1)

Id-Direttiva tal-Kunsill 93/13 KEE tal-5 ta’ April 1993 dwar klawżoli inġusti f’kuntratti mal-konsumatur (1), il-prinċipju ta’ effettività tad-dritt tal-Unjoni, u l-prinċipju ta’ saħħa vinkolanti tal-kuntratti, impliċitament stabbilit mid-Direttiva 93/13 u mill-ġurisprudenza tal-Qorti tal-Ġustizzja tal-Unjoni Ewropea, għandhom jiġu interpretati fis-sens li jippermettu jew jirrikjedu n-nuqqas ta’ applikazzjoni ta’ regola tad-dritt intern li tipprojbixxi lill-qorti milli tevalwa u tissanzjona l-ksur mill-bank ta’ klawżola ta’ kuntratt ta’ kreditu immobiljari, li tirrigwarda l-kundizzjonijiet ta’ xoljiment tal-kuntratt mill-bank fil-każ ta’ inadempjenza tal-mutwatarju, f’sitwazzjoni fejn, wara li l-bank kien iddikjara l-iskadenza tat-terminu, il-garanti professjonali ta’ dan il-kreditu jkun wettaq il-ħlas tad-dejn mitlub mill-bank lill-konsumatur?

2)

Id-Direttiva 93/13, u l-prinċipju ta’ effettività tad-dritt tal-Unjoni, għandhom jiġu interpretati fis-sens li jippermettu jew jirrikjedu li tiġi kkonstatata n-natura inġusta ta’ klawżola li tipprevedi, f’kuntratt ta’ kreditu immobiljari, li l-konsumatur għandu jħallas il-garanzija pprovduta minn garanzija professjonali, meta l-konsumatur ma jkunx informat li l-ħlas tad-dejn mill-garanti, f’sitwazzjoni fejn il-konsumatur ma huwiex informat li l-ħlas tad-dejn mill-garanti, fil-każ ta’ inadempjenza tal-mutwatarju, ser jirriżulta f’rimedju personali għall-garanti kontra l-mutwatarju, u b’hekk kwalunkwe ksur tad-dispożizzjonijiet tal-kuntratt ta’ kreditu u kwalunkwe ksur tad-dritt tal-konsum, nazzjonali u tal-Unjoni, possibbilment imwettaq mill-mutwant, ma jkunx jista’ jiġi infurzat kontra l-garanti?