19.6.2007

MT

Il-Ġurnal Uffiċjali ta’ l-Unjoni Ewropea

L 157/1

---

REGOLAMENT TAL-KUNSILL (KE) Nru 676/2007

tal-11 ta’ Ġunju 2007

li jistabbilixxi pjan pluriennali għas-sajd li jisfrutta l-ħażniet tal-barbun tat-tbajja’ u tal-lingwata fil-Baħar tat-Tramuntana

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 37 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew (1),

Billi:

(1)

Pariri xjentifiċi reċenti mill-Kunsill Internazzjonali għall-Esplorazzjoni tal-Baħar (ICES) indikaw li l-ħażniet tal-barbun tat-tbajja’ u tal-lingwata fil-Baħar tat-Tramuntana kienu soġġetti għal livelli ta’ mortalità mis-sajd li qabżu l-livell iddeterminat mill-ICES bħala konsistenti ma’ l-approċċ ta’ prekawzjoni, u l-ħażniet jinsabu f’riskju li jkunu maħżuna b’mod mhux sostenibbli.

(2)	Il-parir mill-kumitat ta’ esperti li eżamina strateġiji pluriennali ta’ ġestjoni jindika li l-ogħla rendita tal-lingwata tista’ tintlaħaq b’rata ta’ mortalità tal-ħut ta’ 0.2 fl-etajiet 2 sa 6 snin.

(3)

Il-Kumitat Xjentifiku, Tekniku u Ekonomiku għas-Sajd (STECF) ta parir li l-bijomassa prekawzjonali għall-ħażna tal-barbun tat-tbajja’ fil-Baħar tat-Tramuntana għandha tkun 230 000t, li r-rata ta’ mortalità mis-sajd meħtieġa biex tipproduċi l-ogħla rendita mill-ħażna tal-barbun tat-tbajja’ fil-Baħar tat-Tramuntana għall-perijodu fit-tul hija 2.3u li l-bijomassa prekawzjonali għall-ħażna tal-lingwata fil-Baħar tat-Tramuntana għandha tkun 35 000t.

(4)

Jeħtieġ li jittieħdu miżuri biex ikun stabbilit pjan pluriennali għall-ġestjoni tas-sajd tal-ħażniet tal-barbun tat-tbajja’ u tal-lingwata fil-Baħar tat-Tramuntana. Tali miżuri, fejn jikkonċernaw il-ħażna tal-barbun tat-tbajja’ fil-Baħar tat-Tramuntana, għandhom jiġu stabbiliti fid-dawl tal-konsultazzjonijiet man-Norveġja.

(5)

L-objettiv ta’ dan il-pjan huwa biex ikun żgurat li, fl-ewwel stadju, il-ħażniet tal-barbun tat-tbajja’ u tal-lingwata fil-Baħar tat-Tramuntana jinbnew sa limiti bijoloġiċi siguri, u fit-tieni stadju u wara konsiderazzjoni dovuta mill-Kunsill dwar il-metodi implimentattivi biex isir dan, li dawk il-ħażniet ikunu sfruttati abbażi tar-rendita sostenibbli massima u taħt kondizzjonijiet ekonomiċi, ambjentali u soċjali sostenibbli.

(6)

Ir-Regolament tal-Kunsill (KE) Nru 2371/2002 ta’ l-20 ta’ Diċembru 2002 dwar il-konservazzjoni u l-isfruttar sostenibbli ta’ riżorsi tas-sajd skond il-Politika Komuni dwar is-Sajd (2) jeħtieġ inter alia li, biex jintlaħaq l-objettiv, il-Komunità għandha tapplika approċċ ta’ prekawzjoni billi tieħu miżuri li jipproteġu u jikkonservaw il-ħażna, jipprovdu għall-isfruttament sostenibbli tagħha u jimminimizzaw l-impatt tas-sajd fuq l-ekosistemi marittimi.

(7)

Dan ir-Regolament għandu jimmira lejn implimentazzjoni progressiva ta’ approċċ ibbażat fuq ekosistema għall-ġestjoni tas-sajd, u għandha tikkontribwixxi għal attivitajiet tas-sajd effiċjenti fi ħdan industrija tas-sajd ekonomikament vijabbli u kompetittiva, li tipprovdi standard ta’ għajxien ġust għal dawk li jiddependu mis-sajd tal-barbun tat-tbajja’ u tal-lingwata tal-Bajja ta’ Biskajja u tieħu kont ta’ l-interessi tal-konsumaturi. Il-Komunità tibbaża l-politika tagħha parzjalment fuq il-politika rakkomandata mill-Kunsill Konsultattiv Reġjonali (RAC). Parti kbira mill-qabdiet tal-barbun tat-tbajja’ fil-Baħar tat-Tramuntana tittieħed flimkien ma’ qabdiet tal-lingwata. Il-ġestjoni tal-barbun tat-tbajja’ ma tistax tkun indirizzata indipendentement mill-ġestjoni tal-lingwata.

(8)

Konsegwentement, fit-tfassil tal-pjan pluriennali, għandu jittieħed kont tal-fatt li r-rata għolja ta’ mortalità tal-ħut għall-barbun tat-tbajja’ hija l-biċċa l-kbira minħabba r-rimi kbir mis-sajd għal-lingwata bix-xbieki tat-tkarkir bit-travu bi xbieki ta’ 80mm fil-parti ta’ isfel tal-Baħar tat-Tramuntana.

(9)

Tali kontroll tar-rati ta’ mortalità mis-sajd jista’ jintlaħaq billi jiġi stabbilit metodu xieraq għall-istabbiliment tal-livell tal-Qabdiet Totali Permissibbli (TACs) tal-ħażniet konċernati, u sistema li tinkludi limiti għall-jiem permissibbli fuq il-baħar sabiex l-isforzi tas-sajd għal dawk il-ħażniet jiġi ristrett għal livelli fejn it-TACs u r-rati ta’ mortalità mis-sajd ippjanati x’aktarx ma jinqabżux, iżda jkunu biżżejjed biex tinqabad it-TAC permessa abbażi tar-rati ta’ mortalità mis-sajd stabbiliti fil-pjan.

(10)

Il-pjan għandu jkopri s-sajd tal-ħut ċatt kollu li għandu impatt sinifikanti fuq il-mortalità mis-sajd tal-ħażniet tal-barbun tat-tbajja’ u tal-lingwata kkonċernati. Madankollu, l-Istati Membri li l-kwota tagħhom għal kull ħażna hija inqas minn 5 % tas-sehem tat-TAC tal-Komunità Ewropea għandhom jiġu eżentati mid-dispożizzjonijiet tal-pjan li jikkonċernaw il-ġestjoni ta’ l-isforz.

(11)	Dan il-pjan għandu jkun l-istrument prinċipali għall-ġestjoni tal-ħut ċatt fil-Baħar tat-Tramuntana, u ser jikkontribwixxi għall-irkupru ta’ ħażniet oħrajn bħall-merluzz.

(12)

Jeħtieġ li jiġu inklużi miżuri ta’ kontroll flimkien ma’ dawk stabbiliti fir-Regolament tal-Kunsill (KEE) Nru 2847/93 tat-12 ta’ Ottubru 1993 li jistabbilixxi sistema ta’ kontroll applikabbli għall-Politika Komuni tas-Sajd (3) sabiex tiġi żgurata l-konformità mal-miżuri stabbiliti f’dan ir-Regolament.

(13)

Fl-2006 l-Kummissjoni tat bidu għal dibattitu dwar strateġija Komunitarja għal tnaqqis gradwali fil-mortalità mis-sajd fis-sajd maġġuri kollu permezz ta’ komunikazzjoni biex jintlaħaq l-objettiv ta’ rendita sostenibbli massima sa l-2015. Il-Kummissjoni ppreżentat din il-komunikazzjoni lill-RACs għall-opinjoni tagħhom.

(14)

Il-Kummissjoni talbet lill-STECF biex jirrapporta dwar aspetti prinċipali tal-valutazzjoni ta’ l-impatt fir-rigward tal-ġestjoni tal-barbun tat-tbajja’ u l-lingwata, li għandha tkun ibbażata fuq informazzjoni bijoloġika u finanzjarja preċiża, objettiva u komprensiva. Dik il-valutazzjoni ta’ l-impatt ser tkun annessa għall-proposta tal-Kummissjoni dwar it-tieni stadju tal-pjan pluriennali.

(15)	Il-pjan pluriennali għandu jitqies li huwa pjan ta’ rkupru matul l-ewwel stadju tiegħu u bħala pjan ta’ ġestjoni matul it-tieni stadju tiegħu, fit-tifsira ta’ l-Artikoli 5 u 6 tar-Regolament (KE) Nru 2371/2002,

ADOTTA DAN IR-REGOLAMENT:

KAPITOLU I

SUĠĠETT U OBJETTIV

Artikolu 1

Suġġett

1.   Dan ir-Regolament jistabbilixxi pjan pluriennali għas-sajd li jisfrutta l-ħażniet tal-barbun tat-tbajja’ u tal-lingwata fil-Baħar tat-Tramuntana.

2.   Għall-finijiet ta’ dan ir-Regolament, il-“Baħar tat-Tramuntana” tfisser iż-żona tal-baħar delinjata mill-Kunsill Internazzjonali għall-Esplorazzjoni tal-Baħar bħala s-Sub-żona IV.

Artikolu 2

Limiti bijoloġiċi siguri

1.   Għall-finijiet ta’ dan ir-Regolament, il-ħażniet tal-barbun tat-tbajja’ u l-lingwata għandhom jitqiesu li huma f’limiti bijoloġiċi siguri f’dawk is-snin li fihom, skond l-opinjoni tal-Kumitat Xjentifiku, Ekonomiku u Tekniku għas-Sajd (STECF), jgħoddu l-kondizzjonijiet kollha li ġejjin:

(a)	il-bijomassa riproduttiva tal-ħażna tal-barbun tat-tbajja’ taqbeż il-230 000t;

(b)	ir-rata ta’ mortalità medja tas-sajd fl-etajiet ta’ 2 sa 6 snin li tgħaddi minnha l-ħażna tal-barbun tat-tbajja’ hija inqas minn 0,6 kull sena;

(ċ)	il-bijomassa riproduttiva tal-ħażna tal-lingwata taqbeż il-230 000t;

(d)	ir-rata ta’ mortalità medja tas-sajd fl-etajiet ta’ 2 sa 6 snin li tgħaddi minnha l-ħażna tal-lingwata hija inqas minn 0,4 kull sena.

2.   Jekk l-STECF jagħti parir li għandhom jintużaw livelli oħrajn ta’ bijomassa u mortalità mis-sajd biex ikunu definiti l-limiti bijoloġiċi siguri, il-Kummissjoni għandha tipproponi l-emenda tal-paragrafu 1.

Artikolu 3

Objettivi tal-pjan pluriennali fl-ewwel stadju

1.   Il-pjan pluriennali għandu, fl-ewwel stadju tiegħu, jassigura r-ritorn tal-barbun tat-tbajja’ u tal-lingwata għal-limiti bijoloġiċi siguri.

2.   L-objettiv speċifikat fil-paragrafu 1 għandu jintlaħaq bit-tnaqqis tar-rata ta’ mortalità mis-sajd tal-barbun tat-tbajja’ u l-lingwata b’10 % kull sena, b’massimu ta’ varjazzjoni tat-TAC ta’ 15 % kull sena sakemm ma jintlaħqu limiti bijoloġiċi siguri għaż-żewġ ħażniet.

Artikolu 4

Objettivi tal-pjan pluriennali fit-tieni stadju

1.   Il-pjan pluriennali għandu, fit-tieni stadju tiegħu jiżgura l-isfruttament tal-ħażniet tal-barbun tat-tbajja’ u tal-lingwata abbażi tar-rendita sostenibbli massima.

2.   L-objettiv speċifikat fil-paragrafu 1 għandu jintlaħaq waqt li l-mortalità mis-sajd tal-barbun tat-tbajja’ tinżamm f’rata ugwali għal jew mhux inqas minn 0.3 fl-etajiet minn 2 sa 6 snin.

3.   L-objettiv speċifikat fil-paragrafu 1 għandu jintlaħaq waqt li l-mortalità mis-sajd għal-lingwata tinżamm f’rata ugwali għal jew mhux inqas minn 0.2 fl-etajiet minn 2 sa 6 snin.

Artikolu 5

Arranġamenti transitorji

1.   Meta jinsab li għal sentejn konsekuttivi l-ħażniet tal-barbun tat-tbajja’ u tal-lingwata reġgħu lura għal-limiti bijoloġiċi siguri l-Kunsill għandu jiddeċiedi abbażi ta’ proposta mill-Kummissjoni dwar emenda ta’ l-Artikolu 4(2) u 4(3) u emenda għall-Artikoli 7, 8 u 9 li, fid-dawl ta’ l-aħħar parir xjentifiku mill-STECF, ser jippermettu l-isfruttament tal-ħażniet b’rata ta’ mortalità mis-sajd kompatibbli mar-rendita sostenibbli massima.

2   Il-proposta tal-Kummissjoni għal reviżjoni għandha tkun akkumpanjata minn valutazzjoni sħiħa ta’ l-impatt u għandha tieħu kont ta’ l-opinjoni tal-Kunsill Konsultattiv Reġjonali għall-Baħar tat-Tramuntana.

KAPITOLU II

QABDIET TOTALI PERMISSIBBLI

Artikolu 6

Stabbiliment tal-Qabdiet Totali Permissibbli (TACs)

Kull sena, il-Kunsill għandu jiddeċiedi, b’maġġoranza kwalifikata abbażi ta’ proposta mill-Kummissjoni, dwar il-Qabdiet Totali Permissibbli (TACs) għas-sena li jmiss għall-ħażniet tal-barbun tat-tbajja’ u tal-lingwata fil-Baħar tat-Tramuntana skond l-Artikoli 7 u 8 ta’ dan ir-Regolament.

Artikolu 7

Proċedura għall-iffissar tat-TAC għall-barbun tat-tbajja’

1.   Il-Kunsill għandu jadotta t-TAC għall-barbun tat-tbajja’ għal dak il-livell ta’ qabdiet li, skond evalwazzjoni xjentifika mwettqa mill-iSTECF hija l-ogħla minn:

(a)	it-TAC li l-applikazzjoni tagħha ser tirriżulta fi tnaqqis ta’ 10 % fir-rata ta’ mortalità tal-ħut fis-sena ta’ applikazzjoni tagħha meta mqabbla mar-rata ta’ mortalità tal-ħut stmata għas-sena ta’ qabel.

(b)	it-TAC li l-applikazzjoni tagħha ser tirriżulta fil-livell tar-rata ta’ mortalità tal-ħut ta’ 0.3 mill-etajiet minn 2 sa 6 snin fis-sena ta’ applikazzjoni tagħha.

2.   Fejn l-applikazzjoni tal-paragrafu 1 tirriżulta f’TAC li jaqbeż it-TAC tas-sena ta’ qabel b’iżjed minn 15 %, il-Kunsill għandu jadotta TAC li huwa 15 % akbar mit-TAC ta’ dik is-sena.

3.   Fejn l-applikazzjoni tal-paragrafu 1 tirriżulta f’TAC li huwa aktar minn 15 % inqas mit-TAC tas-sena ta’ qabel, il-Kunsill għandu jadotta TAC li huwa aktar minn 15 % inqas mit-TAC ta’ dik is-sena.

Artikolu 8

Proċedura għall-iffissar tat-TAC għal-lingwata

1.   Il-Kunsill għandu jadotta t-TAC għal-lingwata għal dak il-livell ta’ qabdiet li, skond evalwazzjoni xjentifika mwettqa mill-iSTECF hija l-ogħla minn:

a)	it-TAC li l-applikazzjoni tagħha ser tirriżulta fil-livell tar-rata ta’ mortalità mis-sajd ta’ 0,2 mill-etajiet minn 2 sa 6 snin fis-sena ta’ applikazzjoni tagħha;

b)	it-TAC li l-applikazzjoni tagħha ser tirriżulta fi tnaqqis ta’ 10 % fir-rata ta’ mortalità tal-ħut fis-sena ta’ applikazzjoni tagħha meta mqabbla mar-rata ta’ mortalità tal-ħut stmata għas-sena ta’ qabel.

2.   Meta l-applikazzjoni tal-paragrafu 1 tirriżulta f’TAC li tgħaddi t-TAC tas-sena ta’ qabel b’aktar minn 15 %, il-Kunsill għandu jadotta TAC li hija 15 % akbar mit-TAC ta’ dik is-sena.

3.   Meta l-applikazzjoni tal-paragrafu 1 tirriżulta f’TAC li hija aktar minn 15 % inqas mit-TAC tas-sena ta’ qabel, il-Kunsill għandu jadotta TAC li hija 15 % inqas mit-TAC ta’ dik is-sena.

KAPITOLU III

LIMITAZZJONI FUQ L-ISFORZ TAS-SAJD

Artikolu 9

Limitu ta’ l-isforz tas-sajd

1.   It-TACs imsemmijin fil-Kapitolu II għandhom ikunu kkumplimentati b’sistema ta’ limitu ta’ sforz tas-sajd stabbilita fil-liġislazzjoni Komunitarja.

2.   Kull sena, il-Kunsill għandu jiddeċiedi b’maġġoranza kwalifikata, abbażi ta’ proposta mill-Kummissjoni, dwar aġġustament tal-livell massimu ta’ sforz tas-sajd disponibbli għal flotot fejn kemm il-barbun tat-tbajja’ kif ukoll l-lingwata jew wieħed minnhom jinkludu parti importanti tal-kwantitajiet żbarkati jew fejn isir rimi sostanzjali u soġġett għas-sistema ta’ limitu ta’ sforz tas-sajd imsemmija fil-paragrafu 1.

3.   Il-Kummissjoni għandha titlob previżjoni mill-STECF tal-livell massimu ta’ l-isforz tas-sajd meħtieġ biex jittieħdu qabdiet ta’ barbun tat-tbajja’ u lingwata ugwali għas-sehem tat-TACs tal-Komunità Ewropea stabbilit skond l-Artikolu 6. Din it-talba għandha tkun formulata b’kont meħud tal-leġislazzjoni Komunitarja rilevanti oħra li tirregola l-kondizzjonijiet li taħthom wieħed jista’ jistad għall-kwoti.

4.   L-aġġustament annwali tal-livell massimu ta’ sforz tas-sajd imsemmi fil-paragrafu 2 għandu jsir skond l-opinjoni ta’ l-STECF ipprovduta skond il-paragrafu 3.

5.   Kull sena l-Kummissjoni għandha titlob lill-STECF biex jirrapporta dwar il-livell annwali ta’ l-isforz tas-sajd skjerat minn bastimenti li jaqbdu l-barbun tat-tbajja’ u l-lingwata, u jirrapporta dwar it-tipi ta’ rkaptu tas-sajd użat f’tali sajd.

6.   Minkejja l-paragrafu 4, l-isforz tas-sajd m’għandux jiżdied ‘il fuq mil-livell allokat fl-2006.

7.   L-Istati Membri li l-kwota tagħhom hija inqas minn 5 % tas-sehem tat-TACs tal-Komunità Ewropea kemm għall-barbun tat-tbajja’ kif ukoll għall-lingwata għandhom jiġu eżentati mir-reġim tal-ġestjoni ta’ l-isforz.

8.   Stat Membru li huwa kkonċernat mid-dispożizzjonijiet tal-paragrafu 7 u li jimpenja ruħu fi kwalunkwe skambju ta’ kwota tal-lingwata jew tal-barbun tat-tbajja’ abbażi ta’ l-Artikolu 20(5) tar-Regolament (KE) Nru 2371/2002 li jirriżulta fis-somma tal-kwota allokata lil dak l-Istat Membru u l-kwantità tal-lingwata jew tal-barbun tat-tbajja’ ttrasferiti tkun aktar minn 5 % tas-sehem tat-TAC tal-Komunità Ewropea għandu jkun soġġett għar-reġim tal-ġestjoni ta’ l-isforz.

9.   L-isforz tas-sajd użat minn bastimenti fejn il-barbun tat-tbajja’ jew il-lingwata huwa parti importanti tal-qabda u li jtajjar il-bandiera ta’ l-Istat Membru kkonċernat bid-dispożizzjonijiet tal-paragrafu 7 m’għandux jiżdied ‘il fuq mil-livell awtorizzat fl-2006.

KAPITOLU IV

MONITORAĠĠ, SPEZZJONI U SORVELJANZA

Artikolu 10

Messaġġi ta’ l-isforz tas-sajd

1.   L-Artikoli 19b, 19ċ, 19d, 19e u 19k tar-Regolament (KEE) Nru 2847/93 għandhom japplikaw għall-bastimenti li joperaw f’dik iż-żona. Bastimenti mgħammra b’sistemi ta’ monitoraġġ skond l-Artikoli 5 u 6 tar-Regolament tal-Kummissjoni (KE) Nru 2244/2003 tat-18 ta’ Diċembru 2003 li jistabbilixxi dispożizzjonijiet dettaljati dwar is-Sistemi ta’ Sorveljanza tal-Vapuri bażata fuq satellita (4) għandhom jiġu esklużi mill-ħtiġiet ta’ komunikazzjoni.

2.   L-Istati Membri jistgħu jimplimentaw miżuri ta’ kontroll alternattivi biex jiżguraw il-konformità ma’ l-obbligu msemmi fil-paragrafu 1 li huma effettivi u trasparenti daqs dawn l-obbligi ta’ rappurtar. Tali miżuri għandhom jiġu notifikati lill-Kummissjoni qabel ma jiġu implimentati.

Artikolu 11

Marġini ta’ tolleranza

1.   B’deroga mill-Artikolu 5(2) tar-Regolament (KEE) Nru 2807/83 tat-22 ta’ Settembru 1983 li jistabbilixxi regoli dettaljati għar-reġistrazzjoni ta’ l-informazzjoni tal-qabdiet tal-ħut ta’ l-Istati Membri (5), il-marġni permess ta’ tolleranza, fl-estimi tal-kwantitajiet, f’kilogrammi ta’ piż ħaj kemm tal-barbun tat-tbajja’ kif ukoll tal-lingwata miżmuma abbord il-bastimenti li kienu preżenti fil-Baħar tat-Tramuntana għandu jkun ta’ 8 % taċ-ċifra mdaħħla fil-ġurnal ta’ abbord. F’każ li ebda fattur ta’ konverżjoni ma huwa stabbilit fil-leġislazzjoni komunitarja, għandu japplika l-fattur ta’ konverżjoni adottat mill-Istat Membru li tiegħu l-bastiment qed itajjar il-bandiera.

2.   Il-paragrafu 1 m’għandux japplika għal speċi ta’ organiżmu akkwatiku jekk il-kwantità ta’ dik l-ispeċi miżmuma abbord hija inqas minn 50 kg.

Artikolu 12

Ippeżar tal-kwantitajiet żbarkati

L-awtoritajiet kompetenti ta’ Stat Membru għandhom jiżguraw li kwalunkwe kwantità ta’ lingwata li taqbeż it-300 kg jew ta’ barbun tat-tbajja’ li taqbeż il-500 kg, maqbuda fil-Baħar tat-Tramuntana għandha tiġi ippeżata qabel il-bejgħ bl-użu ta’ miżien li ġie ċċertifikat bħala preċiż.

Artikolu 13

Notifika minn qabel

Il-kaptan ta’ bastiment tas-sajd Komunitarju li kien preżenti fil-Baħar tat-Tramuntana u li jixtieq jittrasborda kwalunkwe kwantità ta’ barbun tat-tbajja’ jew lingwata f’port jew post ta’ żbark ta’ pajjiż terz għandu jgħarraf lill-awtoritajiet kompetenti ta’ l-Istat Membru tal-bandiera mill-inqas 24 siegħa qabel l-iżbark f’pajjiż terz, bl-informazzjoni li ġejja

(a)	l-isem tal-port jew lok ta’ żbark,

(b)	il-ħin ta’ meta bejn wieħed u ieħor ser jasal f’dak il-port jew il-lok ta’ żbark,

(ċ)	il-kwantitajiet f’kilogrammi ta’ piż ħaj ta’ l-ispeċi kollha li minnhom iktar minn 50 kg jinżammu abbord.

In-notifika tista’ ssir ukoll minn rappreżentant tal-kaptan tal-bastiment tas-sajd.

Artikolu 14

Stivar separat tal-barbun tat-tbajja’ u tal-lingwata

1.   Għandu jkun projbit li tinżamm abbord bastiment tas-sajd Komunitarju fi kwalunkwe kontenitur individwali kwalunkwe kwantità ta’ barbun tat-tbajja’ jew kwalunkwe kwantità ta’ lingwata mħalltin ma’ kwalunkwe speċi oħra ta’ organiżmi tal-baħar.

2.   Il-kaptani tal-bastimenti tas-sajd Komunitarji għandhom jagħtu lill-ispetturi ta’ l-Istati Membri tali assistenza li tippermetti biex ikunu jistgħu jwettqu kontrolli bir-reqqa tal-kwantitajiet iddikjarati fil-ġurnal ta’ abbord u l-qabdiet tal-barbun tat-tbajja’ u tal-lingwata miżmuma abbord.

Artikolu 15

Trasport tal-barbun tat-tbajja’ u tal-lingwata

1.   L-awtoritajiet kompetenti ta’ Stat Membru għandhom jistgħu jeħtieġu li kwalunkwe kwantità ta’ barbun tat-tbajja’ li taqbeż il-500 kg jew kwalunkwe kwantità ta’ lingwata li taqbeż it-300 kg maqbuda fiż-żona ġeografika msemmija fl-Artikolu 1(2) u l-ewwel żbarkata f’dak l-Istat Membru tiġi ippeżata qabel ma tiġi ttrasportata x’imkien ieħor mill-port ta’ l-ewwel żbark bl-użu ta’ miżien li ġie ċċertifikat bħala preċiż.

2.   B’deroga mill-Artikolu 13 tar-Regolament (KEE) Nru 2847/93, kwantitajiet ikbar minn 500 kg ta’ barbun tat-tbajja’ u kwantitajiet ikbar minn 300 kg ta’ lingwata li huma trasportati lejn post ieħor minnbarra dak ta’ żbark għandhom ikunu akkumpanjati mid-dikjarazzjoniji prevista fl-Artikolu 8(1) ta’ dak ir-Regolament. L-eżenzjoni prevista fl-Artikolu 13(4)(b) tar-Regolament (KEE) Nru 2847/93 m’għandhiex tapplika.

Artikolu 16

Projbizzjoni ta’ trasbordi tal-lingwata u l-barbun tat-tbajja’

Bastiment tas-sajd Komunitarju li jinsab fil-Baħar tat-Tramuntana m’għandu jittrasborda l-ebda kwantità ta’ barbun tat-tbajja’ jew ta’ lingwata għall-ebda bastiment ieħor.

KAPITOLU V

SEGWITU

Artikolu 17

Valutazzjoni tal-miżuri ta’ rkupru

1.   Il-Kummissjoni għandha, abbażi tal-parir mill-STECF, tevalwa l-impatt tal-miżuri ta’ irkupru fuq il-ħażniet ikkonċernati u s-sajd ta’ dawk il-ħażniet fit-tieni sena ta’ applikazzjoni ta’ dan ir-Regolament u f’kull waħda mis-snin sussegwenti.

2.   Il-Kummissjoni għandha tfittex parir xjentifiku mill-STECF dwar ir-rata ta’ progress lejn l-objettivi tal-pjan pluriennali fit-tielet sena ta’ applikazzjoni ta’ dan ir-Regolament u kull tielet sena suċċessiva wara l-applikazzjoni ta’ dan ir-Regolament. Il-Kummissjoni għandha jekk ikun xieraq tipproponi miżuri rilevanti, u l-Kunsill għandu jiddeċiedi b’maġġoranza kwalifikata dwar miżuri alternattivi biex jilħaq l-objettivi mniżżlin fl-Artikoli 3 u 4.

Artikolu 18

Ċirkostanzi speċjali

F’każ li l-STECF jagħti parir li d-daqs ta’ l-istokk riproduttiv tal-barbun tat-tbajja’, dak tal-lingwata, jew it-tnejn qed isofru minn tnaqqis fil-kapaċità riproduttiva, il-Kunsill għandu jiddeċiedi b’maġġoranza kwalifikata fuq il-bażi ta’ proposta mill-Kummissjoni dwar TAC għall-barbun tat-tbajja’ li hija inqas minn dik prevista fl-Artikolu 7, dwar TAC għal-lingwata li hija inqas minn dik prevista fl-Artikolu 8, u dwar livelli ta’ l-isforz tas-sajd li huma inqas minn dawk previsti fl-Artikolu 9.

KAPITOLU VI

DISPOŻIZZJONIJIET FINALI

Artikolu 19

Assistenza taħt il-Fond Ewropew għas-Sajd

1.   Matul l-ewwel stadju previst fl-Artikolu 3 ta’ dan ir-Regolament, il-pjan pluriennali għandu jitqies li huwa pjan ta’ rkupru fis-sens ta’ l-Artikolu 5 tar-Regolament (KE) Nru 2371/2002, u għall-finijiet ta’ l-Artikolu 21(a)(i) tar-Regolament tal-Kunsill (KE) Nru 1198/2006 tas-27 ta’ Lulju 2006 dwar il-Fond Ewropew tas-Sajd (6).

2.   Matul it-tieni stadju previst fl-Artikolu 4 ta’ dan ir-Regolament, il-pjan pluriennali għandu jitqies li huwa pjan ta’ ġestjoni fis-sens ta’ l-Artikolu 6 tar-Regolament (KE) Nru 2371/2002, u għall-finijiet ta’ l-Artikolu 21(a)(iv) tar-Regolament (KE) Nru 1198/2006.

Artikolu 20

Dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

---

(1)  Opinjoni tal-Parlament Ewropew mogħtija fit-28 ta’ Settembru 2006 (għadha mhux pubblikata fil-Ġurnal Uffiċjali).

(2)  ĠU L 358, 31.12.2002, p. 59.

(3)  ĠU L 261, 20.10.1993, p. 1. Ir-Regolament kif emendat l-aħħar bir-Regolament (KE) Nru 1967/2006 (ĠU L 409, 30.12.2006, p. 11).

(4)  ĠU L 333, 20.12.2003, p. 17.

(5)  ĠU L 276, 10.10.1983, p. 1. Regolament kif emendat l-aħħar bir-Regolament (KE) Nru 1804/2005 (ĠU L 290, 4.11.2005, p. 10).

(6)  ĠU L 223, 15.8.2006, p. 1.

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/7

---

REGOLAMENT TAL-KUMMISSJONI (KE) Nru 677/2007

tat-18 ta’ Ġunju 2007

li jistabbilixxi l-valuri fissi ta' l-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kummissjoni (KE) Nru 3223/94 ta' l-21 ta' Diċembru 1994 dwar regoli dettaljati għall-applikazzjoni ta' l-arranġamenti dwar l-importazzjoni tal-frott u l-ħxejjex (1), u b'mod partikolari l-Artikolu 4(1) tiegħu,

Billi:

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 3223/94 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)	Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

ADOTTAT DAN IR-REGOLAMENT:

Artikolu 1

Il-valuri fissi ta' l-importazzjoni msemmija fl-Artikolu 4 tar-Regolament (KE) Nru 3223/94 huma stabbiliti kif inhu indikat fit-tabella ta' l-Anness.

Artikolu 2

Dan ir-Regolament għandu jidħol fis-seħħ fid-19 ta’ Ġunju 2007.

---

(1)  ĠU L 337, 24.12.1994, p. 66. Regolament kif emendat l-aħħar bir-Regolament (KE) Nru 386/2005 (ĠU L 62, 9.3.2005, p. 3).

---

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/9

---

REGOLAMENT TAL-KUMMISSJONI (KE) Nru 678/2007

tat-18 ta’ Ġunju 2007

li jiftaħ sejħa għal offerti għall-allokazzjoni ta’ liċenzji għall-esportazzjoni A3, fis-settur tal-frott u l-ħxejjex (tadam, larinġ, lumi, għeneb tal-mejda, tuffieħ u ħawħ)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 2200/96 tat-28 ta’ Ottubru 1996 dwar l-organizzazzjoni komuni tas-suq fil-frott u l-ħxejjex (1), u b’mod partikolari it-tielet subparagrafu ta’ l-Artikolu 35(3) tiegħu;

Billi:

(1)	Ir-Regolament tal-Kummissjoni (KE) Nru 1961/2001 (2) jistabbilixxi regoli dettaljati għall-applikazzjoni tar-rifużjonijiet fuq l-esportazzjoni fis-settur tal-frott u l-ħxejjex.

(2)

Skond l-Artikolu 35(1) tar-Regolament (KE) Nru 2200/96, il-prodotti esportati mill-Komunità jistgħu jibbenifikaw minn rifużjoni fuq l-esportazzjoni, jekk dan ikun meħtieġ biex issir esportazzjoni li tkun ekonomikament sinifikanti, fil-qafas tal-limiti stipulati fl-arranġamenti, konklużi skond l-Artikolu 300 tat-Trattat.

(3)

Skond l-Artikolu 35(2) tar-Regolament (KE) 2200/96, jaqbel li jkun assigurat li l-kummerċ li diġà żviluppa minħabba l-għoti tar-rifuzjonijiet fuq l-esportazzjoni ma jkunx imxekkel. Għal dan il-għan, u minħabba n-natura staġjonali ta’ l-esportazzjonijiet tal-frott u l-ħxejjex, il-kwantitajiet għandhom jiġu stabbiliti prodott bi prodott, fuq il-bażi tan-nomenklatura tal-prodotti agrikoli għar-rifużjonijiet fuq l-esportazzjoni, stabbilita bir-Regolament tal-Kummissjoni (KEE) Nru 3846/87 (3). Meta jitqassmu l-kwantitajiet, għandha titqies it-tendenza ta’ dawn il-prodotti li jitħassru.

(4)

L-Artikolu 35(4) tar-Regolament (KE) Nru 2200/96 jistipula li r-rifużjonijiet għandhom ikunu stabbiliti billi, minn naħa, jitqiesu l-qagħda u l-perspettivi għall-ġejjieni u min-naħa l-oħra jitqiesu il-prezzijiet u d-disponibbiltà fis-suq Komunitarju tal-frott u l-ħxejjex, u l-prezzijiet applikati fil-kummerċ internazzjonali. Barra minn hekk, iridu jitqiesu wkoll l-ispejjeż tat-tqegħid fis-suq u tat-trasport, kif ukoll ta’ l-aspett ekonomiku ta’ l-esportazzjonijiet proposti.

(5)	Skond l-Artikolu 35(5) tar-Regolament (KE) 2200/96, il-prezzijiet fis-suq Komunitarju huma stabbiliti billi jitqiesu l-prezzijiet l-aktar favorevoli għall-esportazzjoni.

(6)	Il-qagħda kummerċjali internazzjonali u l-esiġenzi speċifiċi ta’ ċerti swieq, jistgħu jkunu jeħtieġu varjazzjoni fir-rifużjoni, għal prodott partikolari, skond id-destinazzjoni ta’ dak il-prodott.

(7)	It-tadam, il-larinġ, il-lumi, l-għeneb tal-mejda, it-tuffieħ u l-ħawħ tal-kategoriji Extra, I u II tar-regoli Komunitarji għat-tqegħid fis-suq, jistgħu attwalment ikunu ekonomikament sinifikanti għall-finijiet ta’ l-esportazzjonijiet.

(8)	Sabiex ikun assigurat l-aħjar użu tar-riżorsi disponibbli u b’qies għall-istruttura ta’ l-esportazzjonijiet Komunitarji, jeħtieġ li ssir sejħa għal offerti biex jiġi stabbilit l-ammont indikattiv tar-rifużjonijiet u tal-kwantitajiet stabbiliti għall-perjodu kkonċernat.

(9)	Il-miżuri pprovduti f’dan ir-Regolament huma konformi ma’ l-opinjoni tal-Kumitat ta’ Ġestjoni għall-frott u l-ħaxix frisk,

ADOTTAT DAN IR-REGOLAMENT:

Artikolu 1

1.   Permezz tal-preżenti qed tinfetaħ sejħa għal offerti għall-allokazzjoni ta’ liċenzji għall-esportazzjoni A3. Il-prodotti kkonċernati, il-perjodu għat-tressiq ta’ l-offerti, il-livelli indikattivi għar-rifużjoni u l-kwantitajiet previsti huma stipulati fl-Anness.

2.   Il-liċenzji maħruġa għall-finijiet ta’ l-għajnuna għall-ikel, regolati bl-Artikolu 16 tar-Regolament tal-Kummissjoni (KE) Nru 1291/2000 (4), mhumiex ikkalkolati skond il-kwantitajiet stipulati fl-Anness ta’ dan ir-Regolament.

3.   Mingħajr preġudizzju għall-Artikolu 5(6) tar-Regolament (KE) 1961/2001, il-validità tal-liċenzji A3 hija ta’ erba’ xhur.

Artikolu 2

Dan ir-Regolament għandu jidħol fis-seħħ fil-2 ta’ Lulju 2007.

---

(1)  ĠU L 297, 21.11.1996, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 47/2003 (ĠU L 7, 11.1.2003, p. 64).

(2)  ĠU L 268, 9.10.2001, p. 8. Ir-Regolament kif emendat l-aħħar bir-Regolament tal-Kummissjoni (KE) Nru 548/2007 (ĠU L 130, 22.5.2007, p. 3).

(3)  ĠU L 366, 24.12.1987, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 532/2007 (ĠU L 125, 15.5.2007, p. 7).

(4)  ĠU L 152, 24.6.2000, p. 1.

---

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/12

---

REGOLAMENT TAL-KUMMISSJONI (KE) Nru 679/2007

tat-18 ta’ Ġunju 2007

li jiffissa l-ammont ta’ l-għajnuna għall-ħawħ għall-ipproċessar għas-sena tas-suq 2007-2008

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat it-Trattat ta’ l-Adeżjoni tal-Bulgarija u r-Rumanija,

Wara li kkunsidrat l-Att ta’ Adeżjoni tal-Bulgarija u r-Rumanija, u partikolarment l-Artikolu 41 tiegħu,

Wara li kkunsidrat ir-Regolament tal-Kunsill (KE) Nru 2201/96 tat-28 ta’ Ottubru 1996 dwar l-organizzazzjoni komuni tas-swieq tal-prodotti tal-frott u l-ħxejjex ipproċessati (1), u partikolarment l-Artikolu 6(1) tiegħu,

Billi:

(1)

L-Artikolu 3(3) tar-Regolament tal-Kummissjoni (KE) Nru 1535/2003 tad-29 ta’ Awissu 2003 li jistabbilixxi r-regoli dettaljati sabiex jiġi applikat ir-Regolament tal-Kunsill (KE) Nru 2201/96 rigward l-iskema tal-għajnuna għall-prodotti pproċessati mill-frott u l-ħxejjex ta’ l-ikel (2) jipprovdi li l-Kummissjoni tippubblika, qabel il-31 ta’ Mejju, l-ammont ta’ l-għajnuna applikabbbli għall-ħawħ għall-ipproċessar.

(2)

Għall-Istati Membri tal-Komunità kif kienet fil-31 ta’ Diċembru 2006, l-eżami tar-rispett tal-limiti tal-garanzija Komunitarji u nazzjonali għall-ipproċessar tal-ħawħ, imsemmija fl-Artikolu 5(1) tar-Regolament (KE) Nru 2201/96, għandu jiġi stabbilit abbażi tal-kwantitajiet megħjuna matul l-aħħar tliet snin tas-suq li għalihom ikunu disponibbli d-data definittivi għall-Istati Membri kollha kkonċernati.

(3)

Il-kwantità medja tal-ħawħ ipproċessat taħt l-iskema ta’ għajnuna matul l-aħħar tliet snin tas-suq hija anqas mil-limitu Komunitarju. L-għajnuna li għandha tapplika għas-sena tas-suq 2007-2008 f’kull Stat Membru kkonċernat għandha għalhekk tkun l-ammont stipulat fl-Artikolu 4(2) tar-Regolament (KE) Nru 2201/96.

(4)

Il-mekkaniżmu tal-kalkolu tal-limiti nazzjonali għall-ipproċessar ipprovdut bl-Artikolu 5 tar-Regolament (KE) Nru 2201/96 ma japplikax immedjatament għall-Bulgarija u r-Rumanija. Għandhom għalhekk jiġu stabbiliti miżuri transitorji għall-applikazzjoni tiegħu. Għas-sena tas-suq 2007-2008, li għaliha ma hemmx data disponibbli għall-eżami tar-rispett tal-limiti tal-garanzija Komunitarji u nazzjonali għall-ipproċessar tal-ħawħ, u għal finijiet ta’ prekawzjoni, huwa f’loku li jkun ipprovdut tnaqqis minn qabel ta’ l-għajnuna, li għalih tingħata rifużjoni jekk il-limitu ma jinqabiżx sa tmiem is-sena tas-suq.

(5)	Il-miżuri pprovduti f’dan ir-Regolament huma konformi ma’ l-opinjoni tal-Kumitat ta’ Ġestjoni għal prodotti pproċessati mill-frott u l-ħxejjex,

ADOTTAT DAN IR-REGOLAMENT:

Artikolu 1

1.   Għas-sena tas-suq 2007-2008, l-ammont ta’ l-għajnuna għall-ħawħ skond l-Artikolu 2 tar-Regolament (KE) Nru 2201/96 għandu jkun EUR 47.70 l-tunnellata għall-Istati Membri tal-Komunità kif kienet fil-31 ta’ Diċembru 2006.

2.   Għall-Bulgarija u r-Rumanija, l-għajnuna għall-ħawħ taħt l-Artikolu 2 tar-Regolament (KE) Nru 2201/96 għandu jkun EUR 35.78 l-tunnellata.

Artikolu 2

1.   Jekk il-limitu Komunitarju ma jkunx inqabeż meta jsir il-kalkolu tar-rispett tal-limitu tas-sena tas-suq 2007-2008, ammont supplimentari ekwivalenti għal 25 % ta’ l-għajnuna stabbilita bl-Artikolu 4(2) tar-Regolament (KE) Nru 2201/96 għandu jitħallas fil-Bulgarija u fir-Rumanija wara s-sena tas-suq 2007-2008.

2.   F’każ li l-limitu Komunitarju jkun inqabeż, jew jekk fil-Bulgarija jew fir-Rumanija l-limitu ma jkunx inqabeż jew ikun inqabeż b’inqas minn 25 %, għandu jitħallas ammont addizzjonali f’dawn l-Istati Membri wara s-sena tas-suq 2007-2008.

L-ammont addizzjonali msemmi fl-ewwel subparagrafu għandu jkun stabbilit abbażi ta’ l-ammont li bih ikun inqabeż il-limitu nazzjonali kkonċernat, sa massimu ta’ 25 % ta’ l-għajnuna stipulata fl-Artikolu 4(2) tar-Regolament (KE) Nru 2201/96.

3.   Għall-eżami tar-rispett tal-limiti nazzjonali ta’ l-ipproċessar, u biss għall-Bulgarija u r-Rumanija, għas-sena tas-suq 2007-2008 l-kalkolu għandu jsir abbażi tal-kwantitajiet li fil-fatt ikunu ġew megħjuna matul is-sena tas-suq 2007-2008.

Artikolu 3

Dan ir-Regolament għandu jidħol fis-seħħ fit-tielet jum ta’ wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

---

(1)  ĠU L 297, 21.11.1996, p. 29. Ir-Regolament kif emendat l-aħħar bir-Regolament tal-Kummissjoni (KE) Nru 386/2004 (ĠU L 64, 2.3.2004, p. 25).

(2)  ĠU L 218, 30.8.2003, p. 14. Ir-Regolament kif emendat l-aħħar bir-Regolament (KE) Nru 1663/2005 (ĠU L 267, 12.10.2005, p. 22).

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/14

---

DIRETTIVA TAL-KUMMISSJONI 2007/35/KE

tat-18 ta’ Ġunju 2007

li temenda, għall-għanijiet ta’ l-adattament tagħha għall-progress tekniku, id-Direttiva tal-Kunsill 76/756/KEE rigward l-istallazzjoni ta’ dawl u mezzi ta’ senjalazzjoni bid-dawl fuq vetturi bil-mutur u l-karrijiet tagħhom

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 70/156/KEE tas-6 ta’ Frar 1970 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip tal-vetturi bil-mutur u bil-karrijiet tagħhom (1), u partikolarment it-tieni inċiż ta’ l-Artikolu 13(2) tagħha,

Wara li kkunsidrat id-Direttiva tal-Kunsill 76/756/KEE tas-27 ta’ Lulju ta’ l-1976 dwar l-approssimazzjoni tal-liġijiet ta’ l-Istati Membri dwar l-iffissar tad-dawl u mezzi ta’ senjalazzjoni bid-dawl fuq vetturi bil-mutur u l-karrijiet tagħhom (2), u b’mod partikolari l-Artikolu 4 tagħha,

Billi:

(1)

Id-Direttiva 76/756/KEE hija waħda mid-Direttivi separati fil-kuntest tal-proċedura ta’ l-approvazzjoni tat-tip tal-KE stabbilita bid-Direttiva 70/156/KEE. Id-dispożizzjonijiet tad-Direttiva 70/156/KEE dwar sistemi komponenti u unitajiet tekniċi għall-vetturi għalhekk japplikaw għad-Direttiva 76/756/KEE.

(2)	Sabiex tiżdied is-sigurtà fit-toroq billi tittejjeb il-preżenza ta’ trakkijiet kbar u l-karrijiet tagħhom għandu jiddaħħal l-obbligu biex jitwaħħlu sinjali retro riflettivi fuq dawn il-vetturi fid-Direttiva 76/756/KEE.

(3)

Sabiex tkun tista’ tikkunsidra emendi oħra tar-Regolament NU/ECE Nru 48 (3), li l-Komunità diġà vvutat dwaru, huwa xieraq li tiġi adottata d-Direttiva 76/756/KEE għall-progress tekniku billi din tiġi allinjata mal-ħtiġijiet tekniċi ta’ dan ir-Regolament NU/ECE. Fl-interess taċ-ċarezza, l-Anness II tad-Direttiva 76/756/KEE għandu jinbidel.

(4)	Id-Direttiva Nru 76/756/KEE għandha għalhekk tiġi emendata.

(5)	Il-miżuri previsti f’din id-Direttiva huma skond l-opinjoni tal-Kumitat dwar l-Addattament għall-Progress Tekniku,

ADOTTAT DIN ID-DIRETTIVA:

Artikolu 1

L-Anness II tad-Direttiva 76/756/KEE qiegħed jinbidel bl-Anness ta’ din id-Deċiżjoni.

Artikolu 2

B’effett mill-10 ta’ Lulju 2011, jekk ma jkunx hemm konformità mal-ħtiġijiet stipulati fid-Direttiva 76/756/KEE, kif emendati b’din id-Direttiva, l-Istati Membri, fuq il-bażi li għandha x’taqsam ma’ l-installazzjoni tad-dawl u mezzi ta’ senjalazzjoni bid-dawl għandu jikkunsidra, skond id-dispożizzjonijiet tad-Direttiva 70/156/KEE, ċ-Ċertifikati ta’ Konformità li jakkumpanjaw vetturi ġodda bħala mhux iktar validi għall-għanijiet ta’ l-Artikolu 7(1) ta’ din id-Direttiva.

Artikolu 3

1.   L-Istati Membri għandhom jadottaw u jippubblikaw, sa mhux aktar tard mid-9 ta’ Lulju 2008, il-liġijiet, ir-regolamenti, u d-dispożizzjonijiet amministrattivi neċessarji sabiex ikunu f’konformità ma’ din id-Direttiva. Għandhom mingħajr dewmien jipprovdu lill-Kummissjoni bit-test ta’ dawn id-dispożizzjonijiet u tabella korrispendenti bejn dawn id-dispożizzjonijiet u din id-Direttiva.

Huma għandhom japplikaw dawn id-dispożizzjonijiet mill-10 ta’ Lulju 2008.

Meta l-Istati Membri jadottaw dawn id-dispożizzjonijiet, għandu jkun fihom referenza għal din id-Direttiva, jew ikunu akkumpanjati minn tali referenza, fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-riferenza.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.

Artikolu 4

Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha fil-Ġurnal Uffiċjali ta’ l-Unjoni Ewropea.

Artikolu 5

Din id-Direttiva hija indirizzata lill-Istati Membri.

---

(1)  ĠU L 42, 23.2.1970, p. 1. Id-Direttiva kif l-aħħar emendata bid-Direttiva 2006/96/KE (ĠU L 363, 20.12.2006, p. 81).

(2)  ĠU L 262, 27.9.1976, p. 1. Id-Direttiva kif emendata l-aħħar mid-Direttiva tal-Kummissjoni 97/28/KE (ĠU L 171, 30.6.1997, p. 1).

(3)  ĠU L 137, 30.5.2007, p. 1.

---

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/17

---

DEĊIŻJONI TAL-KUNSILL

tal-11 ta’ Ġunju 2007

li taħtar membru tal-Bord ta’ Ġestjoni ta’ l-Awtorità Ewropea għas-Sigurtà fl-Ikel

(2007/420/KE)

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra r-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà ta’ l-ikel (1), u b’mod partikolari l-Artikolu 25(1) tiegħu,

Wara li kkunsidra l-lista ta’ kandidati preżentata lill-Kunsill mill-Kummissjoni tal-Komunitajiet Ewropej,

Wara li kkunsidra l-veduti espressi mill-Parlament Ewropew,

Billi:

(1)	Huwa essenzjali li jiġu żgurati l-indipendenza, il-kwalità xjentifika għolja, it-trasparenza u l-effiċjenza ta’ l-Awtorità Ewropea għas-Sigurtà fl-Ikel(‘l-Awtorità’). Il-kooperazzjoni ma’ l-Istati Membri hija indispensabbli wkoll.

(2)	Post ta’ Membru tal-Bord ta’ Ġestjoni ta’ l-Awtorità, maħtur sat-30 ta’ Ġunju 2008, sar vakanti wara riżenja.

(3)

Il-kandidaturi ġew eżaminati bil-ħsieb li jinħatar membru ġdid tal-Bord ta’ Ġestjoni abbażi tad-dokumentazzjoni provduta mill-Kummissjoni u fid-dawl tal-fehmiet espressi mill-Parlament Ewropew bil-għan li jiġu żgurati l-ogħla standard ta’ kompetenza, firxa wiesgħa ta’ kompetenza relevanti, per eżempju fit-tmexxija u fl-amministrazzjoni pubblika, u d-distribuzzjoni ġeografika l-aktar wiesgħa possibbli fi ħdan l-Unjoni,

IDDEĊIEDA KIF ĠEJ:

Artikolu 1

Is-Sur Milan POGAČNIK huwa b’dan maħtur membru tal-Bord ta’ Ġestjoni ta’ l-Awtorità Ewropea għas-Sigurtà fl-Ikel għall-perjodu mill-1 ta’ Lulju 2007 sat-30 ta’ Ġunju 2008.

Artikolu 2

Din id-Deċiżjoni għandha tiġi pubblikata fil-Ġurnal Uffiċjali ta’ l-Unjoni Ewropea.

---

(1)  ĠU L 31, 1.2.2002, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 575/2006 (ĠU L 100, 8.4.2006, p. 3).

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/18

---

DEĊIŻJONI TAL-KUMMISSJONI

ta’ l-14 ta’ Ġunju 2007

li tħassar id-Deċiżjoni 96/587/KE dwar il-pubblikazzjoni tal-lista ta’ l-organizzazzjonijiet rikonoxxuti li ġew innotifikati mill-Istati Membri skond id-Direttiva tal-Kunsill 94/57/KE

(notifikata taħt id-dokument numru C(2007) 2379)

(Test b’relevanza għaż-ŻEE)

(2007/421/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 94/57/KE tat-22 ta’ Novembru 1994 dwar ir-regoli u l-istandards komuni għall-ispezzjoni tal-bastimenti u l-organizzazzjonijiet tal-perizji u għall-attivitajiet relevanti ta’ l-amministrazzjonÿiet marittimi (1), u b’mod partikolari l-Artikolu 4(4) tagħha,

Billi:

(1)	Id-Deċiżjoni tal-Kummissjoni 96/587/KE (2) elenkat l-organizzazzjonijiet rikonoxxuti mill-Istati Membri skond id-Direttiva 94/57/KE.

(2)	F’konformità ma’ l-Artikolu 4(5) tad-Direttiva 94/57/KE, l-organizzazzjonijiet li fit-22 ta’ Jannar 2002 kienu diġà rikonoxxuti abbażi tad-Direttiva msemmija għandhom ikomplu jkunu rikonoxxuti.

(3)	Id-Deċiżjoni tal-Kummissjoni 2005/623/KE estendiet ir-rikonoxximent limitat tar-Reġistru Elleniku tal-Bastimenti (3) għal perjodu ta’ tliet snin, b’effetti għal Greċja u Ċipru.

(4)	Id-Deċiżjoni tal-Kummissjoni 2005/382/KE (4) estendiet ir-rikonoxximent limitat tar-Reġistru Elleniku tal-Bastimenti b’effetti għal Malta.

(5)	Id-Deċiżjoni tal-Kummissjoni 2006/660/KE (5) tat ir-rikonoxximent limitat tal-Komunità lir-Reġistru Pollakk tal-Bastimenti għal perjodu ta’ tliet snin, b’effetti għar-Repubblika Ċeka, Ċipru, il-Litwanja, Malta, il-Polonja u r-Repubblika Slovakka.

(6)	Id-Deċiżjoni 96/587/KE, li llum skadiet, għalhekk għandha titħassar filwaqt li kull tant żmien għandha tiġi ppubblikata lista aġġornata ta’ l-organizzazzjonijiet rikonoxxuti skond id-Direttiva 94/57/KE fil-Ġurnal Uffiċjali ta’ l-Unjoni Ewropea,

ADOTTAT DIN ID-DEĊIŻJONI:

Artikolu 1

Id-Deċiżjoni 96/587/EC hija mħassra.

Artikolu 2

Id-Direttir Ġenerali għall-Enerġija u t-Trasport għandu jippubblika fil-Ġurnal Uffiċjali ta’ l-Unjoni Ewropea lista aġġornata ta’ l-organizzazzjonijiet rikonoxxuti skond id-Direttiva 94/57/KE sa mhux aktar tard mill-1 ta’ Lulju ta’ kull sena.

Artikolu 3

Din id-Deċiżjoni hija indirizzata lill-Istati Membri.

---

(1)  ĠU L 319, 12.12.1994, p. 20. Id-Direttiva kif emendata l-aħħar bid-Direttiva tal-Parlament Ewropew u tal-Kunsill 2002/84/KE (ĠU L 324, 29.11.2002, p. 53).

(2)  ĠU L 257,10.10.1996, p. 43. Id-Deċiżjoni kif emendata l-aħħar bid-Deċiżjoni 2002/221/KE (ĠU L 73, 15.3.2002, p. 30).

(3)  ĠU L 219, 24.8.2005, p. 43.

(4)  ĠU L 151, 6.6.2006, p. 31.

(5)  ĠU L 272, 3.10.2006, p. 17.

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/19

---

DEĊIŻJONI TAL-KUMMISSJONI

tat-18 ta’ Ġunju 2007

li temenda d-Deċiżjoni 92/452/KEE fir-rigward ta’ ċerti gruppi ta’ ġbir u produzzjoni ta’ l-embrijuni fl-Arġentina, l-Awstralja u l-Istati Uniti ta’ l-Amerika

(notifikata taħt id-dokument numru C(2007) 2498)

(Test b’relevanza għaż-ŻEE)

(2007/422/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 89/556/KEE tal-25 ta’ Settembru 1989 dwar il-kondizzjonijiet tas-saħħa ta’ l-annimali li jirregolaw il-kummerċ intrakomunitarju ta’ embrijuni ta’ annimali domestiċi ta’ l-ispeċi tal-bovini (1) u l-importazzjoni tagħhom minn pajjiżi terzi, b’mod partikolari l-Artikolu 8(1) tagħha,

Billi:

(1)

Id-Deċiżjoni tal-Kummissjoni 92/452/KEE tat-30 ta’ Lulju 1992 li tistabbilixxi listi ta’ timijiet ta’ ġbir ta’ l-embrijuni u timijiet ta’ produzzjoni ta’ l-embrijuni approvati f’pajjiżi terzi għall-esportazzjoni ta’ embrijuni tal-bovini lill-Komunità (2) tipprevedi li l-Istati Membri għandhom jimpurtaw embrijuni biss minn pajjiżi terzi fejn inġabru, ġew ipproċessati u nħażnu minn timijiet ta’ ġbir ta’ l-embrijuni u timijiet ta’ produzzjoni ta’ l-embrijuni elenkati f’dik id-Deċiżjoni.

(2)	L-Arġentina u l-Istati Uniti ta’ l-Amerika talbu li jsiru emendi għall-entrati ta’ dawk il-pajjiżi f’dawk il-listi fir-rigward ta’ ċerti timijiet ta’ ġbir u ta’ produzzjoni ta’ l-embrijuni.

(3)

L-Arġentina u l-Istati Uniti ta’ l-Amerika pprovdew garanziji fir-rigward ta’ konformità mar-regoli adattati stipulati fid-Direttiva 89/556/KEE u t-timijiet ikkonċernati ta’ ġbir u ta’ produzzjoni ta’ l-embrijuni ġew uffiċjalment approvati għall-esportazzjoni lejn il-Komunità mis-servizzi veterinarji ta’ dawk il-pajjiżi.

(4)	L-Awstralja talbet li ċerti entrati għal dak il-pajjiż fil-listi għandhom jitħassru.

(5)	Id-Deċiżjoni 92/452/KEE għandha għalhekk tiġi emendata skond dan.

(6)	Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

L-Anness tad-Deċiżjoni 92/452/KEE huwa emendat skond l-Anness ta’ din id-Deċiżjoni.

Artikolu 2

Din id-Deċiżjoni għandha tapplika mit-tielet jum wara dak tal-pubblikazzjoni tagħha fil-Ġurnal Uffiċjali ta’ l-Unjoni Ewropea.

Artikolu 3

Din id-Deċiżjoni hija indirizzata lill-Istati Membri.

---

(1)  ĠU L 302, 19.10.1989, p. 1. Id-Direttiva kif emendata l-aħħar bid-Deċiżjoni tal-Kummissjoni 2006/60/KE (ĠU L 31, 3.2.2006, p. 24).

(2)  ĠU L 250, 29.8.1992, p. 40. Id-Deċiżjoni kif emendata l-aħħar bid-Deċiżjoni 2007/237/KE (ĠU L 103, 20.4.2007, p. 49).

---

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/23

---

DECIZJONI TAL-KUNSILL 2007/423/PESK

tat-18 ta’ Ġunju 2007

li timplimenta l-Pożizzjoni Komuni 2004/293/PESK li ġġedded il-miżuri b’appoġġ għall-implimentazzjoni effettiva tal-mandat tat-Tribunal Kriminali Internazzjonali ta’ dik li qabel kienet il-Jugoslavja (ICTY)

IL-KUNSILL ta’ L-UNJONI EWROPEA,

Waqt li jikkunsidra l-Pożizzjoni Komuni tal-Kunsill 2004/293/PESK (1) u b’mod partikolari l-Artikolu 2 tagħha, flimkien ma’ l-Artikolu 23(2) tat-Trattat dwar l-Unjoni Ewropea,

Billi:

(1)

Bil-Pożizzjoni Komuni 2004/293/PESK il-Kunsill adotta miżuri għall-prevenzjoni tad-dħul fi, jew it-transitu mit-territorji ta’ Stati Membri ta’ individwi li huma impenjati f’attivitajiet li jgħinu persuni in ġenerali biex ikomplu jevadu l-ġustizzja għal reati kriminali li huma ġew akkużati li wettqu mit-Tribunal Kriminali Internazzjonali ta’ dik li qabel kienet il-Jugoslavja (ICTY) jew li qed jaġixxu b’xi mod ieħor li jista’ jtellef lill-ICTY milli timplimenta l-mandat tagħha b’mod effettiv.

(2)	Wara t-trasferiment ta’ Ante Gotovina għall-kustodja ta’ l-ICTY, ċerti individwi msemmija fl-Artikolu 2 tal-Pożizzjoni Komuni u konnessi mas-Sur Gotovina għandhom jitneħħew mil-lista. Meħtieġ ukoll aġġornament tad-dettalji tal-persuni li jifdal fil-lista.

(3)

Barra minn hekk, għandhom jiġu elenkati persuni oħra li huma impenjati f’attivitajiet li jgħinu persuni in ġenerali jkomplu jevadu l-ġustizzja għal reati kriminali li huma ġew akkużati li wettqu mill-ICTY jew li qed jaġixxu b’xi mod ieħor li jista’ jtellef lill-ICTY milli timplimenta l-mandat tagħha b’mod effettiv.

(4)	Il-lista li tinsab fl-Anness għall-Pożizzjoni Komuni 2004/293/PESK għandha tiġi emendata kif meħtieġ,

ADOTTA DIN ID-DEĊIŻJONI:

Artikolu 1

Il-lista ta’ persuni mniżżla fl-Anness għall-Pożizzjoni Komuni 2004/293/PESK għandha tiġi sostitwita bil-lista mniżżla fl-Anness għal din id-Deċiżjoni.

Artikolu 2

Din id-Deċiżjoni għandu jkollha effett fid-data ta’ l-adozzjoni tagħha.

Artikolu 3

Din id-Deċiżjoni għandha tiġi pubblikata fil-Ġurnal Uffiċjali ta’ l-Unjoni Ewropea.

---

(1)  ĠU L 94, 31.3.2004, p. 65, Pożizzjoni Komuni tal-Kunsill kif emendata l-aħħar u estiża bil-Pożizzjoni Komuni 2007/150/PESK (ĠU L 66, 6.3.2007, p. 21).

---

---

19.6.2007

MT

Il-Ġurnal Uffiċjali ta’ l-Unjoni Ewropea

L 157/s3

---

AVVIŻ LIL QARREJ

Minħabba s-sitwazzjoni li nqalgħet wara t-tkabbir, xi edizzjonijiet tal-Ġurnal Uffiċjali tas-27, 29 u tat-30 ta’ Diċembru 2006 ġew ippubblikati, b’mod issemplifikat, fil-lingwi uffiċjali ta’ dakinhar.

Ġie deċiż li jerġgħu jiġu ppubblikati l-Atti li jidhru f’dawn il-Ġurnali Uffiċjali, bħala corrigenda u bil-mod tradizzjonali tal-Ġurnal Uffiċjali.

Għal din ir-raġuni il-Ġurnali Uffiċjali li fihom dawn il-corrigenda ġew ippubblikati biss fil-verżjonijiet lingwistiċi ta’ qabel it-tkabbir. It-traduzzjonijiet ta’ l-Atti fil-lingwi ta’ l-Istati Membri l-ġodda se jiġu ppubblikati f’edizzjoni speċjali tal-Ġurnal Uffiċjali ta’ l-Unjoni Ewropea li se jkun fiha testi ta’ l-Istituzzjonijiet u tal-Bank Ċentrali Ewropew adottati qabel l-1 ta’ Jannar 2007.

Hawn taħt issib lista tal-Ġurnali Uffiċjali ppubblikati fis-27, fid-29 u fit-30 ta’ Diċembru 2006 u l-corrigenda li jikkorrispondu għalihom.

ĠU tas-27 ta’ Diċembru 2006	ĠU koreġġuti (2007)
L 370	L 30
L 371	L 45
L 373	L 121
L 375	L 70

ĠU tad-29 ta’ Diċembru 2006	ĠU koreġġuti (2007)
L 387	L 34

ĠU tat-30 ta’ Diċembru 2006	ĠU koreġġuti (2007)
L 396	L 136
L 400	L 54
L 405	L 29
L 407	L 44
L 408	L 47
L 409	L 36
L 410	L 40
L 411	L 27
L 413	L 50

---