27.12.2005   

MT

Il-Ġurnal Uffiċjali ta’ l-Unjoni Ewropea

1

(1)

Il-prassi ta’ l-għoti ta’ l-għajnuna, b’mod dirett jew indirett, għax-xiri ta’ merkanzija u s-servizzi mixtrija permezz ta’ dik l-għajnuna mill-pajjiż donatur tnaqqas l-effettività tagħha u mhix koerenti ma’ politika ta’ l-iżvilupp favur il-foqra. It-tneħħija ta’ l-għajnuna mhix għan fiha innifisha iżda għandha tintuża bħala għodda biex jissaħħu elementi oħra fil-ġlieda kontra l-faqar bħal ma huma l-proprjetà, l-integrazzjoni reġjonali u l-bini ta’ kapaċità, b’enfasi partikolari fuq it-tisħiħ tal-pożizzjoni ta’ fornituri lokali u reġjonali ta’ merkanzija u servizzi f’pajjiżi li qed jiżviluppaw.

(2)

F’Marzu 2001, il-Kumitat ta’ l-Għajnuna għall-Iżvilupp (DAC) ta’ l-Organizazzjoni għall-Koperazzjoni Ekonomika u l-Iżvilupp (OECD) adotta “Rakkomandazzjoni dwar Tneħħija ta’ Rbit fuq l-Għajnuna Uffiċjali għall-Iżvilupp għall-Pajjiżi l-Inqas Żviluppati” (3). L-Istati Membri adottaw dawn ir-rakkomandazzjonijiet u l-Kummissjoni rrikonoxxiet l-ispirtu ta’ din ir-Rakkomandazzjoni bħala gwida għall-għajnuna tal-Komunità.

(3)

Fl-14 ta’ Marzu 2002, il-Kunsill ta’ l-Affarijiet Ġenerali li sar flimkien mal-Kunsill Ewropew f’Barċellona bi preparazzjoni għall-Konferenza Internazzjonali fuq il-Finanzjament għall-Iżvilupp, li saret f’Monterrey bejn it-18 u t-22 ta’ Marzu 2002, ikkonkluda li l-Unjoni Ewropea għandha “timplimenta r-rakkomandazzjonijiet tad-DAC dwar it-tneħħija ta’ l-irbit ta’ l-għajnuna għall-Pajjiżi l-Inqas Żviluppati u tkompli d-diskussjonijiet bil-għan li tkompli tnaqqas l-irbit fuq l-għajnuna bilaterali. L-UE għandha tikkonsidra wkoll passi sabiex tnaqqas l-irbit ta’ l-għajnuna tal-Komunità filwaqt li żżomm is-sistema eżistenti tal-preferenzi tal-prezzijiet tal-qafas EU-ACP”.

(4)

Fit-18 ta’ Novembru 2002, il-Kummissjoni adottat komunikazzjoni lill-Kunsill u lill-Parlament Ewropew intitolata “Tneħħija ta’ rbit: Żieda fl-effettività ta’ l-għajnuna”. Hi ppreżentat l-opinjonijiet tal-Kummissjoni dwar is-suġġett u l-għażliet possibli għall-implimentazzjoni ta’ l-impenn ta’ Barċellona msemmi hawn fuq fis-sistema ta’ l-Assistenza ta’ l-Għajnuna ta’ l-UE.

(5)

Fil-Konklużjonijiet dwar it-Tneħħija ta’ l-Irbit fuq l-Għajnuna ta’ l-20 ta’ Mejju 2003 il-Kunsill enfasizza l-bżonn li jitneħħa iżjed l-irbit fuq l-għajnuna tal-Komunità. Hu qabel li l-modalitajiet dettaljati għall-Komunikazzjoni msemmija hawn fuq huma deċiżi fuq l-għażliet proposti.

(6)

Fl-4 ta’ Settembru 2003, il-Parlament Ewropew adotta riżoluzzjoni dwar il-komunikazzjoni tal-Kummissjoni hawn fuq imsemmija (4), li fiha indika l-bżonn li jkompli jitneħħa l-irbit mill-għajnuna tal-Komunità. Hija appoġġat il-modalitajiet speċifikati fil-Komunikazzjoni hawn fuq msemmija u qablet ma’ l-għażliet proposti. Hi enfasizzat il-bżonn li jkun hemm aktar dibattitu fil-fond bl-intenzjoni li jitneħħa iktar irbit fuq il-bażi ta’ studji kumplimentari u ta’ proposti dokumentati, u talbet b’mod espliċitu li jkun hemm “preferenza ċara għal koperazzjoni lokali u reġjonali, waqt li jitpoġġew f’ordni ta’ prijorità - skond l-importanza - il-fornituri mill-pajjiż destinatarju, pajjiżi ġirien li qed jiżviluppaw u pajjiżi oħra li qed jiżviluppaw”, sabiex jissaħħu l-isforzi tal-pajjiżi benefiċjarji biex itejbu l-produzzjoni tagħhom fuq livell nazzjonali, reġjonali, lokali u tal-familja, kif ukoll l-azzjonijiet li għandhom l-għan li jtejbu d-disponibiltà u l-aċċessibiltà tal-pubbliku għal prodotti ta’ l-ikel u ta’ servizzi bażiċi, b’mod konsistenti mad-drawwiet lokali u mas-sistemi ta’ produzzjoni u ta’ kummerċ.

(7)

Hemm bżonn li jiġu indirizzati diversi elementi biex jiġi stabbilit l-aċċess għall-għajnuna esterna tal-Komunità. Ir-regoli dwar l-eliġibilità li jirregolaw l-aċċess ta’ persuni huma msemmija fl-Artikolu 3. Ir-regoli dwar l-ingaġġ ta’ esperti u l-oriġini tal-provvisti u tal-materjali mixtrija minn persuni eleġibbli huma stabbiliti fl-Artikoli 4 u 5 rispettivament. Id-definizzjoni u l-modalitajiet ta’ l-implimentazzjoni tar-reċiproċità jinsabu fl-Artikolu 6. Id-derogi u l-implimentazzjoni tagħhom huma definiti fl-Artikolu 7. Id-dispożizzjonijiet speċifiċi dwar l-operazzjonijiet iffinanzjati permezz ta’ organizzazzjoni internazzjonali, organizzazzjoni reġjonali, jew kofinanzjati ma’ pajjiż terz, huma definiti fl-Artikolu 8. Id-dispożizzjonijiet speċifiċi għall-iskopijiet ta’ għajnuna umanitarja huma definiti fl-Artikolu 9.

(8)

L-aċċess għall-assistenza esterna tal-Komunità huwa definit fl-atti bażiċi li jirregolaw tali assistenza, flimken mar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għal budget ġenerali tal-Komunitajiet Ewropej (5) (hawn aktar ’il quddiem “Ir-Regolament Finanzjarju”). It-tibdil magħmul minn dan ir-Regolament għall-aċċess ta’ l-għajnuna tal-Komunità għandhom iwasslu għal emendi għal dawk l-istrumenti kollha. Il-modifiki kollha għall-atti bażiċi konċernati huma mniżżla fl-Anness I ta’ dan ir-Regolament.

(9)

Meta tingħata offerta skond strument Komunitarju, għandha tingħata kunsiderazzjoni speċjali għar-rispett ta’ l-istandards internazzjonali miftiehma dwar ix-xogħol ta’ l-Organizzazzjoni Internazzjonali għax-Xogħol (ILO), pereżempju l-konvenzjonijiet dwar il-libertà ta’ assoċjazzjoni u n-negozjar kollettiv, l-eliminazzjoni tax-xogħol infurzat u obbligatorju, l-eliminazzjoni tad-diskriminazzjoni fir-rigward ta’ l-impjiegi u l-okkupazzjoni, u l-eliminazzjoni tax-xogħol minorili.

(10)

Meta tingħata offerta skond strument Komunitarju, għandha tingħata kunsiderazzjoni speċjali għar-rispett tal-konvenzjonijiet miftiehma internazzjonalment dwar l-ambjent li ġejjin: il-Konvenzjoni dwar id-Diversità Bijoloġika ta’ l-1992, il-Protokoll ta’ Kartaġena dwar il-Bijosigurtà ta’ l-2000 u l-Protokoll ta’ Kjoto dwar il-Konvenzjoni-Qafas tan-Nazzjonijiet Uniti dwar il-Bidla fil-Klima ta’ l-1997.

27.12.2005   

MT

Il-Ġurnal Uffiċjali ta’ l-Unjoni Ewropea

15

(1)

Azzjoni mill-Komunità fil-qasam tat-trasport ta’ l-ajru għandha timmira, bħala prijorità, li tiżgura livell għoli ta’ protezzjoni għall-passiġġieri minn riskji ta’ sigurtà. Barra minn hekk, għandu jingħata rendikont sħiħ tar-rekwiżiti ta’ ħarsien tal-konsumatur b’mod ġenerali.

(2)

Għandha tinġieb għall-attenzjoni tal-passiġġieri lista Komunitarja ta’ kumpanniji ta’ l-ajru li ma jissodisfawx ir-rekwiżiti ta’ sigurtà rilevanti sabiex tiġi żgurata l-akbar trasparenza possibbli. Din il-lista Komunitarja għandha tkun ibbażata fuq kriterji komuni mfassla fuq livell Komunitarju.

(3)

Kumpanniji ta’ l-ajru inklużi fil-lista Komunitarja għandhom ikunu suġġetti għal projbizzjoni. Il-projbizzjonijiet mill-operar inklużi fil-lista Komunitarja għandhom japplikaw għat-territorju kollu ta’ l-Istati Membri li għalih japplika t-Trattat.

(4)

Kumpanniji ta’ l-ajru li ma jgawdux drittijiet tat-traffiku fi Stat Membru jew iżjed jistgħu xorta waħda jtiru lejn u mill-Komunità meta l-ajruplani tagħhom, bl-ekwipaġġ jew mingħajru, jkunu mikrija minn kumpanniji li jgawdu minn drittijiet bħal dawn. Għandu jkun hemm disposizzjoni sabiex projbizzjoni ta’ operar inkluża fil-lista Komunitarja tapplika bl-istess mod għal kumpanniji ta’ l-ajru bħal dawn, billi jekk ikun xort’oħra dawn il-kumpanniji ta’ l-ajru jkunu jistgħu joperaw fil-Komunità mingħajr ma jikkonformaw ma’ l-istandards ta’ sigurtà relevanti.

(5)

Kumpannija ta’ l-ajru li hija suġġetta għal projbizzjoni ta’ operar tista’ tingħata l-permess li teżerċita drittijiet tat-traffiku billi tuża ajruplani mikrija bl-ekwipaġġ (wet-lease) ta’ kumpannija ta’ l-ajru li mhijiex suġġetta għal projbizzjoni mill-operar, sakemm din tkun konformi ma’ l-istandards tas-siġurtà relevanti.

(6)

Il-proċedura għall-aġġornament tal-lista Komunitarja għandha tgħin biex id-deċiżjonijiet jittieħdu malajr, sabiex tiġi provduta informazzjoni adegwata u aġġornata dwar is-sigurtà lil passiġġieri ta’ l-ajru u biex jiġi ggarantit li l-kumpanniji ta’ l-ajru li rranġaw in-nuqqasijiet fis-sigurtà jitneħħew mil-lista kemm jista’ jkun malajr. Fl-istess ħin, il-proċeduri għandhom jirrispettaw id-drittijiet ta’ difiża tal-kumpanniji ta’ l-ajru u m’għandhomx ikunu ta’ ħsara għal ftehim u konvenzjonijiet internazzjonali li tagħhom l-Istati Membri jew il-Komunità huma parti, b’mod partikolari l-Konvenzjoni ta’ Chicago ta’ l-1944 dwar l-Avjazzjoni Ċivili Internazzjonali. Il-miżuri ta’ implimentazzjoni għal affarijiet ta’ proċedura, li jridu jiġu adottati mill-Kummissjoni, għandhom jieħdu ħsieb b’mod partikolari ta’ dawn ir-rekwiżiti.

(7)

Meta projbizzjoni ta’ operar tiġi imposta fuq kumpannija ta’ l-ajru, għandha tittieħed azzjoni xierqa bil-għan li tgħin lil dik il-kumpannija ta’ l-ajru biex ittejjeb in-nuqqasijiet li wasslu għall-projbizzjoni ta’ operar.

(8)

F’każi eċċezzjonali, l-Istati Membri għandhom jitħallew jieħdu miżuri unilaterali. F’każijiet ta’ urġenza u meta jkollhom problema ta’ sigurtà mhux mistennija, l-Istati Membri għandhom jkollhom il-possibiltà li jimponu immedjatament projbizzjoni ta’ operar fir-rigward tat-territorju tagħhom. Barra minn hekk, meta l-Kummissjoni tkun iddeċidiet li ma tinkludix kumpannija ta’ l-ajru fil-lista Komunitarja, l-Istati Membri għandhom ukoll ikunu kapaċi li jimponu jew iżommu projbizzjoni ta’ operar minħabba xi problema ta’ sigurtà li ma teżistix fl-Istati Membri l-oħra. L-Istati Membri għandhom jagħmlu użu restrittiv ta’ dawn il-possibilitajiet, iqisu l-interess tal-Komunità u bil-għan li jippreżentaw approċċ komuni fir-rigward tas-sigurtà ta’ l-avjazzjoni. Dan għandu jkun bla ħsara għall-Artikolu 8 tar-Regolament (KEE) Nru 3922/91 tal-Kunsill tas-16 ta’ Diċembru 1991 dwar l-armonizzazzjoni ta’ rekwiżiti tekniċi u proċeduri amministrattivi fil-qasam ta’ l-avjazzjoni ċivili (3) u għall-Artikolu 10 tar-Regolament (KE) Nru 1592/2002 tal-Parlament Ewropew u tal-Kunsill tal-15 ta’ Lulju 2002 dwar regoli komuni fil-qasam ta’ l-avjazzjoni ċivili u l-istabbiliment ta’ Aġenzija tas-Sigurtà fl-Avjazzjoni Ewropea (4).

(9)

Informazzjoni dwar is-sigurtà ta’ kumpanniji ta’ l-ajru għandha tiġi ppubblikata b’mod effettiv, bħal ma hu l-użu ta’ l-Internet.

(10)

Sabiex il-qafas ta’ kompetittività fit-trasport ta’ l-ajru jagħti l-akbar benefiċċji possibbli lill-kumpanniji u lill-passiġġieri, huwa importanti li l-konsumaturi jirċievu l-informazzjoni meħtieġa sabiex ikunu jistgħu jagħmlu għażliet infurmati.

(11)

L-identità tal-kumpannija jew tal-kumpanniji ta’ l-ajru li fil-fatt ikunu qegħdin joperaw it-titjira hija biċċa informazzjoni essenzjali. Madankollu, konsumaturi li jikkonkludu kuntratt ta’ trasport, li jista’ jkun fih kemm titjira ‘l barra kif ukoll ta’ ritorn, mhumiex dejjem infurmati dwar l-identità tal-kumpannija jew tal-kumpanniji ta’ l-ajru li jkunu fil-fatt qed joperaw it-titjira jew it-titjiriet ikkonċernati.

(12)

Id-Direttiva tal-Kunsill 90/314/KEE tat-13 ta’ Ġunju 1990 dwar il-vjaġġi kollox kompriż (package travel), il-vakanzi kollox kompriż u t-tours kollox kompriż (5) titlob li ċertu informazzjoni tkun disponibbli għal konsumaturi, iżda dik l-informazzjoni ma tinkludix l-identità tal-kumpannija ta’ l-ajru li topera.

(13)

Ir-Regolament tal-Kunsill (KEE) Nru 2299/89 ta’ l-24 ta’ Lulju 1989 dwar kodiċi ta’ kondotta għas-Sistemi ta’ Riservazzjoni Kompjuterizzata (CRS) (6) jintitola lill-konsumaturi li jirriservaw titjira permezz ta’ sistema ta’ riservazzjoni kompjuterizzata li jkunu infurmati dwar l-identità tal-kumpannija ta’ l-ajru li topera. Minkejja dan, anki fit-trasport ta’ l-ajru skedat, jeżistu prassi ta’ l-industrija, bħall-kiri ta’ ajruplani bl-ekwipaġġ, jew code-sharing jekk ir-riservazzjoni ssir mingħajr CRS, fejn il-kumpannija ta’ l-ajru li biegħet it-titjira taħt isimha fil-fatt ma toperahiex u fejn bħalissa ma hemm l-ebda dritt legali tal-passiġġier li jkun informat dwar l-identità tal-kumpannija ta’ l-ajru li fil-fatt qiegħda topera s-servizz.

(14)

Dawn il-prattiċi jżidu l-flessibilità u jippermettu l-forniment aħjar ta’ servizzi għall-passiġġieri. Barra minn dan, ċertu numru ta’ tibdil fl-aħħar minuta, b’mod partikolari għal raġunijiet tekniċi, ma jistax jiġi evitat u jikkontribwixxi għas-sigurtà tat-trasport ta’ l-ajru. Din il-flessibilità għandha, madankollu, tkun ibbilanċjata permezz ta’ verifika li l-kumpanniji li fil-fatt qegħdin joperaw it-titjiriet jissodisfaw ir-rekwiżiti ta’ sigurtà u permezz ta’ trasparenza għall-konsumaturi sabiex id-dritt tagħhom li jagħmlu għażla infurmata jkun garantit. Għandu jitfittex li jintlaħaq bilanċ ġust bejn il-vijabilità kummerċjali tal-kumpanniji ta’ l-ajru u l-aċċess għall-informazzjoni min-naħa tal-passiġġieri.

(15)

Il-kumpanniji ta’ l-ajru għandhom isegwu politika ta’ trasparenza fil-konfront ta’ passiġġieri fir-rigward ta’ l-informazzjoni relatata mas-sigurtà. L-ippubblikar ta’ informazzjoni bħal din għandha tikkontribwixxi għall-għarfien mill-passiġġieri dwar l-affidabilità tal-kumpanniji ta’ l-ajru f’dik li hi sigurtà.

(16)

Il-kumpanniji ta’ l-ajru huma responsabbli biex jirrapportaw nuqqasijiet fis-sigurtà lill-awtoritajiet nazzjonali għas-sigurtà ta’ l-ajru kif ukoll biex jindirizzaw nuqqasijiet bħal dawn bla dewmien. L-ekwipaġġ ta’ l-ajru u ta’ l-art huma mistennija li jieħdu azzjoni xierqa meta jidrilhom li hemm nuqqasijiet fis-sigurtà, Jekk l-istaff jiġi penalizzat talli jagħmel hekk, dan imur kontra l-interessi tas-sigurtà ta’ l-avjazzjoni kif isegwi mill-Artikolu 8(4) tad-Direttiva 2003/42/KE tal-Parlament Ewropew u tal-Kunsill tat-13 ta’ Ġunju 2003 dwar ir-rapportar ta’ ġrajjiet fl-avjazzjoni ċivili (7).

(17)

B’żieda mas-sitwazzjonijiet koperti mir-Regolament (KE) Nru 261/2004 tal-Parlament Ewropew u tal-Kunsill tal-11 ta’ Frar 2004 li jistabbilixxi regoli komuni għal kumpens u għajnuna lill-passiġġieri fil-każ ta’ rifjut ta’ l-imbarkazzjoni u fil-każ ta’ tħassir jew dewmien twil ta’ titjiriet (8), il-passiġġieri għandhom jiġu offruti d-dritt għal rimbors jew għal għotja ta’ rotta ġdida f’ċertu sitwazzjonijiet speċifiċi oħra li jaqgħu fil-kamp ta’ applikazzjon ta’ dan ir-Regolament, jekk hemm rabta biżżejjed mill-qrib mal-Komunità.

(18)

Flimkien mar-regoli stabbiliti f’dan ir-Regolament, l-implikazzjonijiet ta’ tibdil fl-identità tal-kumpannija li topera għat-twettiq tal-kuntratt tat-trasport għandhom jiġu rregolati mil-liġijiet ta’ l-Istati Membri applikabbli għall-kuntratti u mil-liġi Komunitarja relevanti, b’mod partikolari d-Direttivi tal-Kunsill 90/314/KEE u 93/13/KEE tal-5 ta’ April 1993 dwar termini mhux ġusti kuntratti tal-konsumatur (9).

(19)

Dan ir-Regolament huwa parti minn proċess leġislattiv li jfittex approċċ effiċjenti u koerenti għar-rinfurzar tas-sigurtà ta’ l-ajru fil-Komunità, li fih tilgħab rwol importanti l-Aġenzija għas-Sigurtà ta’ l-Avjazzjoni Ewropea. B’estensjoni tal-kompetenzi ta’ din l-Aġenzija, bħal fir-rigward ta’ ajruplani ta’ pajjiżi terzi, ir-rwol tagħha taħt dan ir-Regolament jista’ jikber iżjed. Attenzjoni speċjali għandha tingħata biex titjieb iżjed il-kwalità u l-kwantità ta’ spezzjonijiet tas-sigurtà ta’ l-ajruplani u għall-armonizzazzjoni ta’ dawn l-ispezzjonijiet.

(20)

Fejn hemm riskju għas-sigurtà li ma ssolviex b’mod adegwat mill-Istat(i) Membru/i kkonċernat(i), il-Kummissjoni għandha jkollha l-possibilità li tadotta miżuri immedjati fuq bażi proviżorja. F’każijiet bħal dawn, il-kumitat li jgħin lill-Kummissjoni f’xogħolha taħt dan ir-Regolament għandu jaġixxi skond il-proċedura konsultattiva li jipprovdi għaliha l-Artikolu 3 tad-Deċiżjoni 1999/468/KE tal-Kunsill tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni mogħtija lill-Kummissjoni (10).

(21)

Fil-każijiet l-oħra kollha, il-kumitat li jgħin lill-Kummissjoni f’xogħolha taħt dan ir-Regolament għandu jaġixxi skond il-proċedura regolatorja li jipprovdi għaliha l-Artikolu 5 tad-Deċiżjoni 1999/468/KE.

(22)

Billi jekk ikun xort’oħra r-relazzjoni bejn dan ir-Regolament u l-Artikolu 9 tad-Direttiva 2004/36/KE tal-Parlament Ewropew u tal-Kunsill tal-21 ta’ April 2004 dwar is-sigurtà ta’ ajruplani ta’ pajjiżi terzi li jużaw ajruporti Komunitarji (11) ma tkunx ċara, dak l-Artikolu għandu jitħassar bil-għan li tiġi provduta ċertezza legali.

(23)

L-Istati Membri għandhom jistabbilixxu regoli dwar penali applikabbli għal ksur tad-disposizzjonijiet tal-Kapitolu III ta’ dan ir-Regolament u jiżguraw li dawn il-penali jiġu applikati. Il-penali, li jistgħu jkunu ta’ natura ċivili jew amministrattiva, għandhom ikunu effettivi, proporzjonati u dissważivi.

(24)

Il-Kummissjoni għandha tanalizza l-applikazzjoni ta’ dan ir-Regolament u, wara perijodu suffiċjenti, għandha tirrapporta dwar l-effiċjenza tad-disposizzjonijiet tiegħu.

(25)

Kwalunkwe awtorità kompetenti ta’ l-avjazzjoni ċivili fil-Komunità tista’ tiddeċiedi li kumpanniji ta’ l-ajru, inklużi dawk li ma joperawx fit-territorju ta’ l-Istati Membri li għalih japplika t-Trattat, jistgħu jressqu talba lil dik l-awtorità biex tgħaddi l-kumpannija ta’ ajru li titlob dan minn kontrolli sistematiċi sabiex tiġi ivverifikata l-possibiltà għandha li hi tikkonforma ma’ l-istandards relevanti ta’ sigurtà.

(26)

Dan ir-Regolament m’għandux iċaħħad lill-Istati Membri milli jintroduċu sistema ta’ ttikkettar skond il-kwalità għal kumpanniji ta’ l-ajru fuq livell nazzjonali, li tirrikjedi kriterji li jistgħu jinkludu kunsiderazzjonijiet oħra minbarra r-rekwiżiti minimi għas-sigurtà, skond il-liġi Komunitarja.

(27)

Arranġamenti għal koperazzjoni ikbar għall-użu ta’ l-ajruport ta’ Ġibiltà ġew miftiehma f’Londra fit-2 ta’ Diċembru 1987 mir-Renju ta’ Spanja u r-Renju Unit f’dikjarazzjoni konġunta mill-Ministri ta’ l-Affarijiet Barranin taż-żewġ pajjiżi. Dawn l-arranġamenti għad iridu jibdew jitħaddmu;

(a)

dwar l-istabbiliment u l-pubblikazzjoni ta’ lista Komunitarja, ibbażata fuq kriterji komuni, ta’ kumpanniji ta’ l-ajru li, għal raġunijiet ta’ sigurtà, huma suġġetti għal projbizzjoni ta’ operar fil-Komunità,

u

(b)

li jinfurmaw lil passiġġieri ta’ l-ajru dwar l-identità tal-kumpannija ta’ l-ajru li topera t-titjiriet li fuqhom huma jivvjaġġaw.

(a)

“kumpannija ta’ l-ajru” tfisser impriża tat-trasport bl-ajru li għandha liċenzja valida sabiex topera jew ekwivalenti;

(b)

“kuntratt ta’ trasport” tfisser kuntratt għal servizzi ta’ trasport bl-ajru jew li jinkludihom, inkluż meta t-trasport huwa magħmul minn żewġ titjiriet jew iżjed operati mill-istess kumpannija ta’ l-ajru jew minn kumpanniji ta’ l-ajru differenti;

(ċ)

“kuntrattur ta’ trasport bl-ajru” tfisser il-kumpannija li tikkonkludi kuntratt ta’ trasport ma’ passiġġier jew fejn il-kuntratt jinkludi pakkett, l-organizzatur ta’ ġiti. Kwalunkwe bejjiegħ tal-biljetti għandu wkoll jitqies bħala kuntrattur ta’ trasport bl-ajru;

(d)

“bejjiegħ ta’ biljetti” tfisser il-bejjiegħ ta’ biljett ta’ l-ajru li jirranġa kuntratt ta’ trasport bl-ajru ma’ passiġġier, sew jekk ikun għal titjira biss kif ukoll jekk ikun parti minn pakkett, minbarra kumpannija ta’ l-ajru jew organizzatur ta’ ġiti;

(e)

“kumpannija ta’ l-ajru li topera” tfisser kumpannija ta’ l-ajru li qiegħda twettaq jew biħsiebha twettaq titjira taħt kuntratt ta’ trasport ma’ passiġġier, jew f’isem persuna oħra, ġuridika jew naturali, li għandha kuntratt ta’ trasport ma’ dak il-passiġġier;

(f)

“awtorizzazzjoni għall-operar jew permess tekniku” tfisser kwalunkwe att leġislattiv jew amministrattiv minn Stat Membru, li jistipula jew li kumpannija ta’ l-ajru tista’ topera servizzi ta’ l-ajru minn u lejn l-ajruporti tagħha jew li kumpannija ta’ l-ajru tista’ topera fl-ispazju ta’ l-ajru tiegħu jew li kumpannija ta’ l-ajru tista’ teżerċita drittijiet tat-traffiku;

(g)

“projbizzjoni ta’ l-operar” tfisser ir-rifjut, is-sospensjoni, ir-revoka jew ir-restrizzjoni ta’ awtorizzazzjoni ta’ l-operar jew permess tekniku ta’ kumpannija ta’ l-ajru għal raġunijiet ta’ sigurtà, jew kwalunkwe miżura ta’ sigurtà ekwivalenti fir-rigward ta’ kumpannija ta’ l-ajru li m’għandha l-ebda drittijiet ta’ traffiku fil-Komunità imma li l-ajruplani tagħha jistgħu joperaw fil-Komunità taħt ftehim ta’ kiri;

(h)

“pakkett” tfisser dawk is-servizzi definiti fl-Artikolu 2(1) tad-Direttiva 90/314/KEE;

(i)

“riservazzjoni” tfisser il-fatt li passiġġier għandu biljett jew prova oħra, li jindika li r-riservazzjoni ġiet aċċettata u reġistrata mill-kuntrattur ta’ trasport ta’ l-ajru;

(j)

“standards ta’ sigurtà relevanti” tfisser l-istandards ta’ sigurtà internazzjonali li jinsabu fil-Konvenzjoni ta’ Chicago u l-Annessi tagħha kif ukoll, fejn hu applikabbli, dawk fil-liġi Komunitarja relevanti.

(a)

biex timponi projbizzjoni ta’ l-operar fuq kumpannija ta’ l-ajru u tinkludi din il-kumpannija ta’ l-ajru fil-lista Komunitarja, fuq il-bażi tal-kriterji komuni;

(b)

biex tneħħi kumpannija ta’ l-ajru mil-lista Komunitarja, jekk in-nuqqas jew nuqqasijiet tas-sigurtà li wasslu għall-inklużjoni tal-kumpannija ta’ l-ajru fil-lista Komunitarja ikunu ġew rimedjati u ma jkun hemm l-ebda raġuni oħra, fuq il-bażi tal-kriterji komuni, għaż-żamma tal-kumpannija ta’ l-ajru fil-lista Komunitarja;

(ċ)

biex jiġu modifikati l-kondizzjonijiet ta’ projbizzjoni ta’ l-operar imposti fuq kumpannija ta’ l-ajru li hija inkluża fil-lista Komunitarja.

(a)

it-titjira titlaq minn ajruport fit-territorju ta’ Stat Membru li għalih japplika t-Trattat;

jew

(b)

it-titjira titlaq minn ajruport f’pajjiż terz u tasal f’ajruport fit-territorju ta’ Stat li għalih japplika t-Trattat;

jew

(ċ)

it-titjira titlaq minn ajruport li jinsab f’pajjiż terz u tasal f’ajruport ieħor bħal dan.

(a)

il-kumpannija ta’ l-ajru li topera u li ġiet notifikata lill-passiġġier tniżżlet fil-lista Komunitarja u hija suġġetta għal projbizzjoni ta’ l-operar li wasslet għat-tħassir tat-titjira kkonċernata, jew li kienet twassal għal tħassir bħal dan jkieku it-titjira kkonċernata tkun ġiet operata fil-Komunità;

jew

(b)

il-kumpannija ta’ l-ajru li topera u li ġiet notifikata lill-passiġġier inbidlet b’kumpannija ta’ l-ajru li topera oħra u li tniżżlet fil-lista Komunitarja u hija suġġetta għal projbizzjoni ta’ l-operar li wasslet għat-tħassir tat-titjira kkonċernata, jew li kienet twassal għal tħassir bħal dan kieku t-titjira kkonċernata kienet ġiet operata fil-Komunità;

27.12.2005   

MT

Il-Ġurnal Uffiċjali ta’ l-Unjoni Ewropea

23

(1)

Il-prattika ta’ l-għoti ta’ l-għajnuna, b’mod dirett jew indirett, għax-xiri ta’ merkanzija u s-servizzi mixtrija permezz ta’ dik l-għajnuna mill-pajjiż donatur tnaqqas l-effettività tagħhom u mhix koerenti ma’ politika ta’ l-iżvilupp favur il-foqra. It-tneħħija ta’ l-għajnuna mhix għan fiha innifisha iżda għandha tintuża bħala għodda biex jissaħħu elementi oħra fil-ġlieda kontra l-faqar bħal ma huma l-proprjeta’s-sjieda, l-integrazzjoni reġjonali u l-bini ta’ kapaċità, b’enfasi partikolari fuq it-tisħiħ tal-pożizzjoni ta’ fornituri lokali u reġjonali ta’ merkanzija u servizzi f’pajjiżi li qed jiżviluppaw.

(2)

F’Marzu 2001, il-Kumitat ta’ l-Għajnuna għall-Iżvilupp (DAC) ta’ l-Organizazzjoni għall-Kooperazzjoni Ekonomika u l-Iżvilupp (OECD) adotta “Rakkomandazzjoni dwar Tneħħija ta’ Rbit fuq l-Għajnuna Uffiċjali għall-Iżvilupp għall-Pajjiżi l-Inqas Żviluppati” (2). L-Istati Membri adottaw dawn ir-rakkomandazzjonijiet u l-Kummissjoni irrikonoxxiet l-ispirtu ta’ din ir-Rakkomandazzjoni bħala gwida għall-għajnuna tal-Komunità.

(3)

Fl-14 ta’ Marzu 2002, il-Kunsill ta’ l-Affarijiet Ġenerali li sar flimkien mal-Kunsill Ewropew f’Barċellona bi preparazzjoni għall-Konferenza Internazzjonali fuq il-Finanzjament għall-Iżvilupp, li saret f’Monterrey fit-18-22 ta’ Marzu 2002, ikkonkluda li l-Unjoni Ewropea għandha “timplimenta r-rakkomandazzjonijiet tad-DAC dwar it-tneħħija ta’ l-irbit ta’ l-għajnuna għall-Pajjiżi l-Inqas Żviluppati u tkompli d-diskussjonijiet bil-għan li tkompli tnaqqas l-irbit fuq l-għajnuna bilaterali. L-UE għandha tikkonsidra wkoll passi sabiex tnaqqas l-irbit ta’ l-għajnuna tal-Komunità filwaqt li żżomm is-sistema eżistenti tal-preferenzi tal-prezzijiet tal-qafas EU-ACP.”.

(4)

Fit-18 ta’ Novembru 2002, il-Kummissjoni adottat komunikazzjoni lill-Kunsill u lill-Parlament Ewropew intitolat “Tneħħija ta’ rbit: Żieda fl-effettività ta’ l-għajnuna”. Hi ppreżentat l-opinjonijiet tal-Kummissjoni dwar is-suġġett u l-għażliet possibli għall-implimentazzjoni ta’ l-impenn ta’ Barcellona msemmi hawn fuq fis-sistema ta’ l-Assistenza ta’ l-Għajnuna tal-UE.

(5)

Fil-Konklużjonijiet dwar it-Tneħħija ta’ l-Irbit fuq l-Għajnuna ta’ l-20 ta’ Mejju 2003 il-Kunsill enfasizza l-bżonn li jtitneħħa iżjed l-irbit fuq l-għajnuna tal-Komunità. Hu qabel li l-modalitajiet dettaljati għall-Komunikazzjoni msemmija hawn fuq huma deċiżi fuq l-għażliet proposti.

(6)

Fl-4 ta’ Settembru 2003, il-Parlament Ewropew adotta riżoluzzjoni dwar il-komunikazzjoni tal-Kummissjoni hawn fuq imsemmija (3), li fiha indika l-bżonn li jkompli jitneħħa l-irbit mill-għajnuna tal-Komunità. Hija appoġġat il-modalitajiet speċifikati fil-Komunikazzjoni hawn fuq msemmija u qablet ma’ l-għażliet proposti. Hi enfasizzat il-bżonn li jkun hemm aktar dibattitu fil-fond bl-intenzjoni li jitneħħa iktar irbit fuq il-bażi ta’ studji kumplimentari u ta’ proposti dokumentati, u talbet b’mod espliċitu li jkun hemm “preferenza ċara għal koperazzjoni lokali u reġjonali, waqt li jitpoġġew f’ordni ta’ prijorità - skond l-importanza - il-fornituri mill-pajjiż destinatarju, pajjiżi ġirien li qed jiżviluppaw u pajjiżi oħra li qed jiżviluppaw”, sabiex jissaħħu l-isforzi tal-pajjiżi benefiċjarji biex itejbu l-produzzjoni tagħhom fuq livell nazzjonali, reġjonali, lokali u tal-familja, kif ukoll l-azzjonijiet li għandhom l-għan li jtejbu d-disponibiltà u l-aċċessibiltà tal-pubbliku għal prodotti ta’ l-ikel u ta’ servizzi bażiċi, b’mod konsistenti mad-drawwiet lokali u mas-sistemi ta’ produzzjoni u ta’ kummerċ.

(7)

Hemm bżonn li jiġu indirizzati diversi elementi biex jiġi stabbilit l-aċċess għall-għajnuna esterna tal-Komunità. Ir-regoli dwar l-eliġibilità li jirregolaw l-aċċess ta’ persuni huma msemmija fl-Artikolu 3. Ir-regoli dwar l-ingaġġ ta’ esperti u l-oriġini tal-provvisti u tal-materjali mixtrija minn persuni eleġibbli huma stabbiliti fl-Artikoli 4 u 5 rispettivament. Id-definizzjoni u l-modalitajiet ta’ l-implimentazzjoni tar-reċiproċità jinsabu fl-Artikolu 6. Id-derogi u l-implimentazzjoni tagħhom huma definiti fl-Artikolu 7. Id-dispożizzjonijiet speċifiċi dwar l-operazzjonijiet iffinanzjati permezz ta’ organizzazzjoni internazzjonali, organizzazzjoni reġjonali, jew kofinanzjati ma’ pajjiż terz, huma definiti fl-Artikolu 8. Id-dispożizzjonijiet speċifiċi għall-iskopijiet ta’ għajnuna umanitarja huma definiti fl-Artikolu 9.

(8)

L-aċċess għall-assistenza esterna tal-Komunità huwa definit fl-atti bażiċi li jirregolaw tali assistenza, flimken mar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għal budget ġenerali tal-Komunitajiet Ewropej (4) (hawn aktar il ‘quddiem “Ir-Regolament Finanzjarju”). It-tibdil magħmul minn dan ir-Regolament għall-aċċess ta’ l-għajnuna tal-Komunità għandhom iwasslu għal emendi għal dawk l-istrumenti kollha. Il-modifiki kollha għall-atti bażiċi konċernati huma mniżżla fl-Anness I ta’ dan ir-Regolament.

(9)

Meta tingħata offerta skond strument Komunitarju, għandha tingħata kunsiderazzjoni speċjali għar-rispett ta’ l-istandards internazzjonali miftiehma dwar ix-xogħol ta’ l-Organizzazzjoni Internazzjonali għax-Xogħol (ILO), pereżempju l-konvenzjonijiet dwar il-libertà ta’ assoċjazzjoni u n-negozjar kollettiv, l-eliminazzjoni tax-xogħol infurzat u obbligatorju, l-eliminazzjoni tad-diskriminazzjoni fir-rigward ta’ l-impjiegi u l-okkupazzjoni, u l-eliminazzjoni tax-xogħol minorili.

(10)

Meta tingħata offerta skond strument Komunitarju, għandha tingħata kunsiderazzjoni speċjali għar-rispett tal-konvenzjonijiet miftiehma internazzjonalment dwar l-ambjent li ġejjin: il-Konvenzjoni dwar id-Diversità Bijoloġika ta’ l-1992, il-Protokoll ta’ Kartaġena dwar il-Bijosigurtà ta’ l-2000 u l-Protokoll ta’ Kjoto dwar il-Konvenzjoni-Qafas tan-Nazzjonijiet Uniti dwar il-Bidla fil-Klima ta’ l-1997,

27.12.2005   

MT

Il-Ġurnal Uffiċjali ta’ l-Unjoni Ewropea

34

(1)

Id-Deċiżjoni Nru 2256/2003/KE (3) stabbiliet il-programm MODINIS għall-monitoraġġ tal-Pjan ta’ Azzjoni eEurope 2005, id-disseminazzjoni ta’ prattiki tajbin u t-titjib tas-sigurtà tan-networks u ta’ l-informazzjoni għall-perjodu mill-1 ta’ Jannar 2003 sal-31 ta’ Diċembru 2005.

(2)

Id-Deċiżjoni Nru 2256/2003/KE ġiet emendata mid-Deċiżjoni Nru 787/2004/KE sabiex jiġu adattati l-ammonti referenzjarji biex jittieħed kont tat-tkabbir ta’ l-Unjoni Ewropea.

(3)

Fir-Riżoluzzjoni tiegħu tad-9 ta’ Diċembru 2004 dwar ħarsa lejn il-futur tat-Tekonoloġiji ta’ l-Informazzjoni u tal-Komunikazzjoni (ICT) (4), il-Kunsill stieden lill-Kummissjoni sabiex tibda l-ħidma bi tħejjija għas-segwiment tal-pjan ta’ azzjoni eEurope 2005 bħala parti importanti ta’ l-Aġenda l-ġdida għas-Soċjetà ta’ l-Informazzjoni ‘l hinn mill-2005.

(4)

Il-Komunikazzjoni tal-Kummissjoni tad-19 ta’ Novembru 2004, imsejħa “L-Isfidi għas-Soċjetà Ewropea ta’ l-Informazzjoni wara l-2005” tanalizza l-isfidi li jeħtieġ li tindirizza strateġija għal Soċjetà Ewropea ta’ l-Informazzjoni sa l-2010. Din tisħaq favur użu usa’ ta’ l-ICT u għal tkomplija ta’ l-attenzjoni politika lejn kwistjonijiet konnessi ma’ l-ICTs, li tinvolvi l-ħtieġa għall-monitoraġġ u l-iskambju ta’ prattiki tajbin. Dik il-komunikazzjoni kienet il-punt tat-tluq għal proċess ta’ riflessjoni li wassal għal inizjattiva ġdida tas-Soċjetà ta’ l-Informazzjoni fl-2005, li ser titnieda fl-2006.

(5)

L-inizjattiva l-ġdida, imsejħa “i2010: Is-Soċjetà ta’ l-Informazzjoni Ewropea” tħabbret fil-Komunikazzjoni mill-Kummissjoni tat-2 ta’ Frar 2005 lill-Kunsill Ewropew tar-Rebbiegħa, imsejħa “Naħdmu flimkien għat-tkabbir u l-impjiegi - Bidu ġdid għall-Istrateġija ta’ Liżbona”, bil-mira li titħeġġeġ l-adozzjoni ta’ l-ICTs.

(6)

Il-Komunikazzjoni tal-Kummissjoni ta’ l-1 ta’ Ġunju 2005, imsejħa “i2010 - Soċjetà ta’ l-Informazzjoni Ewropea għat-tkabbir u l-impjiegi” tindika b’mod ġenerali l-prijoritajiet politiċi ewlenin ta’ strateġija ta’ ħames snin li tippromwovi ekonomija diġitali miftuħa u kompetittiva. Il-promozzjoni ta’ l-iskambju ta’ l-aqwa prattika u l-monitoraġġ ta’ l-adozzjoni tas-servizzi mħaddma bl-ICT ser ikomplu jappoġġaw id-djalogu mal-partijiet interessati u ma’ l-Istati Membri, notevolment fil-kuntest tal-metodu miftuħ ta’ koordinament.

(7)

Fil-proposta għal deċiżjoni tal-Parlament Ewropew u tal-Kunsill li tistabbilixxi Programm ta’ Qafas għall-Kompetittività u l-Innovazzjoni (2007-2013), huwa propost Programm ta’ Qafas għal azzjoni Komunitarja fil-qasam tal-kompetittività u l-innovazzjoni, li jkopri l-perjodu 2007-2013 u li jiġbor flimkien il-miżuri Komunitarji speċifiċi li jikkontribwixxu lejn l-intraprenditorija, l-SMEs, il-kompetittività industrijali, l-innovazzjoni, it-teknoloġija ta’ l-informazzjoni u l-komunikazzjoni, it-teknoloġiji ambjentali u l-enerġija intelliġenti, inklużi dawk il-miżuri previsti fid-Deċiżjoni Nru 2256/2003/KE.

(8)

Ir-Regolament (KE) Nru 808/2004 tal-Parlament Ewropew u tal-Kunsill tal-21 ta’ April 2004 dwar statistika Komunitarja dwar is-soċjetà ta’ l-informazzjoni (5) jistabbilixxi qafas komuni għall-produzzjoni sistematika ta’ l-istatistika Komunitarja dwar is-soċjetà ta’ l-informazzjoni. Din l-istatistika tinkludi l-informazzjoni meħtieġa għall-proċess ta’ stabbiliment ta’ punti ta’ referenza ta’ l-eEurope, hija relevanti għall-indikaturi strutturali li jappoġġaw il-monitoraġġ tal-prestazzjoni ta’ l-Istati Membri, u hija neċessarja sabiex ikun ipprovdut bażi uniformi għal analiżi tas-Soċjetà ta’ l-Informazzjoni.

(9)

Fit-12-il xahar bejn l-iskadenza tal-Pjan ta’ Azzjoni eEurope 2005 u l-bidu antiċipat tal-Programm ta’ Qafas fl-2007, l-adozzjoni ta’ l-ICTs mill-ekonomija kollha teħtieġ li tiġi mmonitorjata u appoġġata permezz tat-tkomplija ta’ l-istabbiliment ta’ punti ta’ referenza u analiżi statistika bbażati fuq indikaturi strutturali, u l-iskambju ta’ prattiki tajbin. L-azzjoni meħuda taħt il-programm dwar l-istabbiliment ta’ punti ta’ referenza, prattiki tajbin u koordinament tal-politika fl-2006 ser ikun ta’ appoġġ għall-kisba ta’ l-għanijiet tal-Komunikazzjonijiet tal-Kummissjoni tat-2 ta’ Frar 2005 u ta’ l-1 ta’ Ġunju 2005 imsemmija iktar ’il fuq.

(10)

Il-mekkaniżmi għall-monitoraġġ u l-iskambju ta’ l-esperjenzi, l-attivitajiet ta’ stabbiliment ta’ punti ta’ referenza, id-disseminazzjoni tal-prattiki tajbin u l-analiżi tal-konsegwenzi ekonomiċi u soċjetali tas-soċjetà ta’ l-informazzjoni għandhom jitkomplew fl-2006 sabiex jinkisbu l-għanijiet tal-Komunikazzjoni tal-Kummissjoni tat-2 ta’ Frar 2005, bil-għan li tiġi stimulata l-adozzjoni ta’ l-ICTs bħala tkomplija ta’ l-aġenda ta’ l-eEurope, u dawk tal-Komunikazzjoni tal-Kummissjoni ta’ l-1 ta’ Ġunju 2005.

(11)

Id-Deċiżjoni Nru 2256/2003/KE għandha għalhekk tiġi emendata.

(1)

l-Artikolu li ġej għandu jiddaħħal:

“Artikolu 1a

1.   Il-programm għall-2006 għandu jkompli l-monitoraġġ ta’ l-adozzjoni u l-użu tat-Teknoloġiji ta’ l-Informazzjoni u l-Komunikazzjoni (ICTs) fl-ekonomija kollha u d-disseminazzjoni ta’ prattiki tajbin, u għandu jkollu dawk l-miri li ġejjin:

2.   L-attivitajiet tal-programm għandhom ikunu azzjonijiet ta’ natura trans-settorjali, li jikkomplementaw l-azzjonijiet Komunitarji f’oqsma oħra. L-ebda waħda minn dawn l-azzjonijiet m’għandha tidduplika l-ħidma li qed titwettaq f’dawn l-oqsma taħt programmi Komunitarji oħra. L-azzjonijiet meħuda taħt il-programm dwar l-istabbiliment ta’ punti ta’ referenza, il-prattiki tajbin u l-koordinament tal-politika għandhom iwasslu għall-ksib ta’ l-għanijiet tal-Komunikazzjoni tal-Kummissjoni tat-2 ta’ Frar 2005 lill-Kunsill Ewropew tar-Rebbiegħa, imsejħa ‘Naħdmu flimkien għat-tkabbir u l-impjiegi - Bidu ġdid għall-Istrateġija ta’ Liżbona’, bil-għan li tiġi stimulata l-adozzjoni ta’ l-ICTs bi tkomplija ta’ l-aġenda ta’ l-eEurope u b’mod partikolari biex jippromwovu l-broadband, l-eGvern, l-eNegozju, l-eSaħħa u l-eTagħlim u l-għanijiet tal-Komunikazzjoni tal-Kummissjoni ta’ l-1 ta’ Ġunju 2005, imsejħa ‘i2010 - Soċjetà Ewropea ta’ l-Informazzjoni għat-tkabbir u l-impjiegi’, li tippromwovi ekonomija diġitali miftuħa u kompetittiva.

3.   Il-programm għandu jipprovdi wkoll qafas komuni għall-interazzjoni komplementarja fil-livell Ewropew tal-livelli nazzjonali, reġjonali u lokali varji.”

2)

L-Artikolu li ġej għandu jiddaħħal:

“Artikolu 2a

Sabiex jintlaħqu l-miri msemmja fl-Artikolu 1a, għandhom jittieħdu l-kategoriji ta’ azzjonijiet li ġejjin:

(*)  ĠU L 143, tat-30.4.2004, p. 49.”"

(3)

Fl-Artikolu 4, l-ewwel paragrafu għandu jinbidel b’li ġej:

“Il-programm għandu jkopri l-perijodu mill-1 ta’ Jannar 2003 sal-31 ta’ Diċembru 2006.

Il-qafas finanzjarju għall-implimentazzjoni ta’ dan il-Programm huwa permezz ta’ dan stabbilit għal EUR 30 160 000.”

(4)

L-Anness għandu jinbidel bit-test mogħti fl-Anness għal din id-Deċiżjoni.

27.12.2005   

MT

Il-Ġurnal Uffiċjali ta’ l-Unjoni Ewropea

38

(1)

Id-Direttiva 90/544/KEE (4) kienet tesiġi li l-Istati Membri, sal-31 ta’ Diċembru 1992, fil-medda ta’ l-ispettru tar-radju bejn il-169,4 u l-169,8 MHz jagħżlu erba’ kanali għas-servizz terrestri pubbliku pan-Ewropew ta’ paging bir-radju (minn hawn ’il quddiem “ERMES”) u jħejju, malajr kemm jista’ jkun, pjani sabiex is-servizz terrestri pubbliku pan-Ewropew ta’ paging bir-radju jokkupa l-medda sħiħa ta’ bejn il-169,4 u l-169,8 MHz skond it-talba kummerċjali.

(2)

L-użu tal-medda ta’ l-ispettru bejn il-169,4 u l-169,8 MHz ta’ l-ERMES fil-Komunità naqas u saħansitra waqaf, u għalhekk din il-medda bħalissa mhix qed tintuża b’mod effiċjenti mill-ERMES u tista’ tintuża aħjar biex taqdi ħtiġijiet oħra tal-politika Komunitarja.

(3)

Id-Deċiżjoni tal-Parlament Ewropew u tal-Kunsill Nru 676/2002/KE tas-7 ta’ Marzu 2002 dwar qafas regolatorju għal politika dwar l-ispettru tar-radju fil-Komunità Ewropea (Deċiżjoni dwar l-Ispettru tar-Radju) (5) stabbiliet qafas politiku u legali Komunitarju sabiex tiżgura l-koordinazzjoni ta’ strateġiji politiċi u, fejn xieraq, kondizzjonijiet armonizzati fir-rigward tad-disponibbiltà u l-użu effiċjenti tal-medda ta’ l-ispettru meħtieġa għall-istabbiliment u t-tħaddim tas-suq intern. Dik id-Deċiżjoni tippermetti li l-Kummissjoni tadotta miżuri tekniċi ta’ implimentazzjoni sabiex jiġu żgurati kundizzjonijiet armonizzati għad-disponibbiltà u għall-użu effiċjenti tal-medda ta’ l-ispettru.

(4)

Billi l-medda bejn il-169,4 u l-169,8 MHz hija approprjata għal applikazzjonijiet li huma ta’ benefiċċju għal min għandu xi diżabilità jew xkiel ieħor, u billi l-promozzjoni ta’ applikazzjonijiet bħal dawn hija għan politiku għall-Komunità flimkien ma’ l-għan ġenerali li jiġi żgurat l-operat tas-suq intern, il-Kummissjoni skond l-Artikolu 4(2) tad-Deċiżjoni dwar l-Ispettru tar-Radju tat mandat lill-Konferenza Ewropea ta’ l-Amministrazzjonijiet Postali u tat-Telekomunikazzjonijiet (minn hawn ’il quddiem is-“CEPT”) sabiex teżamina, inter alia, l-applikazzjonijiet li għandhom x’jaqsmu ma’ l-assistenza għal persuni b’diżabilità.

(5)

Skond il-mandat, is-CEPT ipproduċiet pjan ġdid għall-frekwenzi, u organizzat il-kanali b’tali mod li sitt tipi ta’ applikazzjonijiet ippreferuti jkunu jistgħu jaqsmu bejniethom il-medda sabiex jaqdu bosta ħtiġijiet tal-politika tal-Komunità.

(6)

Għal dawn ir-raġunijiet u bi qbil ma’ l-għanijiet tad-Deċiżjoni dwar l-Ispettru tar-Radju, id-Direttiva 90/544/KEE għandha tiġi rrevokata,

27.12.2005   

MT

Il-Ġurnal Uffiċjali ta’ l-Unjoni Ewropea

40

(1)

L-Artikolu 14 tat-Trattat jistabbilixxi żona mingħajr fruntieri interni li fiha huwa żgurat il-moviment liberu ta’ merkanzija, persuni, servizzi u kapital.

(2)

Ix-xogħol fuq is-suq intern għandu jtejjeb il-kwalità tal-ħajja, il-protezzjoni tas-saħħa u s-sigurtà tal-konsumatur. Din id-Direttiva tikkonforma mal-ħtiġijiet li jiġi żgurat livell għoli ta’ protezzjoni tas-saħħa u protezzjoni tal-konsumatur fid-definizzjoni u l-implimentazzjoni tal-politika u l-attivitajiet kollha tal-Komunità.

(3)

L-użu ta’ ċerti ftalati f’ġugarelli u artikoli għall-kura tat-tfal magħmula minn materjal plastiċizzat jew li jinkludu partijiet ta’ materjal plastiċizzat għandu jiġi projbit minħabba li l-preżenza ta’ ċerti ftalati tippreżenta jew tista’ potenzjalment tippreżenta riskji relatati mas-saħħa tat-tfal. Ġugarelli u artikoli għall-kura tat-tfal li, għalkemm mhux maħsuba għal dak l-iskop jistgħu jitpoġġew fil-ħalq, jistgħu f’ċertu ċirkostanzi iqajjmu riskju għas-saħħa ta’ tfal żgħar jekk dawn ikunu magħmula minn materjal plastiċizzat, jew jekk jinkludu partijiet magħmula minn materjal plastiċizzat, li jikkontjeni ċertu flalati.

(4)

Il-Kumitat Xjentifiku dwar it-Tossiċità, l-Ekotossiċità u l-Ambjent (SCTEE), wara li ġie kkonsultat mill-Kummissjoni, ta opinjonijiet dwar ir-riskji għas-saħħa kkawżati minn dawn il-ftalati.

(5)

Ir-Rakkomandazzjoni tal-Kummissjoni 98/485/KE ta’ l-1 ta’ Lulju 1998 dwar artikoli għall-kura tat-tfal u ġugarelli intiżi biex jitqiegħdu fil-ħalq minn tfal ta’ taħt it-tliet snin, magħmula minn PVC artab li fih ċerti ftalati (4), stiednet lill-Istati Membri biex jieħdu miżuri sabiex jiżguraw livell għoli ta’ protezzjoni tas-saħħa tat-tfal fir-rigward ta’ dawn il-prodotti.

(6)

Mill-1999, l-użu ta’ sitt ftalati f’ġugarelli u artikoli għall-kura tat-tfal intiżi biex jitqiegħdu fil-ħalq minn tfal ta’ taħt it-tliet snin huwa soġġett għal projbizzjoni temporanja fuq il-livell ta’ l-Unjoni Ewropea wara l-adozzjoni tad-Deċiżjoni tal-Kummissjoni 1999/815/KE (5) fil-qafas tad-Direttiva tal-Kunsill 92/59/KEE tad-29 ta’ Ġunju 1992 dwar is-sigurtà ġenerali tal-prodotti (6). Din id-Deċiżjoni qiegħda tiġi mġedda regolarment.

(7)

Limitazzjonijiet diġà adottati minn ċerti Stati Membri dwar it-tqegħid fis-suq ta’ ġugarelli u artikoli għall-kura tat-tfal minħabba l-kontenut tagħhom ta’ ftalati jaffettwaw b’mod dirett l-ikkompletar u l-funzjonament tas-suq intern. Huwa għalhekk meħtieġ li l-liġijiet ta’ l-Istati Membri f’dan il-qasam jiġu approssimati u b’konsegwenza li jiġi emendat l-Anness I għad-Direttiva 76/769/KEE (7).

(8)

Il-prinċipju ta’ prekawzjoni għandu jiġi applikat fejn l-evalwazzjoni xjentifika ma tippermettix li r-riskju jiġi determinat b’ċertezza biżżejjed sabiex jiġi żgurat livell għoli ta’ protezzjoni tas-saħħa, b’mod partikolari għat-tfal.

(9)

It-tfal bħala organiżmi li qed jiżviluppaw huma partikolarment vulnerabbli għal sustanzi tossiċi għar-riproduzzjoni. Għaldaqstant, l-esposizzjoni ta’ tfal għal kull fonti ta’ emissjoni ta’ dawn is-sustanzi li jistgħu jiġu evitati b’mod prattiku, speċjalment minn artikoli li jitqiegħdu fil-ħalq mit-tfal, għandha titnaqqas kemm jista’ jkun.

(10)

Matul l-istimi ta’ riskju u/jew fi ħdan id-Direttiva kwadru tal-Kunsill 67/548/KEE tas-27 ta’ Ġunju 1967 rigward l-approssimazzjoni tal-liġijiet, tar-regolamenti u tad-disposizzjonijiet amministrattivi rigward il-klassifikazzjoni, l-imballaġġ u l-ittikkettjar ta’sustanzi perikolużi (8), di(2-ethylhexyl) phthalate (DEHP), dibutyl phthalate (DBP) u benzyl butyl phthalate (BBP) ġew identifikati bħala sustanzi tossiċi għar-riproduzzjoni u għalhekk ġew klassifikati bħala tossiċi għar-riproduzzjoni, kategorija 2.

(11)

Informazzjoni xjentifika fir-rigward tad-di-isononyl phthalate (DINP), di-isodecyl phthalate (DIDP) u di-n-octyl phthalate (DNOP) hija nieqsa jew kontradittorja, iżda ma jistax jiġi eskluż li jistgħu jkunu ta’ riskju potenzjali jekk użati f’ġugarelli u artikoli għall-kura tat-tfal, li mid-definizzjoni tagħhom huma prodotti għat-tfal.

(12)

L-inċertezzi fl-evalwazzjoni ta’ esposizzjoni għal dawn il-ftalati, bħal ħinijiet li fihom il-prodotti konċernati jkunu fil-ħalq u esposizzjoni għal emissjonijiet oħra minn fonti oħra, jeħtieġu li jittieħed kont ta’ konsiderazzjonijiet ta’ prekawzjoni. Għalhekk, għandhom jiġu introdotti restrizzjonijiet fuq l-użu ta’ dawn il-ftalati għal ġugarelli u artikoli għall-kura tat-tfal u fuq it-tqegħid fis-suq ta’ tali artikoli. Madankollu, ir-restrizzjonijiet għad-DINP, id-DIDP u d-DNOP għandhom inkunu inqas ħarxa minn dawk proposti għad-DEHP, id-DBP u d-BBP għal raġunijiet ta’ proporzjonalità.

(13)

Il-Kummissjoni għandha tirrevedi applikazzjonijiet oħra ta’ artikoli magħmula minn materjal plastiċizzat jew li jinkludu partijiet magħmula minn materjal plastiċizzat li jista’ jesponi lil persuni għal riskji, speċjalment dawk użati f’apparat mediku.

(14)

F’konformità mal-Komunikazzjoni tal-Kummissjoni dwar il-Prinċipju tal-Prekawzjoni, il-miżuri bbażati fuq dan il-prinċipju għandhom ikunu soġġetti għal reviżjoni fid-dawl ta’ informazzjoni xjentifika ġdida.

(15)

F’ koperazzjoni ma’ l-awtoritajiet ta’ l-Istati Membri responsabbli għas-sorveljanza u l-infurzar tas-suq għal ġugarelli u artikoli għall-kura tat-tfal, u b’konsultazzjoni ma’ l-organizzazzjonijiet rilevanti ta’ produtturi u importaturi, il-Kummissjoni għandha tissorvelja l-użu ta’ ftalati u sustanzi oħra bħal plastifikanti f’ġugarelli u artikoli għall-kura tat-tfal.

(16)

Għall-fini tad-Direttiva 76/769/KEE, għandu jiġi definit it-terminu “artikolu għall-kura tat-tfal”.

(17)

Skond il-paragrafu 34 tal-ftehim Interistituzzjonali dwar it-tfassil aħjar ta’ liġijiet (9), l-Istati Membri huma mħeġġa biex ifasslu, għalihom infushom u fl-interess tal-Komunità, it-tabelli tagħhom li, sa fejn ikun possibbli, jillustraw il-korrelazzjoni bejn din id-Direttiva u l-miżuri ta’ trasposizzjoni, u jagħmluhom pubbliċi.

(18)

Il-Kummissjoni sejra tirrevedi l-użu tal-ftalati elenkati fl-Anness I għad-Direttiva 76/769/KEE fi prodotti oħra meta l-evalwazzjoni tar-riskju taħt ir-Regolament tal-Kunsill (KEE) Nru 793/93 tat-23 ta’ Marzu 1993 dwar l-evalwazzjoni u l-kontroll tar-riskji ta’ sustanzi eżistenti (10) tkun intemmet.

(19)

Din id-Direttiva tapplika mingħajr preġudizzju għal-leġislazzjoni Komunitarja li tistabbilixxi ħtiġijiet minimi għall-protezzjoni tal-ħaddiema fid-Direttiva tal-Kunsill 89/391/KEE tat-12 ta’ Ġunju 1989 dwar l-introduzzjoni ta’ miżuri li jinkoraġġixxu t-titjib fis-sigurta’ u s-saħħa tal-ħaddiema fuq il-post tax-xogħol (11) u fid-direttivi individwali bbażati fuqha, b’mod partikolari d-Direttiva tal-Kunsill 90/394/KEE tat-28 ta’ Ġunju 1990 dwar il-protezzjoni tal-ħaddiema mir-riskji relatati ma’ l-espożizzjoni għall-kanċeroġeni fuq il-post tax-xogħol (12) u d-Direttiva tal-Kunsill 98/24/KE tas-7 ta’ April 1998 dwar il-protezzjoni tas-saħħa u s-sigurtà tal-ħaddiema mir-riskji relatati ma’ aġenti kimiċi fuq il-post tax-xogħol (13).

1.

Il-punt li ġej għandu jiġi miżjud ma’ l-Artikolu 1 (3):

2.

L-Anness I għandu jiġi emendat kif stabbilit fl-Anness għal din id-Direttiva.

27.12.2005   

MT

Il-Ġurnal Uffiċjali ta’ l-Unjoni Ewropea

44

(1)

Id-Direttiva 2000/14/KE tal-Parlament Ewropew u tal-Kunsill (3) kienet is-suġġett ta’ reviżjoni mill-Grupp ta’ Xogħol dwar it-Tagħmir li Jintuża fil-Miftuħ, imwaqqaf mill-Kummissjoni.

(2)

Fir-rapport tiegħu ddatat it-8 ta’ Lulju 2004, dan il-Grupp ta’ Xogħol ikkonkluda li għadd ta’ limiti ta’ l-istadju II li se jkunu applikati b’mod mandatorju mit-3 ta’ Jannar 2006 ma kienux teknikament fattibbli. Madankollu, l-intenzjoni qatt ma kienet li t-tqegħid fis-suq jew id-dħul fis-servizz ta’ tagħmir jiġi ristrett abbażi biss tal-fattibbiltà teknika.

(3)

Huwa għalhekk meħtieġ li jiġi stipulat li ċerti tipi ta’ tagħmir elenkati fl-Artikolu 12 tad-Direttiva 2000/14/KE, li ma jkunux jistgħu jissodisfaw il-limiti ta’ l-istadju II sat-3 ta’ Jannar 2006 biss għal raġunijiet tekniċi, xorta jistgħu jitqiegħdu fis-suq u/jew jidħlu fis-servizz minn dik id-data.

(4)

L-esperjenza ta’ l-ewwel ħames snin ta’ l-applikazzjoni tad-Direttiva 2000/14/KE uriet li huwa meħtieġ aktar żmien sabiex jiġu sodisfatti d-disposizzjonijiet taħt l-Artikoli 16 u 20 tagħha u emfasizzat il-ħtieġa li dik id-Direttiva tiġi riveduta b’ħarsa lejn il-possibbiltà ta’ emenda għaliha, b’mod partikolari fir-rigward tal-limiti ta’ l-istadju II imsemmija fiha. Huwa għalhekk meħtieġ li d-data ta’ skadenza għall-preżentazzjoni tar-rapport lill-Parlament Ewropew u lill-Kunsill dwar l-esperjenza tal-Kummissjoni fl-implimentazzjoni u l-amministrazzjoni tad-Direttiva 2000/14/KE kif imsemmi fl-Artikolu 20(1) ta’ dik id-Direttiva tiġi estiża b’sentejn.

(5)

L-Artikolu 20(3) tad-Direttiva 2000/14/KE jipprevedi l-preżentazzjoni, mill-Kummissjoni, ta’ rapport lill-Parlament Ewropew u lill-Kunsill dwar jekk, u sa fejn, il-progress tekniku jippermettix tnaqqis tal-valuri ta’ limitu għal tagħmir li jaqta’ l-ħaxix u tagħmir li jittrimmja l-ħaxix li jittrimmja l-borduri tal-ħaxix. Fid-dawl tal-fatt li l-obbligi li jinsabu fl-Artikolu 20(1) ta’ dik id-Direttiva huma aktar preskrittivi minn dawk fl-Artikolu 20(3), u sabiex tiġi evitata d-duplikazzjoni ta’ l-isforzi, huwa xieraq li dan it-tip ta’ tagħmir jiġi inkuż fir-rapport ġenerali previst fl-Artikolu 20(1) ta’ dik id-Direttiva. B’konsegwenza, l-obbligu separat ta’ rappurtaġġ fl-Artikolu 20(3) ta’ dik id-Direttiva għandu jitħassar.

(6)

Minħabba li l-għan ta’ din id-Direttiva, jiġifieri, li jiġi żgurat it-tħaddim kontinwu tas-suq intern billi jkun meħtieġ li tagħmir li jintuża fil-miftuħ jkun konformi mad-disposizzjonijiet armonizzati dwar l-istorbju ambjentali, ma jistax jintlaħaq biżżejjed mill-Istati Membri u, għalhekk, minħabba d-daqs u l-effetti ta’ l-azzjoni proposta, jista’ jintlaħaq aħjar fuq livell Komunitarju, il-Komunità tista’ tadotta miżuri, skond il-prinċipju ta’ sussidjarjetà kif stipulat fl-Artikolu 5 tat-Trattat. Bi qbil mal-prinċipju ta’ proporzjonalità, kif stipulat f’dak l-Artikolu, din id-Direttiva ma tmurx lil hinn minn dak li hu meħtieġ sabiex jintlaħaq dak l-għan, minħabba li l-kamp ta’ applikazzjoni tagħha hu ristrett għal dawk it-tipi ta’ tagħmir li għalihom il-konformità mal-limiti ta’ l-istadji II hija bħalissa impossibbli għal raġunijiet tekniċi.

(7)

F’konformità mal-punt 34 tal-ftehim Interistituzzjonali dwar il-leġislazzjoni aħjar (4), l-Istati Membri huma mħeġġa biex iħejju, għalihom infushom u fl-interess tal-Komunità, it-tabelli tagħhom li juru, sa fejn ikun possibbli, il-korrelazzjoni bejn id-Direttivi u l-miżuri ta’ traspożizzjoni, u biex jagħmluhom pubbliċi.

(8)

Id-Direttiva 2000/14/KE għandha għalhekk tiġi emendata skond dan,

(1)

It-tabella fl-Artikolu 12 għandha tinbidel b’dan li ġej:

(2)

L-Artikolu 20 għandu jiġi emendat kif ġej:

—

rombli vibranti operati bil-mixi;

—

pjanċi vibratorji (>3kW);

—

rammers vibratorji;

—

Dożers (li jimxu fuq ċinturini ta’ l-azzar);

—

tagħmir għat-tagħbija (li jimxi fuq ċinturini ta’ l-azzar >55kW);

—

trakkijiet bil-lift kontrobilanċjati li jaħdmu bil-magna tal-kombustjoni;

—

Compacting screed paver-finishers;

—

breakers tal-konkrit u fisien ta’ l-idejn li jaħdmu bil-magna tal-kombustjoni interna (15<m<30);

—

Tagħmir li jaqta’ l-ħaxix, u tagħmir li jittrimmja l-ħaxix/tagħmir li jittrimmja l-borduri tal-ħaxix.

27.12.2005   

MT

Il-Ġurnal Uffiċjali ta’ l-Unjoni Ewropea

47

(1)

Id-Direttiva tal-Kunsill 90/544/EEC tad-9 ta’ Ottubru 1990 dwar il-meded ta’ frekwenza magħżula għall-introduzzjoni koordinata ta’ sistema pubblika terrestri pan-Ewropea ta’ pejġing bir-radju fil-Komunità (id-Direttiva ERMES) (2) ġiet revokata fit-27 ta’ Diċembru 2005 bid-Direttiva 2005/82/KE tal-Parlament Ewropew u tal-Kunsill (3). Din id-Direttiva obbligat lill-Istati Membri jagħżlu, fil-medda bejn il-169.4 u l-169.8 MHz ta’ l-ispektrum tar-radju, erba’ kanali għas-servizz pubbliku terrestri pan-Ewropew ta’ pejġing bir-radju (minn hawn ’il quddiem “ERMES”) u li jiżguraw li s-servizzi ERMES jokkupaw, malajr kemm jista’ jkun, il-medda kollha ta’ l-ispektrum tar-radju bejn il-169.4 u l-169.8 MHz skond it-talba kummerċjali.

(2)

L-użu tal-medda ta’ l-ispektrum tar-radju bejn il-169.4 u l-169.8 MHz għall-ERMES fil-Komunità naqas b’mod drammatiku jew saħansitra waqaf għal kollox, bir-riżultat li din il-medda ta’ l-ispektrum tar-radju mhix qed tintuża b’mod effiċjenti mill-ERMES u tista’ għalhekk tintuża aħjar sabiex taqdi ħtiġijiet oħra ta’ politika Komunitarja.

(3)

Skond l-Artikolu 4(2) tad-Deċiżjoni dwar l-Ispektrum tar-Radju, il-Kummissjoni, fis-7 ta’ Lulju 2003, ħarġet mandat għall-Konferenza Ewropea ta’ l-Amministrazzjonijiet tal-Posta u tat-Telekomunikazzjoni (minn hawn ’il quddiem “CEPT”) biex tiġbor informazzjoni dwar l-applikazzjonijiet attwali u ġejjiena possibbli tal-medda bejn 169.4 sa 169.8 MHz, tidentifika lista ta’ għażliet alternattivi għall-użu tal-medda ta’ l-ispektrum tar-radju u partikolarment dawk l-użi li mhumiex marbuta biss mal-komunikazzjonijiet elettroniċi tradizzjonali. Is-CEPT intalbet tevalwa, għal kull applikazzjoni possibbli, il-koeżistenza bejn l-applikazzjonijiet varji u l-possibbiltà li jintużaw meded alternattivi ta’ l-ispektrum tar-radju, konformement mal-prinċipji tad-Direttiva ta’ Qafas. Il-medda ta’ l-ispektrum tar-radju, li hija diġà parzjalment armonizzata, hija xierqa għal ċerti applikazzjonijiet marbuta ma’ l-istabbilment u t-tħaddim tas-suq intern f’għadd ta’ oqsma politiċi tal-Komunità, fosthom uħud li jistgħu jgawdu minnhom persuni b’diżabilità jew inkella jgħinu l-kollaborazzjoni ta’ l-oqsma tal-ġustizzja u l-intern fl-Unjoni Ewropea.

(4)

L-Artikolu 8(4) tad-Direttiva 2002/21/KE tal-Parlament Ewropew u tal-Kunsill tas-7 ta’ Marzu 2002 dwar qafas regolatorju komuni għan-netwerks u s-servizzi tal-komunikazzjoni elettronika (Direttiva ta’ Qafas) (4), tobbliga lill-Istati Membri jġibu ’l quddiem l-interessi taċ-ċittadini ta’ l-Unjoni Ewropea billi inter alia jindirizzaw il-ħtiġijiet ta’ gruppi soċjali speċifiċi, partikolarment nies neqsin mis-smigħ u persuni li jkunu jeħtieġu għajnuna urġenti.

(5)

Fuq il-bażi ta’ investigazzjonijiet tekniċi u ġbir ta’ informazzjoni, is-CEPT ikkonfermat illi minkejja l-adozzjoni tad-Direttiva 90/544/KE, l-użu tal-medda ta’ l-ispektrum tar-radju għall-ERMES baqgħet limitata ħafna u fl-Ewropa nbidlet il-ħtieġa għas-sistemi ta’ messaġġi jew pejġing bir-radju minħabba li l-funzjonijiet tagħhom ġew sostitwiti minn teknoloġiji oħra bħas-sistemi ta’ messaġġi qosra (SMS) minn fuq is-sistema GSM.

(6)

L-għażla tal-partijiet tal-medda bejn 169.4 u 169.8 MHz ta’ l-ispektrum tar-radju għall-ERMES għandha għalhekk tiġi mmodifikata fil-Komunità sabiex tiżgura użu aktar effiċjenti ta’ din il-medda ta’ l-ispektrum tar-radju, filwaqt li jiġi ppreservat il-karattru armonizzat tagħha.

(7)

Skond il-mandat li ngħatalha, is-CEPT ipproduċiet pjan ġdid għall-frekwenzi u għat-tqssim tal-kanali li jippermetti li sitt tipi ta’ applikazzjonijiet preferuti jaqsmu l-ispketrum tar-radju mill-169.4 sal-169.8125 MHz, sabiex jintlaħqu bosta ħtiġijiet tal-politika Komunitarja. Dawn il-ħtiġijiet jinkludu l-assistenza bis-saħħa ta’ l-użu ta’ hearing aids għal persuni b’diżabilità marbuta mas-smigħ. Medda armonizzata ta’ l-ispektrum tar-radju fil-Komunità tkun ta’ ġid għal dawn il-persuni għaliex ittejjeb il-kundizzjonijiet ta’ l-ivjaġġar bejn l-Istati Membri u tnaqqas il-prezz tat-tagħmir minħabba l-ekonomiji ta’ skala. L-iżvilupp tas-suq intern għal alarms soċjali, li jippermettu lill-anzjani jew lin-nies b’diżabilità jibagħtu messaġġi ta’ allarm għall-għajnuna, it-traċċar ta’ l-assi jew mezzi ta’ rintraċċar, li jippermettu t-traċċar u l-irkupru ta’ oġġetti misruqa madwar il-Komunità, sistemi tal-qari ta’ l-arloġġ tad-dawl u l-ilma użati mill-kumpanji li jfornu dawn is-servizzi; u sistemi tal-pejġing eżistenti bħal ERMES kif wkoll sistemi privati ta’ komunikazzjoni mobbli bir-radju (PMR) meta użati b’mod temporanju, sabiex jassistu fix-xandir ta’ ġrajjiet temporanji speċjali għal perjodu minn ftit jiem sa ftit xhur.

(8)

Ir-riżultati tal-mandat tas-CEPT, li l-Kummissjoni tqis bħala sodisfaċenti, għandhom isiru applikabbli fil-Komunità u jiġu implimentati mill-Istati Membri. Il-bqija ta’ l-awtorizzazzjonijiet għal ERMES u/jew PMR li mhumiex f’konformità mal-pjan ta’ frekwenza ġdid u t-tqassim tal-kanali għandhom jitħallew jibqgħu mhux affettwati sa l-iskadenza tagħhom jew sakemm applikazzjonijiet ERMES u/jew PMR ikunu jistgħu jiċċaqalqu lejn il-medda ta’ l-ispektrum tar-radju adatta mingħajr piż eċċessiv.

(9)

Meta jiġi permess l-aċċess għall-ispektrum tar-radju, għandha tintuża s-sistema l-inqas oneruża, f’konformità mad-Direttiva tal-Parlament Ewropew u tal-Kunsill 2002/20/KE tas-7 ta’ Marzu 2002 dwar l-awtorizzazzjoni tan-netwerks u s-servizzi tal-komunikazzjoni elettronika (id-Direttiva dwar l-Awtorizzazzjonijiet) (5), inkluż in-nuqqas ta’ drittijiet individwali għall-użu.

(10)

Bla ħsara għall-fatt li r-rekwiżiti ta’ l-ispektrum ta’ politika speċifika jistgħu jeħtieġu assenjazzjoni esklussiva tal-frekwenza, huwa ġeneralment xieraq illi jiġu proposti bħala allokazzjonijiet kemm jista’ jkun ġeneriċi sabiex l-użu tagħhom jitmexxa biss permezz tad-definizzjoni ta’ limiti speċifiċ fuq l-użu bħal m’huma ċ-ċiklu tat-tħaddim (duty cycle) jew il-livelli tal-qawwa, u sabiex jiġi żgurat, permezz ta’ standards armonizzati rikonoxxuti taħt id-Direttiva tal-Parlament Ewropew u tal-Kunsill 1999/5/KE tad-9 ta’ Marzu 1999 dwar it-tagħmir tar-radju u tat-terminals tat-telekomunikazzjoni u l-għarfien reċiproku tal-konformità tagħhom (6), li t-tagħmir li jopera fl-ispektrum allokat tar-radju jimminimizza l-użu ta’ l-ispektrum tar-radju b’tali mod li tiġi evitata intereferenza li tagħmel il-ħsara.

(11)

Il-koordinazzjoni tal-kanali fil-parti ta’ qawwa għolja tal-medda bejn il-169.4 u l-169.8125 MHz ta’ bejn pajjiżi ġirien se tiġi żgurata bis-saħħa ta’ ftehimiet bilaterali jew multilaterali.

(12)

Sabiex jiġi żgurat l-użu efftiv tal-medda bejn 169.4 u 169.8125 MHz anki għaż-żmien fit-tul, l-amministrazzjonijiet għandhom ikomplu bi studji li jistgħu jkabbru l-effiċjenza, l-aktar fl-użu tal-medda ta’ ħarsien (guard band).

(13)

Il-miżuri li għalihom hemm ipprovdut f’din id-Deċiżjoni huma konformi ma’ l-opinjoni tal-Kumitat dwar l-Ispektrum tar-Radju.

(a)

“hearing aid” tfisser sistema ta’ komunikazzjoni bir-radju li s-soltu tinkludi wieħed jew aktar trażmettituri tar-radju u wieħed jew aktar riċevituri tar-radju li jippermettu li n-nies b’diżabilità marbuta mas-smigħ ikabbru l-kapaċità tagħhom għas-smigħ;

(b)

“alarm soċjali” tfisser sistema u netwerk affidabbli ta’ komunikazzjoni bir-radju li jinkludi tagħmir li jista’ jinġarr minn post għall-ieħor u jippermetti lil persuna li tinsab f’diffikultajiet f’żona limitata li ssejjaħ għall-għajnuna bis-saħħa ta’ azzjoni sempliċi;

(c)

“sistema ta’ qari ta’ l-arloġġ tad-dawl u ta’ l-ilma” tfisser sistema li tippermetti l-monitoraġġ mill-bogħod, il-kejl u t-trażmissjoni ta’ kmandi tas-sistema bl-użu ta’ mezzi għall-komunikazzjoni bir-radju;

(d)

“sistema għar-rintraċċar u għat-traċċar ta’ l-assi” tfisser sistema li tipermetti r-rintraċċar u t-traċċar ta’ l-oġġetti, li twassal għall-irkupru tagħhom, u li ġeneralment tikkonsisti fi trażmettitur tar-radju li jitqiegħed fuq l-oġġett li għandu jitħares u riċevitur, u tista’ wkoll tinkludi alarm;

(e)

“sistema ta’ pejġing” tfisser sistema li tippermetti komunikazzjonijiet bir-radju f’direzzjoni waħda biss bejn min jibgħat u min jirċievi, bis-saħħa ta’ base station u l-mowbajl bħala riċevitur;

(f)

“komunikazzjonijiet mobbli privati bir-radju (PMR)” tfisser servizzi ta’ komunikazzjonijiet mobbli terrestri li jużaw modi simplex, half duplex u possibbilment full duplex fil-livell tat-terminal sabiex jipprovdu komunikazzjonijiet għal grupp definit ta’ utenti.

(a)

użu esklussiv għall-hearing aids;

(b)

użu esklussiv għall-alarms soċjali;

(c)

użu esklussiv għas-sistemi ta’ qari ta’ l-arloġġ tad-dawl u l-ilma;

(d)

użu mhux esklussiv għal trażmettituri b’qawwa baxxa għat-traċċar u r-rintraċċar ta’ l-assi.

(a)

trażmettituri b’qawwa għolja għat-traċċar u r-rintraċċar ta’ l-assi;

(b)

sistemi ta’ pejġing eżistenti jew sistemi ta’ pejġing li qed jiċċaqlqu minn kanali oħra fil-medda ta’ l-ispektrum tar-radju.

(a)

hearing aids, għall-parti non-esklussiva u ta’ qawwa baxxa fil-medda ta’ l-ispektrum tar-radju;

(b)

ir-rintraċċar, il-pejġing, l-użu temporanju jew il-komunikazzjonijiet privati mobbli bir-radju fuq bażi nazzjonali fil-parti ta’ qawwa għolja tal-medda.

27.12.2005   

MT

Il-Ġurnal Uffiċjali ta’ l-Unjoni Ewropea

52

“2.

(…) L-istabbiliment għandu jsir skond l-iskeda kronoloġika li ġejja:

“2.

(…) L-istabbiliment għandu jsir skond l-iskeda kronoloġika li ġejja: