1)

Il-prinċipji ta’ proporzjonalità u ta’ raġonevolezza stabbiliti fl-Artikolu 18(1) tad-Direttiva 2014/24/UE tal-Parlament Ewropew u tal-Kunsill tas-26 ta’ Frar 2014 dwar l-akkwist pubbliku u li tħassar id-Direttiva 2004/18/KE (1), fil-premessa 101 ta’ din l-istess direttiva, u d-dispożizzjonijiet tal-Artikolu 57(6) ta’ din l-istess direttiva għandhom jiġu interpretati fis-sens li jipprekludu l-introduzzjoni jew l-interpretazzjoni ta’ dispożizzjoni nazzjonali bħall-Artikolu 80(5)(f) tad-decreto legislativo n. 50/2016 [id-Digriet Leġiżlattiv Nru 50/2016] li timponi fuq l-awtoritajiet kontraenti, mingħajr ebda possibbiltà ta’ evalwazzjoni diskrezzjonali, l-esklużjoni awtomatika ta’ operatur ekonomiku minn proċedura għall-għoti ta’ kuntratt pubbliku minħabba deċiżjoni kawtelatorja li ttieħdet matul il-proċedura ta’ sejħa għal offerti li tipprojbixxi għal ftit jiem il-kapaċità lil dan l-operatur ekonomiku li jidħol f’kuntratt mal-amministrazzjoni pubblika għal dan il-perjodu limitat biss, ma jissodisfax b’mod kontinwu r-rekwiżiti ta’ natura ġenerali?

2)

L-istess dispożizzjonijiet imsemmija u prinċipji jipprekludu l-introduzzjoni jew l-interpretazzjoni ta’ dispożizzjoni nazzjonali bħall-Artikolu 80(5)(f) tad-decreto legislativo n. 50/2016 [id-Digriet Leġiżlattiv Nru 50/2016] li ma tippermettix lill-awtoritajiet kontraenti jevalwaw l-eventwali miżuri korrettivi meħuda mill-operatur ekonomiku li, matul il-proċedura tas-sejħa għal offerti, jirrikorri għal miżura kawtelatorja li tipprojbixxi għal ftit jiem il-kapaċità li dan l-operatur ekonomiku li jidħol f’kuntratt mal-amministrazzjoni pubblika?