16.11.2013 |
MT |
Il-Ġurnal Uffiċjali tal-Unjoni Ewropea |
L 308/133 |
DEĊIŻJONI TAL-PARLAMENT EWROPEW
tas-17 ta’ April 2013
dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2011, Taqsima VIII — L-Ombudsman Ewropew
(2013/549/UE)
IL-PARLAMENT EWROPEW,
— |
wara li kkunsidra l-baġit ġenerali tal-Unjoni Ewropea għas-sena finanzjarja 2011 (1), |
— |
wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2011 (COM(2012) 436 — C7–0231/2012) (2), |
— |
wara li kkunsidra r-rapport annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2011, flimkien mat-tweġibiet tal-istituzzjonijiet (3), |
— |
wara li kkunsidra d-dikjarazzjoni ta’ assigurazzjoni (4) dwar l-affidabilità tal-kontijiet, kif ukoll dwar il-legalità u r-regolarità tal-operazzjonijiet li jaqgħu taħthom, ipprovduta mill-Qorti tal-Awdituri għas-sena finanzjarja 2011 skont l-Artikolu 287 tat-Trattat dwar il-Funzjonament tal-Unjoni Ewropea, |
— |
wara li kkunsidra tal-Artikolu 314(10) u l-Artikoli 317, 318 u 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (5), u b’mod partikolari l-Artikoli 50, 86, 145, 146 u 147 tiegħu, |
— |
wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (6), u b’mod partikolari l-Artikoli 164, 165 u 166 tiegħu, |
— |
wara li kkunsidra l-Artikolu 77 u l-Anness VI tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit (A7–0094/2013), |
1. |
Jagħti l-kwittanza lill-Ombudsman Ewropew għall-implimentazzjoni tal-baġit tiegħu għas-sena finanzjarja 2011; |
2. |
Jippreżenta l-kummenti tiegħu fir-riżoluzzjoni t’hawn taħt; |
3. |
Jagħti istruzzjonijiet lill-President tiegħu biex jgħaddi din id-deciżjoni, kif ukoll ir-riżoluzzjoni li hi parti integrali minnha, lill-Kunsill, lill-Kummissjoni, lill-Qorti tal-Ġustizzja tal-Unjoni Ewropea, lill-Qorti tal-Awdituri, lill-Ombudsman Ewropew u lill-Kontrollur Ewropew għall-Protezzjoni tad-Data, u biex jiżgura li jiġu ppubblikati f’Il-Ġurnal Uffiċjali tal-Unjoni Ewropea (serje L). |
Il-President
Martin SCHULZ
Is-Segretarju Ġenerali
Klaus WELLE
(2) ĠU C 348, 14.11.2012, p. 1.
(3) ĠU C 344, 12.11.2012, p. 1.
(4) ĠU C 348, 14.11.2012, p. 130.
(5) ĠU L 248, 16.9.2002, p. 1.
(6) ĠU L 298, 26.10.2012, p. 1.
RIŻOLUZZJONI TAL-PARLAMENT EWROPEW
tas-17 ta’ April 2013
li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2011, Taqsima VIII — L-Ombudsman Ewropew
IL-PARLAMENT EWROPEW,
— |
wara li kkunsidra l-baġit ġenerali tal-Unjoni Ewropea għas-sena finanzjarja 2011 (1), |
— |
wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2011 (COM(2012) 436 — C7–0231/2012) (2), |
— |
wara li kkunsidra r-rapport annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2011, flimkien mat-tweġibiet tal-istituzzjonijiet (3), |
— |
wara li kkunsidra d-dikjarazzjoni ta’ assigurazzjoni (4) dwar l-affidabilità tal-kontijiet, kif ukoll dwar il-legalità u r-regolarità tal-operazzjonijiet li jaqgħu taħthom, ipprovduta mill-Qorti tal-Awdituri għas-sena finanzjarja 2011 skont l-Artikolu 287 tat-Trattat dwar il-Funzjonament tal-Unjoni Ewropea, |
— |
wara li kkunsidra tal-Artikolu 314(10) u l-Artikoli 317, 318 u 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (5), u b’mod partikolari l-Artikoli 50, 86, 145, 146 u 147 tiegħu, |
— |
wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (6), u b’mod partikolari l-Artikoli 164, 165 u 166 tiegħu, |
— |
wara li kkunsidra l-Artikolu 77 u l-Anness VI tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit (A7–0094/2013), |
1. |
Jinnota b’sodisfazzjon li, fir-rapport annwali tagħha dwar l-2011, il-Qorti tal-Awdituri osservat li ma ġiet identifikata l-ebda dgħufija sinifikanti fir-rigward tat-temi awditjati relatati mar-riżorsi umani u l-proċeduri ta’ akkwist għall-Ombudsman Ewropew (“l-Ombudsman”); |
2. |
Jilqa’ l-fatt li, abbażi tal-ħidma ta’ awditjar tagħha, il-Qorti tal-Awdituri kkonkludiet li l-pagamenti kollha kemm huma għas-sena li ntemmet fil-31 ta’ Diċembru 2011 għan-nefqa amministrattiva u ta’ tip ieħor tal-istituzzjonijiet u tal-korpi kienu ħielsa minn żbalji materjali; |
3. |
Jisħaq fuq il-fatt li l-baġit tal-Ombudsman hu wieħed purament amministrattiv u, fl-2011, kien jammonta għal EUR 9 427 395, b’EUR 7 318 795 allokati għat-Titolu 1 (infiq relatat ma’ persuni li jaħdmu mal-istituzzjoni), EUR 1 469 200 attribwiti għat-Titolu 2 (bini, għamara, tagħmir u nfiq għal operat ieħor) u EUR 639 400 għat-Titolu 3 (infiq riżultat minn funzjonijiet ġenerali mħarrġa mill-istituzzjoni); |
4. |
Jieħu nota tal-fatt li mill-approprjazzjonijiet totali, ġew impenjati 92,54 % (89,65 % fl-2010) u tħallsu 85,62 % (84,03 % fl-2010) u jilqa’ dan it-titjib tar-rata ta’ utilizzazzjoni; jitlob li jsiru sforzi ulterjuri biex tittejjeb ir-rata ta’ utilizzazzjoni u li jsir monitoraġġ tat-tibdil li jsir; |
5. |
Jitlob li jiġi onorat l-obbligu biex jittejjeb l-ippjanar finanzjarju mingħajr dewmien biex tiġi żgurata implimentazzjoni baġitarja aktar effiċjenti; |
6. |
Ifaħħar il-Pjan ta’ Ġestjoni Annwali tal-Ombudsman għall-2011 fejn huma inklużi indikaturi ta’ prestazzjoni fundamentali biex titkejjel il-prestazzjoni tal-uffiċċju fil-ksib tal-objettivi tiegħu; |
7. |
Jistieden lill-Ombudsman jinkludi r-rata tas-servizzi ta’ interpretazzjoni mitluba iżda mhux użati matul dik is-sena fir-rapport annwali tal-attività li jmiss; |
8. |
Jilqa’ l-konklużjonijiet tal-awditur intern li l-Ombudsman implimenta tnejn mit-tliet rakkomandazzjonijiet bħala għajnuna għall-uffiċċju tal-Ombudsman biex itejjeb il-proċeduri interni tiegħu għall-ġestjoni u l-kontroll fl-ipproċessar tat-talbiet għal ħlas; jindika li għad hemm bżonn ta’ titjib fir-rigward ta’ tagħrif f’waqtu dwar il-ħlasijiet effettivi; jitlob li t-tielet rakkomandazzjoni, li tkopri tagħrif ulterjuri f’waqtu rigward il-pagamenti nnifishom, tiġi implimentata mingħajr dewmien; |
9. |
Jitlob li jkun hemm żieda sostanzjali tal-perċentwal tad-deċiżjonijiet dwar l-ammissibilità li jittieħdu fi żmien xahar minn meta jasal ilment, li, fl-2011, laħaq ċifra ta’ 70 %; jemmen li r-ristrutturazzjoni tal-uffiċċju tal-Ombudsman, implimentata fil-bidu tal-2012, flimkien ma’ proċedura aktar semplifikata għar-Reġistru, tista’ tikkontribwixxi biex, fis-snin li ġejjin, l-Unità għall-Ilmenti jkollha rendiment aħjar; |
10. |
Jinnota bi tħassib li t-tul medju tal-inkjesti kompla jiżdied fl-2011, b’66 % biss tal-każijiet magħluqa fi żmien 12-il xahar u 80 % tal-każijiet magħluqa fi żmien 18-il xahar; jitlob li din ir-rata tittejjeb sostanzjalment; jistieden lill-Ombudsman jiċċara liema perċentwal ta’ każijiet jinvolvi aktar minn ċiklu wieħed ta’ inkjesti u meta jkun hemm bżonn għal tieni ċiklu ta’ inkjesti; |
11. |
Jistieden lill-Ombudsman jinkludi, bil-ħsieb li jitnaqqas it-tul tal-proċeduri, indikazzjoni tal-perċentwal tar-riżorsi li jaffettwa l-ipproċessar tal-ilmenti mressqa mill-pubbliku, u l-miżuri li jikkunsidra li hemm bżonn sabiex is-servizzi jsiru aktar rapidi u effikaċi, b’mod partikolari permezz tar-riallokazzjoni tar-riżorsi, fir-rapport annwali tiegħu; |
12. |
Jistieden lill-Ombudsman jistipula l-modi kif jindirizza liċ-ċittadini tal-Unjoni u l-ammont ta’ fondi li jislet mill-baġit għal dan il-għan fir-rapport annwali tiegħu; |
13. |
Jistieden lill-uffiċċju tal-Ombudsman jinkludi tabella eżawrjenti tar-riżorsi umani kollha għad-dispożizzjoni tal-Ombudsman, imqassma skont il-kategorija, il-grad, il-ġeneru, il-parteċipazzjoni f’taħriġ professjonali u n-nazzjonalità fir-rapport annwali tal-attività li jmiss u jipprovdi s-sett sħiħ ta’ dokumenti meħtieġ għas-snin preċedenti; |
14. |
Jindika li r-rapport annwali dwar l-attivitajiet tal-Ombudsman fl-2011 ġie adottat mill-plenarja f’Ottubru 2012 u jinsab sodisfatt bil-kummenti li saru fih. |
(2) ĠU C 348, 14.11.2012, p. 1.
(3) ĠU C 344, 12.11.2012, p. 1.
(4) ĠU C 348, 14.11.2012, p. 130.