|
Il-Ġurnal Uffiċjali |
MT Is-serje C |
|
C/2026/4868 |
28.9.2026 |
Talba għal deċiżjoni preliminari mressqa mis-Sąd Rejonowy dla Warszawy-Woli w Warszawie (il-Polonja) fl-1 ta’ Lulju 2026 – Consumer Rights Recovery sp. z o.o. vs BNP Paribas Bankowi Polska S.A.
(Kawża C-714/26, Consumer Rights Recovery)
(C/2026/4868)
Lingwa tal-kawża: il-Pollakk
Qorti tar-rinviju
Sąd Rejonowy dla Warszawy-Woli w Warszawie
Partijiet fil-kawża prinċipali
Rikorrent: Consumer Rights Recovery sp. z o.o.
Konvenut: BNP Paribas Bank Polska S.A.
Domandi preliminari
|
1) |
F’sitwazzjoni fejn il-mutwant, bi ksur tal-Artikolu 3(g) u (j) tad-Direttiva 2008/48/KE tal-Parlament Ewropew u tal-Kunsill tat-23 ta’ April 2008 dwar ftehim ta’ kreditu għall-konsumatur u li tħassar id-Direttiva tal-Kunsill 87/102/KEE (1), moqri flimkien mal-Artikolu 10(2) ta’ din id-direttiva, ikun applika rata ta’ interessi mhux biss fuq l-ammont totali tal-kreditu, iżda wkoll fuq ammonti ddestinati sabiex ikopru l-infiq marbut mal-kreditu, li jagħmlu parti mill-infiq kollu marbut ma’ dan il-kreditu sostnut mill-konsumatur (bħal ma kien il-każ fis-sentenza tat-23 ta’ April 2026, Bank Polska Kasa Opieki, C-744/24, EU:C:2026:337), għandu jitqies:
|
|
2) |
Fil-każ ta’ risposta fl-affermattiv għall-ewwel domanda, ukoll għal parti minnha, l-eżistenza ta’ wieħed jew iktar minn dawn in-nuqqasijiet għandha twassal għall-applikazzjoni, mill-qorti nazzjonali, tas-sanzjonijiet previsti mid-dritt nazzjonali u stabbiliti skont l-Artikolu 23 tad-Direttiva 2008/48? |
|
3) |
Fil-każ ta’ risposta fl-affermattiv għall-ewwel domanda, ukoll għal parti minnha, l-eżistenza ta’ dan it-tip ta’ nuqqas għandha tiġi eżaminata ex officio mill-qorti nazzjonali, għal kull każ, jew unikament abbażi ta’ motiv konkret imqajjem mill-konsumatur (jew l-aventi kawża tiegħu) fil-kuntest tal-proċedura, b’mod partikolari meta r-rikorrent isostni fl-argumenti tiegħu l-applikazzjoni illegali tar-rata ta’ interessi mhux biss fuq l-ammont totali tal-kreditu, iżda wkoll fuq ammonti ddestinati sabiex ikopru l-ispiża marbuta mal-kreditu, li jagħmlu parti mill-infiq kollu marbut ma’ dan il-kreditu sostnut mill-konsumatur? |
(1) ĠU 2008, L 133, p. 66, rettifiki fil-ĠU 2009, L 207, p. 14, fil-ĠU 2009, L 207, p. 14, fil-ĠU 2010, L 199, p. 40 u fil-ĠU 2011, L 234, p. 46.
ELI: http://data.europa.eu/eli/C/2026/4868/oj
ISSN 1977-0987 (electronic edition)