Digriet tal-Qorti Ġenerali tad-19 ta’ Settembru 2025 – Syndicat National des Artistes Tatoueurs et des professionnels du tatouage u Auville vs Il-Kummissjoni

(Kawża T-294/24)  (1)

(Responsabbiltà mhux kuntrattwali - Ambjent u protezzjoni tas-saħħa tal-bniedem - Restrizzjonijiet fuq sustanzi fil-linka tat-tatwaġġi u tal-make-up permanenti - Regolament (UE) 2020/2081 - Dannu reali u ċert - Rikors manifestament infondat fid-dritt)

(C/2025/5712)

Lingwa tal-kawża: il-Franċiż

Partijiet

Rikorrenti: Syndicat National des Artistes Tatoueurs et des professionnels du tatouage (Étampes, Franza), Cyril Auville (Pariġi, Franza) (rappreżentant: F. Di Vizio, avukat)

Konvenut: Il-Kummissjoni Ewropea (rappreżentanti: R. Tricot u K. Mifsud-Bonnici, aġenti)

Partijiet intervenjenti insostenn tal-konvenuta: Ir-Renju tad-Danimarka (rappreżentanti: C. Maertens u M. Jespersen, aġenti), L-Aġenzija Ewropea għas-Sustanzi Kimiċi (rappreżentanti: M. Heikkilä, W. Broere u N. Herbatschek, aġenti)

Suġġett

Permezz tar-rikors tagħhom ibbażat fuq l-Artikolu 268 TFUE, ir-rikorrenti jitolbu kumpens għad-dannu li huma allegatament ġarrbu minħabba l-adozzjoni tar-Regolament tal-Kummissjoni (UE) 2020/2081 tal-14 ta’ Diċembru 2020 li jemenda l-Anness XVII tar-Regolament (KE) Nru 1907/2006 tal-Parlament Ewropew u tal-Kunsill dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH) rigward is-sustanzi fil-linka tat-tatwaġġi jew fil-make-up permanenti (ĠU 2020, L 423, p. 6, iktar ’il quddiem ir-“Regolament kontenzjuż”). Barra minn hekk, huma jinvokaw, bis-saħħa tal-Artikolu 277 TFUE, eċċezzjoni ta’ illegalità tar-Regolament kontenzjuż.

Dispożittiv

1)	Ir-rikors huwa miċħud.

2)	Is-Syndicat National des Artistes Tatoueurs et des professionnels du tatouage u Cyril Auville huma kkundannati jbatu, minbarra l-ispejjeż tagħhom, dawk sostnuti mill-Kummissjoni Ewropea.

3)	Ir-Renju tad-Danimarka u l-Aġenzija Ewropea għas-Sustanzi Kimiċi (ECHA) għandhom ibatu l-ispejjeż rispettivi tagħhom.

---

(1)   ĠU C, C/2024/4971, 19.8.2024.