Rikors ippreżentat fil-15 ta’ Jannar 2026 – Ecolog Deutschland vs Il-Kummissjoni

(Kawża T-31/26)

(C/2026/1773)

Lingwa tal-kawża: il-Ġermaniż

Partijiet

Rikorrent: Ecolog Deutschland GmbH (Düsseldorf, il-Ġermanja) (rappreżentant: T. Mösinger, avukat)

Konvenut: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha:

—	tannulla l-għoti tal-kuntratt inkwistjoni (1) mill-Kummissjoni Ewropea lil [offerent ieħor];

—	tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka tliet motivi.

L-ewwel motiv: applikazzjoni illegali tad-dikjarazzjoni ta’ kriżi

—	L-interpretazzjoni stretta tal-eċċezzjoni prevista fid-dikjarazzjoni ta’ kriżi ma hijiex applikabbli, peress li, bl-eċċezzjoni tas-sejħa għall-offerti, il-proċedura kollha żvolġiet wara l-iskadenza tal-effettività tad-dikjarazzjoni ta’ kriżi.

—	Ma hemmx urġenza estrema peress li ma ġiet ipprovduta ebda motivazzjoni suffiċjenti.

—	Proċedura pubblika fuq livell Ewropew setgħet żvolġiet mingħajr problemi fit-terminu stabbilit għas-sejħa għall-offerti. Dan jikkontradixxi wkoll l-urġenza estrema.

2.	It-tieni motiv: assenza ta’ stedina lir-rikorrenti Il-parteċipanti mistiedna kienu illegalment limitati għall-manifatturi tat-tined. F’dan il-kuntest, ir-rikorrenti ġiet eskluża.

3.	It-tielet motiv: għoti illegali tal-kuntratt lil [offerent ieħor] Għalkemm l-impriża li rebħet il-kuntratt hija manifattur tat-tined, hija ma timmanifatturax tined tat-tip meħtieġ għall-użu militari.

(1) Belgium: EC-FPI/2024/EA-NP/0038 Supply contract - EPF Armenia, ĠU. S 2025/704925, 24/10/2025