Il-Ġurnal Uffiċjali
ta'l-Unjoni Ewropea
MT
Is-serje C
|
|
Il-Ġurnal Uffiċjali |
MT Is-serje C |
|
C/2025/5438 |
20.10.2025 |
Talba għal deċiżjoni preliminari mressqa mit-Tribunale Amministrativo Regionale per la Sicilia (l-Italja) fid-29 ta’ Lulju 2025 – Soces Srls vs Ministero della Difesa, Aeronautica Militare – 3 Reparto Genio
(Kawża C-518/25, Soces – II)
(C/2025/5438)
Lingwa tal-kawża: it-Taljan
Qorti tar-rinviju
Tribunale Amministrativo Regionale per la Sicilia
Partijiet fil-kawża prinċipali
Rikorrent: Soces Srls
Konvenut: Ministero della Difesa, Aeronautica Militare – 3 Reparto Genio
Domandi preliminari
|
1) |
L-Artikolu 57(2) tad-Direttiva 2014/24/UE tal-Parlament Ewropew u tal-Kunsill tas-26 ta’ Frar 2014 dwar l-akkwist pubbliku u li tħassar id-Direttiva 2004/18/KE (1) għandu jiġi interpretat fis-sens li jipprekludi leġiżlazzjoni nazzjonali (bħall-Artikolu 94(6) tad-decreto legislativo [n.] 36/2023) (id-Digriet Leġiżlattiv Nru 36/2023) li jipprevedi, b’riferiment għan-nuqqas ta’ osservanza tal-obbligi dwar il-ħlas tal-kontribuzzjonijiet tas-sigurtà soċjali, li l-estinzjoni, il-ħlas jew l-impenn tal-ħlas iridu jkunu saru qabel l-iskadenza tat-terminu għas-sottomissjoni tal-offerta? |
u, jekk ir-risposta għad-domanda preċedenti hija fis-sens li d-dispożizzjoni nazzjonali hija kompatibbli mad-dritt Komunitarju:
|
2) |
L-Artikolu 57 tad-Direttiva 2014/24 għandu jiġi interpretat fis-sens li jipprekludi leġiżlazzjoni nazzjonali (bħall-Artikolu 94(6) tad-Digriet Leġiżlattiv Nru 36/2023) li timponi l-esklużjoni awtomatika ta’ operatur ekonomiku għal irregolaritajiet fil-kontribuzzjonijiet tiegħu, mingħajr il-possibbiltà ta’ regolarizzazzjoni sussegwenti, anki fejn l-operatur ikun irregolarizza l-pożizzjoni tiegħu qabel l-għoti finali tal-kuntratt? |
(1) ĠU 2014, L 94, p. 65, rettifiki fil-ĠU 2015, L 275, p. 68, fil-ĠU L, 2023/90063 u fil-ĠU L, 2025/90115.
ELI: http://data.europa.eu/eli/C/2025/5438/oj
ISSN 1977-0987 (electronic edition)