(1)

(2)

(3)

(4)

(5)

(6)

(7)

(8)

(9)

(10)

(11)

(12)

(13)

(14)

(15)

(16)

(17)

“fattur tal-emissjonijiet tas-CO2”, f’tCO2/MWh, tfisser il-medja ponderata tal-intensità tas-CO2 ta’ elettriku prodott minn fjuwils fossili f’żoni ġeografiċi differenti. Il-piż jirrifletti t-taħlita fil-produzzjoni tal-fjuwils fossili fiż-żona ġeografika kkonċernata. Il-fattur tas-CO2 huwa r-riżultat tad-data dwar l-emissjonijiet tal-ekwivalenti tas-CO2 tal-industrija tal-enerġija diviż bil-ġenerazzjoni elettrika grossa bbażata fuq il-fjuwils fossili f’TWh. Għall-finijiet ta’ dawn il-Linji Gwida (*1), iż-żoni huma definiti bħala żoni ġeografiċi (a) li jikkonsistu f’sottoswieq akkoppjati permezz ta’ skambji tal-enerġija; jew (b) li fihom ma tkun teżisti l-ebda konġestjoni ddikjarata u, fiż-żewġ każi, il-prezzijiet tal-iskambju tal-enerġija kull siegħa skont is-suq ta’ jum bil-quddiem fiż-żoni li jkunu juru diverġenzi fil-prezzijiet f’EUR (permezz ta’ rati tal-kambju ta’ kuljum tal-BĊE) ta’ massimu ta’ 1 % f’għadd sinifikanti tas-sigħat kollha f’sena. Din il-varjazzjoni reġjonali tirrifletti l-importanza tal-impjanti tal-fjuwils fossili għall-prezz finali stabbilit fis-suq tal-operaturi u r-rwol tagħhom bħala impjanti marġinali skont il-mertu. Biss il-fatt li jsir negozju tal-enerġija elettrika bejn żewġ Stati Membri ma jfissirx awtomatikament li dawn jikkostitwixxu reġjun supranazzjonali. Minħabba n-nuqqas ta’ data relevanti fil-livell subnazzjonali, fiż-żoni ġeografiċi jinkludu t-territorju sħiħ ta’ Stat Membru wieħed jew aktar. Abbażi ta’ dan, iż-żoni ġeografiċi li ġejjin jistgħu jiġu identifikati: Spanja u l-Portugall; il-Litwanja, il-Latvja u l-Estonja; il-Ġermanja u l-Lussemburgu; il-Bulgarija u r-Rumanija; u l-Istati Membri l-oħra kollha separatament. Il-fatturi tas-CO2 korrispondenti reġjonali li japplikaw bħala valuri massimi meta l-Istat Membru notifikanti ma jkunx stabbilixxa valutazzjoni tal-fattur CO2 abbażi tas-suq skont il-punt (11) hawn taħt, huma elenkati fl-Anness III. Stat Membru jista’ jitlob lill-Kummissjoni tikkalkula l-fattur ta’ emissjonijiet tas-CO2 abbażi tad-data disponibbli fl-2026 u tista’ tinnotifika l-fattur tal-emissjonijiet tas-CO2 li jirriżulta bħala emenda għall-iskema. Il-fattur ta’ emissjonijiet tas-CO2 aġġornat jista’ japplika għall-kostijiet imġarrba mill-2026. Il-fattur tal-emissjonijiet tas-CO2 aġġornata ma għandu l-ebda effett fuq il-fattur tal-emissjonijiet tas-CO2 ta’ Stati Membri oħrajn kif inhu elenkat fl-Anness III. Sabiex is-sorsi tal-elettriku jitqiesu l-istess, u tiġi evitata l-possibilità ta’ abbużi, is-sorsi kollha ta’ provvista tal-elettriku (l-awtoġenerazzjoni, il-kuntratti għall-provvista tal-elettriku jew il-provvista tal-grilja) u l-benefiċjarji kollha tal-għajnuna fl-Istat Membru kkonċernat japplika għalihom l-istess fattur ta’ emissjonijiet tas-CO2. Jekk il-fattur ta’ emissjonijiet tas-CO2 reġjonali massimi imniżżel fl-Anness III ikun, minn tal-anqas, 15 % anqas mill-fattur ta’ emissjonijiet tas-CO2 reġjonali massimu li tniżżel qabel f’dak l-Anness jew il-fattur ibbażat fuq is-suq approvat qabel l-1 ta’ Jannar 2026, l-Istat Membru kkonċernat jista’ jinnotifika perjodu tranżitorju biex, mill-2026, jiċċaqlaq mill-fattur ta’ emissjonijiet tas-CO2 reġjonali massimu applikabbli qabel lejn fattur ta’ emissjonijiet tas-CO2 reġjonali massimu aġġornat ta’ dawn il-Linji gwida għas-sena t, fi stadji ta’ tnaqqis ugwali kull sena. Il-fattur ta’ emissjonijiet tas-CO2 reġjonali massimu aġġornat imniżżel fl-Anness III għandu japplika għal mhux aktar tard mis-sena t = 2030;

(*1)  Dawn il-Linji gwida ma jikkwalifikawx bħala strumenti leġiżlattivi u għalhekk il-Kumitat Konġunt taż-ŻEE ma għandux għalfejn jinkorporahom fil-Ftehim ŻEE. L-awtorità ta’ Sorveljanza tal-EFTA hija responsabbli biex tistabbilixxi r-regoli rilevanti applikabbli għall-Istati tal-EFTA, inkluża l-metodoloġija għall-istabbiliment tal-fatturi tas-CO2.” "

(18)

“Sabiex jiġi limitat ir-riskju ta’ distorsjoni tal-kompetizzjoni fis-suq intern, l-għajnuna trid tiġi limitata għal setturi li huma esposti għal riskju ġenwin ta’ rilokazzjoni tal-emissjonijiet tal-karbonju minħabba kostijiet indiretti sinifikanti li jiġġarrbu effettivament b’konsegwenza tal-kostijiet tal-emissjonijiet ta’ gassijiet serra li jingħaddew fil-prezzijiet tal-elettriku. Għall-fini ta’ dawn il-Linji Gwida, jitqies li jeżisti riskju ġenwin ta’ rilokazzjoni tal-emissjonijiet tal-karbonju jekk il-benefiċjarju jkun attiv f’settur elenkat fl-Anness I. Settur jew sottosettur li ma jkunx imniżżel fl-Anness I li madankollu jkun jissodisfa l-kriterji li se jiġu inklużi fl-Anness (*2), jista’ jitqies eliġibbli wkoll dment li l-Istati Membri jagħtu prova ta’ dan b’data rapreżentattiva tas-settur jew sottosettur fil-livell tal-Unjoni, ivverifikata minn espert indipendenti abbażi ta’ perjodu ta’ żmien ta’ mill-inqas l-aktar tliet snin riċenti ta’ minn meta jkun hemm data disponibbli. Jekk l-Istati Membri jkun biħsiebhom jestendu l-iskemi rispettivi tagħhom biex jinkludu kwalunkwe settur jew sottosettur ġdid, huma jridu jinnotifikaw kwalunkwe emenda bħal din lill-Kummissjoni. Fl-iskemi tagħhom l-Istati Membri jistgħu jipprevedu impenn li fil-futur jinkludu s-setturi jew is-sottosetturi addizzjonali kollha li l-eliġibbiltà tagħhom tkun intweriet minn Stat Membru ieħor u tkun ġiet approvata mill-Kummissjoni, u li jinfurmaw lill-Kummissjoni bi kwalunkwe inklużjoni bħal din.

(*2)  Dawn il-kriterji ta’ intensità tal-kummerċ ogħla minn 20 % u intensità tal-emissjonijiet indiretta ogħla minn 0,32 kg CO2/EUR, jirriżultaw f’indikatur ta’ rilokazzjoni tal-emissjonijiet tal-karbonju indiretta ogħla minn 0,064. Il-metodoloġija hija deskritta f’aktar dettall fid-dokument ta’ ħidma tal-persunal tal-Kummissjoni SWD (2020) 190 final.” "

(19)

“L-għajnuna tkun proporzjonata u jkollha effett negattiv limitat biżżejjed fuq il-kompetizzjoni u l-kummerċ jekk ma taqbiżx it-80 % tal-kostijiet indiretti tal-emissjonijiet imġarrba għas-setturi elenkati fit-Tabella 1 tal-Anness I u l75 % fir-rigward tas-setturi elenkati fit-Tabella 2 tal-Anness I jew kwalunkwe settur ieħor meqjus eliġibbli skont il-proċedura stabbilita fil-punt (21). Il-parametru referenzjarju tal-effiċjenza fil-konsum tal-elettriku jiżgura li l-appoġġ għall-proċessi ta’ produzzjoni ineffiċjenti jibqa’ limitat u jżomm l-inċentiv għat-tixrid tal-aktar teknoloġiji effiċjenti fl-użu tal-enerġija.”

(20)

“Billi għal xi setturi l-intensità tal-għajnuna hija ta’ 80 % għas-setturi elenkati fit-Tabella 1 tal-Anness I u 75 % għas-setturi elenkati fit-Tabella 2 tal-Anness I jew kwalunkwe setturi oħrajn li jitqiesu eleġibbli skont il-proċedura stabbilita fil-punt (21) ma huwiex se jkun biżżejjed li tiġi aċċertata protezzjoni xierqa kontra r-riskju tar-riallokazzjoni tal-emissjonijiet tal-karbonju, meta jkollhom bżonn, l-Istati Membri jistgħu jillimitaw l-ammont tal-kostijiet indiretti li jkunu jridu jitħallsu fil-livell tal-intrapriżi għal 1,5 % tal-valur miżjud gross tal-intrapriża kkonċernata fis-sena t. Il-valur miżjud gross tal-intrapriża jrid jiġi kkalkolat bħala fatturat, biż-żieda miegħu tal-produzzjoni kapitalizzata, kif ukoll ta’ introjtu operazzjonali ieħor, biż-żieda jew bit-tnaqqis tat-tibdil fl-istokks, biż-żieda tal-akkwisti ta’ oġġetti u servizzi (li ma għandhomx jinkludu l-kostijiet tal-persunal), bit-tnaqqis ta’ taxxi oħra fuq il-prodotti li jkunu marbuta mal-fatturat li iżda ma jkunux jistgħu jitnaqqsu, mingħajr id-dazji u t-taxxi marbuta mal-produzzjoni. Inkella, dan jista’ jiġi kkalkulat mis-surplus operattiv gross billi jiżdiedu l-kostijiet tal-persunal. L-introjtu u n-nefqa fil-kontijiet tal-kumpanija li jiġi kklassifikat bħala finanzjarju jew straordinarju huwa eskluż mill-valur miżjud. Il-valur miżjud skont l-kost tal-fattur jiġi kkalkulat fil-livell gross, minħabba li l-aġġustamenti fil-valur (bħad-deprezzament) ma jitnaqqsux (*3).

(*3)  Il-kodiċi 12 15 0 fil-qafas legali stabbilit mir-Regolament (KE) Nru 295/2008 tal-Parlament Ewropew u tal-Kunsill tal-11 ta’ Marzu 2008 dwar statistika strutturali kummerċjali (ĠU L 97, 9.4.2008, p. 13).” "

(21)

(22)

(23)

(24)

“Mill-1 ta’ Jannar 2026 sal-31 ta’ Diċembru 2030, se jiġu applikati fatturi ta’ emissjonijiet tas-CO2 u żoni ġeografiċi aġġornati. Fl-2026, il-Kummissjoni se tissupplimenta dawn il-Linji Gwida b’parametri referenzjarji tal-effiċjenza tal-konsum tal-elettriku li jkopru s-setturi li jiżdiedu mal-lista ta’ eliġibbiltà tas-settur emendata fl-Anness I u l-aġġustament li jindirizza d-duplikazzjonijiet tal-manifattura tal-fertilizzanti u tal-komposti tan-nitroġenu u għall-estrazzjoni minerarja tas-setturi tal-minerali tal-ħadid bejn l-għajnuna skont dawn il-Linji Gwida u l-obbligu li ċ-ċertifikati jiġu ċeduti skont ir-Regolament (UE) 2023/956 tal-Parlament Ewropew u tal-Kunsill (*4) għall-emissjonijiet indiretti (*5). Konsegwentement, l-Istati Membri jridu jemendaw, fejn meħtieġ, l-iskemi rispettivi tagħhom sabiex iġibuhom konformi ma’ dawn il-Linji Gwida kif emendati.

(*4)  Ir-Regolament (UE) 2023/956 tal-Parlament Ewropew u tal-Kunsill tal-10 ta’ Mejju 2023 li jistabbilixxi mekkaniżmu ta’ aġġustament tal-karbonju fil-fruntieri (ĠU L 130, 16.5.2023, p. 52, ELI: http://data.europa.eu/eli/reg/2023/956/oj)."

(*5)  Dan ikun l-każ meta prodotti bħal dawn ikunu elenkati fl-Anness I ta’ dak ir-Regolament, iżda mhux fl-Anness II ta’ dak l-istess Regolament.” "

(25)

“Il-Kummissjoni tipproponi l-miżuri xierqa li ġejjin lill-Istati Membri skont l-Artikolu 108(1) tat-Trattat dwar il-Funzjonament tal-Unjoni Ewropea:

(26)

(27)

(28)