r-rekwiżiti dikjarati għall-programm ta’ simulazzjoni jiġu sodisfatti, is-simulazzjoni tal-bidliet fil-ġeometrija ta’ l-istruttura interna u t-tqabbil mal-forma ġeometrika ta’ l-ispazju residwu jista’ jkun ivvalutat kif definit fil-paragrafi 5.1 u 5.2 ta’ dan ir-Regolament.
4.2. Jekk l-ispazju residwu ma jintmessx fis-simulazzjoni tal-qlib, l-approvazzjoni għandha tingħata.
4.3. Jekk l-ispazju residwu jintmess fis-simulazzjoni tal-qlib, l-approvazzjoni għandha tiġi rrifjutata.
5. DOKUMENTAZZJONI
Ir-rapport fuq is-simulazzjoni għandu jkun fih it-tagħrif li ġej:
5.1.1. id-data u t-tagħrif kollha msemmija fil-paragrafu 1 ta’ dan l-anness,
5.1.2. tpinġija li turi l-mudell matematiku tas-superstruttura,
5.1.3. stqarrija tal-valuri ta’ l-angolu, il-veloċità, u l-veloċità angulari fil-pożizzjoni ta’ ekwilibriju instabbli tal-vettura u fil-pożizzjoni ta’ l-ewwel kuntatt ma’ l-art,
5.1.4. tabella tal-valur ta’ l-enerġija totali u l-valuri tal-komponenti tagħha kollha (enerġija kinetika, enerġija interna, enerġija tal-klessidra), f’inkrementi tal-ħin ta’ 1 ms li jkopru, ta’ l-inqas, il-perjodu mill-ewwel kuntatt ma’ l-art sakemm tintlaħaq id-deformazzjoni massima,
5.1.5. il-koeffiċjenza tal-frizzjoni ta’ l-art preżunta,
5.1.6. plots jew data li juru b’mod xieraq li r-rekwiżiti speċifikati fil-paragrafi 5.1.1 u 5.1.2 ta’ dan ir-Regolament ġew sodisfatti. Dan ir-rekwiżit jista’ jkun sodisfatt bil-provvista ta’ plot, kontra l-ħin, tad-distanza bejn il-kontorn intern ta’ l-istruttura ta’ l-istruttura deformata u l-periferija ta’ l-ispazju residwu,
5.1.7. stqarrija ta’ jekk, ir-rekwiżiti speċifikati fil-paragrafi 5.1.1 u 5.1.2 ta’ dan ir-Regolament ikunux ġew sodisfatti jew le,
5.1.8. id-data u t-tagħrif kollha neċessarji għall-identifikazzjoni ċara tat-tip tal-vettura, is-superstruttura tagħha, il-mudell matematiku tas-superstruttura, u l-kaloklu nnifsu.
5.2. Huwa rakkomandat li r-rapport fih ukoll plots ta’ l-istruttura deformata fil-mument meta sseħħ id-deformazzjoni massima, b’ħarsa ġenerali tas-superstruttura u r-reġjuni b’deformazzjoni plastika qawwija.
5.3. Fuq talba tas-servizz tekniku, għandu jiġi pprovdut u inkluż fir-rapport iktar tagħrif.