1.   

Fil-25 ta’ Frar 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	OEP IX Master Coöperatief U.A. (“OEP IX”, in-Netherlands), fl-aħħar mill-aħħar ikkontrollata minn OEP IX GP, L.L.C. (l-Istati Uniti).

—	Leviat Group (diversi ġurisdizzjonijiet), fl-aħħar mill-aħħar ikkontrollata minn CRH Plc (l-Irlanda) (2).

OEP IX se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Leviat Group kollha kemm hi. Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—

OEP IX hija impriża holding finanzjarja, inkorporata skont id-dritt tan-Netherlands, li tifforma parti mill-kumpless tal-fondi taħt il-ġestjoni u l-konsulenza ta’ OEP Capital Advisors, L.P. (flimkien magħrufa bħala “OEP”, l-Istati Uniti), ditta ta’ ekwità privata fis-suq medju ffukata fuq is-setturi industrijali, tal-kura tas-saħħa u tat-teknoloġija fl-Amerka ta’ Fuq u fl-Ewropa.

—	Leviat Group hija negozju globali tad-disinn u tal-manifattura li jispeċjalizza f’aċċessorji tal-kostruzzjoni maħdumin u f’soluzzjonijiet ta’ prestazzjoni għolja, użati biex jerfgħu, jikkonnettjaw, jankraw, isaħħu, u jiżolaw proġetti ta’ bini u infrastruttura.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (3) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12353 — OEP IX / LEVIAT GROUP

Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË