(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 3223/94 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

(1)

Skond l-Artikolu 6(2), l-ewwel subparagrafu tar-Regolament (KE) Nru 510/2006 u b'applikazzjoni ta’ l-Artikolu 17(2) ta’ l-imsemmi Regolament, it-talba mressqa minn Franza għar-reġistrazzjoni tad-denominazzjoni “Banon”, ġiet ippubblikata fil-Ġurnal Uffiċjali ta’ l-Unjoni Ewropea (2).

(2)

Peress li l-Kummissjoni ma rċeviet l-ebda oppożizzjoni skond l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata.

(1)

B'konformità ma’ l-ewwel subparagrafu ta’ l-Artikolu 6(2) tar-Regolament (KE) Nru 510/2006 u skond l-Artikolu 17(2) ta’ l-imsemmi Regolament, l-applikazzjoni tal-Polonja biex id-denominazzjoni “Bryndza Podhalańska” tiddaħħal fir-reġistru ġiet ippubblikata fil-Ġurnal Uffiċjali ta’ l-Unjoni Ewropea (2).

(2)

Billi ebda oġġezzjoni, skond l-Artikolu 7 tar-Regolament (KE) Nru 510/2006 ma ġiet notifikata lill-Kummissjoni, din id-denominazzjoni għandha għalhekk tkun irreġistrata,

(1)

L-Artikolu 140 tat-Trattat li jistabbilixxi l-Komunità Ewropea jipprevedi li l-Kummissjoni għandha tinkoraġġixxi kooperazzjoni bejn l-Istati Membri u tiffaċilità l-koordinazzjoni ta’ l-azzjoni tagħhom fl-oqsma tal-politika soċjali.

(2)

B’konformità mal-Komunikazzjoni tal-Kummissjoni tat-12 ta’ Ottubru 2006 li ġġib l-isem “Il-ġejjieni demografiku ta’ l-Ewropa, il-bidla ta’ sfida f’opportunità”, il-Kummissjoni ddeċidiet li tirrikorri għal grupp ta’ esperti governattivi.

(3)

Il-grupp għandu jikkontribwixxi għall-iżvilupp tal-politiki ta’ adattament għall-bdil demografiku.

(4)

Se tingħata attenzjoni sabiex ikunu żgurati l-komplementarjetà u n-nuqqas ta’ repetizzjoni ta’ attivitajiet minn gruppi u kumitati oħrajn li jittrattaw il-kwistjonijiet relatati mad-demografija, notevolment il-Kumitat ta’ l-Impjiegi, il-Kumitat tal-Protezzjoni Soċjali, il-Kumitat tal-Politika Ekonomika, il-Kumitat Ekonomiku u Finanzjarju, il-Kunsill Konsultattiv Favur l-Opportunitajiet Indaqs bejn in-Nisa u l-Irġiel u l-Grupp ta’ Livell Għoli dwar l-Integrazzjoni tad-Dimensjoni ta’ l-Ugwaljanza bejn l-Irġiel u n-Nisa. Il-Kummissjoni se tinformahom dwar il-ħidmiet tal-grupp ta’ esperti dwar il-kwistjonijiet demografiċi.

(5)

Il-grupp għandu jkun magħmul minn rappreżentanti tal-gvernijiet ta’ l-Istati Membri u minn esperti indipendenti.

(6)

Għalhekk meħtieġ li meta jitwaqqaf il-grupp ta’ esperti dwar il-kwistjonijiet demografiċi, jiġi ddettaljat il-mandat tiegħu u ddefiniti l-istrutturi tiegħu.

—

se jgħin lill-Kummissjoni tiġbed konklużjonijiet mir-riżultati tar-riċerka, tidentifika d-data rilevanti għar-rapporti demografiċi u jinkoraġġixxi l-iskambju ta’ prattiċi tajba li għalihom il-forum demografiku se jipprovdi pjattaforma. Hu se jikkunsidra r-riżultati ta’ bosta azzjonijiet u l-ħidmiet tar-riċerka mwettqa mill-istituzzjonijiet Ewropej dwar dawn it-temi;

—

se jippermetti lill-Istati Membri li jesprimu l-opinjoni tagħhom dwar it-tweġibiet li jridu jingħataw b’mod globali għall-isfida demografika u dwar l-inizjattivi speċifiċi li jirriżultaw mill-Komunikazzjoni tat-12 ta’ Ottubru 2006 dwar il-ġejjieni demografiku ta’ l-Ewropa u s-segwitu tagħha, b’mod partikulari fl-oqsma li għad mhumiex koperti tajjeb mill-kumitati u l-gruppi konsultattivi eżistenti;

—

se jgħin lill-Kummissjoni fl-elaborazzjoni tar-rapporti futuri dwar id-demografija u l-valutazzjoni ta’ l-istat ta’ preparament ta’ l-UE għall-bdil demografiku (il-bilanċ għandu jkun inkluż fir-rapport annwali tal-progress ta’ l-implimentazzjoni ta’ l-Istrateġija ta’ Liżbona);

—

se jippermetti li jiġu skambjati esperjenzi u prattiċi tajba fil-qasam tal-politika tal-familja u se jappoġġa l-isforzi li jimmiraw biex titjieb il-kwalità tal-ħajja ta’ persuni li jassumu responsabbiltajiet familjari;

—

se jfittex il-kontribuzzjonijiet, orali u miktuba, ta’ l-imsieħba soċjali u ta’ l-organizzazzjonijiet tas-soċjetà ċivili.

(1)

Id-Deċiżjoni tal-Kummissjoni 2007/31/KE (2) tistipula miżuri transitorji fir-rigward tad-dispaċċ mill-Bulgarija lejn Stati Membri oħra ta’ ċerti prodotti tas-setturi tal-laħam u tal-ħalib, koperti bl-Anness III tar-Regolament (KE) Nru 853/2004/KE tal-Parlament Ewropew u tal-Kunsill tad-29 ta’ April 2004 li jistipula regoli speċifiċi ta’ l-iġjene għall-ikel li jkun ġej mill-annimali (3). Dawn il-prodotti għandhom jiġu kkunsinnati mill-Bulgarija jekk biss jinkisbu minn stabbiliment ta’ pproċessar elenkat fl-Anness ta’ din id-Deċiżjoni.

(2)

Id-Deċiżjoni 2007/31/KE (4) kienet emendata bid-Deċiżjoni 2007/213/KE biex tħassar ċerti stabbilimenti mil-lista fl-Anness għad-Deċiżjoni 2007/31/KE wara talba ta’ l-awtoritajiet Bulgari.

(3)

L-Uffiċċju Alimentari u Veterinarju wettaq missjoni ġdida fil-Bulgarija mit-12 sat-23 ta’ Marzu 2007 bil-ħsieb li jivverifika l-qagħda ta’ l-istabbilimenti ta’ l-ipproċessar.

(4)

Il-Bulgarija qiegħda twettaq bl-appoġġ ta’ l-Uffiċċju Alimentari u Veterinarju valutazzjoni ta’ l-istabbilimenti kollha ta’ l-ipproċessar f’dawk is-setturi. F’dan il-kuntest, il-Bulgarija talbet iż-żieda ta’ ċerti stabbilimenti fil-lista fl-Anness tad-Deċiżjoni 2007/31/KE. L-awtoritajiet Bulgari taw garanziji li dawn l-istabbilimenti issa huma kompletament konformi mar-rekwiżiti tal-Komunità. Għalhekk, il-lista f’dan l-Anness għandha tiġi aġġornata skond dan. Għall-fini ta’ ċarezza, huwa xieraq li tinbidel bl-Anness ta’ din id-Deċiżjoni.

(5)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

(1)

Id-Deċiżjoni tal-Kummissjoni 93/52/KEE tal-21 ta’ Diċembru 1992 li tirreġistra l-konformità minn ċerti Stati Membri jew reġjuni mal-ħtiġijiet relatati mal-bruċellożi (B.melitensis) u li takkordalhom l-istatus ta’ Stat Membru jew reġjun li huwa uffiċjalment ħieles mill-marda (3), telenka l-Istati Membri u r-reġjuni tagħhom li huma rikonoxxuti bħala uffiċjalment ħielsa mill-bruċellożi (B.melitensis) skond id-Direttiva 91/68/KEE.

(2)

Wara missjoni veterinarja ta’ spezzjoni mwettqa f’Lulju 2001, ir-Rumanija nstabet li hija konformi mal-kundizzjonijiet previsti fit-Taqsima II(1)(b) tal-Kapitolu 1 ta’ l-Anness A tad-Direttiva 91/68/KEE. Għalhekk ir-Rumanija ġiet elenkata fid-Deċiżjoni tal-Kummissjoni 97/223/KE tat-3 ta’ Marzu 1997 li tfassal listi ta’ pajjiżi terzi li minnhom l-Istati Membri jawtorizzaw l-importazzjonijiet ta’ nagħaġ u mogħoż (4) bħala pajjiż terz rikonoxxut bħala uffiċjalment ħieles mill-bruċellożi (B.melitensis).

(3)

Barra minn hekk, minn dak ir-rikonoxximent ir-Rumanija impenjat ruħha biex tikkonforma mal-kundizzjonijiet previsti fit-Taqsima II(2) tal-Kapitolu 1 ta’ l-Anness A tad-Direttiva 91/68/KEE sabiex iżżomm l-istatus li ngħatat ta’ uffiċjalment ħielsa.

(4)

Ir-Rumanija, fir-rigward tat-territorju sħiħ, issa ppreżentat lill-Kummissjoni dokumentazzjoni li tikkonferma mill-ġdid il-konformità mal-kundizzjonijiet previsti fit-Taqsima II(1)(b) tal-Kapitolu 1 ta’ l-Anness A tad-Direttiva 91/68/KEE u li turi l-konformità kontinwa mal-kundizzjonijiet tat-Taqsima II(2) tal-Kapitolu 1 ta’ l-Anness A tad-Direttiva 91/68/KEE fir-rigward taż-żamma ta’ l-istatus li ngħatat ta’ uffiċjalment ħielsa.

(5)

Għalhekk ir-Rumanija għandha tkun rikonoxxuta bħala uffiċjalment ħielsa mill-bruċellożi (B. melitensis) fir-rigward ta’ l-impriżi ovini u kaprini.

(6)

Id-Direttiva 64/432/KEE tipprovdi li l-Istati Membri jew partijiet jew reġjuni tagħhom jistgħu jiġu ddikjarati bħala uffiċjalment ħielsa mit-tuberkulożi, mill-bruċellożi u mill-lewkożi bovina enżootika fir-rigward ta’ merħliet bovini għall-konformità ma’ ċerti kundizzjonijiet stabbiliti f’dik id-Direttiva.

(7)

Il-listi tar-reġjuni ta’ l-Istati Membri ddikjarati bħala ħielsa mit-tuberkulożi bovina, il-bruċellożi bovina u l-lewkożi enżootika bovina huma stipulati fid-Deċiżjoni tal-Kummissjoni 2003/467/KE tat-23 ta’ Ġunju 2003 li tistabbilixxi l-istatus uffiċjalment ħieles mit-tuberkulożi, il-bruċellożi, u l-lewkożi enżootika bovina ta’ ċerti Stati Membri u reġjuni ta’ Stati Membri fir-rigward ta’ merħliet bovini (5).

(8)

Is-Slovenja ppreżentat lill-Kummissjoni dokumentazzjoni li turi konformità mal-kundizzjonijiet xierqa previsti fid-Direttiva 64/432/KEE fir-rigward tat-territorju sħiħ sabiex dan l-Istat Membru jista’ jiġi ddikjarat bħala Stat Membru uffiċjalment ħieles mill-bruċellożi.

(9)

Wara l-evalwazzjoni tad-dokumentazzjoni ppreżentata mis-Slovenja, it-territorju sħiħ ta’ dan l-Istat Membru għalhekk għandu jiġi ddikjarat bħala Stat Membru uffiċjalment ħieles mill-bruċellożi fir-rigward ta’ annimali bovini.

(10)

Id-Deċiżjonijiet 93/52/KEE u 2003/467/KE għandhom għalhekk jiġu emendati skond dan.

(11)

Il-miżuri previsti f’din id-Deċiżjoni huma bi qbil ma’ l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

(1)

Fl-10 ta’ Frar 2004, il-Kunsill adotta l-Pożizzjoni Komuni 2004/137/PESK (1) dwar miżuri restrittivi kontra l-Liberja, sabiex tiġi implimentata r-Riżoluzzjoni tal-Kunsill tas-Sigurtà tan-NU (UNSCR) 1521 (2003). Dawn il-miżuri jikkonċernaw, fost oħrajn, projbizzjoni fuq importazzjonijiet tad-djamanti kollha mhux maħduma mil-Liberja lejn il-Komunità. Din il-projbizzjoni kienet estiża l-aħħar b'perijodu ulterjuri ta’ sitt xhur mit-23 ta’ Diċembru 2006.

(2)

Fis-27 ta’ April 2007, il-Kunsill tas-Sigurtà tan-NU adotta l-UNSCR 1753 (2007) li ttemm il-miżuri fuq djamanti imposti mill-paragrafu 6 ta’ l-UNSCR 1521 (2003) tagħha.

(3)

Għalhekk il-miżuri korrispondenti imposti mill-Pożizzjoni Komuni 2004/137/PESK għandhom jintemmu.

(4)

Hija meħtieġa azzjoni mill-Komunità sabiex tiġi implimentata din il-Pożizzjoni Komuni,