Notifika minn qabel ta’ konċentrazzjoni

(Każ M.12359 — MUTARES / JADEED)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2026/3207)

Fl-1 ta’ Ġunju 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Mutares SE &Co. KGaA (“Mutares”) (il-Ġermanja),

—	Jadeed Holding B.V. (in-Netherlands), li tappartjeni għall-grupp SABIC International Holdings B.V. (in-Netherlands) u Plastics US Holding LLC (l-Istati Uniti tal-Amerka), li jappartjenu għall-grupp SABIC US Holdings LP (l-Istati Uniti tal-Amerka), flimkien “Jadeed” jew il- “Kumpaniji fil-mira”.

Mutares se takkwista fis-sens tal-Artikolu 3(1)(b) tar-Regolament dwar l-Għaqdiet il-kontroll uniku ta’ Jadeed.

Il-konċentrazzjoni titwettaq permezz tax-xiri ta’ ishma.

L-attivitajiet kummerċjali tal-impriżi kkonċernati huma li ġejjin:

—

Mutares SE & Co. KGaA hija kumpanija ta’ investiment internazzjonali. L-istrateġija ta’ investiment tagħha hija bbażata fuq ġestjoni attiva tat-turnaround immirata lejn l-istabbilizzazzjoni tal-operazzjonijiet u l-kisba ta’ tkabbir sostenibbli u profittabbli. Mutares hija attiva f’diversi setturi, inklużi s-settur Awtomobilistiku u l-Mobbiltà, l-Inġinerija u t-Teknoloġija, l-Infrastruttura u l-Industrija Speċjali, l-Oġġetti u s-Servizzi, u l-Kimiki u l-materjali.

—

Jadeed Holding B.V u Plastics US Holding LLC jiffurmaw il-konċessjoni tan-negozju tal-Engineering Thermoplastics (“ETP”) ta’ SABIC fil-Kontinent Amerikan u fl-Ewropa u huma manifatturi u fornituri ta’ tliet tipi ta’ plastiks: Polikarbonat, Tereftalat tal-Polibutilen u Stiren tal-Akrilonitril Butadiene. Dawn huma termoplastiks tal-inġinerija bi proprjetajiet mekkaniċi definiti, użati mill-klijenti fis-setturi tal-Karozzi, tal-Bini u tal-Kostruzzjoni, tal-Kura tas-Saħħa, tal-Elettriku u tal-Elettronika, tal-Konsumatur, u oħrajn.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lill-partijiet terzi interessati biex jibagħtulha l-osservazzjonijiet li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12359 — MUTARES / JADEED

L-osservazzjonijiet jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.