1)

L-Artikolu 24 tad-Direttiva 2014/41/UE (2) tal-Parlament Ewropew u tal-Kunsill tat-3 ta’ April 2014 dwar l-Ordni ta’ Investigazzjoni Ewropew f’materji kriminali sa fejn jipprevedi li l-awtorità emittenti tista’ wkoll toħroġ [Ordni ta’ Investigazzjoni Ewropea (OIE)] għall-finijiet li tisma’ persuna taħt investigazzjoni jew imputat permezz ta’ vidjokonferenza jew trasmissjoni awdjoviżiva oħra, moqri fid-dawl tal-premessi 24 u 26 tal-istess direttiva, jippermetti l-ħruġ ta’ EIO għas-seduta permezz ta’ vidjokonferenza ta’ imputat li jinsab fil-libertà fl-Istat ta’ eżekuzzjoni għall-iskop li tiżgura l-preżenza u l-parteċipazzjoni tagħha fil-proċeduri kriminali li jkunu għaddejjin fl-Istat emittenti?

2)

Jekk ir-risposta għall-ewwel domanda hija fl-affermattiv, minflok [Mandat ta’ Arrest Ewropew (MAE)] “proċedurali” diġà maħruġ għall-uniku skop li jiżgura l-parteċipazzjoni tal-konvenut fil-proċeduri fl-Istat emittenti, l-awtorità ġudizzjarja eżekutorja tista’ titlob l-irtirar tal-MAE u l-ħruġ ta’ [OIE] għas-smigħ permezz ta’ vidjokonferenza tal-imputat sabiex tiżgura l-preżenza u l-parteċipazzjoni tiegħu fil-proċeduri kriminali li jkunu għaddejjin fl-Istat emittenti?

3)

Jekk ir-risposta għat-tieni domanda hija fl-affermattiv, l-awtorità ġudizzjarja tal-Istat emittenti għandha twettaq l-irtirar tal-MAE u l-ħruġ minfloku ta’ [OIE] għas-smigħ bil-vidjokonferenza tal-imputat sabiex tiżgura l-preżenza u l-parteċipazzjoni tiegħu fil-proċeduri kriminali li għaddejjin fl-Istat emittenti?

4)

Jekk ir-risposta għat-tieni domanda hija fin-negattiv, meta l-akkużat iddikjara li jixtieq ikun preżenti fil-proċeduri kriminali li għaddejjin fl-Istat emittenti u l-avukati tiegħu żguraw li ser jakkumpanjaw lill-imputat għas-seduta tal-proċeduri kriminali quddiem il-qorti tal-Istat emittenti, jista’ jew għandu dak l-Istat jirtira l-MAE?