—

wara li kkunsidra l-kontijiet annwali definittivi tal-Aġenzija Fornitriċi tal-Euratom għas-sena finanzjarja 2011,

—

wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Fornitriċi tal-Euratom għas-sena finanzjarja 2011, flimkien mat-tweġibiet tal-Aġenzija (1),

—

wara li kkunsidra r-rakkomandazzjoni tal-Kunsill tat-12 ta’ Frar 2013 (05753/2013 — C7-0041/2013),

—

wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu,

—

wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (3), u b’mod partikolari l-Artikolu 208 tiegħu,

—

wara li kkunsidra d-Deċiżjoni tal-Kunsill 2008/114/KE, Euratom tat-12 ta’ Frar 2008 li tistabbilixxi l-Istatuti tal-Aġenzija Fornitriċi tal-Euratom (4), u b’mod partikolari l-Artikolu 8 tagħha,

—

wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (5), u b’mod partikolari l-Artikolu 94 tiegħu,

—

wara li kkunsidra l-Artikolu 77 u l-Anness VI tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit (A7-0104/2013),

A.

billi l-Aġenzija Fornitriċi tal-Euratom (“l-Aġenzija”) ġiet stabbilita fil-Lussemburgu fl-1958; billi d-Deċiżjoni 2008/114/KE stabbiliet statuti ġodda għall-Aġenzija u għaldaqstant saret aġenzija Ewropea,

B.

billi l-Qorti Ewropea tal-Awdituri stqarret li kisbet assigurazzjonijiet raġonevoli li l-kontijiet annwali tal-Aġenzija għas-sena finanzjarja 2011 huma affidabbli, u li t-tranżazzjonijiet sottostanti huma legali u regolari,

1.

Jinnota li fl-2011, l-Aġenzija ma rċeviet l-ebda sussidju biex tkopri l-operazzjonijiet tagħha u li l-Kummissjoni għamlet tajjeb għall-ispejjeż kollha mġarrba mill-Aġenzija għall-implimentazzjoni tal-baġit tagħha għall-2011; jinnota li din is-sitwazzjoni ilha għaddejja sa mill-ħolqien tal-Aġenzija fl-2008;

2.

Jinnota li fin-nuqqas ta’ baġit awtonomu, l-Aġenzija ġiet integrata de facto fil-Kummissjoni fl-2011 u li din is-sitwazzjoni ma tikkonformax mal-Istatuti tagħha;

3.

Jinnota madankollu li fl-2011, il-Kummissjoni adottat il-proposta li tistabbilixxi mill-ġdid linja baġitarja speċifika (jiġifieri l-linja baġitarja 32 01 06) għall-Aġenzija u b’riżultat ta’ dan, ingħatat sussidju ta’ EUR 98 000 mill-Kummissjoni fl-2012, b’baġit totali ta’ EUR 104 000 (inkluż dħul finanzjarju) fl-2012; iqis li dan kollu huwa kisba kbira fl-indirizzar tat-tħassib attwali;

4.

Jirreferi, fir-rigward tal-osservazzjonijiet l-oħra li jakkumpanjaw id-deċiżjoni tiegħu dwar il-kwittanza, li huma ta’ natura orizzontali, għar-riżoluzzjoni tiegħu tas-17 ta’ April 2013 (6) dwar il-prestazzjoni, il-ġestjoni finanzjarja u l-kontroll tal-aġenziji.