1)

L-Artikolu 56 TFUE għandu jiġi interpretat bħala li jipprojbixxi leġiżlazzjoni nazzjonali li, bħal dik inkwistjoni, tipprojbixxi – fiċ-ċirkustanzi kollha u irrispettivament mill-prezz tal-bejgħ mill-ġdid – kemm il-bejgħ mill-ġdid abitwali ta’ titoli tal-aċċess għal avvenimenti kif ukoll il-provvista tal-mezzi li għandhom jintużaw għal dan il-bejgħ mill-ġdid, u, b’dan il-mod, toħloq ostaklu għal-libertà li jiġu pprovduti servizzi minn operaturi bħal TICOMBO?

2)

L-Artikoli 15 u 16 tad-Direttiva 2006/123/KE tal-Parlament Ewropew u tal-Kunsill tat-12 ta’ Diċembru 2006 dwar is-servizzi fis-suq intern (1) (iktar ’il quddiem id-“Direttiva dwar is-Servizzi”) flimkien mal-Artikolu 56 TFUE għandhom jiġu interpretati bħala li jipprojbixxu leġiżlazzjoni nazzjonali li, bħal dik inkwistjoni, tipprojbixxi – taħt kull ċirkustanza – il-bejgħ mill-ġdid ta’ titolu ta’ aċċess bi prezz ogħla mill-prezz inizjali tal-bejgħ tiegħu, irrispettivament mil-livell ta’ dan l-ammont addizzjonali, u b’hekk jostakolaw il-libertà li jiġu pprovduti servizzi minn operaturi bħal TICOMBO?

3)

Fil-każ li jirriżulta li l-Liġi tat-30 ta’ Lulju 2013 tipprojbixxi kemm lill-parteċipanti kollha tas-suq inkwistjoni milli jbigħu mill-ġdid abitwalment titoli ta’ aċċess għal avvenimenti kif ukoll il-provvista tal-mezzi li għandhom jintużaw għal tali bejgħ mill-ġdid, l-Artikolu 106 TFUE, flimkien mal-Artikolu 102 TFUE, għandu jiġi interpretat bħala li jipprojbixxi tali leġiżlazzjoni nazzjonali li: