Rikors ippreżentat fis-26 ta’ Settembru 2025 – Novomatic v EUIPO – Euro Games Technology (100 SUPER HOT)

(Kawża T-669/25)

(C/2025/5982)

Lingwa tar-rikors: l-Ingliż

Partijiet

Rikorrent: Novomatic AG (Gumpoldskirchen, l-Awstrija) (rappreżentant: W. Mosing, avukat)

Konvenut: L-Uffiċċju tal-Proprjetà Intellettwali tal-Unjoni Ewropea

Parti oħra quddiem il-Bord tal-Appell: Euro Games Technology Ltd (Sofija, il-Bulgarija)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: il-parti l-oħra quddiem il-Bord tal-Appell

Trade mark kontenzjuża kkonċernata: ir-reġistrazzjoni internazzjonali li tindika l-Unjoni Ewropea għat-trade mark figurattiva 100 SUPER HOT – Reġistrazzjoni internazzjonali Nru 1 421 881 li tindika l-Unjoni Ewropea

Proċedimenti quddiem l-EUIPO: proċedimenti ta’ kanċellazzjoni

Deċiżjoni kkontestata: id-deċiżjoni tal-Ewwel Bord tal-Appell tal-EUIPO tat-28 ta’ Lulju 2025 fil-Każ R 2451/2024-1

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata bil-konsegwenza li l-EUIPO jilqa’ t-talba tar-rikorrenti għal dikjarazzjoni ta’ invalidità u b’hekk jirrevoka t-trade mark kontenzjuża għat-territorju tal-Unjoni Ewropea;

—	tikkundanna lill-EUIPO u lil Euro Games Technology Ltd, jekk din tal-aħħar tintervjeni bil-miktub, għall-ispejjeż sostnuti mir-rikorrenti, inklużi dawk sostnuti fil-kuntest tal-proċedimenti quddiem il-Bord tal-Appell.

Motiv invokat

Ksur tal-Artikolu 60(1)(a) flimkien mal-Artikolu 8(1)(b) tar-Regolament (UE) 2017/1001 tal-Parlament Ewropew u tal-Kunsill.