(1)

Il-Kunsill, permezz tar-Regolament (KEE) Nru 3068/92 (2) (“ir-Regolament oriġinali”), impona dazji anti-dumping definittivi fuq importazzjonijiet tal-potassium chloride (“potassa” jew “il-prodott konċernat”) li joriġina, inter alia, fil-Belarus u r-Russja (“il-pajjiżi konċernati”).

(2)

Wara reviżjoni dwar l-iskadenza skond l-Artikolu 11(2) u reviżjoni sadattant skond l-Artikolu 11(3) tar-Regolament bażiku (“l-investigazzjoni ta' qabel”) il-Kunsill, permezz tar-Regolament Nru 969/2000 (3), iddeċieda li l-miżuri msemmija hawn fuq għandhom jinżammu u emenda l-forma tal-miżuri. Il-miżuri kienu imposti fil-forma ta’ ammont fiss f’euro għal kull tunnellata għad-diversi kategorji u gradi ta' potassa.

(3)

Permezz tar-Regolament (KE) Nru 992/2004 (4), il-Kunsill provda għall-eżenzjoni mid-dazji anti-dumping fuq l-importazzjonijiet fl-Istati Membri l-ġodda li aderew ma' l-Unjoni Ewropea fl-1 ta’ Mejju 2004 (“l-EU-10”) magħmula taħt il-kundizzjonijiet ta’ l-offerti speċjali ta’ l-impriża (“impriżi tat-tkabbir”), u awtorizza lill-Kummissjoni biex taċċetta dawk l-impriżi tat-tkabbir. Abbażi ta’ dan, il-Kummissjoni, permezz tar-Regolament (KE) Nru 1002/2004 (5), aċċettat impriżi tat-tkabbir mingħand (i) produttur esportatur fil-Belarus flimkien mal-kumpaniji li jinsabu fl-Awstrija, il-Litwanja u r-Russja, (ii) mingħand produttur esportatur fir-Russja flimkien ma’ kumpaniji li jinsabu fir-Russja u fl-Awstrija, u (iii) mingħand produttur esportatur fir-Russja flimkien ma’ kumpanija li kienet tinsab fil-ħin ta’ l-aċċettazzjoni f'Ċipru.

(4)

Permezz tar-Regolament (KE) Nru 858/2005 (6), il-Kummissjoni aċċettat impriżi ġodda mingħand il-produtturi esportaturi msemmija hawn fuq sat-13 ta’ April 2006.

(5)

Wara żewġ investigazzjonijiet separati dwar reviżjoni parzjali sadattant skond l-Artikolu 11(3) tar-Regolament bażiku, mitluba mill-produtturi esportaturi Russi JSC Silvinit u JSC Uralkali, il-Kunsill, permezz tar-Regolament (KE) 1891/2005 (7), emenda r-Regolament (KEE) Nru 3068/92 billi bidel l-ammonti ta’ dazji fissi b’ dazji individwali fuq il-valuri għat-tipi kollha ta’ potassa iffabbrikati minn dawn il-kumpaniji Russi. Permezz tad-Deċiżjoni tal-Kummissjoni Nru 2005/802/KE (8), ġew aċċettati impriżi miż-żewġ kumpaniji applikanti.

(6)

Wara l-pubblikazzjoni ta’ avviż ta’ skadenza imminenti tal-miżuri ta’ anti-dumping fis-seħħ (9), il-miżuri fuq l-importazzjonijiet li joriġinaw fl-Ukraina skadew fit-12 ta' Mejju 2005 peress li ma saret l-ebda talba għal reviżjoni ta' l-iskadenza.

(7)

Wara l-pubblikazzjoni ta’ l-avviż dwar skadenza imminenti imsemmi hawn fuq, il-Kummissjoni rċeviet talba biex tirrevedi dawn il-miżuri fir-rigward tar-Russja u l-Belarus skond l-Artikolu 11(2) tar-Regolament bażiku.

(8)

It-talba saret fl-10 ta’ Frar 2005 mill-Assoċjazzjoni Ewropea tal-Produtturi tal-Potassa (“l-applikant”) f’isem il-produtturi, li s-sehem kollettiv tagħhom ilaħħaq għal madwar 99 % tal-produzzjoni Komunitarja tal-potassa, jiġifieri proporzjon maġġuri tal-produzzjoni totali tal-Komunità.

(9)

It-talba kienet ibbażata fuq ir-raġunijiet li l-iskadenza tal-miżuri x’aktarx twassal biex jibqa’ jsir jew jerġa’ jsir l-iddampjar u d-dannu lill-industrija tal-Komunità. Tabilħaqq, l-applikant allega li l-potassa mill-pajjiżi konċernati għadha qed tinbiegħ bi prezzijiet iddampjati fil-Komunità. L-applikant stqarr ukoll li l-importazzjonijiet tal-prodott ikkonċernat mill-Belarus u r-Russja żdiedu u l-volumi u l-prezzijiet tal-prodott importat baqa' jkollhom impatt negattiv fuq il-prezz li nżamm fis-suq, il-kwantitajiet mibjugħa u l-livell ta' prezzijiet iċċarġjati mill-industrija Komunitarja, wasslu għal effetti negattivi sostanzjali fuq il-ħidma globali u l-qagħda finanzjarja ta' l-industrija tal-Komunità. Fl-aħħarnett, l-applikant allega dwar il-probabbiltà li jkun hemm aktar iddampjar offensiv u ta provi li jekk il-miżuri jitħallew jiskadu l-qagħda fraġli ta’ l-industrija tal-Komunità tmur aktar għall-agħar.

(10)

Wara li ddeterminat, wara li kkonsultat lill-Kumitat li Jagħti Pariri, li kien hemm biżżejjed provi biex tinbeda reviżjoni ta’ l-iskadenza, il-Kummissjoni nidiet investigazzjoni permezz ta’ pubblikazzjoni ta’ avviż ta’ inizjazzjoni (10) skond l-Artikolu 11(2) tar-Regolament bażiku.

(11)

Intalbet reviżjoni parzjali sadattant limitata għall-iddampjar mill-produttur esportatur waħdieni fil-Belarus, Republican Unitary Enterprise Production Amalgamation Belaruskali (“Belaruskali”).

(12)

Belaruskali ta’ provi li, safejn hu kkonċernat, iċ-ċirkostanzi li abbażi tagħhom ġew stabbiliti miżuri nbidlu u dawn il-bidliet huma ta' natura dejjiema.

(13)

Belaruskali wera li paragun bejn il-valur normali f’terza pajjiż b’ekonomija tas-suq adattata u l-prezzijiet ta’ l-esportazzjoni tiegħu lejn l-UE fuq perjodu estiż iwassal għal tnaqqis fl-iddampjar sew taħt il-livell tal-miżuri preżenti. Għalhekk, l-impożizzjoni kontinwa tal-miżuri fil-livell eżistenti, li hi bbażata fuq l-iddampjar stabbilit qabel, ma tkunx meħtieġa aktar biex tpatti għall-iddampjar.

(14)

Wara li ġie determinat, wara konsultazzjoni mal-Kumitat li Jagħti Pariri, li kien hemm biżżejjed provi biex tinbeda sadattant din ir-reviżjoni parzjali, il-Kummissjoni bdiet investigazzjoni permezz tal-pubblikazzjoni ta' avviż ta' inizjazzjoni (11) skond l-Artikolu 11(3) tar-Regolament bażiku.

(15)

L-investigazzjoni tal-probabbiltà li d-dampjar jibqa’ jsir jew jerġa’ jsir għar-reviżjoni ta’ l-iskadenza skond l-Artikolu 11(2) tar-Regolament bażiku li jikkonċerna l-Belarus u r-Russja kopriet il-perjodu mill-1 ta’ Jannar sal-31 ta’ Diċembru 2004 (il-“PI” jew “il-perjodu investigattiv”). L-eżaminar ta’ xejriet relevanti għall-evalwazzjoni tal-probabbiltà li tibqa' ssir jew terġa' ssir ħsara kopra l-perjodu mill-1 ta' Jannar 2001 sa l-aħħar tal-PI (“il-perjodu kkunsidrat”).

(16)

Il-perjodu investigattiv għar-reviżjoni parzjali sadattant skond l-Artikolu 11(3) tar-Regolament bażiku li jikkonċerna ‘l Belarus huwa l-istess bħal dak tar-reviżjoni ta’ l-iskadenza.

(17)

Il-Kummissjoni tat parir uffiċjali lill-produtturi tal-Komunità, lill-esportaturi u u lill-produtturi fil-pajjiżi li jesportaw u lill-importaturi/lil min juża’ l-prodott kif ukoll lill-assoċjazzjonijiet rappreżentattivi tagħhom magħrufa li huma interessati u lir-rappreżentanti tal-pajjiżi li jesportaw dwar it-tibdija taż-żewġ reviżjonijiet. Il-Kummissjoni bagħtet kwestjonarji lil dawn il-partijiet kollha u lil dawk li taw tagħrif dwarhom infushom fiż-żmien stipulat iffissat fl-avviżi dwar l-inizjazzjoni. Barra minn hekk, il-produtturi magħrufa fil-Kanada, li ntgħażlet bħala l-pajjiż analogu potenzjali, kienu kkuntattjati u rċevew kwestjonarji. Il-Kummissjoni tat ukoll lill-partijiet direttament konċernati l-opportunità biex jesprimu l-fehmiet tagħhom bil-miktub u biex jitolbu li jinstemgħu.

(18)

It-tliet produtturi tal-Komunità wieġbu l-kwestjonarju. Erbatax-il importatur li ma jiġux min xulxin u/jew min juża' l-prodott ukoll taw tweġibiet sħaħ għal kwestjonarju u esprimew il-fehmiet tagħhom bil-miktub.

(19)

Tweġibiet għall-kwestjonarju ġew mingħand tliet produtturi li jesportaw fil-pajjiżi konċernati, kif ukoll mingħand ħames importaturi fil-Komunità u mingħand kummerċjant wieħed li jespora fir-Russja li kienu jiġu mill-produtturi esportaturi.

(20)

Produttur wieħed fil-pajjiż analogu wieġeb bi sħiħ il-kwestjonarju u produttur ieħor fil-pajjiż analogu ta informazzjoni dettaljata li tikkonċerna l-prezz tal-produzzjoni tiegħu tal-prodott simili.

(21)

Il-Kummissjoni stħarrġet u vverifikat l-informazzjoni kollha meqjusa neċessarja biex tiddetermina jekk hemmx jew m'hemmx probabbiltà li l-iddampjar jibqa' jsir jew jerġa' jsir u jekk l-impożizzjoni kontinwa tal-miżuri hiex fl-interess tal-Komunità jew le. Il-Kummissjoni stħarrġet ukoll u vverifikat l-informazzjoni kollha meqjusa neċessarja biex tiddetermina l-livell ta’ ddampjar għall-produttur esportatur waħdieni fil-Belarus. Saru investigazzjonijiet fil-bini tal-kumpaniji li ġejjin:

(22)

Il-prodott konċernat hu l-istess bħal fl-investigazzjoni ta’ qabel, jiġifieri potassium chloride (“potassa”). Ġeneralment jintuża’ bħala fertilizzant agrikolu, direttament, imħallat ma’ fertilizzanti oħra jew wara trasformazzjoni f’fertilizzant kumpless magħruf bħala NPK (nitroġenu, fosfru, potassa). Il-kontenut ta’ potassium jvarja u hu mfisser bħala persentaġġ tal-piż ta' l-ossidu tal-potassium (K2O) fuq il-prodott xott mingħajr ilma.

(23)

Il-potassa hi ġeneralment mibjugħa jew f’forma standard/ta’trab (potassa standard) jew f’xi forma “oħra barra dik standard” li tinkludi iżda mhux limitata biss għal forma mrammla (potassa mrammla). Il-prodott hu kklassifikat fi tliet kategoriji bażiċi, ibbażat fuq il-kontenut K2O, l-aktar:

u ċerti taħlitiet jew tħawwid speċjali b’kontenut għoli ta’ potassa, l-aktar:

Bħal fl-investigazzjonijiet ta’ qabel, ġie stabbilit li t-tipi differenti u l-kwalitajiet ta’ potassa kollha għandhom l-istess karatteristiċi bażiċi fiżiċi u kimiċi u essenzjalment l-istess użu bażiku. Għalhekk, għandhom jitqiesu bħala prodott wieħed.

(24)

L-investigazzjoni kkonfermat li l-prodott konċernat u l-potassa magħmula u mibjugħa mill-produtturi tal-Komunità fis-suq tal-Komunità, kif ukoll il-potassa magħmula u mibjugħa fis-suq domestiku tal-pajjiżi kkonċernati u dik magħmula u mibjugħa mill-produtturi Kanadiżi fis-suq Kanadiż għandhom l-istess kwalitajiet bażiċi fiżiċi u kimiċi u l-istess użu. Huma għalhekk meqjusa bħala prodott simili fi ħdan it-tifsira ta’ l-Artikolu 1(4) tar-Regolament bażiku.

(25)

Esportatur wieħed fir-Russja talab li tiġi eskluża potassa standard b'kontenut ta' K2O ogħla minn 62 %, li, hu stqarr, tintuża' biss f'applikazzjonijiet farmaċewtiċi, għandha prezzijiet differenti u titwassal ippakkjata (kuntrarjament għal twassil f'massa ta’ potassa użata bħal fertilizzant). Iżda, kif spjegat hawn fuq, il-prodott konċernat għandu l-istess karatteristiċi fiżiċi bażiċi u kompożizzjoni kimika bażika bħall-potassa ta' gradi oħra. Rigward id-differenzi allegati fil-prezzijiet, l-investigazzjoni uriet li dan il-prodott hu spiss mibjugħ bi prezzijiet li jipparagunaw mal-potassa b’kontenut ta’ K2O ta’ 60 % – 62 %. Barra minn hekk, la l-fatt li għandha kontenut ta’ K2O kemxejn ogħla u lanqas il-mod kif tiġi ppakkjata ma jżommha milli tintuża’ bħala fertilizzant. Għalhekk, it-talba kellha tiġi miċħuda.

(26)

Peress li l-Belarus hu meqjus bħala pajjiż mingħajr ekonomija tas-suq, il-Kummissjoni kellha tiddetermina l-valur normali f’dan il-każ abbażi ta’ dejta miksuba mingħand produtturi f’terza pajjiż b’ekonomija tas-suq, skond l-Artikolu 2(7) tar-Regolament bażiku. Fl-avviż ta’ l-inizjazzjoni, il-Kanada kienet maħsuba bħala pajjiż analogu adattat. Il-Kanada kienet ukoll il-pajjiż analogu li ntuża’ fl-investigazzjonijiet kollha ta’ qabel f’din il-proċedura.

(27)

Il-partijiet kollha interessati ngħataw l-opportunità biex jikkummentaw dwar l-għażla tal-pajjiż analogu.

(28)

L-awtoritajiet tal-Belarus sostnew li r-Russja tkun pajjiż analogu aktar adattat mill-Kanada minħabba li, wara l-investigazzjoni ta' qabel, ir-Russja kienet rikonuxxuta bħala pajjiż b'ekonomija tas-suq mill-Komunità. Barra minn hekk, kien allegat li s-suq domestiku Kanadiż mhux aktar kompetittiv minn dak Russu. Fl-aħħarnett, huma allegaw li wieħed mill-produtturi l-kbar Kanadiżi, permezz ta’ terza kumpanija, huwa relatat ma' xi produtturi fil-Komunità u, għalhekk, ma jkunx jixraq li jiġi kkalkulat il-valur normali għal Belarus abbażi ta' informazzjoni mogħtija mill-kumpaniji Kanadiżi.

(29)

Barra minn hekk l-awtoritajiet tal-Belarus issuġġerew li r-Russja għandha tintgħażel bħala l-pajjiż analogu minħabba li (i) il-produtturi tal-potassa tal-Belarus u dawk Russi kienu jiffurmaw parti minn industrija waħda fil-perjodu ta’ l-USSR, (ii) l-industrija tal-potassa Russa għandha livell ta’ żvilupp li jipparaguna l-aktar ma’ dak tal-Belarus, u (iii) il-volum tal-produzzjoni fir-Russja hu aktar paragunabbli mal-Belarus milli mal-Kanada. Barra minn hekk, ir-Russja tkun għażla aktar adattata bħala pajjiż analogu minħabba l-aċċess għall-materjal mhux maħdum u l-pagi tal-ħaddiema fir-Russja huma paragunabbli ma’ dawn il-kundizzjonijiet fil-Belarus. Fl-aħħarnett, intqal li r-Russja għandha tintgħażel minħabba li l-produtturi esportaturi Russi qed jieħdu sehem fir-reviżjoni dwar l-iskadenza u r-riskju ta’ nuqqas ta’ ko-operazzjoni mill-kumpaniji Russi hu negliġibbli.

(30)

Belaruskali allega li l-komparabbiltà bejn l-aċċess għall-materjal mhux maħdum u l-proċess ta’ produzzjoni fil-Kanada u l-Belarus ma kinetx imsaħħa biżżejjed. Barra minn hekk, hu allega li l-fatt li l-Kanada hi l-akbar produttur ta’ potassa m’għandu l-ebda rilevanza direttaf fuq l-għażla tal-pajjiż analogu u li l-għażla tar-Russja għal dan il-għan tkun aktar adattata.

(31)

L-industrija Komunitarja sostniet li l-minjieri tal-Belarus u dawk Kanadiżi huma paragunabbli fir-rigward ta’ l-istruttura finanzjarja u l-effiċjenza finanzjarja u li l-aċċess għall-materjal mhux maħdum hu ħafna drabi l-istess fiż-żewġ pajjiżi. Barra minn hekk, stqarret li l-prezzijiet tal-potassa fil-Kanada huma maħkuma minn forzi normali tas-suq u mhumiex imxekkla minn iżolament fis-suq jew minn xi fatturi oħra. Barra minn hekk, l-industrija Komunitarja allegat li hemm indikazzjonijiet ċari li fatturi ta’ l-ispejjeż fir-Russja ma jirrappreżentawx sew il-qagħda finanzjarja vera u jridu jiġu aġġustati xorta waħda. Fl-aħħarnett, instqarr li hemm relazzjoni mill-qrib bejn talanqas wieħed mill-produtturi tal-potassa Russi u l-produttur tal-Belarus permezz ta’ kumpanija konġunta li tbiegħ u, għalhekk, din il-kumpanija jkollha interess turi valur normali baxx fis-suq Russu.

(32)

Fir-rigward tat-talbiet magħmul rigward kemm hi adattata li l-Kanada tintuża’ bħala pajjiż analogu, ta’ min jiftakar li l-valuri normali għal Belarus ġew stabbiliti billi l-Kanada ntużat bħala pajjiż analogu adattat fl-investigazzjonijiet ta’ qabel fl-istess proċedura u m’hemm l-ebda evidenza li tindika li din l-għażla mhix se tibqa’ adattata aktar. Barra minn hekk, ta’ min jiftakar li l-Kanada hi l-produttur ewlieni u l-esportatur ewlieni tal-potassa mad-dinja kollha, qabel il-Belarus u r-Russja. Fir-rigward tal-kompetizzjoni fis-suq Kanadiż u s-suq Russu, instab li kemm fir-rigward tal-produzzjoni kif ukoll fin-numru ta' operaturi s-suq Kanadiż hu talanqas kompetittiv daqs is-suq Russu. Barra minn hekk, l-investigazzjoni uriet li ma hemm l-ebda dazji jew limitazzjonijiet oħra fuq l-importazzjonijiet tal-potassa fil-Kanada. Fir-rigward tal-proċess ta’ fabbrikazzjoni u l-aċċess għall-materjal mhux maħdum, ta’ min jiftakar li l-investigazzjonijiet ta’ qabel diġà stabbilixxew li l-proċess ta’ fabbrikazzjoni u l-aċċess għall-materjal mhux maħdum huma, fil-parti l-kbira, l-istess fil-Kanada u l-Belarus u ma tressqet l-ebda prova biex turi li din setgħet tinbidel.

(33)

Fir-rigward ta’ kemm hu adattat li r-Russja tintuża’ bħala l-pajjiż analogu, ġie konkluż li ma ġew preżentati l-ebda raġunijiet validi mill-partijiet għaliex għandha tintuża' l-informazzjoni miksuba mis-suq Russu minflok dik mis-suq Kanadiż bħala bażi aħjar biex jiġi stabbilit il-valur normali tal-potassa fil-Belarus. F’dan ir-rigward, ta’ min jiftakar li ċertu elementi ta’ spejjeż fir-Russja ma kinux riflessi sew fil-prezz tal-produzzjoni tal-produtturi Russi u li dawn l-elementi ta’ spejjeż kellhom jiġu aġġustati f’ammonti sinifikanti kif imfisser fil-premessa (54). Iżda, ġie meqjus li r-relazzjoni bejn produttur wieħed Russu u produttur tal-Belarus mhux neċessarjament ipprekludiet li r-Russja setgħet tintgħażel bħala l-pajjiż analogu. L-istqarrija li l-kumpanija Russu jkollha interess biex turi valur normali baxx tinjora l-fatt li dejta użata, inter alia, f’pajjiżi analogi hi suġġetta għal skrutinju strett qabel ma tista’ tintuża’.

(34)

L-istituzzjonijiet qiesu l-allegazzjonijiet ippreżentati mill-awtoritajiet tal-Belarus li jikkonċernaw ir-relazzjoni bejn talanqas produttur wieħed fil-pajjiż analogu u l-produtturi tal-Komunità. Konsegwentement, ġie eżaminat jekk dik ir-relazzjoni kinetx teżisti bejn il-kumpaniji li taw l-informazzjoni fil-Kanada u l-produtturi tal-Komunità. F’dan ir-rigward, l-investigazzjoni uriet li produttur wieħed Kanadiż li ta l-informazzjoni meħtieġa kien jiġi indirettament minn xi produtturi fil-Komunità. L-informazzjoni mogħtija minn din il-kumpanija ġiet ivverifikata fil-bini tal-kumpanija u nstab li kienet preċiża u affidabbli u li għalhekk kienet bażi soda biex jiġi stabbilit valur normali. Ġie konkluż li r-relazzjoni bejn kumpanija waħda fil-pajjiż analogu ma’ xi wħud mill-produtturi tal-Komunità ma kinetx tipprekludi li l-Kanada tintgħażel bħala l-pajjiż analogu. Barra minn hekk, ġie meqjus li l-fatt li l-produtturi tal-Belarus u dawk Russi kienu parti minn industrija waħda waqt il-perjodu tal-USSR m’għamilx lir-Russja pajjiż analogu aktar adattat mill-Kanada peress li ma ġiex ippruvat kif dan il-fatt seta’ jikkontribwixxi biex ir-Russja tkun pajjiż analogu aktar adattat. Fir-rigward tal-volum tal-produzzjoni fil-Kanada ta' min jiftakar li l-Kanada hi l-akbar produttur tal-potassa mad-dinja kollha li tbiegħ potassa f'kwantitajiet sostanzjali kemm domestikament kif ukoll għall-esportazzjoni. Il-produtturi Kanadizi individwali, iżda, ma jaqblux bejniethom fir-rigward tal-produzzjoni u l-kwantitajiet ta’ bejgħ. Dan jikkontribwixxi għall-fatt li l-informazzjoni disponibbli li tikkonċerna s-suq Kanadiż hi bilanċjata u mhix preġudikata. Ta’ min jiftakar ukoll li d-daqs tas-suq mhux deċiżiv fl-għażla tal-pajjiż analogu u li abbażi ta' l-ekonomiji ta' l-iskala l-akbar suq jista' jikkontribwixxi biss għall-benefiċċju tal-produttur tal-Belarus. Għalhekk anki din it-talba ġiet miċħuda fl-aħħar, għaliex peress li t-talba li tikkonċerna l-livell ta' żvilupp ma kinetx imsaħħa hi wkoll kellha tiġi miċħuda.

(35)

Għalhekk, l-investigazzjoni kkonfermat li l-Kanada għandha tintuża’ bħala pajjiż analogu adattat.

(36)

B’konsegwenza ta’ dan, il-kalkolazzjonijiet kienu bbażati fuq l-informazzjoni vverifikata miż-żewġ produtturi Kanadiżi.

(37)

Il-bejgħ domestiku tal-produttur Kanadiż (li wieġeb bi sħiħ il-kwestjonarju) tal-prodott simili instab li kien rappreżentattiv għaliex irrappreżenta presentaġġ maġġuri meta mqabbel mal-prodott konċernat esportat lejn il-Komunità mill-produttur esportatur fil-Belarus.

(38)

Sar eżami wkoll dwar jekk il-bejgħ domestiku ta’ kull tip ta’ prodott, mibjugħ b’mod domestiku fi kwantitajiet rappreżentattivi, setax jitqies li sar fil-proċess normali tal-kummerċ, billi ġie stabbilit il-proporzjon ta' bejgħ bi profitt lill-klijenti indipendenti tat-tip ta' prodott imsemmi. F’każijiet fejn il-volum tal-bejgħ ta’ tip ta’ prodott, mibjugħ bi prezz nett ugwali għal jew aktar mill-prezz tal-produzzjoni kkalkulat, u fejn il-prezz medju kkunsidrat ta' dak it-tip kien ugwali għal jew aktar mill-prezz tal-produzzjoni, il-valur normali kien ibbażat fuq il-prezz domestiku proprja, ikkalkulat bħala l-medja kkunsidrata tal-prezzijiet tal-bejgħ domestiku kollu ta' dak it-tip magħmul waqt il-PI, minkejja jekk dan il-bejgħ ħalliex profitt jew le. Instab li dan kien il-każ għal tip ta’ prodott wieħed ta’ Agrium li nbiegħ fis-suq Kanadiż u ġie esportat lejn il-Komunità minn Belaruskali.

(39)

Għal tliet tipi ta’ prodotti li ma nbigħux fis-suq domestiku fi kwantitajiet rappreżentattivi, il-valur normali msawwar intuża’ skond l-Artikolu 2(3) tar-Regolament bażiku. Il-valur normali ssawwar billi ġew magħdud ma' l-ispejjeż tal-fabbrikazzjoni tat-tipi esportati persentaġġ raġonevoli għall-ispejjeż tal-bejgħ, ġenerali u amministrattivi (SG&A) u ammont ta' profitt raġonevoli. F’dan ir-rigward u skond l-Artikolu 2(6) tar-Regolament bażiku, l-ammonti għall-SG&A u għall-qligħ kienu bbażati fuq dejta proprja marbuta mal-produzzjoni u l-bejgħ, waqt il-proċess normali tal-kummerċ, tal-prodott simili fis-suq domestiku. L-informazzjoni li tirrigwarda l-prezz tal-produzzjoni kienet ibbażata fuq it-tweġibiet li ġew milqugħa mingħand iż-żewġ produtturi Kanadiżi li kkooperaw.

(40)

Minħabba li l-bejgħ ta’ l-esportazzjonijiet ta’ l-esportatur li kkoopera irrappreżenta t-totalità ta' l-importazzjonijiet fil-Komunità tal-prodott konċernat li joriġina fil-Belarus waqt il-PI, il-prezz ta' l-esportazzjoni ġie ddeterminat abbażi ta' l-informazzjoni mogħtija mill-produttur esportatur li kkoopera fil-Belarus. Instab li l-bejgħ tal-potassa ta’ Belaruskali lejn il-Komunità matul il-perjodu investigattiv sar 1) direttament lill-klijenti indipendenti fil-Komunità, 2) permezz ta’ importaturi li jiġu minn xulxin fil-Komunità jew 3) permezz ta’ negozjant relatat li kien jinstab fir-Russja (IPC). In-negozjant relatat fir-Russja biegħ il-prodott jew lill-klijenti li ma jiġux minn xulxin fil-Komunità jew lill-importaturi li jiġu minn xulxin fil-Komunità.

(41)

Fir-rigward tal-bejgħ magħmul direttament lill-klijenti indipendenti fil-Komunità, il-prezzijiet imħallsa jew fil-verità jew li jridu jitħallsu lil Belaruskali jew lill-IPC minn dawn il-klijenti ttieħdu bħala l-bażi biex jiġi kkalkulat il-prezz ta’ l-esportazzjoni.

(42)

Fir-rigward tal-bejgħ minn Belaruskali jew minn IPC lill-importaturi li jiġu minn xulxin fil-Komunità, il-prezz ta’ l-esportazzjoni ssawwar abbażi tal-prezz li bih il-prodotti importati kienu ġew l-ewwel mibjugħa mill-ġdid lil xerrej indipendenti. Saru aġġustamenti għall-ispejjeż kollha li nteħlu bejn l-importazzjoni u l-bejgħ mill-ġdid minn dawk l-importaturi, inkluż l-SG&A u d-dazji u billi qisu ammont ta’ qligħ raġonevoli. Ammont ta’ profitt ta’ 7,9 % tqis li hu raġonevoli għal dan it-tip ta’ suq u nstab ukoll li jaqbel mal-profitt ta’ importaturi mhux relatati.

(43)

Bil-għan li jiġi assigurat paragun ġust bejn il-valur normali u l-prezz ta’ l-esportazzjoni, ingħata lok sew f’forma ta’ aġġustamenti għal differenzi li jaffettwaw il-komparabbiltà tal-prezz skond l-Artikolu 2(10) tar-Regolament bażiku. Abbażi ta’ dan, saru aġġustamenti fejn kien jixraq fir-rigward tat-trasport (inkluż spejjeż marbuta mat-tqandil), spejjeż tal-ġarr tal-merkanzija fl-oċean u spejjeż ta’ l-assikurazzjoni, spejjeż ta’ l-ippakkjar u tal-kreditu. L-aġġustamenti fil-prezz ta’ l-esportazzjoni fir-rigward tal-ġarr tal-merkanzija fuq l-art fil-pajjiż li jesporta u l-ispejjeż tal-kreditu saru abbażi ta' l-ispejjeż stabbiliti fil-pajjiż analogu. Għall-bejgħ ta’ l-esportazzjoni magħmul permezz ta’ negozjant relatat fir-Russja, sar aġġustament ukoll fil-prezz ta’ l-esportazzjoni, skond l-Artikolu 2(10)(i) tar-Regolament bażiku. L-aġġustament skond dan l-Artikolu sar fuq il-livell ta' 3 % peress li dan il-livell tqis raġonevoli biex jirrifletti l-ħlas mogħti lill-aġenti indipendenti involuti fil-kummerċ tal-prodott konċernat.

(44)

Skond l-Artikolu 2(11) tar-Regolament bażiku, il-marġni ta’ dumping ġie stabbilit abbażi ta’ paragun bejn il-medja tal-valur normali kkunsidrat u l-medja tal-prezz ta’ l-esportazzjoni kkunsidrat għal kull tip ta’ prodott. Paragun bejn il-valur normali u l-prezz ta’ l-esportazzjoni ta’ Belaruskali wera marġni ta’ dumping ta’ 27,5 % matul il-PI.

(45)

Il-paragun tad-dejta li tikkonċerna esportazzjonijiet lejn il-Komunità mogħtija minn Belaruskali u l-volum totali ta' importazzjonijiet kif mnissla mill-istatistiċi dwar l-importazzjoni tal-Eurostat indika li l-livell ta' kooperazzjoni kien għoli, għaliex kif imsemmi hawn fuq, l-esportazzjonijiet ta' Belaruskali rrappreżentaw it-totalit ta' l-importazzjonijiet kollha tal-Komunità minn Belarus matul il-PI.

(46)

Ġie stabbilit l-ewwel għal kull wieħed miż-żewġ produtturi esportaturi li kkooperaw jekk il-bejgħ domestiku tiegħu tal-prodott simili kienx rappreżentattiv, jiġifieri jekk il-volum totali ta’ dak il-bejgħ kienx jirrappreżenta talanqas 5 % tal-volum tal-bejgħ ta’ l-esportazzjoni totali tiegħu lejn il-Komunità, skond l-Artikolu 2(2) tar-Regolament bażiku. Instab li dan kien il-każ għaż-żewġ produtturi esportaturi.

(47)

Sussegwentement, billi ġew definiti t-tipi ta’ prodotti skond il-kodiċi TARIC li taħthom huwa klassifikat il-prodott (jiġifieri permezz ta' grad standard jew grad ieħor barra dak standard, inkluż imrammel) u permezz ta' l-ippakkjar jew il-forma li fiha jintbagħat bil-baħar (jiġifieri f'massa, f'basktijiet jew f'kontenituri), saret analiżi dwar jekk il-bejgħ domestiku ta' kull tip ta' prodott kienx rappreżentattiv biżżejjed għall-finijiet ta' l-Artikolu 2(2) tar-Regolament bażiku. Il-bejgħ domestiku ta' tip ta' prodott partikolari tqis li kien rappreżentattiv biżżejjed meta l-volum tal-bejgħ domestiku totali ta' dak it-tip matul il-PI rrappreżenta 5 % jew aktar tal-volum tal-bejgħ totali ta’ tip ta’ prodott paragunabbli esportat lejn il-Komunità. Dan kien il-każ għal 3 minn 4 tipi ta’ prodotti esportati lejn il-Komunità minn Uralkali u għal 2 minn 3 tipi ta’ prodotti esportati lejn il-Komunità minn Silvinit.

(48)

Sar eżami wkoll dwar jekk il-bejgħ domestiku ta’ kull tip ta’ prodott, mibjugħ b’mod domestiku fi kwantitajiet rappreżentattivi, setax jitqies bħala li sar fil-proċess normali tal-kummerċ, billi ġie stabbilit l-proporzjon ta' bejgħ bi qligħ lill-klijenti indipendenti tat-tip ta' prodott imsemmi. F’każijiet fejn il-volum tal-bejgħ ta’ tip ta’ prodott, mibjugħ bi prezz tal-bejgħ nett ugwali għal jew aktar mill-prezz tal-produzzjoni aġġustat, irrappreżenta aktar minn 80 % tal-volum tal-bejgħ totali ta’ dak it-tip, u fejn il-medja tal-prezz ikkunsidrat ta’ dak it-tip kien ugwali għal jew aktar mill-prezz tal-produzzjoni aġġustat, il-valur normali kien ibbażat fuq il-prezz domestiku proprja, ikkalkulat bħala l-medja kkunsidrata tal-prezzijiet tal-bejgħ domestiku kollu ta’ dak it-tip matul waqt il-PI, minkejja jekk dan il-bejgħ ħalliex qligħ jew le. Instab li dan kien il-każ għal dawk it-tipi kollha ta’ prodotti ta’ Silvinit u Uralkali li t-tnejn inbiegħu b’mod domestiku u ġew esportati lejn il-Komunità.

(49)

Kull fejn il-prezzijiet domestiċi ta’ tip ta’ prodott partikolari mibjugħ minn produttur esportatur ma setgħux jintużaw biex jiġi stabbilit il-valur normali minħabba li kinux inbiegħu fis-suq domestiku fi kwantitajiet rappreżentattivi, kellu jiġi applikat metodu ieħor. Fin-nuqqas ta’ kull metodu raġonevoli ieħor, il-valur normali msawwar intuża’.

(50)

Fil-każijiet kollha fejn intuża’ l-valur normali msawwar u skond l-Artikolu 2(3) tar-Regolament bażiku, il-valur normali ssawwar billi ġie miżjud ma’ l-ispejjeż tal-fabbrikazzjoni tat-tipi esportati, persentaġġ raġonevoli għall-ispejjeż tal-bejgħ, ġenerali u amminstrattivi (SG&A) u ammont ta’ profitt raġonevoli. F’dan ir-rigward u skond l-Artikolu 2(6) tar-Regolament bażiku, l-ammonti għall-SG&A u l-profitti kienu bbażati fuq informazzjoni proprja marbuta mal-produzzjoni u l-bejgħ, fil-proċess normali tal-kummerċ, tal-prodott simili fis-suq domestiku.

(51)

Fir-rigward ta' l-ispejjeż marbuta ma' l-enerġija, bħal dawl u gass użati fit-tħaffir fil-minjieri u l-proċessi ta' produzzjoni tal-prodott konċernat, l-investigazzjoni stabbilixxiet li dawn l-ispejjeż jiffurmaw proporzjon sinifikanti ta’ l-ispejjeż totali tal-fabbrikazzjoni tal-produtturi tal-potassa, mhux biss fir-Russja iżda f’pajjiżi produtturi oħra wkoll. Deher xieraq fil-każ preżenti biex jiġu mqabbla wkoll l-ispejjeż tal-produzzjoni għax-xiri ta' l-enerġija tal-produtturi Russi ma’ dawk ta' produtturi oħra maġġuri tal-potassa b'metodi ta' produzzjoni simili, livelli ta' kemm jipproduċu u vantaġġi naturali simili sabiex jiġi determinat jekk il-prezzijiet imħallsa kinux baxxi b’mod mhux normali u jirriflettux l-ispejjeż normali. Peress li m’hemmx aktar produtturi tal-potassa fir-Russja, din l-informazzjoni ġiet imfittxa u nkisbet mingħand żewġ produtturi Kanadiżi.

(52)

Id-dejta mogħtija turi li r-rekwiżiti ta’ l-enerġija taż-żewġ produtturi Kanadiżi kienu simili għal dawk tal-produtturi Russi u li d-dawl u l-gass mixtri minn dawn il-kumpaniji nkiseb minn sors ta’ saħħa idro-elettrika domestika u minn sorsi ta’ gass maġġuri, bħalma huma d-dawl u l-gass użat mill-kumpaniji Russi. Il-paragun wera li l-prezz tal-produzzjoni għad-dawl imħallas mill-produtturi Kanadiżi kien simili għal dak imħallas mill-produtturi Russi.

(53)

Fir-rigward tal-provvista tal-gass, ġie stabbilit abbażi ta' l-informazzjoni misjuba fir-rapport annwali ppubblikat għall-2004 tal-fornitur tal-gass Russu OAO Gazprom (li d-distributur reġjonali tiegħu kien il-fornitur tal-produtturi esportaturi msemmija) li l-prezz domestiku tal-gass imħallas miż-żewġ produtturi Russi kien madwar wieħed minn kull ħamsa tal-prezz ta' l-esportazzjoni tal-gass naturali mir-Russja. L-istess rapport jgħid li ‘OAO Gazprom flimkien mal-Gvern tal-Federazzjoni Russa jagħmlu ħafna xogħol biex itejb il-prezzijiet regolati tal-bejgħ bl-imnut tal-gass.' Skond l-analiżi ppreżentata fir-rapport imsemmi, hemm ‘riskju ta’ prezzijiet baxxi għall-gass naturali mibjugħ fis-suq domestiku’ u ‘l-Grupp Gazprom hu meħtieġ jissupplixxi gass naturali lill-konsumaturi Russi bi prezzijiet regolati mis-Servizz tat-Tariffi Federali. Fil-preżent, dawn il-prezzijiet huma konsiderevolment ibaxx mill-prezzijiet internazzjonali għall-gass naturali.' Barra minn hekk, kif instab fl-investigazzjoni dwar ir-reviżjoni ta’ qabel mitmuma f'Novembru ta' l-2005 permezz ta' Regolament (KE) Nru 1891/2005, ir-rapport annwali ta’ l-2003 stqarr li ‘OAO Gazprom m’għamel l-ebda profitt fis-suq domestiku'. F’dan ir-rigward, peress li l-prezzijiet tal-gass imħallsa mill-kumpaniji ma żdiedx, m’hemm l-ebda indikazzjoni li l-qagħda setgħet inbidlet fil-PI. Għalhekk, id-dejta kollha disponibbli tissuġġerixxi bi sħiħ li l-prezzijiet tal-gass iċċarġjati lill-klijenti domestiċi saru bi prezzijiet regolati 'l bogħod mil-livelli ta' rkuprar tal-prezz. Barra minn hekk, l-investigazzjoni uriet li l-prezz tal-gass imħallas miż-żewġ produtturi Russi kien sinifikament ibaxx mill-prezz tal-gass imħallas miż-żewġ produtturi Kanadiżi.

(54)

Fl-ambitu ta' dan t'hawn fuq, kien għalhekk meqjus li l-prezzijiet iċċarġjati mill-fornitur tal-gass Russu reġjonali lill-produtturi tal-potassa Russi fil-perjodu investigattiv ma setgħux jirriflettu sew l-ispejjeż marbuta mal-produzzjoni tal-gass meta mqabbla mal-prezz ta' l-esportazzjoni tal-gass mir-Russja u l-prezz tal-fornitur tal-gass Kanadiż lill-ażjendi industrijali maġġuri fil-Kanada. Għalhekk, bi qbil ma’ l-Artikolu 2(5) tar-Regolament bażiku, sar aġġustament fil-prezz tal-produzzjoni għal waħda mill-kumpaniji Russi. Fin-nuqqas ta’ kull bażi oħra raġonevoli, dak l-aġġustament skond informazzjoni li tikkonċerna l-prezz tal-gass għall-esportazzjoni, in-nett ta' l-ispejjeż tal-ġarr, it-taxxa fuq il-valur miżjud u d-dazju tas-sisa. Dan l-aġġustament sar skond il-metodoloġija użata fl-investigazzjoni ta’ l-iskadenza ta’ qabel mitmuma f’Novembru ta’ l-2005 permezz tar-Regolament (KE) Nru 1891/2005.

(55)

Fir-rigward ukoll ta' l-aġġustament li jikkonċerna l-prezzijiet tal-gass naturali, l-awtoritajiet Russi qalu li vantaġġi komparattivi jew kompetittivi jridu jitqiesu sew fil-proċeduri ta’ anti-dumping. Barra minn hekk, l-awtoritajiet Russi allegaw li l-metodoloġija użata biex ikun magħruf il-profitt waqt li jkun qed jissawwar il-valur normali hi illegali u mhux aċċettabbli. Għal dan il-għan, ta’ min jiftakar li l-ebda aġġustament ma sar li jikkonċerna xi vantaġġi komparattivi jew kompetittivi referuti. Iżda, sar aġġustament li jikkonċerna l-ispejjeż tal-gass marbuta mal-produzzjoni tal-potassiumpotassium chloride skond l-Artikolu 2(5) tar-Regolament bażiku kif spjegat fil-premessi (51) sa (54) t’hawn fuq għaliex dawn l-ispejjeż ma kinux riflessi sew fir-reġistri tal-partijiet konċernati. Fir-rigward tat-tiswir tal-valur normali, dan sar skond l-Artikolu 2(6) tar-Regolament bażiku kif imfisser fil-premessa (50) hawn fuq. Konsegwentement, dawn l-argumenti ġew miċħuda.

(56)

Fejn jidħlu l-ispejjeż tal-produzzjoni, ġie mistqarr mill-industrija Komunitarja li waqgħa fil-prezz ibbażata konvenzjonalment fuq l-valur ta' l-akkwist (storiku) ta’ l-assi kapitali ma tkunx, skond l-Artikolu 2(5) tar-Regolament bażiku, tirrifletti sew l-ispejjeż marbuta mal-produzzjoni tal-prodott konċernat. Ġie mistqarr, għalhekk, li kien meħtieġ aġġustament ‘l fuq fl-ispejjeż tal-produtturi Russi.

(57)

F'dan ir-rigward, iż-żjajjar ta’ verifika fuq il-post lill-produtturi Russi urew li l-valur oriġinali ta’ l-assi tagħhom kien determinat abbażi tal-valutazzjonijiet li saru waqt il-proċess ta’ privatizzazzjoni li sar fl-1993. Dawn il-valuri ta’ l-assi kienu reveduti sussegwentement bejn l-1993 u l-1997 bħala riżultat ta' l-applikazzjoni tal-“koeffiċjenti ta’ rivalutazzjoni” maħruġa mill-Gvern Russu biex jittratta l-inflazzjoni għolja ħafna. Fl-aħħar ta’ l-1997, wara Digriet mill-Gvern Russu, saru valutazzjonijiet indipendenti ta’ l-assi minn evalwaturi indipendenti. Kienu adottati tliet kriterji bażiċi biex jiġu stabbiliti l-valuri ta’ dawn l-assi, wieħed minnhom kien il-valur ta’ rimpjazzament ta’ l-ass. Ir-riżultat ta’ dawn l-evalwazzjonijiet indipendenti huwa rifless fil-Karta tal-Bilanċ tal-bidu tal-kumpaniji fl-1998.

(58)

Għalhekk, fin-nuqqas ta’ kull evidenza sostantiva li turi li l-waqgħa fil-prezz ma kinetx riflessa sew fl-accounts tal-produtturi esportaturi, mhux meqjus ġustifikat bħalissa biex isir xi aġġustament fl-ispejjeż tal-waqgħa fil-prezz fid-dejta dwar il-prezz tal-produzzjoni użati biex jiġi stabbilit il-valur normali tal-kumpaniji.

(59)

Fir-rigward ta’ Silvinit, instab li l-bejgħ tal-potassa li għamlet il-kumpanija lill-Komunità waqt il-perjodu investigattiv sar 1) direttament lill-klijenti indipendenti fil-Komunità, 2) permezz ta' importaturi relatati fil-Komunità jew 3) permezz ta' kummerċjant mhux relatat li jinsab fl-Iżvizzera. Fil-każ ta’ Uralkali l-bejgħ kollu tal-potassa lill-Komunità sar permezz ta’ kummerċjanti mhux relatati li jinsabu f’Ċipru u fl-Iżvizzera.

(60)

Fil-każijiet kollha fejn l-esportazzjonijiet tal-potassa saru lill-klijenti indipendenti fil-Komunità, il-prezz ta’ l-esportazzjoni ġie stabbilit skond l-Artikolu 2(8) tar-Regolament bażiku, jiġifieri abbażi tal-prezzijiet ta' l-esportazzjoni li tħallsu fil-verità jew li jridu jitħallsu. Fir-rigward tal-bejgħ lill-importaturi relatati fil-Komunità minn negozjant relatat, il-prezz ta’ l-esportazzjoni ssawwar abbażi tal-prezz li bih il-prodotti importati kien l-ewwel mibjugħa mill-ġdid lil xerrej indipendenti. Saru aġġustamenti għall-ispejjeż kollha li nteħlu bejn l-importazzjoni u l-bejgħ mill-ġdid minn dawk l-importaturi, inkluż SG&A u d-dazji u billi assumew ammont ta’ qligħ raġonevoli, skond l-Artikolu 2(9) tar-Regolament bażiku. Ammont ta’ profitt ta’ 7,9 % tqis li hu raġonevoli għal dan it-tip ta’ suq u nstab ukoll li kien jaqbel mal-profitt ta' importaturi mhux relatati.

(61)

Bil-għan li jiġi assikurat paragun ġust bejn il-valur normali u l-prezz ta' l-esportazzjoni, ingħata lok biżżejjed f'forma ta' aġġustamenti għad-differenzi li jaffettwaw il-komparabbiltà tal-prezz skond l-Artikolu 2(10) tar-Regolament bażiku. Abbażi ta’ dan, saru aġġustamenti, fejn jixraq, fir-rigward ta' taxxi indiretti, trasport (inkluż spejjeż marbuta mat-tqandil), l-ispejjeż tal-ġarr ta' merkanzija fl-oċean u l-ispejjeż ta' l-assigurazzjoni, l-ispejjeż ta' l-ippakkjar u tal-kreditu. Saru wkoll aġġustamenti fejn il-bejgħ ta’ l-esportazzjoni sar permezz ta’ kumpanija relatata li tinsab f’pajjiż barra l-Komunità, skond l-Artikolu 2(10)(i) tar-Regolament bażiku. L-aġġustament skond dan l-Artikolu sar fil-livell ta’ 3 % peress li dan il-livell tqis raġonevoli biex jirrifletti l-ħlas li ngħata lill-aġenti indipendenti involuti fil-kummerċ tal-prodott konċernat.

(62)

Skond l-Artikolu 2(11) tar-Regolament bażiku, il-marġni ta’ dumping ġie stabbilit abbażi ta’ paragun tal-valur normali medju kkunsidrat mal-prezzijiet ta’ l-esportazzjoni medji kkunsidrati għal kull tip ta’ prodott. Dan il-paragun wera li kien hemm dumping sinifikanti ta’ importazzjonijiet tal-prodott konċernat mill-esportaturi li kkooperaw fil-livell ta' aktar minn 8 % għal Uralkali u aktar minn 14 % għal Silvinit.

(63)

Il-paragun tad-dejta li tikkonċerna l-esportazzjonijiet lejn il-Komunità mogħtija mill-produtturi esportaturi u l-volum totali ta’ importazzjonijiet kif imnissla mill-istatistiċi dwar l-importazzjoni tal-Eurostat indikaw li l-livell ta' kooperazzjoni kien għoli, peress li, il-produtturi esportaturi li kkooperaw irrappreżentaw it-totalità ta’ l-importazzjonijiet kollha tal-Komunità mir-Russja matul il-PI.

(64)

It-tliet produtturi li kkooperaw jirrappreżentaw it-totalità ta’ importazzjonijiet mill-pajjiżi konċernati. L-eżaminar ta’ jekk ikunx hemm tendenza li d-dumping jibqa’ jsir jekk il-miżuri jiġu revokati kien għalhekk ibbażat ħafna minnu fuq l-informazzjoni mogħtija minn dawn il-produtturi esportaturi li kkooperaw.

(65)

Sabiex jiġi determinat jekk kienx hemm probabbiltà li d-dumping jibqa' jsir, il-Kummissjoni investigat l-eżistenza tad-dumping preżenti fuq esportazzjonijiet mill-pajjiżi konċernati lejn il-Komunità abbażi tar-raġunijiet li jekk id-dumping kien qed isir, mela kien raġonevoli, fin-nuqqas ta' kwalunkwe informazzjoni kuntrarja għal dan, li jitqies li dan x'aktarx jibqa' jsir fil-futur. F’dan ir-rigward, ta' min jiftakar li l-livell ta' dumping għall-potassa li toriġina fiż-żewġ pajjiżi konċernati baqa' jkun sinifikanti (ara r-reċitazzjonijiet (26) sa (62)).

(66)

Ġie innutat ukoll li l-prezzijiet ta’ l-esportazzjoni lejn terza pajjiżi mill-produtturi kollha konċernati nstab li kienu bħala medja inqas mill-prezzijiet tal-bejgħ ta' l-industrija Komunitarja fil-Komunità. Dan ifisser li l-livell tal-prezz prevalenti għall-prodott konċernat fis-suq tal-Komunità jagħmel lis-suq tal-Komunità attraenti ħafna għall-esportaturi fil-pajjiżi konċernati. Abbażi ta’ dan, ġie kkunsidrat li hemm tabilħaqq inċentiv ekonomiku biex ixaqilbu l-esportazzjonijiet minn pajjiżi li mhumiex fl-UE għas-suq tal-Komunità li jrendi aktar fil-każ li jiġu revokati l-miżuri li hemm fis-seħħ.

(67)

Belaruskali rnexxilu jżid il-produzzjoni tiegħu b’25 % matul il-perjodu kkunsidrat. Kif jidher fit-tabella, il-volumi tal-produzzjoni żdiedu l-aktar fl-2003 u fil-PI.

(68)

Matul il-perjodu kkunsidrat, Belaruskali żied il-kapaċità tal-produzzjoni tiegħu bi 3 %. Tkabbir ieħor ta’ 12-il punt ta’ persentaġġ fil-kapaċità tal-produzzjoni kien previst sa l-2006. Barra minn hekk, ta' min jinnota li filwaqt li Belaruskali kien qrib jipproduċi l-potassa f'livelli qrib il-kapaċità sħiħa matul il-PI, hu ddikjara żieda sinifikanti oħra fil-kapaċità tiegħu u fl-investiment totali fl-2005 u fl-2006. Il-kapaċità tal-produzzjoni rrappurtata u l-investiment imsarraf f’euro f’forma ta’ indiċi hi kif ġej:

(69)

Abbażi ta’ dan t’hawn fuq, wieħed jista’ jikkonkludi li Belaruskali għandu kapaċit biżżejjed biex iżid l-esportazzjonijiet tiegħu lejn is-suq tal-Komunità jekk il-miżuri jiġu revokati għaliex Belaruskali ddikjara żieda oħra fil-kapaċità tal-produzzjoni tiegħu u tkabbir sinifikanti fl-attività tiegħu ta' investiment.

(70)

Il-bejgħ domestiku ta’ potassa fil-Belarus baqa' f'livell baxx matul il-perjodu kkunsidrat, jirrappreżenta inqas minn 10 % tal-bejgħ totali ta’ Belaruskali. Fil-fatt, il-volum tal-bejgħ domestiku fil-Belarus naqas bi 3 % bejn l-2001 u l-PI. Peress li s-suq domestiku kien qed jiċkien xi ftit ma setax jassorbi ż-żieda fil-produzzjoni. Dan ma tantx għandu ċans li jinbidel fil-futur. Għalhekk, il-kumpanija jkollha tesporta parti essenzjali mill-produzzjoni tagħha.

(71)

L-informazzjoni mogħtija mill-produttur esportatur waħdieni fil-Belarus uriet li l-bejgħ lejn pajjiżi li mhumiex fl-UE sar fi kwantitajiet sinifikanti, li jagħmel tajjeb għal 82 % ta’ l-esportazzjonijiet totali (s-swieq ewlenin ta’ l-esportazzjoni huma r-Repubblika tan-Nies taċ-Ċina, il-Brażil u l-Indja). Barra minn hekk, il-volumi ta’ esportazzjoni lejn terza pajjiżi żdiedu b’25 % bejn l-2001 u l-PI. Għalhekk, l-investigazzjoni kkonfermat li ħafna mill-produzzjoni tal-potassa fil-Belarus kienet immirata lejn swieq ta’ esportazzjoni fi kwantitajiet li qed jiżdiedu.

(72)

Il-prezzijiet tat-tipi ta’ potassa mibjugħa lill-Komunità minn Belaruskali, bħala medja, instab li kienu ftit ogħla mill-prezzijiet tat-tipi korrispondenti ta’ potassa mibjugħa lil swieq terzi. Peress, kif konkluż fil-premessa (44), il-bejgħ ta’ l-esportazzjoni mill-Belarus lejn il-Komunità sar f’livelli ddampjati, dan indika li l-esportazzjonijiet lejn swieq terzi kienu wkoll iddampjati f’livelli kemxejn ogħla mill-bejgħ ta’ l-esportazzjoni lejn il-Komunità. Barra minn hekk, is-suq tal-Komunità hu aktar attraenti għall-esportazzjonijiet tal-potassa bi prezzijiet iddampjati mill-kumpanija kkonċernata minħabba l-livell tal-prezz kemxejn ogħla tagħha, il-qrubija tagħha, riskji mnaqqsa fuq il-ħlas minħabba li l-klijenti għandhom flus biżżejjed biex iħallsu dejnhom lura, u minħabba kundizzjonijiet ta’ pagamenti favorevoli.

(73)

Il-produtturi Russi rnexxilhom iżidu l-produzzjoni tagħhom b’29 % matul il-perjodu kkunsidrat. Kif jidher fit-tabella, il-volumi tal-produzzjoni żdiedu l-aktar matul l-PI.

(74)

Filwaqt li l-kapaċità tal-produzzjoni taż-żewġ kumpaniji Russi kienet baqgħet stabbli matul il-perjodu kkunsidrat, il-kumpaniji indikaw żieda ta’ 6 % sa l-2006. Barra minn hekk, skond l-informazzjoni mogħtija mill-produtturi Russi, huma xorta għandhom kapaċità disponibbli biex iżidu l-produzzjoni tal-potassa.

(75)

Barra minn hekk, huma rrappurtaw tkabbir sinifikanti fl-investiment tagħhom fl-2005 u fl-2006. L-investiment irrappurtat imsarraf f’euro f’forma ta’ indiċi hu kif ġej:

(76)

Abbażi ta’ dan t’hawn fuq, wieħed jista’ jikkonkludi li l-produtturi esportaturi fir-Russja għandhom kapaċità disponibbli biex iżidu l-esportazzjonijiet tagħhom lejn is-suq tal-Komunità jekk il-miżuri jiġu revokati. Barra minn hekk, iż-żewġ kumpaniji ddikjaraw tkabbir sinifikanti fl-investimenti tagħhom li jissuġġerixxi żieda aktar fil-kapaċità tal-produzzjoni tagħhom.

(77)

Il-bejgħ domestiku tal-potassa fir-Russja baqa’ fuq livell baxx matul il-perjodu kkunsidrat, jirrappreżenta, bħala medja, inqas minn 15 % tal-bejgħ totali taż-żewġ kumpaniji. Il-volum tal-bejgħ domestiku fir-Russja żdied b’5 % bejn l-2001 u l-PI. It-tkabbir tas-suq domestiku ma setax jassorbi ż-żieda fil-produzzjoni (29 %) u għalhekk iż-żewġ kumpaniji jkollhom jesportaw parti essenzjali mill-produzzjoni tagħhom.

(78)

L-informazzjoni mogħtija mill-produtturi esportaturi wriet li l-bejgħ lejn pajjiżi li mhumiex fl-UE sar fi kwantitajiet sinifikanti, jagħmel tajjeb għal 95 % ta’ l-esportazzjonijiet kollha (bis-swieq ewlenin ta' l-esportazzjoni jkunu r-Repubblika tan-Nies taċ-Ċina u l-Brażil). Barra minn hekk, l-esportazzjonijiet Russi lejn terza pajjiżi kibru b’46 % bejn l-2001 u l-PI. Għalhekk, l-investigazzjoni kkonfermat li ħafna mill-produzzjoni tal-potassa fir-Russja kienet immirata lejn swieq ta’ esportazzjoni bi kwantitajiet li kull ma jmur qed jiżdiedu.

(79)

Il-prezzijiet tat-tipi ta’ potassa mibjugħa lill-Komunità mill-kumpaniji konċernati nstabu li kienu ibaxx mill-prezzijiet ta' tipi korrispondenti ta' potassa mibjugħa lil swieq terzi. Iżda, is-suq tal-Komunità xorta għadu jiġbed lejh esportazzjonijiet tal-potassa bi prezzijiet iddampjati mill-kumpaniji konċernati minħabba l-qrubija tiegħu, ir-riskji mnaqqsa fuq il-ħlas minħabba li l-klijenti kapaċi jħallsu dejnhom lura u minħabba kundizzjonijiet ta’ ħlas favorevoli.

(80)

Il-fatt li l-livell tal-prezz ġeneralment prevalenti tal-produtturi Komunitarji fil-Komunità hu ogħla mil-livell tal-prezz medju ta' l-esportazzjoni tal-produtturi li jesportaw tal-Belarus u tar-Russja lejn swieq terzi jrid jitqies bħala inċentiv għall-esportazzjonijiet li qed jiżdiedu lejn il-Komunità bi prezzijiet iddampjati.

(81)

Peress li l-produtturi esportaturi kemm fil-Belarus kif ukoll fir-Russja għandhom kapaċità tal-produzzjoni mhux użata u jekk wieħed iqis li l-kumpaniji kollha konċernati wrew żieda sinifikanti fl-investiment totali tagħhom u fil-kapaċità tal-produzzjoni totali tagħhom, wieħed jista’ jikkonkludi li, jekk il-miżuri jiġu revokati, produzzjoni addizzjonali tiġi esportata lejn il-Komunità, jew il-bejgħ li bħalissa qed jiġi esportat lejn pajjiżi barra l-Komunità jerġa' jiġi redirezzjonat lejn is-suq tal-Komunità fi kwantitajiet sinifikanti.

(82)

Barra minn hekk, l-investigazzjoni wriet li s-suq tal-potassa barra l-Komunità kien karatterizzat, matul il-PI, minn ċerta volatilità, fil-forma ta' ċaqliq konsiderevoli fil-prezzijiet ta' l-esportazzjoni. Din il-volatilità hi meqjusa bħala r-riżultat ta’ qagħda rari kkawżati miż-żieda qawwija fit-talba f'xi swieq li qed jitwieldu, bħal dawk ta' l-Ażja u ta' l-Amerika t'Isfel. F’dawn iċ-ċirkostanzi, x’aktarx li kwantitajiet sinifikanti ta’ potassa mill-Belarus u mir-Russja jerġgħu jiġu direzzjonati lejn is-suq aktar stabbli tal-Komunità, jekk it-tkabbir f’dawn is-swieq ta’ esportazzjoni jilħqu saturazzjoni u ż-żieda fit-talba konsegwentement tieqaf jew tibda tonqos. F'dan ir-rigward, ta’ min jinnota wkoll li s-swieq barranin huma suġġetti għal spejjeż tal-ġarr ħafna ogħla mis-suq tal-Komunità, li, peress li hu qrib, hu aktar irħas biex tilħqu bil-baħar jew bil-ferrovija.

(83)

Fir-rigward tal-prezzijiet, l-investigazzjoni wriet li l-importazzjonijiet fil-Komunità li joriġinaw fil-Belarus u r-Russja għadhom xorta qed isiru bi prezzijiet iddampjati. Għalhekk, wieħed irid jassumi, li fin-nuqqas ta’ kull indikazzjoni kuntrarja, d-dumping x’aktarx jibqa’ jsir fil-futur.

(84)

Għal dawn ir-raġunijiet, wieħed jikkonkludi li hemm probabbiltà li l-importazzjonijiet iddampjati mill-pajjiżi konċernati jibqgħu jsiru u li l-importazzjonijiet iddampjati jiżdiedu konsiderevolment jekk il-miżuri jiġu revokati.

(85)

L-investigazzjoni kkonfermat li t-tliet produtturi tal-Komunità li lmentaw irrappreżentaw 99 % tal-produzzjoni Komunitarja tal-potassa. Huma għalhekk jikkostitwixxu l-industrija Komunitarja fi ħdan it-tifsira ta’ l-Artikolu 4(1) tar-Regolament bażiku.

(86)

Peress li żewġ produtturi Komunitarji huma kumpaniji relatati (Cleveland Potash Ltd. u Iberpotash S.A. it-tnejn jappartjenu għal ICL Group, Israel Chemicals Ltd, Tel-Aviv), l-industrija Komunitarja hi magħmula biss minn żewġ gruppi indipendenti ta’ fabbrikanti, l-ICL Group u K+S Kali GmbH.

(87)

Peress li l-industrija Komunitarja hi magħmula minn żewġ gruppi biss ta’ fabbrikanti, l-informazzjoni li tirrigwarda l-industrija Komunitarja tista’ tingħata biss f’forma ta’ indiċi, minħabba raġunijiet ta’ kunfidenzjalità. Għall-finijiet ta' l-analiżi tad-dannu, il-potassa biss magħmula mill-industrija Komunitarja tqieset, filwaqt li l-bejgħ mill-ġdid tal-potassa mixtrija (l-aktar potassa magħmula mill-grupp ICL fl-Iżrael) kien eskluż.

(88)

L-analiżi ta’ l-indikaturi tad-dannu saret abbażi tad-dejta tal-Eurostat u ta’ l-informazzjoni mogħtija fit-tweġibiet għall-kwestjonarju mill-produtturi esportaturi li kkooperaw u mill-industrija Komunitarja.

(89)

Il-konsum totali tal-potassa fil-Komunità kien ikkalkulat billi ġew magħduda mal-bejgħ ta’ l-industrija Komunitarja fis-suq tal-Komunità l-importazzjonijiet fil-Komunità tal-potassa li toriġina fil-pajjiżi konċernati u mit-terza pajjiżi l-oħra kollha.

(90)

Abbażi ta’ dan, il-konsum tal-Komunità żdied minn 7 231 000 tunnellata fl-2001 għal madwar 8 030 000 tunnellata fil-PI, jiġifieri żieda ta’ madwar 11 %.

(91)

Waqt il-perjodu kkunsidrat, kważi l-importazzjonijiet kollha mill-Belarus u mir-Russja fil-15-il Stat Membru ta’ l-UE saru taħt il-mekkaniżmu ta’ l-eżenzjoni mill-ipproċessar ‘il ġewwa (l-IPR), filwaqt li l-IPR ma ntużax għall-importazzjonijiet fl-10 Stat Membru ta’ l-UE. L-importazzjonijiet taħt l-IPR jidħlu f’kompetizzjoni mal-prodott simili fabbrikat mill-industrija Komunitarja, għaliex jiġu pproċessati fil-Komunità mill-fabbrikanti tal-fertilizzanti li jixtru parti mill-materjal mhux maħdum tagħhom użat fil-produzzjoni ta' fertilizzanti kumplessi, li huma wkoll maħsuba għall-esportazzjoni, mill-industrija Komunitarja. L-importazzjonijiet taħt l-IPR għalhekk tqisu bi qbil mal-prassi konsistenti ta’ l-istituzzjonijiet tal-Komunità, biex jiġi stabbilit il-konsum tal-Komunità u l-analiżi ta’ l-importazzjonijiet mill-pajjiżi konċernati.

(92)

Matul il-PI, il-produtturi esportaturi fil-pajjiżi konċernati biegħu potassa fis-suq ta’ l-10 Stati Membri ġodda ta’ l-UE taħt il-kundizzjonijiet ta' l-impriżi speċjali tat-tkabbir imsemmija hawn fuq fil-premessa (3). Il-kwantitajiet mibjugħa taħt il-kundizzjonijiet ta’ l-impriża tqisu biex jirriflettu l-preżenza tal-pajjiżi konċernati fis-suq ta’ l-UE.

(93)

Il-volum ta’ l-importazzjonijiet tal-potassa li toriġina fir-Russja għal ġol-25 Stat Membru ta' l-UE żdied b'19 % matul il-perjodu kkunsidrat. Il-volum ta’ l-importazzjonijiet li joriġinaw fil-Belarus żdied, matul l-istess perjodu, b’44 %. L-importazzjonijiet globali mill-pajjiżi konċernati, ikkalkulati abbażi tal-25 Stat Membru ta’ l-UE, żdiedu b’37 % matul il-perjodu kkunsidrat. Wara tnaqqis żgħir fl-2002 minħabba waqgħa fil-bejgħ mill-Belarus l-aktar lejn Spanja, il-bejgħ mill-pajjiżi konċernati żdied b’mod sinifikanti fl-2003 u fl-2004 b’madwar 20 % fiż-żewġ snin.

(94)

Il-prezz tas-suq ta’ l-importazzjonijiet mill-pajjiżi konċernati għal ġos-suq tal-Komunità żdied bi 23 % matul il-perjodu kkunsidrat. Iżda, iż-żieda ma kinetx kostanti: il-prezz tas-suq baqa' kważi stabbli sa l-2003 u mbagħad żdied f'daqqa fl-2004.

(95)

Il-prezzijiet ta’ l-importazzjonijiet suġġetti għal investigazzjoni tul il-perjodu kkunsidrat segwew xejra 'l isfel kif jidher fit-tabella t'hawn taħt. Kien hemm żieda moderata fil-prezz matul il-PI wara żieda fit-talba f’terza pajjiżi oħra, l-aktar fiċ-Ċina. Din iż-żieda kienet, iżda, sinifikament iżgħar mill-waqgħat fil-prezzijiet fis-snin ta’ qabel.

(96)

Il-waqgħa medja fil-prezz tal-potassa mill-pajjiżi konċernati tammonta għal 7 % matul il-perjodu kkunsidrat.

(97)

Sabiex ikun stabbilit it-tnaqqis fil-prezz taħt il-prezz normali, il-prezzijiet ta' l-esportazzjonijiet tal-potassa li toriġina fil-Belarus u fir-Russja biex tinbiegħ lill-klijenti indipendenti kienu mqabbla mal-prezzijiet fatturati magħmula mill-industrija tal-Komunità għall-bejgħ tagħha fis-suq tal-Komunità. Kien għalhekk stabbilit li l-marġni tal-prezz imnaqqas taħt il-prezz normali għall-potassa b'oriġni mill-Belarus kien 18 %, filwaqt li l-marġni tal-prezz imnaqqas taħt il-prezz oriġinali għall-potassa li toriġina fir-Russja kien bejn 17 % u 23 %.

(98)

Matul il-perjodu kkunsidrat, il-produzzjoni totali tal-potassa fil-Komunità kibret kemxejn b’eċċezzjoni għall-2002, meta l-produzzjoni naqset kemxejn minħabba nuqqas ta’ mineral maħruġ mill-minjieri għal produttur wieħed fil-Komunità. Il-figuri għall-produzzjoni totali fil-Komunità tal-potassa kienu kif ġej:

(99)

Il-kapaċità tal-produzzjoni ta’ l-industrija Komunitarja kienet stabbli tul il-perjodu kkunsidrat kollu. Il-figuri tal-kapaċità tal-produzzjoni totali tal-potassa kienu kif ġej:

(100)

L-utilizzazzjoni tal-kapaċità ta’ l-industrija Komunitarja naqset fl-2002 iżda bdiet tiżdied fl-2003. Tul il-perjodu kkunsidrat l-utilizzazzjoni tal-kapaċità ta’ l-industrija Komunitarja tal-potassa żdiedet bi 3 %.

(101)

Il-volum tal-bejgħ totali ta’ l-industrija Komunitarja lill-klijenti mhux relatati fl-UE naqas kemxejn b’1 % matul il-perjodu kkunsidrat kif jidher hawn taħt:

(102)

Il-prezz tas-suq ta’ l-industrija Komunitarja naqas kontinwament matul il-perjodu kkunsidrat kif muri hawn taħt:

(103)

Għalkemm is-suq tal-potassa tal-Komunità żdied bi 11 % matul il-perjodu kkunsidrat, l-industrija Komunitarja ma kinetx f’pożizzjoni li tgawdi minn dan. Huma kienu kapaċi biss iżidu l-volum tal-bejgħ tagħhom ta’ l-UE b’1 %, dan hu ħafna inqas mit-tkabbir tas-suq.

(104)

L-investigazzjoni uriet li l-prezz tal-bejgħ medju tal-produtturi tal-Komunità għola waqt il-perjodu kkunsidrat b'6 %. L-ewwel baqa’ qisu stabbli bejn l-2001 u l-2003, iżda mbagħad żdied b'6 % bejn l-2003 u l-PI. Iż-żieda fil-prezz tikkoinċidi ma’ żieda sinifikanti fit-talba f’terza pajjiżi oħra, l-aktar fir-Repubblika tan-Nies taċ-Ċina. Dan juri li l-prezzijiet fis-suq Komunitarju tal-potassa huma influwenzat mit-talba li jkun hemm fis-swieq oħra. Il-prezz tal-bejgħ medju ta' l-industrija Komunitarja għall-potassa fis-suq tal-Komunità żviluppa kif ġej:

(105)

L-ammont ta’ profitt tal-bejgħ domestiku ta’ l-industrija Komunitarja, imfisser bħala persentaġġ tal-bejgħ nett, żdied matul il-perjodu kkunsidrat. Filwaqt li l-industrija Komunitarja għamlet telf fl-2001 u fl-2002, huma reġgħu għamlu profitt fl-2003 u fl-2004. L-ammont ta' profitt ta' l-industrija tal-Komunità fis-suq tal-Komunità għall-potassa żviluppa kif ġej:

(106)

Ix-xogħol fl-industrija Komunitarja baqa’ essenzjalment stabbli:

(107)

Il-materjal li jifdal fl-aħħar tal-produtturi tal-Komunità għall-potassa naqas b'mod kostanti b'madwar 27 % matul il-perjodu kkunsidrat. Il-materjal li jifdal fl-aħħar ta’ l-industrija Komunitarja kien, fiż-żmien mezzan, madwar 500 000 tunnellata. Il-materjal li jifdal fl-aħħar tal-PI kien taħt il-medja minħabba żieda fil-bejgħ, b’mod partikolari minħabba żieda fl-esportazzjonijiet, u għal raġunijiet loġistiċi. Il-materjal li jifdal fl-aħħar ta’ l-industrija Komunitarja tal-potassa żviluppa kif ġej:

(108)

L-investimenti totali ta’ l-industrija Komunitarja żdiedu sinifikament fil-bidu bejn l-2001 u l-2002, iżda naqsu sussegwentement għal livell 22 % taħt il-figuri ta’ l-2001 l-aktar minħabba tnaqqis ippjanat fl-investimenti ta’ rimpjazzament għal produttur wieħed tal-Komunità. L-investimenti ta’ l-industrija Komunitarja żviluppaw kif ġej:

(109)

Peress li valur nett proprja ta’ l-assi investiti użati għall-produzzjoni tal-prodott simili inbidel ftit li xejn matul il-perjodu kkunsidrat, kemm renda l-investiment ġie żviluppat b'mod parallel ma' l-ammont ta' profitt.

(110)

Il-likwidità totali ta’ l-industrija Komunitarja l-ewwel naqset b’mod konsiderevoli bejn l-2001 u l-2002, iżda wara żdiedet fl-2003 u fil-PI. Matul il-perjodu kkunsidrat il-likwidità żdiedet b’64 %.

(111)

Il-produtturi kollha tal-Komunità huma parti minn gruppi kbar korporattivi mniżżla fil-Borża, li jagħtuhom lok biex jiġġeneraw il-flus fi ħdan il-grupp.

(112)

Fir-rigward ta’ l-impatt fuq l-industrija Komunitarja mid-daqs ta’ l-ammont proprja ta’ dumping li nstab fil-PI, meta wieħed iqis il-volum u l-prezzijiet ta' l-importazzjonijiet minn dawn iż-żewġ pajjiżi, dan l-impatt ma jistax jitqies li hu negliġibbli. Iżda, ta’ min jinnota li l-ammont għal Belarus huwa ibaxx minn dak misjub fl-investigazzjoni ta’ qabel. Ta’ min jinnota wkoll li l-volum ta’ importazzjonijiet iddampjati mill-Belarus u mir-Russja żdied mill-investigazzjoni ta’ qabel.

(113)

L-industrija Komunitarja għadha xorta fi proċess ta’ rkuprar mid-dumping imgħoddi. Matul il-perjodu kkunsidrat dan l-irkuprar kiber sa ċertu punt fiż-żieda tal- prezzijiet tal-bejgħ u żvilupp pożittiv ta’ indikaturi bħall-produzzjoni, utilizzazzjoni tal-kapaċità, volumi tal-bejgħ u stokks. Dawn l-iżviluppi pożittivi wasslu għal qagħda li tħalli profitt għall-industrija Komunitarja matul l-PI. Iżda, il-prezz tas-suq wera xejra negattiva u kif intqal hawn fuq l-industrija Komunitarja kellha tnaqqas l-investimenti. Barra minn hekk, il-livell ta’ profitt milħuq għadu xorta sostanzjalment inqas mill-profitt li kien ikkunsidrat bħala livell li l-industrija Komunitarja kienet mistennija li tilħaq fin-nuqqas ta’ importazzjonijiet iddampjati, jiġifieri 9 %. Għalhekk, wieħed jista’ jikkonkludi li l-industrija Komunitarja rkuprat parzjalment mid-dumping dannuż, iżda xorta għadha f’qagħda fraġli.

(114)

Wara li ntwerew is-sejbiet, esportatur wieħed u parti interessata qalu li l-iżvilupp negattiv ta’ xi indikaturi tal-ħsara kien influwenzat mill-fatt li produttur wieħed tal-Komunità li kien jinsab fi Franza kien waqqaf il-produzzjoni tiegħu tal-potassa tul il-perjodu ta’ l-analiżi. F’dan ir-rigward, ta’ min jinnota li, peress li dan il-produttur Franċiż kien waqqaf il-produzzjoni tiegħu ta’ potassa matul is-sena 2001 u kieku ddaħħlet fl-analiżi tad-dannu għal dik is-sena biss ma kinetx tagħti dehra ċara tal-komparabbiltà tad-dejta, l-informazzjoni marbuta ma’ dak il-produttur tal-Komunità qatt ma ddaħħlet fl-indikaturi tal-ħsara.

(115)

Il-volum ta’ l-importazzjoni tal-potassa minn terza pajjiżi oħra żdied matul il-perjodu kkunsidrat minn madwar 1 016 000 tunnellata fl-2001 għal 1 255 000 tunnellata matul il-PI. Dan jikkorrispondi għal żieda ta’ 24 %. Il-parti l-kbira taż-żieda hi dovuta għall-importazzjonijiet mill-Iżrael u mill-Ġordan. Ta’ min jinnota li l-importazzjonijiet mill-Iżrael kienu l-aktar magħmula minn kumpaniji relatati ma’ l-industrija Komunitarja.

(116)

Il-prezz tas-suq ta' importazzjonijiet minn terza pajjiżi oħra żdied kemxejn minn 14 % fl-2001 għal 15 % fl-2004. L-importazzjonijiet minn dawk il-pajjiżi saru l-aktar għal ġol-15-il Stat Membru ta' l-UE.

(117)

Skond l-Eurostat, il-prezz tal-bejgħ medju għal dawn l-importazzjonijiet naqas minn 134,94 EUR kull tunnellata fl-2001 għal 127,24 EUR kull tunnellata matul il-PI, iżda xorta waħda dejjem qabeż il-prezzijiet ta' l-industrija Komunitarja u kien ogħla b’mod sinifikanti mill-prezzijiet tal-potassa li toriġina fir-Russja u l-Belarus. Fid-dettall, l-iżvilupp kien kif ġej:

(118)

Joħroġ minn dan t’hawn fuq li, minħabba l-livelli ogħla tagħhom tal-prezzijiet u l-prezz tas-suq tagħhom li hu x'aktarx stabbli, l-importazzjonijiet minn terza pajjiżi m'affettwawx il-qagħda preżenti ta’ l-industrija Komunitarja.

(119)

L-esportazzjonijiet tal-potassa ta’ l-industrija Komunitarja lejn terza pajjiżi kellhom xejra pożittiva. Iż-żieda globali fl-esportazzjonijiet tammonta għal 23 % fil-perjodu kkunsidrat. L-esportazzjonijiet għalhekk ma kellhom l-ebda effett negattiv fuq il-qagħda ta’ l-industrija tal-Komunità. Fid-dettall, l-iżvilupp matul il-perjodu kkunsidrat kien kif ġej:

(120)

Kif imsemmi fir-rakkont (90) hawn fuq, il-potassa li tikkonsma l-Komunità żdiedet b'madwar 11 % matul il-perjodu kkunsidrat, biex laħqet l-ogħla livell tagħha fl-2004.

(121)

Filwaqt li l-prezz tas-suq ta’ l-industrija Komunitarja naqas b’9 %, il-prezz tas-suq tal-pajjiżi konċernati żdied bi 23 % matul il-perjodu kkunsidrat.

(122)

Il-prezz tas-suq ta’ terza pajjiżi oħra żdied b’punt ta’ persentaġġ 1 għal livell ta’ 15 % fi prezzijiet li ma jaqgħux taħt il-prezzijiet normali tal-bejgħ ta’ l-industrija Komunitarja. Għalhekk, hu meqjus li l-importazzjonijiet minn terza pajjiżi oħra ma kellhom l-ebda impatt sinifikanti fuq il-qagħda ekonomika ta’ l-industrija Komunitarja matul il-PI.

(123)

Fl-istess ħin l-evoluzzjoni tal-qagħda ekonomika ta’ l-industrija Komunitarja tħalltet, numru ta' indikaturi tal-ħsara bħall-prezz tas-suq u l-investimenti żviluppaw b’mod negattiv, filwaqt li oħrajn, bħall-produzzjoni, il-volum tal-bejgħ, il-prezzijiet tal-bejgħ u l-ammont ta’ profitt tjiebu.

(124)

L-investigazzjoni uriet li jeżistu prezzijiet ta' importazzjonijiet li huma baxxi b'mod mhux normali li jibqgħu jiġu ddampjati u li kellhom effett negattiv fuq il-volumi tal-bejgħ, il-prezz tas-suq u konsegwentement fuq l-ammont ta’ profitt ta’ l-industrija Komunitarja. L-effett negattiv fuq il-volum tal-bejgħ jidher mill-fatt li ż-żieda fil-volum tal-bejgħ ta’ l-industrija Komunitarja kien żgħir ħafna (+1 %), meta mqabbel maż-żieda fil-konsum fis-suq Komunitarju tul il-perjodu kkunsidrat (+11 %). Matul l-aħħar sitt xhur biss tal-PI, il-qagħda fir-rigward tal-prezzijiet ta’ l-importazzjoni konċernati tjiebet b’xi mod minħabba li dawn il-prezzijiet ġew mgħollija minħabba l-impriżi fis-seħħ.

(125)

B’mod globali, l-industrija Komunitarja għalhekk tibqa’ vulnerabbli għall-kontinwazzjoni ta’ dumping dannuż, jekk il-miżuri jitħallew jiskadu.

(126)

Abbażi ta’ l-elementi t’hawn fuq, instab li ma setgħet tiġi stabbilita l-ebda sejba dwar it-tkomplija tal-ħsara. Għalhekk ġie eżaminat jekk hemmx probabbiltà li l-ħsara terġa’ tiġri.

(127)

Ġie konkluż hawn fuq (ara reċitazzjoni (84)) li l-importazzjonijiet iddampjati mill-pajjiżi konċernati jiżdiedu b'mod sinifikanti jekk il-miżuri kellhom jiġu revokati. Tabilħaqq, is-suq tal-Komunità hu wieħed li jiġbdek minħabba l-qrubija ġeografika meta mqabbel mas-swieq l-oħra ewlenin ta’ l-esportazzjoni (il-Brażil, iċ-Ċina u l-Indja) u kundizzjonijiet ta’ ħlas aktar favorevoli. Barra minn hekk, is-swieq domestiċi tal-produtturi esportaturi jassorbu biss partijiet limitati tal-produzzjoni tagħhom.

(128)

Il-kapaċità tal-produzzjoni fil-Belarus u fir-Russja baqgħet stabbli sew matul il-perjodu kkunsidrat b’total ta’ 20 miljun tunnellata ta’ potassa, li hu madwar 33 % tal-kapaċità mad-dinja kollha u madwar 250 % tal-konsum tal-Komunità. Investimenti importanti oħra huma ppjanati biex iżidu l-kapaċità tal-produzzjoni. Barra minn hekk, hemm kapaċità żejda fir-Russja.

(129)

Barra minn hekk, l-irkuprar parzjali ta’ l-industrija Komunitarja deskritt fil-premessa (113) hu fil-parti l-kbira dovut għall-eżistenza tal-miżuri ta’ anti-dumping. Dan l-irkuprar ikun ipperikolat jekk il-miżuri jiġu revokati. Jekk il-miżuri jiġu revokati jwassal għall-bejgħ ta’ kwantitajiet li qed jiżdiedu ta’ potassa mill-pajjiżi konċernati fis-suq tal-potassa tal-Komunità. Dik iż-żieda fil-bejgħ tista’ ssir biss billi jkun tnaqqis fil-livelli tal-prezzijiet taħt il-prezz normali. Dak it-tnaqqis fil-livell tal-prezzijiet taħt il-prezz normali se joħloq b'mod inevitabbli tħaffir fil-prezzijiet tal-bejgħ u tnaqqis fl-ammont ta' profitt ta' l-industrija Komunitarja, li jwassal għal ħsara.

(130)

Kif muri hawn fuq, il-qagħda ta’ l-industrija Komunitarja tibqa’ vulnerabbli u fraġli. Fil-premessa (81) ġie konkluż li produzzjoni addizzjonali x’aktarx tiġi esportata lejn il-Komunità mill-Belarus u mir-Russja jekk il-miżuri jiskadu. Peress li dawn l-esportazzjonijiet x’aktarx isiru bi prezzijiet iddampjati, dan iwassal għal deterjorazzjoni fil-bejgħ ta’ l-industrija Komunitarja, il-prezz tagħha tas-suq, il-prezzijiet tal-bejgħ kif ukoll id-deterjorazzjoni konsegwenti tal-qagħda finanzjarja tagħha. Abbażi ta’ dan, wieħed għalhekk jikkonkludi li l-iskadenza tal-miżuri twassal fil-probabbiltà kollha biex il-qagħda li għadha fraġli ta’ l-industrija Komunitarja tmur għall-agħar u jerġa’ jsir id-dannu. Konsegwentement, hu propost li l-miżuri preżenti ta’ anti-dumping għandhom jinżammu.

(131)

Skond l-Artikolu 21 tar-Regolament bażiku, ġie eżaminat jekk titwil tal-miżuri ta’ anti-dumping eżistenti jmurx jew ma jmurx kontra l-interess tal-Komunità in ġenerali. L-għarfien ta’ l-interess tal-Komunità kien ibbażat fuq apprezzament ta' l-interessi kollha differenti, bħall-industrija Komunitarja, l-importaturi u min juża' l-prodott konċernat. Sabiex jiġi evalwat l-impatt li x’aktarx ikun hemm jekk jitkomplew il-miżuri, is-servizzi tal-Kummissjoni talbu informazzjoni mingħand il-partijiet kollha interessati msemmija hawn fuq.

(132)

Ta’ min jiftakar li fl-investigazzjoni ta’ qabel l-adozzjoni u ż-żamma tal-miżuri tqisu li mhumiex kontra l-interess tal-Komunità.

(133)

Minħabba n-numru kbir ta’ importaturi, ġie deċiż li jiġi applikat it-teħid ta’ kampjuni. Kwestjonarji kampjunarji ntbagħtu lil 21 importatur/min juża' l-prodott u tweġibiet mingħandhom kollha ġew irċevuti. Il-kampjun meħud inkluda 5 importaturi tal-Komunità. Skond l-Artikolu 17 tar-Regolament bażiku, dan il-kampjun kopra aktar minn 80 % ta’ l-importazzjonijiet kollha u kien l-akbar volum ta’ importazzjonijiet rappreżentattiv li seta’ jiġi investigat b’mod raġonevoli fiż-żmien disponibbli. Kull wieħed mill-ħames importaturi inkluż fil-kampjun wieġeb bi sħiħ il-kwestjonarju.

(134)

B’kollox, 23 kwestjonarju ntbagħtu lil dawk li jużaw il-prodott li 7 minnhom taw tweġibiet għall-kwestjonarju. Barra minn hekk, il-kwestjonarji ntbagħtu lill-organizzazzjonijiet ta’ l-importaturi/ta’ dawk li jużaw il-prodotti. L-Assoċjazzjoni Ewropea ta’ l-Importazzjoni tal-Fertilizzant (l-EFIA) wieġbet il-kwestjonarju kif ukoll numru ta’ assoċjazzjonijiet ta’ min juża’ l-prodott fi Stati Membri differenti.

(135)

Abbażi ta' dan, ġie eżaminat jekk, minkejja s-sejbiet dwar il-fatt li d-dumping baqa' għaddej u d-dannu jerġa' jsir, kien hemm raġunijiet interessanti li jwasslu għall-konklużjoni li mhux fl-interess tal-Komunità li l-miżuri jinżammu f’dan il-każ partikolari.

(136)

Waqt din l-investigazzjoni ġie stabbilit li l-industrija Komunitarja hi vijabbli u kompetittiva, iżda tibqa’ tkun f’qagħda fraġli. Dan hu dovut parzjalment għall-prezz tagħha tas-suq fil-Komunità li qed jiċkien, u anki għall-qagħda mhux sodisfaċenti tagħha ta' profitt li xorta għadha ma rkupratx għal livell normali u stabbli, billi tappoġġja l-investiment għoli meħtieġ biex terġa’ ġġib lill-industrija lura f’perspettiva b’saħħitha fit-tul.

(137)

L-assoċjazzjoni tat-trejd unjin tal-ħaddiema tal-minjieri fil-Komunità u l-Unjoni Ġenerali tal-Ħaddiema tar-Renju Unit resqu jilmentaw li l-industrija Komunitarja ħasbet għal numru importanti ta’ impjiegi fil-Komunità li jiġu mhedda jekk il-miżuri jiskadu.

(138)

Minħabba d-diffikultajiet ekonomiċi li għaddiet minnhom l-industrija Komunitarja fl-imgħoddi u l-qagħda li għadha volatili tas-suq kif esperjenzat matul il-perjodu kkunsidrat, hu meqjus li, jekk il-miżuri jitħallew jiskadu l-qagħda ta' l-industrija Komunitarja tiġi mhedda. Dan iġorr miegħu probabbiltà kbira li l-qagħda ta’ l-industrija Komunitarja terġa’ tmur għall-agħar mill-istat preżenti tagħha fejn qed tagħmel profitt b’mod moderat. Dan jista’ jfisser tnaqqis qawwi fl-investimenti u fin-numru ta' impjegati.

(139)

Jekk, iżda, il-miżuri jinżammu, dan jagħti lok lill-industrija Komunitarja biex tirkupra aktar u b’mod partikolari tikseb perspettiva li tagħti lok għall-investimenti meħtieġa sabiex tkun żgurata li l-industrija hi vijabbli u kompetittiva fit-tul. Għalhekk, il-fatt li l-miżuri jibqgħu għaddejjin hu fl-interess ta’ l-industrija Komunitarja.

(140)

L-importaturi tal-potassa li kkooperaw kienu ġeneralment kontra t-titwil tal-miżuri ta' anti-dumping.. Huma lmentaw li jekk il-miżuri jibqgħu għaddejjin ikollhom influwenza negattiva billi jaqtgħu r-rabtiet mal-fornituri tradizzjonali tagħhom, b’mod partikolari, jekk l-impriżi ma jitkomplewx. Huma lmentaw ukoll li l-produtturi tal-Komunità jistgħu, jekk id-dazji jiġu mtawla, jiżviluppaw pożizzjoni dominanti fis-suq tal-Komunità, b'hekk inaqqsu l-kompetizzjoni libera fi ħdan il-Komunità għal minimu li jwassal biex ikompli jgħolli aktar il-prezzijiet fil-Komunità. Importatur wieħed, iżda, ilmenta li l-qagħda preżenti bil-miżuri fis-seħħ tiggarantixxi żvilupp korrett tas-suq. Konsegwentement, dan l-importatur talab li l-miżuri ta’ anti-dumping jinżammu.

(141)

Filwaqt li fil-15-il Stat Membru ta’ l-UE ħafna mill-potassa mill-pajjiżi kkonċernati kienet importata taħt l-IPR, l-impriżi tat-tkabbir taw lok li jsiru importazzjonijiet mingħajr dazju mill-pajjiżi konċernati taħt ċerti kundizzjonijiet. Barra minn hekk, importazzjonijiet minn terza pajjiżi oħra baqgħu fuq livell x’aktarx stabbli, bi prezz tas-suq ta’ 15 %. Għalhekk kien hemm kompetizzjoni sostanzjali fis-suq tal-Komunità u m’hemm l-ebda raġuni biex wieħed jistenna li din se tinbidel. L-argument li jikkonċerna l-pożizzjoni allegatament dominanti ta’ l-industrija Komunitarja għandu għalhekk ikun imwarrab.

(142)

Wara li jintwerew is-sejbiet, numru ta’ partijiet interessati insistew li t-tkomplija tal-miżuri se twassal għal qagħda mhux kompetittiva, fejn l-industrija Komunitarja tkun tgawdi pożizzjoni dominanti. F’dan ir-rigward, ta’ min jinnota li ma nstabet l-ebda indikazzjoni waqt l-investigazzjoni li l-eżistenza tal-miżuri, aparti milli jitnaqqsu l-effetti ta' dumping offensiv, modifikat sostanzjalment il-qagħda kompetittiva favur l-industrija Komunitarja. Kuntrarjament għal dan, l-importazzjonijiet mill-pajjiżi konċernati żdiedu wkoll u l-importazzjonijiet minn terza pajjizi jibqgħu jirrappreżentaw sehem sostanzjali mis-suq tal-Komunità. Għalhekk, l-ebda element ma jidher li jindika li jekk il-miżuri jibqgħu għaddejjin jistgħu jwasslu biex il-qagħda kompetittiva tas-suq Komunitarju tmur għall-agħar.

(143)

Fir-rigward ta’ l-allegat aċċess diffiċli li l-kummerċjanti għandhom għall-potassa impurtata, din l-istqarrija ma kinetx imsaħħa. Għalhekk, din l-istqarrija kellha tiġi miċħuda.

(144)

Ta’ min jinnota wkoll li l-importaturi (l-kummerċjanti) tal-potassa ħafna drabi jimportaw ukoll prodotti oħra. Għalkemm xi importaturi jiffukaw in-negozju tagħhom fuq il-potassa, għal importaturi oħra n-negozju tal-potassa huwa biss 10 % tan-negozju tagħhom. Barra minn hekk, l-importaturi li bħalissa qed jiffukaw fuq il-potassa indikaw li jistgħu jdawru ħarsithom lejn prodotti oħra mitluba mill-klijentela tagħhom, primarjament fertilizzanti oħra. Wara li ntwerew is-sejbiet, iżda, importatur wieħed u assoċjazzjoni waħda ta’ l-importaturi qalu li ċerti importaturi qed jiddependu ħafna fuq importazzjonijiet tal-potassa mill-Belarus u ma tantx ikunu jistgħu jaqilbu għal sorsi oħra ta’ fornitura f’każ li l-miżuri jinżammu. Instab, iżda, li bidla lejn sorsi oħra ta’ fornitura, eż. l-industrija Komunitarja jew importazzjonijiet minn pajjiżi barra l-Belarus, hija tabilħaqq possibbiltà li teżisti għall-importaturi. Għalkemm din il-bidla jista’ jkollha xi impatt fuq ir-riżultati ekonomiċi u finanzjarji ta’ dawn l-importaturi, hu meqjus li l-livell ta’ profitt li jistgħu jagħmlu ma jkunx tant affettwat li jagħmel ħsara biex jibqgħu vijabbli fit-tul. Fid-dawl ta’ l-argumenti kollha mressqa mill-importaturi, wieħed jikkonkludi li l-effetti tal-miżuri ta’ anti-dumping fuq il-qagħda finanzjarja ta’ l-importaturi huma relattivament limitati. Tabilħaqq, abbażi tat-tweġibiet ivverifikati tal-kwestjonarju, instab li l-ammont ta’ profitt ta’ l-importaturi ma ġiex affettwat b’mod negattiv s’issa mill-miżuri eżistenti ta' anti-dumping. M’hemm l-ebda raġunijiet biex wieħed jaħseb li din il-qagħda tinbidel sew jekk il-miżuri jinżammu.

(145)

Għalhekk wieħed jikkonkludi li jekk il-miżuri jibqgħu għaddejjin ma jkollhom l-ebda impatt sostanzjali fuq il-qagħda ta’ l-importaturi (kummerċjanti).

(146)

L-ebda kooperazzjoni ma nkisbet minn dawk li jużaw direttament il-potassa bħala fertilizzant (il-bdiewa), għalkemm l-organizzazzjoni rappreżentattiva tagħhom irċeviet kwestjonarju. Assoċjazzjoni waħda ta’ bidwi ta’ Stat Membru, iżda, sostniet li d-dazji ta’ anti-dumping jagħmlu ħsara lill-pożizzjoni tal-bdiewa f’suq kompetittiv fejn il-prezzijiet ta’ l-importazzjoni ta’ inputs bħall-fertilizzanti huma regolati filwaqt li l-prezzijiet ta’ l-oġġetti ta’ l-ikel impurtati mhumiex.

(147)

Dan l-argument m'għandux jiġi aċċettat minħabba li l-miżuri ta' anti-dumping ma jittrattawx il-mistoqsijiet globali li jikkonċernaw il-politika agrikola. L-investigazzjonijiet ta’ anti-dumping jimmiraw biss biex jerġgħu jistabbilixxu sitwazzjoni ta’ kummerċ ġust wara mġiba ta’ dumping offensiv. Fin-nuqqas ta’ kull argument ieħor sostanzjali u kull indikazzjoni li l-miżuri eżistenti ta’ anti-dumping kieku kellhom effett negattiv fuq il-bdiewa, wieħed irid jikkonkludi li jekk jibqgħu għaddejjin id-dazji ta’ anti-dumping ma jkollhomx impatt negattiv għall-bdiewa.

(148)

Dawk li jużaw il-prodott li taw tweġibiet għall-kwestjonarju kienu kollha fabbrikanti tal-fertilizzanti li jixtru l-potassa mill-industrija Komunitarja u anki jimpurtawha mill-pajjiżi konċernati jew minn terza pajjiżi. Għalihom, il-potassa hija materjal mhux maħdum biex jipproduċu l-fertilizzanti li ħafna drabi fihom tliet nutrijenti differenti: in-nitroġenu, il-fosfat u l-potassa (fertilizzanti NPK jew fertilizzant kompost). Dan ifisser li l-potassa hija waħda mill-elementi ta’ spejjeż għall-prodotti finali tagħhom, li tirrappreżenta bejn 15 u 30 % ta' l-ispiża tal-produzzjoni. Matul il-perjodu kkunsidrat il-prezzijiet tal-produzzjoni tal-fertilizzanti li fihom il-potassa naqsu b’mod sinifikanti fl-2002 u fl-2003, segwiti b’żieda moderata matul il-PI, mingħajr ma laħqu l-livelli prevalenti fl-2001. Għalhekk wieħed jista’ jikkonkludi li l-miżuri ta’ anti-dumping fuq il-potassa ma kellhom l-ebda impatt sinifikanti fuq l-istruttura tal-prezz tal-fabbrikanti tal-fertilizzant.

(149)

Ħafna minn dawn li jużaw il-prodott ilmentaw bl-istess mod bħall-importaturi kontra li l-miżuri jibqgħu għaddejjin. Iżda, produttur wieħed tal-fertilizzant qal li jkun fl-interess tiegħu li jkun hemm produtturi tal-potassa kemm fil-Komunità kif ukoll barra minnha anki fil-futur.

(150)

Peress li l-produtturi tal-fertilizzant li jikkompetu f’terza pajjiżi ma jħallsux dazji ta’ anti-dumping fuq ix-xiri tagħhom tal-potassa, il-fabbrikanti tal-fertilizzanti fil-Komunità wkoll qalu li mhumiex kapaċi jikkompetu mal-prezzijiet tal-prodott finali offrut mill-kompetituri tagħhom barranin. F’dan ir-rigward, ta’ min jinnota, iżda li, il-fabbrikanti tal-fertilizzanti fil-Komunità għandhom il-possibbiltà li jimportaw taħt l-IPR, jiġifieri mingħajr ma jħallsu dazji ta' anti-dumping. Barra minn hekk, ta’ min jiftakar li sorsi oħra ta’ fornitura jeżistu, kemm f’terza pajjiżi li mhumiex suġġetti għall-miżuri ta’ anti-dumping, kif ukoll fil-Komunità. Barra minn hekk, l-investigazzjoni ma wrietx li dawn in-nies li jużaw il-prodott ma kinux kapaċi jikkompetu mal-fertilizzanti komposti impurtati fis-suq tal-Komunità.

(151)

Abbażi ta’ dan t’hawn fuq, wieħed jikkonkludi li l-miżuri ma kellhomx impatt negattiv sinifikanti fuq il-qagħda ta’ min juża’ l-prodott. Tabilħaqq, l-impatt tal-miżuri fuq l-ammont ta' profitt tal-fabbrikanti tal-fertilizzant matul il-perjodu kkunsidrat kien minimu u l-ebda elementi ma tressqu biex jindikaw li dan jista’ jinbidel jekk il-miżuri jinżammu. Għalhekk wieħed jikkonkludi li l-interessi ta’ min juża’ l-prodott huma tali li jipprojbixxi li l-miżuri jibqgħu għaddejjin.

(152)

Il-miżuri fil-forma preżenti tagħhom żgur kellhom effett li jistabbilizzaw fuq l-industrija Komunitarja li kienet kapaċi toħroġ mill-perjodu ta' telf u terġa' tikseb sitwazzjoni fejn tagħmel profitt b'mod moderat. Dan l-iżvilupp ma kienx ikun possibbli mingħajr miżuri. Iżda, dan ma setax jipprevjeni aktar konċentrazzjoni tas-suq kif jixhed it-teħid ta' żewġ produtturi tal-Komunità mill-Grupp ICL minn Iżrael. Barra minn hekk, kien hemm għeluq ta' l-industrija tal-potassa Franċiża fl-2001 minħabba li l-minjieri kienu eżawriti. L-importaturi u dawk li jużaw il-prodott kienu argumentaw li dan l-iżvilupp wassal prattikament għal duwopolju fis-suq ta' l-UE, billi żamm il-prezz tas-suq aktar minn 70 %, fil-15-il Stat Membru ta' l-UE anki aktar minn 80 %. Għalhekk, sostnew li l-miżuri preżenti affettwaw is-suq b’tali mod li xekklu l-kompetizzjoni.

(153)

Dan l-argument irid jiġi mwarrab, għaliex il-miżuri preżenti taw lok biex l-industrija Komunitarja żżomm l-operazzjonijiet tagħha u tirkupra parzjalment mill-effetti tad-dumping offensiv. Fin-nuqqas ta’ miżuri, kien ikun probabbli li l-kompetizzjoni kienet tonqos anki aktar, minħabba li l-produtturi tal-Komunità kienu jkunu mġiegħla jagħlqu l-produzzjoi tal-potassa. Għalhekk, jekk il-miżuri jibqgħu għaddejjin jinżamm milli jkun hemm aktar tnaqqis fil-kompetizzjoni billi jingħata lok biex l-industrija Komunitarja tibqa' ħajja u kompetittiva.

(154)

Barra minn hekk, ta’ min jiftakar ukoll li l-preżenza ta’ numru ta’ kompetituri oħra fis-suq tal-Komunità minn terza pajjiżi, kif ukoll mill-pajjiżi konċernati assigura kompetizzjoni fis-suq tal-Komunità u m’hemm l-ebda raġuni biex wieħed jassumi li dan jista’ jinbidel jekk il-miżuri jinżammu.

(155)

Wara li ġew analizzati l-interessi differenti involuti, wieħed jasal għall-konklużjoni li, min-naħa, jekk il-miżuri ta' anti-dumping jibqgħu għaddejjin x’aktarx li jkun hemm żvilupp stabbli u prevedibbli għas-suq tal-potassa tal-Komunità, li jagħti lok lill-industrija Komunitarja biex tirkupra aktar u tibqa’ kompetittiva taħt il-kundizzjonijiet ġusti ta’ kompetizzjoni. Min-naħa l-oħra, jekk l-industrija Komunitarja titħalla mingħajr protezzjoni biżżejjed kontra l-importazzjonijiet iddampjati x’aktarx li probabbilment jitneħħa għal kollox l-ammont żgħir ta' profitt tagħha li kisbet fis-snin riċenti u twassal biex il-qagħda tagħha tmur sew għall-agħar. Fil-fatt, jekk il-miżuri jiskadu, l-industrija Komunitarja fil-probabbiltà kollha tkun sfurzata tħalli s-suq bil-mod u parti kbira mis-suq tittieħed mill-esportaturi tal-Belarus u tar-Russja, li jħallu għażla ħafna iktar limitata tas-sorsi tal-potassa għall-importaturi, il-bdiewa u min juża’ l-prodotti fil-Komunità. Għalhekk, il-vantaġġ fil-prezz għall-importaturi, li jirriżulta milli l-miżuri ta' anti-dumping jitħallew jiskadu, hu misbuq ħafna iktar mill-benefiċċji għall-industrija tal-Komunità li joħorġu milli l-miżuri ta' anti-dumping offensiv jibqgħu għaddejjin.

(156)

L-iżvantaġġ għal min juża’ l-prodott u għal dawk li jużawh fl-aħħar meta l-miżuri jinżammu hu meqjus li hu limitat ħafna meta mqabbel mal-perspettiva biex tinkiseb industrija Komunitarja stabbli u vijabbli. Fil-fatt, it-titwil tal-miżuri ma jbiddel xejn mill-kundizzjonijiet preżenti tas-suq, li taħthom min juża’ l-prodott ma kienx sostanzjalment affettwat. L-effetti negattivi li x’aktarx ikun hemm fuq il-qagħda ta’ l-industrija Komunitarja qed jisbqu l-piż possibbli għal min juża' l-prodott u dawk li jagħmlu użu aħħari minnu, li mhux se jkun differenti mill-qagħda li teżisti bħalissa. Għalhekk wieħed jikkonkludi li m’hemm l-ebda raġunijiet interessanti kontra t-titwil tal-miżuri eżistenti ta’ anti-dumping.

(157)

Fil-qafas tar-reviżjoni fl-intervall li tikkonċerna l-importazzjonijiet tal-potassa li toriġina fil-Belarus, kien eżaminat ukoll jekk iċ-ċirkostanzi mibdula fir-rigward ta' l-investigazzjoni oriġinali li tirrigwarda d-dumping jistgħux jitqiesu b'mod raġonevoli li għandhom natura dejjiema skond l-Artikolu 11(3) tar-Regolament bażiku.

(158)

Billi jitqabblu l-valuri normali u l-prezzijiet ta’ l-esportazzjoni misjuba bejn l-investigazzjoni ta’ qabel u dik preżenti ġie stabbilit li, wara li tqisu t-tipi ta’ prodotti paragunabbli, il-valur normali żdied b'mod konsiderevoli, iżda l-prezz medju ta’ l-esportazzjoni żdied ħafna iktar, u wassal għal livelli mnaqqsa ta’ dumping. Fir-rigward tal-prezzijiet ta' l-esportazzjoni mill-Belarus lejn swieq oħra, instab li ġeneralment jaqblu mal-prezzijiet ta' l-esportazzjoni lejn is-suq ta’ l-UE. L-ebda evidenza ma nstabet li l-esportazzjonijiet mill-Belarus ma jibqgħux isiru bi prezzijiet iddampjati, iżda fuq livell ibaxx mill-passat. Meta wieħed iqis dan t’hawn fuq, hu sikur biex jikkonkludi li l-livell il-ġdid ibaxx ta’ dumping huwa ta’ natura dejjiema.

(159)

Fid-dawl ta’ dawn il-fatturi kollha, hu meqjus xieraq biex jiġu emendati l-miżuri eżistenti fir-rigward tal-Belarus, billi jitbaxxa l-marġni ta' dumping għal dak stabbilit fl-investigazzjoni preżenti.

(160)

Skond l-Artikolu 9(4) tar-Regolament bażiku, l-ammont ta’ dazju ta’ anti-dumping m’għandux jeċċedi l-marġni ta’ dumping stabbilit, iżda għandu jkun inqas minn dak il-marġni jekk dak id-dazju inqas ikun biżżejjed biex ineħħi d-dannu ta’ l-industrija Komunitarja. Peress li d-dazji eżistenti għall-Belarus kienu ġew ikkalkulati abbażi tal-marġni ta’ dumping, u peress li l-marġni l-ġdid ta’ dumping huwa ibaxx minn dak ikkalkulat qabel, id-dazju għandu jkun aġġustat għal-livell ta' dumping ibaxx misjub f'din l-investigazzjoni, l-aktar 27,5 %.

(161)

Wara li ntwerew is-sejbiet definittivi, il-produttur li jesporta fil-Belarus offra prezz għall-impriża.

(162)

Hija l-prassi normali tal-Kummissjoni biex ma taċċettax impriżi mingħand kumpaniji li ma jissodisfawx il-kriterji għal trattament ta’ l-ekonomija tas-suq jew trattament individwali bħala impriżi minn dawk il-kumpaniji hi meqjusa mhux prattika. Dan minkejja, f'ċirkostanzi partikolari, jistgħu jiġu aċċettati impriżi minn dawk il-kumpaniji. Dawn iċ-ċirkostanzi jkunu jeħtieġu, b’mod partikolari, involviment mill-awtoritajiet ta’ l-Istat fil-pajjiż li jesporta biex jassiguraw li l-kundizzjonijiet ta’ l-impriża huma mħarsa.

(163)

Fattur kruċjali biex tiġi aċċettata kull impriża huwa li trid tissodisfa r-relazzjoni ta’ fiduċja bejn il-Komunità u l-partijiet fl-impriża. F'dan ir-rigward, ta' min jiftakar li l-Kunsill impona ċerti miżuri ristrettivi kontra l-President Lukashenko u ċerti uffiċjali mill-Belarus permezz ta' Pożizzjoni Komuni 2006/276/PESK (12) u Regolament tal-Kunsill (KE) Nru 765/2006 (13). Ta’ min jiftakar ukoll li Belaruskali hija kumpanija għal kollox ta’ Stat u għalhekk l-awtoritajiet preżenti għandhom influwenza diretta u deċiżiva fuq l-operazzjonijiet tal-kumpanija. Għalhekk, peress li l-Kummissjoni ma setgħetx tissodisfa ruħha li kien hemm relazzjoni ta’ fiduċja bejn il-Komunità u l-partijiet kollha fl-impriża, ikkonkludiet li l-offerta ta’ l-impriża minn Belaruskali ma kinetx prattikabbli. Konsegwentement, l-offerta ġiet miċħuda.

(164)

Minħabba l-konklużjonijiet milħuqa fir-rigward ta’ li d-dumping jibqa' jsir, il-probabbiltà li jerġa’ jsir id-dannu u l-interess tal-Komunità, għandhom ikunu imposti miżuri fuq l-importazzjonijiet mill-Belarus u mir-Russja sabiex iżommu milli jerġa' jsir dannu li qed jiġi kkawżat lill-industrija Komunitarja mill-importazzjonijiet iddampjati.

(165)

Fid-dawl tas-sejbiet t’hawn fuq u skond l-Artikolu 11(2) tar-Regolament bażiku, il-miżuri fuq l-importazzjonijiet tal-potassium chloride li joriġina fir-Russja imposti mir-Regolament (KEE) Nru 3068/92, kif emendat l-aħħar mir-Regolament (KE) Nru 1891/2005, għandhom jinżammu.

(166)

Impriżi offruti miż-żewġ produtturi Russi ġew aċċettati fil-qafas ta’ reviżjonjiiet parzjali fil-frattemp li ntemmu permezz tar-Regolament (KE) Nru 1891/2005.

(167)

Fid-dawl tas-sejbiet t'hawn fuq u skond l-Artikolu 11(3) tar-Regolament bażiku, il-miżuri dwar importazzjonijiet tal-potassium chloride li joriġina fil-Belarus għandhom ikunu modifikati. Il-miżuri eżistenti għall-Belarus huma magħmula minn ammonti fissi li jvarjaw minn EUR 19,51/tunnellata għal EUR 48,19/tunnellata, skond it-tip ta’ prodott. Waqt il-perjodu ta’ investigazzjoni preżenti, iżda, instab li l-esportazzjonijiet kollha lejn il-Komunità minn Belaruskali kienu limitati għal tipi ta’ prodotti li jaqgħu taħt żewġ kodiċi NM. B’dan il-mod, minħabba l-informazzjoni fuq it-tipi ta’ prodotti oħra, u peress li t-tipi partikolari ta’ potassa konċernati jidhru li jinbiegħu l-aktar, l-aktar strateġija raġonevoli biex jiġu implimentati d-dazji emendati hu meqjus li hu t-tibdil ta’ l-ammonti fissi kollha b’dazju ad valorem jew prezz minimu ta’ importazzjoni, ibbażat fuq il-kondizzjonijiet tas-suq prevalenti fis-suq tal-potassa matul il-PI.

(168)

Peress li l-livell ta’ dumping li nstab hu aktar baxx mill-marġni ta' dannu stabbilit fl-investigazzjoni ta' qabel, ir-rata tad-dazju ad valorem għandha tkun iffissata fuq il-livell ta' dumping li hu 27,5 %.

(169)

Fid-dawl tal-kundizzjonijiet speċjali tas-suq prevalenti fis-suq tal-potassa, jiġifieri ż-żieda fil-prezzijiet ta’ esportazzjoni tal-prodott konċernat bejn l-2003 u l-PI, liema żieda fil-fatt issuktat fl-2005 u l-2006, tqies li hu xieraq li jiġu imposti miżuri fil-forma ta’ prezz minimu fuq l-importazzjoni (“MIP”) (i) ibbażat fuq is-sejbiet stabbiliti għall-perjodu ta’ investigazzjoni billi jneħħu l-effetti tad-dumping offensiv misjub għal tipi ta’ prodotti li jaqgħu taħt il-kodiċi tan-NM 3104 20 50 (il-kodiċi TARIC 3104 20 50 10 u 3104 20 50 90) u 3104 20 90 (il-kodiċi TARIC 3104 20 90 00) importati fil-Komunità matul il-PI li jirrappreżentaw l-aktar tipi ta’ prodotti voluminużi li probabbilment huma dawk li jiġu impurtati fil-Komunità anki matul il-perjodu kopert bil-miżuri estiżi, u (ii) minħabba r-riskju li jistgħu jaħarbu mill-miżura marbuta maċ-ċirkostanzi partikolari deskritti fil-premessa (163) hawn fuq, sa marġni kwantitattiv li lil hemm minnu għandu japplika dazju ad valorem ta’ 27,5 %. L-istess dazju ad valorem għandu japplika wkoll fuq l-importazzjonijiet li jaqgħu fi ħdan il-marġni kwantitattiv jekk il-prezz minimu ta’ l-importazzjoni ma jkunx imħares jew jekk l-importazzjonijiet tal-prodott suġġetti għall-miżuri ppreżentati għar-rilaxx f’ċirkolazzjoni libera jaqgħu taħt dawk il-kodiċi NM, li għalihom mhu applikabbli l-ebda prezz minimu fuq l-importazzjoni (jiġifieri kodiċi NM 3104 20 10 , ex 3105 20 10 (kodiċi TARIC 3105 20 10 10 u 3105 20 10 20), ex 3105 20 90 (kodiċi TARIC 3105 20 90 10 u 3105 20 90 20), ex 3105 60 90 (kodiċi TARIC 3105 60 90 10 u 3105 60 90 20), ex 3105 90 91 (kodiċi TARIC 3105 90 91 10 u 3105 90 91 20), ex 3105 90 99 (kodiċi TARIC 3105 90 99 10 u 3105 90 99 20).) Konsegwentement, marġni kwantitattiv għandu jkun stabbilit b’referenza għall-ħidma riċenti fl-esportazzjoni matul is-sena 2005 ta' l-esportatur tal-Belarus lejn il-Komunità, għaliex dan huwa kwantità ta' esportazzjoni li jista' jintlaħaq mill-esportatur mingħajr ma jkollu għalfejn jaħrab mill-MIP. Abbażi ta’ dan, marġni kwantitattiv għall-prezz minimu ta’ importazzjoni għandu jkun stabbilit għal 700 000 tunnellata kull sena għall-oġġetti mħollija jidħlu fis-suq.

(170)

Sabiex iqis il-fatt li l-prodotti jitwasslu fuq kemm il-kundizzjonijiet tad-DAF u tas-CIF (port tal-Komunità) (kif definit f’Incoterms 2000) u li l-ispejjeż tal-ġarr, tat-tqandil u tat-tagħbija inklużi fil-prezzijiet ikkwotati għandhom differenzi sinifikanti skond jekk il-ġarr issir bit-trasport bl-art lejn fruntiera fuq l-art fil-Komunità (fuq il-kundizzjonijiet tad-DAF) jew bit-trasport bil-baħar minn portijiet marittimi f’terza pajjiżi lejn port fil-Komunità (kundizzjonijiet tas-CIF (port tal-Komunità)), l-MIPs li qed jirreferu għal dawn iż-żewġ tipi ta’ twassil għandhom ikunu differenzjati.

(171)

Il-Kunsill jirrikonoxxi li d-dħul ta’ marġni kwantitattiv jirrikjedi sistema ta’ maniġjar li ma tistax titħaddem qabel id-dħul fis-seħħ ta’ dan ir-Regolament. Minħabba l-kumplessità ta’ dan is-suġġett, il-Kunsill qies li jixraq li l-Kummissjoni li tistipula permezz tar-Regolament il-modalitajiet hħall-implimentazzjoni tas-sistema ta’ ġestjoni tal-marġni kwantitattiv jekk huwa teknikament possibbli.

(172)

Il-Kunsill jirrikonoxxi wkoll li minħabba l-fatt li r-Regolament li jibdel il-forma u l-livell preżenti tal-miżura jidħol fis-seħħ biss fit-tieni nofs ta’ l-2006, u li esportazzjonijiet tal-prodott konċernat li qed jiżdiedu b’mod sinifikanti fil-preżent joffru diffikultajiet loġistiċi, ir-riskju li jaħarbu mill-miżuri msemmija fil-premessa (169) fil-preżent hu limitat. Għalhekk, meta jitqiesu d-diffikultajiet tekniċi msemmija fil-premessa (171) u minħabba r-riskju limitat, jidher li jixraq li ma jiġix impost marġni kwantitattiv f’dan l-istadju. Għalhekk, l-MIPs u d-dazju ad valorem kif imfissra fil-premessa (169) hawn fuq għandhom japplikaw minn meta jidħol fis-seħħ dan ir-Regolament.

(173)

Minkejja dan, jekk il-kwantità li titħalla tidħol fis-suq, kif stabbilit mill-Kummissjoni abbażi tad-dejta miġbura skond l-Artikolu 14(6) tar-Regolament bażiku, fi kwalunkwe sena kalendarja, jew għall-bqija tas-sena 2006 fuq bażi pro rata temporis, teċċedi b’mod sinifikanti s-700 000 tunnellata li tirrifletti l-kwantitajiet tradizzjonali kif stabbilit fik-premessa (169) hawn fuq, u għar-raġunijiet imsemmija f’dik il-premessa u b’referenza għaċ-ċirkostanzi partikolari deskritti fil-premessa (163) hawn fuq il-Kummissjoni għandha tressaq proposta lill-Kunsill għall-impożizzjoni tad-dazju ad valorem li jikkonċerna l-prodotti kollha li jaqgħu taħt id-definizzjoni tal-prodott ta’ din l-investigazzjoni.

(174)

Sabiex jiġi assikurat li l-MIP jitħares b'mod effettiv, l-importaturi għandhom ikunu konxji li meta jinstab li wara li ssir verifikazzjoni wara l-importazzjoni li (i) l-prezz nett, b’xejn fil-fruntiera tal-Komunità (jiġifieri ħieles mid-dazji doganali u kull spejjeż wara l-importazzjoni, bħal spejjeż tat-tqandil, tagħbija u ġarr) imħallsa fil-verità mill-ewwel klijent indipendenti fil-Komunità (prezz ta’ wara l-importazzjoni) huwa inqas mill-prezz nett, b’xejn fil-fruntiera tal-Komunità, qabel id-dazju, kif irriżulta mid-dikjarazzjoni tad-dwana; u ii) il-prezz ta' wara l-importazzjoni hu inqas mill-MIP, id-dazju ad valorem għandu japplika b'lura fuq it-transazzjonijiet rilevanti. L-awtoritajiet tad-dwana għandhom jgħarrfu lill-Kummissjoni minnufih kull meta jinstabu indikazzjonijiet ta' dikjarazzjoni ħażina.

(175)

F’dan il-kuntest, qed issir referenza għar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (14), inter alia, għall-Artikolu 78, li skond liema l-awtoritajiet tad-dwana jistgħu jispezzjonaw id-dokumenti kummerċjali u d-dejta marbuta ma’ l-operazzjonijiet ta’ importazzjoni jew esportazzjoni fir-rigward ta’ l-oġġetti konċernati jew għall-operazzjonijiet kummerċjali sussegwenti li jinvolvu dawk l-oġġetti. Dawk l-ispezzjonijiet jistgħu jsiru fil-bini tad-dikjarant, jew ta’ xi persuna oħra li hi direttament jew indirettament involuta fl-operazzjonijiet imsemmija f’kapaċità ta’ negozju jew xi persuna oħra li għandha d-dokument imsemmi u d-dejta għall-fini ta' negozju,