Notifika minn qabel ta’ konċentrazzjoni

(Każ M.12136 – EURAZEO / CME / PROTEOR)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2025/5888)

Fit-22 ta’ Ottubru 2025, il-Kummissjoni rċeviet notifika ta’ konċentrazzjoni proposta skont l-Artikolu 4 u wara riferiment skont l-Artikolu 4(5) tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Eurazeo S.E. (“Eurazeo”, Franza), kumpaniji kkwotata,

—	Crédit Mutuel Equity SCR S.A.S. (“CME”, Franza), ikkontrollata minn Confédération Nationale de Crédit Mutuel (Franza),

—	Holding Proteor S.A.S. (“Proteor”, Franza).

Eurazeo u CME se jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Proteor kollha kemm hi.

Il-konċentrazzjoni titwettaq permezz tax-xiri ta’ ishma.

L-attivitajiet kummerċjali tal-impriżi kkonċernati huma li ġejjin:

—

Eurazeo hija kumpanija ta’ investiment ikkwotata li għandha l-kwartieri ġenerali tagħha f’Pariġi, Franza, b’portafoll ta’ diversi biljuni ta’ euro f’assi diversifikati. L-għan tagħha huwa li tidentifika, taċċellera u ttejjeb it-trasformazzjoni potenzjali ta’ kumpaniji ta’ kull daqs li tinvesti fihom. Dan għandu tliet attivitajiet ewlenin: ekwità privata, dejn privat u assi reali,

—

CME hija parti mill-grupp Crédit Mutuel, bank u grupp tal-assigurazzjoni Franċiż attiv fis-servizzi bankarji korporattivi u bl-imnut kif ukoll f’attivitajiet tal-assigurazzjoni tal-ħajja u mhux tal-ħajja. Il-grupp Crédit Mutuel fl-aħħar mill-aħħar huwa kkontrollat mill-Confédération Nationale de Crédit Mutuel. Is-CME jiġbor flimkien l-attivitajiet ta’ ekwità privata tal-grupp Crédit Mutuel. Huwa jipprovdi appoġġ kapitali lill-maniġers fl-istadji kollha tal-iżvilupp tal-kumpaniji tagħhom, mill-bidu sat-trasferiment,

—

Proteor hija attiva fil-produzzjoni u l-provvista ta’ tagħmir u komponenti ortotiċi u prostetiċi lil prostetisti u ortotisti ċċertifikati u lil pazjenti fl-UE u f’pajjiżi terzi. Sa ċertu punt, Proteor toffri wkoll servizzi diġitalizzati lill-prostetisti u lill-ortotisti biex ifasslu u jimmanifatturaw ortotiċi u prostetiċi. L-attivitajiet ewlenin ta’ Proteor jinsabu fi Franza.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil partijiet terzi interessati jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12136 — EURAZEO / CME / PROTEOR

Il-kummenti jistgħu jintbagħtu lill-Kummissjoni b’email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.