1.   

Fil-21 ta’ Awwissu 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	ICG plc (“ICG”, ir-Renju Unit),

—	Gala Investment (“Gala”, Franza), ikkontrollata mill-familja Zeitoun.

ICG u Gala se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ Magellan Partners (“Magellan”, Franza), attwalment ikkontrollata minn Gala.

Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—	ICG hija maniġer tal-assi alternattivi globali f’ekwità strutturata u privata, dejn privat, assi reali u kreditu,

—	Gala hija kumpannija azzjonarja kkontrollata mill-familja Zeitoun. Hija għandha interessi f’kumpaniji tal-proprjetà ċivili (Sociétés Civiles Immobilières – SCI), kif ukoll ishma minoritarji f’kumpanija ta’ investiment u f’sussidjarji tal-Magellan Group.

3.   

L-attivitajiet kummerċjali tal-impriża Magellan huma dawn li ġejjin: Magellan huwa grupp ta’ servizzi ta’ konsulenza u tal-IT li jispeċjalizza fil-konsulenza organizzazzjonali u fis-sistemi ta’ informazzjoni, primarjament attiv fi Franza.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont in-Notifika tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.

5.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12095 — ICG / GALA / MAGELLAN

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Indirizz elettroniku: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË