Appell ippreżentat fil-21 ta’ April 2026 minn Mylan Ireland Ltd mis-sentenza mogħtija mill-Qorti Ġenerali (Ir-Raba’ Awla) fil-11 ta’ Frar 2026 fil-Kawża T-1181/23, Mylan Ireland vs Il-Kummissjoni

(Kawża C-382/26 P)

(C/2026/2882)

Lingwa tal-kawża: l-Ingliż

Partijiet

Appellant: Mylan Ireland Ltd (rappreżentanti: C. Dumont, K. Roox u J. Stuyck, advocaten)

Partijiet oħra fil-proċedura: Il-Kummissjoni Ewropea, Biogen Netherlands BV

Talbiet

L-appellanti titlob li l-Qorti tal-Ġustizzja jogħġobha:

—	tiddikjara, bħala prinċipju, l-appell ta’ Mylan ammissibbli u fondat u, konsegwentement, tannulla s-sentenza appellata fl-intier tagħha, ħlief fejn hija qieset li Mylan kellha interess ġuridiku kontinwu;

—

fil-każ tal-annullament tas-sentenza appellata, tilqa’ t-talbiet ippreżentati fl-ewwel istanza abbażi ta’ kwalunkwe wieħed mid-disa’ motivi invokati fir-rikors għal annullament, jiġifieri:

a)	tiddikjara t-talba għal annullament ta’ Mylan ammissibbli u fondata;

tannulla d-Deċiżjoni ta’ Implimentazzjoni tal-Kummissjoni C(2023) 8920 final tat-13 ta’ Diċembru 2023 li tirrevoka d-Deċiżjoni C(2022) 3252 (final) li tagħti awtorizzazzjoni għall-kummerċjalizzazzjoni skont ir-Regolament (KE) Nru 726/2004 (1) tal-Parlament Ewropew u tal-Kunsill għal “Dimethyl Fumarate Mylan - dimetilfumarat”, prodott mediċinali għall-użu mill-bniedem;

c)	tikkundanna lill-Kummissjoni għall-ispejjeż;

—	sussidjarjament, jekk l-appell jiġi ddikjarat fondat mingħajr ma l-Qorti tal-Ġustizzja tkun tista’ tiddeċiedi dwar it-talbiet ippreżentati fl-ewwel istanza, tibgħat il-kawża lura quddiem il-Qorti Ġenerali;

—	fi kwalunkwe każ, tikkundanna lill-Kummissjoni għall-ispejjeż tal-appell.

Aggravji u argumenti prinċipali

Insostenn tal-appell tagħha, l-appellanti tinvoka seba’ aggravji.

L-ewwel aggravju bbażat fuq żball manifest ta’ evalwazzjoni tal-fatti.

It-tieni aggravju bbażat fuq nuqqas ta’ bażi legali, inkluż żball ta’ liġi fl-applikazzjoni tal-Artikolu 81(2) tar-Regolament Nru 726/2004.

It-tielet aggravju bbażat fuq żball ta’ liġi fl-applikazzjoni tal-Artikoli 10(2) u 13 tar-Regolament Nru 726/2004.

Ir-raba’ aggravju bbażat fuq żball ta’ liġi fl-applikazzjoni tal-Artikolu 14(11) tar-Regolament Nru 726/2004.

Il-ħames aggravju bbażat fuq żball ta’ liġi fl-applikazzjoni tal-Artikolu 5(2) tar-Regolament Nru 726/2004.

Is-sitt aggravju bbażat fuq żball ta’ liġi fl-applikazzjoni tal-Artikolu 266 TFUE u tal-Artikolu 277 TFUE.

Is-seba’ aggravju bbażat fuq żball ta’ liġi fl-applikazzjoni tal-Artikolu 263 TFUE, tal-Artikolu 60 tal-Istatut u tal-prinċipju ta’ aspettattivi leġittimi.

(1) Regolament (KE) Nru 726/2004 tal-Parlament Ewropew u tal-Kunsill tal-31 ta’ Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (ĠU Edizzjoni Speċjali bil-Malti, Kapitolu 13, Vol. 34, p. 229, rettifika fil-ĠU 2023, L 92, p. 31).