Rikors ippreżentat fit-13 ta’ Marzu 2026 – Abanca Corporación Bancaria vs EUIPO – Aban (ABAN)

(Kawża T-175/26)

(C/2026/2397)

Lingwa tar-rikors: l-Ingliż

Partijiet

Rikorrent: Abanca Corporación Bancaria, SA (Betanzos, Spanja) (rappreżentant: K. Guridi Sedlak, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Aban sp. z o.o. (Kraków, il-Polonja)

Informazzjoni dwar il-proċedimenti quddiem l-EUIPO

Applikant għat-trade mark kontenzjuża: il-parti l-oħra quddiem il-Bord tal-Appell

Trade mark kontenzjuża kkonċernata: Applikazzjoni għal reġistrazzjoni tat-trademark tal-Unjoni Ewropea “ABAN” – Applikazzjoni għal reġistrazzjoni Nru 18 929 167

Proċedimenti quddiem l-EUIPO: proċedimenti ta’ oppożizzjoni

Deċiżjoni kkontestata: id-deċiżjoni tal-Ewwel Bord tal-Appell tal-EUIPO tal-14 ta’ Jannar 2026 fil-Każ R 367/2025-1

Talbiet

Ir-rikorrenti titlob li l-Qorti Ġenerali jogħġobha:

—	tilqa’ r-rikors u tagħti sentenza li taċċetta r-rikors, billi tannulla kompletament ir-riżultat tad-deċiżjoni kkontestata;

—	tordna li t-trade mark ikkontestata tiġi miċħuda għas-servizzi kollha fil-klassijiet 35, 36 u 41;

—	tikkundanna lill-EUIPO u/jew lill-parti l-oħra quddiem il-Bord tal-Appell għall-ispejjeż.

Motiv invokat

Ksur tal-Artikolu 8(1)(b) u (5) tar-Regolament (UE) 2017/1001 tal-Parlament Ewropew u tal-Kunsill.