1)

L-aġir ikkontemplat fl-Artikolu 7 tar-Regolament Nru 1169/2011 tal-Parlament Ewropew u tal-Kunsill tal-25 ta’ Ottubru 2011 dwar l-għoti ta’ informazzjoni dwar l-ikel lill-konsumaturi, li jemenda r-Regolamenti (KE) Nru 1924/2006 u (KE) Nru 1925/2006 tal-Parlament Ewropew u tal-Kunsill u li jħassar id-Direttiva tal-Kummissjoni 87/250/KEE, id-Direttiva tal-Kunsill 90/496/KEE, id-Direttiva tal-Kummissjoni 1999/10/KE, id-Direttiva 2000/13/KE tal-Parlament Ewropew u tal-Kunsill, id-Direttivi tal-Kummissjoni 2002/67/KE u 2008/5/KE u r-Regolament tal-Kummissjoni (KE) Nru 608/2004 (1) jikkostitwixxi każijiet partikolari ta’ prattiki kummerċjali żleali li huma koperti fi kwalunkwe każ mill-Artikoli 6 et seq tad-Direttiva 2005/29/KE tal-Parlament Ewropew u tal-Kunsill tal-11 ta’ Mejju 2005 dwar prattiċi kummerċjali żleali fin-negozju mal-konsumatur fis-suq intern li temenda d-Direttiva tal-Kunsill 84/450/KEE, id-Direttivi 97/7/KE, 98/27/KE u 2002/65/KE tal-Parlament Ewropew u tal-Kunsill, u r-Regolament (KE) Nru 2006/2004 tal-Parlament Ewropew u tal-Kunsill (Direttiva dwar Prattiċi Kummerċjali Żleali) (2) u suġġett, bħala tali, anki għall-Artikoli 11 et seq ta’ din id-direttiva u għal-leġiżlazzjoni ta’ traspożizzjoni nazzjonali, jew inkella, bil-kontra ta’ dan, dawn jifformaw sistema awtonoma li l-applikazzjoni tagħha, jiġifieri l-implimentazzjoni (“enforcement”) tagħha, ma tistax tkun ibbażata fuq l-imsemmija direttiva iżda hija rregolata biss, fil-każ tal-Italja, mid-Digriet Leġiżlattiv Nru 231/2017?

2)

Id-dispożizzjonijiet dwar l-aġir ikkontemplat fl-Artikolu 7 tar-Regolament Nru 1169/2011 jikkostitwixxu l-unika forma ta’ protezzjoni tal-konsumatur fil-kuntest tax-xiri ta’ prodotti tal-ikel, b’tali mod li tkun eskluża l-protezzjoni ġenerali li tirriżulta mid-Direttiva 2005/29, jew inkella, bil-kontra ta’ dan, dawn jikkontribwixxu għall-protezzjoni tal-konsumatur flimkien mad-dispożizzjonijiet tad-Direttiva 2005/29 u tal-leġiżlazzjoni nazzjonali li tittrasponiha?

3)

Fil-każ fejn l-aġir ikkontemplat fl-Artikolu 7 tar-Regolament Nru 1169/2011 għandu jiġi kklassifikat bħala prattiki kummerċjali żleali u jkun kopert mid-Direttiva 2005/29, is-sistema ta’ sanzjonijiet prevista fl-Artikolu 3 tad-Digriet Leġiżlattiv Nru 231/2017 hija ta’ natura li tiżgura effett li jista’ jiddiswadi t-twettiq ta’ aġir illegali, u b’dan il-mod tiżgura l-protezzjoni tal-konsumaturi prevista fl-Artikolu 169 TFUE, u, fi kwalunkwe każ, din hija konformi mal-Artikolu 13 tad-Direttiva 2005/29?