11.5.2007   

MT

Il-Ġurnal Uffiċjali ta’ l-Unjoni Ewropea

L 122/1

(1)

L-Artikolu 29(1) tar-Regolament tal-Kunsill (KE) Nru 318/2006 ta’ l-20 ta’ Frar 2006 dwar l-organizzazzjoni komuni tas-swieq fis-settur taz-zokkor (1) jiffissa l-ħtieġa ta’ provvista tradizzjonali għaz-zokkor għar-raffinar għall-Komunità. Din id-dispożizzjoni ġiet emendata mir-Regolament tal-Kunsill (KE) Nru 2011/2006 tad-19 ta’ Diċembru 2006 li jadatta r-Regolament (KE) Nru 1782/2003 li jistabbilixxi regoli komuni għal skemi diretti ta’ appoġġ fi ħdan politika agrikola komuni u li jistabbilixxi ċerti skemi ta’ appoġġ għall-bdiewa, ir-Regolament (KE) Nru 318/2006 dwar l-organizzazzjoni komuni tas-swieq fis-settur taz-zokkor u r-Regolament (KE) Nru 320/2006 li jistabbilixxi skema temporanja għar-ristrutturar ta’ l-industrija taz-zokkor fil-Komunità, minħabba fl-adeżjoni tal-Bulgarija u r-Rumanija ma’ l-Unjoni Ewropea (2), sabiex jiġi provdut għad-distribuzzjoni matul is-snin ta’ kummerċjalizzazzjoni 2006/2007, 2007/2008 u 2008/2009 ta’ ħtieġa ta’ provvista tradizzjonali ta’ 198 748 tunnellata għall-Bulgarija u 329 636 tunnellata għar-Rumanija.

(2)

Ir-raffinaturi full-time fil-Bulgarija u r-Rumanija jiddependu għall-biċċa l-kbira fuq importazzjonijiet taz-zokkor tal-kannamieli mhux raffinat minn fornituri tradizzjonali f’ċerti pajjiżi terzi.

(3)

Sabiex jiġi evitat tfixkil tal-provvista taz-zokkor tal-kannamieli mhux raffinat għar-raffinaturi full-time fil-Bulgarija u r-Rumanija, huwa kkunsidrat meħtieġ li jinfetħu kwoti ta’ tariffi għall-importazzjonijiet ta’ tali zokkor f’dawk l-Istati Membri minn pajjiżi terzi għal perijodu li jkopri dawk is-snin ta’ kummerċjalizzazzjoni li għalihom ġew distribwiti fost l-Istati Membri ħtiġiet ta’ provvista tradizzjonali.

(4)

Liċenzji ta’ importazzjoni maħruġa taħt il-kwoti ta’ tariffi miftuħa b’dan ir-Regolament għandhom ikunu riservati għal raffinaturi full-time approvati fil-Bulgarija u r-Rumanija.

(5)

L-ammont tad-dazju fuq l-importazzjoni applikabbli għall-importazzjonijiet taħt il-kwoti ta’ tariffi miftuħa b’dan ir-Regolament għandu jiġi ffissat f’livell li jiżgura kompetizzjoni ġusta fis-suq taz-zokkor tal-Komunità, iżda li mhux projbittiv għal importazzjonijiet fil-Bulgarija u r-Rumanija. B’kont meħud li l-importazzjonijiet taħt dawn il-kwoti ta’ tariffi jistgħu jitwettqu minn kwalunkwe pajjiż terz huwa għalhekk xieraq li l-livell tad-dazju fuq l-importazzjoni jiġi ffissat għal EUR 98 għal kull tunnellata, li huwa l-istess livell kif iffissat għaz-zokkor tal-konċessjonijiet CXL taħt l-Artikolu 24 tar-Regolament tal-Kummissjoni (KE) Nru 950/2006 tat-28 ta’ Ġunju 2006 li jistabbilixxi regoli dettaljati ta’ applikazzjoni għas-snin ta’ kummerċjalizzazzjoni 2006/2007, 2007/2008 u 2008/2009 għall-importazzjoni u r-raffinar ta’ prodotti taz-zokkor taħt ċerti kwoti ta’ tariffi u ftehim preferenzjali (3),

(6)

Il-monitoraġġ u l-ġestjoni tal-kwoti ta’ tariffi miftuħa minn dan ir-Regolament jistgħu jirrikjedu fi stadju aktar tard l-aġġustament tal-kriterji mniżżla għall-kontenut ta’ l-applikazzjonijiet tal-liċenzji ta’ importazzjoni u l-liċenzji ta’ importazzjoni. Sabiex jiġi żgurat li jistgħu jsiru l-aġġustamenti meħtieġa sabiex jittieħed kont tal-kondizzjonijiet tas-suq li qed jinbidlu, il-Kummissjoni għandha tingħata s-setgħa li temenda l-Artikolu 3(3) ta’ dan ir-Regolament.

(7)

Il-miżuri meħtieġa għall-implimentazzjoni ta’ dan ir-Regolament għandhom jiġu adottati skond id-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-għotja ta’ setgħat ta’ implimentazzjoni lill-Kummissjoni (4).

—

Il-Bulgarija: 149 061 tunnellata,

—

Ir-Rumanija: 247 227 tunnellata.

—

Il-Bulgarija: 198 748 tunnellata,

—

Ir-Rumanija: 329 636 tunnellata.

(a)

fil-kaxxi 17 u 18: il-kwantitajiet ta’ zokkor mhux raffinat, f’ekwivalenza ta’ zokkor abjad, li ma jistgħux jaqbżu l-kwantitajiet għall-Bulgarija u r-Rumanija rispettivament indikati fl-Artikolu 1(1) u (2);

(b)

fil-kaxxa 20: is-sena ta’ kummerċjalizzazzjoni li għaliha jirrelataw u ta’ l-inqas waħda mill-indikazzjonijiet elenkati fil-parti A ta’ l-Anness II;

(ċ)

fil-kaxxa 24 (fil-każ ta’ liċenzji): ta’ l-inqas waħda mill-indikazzjonijiet elenkati fil-parti B ta’ l-Anness II.

11.5.2007   

MT

Il-Ġurnal Uffiċjali ta’ l-Unjoni Ewropea

L 122/7

(1)

Konsulenza xjentifika reċenti mill-Kunsill Internazzjonali għall-Esplorazzjoni tal-Baħar (ICES) indikat li l-ħażna tal-lingwata fid-Diviżjonijiet VIIe ta’ l-ICES ġiet soġġetta għal livelli ta’ mortalità mis-sajd li naqqsu l-kwantitajiet ta’ ħut matur fil-baħar sal-punt li jista’ jiġri li l-ħażniet ma jkunux kapaċi jerġgħu jirkupraw permezz tar-riproduzzjoni u li l-ħażniet huma għalhekk mhedda milli jiġu eżawriti.

(2)

Jeħtieġ li jittieħdu miżuri biex jiġi stabbilit pjan pluriennali għall-ġestjoni tas-sajd tal-ħażna tal-lingwata fil-Fliegu tal-Punent.

(3)

L-objettiv tal-pjan huwa li jiġi żgurat sfruttament tal-ħażna tal-lingwata tal-Fliegu tal-Punent li jipprovdi kondizzjonijiet ekonomiċi, ambjentali u soċjali sostenibbli.

(4)

Ir-Regolament tal-Kunsill (KE) Nru 2371/2002 ta’ l-20 ta’ Diċembru 2002 dwar il-konservazzjoni u l-isfruttar sostenibbli ta’ riżorsi tas-sajd skond il-Politika Komuni dwar is-Sajd (2) jirrikjedi inter alia li sabiex jintlaħaq dan l-objettiv, il-Komunità għandha tapplika l-approċċ prekawzjonali meta jettieħdu l- miżuri li jipproteġu u jikkonservaw il-ħażna, li jipprovdu għall-isfruttament sostenibbli tagħha u li jimminimizzaw l-impatt tas-sajd fuq l-ekosistemi tal-baħar. Il-Komunità għandha timmira lejn implementazzjoni progressiva ta’ approċċ ibbażat fuq l-ekosistema għall-ġestjoni tas-sajd, u hija għandha tikkontribwixxi għal attivitajiet tas-sajd effiċjenti fi ħdan l-industrija tas-sajd ekonomikament vijabbli u kompetittiva, filwaqt li tipprovdi standard ġust u tqis l-interessi tal-konsumaturi.

(5)

Sabiex jintlaħaq dan l-objettiv il-ħażna tal-lingwata tal-Fliegu tal-Punent trid tinġieb f’limiti bioloġikament siguri billi jitnaqqsu r-rati ta’ mortalità mis-sajd u trid tiġi ġestita b’tali mod li tinżamm il-kapaċità riproduttiva sħiħa tal-ħażna u jittieħed ħsieb ta’ produzzjoni għolja fit-tul.

(6)

Il-Kumitat Xjentifiku, Tekniku u Ekonomiku għas-Sajd irrikkmanda li mortalità mis-sajd ta’ 0.27 hija konsistenti ma’ produzzjoni għolja fit-tul u mal-kisba ta’ riskju baxx għall-qerda tal-potenzjal produttiv tal-ħażna.

(7)

Tali kontroll tar-rati ta’ mortalità mis-sajd jista’ jinkiseb permezz ta’ l-istabbiliment ta’ metodu adegwat għall-iffissar tal-livell tal-Qabdiet Totali Permissibbli (TACs), u b’sistema li biha l-isforzi tas-sajd għal dawn il-ħażniet jiġu ristretti għal livelli li mhux probabbli li jeċċedu t-TACs.

(8)

Jeħtieġ li jiġu inklużi miżuri ta’ kontroll flimkien ma’ dawk stabbiliti fir-Regolament tal-Kunsill (KEE) Nru 2847/93 tat-12 ta’ Ottubru 1993 li jistabbilixxi sistema ta’ kontroll applikabbli għall-politika tas-sajd komuni (3), sabiex tiġi żgurata l-konformità mal-miżuri stabbiliti f’dan ir-Regolament.

(9)

Matul l-ewwel stadju fis-snin 2007, 2008 u 2009, il-pjan pluriennali għandu jitqies bħala pjan ta’ rkupru u sussegwentement pjan ta’ ġestjoni fis-sens ta’ l-Artikoli 5 u 6 tar-Regolament (KE) Nru 2371/2002.

(a)

dik it-TAC li meta applikata tirriżulta fi tnaqqis ta’ 20 % fir-rata ta’ mortalità mis-sajd fl-2007 meta mqabbla mar-rata medja ta’ mortalità mis-sajd fis-snin 2003, 2004 u 2005 kif stmata l-aktar reċentement mill-STECF;

(b)

dik it-TAC li meta applikata tirriżulta fir-rata ta’ mortalità mis-sajd speċifikata fl-Artikolu 2(2).

(a)

dik it-TAC li meta applikata tirriżulta fi tnaqqis ta’ 15 % fir-rata ta’ mortalità mis-sajd fl-2010 meta mqabbla mar-rata medja ta’ mortalità mis-sajd fis-snin 2007, 2008 u 2009 kif stmata l-aktar reċentement mill-STECF;

(b)

dik it-TAC li meta applikata tirriżulta fir-rata ta’ mortalità mis-sajd speċifikata fl-Artikolu 2(2).

(a)

fejn l-applikazzjoni ta’ l-Artikolu 3 tirriżulta f’TAC li teċċedi t-TAC tas-sena ta’ qabel b’iżjed minn 15 %, il-Kunsill għandu jadotta TAC li ma jkunx aktar minn 15 % akbar mit-TAC ta’ dik is-sena;

(b)

fejn l-applikazzjoni ta’ l-Artikolu 3 tirriżulta f’TAC li hija inqas mit-TAC tas-sena ta’ qabel b’aktar minn 15 %, il-Kunsill għandu jadotta TAC li mhix aktar minn 15 % inqas mit-TAC ta’ dik is-sena.

(a)

l-isem tal-port jew tal-lok ta’ l-iżbark;

(b)

il-ħin previst tal-wasla f’dak il-port jew lok ta’ żbark,

(ċ)

il-kwantitajiet f’kilogrammi ta’ piż naturali ta’ l-ispeċi kollha li tagħhom jinżammu abbord iktar minn 50 kg.

11.5.2007   

MT

Il-Ġurnal Uffiċjali ta’ l-Unjoni Ewropea

L 122/11

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 3223/94 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/13

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2006/2007 ġew stabbiliti mir-Regolament tal-Kummissjoni (KE) Nru 1002/2006 (3). Dawn il-prezzijiet u dazji ġew emendati l-aħħar mir-Regolament tal-Kummissjoni (KE) Nru 237/2007 (4).

(2)

L-informazzjoni li l-Kummissjoni għandha fi jdejha llum twassal biex dawn l-ammonti jiġu mmodifikati, skond ir-regoli ddettaljati pprovduti fir-Regolament (KE) Nru 951/2006,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/15

(1)

Skond l-Artikolu 32 tar-Regolament (KE) Nru 318/2006, id-differenza bejn il-prezzijiet għall-prodotti msemmija fl-Artikolu 1(1)(b) tar-Regolament imsemmi fis-suq dinji u f'dak tal-Komunità tista' tiġi koperta b'rifużjoni ta' l-esportazzjoni.

(2)

Fid-dawl tal-qagħda attwali tas-suq fis-settur taz-zokkor, jeħtieġ li jiġu definiti rifużjonijiet ta' l-esportazzjoni, f'konformità mar-regoli u ma' ċerti kriterji pprovduti fl-Artikoli 32 u 33 tar-Regolament (KE) Nru 318/2006.

(3)

L-ewwel inċiż ta' l-Artikolu 33(2) tar-Regolament (KE) Nru 318/2006 jipprovdi li r-rifużjonijiet jistgħu jkunu differenti skond id-destinazzjonijiet, meta dan ikun iġġustifikat mill-qagħda tas-suq dinji jew mill-esiġenzi speċifiċi ta' ċerti swieq.

(4)

Jistgħu jingħataw rifużjonijiet biss fuq prodotti li jkunu awtorizzati għall-moviment ħieles fil-Komunità u li jissodisfaw il-kundizzjonijiet tar-Regolament (KE) Nru 318/2006.

(5)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni taz-zokkor,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/17

(1)

Ir-Regolament tal-Kummissjoni (KE) Nru 958/2006 tat-28 ta' Ġunju 2006 dwar sejħa miftuħa permanenti għall-offerti għas-sena tas-suq 2006/2007 għad-determinazzjoni ta' rifużjonijiet għall-esportazzjoni taz-zokkor abjad (2) jirrikjedi li jsiru sejħiet għall-offerti parzjali.

(2)

F'konformità ma' l-Artikolu 8(1) tar-Regolament (KE) Nru 958/2006, u wara eżami ta' l-offerti mressqa b'risposta għas-sejħa għall-offerti parzjali li tintemm fil-10 ta’ Mejju 2007, jeħtieġ li jiġi ffissat ammont massimu għar-rifużjoni ta' l-esportazzjoni għas-sejħa għall-offerti parzjali kkonċernata.

(3)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni taz-zokkor,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/18

(1)

Ir-Regolament tal-Kummissjoni (KE) Nru 581/2004 tas-26 ta’ Marzu 2004 li jiftaħ stedina permanenti għall-offerti dwar ir-rifużjoni ta’ l-esportazzjoni li tikkonċerna ċerti tipi ta' butir (2), jipprovdi proċedura għal sejħa permanenti għall-offerti.

(2)

Skond l-Artikolu 5(2) tar-Regolament tal-Kummissjoni (KE) Nru 580/2004 tas-26 ta' Marzu 2004, li jistabbilixxi l-proċedura għall-offerti li tikkonċerna r-rifużjonijiet għall-esportazzjoni ta’ ċerti prodotti tal-ħalib (3) u wara li ġew eżaminati l-offerti mressqa bi tweġiba għas-sejħa għall-offerti, jeħtieġ li ma tiġi allokata l-ebda rifużjoni għall-esportazzjoni għall-perjodu ta' sottomissjoni li jintemm fit-8 ta’ Mejju 2007.

(3)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni tal-ħalib u l-prodotti tal-ħalib,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/19

(1)

Skond l-Artikolu 13 tar-Regolament (KE) Nru 1784/2003 u l-Artikolu 14 tar-Regolament (KE) Nru 1785/2003, id-differenza bejn il-kwotazzjonijiet jew il-prezzijiet fuq is-suq dinji tal-prodotti msemmija fl-Artikolu 1 ta' dan ir-Regolament u l-prezzijiet ta' dawn il-prodotti fil-Komunità jistgħu jkunu koperti minn rifużjoni fuq l-esportazzjoni.

(2)

Skond l-Artikolu 14 tar-Regolament (KE) Nru 1785/2003, ir-rifużjonijiet għandhom jiġu ffissati billi jitqiesu s-sitwazzjoni u t-tendenzi tal-futur, minn naħa, id-disponibbiltà ta' ċereali, ross u ross miksur kif ukoll prezzhom fuq is-suq tal-Komunità u, min-naħa l-oħra, il-prezzijiet taċ-ċereali, ross, ross miksur u prodotti tas-suq taċ-ċereali fuq is-suq dinji. Skond dawn l-istess artikoli, huwa importanti wkoll li s-swieq taċ-ċereali u tar-ross jkunilhom garantit ekwilibriju u żvilupp naturali għal dak li għandu x'jaqsam ma' prezzijiet u kummerċ u, minbarra dan, li jitqies l-aspett ekonomiku ta' l-esportazzjonijiet proposti u li ma jkunx hemm tfixkil fis-suq tal-Komunità.

(3)

L-Artikolu 4 tar-Regolament tal-Kummissjoni (KE) Nru 1518/95 (3) dwar is-sistema ta' importazzjoni u ta' esportazzjoni ta' prodotti pproċessati miċ-ċereali u mir-ross, iddefinixxa l-kriterji speċfiċi li għandhom jitqiesu għall-kalkolu tar-rifużjoni għal dawn il-prodotti.

(4)

Ir-rifużjoni li għandha tingħata fir-rigward ta' ċerti prodotti pproċessati għandha tvarja skond il-kontenut ta' rmied, fibra nejja, tegument, proteini, xaħam u kontenut ta' lamtu tal-prodott individwali kkonċernat, dan il-kontenut jkun indikatur partikolarment tajjeb tal-kwantità ta' bażi effettivament inkorporata fil-prodott ipproċessat.

(5)

Fil-preżent, mhemmx bżonn li tiġi stabbilita rifużjoni fuq l-esportazzjoni għall-majokk u għeruq u tuberi tropikali oħra jew dqiq miksuba minnhom, meta tikkonsidra l-aspett ekonomiku ta' l-esportazzjoni proposta u b'mod partikolari in-natura u l-oriġini ta' dawn il-prodotti. Għal ċerti prodotti pproċessati abbażi ta' ċereali, il-parteċipazzjoni insinifikanti tal-Komunità fil-kummerċ dinji ma tagħmilhiex neċessarja li attwalment tiġi ffissata rifużjoni fuq l-esportazzjoni.

(6)

Is-sitwazzjoni tas-suq dinji u r-rekwiżiti speċifiċi ta' ċerti swieq jistgħu jeħtieġu li tkun varjata r-rifużjoni għal ċerti prodotti, skond għal fejn huma ddestinati.

(7)

Ir-rifużjoni għandha tiġi ffissata darba fix-xahar. Din tista' tinbidel matul dan il-perjodu.

(8)

Ċerti prodotti pproċessati mill-qamħirrum jistgħu jgħaddu minn trattament termiku u wara dan it-trattament tista' tingħata rifużjoni li ma tikkorrispondix mal-kwalità tal-prodott. Għalhekk, għandu jkun speċifikat li fuq dawk il-prodotti li jkollhom lamtu ġelatinizzat minn qabel, l-ebda rifużjoni fuq l-esportazzjoni ma għandha tingħata.

(9)

Il-Kumitat ta' Ġestjoni taċ-ċereali għadu ma tax opinjoni fiż-żmien stabbilit mill-President tiegħu,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/22

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutriment ta’ l-annimali.

(2)

L-Artikolu 25 tar-Regolament (KE) Nru 1831/2003 jistabbilixxi l-miżuri ta’ tranżizzjoni għall-applikazzjonijiet għall-awtorizzazzjoni ta’ addittivi ta’ l-għalf mibgħuta skond id-Direttiva 70/524/KEE qabel id-data ta’ l-applikazzjoni tar-Regolament (KE) Nru 1831/2003.

(3)

L-applikazzjoni għall-awtorizzazzjoni ta’ l-addittiv imniżżel fl-Anness ta’ dan ir-Regolament intbagħtet qabel id-data ta’ l-applikazzjoni tar-Regolament (KE) Nru 1831/2003.

(4)

Kummenti tal-bidu dwar dawk l-applikazzjonijiet, kif previst fl-Artikolu 4(4) tad-Direttiva 70/524/KEE, tressqu lill-Kummissjoni qabel id-data ta’ l-applikazzjoni tar-Regolament (KE) Nru 1831/2003. Dawk l-applikazzjonijiet għalhekk għandhom jibqgħu jitqiesu skond l-Artikolu 4 tad-Direttiva 70/524/KEE.

(5)

L-użu ta’ endo-1,4-beta-xylanase KE 3.2.1.8 prodott mill-Bacillus subtilis (LMG S-15136) ġie awtorizzat provviżorjament għall-ewwel darba għall-ħnieżer tas-simna mir-Regolament tal-Kummissjoni (KE) Nru 261/2003 (3) u għad-dundjani tas-simna mir-Regolament tal-Kummissjoni (KE) Nru 2188/2002 (4). Data ġdida tressqet b'appoġġ għall-applikazzjoni għall-awtorizzazzjoni mingħajr limitu ta’ żmien ta’ dik il-preparazzjoni ta’ enżimi. Il-valutazzjoni turi li l-kundizzjonijiet stabbiliti fl-Artikolu 3a tad-Direttiva 70/524/KEE għall-awtorizzazzjoni bħal din huma sodisfatti. Għalhekk, l-użu ta’ din il-preparazzjoni ta’ enżimi, kif speċifikat fl-Anness ta’ dan ir-Regolament, għandu jiġi awtorizzat mingħajr limitu ta’ żmien.

(6)

Il-valutazzjoni ta’ din l-applikazzjoni turi li ċerti proċeduri għandhom ikunu meħtieġa sabiex il-ħaddiema jkunu protetti mill-espożizzjoni għall-addittivi elenkati fl-Anness. Protezzjoni bħal din għandha tkun żgurata permezz ta’ l-applikazzjoni tad-Direttiva tal-Kunsill 89/391/KEE tat-12 ta’ Ġunju 1989 dwar l-introduzzjoni ta’ miżuri sabiex jinkoraġġixxu titjib fis-sigurtà u s-saħħa tal-ħaddiema fuq ix-xogħol (5).

(7)

Il-miżuri previsti f'dan ir-Regolament huma konformi ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/25

(1)

L-Artikolu 13(1) tar-Regolament (KE) Nru 1784/2003 u Artikolu 14(1) tar-Regolament (KE) Nru 1785/2003 jipprovdu li d-differenza bejn kwotazzjonijiet jew prezzijiet fis-suq dinji għall-prodotti mniżżla fl-Artikolu 1 ta’ kull wieħed minn dawn ir-Regolamenti u l-prezzijiet fi ħdan il-Komunità jistgħu jiġi koperti b’rifużjoni ta’ l-esportazzjoni.

(2)

Ir-Regolament tal-Kummissjoni (KE) Nru 1043/2005 tat-30 Ġunju 2005 li jimplimenta r-Regolament tal-Kunsill (KE) Nru 3448/93 dwar is-sistema għall-għoti ta’ rifużjonijiet fuq l-esportazzjoni fuq ċerti prodotti agrikoli esportati bħala prodotti mhux koperti bl-Anness I tat-Trattat, u l-kriterji biex jiġi stipulat l-ammont ta’ dawn ir-rifużjonijiet (3), jispeċifikaw il-prodotti li għalihom trid tiġi stipulata rata ta’ rifużjoni, biex tiġi applikata fejn dawn il-prodotti jiġu esportati bħala prodotti elenkati fl-Anness III għar-Regolament (KE) Nru 1784/2003 jew fl-Anness IV tar-Regolament (KE) Nru 1785/2003 kif xieraq.

(3)

Bi qbil ma’ l-ewwel paragrafu ta’ l-Artikolu 14 tar-Regolament (KE) Nru 1043/2005 , ir-rata tar-rifużjoni għal kull 100 kilogramm għal kull wieħed mill-prodotti bażiċi inkwistjoni rid tiġi stipulata kull xahar.

(4)

L-obbligi li għandhom x’jaqsmu mar-rifużjonijiet li jistgħu jingħataw għall-esportazzjoni ta’ prodotti agrikoli li għandhom x’jaqsmu ma’ prodotti mhux koperti bl-Anness I għat-Trattat jistgħu jkunu fil-perikolu jekk jiġu stipulati bil-quddiem rati għoljin ta’ rifużjoni. Għalhekk huwa neċessarju li jittieħdu miżuri ta’ prekawzjoni f’sitwazzjonijiet bħal dawn mingħajr, madankollu, ma titfixkel il-konklużjoni tal-kuntratti tat-tul. L-istipular ta’ rata ta’ rifużjoni speċifika għall-istipular bil-quddiem tar-rifużjonijiet hija miżura biex jintlaħqu dawn l-oġġettivi varji.

(5)

Jekk jittieħed inkonsiderazzjoni il-ftehim bejn il-Komunità Ewropea u l-Istati Uniti ta’ l-Amerika fuq l-esportazzjoni komunitarja ta’ prodotti ta’ l-għaġin għall-Istati Uniti, approvata mid-Deċiżjoni tal-Kunsill 87/482/KEE (4), huwa meħtieg li tinħoloq differenza bejn ir-rifużjonijiet fuq prodotti li jaqgħu taħt kodiċi NM 1902 11 00 u 1902 19 skond id-destinazzjoni tagħhom.

(6)

Insegwitu għall-Artikolu 15(2) u (3) tar-Regolament (KE) Nru 1043/2005, rata mnaqqsa ta’ rifużjoni fuq l-esportazzjoni trid tiġi stipulata, billi tieħu inkonsiderazzjoni l-ammont tar-rifużjoni applikabbli, insegwitu għar-regolament tal-Kummissjoni (KEE) Nru 1722/93 (5), fuq il-prodott bażiku inkwistjoni, użat waqt il-perjodu assumat tal-manifattura tal-prodotti.

(7)

L-ispirti huma kkunsidrati inqas sensittivi għall-prezz taċ-ċereali użati fil-manifattura tagħhom. Madankollu, il-Protokoll 19 ta’ l-Att ta’ l-Adeżjoni tar-Renju Unit, l-Irlanda u d-Danimarka jipprovdi li l-miżuri neċessarji jridu jiġu deċiżi biex jiffaċilitaw l-użu taċ-ċereali tal-Komunità fil-manifattura ta’ l-ispirti miksuba miċ-ċereali. Għaldaqstant, huwa meħtieġ li tiġi adottata r-rata ta’ rifużjoni applikata għaċ-ċereali esportati bħala spirti.

(8)

Il-Kumitat ta' Ġestjoni taċ-ċereali għadu ma tax opinjoni fiż-żmien stabbilit mill-President tiegħu,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/29

(1)

L-Artikolu 63(7) tar-Regolament tal-Kunsill (KE) Nru 1493/1999 tas-17 ta' Mejju 1999 dwar l-organizzazzjoni komuni tas-suq ta' l-inbid (2), illimita l-għoti tar-rifużjonijiet għall-esportazzjoni tal-prodotti fis-settur ta' l-inbid għall-volumi u għan-nefqiet miftehma fil-ftehim dwar l-agrikoltura, konkluż fil-qafas tan-negozjati kummerċjali multilaterali ta' l-Uruguay Round.

(2)

L-Artikolu 9 tar-Regolament (KE) Nru 883/2001, jiddetermina l-kundizzjonijiet li fihom il-Kummissjoni tista' tieħu miżuri partikolari sabiex jiġi evitat li jinqabżu l-kwantitajiet stipulati jew il-baġit disponibbli fil-qafas ta' dan il-ftehim.

(3)

Fid-dawl ta' l-informazzjoni li għandha f'idejha l-Kummissjoni fid-9 ta' Mejju 2007 dwar l-applikazzjonijiet għal-liċenzji ta' l-esportazzjoni, hemm riskju li l-kwantità li għadha disponibbli għall-perjodu sal-30 ta' Ġunju 2007, għaż-żoni ta' destinazzjoni 1) l-Afrika, 2) l-Asja, 3) l-Ewropa tal-Lvant, 4) L-Ewropa tal-Punent, stipulata fl-Artikolu 9(5) tar-Regolament (KE) Nru 883/2001, tinqabeż kemm-il darba ma jkunx hemm restrizzjonijiet fuq il-ħruġ tal-liċenzji għall-esportazzjoni li jistipulaw ir-rifużjoni bil-quddiem. Għaldaqstant jeħtieġ li jiġi applikat perċentwal uniku għall-aċċettazzjoni ta' l-applikazzjonijiet mressqa mill-1 sa l-2 ta' Mejju 2007 –8 ta' Mejju 2007 u li sas-1 ta' Lilju 2007 jiġu sospiżi, għal dawn iż-żoni, il-ħruġ tal-liċenzji għall-applikazzjonijiet imressqa, kif ukoll il-preżentazzjoni ta' l-applikazzjonijiet,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/30

(1)

Fil-5 ta’ Ġunju 2003, il-Kunsill iddeċieda li jawtorizza lill-Kummissjoni tiftaħ negozjati ma’ pajjiżi terzi dwar il-bdil ta’ ċerti dispożizzjonijiet fi ftehim bilaterali eżistenti bi ftehim Komunitarju.

(2)

Il-Kummissjoni nnegozjat, f'isem il-Komunità, Ftehim mar-Repubblika tal-Paragwaj dwar ċerti aspetti tas-servizzi ta’ l-ajru konformement mal-mekkaniżmi u d-direttivi fl-Anness ma’ dik id-Deċiżjoni.

(3)

Suġġett għall-konklużjoni tiegħu f'data aktar 'il quddiem, il-Ftehim negozjat mill-Kummissjoni għandu jiġi ffirmat u applikat provviżorjament,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/39

(1)

L-Artikoli 6 u 10 tad-Deċiżjoni Nru 1622/2006/KE jipprovdu li għandhom jiġu stabbiliti bord ta' l-għażla u bord ta' monitoraġġ u ta' konsultazzjoni u li dawn il-bordijiet għandhom jinkludu seba' membri nominati mill-istituzzjonijiet Ewropej, li minnhom tnejn għandhom jiġu nominati mill-Kunsill.

(2)

Huwa xieraq għall-Kunsill li jiddeċiedi dwar l-arranġamenti prattiċi u proċedurali għan-nomina taż-żewġ membri tal-Kunsill fuq dawn il-bordijiet.

(3)

Hawn l-arranġamenti għandhom ikunu ġusti, mhux diskriminatorji u trasparenti,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/41

(1)

Abbażi tal-kontijiet annwali mressqa mir-Repubblika Ċeka, l-Estonja, Ċipru, il-Latvja, l-Ungerija, Malta, il-Polonja, is-Slovenja u s-Slovakkja fir-rigward ta’ l-infiq fil-qasam ta’ miżuri ta’ żvilupp rurali ffinanzjati akkompanjati mill-informazzjoni meħtieġa, il-kontijiet ta’ l-aġenziji tal-ħlas imsemmija fl-Artikolu 4(1) tar-Regolament (KE) Nru 1258/1999 għandhom jiġu approvati. L-approvazzjoni tkopri l-integralità, l-akkuratezza u l-veraċità tal-kontijiet trażmessi fid-dawl tar-rapporti stabbiliti mill-korpi ta’ ċertifikazzjoni.

(2)

Il-limiti ta’ żmien konċessi lir-Repubblika Ċeka, lill-Estonja, lil Ċipru, lil-Latvja, lil-Litwanja, lill-Ungerija, lil Malta, lill-Polonja, lis-Slovenja u s-Slovakkja għas-sottomissjoni lill-Kummissjoni tad-dokumenti msemmija fl-Artikolu 6(1)(b) tar-Regolament (KE) Nru 1258/1999 u fl-Artikolu 4(1) tar-Regolament tal-Kummissjoni (KE) Nru 1663/95 tas-7 ta’ Lulju 1995 li jistabbilixxi regoli ddettaljati sabiex jiġi applikat ir-Regolament tal-Kunsill (KEE) Nru 729/70 li jirrigwarda l-proċedura għall-verifikar tal-kontijiet tat-Taqsima Garanziji tal-FAEGG (2) issa skadew.

(3)

Il-Kummissjoni vverifikat l-informazzjoni mressqa u kkomunikat lir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, l-Polonja, is-Slovenja u s-Slovakkja qabel il-31 ta’ Marzu 2007 s-sejbiet tagħha, flimkien ma’ l-emendi meħtieġa.

(4)

Għall-infiq fuq l-iżvilupp rurali, kopert mill-Artikolu 7(2) tar-Regolament tal-Kummissjoni (KE) Nru 27/2004 tal-5 ta’ Jannar 2004 li jwaqqaf ir-regoli dettaljati għat-tħaddim tar-Regolament tal-Kunsill (KE) Nru 1257/1999 dwar l-iffinanzjar mit-Taqsima tal-Garanziji tal-FAEGG tal-miżuri ta’ l-iżvilupp rurali fir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja (3), ir-riżultat tad-deċiżjoni dwar l-approvazzjoni għandu jitnaqqas minn jew jiżdied ma’ ħlasijiet sussegwenti li tagħmel il-Kummissjoni.

(5)

Fid-dawl tal-verifiki li twettqu, il-kontijiet annwali u d-dokument anċillari jippermetti lill-Kummissjoni tieħu, għal ċerti aġenziji tal-ħlas, deċiżjoni dwar l-integralità, l-akkuratezza u l-veraċità tal-kontijiet imressqa. Id-dettalji ta’ dawn l-ammonti ġew deskritti fir-Rapport Sommarju li tressaq lill-Kumitat tal-Fond flimkien ma’ din id-Deċiżjoni.

(6)

Fid-dawl tal-verifiki li saru, it-tagħrif li ressqu ċerti aġenziji tal-ħlas jeħtieġ investigazzjoni ulterjuri u l-kontijiet tagħhom għalhekk ma jistgħux jiġu approvati f'din id-Deċiżjoni.

(7)

Għall-infiq fuq l-iżvilupp rurali kopert bir-Regolament (KE) Nru 27/2004, l-ammonti li jistgħu jiġu irkuprati jew li għandhom jitħallsu skond id-deċiżjoni dwar l-approvazzjoni tal-kontijiet, għandhom jitnaqqsu minn jew jiżdiedu ma’ ħlasijiet sussegwenti.

(8)

Skond it-tieni subparagrafu ta’ l-Artikolu 7(3) tar-Regolament (KE) Nru 1258/1999 u l-Artikolu 7(1) tar-Regolament (KE) Nru 1663/95, din id-Deċiżjoni ma tippreġudikax deċiżjonijiet meħuda sussegwentement mill-Kumissjoni li jeskludu mill-finanzjament Komunitarju infiq li ma jsirx skond ir-regoli Komunitarji,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/47

(1)

Id-Deċiżjoni tal-Kummissjoni 2006/322/KE (2) għas-sena finanzjarja ta’ l-2005, approvat il-kontijiet kollha ta’ l-aġenziji ta’ ħlas ħlief l-aġenzija ta’ ħlas Ġermaniża “Bayern-Umwelt”, l-aġenzija ta’ ħlas Taljana “AGEA”, l-aġenzija ta’ ħlas Lussemburgiża “Ministère de l'Agriculture”, l-aġenzija ta’ ħlas Ungeriża “ARDA”, l-aġenzija ta’ ħlas Portugiża “IFADAP” u l-aġenzija ta’ ħlas Maltija “MRAE”.

(2)

Wara li l-Ungerija u Malta ttrażmettew informazzjoni ġdida, u wara verifiki addizzjonali, il-Kummissjoni issa tista' tieħu deċiżjoni dwar l-integrità, l-eżattezza u l-veraċità tal-kontijiet sottomessi mill-aġenzija ta’ ħlas Ungeriża “ARDA” u l-aġenzija ta’ ħlas Maltija “MRAE”.

(3)

Skond it-tieni subparagrafu ta’ l-Artikolu 7(3) tar-Regolament (KE) Nru 1258/1999, din id-Deċiżjoni ma tippreġudikax deċiżjonijiet adottati sussegwentement mill-Kummissjoni ħlief min-nefqa tal-finanzjament tal-Komunità li ma tiġix effettwata skond ir-regoli Komunitarji,

11.5.2007   

MT

Il-Ġurnal Uffiċjali ta’ l-Unjoni Ewropea

L 122/51

(1)

Abbażi tal-kontijiet annwali sottomessi mill-Istati Membri, flimkien mat-tagħrif meħtieġ, il-kontijiet ta’ l-aġenziji tal-ħlas msemmija fl-Artikolu 4(1) tar-Regolament (KE) Nru 1258/1999 għandhom jiġu approvati. L-approvazzjoni tkopri l-integralità, l-akkuratezza u l-veraċità tal-kontijiet mibgħuta fid-dawl tar-rapporti stabbiliti mill-korpi ta’ ċertifikazzjoni.

(2)

Skond l-Artikolu 7(1) tar-Regolament tal-Kummissjoni (KE) Nru 296/96 tas-16 ta’ Frar 1996 dwar l-informazzjoni li għandha tingħata mill-Istati Membri u l-prenotament ta’ kull xahar tan-nefqa ffinanzjata mit-Taqsima Garanziji tal-Fond Agrikolu Ewropew għall-Gwida u l-Garanziji (EAGGF) (3), għandu jittieħed kont tas-sena finanzjarja 2006 ta’ l-infiq mill-Istati Membri bejn is-16 ta’ Ottubru 2005 u l-15 ta’ Ottubru 2006.

(3)

It-terminu mogħti lill-Istati Membri għas-sottomissjoni lill-Kummissjoni tad-dokumenti msemmija fl-Artikolu 6(1)(b) tar-Regolament (KE) Nru 1258/1999 u fl-Artikolu 4(1) tar-Regolament tal-Kummissjoni (KE) Nru 1663/95 tas-7 ta’ Lulju 1995 li jistipula regoli dettaljati għall-applikazzjoni tar-Regolament tal-Kunsill (KEE) Nru 729/70 li jirrigwarda l-proċedura għall-verifikar tal-kontijiet tat-Taqsima tal-Garanziji ta’ l-EAGGF (4), skada.

(4)

Il-Kummissjoni ivverifikat it-tagħrif sottomess u kkomunikat lill-Istati Membri qabel il-31 ta’ Marzu 2007 ir-riżultati tal-verifiki tagħha, flimkien ma’ l-emendi meħtieġa.

(5)

Skond l-ewwel subparagrafu ta’ l-Artikolu 7(1) tar-Regolament (KE) Nru 1663/95, id-deċiżjoni dwar l-approvazzjoni tal-kontijiet imsemmija fl-Artikolu 7(3) tar-Regolament (KE) Nru 1258/1999 tiddetermina, bla preġudizzju għad-deċiżjonijiet meħuda sussegwentament skond l-Artikolu 7(4) tar-Regolament, l-ammont tan-nefqa effetwata f'kull Stat Membru matul is-sena finanzjarja kkonċernata, rikonoxxuta bħala waħda li għandha titħallas mit-Taqsima tal-Garanziji ta’ l-EAGGF, abbażi tal-kontijiet imsemmija fl-Artikolu 6(1)(b) tar-Regolament (KE) Nru 1258/99 u t-tnaqqis u s-sospensjonijiet fl-avvanzi għas-sena finanzjarja kkonċernata, flimkien mat-tnaqqis imsemmi fit-tieni subparagrafu ta’ l-Artikolu 4(3) tar-Regolament (KE) Nru 296/96. Skond l-Artikolu 154 tar-Regolament tal-Kunsill (KE, Euratom) Nru 1605/2002 tal-25 ta’ Ġunju dwar ir-Regolament Finanzjarju applikabbli għall-baġit generali tal-Komunitajiet Ewropej (5), ir-riżultat tad-deċiżjoni ta’ l-approvazzjoni, jiġifieri kwalunkwe diskrepanza li jista' jkun hemm bejn in-nefqa totali rreġistrata fil-kontijiet tas-sena finanzjarja skond l-Artikolu 151(1) u l-Artikolu 152 ta’ dak ir-Regolament u n-nefqa totali kkunsidrata mill-Kummissjoni fid-deċizjoni ta’ l-approvazzjoni, għandu jiġi rreġistrat, taħt artikolu wieħed, bħala nefqa addizzjonali jew tnaqqis fin-nefqa.

(6)

Fid-dawl tal-verifiki magħmula, il-kontijiet annwali u d-dokumenti mehmuża jippermettu lill-Kummissjoni tieħu deċiżjoni, għal ċertu aġenziji tal-ħlas, dwar l-integralità, l-akkuratezza u l-veraċità tal-kontijiet mibgħuta. Id-dettalji ta’ dawn l-ammonti ġew deskritti fir-Rapport fil-Qosor ippreżentat lill-Kumitat tal-Fond flimkien ma’ din id-Deċiżjoni.

(7)

Fid-dawl tal-verifiki li saru, it-tagħrif mibgħut minn ċerti aġenziji tal-ħlas jeħtieġ aktar inkjesti u għalhekk il-kontijiet tagħhom ma jistgħux jiġu approvati f'din id-Deċiżjoni.

(8)

L-Artikolu 4(2) tar-Regolament (KE) Nru 296/96 jistipula li l-ħlasijiet li ma sarux skond il-prenotazzjoni għandhom jitnaqqsu min-nefqa mwettqa mill-Istati Membri wara l-iskadenza tat-termini stabbiliti fih, skond l-Artikolu 14 tar-Regolament tal-Kunsill (KE) Nru 2040/2000 tas-26 ta’ Settembru 2000 dwar id-dixxiplina tal-baġit (6). Madankollu, skond l-Artikolu 4(3) tar-Regolament (KE) Nru 296/96, kwalunkwe skadenza ta’ termini matul Awissu, Settembru u Ottubru għandha titqies fid-deċiżjoni dwar l-approvazzjoni tal-kontijiet, għajr fejn tkun ġiet innotata qabel l-aħħar deċiżjoni tas-sena finanzjarja li jkollha x'taqsam ma’ l-avvanzi. Xi parti min-nefqa ddikjarata minn ċerti Stati Membri matul il-perjodu msemmi aktar kmieni saret wara l-iskadenza tat-termini u għal ċerti miżuri l-Kummissjoni ma aċċettat l-ebda ċirkustanza ta’ skuża. Għalhekk din id-Deċiżjoni għandha tiffissa t-tnaqqis rilevanti. Skond l-Artikolu 7(4) tar-Regolament (KE) Nru 1258/1999, ser tittieħed deciżjoni aktar tard, li tiffissa definittivament in-nefqa li għaliha ma jingħatax finanzjament Komunitarju rigward dak it-tnaqqis u kwalunkwe nefqa oħra li jista' jinstab li setgħet saret wara l-iskadenza tat-termini stipulati.

(9)

Il-Kummissjoni, skond l-Artikolu 14 tar-Regolament (KE) Nru 2040/2000 u l-Artikolu 4(2) tar-Regolament (KE) Nru 296/96, diġà naqqset jew issospendiet numru ta’ ħlasijiet mensili mad-dħul fil-kontijiet ta’ l-infiq għas-sena finanzjarja 2006. Fid-dawl ta’ dak li ntqal aktar kmieni, biex tiġi evitata kwalunkwe rifużjoni prematura jew sempliċiment temporanja ta’ l-ammonti kkonċernati, m'għandhomx jiġu rikonoxxuti f'din id-Deċiżjoni, mingħajr preġudizzju għal verifiki ulterjuri skond l-Artikolu 7(4) tar-Regolament (KE) Nru 1258/1999.

(10)

It-tieni subparagrafu ta’ l-Artikolu 7(1) tar-Regolament (KE) Nru 1663/95 jistipula li l-ammonti li jistgħu jiġu rkuprati mingħand, jew imħallsa lil kull Stat Membru, skond id-deċiżjoni ta’ l-approvazzjoni tal-kontijiet imsemmija fl-ewwel subparagrafu, għandhom jiġu stabbiliti billi jitnaqqsu l-avvanzi mħallsa matul is-sena finanzjarja kkonċernata i.e. 2006, min-nefqa rikonoxxuta għal dik is-sena skond l-ewwel subparagrafu. Dawn l-ammonti għandhom jitnaqqsu, jew jiżdiedu, ma’ l-avvanzi skond in-nefqa mit-tieni xahar wara dak li fih tkun ittieħdet id-deċiżjoni dwar l-approvazzjoni tal-kontijiet.

(11)

Skond l-Artikolu 32(5) tar-Regolament (KE) Nru 1290/2005, 50 % tal-konsegwenzi finanzjarji ta’ nuqqas ta’ rkupru ta’ l-irregolaritajiet għandhom jiġu sofferti mill-Istat Membru kkonċernat u 50 % mill-baġit Komunitarju jekk l-irkupru ta’ dawk l-irregolaritajiet ma jkunx sar fi żmien erba’ snin mill-ewwel deċiżjoni primarja amministrattiva jew ġudizzjarja, jew fi żmien tmien snin jekk l-irkupru jitressaq quddiem il-qrati nazzjonali. L-Artikolu 32(3) ta’ l-imsemmi Regolament jobbliga lill-Istati Membri li jissottomettu lill-Kummissjoni rapport fil-qosor dwar il-proċeduri ta’ l-irkupru meħuda b'rispons għall-irregolaritajiet, flimkien mal-kontijiet annwali. Ir-regoli ddettaljati dwar l-applikazzjoni ta’ l-obbligazzjoni li għandhom l-Istati Membri biex iħejju rapport ta’ l-ammonti li jridu jiġu rkuprati huma stipulati fir-Regolament tal-Kummissjoni (KE) Nru 885/2006 tal-21 ta’ Ġunju 2006 li jistipula regoli ddettaljati għall-applikazzjoni tar-Regolament tal-Kunsill (KE) Nru 1290/2005 fir-rigward ta’ l-akkreditazzjoni ta’ l-aġenziji tal-ħlas u korpi oħra u l-approvazzjoni tal-kontijiet ta’ l-EAGF u l-EAFR (7). L-Anness III ta’ l-imsemmi Regolament jipprovdi mudelli ta’ tabelli 1 u 2 li għandhom jiġu pprovduti mill-Istati Membri fl-2007. Abbażi tat-tabelli kompluti mill-Istati Membri, il-Kummissjoni għandha tiddeċiedi fuq il-konsegwenzi finanzjarji ta’ nuqqas ta’ rkupru ta’ irregolaritajiet li jmorru lura għal iktar minn erba’, tmien snin, rispettivament. Din id-deċiżjoni hija bla preġudizzju għal deċizjonijiet ta’ konformità fil-ġejjieni skond l-Artikolu 32(8) tar-Regolament (KE) Nru 1290/2005.

(12)

Skond l-Artikolu 32(6) tar-Regolament (KE) Nru 1290/2005 l-Istati Membri jistgħu jiddeċiedu li ma jiħdux passi għall-irkupru. Deċiżjoni bħal din tista' tittieħed biss jekk l-infiq li sar diġà jew li aktarx ser jeċċedi l-ammont li għandu jiġi rkuprat jew jekk l-irkupru jkun impossibbli minħabba falliment, irreġistrat u rikonoxxut skond il-liġi nazzjonali, tad-debitur jew tal-persuni legalment responsabbli għall-irregolarità. Jekk dik id-deċiżjoni tittieħed fi żmien erba’ snin mill-ewwel deċiżjoni amministrattiva jew ġudizzjarja, jew fi żmien tmien snin jekk l-irkupru jitressaq quddiem il-qrati nazzjonali, 100 % tal-konsegwenzi finanzjarji tan-nuqqas ta’ l-irkupru għandu jaqa’ fuq il-baġit Komunitarju. Ir-rapport fil-qosor imsemmi fl-Artikolu 32(3) tar-Regolament (KE) Nru 1290/2005 juri l-ammonti li għalihom l-Istat Membru iddeċieda li ma jiħux passi għall-irkupru u fuq liema bażi ttieħdet id-deċiżjoni. Dawn l-ammonti m'għandhomx jiġu sofferti mill-Istati Membri kkonċernati u għalhekk għandhom jaqgħu fuq il-baġit Komunitarju. Din id-deċiżjoni hija bla preġudizzju għal deċizjonijiet ta’ konformità fil-ġejjieni skond l-Artikolu 32(8) tar-Regolament imsemmi.

(13)

Skond it-tieni subparagrafu ta’ l-Artikolu 7(3) tar-Regolament (KE) Nru 1258/1999 u l-Artikolu 7(1) tar-Regolament (KE) Nru 1663/95, din id-Deċiżjoni, ma tippreġudikax deċiżjonijiet meħuda sussegwentament mill-Kummissjoni li teskludi mill-iffinanzjar Komunitarju in-nefqa li mhix effettwata skond ir-regoli Komunitarji,