(1)

Il-Kummissjoni, bir-Regolament (KE) Nru 1999/2006 (2) (ir-“Regolament proviżorju”) imponiet dazju anti-dumping proviżorju fuq l-importazzjonijiet ta’ ċerti sruġ, li bħalissa huma klassifikabbli fi ħdan il-kodiċi NM 8714 95 00 , ex 8714 99 90 u ex 9506 91 10 , li joriġinaw mir-Repubblika tal-Poplu taċ-Ċina (“RPĊ”).

(2)

Ta’ min ifakkar li l-investigazzjoni ta’ dumping u ħsara kopriet il-perjodu mill-1 ta’ Jannar 2005 sat-31 ta’ Diċembru 2005 (“perjodu ta’ investigazzjoni” jew “PI”). Fir-rigward tat-tendenzi rilevanti għall-istima tal-ħsara, il-Kummissjoni analizzat id-data li tkopri l-perjodu mill-1 ta’ Jannar 2002 sat-tmiem il-perjodu ta’ l-investigazzjoni (“perjodu meqjus”).

(3)

Wara l-impożizzjoni ta’ dazju anti-dumping proviżorju fuq l-importazzjonijiet ta’ ċerti sruġ li joriġinaw mir-RPĊ, xi partijiet interessati ppreżentaw kummenti bil-miktub. Il-partijiet li talbu hekk, ingħataw ukoll l-opportunità li jinstemgħu. Il-Kummissjoni kompliet tfittex u tivverifika t-tagħrif kollu li qieset bħala meħtieġ għas-sejbiet definittivi tagħha. Il-partijiet interessati kollha ġew mgħarrfa bil-fatti u l-konsiderazzjonijiet essenzjali li fuqhom kienet ibbażata l-intenzjoni li tkun irrakkomandata l-impożizzjoni ta’ dazju anti-dumping definittiv fuq l-importazzjonijiet ta’ ċerti sruġ li joriġinaw mir-RPĊ u l-ġbir definittiv ta’ ammonti li ġew żgurati permezz tad-dazju proviżorju. Huma ngħataw ukoll perjodu biex iressqu rappreżentazzjonijiet wara dan it-tagħrif. Il-kummenti bil-fomm u bil-miktub ippreżentati mill-partijiet ġew meqjusa, u, fejn kien xieraq, is-sejbiet ġew immodifikati kif suppost.

(4)

Wieħed mill-importaturi lmenta kontra l-inklużjoni fl-ambitu ta’ l-investigazzjoni ta’ partijiet essenzjali tas-sruġ (bażi, kuxxini u għatjiet) fuq il-bażi li l-inklużjoni ta’ dawn ta’ l-aħħar ma kinitx iġġustifikata bl-ebda evidenza ta’ dumping la mill-ilment u lanqas mill-investigazzjoni. Dan l-importatur argumenta wkoll li m’huwiex biżżejjed li s-sruġ u l-partijiet tas-sruġ jitqiesu bħala prodott wieħed fuq il-bażi li t-tnejn intużaw għall-istess prodott aħħari (jiġifieri bajsikils u simili). L-istess importatur allega wkoll li ċerti partijiet tas-sarġ kienu inklużi fid-definizzjoni tal-prodott biex jevitaw l-evażjoni fil-każ li jiġu imposti dazji anti-dumping. Fuq din il-bażi, ġie sostnut li l-importaturi fil-Komunità għandhom jitħallew jitolbu eżenzjonijiet mid-dazju anti-dumping skond it-tifsira ta’ l-Artikolu 13 (4) tar-Regolament bażiku.

(5)

Wieħed għandu jinnota, l-ewwelnett, li l-ilment isemmi s-sruġ u l-partijiet essenzjali tagħhom. Madankollu, jitqies li l-evidenza prima facie ta’ dumping meħtieġa biex tinbeda l-investigazzjoni, m’għandhiex bżonn tkopri t-tipi kollha ta’ prodotti inklużi fl-ambitu ta’ l-investigazzjoni. Sakemm il-partijiet tas-sarġ għandhom l-istess karatteristiċi bażiċi, tekniċi, fiżiċi u kimiċi u ma jistgħux ikollhom użu aħħari ieħor għajr li jkunu inkorporati flimkien (jiġifieri fis-sruġ), u bħala tali, ma jikkostitwux prodott distint, huma jiġu ddefiniti bħala parti mill-prodott ikkonċernat u għandhom jagħmlu parti mill-investigazzjoni. Barra minn hekk, il-fatt li partijiet essenzjali bħala tali ma ġewx esportati lejn il-Komunità mill-produtturi esportaturi li kkooperaw matul il-PI ma jeskludix li dan seta’ jseħħ fil-każ ta’ l-esportaturi li ma kkooperawx. Huwa mfakkar li l-esportaturi msemmija l-aħħar jirrappreżentaw aktar minn 75 % ta’ l-esportazzjonijiet tal-prodott ikkonċernat lejn il-Komunità.

(6)

Kif jidher fil-premessa (16) tar-Regolament proviżorju l-investigazzjoni wriet li, minkejja d-differenzi fil-forma, fil-materjal u fil-produzzjoni, it-tipi differenti tal-prodott ikkonċernat kollha għandhom l-istess karatteristiċi fiżiċi u tekniċi u bażikament huma użati għall-istess skopijiet. Din is-sejba ma ġietx ikkontestata mill-importatur imsemmi (jew minn xi parti interessata oħra ta’ dan il-proċediment) li wkoll ma pprovda l-ebda evidenza jew tagħrif li seta’ jikkontradixxi s-sejbiet proviżorji. Jirriżulta li d-determinazzjoni ta’ jekk xi partijiet tas-sarġ għandhomx jitqiesu bħal prodott wieħed ma kinitx twettqet biss fuq il-kriterju ta’ l-użu aħħari tagħhom. L-argument ta’ l-importatur li xi partijiet essenzjali tas-sruġ m’għandhomx jitqiesu bħala l-prodott ikkonċernat ma ġietx għalhekk milqugħa.

(7)

Bl-istess mod, minn dan ta’ hawn fuq jirriżulta li l-kunsiderazzjonijiet ta’ evażjoni ma kinux deċisivi meta l-prodott ikkonċernat ġie ddeterminat fl-investigazzjoni preżenti.

(8)

Fin-nuqqas ta’ xi kummenti oħra dwar il-prodott ikkonċernat u l-prodott simili, il-premessi (14) sa (18) tar-Regolament proviżorju huma b’dan ikkonfermati.

(9)

Wara l-iżvelar proviżorju, grupp wieħed ta’ produtturi esportaturi li t-talba tiegħu għall-MET jew għall-IT ma ġietx milqugħa minħabba li kien ressaq tagħrif żbaljat skond it-tifsira ta’ l-Artikolu 18 tar-Regolament bażiku, sostna li m’għandux jiġi meqjus li ma kkooperax u li l-ommissjoni ta’ ċertu tagħrif li kien meqjus mill-Kummissjoni fis-sejbiet proviżorji tagħha bħala żbaljat, m’għandhiex twassal għaċ-ċaħda ta’ l-IT, peress li t-tagħrif kien jikkonċerna biss is-suq domestiku, u b’hekk seta’ jaffettwa l-kalkolu tal-valur normali.

(10)

Madankollu, il-kumpanija ma tat l-ebda spjegazzjoni dwar it-tagħrif li tħalla barra, u għaldaqstant huwa meqjus xieraq li jinżammu s-sejbiet proviżorji rigward il-livell ta’ kooperazzjoni tagħhom. Id-dubji konsegwenti dwar l-affidabilità tat-tagħrif kollu ppreżentat minn dan il-produttur esportatur għadhom jeżistu, u fin-nuqqas ta’ kooperazzjoni sħiħa min-naħa tal-kumpaniji relatati kollha fi ħdan grupp wieħed ta’ produtturi esportaturi, ma jistax ikun iddeterminat jekk il-kriterji stabbiliti fl-Artikolu 9(5) tar-Regolament bażiku rigward l-IT humiex milħuqa fejn għandu x’jaqsam dan il-grupp.

(11)

L-industrija tal-Komunità argumentat li l-fatt li xi produtturi esportaturi bbenefikaw minn eżenzjonijiet ta’ taxxa bl-għan li jinkuraġġixxu l-investiment dirett barrani m’huwiex kompatibbli ma’ l-għoti ta’ MET lil dawn l-esportaturi produtturi. Madankollu, il-benefiċċji nfushom lill-kumpaniji minn dawn l-eżenzjonijiet ta’ taxxa nstabu li kienu insinifikanti, u għalhekk jitqies li ma kinux kompatibbli mal-MET.

(12)

L-industrija tal-Komunità argumentat ukoll li l-MET kellu jiġi miċħud lil wieħed mill-gruppi ta’ esportaturi, minħabba li matul il-PI kien hemm dispożizzjonijiet fl-Artikoli ta’ Assoċjazzjoni ta’ dawn l-esportaturi, li jispeċifikaw ċertu perċentwali ta’ bejgħ ta’ l-esportazzjoni. Madankollu, jitqies li dawn id-dispożizzjonijiet, li fil-prattika ma kinux segwiti mill-esportaturi u li tneħħew wara l-PI, ma kinux jikkostitwixxu restrizzjonijiet de jure jew de facto fuq l-attivitajiet ta’ dawn il-kumpaniji.

(13)

Fin-nuqqas ta’ xi kummenti oħra rigward l-għoti tal-MET u ta’ l-IT, is-sejbiet kif stabbiliti fil-premessi (19) sa (27) tar-Regolament proviżorju huma b’dan ikkonfermati.

(14)

Wara l-iżvelar proviżorju, wieħed mill-produtturi esportaturi ppreżenta kummenti dwar il-kalkoli dettaljati li twettqu biex jiġi stabbilit il-valur normali. Dawn il-kummenti nstabu li huma ġġustifikati, u l-kalkoli tal-valur normali ġew irranġati kif suppost. Fin-nuqqas ta’ xi kummenti oħra dwar il-kalkolu tal-valur normali, il-metodoloġija ġenerali kif stabbilita fil-premessi (28) sa (40) tar-Regolament proviżorju hija b’dan ikkonfermata.

(15)

Wara l-iżvelar proviżorju, wieħed mill-importaturi reġa’ qajjem stqarrija li diġà saret qabel fil-proċedura minn parti oħra, filwaqt li argumenta li l-uniku produttur li kkoopera jgawdi pożizzjoni dominanti fis-suq Brażiljan u barra minn hekk kien relatat mal-parti li għamlet l-ilment, u kkontesta l-fatt li l-Kummissjoni għażlet lill-Brażil bħala pajjiż analogu. Dawn l-argumenti kienu diġà analizzati mill-Kummissjoni u rrifjutati fil-premessa (47) tar-Regolament proviżorju. Peress li ma ġie pprovdut l-ebda tagħrif fil-kummenti li waslu wara l-iżvelar proviżorju u l-investigazzjoni l-oħra ma tat l-ebda indikazzjoni li l-pożizzjoni tal-produttur Brażiljan li kkoopera fis-suq Brażiljan, jew ir-relazzjoni tiegħu mal-parti li għamlet l-ilment setgħet taffettwa l-affidabilità tad-data ppreżentata jew l-adegwatezza ta’ l-għażla tal-Brażil bħala pajjiż analogu, il-konklużjoni li saret fl-istadju proviżorju hi kkonfermata. Fin-nuqqas ta’ xi kummenti oħra dwar l-għażla tat-Brażil bħala pajjiż analogu, il-premessi (41) sa (49) tar-Regolament proviżorju huma kkonfermati.

(16)

Il-verifika tad-data ppreżentata mill-produttur li kkoopera fil-Brażil seħħet qabel l-impożizzjoni ta’ miżuri proviżorji, iżda tard wisq fil-proċediment biex ir-riżultati tagħha jirriflettu f’dawk il-miżuri. Fid-dawl tar-riżultati ta’ din il-verifika, il-kalkolu tal-valur normali għall-produtturi esportaturi fir-RPĊ li ma ngħatawx MET ġie rfinat. Fin-nuqqas ta’ xi kummenti oħra dwar id-determinazzjoni tal-valur normali għall-produtturi esportaturi li ma ngħatawx MET, il-metodoloġija ġenerali kif stabbilita fil-premessi (41) sa (51) tar-Regolament proviżorju hija kkonfermata b’mod definittiv.

(17)

Fin-nuqqas ta’ xi kummenti oħra dwar il-prezzijiet ta’ l-esportazzjoni, il-metodoloġija ġenerali kif stabbilita fil-premessi (52) sa (54) tar-Regolament proviżorju hija b’dan ikkonfermata.

(18)

Wara l-iżvelar proviżorju, wieħed mill-produtturi esportaturi argumenta li ma kienx iġġustifikat l-aġġustament għad-differenzi fil-kummissjonijiet, skond l-Artikolu 2(10)(i) tar-Regolament bażiku, imwettaq fuq il-prezz ta’ l-esportazzjoni għall-bejgħ li sar permezz ta’ kumpanija relatata fit-Tajwan. L-esportatur argumenta li l-kumpanija Tajwaniża ma twettaq l-ebda waħda mill-funzjonijiet imsemmija fl-Artikolu 2(10)(i). Madankollu, dan l-argument imur kontra d-deskrizzjoni tal-proċess ta’ bejgħ mogħtija fit-tweġiba tal-kumpanija għall-kwestjonarju ta’ l-anti-dumping u vverifikata matul l-investigazzjoni fuq il-post, u għalhekk dan l-argument ma jistax jintlaqa’. Fin-nuqqas ta’ xi kummenti oħra f’dan ir-rigward, il-premessi (55) u (56) tar-Regolament proviżorju huma b’dan ikkonfermati.

(19)

Wieħed mill-produtturi esportaturi li kkooperaw argumenta li l-marġinu ta’ dumping individwali għandu jiġi wkoll attribbwit lil kumpanija waħda mill-grupp li matul il-PI ma esportatx lejn il-KE. Minħabba li l-grupp ikkoopera bis-sħiħ fl-investigazzjoni, l-argument tagħhom ġie milqugħ u l-marġinu ta’ dumping medju għandu jiġi wkoll attribbwit lil din il-kumpanija, Cionlli Bicycle Components (Tianjin) Co. Ltd. Fid-dawl tar-reviżjonijiet imsemmija hawn fuq li għandhom x’jaqsmu mal-valur normali, il-marġini ta’ dumping definittivi, espressi bħala perċentwali tal-prezz tal-fruntiera tal-Komunità CIF, bid-dazju mhux imħallas, huma dawn li ġejjin:

(20)

Wara l-iżvelar proviżorju, wieħed mill-importaturi argumenta li l-marġini ta’ dumping madwar il-pajjiż kollu ma kellhomx ikunu bbażati fuq l-uniku produttur esportatur li kkoopera u li ma ngħatax la MET u lanqas IT. Skond dan l-importatur, il-marġinu ta’ dumping madwar il-pajjiż kollu wkoll kellu jkun ibbażat fuq il-prezz ta’ l-esportazzjoni tal-grupp ta’ produtturi esportaturi msemmija fil-premessa 0. Madankollu, kif iddikjarat fil-premessa (23) tar-Regolament proviżorju, hemm dubji serji dwar l-integrità tad-data kollha mogħtija minn dak l-esportatur li deliberatament naqas li jiddikjara r-relazzjoni tiegħu ma’ wieħed mill-klijenti domestiċi ewlenin tiegħu u għalhekk kien meqjus li ma kkooperax f’din l-investigazzjoni.

(21)

Fid-dawl tal-kummenti li waslu kien meqjus madankollu, li minħabba l-volum ferm żgħir ta’ esportazzjonijiet irrappreżentati mill-uniku produttur esportatur li kkoopera u li ma ngħatax la MET u lanqas IT, ikun aktar xieraq li l-kalkolu tad-dazju madwar il-pajjiż kollu jkun ibbażat ukoll fuq id-data dwar l-importazzjoni mill-Eurostat, fuq il-bażi ta’ piż medju ta’ 500 gramma għal kull sarġ. Għalhekk, il-marġinu ta’ dumping madwar il-pajjiż kollu kien stabbilit bħala l-medja kkalkolata ta’:

(22)

L-industrija tal-Komunità argumentat li l-piż medju ta’ 500 gramma għal kull sarġ użat mill-Kummissjoni fil-kalkolu tad-dazju madwar il-pajjiż kollu kien stmat ogħla mill-valur reali. L-industrija argumentat li minflok kellu jintuża piż medju ta’ 400 gramma, li kien ifisser prezz medju inferjuri għal kull sarġ fuq il-bażi tad-data ta’ l-Eurostat. Madankollu, l-industrija ma kellhiex evidenza verifikabbli biżżejjed biex tappoġġa dan l-argument. Għalhekk inżammet l-istima ta’ piż medju ta’ 500 gramma, li hi appoġġata bid-data miġbura matul l-investigazzjoni. Fuq din il-bażi, il-livell ta’ dumping definittiv madwar il-pajjiż kollu ġie stabbilit gћal 29.6 % tal-prezz tal-fruntiera tal-Komunità CIF, bid-dazju mhux imħallas.

(23)

Fin-nuqqas ta’ kummenti rigward il-produzzjoni tal-Komunità, il-premessi (64) u (65) tar-Regolament proviżorju huma b’dan ikkonfermati.

(24)

Fin-nuqqas ta’ kummenti rigward id-definizzjoni ta’ l-industrija tal-Komunità, il-premessi (66) u (67) tar-Regolament proviżorju huma b’dan ikkonfermati.

(25)

Fin-nuqqas ta’ kummenti rigward il-konsum tal-Komunità, il-premessi (68) u (69) tar-Regolament proviżorju huma b’dan ikkonfermati.

(26)

Fin-nuqqas ta’ xi kummenti dwar l-importazzjonijiet mill-pajjiż ikkonċernat, il-premessi (70) sa (76) tar-Regolament proviżorju huma b’dan ikkonfermati.

(27)

Fin-nuqqas ta’ kummenti rigward il-qagħda ta’ l-industrija tal-Komunità, il-premessi (77) sa (100) tar-Regolament proviżorju huma b’dan ikkonfermati.

(28)

Fin-nuqqas ta’ xi tagħrif jew argument ġdid u ssostanzjat f’dan ir-rigward, il-premessi (105) sa (118) tar-Regolament proviżorju huma hawnhekk ikkonfermati.

(29)

Fin-nuqqas ta’ xi tagħrif jew argument ġdid u ssostanzjat f’dan il-qasam partikolari, il-premessi (119) sa (135) tar-Regolament proviżorju huma hawnhekk ikkonfermati.

(30)

Fin-nuqqas ta’ xi kummenti oħra dwar il-livell tat-tneħħija tal-ħsara, il-premessi (136) sa (140) tar-Regolament proviżorju huma b’dan ikkonfermati.

(31)

Fid-dawl ta’ dak li ntqal u skond l-Artikolu 9(4) tar-Regolament bażiku, id-dazju anti-dumping definittiv għandu jiġi impost fuq livell biżżejjed biex titneħħa l-ħsara kkawżata mill-importazzjonijiet mingħajr ma jinqabeż il-marġinu ta’ dumping misjub.

(32)

Fuq il-bażi ta’ dan t’hawn fuq, id-dazji definittivi huma kif ġejjin:

(33)

Ir-rati tad-dazju anti-dumping għal kumpaniji individwali kif speċifikati f’dan ir-Regolament kienu stabbiliti fuq il-bażi tas-sejbiet ta’ l-investigazzjoni attwali. Gћalhekk, dawn jirriflettu l-qagħda ta’ dawn il-kumpaniji li nstabet matul din l-investigazzjoni. Dawn ir-rati ta’ dazju (għall-kuntrarju tad-dazju madwar il-pajjiż kollu applikabbli għall-“kumpaniji l-oħra kollha”) huma għalhekk applikabbli esklussivament għal importazzjonijiet ta’ prodotti li joriġinaw fil-pajjiż ikkonċernat u mmanifatturati mill-kumpaniji u għalhekk mill-entitajiet legali speċifiċi msemmija. Il-prodotti importati mmanifatturati minn xi kumpanija oħra mhux imsemmija speċifikament fil-parti operattiva ta’ dan ir-Regolament bl-isem u l-indirizz, inklużi l-entitajiet relatati ma’ dawk imsemmija speċifikament, ma jistgħux jibbenefikaw minn dawn ir-rati u għandhom ikunu soġġetti għar-rata tad-dazju applikabbli għall-“kumpaniji l-oħra kollha”.

(34)

Kull talba gћall-applikazzjoni ta’ dawn ir-rati ta’ dazju anti-dumping gћal kumpaniji individwali (eż. wara tibdil fl-isem ta’ l-entità jew wara li jiġu stabbiliti entitajiet ġodda tal-produzzjoni jew tal-bejgћ) gћandha tiġi indirizzata lill-Kummissjoni (3) bit-tagħrif kollu rilevanti, b’mod partikolari fir-rigward ta’ kwalunkwe modifikazzjoni fl-attivitajiet tal-kumpanija marbuta mal-produzzjoni, mal-bejgћ domestiku u ma’ dak ta’ l-esportazzjoni u li jkunu assoċjati, pereżempju, ma’ dik il-bidla fl-isem jew ma’ dik il-bidla fl-entitajiet tal-produzzjoni u tal-bejgћ. Jekk ikun hemm bżonn, ir-Regolament ikun imbagħad emendat kif xieraq billi tiġi aġġornata l-lista ta’ kumpaniji li jgawdu minn rati ta’ dazju individwali.

(35)

Sabiex ikun żgurat l-infurzar xieraq tad-dazju anti-dumping, il-livell ta’ dazju residwu m’għandux japplika biss għall-esportaturi li ma kkooperawx, iżda anki għal dawk il-kumpaniji li ma kellhom l-ebda esportazzjoni matul il-PI. Madankollu, dawn il-kumpaniji ta’ l-aħħar huma mistiedna, meta jissodisfaw ir-rekwiżiti ta’ l-Artikolu 11(4) tar-Regolament bażiku, it-tieni paragrafu, sabiex jippreżentaw talba għal reviżjoni skond dan l-Artikolu sabiex ikollhom il-qagħda tagħhom eżaminata individwalment.

(36)

Minħabba l-kobor tal-marġini ta’ dumping li nstabu u fid-dawl tal-livell ta’ ħsara ikkaġunat lill-industrija tal-Komunità, huwa meqjus neċessarju li l-ammonti li ġew żgurati permezz tad-dazju anti-dumping proviżorju, impost mir-Regolament proviżorju, i.e. ir-Regolament (KE) Nru 1999/2006, għandhom jinġabru b’mod definittiv sa l-ammont tad-dazji definittivi imposti. Fejn id-dazji definittivi jkunu aktar baxxi mid-dazji proviżorji, l-ammonti żgurati b’mod proviżorju b’żieda mar-rata definittiva tad-dazji anti-dumping għandhom jinħelsu. Fejn id-dazji definittivi huma ogħla mid-dazji proviżorji, għandhom jinġabru b’mod definittiv biss l-ammonti żgurati fil-livell tad-dazji proviżorji.

(37)

Sabiex jitnaqqsu kemm jista’ jkun ir-riskji ta’ elużjoni minħabba d-differenza għolja fir-rati tad-dazju, huwa meqjus li jinħtieġu miżuri speċjali f’dan il-każ sabiex jiżguraw l-applikazzjoni xierqa tad-dazji anti-dumping. Dawn il-miżuri speċjali, li japplikaw biss għal kumpaniji li għalihom iddaħħlet rata tad-dazju individwali, jinkludu l-preżentazzjoni lill-awtoritajiet doganali ta’ l-Istati Membri ta’ fattura kummerċjali valida, li trid tikkonforma mar-rekwiżiti stipulati fl-Anness gћal dan ir-Regolament. L-importazzjonijiet li ma jkunux akkumpanjati b’fattura tali gћandhom jiġu soġġetti gћad-dazju residwu ta’ l-anti-dumping li japplika gћall-esportaturi l-oћra kollha.

(38)

Ta’ min ifakkar li jekk l-esportazzjonijiet mill-kumpaniji li jgawdu minn rati aktar baxxi ta’ dazju individwali jiżdiedu b’mod sinifikanti fil-volum wara l-impożizzjoni tal-miżuri anti-dumping, fit-tifsira ta’ l-Artikolu 13(1) tar-Regolament bażiku din iż-żieda fil-volum tista’ titqies bћala waħda li tikkostitwixxi fiha nnfisha bidla fil-mudell tan-negozju li tkun dovuta għall-impożizzjoni tal-miżuri. F’dawn iċ-ċirkustanzi, u sakemm jintlaħqu l-kundizzjonijiet, jista’ jingħata bidu għal investigazzjoni ta’ kontra l-elużjoni. Din l-investigazzjoni tista’, inter alia, teżamina l-ћtieġa għat-tneћћija tar-rati tad-dazju individwali u għall-impożizzjoni konsegwenti tad-dazju madwar il-pajjiż kollu,

(1)

Fit-3 ta' Marzu 2006, il-Kummissjoni rċeviet ilment skond l-Artikolu 5 tar-regolament bażiku li jikkonċerna d-dumping bi ħsara ta' l-importazzjonijiet ta' fibri prinċipali ta' poliesteri (PSF) li joriġinaw mill-Malasja u mit-Tajwan L-ilment sar mis-CIRFS (Comité International de la Rayonne et des Fibres Synthétiques) li jirrappreżentaw iktar minn 50 % tal-produzzjoni totali Komunitarja tal-PSF.

(2)

Wara li tnieda stħarriġ ta' kontra d-dumping fit-12 ta' April 2006, il-Kummissjoni, permezz tar-Regolament (KE) Nru 2005/2006 (2), imponiet dazji proviżorji għal kontra d-dumping fuq importazzjonijiet fil-Komunità ta' fibri sintetiċi tal-poliesteri ta' qisien ta' qosor predeterminati (il-PSF) li joriġinaw mill-Malasja u mit-Tajwan (“Regolament proviżorju”). Id-dazji proviżorji għal kontra d-dumping li ħadu s-sura ta' dazji ad valorem li jvarjaw minn 12,4 % għal 23 % għall-Malasja u minn 14,7 % għal 29,5 % għat-Tajwan bdew japplikaw mid-29 ta' Diċembru 2006.

(3)

Wara l-pubblikazzjoni tar-Regolament proviżorju, il-partijiet ġew mgħarrfa bil-fatti u l-kunsiderazzjonijiet li fuqhom issejjes ir-Regolament proviżorju. Il-partijiet kollha ngħataw ukoll perjodu li fih kellhom jagħmlu preżentazzjonijiet wara li ġew mgħarrfa.

(4)

Xi partijiet interessati ressqu kummenti bil-miktub. Dawk il-partijiet li talbu dan, ingħataw ukoll l-opportunità li jinstemgħu bil-kelma tal-fomm.

(5)

Il-Kummissjoni kompliet tfittex kull informazzjoni li ħasset li kienet meħtieġa għall-iskop tas-sejbiet definittivi tagħha. Skond dawn l-osservanzi hi waslet għall-konklużjoni li jeżistu raġunijiet evidenti fl-interess Komunitarju biex ma jimponux miżuri kontra d-dumping fuq l-importazzjonijiet tal-PSF mill-pajjiżi kkonċernati.

(6)

Il-Kummissjoni kixfet il-fatti u l-kunsiderazzjonijiet essenzjali kollha li fuqhom beħsiebha ttemm dan il-proċediment. Il-partijiet interessati ngħataw ukoll perjodu li fih jistgħu jippreżentaw l-affarijiet wara dan l-esponiment u ngħataw opportunità li dawn jingħataw seduta ta' smigħ. Il-kummenti bil-miktub u dawk orali mressqa mill-partijiet interessati ġew ikkunsidrati u, fejn jixraq, ġew ikkunsidrati għal sejbiet definittivi.

(7)

Oriġinalment, wara konsultazzjoni mal-Kumitat ta' konsulenza, il-Kummissjoni ressqet lill-Kunsill rapport dwar ir-riżultati tal-konsulta, flimkien ma' proposta li l-proċedura tintemm fl-interess tal-Komunità.

(8)

Sa dak iż-żmien, permezz ta' ittra bid-data tat-23 ta' Mejju 2007 u indirizzata lill-Kummissjoni, min wassal l-ilment irtira formalment l-ilment li jikkonċerna l-importazzjoni ta' fibri sintetiċi tal-poliesteri ta' qisien ta' qosor prideterminat (PSF) li joriġinaw mill-Malasja u mit-Tajwan.

(9)

Skond l-Artikolu 9(1) tar-Regolament bażiku, il-proċediment jista' jingħalaq meta l-kwerela tiġi rtirata sakemm għeluq bħal dan ma jmurx kontra l-interess Komunitarju.

(10)

Il-Kummissjoni qieset li l-proċedura attwali għandha tintemm billi l-investigazzjoni ma sabet l-ebda konsiderazzjoni li turi li dan l-għeluq ma jkunx fl-interess Komunitarju.

(11)

Matul l-investigazzjoni, il-Kummissjoni kkuntattjat il-partijiet kollha magħrufa li kienu kkonċernati biex tikseb l-opinjonijiet tagħhom. Barra l-industrija Komunitarja, l-utenti u l-assoċjazzjonijiet ta' l-utenti għamlu preżentazzjonijiet u/jew instemgħu rigward l-impatt possibbli ta' l-impożizzjoni ta' miżuri definittivi. Skond dawn l-osservanzi l-Kummissjoni waslet għall-konklużjoni li jeżistu raġunijiet evidenti fl-interess Komunitarju biex ma jkunu imponuti miżuri kontra d-dumping fuq l-importazzjonijiet tal-PSF mill-pajjiżi kkonċernati B'apprezzament għall-interessi varji meħudin flimkien saret taqsira spjegata kif ġej.

(12)

Wara l-impożizzjoni tal-miżuri proviżorji, importatur wieħed, għadd kbir ta' utenti u assoċjazzjonijiet ta' l-utenti leħħnu l-opinjonijiet tagħhom u stqarrew li l-livell tal-miżuri kien partikolarment għoli u li, minħabba f'hekk, ma kinux qegħdin jitħallew jimportaw mill-akbar għejun tagħhom ta' provvista mill-Asja. Huma kkonfermaw l-argumenti li diġà tressqu minn utenti oħra qabel l-impożizzjoni tal-miżuri proviżorji, deskritti fil-premessi (156) sa (158) tar-Regolament proviżorju, u għamlu pretensjonijiet ġodda.

(13)

Biex tiġi eżaminata fid-dettall ir-relevanza tal-kwistjonijiet il-ġodda mressqa mill-industriji ta' l-utenti, il-Kummissjoni talbet lill-partijiet biex jipprovdu data u evidenza ta' appoġġ li tħeġġeġ lill-utenti u lill-assoċjazzjonijiet tagħhom kollha li jkomplu jikkooperaw aktar fl-investigazzjoni. Il-kooperazzjoni żdiedet meta mqabbla mal-qagħda qabel l-impożizzjoni tal-miżuri proviżorji, billi l-utenti li jirrappreżentaw 'il fuq minn 10 % tal-konsum Komunitarju totali tal-PSF u 15 % ta' l-importazzjonijiet totali mill-pajjiżi kkonċernati kkooperaw fl-investigazzjoni. Il-parteċipazzjoni ta' l-assoċjazzjonijiet ta' l-utenti maġġuri fl-investigazzjoni (li jirrappreżentaw kumpaniji li jagħmlu aktar minn 50 % tal-konsum totali tal-PSF fil-Komunità) tqiesu wkoll u b'hekk ikkonfermaw li s-sejbiet u l-konklużjonijiet li waslu għalihom dwar il-bżonn li jintemmu l-investigazzjonijiet fl-interess Komunitarju huma sostanzjati biżżejjed.

(14)

Skond l-utenti, l-impożizzjoni tal-miżuri se tiggrava n-nuqqasijiet tal-provvista tal-PSF billi l-industrija Komunitarja mhix kapaċi tissodisfa d-domanda ta' l-UE. Il-qagħda se tkun fattur li jaffettwa ż-żieda fil-prezz tal-PSF u b'hekk il-prezzijiet tal-prodotti fl-industriji ta' proċessi aktar avvanzati, u thedded il-kompetittività tagħhom f'suq fejn importazzjonijiet bi prezz baxx tal-prodotti finali għandhom rwol importanti. B'dawn iċ-ċirkostanzi, huma mistennija telf ta' impjiegi fl-industriji Komunitarji li jużaw il-PSF fil-perjodu ta' żmien qasir.

(15)

L-utenti tal-PSF isostnu li se jsiru aktar dipendenti fuq importazzjonijiet minn għadd limitat ħafna ta' produtturi f'pajjiżi terzi oħra billi l-provvista offruta mill-produtturi Komunitarji b'mod ġenerali għat-tipi kollha tal-PSF qiegħda tiddeterjora. Dan hu minħabba l-konverżjoni industrijali tal-produtturi Komunitarji mill-PSF għal prodotti oħra. Per eżempju, La Seda de Barcelona naqqset il-produzzjoni tagħha fil-PSF biex iżżid il-produzzjoni tagħha fil-Polyethylene Terephthalate (PET). Bl-istess mod, il-problemi tal-produzzjoni kkaġunati minħabba n-nirien fi Trevira f'Diċembru 2006 u d-diffikultajiet finanzjarji ta' Tergal (taħt l-amministrazzjoni minħabba l-insolvenza (“procedure de sauvegarde”) minn Novembru 2006) li kien l-aktar fornitur li ta' min tista' tafda fih tal-PSF għall-industrija ta' l-għażil qegħdin jiggravaw il-problemi tal-provvista. Fl-aħħarnett, għandu jiftakkar li wieħed mill-produtturi Komunitarji (Pennine Fibres) kien falla.

(16)

L-utenti, l-iktar manifatturi ta' materjal ta' friex għas-sodod u tappezzerija qegħdin jibżgħu minn nuqqas serju b'mod partikolari għall-fibri li ġejjin użati fl-industriji mhux ta' l-insiġ (3):

(17)

Barra minn hekk, id-data supplimentari pprovduta minn produttur Komunitarju li jikkoopera wara kxif proviżorju juru li t-tipi tal-PSF mibjugħa mill-industrija Komunitarja u t-tipi importati tal-PSF mill-Malasja u mit-Tajwan huma differenti.

(18)

L-utenti Komunitarji sostnew ukoll li huwa diffiċli li ssir qalba għal għejun oħra ta' provvista, b'mod partikolari f'pajjiżi terzi li mhumiex soġġetti għal miżuri ta' konta d-dumping. Ġie argumentat li hemm il-ħin meħtieġ biex il-produtturi tal-PSF li jesportaw jerġgħu jibdew l-esportazzjonijiet tagħhom lejn il-Komunità speċjalment fid-dawl tar-riskju li d-dazji jerġgħu jiġu imposti mill-ġdid malli l-volumi ta' l-importazzjoni tagħhom jilħqu ċertu livell ta' volum. Barra minn hekk, anki jekk l-utenti jkunu kapaċi jixtru l-PSF minn fornituri ġodda li jinsabu f'pajjiżi oħra, jeħtieġu jittestjaw jekk it-tipi ta' PSF prodotti minn dawn il-produtturi humiex addattati għall-produzzjonijiet speċifiċi tagħhom. F'kull każ, l-utenti ddikjaraw li m'hemmx produtturi fil-Komunità jew fil-pajjiżi terzi li mhumiex suġġetti għal miżuri ta' kontra d-dumping li talbu għal kapaċità li jipprovdu biżżejjed fibri speċifiċi prodotti fit-Tajwan.

(19)

Iċ-ċifri disponibbli tal-Eurostat juru li l-importazzjonijiet mill-Indoneżja, mit-Tajlandja u l-mill-Indja, li l-miżuri ta' kontra d-dumping tagħhom ġew irrevokati mill-aħħar ta' Ottubru 2006, żdiedu f'daqqa f'termini relattivi sa l-aħħar ta' l-2006. Dan jista' jissuġġerixxi li l-għejun l-oħra ta' provvista huma diġà disponibbli fis-suq Komunitarju. Madankollu, il-volum ikkonċernat għadu relattivament baxx u ma jistgħux jirrispondu mill-ewwel għad-domanda ta' l-utenti. Għalhekk, huwa tassew probabbli li, jekk il-miżuri huma imposti fuq l-importazzjonijiet mit-Tajwan u mill-Malasja, l-utenti jkollhom jordnaw parti kbira mill-fibri tagħhom mill-pajjiżi soġġetti għal dazji ta' kontra d-dumping.

(20)

B'rigward għall-argument imqajjem fil-premessa (158) tar-Regolament proviżorju rigward il-kapaċità limitata ta' l-industrija Komunitarja meta mqabbla mal-ħtiġijiet ta' l-utenti Komunitarji tal-PSF, l-industrija Komunitarja ma tat l-ebda kumment. L-evidenza turi li l-industrija Komunitarja u l-produtturi Komunitarji l-oħra mhumiex f'pożizzjoni li jagħmlu l-isforzi meħtieġa biex jissodisfaw it-talba Komunitarja. Barra minn hekk, l-investigazzjoni mwettqa wara l-impożizzjoni tal-miżuri proviżorji wriet li l-utenti Komunitarji qegħdin iħabbtu wiċċhom ma' diffikultajiet serji meta qegħdin jippruvaw jiksbu ċerti tipi ta' PSF minn pajjiżi terzi li mhumiex soġġetti għal miżuri kontra d-dumping.

(21)

Hemm indikazzjonijiet ukoll li juru li ż-żieda fid-domanda f'pajjiżi terzi oħra ta' ċerti tipi ta' PSF mhix disponibbli fil-Komunità diġà wasslet għal żidiet fil-prezzijiet. Għalhekk, l-għejun l-oħra ta' provvista huma affettwati wkoll mill-qagħda maħluqa mill-impożizzjoni tal-miżuri.

(22)

Skond dan, anki jekk ikun hemm xi sorsi alternattivi ta' provvista li huma disponibbli għal utenti Komunitarji, u minkejja li impjanti ġodda tal-PSF setgħu ġew installati reċentament (4) u l-kapaċità f'Trevira setgħet inġiebet lura sa l-aħħar ta' Marzu 2007, il-proviżjoni tal-PSF tista' tibqa' waħda problematika fis-suq Komunitarju.

(23)

L-utenti Komunitarji tal-PSF sostnew li wara l-impożizzjoni tal-miżuri proviżorji, huma qegħdin isofru minn żidiet sinifikanti fil-prezz għal ċerti tipi ta' PSF mhux biss mill-pajjiżi kkonċernati iżda wkoll mill-fornituri l-oħra li jinsabu fil-Korea u fl-Indja. Il-fatt li d-domanda żdiedet meta mqabbla ma' l-għejun disponibbli tal-provvista mhux soġġetta għal miżuri kontra d-dumping wasslet ukoll għal żieda fil-prezz tal-PSF fis-suq Komunitarju.

(24)

L-utenti pprovdew tagħrif li juri ż-żidiet fil-prezz tal-“fibri speċjalizzati” offruti mill-fornituri f'pajjiżi terzi oħra wara l-impożizzjoni tal-miżuri proviżorji kontra d-dumping fuq importazzjonijiet li joriġinaw mit-Tajwan u l-Malasja. Il-fatt li l-utenti Komunitarji ma jistgħux jistrieħu kompletament fuq il-fornituri Komunitarji għal ċerti tipi ta' PSF jew fuq oħrajn stabbiliti f'pajjiżi terzi oħra mhux soġġetti għal miżuri kontra d-dumping probabbli jwassal għal żidiet oħra fil-prezz fil-medda qasira ta' żmien.

(25)

L-analiżi li twettqet wara fuq l-impatt possibbli ta' l-impożizzjoni tal-miżuri wriet li l-industrija tal-friex u t-tapizzerija tista' probabbilment tkun aktar sensittiva għal żidiet possibbli fil-prezz tal-materjal mhux maħdum milli mis-settur ta' l-għażil. Il-manifatturi ta' mħaded, kutri, kuxxini, tapizzerija, eċċ, għandhom medja marġni ta' qligħ taħt il-5 % u l-PSF jgħodd għal 30 % tan-nefqa totali tal-produzzjoni. Billi huma l-utenti ewlenin ta' l-LMP u l-HCS li n-nuqqas allegat tal-provvista tagħhom fil-Komunità probabbli jsir agħar bl-impożizzjoni ta' miżuri, l-impatt probabbli fuq l-ispiża tal-produzzjoni tagħhom jista' jiżdied b'sa 6-8 %.

(26)

Huwa ċar li b'tali żieda fl-ispejjeż, l-industrija tal-friex se tiġi affettwata serjament mill-kompetizzjoni, li kull ma tmur qiegħda tiżdied, li qegħdin iħabbtu wiċċhom magħha miċ-Ċina fuq il-prodotti lesti u li ma jkunux jistgħu jagħmlu offerti attraenti lill-klijenti tagħhom, speċjalment il-katini l-kbar ta' bejgħ bl-imnut b'saħħa fis-suq tassew kbira tax-xerrejja. Deċiżjoni biex jiġu imposti dazji kontra d-dumping fuq l-importazzjonijiet mill-Malasja u mit-Tajwan se twassal biex iddgħajjef dejjem aktar il-kompetittività tagħhom.

(27)

Fil-premessa (164) tar-Regolament proviżorju kien konkluż li l-impatt tal-miżuri proposti fuq l-industrija tal-prodott finali se jkun limitat. Imsejjes fuq il-fatti u l-kunsiderazzjonijiet li jinsabu hawn fuq, l-investigazzjoni ta' wara wriet li bħala medja ż-żieda fl-ispiża ta' l-utenti se tkun fil-medda ta' 0,4-1,5 % u tista' tilħaq 6 %-8 % fl-industrija tal-friex b'mod partikolari, f'każ ta' utenti li jiksbu l-parti l-kbira tal-PSF tagħhom mit-Tajwan. B'hekk, l-impatt mhux se jkun mifrux l-istess fuq l-utenti u l-qagħda ekonomika ta' ċerti utenti se tiġi affettwata serjament.

(28)

L-utenti sostnew ukoll li jekk il-miżuri kontra d-dumping jinżammu fuq il-livell attwali fuq importazzjonijiet li joriġinaw fit-Tajwan u l-Malasja, huwa inevitabbli l-prezzijiet għall-prodotti 'l bogħod mis-sors jiżdiedu fis-suq Komunitarju. Din, min-naħa tagħha twassal għal żieda fl-importazzjonijiet ta' prodotti 'l bogħod mis-sors bi prezz baxx u żżid il-problemi li ji taqgħu magħhom l-industriji ta' l-utenti. Statistika, dan l-aħħar, uriet b'mod ċar li wara li l-miżuri kontra d-dumping ġew imposti fuq l-importazzjonijiet tal-PSF (5) miċ-Ċina, il-volumi ta' l-importazzjoni ta' ċerti oġġetti lesti li inkorporaw il-PSF żdiedu bi 39 %.

(29)

Huwa minnu li kien hemm korrelazzjoni bejn l-impożizzjoni tal-miżuri kontra d-dumping fuq il-PSF Ċiniż u ż-żieda ta' l-importazzjonijiet tal-prodotti finali miċ-Ċina. L-istatistika turi li dan mhux każ iżolat u li l-miżuri l-antiki kontra d-dumping fuq il-PSF minn pajjiżi terzi varji wasslu għall-istess reazzjoni mill-pajjiżi kkonċernati. Jew iż-żidiet fil-prezz tal-PSF se jitgħabbew bih bis-sħiħ il-konsumaturi tal-prodotti 'l bogħod mis-sors jew se jkun hemm tnaqqis fl-impjiegi fl-industrija tal-proċess avvanzat tal-Komunità jekk inaqqsu l-produzzjoni tagħhom minħabba żidiet fl-importazzjonijiet mill-pajjiżi terzi.

(30)

L-investigazzjoni wriet li l-produzzjoni tal-PSF mhix attività b'xogħol intensiv. L-industrija Komunitarja timpjega anqas minn 700 persuna fil-Komunità u l-impjieg totali għall-produzzjoni tal-PSF fil-Komunità hu anqas minn 3 000 impjieg. Billi, kif indikat hawn fuq, il-biċċa l-kbira tat-tipi tal-PSF mibjugħa mill-industrija Komunitarja huma differenti mit-tip ta' PSF importati mill-Malasja u mit-Tajwan, u billi d-domanda tal-PSF fil-Komunità qiegħda kontinwament tiżdied, ma jitqiesx li bosta impjiegi qegħdin fir-riskju jekk ma jiġux imposti miżuri definittivi.

(31)

Madankollu, skond iċ-ċifri pprovduti lill-Kummissjoni, l-utenti li jagħmlu madwar 10 % tal-konsum tal-PSF Komunitarju jimpjegaw aktar minn 7 000 persuna fil-produzzjoni ta' prodotti li jinkorporaw il-PSF. Għalhekk, jista' jiġi ssopponut li madwar 70 000 impjieg jiddependu fuq l-industrija ta' l-utenti f'dan il-każ u li mill-inqas 10 % huma fl-industrija tal-friex u t-tapizzerija li, kif indikaw hawn fuq, għandha marġni ta' qligħ baxx ħafna u hi l-utent ewlieni tal-fibri LMP u HCS. Barra minn hekk, fuq bażi tal-parti mill-ispiża tax-xogħol fuq l-ispiża tal-produzzjoni ta' l-industriji ta' l-utenti, instab li impatt ta' l-ispiża medja ta' 1 % jgħodd daqs minn 2.5 % għal 7.75 % ta' l-ispejjeż tax-xogħol. B'hekk, l-impożizzjoni ta' miżuri definittivi tista' twassal għal nuqqas sostanzjali ta' l-impjiegi fil-medda qasira ta' żmien fuq l-industrija Komunitarja tal-proċess finali biex tikkumpensa għaż-żieda ta' l-ispiża tal-materjal mhux maħdum jew wara l-għeluq jew tnaqqis probabbli tal-produzzjoni fl-industrija tal-friex.

(32)

Ġie wkoll analizzat l-impatt fuq l-Industrija Komunitarja qabel ma' dawn irtiraw l-ilment tagħhom. Madankollu, it-tagħrif disponibbli wera li l-produtturi Komunitarji mhumiex qegħdin jipprovdu lill-utenti kollha fil-Komunità bil-kwantitajiet u t-tipi tal-PSF mitluba.

(33)

Barra minn hekk, l-investigazzjoni wriet li l-livell ta' investiment mill-industrija Komunitarja kien baxx għal attività b'intensità għolja ta' kapital u l-produtturi ppreferew jinvestu fi prodotti oħra bħall-PET.

(34)

Kif indikat fil-premessa (166) tar-Regolament proviżorju, fornitur wieħed biss tal-materjal mhux maħdum ikkoopera fl-investigazzjoni. Hu espressament appoġġja l-impożizzjoni tad-dazji li kellhom jippermettu lill-industrija Komunitarji tibqa' vijabbli u li tiżgura wkoll il-pożizzjoni tagħha stess. Hu ma pprovdiex tagħrif rigward l-impatt ta' miżuri imposti jew mhux imponuti fuq il-kumpanija tiegħu.

(35)

Ġie argumentat mill-industrija Komunitarja, li allegatament tipproduċi 40 % tal-PSF minn fliexken tal-PET irriċiklati, kif ukoll minn assoċjazzjoni waħda tal-produtturi li huma attivi fis-settur tar-riċiklaġġ li n-nuqqas ta' teħid ta' miżuri definittivi dwar importazzjonijiet mill-Malasja u mit-Tajwan li huma soġġetti għal dumping għandu jnaqqas il-kapaċità ta' l-industrija Komunitarja li tikkonverti l-fliexken ta' skart f'PSF. Terġa', huma argumentaw li n-nuqqas ta' impożizzjoni ta' miżuri għandu jkollu impatt negattiv fuq l-ambjent minħabba li dan għandu jżid l-emissjonijiet tas-CO2 jekk l-industrija tar-riċiklaġġ kellha tibgħat l-iskart tal-plastik, li issa tbiegħ lill-produtturi Komunitarji tal-PSF, barra mill-Ewropa.

(36)

L-ewwel irid ikun innotat li ammont sostanzjali tal-fibri li huma importati minn pajjiżi kkonċernati huma LMP jew użati mill-industrija ta' l-għażil u, bi qbil ma' l-informazzjoni disponibbli f'dan l-istadju, l-LMP kif ukoll il-biċċa l-kbira tal-fibri użati għall-industrija ta' l-għażil għandhom isiru minn materjal verġni.

(37)

It-tieni, skond l-evidenza mressqa lill-Kummissjoni, hemm domanda importanti li qed tikber ta' fliexken tal-PET irriċiklati mill-Asja u n-nuqqas ta' impożizzjoni ta' miżuri kontra d-dumping mhux se jipprekludi r-riċiklaturi tal-fliexken PET milli jbigħu l-prodotti tagħhom fis-suq tad-dinji.

(38)

Fl-aħħarnett, fil-limitu li l-argumenti dwar is-CO2 jista' jkollhom rwol fid-difiża tal-politika kummerċjali, tressaq għall-ewwel darba din is-sena wara l-bidu tal-proċedura preżenti, li b'hekk isir impossibbli li tiġi vverifikata l-veraċità tiegħu.

(39)

B'kunsiderazzjoni għall-preżentazzjonijiet magħmula mill-partijiet varji u r-riżultati ta' investigazzjonijiet, ġie konkluż li l-impożizzjoni ta' miżuri definittivi kontra d-dumping kontra l-importazzjonijiet li ġew iddampjati tal-PSF li oriġinaw mill-Malasja u mit-Tajwan ikollhom impatt sinfikanti fuq l-utenti Komunitarji. Għalhekk, il-konklużjonijiet tal-premessa (168) tar-Regolament proviżorju ma jistgħux jiġu kkonfermati.

(40)

Il-vantaġġi globali li jistgħu jinkisbu mill-industrija Komunitarja għandhom jitkejlu meta mqabbla ma' l-iżvantaġġi probabbli, b'mod partikolari għall-utenti u, sa ċertu punt, għall-konsumaturi. Il-volum u l-varjetà tal-provvista offruti mill-produtturi Komunitarji qegħdin jiddeterjoraw. Dan hu minħabba, fost raġunijiet oħra, il-konverżjoni industrijali tal-produtturi Komunitarji mill-PSF għal prodotti oħrajn (per eżempju, la Seda de Barcelona) u d-diffikultajiet finanzjarji ta' Tergal. Hemm problema ta' provvista fis-suq Komunitarju għal ċerti tipi ta' fibri u l-produtturi Komunitarji ma jistgħux jew mhumiex ħerqana li jagħmlu l-isforzi neċessarji biex jilħqu d-domanda. Barra minn hekk, hu probabbli li l-impożizzjoni tad-dazji se jwassal għal żidiet sostanzjali fil-prezz ta' ċerti tipi tal-PSF li mhumiex disponibbli fi kwantitajiet suffiċjenti fil-Komunità. Barra minn hekk, għandu jitqies li ċerti utenti tal-PSF (b'mod partikolari l-industrija tal-friex) għandhom marġni ta' qligħ baxx u għandhom jgħaddu lill-konsumaturi kull żieda fil-prezz fil-PSF jew iħallu l-attivitajiet tagħhom f'każ li l-kompetizzjoni mill-pajjiżi terzi ma tħallihomx iżidu l-prezzijiet tagħhom.

(41)

Wara li ġie kkunsidrat dak li ntqal hawn fuq, ma jistax jiġi konkluż li, wara l-irtirar ta' l-ilment, it-terminazzjoni mhux se tkun fl-interess Komunitarju.

(42)

Il-partijiet interessati ġew infurmati kif jixraq u ngħataw l-opportunità li jikkummentaw.

(43)

B'hekk ġie konkluż li l-proċeduri kontra d-dumping, li jikkonċernaw l-importazzjonijiet fil-Komunità ta' fibri sintetiċi ta' poliesteri (PSF) ta' qisien ta' qosor predeterminat li joriġinaw mill-Malasja u mit-Tajwan għandhom jispiċċaw mingħajr ebda impożizzjoni tal-miżuri kontra-d-dumping.

(44)

Kull dmir li ġie impost proviżorjament skond ir-Regolament (KE) Nru 2005/2006 għandu jiġi rilaxxat.