—

wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1),

—

wara li kkunsidra l-kontijiet finali tal-Komunitajiet Ewropej – Sena Finanzjarja 2004 – Volum I – Rapporti konsolidati dwar l-implimentazzjoni tal-baġit u rendikonti finanzjarji konsolidati (SEC(2005)1158 – C6-0352/2005, SEC(2005)1159 – C6-0351/2005) (2),

—

wara li kkunsidra r-rapport tal-Kummissjoni dwar is-segwitu tad-Deċiżjonijiet ta' Kwittanza 2003 (COM(2005)0449, COM(2005)0448) u l-karta ta' ħidma ta' l-istaff tal-Kummissjoni – Anness għar-Rapport mill-Kummissjoni lill-Parlament Ewropew dwar is-segwitu tad-Deċiżjonijiet ta' Kwittanza 2003 (SEC(2005)1161),

—

wara li kkunsidra l-Komunikazzjoni tal-Kummissjoni “Sinteżi 2004” (COM(2005)0256),

—

wara li kkunsidra r-Rapport Annwali tal-Kummissjoni għall-Awtorità tal-Kwittanza dwar Verifiki Interni mwettqa fl-2004 (COM(2005)0257),

—

wara li kkunsidra l-Opinjoni Nru 2/2004 tal-Qorti ta' l-Awdituri dwar il-mudell ta' “Verifika Waħda” (u proposta għal qafas Komunitarju ta' kontroll intern) (3),

—

wara li kkunsidra l-Komunikazzjoni mill-Kummissjoni lill-Kunsill, lill-Parlament Ewropew u lill-Qorti ta' l-Awdituri tal-15 June 2005 dwar pjan għal Qafas Integrat ta' Kontroll Intern (COM(2005)0252),

—

wara li kkunsidra l-komunikazzjoni mill-Kummissjoni lill-Kunsill, lill-Parlament Ewropew u lill-Qorti ta' l-Awdituri – Pjan ta' Azzjoni tal-Kummissjoni għal Qafas Integrat ta' Kontroll Intern (COM(2006)0009),

—

wara li kkunsidra r-rapport annwali tal-Qorti ta' l-Awdituri għas-sena finanzjarja 2004 (4) u kif ukoll ir-rapporti speċjali akkumpanjati bir-risposti ta' l-istituzzjonijiet verifikati,

—

wara li kkunsidra DAS għall-affidabilità tal-kontijiet u għal-legalità u għar-regolarità tat-tranżazzjonijiet bażiċi, ipprovduti mill-Qorti ta' l-Awdituri bi qbil ma' l-Artikolu 248 tat-Trattat KE (5),

—

wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 – C6-0092/2006),

—

wara li kkunsidra l-Artikoli 274, 275 u 276 tat-Trattat KE u l-Artikoli 179a u 180b tat-Trattat Euratom,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (6), u b'mod partikulari l-Artikoli 145, 146 u 147 tiegħu,

—

wara li kkunsidra l-Artikolu 70 u l-Anness V tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit u l-opinjonijiet tal-Kumitati l-oħra konċernati (A6-0108/2006),

A.

billi informazzjoni finanzjarja ta' kwalità għolja hija marbuta ma' kapaċità ta' mmaniġġjar finanzjarju ta' kwalità għolja, u billi mmaniġġjar finanzjarju ta' kwalità għolja jiġġenera benefiċċji ekonomiċi reali;

B.

billi t-tqassim ta' responsabilitajiet ċari fi ħdan il-Kummissjoni għall-produzzjoni ta' informazzjoni finanzjarja u l-ħtieġa ta' firem uffiċjali xierqa f'livell ċentrali fir-rigward ta' dik l-informazzjoni ser jikkontribwixxi għall-kwalità ta' l-informazzjoni rrappurtata,

C.

billi fir-riżoluzzjoni tiegħu għall-kwittanza tas-sena 2003 tat-12 ta' April 2005 (7), il-Parlament ippropona li kull Stat Membru għandu jipprovdi dikjarazzjoni “ex-ante” u dikjarazzjoni annwali ta' assigurazzjoni (DAS (8)) “ex-post” dwar l-użu li hu jagħmel mill-fondi ta' l-UE,

D.

billi l-proċeduri għal dan il-għan ġew stabbiliti mir-Regolament tal-Kunsill (KE) Nru 1260/1999 tal-21 Ġunju 1999 li jistipula dispożizzjonijiet ġenerali dwar il-Fondi Strutturali (9) u implimentat permezz tar-Regolament tal-Kummissjoni (KE) Nru 438/2001 (10) u permezz tar-Regolament tal-Kunsill (KE) Nru 1290/2005 tal-21 ta' Ġunju 2005 dwar l-iffinanzjar tal-politika komuni għall-agrikoltura (11) fir-rigward ta' l-EAGGF u ta' l-EAFRD,

E.

billi Regolament (KE) Nru 1290/2005 jimponi sistema ta' tliet livelli ta' dikjarazzjonijiet annwali “ex-post” mill-Istati Membri, kif ġej: l-ewwel, il-kontijiet annwali ta' l-aġenzija li tħallas; it-tieni, DAS mill-aġenzija li tħallas; u t-tielet, ċertifikazzjoni tad-dikjarazzjonijiet ta' qabel minn entità li tiċċertifika; billi dawn il-firem ta' l-Istati membri huma kumplimentari għal oħrajn mitluba għal ħlasijiet li jsiru kull xahar u għal evalwazzjonijiet “ex-ante”,

F.

billi l-Artikolu 38(1)(f) tar-Regolament (KE) Nru 1260/1999 u l-Artikolu 15 tar-Regolament (KE) Nru 438/2001 jipprevedu dikjarazzjoni finali ta' l-għeluq mill-Istati Membri dwar kull intervent tal-Komunità minn awtorità li għandha tkun indipendenti minn diversi awtoritajiet ta' mmaniġġjar u ta' ħlas,

G.

billi li l-Kunsill ECOFIN tat-8 ta' Novembru 2005 m'aċċettax il-proposta tal-Parlament dwar dikjarazzjonijiet fuq livell nazzjonali (12),

H.

billi li l-prinċipju ewlieni li fuqu qed jinsisti l-Parlament hu li l-awtoritajiet politiċi rilevanti fl-Istati Membri jerfgħu r-responsabilità sħiħa għall-fondi li jitqiegħdu għad-dispożizzjoni tagħhom,

I.

billi 80 % tan-nefqa tal-Komunità hija de facto kkontrollata mill-Istati Membri u n-nuqqas ta' kontabilità xierqa f'livell ċentrali ta' l-Istat Membru ser ikun ostaklu permanenti sabiex tinkiseb pożittiva,

J.

billi x-xogħol tal-Kumitat tiegħu għall-Kontroll tal-Baġit b'mod ġenerali u l-proċedura ta' kwittanza b'mod partikulari huma proċess immirat sabiex tinħoloq kontabilità sħiħa min-naħa tal-Kummissjoni kollha kemm hi, kif ukoll minn partijiet oħra relevanti skond it-Trattat, sabiex jinħoloq ambjent li jiffaċilita dan u sabiex jittejjeb l-immaniġġjar finanzjarju ta' l-UE u b'hekk tinħoloq bażi soda għat-teħid ta' deċiżjonijiet fid-dawl tar-riżultati tal-Qorti ta' l-Awdituri,

K.

billi f'organizzazzjoni jista' jkun hemm tmexxija tajba biss jekk l-ogħla maniġment joffri eżempju tajjeb,

L.

billi tmexxija tajba tfisser ukoll li tinħoloq sistema soda ta' kontrolli u bilanċi bejn il-kontrolluri, il-kontabilisti u l-awdituri interni min-naħa u l-maniġment li jmexxi min-naħa l-oħra,

M.

billi kontroll intern effettiv u effiċjenti għandu jiġi inkluż bħala prinċipju baġitarju (13) fir-Regolament Finanzjarju, kif propost mill-Kummissjoni fil-Komunikazzjoni tagħha msemmija hawn fuq – Pjan ta' Azzjoni għal Qafas Integrat ta' Kontroll Intern,

N.

billi d-direttivi u r-rakkomandazzjonijiet tal-Kummissjoni għall-kontabilità u l-verifika tas-settur privat tissuġġerixxi li l-Kummissjoni temmen fl-importanza ta' rrappurtar u verifika finanzjarji ta' kwalità għolja,

O.

billi l-aktar mod b'saħħtu li bih il-Kummissjoni tista' turi l-impenn veru tagħha lejn it-trasparenza u lejn l-informazzjoni u r-rappurtar finanzjarju ta' kwalità għolja huwa billi tagħti l-eżempju u billi tikseb DAS pożittiv mill-Qorti Ewropea ta' l-Awdituri,

1.

Jinnota li s-sena l-oħra, ħlief għall-effetti tan-nuqqas ta' proċeduri effettivi ta' kontroll intern għaldħul u self mixellanji, il-Qorti kienet ta' l-opinjoni li l-kontijiet annwali konsolidati tal-Komunitajiet Ewropej u n-noti tagħhom jirriflettu b'mod fidil id-dħul u l-ħruġ tal-Komunitajiet għas-sena 2004 u l-pożizzjoni finanzjarja tagħhom f'għeluq is-sena (DAS, paragrafi II u III);

2.

Jinnota li l-Kummissjoni hija ta' l-opinjoni li l-problemi ser jiġu ttrattati permezz tas-sistema l-ġdida ta' kontabilità fl-2005 (paragrafu 1.17 tar-rapport annwali tal-Qorti);

3.

Jinnota l-progress li sar lejn l-implimentazzjoni ta' qafas ġdid ta' kontabilità; madankollu huwa mħasseb serjament dwar ir-rimarki tal-Qorti rigward id-dewmien fil-ħolqien tal-bilanċ tal-ftuħ għall-2005; jistieden lill-Kummissjoni sabiex tindirizza b'mod urġenti in-nuqqasijiet identifikati mill-Qorti mill-aktar fis possibbli sabiex tevita konsegwenzi għall-affidabilità tad-dikjarazzjonijiet finanzjarji ta' l-2005;

4.

Jinnota li huma l-Uffiċjali li Jawtorizzaw li għandhom jivvalidaw il-figuri meħtieġa għall-ħolqien ta' bilanċ tal-ftuħ għall-2005 u li huwa l-Uffiċjal għall-Kontijiet li għandu jippreżenta din l-informazzjoni finanzjarja u jkun żgur li tagħti “stampa vera u ġusta” (paragrafu 1.45 tar-rapport Annwali tal-Qorti), u b'hekk tippermetti lill-President tal-Kummissjoni li jiffirma l-kontijiet f'isem il-Kummissjoni bħala kulleġġ u bi qbil mat-Trattat;

5.

Isib in-nuqqas ta' ċertezza dwar min għandu r-responsabilità finali sabiex jiġu stabbiliti dawn il-figuri bħala waħda mhux aċċettabbli; jistenna li dawn id-diffikultajiet jissolvew fl-2006 u li d-dewmien ma jitteħidx bħala nuqqas ta' funzjonament bejn l-uffiċjali li jawtorizzaw u l-uffiċjal għal kontabilità;

6.

Jistenna li r-riżultati tar-reviżjoni dwar kontijiet bankarji mhux magħrufa, marbuta ma l-attivitajiet tal-Kummissjoni imnedija mill-Kummissjoni f'Ottubru 2005 jiġu mgħarrfa kompletament lill-Parlament u jkunu segwiti;

7.

Jistenna li l-kontijiet b'hekk stabbiliti jiġu verifikati u l-fondi kreditati fil-kontijiet jiddaħħlu fil-baġit ġenerali;

8.

Jinnota li l-ammont ta' ffinanzjar bil-quddiem, jiġifieri, flus li tqassmu iżda li għadhom ma ġewx aċċettati b'mod finali bħala eliġibbli jew li għadhom ma ntużawx, huwa stmat għal madwar EUR 64 000 miljun (paragrafu 1.30 tar-rapport annwali tal-Qorti), li jikkorispondu għal madwar żewġ terzi tal-baġit;

9.

Jikkunsidra li l-Kummissjoni għandha tiżgura politika soda (tevita avvanzi ġenerużi żżejjed u dewmien esaġerat għall-egħluq ta' programmi u ta' proġetti) fir-rigward ta' ffinanzjar bil-quddiem sabiex tillimita l-importanza finanzjarja ta' ammonti mhux użati u/jew ta' ammonti li għadhom ma ġewx aċċettati b'mod finali bħala nfiq eliġibbli; jitlob lill-Kummissjoni sabiex tippreżenta proposta lill-Kumitat li min-naħa tal-Parlament huwa responsabbli minn kif il-Parlament qed jippjana li jimmaniġġja l-iifinanzjar bil-quddiem fil-futur kif ingħad aktar 'il fuq;

10.

Jilqa' b'sodisfazzjon l-Opinjoni Nru 2/2004 tal-Qorti ta' l-Awdituri msemmija hawn fuq, li tinkludi proposta għal Qafas Komunitarju ta' Kontroll Intern, bħala qafas li fi ħdanu tista' tiġi analizzata d-djgħufija fil-kontrolli finanzjarji u jistgħu jiġu identifikati azzjonijiet bħala rimedju u jfakkar il-prinċipji ewlenin tagħha stipulati fil-paragrafu 57:

11.

Jilqa' b'sodisfazzjon il-fatt li l-Kummissjoni ta' Barroso għamlet il-ħidma lejn DAS pożittiva ta' assigurazzjoni mill-Qorti ta' l-Awdituri bħala objettiv strateġiku, kif stipulat fil-komunikazzjoni mill-Kummissjoni tas-26 ta' Jannar 2005 dwar l-Objettivi Strateġiċi 2005-2009, Ewropa 2010: “Partnership” għal Tiġdid Ewropew: Prosperità, Solidarjetà u Sigurtà (COM(2005)0012);

12.

Jilqa' bl-istess mod il-Komunikazzjoni tal-Kummissjoni msemmija hawn fuq dwar it-pjan għal qafas integrat ta' kontroll intern, il-ġabra ta' esperti u l-Pjan ta' Azzjoni li ġie wara bħala risposta għar-riżoluzzjoni dwar il-kwittanza 2003 tal-Parlament u bħala segwitu għall-opinjoni tal-Qorti Nru 2/2004;

13.

Jappoġġja lill-Kummissjoni fl-isforz tagħha sabiex tagħti prijorità lil din il-kwistjoni; madankollu jirrikonoxxi li filwaqt li skond it-Trattat il-Kummissjoni waħedha għandha r-responsabilità għall-implimentazzjoni tal-baġit, erbgħa minn kull ħames euro fil-baġit huma fil-fatt imħaddma mill-Istati Membri b'immaniġġjar konġunt; għalhekk jiġbed l-attenzjoni għall-fatt li huwa essenzjali li l-Istati Membri jieħdu parti attiva fl-inizzjattiva u li l-presidenzi tal-Kunsill jagħmluha prijorità ewlenija u jinkluduha bħala suġġett separat fil-programmi ta' ħidma semi-annwali tagħhom;

14.

Jenfasizza li l-Kummissjoni għandha tkun responsabbli għan-nefqa, hi għandu jkollha l-mekkaniżmi li jippermettulha tagħti riżultat fir-rigward ta' dik ir-responsabilità u li jekk dawk il-mekkaniżmi ma jkunux disponibbli, ir-responsabilità tagħha għandha tinbidel;

15.

Jisħaq li n-nuqqasijiet fl-immaniġġjar tal-finanzi ta' l-Unjoni Ewropea ma jistgħux sempliċiment jiġu ssimplifikati fi kwistjoni dwar DAS pożittiv jew negattiv; għalhekk iwissi kontra sitwazzjoni fejn jinkiseb DAS pożittiv mingħajr ma jkun hemm titjib fil-kwalità ta' l-immaniġġjar finanzjarju li jikkorrispondi;

16.

Jiġbed l-attenzjoni għall-fatt li r-responsabilità għall-immaniġġjar finanzjarju hija tal-Kummissjoni u ta' l-Istati Membri u li l-Kummissjoni u l-Istati Membri flimkien għandhom jiżguraw li waqt il-verifika l-Qorti tkun tista' ssib provi ta' progress lejn immaniġġjar xieraq tar-riskju ta' żball;

17.

Huwa tal-fehma li ċ-ċaqlieqa lejn titjib fl-immaniġġjar finanzjarju fl-Unjoni għandha tiġi appoġġjata u tingħata mbuttatura permezz ta' monitoraġġ mill-qrib tal-progress fil-Kummissjoni u fl-Istati Membri;

18.

Jinnota li l-Istati Membri għandhom ikunu responsabbli għall-użu tagħhom tal-fondi ta' l-UE u li l-mezzi prinċipali għar-responsabilità tagħhom għandhom ikunu l-parlamenti nazzjonali u l-midja tagħhom; iħeġġeġ lill-Qorti ta' l-Awdituri u lill-entitajiet nazzjonali ta' verifika sabiex jieħdu passi sabiex iqiegħdu għad-dispożizzjoni tagħhom informazzjoni ta' kwalità għolja u aċċessibbli b'mod faċli dwar id-djgħufija tal-kontrolli finanzjarji lokali;

19.

Jitlob lill-Kummissjoni sabiex tippubblika u sabiex tippreżenta lill-Kumitat tagħha għall-Kontroll tal-Baġit skorbord dettaljata għal kull qasam tal-Perspettivi Finanzjarji b'miri preċiżi li għandhom jintlaħqu f'perjodu ta' żmien definit għall-implimentazzjoni ta' miżuri identifikati bħala meħtieġa għall-ħolqien ta' qafas integrat ta' kontroll intern u sabiex tinforma lill-kumitat kompetenti dwar il-progress tagħha kull sitt xhur; barra minn hekk jistenna lill-qafas integrat ta' kontroll jiġi implimentat mill-1 ta' Mejju 2009, filwaqt li jippermetti lill-Kummissjoni sabiex tiddetermina data bħala mira għal DAS pożittiva ta' assigurazzjoni;

20.

Jitlob aktar informazzjoni dettaljata fuq livell ta' Kummissjoni u ta' Stati Membri, u fuq livell reġjonali jekk ikun meħtieġ, dwar miżuri implimentati u dawk mhux implimentati, raġunijiet għal dewmien, effettività ta' implimentazzjoni u affarijiet simili, sabiex ikun possibbli għalih li jkollu ħarsa ġenerali tar-riżultati miksuba u ta' kwistjonijiet li għad iridu jiġu ttrattati; Jitlob lill-Kummissjoni sabiex tippreżenta din l-informazzjoni bħala parti mill-preparazzjoni għall-proċedura ta' kwittanza għall-2005;

21.

Jistieden lill-Qorti ta' l-Awdituri sabiex:

22.

Jilqa' b'sodisfazzjon is-16 il-azzjoni prevista fil-Pjan ta' Azzjoni: iħeġġeġ lill-Kummissjoni sabiex tiżgura riżultat pożittiv fl-interess ta' l-Unjoni Ewropea u taċ-ċittadini tagħha; jiġbed l-attenzjoni għall-fatt li approvazzjoni ex-ante mill-Parlament ta' l-isforzi u ta' l-intenzjonijiet taħt forma ta' ftehima jew konverġenza ta' pużizzjonijiet mill-Parlament hija kontradittorja ma' l-irwol tiegħu bħala awtorita' ta' kwittanza indipendenti u li hu jista' jieħu deċiżjoni dwar il-Kummissjoni biss ex-post fuq ir-riżultati miksuba;

23.

Jinnota li d-dikjarazzjoni waħdanija preżenti ta' assigurazzjoni ma tiddiskrivix b'mod xieraq l-oqsma ta' suċċess u l-oqsma ta' falliment; jinnota li ħafna sistemi ta' verifika nazzjonali jinġabru fuq bażi ta' dipartiment dipartiment; jissuġġerixxi li l-Qorti ta' l-Awdituri tagħmel reviżjoni tas-sistema tad-DAS sabiex tistabilixxi dikjarazzjonijiet speċifiċi ta' assikurazjoni għal Direttorati-Ġenerali individwali fi ħdan il-Kummissjoni fi ħdan DAS ġenerali ta' assigurazzjoni;

24.

Jinnota li sistema bħal din, flimkien ma' sistema ekwivalenti ta' dikjarazzjonijiet nazzjonali, toħloq matriċi li tidentifika zoni li huma l-aktar ta' tħassib kemm orizzontalment, fir-rigward tal-programmi tal-Kummissjoni, kif ukoll vertikalment, fir-rigward tar-responsabilitajiet ta' l-Istati Membri;

25.

Jilqa' b'sodisfazzjon l-inizjattiva tal-Kummissjoni sabiex tissimplifika l-ambjent regolatorju, li għandu jimmira speċjalment għat-tnaqqis burokratiku fuq inter alia individwi u intrapriżi żgħar u ta ' daqs medju; jemmen li l-objettiv finali tal-qafas integrat ta' kontroll intern jintlaħaq biss jekk it-toqol ta' mmaniġjar ta' wisq regolamenti li huma wisq tqal jitnaqqas sinifikament;

26.

Jiġbed l-attenzjoni għall-fatt li s-sempliċità u t-trasparenza huma tnejn mill-akar prinċipji importanti tal-kontroll finanzjarju; jinsisti li meta tfassal l-iskemi u l-programmi, il-Kummissjoni għandha tikkunsidra r-relazzjoni bejn ir-riżultati mixtieqa ta' skema partikulari, il-kumplessità tar-regoli li jħaddmuha u ċansijiet li jiġri żball;

27.

Jitlob lill-Kummissjoni sabiex tipproduċi rapport dwar l-effettività tal-qafas regolatorju eżistenti fir-rigward ta' mmaniġġjar, assigurazzjoni u sistemi ta' ċertifikazzjoni ta' dikjarazzjonijiet tal-varji korpi ta' l-Istati Membri, filwaqt li tikkunsidra:

jiddependi mir-riżultati ta' l-analiżi msemmija hawn fuq, jistieden lill-Kummissjoni sabiex tipproċedi bil-proposti leġiżlattivi li jkun jixraq;

28.

Jiddeplora d-deċiżjoni tal-Kunsill li jirrifjuta li jiddiskuti dikjarazzjonijiet ex ante ta' livell poltiku nazzjonali u dikjarazzjoni ex post; għalhekk jistieden lill-kumitati nazzjonali tal-kontijiet pubbliċi kif ukoll lill-parlamenti nazzjonali sabiex ifittxu informazzjoni mill-gvernijiet tagħhom u sabiex jagħmlu dibattitu parlamentari dwar il-pożizzjoni tal-gvern tagħhom dwar paragrafu 12 tal-konklużjonijiet tal-Kunsill ECOFIN imsemmija hawn fuq, li huma kif ġej:

“Filwaqt li titqies il-ħtieġa li ma jkunx hemm dubji dwar il-bilanċ eżistenti bejn il-Kummisjoni u l-Istati Membri jew li ma tkunx kompromessa r-responsabilità u fuq livell ta' operat, il-Kunsill jemmen li dikjarazzjonijiet eżistenti fuq livell ta' operat jistgħu jipprovdu mezz importanti ta' assigurazzjoni għall-Kummissjoni u fl-aħħar mill-aħħar għall-Qorti ta' l-Awdituri u għandhom ikunu utli u effettivi meta mqabbla ma' l-ispejjeż u għandhom jitqiesu mill-Kummissjoni u fl-aħħar mill-aħħar mill-Qorti ta' l-Awdituri sabiex jinkiseb DAS pożittiv”;

29.

Jiċħad il-konklużjoni tal-Kunsill li l-istrumenti proposti mill-Parlament ser “iqajmu dubju dwar il-bilanċ eżistenti bejn il-Kummissjoni u l-Istati Membri” billi dan kull ma jagħmel hu li jissottolinja r-responsabilità ta' l-Istati Membri kif dikjarata fit-tieni sentenza ta' l-ewwel paragrafu ta' l-Artikolu 274 tat-Trattat;

30.

Jilqa' l-inizjattivi meħuda mill-Kunsill sabiex isaħħaħ ir-responsabiltà ta' l-Istati Membri għal titjib fil-kontroll ta' azzjonijiet meħuda taħt treġija komuni, bil-għan li tintlaħaq DAS pożittiva u, b'mod partikulari l-impenn tal-Kunsill li jinħareġ sommarju annwali, fuq il-livell nazzjonali xieraq, tal-verifiki u tad-dikjarazzjonijiet disponibbli;

31.

Ifakkar li filwaqt li l-Kummissjoni hija responsabbli għall-baġit skond l-Artikolu 274 tat-Trattat, l-Istati Membri għandhom responsabilità għall-kontrolli ta' fondi b'maniġment kondiviż li huma definiti fir-regolamenti tas-settur u fir-regoli dettaljati tagħhom;

32.

Jiġbed l-attenzjoni għall-fatt li l-Istati Membri huma liberi li jorganizzaw dawn il-kontrolli b'mod li kull wieħed jidhirlu l-aħjar, fl-isfond ta' l-istrutturi istituzzjonali u amministrattivi u ta' l-istandards internazzjonali applikabbli, filwaqt li jitqies li l-Istati Membri, bħall-Kummissjoni, għandhom jirrispettaw standards internazzjonali, u li fil-prattika, ir-repsonsabilitajiet huma allokati lill-numru kbir ta' entitajiet differenti li jirrapurtaw lill-Ministeri tal-gvernijiet nazzjonali jew tal-gvernijiet reġjonali;

33.

Jemmen li l-Kummissjoni għandha tħabrek sabiex l-Aġenziji li Jħallsu (Politika Komuni għall-Agrikoltura – CAP) u Awtoritajiet li Jimmaniġġjaw (Fondi Strutturali) ikollhom l-istess post ġeografiku u fejn hu possibbli tikkumbina t-tnejn li huma f'kull Stat Membru sabiex tippermetti lill-Kummissjoni sabiex iżżomm tarf sew ta' fejn, meta u kif il-fondi ta' l-UE qegħdin jintnefqu f'kull Stat Membru;

34.

Jikkunsidra li, billi r-responsabilitajiet huma fdati f'idejn tant entitajiet ta' verifika, inizjattivi mmirati sabiex tinħoloq standardizzazzjoni ta' arranġamenti ta' verifika għandhom jintlaqgħu u jiġu appoġġjati;

35.

Jisħaq li l-Artikolu 274 tat-Trattat jitlob ukoll li l-Istati Membri jikkoperaw mal-Kummissjoni sabiex jiżguraw li l-approprjazzjonijiet jintużaw bi qbil mal-prinċipji ta' mmaniġġjar finanzjarju sod;

36.

Għalhekk isib li l-Kummissjoni għandha tkun tista' titlob assigurazzjoni minn kull Stat Membru li dawn ir-responsabilitajiet ta' kontroll twettqu b'mod sħiħ, u b'mod partikulari li l-riskju ta' żball fit-tranżazzjonijiet bażiċi qed jiġi mmaniġġjat biżżejjed;

37.

Jemmen li dikjarazzjoni f'livell politiku li tkopri l-fondi kollha tal-Komunità b'immaniġġjar kondiviż u ffirmata mill-ministri tal-finanzi, kif propost fir-riżoluzzjoni ta' kwittanza ta' l-2003 imsemmija hawn fuq, għadha meħtieġa u tkun pass kbir il' quddiem;

38.

Jinnota b'sodisfazzjon li l-Kunsill u l-Kummissjoni jaqblu dwar l-importanza tat-tisħiħ tal-kontroll intern; huwa tal-parir li dan l-objettiv għandu jintlaħaq mingħajr ma jsiru żjidiet mal-piż amministrattiv u li s-simplifikazzjoni tal-leġiżlazzjoni li ssejjes dan hija, għalhekk, meħtieġa; jemmen li biex tintlaħaq DAS, għandha tingħata prijorità lill-immaniġġjar finanzjarju korrett tal-fondi taħt treġija komuni; jikkunsidra li dispożizzjonijiet għal dan il-għan jistgħu jkunu stipulati, kif xieraq, fl-atti leġiżlattivi bażiċi kkonċernati; jinnota li bħala parti mir-responsabiltajiet imsaħħa li għandhom tal-fondi strutturali u skond il-ħtiġijiet kostituzzjonali nazzjonali, l-awtoritajiet ta' verifika relevanti fl-Istati Membri għandhom jipproduċu evalwazzjoni rigward il-konformità tas-sistemi ta' mmaniġġjar u ta' kontroll mar-regolamenti tal-Kommunità; jilqa' l-fatt li l-Istati Membri ħadu għalhekk l-impenn li joħorġu sommarju annwali, fuq il-livell nazzjonali xieraq, tal-verifiki u d-dikjarazzjonijiet disponibbli;

39.

Jiġbed l-attenzjoni għall-fatt li l-livell ta' firma possibli f'livell ta' Stat Membru mhix kwistjoni ta' forma iżda l-ewwel u qabel kollox hija sinjal li juri l-kwalità mistennija ta' superviżjoni u ta' sistemi ta' kontroll li joperaw taħt fik il-firma; ifakkar ir-riżoluzzjoni tiegħu tat-2 ta' Frar 2006 dwar id-dikjarazzjonijiet nazzjonali ta' mmaniġġjar (14) li kienet tirrikonoxxi li fil-prattika dawn id-dikjarazzjonijiet nazzjonali jistgħu jinkludu “diversi dikjarazzjonijiet fi ħdan qafas nazzjonali, aktar milli waħda waħedha, sabiex jirrikonoxxu s-sistemi politiċi federali u deċentralizzati li jeżistu f'xi Stati Membri”;

40.

Jinnota r-reżistenza ta' l-Istati Membri u jrid ikun pragmatiku u kostruttiv u jisħaq li l- importanti hu li jinstab mod ta' kif tiġi identifikata d-djgħufija fis-sistemi kurrenti ta' kontroll u ta' superviżjoni u sabiex jittieħdu azzjonijiet xierqa ta' rimedju bil-għan li jinkiseb immaniġġjar finanzjarju aħjar ta' fondi ta' l-UE;

41.

Jilqa' b'sodisfazzjon diskussjoni dwar liema awtorità tista' tkun l-aħjar għall-iskop u jistieden lill-Kummissjoni u lill-Kunsill sabiex jikkunsidraw approċċ alternattiv ispirat mill-interess tal-Kunsill f'dikjarazzjonijiet f'livell settorali kif espress f'paragrafu 9 (15) tal-konklużjonijiet tal-kunsill ECOFIN;

42.

Jiġbed l-attenzjoni għall-figuri li ġejjin:

43.

Jaqbel kompletament mal-Qorti meta din tgħid li “r-riskji inerenti ewlenin għal-legalità u r-regolarità ta' l-infiq għal miżuri strutturali jiġu mill-varjetà ta' entitajiet u awtoritajiet li jintervjenu fil-proċess ta' mmaniġġjar, in-numru kbir ta' programmi u proġetti li jridu jiġu implimentati fuq perjodu ta' snin u l-lok għal djgħufija potenzjali fis-sistemi ta' mmaniġġjar u ta' kontroll”; jaqbel ukoll ma' l-istqarrija li “hemm numru kbir ta' kundizzjonijiet li jħaddmu l-eliġibilità ta' l-ispiża li mhux dejjem huma ċari, u li jistgħu jagħtu lok għar-riskju ta' interpretazzjonijiet li ma jaqblux” (paragrfu 5.10 tar-rapport annwali tal-Qorti ta' l-Awdituri);

44.

Jiġbed l-attenzjoni għall-fatt li la l-kummissjoni u lanqas, fl-aħħar mill-aħħar, il-Qorti m'huma f'pożizzjoni li janalizzaw bir-reqqa kull ċertifikat individwali u/jew rapport ta' verifika li joħroġ minn livelli primarji jew sekondarji ta' kontroll minħabba n-numru għoli ħafna ta' proġetti, programmi u aġenziji li jħallsu;

45.

Għalhekk hu ta' l-opinjoni li n-numru għoli eżistenti ta' ċertifikati individwali u/jew rapporti ta' verifika fi ħdan kull settur ewlieni għandu jiġi kkonsolidat fil-livell ċentrali ta' Stat Membru fejn il-kwalità ta' l-informazzjoni fid-dikjarazzjonijiet individwali maħruġa f'livell aktar baxx għandha tkun garantita; jissuġġerixxi li l-Istati Membri għandhom għalhekk jipparteċipaw b'mod attiv fit-tisħiħ ta' l-użu ta' riżultati indipendenti ta' verifika fil-katina tal-kontroll; jemmen li dan l-approċċ jgħin konsiderevolment fis-simplifikar u li jagħti ħarsa ġenerali tal-legalità u r-regolarità tat-tranżazzjonijiet f'livell nazzjonali u skond dan jikkontribwixxi għall-assigurazzjoni li trid titfassal;

46.

Jistieden lill-Kummissjoni sabiex tippreżenta proposti fir-rigward tal-forma u tal-kontenut ta' dawn l-arranġamenti kumplimentari fil-kuntest ta' l-implimentazzjoni tal-Pjan ta' Azzjoni għall-qafas integrat ta' kontroll intern msemmi hawn fuq u bħala miżuri temporanji jistieden l-Istati Membri sabiex jidentifikaw l-entità f'livell ċentrali ta' Stat Membru sabiex tkun responsabbli mill-ħruġ ta' dikjarazzjonijiet u sabiex jinformaw lill-Kummissjoni b'dan;

47.

Itenni li d-dikjarazzjoni formali ex-ante ta' żvelar għandha tikkonferma li l-istrutturi organizzattivi stabbiliti mill-Istati Membri huma konformi mar-rekwiżiti ta' leġiżlazzjoni Komunitarja u huma mistenijin li jkunu effettivi fl-immaniġġjar tar-riskju ta' frodi u ta' żbalji fit-tranżazzjonijiet bażiċi bi qbil mal-prinċipju ta' sussidjarjetà;

48.

Huwa ta' l-opinjoni li dikjarazzjoni ex-ante ta' żvelar f'livell ċentrali ta' Stat Membru tista' tkun imsaħħa b'dikjarazzjonijiet ekwivalenti mid-Direttur ta' kull aġenzija li tħallas (CAP) u awtorità li timmaniġġja (Fondi Strutturali) responsabbli għall-immaniġġjar u l-kontroll tal-fondi Komunitarji;

49.

Jinnota li dikjarazzjoni ex-post ta' assigurazzjoni f'livell ċentrali ta' Stat Membru tista' tqis id-dimensjoni mutli-annwali fil-proċess ta' verifika u n-natura multi-annwali ta' ħafna mill-programmi tal-Komunità u fl-istess waqt tagħti assigurazzjoni li s-sistemi ta' kontroll ħadmu b'mod effettiv matul is-sena msemmija;

50.

Jistenna li dikjarazzjoni ex-post f'livell ċentrali ta' Stat Membru tkun mibnija fuq dikjarazzjonijiet mid-Diretturi ta' kull aġenzija li tħallas (CAP) u awtorità li timmaniġġja (Fondi Strutturali) u fuq ir-rapporti ta' ċertifikazzjoni maħruġa mid-Diretturi ta' l-entitatijiet li jiċċertifikaw;

51.

Jinsisti li sakemm ma tkunx għadha bdiet taħdem konsolidazzjoni settorali ta' dan it-tip fil-livell ċentrali ta' Stat Membru għal kull qasam tal-perspettivi finanzjarji u wara li nnota n-nuqqas ta' ħeġġa ta' l-Istati Membri li jagħtu lill-Kummissjoni l-assigurazzjoni li għandha bżonn, il-Kummissjoni għandha tapplika b'mod sħiħ l-Artikolu 53(5) tar-Regolament Finanzjarju li jgħid li l-Kummissjoni terfa' r-responsabilità finali għall-implimentazzjoni tal-baġit skond l-Artikolu 274 tat-Trattat permezz ta' “proċeduri ta' approvazzjoni ta' kontijiet u mekkaniżmi ta' korrezzjonijiet finanzjarji”;

52.

Jistieden lill-Istati Membri sabiex joħorġu dikjarazzjoni volontarja fuq livell nazzjonali fis-sens spjegat fil-paragrafu 41; jirrakkomanda li kull Stat Membru li jagħti dikjarazzjoni bħal din ikun suġġett għal programm imnaqqas ta' verifika jekk il-Kummissjoni tħoss li fil-fatt dan ikun jippreżenta riskju inqas ta' żball milli Stat Membru ma joħroġx dikjarazzjoni bħal din;

53.

Għalhekk, jistieden lill-Kummissjoni sabiex toħloq programm intensiv ta' approvazzjoni ta' kontijiet ex-post u biex tagħmel użu sħiħ mis-sospensjoni ta' ħlas jew korrezzjonijiet finanzjarji kull meta l-Kummissjoni ma tkunx tista' tikseb assigurazzjoni minn Stat Membru;

54.

Jistieden bil-qalb lill-parlamenti nazzjonali (b'mod partikulari kumitati ta' kontijiet pubbliċi u kumitati li jagħmlu parti mill-Konferenza tal-Kumitati għall-Affarijiet Ewropej u Komunitarji tal-Parlamenti ta' l-Unjoni Ewropea) sabiex jiddiskutu din il-kwistjoni mal-gvernijiet nazzjonali tagħhom;

55.

Jistieden lill-Kummissjoni u lill-Qorti sabiex jikkonfermaw fuq il-bażi ta' provi konkreti li l-konsolidazzjoni fil-livell ċentrali ta' Stat Membru u għal kull qasam tal-perspettiva finanzjarja li biha l-kwalità tar-rapporti individwali u/jew tar-rapporti ta' verifika tiġi garantita ser tkun miżura effettiva li tgħin id-dikjarazzjoni ġenerali fil-livell politiku li tkopri l-fondi Komunitarji kollha b'immaniġġjar kondiviż;

56.

Jilqa' b'sodisfazzjon l-inizzjattiva tal-Kummissjoni għat-trasparenza u jistenna li din twassal; għal azzjonijiet konkreti u inizjattivi legali li jwasslu għat-trasparenza fir-rigward tal-mod ta' kif il-fondi ta' l-UE jintnefqu u jitħaddmu;

57.

Jistieden lill-Kummissjoni sabiex tagħmel dak kollu li għandha s-saħħa tagħmel sabiex iġġiegħel lill-Istati Membri sabiex jagħtu aċċess pubbliku għal informazzjoni rigward proġetti u benefiċjarji tal-fondi ta' l-UE b'immaniġġjar kondiviż;

58.

Iħoss li s-sitwazzjoni preżenti fejn ħafna Stati Membri ma tawx aċċess pubbliku għal informazzjoni dwar proġetti u benefiċjarji ta' fondi ta' l-UE b'immaniġġjar kondiviż ma tikkontribwixxix għat-trasparenza ġenerali ta' l-UE; iħeġġeġ bis-saħħa lill-Kummissjoni u lill-Istati Membri sabiex isolvu din l-anomalija;

59.

Jisħaq li hemm problemi bil-mod preżenti ta' kif il-Kummissjoni qed tapplika r-regoli ta' pubbliċità ex-ante u ex-post għall-fondi mmaniġġjati minn maniġment dirett ċentralizzat, billi huwa diffiċli li tinġabar l-informazzjoni għax id-Direttorati Ġenerali għandhom metodi differenti ta' kif jirreklamaw l-informazzjoni fuq l-internet;

60.

Jiġbed l-attenzjoni għall-bżonn ta' aktar ftuħ fir-rigward tat-tipi differenti ta' gruppi ta' esperti li jagħtu parir lill-Kummissjoni kif ukoll il-kumitati li jaħdmu fi ħdan il-proċedura tal-komitoloġija;

61.

Jitlob li l-Kummissjoni tagħmel informazzjoni dwar it-tipi differenti ta' gruppi ta' esperti disponibbli b'mod faċli għall-pubbliku, inkluża dejta dwar l-attivitajiet u n-numru tal-persuni membri f'dawn il-gruppi;

62.

Ifakkar li fir-riżoluzzjoni ta' kwittanza ta' l-2003 msemmija hawn fuq huwa meqjus essenzjali li “jiġi eżaminat kif l-isitituzzjonijiet nazzjonali ta' verifika jista” jkollhom irwol operazzjonali akbar fil-proċess (paragrafu 77);

63.

Jemmen li l-istituzzjonijiet nazzjonali ta' verifika għandhom interess li jkunu jafu, u għalhekk għandhom responsabilità li jinvestigaw, jekk hemmx passiv attwali jew kontinġenti fil-kontijiet nazzjonali li huma riżultat ta' konformità mar-regolamenti ta' l-UE li mhix ta' standard;

64.

Jemmen li l-istituzzjonijiet nazzjonali tal-verifika jistgħu jivverifikaw is-sistemi interni ta' kontroll maħluqa mill-amministrazzjoni nazzjonali kif ukoll ir-regolarità u l-legalità tat-tranżazzjonijiet bażiċi li jsiru fil-pajjiż tagħhom stess;

65.

Jitlob lill-entitajiet nazzjonali ta' verifika sabiex jerfgħu r-responsabilità li jikkontrollaw l-użu lokali ta' fondi ta' l-UE, sabiex kwalunkwe konsiderazzjoni ta' ħolqien ta' uffiċċji nazzjonali tal-Qorti ta' l-Awdituri ma tkunx meħtieġa;

66.

Jemmen li verifika ta' dan it-tip – iffukata fuq attivitajiet f'livell nazzjonali – tista' tikkontribwixxi għal għarfien akbar tal-bżonn għal kontroll effettiv u tiggwida l-parlamenti nazzjonali sabiex isawru l-pożizzjoni tal-gvern tagħhom fl-ECOFIN; jistieden ukoll lill-kumitati nazzjonali għall-kontijiet pubbliċi sabiex jiddiskutu l-kwistjoni ma' l-uffiċji nazzjonali ta' verifika;

67.

Jissuġġerixxi li tingħata kunsiderazzjoni lill-istedin ta' rappreżentanti ta' entitajiet nazzjonali ta' verifika u ta' kumitati tal-parlamenti nazzjonali għall-kontroll tal-baġit għall-preżentazzjoni tar-rapport annwali tal-Qorti ta' l-Awdituri lill-kumitati relevanti tal-Parlament;

68.

Jinnota li minkejja xi progress, il-Qorti qed tkompli tirraporta li għad hemm lok għal titjib;

69.

Jitlob lill-Istati Membri, bi qbil mal-prattiki tajbin ta' xi wħud minnhom, sabiex jiżguraw li l-istituzzjonijiet nazzjonali ta' verifika, u fejn japplika dawk reġjonali; jippubblikaw rapport annwali ta' verifika dwar il-fondi ta' l-UE minfuqa;

70.

Jinsab imħasseb li l-Qorti qed tkompli tirraporta li “t-tfassil u l-użu ta' indikaturi mill-Kummissjoni għadu mhux biżżejjed sabiex is-sistemi ta' kontroll intern u l-legalità u r-regolarità ta' tranżazzjonijiet bażiċi tiġi mmoniterjata” (paragrafu 1.53); huwa kompletament ta' l-istess fehma tal-Qorti – bbażata fuq l-istandards INTOSAI – li l-maniġment huwa responsabbli għall-iżvilupp ta' indikaturi li jippermettu l-evalwazzjoni preċiża tal-progress;

71.

Jistenna lill-Kumissjoni, u b'mod partikulari d-dipartimenti ċentrali responsabbli għal-linji gwida għal rapporti u dikjarazzjonijiet annwali dwar attivitajiet, sabiex jagħtu prijorità lill-elaborazzjoni ta' indikaturi li għandhom rabta diretta mal-legalità u mar-regolarità;

72.

Jilqa' b'sodisfazzjon is-segwitu tal-Qorti għar-riservi espressi mid-Diretturi-Ġenerali fl-2003 u fl-2004 (Tabella 1.2), u jinnota:

73.

Jistieden lid-Direttorati Ġenerali tal-Kummissjoni sabiex jiddeskrivu aħjar is-sors ta' l-assigurazzjoni tagħhom u jiżguraw li d-dikjarazzjonijiet jagħtu stampa reali u ġusta ta' l-adegwatezza ta' l-immaniġġjar tagħhom tar-riskju ta' żball fit-tranżazzjonijiet bażiċi;

74.

Ifakkar li fir-riżoluzzjoni ta' kwittanza ta' l-2003 hu stieden lill-Kummissjoni “sabiex tikkonverti r-Rapport Annwali ta' Sinteżi f'dikjarazzjoni konsolidata ta' assigurazzjoni dwar il-kontrolli ta' mmaniġġjar u ta' finanzi tal-Kummissjoni kollha kemm huma” (paragrafu 62);

75.

Jinnota b'diżappunt li l-Kummissjoni “mhix ser tieħu l-azzjoni rakkomandata” fuq il-bażi li, kif stipulat fl-Anness għar-Rapport mill-Kummissjoni għall-Parlament Ewropew dwar is-segiwtu tad-Deċiżjonijiet ta' Kwittanza 2003 imsemmi hawn fuq,

“Is-Sinteżi hija att li permezz tiegħu il-Kummissjoni teżerċita r-responsabilità politika, billi tanalizza r-rapporti annwali ta' attività u d-dikjarazzjonijiet tagħhom u billi tadotta pożizzjoni dwar kwistjonijiet orizzontali ewlenin, inklużi azzjonijiet xierqa għal kwistjonijiet li jinħtieġu rimedju f'livell ta' Kummissjoni. Dan l-approċċ huwa bbażat fuq ir-riforma, li ddeċentralizzat ir-reponsabilitajiet ta' mmaniġġjar lejn id-Diretturi Ġenerali u l-Kapijiet tas-Servizz, taħt is-superviżjoni politika tal-Kummissarju rilevanti”;

76.

Jiġbed l-attenzjoni għall-fatt li li filwaqt li r-responsabilità aħħarija għat-tranżazzjonijiet wara r-riforma hija tal-“line managers” (Diretturi Ġenerali) – u bix-xieraq – ir-responsabilità għas-sistemi ta' kontroll għandha tkun imsejsa fiċ-ċentru u mhux fil-periferija; jinnota li l-Qorti ta' l-Awdituri tappoġġja din il-opinjoni u għamlet rakkomandazzjoni ċara f'dak ir-rigward (paragrafu 1.57);

77.

Mhux konvint li r-riskji huma kkontrollati u huwa ta' l-opinjoni li l-Kummissjoni m'għandhiex bażi biżżejjed biex tiddikjara li s-sitwazzjoni hija “sodisfaċenti b'mod globali”, kif għamlet fil-Komunikazzjoni dwar is-Sinteżi ta' l-2004 (paġna 7) msemmija hawn f'paġna 7;

78.

Jinnota li r-rapporti annwali ta' attività kif ukoll il-Komunikazzjoni dwar is-Sinteżi ta' l-2004 msemmija hawn fuq huma elementi fis-sistema interna ta' kontroll u li l-kontroll intern fil-Kummissjoni qatt mhu ser ikun akbar mir-rieda poltika warajh;

79.

Jikkunsidra – mingħajr ma jagħti soluzzjoni waħda – l-miżuri li ġejjin bħala l-minimu meħtieġ sabiex il-Kulleġġ jitqiegħed f'pożizzjoni fejn jista' jikkonforma mal-ħtiġijiet ta' l-Artikolu 274 tat-Trattat fir-rigward tas-sitwazzjoni fil-Kummissjoni bħala istituzzjoni:

80.

Għalhekk, jistieden lill-Kummissjoni biex tressaq il-pożizzjoni tagħha dwar dawn il-kunsiderazzjonijiet lill-kumitat kompetenti tagħha f'forma ta' rapport dettaljat u komprensiv bi spjegazzjoni u diskussjoni tal-kwistjonijiet relevanti kollha; jistenna lill-Kummissjoni – f'każ li ma taqbilx mal-kunsiderazzjonijiet t'hawn fuq – biex tispjega bir-reqqa kif tkun bi ħsiebha tirċievi l-assigurazzjoni meħtieġa biex tissodisfa r-responsabilità tagħha skond l-Artikolu 274 tat-Trattat;

81.

Ifakkar li f'paragrafu 10 tar-riżoluzzjoni ta' kwittanza tiegħu ta' l-2003 imsemmi hawn fuq, stieden lill-Kummissjoni biex itella' l-Uffiċjal tal-Kontabilità għall-grad ta' Uffiċjal Kap Finanzjarju (CFO) li għandu jkollu l-irwol tal-kontrapriż istituzzjonali tal-maniġment għad-39 servizz tiegħu; jisgħobbih li l-modifika proposta għar-Regolament Finanzjarju għadha 'l bogħod wisq biex tissodisfa dawn ir-rakkomandazzjonijiet; jaqbel għal kollox mal-Qorti ta' l-Awdituri meta jiddikjara f'paragrafu 53 ta' l-Opinjoni Nru 10/2005 dwar l-abbozz tar-Regolament tal-Kunsill li jemenda Regolament (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej li “l-emendi proposti [li jikkonċernaw l-irwol ta' l-Uffiċjal tal-Kontabilità] mhumiex radikali biżżejjed biex isolvu l-problemi li qed jippruvaw jindirizzaw”;

82.

Jisħaq li l-irwol ta' Uffiċjal tal-Kontabilità professjonali jmur lil hinn mill-ġbir jew l-aggregazzjoni ta' figuri rċevuti mill-Uffiċjali ta' l-Awtorizzazzjoni; jiġbed l-attenzjoni għall-fatt li s-sempliċi firma ta' l-Uffiċjal tal-Kontabilità mhu se tkun xejn iżjed minn purament titjiba kożmetika sakemm l-Uffiċjal tal-Kontabilità ma jkunx kapaċi jiddikjara għalih innifsu, u mhux biss fuq il-bażi ta' informazzjoni rċevuta mid-Diretturi Ġenerali, li l-kontijiet jippreżentaw opinjoni vera u ġusta;

83.

Jirrepeti r-rakkomandazzjoni tiegħu, li hija bi qbil ma' prattika tajba fis-settur privat, li l-Uffiċjal tal-Kontabilità jittella' għall-grad ta' CFO b'responsabilità speċjali għall-kwalità tar-rappurtar finanzjarju tal-Kummissjoni u s-sistema tagħha ta' kontroll intern fis-sħuħija tagħha;

84.

Jenfasizza li s-CFO responsabbli għall-kwalità tar-rappurtar finanzjarju tal-Kummissjoni u s-sistema tagħha ta' kontroll intern irid ikollu l-kompetenza neċessarja u riżorsi adegwati biex jiżgura kwalità bħal din u li din tinkludi mezz li biha jiġu eżaminati l-assigurazzjonijiet mogħtija mid-Diretturi Ġenerali;

85.

Jilqa' l-inizjattivi tal-Kummissjoni bil-għan li jżidu l-għarfien ta' l-Istati Membri dwar ir-responsabilitajiet tagħhom skond l-Artikolu 274 tat-Trattat, imma ma jinsabx kuntent bir-riluttanza tal-Kummissjoni biex tħares b'mod kritiku lejn ir-responsabilitajiet tagħha stess skond l-istess Artikolu; Jistieden għalhekk lill-Qorti biex toħroġ opinjoni dwar il-konformità tal-Kummissjoni ma' dan l-Artikolu u dwar il-pożizzjoni u l-irwol ta' l-Uffiċjal tal-Kontabilità u ta' CFO futur f'ambjent ta' żjidiet ta' kontabilità;

86.

Jixtieq ikun jaf ukoll jekk, fl-opinjoni tal-Qorti, l-istrutturi ta' kontroll intern tal-Kummissjoni jaqblux mar-rakkomandazzjonijiet li l-Kummissjoni qed tipproponi għas-settur privat, kif hemm per eżempju fil-Komunikazzjoni tagħha lill-Kunsill u lill-Parlament Ewropew dwar l-Immodernizzar tal-Liġi dwar il-Kumpaniji u t-Tisħiħ ta' Tmexxija Korporattiva fl-Unjoni Ewropea – Pjan għal Mixja 'l Quddiem (COM(2003)0284), u jekk din hijiex mixtieqa;

87.

Jistieden lill-Qorti biex tinforma lill-kumitat kompetenti tagħha, qabel it-tmiem tat-tieni xahar wara l-adozzjoni ta' din ir-riżoluzzjoni, jekk hijiex se taċċetta l-istedina biex toħroġ opinjoni bħal din u, fil-każ ta' deċiżjoni pożittiva, biex tippreżenta skeda indikattiva għax-xogħol li jrid isir;

88.

Jistieden lill-Kummissjoni biex toħloq netwerk ta' organizzazzjonijiet u korpi għal kontroll finanzjarju (inkluża laqgħa annwali fil-preżenza tal-membri tal-Kumitat għall-Kontroll tal-Baġit) biex ikun hemm diskussjoni u skambju ta' esperjenzi fir-rigward ta' sistemi ġenerali għal kontroll intern ta' l-UE (inkluża verifika interna) u kwistjonijiet ta' kontabilità u għalhekk titrawwem koperazzjoni iżjed effettiva bejn l-Istati Membri u l-Unjoni Ewropea;

89.

Jistieden il-kumitat kompetenti tiegħu biex jipprovdi riżorsi speċifiċi mill-baġit ta' l-UE għal netwerk bħal din;

90.

Jemmen li rata ta' żball globali tista' biss tagħti indikazzjoni li xi ħaġa sejra ħażin imma mhux se tindika x'inhi l-problema u li dik li hemm bżonn hija informazzjoni preċiża dwar l-oriġini, il-frekwenza, in-natura u l-impatt finanzjarju ta' żbalji u fatturi li fuqhom għandha tittieħed azzjoni sabiex jiġu evitati żbalji ġodda fil-futur;

91.

Jilqa' l-iffukar mill-ġdid tal-Qorti ta' l-approċċ DAS tiegħu sabiex issa l-mistoqsija ewlenija hija jekk is-sistemi u l-kontrolli ta' sorveljanza li ġew implimentati fil-livell Komunitarju u nazzjonali jipprovdux lill-Kummissjoni b'assigurazzjoni raġunevoli fir-rigward tal-legalità u r-regolarità tat-tranżazzjonijiet warajha;

92.

Jidhirlu li d-definizzjoni ta' riskju tollerabbli “ex-ante” ta' żball hija pass neċessarju fil-kuntest biex jiġi definit qafas ta' kontroll intern effiċjenti u effettiv;

93.

Jemmen ukoll li rata tollerabbli ta' żball fit-tranżazzjonijiet ta' warajha jistgħu biss jiġu stabbiliti meta jkunu magħrufa l-ispejjeż meħtieġa biex tiġi vverifikata l-ispiża; jilqa' għalhekk l-azzjonijiet imnieda mill-Pjan ta' Azzjoni biex jevalwa l-ispejjeż u l-benefiċċji tal-verifiki;

94.

Jikkunsidra, kif stipulat mill-Qorti ta' l-Awdituri f'paragrafu 55 ta' l-Opinjoni Nru 2/2004 imsemmi hawn fuq, li r-relazzjoni bejn l-ispejjeż tal-kontrolli u l-benefiċċji li jagħmlu huwa aspett kritiku ta' l-istrateġija ta' kontroll għal programm jew politika u li għalhekk trid tkun “miftuħa u trasparenti”;

95.

Għalhekk jemmen li l-bilanċ bejn l-ispejjeż u l-benefiċċji tal-kontrolli għandu jiġi approvat mill-awtoritajiet politiċi u baġitarji (Parlament u Kunsill) bbażat fuq proposta dettaljata tal-Kummissjoni, u b'hekk jiġi aċċettat ċertu livell ta' riskju tollerablli ta' żball; għalhekk jappoġġja l-inizjattiva tal-Kummissjoni biex tibda djalogu interistituzzjonali fil-bidu ta' l-2006;

96.

Jemmen ukoll li oqsma differenti tal-baġit jistgħu jkunu suġġetti għal riskji tollerabbli ta' żball differenti skond it-tip u r-riskji tat-tranżazzjonijiet ikkonċernati;

97.

Jistieden il-Kummissjoni biex tindika – fid-dettall kemm jista' jkun – liema huma l-oqsma tal-baġit li hija tikkunsidra bħala HR (Riskju Għoli), MR (Riskju Medju) u LR (Riskju Baxx) u biex tadatta l-attivitajiet ta' kontroll u ta' verifika kif meħtieġ;

98.

Jistieden il-Qorti ta' l-Awdituri biex tikkunsidra, meta tistabbilixxi l-opinjoni tagħha ta' verifika, l-aċċettazzjoni tar-riskju deċiż mill-awtoritajiet baġitarji u politiċi;

99.

Ifakkar li l-President tal-Qorti ta' l-Awdituri, fid-diskors tiegħu lill-kumitat kompetenti tal-Qorti fi Strasburgu l-14 ta' Novembru 2005, qal li l-Qorti kienet 'fil-proċess li tipprepara awtoevalwazzjoni ta' l-organizzazzjoni u l-metodi tagħha biex jiġu segwiti minn “peer review”; jinnota li ma saret l-ebda reviżjoni indipendenti tax-xogħol tal-Qorti minn meta twaqqfet fl-1977; Jilqa' l-inizjattiva u jifhem li l-“peer review” se tkun reviżjoni esterna, kif qed issir fil-preżent minn ftit Stati Membri, u li l-objettiv huwa li jiġu eżaminati l-kwalità u r-relevanza ta' x'inhi tagħmel il-Qorti u li tindika b'mod ċar minn fejn il-Qorti tista' titgħallem minn oħrajn, inklużi l-Istati Membri u stati oħrajn bħall-Istati Uniti u n-New Zealand;

100.

Jitlob għal din ir-reviżjoni biex tikkunsidra l-mistoqsija dwar jekk ir-riżorsi tal-Qorti humiex biżżejjed biex jintlaħqu l-objettivi tagħha;

101.

Jistieden lill-Qorti – bħala parti mill-preparazzjoni tal-“peer review” – biex tibgħat rapport lill-kumitat kompetenti tagħha li fih il-Qorti – b'mod kritiku u professjonali – tiddeskrivi l-punti b'saħħithom u dgħajfa tagħha u jekk l-istruttura tal-governanza tal-Qorti tħallihiex tilqa' l-istandards preżenti rigward effiċjenza u effettività, pussess u tmexxija; Jistieden ukoll lill-Qorti biex iżżomm il-kumitat kompetenti tagħha u l-klijent ewlieni infurmati dwar il-passi ewlenin kollha f'dan il-proċess u biex tippreżenta r-rapporti finali kif ukoll intermedjarji lill-kumitat;

102.

Jitlob lill-Qorti biex, f'dan ir-rapport, tikkunsidra b'mod serju u ddettaljat l-introduzzjoni għat-tekniki aħjar għall-programm ta' ħidma tagħha biex jitkejjel u jiġi evalwat il-progress għall-istabbiliment ta' kontrolli finanzjarji effettivi;

103.

Jilqa' l-isforzi tal-Qorti biex titjieb il-preżentazzjoni tar-riżultati tal-verifika tagħha u b'mod partikulari l-użu ta' tabelli u indikaturi bħall-evalwazzjoni ta' l-implimentazzjoni fl-Istati Membri ta' sistemi ta' maniġment u kontroll fl-Istati Membri fir-rigward ta' miżuri strutturali (Anness 2 sa Kapitolu 4 u Anness 1 sa Kapitlu 5 fir-Rapport Annwali); jesprimi t-tama tiegħu li l-użu ta' tabelli u indikaturi bħal dawn jiġu estiżi f'rapporti futuri;

104.

Josserva li “benchmarking” jista' jkun għodda effettiva fl-evalwazzjoni ta' sforzi mill-Istati Membri biex itejbu l-immaniġġjar tal-fondi ta' l-UE; Jitlob għalhekk li l-informazzjoni dwar il-punti dgħajfa u b'saħħithom tas-sistemi ta' kontroll ta' l-Istati Membri ssir pubblika kemm mill-Kummissjoni kif ukoll mill-Qorti;

105.

Jisgħobbih li t-tabella fl-Anness 1 sa Kapitolu 5 tinkludi biss numru limitat ta' Stati Membri u jistieden lill-Qorti biex issib il-mezzi biex tinkludi informazzjoni iżjed espliċita u speċifika dwar nuqqasijiet fis-setturi differenti u fl-Istati Membri;

106.

Ifakkar li fir-rapport ta' kwittanza tiegħu ta' l-2003, il-Parlament kien diġà talab li tiġi iżjed żviluppata l-metodoloġija DAS sabiex tinġabar informazzjoni dwar titjib f'kull settur minn sena għall-oħra fl-Istati Membri differenti;

107.

Ifakkar lill-Qorti li s-servizzi operattivi tagħha jistgħu jiżdiedu b'mod sinifikanti billi jitnaqqsu l-kabinetti tal-Membri għal persuna waħda;

108.

Jinnota li kontribuzzjonijiet ikkalkulati fuq il-bażi ta' Dħul Nazzjonali Gross (GNI) huma issa bil-kbir l-iżjed sors ta' dħul importanti għall-Komunità (żewġ terzi mid-dħul kollu ta' l-2004) u jinsab imħasseb li l-Qorti għandu differenzi sinifikanti fis-sistemi ta' sorveljanza u ta' kontroll fl-Uffiċċji Statistiċi ta' l-Istati Membri (paragrafu 3.48) għax din jista' jkollha impatt fuq il-kwalità tad-dejta użata biex jiġu kkalkulati l-kontribuzzjonijiet ta' l-Istati Membri;

109.

Jitlob lill-Kummissjoni biex tinforma l-Kumitat kompetenti tagħha dwar il-miżuri li għandha jew li se tieħu biex ittejjeb l-affidabilità, it-tqabbil u l-kompjutezza tal-Kontijiet Nazzjonali;

110.

Jinnota b'sodisfazzjon li l-Qorti għamlet għall-ewwel darba dikjarazzjoni pożittiva dwar l-ispejjeż taħt is-Sistema Amministrattiva Integrata u ta' Kontroll (IACS) u li tikkunsidra din is-sistema, meta tiġi implimentata b'mod effettiv, bħala strument b'saħħtu biex jitnaqqas ir-riskju ta' spejjeż irregolari;

111.

Jinnota wkoll li s-sistema għadha mhijiex implimentata għal kollox fil-Greċja, kif suppost għandha tkun sa mill-1993, u li l-Qorti, għall-ewwel darba wkoll, sabet ir-raġuni, b'mod partikulari li “l-unjins tal-bdiewa jikkontrollaw it-tidħil tad-dejta kollha fil-kompjuter”; jinnota wkoll li “dawn it-tibdiliet irregolari għandhom impatt finanzjarju stmat għal mill-inqas 10 miljun euro, u li l-impatt fuq il-perjodu kollu tat-talba jista' jkun ferm iżjed” (paragrafu 4.8); jinnota li l-gvern tal-Greċja ċaħad dawn it-talbiet u f'Novembru 2005 fetaħ negozjati mal-Kummissjoni sabiex isolvi l-kwistjoni; jidhirlu li l-kontroll tat-tidħil tad-dejta għandu jsir mill-gvern tal-Greċja u mhux mill-unjins tal-bdiewa; jistieden lill-Kummissjoni biex tillimita l-pagamenti tagħha għal massimu ta' 50 % għaż-żmien li fih is-sitwazzjoni ma titjibx;

112.

Jinnota li taħt is-sistema preżenti, korrezzjonijiet jitħallsu wisq drabi miċ-ċittadini li jħallsu t-taxxi u mhux mill-benefiċjarju finali li jkun għamel l-iżball; huwa ta' l-opinjoni li għalhekk, korrezzjonijiet għandhom biss effett preventiv u dissważiv fuq il-benefiċjarji u l-maniġers;

113.

Jinnota d-diżappunt tal-Qorti bl-iskop tal-ħidma tal-korpi ta' ċċertifikar (paragrafu 4.60) għax ma jipprovdix assigurazzjoni diretta li l-informazzjoni mogħtija minn min qiegħed jagħmel it-talba, u użata minn aġenziji ta' ħlas biex jikkalkulaw il-pagament dovut, hija korretta u għalhekk li l-pagamenti huma legali u regolari; jistieden il-Kummissjoni b'mod espliċitu biex tippretendi li l-korpi ta' ċċertifikar jeżaminaw l-operazzjoni tal-kontrolli ta' livell primarju;

114.

Jappoġġja għal kollox il-fehma tal-Qorti li l-kontrolli tal-Kummissjoni ta' wara l-pagamenti li jinvolvu żjarat lil tliet Stati Membri biss huma limitati wisq (paragrafu 4.58) biex jippermettu lill-Kummissjoni li tiddikjara li għandha “assigurazzjoni raġunevoli rigward il-konformità mal-leġiżlazzjoni ta' l-ispejjeż tal-Komunità”;

115.

Jaqbel mal-kritika tal-Qorti li m'hemm l-ebda definizzjoni applikata b'mod komuni għall-foresta u art bis-siġar oħra fl-UE għalkemm in-NU diġà stabbilixxew definizzjonijiet ġenerali ta' foresta u artijiet bis-siġar 10 snin ilu; jirrakkomanda sew li l-Kummissjoni tintroduċi minimu ta' terminoloġija komuni; eż. set ta' definizzjonijiet skond iz-zoni klimatiċi differenti fl-Unjoni; jitlob lill-Kummissjoni biex tuża dawn id-definizzjonijiet komuni sabiex tolqot aħjar il-miżuri u l-infiq fil-qasam forestali ta' l-UE;

116.

Jidhirlu li hija inaċċettabbli li l-akkreditazzjoni ta' l-aġenziji ta' ħlas EAGGF fi ftit Stati Membri hija inkompluta sa mill-adeżjoni; jitlob lill-Kummissjoni biex tlesti xogħolha kemm jista' jkun malajr, għax ammonti sinifikanti se jintalbu li jitħallsu mill-EAGGF fis-snin li ġejjin u iżjed titwil definittivament jikkawża pagamenti tard jew b'dewmien għal dawn l-Istati Membri;

117.

Josserva nuqqas ta' koerenza bejn il-perjodu ta' 7 snin ta' pprogrammar bejn l-2000 u l-2006 għall-miżuri ta' l-UE għat-tisġir u l-fondi allokati għal dan il-perjodu fuq naħa u fuq in-naħa l-oħra, l-istrument ewlieni għat-tisġir li jikkonsisti minn “premium” annwali għal kull ettaru għal benefiċċjarji mħallsa fuq 20 sena biex jagħmlu tajjeb għat-telf ta' dħul jekk dawn jaqilbu art agrikola f'foresta; jinsab inkwetat dwar is-sejba tal-Qorti li l-ammont ta' “premiums” jaqbeż bil-kbir il-fondi allokati għall-programm; jinsab inkwetat li, bħala konsegwenza, ir-riżorsi umani tal-Kummissjoni ma jistgħux jiġu ffokati fuq objettivi preżenti imma jridu jittrattaw l-amministrazzjoni tal-“premiums”; jikkunsidra r-Regolament tal-Kunsill (KE) Nru 1698/2005 ta' l-20 ta' Settembru 2005 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (EAFRD) (16), bħala l-ewwel pass fid-direzzjoni t-tajba, għax inaqqas l-iskema ta' kumpens minn 20 għal 15-il sena; jitlob lill-Kummissjoni biex tressaq iżjed proposti sabiex tirranġa s-sitwazzjoni;

118.

Jinnota li miżuri agro-ambjentali jifformaw parti integrali mill-CAP rriformata ta' l-UE, għalkemm il-verifika ta' l-ispiża ambjentali tista' toħloq problemi partikolari, minħabba l-karattru tax-xogħol intensiv tagħha u l-ħtieġa ta' għarfien speċjalizzat sew;

119.

Juri li prattiki nazzjonali tajbin jistgħu jservu ta' mudell għall-Istati Membri kollha, bħal ma hu l-metodu “2-step” Ġermaniż għall-ivverifikar tal-Prattika tal-Biedja Tajba (GFP), billi jiġi ċċekkjat b'mod ġenerali 5 % tal-bdiewa u ma dan jiġi ċċekkjat b'mod iżjed iddettaljat 1 % tal-bdiewa; u jappella ma' l-awtoritajiet responsabbli biex itejbu u jagħmlu użu aħjar ta' l-għarfien lokali u ta' l-indikaturi, possibilment permezz ta' l-użu parzjali ta' fondi għall-għajnuna teknika fir-Regolament għall-Iżvilupp Rurali l-ġdid, biex jiżdied għarfien bħal dan;

120.

Iħeġġeġ lill-Kummissjoni, sabiex ikollha kwittanza aħjar tar-responsabilitajiet tagħha, biex tevalwa l-karattru ta' sottomiżuri li jista' jiġi verifikat għall-perjodu li fih jiġu approvati l-programmi għall-iżvilupp rurali;

121.

Jgħaqqad l-ikbar importanza ta' l-użu effiċjenti u responsabbli tal-baġit ta' l-UE u l-applikazzjoni tal-prinċipju, sabiex inizjattiva li ma tistax tiġi vverifikata b'mod suffiċjenti ma tiġix iffinanzjata mill-fondi pubbliċi.

122.

Għalhekk jikkunsidra li l-Kummissjoni, lill-Kunsill u lill-Parlament għandhom jiżguraw li dan il-prinċipju jiġi rrispettat aħjar meta jiġu implimentati l-proposti għall-infiq agri-ambjent fil-perjodu ta' ppjanar 2007 sa 2013, mingħajr żjieda fl-ispejjeż ta' kontroll u l-burokrazija;

123.

Jaqbel għal kollox mal-Qorti meta jgħid li “Stati Membri huma responsabbli fil-bidunett għall-immaniġġjar ta' operazzjonijiet u kontroll ta' l-ispejjeż u biex jiġu żgurati l-korrettezza u l-legalità tat-tranżazzjonijiet ta' warajhom permezz ta' l-iffunzjonar tas-sistemi vverifikati mill-korpi nazzjonali ta' verifika” (paragrafu 5.7); ifakkar lill-Kummissjoni kif ukoll lill-Qorti li fl-assenza ta' numru ta' verifiki adegwati tal-programmi strutturali, m'hemmx bażi sempliċi u trasparenti għaċ-ċertifikazzjoni ta' l-ispejjeż mill-Istati Membri;

124.

Fir-rigward ta' dan jinsab imħasseb dwar is-sejbiet serji ħafna tal-Qorti, kif ġej (paragrafu 5.48):

125.

Jistieden lill-Kummissjoni u lill-Istati Membri biex immedjatament jieħdu l-miżuri kollha neċessarji sabiex “l-immaniġġjar ta' kuljum” tilħaq l-istandard meħtieġ;

126.

Jirrimarka li fil-kuntest tal-CAP, l-aġenziji li jħallsu jistgħu jassenjaw ċertu xogħol lil korpi ddelegati, imma li pagamenti attwali ma jistgħu qatt ikunu suġġetti għal kwalunkwe delegazzjoni; Jinnota li b'dan il-mod l-aġenzija li tħallas tibqa' primarjament responsabbli għad-deċiżjonijiet kollha li jwasslu għal pagament attwali; iħoss li s-sitwazzjoni preżenti fil-miżuri strutturali, fejn awtoritajiet li jimmaniġjaw jitħallew jiddelegaw deċiżjonijiet attwali ta' pagamenti, qed ikunu ta' ħsara għall-iċċekkjar effiċjenti u għall-bilanċi; jitlob għalhekk lill-Kummissjoni biex tindirizza din il-problema b'mod mgħaġġel u adegwat;

127.

Jemmen li dak li huwa meħtieġ huma kontrolli aħjar u mhux iżjed kontrolli u li l-assigurazzjoni għar-regolarità u l-legalità tat-tranżazzjonijiet ta' warajhom trid tiġi minn kontrolli primarji aħjar qabel l-approvazzjoni ta' l-applikazzjonijiet, matul l-implimentazzjoni ta' l-operazzjonijiet u qabel il-pagament finali u mhux permezz ta' iżjed kontrolli fuq il-post mill-Kummissjoni;

128.

Jitlob lill-Istati Membri biex jiżguraw li riżorsi adegwati jiġu investiti f'dawn il-kontrolli u tingħata gwida xierqa; jitlob lill-Kummissjoni biex tappoġġja dawn l-azzjonijiet bit-tixrid ta' prattiki tajbin f'dan il-qasam;

129.

Jappella lill-Istati Membri biex jinvestu iżjed f'attivitajiet ta' informazzjoni maħsuba għall-benefiċjarji biex jagħmluhom konxji tal-kundizzjonijiet għall-iffinanzjar, tal-probabilità li jiġu ċċekkjati u tal-konsegwenzi tal-ksur;

130.

Jinnota li n-numru għoli ta' uffiċċji u dipartimenti nazzjonali, reġjonali u lokali fl-Istati Membri involuti fl-immaniġġjar u l-kontroll ta' miżuri strutturali jagħmel il-konsolidazzjoni tar-rapporti ta' verifika, kif proposti fil-livell ċentrali ta' l-Istati Membri, mezz neċessarju u effiċjenti għall-iffaċilitar ta' kontrolli aħjar;

131.

Jinnota li fil-futur, il-miżuri strutturali jistgħu jagħtu kont għal kważi nofs l-approprjazzjonijiet fil-baġit tal-Komunità u għalhekk iħeġġeġ lill-Kummissjoni u l-Istati Membri biex jimplimentaw id-dikjarazzjonijiet settorjali proposti fil-livell ċentrali ta' l-Istati Membri;

132.

Jemmen li l-indipendenza ta' l-immaniġġjar u tal-korpi ta' kontroll hija ta' importanza fundamentali u jistieden lill-Kummissjoni biex tagħmel arranġamenti għall-approvazzjoni tal-Kummissjoni għall-immaniġġjar u korpi ta' kontroll stabbiliti f'livell nazzjonali;

133.

Jistieden lill-Kummissjoni biex tippreżenta kemm jista' jkun malajr proposta li tkun teħtieġ il-korp ta' verifika propost fir-regolamenti 2007-2013 biex jiċċertifika d-dikjarazzjonijiet magħmula dwar il-fondi strutturali kollha tal-KE f'kwalunkwe sena, u mhux biss id-dikjarazzjonijiet magħmula fil-programmi 2007-2013, għax l-ispejjeż 2000-2006 ikomplu sa l-2010;

134.

Jenfasizza li l-Kummissjoni, b'kooperazzjoni ma' l-Istati Membri, għandha tiżgura li l-lezzjonijiet li tieħu mill-għeluq tal-programmi għall-perjodu 1994 sa l-1999 jiġu applikati għall-perjodi 2000 sa l-2006 perijodi u perijodi futuri ta' l-implimentazzjoni tal-programmi tal-Fondi Strutturali u tal-proġetti tal-Fondi ta' Koeżjoni; jinnota li dan jeħtieġ ukoll li l-Istati Membri jiżguraw il-preżentazzjoni adegwata u fil-ħin tad-dokumenti nazzjonali ta' l-għeluq;

135.

Jistieden lill-Kummissjoni biex kull sitt xhur jippreżenta skorbord li juri l-progress ta' l-Istati Membri fir-rigward ta' l-implimentazzjoni effiċjenti ta' sistemi ta' sorveljanza u ta' kontroll kif imsemmi fir-regolamenti;

136.

Jitlob lill-Kummissjoni biex jaħdem għal massimu ta' proċeduri standardizzati fil-politiki interni, b'hekk jiġu ffaċilitati l-kontrolli finanzjarji u jitnaqqas il-piż amministrattiv għall-benefiċjarji; b'mod partikolari, iħeġġeġ lill-Kummissjoni biex issegwi l-parir repetut tal-Qorti u tistabbilixxi sistema ta' l-IT komuni jew integrata għall-immaniġġjar tal-ħames, tas-sitt u iżjed programmi ta' qafas għal riċerka, żvilupp teknoloġiku u attivitajiet ta' dimostrazzjoni;

137.

Jinnota li l-Kummissjoni għandha l-istess tħassib tal-Qorti dwar ir-riskju għoli u persistenti ta' l-iżbalji kkawżati minn dikjarazzjonijiet mhux korretti ta' spejjeż minn benefiċjarji finali; jinsab konvint li s-simplifikazzjoni ta' proċeduri tikkontribwixxi biex issolvi din il-problema; għalhekk, titlob lill-Kummissjoni biex tikkunsidra sew is-suġġerimenti tal-Qorti f'dan ir-rigward;

138.

Jinnota l-fatt li, fir-rigward ta' miżuri strutturali, il-Qorti ta' l-Awdituri sab iżjed nuqqasijiet fil-maniġment u s-sistemi ta' kontroll u jitlob speċifikament lill-Istati Membri biex jagħmlu titjib bħala fatt ta' urġenza bl-għajnuna ta' korpi nazzjonali ta' verifika u ta' l-awtoritajiet relevanti indipendenti;

139.

Jaqbel mar-rakkomandazzjoni tal-Qorti ta' l-Awdituri li n-numru ta' evalwazzjonijiet fuq il-post għall-proġetti għandu jiżdied; jisgħobbih, f'dan ir-rigward, li d-Direttorat Ġenerali għall-Impjieg m'għamel l-ebda evalwazzjoni adegwata biex isaħħaħ il-konklużjonijiet rigward il-maniġment u s-sistemi ta' kontroll fl-Istati Membri għall-perjodu ta' żmien 2000-2006;

140.

Jitlob lill-Istati Membri, lill-Kummissjoni u b'mod partikolari d-Direttorati Ġenerali relevanti biex jaħdmu flimkien b'mod effettiv, skond il-prinċipji ta' skop tajjeb u maniġment finanzjarju sod, biex jiġi żgurat li b'mod partikolari l-approprjazzjonijiet mill-Fondi Strutturali jiġu allokati b'mod xieraq;

141.

Jaqbel li s-sistema elettronika introdotta mid-Direttorat Ġenerali ta' l-Impjieg għall-immonitorjar ta' rakkomandazzjonijiet li jikkonċernaw il-kontrolli ma jistgħux jitqiesu effettivi u jħeġġeġ lill-Kummissjoni biex toħroġ memorandum rigward prattika tajba fir-rigward ta' kontrolli fuq l-immaniġġjar ta' spejjeż nazzjonali u fuq l-evalwazzjoni tar-riżultati ta' kull tip ta' riżors finanzjarju;

142.

Huwa ġeneralment sodisfatt bil-progress li sar fir-rigward ta' rati ta' użu; jinnota li dan jista' wkoll jiġi attribwit għall-applikazzjoni tar-regola “n+2”;

143.

Jaqbel mat-tagħlimiet li ttieħdu rigward l-evalwazzjoni ta' l-inizjattiva tal-Komunità INTEGRA dwar esklużjoni soċjali fuq il-post tax-xogħol u għalhekk jitlob lill-Istati Membri u lill-Kummissjoni biex ikomplu l-isforzi tagħhom biex jiżguraw koeżjoni soċjali ikbar;

144.

Huwa ġeneralment sodisfatt bir-rati ta' użu fil-linji tal-baġit maħsuba għall-impjieg u l-affarijiet soċjali, li għandhom jiġu attribwiti għall-immaniġġjar imtejjeb mill-Kummissjoni;

145.

Jinnota li, f'oqsma ta' politika interna, sfortunatament għad m'hemmx DAS fir-rigward tal-legalità u r-regolarità ta' pagamenti; jitlob kontinwament lill-Kummissjoni biex jivverifika jekk is-sistemi tagħha ta' rimbors ta' spejjeż jistgħux jiġu simplifikati u l-proċeduri u l-istruzzjonijiet li jikkontrollaw il-programmi varji jistgħux jiġu formulati b'mod iżjed ċar;

146.

Jitlob lill-Kummissjoni, minħabba l-inċertezza dwar l-adozzjoni ta' proposti għall-parteċipazzjoni fi programmi Komunitarji, biex jittieħdu miżuri prattiċi biex jiġu ffaċilitati l-proċeduri;

147.

Jikkunsidra r-rati komplessivi ta' implimentazzjoni ta' l-intestaturi tal-baġit għall-ambjent, is-saħħa pubblika u s-sikurezza ta' l-ikel bħala sodisfaċenti;

148.

Jitlob lill-Kummissjoni biex tiżviluppa iżjed għajnuna għall-applikanti fil-kuntest ta' programmi multiannwali; jilqa' l-isforzi biex is-sejħiet għall-offerti jiġu ffukati aħjar u biex tingħata iżjed għajnuna lill-applikanti sabiex tiġi evitata l-preżentazzjoni ta' applikazzjonijiet għal proġett li jidher ċar li mhumiex eliġibbli għal iffinanzjar jew li huma ta' kwalità fqira, imma jinnota li hemm bżonn ta' iżjed xogħol sabiex tintlaħaq sitwazzjoni sodisfaċenti;

149.

Jinnota li r-rati ta' pagamenti għall-politika ta' l-ambjent, tas-saħħa u tas-sikurezza ta' l-ikel kienu kollha taħt it-80 %; jammetti d-diffikultajiet fl-ippjanar tal-bżonnijiet ta' l-approprjazzjoni ta' pagamenti, għax il-preżentazzjoni ta' kontijiet minn benefiċjarji u kuntratturi ma jaqax, fil-parti l-kbira tiegħu, taħt il-kontroll tal-Kummissjoni; jitlob lill-Kummissjoni, safrattant, biex teżamina bir-reqqa l-proċeduri tagħha stess ħalli tara jekk l-implimentazzjoni ta' l-approprjazzjonijiet għal pagamenti jistgħux jitjiebu;

150.

Jenfasizza li konformità mad-dispożizzjonijiet amministrattivi u finanzjarji tar-Regolament Finanzjarju m'għandux iwassal għal dewmien mhux neċessarju fl-assenjazzjoni ta' għotjiet jew fl-għażla ta' proġetti biex jiġu ffinanzjati;

151.

Jilqa' l-passi li ħadet s'issa l-Kummissjoni biex twarrab ir-riskju ta' żbalji fl-immaniġġjar ta' l-għotjiet, bir-riżultat li ma jiġux meqjusa biss l-azzjonijiet tal-konsumatur fl-osservazzjonijiet tal-Qorti; bl-istess mod, jilqa' l-assenza ta' osservazzjonijiet kritiċi kemm fuq l-azzjonijiet għall-politika tas-suq intern kif ukoll fuq il-politika tad-dwana;

152.

Jirrikonoxxi d-diffikultà prattika li taffaċċja l-Kummissjoni meta tipprova tirrikonċilja l-bżonnijiet li l-piż amministrattiv li jintefa' fuq l-applikanti ta' l-għotjiet fil-programmi relevanti jkun ħafif kemm jista' jkun, ma' l-obbligi biex jiġi żgurat immaniġjar finanzjarju sod konsistenti mar-regoli li jimplimentaw għar-Regolament Finanzjarju;

153.

Jenfasizza li hemm bżonn tiġi żgurata implimentazzjoni xierqa ta' sejħiet għal proposti annwali għal proġetti speċifiċi ta' ħarsien għall-konsumatur; jitlob lill-Kummissjoni biex tinterpreta l-lezzjonijiet li tkun ħadet matul it-twettiq tal-programm preżenti tal-konsumatur fl-ippjanar tal-programm il-ġdid għall-2007-2013, ħalli l-benefiċjarji alternattivi jiġu megħjuna biex ikunu ppreparati aħjar biex jieħdu l-azzjonijiet previsti;

154.

Jenfasizza fuq l-importanza li osservazzjonijiet tal-Qorti rigward il-kapaċitajiet ta' verifika interna u l-fallimenti jiġu segwiti b'mod effettiv biex jintlaqgħu standards aċċettati;

155.

Jinnota li fir-rapport annwali tiegħu għall-2004, il-Qorti ta' l-Awdituri sab li kien hemm żjieda sostanzjali fl-attività tal-verifika interna fid-Direttorat-Ġenerali dwar l-Enerġija u t-Trasport (DG TREN), fejn il-valur tal-kuntratti tal-verifika żdied minn EUR 52 920 000 fl-2003 għal EUR 504 000 000 u l-valur totali ta' l-aġġustamenti favur il-Kummissjoni tela' minn EUR 2 530 000 fl-2003 għal EUR 14 910 000;

156.

Jinnota wkoll li fl-opinjoni tal-Qorti, DG TREN għandu jieħu iżjed azzjoni biex jilħaq il-mira tiegħu ta' verifika ta' 20 % tal-proġetti u 35 % ta' l-ispejjeż totali tal-proġetti, jiddefinixxi mudell ta' dikjarazzjonijiet ta' spejjeż u jagħraf bejn l-istudji u x-xogħlijiet għal raġunijiet ta' verifika;

157.

Jilqa' l-fatt li, wara r-rimarki tal-Qorti fir-rapporti annwali ta' qabel, ġie adottat mudell ġdid ta' deċiżjoni tal-Kummissjoni fl-2004 li jagħti definizzjoni idjaq ta' l-ispejjeż eliġibbli u mhux eliġibbli;

158.

Jinsab imħasseb li filwaqt li ġew użati 93 % ta' l-approprjazzjonijiet ta' impenn għas-sikurezza fit-trasport, tħaddmu 60 % biss ta' l-approprjazzjonijiet ta' pagamenti;

159.

Jesprimi d-diżappunt tiegħu li kienu ntużaw biss 25 % ta' l-impenji u 11 % tal-pagamenti disponibbli għall-ħarsien tad-drittijiet tal-passiġġieri;

160.

Jinnota li qasam ieħor fejn l-implimentazzjoni kienet baxxa kienet għall-approprjazzjonijiet ta' pagamenti Marco Polo, u din minħabba raġunijiet mhux taħt il-kontroll tal-Komunità, u li fil-fatt, ma sarux numru ta' pagamenti bil-quddiem għax ċertu proġetti ma kinux lesti biex tintbagħat il-garanzija bankarja meħtieġa jew għax ġew użati l-formoli l-ħżiena għall-garanzija bankarja;

161.

Jinnota b'sodisfazzjon kbir li, mill-approprjazzjonijiet disponibbli għall-punt importanti tal-baġit TEN-T, ittieħdet azzjoni għal 100 % ta' l-impenji u 95,82 % tal-pagamenti, u dan juri li huwa essenzjali li fil-futur jiżdiedu l-approprjazzjonijiet għal dan il-punt;

162.

Japprova r-rakkomandazzjonijiet magħmula mill-Qorti ta' l-Awdituri fit-taqsima tar-rapport annwali tiegħu dwar politiki interni rigward il-bżonn li jitnaqqas ir-riskju ta' żbalji, b'mod partikolari fid-dawl ta' l-ispeċifiċitajiet li jikkaratterizzaw benefiċjarji ta' għotjiet fil-programmi ta' l-UE dwar l-edukazzjoni, il-kultura, iż-żgħażagħ u l-“media”;

163.

Jilqa' t-tweġibiet provduti mill-Kummissjoni biex tkompli l-isforzi tagħha biex ittejjeb is-sistemi ta' kontroll intern tagħha billi jiġu implimentati l-azzjonijiet stipulati fil-Komunikazzjoni dwar pjan għal qafas ta' kontroll intern integrat;

164.

Jenfasizza l-importanza għall-Kummissjoni li tikkapitalizza fuq id-diffikultajiet tal-proċeduri u fuq ix-xkiel li jaffaċċjaw il-benefiċjarji ta' l-għotjiet fl-immaniġġjar tal-proġetti; jistieden lis-servizzi relevanti tal-Kummissjoni biex jidentifikaw xi soluzzjonijiet u jħejjuhom f'forma ta' tagħlimiet li jridu jittieħdu u mqassmin qalb il-benefiċjarji kif ukoll biex jintużaw għat-titjib ta' inputs għall-proċeduri interni;

165.

Ifakkar li se jagħti importanza kbira lir-rapporti interim u dawk ta' evalwazzjoni ex-post dwar il-Programmi Tagħlim tul il-Ħajja, Kultura, “Media”, Żgħażagħ u Ċittadini għall-Ewropa futuri u jargumenta dwar użu usa' ta' l-indikaturi għall-evalwazzjoni;

166.

Jenfasizza fuq l-importanza li jissaħħu l-proċeduri bbażati fuq il-multilingwiżmu fir-rigward ta' sejħiet għal proposti indirizzati liċ-ċittadini u lill-benefiċjarji potenzjali tal-programmi ta' l-UE;

167.

Jinnota r-rata baxxa ta' implimentazzjoni ta' ċertu linji tal-baġit ewlenin relatati ma' l-istampa u l-komunikazzjoni u jqis li dan ifixkel politika ta' komunikazzjoni effettiva li tkun kapaċi tirrifletti b'mod adegwat il-bżonn preżenti għal dibattiti dwar il-futur ta' l-Unjoni;

168.

Jinnota li l-2004 kienet is-sena tat-tkabbir, u l-prijorità ewlenija tal-baġit kienet li jitħaffef b'mod proattiv il-proċess ta' integrazzjoni ta' l-għaxar Stati Membri l-ġodda;

169.

Jisgħobbih għall-fatt li r-rapport ta' kwittanza tal-baġit ma jagħtix biżżejjed informazzjoni relevanti dwar kif il-baġit laħaq din il-prijorità, speċjalment fir-rigward ta' opportunitajiet ugwali għan-nisa fl-Unjoni mkabbra;

170.

Ifakkar lill-Kummissjoni li d-dispożizzjonijiet tat-Trattat ta' Nizza jimplikaw li varjetà wiesgħa ħafna ta' politiki u miżuri tal-Komunità jridu jinftehmu mill-aspett ta' opportunitajiet ugwali;

171.

Itenni t-talba tiegħu lill-Kummissjoni fir-riżoluzzjoni tat-3 ta' Lulju 2003 dwar ibbaġitjar skond is-sessi (17) u jisgħobbih li r-rapport ta' kwittanza tal-baġit ma jagħtihx il-possibilità li jevalwa l-impatt tal-baġit mill-perspettiva tas-sessi; jisgħobbih li hemm nuqqas ta' data baġitarja dwar l-iffinanzjar allokat għall-promozzjoni ta' ugwaljanza bejn is-sessi fil-kuntest ta' linji tal-baġit differenti;

172.

Jitlob li tiġi inkluża informazzjoni relevanti dwar politiki ta' integrazzjoni tas-sessi f'kull rapport ta' kwittanza; jisgħobbih li l-Kummissjoni ma ppreżentatx din l-informazzjoni; jirrepeti t-talba tiegħu għal dejta speċifika dwar is-sessi fir-rapport ta' kwittanza tal-baġit;

173.

Jilqa' l-progress li sar fl-implimentazzjoni tal-baġit ta' l-2004 fir-rigward ta' l-objettivi kollha u l-perjodu ta' pprogrammar għall-Fondi Strutturali, li jissarraf għal rata ta' implimentazzjoni ta' pagamenti ta' 99 %, ferm ogħla minn dak li sar fl-2003 (89 %);

174.

Jinnota r-rata baxxa ta' implimentazzjoni ta' pagamenti fir-rigward tal-programm “Daphne”, waqt li jaċċetta r-raġunament tal-Kummissjoni rigward iż-żamma ta' standards ta' kwalità għolja għall-proġetti appoġġjati mill-programm;

175.

Jitlob lill-Istati Membri, lill-Kummissjoni u lid-Direttorat Ġenerali tal-Kummissjoni kkonċernat biex jikkolaboraw b'mod effettiv u biex isegwu r-regoli ta' skop tajjeb u mmaniġġjar finanzjarju sod bil-għan ta' l-implimentazzjoni xierqa ta' approprjazzjonijiet imwettqa, b'mod partikolari fir-rigward tal-fondi strutturali;

176.

Jitlob lill-Kummissjoni, fir-rigward ta' l-inċertezza li teżisti rigward l-aċċettazzjoni tal-proposti biex tieħu sehem fil-programmi differenti tal-Komunità, biex tieħu miżuri prattiċi mmirati biex iħaffu l-proċess u biex inaqqsu l-ispejjeż li jkunu saru matul il-preżentazzjoni tal-proposta msemmija.

177.

Jilqa' l-fatt li sar ftit progress fl-implimentazzjoni tal-baġit għal zona ta' ħelsien, libertà u ġustizzja; Jiddeplora bis-sħiħ, madankollu, il-livell li għadu vera baxx ta' l-implimentazzjoni tal-pagamenti (83,8 % skond il-Qorti ta' l-Awdituri meta mqabbel mat-68 % fl-2003) li jwassal għal żjieda konsiderevoli ta' l-RAL (minn 160 000 000 għal 238 000 000); jitlob lid-Direttorat għall-Ġustizzja, Libertà u Sigurtà biex itejjeb iżjed l-implimentazzjoni tal-baġit u biex jitnaqqas l-RAL;

178.

Jisgħobbih li l-Qorti ta' l-Awdituri kellu jirrepeti, fir-rapport tiegħu dwar is-sena baġitarja ta' l-2004, l-beżgħat tiegħu dwar l-implimentazzjoni tal-Fond għar-Refuġjati ta' l-Istati Membri u b'mod partikolari n-nuqqasijiet ta' sistemi ta' kontroll; jisħaq li mekkaniżmi ta' kontroll adegwati mill-Istati Membri għandhom bżonn jitqiegħdu f'posthom biex jiżguraw implimentazzjoni kif suppost tal-programmi tal-prospettiva finanzjarja l-ġdida permezz ta' mmaniġġjar komuni; jitlob lill-Kummissjoni biex tipprovdi taħriġ xieraq għall-uffiċjali ta' l-Istati Membri fil-ħin għall-programmi l-ġodda; (LIBE 2 AD 604018EN)

179.

Jisgħobbih li r-regolament finanzjarju tal-Eurojust kien għadu mhux approvat mill-Kummissjoni;

180.

Jitlob li l-Kummissjoni, bi qbil mar-rakkomandazzjonijiet tal-Qorti, tikkjarifika ma' l-aġenziji tan-NU id-dritt għall-aċċess tal-Qorti għal proġetti mmaniġġjati minnhom sabiex jippermettu lill-Qorti biex twettaq il-kontrolli fuq il-post neċessarji;

181.

Jitlob li l-Kummissjoni tinforma l-kumitat kompetenti fil-Parlament meta u għaliex tikkontribwixxi b'mod sostanzjali lill-Aġenziji tan-NU;

182.

Jitlob li l-Qorti tagħmel rapport dwar kif il-kontribuzzjonijiet ta' l-UE jistgħu jżommu l-identità tagħhom stess fil-familja tan-NU u jitlob lill-Qorti biex tirrapporta dwar il-vantaġġi li jiġu ffinanazjati azzjonijiet permezz tan-NU minflok l-azzjonijiet tal-Kummissjoni fil-qasam ta' relazzjonijiet esterni;

183.

Jesprimi l-beżgħat tiegħu rigward l-osservazzjonijiet tal-Qorti dwar l-organizzazzjonijiet li jimplimentaw il-proġetti; i.e. nuqqasijiet fil-kontrolli interni tagħhom u numru konsiderevoli ta' żbalji fit-tranżazzjonijiet tagħhom; jitlob lil EuropeAid biex tagħti attenzjoni partikolari lil-livell ta' implimentazzjoni fl-evalwazzjoni sħiħa tagħha tar-riskji u biex tintensifika l-verifiki tagħha ta' organizzazzjonijiet ta' implimentazzjoni;

184.

Jitlob lill-Kummissjoni biex tiżgura li informazzjoni dwar il-verifiki kollha inklużi dawk taħt kuntratt mad-delegazzjonijiet u organizzazzjonijiet ta' implimentazzjoni hija introdotta fis-sistema ta' informazzjoni finanzjarja CRIS tal-EuropeAid, b'hekk tintrabat mal-proġett rispettiv li jimmonitorja l-informazzjoni u li jagħmilha disponibbli għas-servizzi tal-kwartieri ġenerali; jilqa' r-rieda tal-Kummissjoni biex teżamina din il-proposta imma jħeġġeġ, madankollu, lill-Kummissjoni biex din ir-rakkomandazzjoni tiġi implimentata kemm jista' jkun malajr mill-Qorti ta' l-Awdituri;

185.

Filwaqt li jirrikonoxxi li l-EuropeAid irreaġixxa għat-talba tal-Parlament Ewropew għal iżjed trasparenza u jappoġġja bis-sħiħ il-bżonn għal sistema aħjar ta' kontrolli, jisgħobbih għall-kumplessità li żdiedet ferm tal-proċeduri l-ġodda, li huma diffiċli u jieħdu wisq żmien biex jiġu implimentati; juri l-bżonn għal simplifikazzjoni reali, filwaqt li ma jintesiex l-objettiv oriġinali; jilqa', għalhekk, id-deċiżjoni tal-EuropeAid biex tiġi ssimplifikata sa mill-1 ta' Frar 2006 il-proċedura għall-evalwazzjoni ta' proposti ppreżentati lilha, sabiex jitnaqqas il-piż li tiġi ppreżentata dokumentazzjoni ġustifikattiva u garanziji ta' eliġibilità minn fuq l-organizzazzjonijiet applikanti;

186.

Jinsisti li għandu jsir enfasi ugwali kemm fuq il-kwalità u l-impenn tal-programm kif ukoll fuq ir-rati tal-ħruġ tal-flus;

187.

Jistieden lill-Kummissjoni biex tinforma lill-kumitat kompetenti tagħha dwar il-miżuri konkreti preżenti tagħha u pjanijiet futuri biex jitnaqqsu r-riskji li jiġu implimentati u ffinanzjati proġetti f'ambjent b'possibilità notevolment għolja ta' korruzzjoni b'kontrolli u bilanċi u strutturi ta' governanza foqra; ikun japprezza wkoll l-opinjoni tal-Kummissjoni dwar jekk u sa liema punt huma maniġġabbli r-riskji li joħorġu minn dan skond ir-regoli tat-Trattat;

188.

Itenni l-opinjoni tiegħu li l-ispejjeż addizzjonali konsiderevoli involuti minħabba dikonċentrazzjoni għandhom bżonn ikunu ġġustifikati b'riżultati tanġibbli; għalhekk, jilqa' l-evalwazzjoni tal-Qorti dwar kemm kien qed jaħdem b'mod effettiv id-dikonċentrazzjoni fid-Delegazzjonijiet, kif mitlub mill-Kumitat għall-Affarijiet Barranin, fl-opinjoni tiegħu dwar il-kwittanza ta' l-2002; jinnota, madankollu, l-asserzjoni tal-Qorti li “ċertu oqsma problematiċi” fil-proċess ta' l-ippjanar “għandhom bżonn iżjed attenzjoni”;

189.

Jirrikonoxxi d-diffikultà li jsir rapport tar-riżultati ta' donatur wieħed f'ambjent ta' donaturi multipli; jiddeplora, madankollu, l-intenzjoni tal-Kummissjoni li tersaq lejn “approċċ ibbażat fuq ir-riżultati” għal politika ta' żvilupp mingħajr ma tiġi stabbilita metodoloġija biex jitkejlu r-riżultati speċifiċi ta' kooperazzjoni tal-Komunità ma' l-objettivi ewlenin ta' l-Għanijiet ta' l-Iżvilupp tal-Millennju (MDGs);

190.

Jaqbel mal-Qorti ta' l-Awdituri dwar il-bżonn għal indikaturi oġġettivi, utli u komprensivi biex jitkejjel l-“output” ta' l-għajnuna (Rapport Speċjali Nru 4/2005, paragrafu 63); jafda li dawn ikunu f'posthom għall-perjodu 2007-2013;

191.

Jisgħobbih li l-allokazzjoni rappurtata totali tal-Kummissjoni għal edukazzjoni bażika u saħħa bażika fl-2004 kien biss ta' 4,98 %, li kien 'il bogħod milli jilħaq il-benchmark ta' 20 % kif kien stabbilit mill-Parlament; jitlob għal djalogu bis-sens mal-Kummissjoni dwar kif din il-figura tista' titjieb;

192.

Jinsisti li trid tingħata prijorità ikbar lis-setturi MDG ewlenin tas-saħħa u l-edukazzjoni fl-istadju li jmiss tal-Karti ta' l-Istrateġija tal-Pajjiż;

193.

Jilqa' l-identifikazzjoni ta' l-appoġġ għal baġit ta' settur (18) bħala mezz li bih jiżdied il-livell ta' iffinanzjar għall-edukazzjoni u s-saħħa; jikkunsidra din l-għażla iżjed effettiva mill-appoġġ għal baġit ġenerali, anki meta m'għandhomx x'jaqsmu mal-progress f'dawn is-setturi;

194.

Japprezza l-kontribut tal-Kummissjoni lill-Programm ta' l-Ispiża Pubblika u r-Responsabilità Finanzjarja (PEFA), li qed tgħin biex jitnaqqsu r-riskji inerenti ta' l-appoġġ tal-baġit; jinnota, madankollu, l-iskopertà tal-Qorti ta' l-Awdituri li r-responsabilità maqsuma għall-Immaniġġjar tal-Finanzi Pubbliċi bejn l-Uffiċċju għall-Kooperazzjoni EuropeAid u d-Direttorat Ġenerali għall-Iżvilupp “jaħdem biss għax hemm relazzjonijiet interpersonali tajbin” (Rapport Speċjali Nru 2/2005, paragrafu 65);

195.

Jifraħ lill-Kummissjoni talli kull sena, sa minn żmien ir-riforma ta' l-immaniġġjar ta' l-għajnuna esterna, żiedet kemm l-impenn kif ukoll il-livelli ta' pagament u talli ġiet riorganizzata EuropeAid biex tipprovdi appoġġ aħjar lil delegazzjonijiet dekonċentrati; jaqsam l-ansjetà tal-Kummissjoni (19) dwar id-disponibilità f'waqtha ta' l-istaff kompetenti f'delegazzjonijiet, speċjalment għal finanzji, kuntratti u verifika;

196.

Jilqa' ż-żjieda fl-istaff medju għal kull EUR 10 000 000 immaniġjat minn 4,1 fl-1999 għal 4,8 fl-2004; jisgħobbih li din il-figura tibqa' sew taħt il-medja għal donaturi Ewropej u issa qiegħda tinżel;

197.

Jitlob lill-Kummissjoni biex tiżgura li l-kapaċità amministrattiva għall-politika ta' l-iżvilupp fil-Bulgarija u r-Rumanija hija msaħħa qabel jidħlu fl-UE.

198.

Jitlob lill-Kummissjoni biex ittejjeb l-indikaturi ta' l-spiża tagħha u tgħaġġel il-ħidma tagħha għall-iżvilupp ta' indikaturi għall-veloċità u l-kwalità tal-kunsinna ta' l-għajnuna sabiex taċċetta evalwazzjoni aħjar ta' l-ispejjeż u l-benefiċċji tal-proċess ta' devoluzzjoni;

199.

Jinkoraġġixxi l-Kummissjoni biex ittejjeb iżjed il-kwalità ta' l-appoġġ provdut mill-kwartieri ġenerali għad-delegazzjonijiet;

200.

Jinkoraġġixxi l-Kummissjoni biex tkompli bl-isforzi tagħha biex tiżgura li jintlaħqu l-bżonnijiet għall-istaff kemm għall-kwartieri ġenerali kif ukoll fid-delegazzjonijiet, u biex issaħħaħ iżjed it-taħriġ;

201.

Iħeġġeġ lill-Kummissjoni biex iżżid l-isforzi tagħha biex tipprova tnaqqas id-dewmien fl-implimentazzjoni ta' proġetti li jiġri barra mid-delegazzjonijiet;

202.

Jilqa' l-passi meħuda mill-Kummissjoni biex tissimplifika u tarmonizza proċeduri finanzjarji u kontrattwali;

203.

Jenfasizza li l-24 standard ta' kontroll intern imwaqqfa fid-delegazzjonijiet iridu jiġu applikati b'mod effettiv;

204.

Jirrikjedi rapport mill-Qorti dwar kif inhuma ffinanzjati l-Organizzazzjonijiet Mhux Governattivi (NGOs), li jittratta dwar x'għandha tkun id-definizzjoni ta' NGO skond il-Qorti, x'persentaġġ ta' riżorsi mill-NGOs huma ffinanzjati mill-Kummissjoni, liema parti ġejja minn entitajiet privati, mhux parti minn kwalunkwe korp governattiv u anki l-Qorti hija mitluba li tanalizza l-vantaġġi li jkollha proġetti implimentati mill-NGOs iżjed milli minn kumpaniji privati;

205.

Jirrikjedi wkoll li l-Qorti tipprovdi evalwazzjoni separata ta' l-implimentazzjoni propja tal-linja tal-baġit 19-04 Inizjattiva Ewropea għad-Demokrazija u għad-Drittijiet tal-Bniedem (EIDHR) fit-totalità tagħha, kif stabbilit mill-Parlament Ewropew ta' l-1992;

206.

Jilqa' r-Rapport Speċjali tal-Qorti rigward l-immaniġġjar tal-Kummissjoni tal-kooperazzjoni ekonomika fl-Ażja jieħu nota tas-sejbiet tal-Qorti li kien hemm nuqqas ta' fokus fl-ispiża u, b'mod ugwali, li proġetti madwar l-Ażja soffrew minn proċedura għal applikazzjoni kumplessa wisq; jilqa' d-dikjarazzjoni li l-proġetti vverifikati laħqu numru konsiderevoli ta' benefiċjarji; jappoġġja r-rakkomandazzjonijiet li l-Kummissjoni għandha tiżgura li proċeduri għal applikazzjoni mhumiex kumplessi għal xejn, li d-Delegazzjonijiet jagħtu għajnuna adegwata lill-applikanti, u li jkun hemm fokus ikbar fuq is-sostenibilità ta' proġett;

207.

Jistieden lill-Kummissjoni biex tiċċara l-qafas operattiv għall-għajnuna ta' l-UE għall-Ażja ffukat fuq numru żgħir ta' prijoritajiet ewlenin definiti aħjar li mbagħad tgħin biex ikun hemm titjib tal-bażi neċessarja għal implimentazzjoni effettiva ta' għajnuna u tippermetti approċċ iżjed ibbażat fuq ir-riżultat u l-impatt;

208.

Jitlob lill-Kummissjoni biex iżżid il-ħidma fl-iżvilupp ta' l-indikaturi xierqa li bihom jitkejjel il-progress li sar u biex jiġi żgurat l-immonitorjar neċessarju sabiex jiġu evalwati r-riżultati miksuba;

209.

Jippretendi li l-Kummissjoni tintroduċi fir-reviżjoni preżenti tar-Regolament Finanzjarju u tar-Regolament tal-Kummissjoni (KE, Euratom) Nru 2342/2002 tat-23 ta' Diċembru 2002 li jistipulaw regoli dettaljati għall-implimentazzjoni tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropew (20), is-simplifikazzjoni adegwata ta' proċeduri kuntrattwali u ta' proċeduri għal għotjiet, b'mod partikolari fir-rigward ta' proġetti fuq skala żgħira, sabiex tkun tista' tintlaħaq il-flessibilità fl-applikazzjoni ta' regoli flimkien ma' effiċjenza u mmaniġġjar finanzjarju sod;

210.

Jistieden lill-Kummissjoni ħalli taħseb biex tbiddel id-disinn ta' proġetti ta' qabel l-isħubija rigward immirar aħjar u ssimplifikar ta' objettivi u kundizzjonijiet; jaqbel mal-Qorti li dan għandu jnaqqas ir-riskju ta' żbalji fl-implimentazzjoni; jinsab konvint li l-issimplifikar tad-disinn tal-proġett għandu wkoll jiffaċilita l-evalwazzjonijiet tar-riżultati;

211.

Jirrikonoxxi li l-Kummissjoni trid tappoġġja l-awtoritajiet nazzjonali tal-pajjiżi għal adeżjoni biex jikkontrollaw huma stess l-infiq ta' l-UE b'mod totalment diċentralizzat; josserva li, fl-istess ħin, il-Kummissjoni għad trid tagħmel tajjeb għan-nuqqasijiet fl-immaniġġjar finanzjarju tal-pajjiżi għal adeżjoni billi żżomm kontrolli ex-ante f'idejn id-delegazzjonijiet tal-KE; iħoss li immaniġġjar propju ta' riskju f'dan il-qasam jimplika li l-Kummissjoni toħloq il-bilanċ bejn dawn iż-żewġ poli;

212.

Jinnota s-sejbiet tal-Qorti li nuqqasijiet fil-kapaċità ta' l-immaniġġjar tal-Bulgarija u r-Rumanija jibqgħu, jilqa' t-titjib li diġà sar u jħeġġeġ lill-awtoritajiet Bulgari u Rumeni biex ikomplu jżidu s-sorveljanza ta' għajnuna ta' qabel l-adeżjoni sabiex jiġu ppreparati għal użu iżjed effiċjenti tal-Fondi Strutturali ta' l-UE; fl-istess ħin, iħeġġeġ lill-Kummissjoni biex ittejjeb l-immaniġġjar tagħha u l-immirar ta' dawk il-fondi;

213.

Jinsab kuntent li jinnota li l-Kummissjoni resqet bi proposta għal Ftehima Interistituzzjonali dwar l-Aġenziji, kif mitlub mill-Parlament fir-rapporti ta' kwittanza tagħha ta' l-2003 dwar l-aġenziji; jitlob lill-Kunsill biex jibda n-negozjati kemm jista' jkun malajr bil-għan li tiġi konkluża ftehima fuq il-bażi ta' abbozz għal test tal-Kummissjoni, jiġu meqjusa l-prinċipji stabbiliti mill-Parlament fir-riżoluzzjoni tiegħu tat-13 ta' Jannar 2004 dwar Il-Qafas li Jopera għall-Aġenziji Regolatorji Ewropej (21) u fir-riżoluzzjoni tiegħu ta' l-1 ta' Diċembru 2005 dwar l-Aġenziji Regolatorji Ewropej (22);

214.

Jinnota li r-Regolament Finanzjarju kien iddisinnjat primarjament għall-Kummissjoni; tinsab konxju li l-Qafas tar-Regolament Finanzjarju ta' l-Aġenziji (23) u r-regolamenti finanzjarji individwali sussegwenti għal kull aġenzija (24) kienu kollha ddisinnjati biex isegwu r-Regolament Finanzjarju ġenerali mill-qrib kemm jista' jkun; Juri li regolament finanzjarju li jaqbel għall-Kummissjoni jista' mhux dejjem jaqbel għal aġenziji ferm iżgħar; jitlob lill-Kummissjoni biex tiżgura li l-bżonnijiet ta' l-aġenziji huma indirizzati kif suppost fir-riforma preżenti tar-Regolament Finanzjarju;

215.

Isibha neċessarja li jtejjeb ir-responsabilità ta' l-aġenziji għall-użu effiċjenti tal-flus taċ-ċittadini ta' l-UE li jħallsu t-taxxi u għalhekk jikkunsidra li l-aġenziji jridu jkunu responsabbli għall-kumitati rispettivi tal-Parlament;

216.

Jikkunsidra li l-aġenziji probabilment għandhom bżonn iżjed għajnuna bir-reklutaġġ mill-istituzzjonijiet li huma ikbar, li hemm it-tendenza li jkollhom funzjoni amministrattiva ikbar u b'iżjed esperjenza minn fejn jieħdu biex jgħinu f'xogħlijiet bħal dawn; iħeġġeġ lill-Uffiċċju Ewropew għas-Selezzjoni tal-Persunal (EPSO) biex iwieġeb b'mod pożittiv għat-talbiet ta' għajnuna b'reklutaġġ mill-aġenziji; jitlob lill-Kummissjoni biex jagħmel servizzi orizzontali oħra disponibbli għall-aġenziji wkoll, bħal ma huma t-taħriġ u s-servizz legali;

217.

Jitlob lill-Kummissjoni biex tirrapporta dwar il-qagħda tas-sitwazzjoni rigward il-verifika interna fl-aġenziji, tiddeskrivi s-setgħa tal-verifika interna disponibbli f'kull aġenzija, u s-servizzi ta' verifika interna provduti mill-Kummissjoni f'dak li hu għoti kemm ta' gwida kif ukoll tal-verifiki interni stess;

218.

Jinnota sew il-falliment apparenti tan-NU biex tapplika l-ftehima finanzjarja ffirmata bejn il-Kummissjoni u n-NU rigward l-Aġenzija Ewropea għar-Rikostruzzjoni, li frekwentement tħalli l-Qorti ta' l-Awdituri f'sitwazzjoni fejn ma jkunx jista' jieħu kontroll finanzjarju adegwat tal-pagamenti u d-dokumenti ta' warajhom li jirrigwardaw kuntratti mmaniġġjati jew issorveljati mill-Missjoni tan-Nazzjonijiet Uniti fil-Kosovo (UNMIK); jinnota d-dikjarazzjoni mid-Deputat Rappreżentant Speċjali tas-Segretarju Ġenerali tan-Nazzjonijiet Uniti biex mat-talba tal-Qorti jingħata aċċess sħiħ għall-fajls kollha; iħeġġeġ madankollu lill-Kummissjoni biex tirrevedi l-ftehima finanzjarja man-NU; huwa tal-fehma li t-tneħħija gradwali possibbli ta' l-Aġenzija Ewropea għar-Rikostruzzjoni m'għandhiex issir skond skeda stabbilita minn qabel imma għandha tiddependi minn kriterji u żviluppi ekonomiċi u politiċi, fil-waqt li jsir użu sħih mill-valur miżjud ta' l-Aġenzija f'dawk li huma kompetenza u tagħrif prattiku żviluppati tul is-snin, u jitlob lill-Kummissjoni biex tressaq proposta wara li ssir evalwazzjojni finali xierqa biex tara jekk il-mandat ta' l-aġenzija għar-rikostruzzjoni jistax ikun mibdul b'tali mod li l-kompetenza u t-tagħrif prattiku eżistenti jkunu jistgħu tista' tintuża biex tipprovdi għajnuna ta' rikostruzzjoni kull fejn hemm bżonn eż. l-Iraq, l-Afganistan, il-Pakistan, l-Indja u l-pajjiżi milquta mit-Tsunami, bħala t-tieni pass wara li l-bżonnijiet umanitarji immedjati ġew indirizzati mill-Uffiċċju ta' Għajnuna Umanitarja;

219.

Iħeġġeġ lill-Kummissjoni biex tgħin lill-Aġenzija għall-Ambjent Ewropea biex issolvi l-kwistjoni ma' l-awtoritajiet Daniżi rigward ir-rimbors ta' taxxi li ma tħallsux b'mod xieraq;

220.

Jinsab diżappuntat li jinnota li l-kunflitt bejn il-Kummissjoni u ċ-Ċentru ta' Traduzzjoni għall-korpi ta' l-Unjoni Ewropea rigward il-pagament tal-kontribuzzjoni tal-pensjoni tal-ħaddiema baqa' mhux solvut; iħeġġeġ lill-Kummissjoni biex iżżid l-isforzi tagħha biex issolvi din il-kwistjoni.

—

wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1),

—

wara li kkunsidra l-kontijiet annwali finali tal-Komunitajiet Ewropej għas-sena finanzjarja 2004, Volum III (N6-0027/2005 – C6-0359/2005),

—

wara li kkkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjat mir-risposti ta' l-istituzzjonijiet li ġew verifikati (2),

—

wara li kkunsidra d-dikjarazzjoni ta' assigurazzjoni għall-affidabbiltà tal-kontijiet u għal-legalità u għar-regolarità tat-tranżazzjonijiet bażiċi, ipprovduti mill-Qorti ta' l-Awdituri bi qbil ma' l-Artikolu 248 tat-Trattat KE (3),

—

wara li kkunsidra l-Artikoli 272(10), 275 u 276 tat-Trattat KE,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-Baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu,

—

wara li kkunsidra r-Regolament Finanzjarju tal-21 ta' Diċembru 1977 li huwa applikabbli għall-baġit ġenerali tal-Komunitajiet Ewropej (5),

—

wara li kkunsidra l-Artikolu 71 u l-Anness V tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għal-Libertajiet Ċivili, il-Ġustizzja u l-Intern (A6-0111/2006),

1.

Jinnota li fl-2004 il-Kunsill amministra baġit ta' EUR 541 916 200 b'rata ta' utilizzazzjoni ta' 98,10 %;

2.

Jieħu nota tar-rimarki magħmula mill-Qorti ta' l-Awdituri u jistieden lill-Kunsill sabiex jieħu kont tagħhom u biex ikompli jtejjeb l-immaniġġar finanzjarju tiegħu;

3.

Josserva li, skond il-paragrafu 9.4 tar-Rapport Annwali tal-Qorti ta' l-Awdituri, fl-2004 il-Kunsill kien għadu ma waqqaf l-ebda standards ta' kontroll intern wara l-adozzjoni tar-Regolament Finanzjarju ta' Ġunju 2002, u li, skond ir-risposta tal-Kunsill, l-istandards ta' kontroll intern għall-Kunsill ġew fl-aħħar adottati fl-20 ta' Lulju 2005;

4.

Ifakkar li l-Komunikazzjoni tal-Kummissjoni tal-15 ta' Ġunju 2005 dwar il-pjan għal qafas ta' kontroll integrat (COM(2005)0252)huwa applikabbli bl-istess mod għall-istituzzjonijiet kollha fl-UE u għalhekk il-Kunsill għandu jmexxi billi jagħti eżempju;

5.

Jindika li skond il-paragrafu 9.18 tar-rapport annwali tal-Qorti ta' l-Awdituri, il-liv annwali addizzjonali konċess qabel il-31 ta' Diċembru 1997 bħala kumpens għal sahra tħallas ma' l-irtirar jekk l-uffiċjal ma kienx ħa liv addizzjonali; jinnota li r-risposta tal-Kunsill ma tispjegax għaliex dawn il-ħlasijiet kienu saru lill-persunal A u B, li skond ir-Regolamenti ta' l-Istaff mhumiex intitolati għall-kumpens għal sahra;

6.

Jinnota li r-rikors tal-Kunsill għat-teknika tat-trasferiment tal-ġbir ta' l-aħħar tas-sena għal pagamenti “front-load” fuq il-bini LEX, li jirriżulta f'żieda ta' 333 % fl-ammont li kien mistenni oriġinarjament fuq l-Artikolu tal-baġit 206 minn EUR 13 500 000 għal EUR 58 449 000; jinnota fl-istess ħin li l-Parlament Ewropew qed jiffaċċja l-istess problemi;

7.

Jinnota żieda ta' 225 % fl-approprjazzjoni inizjali għal konsulenti Speċjali fil-qasam tas-sigurtà Ewropea u l-politika tad-difiza (l-Artikolu tal-baġit 3 1 3);

8.

Ifakkar fir-rimarka li saret fir-riżoluzzjoni tiegħu tas-27 ta' Ottubru 2005 dwar l-abbozz ġenerali tal-baġit għas-sena finanzjarja 2006 (6) li l-baġits ta' istituzzjonijiet oħra għandhom ikopru n-nefqa amministrattiva;

9.

Isib li aktar ma jkun hemm ċarezza fir-rigward ta' nfiq fuq u mill-Koordinatur tal-Kontroterroriżmu ta' l-EU aktar tiżdied it-trasparenza; ifakkar li bħala prinċipju, l-infiq operattiv għandu jsir biss mill-Kummissjoni;

10.

Iħeġġeġ lill-Kunsill sabiex itejjeb il-kapaċità tiegħu ta' rappurtaġġ billi jagħmel disponibbli minn kmieni għall-awtorità tal-kwittanza, kif għamlu l-istituzzjonijiet l-oħra kollha, inluż il-Parlament, ir-Rapport ta' Attività Annwali msemmi fl-Artikolu 60(7) tar-Regolament Finanzjarju, u b'hekk jikkontribwixxi għal trasparenza akbar fl-istituzzjonijiet ta' l-UE;

11.

Jinnota li l-Kunsill qiegħed bħalissa jmexxi proġett biex jinbena l-bini LEX li l-ispejjeż tiegħu huma stimati li jammontaw għal EUR 233 000 000 (skond il-prezzijiet ta' l-2003);

12.

Ifakkar li f'ittra datata 18 ta' Novembru 2004 li tikkonċerna l-proċedura tal-kwittanza għall-2003, il-Kunsill ma aċċettax stedina biex jattendi laqgħa tal-Kumitat għall-Kontroll Baġitarju, u kkwota l-Ftehima Informali tat-22 ta' April 1970; ifakkar ukoll ir-riluttanza tal-Kunsill fis-snin ta' qabel li jagħti aktar minn tweġibiet xotti għall-kwestjonarju mibgħut mill-Kumitat għall-Kontroll Baġitarju lill-istituzzjonijiet oħra bħala preparazzjoni għad-deċiżjoni tal-kwittanza; jemmen li fil-kuntest tal-kompromess kurrenti li jikkonsisti fi djalogu informali bejn il-Kunsill u ċ-chairman u r-rapporteur tal-kumitat kompetenti, il-kumitat kompetenti għandu jestendi l-iskop tal-parteċipazzjoni tiegħu biex jinkludi Membri oħra li jixtiequ jikkontribwixxu għal dan id-djalogu informali.

—

wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1),

—

wara li kkunsidra l-kontijiet annwali finali tal-Komunitajiet Ewropej għas-sena finanzjarja 2004, Volum III (N6-0027/2005 – C6-0360/2005),

—

wara li kkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjat mir-risposti ta' l-istituzzjonijiet li ġew verifikati (2),

—

wara li kkunsidra d-dikjarazzjoni ta' assigurazzjoni dwar l-affidabilità tal-kontijiet u dwar il-legalità u r-regolarità tat-tranżazzjonijiet bażiċi, ipprovduti mill-Qorti ta' l-Awdituri Ewropea skond l-Artikolu 248 tat-Trattat KE (3),

—

wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 – C6-0092/2006),

—

wara li kkunsidra l-Artikoli 272(10), 275 u 276 tat-Trattat KE,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-Baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu,

—

wara li kkunsidra r-Regolament Finanzjarju tal-21 ta' Diċembru 1977 li huwa applikabbli għall-baġit ġenerali tal-Komunitajiet Ewropej (5),

—

wara li kkunsidra l-Artikolu 71 u l-Anness V tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għal-Libertajiet Ċivili, il-Ġustizzja u l-Intern (A6-0112/2006),

1.

Jinnota li fl-2004 l-Qorti Ewropea tal-Ġustizzja (l-ECJ) amministrat baġit ta' EUR 235 041 565, b'rata ta' użu ta' 94 %;

2.

Jinnota li b'konsegwenza tat-tkabbir in-numru ta' l-istaff fl-ECJ żdied fl-2004 b'xi 40 % (6);

3.

Jinnota b'diżapprovazzjoni li fl-2004 l-ECJ reġgħet naqset milli timplimenta għadd ta' standards interni ta' kontroll;

4.

Jiġbed l-attenzjoni dwar is-sejba spjegata fil-paragrafu 9.13 tar-rapport annwali tal-Qorti ta' l-Awdituri li l-awditur intern ta' l-ECJ għandu jeżerċita l-funzjoni ta' kap tat-“taqsima tal-verifika” li tagħmel kontrolli ex-ante ta' l-operat; jaqbel mal-Qorti ta' l-Awdituri li dan it-tip ta' involviment fil-qadi ta' operazzjonijiet finanzjarji mhuwiex kompatibbli mad-dmirijiet ta' awditur intern indipendenti; jikkritika l-fatt li mill-ħatra tiegħu fl-2003, l-awditur intern għadu ma temm l-ebda waħda mill-verifiki li hemm fil-programm ta' ħidma tiegħu; iħeġġeġ lill-ECJ sabiex tqabbad għajnuna barranija biex tiżgura t-tmiem fil-ħin tal-verifiki pendenti fil-programm ta' ħidma;

5.

Juri dispjaċir għall-fatt li r-rapport ta' attività annwali ta' l-ECJ ma setgħax jiġi kkunsidrat fit-tħejjija tar-rapport annwali tal-Qorti ta' l-Awdituri peress li kien għadu ma tlestiex qabel ma ntemmet il-verifika tal-Qorti ta' l-Awdituri; jifhem li din il-kwistjoni ġiet solvuta fir-rigward tar-Rapport ta' Attività Annwali ta' l-2005;

6.

Jirrimarka dwar il-fatt li l-ECJ, għall-kuntrarju tal-biċċa l-kbira ta' l-istituzzjonijiet, ma tinkludix fir-rapport ta' attività annwali tagħha dikjarazzjoni ta' assigurazzjoni ffirmata mill-uffiċjal iddelegat biex jawtorizza; jinnota li, minkejja dan, ir-Reġistratur ħejja u ffirma memorandum bid-data tal-21 ta' Ġunju 2005 li fih jagħti assigurazzjoni lill-President ta' l-ECJ dwar ir-regolarità tal-kontijiet tiegħu ta' l-2004; jitlob lill-ECJ sabiex tħejji dikjarazzjoni bħal din fis-snin li ġejjin u jawgura li din il-kwistjoni tkun irregolata fir-reviżjoni attwali tar-Regolament Finanzjarju;

7.

Jifraħ lill-ECJ għat-tfassil, għal-kontenut u għal-leġibilità tar-rapport annwali ta' attività tagħha u, b'mod partikulari, għall-analiżi fit-tmiem ta' kull kapitlu tat-tip u l-livell tar-riskju assoċjat mal-ħidmiet li huma deskritti fih; jemmen li l-utilità tar-rapporti ta' attività annwali tista' titkabbar kieku l-istituzzjoniiet kollha jsegwu dan l-eżempju;

8.

Jilqa' t-tnaqqis fid-dewmien medju tal każijiet quddiem l-ECJ minn 25 xahar fl-2003 għal 20 xahar fl-2004, fi sfond ta' numru dejjem jikber ta' każijiet imressqa; iqis li 20 xahar għal kull każ xorta waħda huwa żmien twil wisq; jistieden lill-ECJ sabiex tnaqqas aktar it-tul taż-żmien għall-każijiet;

9.

Jinnota li l-ebda verifika ex-post ma saret fl-2004 minħabba li s-servizz tal-verifika ex-ante kellu bżonn li jikkonċentra fuq it-twaqqif taċ-ċirkwit finanzjarju l-ġdid;

10.

Jinnota li l-ECJ tinsab attwalment tmexxi proġett sostanzjali għall-kostruzzjoni ta' bini ġdid li jikkonsisti f'żewġ torrijiet u “ċirku” għall-akkomodazzjoni tal-persunal meħtieġ b'riżultat ta' aktar tkabbir fil-futur, flimkien ma' massimu ta' 40 imħallef u l-kabinetti tagħhom, bi spiża stmata ta' EUR 296 924 590 (bil-prezzijiet tas-sena 2000); jitlob lill-ECJ għal deskrizzjoni bil-miktub ta' l-arranġamenti għall-iċċekkjar ta' fatturi u l-verifikar ta' proġetti, kif ukoll għal spjegazzjoni bil-miktub ta' liema mill-partijiet involuti tkun responsabbli ghar-riskju possibbli ta' spejjeż mhux maħsuba; jistieden lill-ECJ sabiex toħloq entitajiet ta' kontroll adegwati li jkollhom responsabilità permanenti għal dan il-proġett kbir ta' kostruzzjoni u sabiex tiċċekkja li l-skadenzi jinżammu, timmonitorja l-ispejjeż u tagħmel kull tibdil meħtieġ;

11.

Jiġbed l-attenzjoni li, skond tqabbil ta' spejjeż bejn l-istituzzjonijiet fil-qasam tal-bini imħejji mis-servizzi tal-Kummissjoni f'Lulju 2005, l-ECJ għandha l-ogħla spiża għal kull okkupant (EUR 250/m2, li madankollu hija spjegata miż-żmien għal ħlasijiet lura iqsar min-normal magħżul mill-ECJ (15-il sena);

12.

Jemmen li, fl-interess tat-trasparenza, għandha tingħata iktar publiċità lir-Regolament tal-Kunsill Nru. 422/67/EEC, 5/67/Euratom tal-25 ta' Lulju 1967 li jiddetermina s-salarji tal-President u l-Membri tal-Kummissjoni u tal-Kunsill tal-President, L-Imħallfin, l-Avukati Ġenerali u r-Reġistratur tal-Qorti tal-Ġustizzja u tal-President, il-Membri u r-Reġistratur tat-Tribunal tas-Servizz Ċivili ta' l-Unjoni Ewropea (7) u li jistipula s-salarji ta' l-imħallfin ta' l-ECJ, possibilment billi jiġi ppubblikat fuq il-websajt ta' l-ECJ;

13.

Jinnota li għalissa l-ECJ ma timponi l-ebda obbligu fuq imħallfin sabiex jiddikjaraw interessi finanzjarji, bħalma huma pussess ta' ishma, karigi ta' diretturi u kuntratti ta' konsulenza; jiġbed l-attanzjoni li kemm il-Membri tal-Kummissjoni kif ukoll l-Membri tal-PE huma meħtieġa li jiddikjaraw interessi ta' dan it-tip f'reġistru pubbliku u li l-Membri tal-Qorti ta' l-Awdituri jagħtu dikjarazzjoni ta' l-interessi finanzjarji tagħhom lill-President tal-Qorti; jirrakkomanda li fl-interess tat-trasparenza, anke fin-nuqqas attwali ta' rekwiżit legali, l-ECJ għandha titlob sabiex jitfasslu regoli ta' dan it-tip li jorbtu;

14.

Ifakkar, fir-rigward ta' karozzi uffiċjali għall-użu ta' l-ECJ, li r-riżoluzzjoni tal-Parlament tas-27 ta' Ottubru 2005 (8) talbet lill-ECJ sabiex temenda sa l-1 ta' Novembru 2005 d-deċiżjoni amministrattiva tagħha tal-31 ta' Marzu 2004 b'mod li jiġi eskluż l-użu privat ta' karozzi uffiċjali.

—

wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1),

—

wara li kkunsidra l-kontijiet annwali finali tal-Komunitajiet Ewropej għas-sena finanzjarja 2004, Volum III (N6-0027/2005 – C6-0361/2005),

—

wara li kkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjat mir-risposti ta' l-istituzzjonijiet li ġew ivverifikati (2),

—

wara li kkunsidra d-dikjarazzjoni li tassigura l-affidabilità tal-kontijiet u l-legalità u r-regolarità tat-tranżazzjonijiet li huma bbażati fuqhom, li għamlet il-Qorti ta' l-Awdituri skond l-Artikolu 248 tat-Trattat KE (3),

—

wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 – C6-0092/2006),

—

wara li kkunsidra l-Artikoli 272(10), 275 u 276 tat-Trattat KE,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu,

—

wara li kkunsidra r-Regolament Finanzjarju tal-21 ta' Diċembru 1977, li huwa applikabbli għall-baġit ġenerali tal-Komunitajiet Ewropej (5),

—

wara li kkunsidra l-Artikolu 71 u l-Anness V tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit (A6-0113/2006),

1.

Jinnota li fl-2004 l-Qorti Ewropea ta' l-Awdituri (l-ECA) amministrat baġit ta' EUR 96 925 410, b'rata ta' utilizzazzjoni ta' 81,5 %;

2.

Ifakkar li l-kontijiet ta' l-ECA għall-2004 kienu vverifikati minn ditta esterna, il-KPMG (6), li kkonkludiet li

“Fl-opinjoni tagħna, id-data tal-kontabilità u d-dikjarazzjonijiet finanzjarji jagħtu opinjoni vera u ġusta, skond ir-Regolament Finanzjarju, ir-Regoli ta' Implimentazzjoni, prinċipji tal-kontabilità aċċettati u r-Regoli Interni tal-Qorti Ewropea ta' l-Awdituri, ta' l-assi u l-pożizzjoni finanzjarja tal-Qorti Ewropea sal-31 ta’ Deċembru 2004 u tar-riżultat ekonomiku u d-dħul u l-infiq tas-sena finanzjarja li għalqet.”

3.

Jinnota b'interess it-termini taċ-ċertifikat (7) maħruġ mill-awdituri ta' l-ECA, il-KPMG, li jiġbdu l-attenzjoni għall-ewwel darba:

“rigward l-informazzjoni li tidher fin-nota 1 ta' l-Anness tad-dikjarazzjonijiet finanzjarji li tgħid illi minħabba l-istandard tal-verifika Nru 12, ‘Benefiċċji għall-Persunal’ adottat permezz ta' Deċiżjoni tat-28 ta’ Diċembru 2004 tal-kontabilita' tal-Kummissjoni skond l-Artikolu 33 tar-Regolament Finanzjarju applikabbli għall-baġit ġenerali tal-Komunitajiet Ewropej, il-Qorti stabbiliet għal-ewwel darba, fil-31 ta’ Diċembru 2004, dispożizzjoni għall-pensjonijiet għall-Membri tal-Qorti Ewropea ta' l-Awdituri u dejn għal żmien twil għall-Istati Membri għal ammont ta' EUR 43 689 621. L-ammont tad-dispożizzjoni ġie determinat fuq bażi ta' analiżi attwarja magħmul mill-Kummissjoni Ewropea.”

4.

Jinnota li l-estensjoni tal-bini tal-kwartieri ġenerali ta' l-ECA fil-Lussemburgu, li ilha tinbena mill-2001, ġiet okkupata f'Ottubru 2003, qabel id-data skedata ta' Ġunju 2004; jinnota wkoll li l-kontijiet għall-proġett qegħdin fil-proċess li jingħalqu u li rapport sħiħ se jingħata lill-awtorità baġitarja meta jasal il-waqt;

5.

Barra minn hekk, jinnota referenza fil-parti dwar impenji barra l-karta tal-bilanċ fir-rapport ta' verifika tal-KPMG għal impenn ta' l-ECA biex takkwista art għal estensjoni oħra (il-proġett K3); jinnota li l-proġett K3 huwa maħsub biex jilqa' għall-bżonnijiet li mistennija jkollha l-ECA b'riżultat tad-dħul futur tal-Bulgarija, ir-Rumanija u pajjiż ieħor bi spiża stmata ta' EUR 26 450 000 (8)(prezzijiet ta' April 2003); jinnota x-xewqa ta' l-ECA “li tiddistribwixxi r-riskji assoċjati ma' proġett bħal dan fuq firxa usa', sabiex fl-aħħar mill-aħħar ma jkunx l-Ewropew li jħallas it-taxxa li jkollu jġorr parti daqstant kbira minnhom”; jitlob li jkun mgħarraf dwar kif se jintlaħaq dan l-għan, b'referenza speċjali għar-responsabilità finanzjarja għal spejjeż mhux ippjanati minn qabel;

6.

Japprova li jsiru b'mod regolari sejħiet għall-offerti għall-ħatra ta' ditta esterna biex tivverifika l-kontijiet ta' l-ECA, filwaqt li jesprimi t-tħassib tiegħu għall-pożizzjoni dominanti li għandu għadd żgħir ta' intrapriżi kbar tal-kontabilità fil-Lussemburgu u f'postijiet oħra; jitlob li jkun hemm proċedura għas-sejħa għall-offerti għall-ħatra ta' l-awdituri esterni li tkun trasparenti, ġusta u intelliġibbli għall-Parlament;

7.

Jinnota li wara l-aktar tkabbir riċenti fl-2004 u l-espansjoni tagħha għal 25 Membru, l-ECA organizzat mill-ġdid l-istruttura tagħha f'erba' gruppi tal-verifika u grupp ta' koordinazzjoni; jistaqsi jekk struttura li tinvolvi 25 Membru u l-uffiċċji rispettivi tagħhom hijiex l-aktar waħda effettiva li jista' jkun hemm; jitlob lill-ECA sabiex teżamina l-possibilità li tnaqqas l-għadd ta' membri għal terz ta' l-għadd ta' Stati Membri;

8.

Ifakkar fil-fehma li esprima l-Kumitat appuntat mill-House of Lords dwar l-Unjoni Ewropea fir-rigward tan-negozjati dwar il-Konvenzjoni dwar il-Futur ta' l-Ewropa, li

“L-istruttura attwali ta' l-ECA bi 15-il membru bi stejtus indaqs, wieħed minn kull Stat Membru, li jaħdmu b'kolleġjalità, jeħtieġ li tinbidel u, fil-każ ta' tkabbir, se jkollha tinbidel. Qorti b'aktar minn 20 membru eżekuttiv full-time tkun diżorganizzata, taħdem bil-mod u tkun ineffettiva. Il-proposta għal sistema ta' kmamar, kunċett li issa huwa inkorporat mit-Trattat ta' Nizza, tidher li hi sempliċiment mekkaniżmu biex jassorbi l-membri mingħajr ma titjieb l-effiċjenza u m'hix radikali biżżejjed biex issolvi din il-problema.”

9.

Ifakkar li s-Sur Weber, il-President ta' l-ECA, f'diskors fi Strasburgu fl-14 ta' Novembru 2005, qal lill-Kumitat għall-Kontroll tal-Baġit li l-ECA kienet qed twettaq evalwazzjoni ta' l-organizzazzjoni u tal-metodi tagħha stess, li warajha kellha ssir “reviżjoni minn pari”; jittama li jkun possibbli li tinħoloq struttura aktar razzjonali għall-ECA qabel ma jseħħ it-tkabbir li jmiss;

10.

Jissuġġerixxi li din ir-reviżjoni tal-metodi ta' kif taħdem l-ECA tkun tinkludi, bħala waħda mill-possibilitajiet, il-proposta tal-House of Lords li l-istruttura attwali tinbidel ma' “kap eżekuttiv ikkwalifikat ħafna li jkun sostnut minn staff qawwi ta' awdituri, u li jkun jirrapporta lil bord part-time, mhux eżekuttiv, magħmul minn rappreżentanti minn kull wieħed mill-Istati Membri”;

11.

Jilqa' l-għoti lill-awtorità tal-kwittanza tar-rapport annwali ta' l-attività, flimkien mad-dikjarazzjoni ffirmata mill-uffiċjal iddelegat bl-awtorizzazzjoni;

12.

Huwa grat għall-fatt li r-Rapport Annwali dwar il-funzjoni tal-verifika interna ġie mgħoddi lill-awtorità tal-kwittanza iżda jiddispjaċih li minkejja t-talba li hemm fil-paragrafu 15 tar-riżoluzzjoni tiegħu tat-12 ta' April 2005 (9) dan ir-rapport ta' paġna waħda xorta ma jagħtix stampa ċara ta' l-ambjent attwali ta' kontroll;

13.

Ifakkar, fir-rigward ta' karozzi uffiċjali użati mill-Membri ta' l-ECA, li r-riżoluzzjoni tiegħu tas-27 ta' Ottubru 2005 (10) titlob lill-ECA sabiex sa l-1 ta' Novembru 2005 temenda d-deċiżjoni amministrattiva tagħha tal-15 ta' Ġunju 2004 b'mod li jiġi eskluż l-użu privat ta' karozzi uffiċjali;

14.

Jistieden lill-ECA sabiex tikkunsidra li tippubblika fis-sit ta' l-ECA fuq l-Internet id-dikjarazzjonijiet tal-Membri dwar l-interessi finanzjarji tagħhom, u b'hekk tikkontribwixxi għal trasparenza akbar ta' l-istituzzjonijiet Ewropej; jemmen li t-trasparenza titjieb jekk tingħata aktar pubbliċità lir-Regolament tal-Kunsill (KEE, Euratom, ECSC) Nru 2290/77 li jiddetermina l-qligħ tal-Membri tal-Qorti ta' l-Awdituri (11), possibbilment billi jiġi ppubblikat fis-sit ta' l-ECA fuq l-Internet;

15.

Ifakkar li, wara investigazzjoni mill-OLAF, proċeduri legali kontra persuna li kienet Membru ta' l-ECA ilhom pendenti quddiem il-qrati tal-Gran Dukat tal-Lussemburgu għal perjodu pjuttost konsiderevoli ta' żmien; jiddispjaċih li ta' spiss wisq ir-rapporti finali tal-każijiet mgħoddija mill-OLAF lill-awtoritajiet ta' l-Istati Membri sempliċiment jiġu arkivjati mingħajr ma tittieħed xi azzjoni ulterjuri; jemmen li d-dewmien ġudizzjali m'hux risposta aċċettabbli għal inkartament li jista' jkun imbarazzanti; se jsegwi b'attenzjoni s-smigħ, min-naħa ta' l-awtoritajiet ġudizzjarja tal-Lussemburgu, tal-każ imsemmi hawn fuq.

—

wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1),

—

wara li kkunsidra l-kontijiet finali annwali tal-Komunitajiet Ewropej għas-sena finanzjarja 2004, Volum III (N6-0027/2005 – C6-0362/2005),

—

wara li kkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjata mir-risposti ta' l-istituzzjonijiet li ġew verifikati (2),

—

wara li kkunsidra l-istqarrija ta' assigurazzjoni fir-rigward tal-kredibilità tal-kontijiet u tal-legalità u tar-regolarità tat-tranżazzjonijiet rispettivi pprovduti mill-Qorti ta' l-Awdituri Ewropea bi qbil ma' l-Artikolu 248 tat-Trattat KE (3),

—

wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 — C6-0092/2006),

—

wara li kkunsidra l-Artikoli 272(10), 275 u 276 tat-Trattat KE,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-Baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu,

—

wara li kkunsidra r-Regolament Finanzjarju tal-21 ta' Diċembru 1977 li huwa applikabbli għall-baġit ġenerali tal-Komunitajiet Ewropej (5),

—

wara li kkunsidra r-Regola 71 u l-Anness V tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit (A6-0114/2006),

1.

Jinnota li fl-2004 il-Kumitat Soċjali u Ekonomiku Ewropew (EESC) amministra baġit ta' EUR 103 000 000 b'rata ta' utilizzar ta' 88,56 % (2003: 98,12 %);

2.

Jinnota, kif stipulat fil-paragrafu 9.23 tar-Rapport Annwali tal-Qorti ta' l-Awdituri msemmi hawn fuq, li l-istandards tal-kontroll intern ġew approvati f'Lulju 2004 iżda li għad ma ttiħdux il-miżuri kollha meħtieġa biex tintlaħaq il-konformità magħhom;

3.

Jinnota fir-rigward tas-sejbiet tal-Qorti ta' l-Awdituri tal-paragrafu 9.7 tar-Rapport Annwali tagħha dwar it-trasferiment ta' parti mill-emolumenti ta' l-istaff bl-applikazzjoni ta' koeffiċjenti tal-piż (weighting coefficient) ta' numru sinifikattiv ta' każi li ma kinux appoġġjati minn prova xierqa tad-dritt ta' l-uffiċjal għat-trasferimenti mitluba; jinnota li skond l-informazzjoni pprovduta mill-EESC ittieħdu miżuri korrettivi fl-2005;

4.

Ifakkar fl-assigurazzjoni ta' l-EESC mogħtija fl-2004 li ma kienx hemm aktar irregolaritajiet fir-rigward tal-pagament ta' l-'ispejjeż ta' l-ivjaġġar tal-Membri tagħha (6); madankollu jirrimarka li l-Qorti ta' l-Awdituri fir-rapport annwali tagħha għas-sena finanzjarja 2003, ippubblikat f'Novembru 2004, irreferiet għal tliet każi fejn l-għoti ta' flus għall-ivjaġġar imħallsa lill-Membri ta' l-EESC kien id-doppju ta' l-ammont stabbilit mir-regoli tal-Kumitat stess; jinnota li s-servizz ta' prosekuzzjoni tal-Beġju beda investigazzjoni formali bbażata fuq sejba mill-OLAF ta' prova soda prima facie ta' EUR 45 000 fi spejjeż kienu dikjarati b'mod żbaljat minn Membru ta' l-EESC fuq perjodu ta' sitt snin; huwa mgħarraf li l-EESC ivvota biex ineħħi l-immunità tal-Membru kkonċernat u li huwa mistenni l-verdett tal-qorti kompetenti Belġjana qabel it-tmiem ta' l-2006;

5.

Jinnota li fl-2004 l-EESC bidel ir-regoli interni tiegħu sabiex jaħtar viċi-president li jkun responsabbli minn kwistjonijiet baġitarji u mir-relazzjonijiet mal-Parlament;

6.

Jilqa' l-fatt li l-EESC ressaq ir-rapport annwali ta' ħidma, inkluż rapport mill-awditur intern u akkumpanjat minn stqarrija ta' assigurazzjoni mill-uffiċjal delegat li jawtorizza;

7.

Jinnota li r-reservazzjoni tas-Segretarju Ġenerali ta' l-EESC fir-rigward ta' l-assigurazzjoni tal-kalkoli tas-salarju permezz tas-softwer ta' l-applikazzjoni tal-pagi ġdida (NAP) matul is-sena finanzjarja 2004, din il-kwistjoni qed tkun deskritta wkoll fil-paragrafu 9.5 tar-rapport tal-Qorti ta' l-Awdituri;

8.

Jinnota s-sejbiet li ġejjin riżultati tar-rapport ta' attività annwali:

9.

Jinnota li minbarra ċ-ċaqliq tiegħu lejn il-bini li tlesta dan l-aħħar fit-triq Belliard, l-EESC (flimkien mal-Kumitat tar-Reġjuni) għandu programm ta' bini li jinkludi erba' strutturi oħra (Belliard 68, Belliard 96, Trèves u Remorqueur) u jkun jeħtieġ aktar akkomodazzjoni ta' uffiċji għat-tkabbir ta' l-UE fil-futur;

10.

Jistenna r-riżultati tal-verifika ta' l-ECA dwar il-proċeduri ta' akkwiżizzjoni u ta' rinnovament għal bini kollu maqsum bejn il-Kumitat tar-Reġjuni u l-EESC, inklużi l-bini Belliard I u l-bini Belliard II; jemmen li għandu jkun hemm verifika fir-rigward tar-rinnovament tal-Montoyer ukoll; jinnota li l-kiri ta' bini għandu jnaqqas b'mod sostanzjali r-riskji involuti għal istituzzjonijiet żgħar u li din is-soluzzjoni għandha titqies bħala alternattiva serja għal proġetti ta' bini fil-futur; japprova l-fatt li b'riżultat tal-politika dwar funzjonijiet sensittivi, il-kap tat-taqsima ta' l-infrastruttura bidel il-pożizzjoni u li qed ikun ipproċessat ir-reklutaġġ ġdid għal din il-pożizzjoni;

11.

Jilqa' l-fatt li r-rapport jinkludi r-riżultati tal-kontrolli ’ex-post’ bi qbil ma' l-Artikolu 52 tar-Regolament tal-Kummissjoni (KE, Euratom) Nru 2342/2002 tat-23 ta' Diċembru 2002 li jistipula regoli dettaljati għall-implimentazzjoni tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li japplika għall-baġit ġenerali tal-Komunitajiet Ewropej (7) li jistipula dan li ġej:

“Ir-riżultat tal-verifiki ’ex-post’ għandu jkun stipulat mar-rapport ta' ħidma annwali, ippreżentat flimkien ma' kwistjonijiet oħrajn, lill-istituzzjoni tiegħu mill-uffiċjal delegat li jawtorizza”;

12.

Jemmen li f'dan ir-rigward l-eżempju ta' l-EESC għandu jkun segwit b'mod utli minn istituzzjonijiet oħrajn.

—

wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1),

—

wara li kkunsidra l-kontijiet annwali finali tal-Komunitajiet Ewropej għas-sena finanzjarja 2004, — Volum III (N6-0027/2005 — C6-0363/2005),

—

wara li kkkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjata mir-risposti ta' l-istituzzjonijiet li ġew verifikati (2),

—

wara li kkunsidra d-dikjarazzjoni ta' assigurazzjoni dwar l-affidabbiltà tal-kontijiet u l-legalità u r-regolarità tat-tranżazzjonijiet bażiċi, ipprovduti mill-Qorti ta' l-Awdituri Ewropea skond l-Artikolu 248 tat-Trattat KE (3),

—

wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 — C6-0092/2006),

—

wara li kkunsidra l-Artikoli 272(10), 275 u 276 tat-Trattat KE,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu,

—

wara li kkunsidra r-Regolament Finanzjarju tal-21 ta' Diċembru 1977 li huwa applikabbli għall-baġit ġenerali tal-Komunitajiet Ewropej (5),

—

wara li kkunsidra r-Regola 71 u l-Anness V tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit (A6-0115/2006),

1.

Jinnota li fl-2004 il-Kumitat għar-Reġjuni (CoR) amministra baġit ta' EUR 59 413 031 b'rata ta' utilizzazzjoni ta' 83,57 %;

2.

Josserva r-rimarka fil-paragrafu 9.24 tar-Rapport Annwali tal-Qorti ta' l-Awdituri li l-istandards għall-kontroll intern ġew approvati biss f'Novembru 2004; jinnota b'mod partikolari li n-numru ta' kontrolli ex-post u n-numru ta' verifikazzjonijiet li saru fl-2004 ma kinux biżżejjed;

3.

Jenfasizza li l-CoR jidher fir-rapport bħala l-istituzzjoni bl-akbar numru ta' kritika mill-istituzzjonijiet l-oħra kollha (paragrafi 9.4, 9.5, 9.6, 9.7, 9.9, 9.11a u b u 9.13 tar-rapport);

4.

jikkritika l-fatt li l-verifika interna saret minn membru tal-persunal temporanju, impjegat fuq bazi ta' kuntratti qosra li jiġġeddu; jilqa' s-soluzzjoni li nstabet;

5.

Jinnota li skond l-informazzjoni li ingħatat waqt is-smigħ ta' l-istituzzjonijiet l-oħra organizzat mill-Kumitat għall-Kontrol tal-Baġit tal-25 ta' Jannar 2006, ċerti oqsma issa huma suġġetti għal investigazzjoni minn OLAF;

6.

Jinnota li t-trejdunjins tal-CoR jikkuntestaw ir-riorganizzazzjoni li saret riċentiment tal-CoR, li seħħet minkejja xi kontroversja kif diġa ssemma f'riżoluzzjonijiet għall-kwittanza preċedenti;

7.

B'dispjaċir isib li l-Qorti ta' l-Awdituri ma setgħetx teżamina r-rapport annwali ta' l-attività tal-CoR minħabba li dan kien għadu ma tlestix qabel ma spiċċat il-verifika tal-Qorti;

8.

jistenna r-riżultati tal-verifika tal-Qorti ta' l-Awdituri dwar proċeduti ta' l-akkwist u r-rinovazzjoni għall-bini kollu wżat kemm mill-CoR u kemm mill-Kumitat Ekonomiku u Soċjali Ewropew (EESC), inkluż il-bini Belliard I u II; jemmen li għandu jkun hemm verifika wkoll għar-rinovazzjoni tal-bini Montoyer; jinnota li l-Parlament dak iż-żmien kien irrakkomanda ix-xiri tiegħu; jiġbed l-attenzjoni għall-fatt li l-kera ta' postijiet tnaqqas b'mod sinifikanti r-riskji involuti għal istituzzjonijiet żgħar u li din is-soluzzjoni għandha tiġi kkunsidrata bħala alternattiva serja għal proġetti ta' bini fil-futur; japprova l-fatt li bħala riżultat tal-politika dwar funzjonijiet sensittivi, il-kap ta' l-unità ta' l-infrastruttura bidel il-pożizzjoni u li bħalissa qed isir reklutaġġ ġdid għal din il-kariga;

9.

Jistieden lill-Qorti ta' l-Awdituri, fid-dawl tal-problemi ta' ġestjoni finanzjarja tal-CoR, sabiex tagħmel analiżi dettaljata ta' l-amministrazzjoni fil-prattika tal-CoR rigward il-kontijiet li qabżu l-baġit meta mqabbla mal-prattika f'istituzzjonijiet oħra;

10.

Jinnota li filwaqt li l-uffiċjal delegat ma għamel l-ebda rimarka formali fl-istqarrija ta' l-assigurazzjoni tiegħu, huwa għamel xi rimarki oħra kif ġej:

11.

Jirrikonoxxi l-fatt li d-difetti fl-NAP kienu problema għall-istituzzjonijiet kollha u mhux problema speċifika għall-CoR biss; jistenna li wara din is-sena ta' tranżizzjoni wara l-introduzzjoni tas-sistema, l-NAP tibda taħdem mingħajr diffikultajiet;

12.

Jikkunsidra li l-CoR, li kien konxju mill-isfidi li t-tkabbir ta' l-Unjoni Ewropea ħoloq, kellu tiffoka fuq l-importanza li jkun stabbilit servizz ta' verifika interna li jaħdem b'mod komplet; iqis dawn li ġejjin bħala sfidi partikolari: żieda sostanzjali fil-baġit ta' l-2004 (sa 50 %), tkabbir fin-numru ta' l-istaff (sa 63 %), id-dħul ta' membri ġodda (sa 43 %), l-impatt finanzjarju u regolatorju tar-Regolamenti l-ġodda tal-persunal u t-tkomplija ta' l-implimentazzjoni tar-Regolament Finanzjarju, flimkien maċ-ċaqliq ta' ħafna mis-servizzi tas-CoR f'bini ġodda (Belliard 99-101 u Belliard 68) li seħħew f'Ġunju 2004;

13.

Jinnota li matul l-2004, il-CoR emenda r-regolamenti tiegħu dwar ir-rimborż ta' l-ispejjeż ta' l-ivjaġġar u l-ħlas ta' kumpens għall-Membri tiegħu għall-ivjaġġar u laqgħat; barra minn hekk huwa rriforma l-Kumitat għall-Affarijiet Finanzjarji u Amministrattivi tiegħu, billi naqqas is-sħubija tiegħu bħala korp politiku fi ħdan il-CoR responsabbli għal deċiżjonijiet finanzjarji u amministrattivi sinifikanti bħal baġits, kwittanza u regoli interni minn 15 għal 8;

14.

Ifakkar li b'relazzjoni mas-sejbiet ta' l-OLAF, il-Prosekutur Pubbliku fil-Qorti ta' l-Appell fi Brussell, ikkonkluda f'Marzu 2005 li ma kienx hemm biżżejjed evidenza li permezz tagħha tibda prosekuzzjoni u għalhekk kien deċiż li l-każ jingħalaq mingħajr ma tittieħed aktar azzjoni, madanakollu talab, wara n-nuqqas ta' segwitu fl-2004 għar-rapport OLAF dwar il-frodi u l-irregolaritajiet fil-CoR, li l-CoR tneħħi s-sistema tal-kontijiet tagħha għar-rimborż ta' l-ispejjeż tal-Membri tagħha u tadotta l-istess sistema ta' l-EESC;

—

wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1),

—

wara li kkunsidra l-kontijiet annwali finali tal-Komunitajiet Ewropej għas-sena finanzjarja 2004, — Volum III (N6-0027/2005 — C6-0364/2005),

—

wara li kkkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjata mir-risposti ta' l-istituzzjonijiet li ġew verifikati (2),

—

wara li kkunsidra d-dikjarazzjoni ta' assigurazzjoni għall-affidabbiltà tal-kontijiet u għal-legalità u għar-regolarità tat-tranżazzjonijiet bażiċi, ipprovduti mill-Qorti ta' l-Awdituri Ewropew bi qbil ma' l-Artikolu 248 tat-Trattat KE (3),

—

wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 — C6-92/2006),

—

wara li kkunsidra l-Artikoli 272(10), 275 u 276 tat-Trattat KE,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-Baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu,

—

wara li kkunsidra r-Regolament Finanzjarju tal-21 ta' Diċembru 1977 li huwa applikabbli għall-baġit ġenerali tal-Komunitajiet Ewropej (5),

—

wara li kkunsidra l-Artikolu 71 u l-Anness V tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit (A6-0116/2006),

1.

Jinnota li fl-2004 l-Ombudsman Ewropew (l-Ombudsman) amministra baġit ta' EUR 5 782 988 b'rata ta' utilizzazzjoni ta' 88,05 %; jinnota wkoll li l-2004 kienet l-ewwel sena li fiha l-uffiċċju ta' l-Ombudsman gawda minn awtonomija sħiħa u għalhekk kellu responsabbiltà sħiħa fi kwistjonijiet finanzjarji;

2.

Juri li l-Qorti ta' l-Awdituri, fir-rapport annwali tagħha għas-sena finanzjarja 2004, tindika li l-verifika ma wasslitx għal osservazzjonijiet rigward l-Ombudsman;

3.

Jirrimarka li d-dikjarazzjoni ta' assigurazzjoni ffirmata mill-Ombudsman u mehmuża mar-rapport ta' attività annwali ma tinkludix riżervi jew osservazzjonijiet rigward kwistjonijiet ta' maniġġjar jew kontroll;

4.

Jinnota li wara d-dħul fis-seħħ fl-2003 tar-Regolament Finanzjarju ġdid, l-Ombudsman bħala istituzzjoni b'baġit indipendenti, kellu jikkonforma mar-regoli li jikkonċernaw is-separazzjoni u l-indipendenza bejn il-parteċipanti varji li huma nvoluti fl-operazzjonijiet finanzjarji, biex jiggarantixxi l-effettività ekonomika u l-effiċjenza ta' l-operazzjonijiet u biex jistabilixxi mekkaniżmi ta' kontroll intern adegwati;

5.

Ifakkar li l-Ombudsman, għalhekk, kien talab u kien irċieva l-awtorizzazzjoni mill-awtorita tal-baġit biex fis-sena 2004 jżid in-numru ta' l-istaff amministrattiv li għandu x'jaqsam ma' kwistjonijiet finanzjarji u amministrattivi; ifakkar ukoll li dawn il-membri ġodda ta' l-istaff għenu lill-Uffiċċju ta' l-Ombudsman biex fl-2004 jagħmlu x-xogħol finanzjarju kollu li, sa l-aħħar tas-sena 2003, kien ipprovdut mis-servizzi tal-Parlament skond il-ftehimiet ta' koperazzjoni; jinnota li dan ix-xogħol kien jinkludi, inter alia, l-immaniġġjar, il-kalkolazzjoni u l-ipproċessar ta' missjonijiet u l-preparazzjoni ta' ordnijiet ta' ħlas fir-rigward ta' salarji ta' l-istaff kif ukoll l-emolumenti ta' l-Ombudsman;

6.

Jinnota li fl-2004 l-Ombudsman kellu għalhekk kontroll sħiħ fuq it-transazzjonijiet finanzjarji li għandhom x'jaqsmu ma' din is-sezzjoni tal-baġit;

7.

Jinnota li l-istima ta' l-Awditur Intern għall-Uffiċċju ta' l-Ombudsman, rigward it-transazzjonijiet tal-baġit fl-2004 ma identifika l-ebda qasam ta' riskju sinifikanti, iżda li serje ta' pjanijiet ta' ħidma ġiet miftiehma mal-bord tat-tmexxija biex jitnaqqas aktar ir-riskju u biex jitjiebu sistemi eżistenti, speċjalment fil-qasam ta' l-akkwist pubbliku;

8.

Jinnota li fl-2004 kien hemm żieda bla preċedent ta' 51 % f'ilmenti lill-Ombudsman, it-total fl-2004 kien ta' 3 688ilment, li huwa sinjal ċar ta' żieda fl-għarfien dwar is-servizz provdut mill-Ombudsman u ta' aktar informazzjoni provduta mill-istituzzjonijiet Ewropea; jinnota li nofs dik iż-żieda tikkonsisti f'ilmenti mill-għaxar Stati Membri l-ġodda;

9.

Josserva li skond l-istima ta' l-Ombudsman innifsu, 74,8 % ta' dawn l-ilmenti ma jaqawx fl-iskop tal-mandat tiegħu; jinnota li fl-2004 l-Ombudsman xorta waħda beda 351 inkjesta, li l-maġġoranza tagħhom kienet tikkonċerna l-Kummissjoni, li tip ewlieni ta' amministrazzjoni ħażina li ġie allegat kien in-nuqqas ta' trasparenza, inkluż ir-rifjut li tingħata informazzjoni (22 %);

10.

Jemmen li l-Ombudsman jista' jservi ta' mudell għall-istituzzjonijiet l-oħra, kemm rigward l-iskop definit b'mod ċar tal-kompetenza tiegħu u kemm rigward baġit amministrat b'mod tajjeb.