22.8.2007

MT

Il-Ġurnal Uffiċjali ta’ l-Unjoni Ewropea

L 217/1

---

REGOLAMENT TAL-KUMMISSJONI (KE) Nru 974/2007

tal-21 ta’ Awwissu 2007

li jistabbilixxi l-valuri fissi ta' l-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kummissjoni (KE) Nru 3223/94 ta' l-21 ta' Diċembru 1994 dwar regoli dettaljati għall-applikazzjoni ta' l-arranġamenti dwar l-importazzjoni tal-frott u l-ħxejjex (1), u b'mod partikolari l-Artikolu 4(1) tiegħu,

Billi:

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 3223/94 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)	Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

ADOTTAT DAN IR-REGOLAMENT:

Artikolu 1

Il-valuri fissi ta' l-importazzjoni msemmija fl-Artikolu 4 tar-Regolament (KE) Nru 3223/94 huma stabbiliti kif inhu indikat fit-tabella ta' l-Anness.

Artikolu 2

Dan ir-Regolament għandu jidħol fis-seħħ fit-22 ta’ Awwissu 2007.

---

(1)  ĠU L 337, 24.12.1994, p. 66. Regolament kif emendat l-aħħar bir-Regolament (KE) Nru 756/2007 (ĠU L 172, 30.6.2007, p. 41).

---

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/3

---

REGOLAMENT TAL-KUMMISSJONI (KE) Nru 975/2007

tal-21 ta’ Awwissu 2007

li jistipula l-livell kwantitattiv għall-esportazzjonijiet ta’ l-iżoglukożju barra mill-kwota għall-perjodu mill-1 ta’ Awwissu tat-30 ta’ Settembru 2007

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 318/2006 ta’ l-20 ta’ Frar 2006 dwar l-organizzazzjoni komuni tas-swieq fis-settur taz-zokkor (1), u b’mod partikolari l-Artikolu 12(d) tiegħu,

Billi:

(1)	Skond l-Artikolu 12(d) tar-Regolament (KE) Nru 318/2006 l-iżoglukożju li jiġi prodott aktar mill-kwota msemmija fl-Artikolu 7 ta’ dak ir-Regolament jista’ jiġi esportat biss skond il-livell kwantitattiv li ser jiġi stipulat.

(2)

Għal xi produtturi Komunitarji ta’ l-iżoglukożju l-esportazzjonijiet mill-Komunità jirrapreżentaw parti importanti ta’ l-attivitajiet ekonomiċi tagħhom u barra minn hekk stabbilixxew swieq tradizzjonali barra mill-Komunità. L-esportazzjonijiet ta’ l-iżoglukożju lejn dawn is-swieq tista’ tkun vijabbli ekonomikament anke mingħajr l-għoti ta’ rifużjonijiet ta’ l-esportazzjoni. Minħabba f’hekk, jeħtieġ li jiġi stipulat livell kwantitattiv għall-esportazzjonijiet ta’ l-iżoglukożju barra mill-kwota, sabiex il-produtturi Komunitarji kkonċernati jistgħu jkomplu jfornu lis-swieq tradizzjonali tagħhom.

(3)	Għall-perjodu mill-1 ta’ Awwissu sat-30 ta’ Settembru 2007 huwa stmat li livell kwantitattiv stipulat għal 20 000 tunnellata, materjal xott, għall-esportazzjonijiet ta’ iżoglukożju barra mill-kwota għandu jikkorrispondi mad-domanda tas-suq.

(4)

It-tneħħija preventiva ta’ ċerti kwantitajiet ta’ zokkor, iżolglukożju u ġulepp ta’ l-inulina ġiet provduta għas-sena tas-suq 2006/2007 bl-Artikolu 3 tar-Regolament tal-Kummissjoni (KE) Nru 493/2006 tas-27 ta’ Marzu 2006 li jistipula miżuri tranżitorji fil-qafas tar-riforma ta’ l-organizzazzjoni komuni tas-swieq fis-settur taz-zokkor, u li jemenda r-Regolamenti (KE) Nru 1265/2001 u (KE) Nru 314/2002 (2). L-impriżi kkonċernati jistgħu jitolbu li l-kwantitajiet tal-produzzjoni tagħhom effettwati b’dik il-miżura jiġu kkunsidrati kollha kemm huma, jew parzjalment, bħala prodotti ‘l fuq mill-kwoti rispettivi tagħhom, u b’hekk jagħtu lil dawn l-impriżi l-possibbiltajiet ipprovduti mill-Artikolu 12 tar-Regolament (KE) Nru 318/2006 dwar produzzjoni barra mill-kwota. Dawn it-talbiet riedu jintbagħtu qabel il-31 ta’ Jannar 2007. Sabiex l-impriżi kkonċernati jkunu jistgħu jibagħtu dawn it-talbiet dwar l-iżoglukożju għall-esportazzjoni fil-livell kwantitattiv ta’ l-esportazzjonijiet ta’ iżoglukożju barra mill-kwota, għandha tingħata data ta’ skadenza oħra għas-sottomissjoni ta’ dawn it-talbiet.

(5)	Sabiex tiġi żgurata tmexxija tajba, li ma tippermettix spekulazzjoni u li toffri kontrolli effettivi, għandhom jiġu stipulati regoli ddettaljati għas-sottomissjoni ta’ l-applikazzjonijiet għal-liċenzji.

(6)

Sabiex jitnaqqas kemm jista’ jkun ir-riskju ta’ frodi u biex jiġi mħares kull abbuż assoċjat ma’ l-eventwalità ta’ importazzjoni jew introduzzjoni mill-ġdid fil-Komunità tal-ġuleppi ta’ l-iżoglukożju kkonċernati, xi pajjiżi mill-Balkani tal-Punent għandhom jkunu esklużi mid-destinazzjonijiet eliġibbli għall-esportazzjonijiet ta’ iżoglukożju ‘l barra mill-kwota. Madankollu, dawk il-pajjiżi tar-reġjun li l-awtoritajiet tagħhom għandhom joħorġu ċertifikat ta’ esportazzjoni biex jikkonfermaw l-oriġini tal-prodotti taz-zokkor jew iżoglukożju li ser jiġu esportati lejn il-Komunità għandhom jiġu eżentati minn din l-esklużjoni għax hemm anqas riskju ta’ frodi.

(7)

Biex tkun assigurata koerenza mad-dispożizzjonijiet rilevanti għall-esportazzjonijiet fis-settur taz-zokkor kif stipulati bir-Regolament tal-Kummissjoni (KE) Nru 958/2006 tat-28 ta’ Ġunju 2006 fuq stedina permanenti għall-offerti biex jiġu determinati r-rifużjonijiet għall-esportazzjonijiet ta’ zokkor abjad għas-sena tas-suq 2006/2007 (3) u r-Regolament tal-Kummissjoni (KE) Nru 38/2007 tas-17 ta’ Jannar 2007 li jiftaħ stedina permanenti għall-offerti għal bejgħ mill-ġdid ta’ zokkor għall-esportazzjoni miżmum mill-aġenziji intermedjarji tal-Belġjum, ir-Repubblika Ċeka, Spanja, l-Irlanda, l-Italja, l-Ungerija, il-Polonja, is-Slovakkja u l-Iżvezja (4) l-esportazzjonijiet ta’ iżoglukożju ‘l barra mill-kwota għal xi destinazzjonijiet fil-qrib ma għandhomx jitħallew lanqas.

(8)

Sabiex ma jkunx hemm riskju ta’ importazzjoni mill-ġdid u, b’mod aktar speċifiku, sabiex jiġi żgurat li r-regoli speċifiċi għar-ritorn tal-merkanzija msemmija fir-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Dognali tal-Komunità (5) u r-Regolament tal-Kummissjoni (KE) Nru 2454/93 tat-2 ta’ Lulju 1993 li jistipula d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabblixxi l-Kodiċi Doganali tal-Komunità (6) qed jiġu rispettati, l-Istati Membri għandhom jintalbu jieħdu l-miżuri ta’ kontroll kollha neċessarji.

(9)

Minbarra d-dispożizzjonijet tar-Regolament tal-Kummissjoni (KE) Nru 951/2006 tat-30 ta’ Ġunju 2006 li jistipula regoli dettaljati għall-implimentazzjoni tar-Regolament tal-Kunsill (KE) Nru 318/2006 rigward kummerċ ma’ pajjiżi terzi fis-settur taz-zokkor (7) għandhom jiġu stabbiliti dispożizzjonijiet addizzjonali ta’ implimentazzjoni għall-amministrazzjoni tal-limitu kwantitattiv li għandu jiġi stabbilit b’dan ir-Regolament, b’mod partikolari dwar il-kundizzjonijiet għall-applikazzjoni għal-liċenzji ta’ l-esportazzjoni.

(10)	Il-miżuri pprovduti f’dan ir-Regolament huma f’konformità ma’ l-opinjoni tal-Kumitat tal-Ġestjoni taz-Zokkor,

ADOTTAT DAN IR-REGOLAMENT:

Artikolu 1

L-istipulazzjoni tal-livell kwantitattivi għall-esportazzjonijiet ta’ iżoglukożju ’l barra mill-kwota

1.   Għall-perjodu mill-1 ta’ Awwissu sat-30 ta’ Settembru 2007, il-livell kwantitattiv imsemmi fl-Artikolu 12(d) tar-Regolament (KE) 318/2006 se jkun 20 000 tunnellata, f’materjal xott, għal esportazzjonijiet mingħajr rifużjoni ta’ iżoglukożju ‘l barra mill-kwota li jaqa’ taħt il-kodiċijiet tan-NM 1702 40 10, 1702 60 10 and 1702 90 30.

2.   Esportazzjonijiet taħt dan il-livell kwantitattiv għandhom ikunu permessi għad-destinazzjonijiet kollha, ħlief għal dawn:

(a)	pajjiżi terzi: l-Andorra, is-Santa Sede (L-Istat tal-Vatikan), Liechtenstein, San Marino, l-Albanija, il-Bożnja u Ħerzegovina, il-Montenegro u dik li qabel kienet ir-Repubblika Jugoslava tal-Maċedonja.

(b)

territorji ta’ Stati Membri ta’ L-UE li ma jagħmlux parti mit-territorji doganali tal-Komunità: il-Ġibiltà, il-Ceuta, Melilla, id-distretti ta’ Livigno u Campione fl-Italja, il-Ħeligoland, il-Groenlandja, il-Gżejjer Faeroe, iż-żoni f’Ċipru li fihom il-Gvern tar-Repubblika ta’ Ċipru ma jeżerċitax kontroll effettiv.

3.   L-esportazzjonijiet tal-prodotti msemmija fil-paragrafu 1 huma permessi biss meta:

(a)	jinkisbu bl-iżomerizzazzjoni ta’ glukożju;

(b)	ikollhom kontenut ta’ fruttożju skond il-piż fl-istat niexef ta’ mhux anqas minn 41 %;

(ċ)	għandhom kontenut totali skond il-piż fl-istat niexef ta’ polisakkaridi u oligosakkaridi, inklużi di- u trisakkaridi, ta’ mhux aktar minn 8,5 %.

Il-kontenut ta’ materjal niexef ta’ iżoglukożju għandu jiġi stabbilit fuq il-bażi tad-densità tas-soluzzjoni mħallta fi proporzjoni skond il-piż ta’ wieħed b’wieħed jew, fil-każ ta’ prodotti b’konsistenza għolja ħafna, bit-tnixxif.

4.   Bħala deroga mid-data ta’ l-iskadenza ffissata fl-Artikolu 3(1) tar-Regolament (KE) Nru 493/2006, l-impriżi li jipproduċu aktar glukożju mil-limitu msemmi f’dak il-paragrafu, jistgħu jibagħtu talba qabel it-30 ta’ Settembru 2007, sabiex dik il-parti tal-produzzjoni ta’ iżoglukożju li taqbeż il-limitu msemmi hawn fuq tiġi kkunsidrata, kollha kemm hi jew parzjalment, bħala li taqbeż il-kwota.

Artikolu 2

Liċenzji ta’ l-esportazzjoni

1.   L-esportazzjonijiet fi ħdan il-livelli kwantitattivi ffissati bl-Artikolu 1(1) għandhom ikunu suġġetti għall-preżentazzjoni ta’ liċenzja ta’ l-esportazzjoni skond id-dispożizzjonijiet tar-Regolament tal-Kummissjoni (KE) Nru 1291/2000 (8), ir-Regolament (KE) Nru 951/2006 u l-Artikolu 19 tar-Regolament tal-Kummissjoni (KE) Nru 967/2006 (9) sakemm mhux ipprovdut mod ieħor b’dan ir-Regolament.

2.   Bħala deroga mill-Artikolu 9 tar-Regolament (KE) Nru 1291/2000, id-drittijiet mogħtija bil-liċenzji ta’ l-esportazzjoni m’għandhomx ikunu trasferibbli.

Artikolu 3

Applikazzjoni għal-liċenzji ta’ l-esportazzjoni

1.   L-applikazzjonijiet għal-liċenzji ta’ l-esportazzjoni rigward il-livelli kwantitattivi ffissati bl-Artikollu 1(1) ta’ dan ir-Regolament jistgħu jintbagħtu biss mill-produtturi ta’ l-iżoglukożju approvati skond l-Artikolu 17 tar-Regolament (KE) Nru 318/2006 u li ngħataw kwota ta’ l-iżoglukożju għas-sena tas-suq 2006/2007 skond l-Artikolu 7 ta’ dak ir-Regolament.

2.   L-applikazzjonijiet għal-liċenzji ta’ l-esportazzjoni għandhom jintbagħtu lill-awtoritajiet kompetenti ta’ l-Istati Membri li fihom l-applikant ikun ingħata kwota għall-iżoglukożju.

3.   L-applikazzjonijiet għal-liċenzji ta’ l-esportazzjoni għandhom jintbagħtu kull ġimgħa, mit-Tnejn sal-Ġimgħa, minn meta jidħol fis-seħħ dan ir-Regolament u sakemm il-ħruġ tal-liċenzji jingħata skont skond l-Artikolu 8.

4.   L-applikanti jistgħu jibagħtu applikazzjoni waħda biss għal kull perjodu ta’ sebat ijiem.

5.   Il-kwantità li saret applikazzjoni għaliha rigward kull liċenzja ta’ l-esportazzjoni ma għandhiex taqbeż il-5 000 tunnellata.

6.   L-applikazzjoni għandha tkun akkumpanjata minn prova li l-garanzija msemmija fl-Artikolu 4 kienet ippreżentata.

7.   Kaxxa 20 ta’ l-applikazzjoni għal liċenzja ta’ l-esportazzjoni u l-liċenzja għandu jkun fihom din id-diċitura:

Artikolu 4

Garanzija għal-liċenzja ta’ l-esportazzjoni

1.   B’deroga mir-raba’ inċiż ta’ l-Artikolu 12(1)(b) tar-Regolament (KE) Nru 951/2006, l-applikant għandu jippreżenta garanzija ta’ 11 EUR għal kull 100 kilogramma netta ta’ iżoglukożju f’materjal xott.

2.   Il-garanzija msemmija fil-paragrafu 1 tista’ tiġi ppreżentata kif jixtieq l-applikant, jew fi flus kontanti jew fil-forma ta’ garanzija mogħtija minn intrapriża skond il-kriterji stipulati mill-Istat Membru li fih tiġi ppreżentata l-applikazzjoni għal-liċenzja.

3.   Il-garanzija msemmija fil-paragrafu 1 għandha tkun rilaxxata skond l-Artikolu 35 tar-Regolament (KE) Nru 1291/2000:

a)	għall-kwantità li għaliha l-applikant ikun wettaq l-obbligu, skond kif miftiehem bl-Artikoli 31(b) u 32(1)(b)(i) tar-Regolament (KE) Nru 1291/2000, ta’ l-esportazzjoni li jirriżulta mil-liċenzja mogħtija skond l-Artikolu 6 ta’ dan ir-Regolament; kif ukoll

b)

li għaliha l-applikant ikun ressaq prova għas-sodisfazzjon ta’ l-awtoritajiet kompetenti ta’ l-Istat Membru fejn ingħatat l-liċenzja ta’ l-esportazzjoni li l-formalitajiet doganali għall-importazzjoni fid-destinazzjoni ta’ l-esportazzjoni ikunu ġew konklużi skond kif miftiehem bl-Artikolu 16 tar-Regolament tal-Kummissjoni (KE) Nru 800/1999 (10), għall-kwantità ta’ iżoglukożju kkonċernata.

Artikolu 5

Komunikazzjoni ta’ l-Istati Membri

1.   L-Istati Membri għandhom jinfurmaw lill-Kummissjoni, mhux aktar tard mill-ewwel jum ta’ xogħol ta’ kull ġimgħa, bil-kwantitajiet ta’ iżoglukożju, li għalihom ikunu saru applikazzjonijiet għal-liċenzji ta’ l-esportazzjoni matul il-ġimgħa ta’ qabel.

Il-kwantitajiet li għalihom saret l-applikazzjoni jridu jinqasmu f’kodiċi tan-NM bi tmien numri. L-Istati Membri għandhom ukoll jinfurmaw lill-Kummissjoni jekk ma jkun hemm ebda applikazzjoni għal-liċenzja ta’ l-esportazzjoni ppreżentata.

2.   Il-Kummissjoni għandha żżomm rekords għal kull ġimgħa tal-kwantitajiet li għalihom kienu ppreżentati applikazzjonijiet għal-liċenzji ta’ l-esportazzjoni.

Artikolu 6

Ħruġ u validità ta’ liċenzji

1.   Il-liċenzji għandhom jinħarġu fit-tielet jum ta’ xogħol wara n-notifika msemmija fl-Artikolu 5(1), skond il-każ, waqt li jitqies il-persentaġġ ta’ aċċettazzjoni ffissat mill-Kummissjoni skond l-Artikolu 8.

2.   L-Istati Membri għandhom jinfurmaw lill-Kummissjoni, fl-ewwel jum ta’ xogħol ta’ kull ġimgħa, bil-kwantitajiet ta’ iżoglukożju, li għalihom ikunu nħarġu liċenzji ta’ l-esportazzjoni matul il-ġimgħa ta’ qabel.

3.   Liċenzji ta’ l-esportazzjoni mogħtija għal-limiti kwantitattivi stipulati fl-Artikolu 1(1) għandhom ikunu validi sat-30 ta’ Settembru 2007.

4.   Kull Stat Membru jrid iżomm reġistru bil-kwantitatjiet ta’ iżoglukożju verament esportati skond il-liċenzji ta’ l-esportazzjoni msemmija fl-Artikolu 6(1).

5.   L-Istati Membri għandhom jinfurmaw lill-Kummissjoni qabel it-tmiem ta’ kull xahar, bil-kwantitajiet ta’ iżoglukożju verament esportati matul ix-xahar ta’ qabel.

Artikolu 7

Metodi ta’ komunikazzjoni

Il-komunikazzjonijiet imsemmija fl-Artikoli 5(1), 6(2) u (5) għandhom jintbagħtu elettronikament skond il-formoli disponibbli mill-Kummissjoni għall-Istati Membri.

Artikolu 8

Persentaġġ ta’ aċċettazzjoni għall-ħruġ ta’ liċenzji ta’ l-esportazzjoni u għaż-żamma tal-preżentazzjoni ta’ applikazzjonijiet għal-liċenzji

Meta l-kwantitajiet applikati għal liċenzji ta’ l-esportazzjoni jaqbżu l-limitu kwantitattiv stipulat bl-Artikolu 1(1) ta’ dan ir-Regolament għall-perjodu kkonċernat, id-dispożizzjonijiet stipulati bl-Artikolu 9 tar-Regolament (KE) Nru 951/2006 għandhom japplikaw mutatis mutandis.

Artikolu 9

Kontrolli

L-Istati Membri għandhom jieħdu kull miżura neċessarja biex jistabbilixxu kontrolli xierqa biex jiżguraw li r-regoli speċifiċi għal-merkanzija li tiġi rritornata kif stabbiliti fil-Kapitolu 2 tat-Ttilu VI tar-Regolament (KEE) Nru 2913/92 u fit-Titlu 1 tal-Parti III tar-Regolament (KEE) Nru 2454/93 qed jiġu rispettati u biex jiġi evitat li ftehim preferenzjali ma’ pajjiżi terzi ma jiġux skartati.

Artikolu 10

Dħul fis-seħħ

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu japplika mill-1 ta’ Awwissu 2007.

---

(1)  ĠU L 58, 28.2.2006, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 247/2007 (ĠU L 69, 9.3.2007, p. 3).

(2)  ĠU L 89, 28.3.2006, p. 11. Ir-Regolament kif l-aħħar emendat bir-Regolament (KE) Nru 793/2007 (ĠU L 169, 29.6.2007, p. 22).

(3)  ĠU L 175, 29.6.2006, p. 49. Ir-Regolament kif l-aħħar emendat bir-Regolament (KE) Nru 203/2007 (ĠU L 61, 28.2.2007, p. 3).

(4)  ĠU L 11, 18.1.2007, p. 4. Ir-Regolament kif emendat l-aħħar bir-Regolament (KE) Nru 203/2007.

(5)  ĠU L 302, 19.10.1992, p. 1. Ir-Regolament kif l-aħħar emendat bir-Regolament (KE) Nru 1791/2006 (ĠU L 363, 20.12.2006, p. 1).

(6)  ĠU L 253, 11.10.1993, p. 1. Ir-Regolament kif l-aħħar emendat bir-Regolament (KE) Nru 214/2007 (ĠU L 62, 1.3.2007, p. 6).

(7)  ĠU L 178, 1.7.2006, p. 24. Ir-Regolament kif emendat bir-Regolament (KE) Nru 2031/2006 (ĠU L 414, 30.12.2006, p. 43).

(8)  ĠU L 152, 24.6.2000, p. 1.

(9)  ĠU L 176, 30.6.2006, p. 22.

(10)  ĠU L 102, 17.4.1999, p. 11.

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/7

---

REGOLAMENT TAL-KUMMISSJONI (KE) Nru 976/2007

tal-21 ta’ Awwissu 2007

li jistipula għas-sena tas-suq 2007/2008, l-ammonti ta’ l-għajnuna għat-tkabbir ta’ l-għeneb maħsub għall-produzzjoni ta’ ċerti varjetajiet ta’ żbib u ta’ l-għajnuna biex jitħawlu mill-ġdid il-vinji milquta mill-filossera

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 2201/96 tat-28 ta’ Ottubru 1996 dwar l-organizzazzjoni komuni tas-swieq tal-prodotti tal-frott u l-ħxejjex ipproċessati (1) u b’mod partikolari l-artikolu 7(5) tiegħu,

Billi:

(1)	It-tieni subparagrafu ta’ l-Artikolu 7(1) tar-Regolament (KE) Nru 2201/96 jistabbilixxi l-kriterji għad-determinazzjoni ta’ l-għajnuna għat-tkabbir ta’ l-għeneb maħsub għall-produzzjoni taż-żbib tal-varjetajiet sultana, Muscatel u passolina.

(2)

It-tielet subparagrafu ta’ l-Artikolu 7(1) tar-Regolament (KE) Nru 2201/96 jipprovdi għall-possibbiltà ta’ varjazzjoni fl-għajnuna, skond il-varjetà ta’ l-għeneb. Jistipula wkoll li dan l-ammont jista’ jvarja minħabba fatturi oħra li jistgħu jolqtu l-produzzjoni. Fil-każ tas-sultana, hemm lok għalhekk li tiġi stipulata varjazzjoni supplimentari għaż-żoni milquta mill-filossera u żoni oħrajn.

(3)

Għas-sena tas-suq 2006/2007, il-verifika taż-żoni allokati għat-tkabbir ta’ l-għeneb, regolati bl-ewwel subparagrafu ta’ l-Artikolu 7(1) tar-Regolament (KE) Nru 2201/96, ma turix li nqabeż il-limitu taż-żoni massimi garantiti bl-Artikolu 2(1) tar-Regolament tal-Kummissjoni (KE) Nru 1621/1999 tat-22 ta’ Lulju 1999 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2201/96 rigward l-għajnuna tat-tkabbir ta’ l-għeneb biex jipproduċi ċerti varjetajiet ta’ għeneb imqadded (2).

(4)	Hemm lok li tiġi determinata l-għajnuna għat-tkabbir ta’ l-għeneb imsemmi, għas-sena tas-suq 2007/2008.

(5)	Hemm ukoll lok li tiġi determinata l-għajnuna li għandha tiġi konċessa lill-produtturi li jiżirgħu mill-ġdid il-vinji tagħhom biex jikkumbattu l-filossera, fil-kundizzjonijiet stipulati fl-Artikolu 7(4) tar-Regolament (KE) Nru 2201/96.

(6)	Il-miżuri stipulati f’dan ir-Regolament huma skond l-opinjoni tal-Kumitat għall-Ġestjoni tal-Prodotti Proċessati mill-Frott u l-Ħxejjex,

ADOTTAT DAN IR-REGOLAMENT:

Artikolu 1

1.   Għas-sena tas-suq 2007/2008, l-għajnuna għat-tkabbir regolata bl-Artikolu 7(1) tar-Regolament (KE) Nru 2201/96 ġiet iffissata għal:

(a)	2 603 EUR għal kull ettaru ta’ żona kultivata bl-għeneb tal-varjetà sultana, milquta mill-filossera jew imħawla mill-ġdid anqas minn ħames snin ilu;

(b)	3 569 EUR għal kull ettaru ta’ żona kultivata bl-għeneb tal-varjetà sultana;

(ċ)	3 391 EUR għal kull ettaru ta’ żona kultivata bil-passolina;

(d)	969 EUR għal kull ettaru ta’ żona kultivata bl-għeneb tal-varjetà Muscatel.

2.   Għas-sena tas-suq 2007/2008, l-għajnuna għat-tħawwil mill-ġdid stabbilita bl-Artikolu 7(4) tar-Regolament (KE) Nru 2201/96 ġie iffissata għal 3 917 EUR għal kull ettaru.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

---

(1)  ĠU L 297, 21.11.1996, p. 29. Ir-Regolament kif emendat l-aħħar bl-att relattiv għall-kundizzjonijiet ta’ l-adeżjoni ma’ l-Unjoni Ewropea tar-Repubblika tal-Bulgarija u r-Rumanija u għall-adozzjoni tat-trattati li fuqhom hija mibnija l-Unjoni Ewropea (ĠU L 157, 21.6.2005 p. 203).

(2)  ĠU L 192, 24.7.1999, p. 21. Regolament kif emendat l-aħħar mir-Regolament (KE) Nru 1880/2001 (ĠU L 258, 27.9.2001, p. 14).

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/9

---

REGOLAMENT TAL-KUMMISSJONI (KE) Nru 977/2007

ta’ l-20 ta’ Awwissu 2007

li jemenda r-Regolament (KE) Nru 1555/96 fir-rigward tal-livell li fih jiskattaw id-dazji addizzjonali għal-lanġas, il-berquq, il-lumi, l-għanbaqar, il-ħawħ, inkluż in-nuċiprisk, il-lanġas u l-għeneb tal-mejda tuffieħ

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 2200/96 tat-28 ta’ Ottubru 1996 dwar l-organizzazzjoni komuni tas-suq fil-frott u l-ħxejjex (1), u partikolarment l-Artikolu 33(4) tiegħu,

Billi:

(1)

Ir-Regolament tal-Kummissjoni (KE) Nru 1555/96 tat-30 ta’ Lulju 1996 dwar ir-regoli ta’ applikazzjoni għal dazji addizzjonali ta’ importazzjoni fuq frott u ħxejjex (2) jipprevedi sorveljanza ta’ l-importazzjoni tal-prodotti elenkati fl-Anness tiegħu. Din is-sorveljanza għandha titwettaq skond ir-regoli dettaljati stabbiliti fl-Artikolu 308d tar-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi il-Kodiċi Doganali Komunitarju (3).

(2)

Għall-applikazzjoni ta’ l-Artikolu 5(4) tal-Ftehim dwar il-Biedja (4) konkluż fil-qafas tan-negozjati kummerċjali multilaterali ta’ l-Uruguay Round, u abbażi ta’ l-aħħar dejta disponibbli għall-2004, 2005 u 2006, jeħtieġ li jiġu emendati l-limiti li fihom jiskattaw id-dazji addizzjonali għat-tadam, il-berquq, il-lumi, l-għanbaqar, il-ħawħ, inkluż in-nuċiprisk, il-lanġas u l-għeneb tal-mejda. Tuffieħ.

(3)	Għaldaqstant ir-Regolament (KE) Nru 1555/96 għandu jiġi emendat.

(4)	Il-miżuri pprovduti f’dan ir-Regolament huma konformi ma’ l-opinjoni tal-Kumitat ta’ Ġestjoni għall-frott u l-ħaxix frisk,

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 1555/96 huwa sostitwit bit-test ta’ l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu japplika mill-1 ta’ Settembru 2007.

---

(1)  ĠU L 297, 21.11.1996, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 47/2003 (ĠU L 7, 11.1.2003, p. 64).

(2)  ĠU L 193, 3.8.1996, p. 1. Ir-Regolament kif emendat l-aħħar bir-Regolament (KE) Nru 589/2007 (ĠU L 139, 31.5.2007, p. 17).

(3)  ĠU L 253, 11.10.1993, p. 1. Ir-Regolament kif emendat l-aħħar bir-Regolament (KE) Nru 214/2007 (ĠU L 62, 1.3.2007, p. 6).

(4)  ĠU L 336, 23.12.1994, p. 22.

---

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/11

---

REGOLAMENT TAL-KUMMISSJONI (KE) Nru 978/2007

tal-21 ta’ Awwissu 2007

li jemenda r-Regolament (KE) Nru 2273/2002 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1254/1999 rigward l-istħarriġ tal-prezzijiet ta’ ċerti annimali bovini fi swieq rappreżentattivi tal-Komunità

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1254/1999 tas-17 ta’ Mejju 1999 dwar l-organizzazzjoni tas-suq taċ-ċanga u l-vitella (1), u partikolarment l-Artikolu 41 tiegħu,

Billi,

(1)

Ir-Regolament tal-Kummissjoni (KE) Nru 2273/2002 (2) jistabbilixxi dispożizzjonijiet rigward ir-reġistrazzjoni tal-prezzijiet tas-swieq rappreżentattivi ta’ l-Istati Membri għal diversi kategoriji ta’ l-annimali bovini. Ir-regoli dettaljati dwar l-informazzjoni li għandha tingħata għall-istħarriġ tal-prezzijiet ta’ kull wieħed minn dawn il-kategoriji huma pprovduti fl-Annessi ta’ dak ir-Regolament.

(2)	Fuq talba ta’ Franza, Anness I tar-Regolament (KE) Nru 2273/2002 għandu jiġi parzjalment rivedut fid-dawl ta’ kif żviluppa t-tqegħid fis-suq ta’ l-annimali bovini f’dak l-Istat Membru, biex b’hekk jiġi żgurat li l-istħarriġ tal-prezzijiet jibqa’ jkun ibbażat fuq is-swieq rappreżentattivi.

(3)	Ir-Regolament (KE) Nru 2273/2002 għandu għalhekk jiġi emendat kif meħtieġ.

(4)	Il-miżuri previsti f’dan ir-Regolament huma skond l-opinjoni tal-Kumitat tal-Ġestjoni taċ-Ċanga u l-Vitella,

ADOTTAT DAN IR-REGOLAMENT:

Artikolu 1

Punt 1 tal-Parti D ta’ l-Anness I tar-Regolament (KE) Nru 2273/2002 huwa emendat kif ġej:

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

---

(1)  ĠU L 160, 26.6.1999, p. 21. Ir-Regolament kif emendat l-aħħar bir-Regolament (KE) Nru 1913/2005 (ĠU L 307, 25.11.2005, p. 2).

(2)  ĠU L 347, 20.12.2002, p. 15. Ir-Regolament kif emendat l-aħħar bir-Regolament (KE) Nru 446/2007 (ĠU L 106, 24.4.2007, p. 30).

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/12

---

REGOLAMENT TAL-KUMMISSJONI (KE) Nru 979/2007

tal-21 ta’ Awwissu 2007

li jiftaħ u jipprovdi għall-amministrazzjoni ta’ kwota tariffarja ta’ importazzjoni ta’ laħam tal-majjal li joriġina fil-Kanada

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2759/75 tad-29 ta’ Ottubru 1975 dwar l-organizzazzjoni komuni tas-suq tal-laħam tal-majjal (1), u b’mod partikolari l-Artikolu 11(1) tiegħu,

Billi:

(1)

Il-Ftehim bejn il-Komunità Ewropea u l-Gvern tal-Kanada dwar il-konklużjoni tan-Negozjati ta’ l-Artikolu XXIV:6 tal-GATT (2), approvat bid-Deċiżjoni tal-Kunsill 2007/444/KE (3), jipprovdi għall-inkorporazzjoni ta’ kwota tariffarja ta’ importazzjoni allokata għal pajjiż (il-Kanada) ta’ 4 624 tunnellata laħam tal-majjal.

(2)	Id-data tad-dħul fis-seħħ tal-Ftehim hija l-1 ta’ Awwissu 2007; id-data tal-ftuħ tal-kwota tar-rata tariffarja għall-ewwel sena tal-kwota u l-kwantità rispettiva għandha tkun speċifikata.

(3)

Ir-Regolament tal-Kummissjoni (KE) Nru 1291/2000 tad-9 ta’ Ġunju 2000 li jistipula regoli komuni ddettaljati għall-applikazzjoni tas-sistema ta’ liċenzji ta’ importazzjoni u esportazzjoni u ta’ ċertifikati ta’ ffissar bil-quddiem għal prodotti agrikoli (4) u r-Regolament tal-Kummissjoni (KE) Nru 1301/2006 tal-31 ta’ Awwissu 2006 li jistipula regoli komuni għall-amministrazzjoni ta’ kwoti tariffarji ta’ importazzjoni ta’ prodotti agrikoli mmexxija minn sistema ta’ liċenzji ta’ importazzjoni (5) għandhom japplikaw, sakemm ma jkunx hemm dispost mod ieħor f’dan ir-Regolament.

(4)

Sabiex l-importazzjonijiet iżommu pass regolari, l-kwantitajiet ta’ prodotti koperti bil-kwota tariffarja ta’ importazzjoni għandhom jitferrxu fuq erba’ subperjodi fil-perjodu mill-l ta’ Lulju sat-30 ta’ Ġunju. Għas-sena tal-kwota 2007/2008, il-kwota tariffarja għandha tinfirex fuq tliet subperjodi. Fi kwalunkwe każ, ir-Regolament (KE) Nru 1301/2006 jillimita l-perjodu ta’ validità tal-liċenzji sa l-aħħar jum tal-perjodu tal-kwota tariffarja ta’ importazzjoni.

(5)

L-amministrazzjoni tal-kwota tariffarja għandha tkun ibbażata fuq il-liċenzji ta’ importazzjoni. Għal dak il-għan, għandhom jiġu stipulati regoli dettaljati dwar kif jintbagħtu l-applikazzjonijiet għal liċenzja ta’ importazzjoni u l-informazzjoni li għandha tidher f’dawn l-applikazzjonijiet u l-liċenzji ta’ importazzjoni.

(6)	Fl-interess ta’ l-operaturi għandha ssir dispożizzjoni li l-Kummissjoni tiddetermina l-kwantitajiet li ma japplikawx għalihom u li jiżdiedu mas-subperjodu ta’ wara.

(7)

Ir-rilaxx f’ċirkolazzjoni libera tal-prodotti importati skond il-kwota miftuħa b’dan ir-Regolament għandu jkun suġġett għall-preżentazzjoni ta’ ċertifikat ta’ oriġini li jinħareġ mill-awtoritajiet Kanadiżi skond ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (6).

(8)	Il-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għal-laħam tal-majjal,

ADOTTAT DAN IR-REGOLAMENT:

Artikolu 1

1.   Kwota tariffarja ta’ importazzjoni għal laħam tal-majjal kif stipulata fil-Ftehim bejn il-Komunità Ewropea u l-Kanada, approvata mid-Deċiżjoni 2007/444/KE, qiegħda tinfetaħ.

Il-kwota tariffarja ta’ importazzjoni għandha tinfetaħ kull sena għall-perjodu mill-1 ta’ Lulju sat-30 ta’ Ġunju.

In-numru ta’ l-ordni tal-kwota għandu jkun 09.4204.

2.   Il-kwantità totali annwali ta’ prodotti li jibbenifikaw mill-kwota msemmija fil-paragrafu 1 u r-rata ta’ dazju huma stipulati hawn fl-Anness I.

3.   Għas-sena tal-kwota 2007/2008, il-kwota tariffarja għall-importazzjoni għandha tinfetaħ għall-perjodu mill-1 ta’ Ottubru 2007 sat-30 ta’ Ġunju 2008.

Il-kwantità annwali totali kif stabbilit fl-Anness I għandha tkun disponibbli għal dan il-perjodu.

Artikolu 2

Għandhom japplikaw ir-Regolamenti (KE) Nru 1291/2000 u (KE) Nru 1301/2006, sakemm ma jkunx hemm dispost mod ieħor f’dan ir-Regolament.

Artikolu 3

1.   Il-kwantità annwali fil-perjodu tal-kwota tariffarja ta’ importazzjoni għandu jinqasam f’erba’ subperjodi kif ġej:

(a)	25 % fil-perjodu mill-1 ta’ Lulju sat-30 ta’ Settembru;

(b)	25 % fil-perjodu mill-1 ta’ Ottubru sal-31 ta’ Diċembru;

(c)	25 % fil-perjodu mill-1 ta’ Jannar sal-31 ta’ Marzu;

(d)	25 % fil-perjodu mill-1 ta’ April sat-30 ta’ Ġunju.

2.   Għas-sena tal-kwota 2007/2008, il-kwota tariffarja għall-importazzjoni għandha tinqasam kif ġej fi tliet subperjodi:

(a)	50 % għall-perjodu mill-1 ta’ Ottubru sal-31 ta’ Diċembru 2007;

(b)	25 % għall-perjodu mill-1 ta’ Jannar sal-31 ta’ Marzu 2008;

(c)	25 % għall-perjodu mill-1 ta’ April sat-30 ta’ Ġunju 2008.

Artikolu 4

1.   Għall-għanijiet ta’ l-Artikolu 5 tar-Regolament (KE) Nru 1301/2006, meta titressaq l-ewwel applikazzjoni għal subperjodu speċifiku ta’ kwota tariffarja, l-applikanti jridu juru li matul kull perjodu msemmi f’dak l-Artikolu huma importaw jew esportaw mill-anqas 50 tunnellata prodotti li huma elenkati fl-Artikolu 1 tar-Regolament (KEE) Nru 2759/75.

2.   L-applikazzjonijiet għal liċenzja ta’ importazzjoni għandu jkollhom in-numru ta’ l-ordni, u jistgħu jirreferu għal diversi prodotti koperti b’kodiċi tan-NM differenti u li joriġinaw fil-Kanada. F’dawk il-każi, il-kodiċi tan-NM kollha għandhom jkunu indikati fil-kaxxa 16 u d-deskrizzjonijiet tagħhom fil-kaxxa 15.

L-applikazzjoni għal liċenzja ta’ importazzjoni għandha tkopri talanqas 20 tunnellata tal-piż ta’ prodott u ma tistax tkopri aktar minn 20 % tal-kwantità disponibbli għal kull subperjodu ta’ kwota tariffarja ta’ importazzjoni.

3.   Il-liċenzji ta’ importazzjoni jobbligaw importazzjoni mill-pajjiż speċifiku.

4.   L-applikazzjonijiet għal liċenzji ta’ importazzjoni u l-liċenzji ta’ importazzjoni stess għandu jkun fihom:

(a)	f’kaxxa 8, il-pajjiż ta’ l-oriġini u t-tweġiba “iva” mmarkata b’salib;

(b)	f’kaxxa 20, waħda mill-indikazzjonijiet imniżżla f’Parti A ta’ l-Anness II.

5.   Fil-kaxxa 24 il-liċenzja għandu jkun fiha waħda mill-indikazzjonijiet imniżżla fl-Anness II, parti B.

Artikolu 5

1.   Applikazzjonijiet għal liċenzja ta’ importazzjoni għandhom jitressqu matul l-ewwel sebat ijiem tax-xahar ta’ qabel kull subperjodu.

2.   Garanzija ta’ EUR 20 għal kull 100 kilogramma ta’ piż ta’ prodott għandha tkun depożitata flimkien ma’ l-applikazzjoni għal liċenzja.

3.   L-Istati Membri għandhom jikkomunikaw lill-Kummissjoni, sa mhux aktar tard mit-tielet jum ta’ xogħol wara dak ta’ tmiem il-perjodu tat-tressiq ta’ l-applikazzjonijiet, il-kwantitajiet totali mitluba, espressi f’kilogrammi.

4.   Il-liċenzji ta’ importazzjoni jinħarġu mis-seba’ jum ta’ xogħol u sa mhux aktar tard mill-ħdax-il jum ta’ xogħol wara dak ta’ tmiem il-perjodu ta’ notifika previst mill-paragrafu 3.

5.   Jekk meħtieġ, il-Kummissjoni għandha tistabbilixxi l-kwantitajiet li għalihom ma tressqet l-ebda applikazzjoni u li jiżdiedu awtomatikament mal-kwantità stabbilita għas-subperjodu tal-kwota suċċessiv.

Artikolu 6

1.   B’deroga mit-tieni subparagrafu ta’ l-Artikolu 11(1) tar-Regolament (KE) Nru 1301/2006 l-Istati Membri għandhom jikkomunikaw lill-Kummissjoni, qabel it-tmiem ta’ l-ewwel xahar ta’ kull subperjodu, il-kwantitajiet totali espressi f’kilogrammi li għalihom inħarġu l-liċenzji ta’ importazzjoni msemmija fl-Artikolu 11(1)(b) tar-Regolament imsemmi.

2.   L-Istati Membri għandhom jikkomunikaw lill-Kummissjoni, qabel tmiem ir-raba’ xahar wara kull perjodu annwali, il-kwantitajiet effettivament imqiegħda fiċ-ċirkolazzjoni libera skond dan ir-Regolament matul il-perjodu kkonċernat, espressi f’kilogrammi.

3.   B’deroga mit-tieni subparagrafu ta’ l-Artikolu 11(1)(c) tar-Regolament (KE) Nru 1301/2006, l-Istati Membri jikkomunikaw lill-Kummissjoni l-kwantitajiet koperti minn liċenzji ta’ importazzjoni mhux użati jew parzjalment użati, l-ewwel darba flimkien ma’ l-applikazzjoni għall-aħħar subperjodu, u darb’oħra qabel tmiem ir-raba’ xahar wara kull perjodu annwali.

Artikolu 7

1.   B’deroga mill-Artikolu 23 tar-Regolament (KE) Nru 1291/2000 liċenzji ta’ importazzjoni huma validi għal 150 ġurnata mill-ewwel jum tas-subperjodu li għalih inħarġu.

2.   B’deroga mill-Artikolu 9(1) tar-Regolament (KE) Nru 1291/2000, id-drittijiet li joħorġu minn liċenzji ta’ importazzjoni jistgħu jkunu trasferiti biss lil dawk li jissodisfaw il-kundizzjonijiet ta’ eliġibbiltà stipulati fl-Artikolu 5 tar-Regolament (KE) Nru 1301/2006 u fl-Artikolu 4 ta’ dan ir-Regolament.

Artikolu 8

Ir-rilaxx f’ċirkolazzjoni libera tal-prodotti tal-kwota msemmija fl-Artikolu 1 jesiġi l-preżentazzjoni ta’ ċertifikat ta’ oriġini maħruġ mill-awtoritajiet kompetenti Kanadiżi skond l-Artikoli 55 sa 65 tar-Regolament (KEE) Nru 2454/93.

Artikolu 9

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

---

(1)  ĠU L 282, 1.11.1975, p. 1. Ir-Regolament kif emendat l-aħħar bir-Regolament (KE) Nru 1913/2005 (ĠU L 307, 25.11.2005, p. 2).

(2)  ĠU L 169, 29.6.2007, p. 55.

(3)  ĠU L 169, 29.6.2007, p. 53.

(4)  ĠU L 152, 24.6.2000, p. 1 Ir-Regolament kif l-aħħar emendat bir-Regolament (KE) Nru 1913/2006 (ĠU L 365, 21.12.2006, p. 52).

(5)  ĠU L 238, 1.9.2006, p. 13. Ir-Regolament kif emendat bir-Regolament (KE) Nru 289/2007 (ĠU L 78, 16.3.2007, p. 17).

(6)  ĠU L 253, 11.10.1993, p. 1. Ir-Regolament kif l-aħħar emendat bir-Regolament (KE) Nru 214/2007 (ĠU L 62, 1.3.2007, p. 6).

---

---

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/18

---

REGOLAMENT TAL-KUMMISSJONI (KE) Nru 980/2007

tal-21 ta’ Awwissu 2007

li jipprovdi miżuri speċjali għall-ġestjoni tal-kwota tariffarja tad-WTO għall-butir ta’ New Zealand minn Settembru 2007 sa Diċembru 2007, jemenda r-Regolament (KE) Nru 2535/2001 u jidderoga minn dak ir-Regolament

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1255/1999 tas-17 ta’ Mejju 1999 dwar l-organizzazzjoni komuni tas-suq fil-ħalib u fil-prodotti tal-ħalib (1), u partikolarment l-Artikolu 29(1) tiegħu,

Billi:

(1)

Ir-Regolament tal-Kummissjoni (KE) Nru 2535/2001 ta’ l-14 ta’ Diċembru 2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti ta’ l-importazzjoni tal-ħalib u tal-prodotti tal-ħalib u biex jinfetħu kwoti tat-tariffa (2) kif emendat bir-Regolament (KE) Nru 2020/2006 (3) li jipprovdi għall-ġestjoni tal-kwota tariffarja tal-WTO għall-butir ta’ New Zealand fuq il-bażi tal-liċenzji ta’ l-importazzjoni allokati darbtejn fis-sena wara l-perjodi ta’ applikazzjoni tal-liċenzji kif provdut fl-Artikolu 34a.

(2)

Meta l-liċenzji ta’ importazzjoni ġew allokati għat-tieni nofs ta’ l-2007 għal butir li joriġina fi-New Zealand bin-numru ta’ kwota 09.4182 imsemmi fl-Anness III.A tar-Regolament (KE) Nru 2535/2001, l-applikazzjonijiet għal-liċenzji koprew kwantitajiet inqas minn dawk disponibbli għall-prodotti kkonċernati. B’riżultat ta’ dan, kwantità ta’ 9 958,6 tunnellata ma ġietx allokata.

(3)	Billi l-kwota dejjem ġiet użata għal kollox qabel ma ġew introdotti r-regoli ta’ ġestjoni ġodda fl-1 ta’ Jannar 2007, in-nuqqas fl-użu jista’ jkun ir-riżultat ta’ importaturi li għadhom ma adattawx għad-dispożizzjonijiet u l-proċeduri ġodda.

(4)	Għalhekk huwa xieraq li jiġi provdut perjodu ta’ allokazzjoni addizzjonali għall-kwantità li jifdal, u li s-sigurtà titnaqqas sabiex jiġi ffaċilitat l-aċċess għan-negozjanti.

(5)

Barra n-notifiki previsti fir-Regolament tal-Kummissjoni (KE) Nru 1302/2006 tal-31 ta’ Awwissu 2006 li jistabbilixxi r-regoli komuni għall-amministrazzjoni tal-kwoti tariffarji għall-importazzjoni ta’ prodotti agrikoli suġġetti għal sistema ta’ liċenzji ta’ importazzjoni (traduzzjoni mhux uffiċjali) (4), il-komunikazzjonijiet meħtieġa bejn l-Istati Membri u l-Kummissjoni għandhom jiġu speċifikati, b’mod partikolari għall-għan ta’ monitoraġġ tas-suq fil-każ tal-butir ta’ New Zealand.

(6)	Ir-Regolament (KE) Nru 2535/2001 għandu għalhekk jiġi emendat skond dan.

(7)	Il-miżuri previsti f’dan ir-Regolament huma skond l-opinjoni tal-Kumitat ta’ Ġestjoni għall-Ħalib u l-Prodotti tal-Ħalib,

ADOTTAT DAN IR-REGOLAMENT:

Artikolu 1

1.   Sakemm ma jkunx provdut mod ieħor f’dan ir-Regolament, l-Artikoli 34 sa 42 tar-Regolament (KE) Nru 2535/2001 għandhom japplikaw għall-importazzjoni ta’ 9 958,6 tunnellata ta’ butir għas-sena 2007 bin-numru tal-kwota 09.4182 msemmi fl-Anness III.A għal dak ir-Regolament.

2.   B’deroga mill-Artikolu 34a(3) tar-Regolament (KE) Nru 2535/2001, l-applikazzjonijiet għal-liċenzja jistgħu jiġu ppreżentati biss matul l-ewwel għaxart ijiem ta’ Settembru 2007.

3.   Għall-finijiet ta’ l-applikazzjoni ta’ dan ir-Regolament, il-kwantità msemmija fl-Artikolu 34a(4)(b) tar-Regolament (KE) Nru 2353/2001 għandha tkun 9 958,6 tunnellata.

4.   Il-liċenzji ta’ l-importazzjoni maħruġa skond dan ir-Regolament għandhom ikunu validi sal-31 ta’ Diċembru 2007.

5.   B’deroga mill-Artikolu 35 tar-Regolament (KE) Nru 2535/2001, is-sigurtà msemmija fl-Artikolu 15(2) tar-Regolament tal-Kummissjoni (KE) Nru 1291/2000 (5) għandha tkun EUR 10 għal kull 100 kilogramma netta tal-prodott.

6.   B’deroga mit-tielet paragrafu ta’ l-Artikolu 35b tar-Regolament (KE) Nru 2535/2001, il-kaxxa 20 tal-liċenzji għandha turi waħda min-notamenti elenkati fl-Anness ta’ dan ir-Regolament.

Artikolu 2

Fl-Artikolu 35a(2) tar-Regolament (KE) Nru 2535/2001, għandu jiżdied is-subparagrafu li ġej:

Artikolu 3

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu japplika mill-1 ta’ Settembru 2007.

---

(1)  ĠU L 160, 26.6.1999, p. 48. Ir-Regolament kif l-aħħar emendat bir-Regolament (KE) Nru 1913/2005 (ĠU L 307, 25.11.2005, p. 2).

(2)  ĠU L 341, 22.12.2001, p. 29. Ir-Regolament kif emendat l-aħħar bir-Regolament (KE) Nru 731/2007 (ĠU L 166, 28.6.2007, p. 12).

(3)  ĠU L 384, 29.12.2006, p. 54.

(4)  ĠU L 238, 1.9.2006, p. 13. Ir-Regolament kif emendat l-aħħar mir-Regolament (KE) Nru 289/2007 (ĠU L 78, 17.3.2007, p. 17).

(5)  ĠU L 152, 24.6.2000, p. 1.

---

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/21

---

REGOLAMENT TAL-KUMMISSJONI (KE) Nru 981/2007

tal-21 ta’ Awwissu 2007

li jemenda r-Regolament (KE) Nru 1489/2006 li jistipula r-rati ta’ l-interessi applikabbli għall-kalkolu ta’ l-ispejjeż ta’ finanzjament tal-miżuri ta’ l-intervent konsistenti fix-xiri, ħażna u d-disponibilità ta’ ħażniet, għas-sena finanzjarja tal-FAEG 2007

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 1883/78 tat-2 ta’ Awwissu 1978 li jistabbilixxi r-regoli ġenerali għall-finanzjament ta’ l-interventi mill-Fond Agrikolu Ewropew għall-Gwida u l-Garanzija, it-taqsima “garanzija” (1), u partikolarment l-Artikolu 5 tiegħu,

Billi:

(1)	L-Artikolu 1 tar-Regolament tal-Kummissjoni (KE) Nru 1489/2006 (2) jistipula r-rati ta’ l-interessi applikabbli għall-kalkolu ta’ l-ispejjeż ta’ finanzjament tal-miżuri ta’ l-intervent konsistenti fix-xiri, l-ħażna u d-disponibilità ta’ ħażniet, għas-sena finanzjarja tal-FAEG 2007.

(2)

L-Artikolu 5 tar-Regolament (KEE) Nru 1883/78 ġie emendat permezz tar-Regolament (KE) Nru 734/2007, peress li f’ċerti Stati Membri l-finanzjament ta’ dawn it-tranżazzjonijiet huwa biss possibbli bl-applikazzjoni ta’ rati ta’ interessi sensibbilment ogħla mir-rati standard ta’ interessi. Għaldaqstant ġie stipulat, b’deroga għas-sena finanzjarja 2007 u 2008, li meta r-rata medja ta’ interessi aċċetata minn Stat Membru, matul it-tielet xahar wara l-perjodu ta’ referenza użat biex jiġu stabbiliti r-rati standard ta’ interessi mill-Kummissjoni, tkun id-doppju tar-rata standard ta’ interessi, il-Kummissjoni tista’, fil-kuntest ta’ l-interessi ffinanzjati mill-Istat, tkopri l-ammont ikkalkolat abbażi tar-rati ta’ interessi aċċetati mill-Istat Membru, wara t-tnaqqis tar-rati standard ta’ interessi. Ġie wkoll stabbilit li din il-miżura kienet tapplika għall-ispejjeż magħmula mill-Istati Membri mill-1 ta’ Orrubru 2006.

(3)

Fid-dawl tal-komunikazzjonijiet mibgħuta mill-Istati Membri lill-Kummissjoni, għat-tielet xahar wara l-perjodu ta’ referenza użata biex jiġu stabbiliti r-rati ta’ interessi standard għas-sena finanzjarja 2007, jidher li Stat Membru jkun interessat minn din il-miżura l-ġdida. Jeħtieġ għalhekk li jiġu stabbiliti r-rati ta’ interessi speċifiċi għal dak l-Istat Membru kkonċernat għas-sena finanzjarja 2007.

(4)	Għaldaqstant, jeħtieġ li r-Regolament (KE) Nru 1489/2006 jiġi emendat.

(5)	Peress li r-Regolament (KE) Nru 734/2007 japplika mill-1 ta’ Ottubru 2006, jeħtieġ ukoll li tiġi stabbilita l-applikazzjoni ta’ dan ir-Regolament mill-istess data.

(6)	Il-miżuri pprovduti f’dan ir-Regolament huma skond l-opinjoni tal-Kumitat għall-Fondi Agrikoli,

ADOTTAT DAN IR-REGOLAMENT:

Artikolu 1

Fl-Artikolu 1 tar-Regolament (KE) Nru 1489/2006, għandu jiżdied il-punt li ġej:

“(h)	4,8 %, għar-rati ta’ interessi speċifiċi applikabbli għall-Ungerija.”

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu japplika mill-1 ta’ Ottubru 2006.

---

(1)  ĠU L 216, 5.8.1978, p. 1. Ir-Regolament kif emendat l-aħħar bir-Regolament (KE) Nru 734/2007 (ĠU L 169, 29.6.2007, p. 5).

(2)  ĠU L 278, 10.10.2006, p. 11.

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/22

---

REGOLAMENT TAL-KUMMISSJONI (KE) Nru 982/2007

tal-21 ta’ Awwissu 2007

li jintroduċi ċertu denominazzjonijiet fir-reġistru tad-denominazzjonijiet protetti ta’ l-oriġini u l-indikazzjonijiet ġeografiċi protetti (Pimentón de la Vera (DPO) – Karlovarský suchar (IGP) – Riso di Baraggia Biellese e Vercellese (DPO))

Il-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 510/2006 ta’ l-20 ta’ Marzu 2006 dwar il-ħarsien ta’ l-indikazzjonijiet ġeografiċi u tad-denominazzjonijiet ta’ l-oriġini tal-prodotti agrikoli u ta’ l-oġġetti ta’ l-ikel (1), u b’mod partikolari l-ewwel subparagrafu ta’ l-Artikolu 7(4) tiegħu,

Billi:

(1)

B’konformità ma’ l-Artikolu 6 (2), l-ewwel inċiż, u l-Artikolu 17(2) tar-Regolament (KE) Nru 510/2006, l-applikazzjoni ta’ Spanja biex tirreġistra l-isem “Pimentón de la Vera”, l-applikazzjoni tar-Repubblika Ċeka biex tirreġistra l-isem “Karlovarský suchar” u l-applikazzjoni ta’ l-Italja biex tirreġistra l-isem “Riso di Baraggia Biellese e Vercellese” ġew ippublikati fil-Ġurnal Uffiċjali ta’ l-Unjoni Ewropea (2).

(2)	Peress il-Kummissjoni ma rċeviet l-ebda oġġezzjoni, skond l-Artikolu 7 tar-Regolament (KE) Nru 510/2006, dawk l-ismijiet għandhom jiġu rreġistrati,

ADOTTAT DAN IR-REGOLAMENT:

Artikolu 1

Id-denominazzjonijiet imsemmija fl-Anness għal dan ir-Regolament għandhom jiġu rreġistrati.

Artikolu 2

Dan ir-Regolament għandu jidħol fis-seħħ fl-għoxrin jum mill-pubblikazzjoni tiegħu fil-Ġurnal Uffiċjali ta’ l-Unjoni Ewropea.

---

(1)  ĠU L 93, 31.3.2006, p. 12. Ir-Regolament emendat bir-Regolament (KE) Nru 1791/2006 (ĠU L 363, 20.12.2006, p. 1).

(2)  ĠU C 287, 24.11.2006, p. 2 (Pimentón de la Vera); ĠU C 290, 29.11.2006, p. 20 (Karlovarský suchar); ĠU C 291, 30.11.2006, p. 10 (Riso di Baraggia Biellese et Vercellese).

---

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/24

---

DEĊIŻJONI TAL-KUMMISSJONI

tas-7 ta’ Awwissu 2007

dwar il-kontribuzzjoni finanzjarja tal-Komunità għall-ispejjeż li daħlu fihom l-Istati Membri huma u jimplimentaw sistemi ta’ kontroll, spezzjoni u sorveljanza applikabbli għall-politika komuni dwar is-sajd għall-2007

(notifikata taħt id-dokument numru C(2007) 3747)

(2007/567/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 861/2006 tat-22 ta’ Mejju 2006 li jistabbilixxi miżuri finanzjarji Komunitarji għall-implimentazzjoni tal-Politika Komuni tas-Sajd u fil-qasam tal-Liġi tal-Baħar (1), u b’mod partikolari l-Artikolu 21 tiegħu,

Billi:

(1)	L-Istati Membri ressqu quddiem il-Kummissjoni, il-programm tagħhom ta’ kontroll tas-sajd għall-2007, flimkien ma’ l-applikazzjonijiet għal kontribuzzjoni finanzjarja tal-Komunità għan-nefqa li għandha ssir fuq il-proġetti li jinsabu f’dan il-programm.

(2)	L-applikazzjonijiet li jirrigwardjaw l-azzjonijiet elenkati fl-Artikolu 8(a) tar-Regolament (KE) Nru 861/2006 jistgħu jikkwalifikaw għall-finanzjament Komunitarju.

(3)

L-applikazzjonijiet għall-finanzjament Komunitarju jridu jikkonformaw mar-Regolament tal-Kummissjoni (KE) Nru 391/2007 tal-11 ta’ April 2007 li jistipula regoli dettalji għall-implimentazzjoni tar-Regolament (KE) Nru 861/2006 f’dak li jirrigwardja n-nefqa li jagħmlu l-Istati Membri fl-implimentazzjoni tas-sistemi ta’ monitoraġġ u kontroll applikabbli għall-Politika Komuni dwar is-Sajd (2).

(4)	Huwa xieraq li jiġu ffissati l-ammonti massimi u r-rata tal-kontribuzzjoni finanzjarja tal-Komunità skond l-Artikolu 15 tar-Regolament (KE) Nru 861/2006 u li jiġu stabbiliti l-kundizzjonijiet li bihom tista’ tingħata kontribuzzjoni bħal din.

(5)

Sabiex jikkwalifika għall-kontribuzzjoni Komunitarja, tagħmir għal-lokalizzazzjoni awtomatika għandu jissodisfa r-rekwiżiti ffissati mir-Regolament tal-Kummissjoni (KE) Nru 2244/2003 tat-18 Diċembru 2003 li jistabbilixxi dispożizzjonijiet dettaljati dwar is-Sistemi ta’ Sorveljanza tal-Vapuri, bażati fuq satellita (3).

(6)

L-ammont tal-kontribuzzjoni finanzjarja li għandha tingħata lil kull Stat Membru għal infiq marbut max-xiri u l-immodernizzar ta’ bastimenti u inġenji ta’ l-ajru għandu jiġi kkalkulat abbażi tal-proporzjon bejn attivitajiet ta’ spezzjoni u ta’ kontroll li jagħmlu bastimenti u inġenji bħal dawn u l-attività totali tagħhom fis-sena, kif idikjarata mill-Istati Membri.

(7)	Skond l-Artikolu 8 tar-Regolament tal-Kummissjoni (KE) Nru 391/2007, il-proġetti elenkati fil-programm ta’ kontroll tas-sajd għandhom ikunu implimentati skond l-iskeda stabbilita f’dak il-programm.

(8)	Talbiet għall-ħlas lura ta’ spejjez marbuta ma’ dawk il-proġetti għandhom jitressqu lill-Kummissjoni skond l-Artikolu 11 tar-Regolament (KE) Nru 391/2007.

(9)	Il-miżuri pprovduti f’din id-Deċiżjoni huma fi qbil ma’ l-opinjoni tal-Kumitat għas-Sajd u l-Akkwakultura,

ADOTTAT DIN ID-DEĊIŻJONI:

Artikolu 1

Suġġett

Din id-Deċiżjoni tipprovdi għal kontribuzzjoni finanzjarja Komunitarja għall-2007 għall-infiq li daħlu għalih l-Istati Membri fl-2007 huma u jimplimentaw sistemi ta’ kontroll, spezzjoni u sorveljanza applikabbli għall-politika komuni dwar is-sajd, kif jissemma fl-Artikolu 8(a) tar-Regolament (KE) Nru 861/2006. Tistabbilixxi l-ammont tal-kontribuzzjoni finanzjarja tal-Komunità għal kull Stat Membru, ir-rata tal-kontribuzzjoni finanzjarja tal-Komunità u l-kundizzjonijiet li fihom tista’ ssir kontribuzzjoni bħal din.

Artikolu 2

Teknoloġiji ġodda u netwerks ta’ l-IT

L-infiq fuq ix-xiri, l-istallazzjoni u l-għajnuna teknika għat-teknoloġija kompjuterizzata u t-twaqqif ta’ netwerks ta’ l-IT sabiex l-iskambju tad-data jkun effiċjenti u sigur fir-rigward tal-monitoraġġ, il-kontroll u s-sorveljanza ta’ l-attivitajiet tas-sajd, għandu jikkwalifika għalkontribuzzjoni finanzjarja ta’ 50 % tan-nefqa eliġibbli fil-limiti stipulati fl-Anness I.

Artikolu 3

Tagħmir għal-lokalizzazzjoni awtomatika

1.   L-infiq li jsir fix-xiri u l-armar abbord ta’ bastimenti tas-sajd ta’ tagħmir għal-lokalizzazzjoni awtomatika li jippermetti li bastimenti jkunu jistgħu jiġu mmonitorjati mill-bogħod minn ċentru tal-monitoraġġ tas-sajd permezz ta’ sistema għall-monitoraġġ tal-bastimenti (VMS) għandu jikkwalifika għal kontribuzzjoni finanzjarja massima ta’ EUR 4 500 kull bastiment fil-limiti stipulati fl-Anness II.

2.   Fil-limitu ta’ EUR 4 500 pprovdut fil-paragrafu 1, il-kontribuzzjoni finanzjarja għall-ewwel EUR 1 500 tan-nefqa eliġibbli għandha tkun bir-rata ta’ 100 %.

3.   Il-kontribuzzjoni finanzjarja għan-nefqa eliġibbli inkluża bejn l-EUR 1 500 u l-EUR 4 500 kull bastiment għandha tammonta għal massimu ta’ 50 % ta’ nefqa bħal din.

4.   Sabiex jikkwalifika, it-tagħmir għal-lokalizzazzjoni awtomatika għandu jissodisfa r-rekwiżiti stabbiliti bir-Regolament (KE) Nru 2244/2003.

Artikolu 4

Proġetti pilota

L-infiq li jsir fuq proġetti pilota dwar teknoloġiji ġodda ta’ kontroll għandu jikkwalifika għal kontribuzzjoni finanzjarja ta’ 50 % tan-nefqa eliġibbli fil-limiti stipulati fl-Anness III.

Artikolu 5

Taħriġ

L-infiq li jsir fuq it-taħriġ u l-programmi ta’ skambju ta’ impjegati taċ-ċivil responsabbli għal xogħolijiet ta’ monitoraġġ, kontroll u sorveljanza fil-qasam tas-sajd għandu jikkwalifika għal kontribuzzjoni ta’ 50 % tan-nefqa eliġibbli fi ħdan il-limiti stipulati fl-Anness IV.

Artikolu 6

Il-valutazzjoni tan-nefqa

L-infiq li jsir fl-implimentazzjoni ta’ sistema sabiex jiġi vvalutat l-infiq fil-kontroll tal-politika komuni tas-sajd għandu jikkwalifika għal kontribuzzjoni finanzjarja ta’ 50 % tan-nefqa eliġibbli fil-limiti stipulati fl-Anness V.

Artikolu 7

Seminars u għodod tal-midja

L-infiq li jsir fuq inizjattivi li jinkludu seminars u għodod tal-midja mmirati lejn it-titjib ta’ l-għarfien fost is-sajjieda u entitajiet oħra bħalma huma spetturi, prosekuturi pubbliċi u mħallfin, kif ukoll fost il-pubbliku ġenerali dwar il-ħtieġa li jiġi miġġieled is-sajd irresponsabbli u illegali u dwar l-implimentazzjoni tar-regoli dwar il-politika komuni tas-sajd, għandu jikkwalifika għal kontribuzzjoni finanzjarja ta’ 75 % tan-nefqa eliġibbli fi ħdan il-limiti stipulati fl-Anness VI.

Artikolu 8

Bastimenti u inġenji ta’ l-ajru għall-għassa tas-sajd

L-infiq marbut max-xiri u l-modernizzar tal-bastimenti u l-inġenji ta’ l-ajru użati għall-ispezzjoni u s-sorveljanza ta’ l-attivitajiet tas-sajd mill-awtoritajiet kompetenti ta’ l-Istati Membri għandu jikkwalifika, fil-limiti stabbiliti fl-Anness VII, għal kontribuzzjoni finanzjarja li ma taqbiżx il-50 % tan-nefqa eliġibbli li jagħmlu l-Istati Membri.

Artikolu 9

Indirizzati

Din id-Deċiżjoni hija indirizzata lill-Istati Membri.

---

(1)  ĠU L 160, 14.6.2006, p. 1.

(2)  ĠU L 97, 12.4.2007, p. 30.

(3)  ĠU L 333, 20.12.2003, p. 17.

---

---

---

---

---

---

---

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/33

---

DEĊIŻJONI TAL-KUMMISSJONI

ta’ l-20 ta’ Awwissu 2007

dwar kontribut finanzjarju mill-Komunità għal miżuri ta' emerġenza fil-ġlieda kontra l-marda Newcastle fir-Renju Unit fl-2006

(notifikata taħt id-dokument numru C(2007) 3891)

(It-test Ingliż biss huwa awtentiku)

(2007/568/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-qasam veterinarju (1), u partikolarment l-Artikoli 3(3) u 4(2) tagħha,

Billi:

(1)	Sabiex tikkontribwixxi għall-qerda tal-marda ta’ Newcastle fl-iqsar żmien, il-Komunità għandha l-possibbiltà li tikkontribwixxi finanzjarjament għall-ispejjeż eliġibbli mġarrba mill-Istat Membru, fil-kondizzjonijiet stipulati mill-Artikolu 4(2) tad-Deċiżjoni 90/424/KEE.

(2)

Il-ħlas ta’ l-appoġġ finanzjarju Komunitarju lejn il-miżuri ta’ emerġenża għall-qerda tal-marda Newcastle hu suġġett għar-regoli stipulati fir-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard ta’ l-annimali kif imsemmi fid-Deċiżjoni tal-Kunsill 90/424/KEE (2).

(3)	Fl-2006 seħħew tifqigħat tal-marda Newcastle fir-Renju Unit. Il-feġġ ta’ din il-marda jista’ jirrappreżenta periklu serju għall-popolazzjoni tal-bhejjem tal-Komunità.

(4)	Fl-11 ta’ April 2007, ir-Renju Unit ippreżenta l-aħħar stima approssimativa ta’ l-infiq li ġġarrbu minħabba l-qerda tal-marda.

(5)	L-awtoritajiet Brittaniċi ssodisfaw bis-sħiħ l-obbligi tekniċi u amministrattivi tagħhom stipulati fl-Artikolu 3 tad-Deċiżjoni 90/424/KEE u l-Artikolu 6 tar-Regolament (KE) Nru 349/2005.

(6)	Il-ħlas tal-kontribut finanzjarju mill-Komunità għandu jkun suġġett għall-kundizzjoni li l-azzjonijiet ippjanati fil-fatt twettqu u li l-awtoritajiet jipprovdu l-informazzjoni kollha meħtieġa fiż-żmien stipulat.

(7)	Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

Il-Kontribuzzjoni finanzjarja mill-Komunità

1.   Ir-Renju Unit jista’ jikseb kontribut finanzjarju tal-Komunità għall-ispejjeż li ġġarrbu fil-qafas tal-miżuri ta’ urġenza fil-ġlieda kontra l-marda ta’ Newcastle fl-2006.

2.   Il-kontribut finanzjarju għandu jkun ta' 50 % ta' l-ispejjeż imġarrba li jkunu eliġibbli għall-finanzjament mill-Komunità. Dawn jitħallsu bil-kondizzjonijiet stipulati fir-Regolament (KE) Nru 349/2005.

Artikolu 2

Destinatarju

Din id-Deċiżjoni hija indirizzata lir-Renju Unit tal-Gran Brittanja u lill-Irlanda ta' Fuq.

---

(1)  ĠU L 224, 18.8.1990, p. 19. Id-Deċiżjoni kif emendata l-aħħar bir-Regolament (KE) Nru 1791/2006 (ĠU L 363, 20.12.2006, p. 1).

(2)  ĠU L 55, 1.3.2005, p. 12.

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/34

---

DEĊIŻJONI TAL-KUMMISSJONI

ta’ l-20 ta’ Awwissu 2007

dwar kontribuzzjoni finanzjarja mill-Komunità għal miżuri ta’ emerġenza fil-ġlieda kontra l-influwenza tat-tjur fir-Renju Unit fl-2007

(notifikata taħt id-dokument numru C(2007) 3892)

(It-test Ingliż biss huwa awtentiku)

(2007/569/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-kamp veterinarju (1), u partikolarment l-Artikoli 3(3) u 3a(1) tiegħu,

Billi:

(1)

Id-Deċiżjoni 90/424/KEE tistipula l-proċeduri li jamministraw il-kontribuzzjoni finanzjarja tal-Komunità għal miżuri veterinarji speċifiċi, inklużi miżuri ta’ emerġenza. L-Artikolu tad-Deċiżjoni 90/424/KEE, jipprovdi għal kontribuzzjoni finanzjarja tal-Komunità għall-Istati Membri biex tkopri ċerti spejjeż involuti fit-teħid ta’ miżuri biex tinqered l-influwenza tat-tjur.

(2)	Seħħew tifqigħat ta’ l-influwenza tat-tjur fir-Renju Unit fl-2007. Il-feġġ ta’ din il-marda jirrappreżenta riskju serju għall-popolazzjoni tal-bhejjem tal-Komunità. Ir-Renju Unit ħa miżuri, kif jissemma fl-Artikolu 3a(2) tad-Deċiżjoni 90/424/KEE, biex jikkumbatti dawn it-tifqigħat.

(3)	Il-ħlas ta’ kontribut finanzjarju mill-Komunità għandu jkun suġġett għall-kundizzjoni li l-miżuri ppjanati fil-fatt twettqu u li l-awtoritajiet kompetenti pprovdew l-informazzjoni kollha meħtieġa lill-Kummissjoni qabel ċerti skadenzi.

(4)	Bi qbil ma’ l-Artikolu 3a(3) tad-Deċiżjoni 90/424/KEE il-kontribut finanzjarju tal-Komunità għandu jkun ta’ 50 % ta’ l-ispejjeż eliġibbli mġarrba mill-Istat Membru.

(5)

Ir-Renju Unit ikkonforma bis-sħiħ ma’ l-obbligi tekniċi u amministrattivi tiegħu kif stabbilit fl-Artikoli 3(3) u 3a(2) tad-Deċiżjoni 90/424/KEE. Ir-Renju Unit ressaq it-tagħrif lill-Kummissjoni dwar l-ispejjeż imġarrba u kompla jipprovdi t-tagħrif kollu meħtieġ dwar spejjeż ta’ kumpens u l-spiża ta’ l-operazzjonijiet.

(6)

Ir-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard ta’ l-annimali kif imsemmi fid-Deċiżjoni tal-Kunsill 90/424/KEE (2), wara l-emenda tad-Deċiżjoni 90/424/KEE mid-Deċiżjoni 2006/53/KE (3), ma għadux ikopri l-influwenza tat-tjur. Għalhekk jeħtieġ li jiġi espressament ipprovdut fid-Deċiżjoni preżenti li l-għoti ta’ kontribuzzjoni finanzjarja lir-Renju Unit jkun suġġett għal konformità ma’ ċerti regoli stabbiliti fir-Regolament (KE) Nru 349/2005.

(7)	Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

Il-Kontribut finanzjarju mill-Komunità

1.   Kontribuzzjoni finanzjarja mill-Komunità tista’ tingħata lir-Renju Unit għall-ispejjeż imġarrba minn dan l-Istat Membru fit-teħid tal-miżuri msemmija fl-Artikolu 3a(2) tad-Deċiżjoni 90/424/KEE fil-ġlieda kontra l-influwenza tat-tjur fl-2007.

2.   Għall-finijiet ta’ din id-Deċiżjoni, l-Artikoli 2 sa 5 u l-Artikoli 7 u 8 u l-Artikolu 9(2), (3) u (4) u l-Artikolu 10 tar-Regolament (KE) Nru 349/2005 għandhom japplikaw bit-tibdil meħtieġ.

Artikolu 2

Destinatarju

Din id-Deċiżjoni hija indirizzata lir-Renju Unit tal-Gran Brittanja u l-Irlanda ta’ Fuq.

---

(1)  ĠU L 224, 18.8.1990, p. 19. Id-Deċiżjoni kif emendata l-aħħar bir-Regolament (KE) Nru 1791/2006 (ĠU L 363, 20.12.2006, p. 1).

(2)  ĠU L 55, 1.3.2005, p. 12.

(3)  ĠU L 29, 2.2.2006, p. 37.

---

22.8.2007

MT

Il-Ġurnal Uffiċjali ta’ l-Unjoni Ewropea

L 217/36

---

DEĊIŻJONI TAL-KUMMISSJONI

ta’ l-20 ta’ Awwissu 2007

li temenda d-Deċiżjoni 2003/634/KE li tapprova programmi li għandhom l-għan li jinkiseb l-istatus ta’ żoni approvati u ta’ farms approvati f’żoni li m’humiex approvati fir-rigward ta’ viral haemorrhagic septicaemia (VHS) u infectious haematopoietic necrosis (IHN) fil-ħut

(notifikata taħt id-dokument numru C(2007) 3902)

(Test b’relevanza għaż-ŻEE)

(2007/570/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 91/67/KEE tat-28 ta’ Jannar 1991 li tikkonċerna l-kondizzjonijiet tas-saħħa ta’ l-annimali li jirregolaw it-tqegħid fis-suq ta’ l-annimali u prodotti ta’ l-akkwakultura (1), u b’mod partikolari l-Artikolu 10(2) tagħha,

Billi:

(1)

Skond id-Direttiva 91/67/KEE, Stat Membru jista’ jissottometti lill-Kummissjoni programm maħsub biex jippermettilu sussegwentement jibda l-proċeduri biex żona jew farm f’żona li mhix approvata jiksbu l-istatus ta’ żona approvata jew farm approvat f’żona mhux approvata, fir-rigward ta’ waħda jew aktar mill-mardiet tal-ħut viral haemorrhagic septicaemia (VHS) u infectious haematopoietic necrosis (IHN). Id-Deċiżjoni tal-Kummissjoni 2003/634/KE (2) tapprova u tniżżel lista tal-programmi sottomessi minn diversi Stati Membri.

(2)

B’ittra ddatata t-28 ta’ Marzu 2007, ir-Renju Unit applika għal approvazzjoni tal-programm li jrid jiġi applikat fix-xmara Ouse biex tikseb mill-ġdid l-istatus ta’ żona approvata fir-rigward tal-VHS. Il-Kummissjoni fliet il-programm sottomess u sabet li jikkonforma ma’ l-Artikolu 10 tad-Direttiva 91/76/KEE. Skond dan, dak il-programm għandu jkun approvat u inkluż fil-lista fl-Anness I għad-Deċiżjoni 2003/634/KE.

(3)

B’ittra ddatata l-21 ta’ Novembru 2006, il-Finlandja applikat biex testendi l-istatus ħieles tal-VHS approvat għaż-żoni kostali kollha esklużi ż-żoni b’miżuri speċjali ta’ eradikazzjoni. Id-dokumentazzjoni li ngħatat mill-Finlandja turi li dawk iż-żoni jissodisfaw ir-rekwiżiti ta’ l-Artikolu 5 tad-Direttiva 91/67/KEE. Iż-żoni kostali kollha fi ħdan it-territorju tagħha, esklużi ż-żoni kostali b’miżuri speċjali ta’ eradikazzjoni, ġew meqjusa bħala ħielsa mill-mard u miżjuda mal-lista ta’ żoni approvati fir-rigward tal-VHS fl-Anness I għad-Deċiżjoni tal-Kummissjoni 2002/308/KE tat-22 ta’ April 2002 li tistabbilixxi listi ta’ żoni approvati u farms approvati fir-rigward ta’ marda tal-ħut viral haemorrhagic septicaemia (VHS) u infectious haematopoietic necrosis (IHN) (3). Għalhekk, il-programm għal ħelsien mill-VHS applikabbli għaż-żoni kollha kostali tal-Finlandja eskluża l-parti tal-programm li tkopri ż-żoni b’miżuri speċjali ta’ eradikazzjoni, ġie finalizzat u għandu jitħassar mill-Anness I għad-Deċiżjoni 2003/634/KE.

(4)

B’ittra ddatata l-11 ta’ Jannar 2006, l-Italja applikat għal approvazzjoni tal-programm biex jiġi applikat ġo farm biex jikseb l-istatus ta’ farm approvat f’żona mhux approvata fir-rigward tal-VHS u l-IHN. Il-Kummissjoni fliet il-programm sottomess u sabet li jikkonforma ma’ l-Artikolu 10 tad-Direttiva 91/76/KEE. Skond dan, dak il-programm għandu jkun approvat u inkluż fil-lista fl-Anness II għad-Deċiżjoni 2003/634/KE.

(5)	Il-programmi applikabbli għaż-żona Val di Sole u Val di NON u għaż-żona Val Banale fil-Provinċja Awtonoma ta’ Trento u l-programm applikabbli għaż-żona fil-Valle del Torrente Venina fir-reġjun tal-Lombardija ġew finalizzati. Dawn għadhom għalhekk jitħassru mill-Anness I għad-Deċiżjoni 2003/634/KE.

(6)	Id-Deċiżjoni 2003/634/KE għandha għalhekk tiġi emendata skond dan.

(7)	Il-miżuri previsti f’din id-Deċiżjoni huma konformi ma’ l-opinjoni tal-Kumitat Permanenti dwar il-Katina Alimentari u Saħħet l-Annimali,

ADOTTAT DIN ID-DEĊIŻJONI:

Artikolu 1

L-Annessi I u II għad-Deċiżjoni 2003/634/KE huma mibdula bit-test fl-Anness għal din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

---

(1)  ĠU L 46, 19.2.1991, p. 1. Id-Direttiva kif emendata l-aħħar bir-Regolament (KE) Nru 806/2003 (ĠU L 122, 16.5.2003, p. 1).

(2)  ĠU L 220, 3.9.2003, p. 8. Id-Deċiżjoni kif emendata l-aħħar bid-Deċiżjoni 2006/685/KE (ĠU L 282, 13.10.2006, p. 44).

(3)  ĠU L 106, 23.4.2002, p. 28. Id-Deċiżjoni kif emendata l-aħħar bid-Deċiżjoni 2007/345/KE (ĠU L 130, 22.5.2007, p. 16).

---

---