—

Jiżgura d-direzzjoni, il-koordinament u t-tmexxija tal-unitajiet tad-direttorat kif ukoll il-ġestjoni tal-persunal u l-organizzazzjoni ġenerali tad-Direttorat;

—

Jiddefinixxi u jimplimenta politika strateġika u innovattiva ta’ ġestjoni tar-riżorsi umani, adattata għall-bżonnijiet tad-Direttorat Ġenerali għas-Sigurtà u l-Protezzjoni. Jiggarantixxi l-ottimizzazzjoni tar-riżorsi umani skont il-qasam ta’ attività u fit-tliet postijiet tax-xogħol filwaqt li jikkontribwixxi għat-tkabbir tal-prospettivi ta’ karriera u għall-ħolqien ta’ kondizzjonijiet ta’ xogħol xierqa. Jiżgura l-ippjanar annwali tal-aġenti tas-sigurtà u tal-prevenzjoni, kif ukoll il-ġestjoni loġistika tar-riżorsi;

—

Jiddefinixxi u jimplimenta strateġiji mmirati ta’ taħriġ fil-qasam tas-sigurtà u tal-protezzjoni għall-kategoriji kollha tal-persunal. Jidentifika l-bżonnijiet ta’ taħriġ u jistabbilixxi pjan annwali bil-għan li jiggarantixxi s-sigurtà, il-protezzjoni u ambjent ta’ xogħol inklużiv. Iżomm il-kuntatti mas-sħab, inklużi mal-fornituri esterni, u jsaħħaħ il-kapaċitajiet interni fil-qasam tas-sensibilizzazzjoni għas-sigurtà;

—

Jiżgura l-ġestjoni baġitarja u finanzjarja tal-kuntratti kif ukoll il-programmazzjoni tal-akkwist, inkluża l-eżekuzzjoni effikaċi u effiċjenti tal-ippjanar annwali tas-sejħiet għall-offerti. Jagħti pariri u jassisti lis-servizzi kollha fit-tħejjija u fl-implimentazzjoni tal-baġit, kif ukoll fil-programmazzjoni u fil-monitoraġġ tal-uffiċjali awtorizzanti, b’mod konsistenti mal-proġetti strateġiċi u mal-objettivi definiti;

—

Jiżgura l-funzjonament u l-manutenzjoni tas-sistemi tal-IT u jagħti appoġġ lill-utenti involuti fl-operazzjonijiet ta’ sigurtà bl-iżvilupp ta’ soluzzjonijiet informatiċi aġġornati li jissodisfaw il-bżonnijiet speċifiċi. Jiggarantixxi ppjanar bil-quddiem u monitoraġġ proattiv tal-preżentazzjoni u tal-implimentazzjoni tal-proġetti tal-IT fil-qafas tal-programm informatiku tal-Parlament Ewropew;

—

Jikkoordina u jiggarantixxi l-iżvolġiment korrett tal-operazzjonijiet fi ħdan id-Direttorat għar-Riżorsi u tal-proġetti orizzontali, filwaqt li jiżgura ġestjoni ottimali tar-riżorsi b’mod konsistenti mal-bżonnijiet tal-Parlament Ewropew;

—

Jeżerċita s-setgħat ta’ Awtorità tal-Ħatra u ta’ uffiċjal awtorizzanti b’sottodelega.

—

Torganizza sessjonijiet ta’ taħriġ speċifiċi dwar is-sigurtà u l-prevenzjoni;

—

Tistabbilixxi l-pjan ta’ taħriġ għad-Direttorat Ġenerali għas-Sigurtà u l-Protezzjoni u tiżgura li dan jiġi implimentat b’mod korrett biex jintlaħqu l-objettivi fil-qasam tat-taħriġ;

—

Tiżviluppa programm ta’ taħriġ għall-persunal kollu tad-Direttorat Ġenerali bil-għan li jżomm il-professjonalità tiegħu u l-effiċjenza tiegħu;

—

Tiddefinixxi l-bżonnijiet f’dak li huwa taħriġ tad-Direttorat Ġenerali bil-għan li tiżgura li jinkisbu u jinżammu l-ħiliet u t-tekniki ta’ sigurtà neċessarji biex jiġu sodisfatti r-rekwiżiti ta’ sigurtà tal-Parlament Ewropew;

—

Tipparteċipa fl-inizjattivi ta’ komunikazzjoni, taħriġ u sensibilizzazzjoni għal min jokkupa l-binjiet tal-istituzzjoni fir-rigward tal-kultura ta’ sigurtà u protezzjoni.

—

Tiżgura l-ġestjoni effikaċi u strateġika tar-riżorsi umani tad-Direttorat Ġenerali: il-ġestjoni tal-karrieri tal-uffiċjali u tal-aġenti l-oħra (kompetizzjonijiet, reklutaġġ, mobbiltà, attivitajiet esterni, riżenji, allowances, eċċ.), il-kondizzjonijiet ta’ xogħol, il-pożizzjonijiet fl-organigramma (rivalutazzjoni tal-pożizzjonijiet, ċaqliq Ringbook, eċċ.) kif ukoll il-pakketti baġitarji (missjonijiet, aġenti kuntrattwali, ħaddiema temporanji permezz ta’ aġenzija);

—

Jikkonsolida l-organizzazzjoni operattiva annwali ta’ kważi 760 kollega tad-Direttorat Ġenerali għas-Sigurtà u l-Protezzjoni fi Brussell, Strażburgu u fil-Lussemburgu, f’sinerġija mas-servizzi operattivi, bil-għan li jiġu koperti l-bżonnijiet ta’ sigurtà tal-istituzzjoni skont l-attività parlamentari u jiġi garantit il-bilanċ bejn ix-xogħol u l-ħajja privata tal-aġenti. Tidentifika l-bżonnijiet possibbli tar-reviżjoni tal-għodod tal-IT u tal-metodoloġiji ta’ ppjanar bil-għan li jiġu sodisfatti r-rekwiżiti tal-istituzzjoni;

—

Tiżgura l-ġestjoni tal-beni fl-inventarju (GBI), it-tagħmir u l-kunsinna annwali tal-ħwejjeġ tas-servizz u tal-protezzjoni ta’ aktar minn 760 aġent u koordinatur. Tipprovdi lill-persunal, u b’mod partikolari lill-aġenti operattivi, l-aħjar kondizzjonijiet ta’ xogħol possibbli fir-rispett tar-regoli fis-seħħ;

—

Tikkontribwixxi għall-eżerċizzji ta’ rapportar trażversali bħall-programm ta’ ħidma annwali, ir-rapport annwali tal-attività u r-rapport perjodiku tal-attività, il-ġestjoni tar-riskji, il-pjan għall-kontinwità tal-operat, il-kwistjonijiet li jirrigwardaw l-ugwaljanza u d-diversità, eċċ.

—

Tikkoordina u tipprovdi appoġġ lill-utenti tal-FMS u tal-WebContract; tagħti pariri u tassisti lis-servizzi operattivi fit-tħejjija u fl-implimentazzjoni tal-baġit. Tiżgura l-monitoraġġ baġitarju, is-segwitu tal-eżekuzzjoni tal-kuntratti, il-bidu tal-atti baġitarji (impenji, pagamenti, ordnijiet ta’ rkupru u ta’ rimborż) u kuntrattwali, it-tħejjija tal-formoli tal-ordnijiet u tal-kuntratti speċifiċi u l-ġestjoni tad-dħul assenjat;

—

Tistabbilixxi l-programmazzjoni annwali tal-akkwist u tiżgura li jiġi mmonitorjat b’mod proattiv. Tassisti u tagħti pariri lill-unitajiet operattivi fit-tfassil tad-dokumenti tal-akkwisti, it-tnedija tal-proċeduri, l-evalwazzjoni u l-aġġudikazzjoni, sal-iffirmar tal-kuntratti. Tagħti pariri u takkumpanja lis-servizzi operattivi kollha fl-ipproċessar tal-kwistjonijiet ġuridiċi marbuta mal-eżekuzzjoni tal-kuntratti (emendi, riżoluzzjoni tat-tilwim, penali, eċċ.);

—

Tiżgura l-monitoraġġ ex ante tal-proċeduri ta’ aġġudikazzjoni ta’ kuntratti u tal-atti kollha ta’ implimentazzjoni baġitarja (impenji finanzjarji u ġuridiċi), iż-żamma tajba tal-inventarju finanzjarju kif ukoll il-konservazzjoni tal-atti baġitarji, tad-dokumenti ġustifikattivi u tad-dokumenti kollha relatati mal-proċeduri ta’ aġġudikazzjoni ta’ kuntratti;

—

Tabbozza r-rapporti perjodiċi u tikkontribwixxi għar-rapporti annwali tal-attività kif ukoll għall-programm ta’ ħidma; tipparteċipa fl-abbozzar ta’ tweġibiet għar-riżoluzzjonijiet baġitarji, għall-mistoqsijiet tas-servizzi tal-Parlament Ewropew (pereżempju l-Kumitati BUDG u CONT), tal-Membri kif ukoll għall-mistoqsijiet tal-korpi ta’ awditjar (awditur intern, Qorti tal-Awdituri);

—

Jimmonitorja l-istandards minimi ta’ kontroll intern u tevalwa l-livell tal-implimentazzjoni tagħhom permezz ta’ azzjonijiet ad hoc (pereżempju sondaġġi perjodiċi tal-persunal);

—

Tirrappreżenta lid-Direttorat Ġenerali għas-Sigurtà u l-Protezzjoni fi ħdan id-diversi entitajiet u s-sottogruppi tagħhom, b’mod partikolari l-Grupp ta’ Tmexxija Inter-DĠ dwar il-Finanzi, il-Forum tal-Akkwisti Pubbliċi, il-Grupp għall-Politika Immobiljari, il-Grupp ta’ Ħidma dwar il-Kontroll Intern u fil-laqgħat tal-utenti ewlenin tal-FMS;

—

Tiġġestixxi l-infrastrutturi, ir-riżorsi informatiċi u l-aċċessi: tippjana u tissorvelja l-infrastruttura informatika, inklużi l-hardware, is-software, il-komponenti tan-network, kif ukoll tiżgura l-proviżjonament u l-manutenzjoni tagħhom, u l-ġestjoni tal-aċċessi tal-utenti, bil-għan li tiggarantixxi d-disponibbiltà, l-affidabbiltà u s-sigurtà tar-riżorsi informatiċi;

—

Tipprovdi appoġġ lill-utenti finali: tiżgura l-assistenza lill-utenti, issolvi l-inċidenti tekniċi marbuta mas-sistemi informatiċi, issewwi l-problemi tal-hardware u tas-software u tagħti pariri adattati;

—

Tiġġestixxi l-applikazzjonijiet waqt li jkunu qed jintużaw: tiżgura l-ġestjoni taċ-ċiklu tal-ħajja tal-applikazzjonijiet tas-software personalizzati jew speċjalizzati, inklużi l-manutenzjoni evoluttiva, it-taħriġ u l-appoġġ, kif ukoll it-twettiq ta’ testijiet immirati li jiggarantixxu l-funzjonalità u s-sigurtà tagħhom;

—

Tiġġestixxi s-sigurtà informatika u tal-informazzjoni: tiddefinixxi u timplimenta approċċi u miżuri maħsuba biex jipproteġu s-sistemi informatiċi, id-data u r-riżorsi tal-IT tal-organizzazzjoni kontra t-theddid u l-vulnerabbiltajiet; tiddisinja arkitetturi informatiċi siguri, tidentifika l-vulnerabbiltajiet, twettaq testijiet ta’ sigurtà u tippromwovi s-sensibilizzazzjoni għall-prattiki t-tajba fil-qasam taċ-ċibersigurtà, kif ukoll l-implimentazzjoni ta’ miżuri ta’ protezzjoni xierqa;

—

Tiġġestixxi l-proġetti informatiċi: tippjana, twettaq u tissorvelja l-proġetti biex jintlaħqu l-objettivi speċifiċi fil-limiti tar-restrizzjonijiet iddefiniti ta’ portata, skadenzi, baġit u kwalità; tiżgura l-ippjanar, l-implimentazzjoni, l-allokazzjoni tar-riżorsi, il-ġestjoni tar-riskji u l-komunikazzjoni mal-partijiet ikkonċernati;

—

Tissorvelja u tikkoordina l-analiżi operattiva: tifhem il-bżonnijiet u l-objettivi operattivi u ssarrafhom f’soluzzjonijiet informatiċi adattati; tiżgura l-ġbir u l-analiżi tal-bżonnijiet, tiffaċilita l-komunikazzjoni bejn il-partijiet ikkonċernati u tifformula rakkomandazzjonijiet ta’ soluzzjonijiet teknoloġiċi effikaċi.