Fil-kawża E-9/25, Peter Plörer vs LGT Bank AG — TALBA lill-Qorti skont l-Artikolu 34 tal-Ftehim bejn l-Istati tal-EFTA dwar it-Twaqqif ta’ Awtorità ta’ Sorveljanza u Qorti tal-Ġustizzja mill-Qorti Suprema tal-Prinċipat (Fürstlicher Oberster Gerichtshof) dwar l-interpretazzjoni tal-prinċipju ta’ effettività fil-kuntest tar-regoli nazzjonali dwar il-perjodi ta’ preskrizzjoni li jirregolaw it-talbiet għal imgħax fuq ir-remunerazzjoni fuq somom ta’ flus miżmuma indebitament bħala riżultat tal-invalidità ta’ klawżola kuntrattwali, fejn dik l-invalidità tirriżulta mill-inkompatibbiltà tal-klawżola mal-Liġi taż-ŻEE, il-Qorti, magħmula minn Páll Hreinsson, President, Bernd Hammermann u Michael Reiertsen (Imħallef Relatur), Imħallfin, tat sentenza fit-12 ta’ Frar 2026, li l-parti operattiva tagħha hija kif ġej:

L-Artikoli 6(1) u 7(1) tad-Direttiva tal-kunsill 93/13 KEE tal-5 ta’ April 1993 dwar klawżoli inġusti f’kuntratti mal-konsumatur, għandhom jiġu interpretati fis-sens li jipprekludu dispożizzjoni nazzjonali li tipprovdi li l-interessi kumpensatorji fuq is-somom miżmuma illegalment bħala riżultat tal-invalidazzjoni ta’ klawżola kuntrattwali skont din id-direttiva huma suġġetti għal terminu ta’ preskrizzjoni li jiskadi qabel ma l-konsumatur kellu l-possibbiltà kemm li jsir jaf bid-drittijiet mogħtija mid-dritt taż-ŻEE kif ukoll li jeżerċitahom.