Talba għal deċiżjoni preliminari mressqa mill-Amtsgericht Dresden (il-Ġermanja) fis-7 ta’ Lulju 2025 – Ersatz-Pilot GmbH vs Ryanair DAC

(Kawża C-444/25, Ersatz-Pilot)

(C/2025/5205)

Lingwa tal-kawża: il-Ġermaniż

Qorti tar-rinviju

Amtsgericht Dresden

Partijiet fil-kawża prinċipali

Rikorrent: Ersatz-Pilot GmbH

Konvenut: Ryanair DAC

Domanda preliminari

Il-Qorti tal-Ġustizzja tal-Unjoni Ewropea hija adita b’rinviju sabiex tingħata risposta għad-domanda dwar:

—

jekk, skont l-Artikolu 4(4) tar-Regolament (KE) Nru 861/2007 tal-Parlament Ewropew u tal-Kunsill tal-11 ta’ Lulju 2007 li jistabbilixxi Proċedura Ewropea għal Talbiet Żgħar (1), il-formola tat-talba ma tkunx imtliet sewwa fil-każ li l-formola stess ma tinkludix dikjarazzjoni tar-raġunijiet għat-talba, iżda r-rikorrent sempliċement jirreferi għal anness insostenn tat-talba?

—	jekk talba li sempliċement tirreferi għal anness insostenn tagħha għandhiex tiġi miċħuda bħala inammissibbli?

---

(1)   ĠU 2007, L 199, p. 1, rettifika fil-ĠU 2015, L 141, p. 118.