ANNESS

Lista ta’ avvenimenti ewlenin għax-xandir televiżiv

Nru tas-Serje

Sport/qasam

Avveniment

Metodu ta’ xandir awdjoviżiv

Logħob Olimpiku tas-sajf u tax-xitwa

L-avvenimenti Olimpiċi kollha tas-sajf u tax-xitwa li fihom jieħdu sehem it-tim nazzjonali Sloven jew atleta Sloven wieħed jew iktar.

L-avvenimenti jixxandru dirett, b’mod sħiħ jew parzjali. Jekk ix-xandir dirett ma jkunx teknikament fattibbli minħabba li żewġ avvenimenti jew iktar jinzertaw fl-istess ħin, dawn jistgħu jixxandru wkoll b’dewmien bejniethom.

Futbol

—	It-Tazza tad-Dinja tal-irġiel – il-logħbiet kollha li jintlagħbu mit-tim nazzjonali Sloven, il-logħba tal-ftuħ, is-semifinali, il-logħba għat-tielet post u l-finali

—	Il-logħbiet kollha ta’ kwalifika tat-Tazza tad-Dinja li fihom jilgħab it-tim nazzjonali Sloven tal-irġiel

—	Il-Kampjonat Ewropew tal-UEFA tal-irġiel – il-logħbiet kollha li jintlagħbu mit-tim nazzjonali Sloven, il-logħba tal-ftuħ, is-semifinali, il-finali

—	Il-logħbiet kollha ta’ kwalifika tal-Kampjonat Ewropew tal-UEFA li fihom jilgħab it-tim nazzjonali Sloven tal-irġiel

—	L-UEFA Champions League tal-irġiel – il-logħbiet kollha li fihom jieħdu sehem il-klabbs Sloveni

—	L-UEFA Europa League tal-irġiel – il-logħbiet kollha tal-fażi ta’ eliminazzjoni li fihom jieħdu sehem il-klabbs Sloveni

L-avvenimenti jixxandru dirett, b’mod sħiħ.

Skijjar – id-dixxiplini tal-FIS u l-biathlon

—	Il-Kampjonati Dinjin tal-Iskijjar Alpin tal-FIS, il-Kampjonati Dinjin tal-Iskijjar Nordiku tal-FIS, u l-Kampjonati Dinjin tat-Titjir bl-Iskis tal-FIS

—	Il-Kampjonati Dinjin tal-Biathlon tal-IBU

—	Il-kompetizzjonijiet tat-Tazza tad-Dinja tal-Iskijjar Alpin tal-FIS u tat-Tazza tad-Dinja tal-Qbiż bl-Iskis tal-FIS

—	Il-kompetizzjonijiet tat-Tazza tad-Dinja tal-Biathlon tal-IBU

—	Il-kompetizzjonijiet kollha tat-Tazza tad-Dinja fl-isports tax-xitwa l-oħra kollha (FIS) li jsiru fis-Slovenja

L-avvenimenti jixxandru dirett, b’mod sħiħ. Jekk ix-xandir dirett ma jkunx teknikament fattibbli minħabba li żewġ avvenimenti jew iktar jinzertaw fl-istess ħin, dawn jistgħu jixxandru wkoll b’dewmien bejniethom.

Basketball

—	It-Tazza tad-Dinja tal-irġiel u l-Kampjonat Ewropew tal-irġiel: il-logħbiet kollha li jintlagħbu mit-tim nazzjonali Sloven

L-avvenimenti jixxandru dirett, b’mod sħiħ.

Handball

—	It-Tazza tad-Dinja tal-irġiel u tan-nisa, kif ukoll il-Kampjonat Ewropew tal-irġiel u tan-nisa: il-logħbiet kollha li jintlagħbu mit-tim nazzjonali Sloven

L-avvenimenti jixxandru dirett, b’mod sħiħ.

Volleyball fuq ġewwa

—	It-Tazza tad-Dinja tal-irġiel u l-Kampjonat Ewropew tal-irġiel: il-logħbiet kollha li jintlagħbu mit-tim nazzjonali Sloven

L-avvenimenti jixxandru dirett, b’mod sħiħ.

Ċikliżmu fit-toroq

—	It-tellieqa fit-toroq Elite tal-Kampjonati Dinjin taċ-Ċikliżmu fit-Toroq tal-UCI jekk ikun qed jieħu sehem ċiklist Sloven wieħed jew iktar – l-istadju finali tat-tellieqa; it-Tour tas-Slovenja – il-partijiet finali tal-istadji u l-istadju tal-għeluq

—	It-Tour de France, jekk ikun qed jieħu sehem ċiklist Sloven wieħed jew iktar – il-partijiet finali tal-istadji u l-istadju tal-għeluq

L-avvenimenti u partijiet mill-avvenimenti jixxandru b’mod dirett.