(1)

Ir-Regolament tal-Kunsill (KE) Nru 1676/2001 (2) kif emendat l-aħħar permezz tar-Regolament tal-Kunsill (KE) Nru 1424/2006 (3) impona dazju definittiv ta’ l-antidumping fuq importazzjonijiet ta’ tertuqa polyethylene terephthalate (PET) film li joriġinaw, inter alia fl-Indja. Il-miżuri, soġġetti għar-reviżjonijiet attwali, ħadu l-forma ta’ dazju ad valorem ta’ l-antidumping, li jvarja bejn 0 % u 18 %, impost fuq l-importazzjonijiet minn esportaturi msemmija individwalment, b’rata residwa ta’ dazju ta’ 17,3 % imposta fuq l-importazzjonijiet mill-kumpaniji l-oħrajn kollha. L-investigazzjoni li wasslet għar-Regolament (KE) Nru 1676/2001 kif immodifikat se tissejjaħ “l-investigazzjoni oriġinali”.

(2)

Il-miżuri imposti fuq importazzjonijiet mill-Indja fl-investigazzjoni oriġinali kienu estiżi bir-Regolament tal-Kunsill (KE) Nru 1975/2004 (4) għal importazzjonijiet tat-tertuqa PET ikkunsinjati mill-Brażil u mill-Iżrael, kemm jekk iddikjarati li joriġinaw mill-Brażil inkella mill-Iżrael.

(3)

Il-Kummissjoni, permezz tad-Deċiżjoni 2001/645/KE (5) li taċċetta garanziji offruti minn ħames produtturi Indjani b’konnessjoni ma’ l-investigazzjoni oriġinali. Il-garanziji ġew irrevokati permezz tad-Deċiżjoni 2006/173/KE (6).

(4)

Il-Kunsill, permezz tar-Regolament (KE) Nru 367/2001 kif emendat l-aħħar permezz tar-Regolament tal-Kunsill (KE) Nru 1124/2007 (7) impona dazju kompensatorju definittiv fuq importazzjonijiet ta’ tertuqa PET li joriġinaw fl-Indja. Il-miżuri ħadu l-forma ta’ dazju ad valorem li jvarja bejn 7 % u 19,1 % impost fuq l-importazzjonijiet minn esportaturi msemmija individwalment, b’rata residwa ta’ dazju ta’ 19,1 % imposta fuq l-importazzjonijiet mill-kumpaniji l-oħrajn kollha. L-investigazzjoni li wasslet għar-Regolament (KE) Nru 367/2006 kif emendat għandha tissejjaħ “l-investigazzjoni preċedenti ta’ kontra s-sussidju”.

(5)

Fit-23 ta’ Mejju 2006 u t-3 ta’ Lulju 2006 rispettivament, talba għal reviżjoni ta’ l-iskadenza skond l-Artikolu 11(2) tar-Regolament bażiku u talba għal reviżjoni parzjali interim skond l-Artikolu 11(3) tar-Regolament bażiku, limitata għall-valutazzjoni ta’ dumping minn Jindal Poly Films Limited (“Jindal”), tressqu mill-produtturi li ġejjin tal-Komunità: Du Pont Teijin Films, Mitsubishi Polyester Film GmbH u Nuroll SpA (“l-applikanti”). L-applikanti jirrappreżentaw il-proporzjoni maġġuri tal-produzzjoni tal-Komunità tat-terutuqa PET.

(6)

L-applikanti allegaw u pprovdew biżżejjed evidenza prima facie li: (a) hemm probabilità ta’ kontinwazzjoni jew rikorrenza ta’ dumping u ħsara lill-industrija tal-Komunità, u (b) iċ-ċirkostanzi fir-rigward ta’ dumping li fuq il-bażi tagħhom kienu stabbiliti l-miżuri għal Jindal inbidlu u dawn il-bidliet huma ta’ natura dewwiema.

(7)

Wara li ġie determinat, fuq konsultazzjoni mal-Kumitat Konsultattiv, li kienet teżisti evidenza biżżejjed biex jingħata bidu għar-reviżjoni ta’ skadenza skond l-Artikolu 11(2) tar-Regolament bażiku u għal reviżjoni parzjali interim skond l-Artikolu 11(3) tar-Regolament bażiku, il-Kummissjoni ħabbret fit-22 ta’ Awissu 2006 (8) u l-25 ta’ Awissu 2006 (9) rispettivament, permezz ta’ notifiki ta’ inizjazzjoni ppubblikati fil-Ġurnal Uffiċjali ta’ l-Unjoni Ewropea, il-bidu tat-tali reviżjonijiet.

(8)

Ir-reviżjoni parzjali interim kienet limitata fl-ambitu sabiex teżamina d-dumping li għandu x'jaqsam ma’ Jindal. Il-perjodu ta’ l-investigazzjoni tar-reviżjoni (“PIR”) ġie stipulat mill-1 ta’ Lulju 2005 sat-30 ta’ Ġunju 2006. L-eżami tax-xejriet rilevanti għall-valutazzjoni ta’ probabilità ta’ tkomplija jew rikorrenza ta’ ħsara kopra l-perjodu mill-2003 sa tmiem il-PIR (“il-perjodu meqjus”).

(9)

Il-Kummissjoni avżat uffiċjalment lill-produtturi esportaturi, lir-rappreżentanti tal-pajjiż ta’ l-esportazzjoni, il-produtturi tal-Komunità, l-importaturi u l-utenti magħrufa li huma kkonċernati bil-bidu tar-reviżjoni ta’ l-iskadenza. Għaż-żewġ reviżjonijiet, il-partijiet interessati ngħataw l-opportunità biex jikkomunikaw l-opinjonijiet tagħhom bil-miktub u biex jitolbu seduta fil-limitu ta’ żmien stipulat fl-avviżi ta’ bidu.

(10)

Il-partijiet interessati kollha li gћamlu din it-talba u li wrew li kien hemm raġunijiet partikolari għaliex kellhom jinstemgħu, ingћataw seduta.

(11)

Fir-rigward tar-reviżjoni ta’ l-iskadenza, fid-dawl tal-għadd apparentament għoli ta’ produtturi esportaturi ta’ tertuqa PET fl-Indja li ssemmew fit-talba, kien previst l-użu ta’ tekniki ta’ teħid ta’ kampjuni fl-avviż ta’ l-inizjazzjoni skond l-Artikolu 17 tar-Regolament bażiku. Sabiex jiġi deċiż jekk it-teħid ta’ kampjuni huwiex meħtieġ u, jekk dan ikun il-każ, jingħażel kampjun, il-produtturi esportaturi kollha ntalbu li jagħmlu lilhom infushom magħrufa u ntalbu jipprovdu, kif speċifikat fl-avviż ta’ inizjazzjoni, tagħrif bażiku dwar l-attivitajiet tagħhom relatati mat-tertuqa PET matul il-PIR. Sitt produtturi esportaturi fl-Indja indikaw ir-rieda tagħhom li jikkooperaw. Minn dawn is-sitt produtturi esportaturi, intgħażlu tliet kumpaniji (Ester Industries Limited, Garware Polyester Limited u Jindal), għall-kampjun u waslilhom kwestjonarju. Dawn il-kumpaniji nstabu li jikkostitwixxu l-akbar volum rappreżentattiv ta’ esportazzjonijiet lill-Komunità tat-tertuqa PET li seta' jiġi investigat b'mod raġjonevoli fi ħdan iż-żmien disponibbli, skond l-Artikolu 17(1) tar-Regolament bażiku.

(12)

Barra minn dan, il-Kummissjoni bagħtet kwestjonarji lill-partijiet l-oħra kollha magħrufa li huma kkonċernati jew li għamlu ruħhom magħrufa fiż-żminijiet stipulati fl-avviż ta’ inizjazzjoni. Waslu tweġibiet sħaħ mill-produtturi tal-Komunità, il-produtturi esportaturi li ttieħdu bħala kampjun, importatur/utent wieħed u erba' utenti.

(13)

Il-Kummissjoni fittxet u vverifikat it-tagħrif kollu li hija qieset meħtieġ għad-determinazzjoni ta’ dumping u ħsara kif ukoll sabiex tiddetermina jekk hemmx probabilità ta’ kontinwazzjoni jew rikorrenza ta’ dumping jew ħsara u jekk il-preżervazzjoni tal-miżuri tkunx fl-interess tal-Komunità. Żjajjar ta’ verifika twettqu fuq il-post tal-partijiet interessati li ġejjin:

(14)

Il-prodott ikkonċernat kien l-istess bħal fl-investigazzjoni oriġinali, jiġifieri t-tertuqa tat-tereftalat tal-polietilene (PET) li toriġina fl-Indja, normalment iddikjarata taħt il-kodiċi NM ex 3920 62 19 u ex 3920 62 90 .

(15)

L-istess bħall-investigazzjoni oriġinali, instab li t-tertuqa PET prodotta u mibjugħa fis-suq domestiku fl-Indja u t-tertuqa PET esportata lejn il-Komunità mill-Indja għandha l-istess karatteristiċi u użi bażiċi fiżiċi u tekniċi. Għalhekk, dawn il-prodotti huma simili fis-sens ta’ l-Artikolu 1(4) tar-Regolament bażiku.

(16)

Sabiex jiġi stabbilit il-valur normali, l-ewwel ġie vverifikat li l-bejgħ domestiku totali ta’ Jindal kien rappreżentattiv skond l-Artikolu 2(2) tar-Regolament bażiku, jiġifieri li dan kien jgħodd għal 5 % jew aktar tal-volum ta’ bejgħ totali tal-prodott ikkonċernat esportat lejn il-Komunità.

(17)

Imbagħad ġie aċċertat jekk il-bejgħ domestiku totali ta’ kull tip ta’ prodott kienx jikkostitwixxi 5 % jew aktar mill-volum ta’ bejgh ta’ l-istess tip esportat lejn il-Komunità.

(18)

Għat-tipi tal-prodott fejn il-bejgħ domestiku kien jikkostitwixxi 5 % jew aktar tal-volum tal-bejgħ ta’ l-istess tip esportat lejn il-Komunità, ġie mbagħad eżaminat jekk sarx bejgħ biżżejjed fl-andament normali tal-kummerċ skond l-Artikolu 2(4) tar-Regolament bażiku. Għal kull prodott tat-tip fejn il-volum ta’ bejgħ domestiku li sar 'il fuq min-nefqa ta’ produzzjoni kien jirrappreżenta 80 % tal-bejgħ, il-valur normali kien stabbilit fuq il-bażi tal-prezzijiet bil-piż differenzjat li fil-fatt tħallas għall-bejgħ domestiku kollu. Għal dawk it-tipi tal-prodott fejn il-volum ta’ tranżazzjonijiet profitabbli kien taħt ta’ 80 % jew inqas, iżda mhux inqas minn 10 % tal-bejgħ, il-valur normali kien ibbażat fuq il-prezz bil-piż differenzjat li fil-fatt tħallas għall-bejgħ domestiku profittabbli biss. Għal dawk it-tipi tal-prodott fejn anqas minn 10 %, skond il-volum, inbiegħu fis-suq domestiku fi prezz li mhuwiex anqas mill-ispiża ta’ l-unità, tqies li t-tip tal-prodott ikkonċernat ma nbiegħx fl-andament normali tal-kummerċ u għalhekk, il-valur normali kellu jinħoloq skond l-Artikolu 2(3) tar-Regolament bażiku.

(19)

Għat-tipi tal-prodott fejn il-prezzijiet domestiċi tal-produttur esportatur ma setgħux jintużaw sabiex jistabbilixxu valur normali minħabba rappreżentattività insuffiċjenti jew minħabba nuqqas ta’ bejgħ fl-andament normali tal-kummerċ, il-valur normali inħoloq fuq il-bażi ta’ l-ispejjeż tal-manifattura li ġġarrbu mill-produttur esportatur ikkonċernat flimkien ma’ ammont raġjonevoli għall-ispejjeż ġenerali, amministrattivi u ta’ bejgħ (“SĠAB”) u għall-profitti, skond l-Artikolu 2(3) u (6) tar-Regolament bażiku.

(20)

L-SĠAB kienu bbażati fuq spejjeż tali mġarrba mill-produttur esportatur fir-rigward tal-bejgħ domestiku tiegħu tal-prodott ikkonċernat, li nstabu li kienu rappreżentattivi. Il-marġini tal-profitt kien ikkalkolat fuq il-bażi tal-marġini medja tal-profitt bil-piż differenzjat tal-kumpanija għal dawk it-tipi tal-prodott mibjugħa fis-suq domestiku fi kwantitajiet biżżejjed fl-andament normali tal-kummerċ.

(21)

Il-maġġornaza vasta ta’ l-esportazzjoni tal-prodott ikkonċernat lejn il-Komunità matul il-PIR saret lill-konsumaturi indipendenti. Għalhekk, il-prezz ta’ l-esportazzjoni ġie stabbilit skond l-Artikolu 2(8) tar-Regolament bażiku fuq il-bażi tal-prezz ta’ l-esportazzjoni realment imħallas jew li għandu jitħallas.

(22)

Uħud mill-bejgħ ta’ l-esportazzjoni saru lil kumpanija relatata fil-Komunità. Il-kumpanija relatata ma biegħetx l-oġġetti mill-ġdid direttament iżda ttrasformathom b'mod sostanzjali, sal-punt li l-ħolqien tal-prezz ta’ l-esportazzjoni tal-prodott esportat fuq il-bażi tal-prezz ta’ bejgħ mill-ġdid tal-prodott ittrasformat skond l-Artikolu 2(9) tar-Regolament bażiku nstab li ma jistax jinħadem. Il-prezzijiet li Jindal iżżommilha lil din il-kumpanija relatata tqabblu mal-prezzijiet magħmula minn Jindal lill-konsumaturi relatati tagħha fil-Komunità għat-tipi tal-prodott simili matul il-PIR. Minħabba li nstab li dawn iż-żewġ settijiet ta’ prezzijiet kienu skond kull tip tal-prodott, ġie konkluż li l-prezzijiet li Jindal iżżomm lill-parti relatata magħha fil-Komunità kienu attendibbli u setgħu jintużaw għall-kalkolu tal-prezz ta’ l-esportazzjoni.

(23)

Il-valur normali u l-prezz għall-esportazzjoni tqabblu fuq bażi ex-fabbrika. Sabiex ikun żgurat tqabbil ġust, saret konċessjoni xierqa fil-forma ta’ aġġustamenti għad-differenzi li jaffetwaw il-komparabilità tal-prezzijiet skond l-Artikolu 2(10) tar-Regolament bażiku. Skond dan, l-aġġustament saru għad-differenzi fi skonti, ribassi, trasport, ġestjoni, tagħbija u spejjeż anċillari, ippakkjar, kreditu u kummissjonijiet, fejn applikabbli u sostnuti b'evidenza vverifikata.

(24)

Jindal iddikkjarat aġġustament għall-valur normali għad-dazju ta’ l-importazzjoni li ma nġabarx taħt l-Iskema ta’ Liċenzja Preliminari (Advance Licence Scheme – ALS) fuq importazzjonijiet ta’ materja prima użata fil-manifattura ta’ oġġett għall-esportazzjoni. L-ALS tippermetti l-importazzjoni ta’ materja prima ħielsa mid-dazju, bil-kondizzjoni li l-kumpanija tesporta kwantità u valur korrispondenti tal-prodott lest determinati skond normi standard fissi uffiċjalment ta’ kontribut u riżultat. L-importazzjonijiet li jaqgħu taħt l-ALS jistgħu jintużaw jew għall-produzzjoni ta’ oġġetti ta’ l-esportazzjoni inkella għar-riforniment ta’ kontributi domestiċi użati sabiex jipproduċu oġġetti tali. Il-kumpanija ddikjarat li l-esportazzjonijiet tal-prodott ikkonċernat lejn il-KE ntużaw sabiex jissodisfaw ir-rekwiżiti li jaqgħu taħt l-ALS fir-rigward ta’ materja prima importata. Ma saret l-ebda konklużjoni dwar jekk din id-dikjarazzjoni kinitx iġġustifikata jew le għal din id-dikjarazzjoni, fid-dawl li l-kumpanija, fi kwalunkwe każ, instabet li ma kenitx qed twettaq dumping fil-PIR u mhu se tagħmel l-ebda impatt fuq ir-riżultat finali ta’ l-investigazzjoni ta’ reviżjoni.

(25)

Il-marġini tad-dumping kien stabbilit fuq il-bażi ta’ taqbbil ta’ valur normali tal-medja bil-piż differenzjat ma’ prezz ta’ esportazzjoni tal-medja bil-piż differenzjat, skond l-Artikolu 2(11) tar-Regolament bażiku.

(26)

Dan it-tqabbil wera marġini negattiv ta’ dumping.

(27)

Skond l-Artikolu 11(3) tar-Regolament bażiku kien ukoll eżaminat jekk is-sejbiet stabbilit fl-andament ta’ din l-investigazzjoni setgħux jiġu deskritti b'mod raġjonevoli bħala ta’ natura dejjiema.

(28)

F'dan ir-rigward, qiegħed jitfakkar li Jindal instabet li ma kinitx qed twettaq dumping f'żewġ investigazzjonijiet konsekuttivi konklużi permezz tar-Regolament tal-Kunsill (KE) Nru 1676/2001 u r-Regolament tal-Kunsill (KE) Nru 390/2005 (10). Dawn is-sejbiet ta’ l-ebda dumping ġew ikkonfermati mill-investigazzjoni attwali, u mhemm l-ebda element li jindika li din il-qagħda ta’ l-ebda dumping ma għandhiex tkun ta’ natura dejjiema.

(29)

Għalhekk qed jitqies li l-miżuri attwali fir-rigward ta’ Jindal qed jiksbu r-riżultati mixtieqa u ma għandhomx jinbidlu.

(30)

Skond l-Eurostat, il-volum tal-prodott ikkonċernat impurtat fil-Komunità mill-Indja kien jammonta għal 23 472 tunnellata matul il-PIR. Minn din il-kwantità, it-tliet produtturi li ntgħażlu bħala kampjun kienu jgħoddu għal madwar 97 % matul il-PIR u Jindal waħidha kienet tgħodd għal madwar 90 % tal-volum totali ta’ esportazzjoni mill-Indja lill-KE matul il-PIR.

(31)

Matul il-perjodu ta’ l-investigazzjoni (PI) ta’ l-investigazzjoni oriġinali (1 ta’ April 1999 sal-31 ta’ Marzu 2000), il-volum ta’ importazzjonijiet mill-Indja kien ta’ 50 590 tunnellata. Matul il-PI ta’ l-investigazzjoni preċedenti ta’ kontra s-sussidju (1 ta’ Ottubru 2003 sat-30 ta’ Settembru 2004), il-volum ta’ importazzjonijiet mill-Indja kien ta’ 12 679 tunnellata.

(32)

Kif imsemmi fil-(11) hawn fuq, kien hemm tliet produtturi esportaturi li ttieħdu bħala kampjun. Għal Jindal, japplikaw is-sejbiet ippreżentati fis-(16) sas-(26).

(33)

Sabiex jiġi stabbilit il-valur normali għal Garware u Ester, l-ewwel ġie vverifikat li l-bejgħ domestiku rrapportat ta’ kull produttur esportatur kien rappreżentattiv skond l-Artikolu 2(2) tar-Regolament bażiku, jiġifieri li dan kien jgħodd għal 5 % jew aktar tal-volum ta’ bejgħ irrapportat tal-prodott ikkonċernat esportat lejn il-Komunità.

(34)

Imbagħad ġie aċċertat jekk il-bejgħ domestiku totali ta’ kull tip ta’ prodott kienx jikkostitwixxi 5 % jew aktar mill-volum ta’ bejgh ta’ l-istess tip esportat lejn il-Komunità.

(35)

Għat-tipi tal-prodott fejn il-bejgħ domestiku kien jikkostitwixxi 5 % jew aktar tal-volum tal-bejgħ ta’ l-istess tip esportat lejn il-Komunità, ġie mbagħad eżaminat jekk sarx bejgħ biżżejjed fl-andament normali tal-kummerċ skond l-Artikolu 2(4) tar-Regolament bażiku. Għal kull prodott tat-tip fejn il-volum ta’ bejgħ domestiku li sar 'il fuq min-nefqa ta’ produzzjoni kien jirrappreżenta 80 % tal-bejgħ, il-valur normali kien stabbilit fuq il-bażi tal-prezzijiet bil-piż differenzjat li fil-fatt tħallas għall-bejgħ domestiku kollu. Għal dawk it-tipi tal-prodott fejn il-volum ta’ tranżazzjonijiet profitabbli kien taħt ta’ 80 % jew inqas, iżda mhux inqas minn 10 % tal-bejgħ, il-valur normali kien ibbażat fuq il-prezz bil-piż differenzjat li fil-fatt tħallas għall-bejgħ domestiku profittabbli biss. Għal dawk it-tipi tal-prodott fejn anqas minn 10 %, skond il-volum, inbiegħu fis-suq domestiku fi prezz li mhuwiex anqas mill-ispiża ta’ l-unità, tqies li t-tip tal-prodott ikkonċernat ma nbiegħx fl-andament normali tal-kummerċ u għalhekk, il-valur normali kellu jinħoloq skond l-Artikolu 2(3) tar-Regolament bażiku.

(36)

Għat-tipi tal-prodott fejn il-prezzijiet domestiċi tal-produttur esportatur ma setgħux jintużaw sabiex jistabbilixxu valur normali minħabba rappreżentattività insuffiċjenti jew minħabba nuqqas ta’ bejgħ fl-andament normali tal-kummerċ, il-valur normali inħoloq fuq il-bażi ta’ l-ispejjeż tal-manifattura li ġġarrbu mill-produttur esportatur ikkonċernat flimkien ma’ ammont raġjonevoli għall-ispejjeż ġenerali, amministrattivi u ta’ bejgħ (“SĠAB”) u għall-profitti, skond l-Artikolu 2(3) u (6) tar-Regolament bażiku.

(37)

L-SĠAB kienu bbażati fuq spejjeż tali mġarrba mill-produttur esportatur fir-rigward tal-bejgħ domestiku tiegħu tal-prodott ikkonċernat, li nstabu li kienu rappreżentattivi. Il-marġini tal-profitt kien ikkalkolat fuq il-bażi tal-marġini medja tal-profitt bil-piż differenzjat tal-kumpanija għal dawk it-tipi tal-prodott mibjugħa fis-suq domestiku fi kwantitajiet biżżejjed fl-andament normali tal-kummerċ.

(38)

F'dak li għandu x'jaqsam mad-determinazzjoni tal-prezzijiet ta’ l-esportazzjoni, għandu jitfakkar li l-investigazzjoni attwali tfittex li tistabbilixxi jekk, f'każ li l-miżuri protettivi jiġu rrevokati, id-dumping jissuktax jew jerġax iseħħ. F'dak il-kuntest, id-determinazzjoni tal-prezzijiet ta’ l-esportazzjoni użati fil-kalkolu tad-dumping ma tistax tkun limitata għal eżaminazzjoni ta’ l-imġiba ta’ l-esportaturi fil-passat, iżda trid teżamina wkoll l-iżvilupp probabbli tal-prezzijiet ta’ l-esportazzjoni fil-futur. Fi kliem ieħor, għandu jiġi ddeterminat jekk il-prezzijiet tal-passat ta’ l-esportazzjoni humiex attendibbli bħala indikazzjoni tal-prezzijiet futuri probabbli ta’ l-esportazzjoni.

(39)

Fid-dawl ta’ l-eżistenza ta’ impenji fil-qasam tal-prezzijiet matul parti mill-PIR, ġie eżaminat b'mod partikolari jekk l-eżistenza ta’ impenji tali influwenzatx il-prezzijiet tal-passat ta’ l-esportazzjoni, b'mod li tagħmilhom inattendibbli għall-ħolqien ta’ mġiba futura ta’ l-esportazzjoni. Huwa nnutat ukoll li l-impenji fil-qasam ta’ prezzijiet ta’ Garware u Ester ġew irtirati fid-9 ta’ Marzu 2006, filwaqt li l-PIR ikopri l-perjodu mill-1 ta’ Lulju 2005 sat-30 ta’ Ġunju 2006. Kemm għal Garware kif ukoll għal Ester, instab li tranżazzjonijiet ta’ esportazzjoni li seħħew matul il-PIR meta l-impennji fil-qasam tal-prezzijiet kienu fis-seħħ saru fi prezzijiet li huma qrib biżżejjed tal-programm indikattiv multiannwali b'tali mod li jixħtu dubju fir-rigward ta’ jekk dawn il-prezzijiet jistgħux jitqiesu ta’ natura dejjiema u jistgħux jiġu ffissati independement mill-programm indikattiv multiannwali Raġunament simili kien diġà deskritt taħt it-(28) tar-Regolament tal-Kunsill (KE) Nru 366/2006 (11).

(40)

F'dak li għandu x'jaqsam ma’ Garware, tranżazzjonijiet li saru matul il-PIR wara l-irtirar ta’ l-impenji jkopru madwar 20 % tal-volum totali ta’ l-esportazzjonijiet u saru b'kontinwità wara l-irtirar ta’ l-impenji. Fid-dawl tal-volumi esportati wara li skada l-impenn fit-8 ta’ Marzu 2006, il-prezzijiet li saru għal dawn it-tranżazzjonijiet tqiesu bħala rappreżentazzjoni sinifikanti ta’ x'setgħet kienet il-politika ta’ pprezzar ta’ Garware fin-nuqqas ta’ l-impenji. Skond dan, il-prezzijiet li saru għal dawn it-tranżazzjonijiet intużaw għall-kalkolu tal-prezz ta’ l-esportazzjoni għal kwantitajiet kollha esportati minn Garware matul il-PIR sħiħ.

(41)

F'dak li għandu x'jaqsam ma’ Garware, tranżazzjonijiet li saru matul il-PIR wara l-irtirar ta’ l-impenji jkopru madwar 5 % tal-volum totali ta’ l-esportazzjonijiet u saru b'kontinwità wara l-irtirar ta’ l-impenji. Għalhekk, il-prezzijiet ta’ dawn it-tranżazzjonijiet ma jistgħux jitqiesu bħala rappreżentattivi tal-prezzijiet ta’ l-esportazzjoni li l-kumpanija kieku kellha tipprattika fin-nuqqas ta’ l-impenn. Kif diġà indikat taħt id-(39) hawn fuq, il-prezzijiet ta’ l-esportazzjoni lill-Komunità pprattikati minn Ester qabel l-irtirar ta’ l-impenji kienu qrib għall-programmi indikattivi multiannwali. Barra minn dan, instab li l-prezzijiet ta’ l-esportazzjoni ta’ Ester lil pajjiżi terzi oħra, kemm meta meqjusa fuq bażi tal-medja bil-piż differenzjat kif ukoll fuq bażi ta’ tip wara tip, kienu konsiderevolment aktar baxxi mill-prezzijiet lill-Komunità, u għalhekk huwa probabbli li, fin-nuqqas ta’ impenji dawn il-prezzijiet lill-Komunità jistgħu jkunu allinjati mal-prezzijiet magħmula għat-tipi li huma l-istess lejn pajjiżi terzi. Għalhekk ġie konkluż li l-prezzijiet ta’ l-esportazzjoni ta’ Ester lill-Komunità meta l-impenji kienu fis-seħħ ma setgħux jintużaw sabiex jistabbilixxu prezzijiet attendibbli ta’ l-esportazzjoni fi ħdan it-tifsira ta’ l-Artikolu 2(8) tar-Regolament bażiku, fil-kuntest tar-reviżjoni attwali ta’ l-iskadenza. Fid-dawl li Ester kienet qed tbiegħ il-prodott ikkonċernat fi kwantitajiet sostanzjali matul il-PIR fis-suq dinji, ġie deċiż li jiġi stabbilit prezz ta’ l-esportazzjoni fuq il-bażi ta’ prezzijiet realment imħallsa jew li jistgħu jitħallsu lill-pajjiżi terzi kollha għal dawk il-mudelli li nbiegħu lill-Komunità matul il-parti tal-PIR meta l-impenn kien fis-seħħ. Fil-parti tal-PIR wara l-irtirar ta’ l-impenn, il-prezz ta’ l-esportazzjoni ġie stabbilit fuq il-bażi ta’ prezzijiet realment imħallsa jew li jistgħu jitħallsu lill-Komunità.

(42)

Il-valur normali u l-prezz għall-esportazzjoni tqabblu fuq bażi ex-fabbrika. Sabiex ikun żgurat tqabbil ġust, saret konċessjoni xierqa fil-forma ta’ aġġustamenti għad-differenzi li jaffetwaw il-komparabilità tal-prezzijiet skond l-Artikolu 2(10) tar-Regolament bażiku. Għalhekk, saru aġġustamenti għal differenzi fit-trasport, assikurazzjoni, ġestjoni, tagħbija u spejjeż awżiljari, kummissjonijiet, ippakkjar u kreditu, fejn applikabbli u sostnuti b'evidenza vverifikata.

(43)

Il-produtturi esportaturi ddikjaraw, għal numru żgħir ta’ esportazzjonijiet, aġġustament fuq il-prezz ta’ l-esportazzjoni skond l-Artikolu 2(10)(k) tar-Regolament bażiku, ibbażat fuq l-ammont ta’ benefiċċji li wasal malli saret l-esportazzjoni taħt l-Iskema ta’ kreditu fuq id-dazji ta’ l-importazzjoni (Duty Entitlement Passbook Scheme “DEPB”) fuq bażi ta’ wara l-esportazzjoni. Taħt din l-iskema, il-krediti li waslu waqt l-esportazzjoni tal-prodott ikkonċernat setgħu jintużaw sabiex jagħmlu tajjeb għad-dazji doganali dovuti fuq importazzjonijiet ta’ kwalunkwe oġġett jew setgħu liberament jinbiegħu lil kumpaniji oħra. Barra minn dan, mhemm l-ebda restrizzjoni li l-oġġetti importati għandhom jintużaw biss fil-produzzjoni tal-prodott esportat. Il-produtturi ma wrewx li l-benefiċċju taħt l-iskema DEPB fuq bażi ta’ wara l-esportazzjoni affetwat il-komparabilità tal-prezz u, b'mod partikolari, li l-konsumaturi ħallsu konsistentament prezzijiet differenti fis-suq domestiku minħabba l-benefiċċji tad-DEPB. Għalhekk, id-dikjarazzjoni ġiet rifjutata.

(44)

Il-marġini tad-dumping kien stabbilit fuq il-bażi ta’ taqbbil ta’ valur normali tal-medja bil-piż differenzjat ma’ prezz ta’ esportazzjoni tal-medja bil-piż differenzjat, skond l-Artikolu 2(11) tar-Regolament bażiku. Fejn il-prezzijiet ta’ l-esportazzjoni kienu bbażati fuq prezzijiet ta’ pajjiżi terzi, valuri xierqa CIF ġew ikkalkolati billi żdied il-prezz ex-fabbrika lil pajjiżi terzi bid-differenza tal-medja bil-piż differenzjat, skodn it-tip tal-prodott, bejn il-livell tal-prezzijiet ex-fabbrika u dak CIF lejn il-Komunità.

(45)

It-tqabbil wera marġini tad-dumping fil-medda ta’ 15 % sa 25 %. Qed jitfakkar li nstab marġini negattiv tad-dumping għal Jindal (ara s-(26) hawn fuq).

(46)

Matul il-PIR, il-kapaċità awżiljari ta’ l-esportaturi Indjani kollha magħrufa kienet stmata għal 32 000 tunnellata. Minkejja dan, għandu jiġi nnutat li minn dan it-total, madwar 25 000 tunnellata huma attribwiti lil esportaturi Indjani b'dazju ta’ l-antidumping ta’ 0 %. Ir-revoka eventwali tal-miżuri ta’ l-antidumping probabbli se jkollha impatt insinifikanti fuq il-politika ta’ l-esportazzjoni ta’ dawn il-kumpaniji. Għalhekk, madwar 7 000 tunnellata biss huma attribwiti lil esportaturi Indjani b'dazju ta’ l-antidumping differenti minn 0 %. Il-kapaċità awżiljari imsemmija l-aħħar, li matul il-PIR kienet tirrappreżenta madwar 30 % tal-volum totali ta’ importazzjoni tal-prodott ikkonċernat mill-Indja għal ġewwa l-Komunità u 3 % tal-konsum tal-Komunità, tista' tiġi diretta lejn il-Komunità jekk il-miżuri jiġu revokati.

(47)

Fuq il-bażi ta’ tqabbil ta’ mudell ma’ ieħor, il-prezzijiet ta’ l-esportazzjoni lejn pajjiżi terzi ta’ esportaturi Indjani li ntgħażlu bħala kampjun b'marġini tad-dumping differenti minn 0 %, matul il-PIR, kienu 20 % sa 30 % anqas mill-prezzijiet ta’ l-esportazzjoni lejn il-Komunità ta’ l-istess produtturi esportaturi. Il-bejgħ ta’ dawn iż-żewġ esportaturi lejn pajjiżi terzi saru fi kwantitajiet sinifikanti, li jgħoddu għal 80 %-90 % tal-bejgħ totali tagħhom mill-esportazzjoni. Għalhekk, tqies li l-livell tal-prezz ta’ l-esportazzjoni lejn pajjiżi terzi oħra jista’ jidher bħala indikatur tal-livell tal-prezz probabbli għall-bejgħ mill-esportazzjoni lejn il-Komunità jekk il-miżuri jiġu revokati.

(48)

Uħud mill-akbar swieq ta’ esportazzjoni għat-tertuqa PET fid-dinja huma mħarsa minn tariffi għolja. B'mod partikolari, l-importazzjonijiet tat-teruqa PET mill-Indja lejn l-Istati Uniti ta’ l-Amerika huma soġġetti għal dazji ta’ l-antidumping li jvarjaw bejn 2,32 % u 24,11 % u dazji kompensatorji li jvarjaw bejn 9 % u 25,27 % skond l-esportatur Indjan ikkonċernat.

(49)

Għalhekk qed jiġi konkluż, fid-dawl tal-livelli relattivi tal-prezzijiet, li l-kapaċitajiet awżiljari u l-inċentivi osservati hawn fuq, hemm probabilità: (i) ta’ ssuktar ta’ dumping, (ii) ta’ żieda tal-kwantitajiet esportati lejn il-Komunità, jekk jintemmu l-miżuri ta’ l-antidumping li hemm fis-seħħ.

(50)

Erba' produtturi tal-Komunità (Dupont Teijin Films, Mitsubishi Polyester Film GmbH, Nuroll SpA u Toray Plastics Europe) ikkooperaw bis-sħiħ fl-investigazzjoni. Matul il-PIR, huma kienu jirrappreżentaw madwar 95 % tal-produzzjoni tal-Komunità. Għalhekk huma jikkostitwixxu l-industrija tal-Komunità fis-sens ta’ l-Artikolu 4(1) u l-Artikolu 5(4) tar-Regolament bażiku.

(51)

Huwa nnutat li l-qagħda fir-rigward tal-produzzjoni tal-Komunità tat-tertuqa PET inbidlet minn mindu saret l-investigazzjoni oriġinali. Fil-fatt, Kodak Industrie (Franza) ma għadhiex tipproduċi t-tertuqa PET fil-Komunità u 3M ittrasferiet l-attività tagħha lil I.T.P. SpA, (l-Italja) li qed toltera mill-ġdid l-impjanti tagħha fi produzzjonijiet ġodda u differenti. Għandu jiġi indikat ukoll li, minħabba li r-Repubblika Ċeka, mill-1 ta’ Mejju 2004 hija membru ta’ l-Unjoni Ewropea, il-kumpanija Fatra a.s. (stabbilita fir-Repubblika Ċeka) hija parti mill-produzzjoni tal-Komunità.

(52)

Id-determinazzjoni tal-konsum totali tal-Komunità kienet ibbażata fuq l-istatistika ta’ l-importazzjoni ta’ l-Eurostat, il-bejgħ lill-Komunità mill-industrija tal-Komunità u l-bejgħ ta’ produtturi oħra tal-Komunità.

Tabella 1

(53)

Meta mqabbel mas-sena 2003, il-konsum matul il-PIR żdied b'1 % (aktar minn 3 000 Tunnellata).

(54)

Il-volum ta’ l-importazzjonijiet fil-Komunità mill-Indja, żdied b'86 % bejn l-2003 u l-PIR u s-sehem mis-suq tela' minn 5 % għal 9 % filwaqt li l-prezzijiet naqsu bi 12 %. Id-data hija bbażata fuq l-istatistika ta’ l-Eurostat.

Tabella 2

(55)

L-importazzjonijiet mill-Brażil u l-Iżrael li nstabu li kienu qed iwettqu elużjoni kif imsemmi fit-(2) hawn fuq naqsu drastikament wara l-estensjoni ta’ dawn l-importazzjonijiet tal-miżuri ta’ l-antidumping imposti fuq importazzjonijiet mill-Indja. Il-prezzijiet tat-tertuqa PET li toriġina f'dawn il-pajjiżi telgħu b'219 % wara li ġew imposti l-miżuri ta’ kontra l-elużjoni.

Tabella 3

(56)

Minkejja dan, għandu jitqies il-fatt li nstab li Jindal ma kinitx qed twettaq dumping fl-investigazzjoni attwali, u li kumpaniji oħra (notevolment Flex Industries Limited u Polyplex Corporation Limited) ma nstabux li kienu qed iwettqu dumping f'investigazzjonijiet li saru qabel. Skond dan, għall-investigazzjoni attwali se jitqiesu biss importazzjonijiet biss li huma l-oġġett ta’ dumping mill-Indja u importazzjonijiet li nstabu li kienu qed jeludu. Importazzjonijiet li huma l-oġġett ta’ dumping u importazzjonijiet soġġetti għal dazji ta’ kontra l-elużjoni naqsu b'70 % bejn l-2003 u l-PIR – ara t-Tabella 4 hawn taħt. It-tnaqqis drastiku ta’ dawn l-importazzjonijiet fil-biċċa l-kbira tiegħu, huwa dovut għall-impożizzjoni tal-miżuri ta’ kontra l-elużjoni fuq importazzjonijiet mill-Brażil u l-Iżrael.

Tabella 4

(57)

Importazzjonijiet minn pajjiżi terzi oħra telgħu b'24 % matul il-perjodu meqjus (minn madwar 62 000 Tunnellata fl-2003 għal madwar 77 000 Tunnellata matul il-PIR) u s-sehem mis-suq fil-Komunità li jikkorrispondi ma’ dawn l-importazzjonijiet żdiedu b'ħames punti perċentwali (minn 25 % għal 30 %). L-importazzjonijiet ewlenini saru mill-Korea t'Isfel, l-Istati Uniti ta’ l-Amerika, it-Tajlandja u l-Emirati Għarab Magħquda. Il-prezz medju għal kull Tunnellata naqas bi 11 % bejn l-2003 u l-PIR. Iċ-ċifri huma bbażati fuq is-data ta’ l-Eurostat.

Tabella 5

(58)

Skond l-Artikolu 3(5) tar-Regolament bażiku, il-Kummissjoni eżaminat il-fatturi u l-indiċi ekonomiċi kollha rilevanti li għandhom piż fuq l-istat ta’ l-industrija Komunitarja.

(59)

Matul il-perjodu meqjus il-kapaċità baqgħet stabbli (madwar 190 000 tunnellata) u l-użu tal-produzzjoni u tal-kapaċità naqset b'4 %.

Tabella 6

(60)

Ħażniet tal-prodott ikkonċernat naqsu bejn l-2003 u l-2004 minn 23 929 tunnellata għal 22 241 tunnellata, żdiedu bi ftit fl-2005 u naqsu għal 21 272 tunnellata matul il-PIR. It-tnaqqis kien fil-biċċa l-kbira dovut għat-tnaqqis fil-produzzjoni

Tabella 7

(61)

Il-volum mibjugħ mill-industrija tal-Komunità lil konsumaturi mhux relatati fis-suq tal-Komunità naqas b'5 % bejn l-2003 u l-2005 minn 142 755 Tunnellata għal 135 956 Tunnellata, żdied bi ftit bejn l-2005 u l-PIR iżda laħaq bl-eżatt 98 % tal-livell tal-bejgħ fl-2003. Bejgħ lil kumpaniji relatati kienu negliġibbli (huma kienu jifirxu bejn 200 u 300 Tunnellata kull sena tal-perjodu meqjus). Barra minn dan, is-sehem mis-suq ta’ l-industrija tal-Komunità naqas b’2 punti ta’ perċentwali bejn l-2003 u l-PIR.

Tabella 8

(62)

Il-prezzijiet tal-bejgħ ta’ l-unità naqsu bi 2 % matul il-perjodu meqjus (minn 2 891 EUR/Tunnellata fl-2003 għal 2 819 EUR/Tunnellata matul il-PIR) kif ukoll l-ispiża medja għal kull Tunnellata li nbidlet minn 3 216 EUR/Tunnellata fl-2003 għal 3 137 EUR/Tunnellata matul il-PIR. It-tnaqqis fl-ispejjeż seħħ minkejja l-fatt li l-ispiża medja tal-biċċa l-kbira tal-materja prima (minħabba li għolew il-prezzijiet taż-żejt) żdiedet sostanzjalment. Dawn iċ-ċifri juru li, sabiex jiġi evitat li jintilef wisq mis-sehem tas-suq, l-industrija tal-Komunità ma kinitx f'pożizzjoni li tkopri kompletament l-ispiża tal-produzzjoni bil-prezzijiet tagħha tal-bejgħ.

Tabella 9

(63)

Matul il-perjodu meqjus, l-industrija tal-Komunità tilfet sehem mis-suq f’suq li qiegħed jikber bi ftit.

(64)

Il-livell ta’ impjieg mill-industrija tal-Komunità naqas bi 13 % bejn l-2003 u l-PIR. Minkejja li l-paga medja għal kull impjegat żdiedet b'5 %, twettaq sforz ta’ razzjonalizzazzjoni u l-produttività għal kull impjegat żdiedet b'9 %. Għalhekk il-livell ta’ l-ispejjeż għal kull Tunnellata prodotta naqsu b'4 %.

Tabella 10

(65)

Il-profittabilità fuq il-bejgħ tirrappreżenta l-profitt iġġenerat mill-bejgħ tal-prodott ikkonċernat fil-Komunità. Id-dħul mill-investiment ġie kkalkolat fuq il-bażi ta’ dħul mill-assi totali.

(66)

Il-profittabilità u d-dħul mill-investiment fuq il-bejgħ tal-prodott ikkonċernat lil konsumaturi mhux relatati fil-Komunità baqgħu negattivi matul il-perjodu sħiħ ikkonċernat, minkejja titjib żgħir fl-2004 u l-2005. Matul il-PIR, kemm il-profittabilità kif ukoll id-dħul mill-investiment kienu partikolarment baxxi (il-profittabilità – 11 % u d-dħul mill-investiment – 3.1 %) wara li kienu waqgħu mill-ġdid fl-2005.

Tabella 11

(67)

Ix-xejra għal-likwidità ddeterjorat b'mod partikolari matul il-PIR.

Tabella 12

(68)

Bejn l-2003 u l-PIR, l-investimenti għall-produzzjoni tat-tertuqa PET naqsu bi 18 %. Matul il-PIR, il-valur ta’ l-investimenti żdied b'6 % meta mqabbel mal-qagħda fl-2005 iżda meta mqabbel ma’ l-2003, baqa' f'livell aktar baxx. Matul l-investigazzjoni nstab li l-investimenti saru fil-biċċa l-kbira tagħhom sabiex itejbu l-kwalità tal-prodott u sabiex jippreservaw l-istess kapaċità ta’ produzzjoni.

(69)

Il-livell baxx ta’ investimenti huwa spjegat fil-biċċa l-kbira tiegħu mill-fatt li kumpaniji prinċipali ta’ l-industrija tal-Komunità ma dehrux interessati li jinvestu jew jagħtu garanziji għal investimenti f'attivitajiet mhux bi profitt bħal pereżempju l-produzzjoni tat-tertuqa PET fl-Ewropa.

(70)

L-analiżi fir-rigward tal-kobor tad-dumping trid tqis il-fatt li hemm miżuri fis-seħħ sabiex jeliminaw id-dumping li jagħmel ħsara. Kif indikat hawn fuq, it-tagħrif disponibbli jindika li wieħed mill-produtturi esportaturi għadu jbiegħ lill-Komunità bi prezzijiet li huma l-oġġett ta’ dumping. Minkejja li l-marġini tad-dumping li nstab huwa sinifikanti, l-impatt tiegħu fuq il-qagħda ta’ l-industrija tal-Komunità matul il-PIR ma kienx sinifikanti fid-dawl li s-sehem mis-suq ta’ importazzjonijiet li huma l-oġġett ta’ dumping mill-Indja u importazzjonijiet li nstabu li kienu qed jeludu kienu jikkostitwixxu 1 % tal-konsum totali tal-Komunità. Jindal ċertament ikkontribwiet għall-aggravar tal-qagħda ta’ l-industrija tal-Komunità. Minkejja dan, għandu jitqies ukoll, anki jekk importazzjonijet minn Jindal jiġu esklużi mill-analiżi, li l-industrija tal-Komunità ma kinitx se tkun kapaċi tirkupra mid-dumping passat wara l-impożizzjoni tal-miżuri ta’ l-antidumping fl-2001, minħabba elużjoni (li kontriha l-miżuri ttieħdu biss fl-aħħar ta’ l-2004) u l-inadattezza ta’ l-impenji li ġew irrevokati biss is-sena l-oħra. Ma għandu jintnesa li qabel l-impożizzjoni tad-dazji ta’ kontra l-elużjoni u r-revoka ta’ l-impenji l-livell ta’ importazzjonijiet minn kumpaniji Indjani li nstabu li kienu qed iwettqu dumping kien iktar minn tliet darbiet ogħla matul il-PIR.

(71)

Il-volum ta’ tertuqa tal-PET li huwa kkonsmat fis-suq tal-Komunità espanda b'1 %, filwaqt li l-volum tal-bejgħ mill-industrija tal-Komunità naqas bi 2 %.

(72)

Il-qagħda ekonomika fl-industrija tal-Komunità marret lura fir-rigward tal-biċċa l-kbira tal-fatturi tal-ħsara: produzzjoni, kapaċità ta’ produzzjoni u użu tal-kapaċità (– 4 %), volum tal-bejgħ (– 2 %) u valur (– 5 %), sehem mis-suq (– 2 punti perċentwali), likwidità u profittabilità, attività ta’ l-investiment u dħul mill-investiment.

(73)

L-isforzi ta’ ristrutturar li saru mill-industrija tal-Komunità f'termini ta’ impjieg, tnaqqis ta’ l-ispejjeż u ż-żieda fil-produttività għal kull impjegat ma setgħux iservu ta’ kontrabilanċ għall-impatt taż-żieda tal-prezzijiet tal-materja prima matul il-perjodu meqjus. L-ispiża tal-produzzjoni kienet ogħla mill-prezz tal-bejgħ. Dan kollu ħabat mal-livell baxx ta’ prezz ta’ importazzjonijiet li huma l-oġġett ta’ dumping mill-Indja u pajjiżi oħra li nstabu li kienu qed jeludu. Minkejja dan, huwa nnutat li l-pressjoni tal-prezz fuq l-industrija tal-Komunità kienet ikkawżata parzjalment mill-importazzjonijiet minn Jindal, li instabet li ma kinitx qed twettaq dumping matul il-PIR, li kienet tgħodd għal madwar 90 % ta’ l-importazzjonijiet totali tat-tertuqa PET mill-Indja.

(74)

Wara li jiġi kkunsidrat dan ta’ hawn fuq, il-qagħda ta’ l-industrija tal-Komunità għadha prekarja u kull żieda ta’ l-importazzjonijiet li huma l-oġġett ta’ dumping probabbli li tiggrava din il-qagħda.

(75)

Kif iddikjarat qabel, il-qagħda ta’ l-industrija tal-Komunità għadha prekarja. Għandu jkun hemm żieda sinifikanti ta’ l-importazzjonijiet li huma l-oġġett ta’ dumping kieku kellhom jitneħħew il-miżuri ta’ l-antidumping. Kif indikat qabel fis-(46), l-esportaturi Indjani soġġetti għal dazju ta’ l-antidumping għandhom il-potenzjal li jżidu l-volumi ta’ l-esportazzjoni sa punt sinifikanti u, kif indikat fit-(48) uħud mill-akbar swieq ta’ esportazzjoni għat-tertuqa PET fid-dinja huma protetti minn tariffi għolja, b'mod partikolari, is-suq tat-tertuqa PET fl-Istati Uniti ta’ l-Amerika.

(76)

Fin-nuqqas ta’ dazji ta’ l-antidumping, importazzjonijiet Indjani li huma l-oġġett ta’ dumping jistgħu jeżerċitaw pressjoni sinifikanti ta’ prezz fis-suq tal-Komunità. Għalhekk, hemm indikazzjoni ċara għal probabilità ta’ rikorrenza ta’ ħsara.

(77)

B'kunsiderazzjoni għal dan ta’ hawn fuq, jekk l-industrija tal-Komunità kellha tkun esposta għal volumi miżjuda ta’ importazzjonijiet mill-Indja fi prezzijiet li huma l-oġġett ta’ dumping, dan jikkawża deterjorazzjoni ulterjuri tal-qagħda finanzjarja. Għalhekk, fuq din il-bażi, il-konklużjoni hija li r-revoka tal-miżuri kontra l-Indja, fil-probabilità kollha, se tirriżulta f'rikorrenza tal-ħsara lill-industrija tal-Komunità.

(78)

Skond l-Artikolu 21 tar-Regolament bażiku, ġie eżaminat jekk il-preservazzjoni tal-miżuri attwali ta’ l-antidumping tmurx kontra l-interess tal-Komunità bħala entità sħiħa.

(79)

Skond l-Artikolu 21 tar-Regolament bażiku, ġie eżaminat jekk id-determinazzjoni ta’ l-interess tal-Komunità kienx ibbażat fuq approvazzjoni ta’ l-interessi kollha involuti, jiġifieri ta’ l-industrija tal-Komunità, l-importaturi u l-utenti tal-prodott ikkonċernat.

(80)

Għandu jitfakkar li, fl-investigazzjoni oriġinali, l-adozzjoni ta’ miżuri tqieset li ma kinitx kontra l-interess tal-Komunità. Barra minn dan, il-fatt li l-investigazzjoni attwali hija reviżjoni, u għalhekk analiżi tal-qagħda li fiha l-miżuri ta’ l-antidumping huma diġà fis-seħħ, jippermetti il-valutazzjoni ta’ kull impatt eċċessiv negattiv fuq il-partijiet ikkonċernati mill-miżuri attwali ta’ l-antidumping.

(81)

Fuq din il-bażi, ġie eżaminat jekk, minkejja l-konklużjonijiet dwar il-probabilità ta’ rikorrenza ta’ dumping ta’ ħsara, kinux jeżistu raġunijiet kompulsivi li jistgħu jwasslu għall-konklużjoni li mhux fl-interess tal-Komunità li l-miżuri f’dan il-każ partikolari ikunu ppreservati.

(82)

Sabiex tivverifika l-impatt probabbli ta’ l-impożizzjoni jew in-nuqqas ta’ impożizzjoni ta’ miżuri ntalab tagħrif mill-partijiet interessati kollha li jew kienu magħrufin li huma kkonċernati jew li għamlu lihom infushom magħrufa. Fuq din il-bażi, il-Kummissjoni bagħtet kwestjonarji lill-industrija tal-Komunità, disa' importaturi mhux relatati u 23 utent. Barra minn hekk, il-Kummissjoni kkuntattjat ukoll lill-produtturi l-oħra kollha magħrufa tal-Komunità li ma tawx it-tagħrif li mitlub għall-kooperazzjoni fl-investigazzjoni sabiex jinkiseb it-tagħrif bażiku dwar il-produzzjoni u l-bejgħ tagħhom.

(83)

Qed jitfakkar li l-industrija ta-Komunità għadha f'qagħda vulnerabbli kif stipulat fil-(58) sa (74).

(84)

It-tkomplija tal-miżuri hi mistennija li ttaffi tagħwiġ fis-suq u trażżin fil-prezzijiet. Il-miżuri għandhom jippermettu lill-industrija tal-Komunità sabiex għall-inqas tippreserva l-bejgħ tagħha u tgawdi mill-ekonomiji ta’ l-iskala.

(85)

Inkella, jekk jintemmu l-miżuri ta’ l-antidumping, x’aktarx li x-xejra negattiva tal-qagħda finanzjarja ta’ l-industrija tal-Komunità tissokta jekk ma tmurx għall-agħar. L-industrija Komunitarja hi mmarkata b'mod partikolari minn nuqqas ta’ dħul minħabba l-prezzijiet imnaqqsa u sehem mis-suq li qiegħed jiċkien.

(86)

Skond dan, it-tkomplija tal-miżuri ta’ l-antidumping għandha tkun fl-interess ta’ l-industrija tal-Komunità.

(87)

Importatur/utent wieħed u erba' utenti biss ikkooperaw ma’ l-investigazzjoni u taw tweġibiet sħaħ. Huma jirrappreżentaw 16.3 % tal-konsum totali tal-Komunità ta’ tertuqa PET u indikaw li, l-prolongazzjoni tad-dazji ta’ l-antidumping ma għandu jkollhom l-ebda impatt maġġuri fuq il-kumpaniji tagħhom.

(88)

Meta jitqiesu l-fatturi kollha ta’ hawn fuq, huwa konkluż li l-impożizzjoni tal-miżuri ma għandhiex tħalli effett negattiv sinifikanti, jekk fil-fatt tħalli effett tali, fuq il-qagħda ta’ l-utenti u l-importaturi tal-prodott ikkonċernat.

(89)

Fuq din il-bażi, qed jiġi konkluż li mhemm l-ebda raġuni perswassiva li minħabba fiha ma għandhomx jitkomplew il-miżuri ta’ l-antidumping fuq il-bażi ta’ l-interess tal-Komunità.

(90)

Il-partijiet kollha kienu informati bil-fatti u l-konsiderazzjonijiet essenzali li fuq il-bażi tagħhom hemm l-intenzjoni li tiġi rrakkomandata l-preservazzjoni tal-miżuri attwali. Huma ngħataw ukoll perjodu biex jagħmlu rappreżentazzjonijiet sussegwenti din l-espożizzjoni.

(91)

Fuq il-bażi tal-fatti u l-konsiderazzjonijiet ta’ hawn fuq, huwa konkluż li, skond l-Artikolu 11(3) tar-Regolament bażiku, ir-reviżjoni parżjali interim limitata għal Jindal għandha tintemm u għandu jiġi ppreservat id-dazju ta’ l-antidumping ta’ 0 % fl-investigazzjoni oriġinali fuq importazzjonijiet tat-tertuqa PET prodotta u esportata lill-Komunità Ewropea minn Jindal

(92)

Fir-rigward tar-reviżjoni ta’ l-iskadenza, kif prevista fl-Artikolu 11(2) tar-Regolament bażiku u fuq il-bażi tas-sejbiet ta’ hawn fuq, il-miżuri ta’ l-antidumping applikabbli għall-importazzjonijiet tat-tertuqa PET mill-Indja għandhom jiġu ppreservati,

(1)

Dazji definittivi ta’ l-antidumping applikabbli għal importazzjonijiet ta’ compact disks li jistgħu jkunu rrekordjati li joriġinaw fit-Tajwan ġew imposti fit-18 ta’ Ġunju 2002 bir-Regolament tal-Kunsill (KE) Nru 1050/2002 tat-13 ta’ Ġunju 2002 li jimponi dazju definittiv ta’ anti-dumping u li jiġbor b’mod definittiv id-dazju proviżorju impost fuq importazzjonijiet ta’ compact disks li wieħed jista’ jirrekordja fuqhom li joriġinaw mit-Tajwan (3) (“il-proċediment oriġinali ta’ l-antidumping”). Huma kienu jifirxu minn 17,7 % sa 38,5 %. Dawn il-miżuri skadew ipso iure fit-18 ta’ Ġunju 2007 bi qbil ma’ l-Avviż tal-Kummissjoni dwar l-iskadenza ta’ ċerti miżuri ta’ anti-dumping (4).

(2)

Dazji definittivi kompensatorji fuq importazzjonijiet ta’ compact disks li wieħed jista’ jirrekordja fuqhom (“CD-Rs”) li joriġinaw mill-Indja ġew imposti fil-5 ta’ Ġunju 2003 bir-Regolament tal-Kunsill (KE) Nru 960/2003 tat-2 ta’ Ġunju 2003 li jimponi dazju definittiv kompensatorju fuq importazzjonijiet ta’ compact disks li wieħed jista’ jirrekordja fuqhom li joriġinaw mill-Indja (5). Huma kienu jammontaw għal 7,3 %.

(3)

Permezz tad-Deċiżjoni 2006/753/KE (6), il-Kummissjoni temmet proċediment ta’ l-antidumping fir-rigward ta’ importazzjonijiet ta’ CD-Rs li joriġinaw mir-Repubblika Popolari taċ-Ċina (‘RPĊ’), Ħong Kong u l-Malażja fuq bażi ta’ nuqqas ta’ interess tal-Komunità fl-impożizzjoni ta’ miżuri (“Id-Deċiżjoni ta’ terminazzjoni”). Ġie konkluż li minħabba s-sehem żgħir mis-suq li għandha l-industrija tal-Komunità ma kinitx probabbli li se tikseb xi benefiċċji sinifikanti mill-impożizzjoni tal-miżuri. Għalhekk l-impożizzjoni tal-miżuri tqieset bħala sproporzjonata fid-dawl ta’ l-effetti negattivi sostanzjali fuq importaturi, distributuri, sidien tal-ħwienet u konsumaturi

(4)

L-inizjazzjoni ta’ reviżjoni parzjali interim tal-miżuri ta’ l-antidumping applikabbli għal importazzjonijiet ta’ compact disks li jistgħu jiġu rrekordjati li joriġinaw fit-Tajwan u ta’ reviżjoni parzjali interim tal-miżuri kompensatorji applikabbli għall-importazzjonijiet ta’ compact disks li jistgħu jiġu rrekordjati li joriġinaw fl-Indja tħabbret fit-22 ta’ Marzu 2007 fil-Ġurnal Uffiċjali ta’ l-Unjoni Ewropea (“l-avviż ta’ inizjazzjoni”) (7).

(5)

Ir-reviżjonijiet, li ġew inizjati fuq inizjattiva proprja tal-Kummissjoni, kienu limitati t-tnejn fl-ambitu għall-eżaminazzjoni ta’ l-interess tal-Komunità, bid-deċiżjoni dwarha possibilment b’effett retroattiv sa mill-5 ta’ Novembru 2006, jiġifieri d-data tad-dħul fis-seħħ tad-Deċiżjoni ta’ terminazzjoni. Bl-għan ta’ effiċjenza proċedurali, ir-reviżjonijiet kemm ta’ dazji applikabbli ta’ l-antidumping għal importazzjonijiet ta’ CD-Rs mit-Tajwan kif ukoll ta’ dazji kompensatorji applikabbli għal importazzjonijiet ta’ CD-Rs mill-Indja ġew ikkumbinati f’investigazzjoni waħda.

(6)

Kif imsemmi hawn fuq, il-miżuri ta’ l-antidumping imposti fuq importazzjonijiet li joriġinaw fit-Tajwan skadew fit-18 ta’ Ġunju 2007. Bħala konsegwenza, ir-reviżjoni li għandha x’taqsam mat-Tajwan twaqqfet milli titkompla. Minkejja dan, hija twettqet formalment sa dik id-data u l-Kummissjoni notevolment qieset il-kwistjoni ta’ revoka retroattiva ta’ dazji mħallsa bejn il-5 ta’ Novembru 2006 u t-18 ta’ Ġunju 2007.

(7)

Minħabba l-ħtieġa għal effiċjenza proċedurali u sabiex tiżgura konsistenza globali ta’ l-azzjonijiet tagħha, il-Kummissjoni kkombinat il-konklużjonijiet taż-żewġ reviżjonijiet fir-Regolament attwali.

(8)

Il-Kummissjoni avżat uffiċjalment kemm lill-produtturi, importaturi u l-utenti tal-Komunità kif ukoll lill-esportaturi u lir-rappreżentanti ta’ l-Indja u t-Tajwan dwar l-inizjazzjoni tal-proċediment. Il-partijiet interessati kollha ngћataw l-opportunità sabiex jagћtu l-opinjonijiet tagћhom bil-miktub u sabiex jitolbu seduta fil-limitu ta’ żmien stabbilit fl-avviż ta’ l-inizjazzjoni. Minħabba l-fatt li r-reviżjonijiet kienu limitati għall-aspetti ta’ l-interess tal-Komunità, il-Kummissjoni stiednet biss partijiet li jinsabu fil-Komunità, il-produtturi, l-importaturi u l-utenti tal-Komunità sabiex jimlew il-kwestjonarji. Tweġibiet għall-kwestjonarji waslu mingħand produttur wieħed, 14-il importatur, u 10 utenti.

(9)

Il-Kummissjoni rċeviet ukoll ittra mill-Kumitat tal-Manifatturi Ewropej ta’ CD-Rs (“CECMA”) li kien jirrappreżenta l-kwerelant fil-proċedimenti oriġinali ta’ l-antidumping u ta’ kontra s-sussidju u fil-proċedimenti konklużi permezz tad-Deċiżjoni ta’ terminazzjoni – kif ukoll ittra mill-ex rappreżentant tal-Kumpanija D fid-Deċiżjoni ta’ terminazzjoni.

(10)

Apparti dan, is-servizzi tal-Kummissjoni rċevew preżentazzjonijiet minn partijiet oħra interessati notevolment minn distributuri u fornituri ta’ esportatur Indjan.

(11)

Is-servizzi tal-Kummissjoni analizzaw kif xieraq il-preżentazzjonijiet u l-argumenti kollha li tressqu mill-partijiet interessati. Minkejja dan, fid-dawl ta’ l-istat tal-produzzjoni tal-Komunità, il-konklużjonijiet tar-reviżjoni attwali għandhom ikunu limitati għall-identifikazzjoni ta’ l-industrija tal-Komunità.

(12)

L-investigazzjoni ta’ aspetti ta’ interess tal-Komunità kopriet il-perjodu mill-1 ta’ Jannar 2006 sal-31 ta’ Diċembru 2006 (“il-perjodu ta’ l-investigazzjoni’ jew ”PI’). L-eżaminazzjoni tax-xejriet rilevanti għall-valutazzjoni ta’ l-interess tal-Komunità kopriet il-perijodu mill-1 ta’ Jannar 2003 sat-tmiem tal-perijodu ta’ l-investigazzjoni (“il-perijodu meqjus”).

(13)

Il-prodott taħt reviżjoni huwa compact disks li jistgħu jiġu rrekordjati (CD-Rs) li joriġinaw mill-Indja (“il-prodott ikkonċernat”), li bħalissa klassifikabbli fi ħdan il-kodiċi NM ex 8523 40 11 . Din il-kodiċi NM qed tingħata biss bħala tagħrif.

(14)

L-istess prodott li joriġina fit-Tajwan kien taħt reviżjoni bejn it-22 ta’ Marzu 2007 meta l-avviż ta’ inizjazzjoni kien ippubblikat u t-18 ta’ Ġunju 2007 meta d-dazji ta’ l-antidumping applikabbli għall-importazzjonijiet ta’ CD-Rs mit-Tajwan skadew.

(15)

Il-prodott ikkonċernat huwa diska tal-polikarbonat, miksija b’saff ta’ żebgħa, saff ta’ materjal li jirrifletti u saff protettiv. Minkejja li rrekordjar fuq diski bħal dawn jista’ jsir f’diversi fażijiet, it-tagħrif irrekordjat ma jistax jitħassar. Id-diska hija strument ta’ ħażna ottika għal data jew ħoss diġitali.

(16)

Is-CD-Rs jistgħu jiġu differenzjati skond it-tip ta’ data maħżuna (CD-Rs tad-data meta mqabbla ma’ CD-Rs tal-mużika), il-volum tal-ħażna, is-saffa tal-metall li jirrifletti u skond jekk is-CD-Rs għandhomx stampar fuqhom jew le. It-tipi kollha ta’ CD-Rs għandhom l-istess karatteristiċi fiżiċi u tekniċi u jintużaw għall-istess għanijiet. Għalhekk meqjusa li jikkostitwixxu prodott uniku wieħed.

(17)

Fil-qafas tal-proċedimenti attwali ma saru l-ebda kummenti li sfidaw il-komparabilità ta’ CD-Rs importati lejn il-Komunità jew prodotti fiha. Fuq din il-bażi t-tipi kollha ta’ CD-Rs li joriġinaw fl-Indja jew it-Tajwan u li huma prodotti fil-Komunità huma meqjusa bħala simili fis-sens ta’ l-Artikolu 1(4) tar-Regolament bażiku ta’ l-antidumping u l-Artikolu 1(5) tar-Regolament bażiku ta’ kontra s-sussidju.

(18)

F’dawn il-proċedimenti (ara l-premessa 28, u 58 et seq. tad-Deċiżjoni ta’ terminazzjoni), is-servizzi tal-Kummissjoni stabbilew li l-produzzjoni tal-Komunità fis-sens ta’ l-Artikolu 4(1) tar-Regolament bażiku kienet ikkostitwita minn 10 produtturi. Wieħed minnhom biss tqies li jikkostitwixxi l-industrija tal-Komunità fis-sens ta’ l-Artikolu 4(1) u l-Artikolu 5(4) tar-Regolament bażiku ta’ l-antidumping (Manufacturing Advanced Media (“MAM-E”).

(19)

L-ebda produttur li tqies li jikkostitwixxi l-produzzjoni tal-Komunità fid-Deċiżjoni ta’ terminazzjoni ma kkoopera fil-proċediment attwali.

(20)

Barra minn dan, il-Kummissjoni rċeviet evidenza li l-unika kumpanija li tikkostitwixxi l-industrija tal-Komunità fil-proċediment li wassal għad-Deċiżjoni ta’ terminazzjoni għaddiet mill-proċedimenti ta’ xoljiment. Dan kien ikkonfermat fl-ittra mibgħuta mill-ex rappreżentant tagħha. Il-Kummissjoni rċeviet ukoll kopja ta’ deċiżjoni tal-qorti li tat bidu għall-proċedimenti ta’ likwidazzjoni, li permezz tagħha ntemmu l-attivitajiet tal-kumpanija. Il-kwestjonarju mibgħut mill-Kummissjoni ntbagħat lura bl-annotazzjoni – “liquidation judiciaire”.

(21)

Barra minn dan, għalkemm CECMA stqarr li huwa jappoġġja l-impożizzjoni ssuktata ta’ miżuri, ma ppreżenta l-ebda kwestjonarju jew evidenza f’isem ebda produttur tal-Komunità – membru ta’ l-assoċjazzjoni.

(22)

Kumpanija oħra (il-Kumpanija A, kif identifikata fid-Deċiżjoni ta’ terminazzjoni) għarrfet lill-Kummissjoni li hija temmet il-produzzjoni fil-Komunità.

(23)

Fl-aħħar nett, il-Kummissjoni rċeviet ukoll tweġiba mill-Kumpanija B (kif identifikata fid-Deċiżjoni ta’ terminazzjoni). L-ebda evidenza ma ġiet ippreżentata li tista’ tikkontradixxi s-sejbiet stipulati fid-Deċiżjoni ta’ terminazzjoni, jiġifieri li l-kumpanija B ma għandhiex tiġi inkluża fid-definizzjoni ta’ l-industrija tal-Komunità u li l-produzzjoni tagħha għandha tiġi eskluża mid-definizzjoni tal-produzzjoni tal-Komunità (ara l-premessa 40 tad-Deċiżjoni ta’ terminazzjoni).

(24)

Fuq din il-bażi qed jiġi konkluż li ma fadal l-ebda industrija tal-Komunità, u konsegwentement l-ebda interess tal-Komunità.

(25)

Fid-dawl tas-sejbiet ta’ hawn fuq, il-miżuri ta’ l-antidumping applikabbli għall-importazzjonijiet ta’ CD-Rs li joriġinaw mit-Tajwan u l-miżuri kompensatorji applikabbli għall-importazzjonijiet ta’ CD-Rs li joriġinaw fl-Indja għandhom jiġu revokati b’effett retroattiv għad-data meta daħlet fis-seħħ id-Deċiżjoni ta’ terminazzjoni.

(26)

Konsegwentement, id-dazji definittivi ta’ l-antidumping li tħallsu jew li ddaħlu bħala entrati fil-kontijiet skond ir-Regolament tal-Kunsill (KE) Nru 1050/2002 dwar importazzjonijiet ta’ CD-Rs li joriġinaw mit-Tajwan u d-dazji kompensatorji definittivi mħallsa jew li ddaħħlu bħala entrati fil-kontijiet skond ir-Regolament (KE) Nru 960/2003 dwar importazzjonijiet ta’ CD-Rs li joriġinaw mill-Indja, u rilaxxati għal ċirkolazzjoni ħielsa sa mill-5 ta’ Novembru 2006 għandhom jiġi rifużi jew rimessi.

(27)

Ir-rifużjoni jew ir-remissjoni għandha tiġi rikjesta mill-awtoritajiet doganali nazzjonali skond il-leġiżlazzjoni doganali applikabbli.

(1)

Il-prodott ikkonċernat minn din ir-reġistrazzjoni huwa mandolin ippreparat jew ippriżervat (inklużi l-varjetajiet tangerines u satsumas), klementini, wilkings u ibridi taċ-ċitru simili oħrajn, mingħajr spirti miżjuda, sew jekk miżjuda biz-zokkor jew sustanza oħra ta' ħlewwa, sew jekk le, u kif definit taħt l-intestatura NM 2008 , li joriġina mir-Repubblika Popolari taċ-Ċina (il-prodott ikkonċernat), normalment iddikjarat fi ħdan il-kodiċi NM 2008 30 55 , 2008 30 75 u ex 2008 30 90 .

(2)

Wara li rċeviet ilment mingħand il-Federazzjoni Nazzjonali Spanjola ta’ l-Assoċjazzjonijiet tal-Frott u l-Ħaxix Ipproċessat (FNACV) (minn hawn 'il quddiem “l-applikant”), il-Kummissjoni ddeterminat li hemm biżżejjed evidenza biex tiġġustifika l-bidu ta' proċediment u għalhekk, b'konformità ma' l-Artikolu 5 tar-Regolament bażiku, ħabbret permezz ta’ avviż fil-Ġurnal Uffiċjali ta’ l-Unjoni Ewropea (l-“Avviż ta’ Bidu”) il-bidu ta’ proċediment anti-dumping li jikkonċerna l-importazzjonijiet ta’ frott taċ-ċitru ppreparat jew ppriżervat (jiġifieri l-mandolin, eċċ.) li joriġinaw mir-Repubblika Popolari taċ-Ċina (2).

(3)

L-applikant jitlob ukoll li l-importazzjonijiet tal-prodott ikkonċernat isiru suġġetti għal reġistrazzjoni skond l-Artikolu 14(5) tar-Regolament bażiku ħalli l-miżuri jkunu jistgħu jiġu sussegwentement applikati fuq dawk l-importazzjonijiet mid-data ta’ dik ir-reġistrazzjoni.

(4)

Il-prodott ikkonċernat huwa attwalment suġġett ħafna għal miżuri ta’ ħarsien definittivi imposti mir-Regolament tal-Kummissjoni (KE) Nru 658/2004 (3). Dawn il-miżuri se jiskadu fit-8 ta' Novembru 2007.

(5)

Skond l-Artikolu 7(1) tar-Regolament Bażiku, ma jistgħux jiġu imposti miżuri provviżorji qabel 60 jum mill-bidu. Madankollu, skond l-Artikolu 10(4) tar-Regolament Bażiku, dazju definittiv anti-dumping jista’ jiġi intaxxat fuq prodotti li jkunu ddaħħlu għall-konsum mhux iktar minn 90 jum qabel id-data ta’ l-applikazzjoni tal-miżuri provviżorji, sakemm il-kondizzjonijiet stabbiliti fil-paragrafu jiġu sodisfatti, u l-importazzjonijiet ikunu ġew irreġistrati skond b'konformità ma’ l-Artikolu 14(5). Skond l-Artikolu 14(5) tar-Regolament Bażiku, il-Kummissjoni tista’, wara konsultazzjoni mal-Kumitat Konsultattiv, titlob lill-awtoritajiet tad-dwana jieħdu l-passi meħtieġa għar-reġistrazzjoni ta’ l-importazzjonijiet, ħalli l-miżuri jkunu jistgħu jiġu sussegwentement applikati fuq dawk l-importazzjonijiet mid-data ta’ dik ir-reġistrazzjoni. L-importazzjonijiet jistgħu jsiru suġġetti għal reġistrazzjoni wara talba mill-industrija Komunitarja li jkun fiha biżżejjed evidenza biex din l-azzjoni tiġi ġġustifikata.

(6)

It-talba fiha biżżejjed evidenza biex ir-reġistrazzjoni tkun iġġustifikata. Dan huwa appoġġjat iktar minn evidenza minn sorsi oħrajn.

(7)

Fir-rigward tad-dumping il-Kummissjoni għandha għad-dispożizzjoni tagħha biżżejjed evidenza prima facie li l-importazzjonijiet tal-prodott ikkonċernat li joriġina mir-Repubblika Popolari taċ-Ċina qegħdin jiġu ddampjati, u li l-esportaturi jeżerċitaw id-dumping. L-ilment anti-dumping u t-talba għal reġistrazzjoni fihom evidenza fir-rigward ta' prezzijiet ta' esportazzjoni marbuta ma' l-istaġun 2006/2007. Dan huwa appoġġjat iktar minn tagħrif li ħareġ minn data ta’ l-Eurostat u minn bosta offerti jew stqarrijiet ta’ prezzijiet ta’ esportazzjoni li ħarġu minn għadd ta' sorsi u indirizzati lil għadd ta’ importaturi. L-evidenza rigward il-valur normali, li tinsab fl-ilment anti-dumping u t-talba għal reġistrazzjoni, f’dan l-istadju u suġġetta għal aktar data li tista’ ssir disponibbli matul l-investigazzjoni, fiha data dettaljata li tikkonċerna l-prezzijiet domestiċi u l-ispejjeż tal-produzzjoni mill-produtturi kollha jew kważi, f'pajjiż analogu. F’dan l-istadju, din id-data, aġġustata sew għal spejjeż stmati ta’ trasport u spejjeż oħrajn, tidher li għandha x’taqsam ma’ l-istess prodott u żmien u l-istess livell ta’ kummerċ, u għalhekk tidher li hija komprabbli ħafna. Fuq kollox, u meta jitqies l-estent tal-marġini ta’ dumping allegat, din l-evidenza tipprovdi biżżejjed appoġġ f’dan l-istadju li l-esportaturi meqjusa jeżerċitaw id-dumping.

(8)

Fir-rigward tal-ħsara, il-Kummissjoni għandha għad-dispożizzjoni tagħha biżżejjed evidenza prima facie li l-prattiki ta’ dumping ta’ l-esportaturi qed joħolqu ħsara jew kieku joħolqu ħsara. Din l-evidenza fiha data dettaljata, li tinsab fl-ilment anti-dumping u t-talba għar-reġistrazzjoni u appoġġjati minn tagħrif minn sorsi oħrajn, li jikkonċernaw il-fatturi ewlenin ta' ħsara stabbiliti fl-Artikolu 3(5) tar-Regolament Bażiku. Barra minn hekk, l-evidenza marbuta ma’ l-investigazzjoni ta' ħarsien ta’ qabel tappoġġja l-fehma li, mingħajr il-miżura ta’ ħarsien, il-volum ta’ l-importazzjonijiet jiżdiedu b’mod sinifikanti, u li l-industrija Komunitarja tbati iktar ħsara.

(9)

Il-Kummissjoni għandha wkoll għad-dispożizzjoni tagħha biżżejjed evidenza prima facie, fl-ilment anti-dumping u t-talba għar-reġistrazzjoni u appoġġjata minn tagħrif minn sorsi oħrajn, li l-importaturi kienu jafu, jew misshom kienu jafu, li l-esportaturi jeżerċitaw dumping dannuż jew li x'aktarx ikun dannuż lill-industrija Komunitarja. Ġie ppubblikat avviż li jibda investigazzjoni f’dumping allegatament dannuż. Barra minn hekk, bosta artikli fl-istampa speċjalizzata matul żmien estiż jissuġġerixxu li l-industrija Komunitarja tista’ tbati ħsara minħabba importazzjonijiet bi prezzijiet baxxi miċ-Ċina. Fl-aħħar nett, meta jitqies l-estent tad-dumping li jidher li jista’ jkun qed jiġri, ikun raġjonevoli li jiġi konkluż li l-importaturi jkunu jafu, jew imisshom ikunu jafu, bis-sitwazzjoni.

(10)

Barra minn hekk, il-Kummissjoni għandha għad-dispożizzjoni tagħha biżżejjed evidenza prima facie li ħsara bħal din qiegħda ssir jew issir minn importazzjonijiet iddampjati fi kwantità fi żmien relattivament qasir li fid-dawl taż-żmien u l-volum ta’ l-importazzjonijiet iddampjati u ċirkostanzi oħrajn (bħal ħolqien malajr ta' inventarji) x'aktarx li jimmina serjament l-effett ta' rimedju ta' kwalunkwe dazji definittivi anti-dumping, sakemm dawn id-dazji ma jiġux applikati retroattivament. Din l-evidenza, li tinsab fl-ilment anti-dumping u t-talba għar-reġistrazzjoni u appoġġata minn tagħrif minn sorsi oħrajn, fiha tagħrif dwar in-natura tal-prodott, inkluż in-natura funġibbli u staġonali tiegħu, u l-fatt li jitqiegħed fil-laned u jista' jinħażen faċilment għal perjodi estensivi, u ttrasportat faċilment. Dan jagħmel possibbli wkoll il-ħolqien malajr ta’ inventarji. Barra minn hekk, l-evidenza mill-investigazzjoni ta’ ħarsien tikkonferma l-fehma li, fin-nuqqas ta’ kwalunkwe miżura, il-volum ta’ l-importazzjonijiet ikun għal darba oħra probabbli li jiżdied drammatikament. Dan hu partikolarment minnu, minħabba li l-iskadenza tal-miżura ta’ ħarsien taħbat ma’ ftit qabel il-bidu ta’ l-istaġun tat-tqegħid fil-laned.

(11)

Minħabba f’hekk, il-kundizzjonijiet għar-reġistrazzjoni f’dan il-każ ġew sodisfatti.

(12)

Fid-dawl ta’ li ntqal hawn fuq, il-Kummissjoni kkonkludiet li t-talba ta' l-applikant fiha biżżejjed evidenza biex l-importazzjonijiet tal-prodott ikkonċernat isiru suġġetti għal reġistrazzjoni, b'konformità ma' l-Artikolu 14(5) tar-Regolament bażiku.

(13)

Il-partijiet interessati kollha huma b’dan mistiedna jippreżentaw l-fehmiet tagħhom bil-miktub u li jipprovdu evidenza ta' sostenn. Barra minn hekk, il-Kummissjoni tista' tisma' partijiet interessati, sakemm dawn jagħmlu talba bil-miktub u juru li jeżistu raġunijiet partikolari għaliex għandhom jinstemgħu.

(14)

Skond l-Artikolu 14(5) tar-Regolament bażiku, l-importazzjonijiet tal-prodott ikkonċernat għandhom isiru suġġetti għal reġistrazzjoni sabiex jiġi żgurat li, jekk l-investigazzjoni tirriżulta f’sejbiet li jwasslu għall-impożizzjoni ta’ dazji anti-dumping, dawk id-dazji, ikunu jistgħu, jekk l-kundizzjonijiet neċessarji jiġu ssodisfatti, jiġu intaxxati retroattivament skond id-dispożizzjonijiet ġuridiċi applikabbli.

(15)

Kull responsabilità għall-ġejjieni tiġi mis-sejbiet ta’ l-investigazzjoni anti-dumping. L-allegazzjonijiet fl-ilment li jitlob il-bidu ta’ investigazzjoni jaqbżu l-50 % għad-dumping u t-30 % għad-danni.

(16)

Kull data personali miġbura f'din l-investigazzjoni se tkun ittrattata skond ir-Regolament (KE) Nru 45/2001 tat-18 ta' Diċembru 2000 tal-Parlament Ewropew u tal-Kunsill dwar il-protezzjoni ta' individwu fir-rigward ta' l-ipproċessar ta' data personali mill-istituzzjonijiet u l-korpi tal-Komunità u dwar il-movement liberu ta' dik id-data (4),