—

minn naħa, huwa minnu li dawn id-dispożizzjonijiet jimponu tnaqqis (definittiv) tat-taxxa Ġermaniża fuq id-dħul mill-kapital ta’ 15 % fuq id-dividendi ddistribwiti mill-kumpannija b’responsabbiltà limitata (iktar ’il quddiem “GmbH”), indipendentement mill-ammont tas-sehem ta’ kumpannija omm Ġappuniża b’kapital azzjonarju,

—

iżda, min-naħa l-oħra, il-limitazzjoni invokata mir-rikorrenti fir-rigward tat-taxxa fuq id-dħul mill-kapital tista’ sseħħ biss għaliex ir-rikorrenti għandha sehem ta’ mill-inqas 25 % fil-GmbH distributriċi u titlob ir-rimbors sħiħ tat-taxxa Ġermaniża fuq id-dħul mill-kapital minbarra l-benefiċċju ta’ eżenzjoni tat-taxxa Ġappuniża ekwivalenti għal 95 % tad-dividendi,

—

sabiex ir-rikorrenti titlob, għall-konċentrazzjoni li hija tifforma mal-GmbH, eżenzjoni sħiħa tad-dividendi, simili għal dik tas-suq intern, bħal fil-kamp ta’ applikazzjoni tal-Artikolu 5 tad-Direttiva 90/435/KEE (1), kif emendata bid-Direttiva 2006/98/KE (2)?

—

il-ġbir tat-taxxa f’ras il-għajn finali fil-forma tat-taxxa Ġermaniża fuq id-dħul mill-kapital fuq id-dividendi, skont id-dispożizzjonijiet magħquda tal-punt 2 tal-Artikolu 32(1) tal-KStG u tal-Artikolu 10(2) tal-Konvenzjoni Ġermanja-Ġappun 1966 jikkostitwixxi, fiċ-ċirkustanzi ta’ dan il-każ, restrizzjoni fuq il-moviment liberu tal-kapital tar-rikorrenti, ikkawżata mir-Repubblika Federali tal-Ġermanja, meta

—

minn naħa, it-taxxa Ġermaniża fuq id-dħul mill-kapital miġbura fuq id-dividendi tista’ wkoll, sa mill-1 ta’ April 2009, titnaqqas u tiġi rrimborsata fil-kalkolu tat-taxxa ta’ kumpanniji omm residenti, u

—

min-naħa l-oħra, qabel l-1 ta’ April 2009, skont l-Artikolu 23(2) tal-Konvenzjoni Ġermanja-Ġappun 1966, ir-rikorrenti setgħet tnaqqas kompletament it-taxxa Ġermaniża fuq id-dħul mill-kapital mit-taxxa tal-kumpanniji Ġappuniża,

—

iżda mill-1 ta’ April 2009 dan ma għadux possibbli għas-sempliċi fatt li d-dividendi mill-GmbH lir-rikorrenti huma 95 % eżenti għall-finijiet tat-taxxa dovuta mir-rikorrenti abbażi ta’ eżenzjoni Ġappuniża ġdida introdotta?

a)

Il-ġbir definittiv tat-taxxa Ġermaniża fuq id-dħul mill-kapital skont id-dispożizzjonijiet magħquda tal-punt 2 tal-Artikolu 32(1) tal-KStG u tal-Artikolu 10(2) tal-Konvenzjoni Ġermanja-Ġappun 1966 jista’ jiġi ġġustifikat minn raġunijiet imperattivi ta’ interess ġenerali fil-forma ta’ tqassim tad-drittijiet ta’ tassazzjoni fuq id-dividendi skont l-Artikolu 10(2) tal-Konvenzjoni Ġermanja-Ġappun 1966?

b)

Il-ġbir definittiv tat-taxxa Ġermaniża fuq id-dħul mill-kapital jista’ jiġi ġġustifikat mill-fatt li r-rikorrenti ma tistax tibbenefika mill-eżenzjoni mit-taxxa fuq id-dħul mill-kapital flimkien mal-eżenzjoni tad-dividendi fil-Ġappun, peress li dan ikun vantaġġ fiskali doppju?

—

minbarra l-preżentazzjoni ta’ ċertifikat tat-taxxa Ġermaniża li jikkonferma l-ġbir tat-taxxa fuq id-dħul mill-kapital, ir-rikorrenti għandha wkoll tindika f’euro l-ammont tat-taxxa Ġermaniża fuq id-dħul mill-kapital li ma jistax jitnaqqas fil-Ġappun mit-taxxa fuq il-kumpanniji Ġappuniża matul is-sena ta’ riferiment fir-rigward tad-dividendi kkontestati, b’tali mod li r-rimbors għandu jingħata biss meta l-informazzjoni pprovduta mir-rikorrenti tkun ġiet ivverifikata mill-Bundeszentralamt für Steuern (l-Uffiċċju Ċentrali Federali tat-Taxxi, iktar ’il quddiem il-“BZSt”) jew meta din l-informazzjoni tkun ġiet ikkonfermata mill-BZSt permezz ta’ skambju ta’ informazzjoni mal-awtoritajiet tat-taxxa Ġappuniżi;

—

filwaqt li, kumpannija omm b’kapital azzjonarju residenti għandha tipproduċi biss, għall-finijiet tat-tnaqqis tat-taxxa fuq id-dħul mill-kapital, waqt il-kalkolu tat-taxxa fuq il-kumpanniji Ġermaniża, dikjarazzjoni tal-awtoritajiet tat-taxxa Ġermaniżi dwar il-ġbir u l-ħlas tat-taxxa fuq id-dħul mill-kapital?