1.   

Fis-26 ta’ Novembru 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Morliny Foods Holding Limited (ir-Renju Unit) indirettament proprjetà sħiħa ta’ WH Group Limited (“WH Group”, iċ-Ċina),

—	Reinhard Wolf GmbH & Co.KG, u Wolf Nürnberg Immobilien GmbH & Co. KG (il-“Konċentrazzjoni fil-Mira”, il-Ġermanja).

WH Group se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv tal-konċentrazzjoni fil-Mira kollha kemm hi.

Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—	WH Group hija kumpanija li topera globalment involuta fit-trobbija tal-bhejjem u l-qtil ta’ ħnieżer u ta’ pollam kif ukoll l-ipproċessar u d-distribuzzjoni ta’ laħam frisk tal-majjal u tal-pollam u prodotti tal-laħam tal-majjal u tal-pollam ipproċessati ppakkjati,

—	Il-Konċentrazzjoni fil-Mira hija prinċipalment attiva fil-manifattura u l-ipproċessar ta’ prodotti tal-laħam fl-Ewropa, l-aktar fil-Ġermanja.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12199 – WH GROUP / ENTITITES OF THE WOLF GROUP

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË